المساعد الشخصي الرقمي

مشاهدة النسخة كاملة : الي يبا يضعــف يدخل هنــــي الحيين



الصفحات : 1 [2] 3 4 5

صريح
05-12-07 ||, 06:58 PM
انا وزني يلعب شرات الاسهم .. مره فوق و مره تحت

بس يتم بين ال 60 و الـ 72 ....

في اسبوع عادي ازييد 7 كليو
و في اسبوع انقصهم حسب المزاج
:fa56:


الحمد لله ما يبين عليه يوم وزني يزييد .. بس اغزز خخخخ
:k_harhar1:


مشكلتي اذا شفت اكل جدامي ما اعرف ايود عمري حتى لو شبعان
بتم اكل لين اغدى شرات الهبان
:doh:

محد عنده حل عشان اضبط الاكل

شمعة أمل
05-12-07 ||, 07:26 PM
شوق
كلي وايد بس سويي نفس اختي الصغيره
هي ما شاء الله وايد تاكل
بس مثلا بعطيج مثال

تاكل غدا .. عقبه بخمس دقايق تشرب عصير ولا ايس تيي وتاكل وياه جوكلت .. عقبه بـ ساعه تاكل فواكهه
بعدين تصبر ساعه
وتطلب من البشكاره تسويلها جاهيي حمرر
واذا شويه يوعانه تاكل جوكلت ولا جبس
وبعد فواكهه

عقب تتعشى شويه
وبعديين تاكل ايس كريم
وقبل لاترقد بساعه تشرب هوت جوكلت


جييي تاكل كجره وعقبه تاكل فواكهه! اظني عشان جي ماتمتن p=


صريح
شوي شوي على عمرك .. 7 كيلو في اسبوع O_o ماشاءالله
يمكن انت ماتاكل أكلات تشبع؟

شوق القلوب
05-12-07 ||, 09:52 PM
بخبرج عن نظــام أكلــي..

اذا نشيت ع الساعه 10.. بكل من الريوق.. اللي يا يكون خبز وياه شي.. او قطعه كيك او فطاير.. يعني على حسب الريوق..

اما اذا اتأخرت لـجريب ال12 وشوي.. ما اتريق.. و اتغدى..

طبعاً ع الغدا.. احاول اكثر من السلطه و احطلي غرفه ونص.. او هنتين من العيش..

عقب الغداا.. يا اشرب جاي خضر.. او اتريا للعصر.. اكل كاكاو.. او اذا في سويت امسوينه و اشرب وياه اقهوه عربيه .. ع اساس اني ابا اوقف سوالف الكوفي و هالخربطان..

العشــا.. يعتمد.. وهو غالباً يكون عشى خفيف.. او ما اتعشى..وعاده انكون امجدمين العشا.. عشان ما يكون قبل النوم..

و حتى لو كنت سهرانه للصبح.. استوى عندي عادي.. ما اكل..

..

يعني لو لاحظتي.. ما اكل وايد سوالف جبس و هالخربطان..

و على ها كله.. بعد ما نظعف.. :glare:

المزوحي
05-12-07 ||, 10:08 PM
شوقانه ... عندي ربع زادوا بشكل كبير ... وواحد منهم كل مايبغي يسوي ريجيم مايقدر ، او تقدرين تقولين ماشي

إرادة، المهم، طبعا هو انضم لنادي ولبرنامج يومين وماكمل .. قلت له إذا تحس بعمرك ماتقدر على ربع ديايه ونص خبزه

تقدر تسوي روحك بحيث أول بادي .. تودر سوالف المشروبات الغازية والحلويات ... وبما إنك تحب العيش وهم يحرمونك

حط لك لكن قياس مثلا 4 خواشيق .. وكل سلط .. مب مشكلة كل فواكه ولو هم يقولون في منها تزيد الوزن وخصوصا

الموز .. لكن يقدر ياكل باعتدال ...

يعني مثل ماتقولين في شغلاااات تشلينها من الاساس هذا روحه بينزلج كم من كيلو

ليش في حد يسمع كلام المزوحي .. حم

شوق القلوب
05-12-07 ||, 11:55 PM
المزوحـــي من أكثـــر الناس اللي ناخذ شورهم و نحب نعرف آراءهم .. :yes:

.
.
.

الحيـــــــــــــــــــــ ـــن عرفت.. ليش زدت هالكيلويـــن..!! يت فتره قمت اسويلي عصير موز اللي هو عباره عن ( موز + حليب + شكر + آيس كريم ).. :doh: و السبب اونـــــــــــــــي ابا أكل اشيــاء صحيه ..

المزوحي
06-12-07 ||, 12:58 AM
مشكورة حبوبه .. تدرين شواقه ... الموز ينــصّح لكن فوايده كثيرة ... تدرين إنه يساعد الجسم على الاسترخاء

مرات يوم تيني فتره اكون متنرفز على طووول ... ادق سلف وآكل موووووووز لأنه يهدي الاعصااب .. هاااا شو رايج مب

احسن عن الحبوب .. وزين حق فقر الدم، وفيه بوتاسيوم بعد .. وفيه ألياف يعني زين للمعده .. ووايد أمور ..

ملاك الروووح
06-12-07 ||, 03:27 AM
مشكوره شمعتي .. :inlove:

خلاص بطبع الورقه .. وبعلقها ف حجرتي ..

عشان أتحمس .. :11:

:

بس في ناس قالوا لي انه أتم جيه أحسن ..

لأنه عقب العرس أكيد بتمن .. ف جسمي بيكون بيرفكت :biggrin:

لكن اذا متنت الحين .. بمتن أكثر عقب العرس ..

وبستوي دبوووووووه .. ماباااااااااا :biggrin:

:

ما أحب الحريم اللي يمتنون عقب العرس ..! :pullhair:

ومايحافظون على رشاقتهم !


والكرشه ماشا الله يعني .. حدث ولاحرج :h_daleel:

اييييييييييييو :biggrin:

شو حياتهم !

تحفه
07-12-07 ||, 12:18 AM
تعرفون شي كتاب وايد حلو ومفيد
يخليكم تجلبون تستوون هلثيات وبنفس الوقت يستوي جنه لايف ستايلكم 3>

الكتاب مخلص انا ادوره في كل مكان وكله اوت اف ستوك

بس اسمه مايساعد اني اكتبه علعام XP

شمعة أمل
20-12-07 ||, 11:47 PM
متنت 3 كيلو في اسبوع >_<
امي تقول من الصدمه
مادري شو استوابي!
حتى استويت في هالاسبوع كله اكل جنك فود مع اني اصلن ماحب الجنك فود .. يعني يوم طحت كلت برقر كينغ يومين ورا بعض بعدين باسكن 3 ايام ورا بعض والحين عيد ف كله اكل بسكوت وامس ماكله جوني روكتس O_o شو استوى فييه؟!!!!!!

كل ما اجوف ايدي مادري شو يستوي فييه واسير اكل شي سواء جبس ولا برقرر ولا كوفي ولا اي شي سويت ولا جنك!

الخنساء
08-01-08 ||, 05:04 PM
ويني انا عن هالموضوع من زمان :h_negab:


اللي ضعفني ... وجودي في رمضان برع البلاد ..لا عيش ولا صوالين ...لا هريس ولا فريد :shocked: .. ولا حتى عيش وروب على السحور :a116:


كان وزني 68 :fa39:..ووصلت لين 60 يعني 8 كيلو في شهرين ...أول مارديت البلاد ... أي حد يشوفني .. يتم جيه :a108: شو سويتي في عمرج ... :inlove: وعطوني حافز كبييييييييييييييييير اني استمر في هالحجم ...

طبعاً انا كنت من محبي العيوش وايد ... والسي فود وهالسوالف الدسمه ... وكنت احس اني لو مربربه بس شكلي مب من المتان وايد :surrender: يمكن عسب الطول ... المهم


في قرارة نفسي ..قررت التزم بأكل بسيط جداً .. وبعيد عن العيش :fa52:

وخصوصا اني ما احب الرياضه :cool: بس ممكن امشي بس مستحيل التزم ... وعندي اكثر من جهاز ... بس اشوفهم بغبارهم.. :fa39:

والأهم ..قمت اتريق وايد ... والجاهي الأخضر (بدون شكر) ... بعد كل وجبه .... تقريبا ... بس مب على طول ... وما اشرب أي سائل خلال الأكل .. وخصوصا المشروبات الغازيه ... بعد مرور ساعتين على الاكل اشرب ماي ...(وهالشي يخلي الكرشه تختفي والله العظيم).. :h_mar7aba:



ما اتغدى ... بس سلطة فواكه ..وكل ما ايوع آكل فواكهه ...والعشا يكون شيء خفيف ... وطبعاً كل اكلي قليل الدسم ..ومع اني من محبي الألبان والحليب والأجبان ...


وأهم شيء ... استغنيت عنه .. الكاكاو والجبس ... وغثايث آخر الليل ... :fa38: كان الكاكاو إدمااان مب طبيعي ..بس الحمدلله رمت اسوي كنترول ..

والحين وزني 59 ... :a100: وساعات يوصل لين 61 بس ما يزيد وإن شاء الله ما بيزيد



هاي قصتي كامله ...

جنون امرأة
09-01-08 ||, 02:07 AM
واللي يبى يمتن شو يسووووووووووووووووووي ؟

جنون امرأة
16-01-08 ||, 03:59 AM
وزني 40 مممم طولي اميه و شي و خمسين ما اعرف جم بالظبط!!! ههه

طير الحب
27-01-08 ||, 12:50 PM
انا الصراحه احسن اني ضعفت قياسا على ملابسي الي ما كنت اروم البسها بس للحين ما قست وزني.

طير الحب
09-03-08 ||, 03:20 PM
احم احم ما شاء الله تبارك الرحمن اكل كل شيء بس يقولون الحركة بركة وان ما اعرف ايلس كملت ست شهور من ولدت كان وزني 76 وصل 53 بالارادة اشتريت تنورة من مانغو وخليتها دافع قلت لازم اي يوم البس هالمقاس الي هو مقاسي قبل لا تزوج وفعلا عندي بنطلون من ثاني ثانوي جنيز مستحيل افرط فيه اهم شيء الارادة وما تحرمين نفسج من الاكل انا احب الباستا والمعجنات والبيتزا ومحذوف من قاموسي كلمة ريجيم وطبعا لأي ام اهم شيء الرضاعه الطبيعيه مفيدة من جميع النواحي...


والحين ما ابا اضعف زيادة.........شربت التلبينه النبوية اذا تبون رقم الحرمة الي تبيعها هاي حسيت فادتني بالاضافة للشاي الاخضر باليدتوكس والبابونج الي بدو مساعدة يسأل.

شمعة أمل
09-03-08 ||, 04:04 PM
انا جد شربت الجاهي مال دي توكس بس حسيت انه طعمه استغفرالله =s
بس شو التلبينه النبويه؟

انا في خاطرييييي اخسـر 5 كيلوو قبل نهاية السمستر<< من متى وانا اقول هالشي بس انا ماعندي شي اسمه اراده xD
أسيـر امشي على حديقة الصفا مرات واسير الجم مرات.. وانا طبيعتي ما آكل وايد ف أحس عشان جي صعب علي لاني اصلن ما اكل وايد =s
ماتريق ولا اشرب كوفي
اتغدى شوي يمكن ربع صحن
على المغرب اشرب جاي حمر
على العشا يا اكل بس بعد شوي ولا لو أحب الشوربه اكل ملة شوربه بس عوده p=

عهد الوداع
09-03-08 ||, 04:08 PM
عطوني طريقه ابغي امتن لووووووووووووول

شمعة أمل
09-03-08 ||, 04:14 PM
كلي مكدونالدز كل يوم P;

عهد الوداع
09-03-08 ||, 04:16 PM
ماشي فايـــــــده

شمعة أمل
09-03-08 ||, 04:22 PM
عيل ماعرف =s

مــهــابه
09-03-08 ||, 04:28 PM
أنـا اليوم بـوزن

والله يسـتر

صايره اتعشى فـ اليوم مرتين ، ويقولون طلعـن لي خدود لوول

بـ شوف جان زدت ولا . . .

طير الحب
09-03-08 ||, 10:29 PM
شمعة امل التلبينه عباره عن اكل كان ياكله الرسول صل الله عليه وسلم عباره عن شعير ونخاله قمح عاد لقيت بالقرية العالمية نوع ممكن تخسرين من استخدامه حوالي 7 كيلو اذا عندج وزن زايد


اذا بدك ممكن اطرش لج رقمها وتوصلج للبيت وممكن تعطيج معلومات احسن عني

شمعة أمل
10-03-08 ||, 10:36 AM
لا عادي
ابا اخسر هال5 كيلووو the long way .. عادي حتى لو ياخذ مني خمس شهوور.. لانه اعرف انه لو جي اسويه مابيرد..
لانه انا لو اظعف بسرعه امتن دبل الوزن الى خسـرته.. ومابا امتن عشـره كيلو .. خيبه xD

طير الحب
10-03-08 ||, 11:20 AM
عيل اكلي كل الي بخاطرج بكميات صغيره وتحركي وايد واشربي شاي اخضر 3 اكواب باليوم ومرة وحده بابونج انا نزلت في سته اشهر بس لانه وزني كان من الحمل ورديت لوزني الطبيعي

مــهــابه
10-03-08 ||, 03:46 PM
طير الحب :

انزين لـو ماكان عندنا وزن زايد وأكلنا هذا اللي تطرينه مايسوي شي ؟ يعني يضعف ولا ؟

ملاك الروووح
10-03-08 ||, 04:18 PM
أنا فقدت الأمل اني أمتن ..

خلااااااااااااااااااااااا اص

:fa43::fa43::fa43:


نزلت 2 كيلوووووووووووووووووو !! :boxed:

عهد الوداع
10-03-08 ||, 05:03 PM
أنا فقدت الأمل اني أمتن ..

خلااااااااااااااااااااااا اص

:fa43::fa43::fa43:


نزلت 2 كيلوووووووووووووووووو !! :boxed:


نفــــــــــــس المعاناه :k_no::k_no:

طير الحب
11-03-08 ||, 12:05 PM
ملاك الروح...ليش تبين تمتنين لا بقصون عليج

مهابه...والله ما عندي فكرة بس هي شيء صحي

مــهــابه
11-03-08 ||, 01:48 PM
أحــم

البارحـه انصـدمـــــــــــــــــــ ت

وشكيـت بأن الميزان مخـــرف

صـدقوني

ولا كيف انا يوصل وزني لـ 53 ؟!

جان أقول للمشرفـه :

والله انه ميزانكم مخرف

جاستني حاله ، رحت اجرب ملابسي والبناطلين ، شفتها عـادي تدخل كـ العاده مافي شي يديد . .

لازم تأكد

وجان وزني وصل صدق 53

بـلجأ لحميه قاسيه لووول . . .



ملااااك ، وعـهد :

أنـا جربـت الضعف اللي قوم 40 و41 وجربت انه وزني يكون مثالي ع قولتهم . . .

حسيت فعلاً ان جسمج يكون متانسق مع طولج حلـــو

بس !

صـعب تتأقلمون ، وخاصه جان حصلتي هذيـلا اللي ع الطالعه والنازله يتخبروج كيف متنتي ، والله انهم مايقولون ماشاء الله



انــزين



انا أبـا اضــعف ، ابا وزني يستوي ممم 45 بس

رغم اني ماعرف كم وزني الصـدق للحين . .


عـطوني طريقـــه

عهد الوداع
11-03-08 ||, 02:10 PM
مهابه حرام عليج وزنج حلــــــــــــو ليش تبين تضعفين ...

ليش كم طولج ...!

انا وزني 50 وابغي اوصـــــــل 55 عشان يكون مناسب ويا طولي ,,,

مــهــابه
11-03-08 ||, 03:08 PM
انـتي بـعد . .

انا طفـروبي من زود مايقـولون لي جسمج حلو ومناسب ع طولج ، بس انا مب مقـتنعه

حتى بشكارتنا يحليلها تقول : ابى جسمي يستوي شراتج

اقول لها : انتي عيوووز لا تحاولين مابتستوييين


الله يسلمج انا طولي احم ، بلاش فضايح ياختي لوول 155 . .


عسب جيه ، احس اني أكون أقـل بـ 6 أو 7 كيـلوو واايد اوكي . .

عهد الوداع
11-03-08 ||, 05:18 PM
مب غير عني طلعنا اقـــــــــزام هههههههههههه

عيل تمام وزنج خلج عـــ53 لا تضعفين ولا تمتنين ..انا اطول عنج بـــ2 سم لووووووووول وايد فرق هع

مــهــابه
12-03-08 ||, 03:24 PM
لا مابي

الوزن المثالي مب جيه لووول

المزوحي
13-03-08 ||, 04:04 PM
أبغي أنزل خمس كيلو تقريبا، لكن بدون ريجيم .. أقصد مب حرمان من الأكل .. ولكن أوقف الحلويات ووو

وأمشي ... وإن شاء الله ينزلن هالخمسه

دمعة شوق
13-03-08 ||, 09:17 PM
أنـا بعــد أبــا أنــزل 20 كيــلوو
ابا استوي عوااله خخخ
/
لا يعني مكسمم امممم 10 كيلو
وإن شاءالله
الاسبوعين اللي طافوا صدق سويت ريجيم مااكل شي اللهم اتريق واكل شي خفيف ع الغدا
والعصر ايروبيك ومااكل شي عقب ساعه 7 الا تفاح وماي وعصاير
/

بس هالاسبووع اختتتتتتتتتتترب الريجيم
اففف

شمعة أمل
15-03-08 ||, 08:17 PM
^
تدرين
اذا تسـوين رياضه.. المفروض تاكلين أكثـر.. لانه اذا تاكلين شويه كل ما تاكلين بطنج يخزن الأكل
انا ماكنت أعرف هالشي الا هالأسبوع
لاني اسوي رياضه وماكل وايد بس وزني زاد كيلويين O_o .. ويوم مدربتي قالتلي شو السالفه ويوم الثاني كلت وايد.. ظعفت هالكيلوويين

تدرين شو تقولي
شربي غريين تي .. وعقبه بسـاعه كلي فاكهه.. وعقب تغدى سلطه ولحم ولا عيش وسمج.. وعلى العصـر كلي خبزتيين توست.. وتعشي شوربه

طير الحب
16-03-08 ||, 02:42 PM
شمعه بجرب الي تقولين ابا انزل كيلوين دلع بس جي

الشيـــن
16-03-08 ||, 10:08 PM
انزين انا طولي158 ووزني 47 .! بس جسمي عادي مش ظعيفه واااايد يعني !

ماريد لا امتن ولا اظعـف .. شـو أسوي ؟ مش ماشيه على نظام معين ترى !

شمعة أمل
16-03-08 ||, 11:18 PM
اذا مب يالسه تمتنين ولا تظعفين تمي تسوين الى تسوينه

الشيـــن
17-03-08 ||, 10:29 PM
^
أهـا ! اوكي . . . ^_^

ماوحشتك
29-03-08 ||, 01:54 PM
:5: وداعـــــــــــــــاً للكــرش :5:



الكــرش هالمشكله العويصه الي يعاني منها الكل :pullhair:
سواء الـ ضعاااااف ولا المتـــــان

اولـ نبـدأ بالـ أسباب:

من الاسباب التي تساعد على بروز البطن : وهي

1_ الكسل والخمول وكثرة النوم والنوم بعد الأكل مباشرة .

2_ الشرب أثناء الأكل .

3_ المشروبات الغازية .

4_ العنف أثناء تمارين البطن مما يؤدي إلى تدلي جدار البطن .

5_ كثرة رفع الأشياء الثقيلة بطريقة عشوائية تؤدي إلى هبوط البطن والأمعاء .

6_ ابتلاع الهواء أثناء الأكل والشرب لذا فيجب علينا أن نأكل ونشرب على دفعات .

7_ أمراض القولون تتسبب في تجمع السوائل في تجويف البطن .

8_ كثرة تناول الدهون والسكريات ويجب تجنب الكتشب والطحينة والمايونيز والمشروبات الغازية قدر الأمكان .

9_ التركيز على وجبة دسمة واحدة و أهمال الوجبات الأخرى بهدف إنقاص الوزن سريعاً .( يعني بالعربي الرز )

10_ الأكل وأنت واقف والأفضل الأكل و أنت جالس و اجعل ركبتيك قريبتان من صدرك

11_ أفضل الرياضات لكل شئ على الإطلاق المشي فهو يقوي العضلات كلها ومنها الظهر الذي إذا ضعف مال إلى الأمام وأعطى فرصة لبروز البطن .

12_ أسحب عضلات بطنك إلى الداخل في كل وقت و أي مكان فهو يحسن القوام كما أن الوقوف بطريقة ملاصقة للجدار بحيث تلامس الجدارالكعب والمؤخرة لمدة 15 قيقة كل يوم تشد الظهر والبطن معاً .

13_ تجنب النوم على البطن بشكل نهائي و تجنب النوم على المراتب والفرش الناعمة بكثرة لأن ذلك من شأنه أن يضعف عضلات البطن ويقوس الظهر .

---------

ثانيا شي يساعد على تخيف الكـرش بأذن الله...


وداعااا للكــــرش يا زبــــــــــادي :a049:

اثببت الدراسات انه الزبادي يقضي على الكرش اليكم هذه المقوله:thumbup1:

تتركز على تناول الزبادي ثلاث مرات في الأسبوع. وهذا ما أكدته دراسة حديثة بالقول إنه يستطيع فعلا المساعدة على التخلص من «الكرش»، لأنه يحتوي على بكتيريا «اللاكتوباسيلس اسيدوفيلس» التي تؤدي إلى تخمر اللبن، كما تحتوي على انزيم «اللاكتيز» الهاضم لسكر اللاكتوز الموجود في اللبن، وهو الانزيم الذي يفقده 85% من الناضجين خاصة في الشعوب العربية والأفريقية، ويتسبب نقصه في صعوبة الهضم واضطرابات الأمعاء وسوء الهضم والانتفاخ.


وفي دراسة حديثة للدكتور حامد عبد الله بالمركز القومي للبحوث في مصر(( أكد أن للزبادي قدرة على حرق دهون الجسم، لأنه يمكن أن يغير من قدرة الجسم على حرق الدهون مما يجعله يفقد هذه الدهون ويحتفظ بالعضلات))

انا اعرف وايدين مجربينه و النتايج بابينت مع استمرار الاكل و في اكثـر من برنامج طارينه
ويوم سويت سيرج بعد عالنت حصلت الخلق كلهم مجربين ومقالات شكثر !

وحبيت افيدكم .......

.

.


ثــالثــا يه وقتــ التماريـن :fa51:



يالله احينـــه التماريــن شدووا الهمه :fa38:

:fa51: واحد ثنييين واحد ثنين :fa51:

التمارين يفضل لو مرتين فـي اليوم ولمدة ربع ساعه
وانشالله بتلاحظون النتايح على طووووول :fa38:



http://www.ojqji.net/up_vb/uploads/b0ef487e25.gif

:fa51:

http://www.ojqji.net/up_vb/uploads/9ade68eec8.gif

:fa51:

http://www.ojqji.net/up_vb/uploads/d7e53f828c.gif
هالتمرين للي ما تروم تشيل عمرها:surrender: تسويه ويشد عـ طول :thumbup1:

:fa51:

http://www.ojqji.net/up_vb/uploads/809a046606.gif

:fa51:

http://www.ojqji.net/up_vb/uploads/6babca2544.gif

:fa51:

http://shbabc00l.ahlamontada.com/montada-f21/topic-t598.htm

:fa51:


:fa38: ادعولـي

عمة العيم
07-04-08 ||, 06:33 PM
طبعاً الزواج يمتن هخخخخخخخخخ ام الريل و الريل يدلعوني كلي كليييييي لالا كليييييي لا والله حلو طعمه كليييييييي

في اليوم خمسين عزيمه كلييييييييييييي كلي كلي الدنيا يومين كليييييييييي (مالت خخخخ)


انا يبالي انزل مال 9 كيلو يعني لو نقصت 6 كيلو بحمد ربي انا وزني 82 و طولي 175 (^_^)

انا كنت 92 لكن الحين 82 نزلتهم بسرعه هذيل لكن الحينه لاصقه عالـ 82 مب طايع ينزل وزني مع اني اتبع نفس النظام الغذائي بعدني

المهم انا لمدة شهر في الاسبوع 3 مرات كنت اسير النادي اتمرن يعني مشي و عضلات الارداف و الايد و الجتف و الصدر

بس مانزل وزني الحينه وقفت لاني صايمه خخخخخ صيامي لمدة اسبوع ان شاء االله و ببدا وياكم يا متان يا حلوين هخخخخخ

و عندي استفسار هالتمارين اللي حاطه يا ماوحشتك ما تأثر في الظهر؟

لأن فيه الدسك في اسفل الظهر ياختي :@

(^_^)
...

عمة العيم
11-04-08 ||, 12:12 PM
وين ربعنا الدباديب باردين هاه!!!

مجموعة إنسان
19-04-08 ||, 02:09 AM
على طاري الرجيم
وين نصوور!!!

هع



انا قلت في يوم اني بضعف
وصدق ضعفت 3 كيلو
بس هال3 كيلو صاارت بالعكس وزدت مادري كم

المهم ان وزني الحين 80 هع

تخيلوا من 74 وصلت 71 والحين 80


بس الكرش الكرش!!!
ملعوزنا هذا

عاااد المشكله مب في الوزن الحين
الطول !!!
انا اقصر واحد في البيت !!! هل كيييف

طولي 173
سؤال .. الطول ينقص ؟!؟!


زيييين

هذا عمااار اخوي ملعوزنا بالجم والجم الجم والجم
كل يوم في نادي الضباط
واشوفه ياااااكل اكل
بس جسمه اوكي
يقولي لازم تركض
ولازم تسوي ضغط
ولازم ما تشرب بيبسي وايد
ولازم تاكل سلطه

عاااد هذا كله !!!!

شمعة أمل
04-07-08 ||, 10:27 PM
أبـا أسوي رجيم لأسبوع ونص
بس إرادتي ظعييييييييييييييفه
لازم أخسـر 3 كيلوات


وين ذنينييييييييييي

مــهــابه
05-07-08 ||, 03:52 AM
^
شمـعه :

جربي تمشين يومياً لـمدة سـاعه كامله يـمكن يفيـدج . .



انا من بدأ الصيف نزلت كيلوين ليش ماا ادري ؟!

ذنـيـنـي
05-07-08 ||, 11:36 AM
ذنينيييييييييي بروووووحه متوههههههق
لول


انا ابغي البس جنزات قياس 38 و مب رايم
و السفر عقب 29 يوم بالضبط


يعني الحمدلله سويت انجاز في اني اقدر البس الجنز و هالشي ما كنت اقدر اسويه
و قدر اصك الفصمه
بس بعدني ما اقدر البسه

و صددددددددق متوهههق الحين





انا قلت بسوي جي،،
بتريق عدل، و عقب سير الدوام

مثلا الريوق توست اسمر و جبن لو فات و بيضتين و برتقاله "او عصير برتقال"

و بتغدى سلطه "يفضل انه يكون فيها بروتين،، مثلا دياي و تونه و بتعشى شوربه

طبعا يوميا اسير امشي نص ساعه و اجري نص ساعه و بشوف
ان شاء الله اخف

شمعة أمل
05-07-08 ||, 01:38 PM
انا المشي مايفيد ويايه.. يعني مثلا يوم سـافرت عادي نمشي خمس ولا ست ساعات في اليوم .. بس بعد ماشي فايده!
وفي نفس الوقت ماروم أركض.. لانه على المكيـنه هاي مال مشي أملللللل ف أحس بكـل ثانيـه!! يعني يمكن بالكثـير اوصل 3 دقايق p; تقولون 3 ساعات!
بس اذا الجو كان يسـاعد واقدر اركض برع جان زين


ذنينيي
عصير برتقال مب زين تشربه بشكل يومي.. اسبشلي اذا تبا تظعف لانه يمتن كله شكر

انا ابويه يتريق
مكسد برييز ..بيضتيـن (لكن بس ياكل الابيض مب الاصفر).. مرات توست.. وكوفي ويحط شووووويه حليب فيه ويكون لو فات
وباقي اليوم اذا يبا كوفي بس يشرب اسبرسوو ولا جاهي
وبين الوجبات لو ايووع ياكل تفاح أخضـر
ويسير الجم بس مب كل يوم

أنامل قلب
07-08-08 ||, 12:00 AM
:
.

السلام عليكم ..

اممم لاحظت شي .. !
عدنا عضوات واعضاء وزنهم اوك من اللي ذكروه .. غريبه انهم يبون يضعفون ..
يعني مب حلو لمن يكون الريال ضعيف لــول .. والبنت بعد مب شي تكون عظام P=

:

انزين .. ممكن ألاقي من بينكم أحد يحب يخفف وزنه معاي ..
أو حتى لو ما يبي يضعف ولا حاب يزيد ..

في أحد يتبرع يسألني كل يوم شو سويت وشو أنجزت عشان أضعف هالـ كمن كيلو !

انا من النوع اللي أحب ألاقي حد معاي ..
أو انه يعني أحتاج لـ حد يذكرني ويحمسني ><" !

الصراحه اللي حولي ما يساعدون ..
يا إما يقولولي ما يحتاي تضعفين .. أو يطيحون فيني مصخره ..
اونه قاصه عـ منو انتي :fa54: ..

اممم .. بشكل عام يقولولي ماتحتاجين تنزلين فوق الـ كيلوين أو 3 ...
بس انا ناويه أنزل أكثر .. وبحطلي هدف 8 كيلو :fa51: ..

+ طبعا بوقف قبل إذا حسيت إن مب محتاجه أنزل هالكثر =)

:

باختصار ..

منو بيتكفل بي :k_special2: !

:
..

الملهم
07-08-08 ||, 12:41 AM
انا ابا اضعف ..
كفاية الكل يضحك علي ..
الله ياخذ الكرشة ..

انامل قلب ..
متأكدة بغيتي تضعفين ؟؟
مجرد سؤال يعني .. P=

أنامل قلب
07-08-08 ||, 12:53 AM
^ لا ما بغيت .. لأن بغيت فعل ماضي ..
والصحيح إني أبغي .. وبتم أبغي لول !

هيه متأكده ><"

:

انزين اممم انا بدخل كل يوم هالموضوع وبقول شو أنجزت ولا شو خبصت ..
عالأقل أحس إن في أحد يحاسبني ولو من بعيد لـ بعيد ..

+ سبحان الله يمكن أحمس أحد وانا مادري P=

:
..

شمعة أمل
07-08-08 ||, 01:27 AM
انا اباااااااااااااا
تخيلي
بدا الصيف
متنت 3
والحيـن متنت فوقه 1
واتوقع في هالاسبوعين بعد بمتن كيلو، يعني خمس O_o
مع اني مااكل حلويات وجي .. بس وايد اشرب كافيه لاتيه p; *وتعرفييين الباستا والسندويجات* ماناكل نفس الاوادم هني >_<
وارادتيييي ظعييييييييفه
المشكله
دوووم جي يستويبي في الصيف ومن ارد سييييييده في الجم! فـ في شهرين ثلاث اربع ارد طبيعيه!
بس تدرين رمضان، ماقدر اسير الجم! واصلن ماشي مدربه الفليل! وروحه ارادتي ظعيفه ف ماقدر اسوي روحي
ف بعد بمتن يعني
والسكجول بيعتفس فوق تحت!
فـ هالسنه بتوووهـــق!!!!!!!!!! عكس كل سنه وين اظعف امتن اظعف امتن.. شكلي هالسنه امتن امتن O_o بصيييح!! تخرجيي عقب 9 شهوووور ;_;
تدرين انه كبتي في ثياب بـ مقاسات مختلفه xD

أبا اظعف هالـأربع الى متنتهم قبل العيد، بعدين ابا اظعف ممم خمس كيلو زياده في 7 شهوور أوو اظعف هالخمس كيلو في ثلاث شهوور واسوي توونينغ لـ 4 شهور! مابا اظعف بسرعه لانه ماباهم يردووون!!

أنامل قلب
07-08-08 ||, 01:46 AM
:
.

اوه ربي يكون بعونج عيل ..
انا من دخلت الجامعه وليمن خلصت كنت زايده قريب الـ 4 أو الـ 5 كيلو ><" !
بس رديت نزلت 3 كيلو الحمدلله .. + من مده حاطه ابـ بالي انزل زياده ..

فيعني مثل ما قلت حاليا ناوية أنزل 8 كيلو ..
إلا إذا حسيت إن ما يحتاي أكمل ووزني بنظري صار اوكي ..

عني مشكلتي في الحلويات ><" + إني مااااااااااااتحرك لول ..
يعني يبالي أركز عالرياضه حبتين .. عالأقل مشي وتمارين خفيفه ..

مالي خص بنزلهم يعني بنزلهم ههه ..
ومثل ما قلت بحط ملاحظاتي يوميا ان شاء الله =)

:

ربي يوفقج ويعينج اختي ..
وباذنه بتنزلين دامه أنسب وأطيب لج :yes: ..

:
..

شمعة أمل
07-08-08 ||, 02:22 AM
^
ربيعتي استوالها نفسج
من دشت زايد ومتنت.. جي كل شي فيها انتفخ مسكيـنه والسبب الأكل هناك
عقب هالسنه يلست تسير الجيم ورد وزنها طبيعي الحمدالله... بس هذا الا عقب تعب اربع مادري خمس شهوور!

وانا العكس
من دشيت الجامعه ظعفتتتتتت
بس من يبدى الصيف ووزني ينجلب!

مــهــابه
07-08-08 ||, 03:08 AM
^
أنـا صار لي شــرآتكم زدت تقريباً 7 أو 8 كيلو من دخلت الجامعه وصل وزني ( 52 ، 53)


والكل لاحظ هـالشي ( أستويت حديث الساعه )



يـعني قبل انجاز وزني يوصل 45

لأنه كآن دااايماً أقل


عقب مازاد ، صدق صآر لي احباط ، تخيلو يعني ازيد 7 كيلو فجأه ، وانا اصلا ماريد امتن ، يعني كنت مرتاحه جيه

والسبب كله من الوجبات السريعه والأكل !* . .


بس صدق سويت رجيييييييم قآسي ، يلين رديت جسمي اوكي ، ،


والحين محد مشجعني أضعف ، كل حد يقول جيه واااااايد احسن عن قبل

قبل كآن اقل عن المثآلي بوايد ، الحين اقل بشويه وقريب المثآلي بــعد :)


بس محتاجين عزيمه ، انا كنت شراتج يا أنامل محد يشجعني ، يعني الكل عآرض هالشي

لـدرجة انه امايه خبرت أبويه ، وانهزبت ، والحال لله


بس كنت مصره ، واريد ارد شرات قبل ، رحت الجم ، ممم مارسة ريآضه ، قمت آكل وجبه وحده بس فاليوم وبآجي اليوم أشرب ماي + وفواكه بس!

تـقريبـاً مده 6 أشهر ورديت مثل ماكنت وقدرت أوصل وزني لـ 47 والحين حتى لو يزيد يوصل 50 بس لا اكثر


شي مهم


انكم لازم تقيسون وزنكم بين فتره وفتره ، عسب تعرفون ، اذا زدتوا ولا ، هالشي بـعد يسآعـد


~ ومثل ماقلت


شويه عزيمه واصرار بس!

شمعة أمل
07-08-08 ||, 03:16 AM
^
خلينا ندور هالعزيمه والاراده>_< انا في هالشي صفرررررررر!! عندي اراده قويه لأشياء ثانيه بس رجيم وجي ماقدرp; صدق ماتمصخر.. ومشكلتي الأكبر اني ما أكل اي شي.. الاكلات الى آكلها محدوده

شمعة أمل
07-08-08 ||, 03:17 AM
انااااااامل
شوفي بسوي رجيم وياج شو رايج؟؟
وبندورلنا حل ويا رمضان!! احس سالفة الاكل في رمضان هي المصيبه

أنامل قلب
08-08-08 ||, 11:43 PM
^^ لـــــــووول ..

دخيلكم تراني والله مانتفخت هههه .. >> وحده متروعه لول ..
بسم الله علي الرحمن الرحيم .. لا لا بعدني ماوصلت لهالمرحله P=

حمستينا والله مهابه .. بس تعالو انا مشكلتي شي اسمه (( سكريـــــــــــــااات ! ))
وايد آكل حلويات .. مع اني اونه يعني مخففه .. بس حتى بعد التخفيف يعتبر حدث ولا حرج :ohboy: !

انزين لاحظت ان وزني للحين ثابت ..
بس مشكلتي بالرياضه والحركه .. يعني اممم .. مادري ليش قمت أهمل بالرياضه ..

وووو باذن الرحمن بحاول أشل وجبة العشا من قاموس يومي لول ..
يعني بحاول أكثر من الفواكه وجي .. او يعني أكثر من الـ علج ههه ..

والفطور تراني ما أفطر وجان بفطر بشرب حليب :fa42: ..

.... :tongue:

:

يالله شمعـــــــــووووه شدي الهمــــــه وراج تخرج :d014: .. >> :yes:

وبعدين من قال ان الخلق يمتنون بـ رمضان .. لا ان شاء الله بتضعفين ..
أحيد العام نزلت مابين الـ كيلوين والـ 3 برمضان .. فيعني باذن الرحمن خير =)


يالله ها ..
تراني ما بنطرج P=

^__________________^ ..

:
.

المزوحي
09-08-08 ||, 01:18 AM
انا افكر برياضة المشي، وكل يوم اقول باجر ... بس بإذن الله ببتدي من يوم الاحد بالمشي، وأتمنى ما أوقف في

رمضان .. شو الوقت المناسب في رمضان ؟؟؟

أنامل قلب
15-08-08 ||, 01:27 AM
^ هـــا طمنا .. واظبت عالمشي ولا .. . !؟

وعن سؤالك فـ ماعندي فكره الصراحه ..
بس أكيد مب وانت صايم ><" !

ولا ^^" ؟

:

عني بعده وزني ثـــــــــــــااااابت =(

ياللــــه مو عارفه كيف أنزله ..
ولا طايعه أواظب عالرياضه ><" !!!!!!!!!!

:
.

شمعة أمل
15-08-08 ||, 03:09 AM
أنا اوني بظعف وبسوي رجيم
بس تدرين
لين الحين ماسويت شي p;


وتدرين انامل.. انتي اول وحده اعرفها تظعف في رمضان!! كل البنات الى اعرفهم يمتننوون!! انا عادةً امتن جي 3ولا 4 كيلو في رمضان! اظني عشان انا مب متعوده على الحلويات وفي رمضان كل يوم كيك وبسكوت وكرك وجي!


المزوحي
انا سمعت انه اونه قبل الفطوور احسن شي.. بس مادري!!

أنامل قلب
15-08-08 ||, 03:32 AM
^ إي صح ..
بس الفرق إني عكسج من ناحية الحلويات ..
يعني طول السنه مكثرة حبتين .. وبـ رمضان أخفف :/

+ ما أتخيل أسو رياضه قبل الفطور ..
عادي يغمى علي لول ^^"

:
.

شمعة أمل
15-08-08 ||, 01:47 PM
هيه حتى انا ماعرف كيف يسون رياضه قبل الفطوور >_<

المزوحي
15-08-08 ||, 02:26 PM
انامل قلب زين كملت 5 أيام على بعضهم من المشي وأبغي استمر ...


شمعة أمل حتى انا يتراوالي إنه قريت شي جيه، المشي قبل الفطور ... خيييييييه تخيلي ... يعني قبل الفطور

بساعه تقريبا .. !!

شمعة أمل
15-08-08 ||, 03:12 PM
تدري ليش
لانه يوم تكون يوعان.. وتـاكل.. جسمك يخزن الأكل كـ *شكر* . ومب fat فـ تمتن... و*اتوقع* يقولون امشوو قبل عشان يوم ناكل بعد الرياضه.. يهضم الاكل ويخزنه كـ fat ومب شكر

بس اخس شي ساعه قبل الفطور.. هنييه انا ابدى ايوع من الخاطر >_< طول اليوم عادي ولا جني صايمه بس سبحان الله آخر ساعه اتخبلxD

أنامل قلب
19-08-08 ||, 08:23 PM
^^ موفقين جميعا ..

عني فـ لازال وزني نفســه ما تغير :surrender: ..

:
.

المزوحي
19-08-08 ||, 09:25 PM
وزني ثابت لحد الحين .. اللي يسمع ... توني ماكملت 10 ايام

أنامل قلب
19-08-08 ||, 10:36 PM
^ الحلو إنك مستمر أخوي ..

المزوحي
19-08-08 ||, 11:57 PM
أكيد أنامل، لأنه ماشي لياقه .. كل شي يتعبنا من الكسل ...

شمعة أمل
22-08-08 ||, 03:24 AM
انا ماجيكت وزني.. من شهر وشي! نسيت بسير اجيكه باجر الصبح

لاحظت انه من رديت وانا مول ماكل شي! نفسيتي منسده.. في اليوم اكل يمكن وجبه وحده؟؟ وكوبين جاي حليب وبس

ورياضه بعدني.. ببدى يوغاااا من يوم الاحد:)

المزوحي
22-08-08 ||, 01:15 PM
شمعة أمل يوغا في البيت وإلا تنضمين لنادي ؟ ( شي حلو ع فكره )

شمعة أمل
22-08-08 ||, 01:56 PM
أسير يوغا سنـتررر.. على فكره.. انا من سنتين اسوي رياضه وفت وكل شي بسسس اليوغا غير.. يعني يوم سويت يوغا اليوم الثاني مول مارمت امشي ولا رمت اسوي شي!! مع انه عادي اسوي رياضه ساعتين واليوم الثاني بخيـر جسمي مايعورني.. بس يوغاا يهتم في العضلات والاشياء الثانيه
فـ احس زين لو يكون شي بالانس بين الاثنيـن

شمعة أمل
27-08-08 ||, 12:02 AM
كيف تتجنبي سمنة رمضان ( رجيم رمضان)


فسيولوجيا، الطعام عبارة عن رجيم قاسي جدا يتعرض له الجسم أثناء ساعات الصوم. وبالتالي فإن استجابة الجهاز العصبي لهذا الحرمان الكامل، الذي يتعرض له الجسم من مواد الطاقة، هي نفس استجابته الفسيولوجية في حالات اتباع الريجيم القاسي في أيام السنة العادية. وهذه الاستجابة، هي تنشيط ميكانيكية الخزن والتقنين في استخدام الطاقة.
على أي حال، ولأن صيام رمضان يحرم الجسم حتى من الماء، فإن التقنين في استخدام الماء وزيادة خزنه في الجسم يحدث أيضا.

إذن، عند حلول موعد الإفطار، فإن الجسم مهيأ تماما لخزن أكبر كمية ممكنة من السعرات الحرارية التي يحتويها الغذاء الذي يدخل الجسم في وجبة الإفطار. وبالتالي فإن النقص في الوزن الذي حدث أثناء ساعات الصيام سوف يعود وبشكل أكيد بعد الإفطار خصوصا إذا أفرط الصائم في تناول الطعام كما هو الحال مع الكثيرين. وبالتالي لا عجب أن الكثيرين يصابون بالسمنة في نهاية شهر مضان بما فيها أيام العيد، والتي تتميز بالولائم والحلويات من حيث المناخ الغذائي لأيام العيد.

وبالطبع السؤال هنا هو :

كيف يتجنب الإنسان يويو أو سمنة رمضان؟
الإجابة هي كما يلي :

1. وجبة السحور يجب أن تكون هي الوجبة الرئيسية في رمضان وليس وجبة الإفطار.

2. وجبة الإفطار يجب أن تتوفر فيها المزايا التالية :

· سهلة الهضم والامتصاص وتعطي شعورا سريعا وطويلا بالشبع.
· محتواها من السعرات الحرارية قليل.
· ذات كثافة غذائية عالية، أي تحتوي على كثير من مكونات الغذاء المتوازن حيث أن امتصاص الغذاء أكثر فاعلية بعد ساعات الصيام الطويلة، لأن الجسم بحاجة ماسة للغذاء، هذه المواصفات الثلاث يمكن تحقيقها من خلال الخطوات التالية:

· البدء بتناول مواد سكرية سهلة الهضم والامتصاص وتعمل على رفع مستوى سكر الدم بسرعة، وبالتالي تقل إلى حد كبير مشاعر الجوع الناجمة عن نقص سكر الدم خلال ساعات الصيام.

· أنواع الغذاء المناسبة هنا تشمل :

- التمر والرطب مع الماء.
- عصير الفواكه.
- أنواع الحساء المختلفة ( حبوب، خضار) المضاف لها قليل من الدسم مثل قطع لحم أو سمك صغيرة.
· تناول وجبة كربوهيدرات مركبة، (حبوب، معكرونة، بطاطا، أرز) بكمية قليلة مع كثير من السلطة الخضراء بالليمون ويفضل الدجاج والسمك.
· التحلية من خلال إما الفواكه الطازجة، أو حلويات مصنوعة من الدقيق والبيض والعسل
( أو محليات اصطناعية لا تحتوي على السكر).
· يفضل التسلسل في تناول الغذاء أعلاه بحيث يكون هناك فاصل زمني في تناولها حيث أن توزيع مواد الغذاء هذه على وجبتين أو ثلاث قصيرة بعد حلول موعد الإفطار، سوف يزيد من قدرة نشاط الجهاز الهضمي، وبالتالي يتم استخدام قسم كبير من السعرات الحرارية في مواد الغذاء كتكلفة لهضم وامتصاص هذه المواد وذلك طبقا لمفهوم الطاقة اللازمة لهضم وامتصاص الطعام.

· ممارسة النشاط البدني الحركي مثل المشي أو أي رياضة أخرى وذلك على فترتين هما :

1- قبل ساعة أو نصف ساعة من الإفطار.
فترة النشاط الحركي هذه، مناسبة جدا لخسارة الدهون المخزونة تحت الجلد لأن تركيز جلوكوز (سكر) الدم يكون قليلا وبالتالي مستوى الإنسولين في الدم يكون منخفضا وهذا معناه زوال العائق الأساسي أمام طرح الدهون المخزونة تحت الجلد في مجرى الدم، واستخدامها كمصدر للطاقة اللازمة لهذا النشاط الحركي كما وأن نقص مستوى الدم يؤدي إلى زيادة دعم الجهاز العصبي لعملية استخدام الدهون كمصدر للطاقة.
2.بعد ساعتين أو ثلاث من الإفطار
النشاط الحركي في هذه الفترة سوف يمنع ميل الجسم لخزن السعرات الحرارية التي دخلت مع وجبة الإفطار، لأن الأولوية في الطاقة تكون دائما لجزء الجسم الذي يقوم بالنشاط الرئيسي في الجسم، وهذا الجزء هي العضلات التي تقوم بالنشاط الحركي.

محصلة اتباع هذه الإرشادات هي تجنب سمنة أو يويو رمضان وربما خسارة كمية لا بأس بها من الشحوم ( الدهون المخزونة في الجسم ) إضافة إلى اكتساب الجسم الصحة واللياقة نتيجة النشاط الحركي المنتظم خلال شهر رمضان والذي يمكن بسهولة الاستمرار به مع تعديلات بسيطة خلال بقية أشهر السنة قبل استبدال فترة النشاط الحركي بعد الإفطار في رمضان بفترة نشاط حركي قصير قبل تناول الفطور ( أو بعد تناول فطور خفيف ) في بقية أيام شهور السنة الأخرى.




كثير منا يرغب في أن يبقي جسمه رشيقاً أو يرغب في تخفيض وزنه، ولكن من منا يستطيع مقاومة إغراءاطباق رمضان وإن قل عددها وحددت أصنافها. إن المعادلة عند بعضنا صعبة.. إلا أن الأمر في حقيقته سهل جداً..! نعم.. يمكنك أن تأكل ما تشتهي وتخفض وزنك في رمضان أكثر من4 إلى أكثر من 6 كيلو جرام.


ببساطة كلوا ما تحبون (رجالاً ونساءً) لا حرمان في رمضان الكريم. ولكن..!

هل أنت مستعد/ مستعدة.. إذاً أكمل. وإذا كنت غير مستعد لا تكمل قراءة الموضوع.
* قبل الشروع في البرنامج
هذا البرنامج لا يصلح إلا للأصحاء فقط وهو للرجال والنساء، فمن يشكو من أي مشكلة صحية يجب ألا يستخدمه إلا باستشارة الطبيب أو الطبيبة.



* الأدوات

طوال شهر رمضان لا تستخدم غير هذه الأدوات.
طبق طعام عادي (بنفس حجم الطبق الورقي الخفيف والمعروف. نفس الحجم، قطر الصحن= 23سم(أي نصف القطر حوالي 11.6سم).
ولكي لا يلتبس عليك الأمر استخدم الطبق الورقي نفسه.
- صحن عميق (المخصص لشخص واحد فقط)(أو كوب).
- كأس سعة 250 مللتر (مثل الكأس الورقي المرفق).
-ملعقة - سكينة صغيرة - شوكة.
نتفق من الآن ألا نستخدم غير هذه الأدوات مهما كانت الإغراءات. إذا كنت مستعداً لذلك استمر .
* 3 وجبات يومياً

البرنامج مخصص لرمضان لذا فسيكون كريماً معكم ولا يقتصر فقط على الإفطار والسحور بل إن الوجبات ستكون 3 وجبات وهي:

- الإفطار.
- وجبة ما بعد التراويح.
- السحور.

دعنا نتفق أن الوجبة التي لم تستطع أكلها لسبب أو لآخر لا تُعوَّض ويخلف الله عليها (خصوصاً ما بعد التراويح).

* اتفقنا.. إذاً لنبدأ الإفطار

قبل الصلاة: قل بسم الله، وبعد دعاء الإفطار «اللهم لك صمت وعلى رزقك أفطرت» والدعاء بما تحب في هذا الوقت الفضيل. كُلْ 3 تمرات فقط.. 3 تمرات فقط.. 3 تمرات فقط.. ثم أشرع في استخدام أدواتك.

- الكأس: عبئ كأسك بأي شيء يشرب مرة واحددة فقط. ماء، قمر الدين، أو عصير، أو لبن، أو حليب كأس واحد فقط...« لا تشرب أكثر من كأس واحد.»

- صحن الشوربه: خذ مقدار 250 ملجرام (أي كوب) شوربه(أي نوع متوفر) وضعه في الصحن واشربه على مهل بالملعقة (يلاحظ ألا تحتوي الشوربة على اللحم أو الدهون الظاهرة).
لا تأكل أي شيء غير هذا. فالخير يأتيك بعد الصلاة.

بعد الصلاة

- استخدم في هذه الوجبة طبقك الأساسي (والملعقة والشوكة والسكينة حسب الحاجة إليها).
عبئ طبقك بما تشتهي من السفرة أمامك خذ مما تريد بدون تردد أو تفريق بين مقلي أو مسلوق أو مطبوخ.. دون التفريق بين حلو أو مالح المهم عبئ طبقك بما لَذَّ وطاب.
(مرة أخرى نذكرك بعدم استخدام طبق أكثر من طبقك نفس المقاس).

هناك شرط بسيط عند تعبئة الطبق وهو إياك أن تضع مادتين غذائيتين فوق بعضهما؛ مثلاً لا تضع السلطة فوق المحشي واللحم فوق الأرز، كذلك إياك أن تضع قطائف مثلاً فوق الكنافة، وإنما كل مادة غذائية لها مساحتها الخاصة وغير مهم لو حدث تزاحم في الطبق، فخطط المساحة قبل التعبئة.
كما أن هناك ملاحظة تساعدك على تخفيض وزنك أكثر من 6 كيلو وهي بعد أن تعبئ الطبق إياك أن يقول الناظر إليه هذا شخص «.....» بمعنى دع طبقك يبدو جميل الشكل ومرتباً.

ومن الفوائد المهمة أن تترك مجالاً للسلطات لتشغل مسافة ثلث الصحن.
بعد أن تقضي على جميع ما في الطبق احمد الله ثم قم من عند المائدة فوراً إلى غرفة الجلوس.

* وجبة ما بعد التراويح

- الكأس: عبئ كأسك بأي شيء سائل: عصير أو حليب أو لبن.
- صحن الشوربة: ضع فيه كوب شوربة.
- صحنك الرئيس: ضع فيه قطعة أكل بحجم نصف الكف (خبز أو فطيرة أو حتى قطعة دجاج بالتناوب من يوم لآخر).

السحور

الصحن الرئيس: قَسّم صحنك إلى قسمين متساويين تماماً.
- ضع في قسم منه سلطة خضراء.
- قسّم القسم الثاني إلى ربعين. ضع في الربع الأول قطعة خبز أو قطعة لحم أو دجاج (دون جلد أو دهن) بحجم نصف الكف العادي وفي الربع الثاني نصف تفاحة أو نصف موزة أو برتقالة.
- الكأس: أنت مخير في أن تملأه لبناً أو حليباً أو شوربة (دون لحم أو دهن) مرة واحدة فقط.
-إذا اخترت اللبن أو الحليب فعليك اختيار قطعة الخبز بدل اللحم في الصحن الرئيس.

بقي لنا أن نؤكد بأن هذا ليس برنامج رجيم وإنما برنامج تخفيف كمية الأكل وضبط السلوك الغذائي، لذا فكلما كان الالتزام بالملاحظات دقيقاً، أدى البرنامج دوره بصورة جيدة.

نصائح للرشاقة في رمضان * طبق ماتستطيع من هذه المقترحات:

-التقليل من تناول الدهون والمقليات والحلويات قدر الاستطاعة وليس الامتناع عنها، فمثلاً: ثلاث حبات سمبوسك وثلاث إلى أربع حبات من لقيمات(أو ما يعادلها) أكثر من كاف يومياً.
-الحرص على أن تحتوي مائدة الإفطار على الفواكه الطازجة والسلطات الخضراء والبقوليات. (للأكل وليس للزينة).
-التقليل من تناول الأشربة الصناعية(مثل ذات اللون التوتي الأحمر)وليس الامتناع والاستعاضة عنها باللبن والعصيرات الحقيقية وقمر الدين.
- تناول التمر وشيء من اللبن أو العصير أأو الماء وقم لأداء صلاة المغرب ثم عد إلى المائدة.
تمتع بمائدة الإفطار وتنوعها وامضغ جيداً ولكن احذر الإكثار من الطعام على المائدة ولا تصل لحدود الشبع المفرط.
- لا تشرب مع الطعام أي شيء حتى الماء عددا الشوربة.
اشرب الماء بحرية أثناء الليل ولا تكثر من شرب الأشربة الصناعية بين التراويح والسحور، فكأس واحدة تكفي جداً.
الأفضل عدم الأكل بين الإفطار والسحور وإن كان لابد فلتكن وجبة خفيفة جداً وقليلة الدهون، مثلاً كوب شوربة وحبة سمبوسك في يوم، وقليل من الحلوى في يوم آخر.










من اسوأ العادات الدارجة .. هو تحويل ليل رمضان الى تجمعات افطارية ..ومافيش غير الاكل ثم الاكل ثم الاكل .. ومن طبق لطبق .. خلص الاول نجيب التاني ... وما فيش غير اننا نشكوا من النصح .. والله انهم صادقين ههههههههههههههههه

رمضان صيام عن الذنوب والمعاصي ..وعن الطعام ..وعن الاذى .. فاكسب الشهر في الطاعات ..

كتبت ـ مي زكريا نيل‏:‏

كثير من النساء يعاهدن أنفسهن قبل حلول شهر رمضان المعظم آلا يتناولن الحلوي بعد الافطار إلا نادرا حتي لا يزداد وزنهن‏..‏ ومع هذا مازال خطر السمنة يهدد رشاقتهن‏,‏ لأن مكونات الاغذية التي تقدم علي مائدة الافطار تحتوي علي سعرات حرارية عالية قد لا يتاح لهن حرقها إذا كن من هواة مشاهدة المسلسلات التليفزيونية التي تتميز بها الشاشة الصغيرة في شهر رمضان .‏

ولكن د‏.‏مصطفي عبد الرزاق نوفل‏)‏ استاذ علوم التغدية بجامعة الازهر قد وجد لعاشقات الرشاقة مخرجا حتي لا يزداد وزنهن بسبب عدم قدرتهن علي الالتزام بالنظام الغذائي الذي اعتدن عليه للحفاظ علي قوامهن‏,‏ ويقول د‏.‏ نوفل

ان النظام الغذائي الصحي في رمضان,‏ يجب ان يغطي ما يحتاجه جسم المرأة من السعرات الحرارية اللازمة لاداء وظائفه اليومية‏,‏ والذي يحسب بضرب وزن الجسم في‏22‏ ويلزم تناول نحو‏1600‏ سعر حراري من الاغذية في اليوم‏,‏ لتغطية احتياجات المرأة المتوسطة النشاط البدني‏.‏ ويمكن تخفيف ذلك في رمضان ,‏ من خلال تناول الكميات التالية‏,‏ وموزعة تبعا للرغبة علي وجبتي الافطار والسحور‏.‏

‏*‏ رغيف بلدي‏.‏
‏*‏ نصف كوب أرز مطبوخ‏.‏
‏*‏ كوب خضراوات طازجة‏(‏ سلطة‏)‏
‏*‏ نصف كوب خضراوات مطبوخة‏.‏
‏*‏ قطعة متوسطة من اللحوم او الهامبورجر‏,‏ أو الدواجن‏,‏ او الاسماك او‏2‏ بيضة‏.‏
‏*‏ نصف كوب بقول مطبوخة او فول مدمس أو عدس أو فاصوليا جافة‏,‏ أو لوبيا جافة او حمص الشام‏.‏
‏*‏ قطعة كنافة متوسطة الحجم أو عدد‏2‏ قطايف‏.‏
‏*‏ نصف كوب قمر الدين او عصير مشمش‏.‏
‏*‏ عدد‏4‏ تمرات أو‏2‏ وثمرة فاكهة‏(‏ موز أو برتقال‏)‏ او تفاح‏.‏
‏*‏ كوب لبن‏(‏ يمكن تناوله مع التمر‏)‏ وكوب زبادي‏,‏ أو‏2‏ كوب زبادي‏..‏ أو كوب زبادي أو لبن وقطعة جبن متوسطة‏.‏
‏*‏ ما يملأ كف اليد الواحدة من المكسرات وافضلها من الناحية الصحية هو الفول السوداني‏.‏


وبهذا خلصنا احلى الكلام عن الرشاقه وان شاء الله تستفيدو من الموضوع

وكل عام وانتم بخير وصحه ورشاقه وسلامه

أنامل قلب
27-08-08 ||, 12:48 AM
^ لول شمعة أمل ..
اللي حطيتيه صدق صدق يحمس ،، وبنفس الوقت يصدم لول !

شو ها مب جنه الاكل اللي مخصصينه للرشاقه أكثر من اللي ناكله ^^"

:

بس أكثر شي صدمني الـ 3 تمرات ..
أنا موتي حياتي التمر والرطب .. ماروم آكل بس 3 ..
أنا فطوري بكبره يعتمد عالتمر أو الرطب =$

يعني إذا كانت الحبة صغيره ، عادي آكل مابين الـ 10 والـ 14 حبه >> لا تنصدمون ><" !
بس فيما عدا ذلك لو بكمل "سواء قبل أو بعد الصلاة" أشرب شوربه + سمبوسه "حبتين أو 3" ..
وأحـــــس وقتها إني ثقيييـــــــــــــــــله ،، لأن نكون صيام فتحسين الجسم ما يتقبل >> 10 تمرات وما يتقبل لول ..

لا بس صدق وايد أحس إني ثقيله ، بس الحلو إن نحن متعودين حتى بـ رمضان 3 وجبات ..
السحور عدنا يدحون من الخاطر لول ، يعني عادي عيش وسمج ومقالي ، فـ يعتمد ..
+ الفطور كلنا ماناكل وايد حزتها ، لأن الجسم ما يتقبل !
+ إذا إذا إذا يعنا ، ممكن نتعشا شي خفيف قريب الساعه 10 ، أو إن يعني كل وحده تاكل اللي تباه ..
بمعنى أصح اللي ناكله من بعد وقت صلاة العشا على فترات متقطعه يعتبر بـ نظري وجبه كامله ><" !

وبيني وبينج، شكلي بجرب المشي قبل أذان المغرب !

:

بس تدرون ،، مادري ليش أنا عكس الناس ..
أحس بـ رمضان نفسيتي ما تتقبل الحلويات والسكريات وايد .. !

وووو يزاج الله خير حبابه عالنقل الطيب والتحميس الأطيب =)

.... .

شوق القلوب
27-08-08 ||, 12:50 AM
السلام عليكم..

اضافه حلوه شمووووووعه

حلم الطفوله
27-08-08 ||, 12:52 AM
هالفتره صدق متنت ...!!!

بس من بديت الدوام نزل وزني 3 كيلو بثلاث أيام بس !!!

وبرمضان وزني ينزل طبيعي ....فإن شاء الله خير

شمعة أمل !!! شكلنا بنطالب بحصص يوغا للمعلمات بالمدارس !!! والله محتاجين :)

شمعة أمل
27-08-08 ||, 01:52 AM
أنامل
ياربيي! بقولج شي xD
تدرين انه انا وانتي عكس بعض من الخاااااااااطر p:
يعني شوفي
انا ماداني شي اسمه تمر ولا رطب ولا شي..
ثاني شي.. وجبة الفطور أكبـر وجبه عندي .. في رمضان أفطر وجبه كبيـره.. بعدين اشرب كوبيـن كرك ومرات آكل سوييت.. بعدين مااااااااكل شي لين السحور.. واتسحـر قبل لارقد وانش قبل الفجر بشوي اشرب مـاي لين محس اني بنفجر واقرى قرآن لين الصلاه وبس! وانا اقووووووول ليش دوووم أمتن!!! بعد ماقريت ها عرفت ليش xD


شوق القلوب
وعليكم السلااااام glad you liked it


حلممم
تخيلي انـا في ثلاث شهور متنت خمس كيلو p; بدون مبالغه.. ومع هذا في اسبوع واحد واكثر من عشـرين شخص قالولي انتي ظعفانه وفييه شي غريب اونه محلوه من الخاطر xD *ماحيد اني كنت خفسه >_<*لابعد كلهم يتحروني محلوه لاني مخطوبه وخاشه هالشي عنهم xD < شفتي عاد كيف البنات يفكرون؟!
وعن اليوغا
شي عجيب الصراحه.. بس مايناسب كلحد.. وشي انوااع :) بس انا وايد عايبنيييييي!!

أنامل قلب
27-08-08 ||, 02:40 AM
لول ^^"

اممم تدرين ،،
نحن بالعاده ماناكل قبل النوم ،، يوعونا قبل أذان الفير ابـ ساعه إلا ربع ..
ويبالي نص ساعه من هالـ 45 دقيقه عشان أستوعب إني نشيت ><" !

.... :fa51:

وصدق طلعتي عكسي من الخـــــــاطر :fa38: ..


.... .

شمعة أمل
27-08-08 ||, 02:53 AM
شفتي الفرق بيناااا!!!!!! وايد وايد p:

أنامل قلب
27-08-08 ||, 02:56 AM
^_^ ..

قصايد غلا
27-08-08 ||, 01:01 PM
السلام عليكم


ليش تحسّون إن رمضان يمتّن :k_special2: ، أنا احس إنه عااادي ما يأثر
مع إنه ناكل وايد في رمضان لوووول


يعني أهم شي في فطوري هو :

الباكورة + سمبوسة الجبن "كرافت" + لفايف الهوت دوغ + كبة + بيتزا + سندويجات صغار + البف باستري===> من هالأشيا نسوي 3 أشيا أو 4 كل يوم

بس الكبة + السمبوسة كل يوم يوكونون موجودين على الفطور (أشيا أساسية)


العيش مووول ما أحبه في رمضان (حتى في الفطر) ولا ايي على بالي لا هو ولا المعكرونة مووووووووول ما ايّيون على بالي في رمضان

و السويت مب وايد مهم عندي في رمضان لكن مراااات يوم أتفيج أسوي سويت
و طبعا ما أتفيّج إلاّ مرة في الشهر ولا مرتين :k_harhar1:

إلا إذا فطورنا في مكان عند أهلنا آكل سويت و بسسسسسسسس


و سحوري يكون قبل الرقاد و يكون عبارة عن سندويجات أو اي شي نحبه =)

و الفجر يوعوني أشرب ماااااااااااااي واااااااااااااااااااااااا اايــــــــــــــــــــــ ـــــــــــــــــد



============================



أبا جهاااااااااز ، عشان أسوي رياضة في البيت و ما أتهايز لأنه موول ما عندي وقت أسير الجم أسوي رياضة بسبة الجامعة وضغطها


إذا حد منكم عنده جهاز و يحس إنه زين خبروني عنه من وين و راووني إيّـــااااه لو سمحتوا :k_smile2:

المزوحي
27-08-08 ||, 11:17 PM
مرحبا جماعه،

شمعة أمل مشكورة على الاضافه، وانا هذا كلامي دوووم ،،، يعني عند الفطور اشرب شوربة وآكل تمر واسير اصلي

ماقدر افطر مره وحده، ويحتاي عقب التراويح نتعشى، والسحور يكون خفيف مثل تمر ولبن ..

الحينه من بديت امشي صح إني ماخفيت ،، خاصه إنه الاكل مثل ماهو ... بس انا ابغي احس بنشاط

شمعة أمل
30-08-08 ||, 11:52 PM
انا شكلي بمشي على هذا في رمضان! احس بينفعني

المزوحي
01-09-08 ||, 12:28 AM
انا قررت إني امشي عقب التراويح،، لكن اليوم مشيت العصر ... لأنه أول يوم

إذا الله احيانا لين باجر ومانتعب أول يوم عن أثر الصيام، بإذن الله ببتدي أمشي عقب التراويح ونشوف ...

المزوحي
01-09-08 ||, 11:09 PM
حبيت أقول إني اليوم بديت أكمل المشي ( أول يوم في رمضان ) كانت تجربة حلوة وبإذن الله اكمل ..

الوقت : عقب التراويح ...

شمعة أمل
01-09-08 ||, 11:36 PM
^
حتى انااااااا!!:)
مشيـت لـ 45 دقيقه

أنامل قلب
01-09-08 ||, 11:53 PM
مشــــــــوووني معاكم !

:

انزين ،، انا أصعد وأنزل من سلالم الجامعه بدل لا أنطر دوري باللفت لول ><" !!
بس يبالي الصراحه أتحمس للمشي ،، مادري ليش أتكاسل =(

.. .

شمعة أمل
01-09-08 ||, 11:56 PM
لاااا مايكفييي p; انا حتى في الجامعه كله امشي على الدري حتى أبركن بعييييييد في باركينغ مب حتى في بنايتنا لول.. وبعد امشي على الدري من البيسمنت لين الطابق الارضيp; بس صدقيني بعد مايكفي!!!!

شلي حد وياج وسيري امشي بعد التراويج.. صح انه حر شوي بس على قل شي هوااا

أنامل قلب
02-09-08 ||, 12:10 AM
^^"

لا أنا أتمشا ابـ ممر البيت تحت المكيف لول !
+ المشكله عندي مش بالمكان ،، بالكســـــل =$

بس بيني وبينكم ،، حمستوني وايد ..
وان شاء الله خير =)

.. .

شمعة أمل
02-09-08 ||, 12:14 AM
اهم شي تشلين حد وياج عشان يوم إرادتج ظعيفه الشخص الثاني يحمسـج.. ف عشـان جي امشي ويا اختي :)

أنامل قلب
02-09-08 ||, 12:24 AM
^ صح ،، يبالي الصراحه ^_^ ..

.. .

شمعة أمل
05-09-08 ||, 12:19 AM
اليوم سرت الجم الصغير في بيتنا
نص ساعه على مكينة المشي
وعشرين دقيقه على مكينه ماعرف شسمهـا

المزوحي
05-09-08 ||, 12:27 AM
شمعة على طاري الاجهزة اليوم كنت في الستي ودخلت محل السبور وشفت جهاز المشي .. عندهم

اشكال وأنواع ... مع إني احب المشي في الهواء الطلق ( والرطوبه خخخخخخ )

اليوم ماسرت أمشي ... إن شاء الله باجر

أنامل قلب
05-09-08 ||, 12:31 AM
نزلت كيلو لول !
بس لحظه هالكيلو ماسو له اعتبار ><" !

أصلا أنا روحي مادري كم المفروض أنزل =$

... .

شمعة أمل
05-09-08 ||, 12:35 AM
المزوحي
المشي على المكينه مب شي.. اتمل بسسسسسسرعه


سكـون
ياحيج.. انا ماوزنت أخاف p; مابا أعور قلبي لو طلع اني متنت

المزوحي
05-09-08 ||, 12:41 AM
شمعة دوم احس بالاحساس اللي قلتيه، مع إني ماجربت امشي على المكاين، بس يوم ربعي يقولون سير الجم

اقولهم ما احب هالسوالف ....... واتقيد .. بس حد يقولك احسن تنظم لنادي عسب تنضبط في السيرة

شمعة أمل
05-09-08 ||, 12:47 AM
ترا المشكله لو تسـير نادي بدون ترينر وايد صعب.. اسبشلي حق الناس الى ارادتهم ظعيفه وايد
يعني انا لاحظت شي في نفسي
الايام الى عندي جامعه.. اكون متنظمه واسير الجم
من تبدى الاجازه وانا خلاص ماسير.. والمشكله اجازاتنا وايد وايد طويـله! انا نص السنه دراسه ونص السنه اجازه

أنامل قلب
05-09-08 ||, 12:47 AM
^^ بالعكس شمعه ..

انتي قايليلج ان مبين عليج انج ضعفانه ،،
فان شاء الله ضعفانه =)

انزين سؤال ؟
فالنفرض إن وحده طولها 150 ،،
كم المفروض تكون ،، ان يعني عساس تكون رشيقه ..
لا صحية ولا نحيفه =$

(( مب طولي ،، بس أبي أقارن الفرق عقب ابـ طولي P= )) ..

.. .

شمعة أمل
05-09-08 ||, 12:48 AM
انا يبالي توننينغ من الخاطر.. يوم كنت أسيـر الجم كنت مستانسه على نفسي ووزني وشكلي اما الحينه مووووووووووول>_< غير يوم تسيـر الجم بانتظام.. صح تعب بس تستانس على نفسك دايما تحس نفسك نشيط والجسم تووند

شمعة أمل
05-09-08 ||, 12:50 AM
اذا طولج 150 وزنج المثالي 45 يعني خذي آخر رقمـين ونقصي منهم 5
بس تدرين يعتمد على جسمج بعد
يعني اذا انتي عظامج ثجال ولا عراض فـ عادي لو حتى 55.. كل يعتمد على الجسـم وجي

أنامل قلب
05-09-08 ||, 12:50 AM
لحظه صح ،، ماتحسون إن جسم عن جسم يفرق ..

يعني عادي تشوفون ثنتين نفس الطول والوزن ،،
بس وحده تبين أمتن عن الثانيه بشكل ملحوظ !

ولا أنا اللي أتوهم ><" !!!

.. .

شمعة أمل
05-09-08 ||, 12:51 AM
أقول
استخدمي الـ bmi بيساعدج وايد

http://www.nhlbisupport.com/bmi/

شمعة أمل
05-09-08 ||, 12:52 AM
ويوم تستخدمين الbmi حوليه على المترك لانه نحن نستخدم السنتيمتر للطول

وهيه كل بنت غير .. يعتمد على الجسـم :)
لانه وزني انا اكثر عن شكليي والسبب عظامي

شوق البدو
05-09-08 ||, 12:59 AM
اناااا ارييييييد اضعففف من خلصت من الجامعه وبدت اجازتي قمت كللله اكل
ليل نهاار اكل داخل البيت اكل برع البيت اكل اميييه خفت على عمريييي
صح اني ما احس اني متنت بس اخاااف يطلع عقب مب أكل خير آكل


ومن قلت ابا اسوي رجيم يعني بس بخفف اكل قمت اكل اكثر عن قبل اهئ اهئ

شوو اسويييييي ؟؟؟

المزوحي
05-09-08 ||, 01:04 AM
مرات الواحد تيه حاله نفسيه، يعني من يقول ابغي اضعف ولو هو تام على نفس الوزن من سنه، يزيد كيلوين

شوق البدو ... لو الوزن او المتن مايتلاحظ ... بس الواحد مايترك عمره لأنه عقب بصعوبة الواحد ينزل وزنه

ويتعرض لريجيم قاسي وغيره ...

أنامل قلب
05-09-08 ||, 01:05 AM
اذا وحده طولها 150 المفروض يكون وزنها بالتقريب 45 !!!

بس أحس مب كافي ،،
إذا جي السالفه عيل مقارنة ابـ طولي ،، لازم أنزل 3 كيلو بس .. !

مابــي ،، حابه أنزل أكثر =$

انا تدرون شو حاطه ابـ بالي ،،
إذا وحده طولها 150 لازم وزنها يكون مابين الـ 40 والـ 42 لول ..

طبعا هذا للبنات ،، بس الرياييل بالعكسسس
المفروض اذا واحد طوله 150 يكون وزنه 60 P= // ويمكن أكثر حبه :mf_leia: !

همممم .. !

.. .

المزوحي
05-09-08 ||, 01:07 AM
لا سكون

إذا وحده طولها 150 يكون وزنها 45

وإذا واحد طوله 150 يكون وزنه 50

أنامل قلب
05-09-08 ||, 01:09 AM
شمعــــــة الواحات مـــــــاااعرفت استخدم الموقع ،،
شو بعد طولي بالـ فيت ،، انا اشدراني =$

واختي شوق البدو ،، كلام أخوي المزوحي صحيح .. !

.. .

شمعة أمل
05-09-08 ||, 01:12 AM
ترا قلتلج استخدمي المتركككك .. الفييت هو الستاندردد

شمعة أمل
05-09-08 ||, 01:14 AM
وعن سالفة الوزن والطول ترا يعتمد على الجسـم .. عيل يمكن انتي بتييت عشان جي
لانه اختي انا عظامها ظعاف وجي وهي طولها 169 ووزنها 53.. ووزنها مناسب

شمعة أمل
05-09-08 ||, 01:15 AM
اناااا ارييييييد اضعففف من خلصت من الجامعه وبدت اجازتي قمت كللله اكل
ليل نهاار اكل داخل البيت اكل برع البيت اكل اميييه خفت على عمريييي
صح اني ما احس اني متنت بس اخاااف يطلع عقب مب أكل خير آكل


ومن قلت ابا اسوي رجيم يعني بس بخفف اكل قمت اكل اكثر عن قبل اهئ اهئ

شوو اسويييييي ؟؟؟

نحن روحنا متبهدلييين مانعرف شو نسوي بعمارنا:birgits_giggle:

شمعة أمل
05-09-08 ||, 01:18 AM
انااامل حصلت موقع احسن
استخدمي هذا


http://www.alhayat.net/bmi.htm

أنامل قلب
05-09-08 ||, 01:18 AM
أخوي المزوحي ،، لاااااا // مب حلو الريال يكون ضعيف ..
وما أقصد إن يكون متين ووويعني هالتفاصيل الثانيه ..

يكون مرتب بس به عرض شوي ،،
ابـ معنى ثاني هيئته توحي بالرجوله لول !

:

اختي شمعه ،، انا يقولولي احيانا مظهرج يوحي بإنج أضعف ..
بس أنا أحس لاء .. مادري .. !

من جي نويت أنزل 8 كيلو ،،
وحطيت احتمال إني أوقف أول ما أحس إن مب حلو أنزل أكثر =)

+ حبيت تعليقج عاختي شوق البدو ،، صدقج والله :doh: ..

.. .

شمعة أمل
05-09-08 ||, 01:22 AM
^
لول انزين صدق p;


المزوحي صدقها انامل.. مب حلو الريايل الى ظعاف مول مب شي.. انت استخدم الاوزان وبيطلعلك عضلات وبعدين بيكون اوكيه< بعدين انا لاحظت ماشاء الله الريايل بسسسسسسسسسرعه يظعفون ويعضلون!

المزوحي
05-09-08 ||, 01:24 AM
سكون + شمعة أمل الرياييل بسرعه يكرشون لووووووووول

لو ماكان متين بس فيه كرشه وبصعوبه ينزل الكرشه خخخخ

بس صدق ابغي امشي بزيادة ...

شمعة أمل
05-09-08 ||, 01:27 AM
حصلت هذا على النت.. زعلت.. انا وايد احب الكاتشب والزيتون الاسود وعصير البرتقال والفستق >_<


الفصيلة ((o+ و (o-) :

اللحوم / المسموح (لحم البقر والارانب والغنم والحسيل والدجاج والكبد والقلب)
الممنوع (البط والوز )

والاسماك/ المسموح ( القرش والسمك الازرق والسالمون والساردين والحبار والجمبري الاصداف والاستكوزا )
الممنوع (الاسماك المعلبه والمخلله والكافيار والاخطبوط)

مشتقات الحليب والالبان / المسموح ( الزبده حليب وجبن الغنم جبنة المازولا وحليب الصويا )
الممنوع ( الجبن الأمريكي والسويسري والجبن الازرق والالبان بأنواعها وجبن الكريمة )

المكسرات والبذور / المسموح (اللوز البجلي بذور السمسم وبذور عباد الشمس )
الممنوع ( الكاجو الفستق اللوز وزبدة اللوز)

البقول / المسموح (الفاصوليا الناشفة بأنواعها والبازيلا)
الممنوع ( العدس بأنواعه )

الشعير والحبوب والخبز / المسموح (الخبز المصنع من القمح والارز بدون نخاله )
الممنوع (الخبز المصنع من الشعير والشعير غير مسموح به في نظام هذه الفصيلة )

الارز والمكرونه / المسموح (الارز مسموح بكل أنواعه )
الممنوع (المكرونة ممنوعه بكل أنواعها )

الخضوات والفواكه / المسموح (الخضار الاخضر والورقي البصل الفجل الثوم الباميه القرع الفلفل البازيلاء الخس البطاطس الحلوة والزيتون الاخضر الطماطم السبانخ الكرفس البروكلي البقدونس ) ومن الفواكه التفاح التين البرقوق العنب الجوافة )
الممنوع (الكرنب الباذنجان البطاطس العادية القرنبيط الزيتون الاسود المشروم ) والفاكهة البرتقال التوت الاسود الفراولة الخربز النارجين الهندول اليوسفي )

العصيرات والمشروبات / المسموح (عصير الاناناس الكرز البرقوق الجزر الطماطم والعنب والخوخ ومن الشاي الشاي الاخضر والورد والزنجبيل والنعناع )
الممنوع ( عصير التفاح والكرنب والبرتقال ومن الشاي الشاي الاسود والقهوة والصودا )

التوابل / المسموح (التمرالهندي الشوكولاته والسكر الناعم والنعناع والقرنفل والنعناع )
الممنوع ( الخل الفلفل الاسود الابيض والقرفه والفانيلا والكاتشاب وشيرة الذرة وجميع المخللات

المزوحي
05-09-08 ||, 01:30 AM
وانا حصلت هذا

أدق طريقة لحساب الوزن المثالي للجسم

كثير منا يقلق بشأن وزنه، ومن هذا المنطلق إليكم هذه الطريقة الحسابية الحديثة التي يستخدمها جميع أطباء وإخصائيي التغذية لمعرفة الوزن المثالي:


أولا:إحسب طولك بالسنتيمتر


لنفرض أنه 165 سم
الان إقسمه على 100
الناتج 1.6
اضرب الناتج بنفسه يعني 1.6 ضرب 1.6= 2.65

ثانيآ:إحسب وزنك


لنفرض أنه 57 كيلوغرام

ثالثآ:نقسم الوزن على 2.65 = 21.5
وهذا الناتج هو كتلة الجسم

واليكم الان جدول النتائج:
إذا كانت كتلة الجسم أقل من 20 فهذا يعني أن وزنك أقل من الطبيعى .
إذا كانت كتلة الجسم من 20 – 25 فهذا هو الوزن المناسب .
إذا كانت كتلة الجسم من 25 – 30 فأنت تعانى من زيادة فى الوزن .
إذا كانت كتلة الجسم أكثر من 30 فهذه علامة الخطر بالنسبة للشخص البدين.
إذا كانت كتلة الجسم أكثر من 40 فهذة هى السمنة المفرطة و ما يصاحبها من مشاكل


مثال آخر للتوضيح:
شخص وزنه 90 كيلوغرام وطوله 188 سم فهل هو سمين؟
الحل:
188 نقسمها على 100= 1.88
1.88 ضرب نفسها 1.88 =3.53
الان نقسم الوزن 90 على 3.53=25.49
وحسب جدول النتائج فإن هذا الشخص يعاني من زيادة في الوزن

المزوحي
05-09-08 ||, 01:31 AM
شمعة امل كل الممنوعات احبها شو اسوي بعمري يعني :(

بنت الدلع
05-09-08 ||, 01:33 AM
كل حد يرمس عن الضعف

انا ابا امتن


اقل شي 6 كيلو !

أنامل قلب
05-09-08 ||, 01:39 AM
^^ بالنسبه لي ،، يكون الريال .... ولا انه يكون نحيف ..
عالأقل عايش طبيعته خخخ ..

:

اختي شمعة أمل ،، شو ها ماحبــــــج خخخ ،، كلهم يحبطوني ..
طلعلي (( تهانينا ان هذا هو الوزن السليم ... حافظ على ذلك ))
+ النتيجه = 23 !!

اهو الحمدلله ،، بس الصراحه ^^"

.. .

شمعة أمل
05-09-08 ||, 01:40 AM
المزوحي
انت بعد دمك o ؟
عيل شكلنا حصلنا الحل p; لازم ماناكل الممنوعااات
وتدري
امي قالتلي البارحه عن وحده .. انها كانت وايد متيـنه وظعفت وايد والسبب انه كل يوم كانت تاكل خاشوقة عسـل ويا جرفه\قرفه\سينامون.. بس نحن القرفه من الممنوعات p; انا قلت من الليله بجرب سالفة العسـل.. مع انه ماعرف كيف بقدر اكل خاشوقة عسـل.. بس بجرب لـ اسبوعين وبشوف شو يستوي.. لانه حتى توني قريت مووضوع في منتدى وحده كتبت انها ظعفت والسبب العسل!



بنت الدلع
كلي كل الممنوعات لـ فصيلة دمج وبتمتنين بسرعه :)







وينه ذنيني عنا؟؟

شمعة أمل
05-09-08 ||, 01:41 AM
اناااامل
لوووول عيل يمكن انتي بالشكل ومب بالوزن؟ بس دامه قالج سليمه ليش بعد تبين تظعفين p;

بنت الدلع
05-09-08 ||, 01:44 AM
انا O+

وياكم في القائمه

أنامل قلب
05-09-08 ||, 01:45 AM
اختي بنت الدلع فــــدااااااااااج ،، بعطيج من عندي لول ..

+ شكرا عـ إضافاتكم اختي شمعه واخوي المزوحي ..
وعقبال ما نوصل للوزن المثالي ابـ نظرنا .. . !

.. . { :fa38:

شمعة أمل
05-09-08 ||, 01:46 AM
يااااااارب!

المزوحي
05-09-08 ||, 02:59 PM
تسلمين اختي سكون


شمعة أمل اذكر من كذا سنه كنت تعبان وعطوني قايمة الاكل المسموح والممنوع ... وقتها كنت ابغي امتن

بس الحين ابغي انزل وزني

هو زين حتى حق الامراض او الحساسية مب بس الوزن ...

شكرا لج اختي شمعة امل

قصايد غلا
05-09-08 ||, 03:06 PM
انتوا عرفتوا الممنوعات اللي تضركم

أنا كيف بعرفها دام فصيلة دمي A+ ؟؟؟

رمــش الغـــلا
05-09-08 ||, 08:35 PM
:shutup: 17


انت ضعيف جدا عليك بزيادة وتنويع الاكل


>< !!


:doh:

O ana mstansa zdt 4 kilwat in summer !!

:frown:

شمعة أمل
05-09-08 ||, 10:06 PM
فصايد هذا حق فصيلة دمج


فصيلة (a+) و (a-)
بالنسبة للحوم / المسموح( الدجاج والديك الرومي والفراخ الصغيرة)
الممنوع (اللحوم الحمراء بصفة عامة الكبد القلب الارانب البط الوز البقر )

أما الاسماك / المسموح الساردين والمكاريل والتونة والحوت السمك الأبيض والاحمر وسمك السيف )
الممنوع( الكافيار والجمبري والاستكوزا والاخطبوط والاصداف والمحار)

منتجات الألبان ومشتقاته / المسموح (مشتقات الحليب غير مناسبة والمسموح هو جبنة الصويا وحليب الصويا )
أما الممنوع ( يجب الامتناع عن الاشياء المصنعه من الحليب الكامل الدسم ويمكن استخدام اللبن الرائب وحليب الصويا والزبادي -الجبن الامريكي الزبد وزببدة الحليب الشيدر وجبنة الكريمة الايس كريم )

الزيت والدهون / المسموح (زيت الزيتون وزيت الكتان ) وبس..
الممنوع( زيت الذرة وزيت القطن واللوز وعباد الشمس وزيت السمسم )

الممنوع من المكسرات والبذور ((((بذور عباد الشمس وبذور القرع اللوز البجلي واللوز السوداني وزبدة اللوز وقشر اللوز )))

الخبز والمكرونات / المسموح ( خبز الشعير والذرة ومن المكرونة ((المكرونة المصنعة من الشعير ودقيق الأرز )))
والممنوع ( خبز القمح الكامل والخبز البروتيني وابتعد عن مكرونة المعدة من الصلصات ) ومن الممنوع المكرونة المصنوعة من الدقيق الابيض والدقيق الكامل والسميد)

الخضروات والفواكه / المسموح (الثوم الجزر الخيار الخس البقدونس القرع السبانخ اللفت الباميه البصل الاصفر والخضراوات الورقيه والبروكلي – التفاح التمر العنب الجوافة الحبحب الكيوي الخوخ الكمثرى الفراولة )
الممنوع (الكرنب الباذنجان الاسود والزيتون الاسود والفلفل بأنواعه والطماطم والبطاطس - الموز المانجو البرتقال اليوسف النارجين )

العصيــــرات والمشروبات / المسموح ( عصير التفاح الاناناس الجريب فروت الجزر المشمش الكرز الليمون البرقوق –شاي الاعشاب والشاي الاخضر والزنجبيل )
الممنوع ( عصير البرتقال وعصير الطماطم – والشاي الاحمر العادي (((ممكن االقهوة )) جميع وممنوع جميع المشروبا ت الغازية والصودا )

التوابل / المسموح ( الخردل ومربى الفواكه الدبس الاسود –المخللات القليلة )
الممنوع (المايونيز والكاتشاب –صوص جيلاتين-جميع انواع الخل )

المزوحي
05-09-08 ||, 10:31 PM
مادري للحين امشي بس نص ساعه ابغي ازيد وماقدر، اليوم حاولت اجري صدق تعبت ... ماشي لياقه أبد

أنامل قلب
05-09-08 ||, 10:49 PM
هيه صح ،،
جربت الرابط اللي عطيتيني اياه شمعه مره ثانيه بس ابـ بيانات الوزن المثالي بنظري ^^"
وظهر الوزن اللي ابغي اوصله ابـ نفس الملاحظه =)
بس النتيجه = 20 !

:

انا المفروض فصيلة دمي بي+ ،، بس مره قالولي أو+ لول ..
وووو طبعا بمشي عساس إني بي+ !

هممم ،، سويت بحث ابـ جوجل ،، وللأسف حطمو قلبي ابـ شيئين ..
الكاتشــــــــاب + المشروبات الغازيه خخخ ..


صيلة ( B+ ) و ( B- )



في اللحوم / فالمسموح .. لحم البقر و الارانب و الغنم و الحسيل
و الممنوع .. الدجاج و البط و الوز و القلب و لحم الخنزير طبعاً


في الأسماك / فالمسموح .. سمك المكاريل السالمون و الساردين و سمك القرش و الحباره
الممنوع .. الجمبري و الاستكوزا أبو مقص و الزرنباك و الاخطبوط و الكافيار


الزيوت و الدهون / المسموح .. زيت الزيتون و زيت الحوت و زيت الكتان
الممنوع .. الذرة و زيت القطن و زيت اللوز و زيت السمسم و زيت عباد الشمس



بالنسبة للمكسرات و البذور و البقول/ فالمسموح اللوز البرازيلي و زبدة اللوز البجلي و في البقول الفاصوليا و البازيلا
و الممنوع .. الكاجو و اللوز و السمسم و زبدة اللوز و بذور عباد الشمس و الطحينة و بالنسبة للبقول الممنوع العدس و اللوبيا



بالنسبة للشعير و الحبوب و الخبز / المسموح .. الخبز المصنوع من الشعير و دقيق الارز و المكرونات المصنوعة من الارز و السميد و كل انواع الارز
الممنوع الخبز المصنوع من الذرة أي دقيق الذرة او القمح الكامل


و بالنسبة للفواكة و الخضار / المسموح الموز الكرز العنب الاناناس البرقوق التفاح الخوخ التوت التمر التين الجريب فروت البرتقال المانجو المشمش الجوافة الليمون الكمثرى –البنجر الكرنب الجزر القرنبيط الباذنجان الفلفل الرومي البطاطس الكرفس الباميه البصل الخس الفجل الكوسه البازيلا الشبت .. ياسلام مابقي شي
الممنوع .. الرمان النارجين –الذرة القرع الطماطم الافوكادو


أما العصيرات و المشروبات / المسموح الشاي الاخضر بالاعشاب و النعناع و اوراق الورد و البيرة و العصيرات الطبيعيه
الممنوع جميع انواع الصودا حتى الدايت .. ياحرام المعذبين في الأرض


التوابل / المسموح (المايونيز المخللات ومربى الفواكه )
الممنوع الكاتشاب و بس:

انزين ،، ما شي احتمال يظهر الكلام غلط :fa54: !

انا مالي خص ،، ماروم ما آكل شي أحبه لأنه عـ قولتهم يمتن ..
ما آخذ راحتي طبعا ،، بس مب إني أحرم نفسي =/

فـديتني :a050: لول ..

.. .

أنامل قلب
05-09-08 ||, 10:54 PM
اممم أخوي المزوحي ..
المفروض انك من زمان تمشي .. غريبه ماتروم تزيد !

مب شرط انك تكمل نص ساعه ابـ نفس السرعه ..
يعني تمشي شوي عراحتك ،، عقب تسرع ..
شوي تركض ومن تتعب ترد تخفف من سرعة المشي وهكذا ..

بدون لا توقف .. . !

.. .

شمعة أمل
05-09-08 ||, 11:40 PM
المزوحي
لازم تمشي اقل شي 45 دقيقه


أنامل قلب
نفس الحاله هنيي >_< احب شي اسمه كاتشب

المزوحي
06-09-08 ||, 01:08 AM
سكون انا من بديت امشي نص ساعه ، او آخذ درب طويل وأرد بعد ياخذ مني نص ساعه بالكثير 40

اليوم جريت ماعرف شو استوى بي ماقدرت اتنفس .. نحن مال رياضة ...

تراني اسخن وامشي عادي وعقب شويه اسرع ويوم بخلص ابطئ المشي ..

شمعة أمل زين لو نمشي 3 مرات في السبوع ، بس هذا اللي خلاني استمر في المشي وقلت لو رمضان لازم

اكمل .....

يالله عاد شجعوني عسب باجر اكمل .... وأزيد المدة ..

شمعة أمل
06-09-08 ||, 02:06 AM
انا بسويلي جدول باجر.. يبدى من يوم الاحد
لاني بديت أيّن من الملل وربيعتي لاحظت هالشي:k_harhar1:
فـ مابدش النت وايد بس هاااااه بدش هالموضوع كل يوم كل يوم:a046:

المزوحي
اذا مشي لـ نص ساعه 3 مرات في اليوم.. ولا جنك سويت شي
ماقصد اضايقك ولا شي بس هالصدق
يعني أقل شي تقدر تسـويه هو المشي السريع لـ مدة ساعه ثلاث مرات بالاسبوع.. هذا أقل شي
بس تعـال..
عقب ماتمشي تسوي تمارين ثانيه؟؟ وتسوي stretching?

المزوحي
06-09-08 ||, 04:26 AM
شمعة انا امشي كل يوم الحمدلله، بس دايما نقرأ إنه عادي لو تمشي 3 مرات ( القصد إنه مب اقل عن 3 مرات او يوميا

هيه اسوي stretching

خبريني عنه يمكن امشي على نفس جدولج :look:

قصايد غلا
06-09-08 ||, 02:17 PM
:fa43: أنا واااااااااااااااااااااااا ايد أحب عصير البرتقال و أحب الكاتشاااااااااااااب واااااااااااااايــــــد

و أحب الجاهي الحمر :fa43:

ذنـيـنـي
06-09-08 ||, 03:07 PM
وينه ذنيني عنا؟؟


ذنيني موجود
منتفخ و يالس
من اسبوع الحين اسوي سيرج عن الـ Master cleanse (http://en.wikipedia.org/wiki/Master_Cleanse)
هو نوع من الديتوكس و افكر اسويه
بس احس انه صعب لول،، الواحد لازم يعيش على عصير ليمون و محلول ماي و ملح بحري لمدة 10 ايام على الاقل :fa44:



انزين شمعة انا فصيلة دمي B+
ممكن تحطيلي الاكلات الي تناسبني و الي ما تناسبني :k_blush-anim-cl:

المزوحي
06-09-08 ||, 03:12 PM
يعني ذنيني بس يعتمد على شرب عصير الليمون ؟؟

ذنـيـنـي
06-09-08 ||, 03:21 PM
الخلطه معقدة شوي

الليمون و الماي اسهل شي فيها

لازم تحلي عصير الليمون بشراب الـ marble يوم دورت على ترجمت هالكلمه طلعت معناها شراب القيقب لول
المهم بعد البحث اكتشفت انه هاي شيره تنبت بشكل كبير في كندا "ورقتها نفس الورقة الي على علم كندا" و هالشراب قدرت احصله في سبينيس بس هم طالبين انه لازم يكون اورجانيك و هالشي الي ما لقيته
و بعد العصير فيه فلفل احمر عشان يحفز الجسم على الحرق و يعطيه فيتامين بي و سي
بس نوع الفلفل اسمه cayyene pepper طبعا تعقدت من كثر ما ادوره بس شكلي اخر شي بستسلم و بستعمل فلفل احمر عادي

المزوحي
06-09-08 ||, 03:26 PM
ذنيني يمكن cayyene pepper يكون موجود في سبينس بعد

شمعة أمل
06-09-08 ||, 03:51 PM
المزوحي
بعدني يـالسه أرتبه يوم أخلصه بكتبه


ذنيني
سالفة كلينسينغ وديتوكس لازم تسويه يوم عندك اجازه مب يوم عندك دوام عن لادوخ عليهم هناك :s بس سـالفة الكايين ببر معروفه للديتوكس.. كله يوم أقرى عن الممثلات كيف ظعفوو دايما يخص ديتوكس بـ بالكايين ببر p:
وووسكون حطت الاكلات الى حق فصيلة دمك.. شوف الرد 380

مــهــابه
06-09-08 ||, 08:04 PM
يعني مب انا الروحي عنديه هَوس اسمه " الرشاقه "


الموقع اللي حطته شمعه أمل يقول انه وزني مثـــالي :)



ومنكم نستفيد ، يمكن انرد لكم وقت الحايه . .

المزوحي
06-09-08 ||, 08:20 PM
مهابه يقول مثالي ( يعني تحافظين عليه ) حتى يمكن تزيدين كيلوين ثلاث، وبيقول مثالي، بس لازم الواحد يحاسب

مــهــابه
06-09-08 ||, 08:26 PM
هيه ادري مـاعـليك . .

انا كنت اتحرا بيقول انه اقل من المثالي ، بس يعني اوكي يوم انه طلع مثـآلي . .

لأني فالاجازه نازله 3 كيلو . .


عـسب جيه . .

المزوحي
07-09-08 ||, 10:23 PM
اليوم زدت الجرعه ... لايروح فكركم بعيد

اقصد المشي، زيدت ربع ساعه زيادة ... وإن شاء الله أقدر استمر

شمعة شكلج بعدتج ترتبين الجدول ^_^

شمعة أمل
07-09-08 ||, 11:47 PM
بعدني والله لانه البارحه انشغلتتتتت واليوم طلعوني وأخيراااااااااً

استوتلي سالفة بايخه.. رقدت متأخر.. او بالاحرى مارمت أرقد لين الساعه 6 >_< شعور جداً بايخ يوم من بداية صيامكم واعيين
وماااااصدق اني سويت هالشي.. بس نسيت أحط المنبه عشان انش من الرقاد :wacko: ولا ع الساعه 2:15البشكاره ادق على بابي عشان انش .. واناااا جي استوى ويهي يوم شفت الساعه >> :Oo:
استغفرالله.. صيامي مايعتـبر صيام مول اليوم!

المهممممم
بس عشان هالشي كان عندي طاقه اليوم.. فـ يلست أسوي تمارين بطن وجي في حجرتي ساعه قبل الفطور:biggrin: ونص ساعه قبل سرت يبتلي كوب عوووود وجهزتلي جاهي اخضر .. ويوم فطرت يلست أشرب غريين تييي.. وشو كلت مم كلت شوربة فيها سبانخ ونخي وعدس وليمون.. بس حطيت فيها دياي.. وكلت نص بيزا وخاشوقتين معكرونه.. لانه تذكرت انه المعكرونه مب زييين حقي بس حرام كان لذيذ وايد



وبعدين شربت كوب جاي حليب.. وكلت بسكوتيـن ودوناتيين *بس دونات بيتنا صغار وكرسبيي وجي .. طعمه مب دونات عادي ومايمتن كثر الدونات العادي* < بس هالسالفه على 3 ساعات يعني جي كل نص ساعه أكل شي:biggrin:


بعديـن طلعت ويا ابويه واميه وشربت جاي مغربي:biggrin:

ومارمت اسوي رياضه الفليل.. ماشي وقت بس باجر بسير مشي لمدة ساعه وهالشي اكيييييييييد



وانتوووووو شو سويتو اليوم:biggrin:

المزوحي
07-09-08 ||, 11:58 PM
شمعة تبين الصدق انا ماخفيت اكلي، بس امشي يوميا، من جيه ماينزل الوزن، بس مايزيد، يعني ثابت ..

المهم

وانا ظاهر من الدوام اليوم، كنت بمر على دونت داق في بالي، وطافتني اللفه، تخيلوا حد يشوفني بيقولون فاطر

هالآدمي ..

شمعة أمل
08-09-08 ||, 12:17 AM
لاتخفف من أكلك بس غير أكلك يعني كل سلطه وفواكهه وجي وان شاء الله بتشوف النتايج

المزوحي
08-09-08 ||, 12:20 AM
إن شاء الله ^_^

ذنـيـنـي
08-09-08 ||, 12:32 AM
ما انتبهت على رد سكون
تحريتها مسوية اقتباس لردج لول



شكرا شمعة امل، شكرا سكون على الجداول



انا من اسوي رجيم اكل دياي مشواي و خبز اسمر و طلعوا هالثنين يمتنوني لول
اذكر من زمااااان سويت رجيم عطاني اياه المدرب في الجيم
و كان كلله لحم و مافيه دياي موووول
نقصت 5 كيلو تقريبا من وراه و من غيرت الى الدياي قام وزني يزيد

خلاص شكلي بتم على العيش و اللحم بدال الخبز و الدياي

المزوحي
08-09-08 ||, 12:35 AM
ذنيني يمكن الدياي فيه هرمون من جيه تمتن

شمعة أمل
08-09-08 ||, 12:39 AM
^
لا ترا كل فصيـلة غير
يعني حقنا نحن الO اللحوم البيضا احسن شي لنـا.. والسمج أحسن من الدياي حقنـا..
لكن الى فصيلة قم ذنيني وأميه لازم ياكلون لحم.. انا اميه نادراً تاكل دياي كله تاكل لحم ومرات سمج.. عشان جي رشيقه.. وحتى البيض! بس يوم تاكل معكرونه ولا شي سيده تمتن بسرعه.. وحتى اختي الصغيره جيي وانا اقول ليش هاييل رشيقات وايد لول

الهيثــم
08-09-08 ||, 01:53 AM
دخلت موقع ،،، وكنتبت فيه وزني وطولي ..

هزأني قالي إنت وزنك المثالي من 66-72 .. قتله يا عمي رووح .. أنا لو أذبح عمري يمكن أوصل 74
وأنا لو أنزل 4 كيلو موضوعي بيكون فـ السليم ..

وبعد قطعني شوي .. قالي كتلة جسمك على مادري كم .. والمثالي لازم يكون بين رقم ورقم .. المهم إنه في فرق

عمووما أنا تعقدت رسميا بسبة الأكلات الرمضانية الشهية إلي يسوونها عندنا في البيت ،،، ومن البارحة أقول للوالدة هدي اللعب شوي .. بس ما شي فايدة ، وانا إنسان ما قدر أقاوم الأكل ..

لكني ناوي أرد أركض مرة ثانية لأني قطعت من بداية رمضان ... وقلة الوقت في رمضان هو الي معرقل الموضوع شوي ..

وأنا من النوع إلي أمتن بسرعه وأضعف [ شبه ] بسرعه .. فـ من وجهة نظركم شو الحل .. !

أنامل قلب
08-09-08 ||, 02:06 AM
^ تبقى عـ وزنك لول ..

شمعة أمل
09-09-08 ||, 12:15 AM
يله اعترفووو شو سويتو وشو ماسويتو اليوم؟؟؟

أنا الليله مشيت الحمدالله لمدى 45 دقيقه مشي سريع

واليوم الظهر سرت مول الامارات وبعد مشيت وايد وايد:3: تعرفون انتو عاد محلات الاثاث كل واحد اكبر من الثاني >_< وسويت تمارين لخمس دقايق لول

شمعة أمل
09-09-08 ||, 12:21 AM
حبيت أشاركم بـ شي
وهو جواتي الـ mbt والchung shi
رغم قباحة شكلهم.. لكن لهم فوايد:k_icon9:


هالـصيف قررت اشتريلي mbt لكن للأسف الجوتي الى شكله مقبوول ماكان عندهم سايزي:3: فـ سيده سرت وخذت الـ chung shi
بس المشكله انه الchung shi اصعب من الmbt .. وعادةً الشخص يبدا بالام بي تيي عقب ياخذ الجنغ شيي..

لانه وايد وايد نمشي.. يعني يوم سرنا ماديرا والايام في لندن الى كنا نسوي الاشياء السياحيه كنت ألبسـهم.. ومرات يوم أسير امشي في دبي ألبسهم بعد!!
وحبيـت أشاركم بـ فوايد الـ chung shi

للجـمال

Increases calorie consumption (compared with "normal" shoes)
Improves respiratory and circulatory function, strengthens and improves control of muscles leading to greater relaxation
Finger-pressure massage effect of Chung Shi activates the reflexology zones of the feet
Improves the appearance of cellulite



للصحه

Promotes the natural walking and jogging gait
Achieves better postural alignment
Absorbs shock to the feet, knees, hips and back
Strengthens the core muscles
Improves posture and relieves pressure on the vertebral column



للرشـاقه

Improves athletic endurance
Tones and strengthens the feet, legs, buttocks, abs and back
Helps prevent injuries to tendons, ligaments and muscles
Makes muscles work harder and, therefore, burn more calories
Leads to a more relaxed, upright posture improving respiration



انا كنت شارتنه عشان الـ posture مالي تعييس.. ما أوقف ولا أيلس عدل.. بس عقب شفت كل هالbenefits واستانست:fa47:


وهالموقع
http://www.chungshiusa.com/



وعندكم الـ mbt


الموقع
http://www.swissmasaius.com/Default.aspx?lang=en-US

المزوحي
09-09-08 ||, 12:26 AM
خطاّب، ليش ماشي وقت في رمضان، انا كنت اقول نفس رمستك، ويربت أول يوم من عقب التراويح والحمدلله ..

وبإمكانك تهدي اللعب انته بعد وما تاكل، حاول خطاّاب حاول ^_^

المزوحي
09-09-08 ||, 12:27 AM
شمعة أمل اليوم مشيت ساعه تقريبا ...

الهيثــم
09-09-08 ||, 01:59 AM
المشكلة يالمزوحي إني عقب التراويح صعب إني أكون في البيت
يا إني ف السوق أو أسير محاضرة أو بيت حد من الأهل .. وعلى هالحاله .. يعني الجو متغير

بس بنحاااول نخف الأكل .. يا خي يوم أشوف اللقيمات اتشووط ما عرف شو يستوي فيني ..

شمعة أمل
09-09-08 ||, 02:09 AM
المزوحي
زين سويت.. يعني دبل قبلل

أفكر أمشي لـ 20 دقيقه قبل الفطور! بحاول ابدى من باجر

أنامل قلب
09-09-08 ||, 02:16 AM
اختي شمعه ، أول مره أسمع به .. . !

وعن اللي سويته ،، فـ بصراحه ماسو شي ><" !
عساس إني بخفف الأكل خاصه الحلويات ،، بس ابـ رمضان اولريدي أكلنا أحسبه خفيف ..

+ لازلت مفتقره للـ حماس بالنسبه للرياضه ،، أو بالاصح كسل !
مع ان اثنين من خواتي يمشون يوميا ما شاء الله ،، جي قريب الساعه او اكثر !!

.. .

المزوحي
09-09-08 ||, 01:57 PM
خطّاب مابتصدق لو أقولك واحد من الربع، قال بحلف إني ما آكل لقيمات، الطريقة الوحيدة اللي بيودر اللقيمات فيها

لأنه هو بعد مايقاوم، واللقيمات زاد وزنه بشكل كبير ...

شمعة أمل الله يعينج، وموفقه لأنه بتحرقين أكثر ( هذا اللي قريته ) .. وأهم شي الارادة

سكون شو ميلسنج بعد ؟؟؟؟؟؟ سيري وياهن !!

مايهزك ريح
09-09-08 ||, 02:16 PM
شمعة أمل .. وين انحصل هالجواتي في دبي !

شمعة أمل
09-09-08 ||, 03:25 PM
سكووون
وليش ماتسيرين وياهم:mad: شو ميلسنج في البيت:mad:
اليوم لازم لازم لازم تسيرييييييييييين:h_negab:



مايهزك ريح
الصراحه ماعرف! بس جييك في محلات رياضه

المزوحي
09-09-08 ||, 03:30 PM
يمكن عيل تحصله في هذا الاستور مال الرياضه

sun & sand sports

الهيثــم
09-09-08 ||, 03:41 PM
الله يسامحه ،، يحرم على عمره شي حلال ..

بنحااول انخف ان شاء الله ...

شمعة أمل
10-09-08 ||, 12:22 AM
سويت الى قلت بسويه ومشيـت قبل الفطووور:a034:

قبل الفطور بسـاعه مشيـت لـ 20 دقيقه على مكينة المشي بس مب بالسرعه والانكلاين الى متعوده عليـه.. مشيت على سرعة 4.3 وانكلاين 2.. وسويت مكينة ثانيه لمدة عشـر دقايق:a034:

على بالي بتعب وايد.. بس الحمدالله لاء كانت اوكيه الصراحه!!


والفليل سرت مشي لـ ساعه:fa46:

المزوحي
10-09-08 ||, 12:26 AM
ماشاء الله عليج اختي شمعة أمل، الله يحفظج زين سويتي .. :k_winner_third_h4h_

داومي، بس لاترهقين عمرج على اساس تحصلين نتيجه أكبر :ohboy:

اليوم ماسرت أمشي، باجر بإذن الله مابغي أطوفه، لأنه بالخميس معزوم ...

جيه بيستون 3 أيام والدكتور اليوم قال لي لازم تمشي :m_afaker:

شمعة أمل
10-09-08 ||, 12:38 AM
لا مابا أرهق عمري.. بس أبا أكون رشيقه.. لاحظت يوم اسوي رياضه اكون فرشششش ومودي حلو.. ويوم ماسوي اجلب الدنيا فوق تحت:tounge:

ترا حق الى مايشمون.. الجوو حلوو الحينه وينفع للمشـي:thumbup1: وأحسن بعد لو عندكم حد وياكم يشجعونكم وادقون سوالف وماتحسون بالوقت.. :h_terms:

المزوحي
10-09-08 ||, 12:48 AM
صح النفسيه تتغير، معروف هالشي،، من جيه انا يار ربيعي ويايه يمشي عسب نتشجع، بس يقول لي لاترمس

عسب نمشي بسرعه، امس يوم تكلم مشيت اكثر، قلت له كل يوم اتكلم ، قال لاااااااا تعبت ...

شمعة أمل
10-09-08 ||, 12:56 AM
لا احسن يوم ترمسون.. ماتحس بالوقت موول

شو بتسـون بعد رمضان.. بتستمرون على المشي ولا؟ انا بسيـر أسجل في نادي:fa51:

المزوحي
10-09-08 ||, 01:01 AM
شمعة نحن بادين قبل رمضان، وتمينا نقول مانتخيل إنه بنمشي في رمضان ويربنا أول يوم وعادي الأمر :m_9afgah:

وإن شاء الله نستمر، بس الواحد إن قطع يوم عسب شغله، مايقدر يكمل :vampire:


انا مب من محبي النادي،،،،، بس يمكن اغير راي وأسير .... مادري ! :fa46:

شمعة أمل
10-09-08 ||, 01:27 AM
^
هييه xD الحمدالله مشينا وكل شي!!

انا بسجل في نادي.. انا كل مره اسجل في نادي ومن اقطع اسير نادي ثاني p; اونه استحي ارد! ان شاء الله جدول الجامعه والشغل يكون اوكيه عشان اقدر اسير كل يوم!

أنامل قلب
10-09-08 ||, 01:48 AM
باركولي ،،
اليوم مشيت لـ نص ساعه ^^"

أكيد ابـ تمشين بعد هالهزبه ><" !

... .

شمعة أمل
10-09-08 ||, 02:00 AM
مبروووووووووووووووووووووو ووووووووووووووووووووووووو ووك:thumbup1: ها شو شعوورج؟:fa46:

أنامل قلب
10-09-08 ||, 02:03 AM
حلو لول !
وياريت كل شي يكون ابـ هالبساطه ،، حلــو ~ !

:

ها ،، لا تهملونا ،،
شدو الهمه علينا ^^"

.. .

شمعة أمل
10-09-08 ||, 02:05 AM
ان شاء الله دوم :)

شمعة أمل
10-09-08 ||, 02:32 PM
اسمحولي اليوم ماتوقع امشي الفليل!
فـ بحاول قد ماقدر امشي لأقل شي نص ساعه قبل الفطوور!
واليوم وزنت عمري.. نحاسه والله.. نقصت بس 0.3 :fa46: أكيد هالكرك مخرب علي:bash: مع اني بس أشرب كوبين:fa46:

المزوحي
10-09-08 ||, 03:48 PM
اليوم مقابلين دكتور من المستشفى الكندي في إذاعة الشارجة، يتكلمون عن الصيام وفتحوا موضوع المشي

قبل الفطور، قال الدكتور مب زين لأنه السكر أولريدي نازل وبينزل زيادة لو مشيتوا وانتوا صايمين

تذكرتج، بس هو قال المعلومه اللي قريتوها غلط ...

شمعة أمل
10-09-08 ||, 04:11 PM
اوويه :s عيل شكلي مابمشي

المزوحي
10-09-08 ||, 04:17 PM
شمعة أنا استغربت من رده، لأنه قريت في النت إنه عادي هالشي، ما تعرفين منو تصدقين، يمكن بتقولين

مب كل شي نقراه نصدقه ... بس هذا اللي سمعته !!

ذنـيـنـي
10-09-08 ||, 04:34 PM
بس نحن الحمدلله ما عندنا سكري
يمكن هالشي يضر الي فيه سكري

انا اليوم ببدا امشي
بطلع الساعه 5 و ربع

و بعد سجلت في النادي الاسبوع الي طاف
اخواني الي اصغر مني اشتركوا و قالولهم ربحتوا عضوية اضافية لمدة سنه مجانا
فـ عطوني اياها لول

المزوحي
10-09-08 ||, 04:44 PM
ذنيني ، المعلومه اللي قالها مايخصها باللي في السكري، بس ليش ماتظهر متأخر شوي

يعني ست إلا ربع !!

فأي نادي سجلت :mf_turban:

ذنـيـنـي
10-09-08 ||, 04:54 PM
ما اعرف اسم الصاله بصراحه

اخواني سجلوا و سجلوني وياهم
بعدني ما سرت

ذنـيـنـي
10-09-08 ||, 05:08 PM
لو طلعت ست الا ربع بمشي نص ساعه بس
انا ابغي امشي ساعه كامله

انا في مرحلة شوي متقدمه p=
لأني قبل السفر كنت امشي + يوم سافرت كل الاماكن الي سرتها كانت في مناطق جبلية
و كنت امشي ما لا يقل عن 4 ساعات في اليوم

شمعة أمل
10-09-08 ||, 09:56 PM
^
4 ساعات شويهp;
نحن مره ابويه مشّنـا 7 ساعات بدون مانوقف.. زين مانتحرت هاليوم >_<



انا اليوم ماسويت رياضه
جسمي يعورني.. راسي يعورني.. كل شي يعورني.. وفييه رقاد.. حرام بس رقدت لـ خمس ساعات وانا متعوده أرقد 12 ساعه xD


واليوم ع الفطور حسيت عمري شبعانه.. كلت شوية لحم بدون شي.. وخاشوقتيـن عيش عن خاطري *صدق خاشوقتين حسبتهم لول*.. وحبتين خضره


وباجر بظطر امشي العـصر لانه مابقدر الفليل عندي عزيمه

المزوحي
11-09-08 ||, 01:13 PM
حتى اليوم انا معزوم، ابغي امشي بس ماظن العصر

تدرين يقولون إذا راسج عورج ومشيتي يخوز الويع ، جربي في يوم

رمــش الغـــلا
11-09-08 ||, 02:04 PM
اليوم صدق بززززززززززززززززي من الخاااطر

اتريا اخويه يمرني الحين ....~

برد بدش المطبخ بسوي اكلة .. وعقب بسير اتدرب من 4 لي 5 ...

وبرد ادش المطبخ

ولي الفطور .. وعقب بعد بدش المطبخ ..!!

اليوم عدنا عزيمة وااايد مهمة فووور مي [ لوووول ] ....~!!

هذا كله واناموصية البشاكير عالاكل من اليوم الصبح عاطتنهم اللستة كاملة .!

.
.

وباجر بعد عزيمة بس بيت خالي ...~

هالويكند كله عزاايم ...!! [ الله كريم ] ..~

شمعة أمل
12-09-08 ||, 01:04 AM
يالسه آكل خمير وياجبن كيري.. البارحه اكتشفت انه خمير بيتنا شو لذيييييييذ..ماصدق اني أقول هالشي لول.. انا مول ماحب الأكلات الشعبيه.. من قبل بس كنت أحب الهريس.. لكن الحين استويت ماداني الهريس!.. على قولة أبويه "رمسة وماتعرفين ترمسين وأكل وماتاكليين يله عطيني جوازج بنسحبه عنج:fa46:" يحليليييي

أو صح بعد جاهي بيتنا وايد حلو والجاي حليب بعد.. لين الحين كل عزيمه أسيرلها ماحس انه جاهييهم حلوو:glare:


^
ها كله عشان أيوّعكم.. دشو الموضوع وانتو صايمين عشان تتعذبون شويه وتحسون بالفقراء في افريقيـا والهند الى ماعندهم أكل وماعندهم ماي!


المهم

البارحه ماسويت شي مول.. كنت وايد تعبانه ومتوتره وحالتي حاله ومارمت اسوي شي.. واليوم بسبة هالعزيمه عرفت اني مابقدر امشي الفليل فـ مشيـت لـ نص ساعه قبل الفطور

وتعرفون شو اكتشفت.. يوم امشي وانا صايمه ماعطش.. لكن لو امشي في الأيام العاديه لازم اشرب وايد وايد ماي:nerd:

وعلى الفطور هاليومين ماكلت وايد الصراحه ولا حتى نص صحن يمكن ربع صحن بعد.. اسبشلي اليوم لانه شبعت عمري بالمشروبات.. شربت كوب ماي كامل أول شي.. بعدين عصير برتقال.. بعدين نص كوب ماي.. بعدين ماي حار ويا ليمون < ترا هذا كله على الاكل يعني.. مب عقب الفطور لول.. وعقب الفطور كوبين جاي حليب :icecream:

أحب شي اسمه ماااي:fa41:


ترا هاه لازم تشربون على قل دبتين ماي مسافي من الكبااااار < هذا اقل اقل اقل شيييييييييي

المزوحي
12-09-08 ||, 05:53 PM
شمعة احس بج تشربين حليب اكثر عن الماي وهذا يزيد الوزن( ماشاء الله ) بس تعالي بخبرج، يقولون إنه اللي يتم

فتره ماياكل شي ومره وحده ياكل يزيد وزنه أكثر عن اللي ياكل باعتدال أو بين كل ساعتين او ثلاث :look:

وانا بعد مامشيت امس ( تخيلي كل يوم بقول مشيت ومامشيت، اخ عليّه ) لازم اشد حيلي ... اليوم محد بيمشي

ويايه، يوم روحك مب شي، بس بعد بسير :b050:

وشفت هالموقع مادري لو تعرفونه !

يحدد الريجيم المثالي أونه :k_harhar1:

http://www.dmeducation.com/view.php?action=page&id=135

أنامل قلب
12-09-08 ||, 06:10 PM
يقولون إنه اللي يتم فتره ماياكل شي ومره وحده ياكل يزيد وزنه أكثر عن اللي ياكل باعتدال أو بين كل ساعتين او ثلاث

^ إي صح + الرابط اللي حطيته يضحك لول ..
بس طلع وزني متجاوز الوزن المثالي ابـ كيلوين ^^"
والوزن اللي ابي أوصله هو الرقم الأول بالوزن المثالي :glare: !

بس طلعت ضمن الكتله الطبيعية :tongue: ،،

المزوحي
12-09-08 ||, 06:13 PM
سكون لاتغترين بالوزن المثالي، عسب ماتاخذين راحتج وتزيدين،

شكلي أحاتي أكثر عنج لوووووووول

بس امشي .... مب يوم وتقطعين

أنامل قلب
12-09-08 ||, 06:19 PM
^ لا ترى أقولك طلعت متجاوزه الوزن المثالي ابـ كيلوين ..
يعني وزني مب مثالي لول ..

عـ كلامهم المفروض أنزل كيلوين //
وأقدر أنزل ليـ 7 كيلو عشان ماستوي تحت المثالي ،،

بس أنا أبي أنزل 8 كيلو ^^"


+ دخلت بيانات أخوي ،، وطلع لازم ينزل عالأقل 12 كيلو ..
من 88 إلين 76 عالأقل لول ماتخيل // بسم الله عليه ><" !

والله مب شي ،، يتم جي ابـ عرضه ولا يكون شرات مهند بيك :doh:

لول

يالله من رخصتكم ،، بسير أفطر ^_____^ ،،

المزوحي
12-09-08 ||, 06:36 PM
صيام مقبول وافطار شهي

شمعة أمل
12-09-08 ||, 09:43 PM
مساء الخيـر
اليوم وايد انشغلت ومارمت أسوي رياضه

وفطرت منسفففففففففف! وايد كلت:fa46: لكن بس كلت منسـف مادقيت الأشياءات الثانيه.. او لا بعد كلت شوية سلطه!


المزوحي حرام علييك توني شربت جاي حليب.. ونص كوب بعد.. بس ترا في بيتنا لازم نشرب كوب حليب *حليب عادي * كل يوم وهالشي اجباري:fa46:..عشان سالفة نقص في الكالسيوم مادري شو السالفه.. وصح جاي حليب فيه شكر وجي.. بس بعددد ماكلت سويت اليوم p; فـ يعوّض xD


هممممم انزين وهاي يومياتي

المزوحي
12-09-08 ||, 09:57 PM
مساء النور والسرور، الله يبارك فيج اختي شمعة أمل،، كالسيوم بس حليب ،،، مش شاي حليب اللي يزيد الوزن :h_negab:

مع إني أموت عليه، لكن اشرب مره وحده في اليوم ..... وتوني وصلت البيت ( ييت من المشي 45 د ) :a049:

وأنا ماكلت وايد على الفطور شوربة وفريد ... وسلطة ...... حتى الكمية مب وااااايد وأحس بيوع الحين :a046:

شمعة أمل
12-09-08 ||, 10:02 PM
أنا وااااااااايد كلت!! لين الحين شبعانه شبعانه >_<

المزوحي
12-09-08 ||, 10:06 PM
بالعافيه عليج

http://www.webmd.com/

أنامل قلب
13-09-08 ||, 02:05 AM
آميـــن وإياكم أخوي المزوحي ..

أنا كالعاده فطوري ما يتغير ..
بس استويت آكل 7 تمرات بدل الـ 14 لول !
+ شوربه + سمبوستين أو ثلاث // وأحـــــس إني بنبــــــط ><"

وووو توني راده من بيت قوم خالو ،،
ما شاء الله عليها طباخها صدق شي // متى بستوي مثلها ^^"
فـ يعني مادري إذا هو عشا ولا سحور لكن كلينا عندها ودحيت من الخاطر =$

.... .

المزوحي
13-09-08 ||, 10:47 PM
بديت اتشجع في المشي والسبب شمعة أمل، لأنه كأني برد بقول انا مشيت ، صح الواحد عسب عمره وصحته، لكن

تشجييييييييييع، وسكون يالله عاد شو قلنا نحن، خلي الدح، وأمشي، الاكل مابيخلص ....

اليوم مشيت ساعه وطوفت شويه يعني هاااا 10 دقايق بس تعب ... لأني كان حدي 45 دقيقه، بس في تطور

وينكم ؟؟؟

أنامل قلب
13-09-08 ||, 10:58 PM
موجودين ،، بس مفتشلين لول

عفاريتووو
13-09-08 ||, 11:05 PM
من اول يوم رمضان و انا اقول بروح امشي كل يوم
و للحين ما مشيت ..
:doh:

بس ردودكم تشجع الواحد
ان شالله خلاص ببدا بالرياضة :fa51:

أنامل قلب
13-09-08 ||, 11:07 PM
^ إن شاء الله =)

المزوحي
13-09-08 ||, 11:08 PM
يالله عفاريتووو من باجر، لاتقولين ....... لا

مــهــابه
13-09-08 ||, 11:10 PM
شو الطريقه اللي تخليني احب الماي ؟



انا مووول ما اشرب ماي ، يعني قبل فالأسبوع دبه ( مسافي ) الحجم الصغير


الحين اتطورت شويه

فالأسبوع ( خمس ) دبات من الصغـار ..



فالصيف ولا الشتـا


وصايره مـووول ما أكل ، وانا ادري انه فيَه انيميا


بس صايره ماطيج الأكل


تخيلوا طول الأسبوع أفطر تـمر وحده أو 2 ولبـن وسلطة شويه واحيان ما آكل سلطة


والسحور ما اتسحره


احس اني مب طبيعيه ، نفسي مسدوده عن الأكـل ..


اللهم فالويك اند بهبش شويه من الثريد وبس



وبعـدين بسألكم يقولون الماي عـ الريج يساعد ع الحفاظ ع الوزن صـح هالكلام ولا ؟

المزوحي
13-09-08 ||, 11:19 PM
والله مش أكيد هالكلام، بس حد يقول إنه الماي الدافي على الريج يذزب الدهون، وللحين مانعرف صحة الكلام ...

إذا حابه تنصحين شويه، في شغلات تنصح، بس الموضوع اللي يبغي يضعف، بس مافي مشكلة بنساعدتج

ولو ؟؟؟؟؟؟؟

تبين تاكلين طبيعي ؟؟؟ في فيتامينات تنباع ... في مشهي شراب اسمه Calvitalis تاخينه قبل الاكل وبتحبين تاكلين

بس كلي شي مفيد،

مــهــابه
13-09-08 ||, 11:24 PM
^
لالا مابي امتن ولا شياتـه ..
خلـني جيـه وايـد احسن

ابا احافظ عـلى وزني جيـه . .

واحس انه الحفاظ ع الوزن اصعب من انه نزيده أو انقصـه . .

شمعة أمل
14-09-08 ||, 12:27 AM
اليوم

شو أقولكم عن اليوم


حر موت ريحة خايسه سماد رطوبة سنغافوره يع يع يع



لاااااااااااااااااعت جبديييييييي



أخ أخ أخ >_< ماقول اني ما مشيـت .. لا مشيـت بس أقل عن دوم وأبطىء.. سوري يعني مارمت أتنفس .. اخ >_<



لااااااااااااااااعت جبدي < هالكلمتيـن ظربوها في عشرة مليون مره وهذا كان احساسي>_<


استغفرالله


سماد البلديه ليـش جي!!!!!!!!!!! استغفرالله.. غير انه رطوووووبه مش طبيعيه اليوم!!! :fa54:




انا خلااااااص قررت
مشي برع ماشي خلاص اع لوعة جبددددددددد.. يمكن عقب اسبوعين ثلاث شهر بس الحين مستحيـــل.. بسم الله على عمري.. أخاف شي يستوي فييه من هالريحه.. استغفرالله مول مارمت أتنفس!

بمشي في الجممممم!!! خلاص قررت!

شمعة أمل
14-09-08 ||, 12:38 AM
تعالو
نسيـت أكتب

مثل ماتعرفون البارحه يابولنا منسف والصراحه من فطرت وكنت شبعانه بس قلت لا لازم أتسحر منسف حتى لو شبعانه<< p: سيفتلي شويه منه p; .. المهم كان في خاطري وعادي لو مره من فتره لـ فتره جي تسون:tongue:


انزين

واليوم بعد نشيت حسيت عمري شبعانه.. بعديييييييين
تليفوني هذا
بفره في الزباله
انا أصلن كانو يايبيلي هالنوكيا الآرت اول مانزل بس كان كجره وعقب كم يوم فريته في الصاله.. وتم هناك كم من شهر.. بس لانه رمضان والجامعه بتبدى قريب قلت عيب.. شو اسير الجامعه بتليفون غريب فـ غيرته
محد قالي انه يوم تجلبون التليفون على ويهه يتحول لـ سايلنت ويحول المنبـه لـ سنوززز!!!!!!!!

وانا اقووووووول ليش الصنطور من يومين مايرنننننننن .. طلع الموبايل الحبيب قرر يتحول لـ سنوز.. لكن الحمدالله أحس الله يحبني روحي أنش!!:fa56: كيـف مادري؟؟ بس والله روحي أنش.. انششش 4:25 أشرب ماي أرقد أنش 5 أصلي أرقد تتحدون؟؟

المهم

نشيت وشبعانه الحمدالله

ويوم فطرت
سلطة.. ودياي هاللي يحطونه كامل في الفرن وياه بطاط وخضره.. مب فراايز لكن جي بطاط مقطع؟ وشربت ماي
وبس شربت كوب جاي حليب مب كوبين!

واليوم سرت فندق القصر وشربت كوفي.. من زمااااااااااان ماشربت كوفي! وكلت بسكوت بعد:blush: < لاتلوموني اليوم استوالي trauma في المشي xD

وماعرف شو سحورنا

شمعة أمل
14-09-08 ||, 12:45 AM
مهابه
وليييييييييييش ماتاكليييييييييين
مايستوي
مب زين :s

خذي فيتامينات يهال.. يفتحون الشهييه!



عفاريتوو
حياااج تعالي ويانااا :thumbup1: المشي كشخه تحسـين نفسج فرشش ومستانسه عقب .. الا اليوم


سكوون
اناملللل مشيتي ولالالالالالا؟ وشو الأكل وياج؟؟ مشيتي ولالالالالالالا:glare: انا يايني احساس انج مامشيتي.. قفطيني وقولي انج مشيتي:glare:


المزوحي
وجان أستانس:fa46:
على حظك مشيت اليوم في هالجووو التعيـس ف اكيد خسرت دبل كالوريززز.. والله اليوم تقول تمشي وتسوي رياضه في سونا.. رطوبه مب طبيعيه!











توني اكتشفت اني نسيييييييييييييييييت أسوييي stretching:eek: ذكاء خارق

المزوحي
14-09-08 ||, 11:14 AM
هلا شمعة، انا يوم اكون ياي من برع اروح ريحة السماد اللي تخنق، بس تدرين البارحه غيرت مكان المشي، سرت مكان يديد

موووووووول محد يعرفه، ومافيه حد مووووووول لا أوادم ولاسيارات ( كشخه )

ومشيت بس مب اقل عن ساعه (صلوا على النبي ) ...

وإن شاء الله اقدر اسير اليوم

شمعة أمل
14-09-08 ||, 01:39 PM
المزوحي
بس مب زياااغ؟






اعتراف
انا البارحه ماتسحـرت.. بس شربت كوب حليب فرش
وانا البارحه ماشربت ماي نفس دوم.. عشان جي عطشانه اليوم
وانا البارحه ما رمت أرقد.. ف خذت حبة منوّم.. والحينه ميته أبا ارقد >_<


لذلك:
اليوم لازم أرقد من وقت:glare:
اليوم لازم أسوي رياضه نفس الأوادم < مع الـ stretching مب نفس البارحه نسيت
اليوم لازم أشرب على قل دبتين كبار من ماي مسافي.. لو 3 بعد أحسن

المزوحي
14-09-08 ||, 03:40 PM
شمعة أمل تقريبا زياغ ماقول لا ... لأنه المكان الأولي السيارات ساير راد وحضرتهم يستعرضون ، مايخلونك تاخذ راحتك ..

شمعة أمل
14-09-08 ||, 07:41 PM
معجزه!
خسـرت كيلو بالضبطxD

عفاريتووو
14-09-08 ||, 11:18 PM
^
مبرووووك عقبالي D=


المزوحي كان بودي ان ابدا بالمشي اليوم
بس محد راضي يمشي وياااي !! يقوولون حر ..

صدقج شمعة الجو ما يشجع ..

فــ ما كان يدامي الا السكيل
بما ان اول يوم سامحت عمري و سويت بس 10 دقايق
بس من باجر ان شالله مب اقل عن 20 دقيقة ..


ع فكرة الماي وايييد زين
تميت فترة اشرب فيها ماي وايييد
صدق ضعفت .. و من دون اي رياضة !!

بس المشكلة اني انسى اشرب ماي =\

المزوحي
15-09-08 ||, 01:27 AM
مبروك شمعة على الشاي حليب واغراءات الاكل اللي عندكم، شي طيب، واصلي ...

عفاريتووو، ليش نحن نمشي في لندن، ترى حتى نحن نحس بالحر، بس صدقيني بتتعودين، يعني البارحه كان حر

واليوم احسن، وتدرين نحن متى نقول حر، يوم نكشخ ونبغي مكيف، ونبغي نتم في السيارة ومانبغي نعرق ..

لكن يوم تكونين قاصدة الرياضة، بالعكس عادي تحرين وتعرقين، كونج تحسين سويتي شي، وتطلع السموم من جسمج ..

تشجعي عفاريتووو بتحسين غييييييير، يالله اقنعي حد منهم ولو محد رضى منهم، سويلي نظام تمشين فيه في البيت

او تتحركين على الاقل ...

المزوحي
15-09-08 ||, 03:02 PM
السلام عليكم

شكلي انا اللي متحمس بس، البارحه مشيت ساعه وربع، والسبب إني غيرت مكاني، فكل دورة تاخذ ربع ساعه، يوم

مشيت اربع دورات استوت ساعه بالضبط، خمس دورات ساعه وربع ....

الحين خذت جبنة قشقوان داقه في بالي مع سندويتش اسمر ،،، قلت بحط خس وطماط ( حق السحور ) ابغي ايرب

يعني شي خفيف ..... لا تقولون سعرات حراريه ...

شمعة أمل
15-09-08 ||, 05:17 PM
ماشاءلله ساعه وربع.. من قبل ماكنت اتطيييع اكثر عن نص ساعه!
انا اليوم ماعرف شو بسـوي بعدني ماقررت.. أحس الوقت مول مايطوووف! الدقيقه جنها عشر >_<

دمعة شوق
15-09-08 ||, 05:20 PM
ماشااءالله عليكـم شاديـن الهـمـه ،،
الله يوفقـكم ،
يـبـاليه آمشـي وياكم إن شاءالله بحااول اليوم امشي
مشكلتيه محد عندي يشجعني بيمشي ويايه واتعاايز
:(

المزوحي
16-09-08 ||, 05:24 PM
شمعة شدي حيلج، وكل ما تأخرين يوم، تندمين عليه ..

دمعة شوق انا كنت جيه، بس بمجرد ماقلت يالله خلني أسير، بديت والحمدلله، وأحاول قد ماقدر ماشي يخرب عليّه

خاصه يوم يقولون بنطلع وإلا عزيمه ..... لأنه لو قطعت مابكمل ...

المزوحي
18-09-08 ||, 09:16 PM
أمس مامشيت، واليوم كنت مابمشي، بعدين قلت يالله قم ... مشيت ساعه، ونقصت بس كيلو ....

شو هذا من متى بس كيلو ...

أنامل قلب
18-09-08 ||, 09:34 PM
مبـــــــــروووك أخوي المزوحي + اختي شمعة أمل ،،
وعقبال الكيلوات اليايه لول .. >> لا تقولون شو الكيلوات بعد ^^"

وعقبالي معاكم ،، ما جيكت من فتره !

.. .

المزوحي
18-09-08 ||, 09:56 PM
سكون يالله شدي حيلج شو قلنا نحن، الحين بتقولين عقب، وبعدين بتقولين الحين العيد، وبتردين تقولين الحين ماشي وقت

الشهور بتطوف، وانتي بس تتطالعين الردود ولا تتحركين وتمشين ....

أنامل قلب
18-09-08 ||, 10:07 PM
ها .. :fa46: !

إن شـــاء الله إن شاء الله //
بحاول :ohboy: !!!!!!

شمعة أمل
18-09-08 ||, 10:45 PM
تعرفون انا من متى ماسويت رياضه
يبالي ظرب >_<
برد للرياضه باجر.. لانه اليوم تعباااااااااانه خلاص.. حتى ياينا ظيوف ومب رايمه اسير أسلم >_<
ونشيت من الرقاد اليوم ماعرفت انه رمضان وماعرفت اليوم اي يوم وانا ويين O_o يلست أحج راسي لين ماتذكرت لول


مبرووك المزوحي على الكيلوو.. وعقبال نااااس اسمهم سكوون :s

أنامل قلب
19-09-08 ||, 12:20 AM
هي هي هي ،، المفروض انا اللي اقولكم تو الناس P=
نسيتو إني نازله كيلو قبل الكل .. . ! >>> لا لا ،، ماحاول أرقع ويهي لول ^^"

وصدق عقبال ما أنزل هالـ الـ 7 أو الـ 8 كيلــو ~ !

.. .

عفاريتووو
19-09-08 ||, 12:23 AM
تصدقوون للحين ما سويت شي
وايييد ارمس بس ما اسوي شي P=

صدقك يالمزوحي كل يوم يطوف نندم عليه ..

خلااااص ان شالله من باجر ببدا الجد

شمعة أمل
19-09-08 ||, 12:51 AM
ترا ماباقي شي على العيد.. 11 يوم

المزوحي
19-09-08 ||, 02:47 AM
شمعة أمل أفااا بس ماعرفتي عمرج، أمشي عسب ترد لج الذاكره .. لووووووول أقول أنا امشي شهر نزلت كيلو

انجاز مب شي ... يعني كل شهر كيلو ... يبالنا 3

سكوون الله اكبر .. ياسكون

أنامل قلب
19-09-08 ||, 06:04 AM
والنعـــم بالله ^^"

/

انزين شوووووو أسو ،، مب قادره اختار الساعه اللي أمشي فيها =$
يعني مثلا بعد التراويح ،، يعني 10 الا ربع تقريبا بس خل نقول 10 ..

بقعد أراكض ليـ 11 لول !
مادري أكون كسلانه هالوقت ،، وأحسه مب ملائم ..
لأني ابـ هالسعه إلا آكل شي ><"

صح تعالو ،، ليش ماأقلص عدد الوجبات من 3 ليـ 2 !

يعني وقت العشا بكتفي ابـ فاكهه ولا يعني ،، شي من هالقبيل !!
وووو اولريدي حزة السحور يكون أكلي بسيط + حتى الفطور ..
بس مادري ليش من آكل شوي أحس إني ثقيـــــــله !!

إي صح تعالو ،، منو منكم صكني بعين ،، بسرعه اعترفو لول P=
تخيلو انا اللي لازم آكل عالأقل 10 حبات تمر / رطب ..
الحين استويت من آكل رابع حبه أحس إن خلااااااااص // بسني =$

/

وووو لا تعصبون ^^"

.. .

المزوحي
19-09-08 ||, 02:53 PM
عفاريتووو اليوم بإذن الله أمشي ونتريا ...

سكون تدرين ليش تكونين ثجيله ؟؟؟ لأنه ماتمشين صدقيني ، انا كنت جيه احس بثجل موول ماروم اتحرك وكل مره

اقول بما إني احس بثجل مابمشي اليوم، واليوم اللي عقبه يكون اخس، فأنت ابتدي بالمشي وبتشوفين النتيجه

أنامل قلب
20-09-08 ||, 01:01 AM
^ هممم ،، صح ..
حتى انا باين علي // اللي محتاجته رياضه ،، مش رجيم .. . !

وووهي صح ،، وزنت اليوم واكتشفت اني نازله بعد كيلو لول ..
يعني الحين لازم أنزل ما بين الـ 7 والـ 6 كيلو ^______________^ ..

ملاحظه : كل خوفي أردهم أول يوم العيد =$

:
.

شمعة أمل
20-09-08 ||, 01:08 AM
مامشيت :(
ياني رقاد العصر ورقدت :s هذا وانا روحي ناشه متأخر
والحين بعد فييه رقاد


^
فهمتو قصدي يوم اقول تعبانه.. استغفرالله كل شوي ابا ارقد


حتى البارحه بشرحلكم رقادي كيف
ناشه الصبح 8:30 .. رقدت العصر من 3 ونص ليــــــــــــن 6 O_o .. عقب الفليل من الساعه 11-12 بعد رقدت O_o عقب رديت أرقد 1 ونص
واليوم ناشه متأخر.. عـ الساعه 12.. عقب رديت أرقد العصر لـ ساعه ونص.. والحين فييه رقاد O_o
بس أنا ولا فييه شي مب طبيعي؟!!


بس لاحظت انه هالحاله يتني عقب ما وقفت الرياضه! .. والمشكله بس عندي وقت أسوي رياضه العصر! والحبيبه قامت ترقد العصر O_o بس على قل قمت ما أكل نفس قبل.. أحس بسرعه اشبع

شمعة أمل
20-09-08 ||, 01:08 AM
ليش مستوي عندنا موضة الكيلو.. ليش مب خمس xD

أنامل قلب
20-09-08 ||, 01:30 AM
^ جــــــــان زيـــــــن والله :tongue: ..

/

كلنا بالهوى سوى ،، بس عاده مشكلتي من نوع ثاني ..
انا وااااااايد أسهر ،، موووول ماييني رقاد قبل الساعه 6 عالأقل !

تخيلي =$

/

+ اليوم طلبنا من برجركنج // وناجروني كالعاده ^^"

صدق صدق صدق مــــــــا عرف آكل إلا وأحس ابـ ثقل ..
مستحيــــــــل أكمل الوجبه // نص السنديشه + كمن حبة بطاط + دايت ببسي ><"

مع إني اليوم ماكلت بعد الفطور // وفطوري من أساسه قليل !
+ متعشيه الساعه 12 ونص // يعني لازم أكون حدي يوعانه :surrender: ..
+ ماظنتي بتسحر !!!!

كان ودي أضعف من الرياضه مب من قلة الأكل ..
لأن الوزن جي أحسبه ما يثبت ،، مره يصعد ومره ينزل =/

.. .

شمعة أمل
20-09-08 ||, 01:36 AM
تاكليين برغر كينغ يالخاااينه لول.. انا ابا الفرايز مالهم.. دش بخاطري.. زين جيي انامل!!

انا من كم يوم ماقمت اتسحر بس اشرب نص كوب حليب! مايعيبني السحور.. بس اليوم سحورنا حلوووووو p;


ليتنا مثلج مايني رقاد.. بس مادري شو يايني.. كل ساعه ابا ارقد >_< وشكليييي مايساعد مولياً

أنامل قلب
20-09-08 ||, 01:45 AM
لــول ^^"

والله يعيـــــنا جميـــــــعا ،،
+ بالعافيه حبـــابه =)

.. .

المزوحي
20-09-08 ||, 02:43 AM
لازم تمشون انتوا الهنتين لووول شوفوا منو يتكلم، روحي مامشيت اليوم، بس على الاقل امشي يوميا وأحاول قد ماقدر
ما أقطع، مب انتوا رقاد وبرجر كنج .. اتشجعوا وتراني مابغي اجلب الموضوع شات ... :3:

http://www.thewalkingsite.com/beginner.html

شمعة أمل
21-09-08 ||, 10:20 PM
اليوم كان فطوري:
- كوب ماي
- ثلث صحن سلطة


ومن ساعه شربت غريين تيي


وبس




وماسويت رياضه لانه رقدت العصر لين المغرب :s لا ارادياً

حلم الطفوله
22-09-08 ||, 12:21 AM
شمعة أمل

انا بعد ما أحس عمري فطرت بمعنى فطرت

صحن فتوش وفيمتو ...........مول ما يركب :)

مــهــابه
22-09-08 ||, 12:35 AM
الظاهر اليوم كلنـا مب فاطرين عـدل

انا فطرت تمر ولبـن ونشيت


~ والحين اتسحر شندويجة جبن

عـ فكره ، وزنت أمس وزني لـ يومكم ثـابت ولله الحمد

أنامل قلب
22-09-08 ||, 02:13 AM
أقول // أخاف أرد أوزن مره ثانيه ،،
وأكتشف إن الكيلو الأخير اللي نزلته رجع لول

><"

الهيثــم
14-10-08 ||, 01:00 AM
الاسبوع إلي طاف سويت ريااضة ثلاث مرات .. لقلة الوقت طبعا والمفروض اكثر

وهالأسبوع حتى الآن مرتين .. بس الحمدلله .. أمشي تقريبا 6 كيلو وأركض 3 كيلو ..
وبعض تمارين البطن والضغط ..

وأشعر بانتعاش ونفسية عالية عقب الرياضة كالعادة ..

أنامل قلب
14-10-08 ||, 01:49 AM
^ عقبالنا لول

ذنـيـنـي
19-10-08 ||, 10:27 PM
انا وقفت رياضتي لأنه ظهري فيه خياطه حاليا و اخاف يلتهب المكان لو عرقت
بمجرد انه يشلون الخياطه ان شاء الله برجع للرياضة مره ثانيه

وزني ما نقص لكن كـ شكل مبين اني خفيت شوي
يبالي امشي على نظام غذائي "عن التزم بس لول"

المزوحي
20-10-08 ||, 12:33 AM
انا اللي يمشي ويايه خرب عليّه، لأنه بيسافر، قلت له خلنا نتم نمشي لين موعد السفر، قال ما احب اقطع

من جيه كسلت امشي روحي .... بشوف يمكن ابتدي السبوع الياي

شمعة أمل
22-10-08 ||, 07:32 PM
انا وااااااايد انترستد في شي اسمه كونسبت 10 10 .. حد فيكم جربه؟

قصايد غلا
22-10-08 ||, 07:50 PM
^ لا ، شو هذا شمعة ؟


أنا مستانسة لأنه بسبة رمضان نزلت 4 كيلو :icecream:

الـيـاه
22-10-08 ||, 07:56 PM
اقولكم انا من كثر ما اسوي جيمينج ضعفت 2 كيلو :S انا مابا اضعف شو هاااااا .... شو الحلللللل!

شمعة أمل
22-10-08 ||, 08:02 PM
كونسبت 10 10 عباره عن ممم رياضيات مدروووسة عدل عدل..
تسيرين النادي مالهم.. ويعطونج ترينر خاص فيج.. لمدة عشرين دقيقه مره في الاسبوع
وتسوين عشر تمرينات مختلفة.. كل تمرين مدته دقيقتيـن.. وتستخدمين كل عضلات جسمج.. لدرجه في أول كم من سششن تهتزيين.. يعني عضلاتج تهتز لانج مب متعوده تستخدمينهم.. بس عقبه تستوين قويه ونشيطة .. الخ
لكنه بس مره في الاسبوع لـ عشرين دقيقه