المساعد الشخصي الرقمي

مشاهدة النسخة كاملة : الي يبا يضعــف يدخل هنــــي الحيين



الصفحات : 1 2 3 [4] 5

المزوحي
30-07-09 ||, 04:50 PM
إن شاء الله خير ذنيني ..

دهن العود
30-07-09 ||, 06:04 PM
~ِْ

ذنيـني :~

ســـلآآمي عليـكـ [طبيـب العيـون]
لوول^_^ ,, شـد حييلكـ ,وإذآ
حــاب انـي اعطيـكـ اسـم الحبـوب , تـرآهـآ
وآيـد زينـه , ونصيـحه منـي جربهـآ , دآم انـكـ جربـت
كـل شـي عسـب تظـعف P: ,,

وانـآ عـن نفسسـي مسستعيـله ابـى ارد البـلآآد
بـس للآسسـف مـآشي حجـوزآآت :(
ادعـولي ارد قبـل 10-8 ابـى اشـد حييلـي قبـل رمضـآن :(

احـس فـ رمضـآن مـآشي فـآيدة من الـدآآيت قد مـآ سوينـآ وتعبنـآ


لـي عـوده
دهـن العـود


~ِْ

ذنـيـنـي
31-07-09 ||, 02:29 AM
صرطت حبوب لين ما قلت بس لول
كنت اسير عند د نيوترشن و اخذ الحبوب مالهم
ميجا دايت و سوبر بيرنر

و في الجم جربت اكثر من نوع من الفات بيرنر
الحين ان شاء الله يفيد موضوع فحص الدم وياي
قريت اكثر من مره الصلة العجيبه بين فئة الدم و نوعية الاكل المناسبة
و كيف انه الاكل يتفاعل بطرق مختلفه بين شخص و شخص

دهن العود
31-07-09 ||, 05:03 AM
~ِْ

سبححـآن اللـه ,,
تـوني اعــرف سـآلفة الفحـص .!!

اللـه يوفقـك ان شـآء اللـه , خبرنـآ شـو بيستـوي
ويـآكـ




~ِْ

أنامل قلب
31-07-09 ||, 04:04 PM
أخوي ذنيني ، أحس ما يباله كل هذا ^^"

بس لا تستعيل النتايج ..

أنامل قلب
31-07-09 ||, 08:09 PM
على فكره نزلت كيلو ما شاء الله لول ^^"
ماقدرت أستحمل ، جان أوزن عمري اليوم !

يالله عقبال ما أنزل كيلوين زياده ، وفوقهم بعد كيلوين ،
وابـ جي بوصل للوزن اللي بخاطري ..!

,

حاليا متشدده أكثر غصبا علي مب بكيفي بما إني مرتبطه ابـ شي ،
زين جي لمن تلقون شي يحثكم ويحمسكم عشان توصلون للي تبونه ..

خففت وايد من سالفة الـ "خرابيط" ، حتى لمن نسير مثلا كوفي شوب
ما آخذ راحتي ، أطلب لي مثلا عصير برتقال ومعاه عادي شي خفيف ،
بمعنى ثاني ، ما أحرم نفسي بالمره بعد ..

ما قمت آكل حلويات مثل أول ، وأحاول ألجأ لأشيا تسدني وتغنيني ،
مثلا إني أشرب ماي أكثر + شريتلي حليب اكتيفيا أمس وتوني شربته وكملته غصب ^^"
+ خذتلي من هالحلويات مال المص ، اللي يكونون شكر فري ، جي القوطي احمر بنكهة الفراولة
"مثلثات صغيره منقطه " .. + اشرب شاي اخضر مره باليوم جي الفليل بحدود الساعه 12 ،
وابـ نفس الوقت الحمدلله امشي واسو رياضه خفيفه بشكل ممكن نقول عنه يومي ..

+ اتغدا واتعشى مثل أول ..

وووو للحين ماعرف أتريق عدل ، اللهم اذا باكل تفاحه ولا موزه ،
+ واااااايد احب التمر والرطب ، بس الحين الجأ له كـ تعويض عن السكريات الثانيه
بس ما آخذ راحتي فيه مثل قبل ، كنت عادي آكل فوق العشر حبات لول ^^"
الحين لا بس 7 ، وحلو جي تحسون عماركم خفاف ، ومرات أحس بيوع بس ما آكل شي ،
لأني كنت معوده نفسي كل شوي آكل شي ، وبالمقابل أكلي الأساسي ضعيف !

وهيك يعني ، بس قلت أعطيكم فكره يمكن أشجع أحد =]

~

المزوحي
31-07-09 ||, 08:24 PM
أنامل كلامج بيشجعني أنا للمره الثانية، مب تراني قلت بحط لي وقت محدد وأنزل كم كيلو

لنفرض قلت لين 15/8 أبغي أنزل 3 كيلو فأحاول إني فعلا أنزل

أما عن الشاي الأخضر فأشربه مره وأودر أسبوع ... :ohboy:

أنامل قلب
31-07-09 ||, 08:33 PM
^ باذن الله بتنزل ، بس للمره المليون ، حااااااااااول تصير صحي أكثر ،
وبعدين عن الشاي الأخضر ، ليش ماتشربه عالأقل يوم اي ويوم لا ..!

المهم انك كل شي تفكر فيه تاخذه من باب إن هذا صحي وهذا العكس ،
ما تحرم نفسك بالمره ، وابـ نفس الوقت تأدي حق جسمك عليك بإنك تلتزم أكثر بالأشيا اللي ما تضرك ..

+ نسيت شي مهم ، المشروبات الغازيه !
قبل كنت اشربه بزياده ، الحين جان بشرب أقل من نص قلاص ..

والله بتحس إنك خفيف ونشيط وصحي ومرتااااح جسديا ..

,

لا تخلينا نرد نسألك فتقولنا ماشي تغيير ،
ترى بنسلط عليك أخوانا ، خطاب من صوب وذنيني من صوب :fa38: ..

مو بالضروره تكون نازل خمس كيلو ،
بس عالأقل تكون حاس بإنك صرت مرتاح أكثر :smile: ..

المزوحي
31-07-09 ||, 08:42 PM
لالا لا

أنامل عني أنا ما أشرب ( مشروبات غازية ) نادر إذا سفن آب والحين ودرته بعد :m_9admah:

زين شو رايج نحدد وقت أنا اوأنتي ونقول لين تاريخ 5/8 ننزل نص كيلو ونشوف ، هنيه التحدي بيكون غييييير :devil:

وعقب ناخذ 5 أيام غيرهم وننزل نص كيلو بعد :woot:

لأنه لو قلنا كيلو عقب 10 أيام بنشوف هالأيام بعيده ويمكن نتكاسل .. :m_atmasha:

وإلا تعتقدين نص كيلو مالتج غير عن نص كيلو مالتي :fa56:

أنامل قلب
31-07-09 ||, 08:59 PM
^ لول يايه بقول بعد ، زين انك قلتها روحك بالأخير ههه ..

اذا كنت اخوي صاحب وزن زايد فأكيد بيختلف :fa46: :fa46: :fa46: ..!

,

اذا تبي تحدد تاريخ فما يخالف ،
بس أكيد حاجتك بتختلف عن حاجتي ،
والسرعه كذلك ، عالأغلب كلما كان الشخص أمتن
كل ما كانت مقدرته على انه يخسر أسرع > وهذا بيكون لصالحك ،
إذا كنت يعني جي فيك صحه زايده ..

اممم انزين ، بما اني اوريدي نزلت كيلو ،
فـ بنوي أنزل بعد كيلو إلين 5 / 8 ..!

ولا تتعامل بالنص كيلو ، خلنا نمشي على كيلو كيلو :14: ..

المزوحي
31-07-09 ||, 09:00 PM
ما يستوي أنا تميت اسبوعين، ونزلت نص كيلو، كيف تبيني خلال 5 أيام أنزل كيلو :look:

بس أنا مب متين أختي، لكن أبغي جسمي يكون مرتب .. :k_blush-anim-cl:

أنامل قلب
31-07-09 ||, 09:02 PM
عيل انا شلون نزلت كيلو خلال أقل من 5 أيام ..!

أنامل قلب
31-07-09 ||, 09:06 PM
هو الصراحه بيني وبينكم ، مب شي الريال يكون ضعيف ،
بس انتو ادرى بالنهايه بأوزانكم ، وبعدين ما بيضرك أخوي انك تصير صحي ،
بغض النظر من الوزن إذا كنت ناوي تنزل ولا ناوي تزيد ..

وجان على الترتيب فـ الرياضه حلوه =)

المزوحي
31-07-09 ||, 09:08 PM
أنامل - أنا من مده شفت واحد ملامحه حلوة واللي مخرب عليه جسمه، تحسين به مايروم يمشي والسبب

الوزن، صح إنه هو متين، بس كانه جسمه من تحت أعرض .. اللهم لك الحمد والشكر ..

وفي ناس أشوفهم يلبسون لبس مرتب بس الكرشه تكون مخربه ..

فهمتي عليّه ؟؟؟

وبعدين نويت اشتري ميزان يديد ... اللي عندي مب اكيورت

أنامل قلب
31-07-09 ||, 10:12 PM
ربي يعافيهم ، ويعافينا جميعا ..

الزرعوني
01-08-09 ||, 01:11 AM
تبون وصفة الاكل عندي و كيف نزلت وزني ؟

خذوا التالي


الريوق :-

اختار واحد من التالي :

1- بيض مسلوق .. تاكلونه بدون شي .. حتى بدون خبز + شاي حليب بس (و هذا اكثر شي كنت اكله )
2- جبن حلوم او جبن ابيض قليل الدسم .. وبدون خبز .. + شاي حليب




الغدا :

اختاروا واحد من التالي :

1- صحن تكة لحم من مطعم كل و اشرب ( و هذا اكثر شي كنت اكله ) و سعره معقول . 15 درهم .. بس خذوه بدون بطاط
2- لحم مشوي 200 غرام
3- صدر دياي مشوي .. و شلوا الجلد






المغرب :

و هاي الوجبة ابدآ لا تهملونها لانها وايد مهمة .. يعني بين الساعه 5 لين 6


1- حبة تفاحة ( و هذا اللي كنت اكله )
2- جريب فروت
3- شاي حليب
4- بسكوت بدون سكر + شاي احمر
5- شيبس low fat كنت ماخذنه من نيوترشن او عندكم شبس مسافي .. مافيه كالوري وايد





العشاء :-

1- تونة بالماي ( مب تاخذون اللي بالزيت ) شوية ملح عليه و بالعافية
2- سلطة
3- حبات زيتون مع جبن ابيض و نص خبز اسمر



و هذا اللي اتذكره

عاد شوفوا .. لاااااااااا تقربون من الاشياء اللي بذكرها




- الموز سواء عصير ولا فاكهة
- التمر خففوا
- الطمااااااااط لانه يحبس السوائل فالجسم
- الكولا و ربعه
- حليب او لبن كامل الدسم .. خذوا قليل الدسم
- باستا
- الكافي و اهواله ( بونتي و تويكس الخ )







و اللي عليكم صدقوني بس سيكل او مشي سريع لمدة ساعه او 45 دقيقة كل يوم ( 5-6 مرات بالاسبوع )


و حطوا في بالكم .. مب كم مشيت .. كم طولت بالمشي هو الصح .. بس في نفس الوقت لا تركضون و تلعبون بسرعه .. ولا على راحتكم جنكم تتمشون في مول ..


صدقوني خلال شهر واحد بـــــــــــــس .. اتبعوا النظام اللي خبرتكم عنه .. و اتحداكم اذا ما طلعتوا بنتايج انتوا ما كنتم تتوقعونها ..



اللي بيجرب يخبرني و عقب يقولي بالنتيجة

تجربتي


01.06.2009 وزني 88

15.07.2009 وزني 78


ولله الحمد ..

قصايد غلا
01-08-09 ||, 01:19 AM
الزرعوني : شكرررررررررررااااً على الوصفة:vertag: .. بجرّبها و بخبّرك

أحينه عندي إجازة و إن شاااء الله أقدر ألتزم


=====================




أنا وزني ينزل الحمدلله بس لأني وااااااايد أخربط "فرابتشينو على ككاو على آيس كريم على كم حبة زلابيا مال فيفـــــل اللي بيني وبينه حـــب مب طبيعي" هالأشيا تخلي وزني ما ينزل كل اسبوع كيلو =(

أنا مشكلتي في الإجازة أحينه كل مرة نتيمّع في مكان "بيت حد من أهلي" و عيييييب أتشرّط أقول مابا هذا ومابا هذااااك :k_harhar1:

و يوم أطلع لاااااازم أبدا بــ زيارة ستاربكس :shutup: ما أقدر أتجاااااااااااهل شوفته:rolleyes:

الزرعوني
01-08-09 ||, 01:26 AM
حتى اكون صريح ..

كمن مرة كسرت الرجيم .. لكن في نفس الوقت .. ما كسرته و انا بايعنها .. يعني كلت نص الاكل اللي متعود عليه

و هذا دافع علشان تتحمسين اكثر للرجيم


و نسيت اضيف شي .. لاااااااااااازم تشربون ماي 1.5 لتر يوميييييييييآ

تبون تعرفون شو حسيت بعد تجربة الرجيم و بالذاااااات الماي ؟


1- انش الصبح خفيييييييف
2- انش الصبح مب مصدع ( كنت اعانيه من سنيييييين )
3- ماحس بجفاف ابدا خصوصا منطقة الشفايف و الخشم ( يعني ماشي زجام )
4- عزكم الله مدر البول صار اريح .! اكتشفت ان وايد ناس يتبهدلون و حرقان لان ما نشرب ماي ابدآ !
5- اختفى الامساك عزكم الله لان البطن صار لين ( و انا كنت اعاني منه من سنيييييييين )
6- قبل الاكل بنص ساعه اشربوا ماي لين تشبعون .. صدقوني ما بتاكلون نص كمية الاكل اللي كنتوا تاكلونها قبل




بعد ما شفتوا الفوايد . بتقلون ان لتر و نص وايد ؟

قصايد غلا
01-08-09 ||, 01:59 AM
الماي عادي اشرب لترين منه .. الحمدلله

الأكل بمشي عليه لأنه كللللله أمره هيّن

بس الريااااااضــة :k_special2: ويييين اللي بيلتزم بها :10:



أنا دكتورتي تعطيني نظام 1200 سعرة حرارية "أحسسسسس إن الأكــل واااااااااااايد" أكثررررريه أطنشه :biggrin: أحس إني بموت لو كلته كله :boxed:


و عن الرياضة ، قمت أمشي و شدّيت حيلي و استاااانسسسست من الخاطر لمدة أسبوع تقريبا

و يوم وزنت تمت تتحرطم عليه هالدكتورة و كرّهتني بالرياضة وكل شي :a058:

جان أأدبها وما سرت لها :tounge: .. أحين ناوية أتحدّاهاااااااا و ما أخليها تتحرطم يوم بترد من السفر :fa51:


بنزل إن شا الله أكثر من اللي هي تباه :k_blush-anim-cl:

مــهــابه
01-08-09 ||, 02:08 AM
اليـوم آكلم آربيعتي نزلـت 17 كيـلو خـلال شهرين طرشـت لي نظام الرجيم اللي كانت تتبعه + كانت تمشي ع الرمله دووووم

ماشاء الله عـليهـا ، عندهــا عزيمه واصـرار ، احس اهم شي ف " الرجيم " ان الانسان يكون مصمم ع الشي اللي يبيغيه

خصـوصـاً الاشخاص اللي يحالون ينزلون اكثر من 10 كيلـو

انا شخصيـاً يوم كنت اسوي الرجيم واريد انقص بين 3 أو 4 كيلـو ، صح اني اقـدر انزلهم ف شهر أو اقل لكن حسيييت المسأله نفسيه أكثر من انها " تخفيف أكل " => ليش انا آكل شرات الآوادم اصـلاً

وشي ثـآني الريـآضه



~ الله يوفقكم يـآرب وتوصلون للوزن المثــآلي


~ رمش :

والله يــبـآلج ضرب ، انتي لو نزلتي كيلو واحد زياده يعني خلاص اختفيتي =P

قصايد غلا
01-08-09 ||, 02:25 AM
مهابتــ:fa41:ـــي : ماشا الله على ربيعتج .. يلا عقبااااااااال ما أوصل للوزن اللي أبـــاه قبل العيد :fa46:

صدقج أهم شي العزيمة

مــهــابه
01-08-09 ||, 02:27 AM
قصودتي :

ان شاء الله بـــتوصلين :)

قصايد غلا
01-08-09 ||, 02:31 AM
الله يسمع منج مهابتي :12:

الهيثــم
01-08-09 ||, 03:16 AM
أنا عن نفسي ما اقدر ع الرجيم القاسي ... رجيمك وايد قاسي يالزرعوني ، ذبحتني وانا اقرا ، كيف لو اطبقه

الحمدلله عندي القدرة إني أنزل وزني بالرياضة مع تقليل الأكل شوي ..
لأن الزيادة عندي كانت بسرعة ، فـ النزول بيكون بسرعه كذلك ..
والأمور طيبة ..

من الأشياء إلي ما استغنى عنها

حليب نوق + رطب + سلطة + الغدا وجبة كاملة بس مع تقليل شوي طبعا + شرب الماء بكثرة + شاي أخضر + عشا خفيف ، ومرات ما أتعشى ومرات نفتح شوي ، لزوم الطلعة أو شي من هالقبيل ..

والحمدلله من بديت الرياضة ، سويت أربعة أيام .. واليوم ما سويت كنت في المزرعة ..
وباجر إن شاء الله بسوي .. وربنا ييسر الامور ..

المزوحي
02-08-09 ||, 08:42 PM
أنامل بالرغم إني هالفترة واااااااااايد قمت أحافظ من ناحية الأكل، بس مانزل وزني غير كيلو، بس بخبرج بشي

تراني آخذ دواء وهذا يزيد من الوزن، وحتى الدكتور قال نفس الكلام أمس، لا تتحريني اتهرب لا

بصمد بإذن الله - :)

دهن العود
02-08-09 ||, 09:59 PM
~ِْ

اللـه يوفقكم جميعـآ يـآرب
وان شـآء اللـه تـوصلـون للـوزن
اللـي تطمحـون لـه ,, فـآقـرب وقـت.


جـوود لكـ

~ِْ

أنامل قلب
03-08-09 ||, 05:39 AM
أخوي خطاب ، ماله داعي تاخذ ابـ نظام أخوي الزرعوني ، بس خفف من الـ ست سندويتشات لـ 3 لول ..
أخوي المزوحي / اها ، ما من شر ان شاء الله ! / وزين زين يوم انك نزلت كيلو ، مو انا بعدني معلقه ^^"

,

اليوم سويت شي شنيع من زووووود ما كنت يوعانه ، اصلا واااااااايد مستويه ايوووووع بطريقة مو طبيعية ،
لأني متعوده اخربط وايد بالأكل ، يعني من النوع اللي كل شوي تاكل !

بس اليوم صدق صدق صدق وصلت حدي ، اوني ما ابي اتعشى ومن الصوب الثاني خربتها بزياده ،
سويتلي ع طبق من فضه سندويتشة سليس بو طابقين "3 شرايح" بعد ما شققت اطرافهم ،
وحطيت فيهم كل أنواع الجبن والخضار مما لذ وطاب :mf_leia: !

قطعتهم لـ اربع قطع "4 مكعبات" ، وجبيتلي نص قلاص شاتي ^^"

ووقتها كانت رفيجتي داقه علي ، فـ من زود ما اني يوعانه أقولها شلون اني ما ابي صحني يخلق بسرعه ،
قاعده آكل شوي شوي لول ، احاتي اوصل للقمة الأخيره / عافانا الله مجاعه :tongue: ..

والغريب اني ماحسيت بعمري ثقيله بالعكس ، كان خاطري بلقمتين بعد زياده :fa38: ،
والله حسيت عوضت شوي ، شو ها بسم الله مب يوع يسو فيني كل ها :whistling: ..!

البلوه اني ما اقدر اسو العكس بحيث اني اخفف من الوجبات الاساسية وازيد شوي من الخرابيط ،
مو من زود أكلي الأساسي ، يعني مثلا ماروم اجسم الشاورما للنص ، احسه مادري دلع بايخ :mf_leia: ..!

,

مو كأن نحن صدق مانحس بالنعمه ..!

الهيثــم
03-08-09 ||, 02:22 PM
هههههههههههههههههه ^^ ضحكتيني بسالفتج ..

راحت أيام الست سندويشاات لول

..

رمــش الغـــلا
03-08-09 ||, 03:13 PM
مهـآبة

لو تشوفيني بتقولين لي لازم تنزلين [ لول ] .. صدقيييني =)


=====


انا قلت بنزل ..! بس أشـوف عمري يالسة آكل بزيـآدة
خاصة السويت ><
مع اني فترة كنت مودرة سوالف الحلويـآت والغازات ><

المزوحي
03-08-09 ||, 06:49 PM
أنامل، يقولج اللي يترك وجبة على أساس ينقص الوزن، بالعكس ماينزل ويمكن يزيد بعض ...

فكلي بانتظام بدل هاليوع شو ياج لووووول

وبعد يومين السؤال !

أنامل قلب
03-08-09 ||, 09:33 PM
أخوي خطاب ، عساها الوناسه دايمه ^___^ ..

أخوي المزوحي ، لول شفت شلون اليوع شو يسو فينا ،
بس بعد انا يمكن لأني مقاطعه سالفة نظام الخرابيط ، من جي متأثره !
مع ان احسن لي يعني أكيد ^^"

اقول طلعت نازله بعد وانا مادري P=
بس بالجرامات ، فوق النص كيلو ، وأقل من الكيلو ..!

مع العلم ان وزنت بعد ما تغديت ،
واليوم بعد دحيت بزياده لأن كان عدنا مالح :a100: ..

من زمان ما شفت هالرقم بالميزان ما شاء الله :14: ،
ويالله ان شاء الله ليـ بعد يومين اكون نزلت كيلو بالكامل ..!

اشوفكم على خير :icecream: ..

الهيثــم
03-08-09 ||, 10:10 PM
أنا سويييت ريااضة اليوم بعد .. بصرااحة رااااااااحة

بس قبل شوي كلت شي ( ذكرني بـ أنامل ) وهذا فيه سعرات حرارية عاالية لول .. وشربت قهوة ..

المزوحي
03-08-09 ||, 10:15 PM
برايك كل بس المهم تواضب على الرياضة وما تقول خلاص بقطع لأني كلت الشي الفلاني

ونحن متابعين وياكم

الهيثــم
03-08-09 ||, 10:17 PM
لا ما عليك مروااان ..

حتى إن شاء الله ناوي في رمضان قبل الفطور أسوي رياضة بعد .. لأن فالليل ما شي وقت ..

أنامل قلب
03-08-09 ||, 10:17 PM
^ انزين قول شوللي كلته ، لا تخاف :fa38: ..








لول ..

الهيثــم
03-08-09 ||, 10:21 PM
اتذكري اللقب إلي حطيتيه على عمرج أيام المافيا ..

أنامل قلب
03-08-09 ||, 10:23 PM
خخخ ..

لا ومع قهوه بعد ، صار بخاطري والله لول ..

الهيثــم
03-08-09 ||, 10:26 PM
حيااج اقربي ،

أنامل قلب
03-08-09 ||, 10:34 PM
لا شكرا ^^"

المزوحي
05-08-09 ||, 03:56 PM
أنامل اليوم تاريخ 5/8 وقلنا بنشوف كم نزلنا ، عن نفسي تميت مثل ما أنا

أنا انتي شكلج زدتي كيلوين من الحلويات اللي تاكلينها

المزوحي
05-08-09 ||, 07:13 PM
سرت خذت ميزان

http://oasis.bindubai.com/bin/uploaded/3336_01249485118.jpg (http://oasis.bindubai.com/bin)


http://oasis.bindubai.com/bin/uploaded/3336_11249485118.jpg (http://oasis.bindubai.com/bin)

أنامل قلب
05-08-09 ||, 10:05 PM
أنامل اليوم تاريخ 5/8 وقلنا بنشوف كم نزلنا ، عن نفسي تميت مثل ما أنا

أنا انتي شكلج زدتي كيلوين من الحلويات اللي تاكلينها


لا احليييـــــــلي ، وانا شوللي ميوعني طول اليوم غير اني خففت واااااااايد من سالفة الخرابيط /
او بالأصح ماقمت اخربط من حددنا التاريخ ^^" / لا وفوق هذا ولله الحمد نزلت تقريبا كيلو زياده ..!

انا معروفه اصلا بخرابيطي ، حتى اذكر مره زميله لي بأيام الثنويه العامه تقولي : أنامل قلب اتمنى اشوفج مره
وانتي مو قابضه معاج شي من هالحلويات "كنت قاعده آكل كتكات لول ^^" / اونه كيف جي تاكلين وما تمتنين مثلنا :fa55: ..

لأنها احليلها جي فيها صحه بزياده ، بس صدق صدق صدق واااااايد استفدت من هالمداخلات الأخيره
واللي خلتني أفج وايد عن سالفة الخرابيط .. ! / حتى كنت قبل لمن اخفف من الحلويات اصدع مثلا ،
او لو عندي شي جدي بشتغل عليه لااااازم اكون ماكله من هالخرابيط ، وابـ نفس الوقت وايد اخبص بالأكل :glare: !"

امممم مادري لازلت حابه انزل ليـ اوصل للوزن اللي أبيه ،
وابـ نفس الوقت ما يضرني لو ثبت على هالوزن !

ان شاء الله انزل اكثر مع الأيام ^^"

بس ها ، وانتو ليش مانزلتو ، مو عساس انك نازل أصلا كيلو ؟!
ليكون تقصون علينا ، تخلونا ننزل وانتو مطنشين السالفه :k_icon9: ..

الهيثــم
05-08-09 ||, 10:17 PM
أنا ما با أوزن إلا ع التاريخ إلي حاطنه في بالي ..

المزوحي
05-08-09 ||, 10:21 PM
خــّطاب من البداية قال: إنه بيوزن في تاريخ معين، أما أنا يا أخت أنامل، الوزن ثبت عندي حاليا وهذا الشي متعبني نفسيا

وخبرتج ، إنه الدواء اللي آخذه يزيد الوزن، لكن مابرد على الدواء أو بتجاهل الموضوع، بالعكس بستمر في ميسرة

انقاص الوزن .. والحين بنشوف تاريخ 10/8 وإلا حابه تغيرين شي !

الهيثــم
05-08-09 ||, 10:23 PM
شو الرياضة الي تمارسها مروااان ؟

المزوحي
05-08-09 ||, 10:26 PM
خــّطاب ما أمارس شي مول، خففت الأكل + أحاول أمشي في الدوام، أقصد اتحرك وااااايد

بس الفترة الأخيرة يوم مشيت صدق نزلت وبيّن عليّه ووايدين قالوا لي .. يعني لاحظوا هالشي ..

الحين من الحر وقفت المشي والوزن زاد ... :(


وعلى فكره، النوم يكون أريح وأحس بعمري خفيف :k_no:

الهيثــم
05-08-09 ||, 10:28 PM
مممممممممم ... إذا تقدر تمشي المغرب وايد أوكي ..
مب مشكلة ، صح الجو حاار ، وبتكره عيشتك ، بس بيعها بشرف أخوي ..
والبس لك لبس رياضة وجوتي وانت بكرامه ، ورووح ، 45 دقيقة ... يوميا .. واايد أوكي ..

المزوحي
05-08-09 ||, 10:31 PM
خــّطاب .. خلاص ببتدي من يوم الأحد إن شاء الله، وبخبركم بالنتايج

الهيثــم
05-08-09 ||, 11:23 PM
إن شاء الله ،، وربي ييسر لك الأمور ..

أنامل قلب
05-08-09 ||, 11:50 PM
ناطرين نتايجكم عيل =)

دهن العود
06-08-09 ||, 04:01 AM
~ِْ

انـآمل ..
مبـرووكـ غنـآتي ع الكيلـو ^^
اهـم شـي انـه فـي شـي تغيـر
ونـزلتي ولو كيلـو وآحد

عقبـآل مـزوحي وخطـآب
وانــآآ ^^" ..

ابــى احـس حـد نـزل مـن خـآطر
عسـب اشـد حيلـي ..


بإنتظـآر النتـآيج



~ِْ

مزن هتان
06-08-09 ||, 04:21 AM
الزرعوني الصراحه يحمس الواحد بس مش أنا

بالبركه أنامل عـ الكيلو اللي نزلتيه

و مزن تقول لـ نفسها "عشم بليس بالجنه"

الهيثــم
07-08-09 ||, 03:54 AM
المزوحي // الله يوفقك عزيزي ..

دهن العود // بخبرج بالنتايج في التاريخ إلي حددته .. وإن شاء الله بتتحمسين .. بإذن لله ..

أنامل قلب
07-08-09 ||, 11:43 PM
تسلمــــووون خواتي ، وعني بتم مستمره عـ نفس النظام ،
لأن شكلي كلما أقصر فيه أبدي أحس إني برد الكيلو اللي خسرته بالأخير ^^"

أبي أشوف لو استمريت جي هل بيتم وزني ثابت ولا بيقل ، ولا بيزيد لا سمح الله =#

,

اللي يحس حاليا بانه مو قادر يسو أشيا تنزل من وزنه ،
خله عالأقل يبتعد عن الأشيا اللي تضره + لا يستعيل النتايج ..

ودمتــم سالمين :fa38: ..

أنامل قلب
09-08-09 ||, 08:49 PM
احيييــــــــــــم !

الزرعوني
10-08-09 ||, 12:30 AM
ها بشري شو سويتي عن الرجيم ؟

أنامل قلب
10-08-09 ||, 01:52 AM
ماشي ، بس خبصت الدنيا :m_afaker: ..!"

شكله الوزن عندي مو طايع يثبت ، شوي يرد يرتفع ، وشوي يرد ينزل ، وهكذا ، زين اني بكل الاحوال تحت الخط الاحمر :k_special2: !
بس حلو هالاحساس ، لمن يتمون يقولولك ما شاء الله ضعفانه ، شو هالرشاقه .. / :14: ..

ان شاء الله بس ما أرد هالكيلوين اللي نزلتهم بالأخير ،
الصراحه اليوم صدق خبصت ، احس عادي ازيد كيلوين مره وحده ^^"

,

والبقيه بشرونا ..!؟

الهيثــم
10-08-09 ||, 03:23 AM
أنا حاس بتحسن الحمدلله ، وأبشركم إنه التغذية عندي ممتازة .. يعني ما شي رجيم قااسي ..

المزوحي
10-08-09 ||, 07:51 AM
أنامل ... شو قلنا نحن !


خطّاب زين ماشاء الله عليك ... واصل

أنامل قلب
10-08-09 ||, 02:43 PM
^ لا بس أمس خبصت ^^"

بس ها بشرنا ، شوهي تطوراتك اليديده أخوي ..!

,

أخوي خطاب ، زين زين ،
وباذن الله بتلقى نتايج تسرك ~ ..

الهيثــم
10-08-09 ||, 03:16 PM
المزووحي ،، خبرنا عنك مروان ، وين وصلت .. ومتى ناوي تبدا المشي ؟ أحيدك قلت بتبدا الأحد ..

أنامل قلب // اتسوين رياضة ولا بس تغيير النظام الغذائي ؟

أنامل قلب
10-08-09 ||, 03:33 PM
اسو بس عالخفيف ^^"

يعني عالاغلب مشي يوميا + تمارين الاستبس ماسويها بشكل يومي / من اتفيج لول ..

الهيثــم
10-08-09 ||, 03:47 PM
وااايد زين والله
استمري

المشي صدق مفيييد

المزوحي
10-08-09 ||, 06:41 PM
خطّاب بديت أمس بس هلكت من الحر، لكن 20 دقيقة بس

أنامل لاتستحين أسألي ، وإلا أنا بجاوب نقصت كيلو بس !

الهيثــم
10-08-09 ||, 08:15 PM
صدقك ، واايد حرر .. بس نستااهل ، منو قالنا ناكل وما نحاسب لول
الحين متوهقين بهالجو ، بس تأثير الرياضة الحين أكثر من ف الشتاااا ..
يوم أشوف ويهي ف المنظرة عقب الرياضة ما عرف عمري لول

ما عليه المهم اتسوي
وحاول تزيد ، لين توصل 40 دقيقة أو 45 دقيقة ..

المزوحي
10-08-09 ||, 08:20 PM
لا .. من يلسة المكتب في الدوام، مشكلة شغلنا كله كمبيوتر !

الهيثــم
10-08-09 ||, 08:23 PM
اليلسة ف المكتب ، واستخدام اللفت 24 ساعة ، والسيارة حتى لو المسافة بسيطة ، هاي كلها امور تعين وتساعد عالزيادة ..

المزوحي
10-08-09 ||, 08:32 PM
اكيد، بس بديت اوقف الموتر بعيد يوم اسير مكان، خاصة المولات عادي عندي اوقف بعيد مش ضروري جريب الباب

وفي الدوام، كل ربع ساعه انش، آخذ دوره وأرد

أنامل قلب
10-08-09 ||, 08:54 PM
:fa46: ..!"

أنامل قلب
10-08-09 ||, 08:59 PM
انزين أقول ، في شي وااااايد متعبني / ألا وهو إدماني عالحلويات ..!

,

الله يسلمكم اختكم أنامل قلب مدمنة عالكاكاو ، والحلويات ككل ،
أحس إما إني آكل بزياده ، أو إني ما آكل موليه ^^"

ولمن ما آكل موليه مادري كيف جي أصدع وأحس إني مادري شلون ،
ماعرف إذا له علاقه صدق ، بس عادي من آكل هالأشيا أرد طبيعيه لول ^^"

,

:bye2: ..

المزوحي
10-08-09 ||, 09:32 PM
زين عيل أكلي بس خففي وااااااااااايد، خذي جرعات صغيره ^_^

لا تشترين حلويات وكاكاو، وإذا حد ياب، لا اتمين تطالعين .. ههه بس صدق يوم مول راسج بيعورج خذي نتفه

أنامل قلب
10-08-09 ||, 09:56 PM
^ نحن عدنا ادمان الكاكاو وراثي جنه ^^"
مو بس باهل البيت ، حتى من صوب عمي والاهل !

,

شرايكم لو نبدي ندور ع أشيا تغنينا ، تكون أقل ضرارا وأكثر صحه ..!

مو بس على سوالف الحلويات ، لو كلن منا يطرح أفكار ، أشيا لقاها ،
شغلات سواها ، بالحلويات وبالأكل ككل ..



وبعدين يالله شد حيلك أخوي ، يقولون خلاص بتعرس ^__^ ..

الزرعوني
10-08-09 ||, 11:47 PM
عاد انا من زمان ما شفت ناصر


الله لا يروايكم ردة فعله يوم شافني و كيف ضعفت هههههههههه


احس بعد هالنظرة .. شكلي بزيد 20 كيلو مب بس الا برد الـ 10 كيلوات اللي نزلتها خخخخخخخخخخ

أنامل قلب
11-08-09 ||, 04:27 AM
ما شاء الله :k_smile2: ..

مــهــابه
11-08-09 ||, 04:37 AM
الــزرعـوني :

حلــووو

انا احب جيييه ، يوم حد يتفاجئ بشكل الثــاني سواء يضعف او يمتن وخصوصاً لو كان الفرق كبير



أنـامل :

~ آكلي اللي في خاطرج بس سوي رياضه ماينفع ؟!


انا تـدرون متى امتن ؟ يوم اكون مرتاحه ومستانسه لكن لو اضايقت وحالتي النفسيه مب اوكي اضعف حتى لو كنت آكل عااادي يعني

أنامل قلب
11-08-09 ||, 05:34 AM
لا ما ينفع ، لأن الأكل اللي بخاطري بيضرني أساسا ، لو مو اليوم باجر ..!
مثل ما قلت قبل ، انا من النوع اللي يخربط بالأكل وايد ، وأحب سوالف الحلويات وايد ،
أما الوجبات الأساسيه عندي مثل ماهي ماغيرت شي ، بس صرت أحاول ما أبالغ بالأشيا اللي تضر ،
مثل المشروبات الغازية ، اشرب للحين عادي بس أقل بوايد عن قبل ..

,

إي حلو حاسه فيه ، انا اللي اللهم نزلت كيلوين هالفتره اتيني تعليقات ،
فـ اكيد اهو غير دامه نازل عشر كيلو ، أكيد بيساتس على عمره اكثر =]

الهيثــم
11-08-09 ||, 01:34 PM
أنامل قلب ~ يرحم والديج ابتعدي عن المشروبات الغاااازية .. تراااها أم الضرر ..
والحلويات ، مممم تبين بديل مفيد ! .. عليج بالرطب والتمر .. طبعا هالموسم موسم رطب .. عليج به
لكن ما يممنع إنج تاخذين جرعات خفيفة مرات على قولت مروان .. عن خاطرج يعني

بس حاولي المشروبات الغازية تمنعينها نهاااائيااااااااااا ..
واستبدليها بالحليب واللبن والعصير الطازج إلي من عمل إيدينج ^__^ وكثري من المااي ..
صدقيني بتحسين بـ فرق ...

أنا قبل كم سنة يمكن تقريبا 3 سنوات أو أكثر .. كنت أشرب ريد بول ... ونوعا ما أدمنت عليه ، وإذا ما شربته أصدع
حسيت بعمري إني يالس أسوي شي غلط وما ينفعني ، منعت عمري فترة منه ، والحمدلله اتعودت بدونه وما قمت أشربه أبد ..

حاولي تسوين جي مع المشروبات الغازية .. واستبدليه بشي حلو واتحبينه ومفيد ..

أنامل قلب
11-08-09 ||, 04:51 PM
^ بعد هالرد شكلي ما بقرب صوب المشروبات الغازية خير شر ،
خوفتني الصراحه مافيني باجر اتيني هشاشة عظام !


أصلا الحمدلله ماعندي هذا الادمان على المشروبات الغازية ، يعني عادي احب أشرب عصاير وجي ،
بس مثل ما يقولون للتنويع وابـ نفس الوقت جان يابوه عدنا بالبيت أحس "شوي" صعب إني اتفاداه ..

بس خلاص حرمت لول ..

,

وإي احب الرطب والتمر وماقصر فيهم ، وبحاول عن الحلويات أدورلي على شغلات تكون أخف عن غيرها ..!
+ زين زين يوم انك ابتعدت عن الريدبول ، أحيد مره يايبين غرشه منه بالغلط البيت ، فقلت إلا أذوقه ،
ماقدرت استغفر الله طعمه مب شي ، كيف تقول ادمنت عليه مادري ^^" ..

انزين ، ان شاء الله عمي =)

أنامل قلب
11-08-09 ||, 04:53 PM
انزين لحظه سؤال / شو نوع اللبن اللي تشربونه ..! ولا تسوونه عندكم بالبيت ..!؟

الهيثــم
11-08-09 ||, 05:07 PM
هههههههههههه ، الريد بول ، أنا نفسج بعد .. أحيد أول مرة ربيعي نزل الشيشة اشتراه ويابلي ..
ما تقبلت طعمه موووووول ... قالي ما عليك أول مرة بتحس جي ( حسسني إنه مخدرات ) ، وإني محشش مبتدأ لول
وعقب طعمه يستوي مألوف وتدمن عليه ...

اللبن أشرب منه وايد أنواع ... عندج الأكتيفيا وإلي بالحلبة والعادي ..
لا ما نسويه ف البيت ، ما عندنا بقرة لول
إلا في حالة إذا سووه بالرووب .. طبعا هاي سوالف حريم ...

أنامل قلب
11-08-09 ||, 05:19 PM
ههههه الله يسامحك ، شو بعد ماعدنا بقره ، إي أطري اللي بالروب ^^"
ذكرتني اليوم كنت انا واختي والوالد بالجمعيه ، فأشوفهم بكل جهة حاطين لبنيات ومشتقات الحليب ،
فقلت لاختي جي بصوت عالي / حشى البقر خلصو واللبن ماخلص XP

عني حاليا اشرب اكتيفيا ، بما ان لبن اب قالو عنه موزين ،
اونه بعد هالعمر طلع غير صالح للاستهلاك البشري خخخ

استغفر الله ، والله شر البلية ما يضحك ^^"

الهيثــم
11-08-09 ||, 05:21 PM
^^ إشاعة لا تصدقين ..

هاي كلها اغراءات حقج ، عشان تودرين المشروبات الغازية ، ويراااوونج اللبنيات في كل مكان ..

أنامل قلب
11-08-09 ||, 05:23 PM
^ شفت شلون ، لا بس صدق اظني خبر الـ لبن اب صحيح ،
حتى مادري شلون مره يغيرون بشكله ومره ماتلقاه ، واذكر مره تمو يطرونه
بإذاعة الشارجه ، اظني برنامج الخط المباشر ..

يالله ، بسير اتغدا .. > تو الناس !"

المزوحي
11-08-09 ||, 08:38 PM
مرات اشرب اكتيفيا بس عادة ناخذ لبن المراعي، أو الروابي، من أيام كانوا شارين لبن نادك، أما اليوم

خذت روب المراعي + لبن الروابي

أنامل قلب
11-08-09 ||, 09:21 PM
اها :yes: ..

الهيثــم
11-08-09 ||, 09:33 PM
بالعافية يالمزوحي ، اشرب حليب نوق الصبح ..

المزوحي
11-08-09 ||, 09:36 PM
يالله يالطعم خطّاب، بس بحاول !

الهيثــم
11-08-09 ||, 09:48 PM
مروان خلهم يسوون لك إياه مع الزنجبيل .. طعمه حلووو .. ومفييييد

المزوحي
11-08-09 ||, 09:56 PM
ترى أي شي مفيد ماينيرع

المزوحي
14-08-09 ||, 04:05 PM
فكرت أسوي رياضة في رمضان، تكون بداية حلوة بعد، ومن عقب التراويح .


لو كل يوم نص ساعه شي حلو، شو رايكم ؟


:doh:

مزن هتان
14-08-09 ||, 07:38 PM
^^ اقل حاجه 45 دقيقه لو تقدر
و الممشى عدكم اذا مشي بطئ "دوره وحده" تاخذ 40 الى 45 دقيقه

أنا ان شاء الله راح ابلش مشي برمضان بعد التروايح صح برجع
البيت متأخره بس صار لااااازم أضعف >.<، ما راح أكون بروحي معاي اثنين و الا 3 بنات

المقاتل
14-08-09 ||, 10:44 PM
:woot: عندي اهداء :woot:

http://www.youtube.com/watch?v=ww4tW7XmaGs&NR=1

:biggrin: عليكم بالرياضه والركض يوميا و عليكم بالدعاء :biggrin: وتوكلوا على الله

:icecream: عاده هاه اباكم تقولون رايكم بالنشيده :fa44: كنت متين ايام زمان .. بس الحمـدالله

المزوحي
14-08-09 ||, 11:07 PM
مزن شي طيب الصراحه، ولو حد بيكون ويانا يتشجع،

تسلم على الاهداء المقاتل، خلنا نشد حيلنا من الحين عيل !

أنامل قلب
14-08-09 ||, 11:31 PM
أخوي المقاتل ، حلو الاهداء ^^"
بس بسم الله عليهم وعليكم جميعا من النحافه ..

مزن ، حلو وأحس الجو بعد بيساعدكم "شوي" بهالوقت ،
أخوي المزوحي ، باذن الله ليش لا ، أصلا رياضة المشي تصحصح
وتريح الواحد ، بغض النظر عن الوزن شو يصير فيه ..

,

عني وزني حاليا ثابت ،
ازيد بالجرامات وارد انزل بالجرامات ، وهيك ..!

المزوحي
14-08-09 ||, 11:40 PM
أنامل، إذا وزنج بالغرامات بس، ينزل ويرد، اتحملي عن حلويات رمضان !

لازم نفضي لنا وقت حق الرياضة في رمضان .. وعلى فكره أصلا رمضان فرصه نريح جسمنا من الأكل اللي ناكله طول

السنه، بس مادري ليش الناس ماخذه فكره غلط، وفي رمضان تبتدي تتفنن في الاكل بزياده + الحلويات

أنامل قلب
14-08-09 ||, 11:51 PM
^ إي صح ، يتفننون أكثر والعزايم تزيد اظن ..!

اممم بس نحن بالبيت ماناكل وايد ، السحور عدنا يدحون عدل على عكس الفطور ، مووول مانحب ناكل ،
اللهم شوربه + تمر "ماقصر بالتمر والرطب" + اذا بقدر آكل فسمبوستين ولا أي شي بهالمقدار ،
واحيانا اروح اصلي واريح وعقب ارد آكل هالسمبوستين لول ، صدق احس اني بنفجر ،
يمكن لأن طول اليوم مو ماكلين شي ، مع اني قبل الفطور وايد اتعب وأيوع ..

+ من بعد التراويح إذا يعنا ناكل خفايف ، وعن الحلويات فـ اممم عني ما آكل وايد ،
أصلا ما آكل موليه ، اللهم جان رحنا ولا يو عدنا الاهل / انا المدمنه ما اشتهي الحلويات ابـ رمضان ..

هالكلام برمضان يعني ^^" / حتى أذكر رمضان اللي طاف نزلت كيلوين لول

المزوحي
14-08-09 ||, 11:52 PM
على هذا اللي تسوينه في رمضان يحتاي تنزلين أكثر، وهالمره انا بسألج كل 5 أيام من رمضان،

أنامل قلب
14-08-09 ||, 11:58 PM
^ إي أحس جي أنا بعد ^^"

بس مادري شلون ، صدق ماتحسون بثقل بعد الفطور !

إن شاء الله لو فطرت 7 تمرات وقمت من عالسفره ،
بعد أحسني ثقيييــــــــــــــله ..




عقولة اختي حشششششــّـى لول ..

ايه احبك
15-08-09 ||, 12:03 AM
اقولكم شباب بنات
حد يعرف حبوب اكسلزندر شي جي او اليي تخفف الوزن

أنامل قلب
15-08-09 ||, 12:07 AM
^ ماعرف عنهم ، بس ماسبق وسمعت أحد يمدحلي مثل هالحبوب ،
عالأغلب الكل يذم ..

وبعدين عندج بدائل حلوه ، لومي / خل / شاي أخضر ،
شغلات طبيعيه من غير لا تاخذينهم بإفراط ..

وأأمن لج =]

ايه احبك
15-08-09 ||, 01:21 AM
كم مره استعمل الخل انامل

أنامل قلب
15-08-09 ||, 01:49 AM
^ نحن عدنا بالبيت ياخذونه عالأغلب مره باليوم ،
جي يحطون بمقدار كفشه تقريبا ابـ قلاص ماي ..!

ايه احبك
15-08-09 ||, 01:50 AM
شو يسوي ايلوع بالجبد مثلا

أنامل قلب
15-08-09 ||, 02:20 AM
لا يحرق الدهون وفوايده كثيره ، بس هو يلوع بالجبد خخخ

انا الصراحه جربت اشربه وماقدرت ، بس اللي بالبيت
كلهم يشربونه ماعدا نحن اصغر اثنين بالبيت ..!

خل التفاح ..

ايه احبك
15-08-09 ||, 02:26 AM
بجربه عيل بسوي عمليه انتحاريه باجر اذا ما دخلت الواحات اسبوعين اقرو عليه الفاتحه هيهيهيه XD

أنامل قلب
15-08-09 ||, 02:39 AM
^ اويه بسم الله عليج XP
لا هو مو لهذي الدرجة بس يباله انج تتعودين عليه ^^"

ايه احبك
15-08-09 ||, 02:45 AM
الله يعين بجرب انا مب خسرانه شي بس كم يخسر في الاسبوع

أنامل قلب
15-08-09 ||, 02:55 AM
^ لازم بيكون معاه شغلات ثانيه اذا كنتي حابه تنزلين ،
ممكن يخسرج وزن بس مش متأكده ، لكنه عالأقل إذا مانزلج بيحافظ على وزنج ،
أو إنه بيقلل من احتمال انج تزيدين اكثر ، مثل ما قلت يحرق الدهون ،
لكن بعد ما يشربونه وايد لأنه حمضي بزياده وحارق ..

نحن عدنا بالبيت ما يشربونه عشان الوزن ، بس لأن فوايده أساسا كثيره ،
ومنها انه يحرق الدهون الزايده مثل ما قتلج ..

وبعدين شي على شي بيخسرج وزن باذن الله ،
إنج ما تاخذين راحتج بالأكل ، ولا تخففين بزياده بس ابتعدي عن الأشيا اللي تضرج ،
+ حاولي تمشين عالأقل نص ساعه باليوم ، وهالأشيا على بعضها بتخسرج وزن ان شاء الله =]

ايه احبك
15-08-09 ||, 03:09 AM
اممم ان شاللله ينزل الوزن عندي
شكرت انامليتو

أنامل قلب
15-08-09 ||, 03:28 AM
^^ ..

أنامل قلب
17-08-09 ||, 08:26 PM
يمي يمي ^^،

قاعده آكل هذا ، ثالث حبه !

http://img406.imageshack.us/img406/3562/getwd4.jpg

بس لازم أوقف ، عن اخبصني بزياده ..!

المزوحي
17-08-09 ||, 10:06 PM
أنامل ما يستوي تتدخلين هذا الموضوع

أنامل قلب
18-08-09 ||, 12:19 AM
^ لول

صريح
18-08-09 ||, 09:01 AM
ودرت الجم من شهرين و زاد وزني واايد
و الحين رديت الجم .. و اول شي بديت فيه
انه انزل وزني و احرق الدهون قبل ما ارد اتمرن حديد
و اهم شي العزيمه خخخخ
:4:


بديت تاريخ 8 - 8


ما اكل عيش ولا اشري مشروبات غازيه نهائيا ...
و جبتين فاليوم بس
و اشرب 3 - 4 لتر ماي يوميا ( و هالشي من قبل ، لاني وايد احب اشرب ماي بارد هههه .. 24 ساعه عرشت الماي فيدية )


اول ما انش الصبح قبل الدوام تمارين بطن 60 لين 100 مره
( اهم شي تمارين البطن اول ما تنشون لانه البطن يكون مريح و ممدود و ما فيه اكل ، فالتمرين تكون فعاليته 100% .. )


ريوق ع الساعه 10 - 12 .. ما غيرت فيه شي ..
كالمعتاد فطاير ولا معجنات و لا كرواسون

اسير الجم بعد الدوام الساعه 3 و نص .. بعد التدريب اكل Protien Bar Lite - 33% less fats

http://ecx.images-amazon.com/images/I/516F%2Btyv0AL._SL500_AA280_PIbundle-12,TopRight,0,0_AA280_SH20_.jpg


و العشاا ع الساعه 8 و نص .. سلاس اسمر و turkey و جبن قليل الدسم و عصير برتقال ولا تفاح

و بعد الـ 9 ما اكل شي و ارقد من وقت بالكثير 10 و نص
:fa37:


فالجم

يوميا مشي سريع و جري من 6 لين 8 كيلو .. بدوم ما اوقف ع المكينه
يوم ابا اريح اخف السرعه ع المكينه شوي و عقب ارد اكمل جري

بنسبه لي حاط هدف دايما اكمل الـ 8 كيلو في وقت تحت الساعه و 15 دقيقه ...
لو الوقت كان اطول يعني كنت امشي اكثر من ما اركض .. فحرق الـ Calories يكون اقل

و سيكل 15 دقيقه و مرات 5 دقايق بس حسب المزاج


من رديت الجم .. بس Cardio
ما اتمرن حدييد
بعد ما احرق اغلب الدهون الزايد برد ع الحديد
:thumbup1:


التاريـخ 8 - 8 .... الوزن : 74 كلغ
التاريخ 17 - 8 .... الوزن: 67 كلغ
:fa51:
الطول مب متأكد بس اخر مره من كمن سنه كنت 167 .. قصير خخخخ

رمــش الغـــلا
18-08-09 ||, 12:52 PM
صريح

مـآشالله عليـك ..

:a070:

أعطيك 10/10

خاصة تمارين البطن احسها الشي اللي مشى وياك صح مع نظام الاكل الصحي 100% ..

:heart:

ماشالله عليك واهم شي وصلت للوزن اللي تبـآه :fa37:

أنامل قلب
18-08-09 ||, 01:08 PM
ما شاء الله ، حلو تنظيمك واجتهادك أخوي صريح ،
بس جنه وزنك صار قليل بالنسبه لكونك ريال ^^"

مادري اختكم ماتحب كـ شكل الريال الاضعيف ،
أحس الرياييل يفضل يكونون عراض ، مو بالضروره بسبب الدهون وجي عن ينضر ،
بس شكلك ماشي صح ، لأنك ناوي عقب تبدا بالحديد وهالسوالف ، فأظني وزنك بيرد يزيد شوي ^^"

+ أكرر ، حلو تنظيمك واحتهادك ما شاء الله :yes: ..

,

عقبال اخوانا الثانيين !

المزوحي
18-08-09 ||, 03:14 PM
ماشاء الله عليك صريح، وبنشوف خطّاب شو مسوي عقب ..! :m_atmasha:


عقبالي :woot:



وين هاي اللي يسمونها أنامل قلب خلها تي تسمع

الهيثــم
18-08-09 ||, 03:52 PM
ما شاء الله عليك صريح ...

----

خــّطاب مرحباا به .. لول اتريوا عليه لين تاريخ 26/8

أنامل قلب
18-08-09 ||, 04:00 PM
صدقوني ما سمعت ...!

مزن هتان
18-08-09 ||, 04:05 PM
أنامل قلب : بس أكيد قرأتِ ؟

صريح ما شاء الله تحمسون والله
مناسب مع طولك كمان

صريح
18-08-09 ||, 08:50 PM
تسلمون كلكم ، و شدو الهمه
:a070:


اليوم 18 - 8 .. 66 كلغ
و الهدف اللي حاطنها في بالي اوصل الـ 58 كليوو

و عقب ارد اوصل 65 كليوو .. عضل
:fa51:

و بديت اتمرن حدييد خفيف " تسخين "

الهيثــم
18-08-09 ||, 10:24 PM
صــدمتني يوم قلت 58 ، قلت الحين بسير الرقة وبدور بيت بيت ..
بس زين إنك كملت ههههههههه .. هيه إذا ناوي توصله لهالوزن بالعضلات ممتاااز ..

المزوحي
19-08-09 ||, 02:41 PM
لنفرض كل يوم أمشي نص ساعه، أكيد هذا يساعد إني أخف، بس إن سرت مكان بارد، يعني أي مول ومشيت لمدة

ساعتين، اللي هو المشي العادي مب كرياضة، هل النتيجة تكون وحده ؟ وإلا يحتاي السرعه في المشي !

مايهزك ريح
19-08-09 ||, 02:46 PM
^
هذا ما يعتبر رياضه ( مشي المول ) .. لازم يكون مشي سريع .. او جري حتى لو نص ساعه !

المزوحي
19-08-09 ||, 02:55 PM
لأني نويت اسوي رياضة في رمضان، خلاص عيل بمشي عقب التراويح مثل ما قلت قبل

الزرعوني
20-08-09 ||, 02:03 AM
الا شو اخبااااااااااار الرجيم


عاد انا مسافر 9 ايام خربت ابو الرجيم .. اظن عادي زدت 3 كيلو خلال هاي الايام :D

أنامل قلب
20-08-09 ||, 11:33 PM
^ حاول تلتزم بالرياضه ،
وأخوي صريح ، بتجلطني ^^"

,

قاعده آكل نوتيلا ~ ..!

لذييييــــــــذ ..

http://img.stern.de/_content/54/45/544521/nutella400_250.jpg


بس من هذول الاصغار :

http://candylandinternational.com/images/Nutella.jpg

..!

الصراحه مارمت أقاوم ، من متى أحسه بخاطري ^^"

على فكره أحس إني رديت أعفس الدنيا ، مع إن وزني نفسه ولله الحمد ،
بس مستويه أخربط شويه بعد ما عقلت !

:k_special2: ..

أنامل قلب
24-08-09 ||, 12:33 AM
ها أشوف محد حط أخباره برمضان ..!
ان شاء الله بس أموركم طيبه جميعا ..

المزوحي
28-08-09 ||, 12:45 AM
أنامل أنا من بدا رمضان مشيت 3 مرات بس، يعني لو رمضان بدأ من اسبوع كأني مشيت 3 مرات في السبوع

بس ابغي اكثف المشي الصراحه ! شــو عــنج انت ؟

وخطّاب مادري متى بتنتهي مدته ، شكله مب فاضي في رمضان

أنامل قلب
28-08-09 ||, 12:57 AM
^ لا ، دامه شارد عن الموضوع يعني افهم يا لبيب =)
مووول ما بتكفخ ..

اها ، بس ليش جي أحسبك أخوي مو متحمس للمشي !
قبل كذا يوم رحنا الممزر نتمشى ، وكان الجو حلو والله ، يعني حتى لو بنحر مش ذاك الحر يعني ،
حتى بغينا نطول أكثر لولا الحركات الجميله / بس صدق كان الجو حلو ، مادري لأن الوقت كان متأخر ..!

اممم صدق جرب ، منت خسران ، وابـ نفس الوقت ترتاح نفسيا وتغير جو ..

المزوحي
28-08-09 ||, 01:09 AM
زين إني مشيت، بس مرات ما أحصل وقت أنامل وإلا أنا من مشجعي رياضة المشي ^_^ لا تحاتين

الأيام اليايه إن شاء الله تكون عندي القدره على المشي

أنامل قلب
28-08-09 ||, 01:12 AM
=] ..

الزرعوني
28-08-09 ||, 02:20 AM
امس رديت الجيم مرة ثانية بعد انقطاع 20 يوم تقريبا بسبب السفر :)

و الحين اسير الساعه 5 العصر ..و هذا انسب وقت للرياضة لان السكر في الجسم يكون نازل وايد و يوم تسوون رياضة يحتاج الى طاقة فياخذها من الدهون المتراكمة في الجسم :) و يحرقها

و امشي على الجهاز او على السيكل نص ساعه الى 45 دقيقة فقط :)

مــهــابه
30-08-09 ||, 04:11 AM
~ْيقـول لكم من بدأ رمضـان زايده 3 كيـلو =(

آحبــآآآآآط !


وزنت الاسبوع الماضي 48


قبل يومين 49


اليوم 50


احس اني بكسر الميزان



آطالع عمري ما احس اني متنت ، اتخبر اللي ف البيـت يقولون : لا


تـوني تسحرت وزنـت حصلت وزني 50



بنضم لـكم شكلـي ف القريب العاجل، وببدأ اسوي رجيم من عقب رمضان


:fa55:

رمــش الغـــلا
30-08-09 ||, 12:18 PM
^__^

عـيل انا عكسج ضعفت !!
مول ما آكل .. بس فالحة أطبخ واكل لقمة من كل شي هههه ..

مــهــابه
30-08-09 ||, 11:59 PM
^
رمش :

اسـتكثرت عـلى عـمري
بـعد ماكتبت هالرد ع طـول ، لـو اخبرج شو صـآر لوول

ع فكـره انا بزخ هالميزان وبكسره وبييب لي ميزان عـادي أخير لي


اليوم اوزن 49


واللـه انه مخرف ،رغـم انه ماخذينه جريب

أنامل قلب
31-08-09 ||, 12:54 AM
عني أنا مادري الصراحه ، برمضان صرت كل ما اوزن اشوف وزني نازل ،
بس اليوم لمن وزنت مره ثانيه لقيته رد عادي ، مع اني ماحس بتغيير ..!

لا أحس إني زايده ، ولا أحس إني نازله ،
الوضع عندي شبه طبيعي يعني ^^"

الزرعوني
31-08-09 ||, 01:04 PM
يا جماعه

بما ان في رمضان استغلوا وقت الرياضة


سووا رياضة الساعه 5 .. لمدة نص ساعه الى ساعه .. مشي او سيكل ..

مايهزك ريح
31-08-09 ||, 01:29 PM
^
You are reading my mind ..

مــهــابه
31-08-09 ||, 05:57 PM
الـزرعـوني :

حّـر ، وتعـب ، بيـدوخ رآسـي ، ماروووم =P


وبعدين بعطش لوول

الزرعوني
31-08-09 ||, 07:30 PM
ما يهزك ريح .. بس سوها اسبوع و شوف كم كيلو بتنزل


و نصيحة ثانية .. لا تتسحر و ترقد .. اذا انت من النوع اللي بعد الصلاة على طول يرقد .. اتسحر على الاقل الساعه 3 المسا .. او اتعشى مره وحده الساعه 12 و شي خفيف .. و الساعه 4 اشرب ماي و كل اي شي فيه شكر شوي و خلاص ..




مهابه : هذا احسن وقت .. الحر و التعب = تحرقين الدهون حرق .. و عن العطش .. تراه بعد 45 دقيقة من الرياضة بتفطرين :) .. و غير يوم بتاخذين Shower بعد الرياضة .. بيروح العطش و التعب <<-- إسأل مجرب ولا تسأل طبيب

مــهــابه
31-08-09 ||, 08:39 PM
^
زيـن
سـين سـؤال

عـادي يكون مشي ، يعـني مب " مشي سريع " أو جـري صّـح ؟!

مناير
01-09-09 ||, 12:05 AM
يا جماعه

بما ان في رمضان استغلوا وقت الرياضة


سووا رياضة الساعه 5 .. لمدة نص ساعه الى ساعه .. مشي او سيكل ..


صح كلامك

وانا مطبقتنه من بدا رمضان

يعطي نشاط وااايد

انا وزني 49 واليوم وزنت من بدايه رمضان 47

وبكمل لين آخر رمضان ان شالله
بس صدق نصيحتك حلوة

يعطيك العافية

مــهــابه
01-09-09 ||, 12:14 AM
شّجعـتوني

بأذن الله من بـآجر ببدأ آمشي نص سـآعه آو سـآعه ف الحوش من 5ونص يلين 6
~ وبنشوووف !

المزوحي
01-09-09 ||, 12:37 AM
مهابه امشي باجر في الحوش وبياكلونج على الفطور

الهيثــم
01-09-09 ||, 12:43 AM
مهابه : هذا احسن وقت .. الحر و التعب = تحرقين الدهون حرق .. و عن العطش .. تراه بعد 45 دقيقة من الرياضة بتفطرين :) .. و غير يوم بتاخذين Shower بعد الرياضة .. بيروح العطش و التعب <<-- إسأل مجرب ولا تسأل طبيب

تشرب وانت تسبح ؟؟؟

الزرعوني
01-09-09 ||, 01:37 AM
مهابه :

اذا مشي عادي .. حاولي تخلينه 45 دقيقة ..

بس مب مشي مولات :D

شدي حيلج شوي و سرعي الخطوات :)




تشرب وانت تسبح ؟؟؟

لا طبعا .. لكن بتضمضمض و بتغسل راسك و ويهك :) و ما بتحس بالعطش

قصايد غلا
02-09-09 ||, 12:17 AM
الزرعوني : ينفع السيكل ؟

قرموشة
02-09-09 ||, 01:16 AM
الزرعوني
كلامك صح 100% جربت من بدايه رمضان ولين الحين نزلت 4 كيلو ;) بس نص ساعه قبل الاذان سيكل او مشي
وما اتسحر .. بس اتعشى او حتى ما أتعشى .. اللي آكله على الفطور يسدني لين اليوم الثاني P:

الزرعوني
02-09-09 ||, 01:45 PM
قصايد غلا : ينفع ليش ما ينفع =) .. نص ساعه الى 45 دقيقة


قرموشة : شي طيب و تجربة ممتازة و 4 كيلو خلال 12 يوم احلى من الحلو .. حافظي على الرياضة ( اهم شي الرياضة ) و شوفي كيف حياتج بتتغير من كسل و خمول الى نشاط و الدنيا بتحلو في عينج =)


بس شي ملاحظة .. تفطرين خفيف و تتعشين او تتسحرين خفيف احسن من انج تفطرين وايد و اتمين صايمة لين اليوم الثاني

المزوحي
05-09-09 ||, 12:25 AM
من بدا رمضان، حافظة على أكلي، يعني وجبة الفطور + السحور شي خفيف، توصل للبن وتمر ومرات بدون تمر .

أمشي مرتين في السبوع، لكن الوزن مثل ماهو .. من أمس قلت باكل اي شي حلو وبرايه .. يمكن انقص

أنامل قلب
05-09-09 ||, 12:47 AM
اليوم شفت شي مادري كيف حسيت ،
صدق صدق صدق الحمدلله عالنعمه ..

الزرعوني
05-09-09 ||, 03:25 AM
شو شفتي .. ؟


شاركينا

أنامل قلب
05-09-09 ||, 03:43 AM
ماكو ، بس شفت وحده ربي يعافيها فيها وزن زايد وصحه بزياده ،
كانت تصلي حذالي ، فكنت ألاحظ شلون تقعد وترد توقف بصعوبه ..

حتى آخر شي ما قدرت وراحت يابتلها كرسي :smile2: ..

,

حسيت صدق شلون ان مانحس بالنعمه ،
فالحين نتحرطم عالكيلو والكيلوين ،
لا وياليتهم وزن زايد يعد ..

وفوق هذا ، الاهمال اللي يظهر منا ،
أكل غير صحي ، شي ما ينفع ، مره نزيد ،
ومره ما نشتهي ، وننسى نعمة العافيه ..

,

اللهم إنا نعوذ بك من زوال نعمتك ،
وربي يديمها علينا جميعا ، ويعافي كل مصاب ..

الزرعوني
05-09-09 ||, 04:19 AM
هيه والله


انا جربت السمنة -_-

وزني وصل لين 90 .. و الوزن المثالي 73 .. يعني 17 كيلو زايد ..


1- كسل وخمول حتى ان مستواي الدراسي نزل وايد
2- اكتئاب شديد ..
3- عصبية


و امور كثيرة والله

و الحمدالله يوم ضعفت وايد امور تغيرت علي .. حتى ناصر لاحظ

نفسيتي وايد تغيرت ولله الحمد

أنامل قلب
05-09-09 ||, 05:00 PM
^ الحمدلله ، ويالله حافظ على صحتك أخوي ..

بس لمجرد التوضيح ، الوزن الزايد اللي قصدته مختلف ،
ربي يعافيكم جميعا منه ، ومن كل داء ..

,

ربي يديمها عليكم من نفسيه طيبه أخوي الزرعوني ،
بس من غير هالـ sad مود ..!

الزرعوني
06-09-09 ||, 02:15 AM
هالـ Sad مووود وراها قصة طويلة لووووووووووووول


الله كريم

مــهــابه
10-09-09 ||, 03:33 AM
نــزلـت 2 كيـــلوووو =)

آول ماوزنـت ، اسـتغربـت ، 2 كيلــووو فـ آسبــوووع

كشخـّه

آنـآ قبل مـآآروح الجـآمعه كنـت آقـول لكم آني زآيده كيلـوين تـقريبـاً " الحمدلله اني نقصتهم " ويـوم روحـت كل مـن شـآفني

قـآل : ضعـفــآآآآنه !


الحـمدلله جسـمي قـآبل للضعـف والمـتن فــي آي وقــت

الزرعوني
10-09-09 ||, 05:17 AM
هذا شي طيب ,^^


كم طولج و وزنج الحين ؟

مــهــابه
11-09-09 ||, 02:06 AM
^
خسـرت اللي زدته

الـوزن 47
الطـول 155

رمــش الغـــلا
11-09-09 ||, 02:41 AM
مهـآبة يعني اقصر عني بسانتي وآحد لوووووول..~

بس احس حلو الحين .. تمي على هـ الوزن ، وحتى لو زدتي الكيلوين بعد أحسهم ما بيأثرون وايد بالنسبة لـ طولج =)

المزوحي
16-09-09 ||, 02:00 PM
نزلت كيلو بس -

جنون امرأة
14-10-09 ||, 01:12 PM
انزين انا طولي اظن 157

و وزني 40


بس انا مب داخله هني عسب اضعف


ابى امـــتــــن =(

رمــش الغـــلا
14-10-09 ||, 06:27 PM
^ انتي شرآتي لول بس انا امتن كيلوين =)
احس حلو جيه هـ الوزن لا تمتنين ^__^

مــهــابه
14-10-09 ||, 08:09 PM
^
لآ
مـب حلــو ، سّـلق ، آنـا يـوم كنـت 42 لـو تـشـوفين شـّكلي كيـف كـآن

هـي وآيد ضعـيفه إذا وزنــهــا 40 ، لـو توصليـنه 46 بيــكون آوكــي

آنـآ بقولج قـبل شقـآيل متنت لوول ، كنـت آخذ حلبـه + حليب طـازج ، كنـت آكل جبس وااااااايد ، آتغدى وآتعشي فـآست فـود ، الراحه النفسيه لـهــا دور بالنسبه لي ، مممم بـعد شو كنـت آسوي + عـّمي كـآن يشـربني كل يــوم آفكادوو

ممم مـابتمتنين فـ يوم وليـله ، يعني انـا خذت من الـ 6 لـ 7 شهور وصلـت من 42 لــ 50 ، 49

وعـقب جسمي بـدآ ينزل ويزيد الروحه لكن مايـزيد عن الـ 50 وماينقـص عن الـ 46

وحـآليـاً 47

وآحسه بيـرفكـت عـلى طولي ، رغم انهم يقـولون لـي : آمتني وجييه ، بس انا مقـتنعه فيـه جيـه

رمــش الغـــلا
14-10-09 ||, 08:55 PM
ما يخصه مب سلـق ..! :smile2: :look: :ohboy:



احس لو كنت 46 بكون متينة !! :k_harhar1:

مــهــابه
14-10-09 ||, 09:01 PM
^
40 مب سـّلق ؟( خـآفي ربج رمــشوووه )

تـشوفـيني آنـا متـينه ؟!

آنـا حاليـاً 47 بس مـايبيـن

الزرعوني
15-10-09 ||, 12:01 AM
ما زلت على الجيم و الاكل .. اكل قد ما ابا و الحمدالله مازاد وزني =)

جنون امرأة
15-10-09 ||, 09:04 AM
رمش و مهابه ..

جسمي حق البدل بيرفكت

بس يوم البس مخوره اضييييييييع ~

عسب جي ابى امتن شوي

مــهــابه
15-10-09 ||, 10:59 AM
^
صـّح يمكـن للبـدل يكون بيـرفكت ،رغم اني آشوف ختيه ممم تقريبـا طولهـا 160 وزنهـا 42 ، يـوم تـلبس بدل تـكون أي شي
غـييير وحتى فـ المخور غير ، لكن بـالجينزاات يــاســـلاااام لووول

انـآ آستغربـت لآن عندج صوووغه ماشاء الله ويقوولون عقب الولاده او ف الحمل الحرمه تـنتفخ ، لكن انتي مثـل مـا انتي
وختيه نفس الحاله ، ف الشهر الثـامن ماشاء الله وزنهــا 49 يـعني تـزيد كل شهر كيـلو واحد بس وآشووف هالشي حلـوو

خّـوفونـا قـالوا عقب العـرس والولاده بـتمتنوون وانـا اهم شي ف هالحيـاه عندي رشـآقتي لوول




زيـدي لـج 5 كيـلوو بالكثيــر بيكــوووون اوكي

الموز
15-10-09 ||, 04:01 PM
اعرف وحده عندها 5 عيال ماشاء الله ووزنها 35 ، أكيد مابتصدقون ! بس كله يتحرونها بنت ريلها

شمعة أمل
16-10-09 ||, 12:22 AM
ظعفنا وخلصنا وافتكينا:fa42:

جنون امرأة
17-10-09 ||, 09:07 AM
شمعة امل انتي ويييييييييييييييييييييييي يييييييييييييييييييين لج وحشه


مهابه انا اللي يشوفني ما يصدق اني معرسه و عندي بنت !!

فالجامعه قمت ما اقولهم اني معرسه وجي ..


بعد تعرفين (استحي~ وايد

مــهــابه
17-10-09 ||, 12:47 PM
المــوز :

انـا اميه وزنهــا 40 لوول

فـ الوضـع طبيـعي فـ البيـت ، كـل محد يقـولـنآ شي نقـول :

تـطلع البـنت عـلى آمها لوول


جنون :

آحلى شي =P

الزرعوني
17-10-09 ||, 01:13 PM
امس اتيمعوا الاهل فالحوش و لبست برمودا و قميص .. كلهم مبطلين حلجوهم كيف انا ضعفان لوووووووووووول


شعور كشخه ^^

ملاك الروووح
17-10-09 ||, 07:07 PM
الزرعوني لووووووووووووول أحلى شي يوم تشوف ردات الفعل على خسارتك وزنك :5:


شمعه عفيه عليج :a036:


Keeep UP The Good work Guyz :5:

:


أنا الحين من الاسبوع اللي طاف .. بدت اتينا ترينر االبيت ..

يوم شافتنا انصدمتتتتتت تقول يو دونت نيد أني اكسرسايز غييييييييرلز لول

قلنا لها بس نبا لياقه .. وانا عن نفسي أبي أمتن شوي :wacko:

قالت لي بتعطيني نظام غذائي أمشي عليه ..

:

بس جسمممممممي متكسررررررررررررررر

كل عضله وكل عظمه في جسمي يعوروني ..

لانه أول مره في حياتي أسوي رياضه لول :vertag:

ما يسوى علينا والله

وباجر عندنا كلاس ومابي أسير :k_sadwalk:

بس قالت بيبين الفرق عقب كلاسين ثلاث .. سو بنتريه وبنشوف :k_winner_third_h4h_

المزوحي
25-10-09 ||, 05:59 PM
أبغي أمشي ياناس، ودرت المشي من فتره، والحينه بدا الجو يعتدل، بس لو أبغي جان سرت الجم !!!

رمــش الغـــلا
25-10-09 ||, 08:36 PM
وجااااان انزل كيلو لول =)

^__^

الزرعوني
26-10-09 ||, 12:01 AM
عــــــــــــــــــــــــ فيه على الشطار ^^

و عقبالي

المزوحي
26-10-09 ||, 02:40 PM
البارحه حطيت التمارين العامه على اليوتيوب وسويت مثلهم، شي احسن من لاشي :)

دمعة شوق
27-10-09 ||, 09:26 PM
:fa43:لااازم لازم
من يومين سويت تمارين ووقفت يومين :glare:
وبمشي الحين ع الجهاز نص ساعه تقريبا وبسوي تمارين بسيطه
:a049:

دمعة شوق
22-11-09 ||, 08:11 PM
الحمدالله الحين صارلي ملتزمه مشيت يومين على الجهاز ويا تمارين بسيطه
واخفف من الاكل ،،

بس من اليوم ان شاءالله ماشي اكل عقب ساعه 8 ووممنوع الغازيات منعا باتا
الا ف الحالات الطارئه :biggrin: لا لا اسولف مااشي نهائيا

ولازم مااخرب الريجيييم لان هذا بينحسب ضدي واخرب الريجيم يعني دبل مشي ورياضه
ولازم اضعف اممم تقريبا تقريبا 10 كيلو
:oh:
ادري وايد وبنشفط بس احسن لي صحيا ونفسيا ،،
للحين نزلت 5 كيلو وان شااءالله استمررر

واللي متعايز يشد حيله ،،،
المزووحي شخبار المشي وياك ؟ بعدك تمشي ولا هونت :d014:

اناامل وانتي بعععد اخبارج ويا المشي .؟

امم وذنيني بعد اخبار الريجيم ؟

الزرعوني
22-11-09 ||, 10:53 PM
ابشركم اني نزلت لين 75 بدون تمارين و بدون نظام صحي :D

يعني نزلت حوالي 3 كيلو و نص

بس قمت اكل ثلث او ربع الاكل اللي كنت اكله قبل .. و ما اتعشى لاني اكون تعباااااان بعد الكلية ..

و الغازات مبتعد عنه .. وماشربه مثل قبل .. الاااااااااااااااااااااا اذا كنت مشتهنه .. وهاي حالة نادرة استوى !


الحمدالله =)

دمعة شوق
23-11-09 ||, 12:29 AM
^
الزرعوني

مااشاءالله عليك شد حيلك وجسمك قاابل لخسر الوزن وهاي نعمه ^^

انا الحمدالله مشيت نص ساعه و10 دقايق تمارين وعقب ها كله جرين تي ^^

عهد الوداع
03-01-10 ||, 11:35 PM
http://www.dmeducation.com/view.php?action=page&id=135

المزوحي
29-01-10 ||, 09:33 AM
مافي شي يديد في عالم الرياضه

شادين حيلكم وإلا كسلانين :k_devil2:

اهملت المشي وابغي ارد امشي :nerd:

عفاريتووو
29-01-10 ||, 02:19 PM
^ هاي فرصة انك تمشي الجو حلو هالايام

خربت كل اللي ضعفته بالرجيم ايام الامتحانات ='(

الحين امشي دورتين حولين الحديقة تقريبا 7 كلم ثلاث ايام في الاسبوع
و الحمدالله اشوفه فادني بس ان شالله ما اقطع

و اهم شي اللي يبا يضعف يشرب ماي واييييد ..

المزوحي
29-01-10 ||, 07:17 PM
شي طيب عفاريتووو ... وإن شاء الله بمشي

مــهــابه
04-02-10 ||, 01:06 AM
وآعلوم اللي يسوون رجيم =P

يقولولكم انا صرت آكل وآضعف لوول" عكس الخلق " ، جـد والله صـآيره انزل بلآسبب


آمس آسمع عن وآحد توفى بسبة الرجيم " ياخذ حبوب رجيم " ، وشوكلا بدون سكر ماعـرف ش السـآلفه ، خـآلوه تخبرني ، وصـآر له شي ف المعده وجيه ، ومـآت " الله يرحمه "


تحـملـوا ، وكل شي طبيعي زين ، آبتعدوا عن الحبـوب ، وما شابها .. الخ ، الصحه ماتتعوض

المزوحي
04-02-10 ||, 02:47 PM
هلا مهابه الله يرحمه ويعين الجميع، صح كلامج بلاحبوب بلا خرابيط حتى لو كان الوزن 200

ومثل ما قالت عفاريتووو اهم شي الماي في الموضوع ..

والمهم الواحد يتبع نظام يصلح له

رمــش الغـــلا
04-02-10 ||, 10:22 PM
ياربي=(

يعني الحبوب وايد خطرة =(

لازم انبههممم =(

المزوحي
05-02-10 ||, 08:03 AM
رمش الغلا، محد يبغي يسمع إنه الحبوب لها مضارها، وبمجرد مايشوف الواحد إنه الحبوب تنزل بصوره كبيره يكون مستانس

على مفعولها، وبالتالي مايبغي يقتنع برمسة الناس !

المزوحي
11-02-10 ||, 11:44 PM
صح الموضوع مب يديد اللي طرحه ناصر والهدف انقاص الوزن، يعني كل واحد يشجع الثاني، أو يخبرنا كم مدة المشي

أو الريجيم المتبع، وطبعا بعيد عن سوالف الحبوب مثل ماذكر لنا ذنيني ..

بديت المشي من 5 أيام تقريبا - بس أتمنى أمشي لمدة ساعة ( يعني أزيد الوقت )

طبعا ابتعدت عن الحلويات - المشروبات الغازية - والجانك فود + السناك

3 وجبات + فواكه

مادري ليش مانزل وزني وابغي النتيجه بسرعه، اكيد في شي غلط في الموضوع -

هيه صح اشرب ماي وايد ، بس ماعرف شو السالفه نزلت 300 غرام

وشو عنكم انتوا ؟

عفاريتووو
12-02-10 ||, 09:42 AM
المزوحي

الفواكه فيها سكريات فاذا تبا تضعف حاول تقلل من الفواكه فترة
و خصوصا العصاير ابعد عنها فترة
و اذا بتشرب عصير اشرب عصير ليمون و حط فيه السكر مال الرجيم


و المشي حاول انك تمشي اكثر عن 35-40 دقيقة
لان الجسم يبدا يحرق عقب ها

المزوحي
12-02-10 ||, 02:38 PM
عفاريتووو تقصدين العصاير الطبيعيه وإلا المعلبات ؟ لأنه من فتره طويله ودرت سوالف العصاير المعلبه ، أما حاليا ماشرب


عصاير، غير إني آكل فواكه :thumbup1:

المشي اتحمس يومين وأترك المشي يومين ! :10:

اما على طاري المشي أكثر عن 35 دقيقه مب شرط يوميا، هل يكفي 3 مرات في السبوع ؟ :rock: لأنه مثل ماقلت قبل

مرات اترك المشي :k_special2:



من منكم محافظ على المشي ؟ :fa46:

عفاريتووو
12-02-10 ||, 03:14 PM
اقصد العصاير الطبيعية ، صح انها مفيدة بس حق اللي يبا يضعف لازم يبتعد عنها فترة
لان اي شي فيه سكر يتحول عقب لدهون في الجسم ..

و المشي مو لازم كل يوم .. 3 ايام بالاسبوع يكفي ..
و لا تاخذ المشي على انه ريااضة خذه على اساس انك يالس تستمع بالجو P=



صارلي اسبوعين ما مشيييييت
ان شالله ان شالله بحاول ارد امشي هالاسبوع
لازم انزل 3 كيلو و مابا انزلهم بالرجيم لان على طوول ويهي يضعف =\
ابا احاول انزلهم بالمشي ..

المزوحي
12-02-10 ||, 03:40 PM
عفاريتووو

إن شاء الله نوصل للهدف اللي نباه

دمعة شوق
12-02-10 ||, 04:27 PM
انا الحمدالله نزلت 7 كيلو
وكنت مخففه الاكل وامشي كل يوم حوالي 40 دقيقه واسوي تمارين في البيت شوي ،،
وكنت اشرب جرين تي واكثر من الماي ،،
بس من عقب مانزلت هـ 7 ووقفت مشـي :(
واخفف من الاكل بس بعدني مامشيت ،، تحمست واستانست اني ضعفت بس وقفت الحين :(
بس ان شاءالله برد امشي من باجر

\\

دمعة شوق
12-02-10 ||, 04:30 PM
احس عمري زدت كمن كيلو :k_no:
ومابا اوزن :k_special2:
،،

الانـناس مفيد ينزل الوزن ويحرق الدهون
والكمثرة تساعد على الهضم

المزوحي
12-02-10 ||, 05:32 PM
مرحبا دمعة شوق - انجاز نقصتي 7 كيلو - ماشاء الله عليج

وبما إنج دخلتي الموضوع - بيعطيج دافع تردين تمشين

ولو وايدين يشاركون ويردون أكثر الواحد بيتحمس، لأنه مرات ماشي إراده منا

خليجيه
17-02-10 ||, 04:15 PM
1. أربع نصائح للرشاقة الدائمة
2. الوقت وعلاقته بأعضاء الجسم‏

أربع نصائح للرشاقة الدائمة

فهد عامر الأحمدي

هل لاحظت أن "بعض الناس" لا يسمنون مهما أكلوا ومهما بلغ بهم الكسل وقلة الحركة!؟
وهل لاحظت أن البدناء يقفون دائما عند وزن معين ورقم ثابت لا يسمنون بعده مهما أكلوا!؟ وهل لاحظت أيضا أن كل من عمل "ريجيما" يعود بسرعة إلى وزنه السابق ثم يستقر عنده!؟
كل هذه الحالات تؤكد وجود رقم معين، ومؤشر خاص، ووزن مفضل يتوازن عنده الجسم ويستقر..ورغم وجود عوامل كثيرة تحدد لكل إنسان (مؤشره الخاص) إلا أن العامل الأساسي والحاسم هو ما يعرف بمعدل التأيض ...
والتأيض (Metabolism) كلمة تطلق على عملية تفكيك المواد الكيميائية في الطعام لاستخراج الطاقة التي يحتاجها الجسم ..وانخفاض معدل التأيض يعني انخفاض معدل حرق السعرات الحرارية المستخرجة من الطعام وبالتالي تخزين المتبقي كشحوم (وهي المشكلة التي يعاني منها البدناء عموما) !!
أما ارتفاع معدل التأيض فمعناه زيادة حرق السعرات المستخرجة من الطعام وبالتالي عدم توفر فائض يمكن تخزينه في الجسم (ولهذا السبب لا يسمن بعض الناس مهما أكلوا) !!وبما أنك جربت شتى أنواع الريجيم والحرمان فقد أن الآوان للتفكير بطريقة مختلفة (للتخلص من السمنة) تعتمد على تنشيط عملية التأيض لديك وخفض مؤشر الوزن الذي يرتاح جسمك عنده .. وحسب علمي هناك طرق كثيرة للرفع من عملية التأيض اخترت لك أهم أربع منها:

* الطريقة الأولى : تناول إفطارا جيدا من حيث الكم والنوع ...
فقد ثبت أن عدم تناول الإفطار يفزع مركز الجوع في الدماغ فيعتقد أنك تمر بحالة "مجاعة" فيخفض معدل التأيض (وهو ما يشعرك بالوهن) كما يعمد لتخزين معظم ما ستتناوله لاحقا لاستعماله وقت الطوارئ .. أما حين يحدث العكس وتتناول إفطارا جيدا فيشعر بالإطمئنان ويصرف معظم الطعام كطاقة خلال النهار دون تخزين شيء منها (وهو ما يشعرك بالنشاط) ويتعامل مع أي وجبة تالية بنفس الفعالية والمستوى..

* أما الطريقة الثانية فهي مراعاة فترات ارتفاع وانخفاض عملية التأيض خلال اليوم...
فتناولُ إفطار جيدا لا يفيد فقط في طمأنة مركز الجوع في الدماغ (ويخرجه من حالة الاستعداد للمجاعة المفترضة) بل وأيضا لأن أجسادنا تكون في أول النهار أكثر استعدادا لحرق معظم السعرات الحرارية (كي يتاح استخدامها والاستفادة منها لآخر النهار) .. أما حين يحل المساء فينخفض معدل التأيض حيث لا يتبقى في اليوم مايكفي لاستعمالها وبالتالي يعمد الجسم لتخزين الفائض منها (وهو مايثبت خطأ أكل الوجبات الدسمة ليلا)!

* أما الطريقة الثالثة فهي تناول الأطعمة والأشربة التي ترفع معدل التأيض فعلا...
وهذه النصيحة تتطلب منك مراقبة المستجدات والنصائح الطبية الخاصة بهذا الموضوع؛ فأنا شخصيا قرأت أخبارا تؤكد دور القهوة، والشاي الأخضر،( باعتدال طبعا) وقرون الشطة، في الرفع من نسبة التأيض وحرق السعرات الحرارية .. فقد أثبتت دراسة نشرتها مجلة Physiology&Behavior أن من يتناولون القهوة يرتفع لديهم معدل التأيض بنسبة 16% أكثر من غيرهم .. كما ثبت أن الشاي الأخضر يسرع من حركة الأمعاء والتخلص من الطعام قبل امتصاصه (لآخر قطرة) .. أما قرون الشطة فيعتقد أنها مسؤولة عن رشاقة "الهنود" كونها ترفع معدل حرق السعرات الحرارية بما يعادل المشي لمسافة 80 دقيقة يوميا!!!!...

* أما النصيحة الرابعة والأخيرة : فهي الإقلال من السكريات والنشويات مقابل البروتينات والدهون ؛
فالنشويات والسكريات سريعة الاحتراق ولكن بنسبة قليلة جدا؛؛ ولأنها كذلك يحرقها الجسم قبل غيرها (وحين يكتفي منها يعمد لتخزين الدهون والبروتينات كشحوم) ..
وهناك دراسات كثيرة أثبتت أن التأيض المصاحب لتناول البروتينات والدهون ضعف التأيض المصاحب لتناول النشويات والسكريات وأن الذين يركزون في غذائهم على البروتينات والدهون الصحية يرتفع لديهم معدل التأيض بعد 10 أسابيع من تطبيق الفكرة!!

... وفي النهاية ؛ لاحظ أنني لم أتحدث مطلقا عن أي ريجيم أو حالة حرمان من الطعام ..
فالريجيم بطبعه حالة مؤقتة وفترة نجاح محدودة (تعود بعدها للوزن الذي يرتاح جسمك عنده) .. أما هذه النصائح فبمثابة برنامج صحي طويل المدى يتيح لك التمتع بالطعام ويعمل خلال شهر على رسم مؤشر وزني جديد ومنخفض يقف عنده جسمك إلى الأبد!!

الوقت وعلاقته بأعضاء الجسم‏
عند إتباع النظام الغذائى المتوازن فى أوقات محددة ومواعيد منتظمة يساعد ذلك الجسم على التخلص من الكيماويات والسموم الموجودة به.

من الساعة 9 – 11 مساءا : هذا الوقت الذى يتم فيه التخلص من السموم الزائدة فى الجهاز اللمفاوى لذلك يجب تمضيته فى هدوء.

من الساعة 11 مساءا – 1 صباحا: فذلك ميعاد تخلص الكبد من السموم ويكون هذا الوقت المثالى للنوم العميق.

من الساعة 1 – 3 صباحا:فذلك ميعاد تخلص المرارة من السموم وأيضا يكون وقت مثالى للنوم العميق.
من الساعة 3 – 5 صباحا:ميعاد تخلص الرئة من السموم ولذلك سنجد أن المريض الذى يعانى من السعال ... فإنه سيعانى أكثر فى هذا الوقت .... والسبب أن عملية التخلص من السموم قد بدأت فلا داعى لتناول دواء لإيقاف أو تهدئة السعال فى هذا الوقت وذلك لمنع التدخل فى هذه العملية, ننصح المدخنين بتأجيل التدخين فى هذا الوقت لأن ذلك يمنع أيضا عملية التصريف للسموم عن طريق إضافة سموم جديدة بدلا من تصريف القديم.

الساعة 5 صباحا: ميعاد تخلص القولون من السموم لذلك يجب تفريغ المثانة في هذا الوقت لمساعدته للتخلص من السموم.
الساعة 7 – 9 صباحا :فذلك ميعاد إمتصاص الغذاء فى الأمعاء الدقيقة فيجب أن يتم تناول وجبة الإفطار فى هذا الوقت.

والأشخاص الذين لا يتناولون وجبة الإفطار وتعودوا على ذلك يجب أن يعلموا أن ذلك من أهم أسباب تلف الكبد.....والتأخر فى تناول وجبة الإفطار حتى الساعة 9 – 10 صباحا أفضل من عدم تناولها على الإطلاق.

إن النوم المتأخر والإستيقاظ المتأخر يعملان على تعطيل الجسم من القيام من دورته الطبيعية في التخلص من السموم الموجودة به.... ولا ننسى الآية الكريمة : (وَجَعَلْنَا اللَّيْلَ لِبَاساً [10] ... وَجَعَلْنَا النَّهَارَ مَعَاشا)ً [11] النبأ

دمعة شوق
18-02-10 ||, 01:26 AM
مراحب يالمزوحي ،،

الحمدالله امس وزنت ونقصت كيلووو ،،
بس بيني وبينك ماعرف كيف نقصته وانا مااوسوي شي
:doh:
اللهم اخفف من الاكل بس الحمدالله ،،

وياالله شدووا الهمه

المزوحي رديت تمشي ؟

اممم انا اليوم لخبطت في الاكل :glare:
وماامشيت
:redface2:

المزوحي
18-02-10 ||, 02:40 PM
دمعة شوق تقدرين تقولين مرتين في الاسبوع، يبالي اشد الهمه

ومبروك على الكيلو

بس كم هدفج تنزلين ؟

بنت الدلع
19-02-10 ||, 01:59 AM
انزين انا ابا امتن :smile2:

المزوحي
19-02-10 ||, 09:04 AM
افا عليج بنت الدلع بنعطيج وصفات اتمتن مب مشكلة

تمي كلي بين الوجبات والشي اللي فيه سعرات حراريه عاليه عليج تكثرين منه

كلي دونت اسبوع شوفي شو بيستوي بج ، وشو بعد هيه احيد الحلبه تمتن بس اكيد الريحه ما تشاهد

بس ننتظر مشاركات الاعضاء يعطونج وصفه

عفاريتووو
19-02-10 ||, 11:43 AM
بنت الدلع تبين تمتنين كلي فواكه مجففه ..

المزوحي
19-02-10 ||, 05:28 PM
يالله بنت الدلع عليج باللي قالته عفاريتووو

..

انا نزلت كيلو

بنت الدلع
20-02-10 ||, 01:58 AM
المزوحي ..
بديت اسوي هالشي نهاية اليوم احس بكسل و خمووووول
واحس اني وااااااايد ثجلت على عمري ماروم اتنصخ لول "جنه وحده فيله تتكلم"

عفاريتووو ..
كيف فواكه مجففه؟


بنت خالي وصفت لي نوع من الحبوب يبيعونه في الصيدليه
سرت خدته .. تصفي البشره و اوكي حق الشعر والاظافر وتسمّن :blush:
يوم اخوي شاف العلبه في ايدي هزبني :k_special2: قالي تبين يستويلج مرض القلب تاخذين حبوب من هالسوالف !!!
بس بستمر عليهم لمدة شهر وبشوف النتيجه

عفاريتووو
20-02-10 ||, 12:13 PM
فواكه مجففة اقصد نفس جي

http://www.ankarasupplier.com/images/apricots.jpg

بتحصلين مشمش مجفف، و تين مجفف ..

بنت الدلع
20-02-10 ||, 04:00 PM
^ هـــيييه اوكي فهمت شو تطرين
مع ان طعمهم مب حلو >.<

المزوحي
20-02-10 ||, 06:01 PM
بنت الدلع مايحتاي حبوب

وإذا ماتحبين تاكلين فواكه مجففه، تقدرين تجربين التين المجفف اللي فيه يوز، خذي منه شويه وجربي لو عيبج زيدي منه

وعندج الزبيب كذلك

دمعة شوق
20-02-10 ||, 09:27 PM
المزوحي

ياالله شد الهمه وامشي لا تتكاسل
ووالكيلوو شي طيب
:thumbup1:

اممم هدفي انزل 10 كيلو :fa46:
يبالي اشد على عمرري

..

بنت الدلع عليج بالمكسرات تزيد الوزن

المزوحي
20-02-10 ||, 10:20 PM
أكيد دمعة شوق
زين بما إنج تبين تنزلين 10 كيلو
كيف ناويه تشدين على عمرج اقصد شو الخطط ؟ مشي - تخفيف اكل وإلا تنظمين لنادي ؟

دمعة شوق
20-02-10 ||, 10:29 PM
اممم امشي واخفف الاكل
سالفة النادي يبالها وقت وحاليا جامعة ودراسه ويالله يالله ارد وادرس ،،
فـ هالوقت مابا نادي بكتفي بالمشي والتدريبات اللي اسويهن في البيت
وطبعن لااازم اخفف من الاكل مااخذ رااحتيه

المزوحي
20-02-10 ||, 10:43 PM
خلاص تحمسي لأني بسألج مثل ماسويت في انامل قلب ولاتخربطين في الاكل، تاريخ 28 /2 بسألج

دمعة شوق
20-02-10 ||, 10:57 PM
^ خلاص ان شاءالله بشد حيلي وبرد امشي من باااجر :)

المزوحي
28-02-10 ||, 03:59 PM
دمعة شوق مايحتاي بعد، كم نزلتي من هاك اليوم ؟؟ بشري

أنامل قلب
05-03-10 ||, 07:24 PM
أبي أنزل 5 ولا 6 كيلو زياده ، بس لو أحد درى بيذبحوني !.

كنت بسجل ابـ نادي بس ما لحقت للحين + ابي احد يسجل معاي وللحين ما لقيت ،
+ رجعت اليوم التزم ابـ نظام [ كوني صحية أكثر !!! ] ، سويت تمارين الاستبس لـ ساعة الا ربع ،
وبرد احاول ابتعد عن الخرابيط الزايده اللي آكلها ، واحتمال ارد امشي اليوم مال نص ساعه ،
وبحااااول ارد اشرب شاي اخضر يوميا ..

يالله دمعة شوق كاني معاج ، شدي حيلج =)


على فكرة من متى مو وازنه ، ميزانا ولله الحمد اخترب وللحين محد افتكر إييبلنا ميزان ثاني ،
كأن ما صدقو من الله يخترب =]


امممم بس هيك ..

المزوحي
05-03-10 ||, 07:30 PM
أنامل أنا اتبع نظام، بس مادري شو هالنحاسه وزني مب راضي ينزل !

اللي اعرفه لو تبين تنزلين تشربين وايد ماي، هذا يساعد بعد

دمعة شوق مادري عنها ماردت علينا ، نبغي نشوف النتيجه !

يالله أنامل شدي حيلج وأنا كذلك

عفاريتووو
05-03-10 ||, 09:57 PM
لازم ارد للرياضة باسرع وقت ممكن
قمت اخربط بالاكل بشكل فضيييع و رديت متنت =(

خلاص خلاص صدق لازم احاسب اكثر و ارد للرياضة

المزوحي
06-03-10 ||, 01:59 PM
يالله عفاريتووو شدي حيلج


ذنيني محافظ على الوزن ولا خربطت ؟؟؟؟

دمعة شوق
06-03-10 ||, 06:48 PM
المزوحـي
امم ماوزنت من ذاك اليوم ،،
اممم ماعرف مشيت كمن مره بس ووقف ،، بس لانه كان عندي ضغط دراسه ..
بس اليوم ان شاءالله بروح امشي ،،

وعن الاكل الحمدالله مخففه منه ،، واحاول عقب ساعه 8 مااكل شي دسم وثقيل ،،
واشرب جاهي اخضر ,,
بوزن هالاسبوع وبخبركم معني خاايفه لا اكون متنت:k_no:

//

أنـامل
يكفي انج تمشين وتسوين لعمرج نظام غذائي ،،
وتسوين تمارين الاستبس ،،
انا كنت جي اسوي نفسج امشي واسوي دايت وتمارين اروحي
والحمدالله نقصت وايد ^^
فـ شـدي حيـلج ،،

آنا عقب ماااضعف ان شاءاالله بسجل في النادي او قبل اذا حصلت وقت ^^

//

عفاريتوو

انا يتني فترة تميت اخربط وودرت الرياضه وصدق تعبت نفسيا لاني حسيت عمري متنت :glare:
ويالله شدي على عمرج ^^

أنامل قلب
06-03-10 ||, 07:34 PM
هزبوني اليوم ، تمو يعلقون علي اونه تبين تختفين !.
مادري شو يتحروني ، اقولهم هذا وانا جي تقطعوني عيل لو تشوفون الكتاكيت اللي اعرفهم شو بتقولون =/

احبــــااااط ، بس مالي شغل إلا بضعف ،
لازم أكون أقل عن طولي ابـ 110 ، وليـ وقتها أنا من نفسي إذا حسيتني ما أحتاج بوقف ،
وبعدين مو من زود ماني شاده حيلي ، مو مخففه أكل لأني ما أكثر أساسا ،
بس الاشيا اللي تضرني بفج عنها أو عالأقل بخفف + الرياضه أكيد ما بتضرني ..!

~

ربي يكون بعون كلمن يشتهي يضعف :glare: !.

أخوي المزوحي ، شكلك مابك وزن زايد من جي صعب انك تنزل ، نفس المعاناة ،
بس صدقني دامك ما تحتاج فـلااااا تنزل ، ما يبالك بس عليك بالرياضه ولا تخربط باللي يضرك / حفاظا عالصحة ..
ووودمعة شوق ، أساسا النفسية بكبرها تعتدل من نصير نلتزم بالرياضه :yes: ..

المزوحي
06-03-10 ||, 08:09 PM
أنامل - تعرفين نحن اللي يخرب علينا الكرشه، عيل السبوع اللي فات مسوين يوم رياضي في الدوام، وعلى اساس


نلعب كرة القدم، لو شفتي كروش الشباب ، طبعا من تحت الكندوره ماتبين، بس الفضايح طلعت عقب ^_^


حلو الواحد يحافظ على عمره ، ومثل ما قلتي اللي ينزل بسرعه اصحاب الاوزان الكبيره ، بس هذا مب معناه إنه نحن نهمل


دمعة شوق بتقولين كم نزلتي :bash:

أنامل قلب
06-03-10 ||, 08:28 PM
:fa46: :fa46: :fa46: !.

















:fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46:
:fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46:
:fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46:
:fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46:
:fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46:
:fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46:
:fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46:
:fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46: :fa46:




































! .. :fa46:

دمعة شوق
06-03-10 ||, 09:29 PM
:fa52:
بقول اول مااوووزن
:fa54:

:fa46:

المزوحي
06-03-10 ||, 09:35 PM
:yes: زين اقول وين اختفت

الجماعه اللي يبون يبتدون هالفتره مشي

دمعة شوق
عفاريتووو
انامل قلب
المزوحي

:m_bye:

المزوحي
07-03-10 ||, 08:34 PM
بالنسبه للي يمشون حاليا كم المسافه اللي تمشونها ؟؟

هل مسوين دايت وإلا مجرد مشي

شو طبيعة الريوق ؟؟

عفاريتووو
11-03-10 ||, 02:59 PM
ما سويت شي الحين و وزني في ازدياااد =(
كنت مخططة ان اروح امشي كل يوم الصبح بس مارحت
كسسسسل =/

مع ان احلى شي المشي الصبح امبجر عقب صلاة الفير
جربته يوم السبت و صدق خلاني اليوم كله نشيطة
و كنت واييد متحمسة على اساس كل يوم بمشي هالوقت
بس كان بس كلاام p=

شو اخبار الميزان معاكم ؟؟ p=

المزوحي
11-03-10 ||, 03:03 PM
عفاريتووو ليش !! لا تخربين البرنامج، المشكله لو قلتي اليوم مابسير، بتمين كل يوم نفس الشي، انا احاول قد ماقدر

لو عندي شغل، إنه لو ما امشي نص ساعه او ساعه إلا ربع ، امشي 20 دقيقه المهم ما اقطع وخاصه هالفتره اللي توني

بديت فيها ...

أنامل قلب
11-03-10 ||, 06:53 PM
عيبتني هالكلمة < بس كان كله كلام P=
لأن تنطبق علي بالمثل بما إني للحين ما سويت شي يذكر P=

بالعكس بديت أخربط بالأكل وايد !.

ماعرف شو السالفه ، مع إني أحب الرياضه وأحس بتأثيرها الإيجابي ،
بس اليوم يمر بسرعه ، او يمكن هذي حجج ما أدري بالضبط ،
+ على فكره ، صدق من زمان ما وزنت ، مادري اذا وزني ثابت ولا نازل ولا زاااايد ..





أخاف انصدم :fa55:
الله يستر !.

المزوحي
11-03-10 ||, 07:05 PM
عيل الحين نحن بنقولج شخبار الميزان يا أنامل !

تقدرين تخلين موضوع الاكل على ينب مب مشكله، يعني لو صار وخربتطوا بالأكل، حاولوا ماتقطعون المشي

المشي ينفع حتى حق الاسترس وامور ثانيه

أنامل قلب
11-03-10 ||, 07:18 PM
امبلا معاك حق ، بس عن الأكل كذلك لازم اصطلب ، لأني لمن أقول "أخربط بالأكل" يعني أكثر من الأكل اللي يضرني ،
وبعدين مو عارفه التزم لأن ماعندي وقت محدد أخصصه للمشي ، كل مره أفضى بشكل وابـ وقت !.

وعن الميزان ، فلله الحمد بعدهم ما شرو ميزان يديد :redface2: ..

المزوحي
11-03-10 ||, 10:58 PM
الوقت اللي تفضين فيه امشي

يعني إذا تحسين بعمرج عندج شي عقب المغرب، فأمشي العصر وسيري مشاويرج عقب

ممكن تسيرين الساعه 4:15 أو 4:30 وإذا ماتحبين تقدرين الساعه 5 أو 5:15 لأنه الصلاة تقريبا 6:20

فتقدرين تمشين لو 20 دقيقه لو مب ساعه أو نص ساعه بس المهم شي اسمه مشي

وإذا عندكم شي العصر فأمشي عقب المغرب ، عندج فتره لين العشاء :thumbup1:


باجي الجماعه شردوا عن أسألهم ، يالله منو منكم عنده الشجاعه إيي يخبرنا شو سوى ووين وصل ؟ :k_devil2:

ذنـيـنـي
12-03-10 ||, 12:46 AM
انا وقفت فتره طوييييله و من ١٠ ايام تقريبا وصلت لأعلى وزن وصلتله في حياتي كلها
طبعا تعكر مزاجي و تضايقت وايد و عزمت اني اكون صددددق جان في الموضوع و الحمدلله الحين اسوي رياضة مره على الاقل كل يوم, بس بالعاده مرتين

اول الصبح امشي ربع ساعه و عقب عندي دري من ٨ ادوار فالدوام اصعده و عقب ارد امشي ربع ساعه
و عقب اتم امشي مشي عادي فالدوام لأنه طبيعة عملي تتطلب هالشي

و العصر او عقب المغرب ارد امشي و اجري و اسوي تمارين ضغط و معده و الحمدلله نقص كيلوين, لكني من ناحية الاكل ابددددا مش ملتزم

الحمدلله اللياقه بدت ترجع و قمت ما اتعب وايد يوم اتمرن, بس الهدف اكبر من مسألة الوزن و بس
اهم شي عندي هو قياسات الجسم, لأني يوم اتمرن اكسب عضل و في نفس الوقت اخسر دهون, لذلك القياسات هي المقياس الاهم

حاليا قياس الجينز الي البسه ٣٨-٤٠
هدفي اني في تاريخ ١٥-٤ يكون قياسي ٣٦

حطوا هدف امامكم و ان شاء الله بتوصلون له
طبعا انا كنت شراتكم وايد دلوع في هالسوالف, يوم مشي و يوم ماشي و يوم ٢٠ دقيقة و ثلاث ايام ماشي
عشان نضعف لاااااااازم نكون جااااديييييييييين

كل الي يبغون يضعفون و جادين, ابغيهم يحطون لأعمارهم هدف يوصلون له بعد شهر من الحين و لازم الهدف يكون واقعي و مش خيالي

يعني محد يقول والله انا ابا انقص ١٠ كيلو في شهر و هو يعرف انه ما يقدر يلتزم

عفاريتووو
12-03-10 ||, 01:41 AM
هيه صدق لما تكونون جادين و عندكم ارادة انكم تبون تضعفون صدق بتضعفون
و خصوصا لما بكون في حد يبا يصعف معاكم و في حد يراقب وزنكم لول
و المزوحي ما بيقصر هني p=

السنة اللي فاتت كنت صدق حاطه في بالي اني ابا اضعف
و الحمدالله وصلت لوزن فحياتي ما اتخيلت اني اوصله
بس للاسف كم من شهر و خربته لول
بالنسبة لي احس اني احافظ ع الوزن اصعب من اني اضعف =$

بس يالله دام في حد يشجعنا و يراقبا هني ان شالله بنرد نضعف p=

المزوحي ، المشكلة اني اذا ابا اروح امشي لازم حد يي معاي
و هالمشكلة
يوم اكون متحمسة و ابا امشي القاهم مالهم خلق
و اذا هم يبون يمشون انا مالي خلق p=

بس لا ان شالله خلاص بنبدا بالجد

المزوحي
12-03-10 ||, 09:06 AM
ذنيني اللع يعينكم، بس أهم شي ماتقطع المشي


عفاريتووو حاضرين نحن هنيه نراقب، انا من متى ارمس روحي، ادخل الموضوع ، وأرد اطلع امشي وأرد أدخل وأسأل

اظني واقفين من بعدين تسمعون ^_^

عفاريتووو بس لاتتقيدين بحد، لأنه عمرج مابتمشين ، أمشي لو 15 دقيقه وعقب زيدي مثل ماتبين !

أنامل قلب
12-03-10 ||, 01:08 PM
:yes: ..

مناير
12-03-10 ||, 05:27 PM
ربيعتي السنه اللي طافت كان وزنها 101 وهي اصلن كبري عمرنا 16 الحين

قررت اتسوي ريجيم لانه بدا القلب يتعب عندها، وطبعا كان الامل فيني عشان اشجعها انا وزني تقريبا شبه ثابت

46 إلى 49 آخر حد، وبدينا كل يوم مشي وعاد هي سجلت في نادي رياضي والتزمت بالأكل الصحي

الحين وصل وزنها 66 الكل شجعها ونفسيتها الحين غيييييييييييير، بس ما شالله عليها حتى يوم اتشوفنا انخربط فلأكل

اتيي تنصحنا وبعدها محافظه أكثر لأنها مقرره توصل 55....

المزوحي
12-03-10 ||, 06:56 PM
ماشاء الله عليها، لانه مب الكل يقدر يلتزم، بالعكس اللي وزنه كبير يحس بعمره مايقدر ينزل هذا كله فينحبط

اليوم مامشيت

غير يوم الواحد كاشخ بكندوره والكرشه امبينه - ابغي اسوي تمارين البطن !

أنامل قلب
12-03-10 ||, 07:35 PM
صح اللي فيهم صحة ممكن انهم ينحبطون بسرعه ، او يستبعدون فكرة انهم بينزلون كل هالوزن ،
مع انهم ينزلون اسرع بوايد من اللي مافيهم وزن زايد ، بس الحمدلله يوم انها التزمت ، سلميلي عليها مناير =)

ربي يديم عليكم الصحة والعافية ..

أنامل قلب
13-03-10 ||, 12:30 AM
اليوم خرجت أتمشى بـ حوش المنزل أدور من حوله ، واثناء سيري مرتدية جاكيتا متعبثة بهاتفي ،
وبعد ما يقارب الـ 10 دقائق فوجئت بشيء ما يركض أمامي ، اقتربت من جهة الملحق حتى لا اقترب كثيرا من شيء أجلهه ،
ولكن فجأة ، يا إلهي هل ما أراه هو فعلا ما أراه ، إنه فأر !.

لا أدري ما هو الشعور الذي انتابني ، لم يسعني الانتباه إليه حتى وجدته يركض بالجهة الأخرى من المنزل ،
وإذا بي أفاجأ بعدم شعوري للاشمئزاز ولا الخوف ، بل إني قمت وجريت خلفه أحاول ألا أفقد أثره ، ربما لكونه لا يزال بعيدا ولا أتوقعني اقترب منه ،
ولا داعي للكذب ، بشكل طريف خطرت ببالي سالي ، وكأن هذا ما ينقصني !.

ولكن لحظه ، لا أجده بالجوار ، أيكون اختلس بين الزرع ام ماذا ، وبعد انقضاء ما يقارب الدقيقتين وانا احاول العثور عليه ،
ومن الجهة الأخرى أحاول أن أتصل بمن في المنزل ولكني ارتبكت لاستعجالي لا أدري كيف اقفل صوت القارئ أو بمن اتصل ،
لكن مهلا ، ها هو ذا الفأر يخرج من الحفرة الأولى إلى الحفرة الثانيه ، وها هو والدي قد أتى أخيرا ، ولكن هيهات ،
باءت كل محاولات ايجاده بالفشل ، ولكن لحظه ، اويه شو هذا ، حشرة تمشي على ارض الحوش :fa46: ،
وكما يقول اخي خنفروش ، عجبي أخاف من حشرة لا تكاد تُرى وأجري خلف فأر .....!

المهم ، بعد أن باءت محاولات أبي بالفشل ، وبعد أن سخر مني حين طلبت منه ألا بنصرف بقوله : بسير أييب فرشي بنام اهني الليله !.
استلمت عنه العصاية الصغيره محاولة أن أخرج الفأر ولا أدري لما ، وبدت أمسح الرمل بشكل خفيف خشية أن أؤذي الفأر المسكين ،
ولكن وبعد أن باءت كل محاولاتي بالفشل ، وبعد أن بدا خوفي يزيد من أن يهجم علي الفار بشكل فجائي ، فضلت أن أكمل سيري وانصرف باحترامي ،

وهكذا مشيت لما يقارب ساعة كاملة ، وها أنا الآن آكل كورن فليكس بـ طاسة مكبرها :tounge: ..


هذا بالنسبة لتقرير اليوم ، وترقبو نشرة الغد !.

دمعة شوق
13-03-10 ||, 01:19 AM
^
هههه ضحكتيني يـ آنـآمـل :12:
مشكله الفاار واللي يتريااه :4:

//

المزوووحي
:fa46:
أمس وزنت احم احم
نقصت 1.80 كيلوو

معني كنت مخربطه ومامشيت
بس كنت مخففه من الاكل وسويت تمرين مره وحده بس
:look:
صدقني يالمزوحي بشد على عمري وبمشي ،، بس هياازه
,

ذنيني

حلو الواحد يحط له هدف ويوصله ،،
آن شآءالله بتوصل للي تباه ،، وبنحط هدف لعماارنا

انا يتني حاله من شهر وشي ما بقول حاله بقول قوة عزيمة اني اضعف والحمدالله ضغطت على عمري وشديت
وتمارين ومشي وريجيم ،، بس المشكله مب هنييه المشكله يووم ضعفت
استااانست وكل حد قاالي ضعفتي وضعفتي وانا من الوناسه ودرت الرياضه بس تميت احاسب على اكلي
بس اكتشفت ماينفع ويااي حد يمدحني ولا يقولي ضعفتي لازم اشد على عمري لان يوم يقولولي جي استاانس
وابطر واودر الريااضه :glare:

الحين ان شاءالله برررررررررررررررررررررد امشي << حسيتوا اني اسبوعين اقول هالجمله :k_icon9:

المزوحي
13-03-10 ||, 01:48 PM
أنامل عفيه على الفار هو اللي ساعدتج على المشي، مب أنا من متى احن عليكم وماشي فايده


دمعة شوق .. كم المده اللي تبينها عشان نسألج مره ثانيه، مثل ما قال ذنيني حطوا الهدف اللي تبون توصلون له !

دمعة شوق
13-03-10 ||, 04:57 PM
عقب شهـر آن شـآءآلله بتاريخ 13 / 4 / 2010
بكون نقصت على الاقـل 5 كيـلو ,, وقيـآسـآتـي تـتـغـير :)

المزوحي
14-03-10 ||, 02:45 PM
دمعة شوق إن شاء الله ..


ابغي ازيد في المشي ، لمدة ساعة ، حاليا نص ساعه !

المزوحي
14-04-10 ||, 08:15 PM
دمعة شوق اليوم 4/14 وانتي قلتي 4/13 بتكونين نقصتي 5 كيلو

انا بالرغم إني مانزلت لكن احاول ما اقطع المشي

دمعة شوق
14-04-10 ||, 08:21 PM
^
بآجـر آن شآءالله بوزن وبخبـركم
وآن شآءالله اكون ضعفت ,

~

اهم شـي المشـي لاتقطعه لانك عقب صعب انك ترد تمشي

المزوحي
22-04-10 ||, 03:49 PM
اشوف وايدين يسون رياضة المشي في المول ... طبعا اللي يصادفني رياييل شويه كبار في السن

ماشاء الله الهنود يمشون مشي طبعا مب إنه لابسين لبس رياضة وجوتي ، بس تلقونهم يمشون مسافات طويله

يعني انا لو مابغي اضعف، بس ابغي جسمي يترتب ...

عفاريتووو
24-04-10 ||, 11:47 PM
انا جني نسيت اني لازم اضعف p=