المساعد الشخصي الرقمي

مشاهدة النسخة كاملة : الي يبا يضعــف يدخل هنــــي الحيين



الصفحات : 1 2 [3] 4 5

قصايد غلا
22-10-08 ||, 08:12 PM
اهاااا ، يعني شي مفيد =)

عاااااااد أنا هيازة الدنيا كلها تيمّعت فيّــه :3:


اليــاه : امممممم لا توقفين بس قلّلي الوقت ==> يعني لو تسوين لمدة ساعة ، سوي لمدة 40 دقيقة :biggrin: مشكلة يوم قصايد تتفلسف

أنامل قلب
22-10-08 ||, 08:28 PM
بثالث أيام العيد وزنت واكتشفت إني نزلت بعد كيلو ،،
بس توه رديت وزنت واكتشفت اني رجعته لول ^^"

مستويه مفجوعه وايد آكل ،، خاصه الحلويات ><

شمعة أمل
22-10-08 ||, 08:31 PM
انا وزني لأول مره *الحمدالله* ثااااااااااابت! عادة لو ماسوي رياضه كل اسبوع امتن بس الحمدالله هالمره ثابت :)

مــهــابه
22-10-08 ||, 08:37 PM
دامكـم رمسـتوا عـن الوزن !
انا أختفييييييييييت
ما اسوي رياضه ولا شيآته ، بس من 5 شهور ليومكم يمكن نزلت 5 كيلـو او اكثر

لأني نازله فالصيف 3 ويا رمضان وخلص ، وتحسون انكم تعودتوا ماتاكلون فـ رمضان فـ نزلت لي جريب 2 أو 3 كيلو

حتى مب متجرئه أشوف وزني هالأيام كم صار


لأن الكتاب ينقرأ من عنوانه ، مابا انصدم لوول
مابا امتن ، بس مابا اضعـف
كيــف ؟
هذي مشكلتي انا

أنامل قلب
22-10-08 ||, 08:50 PM
^ الله يعينج ،،

انزين شوفي أنا بسلمج الحل !
بعطيج الوزن الزايد اللي ما أبيه ،، وانتي بتردين لوزنج الطبيعي الثابث ..
كلما بتخفين نطريني وانا بسدج لول ^^" >> وحده تعقدت ..

صدق من متى أبي أوصل لهالوزن المثالي بنظري ..
محد يشجع ،، كلهم يقولولي تمي جي // مابي ><

أحس صدق صدق صدق يبالي رياضه !
مشي على ركض لساعه كل يوم =#

مــهــابه
22-10-08 ||, 10:20 PM
اقـولج مابـا امتن ، تقولين لي بعطيج لوول



لا انـا آبـا حل اني مـا امتن ، ولا أضعف

أنامل قلب
22-10-08 ||, 11:08 PM
^ مو تقولين انج ضعفانه واختفيتي !

انزين هممم // بصراحه ،، سواء متنتي ولا ضعفتي ..
المفروض الديرين بالج عـ صحج قبل ..

يعني مش إن ما تاكلين شي ولا يكون خفيف مقارنة بحاجتج ،،
ولا إن تاكلين شغلات ممكن تمتن (في حال ضعفي بزياده) لكونها ضاره بج
شرات اللي ينصحون بالاكثار من الأكلات السريعه والخ ..

حاولي بس تفكرين بهالاثنين (( أكلج اليومي - وإن كنتي تمارسين الرياضه ولا )) ..
وإذا حسيتي إن نظامج محتاج تعديل // تصرفي ..

وفيما عدا ذلك ،، ماقدر أقول غير طاعو من يتكلم ^^"
روحي يبالي أجابل نظامي قبل // ووووان شاء الله !

,

ذنـيـنـي
25-10-08 ||, 08:46 PM
المشكلة الي كانت مخربه علي حليتها جذريا !!
تحيدون الموضوع الي كنت منزلنه عن الفضفضة
الي قلت فيه اني ابغي اغير نفسي فيه

الحمدلله قدرت اتغلب على الاشياء الي كانت واقفة في طريقي و احد أهم هالاشياء الي عالجتها هي مشكلة الادمان على النت
هالمشكلة كانت صدق مخربة علي و تخليني افضل اني ايلس على النت على اني اسير اسوي رياضة
و الحمدلله من يوم حليت مشكلة هالادمان و من يوم اتخذت قرار التغيير الجذري اموري تحسنت بشكل كبير و ان شاء الله

الخطوة الجايه هي اني اشترك في الـ GYM لأني ابغي صحتي تصبح افضل،، طبعا انا مخلي في بالي بانه هالشي افضل لصحتي لأنها تخلي الواحد مصحصح طول اليوم و طول اليوم بتكون فيه طاقة هائلة للشغل و لجميع النشاطات الي بيسويها و غير هذا الرياضة تساعد على اخراج السموم من الجسم،، يعني مب مخلي في بالي سالفة انقاص الوزن لأنه الوزن باي حال بينقص مع الايام لو تمرنت "هالمره عزمت و بشكل جدي مع الاقتناع التام بصحة الي اسويه"



نصيحتي لكم هي انكم تخلون النظام الغذائي الصحيح و الرياضة كـ اسلوب حياة
مش كـ وسيلة للتنحيف مثل ما انا كنت مخلي في بالي
لأني يوم كنت افكر بهالطريقة كنت دائما عقب فترة ادور الحلول الاسهل مثل "عيادة نيوترشن و حبوب الفات بيرنر و رجيم الماي و و و " و تحصلوني عقب فتره تركت الرياضة و اتجه للحلول الاسهل

بس يوم بتخلون في بالكم انه الرياضة = حياة صحية
بتستمرون فيها طول العمر ان شاء الله

المزوحي
25-10-08 ||, 09:30 PM
صح كلامك ذنيني ... من جيه قلت حق ربيعي ، لاتخلي شي يخرب علينا المشي، لو قطعنا يوم نرد ...

وانا ماحب اسير الجم .. بس بشوف إذا حصلت مكان نظيف .. ومشكلتي العوده في إني اسير الجم .. الوقت يضيع في الدرب

ذنـيـنـي
25-10-08 ||, 09:50 PM
اذا انته في ديره
سر ابتاون مردف او الفيستفال سيتي
فتنس فيرست

جم على مستوى و من انظف من يمكن
و مافيه من هاللوث

ذنـيـنـي
25-10-08 ||, 09:52 PM
http://www.fitnessfirst.ae/uae/home.asp

شمعة أمل
25-10-08 ||, 10:23 PM
^
فتنس فيرست وايد وايد زين.. خواتي يسيروله

المزوحي
26-10-08 ||, 04:14 PM
ذنيني بس مب هذا مختلط ؟؟؟ لأنه امس اسمع ولد اخويه يبغي يسير له بعد ...

شمعة أمل
26-10-08 ||, 04:56 PM
^
معظمهم مختلط.. بس الى في الميديا ستي & مركز الهنا شي سكشن خاص للحريم

ذنـيـنـي
26-10-08 ||, 09:09 PM
بالعكس ياخي الواحد يتشجع يوم يكون في مكان مختلط p=
هيهي اسولف وياك


هيه مختلط
لكن الحق يقال بان المكان من افضل الاماكن في الدولة ان لم يكن افضلها على الاطلاق
سواء من ناحية المدربين او من ناحية المعدات او من ناحية البرامج

ملاك الروووح
26-10-08 ||, 09:15 PM
أنا اليوم ربيعتي عصبت علي ..

وقالت لي لازم تمتنين .. ولا بلعن خيرج :biggrin:

سو خلتني أتريق .. وآكل سندويجه وحده

وعقب خلتني أتغدى .. وآكل صحن جلو كباب روحي .. :biggrin: ماشاءالله

وعقب كلت سناك العصر ..

وعقب رقدت شوي ..

وقبل شوي تعشيت ..


وقالت لي أمشي على هالجدول كل يوم عسب يزيد وزني :11:

بصراحه أول يوم يمكن آكل فيه ب ضمير .. و آكل الوجبات كلها :biggrin:


أبي أمتن والله .. خلاص يئست .. :fa56:

المزوحي
14-11-08 ||, 10:40 PM
هلا

من أواخر رمضان تركت المشي اين اليوم، وكنت بسير الجم اللي يطريه ذنيني، بس من باجر بإذن الله برد أمشي ..

بس أبغي أعرف حد منكم جرب بذرة الكتان في تخفيف الوزن ؟

دمعة شوق
18-11-08 ||, 11:32 AM
^
المزوحي أنا جربتـنهـا ،،، واايد اوكيــه ،،
المفروض انك تطحنـهـا وعقب تفـورهـا وعقب تشربهـا بس وااايد مره ،،
انا كنت اطحنها واكلها ويـأ الروب والصراحه تنزل بس انا مااداومت عليـهـا عشان كـذي ^^

مجموعة إنسان
18-11-08 ||, 12:04 PM
انا الحييين وزني ثااابت
طولي 176 وزني 78

المشكله الكرش ااااااااااخ لو تروووح

هزاايم
18-11-08 ||, 03:31 PM
^^نفس الحااله
وزن ثاابت وطووول عفانا الله عفانا الله بعد ثاابت

ارييد اطول هل كيف اطول؟؟؟

وصح بديت امشي,,يقولون زين للظهر و يعطييه استقاامه يعني في امل للطول مدري هذا والله اعلم,, لكن المشي اللي امشيه مصخره لووول يعني ارووح انيس لأختي بالاصح اروح عسب اتلاقى مع ربيعتي و نقعد نهثرب =q


كيف يطولون الاوااادم؟؟؟؟؟؟
اخييج والله من 5 سنين و انا نفس الطووول =#

أنامل قلب
18-11-08 ||, 04:16 PM
أخوي مجموعه ،، لا تضعف جي مب زين للريال // يعني 80 عالأقل ><
انتو يبالكم رياضه وصالة ،، يعني شي يرتب هندامكم بالشكل المطلوب !

وأدري يبالي أجابل روحي ،، بس فالحه اوجه غيري خخخ
هزايم // جربي تتعلقين ابـ شي كل يوم ولمدة ربع ساعه =#

,

انزيـــــــــن وهم سكون وزنها ثابت + الطول طبعا ،، ماتخيل بعد طولي يتغير ^^"
بس أبـــــــي أضعف ،، جي مال 7 كيلو ! // عشان يكون وزني أقل عن طولي ابـ 10 + الـ 100 =$
بس اكتشفت إني فعلا مابقدر اوصل للوزن المثالي "بنظري" إلا عن طريق الرياضه واهني المصيبه لول

موووول مب متحمسه للرياضه ،، حدي بتمشى نص ساعه في حال شديت الهمه ><
أبي أحد يحمسني ،، مب جي احبـــــــــــــــاااااط // حتى اخونا المزوحي وقف :k_special2: ...!

,

عفاريتووو
18-11-08 ||, 04:17 PM
لووول هزاييم مب بروحج تعانين من هالشي

قبل كنت واييييد امشي يعني تميت شهووور كل يوم امشي بس ما شوف عمري طولت =#
يمكن من كثر ما البس كعب .. فأخرب كل شي ..
يالله جربي لو فاد عقب بجرب لول



ابا اضعف صدق صدق لازم اضعف
اول مرة امتن جي !! حتى صرت اخاف اشوف وزني ..

خلاص من اليوم ان شالله ببدا بالرياضة
حتى لو بالبييييت ..

ذنـيـنـي
18-11-08 ||, 10:53 PM
انا اشتركت في الجيم اول الشهر
اول اسبوع سرت اربع مرات
ثاني اسبوع مرتين
و هالاسبوع ولا مره لول
صدق مشغول و ما عندي وقت
مرتبش ويا المقاول و ستين مليون شغله على راسي =(

المزوحي
19-11-08 ||, 06:22 PM
سكون برد امشي خلال هاليومين .. بس ابتدي قبلي وتشجعي

مشكلتنا يوم ننشغل يوم واحد خلاص مانكمل المشي

مــهــابه
26-11-08 ||, 11:38 PM
زدت كيــلو

اليوم وزنـت وقـالوا لي وزني بيرفـكت ، الدهون اوك ، السكر أوك ،الدم نــازل أوي

أنامل قلب
27-11-08 ||, 12:43 AM
أخوي المزوحي ، بما إنك بديت صح فان شاء الله بترد صح ^^

/

بعدني نفس الوزن ، وبعدني ماسو رياضه !
احباط !!!!! ، بس الحمدلله إني مازدت ^^"

,

المزوحي
01-12-08 ||, 10:13 PM
قررت بأني أرد أمشي، من آخر رمضان وقفت

بس هالمره غيييير

يعني يكون المشي الصبح !!!

شمعة أمل
25-12-08 ||, 10:36 PM
حد جرب ZEN YOGA في ذافيلج؟
دومه زحمـه! أبا اسييييييير!!

دمعة شوق
27-12-08 ||, 11:37 PM
الحمـدالله نـزلـت كيـلويـن ^^
وآطمـح فـي آلمـززززيـد

مــهــابه
28-12-08 ||, 12:01 AM
آنـآ آبـآ آضعـف ..

عـ الآقـل كيلـويـن آو 3 ..


الحين آنـا زايـده ، وصل وزني 49


كلـهم يقـولون آنـي جيه آوكي ، وآنه بيرفكت ، بس بعـد آحس آني آبـآ آضعف


شـو آسوي ؟


يعـني شو من التماريـن اللي آقـدر خلال آسبوعين مثلاً انـزل كيلـوين ، آبـآ آبدأ عـقب الفـاينل

مجموعة إنسان
28-12-08 ||, 01:27 AM
انا وزني وصل 83

سجلت في جم نادي الضبااط
دااخل عالريااضه بقوة

دمعة شوق
28-12-08 ||, 02:12 AM
^
آنـآ آبـآ آسـوي ريااضـه اففف تعبت صدق ابا اضعف من الخااااطر خلاااص لااازم
بس اتعااايز محد يمشي عنـدي ومناك ابا اروح اسجل ف النادي بس اتريا الفااينل وان شاءالله اروح
،

لانه لاااازم ااضعف
:(

\\

مهاابه بسج تمي جي

المزوحي
30-12-08 ||, 10:07 PM
في واحد يدور نادي ممتاز بحيث المدرب يوقف على راسك

غير اكاديمية اتصالات وفيرست فتنس

مــهــابه
30-12-08 ||, 10:24 PM
دمعة شوق :

عـن خآطري ، بس كيلـوين آو 3


المزوحي :

آنـا مـآ قد رحـت نوآدي أو شي ، بس مره سجلت هنيه فـ العين روحت شهر

بس مآكآن حـد يتآبع ،

شمعة أمل
31-12-08 ||, 03:17 PM
أبااااااااااا ألعب تنس:glare:
أفكر أسير تنس كورت عند فندق أتدرب:fa46:



المزوحي
انا كنت أستخدم مدربه اسمها جورجيت.. في روتشستـر في ام سقيم.. الجيم عندهم مب جيم عدل.. صغير وايد بس في نفس الوقت حلو لانه الجيم ياخذ بالكثير 3 اشخاص!
وهي رخيصه مقارنة بالمدربين الثانيييين.. اظني تاخذ 90 للساعه

ولا يقدر يسير جيمات فنادق جميرا.. عندهم مدربين ممتازين :)

المزوحي
31-12-08 ||, 03:23 PM
مشكورين ...

عفاريتووو
15-02-09 ||, 10:05 AM
بديت بالرجيم من جم يوم و الحمدالله قدرت انزل كيلوين تقريبا للحين
بس الرجيم صراحة عذاااب لول احس الرياضة واييد اسهل

المزوحي
15-02-09 ||, 04:25 PM
اليوم بإذن الله بسير أمشي ... وقفت من عقب رمضان ...

ذنـيـنـي
16-02-09 ||, 12:26 AM
انا اسوي رجيم و اسوي رياضة
لو اقطع لمده شهر ارد كل الي نقصته !!

البارحه وزنت في الدوام و وزني رجع شرات قبل !!


فـ ابتداء من اليوم رديت على برنامج الدايت و الرياضة
الله المستعان

ا ل غ ل ا
16-02-09 ||, 10:27 AM
GOOD LUCK ^_^

أنا عن عمري أحس أنه الواحد أحس يسوي بدون لا يخبر ..

وعقب النتايج يقول ..

شمعة أمل
16-02-09 ||, 12:01 PM
ذنينييييي!
يت على بالي.. احس هالشي بيفدييك.. أحسك وايد تعاني شراتي.. اسوي رياضه ومن اوقف وزني كله يرد في اسبوع!:huh:
انا انغصبت اسير اسوي فحص دم هالويك اند.. أجيك اذا فييه امراض.. أولهم هالسكري
المهم

يعني من بين هالفحوصات المعفنه... يجيكون شو من الأكلات الى تصلحلك وهييك! يعني مثلا.. اذا انا يصلحلي آكل ستيك.. لو كلت ستيك كل يوم ولكل وجبه ولكل سناك مستحيـل امتن
وعلى قولة دكتورة الهرمونات.. اذا انتي تعرفين شو هالأكلات.. تشبعين نفسج لـ درجه انج ماتبين تاكلين أكلات ثانيه

يعني شوف.. أبويه طلع فييه مشكله بعد.. مع انه ابويه ماشاءالله كل يوم جم ساعتين وفييه عضلات.. بس بعد هو الحين جي لازم يسوي عشان ماييه السكري ولا الضغط ولا الكلسترول

ومب لازم تسوي رياضه وتذبح عمرك.. رياضه مرتين في الاسبوع كفايه

هيييه
واهم شي< هذا وايد مهم:fa56:
انت حاط في بالك شو وزنك المثالي.. نفس مال الـ bmi يقول وجي.. بس كله اخرطييي!
طلع وزني المثالي وزن دب! يعني طلع انا مب لازم اظعف وايد *وانا اقووول ليش وزني مايناسب شكلي*.. ويوم اقوولهم عظامي ثجال في البيت محد صدقنييي! اختي زين ماكفختني.. لانه وزني المثالي هو وزنها الحالي وقالولها لازم تظعف عشره كيلوو:tongue:
^
هالشي ترا وااااايد يرفع المعنويات وايد وايد:tongue:


أو شي ثاني بعد.. للكل
في مناطق في الجسم اذا جي مغبره هذا معناة الانسلين في جسمكم مرتفع وايد.. يعني فيكم السكري
فـ سيروو جيكو رقبتكم اذا وصخه < انا جييكت الحمدالله رقبتي بخير هههه فـ متفائله في النتايج:tongue:

شوق القلوب
16-02-09 ||, 03:56 PM
السلام عليكم..


هالسكري سالفه سالفه.. الله يجيرنا منه..!

والله يزيغ خصه انه امي و ابوي فيهم سكري..

وانا حاليا مستويه أكل .. خرابييييييييييط... كله نشويات.. خبز و عيش..
ولا يخلو الموضوع من كمن حبه كاكاو..
هالكاكاوات الصغيره اتخليج تاكلين أكثر من القطعه الكامله العوده.. يعني اونج اتقصين على عمرج كل مره تاكلين شوي..

و اليوم في البيت امسوين تمر تارت.. لذيييييييييييذ..

المهم..

جسمي فيه خموووووووول لاخر درجه.. و شي اسمه لياقه ماشي..! عضلاتي كلها اتعورني.. ولو ركبت الدري بسرعه أهلك..
يبالي امشي.. بس ما اقدر .. حوالينا كله عمال يشتغلون لين المغرب.. :glare: و في الليل.. ممم ما ايي ع بالي :whistling:

..


شمعه..

خاطري اعرف شو الاكل اللي يناسبني وما يمتن..!

شمعة أمل
16-02-09 ||, 04:15 PM
ممم تدرين المشكله انه سالفة السكري + ضغط + كلسترول في الامارات عادة يكون من الطرفين يعني من الأم والأبو وحليلنا نحن العيال نتبهدل
يعني حمدالله انا ابويه بخيرر.. بس لازم يحاسب على السكري.. الكلسترول والضغط كل شي تمام
لكن امي رايحه فيها وايد فيها اشياء تكسر الخاطر.. فيها السكري هالخفيف الى تاخذون حبوب وفوق هذا thyroid شرات اوبرا.. واشياء ثانيه
وانا المسكينه متبهدله ;_;
المهمممم نتايجي طلعن.. من ساعه اتصلو فييه.. ورا باجر بسير عندهم .. الله يستر p;


بس شووق
انتي غير لانه توج مربي.. فـ كل شي حقكم غير.. حتى الرياضه الى تسونها غير
بس ترا اذا تبين تسوين هالفحص بتتبهدلين.. صيام 12 ساعه يشلون عنج 3 تيوبات دم.. تشربين كووب عود قلوكووس تترين ساعه بعدين يسحبون عنج دم مره ثانيه.. وطول اليوم بتكونين مدوخه وراسج يعورج.. حتى ممنوع تسوقون
انا اقول تريي كم من شهر لاني ما بيبي حموودي يكبر ^_^ بس اذا تبين اقدر اعطيج رقمهم وتتأكدين منهم :)

أنامل قلب
16-02-09 ||, 04:16 PM
وزني مب طايع يتغير !

المزوحي
16-02-09 ||, 09:18 PM
يمكن من توقفون رياضه كل شي يرد، لأنه مافي حركه وتردون تاكلون بشكل أكبر عن قبل ...!

شوق أنا كنت أحس بخمول، من جيه رديت البارحه أمشي ... لأنه كله يلسة المكتب ... وماشي حركه

عقب الدوام، ومن غير سواقة السياره ...

شوق القلوب
17-02-09 ||, 03:30 PM
هلا شمووووعه...

زين جان بتعطيني رقمهم.. يبالنا انسوي هالتست لاميه..

..

ترا انا شو امسكتني على عمري غير سالفه اني توه مربي.. كل ما اقول بس ابا اخفف اتذكر حمودي.. و اطنش سالفه الرجيم.. بس الحمد الله بصفه عامه جسمي رد طبيعي .. هو بس موضوع الكسل !

أنامل قلب
27-02-09 ||, 04:24 PM
مسويه تحدي لنفسي !
آنا بشكل عام ما آكل وايد ، فيما عدا الحلويات !!!!
اهني عاد صدق اصير مفجوعه ^^"

ف قررت من امس اني اقطع الحلويات بانواعها لمدة اسبوع كامل ،
ابي اشوف هل بينزل وزني !

+ كل اللي اقدر اسويه اني وقت ما اشتهي حلاوه الجأ للفواكه ،
سلط ، تمر ، ومستويه اكثر من الماي الحمدلله ^^
+ بحاول اني امشي ، بس بشوف اذا بلاقي احد يحمسني بالبيت !

شمعة أمل
27-02-09 ||, 08:16 PM
اظطريت اغير "اسلوب نمط حياتي" كليا وكملت 10 ايام واحس اني بنتحر..
وايد صعب ;_;
يايتني حاله هستيريه اصيح على كل شي.. ماصدق انه بعيش جي لـ على قل نص سنه.. ماقدر :( وايد صعب

موعدي الياي بعده عقب اسبوع ونص.. مادري كيف بتحملللللل
يعني اهلنا مافكروو فينا ليش هم ماتعبوو ليش نحن لازم نتعب!


والله تعبت.. مب سهل.. وطول الوقت احس اني بدوّخ.. الحين كيف هالحاله صحيه انا مادري!



شوق
الحين بطرشلج الرقم

أنامل قلب
27-02-09 ||, 08:28 PM
بسم الله عليج ، شو مسوين فيج =/

,

نحن عدنا السكر مرض منتشر بالعايله ،
+ تخيلي عدنا بالبيت 4 من أصل 7 فيهم السكر !

الحمدلله اني من الـ 3 اللي مافيهم ،
بس صدق ان شاء الله يلاقون علاج فعال لهالمرض :ohboy: ،


وربي يعافينا جميعا .. !

شمعة أمل
27-02-09 ||, 08:38 PM
والله عذااااااااب
خبز ممنوع < انا ياحبي لـ شي اسمه خبز
عيش وباستا ممنوع < مب مشكله
شكر ممنوع< مب مشكله
حلويات ممنوع< ماعليه
بطاط، فرايز ممنوع< ارد انتحر؟

وايد اشياء عبيطه ممنوع
ذره ممنوع
حمص ممنوع
كل السلطات عادي.. بس سلطة السيزر ممنوع!!!


والله تولههت على ستاربكس ;_;



والبارحه كان يوم مأرف في الجامعه، كانو يوزعون جوكلت ولازم يسوقونه.. والله عذاب .. كل الكلاس خذو جوكلت وانا يالسه أتأمل :s



ولا ترا ممنوع ممنوع ماشي يوم غش وجي < على قل هالاشي بيساعد بس ممنوع :(
عيدميلادي ورا باجر ومابتهنى بشي.. يالسه ادمع الحينه على هالسالفه .. بيكون اتعس عيدميلاد في حياتي.. ولأول مره مابيكون شي كيك! الحين منو يحتفل بعيدميلاده بدون كيك!! :(

أنامل قلب
27-02-09 ||, 08:44 PM
:wow: !

طير الحب
01-03-09 ||, 11:50 AM
طيب سؤال انا حاليا محتاجه اسوي رياضة عسب نقص الكالسيوم بس متى لازم اكل بعد الرياضة بكم ساعه ومتى ممكن اشرب ماي انا بس امشي نص ساعه وامارس السباحه ما ابا وزني ينزل ولا يزيد ابا يتم مثل ما هو...؟

عفاريتووو
01-03-09 ||, 12:09 PM
شمعة امل
اعاني مثلج =(
احسه عذاااااااااااااب
تميت اسبوعين على هالحال بس هالاسبووع ماقدرت قمت غش
حسييييت خلاااااص ماقدر ..
الحياة من دون اكل ما تسوى لول
كنت متوقعة بخلص بالكثير باسبوعين بس مب يالسة انزل وايييد مع كل هالعذااااب
و يقولون كل ما كان الدهون اقل كل ما كان اصعب تنزليييين اففف احبااااط

الله يعينج ..

المزوحي
01-03-09 ||, 02:57 PM
حد جرب ياكل كيوي، صدق ينزل الوزن ؟؟

ذنـيـنـي
01-03-09 ||, 03:11 PM
المزوحي لا تصدق هالخرابيط
كل شي قالولنا ينقص الوزن لول

عليك بحمية معتدله
فيها الياف لأنها تساعد على الهضم و تمنع الامساك
و فيها بروتينات عشان تساعد عضلاتك على النمو
خفف من الدهون قدر المستطاع و من النشويات قدر المستطاع
لأنهم ساس البلا و هم الي يتحولون الى دهون

و اهم شي حاول انك ما تاكل نشويات فليل و بمعنى ادق من عقب الساعه ست لأنه النشويات تعتبر مصدر الطاقة الاول للجسم
و بشكل عام فليل الانسان ما يتحرك وايد فـ مصير هالنشويات هو انها تتحول الى دهون :3:

المزوحي
01-03-09 ||, 08:59 PM
زين بنسير بعيد عن الكيوي، مثلا لو بغيت اسوي حميه... تراني انا احب الاكلات الايطاليه واموت في المعكرونه

يعني ماقدر اودر هالاشياء، بس في الحلويات والكاكاو انا مب وااااايد ... يعني شي يغطي على شي ...!

أنا بغيت استبدل الحليب بحليب الصويا ... وآخذ خبز اسمر ... احسن للهضم .. بس وين كله لووون مافي شي عدل

انا كنت آخذ اللي في سبينس ... في خيار ثاني ؟؟؟

أنامل قلب
02-03-09 ||, 02:30 AM
عفاريتوووو ، إي صح بخصوص الدهون !

يعني تشوفين بنتين ماشين عـ نفس الرجيم ونفس الرياضه ،
[ الاولى بعد فتره تنزل عشر ، أما الثانيه يدوب كيلوين ! >> هذا وانا بزيد من عندي =/

يعني مثل ما قلتي ، السالفة فيها احباط شوي :m_afaker: ..
خاااااااااصه لمن نلاقي وزنا ثااااااااااااابت بشكل مو طبيعي :k_special2: !"

اممم ، بس بعد عادة يكون الفرق بين وزن الاولى ووزن الثانيه كبير ،
يعني مثلا وحده وزنها 100 ، والثانيه 70 ، بديهيا الاولى بتحتاج تنزل أكثر ، وهذا اللي يصير :yes: ..

,

همممم ، لازال وزني يلعب بين رقمين ، ولازلت محتاجه [ بنظري ] أنزل اممم يمكن 5 أو 6 كيلو !
مع ان مووول ما شي تشجيع ، بس اللي مسكتني ان كذا وحده قايلتلي اني ضعفانه ، ما شاء الله :doh: ..

+ أظن إني ما بستفيد من شي كثر الرياضه ، بس وين :glare: !

المزوحي
02-03-09 ||, 08:29 AM
ليش سكون ، ما تقدرين تمشين وإلا ماشي وقت ؟

ذنـيـنـي
02-03-09 ||, 03:42 PM
زين بنسير بعيد عن الكيوي، مثلا لو بغيت اسوي حميه... تراني انا احب الاكلات الايطاليه واموت في المعكرونه

يعني ماقدر اودر هالاشياء، بس في الحلويات والكاكاو انا مب وااااايد ... يعني شي يغطي على شي ...!

أنا بغيت استبدل الحليب بحليب الصويا ... وآخذ خبز اسمر ... احسن للهضم .. بس وين كله لووون مافي شي عدل

انا كنت آخذ اللي في سبينس ... في خيار ثاني ؟؟؟


كل يوم بتاكل معكرونه ؟
و غير جي عادي كل بس باعتدال + لا تهمل الرياضة
مب لازم ترص على عمرك بالرياضة
حاول انك تكون نشيط اطلع سير تمشى على ريولك سير البحر و ود وياك كورة و تم شوتها

انا من هالاسبوع بسير العب سكواش ويا ربيعي
باجر ان شاء الله بسير اخذ المضرب و بنبدأ من ورا باجر


انا حاليا اتريا اني انقص 10 كيلو لسبب واحد و الي هو اني ابغي ارجع مره ثانيه لركوب الخيل
على وزني هذا ركوب الخيل شي وايد صعب " على الخيل " :10:

مزن هتان
02-03-09 ||, 04:09 PM
عمي من 95 صار 67 و مستمر للحين، عقبالك ناصر =)
يجري ساعتين باليوم
3 وجبات باليوم مبتعد عن المقالي و البيبسي و ها الخربطان
اقوله اسمحلي بناديك حسن حاف بلاش من عمي
احفظ ماي ويهي

أنا من اسبوعين بلشت امشي
مو شرط عندي اضغف واااايد
المهم اكون نشيطه و نفسيتي تمام التمام

المزوحي
02-03-09 ||, 04:20 PM
ذنيني انا سرت الممشى بس ما عيبني الوضع واليوم بسير امشي مكان ثاني ...

وبخصوص الاسكواش شي حلو الصراحه ، لأنه امس ربيعي يقولي شو رايك نلعب تنس ...

قلت له ونحن ما بنكون أوكي دام إنه ما نمارس هاللعبه، بس انا عندي ريش ومول ما ألعب ...

أنامل قلب
03-03-09 ||, 01:08 AM
^ لا الوقت عندي فائض ، ويقطر بعد !
بس الإشكال بالكسل :a018: !!

,

اختي مزن ، احليله والله عمج وايد نزل ما شاء الله ، ارادته حلوه =]
بس مادري أحس الرياييل المفروض ما ينزلون هالكثر ! = كلامي للشباب اللي فوق بالأخص !!"

وووو مثل ما قلتي ، محتاجين رياضه للنفسيه ..

:ohboy:"

المزوحي
03-03-09 ||, 06:46 AM
انا مب محتاج انزل كثر ما إني محتاج لياقه والكرشه مخربه بعد ...

شوق القلوب
03-03-09 ||, 05:18 PM
السلام عليكم..

يتني فتره ما تعبت عمري بالرياضه وايد.. بس شيئين لاحظتهم و نزلوا وزنـــي..

1- اشربوا كل يوم جاي أخضـــر..
2- ابتعدوا قد ما تقدرون عن الخبز...

جربوا هالشي لمده اسبوع.. وشوفوا الفرق !

المزوحي
03-03-09 ||, 06:34 PM
شوق القلوب ، انا ربيعي يوم يسير الجم يمنع عمره عن كل شي، وإذا خلص من الجم يرد مثل قبل ...

عني أنا البارحه كنت افكر اودر الخبز الابيض بالاسمر ...

بس جاهي اخضر هممم ماعرف ... ! ما تعودت اشربه ...

قصايد غلا
06-03-09 ||, 06:01 PM
هيه الجاي الخضر أشوفه إنه وااايد ينزل الوزن

و شرب الماي وااااااااااايد يأثر بعد في إنقاص الوزن =)

شمعة أمل
06-03-09 ||, 07:31 PM
^
ليش انا ماينفع فييه؟ وحليلي مانقصت ولا كيلو من شربته ;s


المهممم
كنت وايد اعاني من رجيمي الحياتي.. بس الحمدالله الحينه تأقلمت
نزلت 3 كيلو ونص في 10 ايام .. بدون رياااااضه
مع انه المفروض اسوي رياضه على قل ثلاث مرات في الاسبوع :s
انا كنت اقول
لو سويت رياضه.. كم كنت بخسر؟!
شي عجيب غريب

المزوحي
06-03-09 ||, 11:22 PM
لو مثلا امتنعتي عن شغلات تحبينها، خلنا نقول الغازات، الحلويات، الايس كريم ...

وتاكلين الاكل العادي، سواء عيش أو معكرونه وخبز ابيض ... وماتاكلين بين الوجبات وتمشين، بتنقصين ...

في ناس يوم يسوون ريجيم يمنعون عمارهم عن كل شي، ياكلون بالملي، وعقب مايخلص الريجيم يزيد وزنهم دبل ...

شمعة أمل
06-03-09 ||, 11:32 PM
لا
انا الحين على رجيم السكري.. عشان مايني السكري
هو رجيم حياتي.. بس يخفوونه في المستقبل.. في حالتلي يمكن عقب خمس شهوور :s
ف سالفة الحلويات والخبز ممنوعه حياتياً
ويوم يردون يدخلونه لـ أكلي مايستوي مثلا آكل كيب كيك واحد مره واحد.. لازم اكله كله في يوم يعني عضه الصبح عضه الظهر عضه العصر لين مايخلص :s

هو كان عذاب اول اسبوعين بس الحينه عادي :)




ذكرتني
عندي كتاب يشرح حالتي.. صدمه
لازم اكتبلكم السالفه واللي عنده مثلي شو من الامراض بتصيبه في المستقبل .. زياغ
وبقوللكم باقي الاعراض عشان اي حد شاك في عمره يسير يفحص
عقب ماتقرون شو من الامراض ممكن تصيبكم سيده بتلتزمون =s

أنامل قلب
07-03-09 ||, 03:27 AM
^ أذكر مره سامعه ابـ مثل هالفحوصات بالتلفزيون !

يعني مثلا يقولولنا شو هي الأمراض اللي من الناحية الصحية والوراثية
ممكن انها تصيبنا بالمستقبل + مادري اذا الشغله فيها نسب !
لو تقدرين تنزلين موضوع بهالخصوص عشان ننتفع منه كلنا ، بتسوين فينا خير =]

والحمدلله إنج اتأقلمتي ^^

+ بالنهايه حلو ان الواحد يلتزم بالامور الصحية خاصه بزمنا الحالي ،
وايد شغلات سواء كانت أكل أو عادات أو غيره المفروض ان نغيرها لضررها الكبير ،
وإن كان الأثر ما يبان إلا على المدى البعيد !

بالأخير ، صحيح إن كل شي مكتوب ومقدر ،
بس الواجب علينا إن نقدم الأسباب دوم ،
مانبي نكون مثل اللي يقط عمره بإراده بالبحر واهو ما يعرف يسبح لول ^^"

+ كله بأجره ، دام النيه بالنهايه الحفاظ على صحة البدن ..
ووووو هيك ، عقبالنا جميعا ^^

~

شمعة أمل
07-03-09 ||, 10:28 AM
هيه بنزل موضوع ان شاء الله
لانه انا مشكلتي في الانسلين وهالشي يسبب امراض ثانيه غير السكري نفس كم من نوع من السرطان وفشل كلوي!! :s وايد امراض ثانيه بعد :s

وصدقج لازم نحن نهتم في عمارنا

ذنـيـنـي
07-03-09 ||, 03:09 PM
انا الحمدلله نقصت تقريبا ٣ كيلو من ثلاث اسابيع
مب راص على عمري وايد

مجرد تخفيف للأكل و تجنب السموم البيضاء "الملح و السكر و الطحين الابيض"


و بديت استعمل حبوب الشوفان للريوق
بتحصلونه صوب الكورن فليكس في السوبرماركتس الكبار مثل كارفور و سبينس
الي اخذه كويكر بالتفاح

طعمه وايد لذيذ و فوق هذا كله الياف و يحسن عملية الهضم


طبعا بديت بالسكواش و كره القدم من الاسبوع الي طاف و الحمدلله حاس بتحسن بسيط في اللياقة
يممكن ادش الجيم‘ بس يبالي ارتب وقتي عشان اتمرن في وقت مافيه زحمة

ذنـيـنـي
07-03-09 ||, 03:18 PM
اسم حبوب الشوفان بالانجليزي Oat meal

المزوحي
07-03-09 ||, 03:40 PM
ذنيني شي حلو إنك نزلت، ومثل ما قلت ماترص على عمرك ...

أنا أمس قريت عن الألياف بما إنها زينه للهضم، يحتاي في المقابل تشرب ماي عسب يكون توازن، لأنه كثرة الألياف من غير

ماي مب أوكي ... !

أما عن حبوب الشوفان انا من ايام خذت kellogg's bar

مزن هتان
08-03-09 ||, 01:36 PM
أنا بعد نزلت
الـ كم كيلو اللي نزلتهم اظني كانوا بـ غزوزي بس !

عفاريتووو
08-03-09 ||, 05:02 PM
^ هالشي المب حلووو
اول شي يضعف الويه

ما صدقت ويهي شوي متن رد صار اضعف عن اول عقب الرجيييم اففف =(

تقريبا وصلت للوزن اللي لازم اكون فيه
بس باقيلي شوي بالبوينتات

ان شالله عاد اقدر اثبت ..

مــهــابه
08-03-09 ||, 08:18 PM
^
هـذا الـ مب حلـو فـ المـوضوع
آنـه أول مايضـعف فـ الجسم الـويه ، وع فـكره هـالشي مب فـ الكـل . .


مب حلـو الويـه يكـون ضعـيف وايـد وايـد ( عـقده )
بنفس الوقـت آحس الويـه صعـب يمتـن


بس يـمكن " الريـآضـه " تـسآعد الجسم ع الضعف بدون لآ آتأثـر ع الويـه


فـ الآخير لآزم تـختـآرين بيـن شيـئين وتـضحين بـ شي

أنامل قلب
08-03-09 ||, 10:20 PM
^ مزن + عفاريتو + مهابه ،
ولا تزعلون ، تبون من عندي لول

نحن عدنا الغزوز وراثه اظن :glare: !"

حتى لو يضعف الويه ،
التم الغزوز موجوده :fa46: !!!

,

باركولي ، تحركت اليوم شوي !
مشي عادي على مشي سريع على ركض خفيف على .... !

وعقبال ما نوصل كلنا للوزن المثالي بنظرنا :a054: ~

ظبية
09-03-09 ||, 12:24 AM
أما أنا ما يحتاي يسد الحمل و أهوااااااااله ,,, الله يعيني على هالوحااااااااااام بروحه رجيم قاسي =(



أدعولي بس أربي بالسلامــة =(

المزوحي
09-03-09 ||, 08:12 PM
على طاري انزال الوزن والهضم، اليوم خذت خبز الصويا ... وسمعت عن جبنة الصويا لكن ما اعرفها .. حد منكم عنده فكره !

مزن هتان
10-03-09 ||, 08:32 AM
يصبحكم ربي بالخير

أنا اول مره ويهي يضعف مع الرجيم !!
عن الغزوز يا سكون تراه من صوبنا

على طاري الشوفان، انا آكل فاميليا كلش مو حلو
البارحه الوالد يضحك عليه شلون آكله (أغمض عيوني و اهضم )

اليومين الجايين يمكن اوقف مشي، اختي 10 سنين راح تكون بالبيت
لـ حالها فـ يمكن اشلها معاي بعدني بشاورها

أنامل قلب
12-03-09 ||, 02:27 AM
^ عقبالي عيل لول ^^"

اممم ، حاليا واعتمادا عـ كلام غيري ، ماحتاج انزل أكثر من 3 كيلو ،
فـ بتم أحــــــــــــاااول مع ان وزني ثابت بشكل مو طبيعي ><"

محتاجه أنزل هالـ 3 كيلو قبل شهر 4 !

قصايد غلا
12-03-09 ||, 01:20 PM
:4: هيه صدق هاي فايدة الغزوز .. ما تخلي الويه يضعف يوم تسوون ريجيم




أنا بادية بــ نظام غذا و بشوف لييييين وين بوصل ، بخبركم لو استفدت :k_smile2:

شمعة أمل
13-03-09 ||, 09:55 AM
خسرت 4 كيلو بدووون رياضه D: بس بديت هالاسبوع يله ان شاء الله اخلص وافتك
الرجيم ماحس انه رجيم الحينه ووايد عاادي!
بس اليوم بغش باكل كيك p;

المزوحي
13-03-09 ||, 01:35 PM
شمعة أمل خطوة حلوة، بس لو ماتقسين على عمرج، بإمكانج تنزلين، مب شرط الواحد يخسر وزنه بسرعه، وبعدين

يردهم في وقت قصير ...!

شمعة أمل
13-03-09 ||, 11:17 PM
انا ماقسيت على عمري :)
انا عندي مشكله في السكر وهالطريقه الوحيده الى تحلها.. بس مع ها وزني ينزل p;

الرجيم لصحتي مب عشان اخسر:) لكن كشخه يوم نظعف!

المزوحي
14-03-09 ||, 12:26 AM
مرات يوم تشوفين غيرج كيف جسمه، تقولين كيف يوم انا كنت جيه ..!

الله يعطيج الصحه والعافيه :)

أنامل قلب
14-03-09 ||, 02:42 AM
يالله الحمدلله شمعه ، وربي يحفظج =]

,

سكون = لازال وزثنها ثابت ولله الحمد ،
احسن من انه يزيد =#

+ قررت خلاص طفح الكيل !
بديت اليوم ابـ شغلتين ما يخصهم بموضوع الرجيم ،
بس كوني ناوية التزم ابهم صار عندي تفاؤل بإني بلتزم بالرياضه كذلك باذن الله ..

من اليوم ورايح بمشي لمدة ساعه يوميا ، ان شــــــــاااء الله ، يارب :bye2: ~

قصايد غلا
14-03-09 ||, 04:16 AM
^ أنا أمنييييييييييتي في الحياة يا سكون إني ألتزم بشي اسمه مشي :fa52:

عاااااادي عندي أمشي مسافات طويييييييييلة لكن وييين اللي بيتفيج يسير كل يوم يمشي

مرات تستوي لي ظروف أو تكون عندي شغلة مهمة و أطنش المشي يوم يومين و عقب أستحلى اليلسة :mf_leia:




رجيمي ما كان عايبنّي لكن صدقت أحس معدتي ارتاااحــــــت من أكلي اللي كله خرابيط في خرابيط

أحس من عقب ما بديت بالرجيم .. عرفت شو يعني الأكل الصحّي و شو تأثيره عليه

لأني قبل كنت آكل أشيا موووول ما تفيدني و تضرني .. و كنت نااااااادر إن كلت شي عدل

أقل شي السلطة ,, حسيت إنها حلوة و مفيدة

الماااااااي .. حسيت به مهم واااايد



بس

أنا ما ألتزم بكل شي في الرجيم

يعني ماروم آكل كل اللي مكتوب

أطنش وااااااااااااااااايد أشيا .. هالشي عادي ولا يضر ؟
يعني أشبع خلااااص ما أحس إن الأشيا الباجية لها داعي

دمعة شوق
19-03-09 ||, 12:06 AM
مرحبآ بـآلـريـآآضييـن
^^

شمعة آمـل
الله يعطيج الصحـة وآلعـآفيـة فديتج
:)
\\

عني آنـآ امم مآآلــتـزم بريجيم معين ،،
بس احااول اخفف من الاكل ،، بس عقب مااااخلص اضاااااااايق واايد عقب مااآكـل
واقول ليتني ماكلت ،،
بس فخااطريه امشي على نظام معين ، وتكون ريااضه طبعا
بس آن شآءالله بقـوي العزيمه والاراده ولازم اسوي ريجيم وامشي ،

\\

ادعوليه والله يوفقكم ويقويكـم
خلكم جي شطووورين
^^

دمعة شوق
19-03-09 ||, 12:14 AM
صح ولازم اشرب جـآآهي آخضـر كـل يـوم ،،

مــهــابه
19-03-09 ||, 12:17 AM
سيـن سـؤال

صـدق الـجـآي الأخضـر يسـآعد فـ تخفـيف الـوزن ، ولـو فرضـنآ قمت أشـربه كل يـوم
كـم اقـدر انـزل ، تـقريبـاً بيـن كـم وكـم

آريـد اوصل للـ 46 يـعني محتـايه انـزل 3 كيـلو

الجـاي الاخضر بيضعفـني بـلآ ريـآضه ، انا كسـوله ماحب اسوي ريـآضه وايـد

دمعة شوق
19-03-09 ||, 12:29 AM
هـلا مـهـوبـتـي ،،
آولا ً الـجـآهي آلآخضـر وايـد صحي للجسـم يطلع السموم من جسمج
وثانيا ً عقب ماتشربينه عقـب آلآكـل تحسين عمـرج خفيـفونـه
وثالثـا ً بالاستمرار بيضعف آن شاءالله انا ربيعتيه كانت طرمبه لوول يعني وايد متينه
والحينه ماشاءالله ابداااااااا مايخصها كيـف كانت قبل ،،
واول ماااقتلها شو سويتي غير الرياضه والريجيم كان من ضمنهم الجاهي الاخضر

دمعة شوق
19-03-09 ||, 12:31 AM
فـ يعتمد ع كل واحـد وجسـمـه ،،
شمعة تقول انه ماافادهـآ ،،
وآنـآ بـعـدنـي قيـد آلاستعمـآل بس احس عمري خفيفه عقب الاكل
واذا ترومين شربي اكثر من مره فـ اليوم ،،

عفاريتووو
20-03-09 ||, 11:04 AM
الحمدالله اخيييييرا وصلت الوزن اللي لازم اكون فيه
امس ها مال التغذية مستغرب خلااااني كم من مرة اعيييد عشان يتأكد الوزن اللي يالس يطلع صح لول
اونه مستحيييل نازلة باسبوع كيلو و نص
يقووولي انتي شو مسويه فعمرج لول


مهابه
اذا وزنج مب واييد مرتفع فاكثر شي بيفيدج هو الرياضة
لانه ما عندج واييد دهون ..فالجسم يحاول ان ما يخسرهم
صح وزنج بينزل بس مب كله بالدهوون

المزوحي
05-04-09 ||, 04:47 PM
دمعة شوق خذت جاهي اخضر مال توينينج ماقدرت اشربه ...

وإن شاء الله اليوم بسير امشي تراني قطعت المشي من اسبوعين ... لو حتى امشي من الاحد لين الاربعاء - زين

المزوحي
05-04-09 ||, 06:13 PM
سرت مشيت ساعه، تحسون يكفي امشي ساعه وإلا زياده ؟؟ :look:

همم مشكلتي يوم امشي، حبل الجوتي يتبطل بهدلني، عاد يوم اتحمس في المشي غربلني :b050: :fa56:

قريت شي الحين واكيد تعرفونه بس فور مور انفروميشن :vampire:


You know you want to begin a fitness program, but don't know where to start. It's easy! Walking is one of the easiest and most profitable forms of exercise. All you need is a good pair of shoes, comfortable clothing, and desire.

How to start: First of all, start out slow and easy. Just walk out the door. For most people this means head out the door, walk for 10 minutes, and walk back. That's it? Yes, that's it. Do this every day for a week. If this was easy for you, add five minutes to your walks next week (total walking time 25 minutes). Keep adding 5 minutes until you are walking as long as desired.

WATCH your posture. Walk tall. Think of elongating your body. Hold your head up and eyes forward. Your shoulders should be down, back and relaxed. Tighten your abdominal muscles and buttocks and fall into a natural stride.

Be sure to drink plenty of water before, during, and after walking. Incorporate a warm up, cool down and stretches into your routine. Start your walk at a slow warm up pace, stop and do a few warm up / flexibilty drills. Then walk for the desired length of time. End your walk with the slower cool down pace and stretch well after your walk. Stretching will make you feel great and assist in injury prevention.

The toughest thing about starting a fitness program is developing a habit. Walking daily will help (a minimum of 5 days a week is a good goal). You should walk fast enough to reach your target heart rate, but you should not be gasping for air.

After you have formed the habit you will want to evaluate your program and your goals. Here are some general guidelines:

If you are walking for the general health benefits try to walk 30 minutes a day, most days of the week, at a "talking" pace. (Talking pace means you have elevated breathing, but you can still carry a conversation.)

To improve cardiovascular fitness you should walk 3 to 4 days a week, 20 to 30 minutes at a very fast pace. At this pace you are breathing hard but not gasping for air.

If you are walking for weight loss you should walk a minimum of five days a week, 45 to 60 minutes at a brisk pace.

أنامل قلب
05-04-09 ||, 08:45 PM
^ أحسه يكفي ، إلا لو كنت مستعد + مستمتع وحاب تزيد !
أمس واليوم ، بديت أمشي همم مثل ما ذكرو بالاقتباس بين الـ 45 دقيقة للساعه ..

اممم وايدين قالولي ضعفانه ، مع ان وزني نفسه ثابت بين رقمين !
وللحين يقولون المفروض ما أنزل أكثر من 2 لـ 3 كيلو ،
بس هدفي أنزل بحدود الـ 5 كيلو ..

+ وعن الجوتي ، خذ لك واحد من غير حبل :tongue: ~

+ المكتوب يرفع المعنويات ،
يحسسنا بإن الموضوع هين / ما يباله شي ^^"

المزوحي
05-04-09 ||, 10:08 PM
شكرا سكون، لالا الصراحه غير اليوم يوم سرت امشي، الواحد يحس بنشاط، مع إنه أول يوم ..

إن شاء الله يقدرني، اكمل، لو 4 ايام ( من الاحد لين الاربعاء ) ........

دمعة شوق
08-04-09 ||, 09:24 AM
المزوحي
انا اسوي الجاهي الاخضر واحط علاقة زعتر يطلع طمعه حلو ^^
وشد حيلك ولاتتعذر بـ الجوتـي :)

المزوحي
08-04-09 ||, 02:43 PM
إن شاء الله دمعة شوق

عفاريتووو
08-04-09 ||, 06:42 PM
الحمدالله وصلت الوزن اللي لازم اكون فيه ^_^
بس الحين ان شالله اقدر اثبت

المزوحي
08-04-09 ||, 07:06 PM
حافظي عفاريتووو، شي حلو ...

أنامل قلب
09-04-09 ||, 01:00 AM
^ عقبـــــــــــــــاااااال نا باذن الله ~ !

,

مستمره بالمشي ، ماعدا اليوم لأني انشغلت ..
بس مستمرين عليه يوميا ان شاء الله ^^
+ يحسسنا بالنشاط =]

المزوحي
05-05-09 ||, 03:07 PM
وين وصلتوا في المشي، وحد منكم قدر يوصل للي يباه ؟


سؤال

يستوي امشي في الليل ؟

المقصود ‘ إنه المشي في الليل ممكن ينشط الجسم، بدل ما ايساعد على النوم ...

وانا عادة أمشي العصر، بس قلت بغير وبمشي عقب المغرب ... أو على الساعه 8

مزن هتان
05-05-09 ||, 09:20 PM
لايعه جبدي و عايفه نفسي أنا و غسلت ايدي كمان
وقفت المشي لأني كلش مو لاقيه وقت
ارد البيت 5:20
يأذن المغرب 7 و 8 و شوي العشا
9 الا ربع اتعشى 10:30 اكون مقفله

نويت اجيبها من الاخر ناقشة جديا موضوع اني اسوي " عملية "
لقيت معارضين كثار بـ كذا خلني منتفخه ازيّن

موفقين و سلامتكم =)

المزوحي
05-05-09 ||, 11:49 PM
مزن هتان ... يبالج نظام غذائي عيل، بما إنه ماشي وقت للمشي ...

طيب يبالج نص ساعه ـ يعني من 7:15 لين 8 إلا ربع

أو امشي في الويك اند

شمعة أمل
23-05-09 ||, 10:59 PM
همممم

على فكره

المشي ما بيفيدكم اذا بس جي مشي! لانه ماتمشون بالسرعه المطلوبه ولا على مرتفعات فـ اذا ناووين تظعفون هالشي مابيستوي! لانه الجسم يوميـاً يحتاج 10,000 خطوه.. فـ اذا بس جي تمشون.. مايفرق! بس يالسين تنشطون جسمكم وتشغلون عضلاتكم.. يعني ماينفع حق الناس الى يبون يظعفون بس ينفع للناس الى يبون يدّخلون *شوية* رياضه في حياتهم..

فـ شو الحل؟


مكينة مشي على سرعة 5.0 على قل + ارتفاع 4.0 على قل..لـ نص ساعه على قل. بمعنى آخر، جنكم تمشون على جبل.. ومن فتره لـ فتره ظروري استخدام الدمبلزز عشان يساعدكم في حرق الدهون..

http://www.dietandfitnessresources.co.uk/images/equipment/x0063/reebok-vinyl-dumbbells-1.jpg


مع السكواتس

http://www.myfit.ca/exercisedatabase/images/squats.gif


مع اللنجزز

http://www.exercisegoals.com/images/lunges4.jpg


لمساعدة الجسم على بناء العضلات، (more muscles more weightloss) من الضروري تاكلون بروتيـن... أسهل وأحسن طريقه هو انه تاخذوون بروتين شييك بعد الرياضه مباشرةً

http://www.elite-wellness-coaching.com/images/protein_shake.jpg


وجان أظعف وقريب بوصل للوزن المطلوب وبستوي انجلينا جولي p; ولا على قل نفس مدربتي.. أبا عضلات :ghostface:

المزوحي
23-05-09 ||, 11:25 PM
شمعة أمل ...
ماشاء الله ... ولد أخويه سار fitness first شو تبين أقولج عنه الله يحفظه، قبل جسمه لوعه، والكرشه من أكل الوجبات
السريعه ... يخخخ ... عطوه نظام غذائي + التمرينات عندهم :fa42:


والحينه الرضيعه سجلت في النادي، لكن حق الحريم بس ... موجود في الواحة سنتر وجريب بيفتتحون في اب تاون مردف :m_atmasha:

أنامل قلب
23-05-09 ||, 11:39 PM
مزن ، مادري بس دوم اتخيلج نحيفه ،
+ فعلا في بنات ازين لهم يكون ابهم صحه شوي ..
+ بالنسبة لي أكون بوزن زايد شوي ولا إني أكون نحيفه وعظم ^^"

اخوي المزوحي ، ما شاء الله من أكثر الاخوان المتواصلين بالموضوع ،
تحمسنا ، بس بشرنا ها وين وصلت !

اختي شمعه ، ما شاء الله عليج ، يعيبني هذا الحرص منج اختي ..
+ ع طاري العضلات فصدق يبالنا لول / اسولف ، بس فعلا يبالي بروتينااااات !
+ بسم الله عليج من انج تصيرين مثل هالانجلينا ، اذكر مره شفت لها صورة من عند اختي
كانت صدق بس عظاااااام ، كل عرج فيها ظاهر احليلها ><

أحلى شي بالموضوع انج محااااافظه عـ صحتج =)

,

اممم كلهم يقولولي ـ الحمدلله ـ ضعفانه ، مع ان الفرق مو ذاك الزود ،
يمكن نزلت كيلو ونص زياده ^^" / ماعرف بس حاليا وزني اقل عن طولي ابـ 100 + 5 ،
بس بعدني مو مقتنعه ، ابي أكون أقل ابـ 3 او 4 كيلو بعد + محتااااااااجه رياضه جدا جدا جدا ..!

وووبس !!!

المزوحي
23-05-09 ||, 11:45 PM
أنامل قلب تراني أنا بس مشي، أوقف 3 أيام وأرد أمشي ... بس مثل ما قالت الأخت شمعة أمل، يحتاي نسوي اللي

قالت عليه .. أنا كم من مره بغيت انظم لنادي، لكن مادري ليش ما اتحمس لـــ هالشغلات ..!

أنامل قلب
24-05-09 ||, 12:00 AM
^ ربي يعينك أخوي ، وباذنه بتوصل للوزن اللي تطمع له ،
+ اهتم بصحتك كثر ما تقدر عشان لا تتأثر عقب .. >> طاع من يتكلم ^^"

رمــش الغـــلا
24-05-09 ||, 12:05 AM
واللي يبـآ يزيد عالاقل 3 كيلوآت =)

أتمنى اللي عنده شي يفيدني

لانه في وحدة فالواحات "اسمها يبدا بمهابة لول " عقدتني

تحسسني اني لازم امتن ووايد بعد ><

أنامل قلب
24-05-09 ||, 12:13 AM
اي من الوزن اللي ذكرتيه احس ، مع انه يعتمد عالطول !
بس في أنواع من الرياضه تزيد الوزن اختي ..

+ المهم انج ما تلجئين لأشيا تضرج ، يعني انج تاكلين
شغلات دسمه ولا تمنعين نفسج من الرياضه ولا ولا ..

+ ترومين تاخذين استشاره لنظام الغذا اللي ينفعج ،
ووووو هذا اللي عندي ^^"

أو نلخصها بإنج تاخذين 3 كيلو مني لول / ^__^ ..

رمــش الغـــلا
24-05-09 ||, 10:03 AM
ترآني جيه نـآوية أبدا نظام رياضة فالصيف ان شاء الله لول ..

بس عالأكل .. الحمدلله من النوع اللي آكل .. بس مرآت أنسى >_<

موقف استوالي عـ العشا

" كنت يالسة اتعشى وياهم بس اقولهم مب مشتهية ماعرف ليش مع انه مب ماكلة شي غير الريوق فالكلية

تقولي امي ما يستوي .. لازم تاكلين لج شي .. اقولها مول مب مشتهية ><

شوي جـآن أجبر عمري آكل لقمتين عن خـآطرهم وفجـأة أقولهم انا ويا خواتي ماكلين قريب المغرب خفايف عسب جيه انا شبعـآنة ><
قلتلهم قهر نازلة ومتعنية وآكل غصب واخر شي طلعت ماكلة لوووول

"وجان اتغيض امي وتتحرطم علي هههههه "

.
.

يعني انسى اني كلت شي .. وساعات انسى آآآكل =(

.
اذا طولي 156 .. شو بيكون الوزن المناسب له ؟؟

شمعة أمل
24-05-09 ||, 09:38 PM
ترا هذا الى حطيته مب حق النادي، هالتمارين الـ *بسيطه* حق البيت.. وماكون شمعه لو ماتعرقون وتحرقون دهون:icecream: النادي شيييي ثانييييييي!!! فالجم أسوي تمارين ريوول ويا 40 كيلوو:tounge: بس معظمهم بـ 15 كيلوو:fa35:

بس أهم شييي انه يكون عندكم مدرب \ مدربه .. لانه غصبن عن ويهكم تسون كل شي.. ومب على كيفكم توقفوون.. فـ عشان جي احس مدربتي نعمه على الأرض.. أبا عضلات:bash: بس عضلات نسائيه مب شي دفش p; صح هالشي يكلف.. بس كم يسوى لـ باقي حياتكم:fa41:

شي ثاني! اكتشفت انه مصيبتي ويا المرتفعات تزيد يوم عن يوم >_< دوخت عليهم مرتين في الجم! خلاص مايخلوني أسوي رياضه عدال الدرايش لول:fa46: يا حرام المنظر وايد حلو:bash:



رمششش!
انا دخلت محل نيوترشنن هاللي في تاون سنتر ادور شي! وعندهم نفس بودره تسوينها شييييك تمتن!!!!!!! وجان اتذكرج وملاك الروح:tounge:

ذنـيـنـي
26-05-09 ||, 02:50 AM
شمعة امل انا ما مني فايده ابددددداً !!
احس ما عندي قوة اراده ولا اقدر اقاوم الاكل
اشترك في الجم و اسير مره مرتين ثلاث - اسبوع بالكثير و اطنشهم
اجري يومين ثلاث و اطنش

التزم بجدول غذائي اسبوع واحد بالكثير و امل منه

حالتي صعبه لول

========


انا ابغي اتغير!! و اييني الدافع للتغيير,,

لكن يوم يومين و عقب ارد شرات قبل :(


انتي شو سويتي عشان تقوين ارادتج ؟

صريح
26-05-09 ||, 10:48 AM
نصوور انا موليه ما التزم بجدول غذائي معين لانه هالشي بشكل عام صعب

و مثل ما خبرتك هاك اليوم لازم تكون العزيمه قويه بوجود هدف تبغي تحققه ...
مثالا لازم تحط في راسك بعد 3 او 6 شهور كيف تبغي جسمك يكون ..
تخيل شكلك كيف بيستوي لو شديت حيلك لانه فالنهاية انته المستفيد
:fa51:



انا ادرب عسب الـ muscle tunning يعني لياقة و الجسم يتقسم ( يعني شرات جسم بروس لي خخخخخ :14: )

ما ادرب عسب الـ full body building اللي ينفخ الجسم و تستوي مثل القبقووب ههههه


اياام التدريب و الدفاان الجاامد اكل 7 وجبات فاليوم عسب العضلات تنموو ..
طبعا ما اكل عيوش و مقالي و الاشيا اللي فيها دهون واايد

و اشرب الـ protien shake مرتين فاليوم مره الصبح و مره بعد التدريب

هذا اللي اشربه طبعا بالـجوكليت فلييفر احلى شي

http://www.wheygoldstandard.com/

http://oasis.bindubai.com/bin/uploaded/508_01243318747.jpg (http://oasis.bindubai.com/bin)



و نصييحه تبغي اكل ممتاز و ما فيه دهون واايد علليك بالـ subway
انا عاايش في subway هههههه .. اخر شي بقنعهم يفتحون فرع في بيتنا

اكلهم خفييف و تحس انك تاكل اكل صحي
:14:



و بالنسبه للتدريب انا مقسم التدريب عسب ما امل


يوم: بايسبس و صدر
يوم: تراايسبس و ظهر
يوم: كل التمارين

و قبل ما ابدا لازم نص ساعه cardio ( تسخيين )


و شمعه امل ما قصرت بالتمارين اللي الواحد ممكن يسويها فالبيت
لانها واايد مهمه .. خصوصا اذا مرت فتره ما قدرت تسير الجم فيها
فتقدر تسويها فالبيت


و اهم شي الـ push ups و الـ اللنجزز و الـ جري

قصايد غلا
26-05-09 ||, 12:15 PM
أنا عادي ألتزم بنظام غذائي .. الأكل مب مهم عندي بس أهم شي انه فيه حد يراقب أكلي و الحمدلله أميه مب مقصـــرة موووووووول :yes: يوم أي بخربط تمنعني و تذكرني بعمري يوم أتم ندمانة لو كلت شي يضرني



فــ من هالناحية الحمدلله .. اللهم لااااا حسد ==> كل شي اوكي


بس مصيبتي بالرياضة .. =( موووول ما عندي وقت أسير الجم :smile2:

كل وقتي ضايع بسبة الجامعة :fa43:

مجموعة إنسان
26-05-09 ||, 01:00 PM
قريييبا جدا جدا

حمووود المعظل
داخل على الرياضه بقوة في نادي الضبط

صريح
26-05-09 ||, 01:26 PM
^
^

رووووح يا عضلاات ..


و حبتيييييييين
:4:

شمعة أمل
26-05-09 ||, 06:51 PM
ذنيني
اناااا ماقلتلك تسير تسوي البودي كومبزيششن:bash: هالشي وايد مهم! وبعد وايد مهم تسوي فحص دم عشان تشوف اذا عندك مشكله في الانسلين أو القلوكس.. اذا ماتجيك على هالأشيـاء ماشي فايده! لانه اذا فعلا عندك مشكله في هالشي لازم تغيّر حياتك ونظام أكلك يتغيّر كليـاً.. وفوق ها لازم تاخذ دوا.. هالشي balances your insulin levels so it stops dramatic weight gain .. لانه الناس الى جي السستم في جسمهم غير عن باقي الناس!

يعني هممم كيف اشرحلك انه هالشي وايد ظروري
فرضااا.. ذنيني سار هالمطعم مال الستيـك.. وطلب ستيك ويا فرايز... كل حبة فرايز... الانسلين عنده ينقععع.. يطرش signals مخرفه لـ البانكرياس... بدال ما يحرق الفرايز.. يخزنه كـ شكر!.. ف يوم تي تاكل الستيك مالك .. كله بروتيين وجداً مفيد للجسم.. جسمك يكون مخرف من داخل فـ يخزنه كـ شكر! مع انه بروتين هو الشي الى يظعفك!

لكن
اذا ذنيني كان شاطر وخذ الدواء وتم على حمية بروتين+دهون.. الانسلين عنده بيشتغل صح (والدهون عادي لانه الجسم الى جي يعرف يحرق دهون بس مايعرف يحرق شي ثاني).. ويوم تاكل البروتين بتبني عضلات... (مب يعني عضلات سوبرمان لا بس يعني عضلات جسميه) وكل ما تاكل بروتين أكثر وتبني عضلاتك كل ما بتظعف اسرع!

انا ماقوول انه فيك هالشي.. بس لازم تجيّك.. لانه اذا ماجيتك وسمعت كلام اي حد.. محد بيفيدك! لانه جسمك بيخترب وصدقنيييي شو بيستويبك في المستقبل شي *مب حلو*.. انا قريت كتاب عن هالأشياء وزغت..


وانا كنت مثلك! ماعندي اراده ولا شيييي بس تغيّرت..

أول شي، احبااااااااااااااااط!!
ولا مره في حياتي حد قالي شمعه متنتي! دايما حد يقولي شمعه ظعفتي! فـ يوم سرت وسويت البودي كومبزشن وشفت كم دهون عندي وكم عضلات وشو منه ماي وشو منه عظام وشو قالو عن my lifestyle وكل شي... كنت بصيح! مادري يمكن صحت بعد؟؟ ربعك لاتعتمد عليهم.. لانه مستحيل يهزبونك ويقولولك يالدب .. الخ! لازم تعتمد على حد من برع

بس طبعا.. كل حد يعرف كيف الاراده ظعيفه عندي.. ف ربيعة امي يت بيتنا يوم واحد وعطتني كتاب.. وقالتلي اقراه!.. من أول جابتر وانا خلاصصصص قلت بغيّر حياتي.. أشياء فضيعه فضيعه تستوي حق الناس الى فيهم هالمشكله! ومستحيل أعرس وانا جيه حرام أبهدل ريل المستقبل:4: اشياء فضيعه من الخاطر O_o

فـ قلت خلااص!
رمست أبويه ودورت نادي.. قلت وين أقرب مكان أقدر اسوي فيه رياضه! كل ما المكان أقرب أحسن! فـ أنا اسير لـ فندق! لانه هالفندق خمس دقايق من بيتنا.. أقدر أشوفه من حجرتي.. كل ما اطلع من بيتنا هالفندق في ويهي! يعني الرياضه بتكون على بالي 24-7 غصبا عن ويهي!

ثاني شي ترينر (مدربه)
عندي اياها 3 مرات في الاسبوع.. في وقت محدد ماروم أغيـره.. وهي wellness manager فـ تعرف كل شي عن الصحه الخ.. وأهم شي! تشتغل عند أبويه.. فـ ماقدر اتهرب أبداً!! لانه مسؤلها ترينر أبويه وعقب كل سشن تعطي هذاك تقرير عني وهو يخبر أبويه.. ف اذا كنسلت! وتكاسلت ياااااااويلييييي! أنهزب من كلحد! فـ هالشي يمنعني أشرد من الجم
وشي وااااايد مهم! لازم تاخذ ترينر فيه عضلات!!!.. وانا أسوي رياضه (اسميني هبله) كله أيلس أشوف عضلاتها وأقوللها انا اباااااااا!!:4: هالشي استخدمه كـ a motivation tool :thumbup1:
وفي الأيام الثانيه أسوي روحي يا هناك ولا في البيت! وآخذ يوم اجازه:fa46:
اذا البدجت عندك محدود.. خذ ترينر لمدة اسبوعين أو شهر.. 3 مرات في في الاسبوع.. واحجزهم.. عشان غصب تسير ولا يشلون بيزاتك! وبعدين بتعرف كل شي.. ويفضل لو تسير جم فيه آلات techno gym لانه سهليييييييين! جنه المكينه ترينر خاص فيك! فـ يوم تسير روحك تعرف تسوي كل شي! بس لازم تحط الوزن المطلوب وطولك والمكينه تسوي كل شي!

كوميوونييكشن!
لازم ترمس عن هالشي.. مايستوي تسكت! أنا ربيعاتي كلهم بتيييت فـ مامنهم فايده! فـ شو سويت.. فتحت blog يمكن 80% من بوستاتي عن رجيمي .. الخ.. اتحرطم وكل شي وهالشي وايد يساعد! لانه هالناس مايعرفوني.. فـ يتمنولي الخير و محد يعرف وزني وماعترف بالوزن الى خسرته الا لـ 3 أشخاص.. أبويه & الترينر & دكتورتي
وبعد مهم تحاصر نفسك بناس يسون رياضه! مب شرط رجيم.. انا رابعت وحده كويتيه.. يوميا ارمسها عن كل هالأشياء.. وهالشي بعد وايد يساعد لانه هي بعد تسوي نفس الشي! وبعد اطرش مسجات لـ مدربتي! واذا عندي استفسارات اتصل في الدكتوره!
و24-7 سوالفي ويا أبويه عن الصحه والرياضه.. والترينر يوم أشوفها نفس الشي بعد كله عن الصحه وأسألها كل شي!! الحين بديت أفهم جسمي.. أسأله سخفيه.. مثلا شليت شي وايدي نقعت.. ليش ايدي نقعت؟ واخليها تشرحليي كل شييي! ودكتورتي.. يا الهي.. أكثر انسانه حبطتني! وكل ما تحبطني كل ما اصطلب!


منظره صادقه!
كل منظرات بيتنا جذابه.. الى تظهرني حلوه الى تظهرني ظعيفه.. الخ.. فـ هابيتات عندهم منظره عووووده تخسف الواحد وتمتنه.. بألف وشي.. خذها وحطها في حجرتك! كل مابتشوف نفسك فيها بدال ماتسير ترقد تركض للجم!:glare: منظره فظيعه اطلّع كل العيوب:ohboy:


لازم تحب نفسك!
هاي أهم نقطه.. اذا ماتحب نفسك.. مابتقدر تساعد نفسك! < هالشي تعلمته من أبويه
لاني كنت استغرب من الاشياء الى ياكلها.. وعانييت في بداية الرجيم .. ويوم قلتله كيف تاكل هالاشياء المعفنه.. جان يقولي الطعم مب مهم.. أهم شي انه يفيد جسمي لاني انا أحب جسمي وأبا اي شي ممكن يفيده!
بس الحيييييييييين.. انا ماخلي شي ماكله.. واتلذذ في الأشياء الى طعمها استغفرالله مادري كيف.. بس عقب ما اقول ممم لذيييذ بعدين يستوي لذيذ.. والمسأله مسأله تعود
يعني أول ماخذت بروتين شييك حسيت بزوع وخايس.. بس الحييييينننننن جنه ميلك شيك وايد عايبني!


أكلات عدله
البروتين أهم شي ممكن تعطيه لـ جسمك! لانه بروتين هو الى يبني العضلات.. Protien is my new best friend <3 يعدل الجسم ويظعف ويعطييك طاقه.. لازم وايد وايد تاكل بروتين.. وااااااااايد!!!
وبعد ابتعد عن شي اسمه سكر وكاربوهيدرات< اشياء قاتله!
انا شو سويت.. بدلت هالأشياء بنفس الشي بس خالي من الكاربوهيدرات.. يعني عندي باستا (طعمه حلو) وخلطات حق كيكات وسينابون!! ووعندي خبز بعد (اذا تبا خبرني وبعطيك الأرقام).. ف ولا جنه حياتي تغيرت.. ومعظم هالأشياء لذيذه
وماتولهت على شي اسمه حلاوه لانه عندي ال atkins day break bars .. اختراااع يخليني ابتسم كل يوم.. أحلى واحد الـ chocolate chip crisp bar .. هذا فييه اقل من 1 قرام شكر وايد فيه بروتين (نشتريييه بالكراااتيين! لازم ماتاكل اكثر من 2 في اليوم)
وطبعا حبي.. البروتين شييك!

هذا أحسن واحد.. مافيه شكر موول.. وايد فيه بروتين.. وبس في 1 كارب! نحن ناخذ فانيلا! تقدر تحط فيه فواكه بس انا احط فيه كوفييي طعمه يستوي فرابتشينووو:thumbup1: أحسن وقت تشربه سيده عقب الرياضه:thumbup1:
http://i3.ebayimg.com/08/i/001/3b/72/c1aa_1_sbl.JPG




هيه صح نسيت أقول الخبر الى وايد حلوو
كل شخص جسمه مختلف :) والحلو في بودي كومبزشن انه يقولولكم شو وزنكم المثالي! يعني بعطيكم مثال وايد حلو... طولي 165 وطول امي 166 يعني هي أطول عني بـ 1... وزني المثالي هو وزنها الحالي.. بس هي قايليلها لازم تظعف 9 كيلو:4:
يمكن انت عضامك ثجال.. ف وزنك المثالي بيكون وزن دب.. يمكن انت حاط في بالك تبا تظعف 20 كيلو ويقولولك بس اظعف 10 كيلو:4:




وآخر شي! دورلك قدوه.. حد تبا تكون مثله! انا يحاصروني ناس عجيبين! يعني الترينر عايبني جسمها فـ أبا أكون مثلها! وباباتي الله يحفظه يوم أشوفه استحي على ويهي.. يركب دري عمارات خمسين طابق وفوق وبيسير يركب جبل في افريقيا وانا مالت عليييّه ماروم اسوي لا هذا ولا هذا! فـ كل مره أحاول أكون أحسن! يعني أحاصر نفسي ويا ناس بيفيدوني :)











انزين
قلتلك قصة حياتي وكيف انا اتغيرت واستويت انسانه ثانيه فنانه لول.. والحين دورك!

شمعة أمل
26-05-09 ||, 06:59 PM
رياضه بسيطه للبيت


هالتمرين تعلمته! وفعلا شي عملي ويجبركم تستخدمون your core muscles وكل ما هالعضلات استوت أقوى.. كل ما your posture بتكون احسن وكرشتكم بتختفي & بتبنون عضلات في ريولكم

بما انه لين الحين ماشتريت زوليه.. فـ الـ yoga mat عجيبه عشان تحطون سيادة صلاه عليها وترتاحون في صلاتكم.. بس في نفس الوقت! تنفع للهالتمرين البسيط! والكره عمليه جداً شي وايد اشياء ترومون تسونها ويا هالكره.. مثلا تستخدمونه كـ كرسي في حجرتكم.. ف ماعندكم سبب عشان ماتشترون هالشيئين لانهم multi-purpose وفي نفس الوقت بتشوفونهم كم من مره في اليوم.. ومابيستويبكم شي لو سويتو هالتمرين مره ولا مرتين في اليوم لـ خمس دقايق!


http://z.about.com/d/exercise/1/0/o/D/ballhipextend2.jpg

Lie down with feet heels propped on ball. Keeping abs tight, slowly lift your hips off the floor (squeezing the glutes) until body is in a straight line. Hold for a few seconds and lower. For added intensity, lift the hips and then take one leg off the ball, hold for a moment and lower. Repeat, lifting the other leg off the ball.



هالموقع مفيد! فيه كل شي.. ف ماعندكم عذر!

http://exercise.about.com/cs/abs/l/bl_core.htm


على فكره.. هالتمارين شكلها سهله بس صعبه! ولازم تسونهم شووووي شووي لـ 12 مره ثلاث مرات!!

شمعة أمل
26-05-09 ||, 07:03 PM
و اهم شي الـ push ups و الـ اللنجزز و الـ جري




بعد الـ squats مهمه وايد... وعلى فكره السكواتس & لنجزز لو حسيتوهم سهلين يعني تسووونهم غلط! فـ سيرو قوقل وجوفو كيف يسونهم.. ولازم تكونون في حجره فيها وايد منظرات عشان تشوفون جسمكم كيف يتحرك.. لانه عادة لازم تنزلون أكثر! & bend your knees more

شمعة أمل
26-05-09 ||, 07:20 PM
حق الى ماعندهم وقت < قصايد هذا بيفيدج


شخصيـاً.. مرات أحس اني ماحرقت دهون وايد.. ولا أتلوم في ايامي الـ off
ألبس ankle weights اشتريتهم من nike بـ 240 اظني! وأيلس اتمشى في البيت ولا انظف حجرتي!


http://media.rei.com/media/q/1334758.jpg





ثاني شي

الرقص:a049:
ماطري رقص مصري.. اقصد رقص اي كلام!
أنا جي أسوي! تقدرون ترقصون في حجرتكم.. ومحد بيعرف!:tongue:
والحين الصيف.. وووراكم spring cleaning!!! تقدرون ترقصون وانتو تشلون قميص من الكبت وتحطونه في كيس للفقراء :)

http://www.youtube.com/watch?v=Mk55aQQfS6c&feature=related
http://www.youtube.com/watch?v=1rfuNK1_ipk

شمعة أمل
26-05-09 ||, 10:18 PM
صح تذكرت شي ثاني اذا تبون تظعفون ولا اتمون مثل ما انتو
لازم يومكم يكون روتين.. ومب عشوائي
مثال

أنا أنش 8 اتريق 8:30 أخذ اتكنز بار اسير الجم ارد 12 اشرب بروتين شييك أتغدا 1 ونص او 2 على الساعه 6 اكل شي يا سندويج ولا اتكنز بار ويا مكسرات واتعشا 8 ونص وارقد 11 ونص

لازم رقادي يكون روتين عشان اكلي يكون روتين
لو اكلكم مب روتين جسمكم بيخزن أكلكم بدال ما يحرقه.. لكن لو هو روتين بيحرقه :)

المزوحي
26-05-09 ||, 10:41 PM
زين شمعة أمل ... إذا بغيت اعرف شو المناسب لي ، وين أسير بالضبط ... ؟؟

أنا من زمان سرت مع ربيعي دكتور نيوترشن ووقفت على جهازم اللي طلع لي نسبة الماي + الدهون + وزن العظم الخ

شي جيه ... وبالمره ابغي اعرف شو الشي المناسب لي مب بس عسب الريجيم

شمعة أمل
26-05-09 ||, 10:57 PM
تقصد الوزن؟ ولا الدايت؟

المزوحي
26-05-09 ||, 11:01 PM
لا اقصد الوزن ... مب شرط امشي على نظام غذائي ....

بس ابغي اعرف شو المناسب، بس ما احب خرابيط النت شو المسموح لي آكله على حسب فصيلة دمي

شمعة أمل
26-05-09 ||, 11:09 PM
تراك قلت انك سويت هالمكينه.. يقولك فيها شو وزنك المثالي .. ماطبعولك الورقه؟ مكتوب فيه.. بس لازم تسويه من فتره لـ فتره لانه اذا تسوي رياضه وتبني عضلات الوزن المثالي يزيد.. واذا تخسر عضلات الوزن المثالي ينقص

سالفة فصيلة الدم يعتمد على جسمك
مثل ما قلت حق ذنيني.. اذا انت عندك مشكله في الانسلين ولا قلوكوس (تعرف هالشي من فحص دم).. مايستوي تسوي اي رجيم غير الى انا اسويه لانه مابينفعك..
بس مال فصيلة الدم بينفعك اذا انت ماعندك مشاكل

المزوحي
26-05-09 ||, 11:11 PM
طبعوها لي الورقه، بس من غير ما يشرح لي الدكتور شي .... لأنه ماسرت حق نفسي ...

بخصوص فحص الدم بسير أسويه عيل

شمعة أمل
26-05-09 ||, 11:16 PM
اذا تسولي اياه سكان واطرشه على الخاص اقدر اشرحلك اياه وشو لازم تسوي!
انا الحين مسطله وقت رقادي.. مب رايمه افكر! فـ بشرحلك باجر

ذنـيـنـي
27-05-09 ||, 01:22 AM
برجعلكم عقب و بقولكم شو الي بسويه
محتاج اسوي برين ستورمينغ مع نفسي عشان افكر و احاول احطلي بلان

صريح, شمعة امل
شكررررراً من الخاطر

برجع و بحط رد ثاني بقولكم فيه بشو طلعت ^^

قصايد غلا
27-05-09 ||, 01:09 PM
شــــكــــراااااااااااااً شكراً شكراً واااااااااااايد شمعة :k_smile2:


بس بغيت أسألج وين بحصّل هالكرة و الـ yoga mat ؟

شمعة أمل
28-05-09 ||, 12:57 PM
وايد مستانسه
اليوم الصبح كان عندي تريننغ! قدرت أسوي الـ Ab roll على الكره وخليت مدربتي تسويه ويايه:k_devil2: خلها تتعذب شويه:fa46:
من شهر مارمت أسويه! والحين أقدر:fa35: بس يعور البطن!

الاسبوع الياي ان شاء الله ببدى يوقا.. بشل اختي الصغيره ويايه والترينر بعد بتي ويانا D:

باجر ويك اند.. بما اني ماسويت رياضه البارحه بسوي رياضه لـ ساعتين هالويك اند! احس ساعه ماتكفيني لازم ابني عضلات بسرعه ماباقي شي وبسافر:bash:

قصايد
ترومين تحصلينهم في اي محل رياضه! ولا حتى يمكن في كاروفور.. انا اشتريتهم من the sports market شارع جميرا عدال جوني روكتس! وخليتهم ينفخولي الكره
وخذت اليوقا مات مال نايكي.. عشان ترومين تلفينها وتشلينها بسهوله.. فـ هاي احسن وحده اذا بتشلين اليوغا مات وياج برع نفس لـ كلاس يوغا

ذنيني
waiting :D

مايهزك ريح
28-05-09 ||, 01:16 PM
ذنيني ..
سير عند fitness first عندهم جهاز يركبونك عليه ويجيك لك على كل شي ويقولك كم لازم نتزل ..
ويرتبولك كل شي ..
حتى اذا تبا تبتدي ويا personal trainter بعد يرتبولك الأوقات ويتم واقف على راسك عشان يظمن انك اتسوي التمارين صح وما توقف ^_^!!
انا بسير اقرب واحد على البيت بما اني كنسلت السفر .. بنزل الكمن كيلو اللي زدتهن بسبب السفر واكل الجنك فوود
واذا بسوي بلان بحطلكم اياه ^_^

قصايد غلا
28-05-09 ||, 01:26 PM
شمعة : شــــــكــــــراااااً من الــ:fa41:


الله يوفقج و إن شاااء الله تستمرّين :yes: .. و عقباااالنـــا :fa35:

المزوحي
28-05-09 ||, 10:37 PM
:fa43: ودرت المشي مره ثانيه، جسمي اخترب :h_negab:

شمعة أمل
29-05-09 ||, 04:26 PM
اليوم كان كشششششخه:fa56:

حظرت الـ vertical marathon في ابراج الامارات.. سايره أشجع أبويه:11:

ماشاءالله على المتسابقييين!! ماتخيل عمري حالياً اركب 52 طابق! فوق ها الدري الى برع بعد! السباق يبدى من قاعة قودولفن! ماشاءلله عليهم.. معظم المتسابقين لو تشوفونهم يوم ينزلون من اللفت ولا جننننننننننه توهم طلعو من ماراثوون.. وشي منهم كسرو خاطري من كثر ما يكّحون!!

الفايز بالمركز الأول في قسم الـindividual واحد اجنبي.. وحطم الركورد بـ سبع دقايق وشي! *ماشاءالله عليه!*
والتييم الفايز بالمركز الأول تييييم أبووووووووووووييييييييييي يه :11::11::11::11: ماشاءالله عليهم يستاهلون:11::11: خلصو ها كله في 12 دقيقه.. حطمو ركورد العام! :fa56: ونااسه! تخبلت في السياره ونحن رادين البيت:4:



عقبال شباب الواحات:tongue:

الا انا
29-05-09 ||, 05:51 PM
.^^

لوول

ربشششششششه ..

وكوووووووول .^^ مبروكين مبوركين :)

......

><

><

احس اني صايره دبببببببببببببه >< مادري ليش .@

مع انه الكل يقولي لاااا ..!!

بس هالشعور يذبحني ..!!

><

ويبدى الرجيم ....................!!!!

ذنـيـنـي
30-05-09 ||, 01:32 AM
رتبت اموري و حطيت لعمري بلان
و ان شاء الله ان شاء الله من باجر الصبح بسير الجم

حاليا دوامي من الساعه ٧-٢ فليل
يعني الصبح ما عندي شي اسويه و اهم شي انه الصبح الجم يكون فااااااااضي و بتمرن على راحتي

سويت ريسيرج في النت و قريت كتاب عند ربيعي اسمه body for life
حبيت اسلوب الكاتب و التكنيك الي يستعمله

طبعا الريال نظامه عباره عن نظام اكل + رياضة
اول شي بتكلم عن الرياضة و عقب بقولكم عن نظامه الغذائي

الرياضة تعتمد على نوعين من التمارين, الاول الي هو رفع الاوزان, و الثاني هي تمارين الايروبيكس
سواء جري او سيكل او وات ايفر
طبعا تمارين رفع الاثقال تكون لمدة ٣ ايام في الاسبوع و الايروبيكس ٣ ايام و يوم واحد اجازة
اليوم الاول يكون الجزء الاعلى من الجسم + الظهر
اليوم الثاني ايروبيكس
اليوم الثالث الجزء الاسفل من الجسم + معده
اليوم الرابع ايروبيكس
اليوم الخامس الجزء الاعلى + ظهر
اليوم السادس ايروبيكس
اليوم السابع استراحة
و بما انه اخر شي سويناه هو فوق + ظهر, معناته انه احين لازم نبدء بـ معده + اسفل و نكمل على نفس الطريقة

بالنسبة للاكل

النظام محددلي ٦ وجبات صغار في اليوم
تعتمد على شي اسمه الحصص الغذائية, كل حصه عبارة عن مقدار اكل بحجم قبضة اليد المسكره
و كل وجبة فيها ثلاث حصص عبارة عن حصة بروتين و حصة كاربوهايدرات و حصة خضروات

الكتاب قارنه من قبل لكن قريته بدون تركيز
هالمره قريته عدددددل و قمت افهم و استوعب كلام الكاتب و بديت اقتنع كلامه و وجهة نظره

لمزيد من المعلومات عن النظام ادخلوا الويب سايت
http://bodyforlife.com/

و لمعرفة النظام بتفاصيله ممكن انكم تشترون الكتاب من مكتبه المجرودي

رمــش الغـــلا
30-05-09 ||, 01:37 AM
أختي الصغيرة يالسة حذالي ..

قالتلي دشي ردي على هالموضوع اللي يبا يضعف

بس قوليلهم ابا امتن ههههههههه


.
.

حتى هاي الياهل تتطنز علي >< !

لول =)


..............................


انا برايي اهم شي الارادة تكون عند الواحد .. واعرف شخص قدر ينزل 10 كيلوات في شهرين

وان شاء الله ناوي على عشر كيلوات بعد خلال شهر ونص ..!

بس اهم شي الرياضة المستمرة =)

بس هذا كله يباله ارادة وعزيمة =)

.....

وان شاء الله كلكم توصلون للأوزان اللي تبونهـآ .. =)

ذنـيـنـي
30-05-09 ||, 01:38 AM
يمكن تضحكون علي

بس كتبت لعمري لستة كتبت فيها كل الاسباب الي تخليني اتغير و علقتها على باب الحمام xP
و معلق جينز قياسه ٣٨ على الكبت عشان كل ما اشوفه اتذكر و اقول اني خلاص ابغي اشتري جنزات يديده غير الجدام الي احجامهم كبيرة xP

رمــش الغـــلا
30-05-09 ||, 01:39 AM
انزين ابا اشوف شو هـآي اللستة لووووووووووول =)

يلا زين .. الله يسهل علييييك وتوصلل للي تبـآه

وماشالله ارادتك قوية مبينه ^__^

قصايد غلا
30-05-09 ||, 09:40 AM
ناصر :

خطوة حلوة :fa42:

يلا عقبال ما نشوف ذنيني اليديد عقب فترة .. بس أهم شي إنه ما يصيبك الإحباااااااط و ترد تتكاسل .. لو نزلت كيلو ، اظهر إعجابك بذااااتك

حبّييييييت حركة البنطلون :fa47:




==================================






رمش : 10 كيلوووو في شهريــــــــن أو شهر و نصصصص !!!!!!

ما يستوي لوووول .. هذا مخربط =p


لأن مستحيل ينزل في الأسبوع أكثر من كيلو وااااااااحد دهون لو شو ما سوّا الإنسان

لكن لو نزل وزن الشخص أكثر من كيلو في الأسبوع معناته إنه "كيلو واحد دهون و الباقي عضل و ماااااي" و هالشي يضر ما ينفع :fa36:

لمّــاح
30-05-09 ||, 10:23 AM
شمــعة أمل ...
النظام الي تتكلمين عنه تقريبا نفس نظام الدكتورة ريتا في عيادة ويت كيير في الهيلث كير ستي .. سرتلها من فتره و سوتلي نفس الي قلتيلي عليه و طلعت عندي مشكله في الانسولين و عطتني دوا عشان احافظ على معدل الانسولين و قالتلي شو الاشيا الي ممنوعة عليه و الاشيا الي اقدر آكل منها بدون ما افكر حتى لول :b050:
نظامها صحي و جيد ..
و للي مايقدر يسوي رجيم و مايقدر ياكل اكل الرجيم، أحسن طريقة (انا مجربنها) انه يسير عند Lively أو العيادة الثانيه نسيت اسمها بس انا افظل لايفلي ... هاييلا يعطونكم الوجبات الي لازم تاكلونها طووول اليوم من ريوق و غدا و عشا، الوجبات تشببببع يعني ساعات صدق احس اني شبعت وماقدر اكمل الصحن و تخيلو في آخر الشهر نزلت حوالي 9 كيلو (بدون رياضة - بس مشي خفيف) بس مشكلتهم اني لازم اتقيد بالبوكس الي يطرشونه و انا مشكلتي كله برع البيت ( في الشغل ولا اخلص اشغالي الثانية برع ) ف لازم التزم بمواعيد أكل محدده ..
ذنيني ...
Body for Life
هالبرنامج ممتـــاز .. اربيعي خبرني عنه قبل كمن شهر و قالي ابتد ويايه.. المهم انا مابديت و هو بدا ..
البرنامج عباره عن كورسات، كل كورس فيه 12 اسبوع ..
يوم السبت الي طاف اربيعي خلص ال 12 اسبوع، ماخرب فيهم و كان ماشي عالجدول + الرياضة ..
نزل 16 كيلو، رقبته خفت نص انج، الويست حوالي 3 و شويه أو 4 !!
وعلى فكرة الريال هذا مب مواطن، بريطاني، ف وااااااااااايد بان عليه خصوصا اني كل يوم اشوفه بالبدله و أول ماخلص ال 12 اسبوع اشترا بدل يداد و شفت الفرق تميت جييييه :pullhair:
و على فكرة، 16 كيلو لهالريال ترا انجاز لأنه طويل (طوله 185 تقريبا) و كان وزنه 113 (يعني مب متين وايد) .. يعني لو انا اسوي نفس الي هو سواه احتمال انزل اكثر .. و هو اشترك في النادي الي في فندق البستان روتانا (عند المطار) ..
النظام هذا وايد ممتاز، حتى في موقعهم لو تشووف حاطيلك انواع الرجيم و شو تاكل و الرياضة .. انا طبعت كل هالاشيا و سويتلي فايل كامل ..
انا شخصيا جربت وااااااايد اشيا،،، و اشوف ان بودي فور لايف و الي يسوولك اياه في عيادة الويت كير الي تكلمت عنها في ردي على شمعة أمل و عيادة Lively هم احسن شي ..

رمــش الغـــلا
30-05-09 ||, 12:22 PM
لا حبيبتي قصوودة .. لا مخربط ولا شي

وانا اعرف وشفت النظام اللي ماشي عليه ..!

بس المشكلة ان الجسم يباله ريااااضة وااااااااااايد الحين ..!

والحمدلله بالإرادة قدر انه ينزل .. والفحوصات اللي سواها الحمدلله أطمن بس يحتااي ريااضة اهم شي وعقب يقدر يكمل ينزل بعد =)

شمعة أمل
30-05-09 ||, 12:35 PM
الا انا
الله يباااارك فييييييج!
ابدي رجيم ويانا :)


ذنيني
البلان عجيب! واذا ركزت عليه وماخربطت بينفعك :)
good luck & work hard

على طاري الجينز.. انا مره حصلت جينز وايد وايد حلوو.. القصه عجيبه وفيه حركه وايد حلوه.. بس ماكان عندهم مقاسي! ومستحيل آخذ الأكبر فـ خذت الأصغر.. والجينز هذا عقمته دقمه.. يعني مايستوي تلبسونه الا لو يسدكم.. قلت لنفسي.. من كثر ما هالجينز حلووو اكيد بظعف.. لازم البسه! وايد وايد كان عايبني الجينزز..
وحطيته في الكبت وكنت اجربه كل اسبوع.. وآخر يوم جامعه يربته وسدنيييي! جان اصوره واطرش الصوره ام ام اس لكل ربيعايتي p; الحينه هو شوي وسيع!
بسير اشتري سايز اصغر مره ثانيه.. وهذا بيكون سايزي المثالي مابا اظعف زياده من عقبه! وان شاء الله يسدني في 10-7



قصايد غلا
منوو قال.. امبلا يستوي.. انا مره نزلت 3 كيلو دهون وزدت كيلو عضلات!
وأعرف واحد خسر عشرين كيلو في ثلاث شهور.. وآخر خمس شهور ظعف 10 ..
كيلو دهون في الاسبوع بالكثير؟ حرام عليج p; صدقيني يستوي اكثر


لماح
أنا أسير عندي ريتا :) عندي مشكله في القلوكووس عشان جي.. ونفعتني :) دواها خايس.. فـ قمت آخذ نفسه بس slow release نشتريه من لبنان.. مافيه سايد ايفكتس الحمدالله! عكس الثاني اتم مدوخه طول اليوم =s
وعن لايفلي.. يعتمد على أكل البيت
انا لايفلي مانفعني بدال مايظعفني متني.. لانه أكل بيتنا وايد صحي وأوروبي.. وكل شي فرش.. الى ماحبيته في لايفلي انه اكلهم مب كله فرش =s يعني المشروم يكون مشروم قواطي.. فـ مارمت اكمله (هالشي من سنتين مادري ثلاث)

لكن وحده تقربلي سارت وظعفت اظني 6 كيلو.. لانه هم اكل بيتهم عيووش وصالونه على الغدى.. والعشا سندويجات ولا فطاير! فـ الناس الى اكل بيتهم جي لايفلي وااااايد بينفعهم

لمّــاح
31-05-09 ||, 10:35 AM
هلا أختي شمعة أمل .....
أنا حسيتبها زينه و دواها جيد
لايفلي نفعني برنامجهم لأني ما أكل في البيت اصلا فبدال الجنك فوود كنت أكل أكلهم

أنامل قلب
06-06-09 ||, 08:58 PM
الحمدلله مستوية أواظب عالرياضه ، بس الأشيا اللي اروم اسويها بالبيت ،
يعني بين المشي السريع والخفيف والجري ، وبين تمارين الاستبس ، والتمارين الثانيه ،
صدق تحسون بالفرق وشلون انكم تتنشطون / حماس !

ووووو مستوية اشرب ماي أكثر ، بس سؤال ؟

امم اللي اعرفه ان شرب الماي
قبل وخلال وبعد الرياضه عادي ، صح ولا !

المزوحي
06-06-09 ||, 11:14 PM
هئ هئ هئ انامل قلب ابغي امشي ابغي امشي بس حررررررر موت

ومادري ليش ما احب اسير الجم

الحل : ....

صدق لازم ارد امشي

أنامل قلب
06-06-09 ||, 11:23 PM
الحل انك تمشي بالبيت اذا في مجال ،
واذا ماكو فـ ماعندك غير ان اتيب جهاز المشي للبيت إذا كنت لازلت ماتحب تروح للجم ،
والا اضغط على عمرك وسير الجم [ صدق الرياضه نشـــــاط / نصحصح !

عفاريتووو
06-06-09 ||, 11:25 PM
انامل قلب لا تشربين ماي خلال و بعد الرياضة على طووول مو زين يأثر على القلب


الاسبوع الي فات كنت تقريبا كل يوم بالليل امشي
صدق تحسوون بنشاااط و يهدي اعصابكم
+ يوم لو تمشووون كل يوم تقدروون تاكلون ع راحتكم من دوون ما يزيد وزنكم
بس المشي لازم يقل عن 35 دقيقة

المزووحي صح ان الجو ابدا ما يشجع
بس حاول تمشي بالليل جي عقب الساعة 10 احس شوي الجو احسن

الموز
06-06-09 ||, 11:26 PM
ياليت تفيدونا على نادي رياضي للسيدات

المزوحي
06-06-09 ||, 11:29 PM
أنامل قلب ما في مجال في البيت + بس تدرين خطر على بالي اشتري سيكل ، بس مب جهاز السيكل - لا -

اقصد السيكل اللي نهوم به في الفريج أول : )

.....

عفاريتووو مستحيل امشي هالوقت، لأنه اكون تعبان نوعا ما - بس في النهايه احتاج امشي

أنامل قلب
06-06-09 ||, 11:53 PM
عفاريتوووو ، عيل متى نشرب !
احس مادري ، وايد أعطش بعد الرياضه :fa54: ..

,

اختي الموز ، ما سبق واشتركت بنادي ،
فـ ماعندي العلم بالموضوع ، ان شاء الله غيري
بيفيدج من أصحاب الخبره :k_smile2: ..

,

أخوي المزوحي ، حلو لو اتيبلك سيكل ،
مع اني ما سبق وركبت السيكل المتحرك ،
بس أحسه اوك / حماس ^^

,

وايد مستانسة اني صايره ملتزمه بالرياضه ،
جي نفسيتكم تتحسن وتتنشطون =)

المزوحي
07-06-09 ||, 12:01 AM
انامل ادري ادري شعور الرياضة ، بس خليني ارتب عسب هالموضوع

يبالي انامل

http://images.loqu.com/contents/856/454/image/2009-01-10/1_7.jpg

أنامل قلب
07-06-09 ||, 12:09 AM
^__^ ..

مايهزك ريح
07-06-09 ||, 01:17 PM
فكيت عمري وسويت لي Gym بسيط في البيت ..
اتشجع انا والرضيعه .. وعقب ايوون عيال اختي وايلس اضحك عليهم ^_^

مايهزك ريح
07-06-09 ||, 01:29 PM
الموز .................. في نادي fitness first للحريم في الواحه مول .. ^_^!!

المزوحي
07-06-09 ||, 11:25 PM
شو فكرة الجم مايهزك ريح ...

الموز اختي سجلت في fitness first اللي في الواحة اللي يطريه مايهزك ريح

مايهزك ريح
08-06-09 ||, 01:39 PM
مرحبا مروان ..
شريت treadmill
http://www.argos.co.uk/wcsstore/argos/images/35-3356957A69UC465765M.jpg

+ crosstrainer ..

http://ecx.images-amazon.com/images/I/410RTb3FoyL._AA280_.jpg

على كمن ثجل ..

http://www.johnlewis.com/jl_assets/product/000001556.jpg


وسيديات P90X.. extreme home fitness من امريكا

وبادين رياضه في البيت عقب الدوام ^_^!!


http://www.extremebodyworkout.com/

المزوحي
08-06-09 ||, 02:43 PM
تدري مايهزك ريح ، إني أمل من هالشغلات، يعني أدري بعمري لو اشتريت جهاز ما بكمل التمارين عليه ...

بس يبالي تشجيع الصراحه .. مليييييييت من عمري .. ومبروك على الاجهزة :)

مايهزك ريح
08-06-09 ||, 03:09 PM
الله يبارك في حياتك ..
انا الصغيره اللي في البيت ادق عليه اول ما ارد .. عقب الدوام ..
اكون انا على جهاز وهيه على الجهاز اللي عداله .. وعقب نتبادل الأماكن ..
فهي مشجعتني ..
لأنها تبا تظعف وتبا حد يسوي التمارين وياها .. ^_^

تحفه
08-06-09 ||, 07:01 PM
^والله انا اعطيك لقب الاخو المثالي D=

شوق القلوب
08-06-09 ||, 11:19 PM
^والله انا اعطيك لقب الاخو المثالي D=

صدقتـــــي... ماشاء الله عليك :)

ذنـيـنـي
09-06-09 ||, 12:26 AM
كملت اسبوع و نقصت كيلو بالضبط
باقي ١٩ كيلو عشان اوصل للوزن الي اباه

مايهزك ريح
09-06-09 ||, 09:05 AM
^
ناصر حط لك خطه مدتها 5 إلى 6 شهور على الأقل عشان تنزل هالوزن ..بمعدل 2 كيلو في الشهر عشان ما تتعب !
وعقب لازم اتثبت وزنك 6 شهور على الأقل عشان تموت الخلايا الدهنيه وما ترد تمتن ولا ما شي فايده ..
الدكتور قالي هالكلام !


شوق القلوب .. تحفه .. مشكورين .. ^_^!!

مجموعة إنسان
11-06-09 ||, 11:07 AM
نصور كم نقصت لين الحين؟

شمعة أمل
11-06-09 ||, 07:46 PM
انامل قلب لا تشربين ماي خلال و بعد الرياضة على طووول مو زين يأثر على القلب




لا لا لا! غلط!

أنامل اشربي ماي أميه! اليوم كنت يالسه أرمس عن هالشي ويا مدربتي (وبعد عندها شهادات في النيوترشن)
لازم تشربين ماي خلال الرياضه!! هالشي لازم لازم !! بس يكون شوييييه! يعني سرطه وحده!! كل خمس ولا عشر دقايق!! خطر عليج لو مول ماتشربين ماي! لانه يوم تعرقين.. تخسرين ماي من جسمج.. واذا انتي تمارسين رياضه عدل وماتشرين ماي خطر على عضلاتج وجسمج

الزبده: اشربي ماي بس مب كميات كبيره :)

شمعة أمل
11-06-09 ||, 07:48 PM
هلا أختي شمعة أمل .....
أنا حسيتبها زينه و دواها جيد
لايفلي نفعني برنامجهم لأني ما أكل في البيت اصلا فبدال الجنك فوود كنت أكل أكلهم


انا أخذ نفس الدوا بس من لبنان..slow release على مدى 24 ساعه عشان مانصدم مره وحده :)

عيل لايفلي بينفعك دامك تاكل جنك فوود وايد

بالتوفيق :redface:

الموز
13-06-09 ||, 01:42 PM
الموضوع والبرنامج حلو ومفيد، مشكلتي إني احتاج تخفيف منطقة الأرداف، هذا اللي أعاني منه ..

هل احتاج اسوي سيكل بس ... ؟!

ذنـيـنـي
13-06-09 ||, 02:51 PM
يوم تسوين رياضة الجسم ما يحرق في منطقه وحده بس
يحرق الدهون من كل مكان
و عاده يبدأ بحرق الدهون في المنطقه الي تجمع فيها اخر شي

يعني لو حد عنده دهون في منطقه البطن و الارداف
لكن المتن عنده بدأ اول شي في البطن و بعدين في الارداف
تحصلين انه الحرق يبدأ من الارداف قبل و عقب من البطن

بس الدهون تحترق بشكل عام في كل اجزاء الجسم
و السيكل وسيله جيده للحرق و في نفس الوقت تشد عضلات الرجل
جربي المشي السريع لمده ما تقل عن اربعين دقيقة يوميا
طبعا بالتدريج لو ما كنتي متعوده على المشي
و ممكن تنوعين و تستعملين السيكل بس كـ بداية انصحج بالمشي اذا عضلات ريلج مب قوية بما فيه الكفاية


انا الين الحين ما بديت برنامج بدي فور لايف. بعدني احاول ازيد لياقة جسمي في البداية و يوم بحس اني مستعد جسديا ببدأ فيه بشكل جدي

ذنـيـنـي
13-06-09 ||, 06:26 PM
مايد P90x يباله جيم ولا ما يحتاي ؟؟
شو المعدات الاساسية الي تحتاجها ؟

المزوحي
13-06-09 ||, 07:49 PM
انا اللي يبالي مشي، صار لي يومين اشوف اجهزة المشي في كل كورنر ....

أنامل قلب
13-06-09 ||, 09:26 PM
لا لا لا! غلط!

أنامل اشربي ماي أميه! اليوم كنت يالسه أرمس عن هالشي ويا مدربتي (وبعد عندها شهادات في النيوترشن)
لازم تشربين ماي خلال الرياضه!! هالشي لازم لازم !! بس يكون شوييييه! يعني سرطه وحده!! كل خمس ولا عشر دقايق!! خطر عليج لو مول ماتشربين ماي! لانه يوم تعرقين.. تخسرين ماي من جسمج.. واذا انتي تمارسين رياضه عدل وماتشرين ماي خطر على عضلاتج وجسمج

الزبده: اشربي ماي بس مب كميات كبيره :)


يزاكم الله خير =)

ذنـيـنـي
13-06-09 ||, 11:03 PM
اليوم حسيت عمري اسوي دعاية نايكي
لول

حطيت الايبود و شغلتلي كمن اغنية تيكنو و ركضت من خاطري ! لول
بس صدددددق يوم خلصت حسيت بشعور جمييييييييل و كأني مسوي انجاااااز و هو فعلا انجاز بالنسبة لي

المزوحي
13-06-09 ||, 11:24 PM
إن شاء الله ببتدي من باجر :thumbup1: احس بخمول فضيييييييع هالأيام :k_no:

مايهزك ريح
14-06-09 ||, 09:19 AM
مرحبا ناصر .. تحتاج كمن ثجل + Mat ..بس ..

وانا ابتدي بالـ treadmill لـ 30 دقيقه كتسخين .. وعب اشغل الديفي دي مال P90x
يمكن انته ما تحتاج ..
وفي شي نسيت اقوله انه هالسيديات بس حق 90 يوم .. ويترتب جسمك .. وعقب ما تحتاج اتعيده من اول لأنه بيعطيك
تمارين للـMaintenance

المزوحي
14-06-09 ||, 02:41 PM
ما يهزك ريح كم تمشي على ال treadmill ؟

انا ربيعي كان يضغط على عمره ويتعب، يبغي نتيجه سريعه

مايهزك ريح
14-06-09 ||, 03:04 PM
انا ابدل بين الجهازين كل جهاز اتم عليه 30 دقيقه عشان ما أمل ..
وعلى حسب ساعات اسوي 45 دقيقه اقسمها على الجهازين وساعات اتم اكثر !
بس انا مخفف من الأكل .. عشان ارتب جسمي .. وانزل وزني !
وفي نفس الوقت ما اظغط على عمري عشان ما اطفر واودر كل شي .. ^_^

الهيثــم
14-06-09 ||, 06:27 PM
أخس شي يوم تضغط على عمرك ..

أنا ضاربني ألم في ريلي كاره عيشتي الحين ، ما روم أيلس شرا الاوادم .. من كم يوم الحين ، بس كنت مقاوم وأسير أمشي
بس الحين قررت إني أريح ريلي وما أمشي عليها مشي رياضة ، يمكن يخف الألم ..

المزوحي
22-06-09 ||, 10:59 PM
هالأيام اسير المولات وامشي، للحين طبعا ماشي نتيجه ...

أنامل قلب
12-07-09 ||, 08:53 PM
ضعفانه بس من غير ما ينزل وزني !

الهيثــم
12-07-09 ||, 09:32 PM
يمكن مريضة لا سمح الله ( يا خي قل خيرا او أصمتا )

أنامل قلب
12-07-09 ||, 09:42 PM
^ اول ما شفت التعليق فجيت عيوني / تنحت لول
بسم الله علينا وعليكم ، لا ماشي غير نقص الحديد ولله الحمد !


بس شو (أصمتا) هذي ، دورت عليها بالمعجم مالقيتها ..!

المزوحي
13-07-09 ||, 05:13 PM
من منكم بيخليني انزل 4 كيلو خلال عشر ايام ؟

وكيف - صدق ابغي تشجيع

أنامل قلب
13-07-09 ||, 06:28 PM
^ شوف بالأول شنو اهي الأشيا "الغير صحية عندك" وحاول تغيرها قبل ،
سواء كان بالأكل ولا انك مثلا قليل ماتتحرك ومن هالأشيا ..

واذا ملزم تنزل 4 كيلو بـ هالفتره ، فـ اممم تقدر إذا صدق محتاج وحاب انك تنزل ،
خفف من الأكلات اللي تمتن وكثر من سوالف السلط + كثر من الماي ،
واعصر لك لومي يوميا ، ومن الصوب الثاني تحرك وايد ، اركب وانزل من السلالم ،
مشي وركض لـ ساعه على الأقل ، وهيك ~ ..!

الهيثــم
13-07-09 ||, 06:36 PM
آمين يا رب .. اشربي حليب طازج بشكل يومي ..

( اصمتا ) :: هاي كلمة طلعت نتيجة الحماس الزايد والرغبة الشديدة في تقطيع عضوة اول حرف من اسمها " أنامل قلب " .. ^__^

المزوحي
13-07-09 ||, 06:39 PM
شوفي أنامل انا كنت بين فتره والثانيه أمشي :m_atmasha: لكن من الحر وقفت المشي، في خيار ثاني اللي هو انظم لنادي

رياضي :m_9admah: وانا ما احب هالشغلات، ولا أحب موضوع الأجهزة في البيت ... :3:





وعن الدري، أحاول في الدوام استخدم الدري بدل اللفت .. :m_ma9dom:

الماي حطيت موضوع عنه ولا قمت أشرب، بس الحين جدامي غرشه بشلها ويايه الدوام بمزرها يوميا هناك عسب

اشربها كلها .... 750 ام ال ( وإلا حتاي اشرب اكثر ) ؟؟ :look:

قمت وايد اخربط في الحلويات والسناك ... :blush:

لازززززززززززم انزل 4 كيلو على الاقل خلال هالفتره .... ولو حد يسألني يكون احسن عسب استحي من عمري :a116:

الهيثــم
13-07-09 ||, 06:53 PM
المزوحي اتحمل عن الدري ، بييب لك آلام في الركب عقب فترة ..

أنامل قلب
13-07-09 ||, 06:53 PM
أخوي خطاب ، ما أحب الحليب الطازج ، بس بجرب !
وانزيييــــــــــن :fa38: ..

,

أخوي المزوحي ، مستحيل ماتكون قادر تمارس ولو نوع واحد من الرياضه اللي تفيدك ،
لا تفكر وايد بالعوائق ، فكر بالحلول وشلون انك تبغي توصل لشي معين ..

كثر مثلا ما يحبون الرياضه أساسا ، لكن هل هذا سبب مقنع في عدم ممارسة الرياضه !
أكيد لا ، لأن الرياضه اهني ماهي شغله تريدها ، اهي شغله تحتاجها { صحيا ،
بغض النظر إن كنت صاحب وزن زايد ولا وزن طبيعي ..

فـ حاول انك تضغط على عمرك بالبداية ، وعقب بتصير الأمور عندك كـ عاده ،
مابقدر أنفعك كثرك لأنك أعلم بنظام غذائك ويومك وما إلى ذلك ..

بس برد أسألك وبشوف شو بديت تسو ، ويالله لا تفضح عمرك وتبين شخص ما يملك إراده ، بس كلام !

,

ها شجعتك ولا بعده :whistling: !

الهيثــم
13-07-09 ||, 06:58 PM
حطمتيـه .. ! .. ها تشجيييع !! لول

المزوحي
13-07-09 ||, 07:01 PM
خــّطاب .. اولردي ركبتي تعورني وماكنت اقدر استخدم الدري، لكن قلت خلني أتجاهل الألم .. :a018:

أنامل أكيد تشجعت، لكن انا احب رياضة المشي وااااااايد ... بس مثل ما قلت أول ، عسب الجو ما يشجع وبس .. :woot:

الهيثــم
13-07-09 ||, 07:02 PM
حاسب يا ريال ، أخس شي الركبة ، والله آلامها فظييعة .. ولا تشد على عمرك وايد .. والدري معرووف إنه يأثر على الركبة بشكل سلبي .. نصيحة ، اسأل مجرب ..

أنامل قلب
13-07-09 ||, 07:08 PM
امبلا تشجيع ، وماعليك /
يباله أحد يقبضه ويشد عليه إلين يوصل للشغله اللي يبيها ..

مع اني بصراحه أحس الريايل عادي يكونون عشر كيلو فوق طولهم ، من غير الـ 100 طبعا ^^"
يعني اللي طوله مثلا 160 ، عادي يكون وزنه 70 !!

بس بالنهايه السالفه تعتمد عالشخص اهو بأي وزن حاب يكون ..

,

أخوي المزوحي ، دامك تحب المشي فامشي وماعليك ،
أدري حر / بس انت اخترت هالخيار بما إنك مب حاب تسجل بنادي ،
ولا حاب إنك اتيب جهاز المشي مثلا عالبيت !

تصرف ، بـ تاريخ 23 بسألك إذا كنت نزلت ولا ؟!؟!

المزوحي
13-07-09 ||, 08:54 PM
خــّطاب لا تحاتي وما بضغط على عمري من هالناحية .. وتسلم على النصيحة
أنامل ... بس تعرفين الوزن يكون في العظم، بس تعرفين سالفة الكرشة والارداف مب شي ... من يلسة الكمبيوتر
بعد ... والجينزات قامت ماتدخل ... في تحدي بيني وبين الجينز ... مب حلو ترى يوم الجسم يخترب
تصرف ، بـ تاريخ 23 بسألك إذا كنت نزلت ولا ؟!؟!
يااااااااااااااااااخ الجمله صدق أثرت فيني وإن شاء الله تأثر في الوزن :k_icon9:

المزوحي
15-07-09 ||, 03:16 PM
أنامل تراني أبغي اعترف، إني بعدني مانزلت، وما باجي شي، بس احس اليوم احسن عن اليومين اللي طافوا

وقفت الحلويات والكوفي والخرابيط .... أحاول اتحرك وايد في الدوام ... شكلي نزلت 50 غرام بس

أنامل قلب
15-07-09 ||, 03:32 PM
لا طبيعي إنك ماتنزل سيده بأول يومين ، بس اللي تبذله بهاليومين بيأثرون أكيد عاللي ياي ،
ويالله لا تهمل بعمرك ، زين انك بديت ابـ أشيا وكمل عليهم إلين تلقى مرادك باذن الله ..

بس حاول انك تواظب عالمشي ..

ذنـيـنـي
15-07-09 ||, 08:59 PM
المزوحي عندنا واحد في الدوام اشتغل و هو ساكت
كان يتريق ويانا, من يرد البيت يحط راسه و يرقد
ينش العصر يسير يسوي رياضة و عقب المغرب يتعشى شي خفيف ما يتعدى سلطة او فواكه

تصور انه نزل من 109 الى 82
بس كان يمشي مشششي يوميا !
ساعتين متواصلات

بس وصل للي يباه

مايهزك ريح
15-07-09 ||, 09:04 PM
انا وايد عليه نزلت 4 كيلو بس !
مخفف الأكل ورياضه خفيفه .. بس احسن من ماشي .. ^_^

المزوحي
15-07-09 ||, 10:09 PM
ذنيني أكيد المشي له مفعول، وأنا من النوع اللي يحب رياضة المشي، ما أحب التزم بنادي رياضي ولا

ألعب على أجهزة في البيت ... ولأنه الدنيا حر ما قمت أمشي ... ومن يومين وقفت كل سوالف (سناك .. الخ)

بس لو كنت أمشي بيأثر أسرع ... وفي الدوام كل شويه اتحرك ...



مايهزك ريح ... زين ماشاء الله .. خطوة حلوة ...

الهيثــم
15-07-09 ||, 11:48 PM
أنا الله يعييييني ، عندي زيااادة عن المعدل الطبيعي بشكل ملحوظ ..
وهالفترة ما شاء الله عليهم في البيت دوم أكلات دسمة ، وأنا ما روم أقااوم لول
وثلاث أسابيع الجبس كان في ريلي كان له تأثير قوي علي ، وأدى إلى زيادة الوزن بشكل مب طبيعي بحكم إنه حركتي كانت قليلة ..

اتريا إن شاء الله ريولي ترجع طبيعية .. وأقدر أمارس الرياضة عشان أخف وزني وارجع مثل ما كنت

ذنيني // ما شاء الله عليه ربيعك ، بصراحة إرادته قوية ، وأحسن شي سواه إنه ما يكثر وقت العشا .. وياكل شي خفيف ..

المزوحي
16-07-09 ||, 07:45 AM
خــّطاب الله يشفيك وتقدر تمارس الرياضة ... هذا اللي اقصده يوم ماشي حركه، وناكل اي شي يزيد الوزن

مب شرط نقارن عمرنا باللي وزنه اكثر منا ونقول نحن ضعاف .. بس الواحد لو هد عمره عقب مابيقدر بسهوله ينزل

معاناه ..

الهيثــم
16-07-09 ||, 10:32 AM
آمين يا رب .. بالضبط يا خي ، أصلا يوم الوزن يزيد تحس بتعب وما ترتااح ..

مشكلتنا في الأكل مرواان ، ما شي نظام .. شعارنا " كل ما تشتهي بقدر ما تشتهي "

مزن هتان
16-07-09 ||, 10:43 AM
ما شاء الله ع الشباب يوم يحطون شي ابالهم يوصلون له
ولد خالي يالله شلون ضعف !!

و أنا لا جديد يذكر تركت المشي صار لي فتره
نزلت كيلو و شوي امممم

المزوحي
16-07-09 ||, 12:11 PM
مزن شدي حيلج الحين دام إنه في حماس من صوبي وصوب خطاّاب

دمعة شوق
16-07-09 ||, 08:48 PM
ماشاءالله عليـكم ،،

آنـا آلحمدالله نـزلت 2 كيـلو ،، اففف بس تعبت مب راضي ينزل يا أني انزل ها2 كيلو او ارد ازيدهن ،،
والحينه الحمدالله اسوي ايروبيـك تهد الحيـل ،، تقريبا 3 مرات اسبوعيا وساعه وحده ،،،

ومااقولكم واجذب عليكم اني امشي على نظام غذائي محدد ،، بس احاول امنع عمريه من الحلويات والغازيات الحمدالله
قد مااقدر ماااشربهن ،، والبااقي احاااول امنع عمريه كثر ماااروم ،،

صح ومن فترة كنت رايحه عند دكتورة ،، قالتلي جسمج صعب يفقد الوزن ويحرق الدهون ،، فـ عطتني حبوب تساعد ع حرق الدهون وياالرياضه وللحين ماوزنت من اسبوعين ،، بتريا بعد اسبوعين وبخبركم بالنتااايج وان شاااااااااااءالله يكون منه فايده هالرياضه والحبوب :)

أنامل قلب
16-07-09 ||, 09:07 PM
^ رياضة الايروبيك صدق تنفع ، وحلوه / ترومين تسوينها وانتي مجابله أي شي !
بس يبالج تصبرين ، والأثر اذا مابان عليج من البداية بيظهر عقب ، لأن في ناس جي الأثر يظهر عليهم متأخر ،
+ نظام الغذا لا تقيدين نفسج فيه بزياده من مبدأ انج ناوية تخسرين وزن ، لكن غيريه بشكل يسير
من مبدأ إنج حابه تكونين صحية أكثر ، وشوي شوي بتتأقليم أكثر وأكثر =)

وبعدين عن السرعه ، اللي اعرفه عالأغلب إن كل ماكان الوزن فوق الحد الطبيعي أكثر ، كلما خسرو أكثر واسرع ،
+ كلن حسب جسمه ، فزين انج رايحه عند دكتوره ، بس حاولي تسئلين عن الحبوب أكثر ..

,

أخوي المزوحي ، تم لك اسبوع !

الهيثــم
16-07-09 ||, 09:41 PM
دمعة شوق // مجبورة تاخذين حبوب .. !

المزوحي
16-07-09 ||, 10:49 PM
دمعة شوق ما يحتاي الحبوب، لو تشربين جاهي اخضر ..

أنامل .. حممم ماعرف شو أسوي ... تراني أسوي مثل دمعة شوق حاليا

دمعة شوق
17-07-09 ||, 01:25 AM
أنامل قلب
على طاري انه يبين التاثير تخيلي انا وخواتيه نلعب لانها اتينا البيت ،، ف عقب مالعبنا كلاسين
تقول ختيه احس عمريه ضعفت ،، ضحكت قتلها عنبوووه مسرع ماضعفتي ،، تراه نفسيا ً،، عيل انا
اطالع عمريه واقول لا لا صدق ضعفت وانا ما كملت اسبوعين من لعبت و الرجيم لوووول !

بس يبالنا نشد حيلنا عشان صدق ينبااان ،، وانا خاصة يبالي اشد حيلي واايد !
والله يعينا ^^

دمعة شوق
17-07-09 ||, 01:29 AM
خطـاب

ياخوك رحتلها مره كل شهر ،، ولاحظت انيه مانزلت غير هثنين كيلو وبعد شهر نفس الشي ارد ازيد هـ 2 كيلو
فـ هي قالت يمكن بتحسين بلوعه بس انا ماحسيت بـشي ،، وماعرف يباليه اتخبر عن هالحبوب معنها قالت لي بس تساعدج تحرقين الدهون يوم بتلعبين رياضه !

المزوحـي

آشـرب الجآآهي الآخضر مرتين يوميا ً
وعن الحبوب مادري والله !

وع فكرة حلوه صورتك الشخصية ^^

المزوحي
17-07-09 ||, 12:03 PM
شكرا دمعة شوق ... البارحه صمميتها :)

الهيثــم
26-07-09 ||, 02:30 AM
دمعة شوق :: أنا أفضل إنج تبتعدين عن هالسوالف ، ومارسي الرياضة بشكل طبيعي مع تنظيم الأكل ..

---

أنا إن شاء الله ناوي باجر أبدأ في الرياضة ع الخفيف ..
ناوي أمشي على الجهاز عندي في البيت .. مع شوية تمارين بطن
عسب نسيطر ع الوضع وننزل الوززن كم كيلو ...
وبإذن لله ربنا يعينا على الرياضة ..

وعقب شهر بنشوف كم خسرنا ..
دعوااتكم ..

مــهــابه
26-07-09 ||, 06:52 AM
دمـعه :

إلا الحـبوب ، حـاولي تـنزلين وزنج بـ أشيـا طبيـعيه مب " حبوب " لآنـهـا راح تـأثر عـليج ف المسـتقبل


حـاليـاً مـا أريد اضعــف ولا أريــد امتــن ، ولـو ان الرياضه زينه في كل الاحوال مب للضعف بس

لكن ماشي ليـآقه

.

.

~ موفقـين

المزوحي
26-07-09 ||, 04:12 PM
خــّطاب الله ايسر عليك إن شاء الله، بس تحمل ترد الوزن في رمضان ( وتاكل لقيمات لووول - سوالف )


الله يعيني مابقى شي وين بشرد عنها ( أنامل قلب ) :fa52:


مهابه أمشي على الخفيف ، عسب اللياقه :m_atmasha:

دهن العود
27-07-09 ||, 12:13 AM
~ِْ

ذنيني /*

مـآ شـآآء اللـه عندنـآ دكتـور نيـوترشن بكبـره هنيـه ^^
يعـطيكـ ألـف عـآفيه اخـوي ع الهمـة والتشـجيع ,, وعسسـآكـ
ع القـوة يـآرب , فـعلآ اشكـركـ ع الحمـآس


اتمـنى ادخـل ويـآكمـ فـ النظـآم لآنـي مـي تـو ابـى اخـس بـس
شـوي ,, بـس انـآ خـآرج البلآآد ,, من ارد ان شـآء اللـه ببدآ ^^

وعـن سسـآلفة الحبـووب ,, مـن كـم شهـر انـآ كنـت بـآدية بحـبوب
تخـسيس ( بالاعشـآب) وآآيـد زيينـه .. وطبعـآآ فـ المححـل الصيدلانيـة
مـوجـوده وقـآلتلي إذآ مـآ فـآدتج اكييـد ما بتـظرج .. وانـآ عـن نفـسي استفـدت
منـهآ بـس تركتهـآ لآنـي كنـت اهلك عمـري فيهـآ .. وان ششـآء اللـه برد لهـآ
ولكـن بـ جـدول منظـم فيـه اكـل , قبـل كنـت اكلهـآ وبـدون مـآ آكـل شي لليـوم الثـآني!!

واكييـد هـذآ شـي غلط , بـس انـآ كنـت انشـغل بـآلدوآم والـدرآسـه


دمعـة :.

وانـآ بـعد يالغـآليه مـوول مـآ نصحج تـآخذين حبـوب .. إلآ إذآ كـآنت اعششـآب , لآنهـآ
عـن تجـربة .. وان شـآء اللـه تستفيـدين .



لـي عـودة
دهـن العـود


~ِْ

الزرعوني
27-07-09 ||, 02:21 AM
هذا الصيف كان تحدي بالنسبة لي


01.06.2009 كان وزني 88

15.07.2009 صار وزني 78

رجيم + تركيز على الرياضة :)

و عقبال ما اوصل 73 .. و هذا الوزن المناسب

و دمتم

الهيثــم
27-07-09 ||, 02:25 AM
والله إنك على بالي اليوم بو شهاب ..
اتذكررت يوم عرس أخو أحمد .. كنا يالسين نسولف ..

ماا شاء الله عليك .. والله كفو عليك ..
عقبالي .. أنا بديت اليوم .. وحسيت براحة نفسية بعد الرياضة ..

بحطلكم الوزن " قبل وبعد " عقب شهر إن شاء الله ..
دعواااتكم

الزرعوني
27-07-09 ||, 02:44 AM
لوووووووووووووول

ان شاء الله بس ييت على بالك بحسن نية


الا بس راحة نفسية ؟

بتحس الحياة حلوة

بيخووز عنك عوار الظهر + بتنش خفيف و رقادك خفيف و صلاتك خفيفة

و الرياضة تخوز التوتر و الاعصاب

و اتطول بالك

و خاصة الصيف الحين .. تعرق مافي مشكلة لانك بتتعود ويا الرياضة لوووووول

ماشي امراض استهبال .. زجام و حمى و بلاعيم ..

ذنـيـنـي
27-07-09 ||, 10:29 AM
الزرعوني

ما شاء الله عليك
اصلا مبين عليك انك ضعفت و شكلك الحين اطول

=========

دهن العود

انا جربت جميع الطرق عشان اضعف و ماشي فايده لول

تقدرين تقولين اني مثل طبيب العيون
اتفلسف على الناس و اقنعهم يسوون ليزك و انا لابس نظاره طبية هالمتن و ما عالجت عمري لول
XD

الهيثــم
27-07-09 ||, 01:09 PM
ما طريت ع بالي إلا بكل خير بو شهاب

كل الي قلته صح ، بس سالفة الزجام والحمى والبلاعيم لك عليها شوي ..

المزوحي
27-07-09 ||, 03:23 PM
هلا الزرعوني ماشاء الله عليك .. وعقبالنا

خطاّب شد حيلك ...

باقي لي 4 أيام

الهيثــم
27-07-09 ||, 04:29 PM
واليوم خلصت ريااضتي ، صدق رااحة نفسييييية يا نااااااااااااااااااااااس ..

حد حاس بشعوووري .. !

أخاف ما تصدقوني ، بس صدق حاس بتحسن .. ( عقب يومين )
لأني خفيت الاكل شوي ... وأحاول أقبض عمري من أشيا أشوفها جدامي وما آكلها .. شوي بس مب واايد

المزوحي
27-07-09 ||, 04:34 PM
خــّطاب عني أنا اصدقك ... وتوني أكلم ولد عمي عن الرياضة وأقوله ابغي اسجل في نادي، بالرغم إني ما احب النوادي


احب امشي، لكن الجو ما يساعد .... وفعلا يوم كنت امشي احس براحه ... :a042:


انته وين تسوي رياضة في نادي وإلا البيت ؟ :m_atmasha:

الزرعوني
27-07-09 ||, 05:05 PM
لا منو قال انه ما يخوز هالامراض ..؟

شو اللي اييب الامراض غير اليلسة ؟؟

يوم تسوي رياضة جهاز المناعة يقوى و اسال اي دكتور فيها :)

الهيثــم
29-07-09 ||, 12:57 AM
المزوحي ، والله زين تسوي يا رياال ..
أنا أسوي رياضة في البيت ، عندي جهاز المشي ، وأمشي عليه ، حاليا ما روم أركض .. ما فييني يا ريال
خلني ع المشي أخيير .. وأسوي تمارين بطن ..

بو شهاب / سبحان الله يا خي ،، من ناحية جهاز المناعة يقوى ، حسيت به .. وخاصة في الشتا ..

أنامل قلب
29-07-09 ||, 04:07 AM
أخوي المزوحي ، ناطرين النتايج !

,

انصدمت اليوم ، زايده كيلو !!!!
إلا انصعقت ، صدق مب وقته امتن ^^"

من قريت الوزن ، سيده تزهبت للرياضه ،
بين المشي والجري وتمارين الاستبس ،
يمكن لقريب الساعه ونص ..

قلت للوالد من باجر يسولي معاه جاي أخضر ،
مع اني احتمال ماروم اشربه ، ما سبق وشربت هالنوعيه ..!

باذن الله الين اسبوع بكون نزلت هالكيلو ، وفوقه نص ..

عقولة صديقتي ، نحن يبالنا رياضه لزيادة اللياقه والشد ،
وابـ نفس الوقت [ صحه ..!

,

أخوي الزرعوني ، حلو اجتهادك ..

المزوحي
29-07-09 ||, 10:45 AM
أنامل شدي حيلج وشكلي عقب انا اللي بسألج

وباجي يومين عن تسأليني ... من الحين بقولج النتيجة .. تراني مانزلت

بس بخبرج عقب يومين ... شو التغيير ( لووووووول )

الهيثــم
29-07-09 ||, 02:30 PM
أنامل قلب // الشاي الاخضر واايد زييين ، عليج به ..

المزوحي
29-07-09 ||, 03:33 PM
ولد أخويه جسمه استوى مب شي من أكل الكافتيريا وكرش واللبس عليه مب شي

وأنا أدري لو شفتوه ما بتقولون إنه متين .. بس مب شي مستوي

وسجل في فيتنس فيرست ( مع الرياضة وشاي اخضر ) ماشاء الله

ماشي كرشه وجسمه استوى حلو

المزوحي
29-07-09 ||, 03:38 PM
شوفوا BMI

http://www.fitness.com/tools/bmi/

الهيثــم
29-07-09 ||, 03:43 PM
اووووووه حطمني الـ BMI

المزوحي
29-07-09 ||, 07:50 PM
لا .. خــله يعطيك دافع وتحدي ..

أنامل قلب
29-07-09 ||, 08:17 PM
ظهرلي 21.40 ..!
ولمن حطيت الوزن اللي احب اكونه ظهرلي 19.90 ..

,

أخوي المزوحي ، بنشوف تعليقك عقب :14: ،
وعني باذن الله ابـ تاريخ 5 برد اوزن واشوف النتيجة الطيبه لول ..

,

أخوي خطاب ، شربته اليوم ، شاي الوزه !
طعمه زين ، كنت متوقعته مر ^^ ..

الهيثــم
29-07-09 ||, 09:45 PM
المزوحي // لا ما عليك ، شادين حيلنا .. بس البارحة ما سويت رياضة لأني كنت في المزرعة ورديت تعباااان ..

أنامل قلب // ما شاء الله ، ويني انا ، ووينج إنتي ، بس ما عليه عقب شهر إن شاء الله بشوف شو الوزن ..
بس أحس إني نقصت شوي ، لكني ما با أوزن ، بخليه عقب شهر .. حتى كاتب ملاحظة في التقويم عندي في المبايل ..

رمــش الغـــلا
29-07-09 ||, 09:50 PM
طلعلي
17.20


=)


ابا اضعف شويتين يعني مال كيلوين بس خلال هالشهرين =)



اللي عنده شي غير عن الرياضة يقولي



لاني مااحب اسوي رياضة لول

المزوحي
29-07-09 ||, 09:56 PM
رمش الغلا ... إذا ما تبين تسوين رياضة، على الأقل وقفي المشروبات الغازية + الحلويات والكاكاو ... الخ

برايه تاكلين عيش - معكرونه .. الخ

على اساس ما تحرمين نفسج .. وتحركي في البيت وااااايد .. سيري وردي .. لا تقولين ماروم

يقولج مرات هالحركة احسن عن واحد مسجل في نادي ويلعب على الجهاز مدة ساعة

مب قصدي احبط الغير او إنه اللي يسونه مامنه فايده، لا

ولكن اقصد كيف الحركه هاذي مهمه ..

جربي وخبرينا ... يوم إلا تبين شويتين

المزوحي
29-07-09 ||, 09:58 PM
خــّطاب يعني عقب أول اسبوع من رمضان بتخبرنا !

شدوا حيلكم البقيه .. اللي حاب ينزل وزنه

رمــش الغـــلا
29-07-09 ||, 10:01 PM
يبالي أخق من الحلويات والبيبسي

يمكن يأثر

انا ما عندي مشكلة الا كيلوين وخلال شهرين او 3

وان شاء الله انزلهم =)

مشكور أخوي ..

المزوحي
29-07-09 ||, 10:03 PM
أكيد بتنزلين إذا وقفتي هالشغلات ... بترتاحين

الهيثــم
29-07-09 ||, 10:23 PM
بخبركم تاريخ 26-8 إن شاء الله ..

رمش الغلا // مثل ما قالج المزوحي ، وقفي الحلويات والخرابيط ... وحاولي تركزين وجباتج في أشياء مفيدة ، وإن حسيتي إنج يوعانة كلي شي خفيف مفيد ، وابعدي عن هالخربطان ..

وابعدي عن السم هالي يسمونه مشروبات غازية ..

المزوحي
29-07-09 ||, 10:42 PM
رمش الغلا
ما نقولج اتريقي سليسه http://oasis.bindubai.com/bin/uploaded/3336_01248892688.jpg (http://oasis.bindubai.com/bin)
وتغدي ورج ديايه http://oasis.bindubai.com/bin/uploaded/3336_11248892688.jpg (http://oasis.bindubai.com/bin)
والعصر كلي تفاحه http://oasis.bindubai.com/bin/uploaded/3336_01248892754.jpg (http://oasis.bindubai.com/bin)
والعشاء روب
http://oasis.bindubai.com/bin/uploaded/3336_21248892688.jpg (http://oasis.bindubai.com/bin)
بس وقفي هالاشياء مب تقللين وقفي نهائيا ( اقطعي ) :h_negab:
وشوفي النتيجه + تشربين وايد ماي
http://oasis.bindubai.com/bin/uploaded/3336_01248892885.jpg (http://oasis.bindubai.com/bin)
أنا احاول اشرب ماي في الدوام ... اجبر نفسي :3:

أنامل قلب
30-07-09 ||, 12:53 AM
امبيه كيف تقولون شو تسو عشان تنزل ،
ليش تنزل أساسا لول ^^"

اختي رمش ، ضعيفه انتي وايد ، ما يبالج تنزلين هالكيلوين ،
الرشاقه حلوه بس النحافه ابتعدي عنها ..

اهو من الأساس المفروض نبتعد عن اشيا طروها اخواني صحيا ،
بس اذا يينا عالوزن الصراحه ما تحتاجين تنزلين ..!

نحن نحس الكيلوين هينين ، لكن لمن نشل أي شي كان ابـ نفس وزن هالكيلوين ،
ونتخيل ان نحن جسمنا خسر ثقل يساوي ثقل هالكيلوين !!!!!"

,

أخوي خطاب ان شاء الله بتنزل اذا حاب انك تنزل ،
ويالله ناطرين تعليقك عن النتايج عقب شهر !

رمــش الغـــلا
30-07-09 ||, 08:56 AM
المزوحي ..

أنا أكلي مش ناوية اغيره ..، بس ابا اعدل شوي

انا من النوع اللي ما عندي شي اسمه وجبات ثلاث

لا

وايد اخربط .. اكل سويت ..، على موالح وكل مرة شي

ان شاء الله ببدا الحين التزم بالوجبات ، وابتعد عن الغاازي ..

=====

انامل مش سالفة رشاقة ..، انا بس ابا انزل كيلوين لانه احس انهم مالهم داعي

يعني قبل لا ازيد هالكيلوين كانت عندي قناعة 100% من شكلي

بس الحين مب عايبني

مع انه اختي محتشرة علي ليش بين تنزلين

لكن انا مصرة لوول

وان شاء الله اقدر انزل هالكيلوين =)

المزوحي
30-07-09 ||, 01:47 PM
رمش هالخرابيط هي اللي تسوي بلاوي

أنامل قلب
30-07-09 ||, 03:13 PM
^ اويه ، وانا اقول عيل ليش زايده هالكيلو ^^"

,

اختي رمش الغلا ، بس والله انج ما تحتاجين ،
هو أكيد لمن بتزيد البنيه مهمن كان بتحس مادري شلون وان يعني قبل احسن وجي ،
بس صدق ماحسج محتاجه ، فانتي غيري نظام اكلج عشان يصير "صحي" اكثر ،
من غير ماتفكرين بسالفة الوزن ، أصلا انتي طبيعي هالفتره "عالأغلب" بتنزلين ،
فلا تضغطين على عمرج =)

حتى اول ماقريت ردج رديت اكرر قراءته ، اونه ابي اتأكد اذا كنتي كاتبه
انج حابه تنزيلين كيلوين ولا تزيدين كيلوين ، شكيت بعيوني لول ^^"

وربي ييسرلج أمورج كلها اختي ..

المزوحي
30-07-09 ||, 03:19 PM
باجي يوم

وإلأا 24 ساعة

ذنـيـنـي
30-07-09 ||, 03:37 PM
انا طلعلي 33 لول

اخيرا سويت مال فحص الدم
من متى اقول بسير بس الدوام مب عاطني فرصة

هالاسبوعين عندي دوام ليل و تفرغت لأشغالي الخاصة الصبح

في انتظار النتيجه