معااااارييييس ... كلولووووووووووش

[عنود الريف]

السلام عليكم ورحمة الله وبركاته


------- يوم الخميس------

عنود الريف: يالله يا بنتي دمعة شوق .. انقفضي يا اميه .. بيخلص العرس ونحن بعدنا في البيت .. ولا تنسين تتصلين في الوالدة وحي القلم قوليلها تخلص بعد نحن بنمر عليها وبنسير عرس قوم بن دبي ....

دمعة شوق: ان شاء الله اميه .. انا مخلصه بس بتصل في اميه عشان تعرف ان نحن بنمر عليها وترا اختي قرمووشة بتسير ويانا بعد..

عنود الريف: هيه خبرتني امج .. وبنتلاقى هناك ويا عهد الوداع بعد..

ويسيرون العيايز عرس قوم بن دبي ..

------- في اليوم التالي بعد صلاة الجمعه متيمعين على الغدا --------

خيال الحب::m_afaker: هاااه ما خبرتونا شو المعاريس البارحه؟
عنود الريف: يالله ما زينها العروس ما شاء الله عليها .. جمال ودلال .. الله يحفظها ..
دمعة شوق: هيه ما شاء الله عليها ..
عنود الريف: بس شي واحد ما عيبني في عرسهم ان واااايد مفشخرين فيه (مبالغين) ... الا هيه ليلة وحده والا كمن ساعة :h_negab:
ايه أحبك: يدوووه .. ليله وحده لكنها ليلة العمر .. :fa35:
عنود الريف: خل عنج هالرمسه .. ما نباها .. شو ليلة العمر بعد .. ترانا كلنا عرسنا ولا قلنا هاي ليلة العمر وهالخربطان ... هاي السوالف الا الحين .. والا الاول ما شي
خيال الحب: الله يهديج .. زمنهم غير عن زمنا:m_m7tar:
دمعة شوق: يا عمي صح كل زمن غير عن الثاني ولكن الناس هي اللي غيرته .. ما تغير روحه ..
خيال الحب: هيه يا بنتي.. بس كل شي تغير ولازم الناس تغير عاداتها...
عنود الريف: ويقووولك دافعين مهر للبنت امية الف وغير زهبتها ميتين الف .. وغير الذهبان والشنط اللي هم يايبينها .. وغير الفندق ... وغير هالكوش بعد ما ادري كم دافعين له ...
ايه أحبك + الدلوووعة + الاسطوري+ بنات العم والخال: الكوش؟؟؟؟؟؟؟؟ :Oo:
دمعة شوق: قصدها الكوشة .. سكتوا غربلات ابليسكم عن تسمعكم وتواجعكم :h_qor9anah: ...
ايه أحبك + الدلوووعة + الاسطوري+ بنات العم والخال: هههههه (بصوت واطي) :hysterical:
عنود الريف: على اشو تتضحكون انتوا:3: ..
دمعة شوق: ما عليج منهم اميه ..
خيال الحب: يمكن هم ناس مقتدرين ... ما تدرين ..
عنود الريف: لا لا لا لا لا .. انا اسمع الحريم يقولون ان المعرس متسلف .. اشعنه يتسلف يوم انه ما يقدر على العرس ومصاريفه .. وهالناس غير بعد .. يطلبون هالكثر منه مسكين ... يعني الحين الاسطوري يوم بيعرس .. بالله عليكم كم لازم يخسر ؟؟؟ خمسيمية ألف؟؟؟ مب حرمة هاي تدفع لها هالكثر ..
وا عليه علينا نحن الاول .. 200 ربية ووافقنا :blush: .. (( اونه جنه الشور كان عندها))
دمعة شوق: بس يا اميه 200 ربية قبل كانت تسوى ... الا الحين ما تسوى ..
عنود الريف: صحيح يا بنتي .. لكن في أعراس سرنا لها نحن .. لكن مب مخسرين هالكثر .. اللي يرومون له يدفعوونه ... الرسول صلى الله عليه وسلم يقول" أقلهن مهورا .. أكثرهن بركة" الله يهدي الناس ان شاء الله ... لكن بناتي .. ما عليكن من اللي تشوفونه .. لا تطللبن مهر وااايد .. والله يوفقكم ...
وخلونا نسمي بالرحمن ونتغدى:fa37: .... وبالعافية عليكم


من خلال موقف اليدة عنود الريف وباجي العايلة.. نقدر نفهم ان الاعراس استوت واايد غاليه .. ووااايد عوايل تطلب مهور وفشخرة في اعراسهم .. وفنتازيا وهالسوالف .. الانسان اللي عنده خير يقدر .. لكن الانسان اللي ما عنده ولا يقدر ..لازم باجي العواايل تتفهم هالشي ولا تبالغ في الاعراس ...

[الاسطوري]

[quote=عنود الريف;511954] يعني الحين الاسطوري يوم بيعرس .. بالله عليكم كم لازم يخسر ؟؟؟ خمسيمية ألف؟؟؟ مب حرمة هاي تدفع لها هالكثر ..
[quote]

http://oasis.bindubai.com/bin/uploaded/1184_01184885162.gif

الحفيد البائس المظلوم ،، شكلي عيل بتم عزابي لعقب
الثلاثين دام جيه السالفه
:d010:

http://oasis.bindubai.com/bin/uploaded/1184_21184869715.gif

[ذنـيـنـي]

الله يعينا يا عنود الريف =(
الواحد من يفكر في سالفة العرس هالايام اييه هم بسبب البيزات الي بتنعق عالفاضي لول
عنبوه مكياج و حنا العروس بـ 10000 درهم عسب تيلس نص ساعه بروحها و نص ساعه ويا ريلها و يخلصون !! >> تراني معصب لول

عيبتني القصة لأنها واقعية جدا جدا و تعبر بشكل اساسي عن سبب عزوف الشباب عن الزواج

[شوق القلوب]

السلام عليكم..


والله انه مصــاريــف العرس.. مااااا اتخـــلـــص..

بروحها سوالف الصواليـــن حق الوحده اللي بس اتسوي اشياء ع الخفيف ما بيقل عن 20 الف..!!

هذا من غيـــر الزهبه اللي حتى الـ 100 ألف ما اتكفيها.. :bash: ما ادري كيف اتطير الفلوس... و كله على اشياء بسيطه..

..

و يحليله الريال.. شو بيلحق ع المهر.. و لا ع الزهبه.. و لا ع العزايم .. و لا ع تجهيز السكن.. و مصاريف حفله العرس.. و تجهيزات شهر العسل..

بصراحه.. صدق انه هالخربطان كله ماله داعي.. اللي يستاهل صرف في نظري.. هو شهر العســل.. :inlove: لانهم باثنينتهم بيستانســون فيه و بيحسون بجميه الفلوس اللي اندفعت..

..

..

تســـــــــــــــلمووون يا أهــــل البيت على هالموضوع الغاوي.. ^_^

[الدلووووعة]

هيه والله صدقج يدوه

حليله ها الريال اللي بيعرس شل ها الهم
جنه شال هموم الدنيا كلها ^_^

انزين امايه بعد هو الله يهداه لا يسير يدور له على بنت راهيه ^_^ يدورله على بنت من مستواه

يعني في شباب مايبا إلا من بيت فلان

ويعرف انه ها الفلان مهر بناته غالي بيخليه يتسلف وحط على ظهره ديون عسب ها البنت وبعدين

حياته كلها بتستوي ديون في ديون

طبعا يا يدوه في بنات
دوم يشوفون غيرهم يعني ليش بنت فلان جي سوت عرسها

اللي بياخذني غصبن عنه يسوي احسن عن عرسهم

واخر شي امنو اللي يطيح فيها الريال حليليه ^_^

[طير الغرام]

http://oasis.bindubai.com/bin/uploaded/1184_01181768909.gif

يـــدووه صدقتي والله
يعني فشره وخساير مالهن داعي
يوم واحد والسلام وعقب >> اللي يتسلف ويتدين شو بيستفيد بيتم طوول عمره يسدد فـ هالديون

وبعدين اللي يطلبون هالكثر عشان بنتهم شو البوينت يعني ! كلنا ما انقدر بثمن هب بس بنتهم
بس هب جيه عاده جنهم يذلون الريال يا تدفع المهر الفلاني يا .... اسمحلنــا

هــذا واقعنــا مليء بأنواع الفشره والخقه وصعب إنا انغيره !!


وأنا جفت هالشي من ناس اقراب مني وااايد :k_shock_1:
استغربت من هالتصرف !

والسبب الرئيسي تراه رمست الناس جوفي بنت فلان كم عطوها وجوفي بنت فلان شو سوولها !

هذا متــاع زايــل والواحد لازم ما يعتمد عليــه ويخليه هو الجوهر الأساسي !!

:

http://oasis.bindubai.com/bin/uploaded/1184_21184885762.gif

:

http://oasis.bindubai.com/bin/uploaded/1184_11181768909.gif

[عنود الريف]

[quote=عنود الريف;511954] يعني الحين الاسطوري يوم بيعرس .. بالله عليكم كم لازم يخسر ؟؟؟ خمسيمية ألف؟؟؟ مب حرمة هاي تدفع لها هالكثر ..
[quote]

http://oasis.bindubai.com/bin/uploaded/1184_01184885162.gif

الحفيد البائس المظلوم ،، شكلي عيل بتم عزابي لعقب
الثلاثين دام جيه السالفه
:d010:

http://oasis.bindubai.com/bin/uploaded/1184_21184869715.gif


ما علييييك يا ولدي .. جيه نحن وين سرنا ... بنختاااار لك هذيج البنت السنعه .. اللي ما بتخسرك .. ان شاء الله ....
بس تعااال .. عيل تبا تدفع مليون وما ادري كم حق سياااااارة ؟؟ انتوا بعد الشباب يوم تبون بتعقون بيزاتكم وين ما تبووون .. هاي مب خساااااير .... <<< مسرع ما انجلبت علييييه :fa46:

[عنود الريف]

الله يعينا يا عنود الريف =(
الواحد من يفكر في سالفة العرس هالايام اييه هم بسبب البيزات الي بتنعق عالفاضي لول
عنبوه مكياج و حنا العروس بـ 10000 درهم عسب تيلس نص ساعه بروحها و نص ساعه ويا ريلها و يخلصون !! >> تراني معصب لول

عيبتني القصة لأنها واقعية جدا جدا و تعبر بشكل اساسي عن سبب عزوف الشباب عن الزواج

هيه والله الله يعييينكم
بقووولك شي بس انت هد اعصااابك ... :surrender: بيزات الزهبه ما تكفي .. انا كنت ويااا اختي وهي تتزهب ... وانا كنت المحاااسب الخاص فيها ... البيزات كانت عندي ومقسمينها ..
والله انها زادت من عندها عشان تخلص زهاااابها ... اصلا البيزات صارت مالها جيمه ... بس في اشيا الناس تبالغ فيهاااا ..
هالقصه سبب عزوف الشباب من الزواج وسبب العنوووووووسه

الله كريم يا اخويه
تسلم على المرووور

[عنود الريف]

السلام عليكم..


والله انه مصــاريــف العرس.. مااااا اتخـــلـــص..

بروحها سوالف الصواليـــن حق الوحده اللي بس اتسوي اشياء ع الخفيف ما بيقل عن 20 الف..!!

هذا من غيـــر الزهبه اللي حتى الـ 100 ألف ما اتكفيها.. :bash: ما ادري كيف اتطير الفلوس... و كله على اشياء بسيطه..

..

و يحليله الريال.. شو بيلحق ع المهر.. و لا ع الزهبه.. و لا ع العزايم .. و لا ع تجهيز السكن.. و مصاريف حفله العرس.. و تجهيزات شهر العسل..

بصراحه.. صدق انه هالخربطان كله ماله داعي.. اللي يستاهل صرف في نظري.. هو شهر العســل.. :inlove: لانهم باثنينتهم بيستانســون فيه و بيحسون بجميه الفلوس اللي اندفعت..

..

..

تســـــــــــــــلمووون يا أهــــل البيت على هالموضوع الغاوي.. ^_^

وعليكم السلااام والرحمه
هيه والله اختي .. المصاااريف واااايد والله يعين المعاااريس ... مثل ما قلت حق اخويه ذنيني ... البيزات صارت مالها جيمه مثل الاول

يسلموو على المروووور

[خيال الحب]

هــيه والله ياختــــــيه ..


لا فــي من النــــاس .. يقــولج ييـــب حق العروس سيــاره .. وهي تخــتار نوع الســياره.. وسيــاره حق ابــوهــا وامــها واخــوها البجـــر>>> هالــشي انا سامعنــه بأذنـــي من واحد اهل العروس طلبو منه هالشــي:fa56:

يمــكن يتحــرون خــلق الله عنـــدهـــا مــال قــارون ونحـــن ما نــدري..!!

انــزين شو الفـــايده الريــال يتســلف من البـــنك.. واخــر شــي يعــيش حياتــه كلهــا ديــون.. وحـــياتــه كلــها تســتوي مشــاكــل بمــشاكــل.. واخــر شــي يا ينــتهي بالطــلاق.. ولا ينتــهي بالســـجن!!

والعيـــال يتــشردون بالشـــوارع.. لا حســيب ولا رقـــيــب.. ويســتوون احــداث .. وعــاله على المجتــمع!

يقــول المثــل [ مد ريولــك على قد لحــافــك]..

الــي تقــدر عليــه سوه.. والعـــوايـــل اصحـــاب الاصــل والشهــامــه.. ماعتقـــد بيطـــلبون طلبـــات مبــالغ فيهـــا..


المشـــكــله العــروس تبـــا عرس احــسن من عرس ربيعــتهاا.. وفلانه يابت عيضه بعرسهــا.. وعلانه يابت نبيــل شعــيل..

انــزين وعقــب!!

هالــشــي لازم نوقـــفه.. بس كيــــــف!!

حـد عــنده طريــقه؟

[مــهــابه]

يـديه:

تـدري؟!

انا ماخذه قـاعده فـحيـاتي ، البـنت اللي جـايفـه خيـر ، واهـلها بـعد جـايفـين خيــر ، مابيطـلبون كـل هالطـلبات ، ويـوم انه الريـال زين ،ومحـافظ ع صـلاته ، لـو ماعـنده أهـل العـروس هم الـروحهم بيعـطونه:3:

وايد صـارت عـندنـا نحـن

بس المشكلـه فـ بنيـات اليوم ، واللـه ماعـرف شقـايل يفـكرن؟ هـذا كـله لـ يوم وبيـعدي ، صح الوحده مابـتسوي عـرس هب حلـو ، ولـكن تـسوي ع قـد مايقدر ريـلها ، يـعني ماتجلـفه فوق طـاقـته

وبـعد آهـالي اليـوم مخـتلفـين ، مايوقفـون البنت عند حـدهـا ، ويقـولون لها يـا بـنت هذا عـيب ، وهـب من طبايـعنـا ، والأنسـان ييسـر ع الأنسـان
لا !
بـالعـكس ، يشجـعوها ع الغـلط ، ولـو تـلاحظـون مايفـكرون إلا بـكلام النـاس وبس

وف الاخير الريــال هـو اللي يـتوهق فـ هالـديون والمصـاريف

قـالها الرسـول: ( أقـلهن مهـراً ، أكثـرهن بـركه ) بس منوه يســمع؟

[ايه احبك]

لوووول حبيت الحوار وخاصه اني انا فيه ونا مادري XP
---
بقولكم راي
يمكن البنت تطلب وتطلب واهلها بعد يطلبون
وكله على راس الريل الي بياخذها :k_wheelchair:
هاي طبيعية كل وحده تبا اتكون احسن عن غيرها :fa46:
لكن لو فكرتوا في حل هالمشكله :confused:
تعرفون وين بتحصلون حلها :vertag:
في الريال نفسه او المعرس :vampire:
انته يوم عندك ميزانيه معينه ليش :fa46:
تاخذ وحده تبالغ في الي تبيه وتكسر لك الميزانيه :a046:
يا انك تتفاهم وياها على المصاريف يا انك اتشوف وحده غيرها :fa42:
ادري بتقولون اذا تم على هالحال ما بيعرس :14:
لكن انا اقولكم انه هالفئة من البنات متواجده عندنا في الدوله بشكل بسيط :bash:
لنه الي فيهم مرض ايسمونه جنون العظمه :fa56: ..عكيفي :4:
ويبن ايكونن احسن عن الكل:k_icon28:
انزين فالأفضل ما شاف نفسه مقتدر على مطالب الي خطبنها :pullhair:
ايدور وحده على قده :fa42:
على قولت يدي :k_wheelchair:
مد ريلك على قد لحافك :11:
وحلات الثوب رقعته منه وفيه :fa35:
وبوسه على راس يدوووه الي يبتلنا موضوع ايجنن :a070:
ونفسه ناقشوه تقريبا في البرزة في تليفزيون دبي :14:
تم سميل ما حطيته :k_harhar1:

[عنود الريف]

هيه والله صدقج يدوه

حليله ها الريال اللي بيعرس شل ها الهم
جنه شال هموم الدنيا كلها ^_^

انزين امايه بعد هو الله يهداه لا يسير يدور له على بنت راهيه ^_^ يدورله على بنت من مستواه

يعني في شباب مايبا إلا من بيت فلان

ويعرف انه ها الفلان مهر بناته غالي بيخليه يتسلف وحط على ظهره ديون عسب ها البنت وبعدين

حياته كلها بتستوي ديون في ديون

طبعا يا يدوه في بنات
دوم يشوفون غيرهم يعني ليش بنت فلان جي سوت عرسها

اللي بياخذني غصبن عنه يسوي احسن عن عرسهم

واخر شي امنو اللي يطيح فيها الريال حليليه ^_^

يا بنيتي جان الا هو يباها لازم يتحمل المسؤولية لكن لازم يشاور هله وهله لازم يقولوله ان فلانة تراها بنت ناس وعز وتبا وتبا وتبا .. لازم هو يوزن الامور عدل مب يالله اباها اليوم الثاني سار وخطبها
البنت لازم تفهم ولازم تشتري الريال مب مخباااه .. بنيتي القنااعة كنز لا يفنى ..
واذا كانت البنت مقتنعه ما بتشووف غيرهاااا شو مسوي .. بس بتقول الحمدلله ان الله ستر عليه ..

يزاج الله خير بنيتي وحياج الله .. دوووم تعالوا العريش بنسوولف

[عنود الريف]

http://oasis.bindubai.com/bin/uploaded/1184_01181768909.gif

يـــدووه صدقتي والله
يعني فشره وخساير مالهن داعي
يوم واحد والسلام وعقب >> اللي يتسلف ويتدين شو بيستفيد بيتم طوول عمره يسدد فـ هالديون

وبعدين اللي يطلبون هالكثر عشان بنتهم شو البوينت يعني ! كلنا ما انقدر بثمن هب بس بنتهم
بس هب جيه عاده جنهم يذلون الريال يا تدفع المهر الفلاني يا .... اسمحلنــا

هــذا واقعنــا مليء بأنواع الفشره والخقه وصعب إنا انغيره !!


وأنا جفت هالشي من ناس اقراب مني وااايد :k_shock_1:
استغربت من هالتصرف !

والسبب الرئيسي تراه رمست الناس جوفي بنت فلان كم عطوها وجوفي بنت فلان شو سوولها !

هذا متــاع زايــل والواحد لازم ما يعتمد عليــه ويخليه هو الجوهر الأساسي !!

:

http://oasis.bindubai.com/bin/uploaded/1184_21184885762.gif

:

http://oasis.bindubai.com/bin/uploaded/1184_11181768909.gif

ما شاء الله على بنيتي .. فاهمه وعقلج كبير .. ان شاء الله كل البنات شراااتج ..
وكل الشباب يتمنون وحده بتفكيرج ..
والنعم فيج :a070:

[عنود الريف]

هــيه والله ياختــــــيه ..


لا فــي من النــــاس .. يقــولج ييـــب حق العروس سيــاره .. وهي تخــتار نوع الســياره.. وسيــاره حق ابــوهــا وامــها واخــوها البجـــر>>> هالــشي انا سامعنــه بأذنـــي من واحد اهل العروس طلبو منه هالشــي:fa56:

يمــكن يتحــرون خــلق الله عنـــدهـــا مــال قــارون ونحـــن ما نــدري..!!

انــزين شو الفـــايده الريــال يتســلف من البـــنك.. واخــر شــي يعــيش حياتــه كلهــا ديــون.. وحـــياتــه كلــها تســتوي مشــاكــل بمــشاكــل.. واخــر شــي يا ينــتهي بالطــلاق.. ولا ينتــهي بالســـجن!!

والعيـــال يتــشردون بالشـــوارع.. لا حســيب ولا رقـــيــب.. ويســتوون احــداث .. وعــاله على المجتــمع!

يقــول المثــل [ مد ريولــك على قد لحــافــك]..

الــي تقــدر عليــه سوه.. والعـــوايـــل اصحـــاب الاصــل والشهــامــه.. ماعتقـــد بيطـــلبون طلبـــات مبــالغ فيهـــا..


المشـــكــله العــروس تبـــا عرس احــسن من عرس ربيعــتهاا.. وفلانه يابت عيضه بعرسهــا.. وعلانه يابت نبيــل شعــيل..

انــزين وعقــب!!

هالــشــي لازم نوقـــفه.. بس كيــــــف!!

حـد عــنده طريــقه؟

هيه والله صدقت يا بو سفرفر .. وااايد ناس تتشرط ..واتقول والله ليش بناتنا ما عرسوا ..
اكيييد ما بيعرسن وانتوا بتكسرون ظهر المعرس بالديووون ...
هالمنكر اللي متعلمينه البنات .. يباله حل .. ولازم البنات يفهمن والا بيجير عليهن الزمن ولا بيعرسن ..
الريال ما عليه كلام يروم يسير ياخذ وحده اجنبيه والصرااحه ما ينلام ...
الاهل لازم يفهمون بناتهم ان هالشي غلط ولازم ما يوافقون عليه اصلاااا ...
لازم يحطوون براامج في التلفزيون بدال هالخربطان اللي يحطووونه .. تاتا وماتا وما ادري الشوووو

تسلم شيبتنا .. ومحلاتها اليلسه .. كل يوم يبالنا نيلس هنييي والا شو رايك ؟؟؟

[عنود الريف]

يـديه:

تـدري؟!

انا ماخذه قـاعده فـحيـاتي ، البـنت اللي جـايفـه خيـر ، واهـلها بـعد جـايفـين خيــر ، مابيطـلبون كـل هالطـلبات ، ويـوم انه الريـال زين ،ومحـافظ ع صـلاته ، لـو ماعـنده أهـل العـروس هم الـروحهم بيعـطونه:3:

وايد صـارت عـندنـا نحـن

بس المشكلـه فـ بنيـات اليوم ، واللـه ماعـرف شقـايل يفـكرن؟ هـذا كـله لـ يوم وبيـعدي ، صح الوحده مابـتسوي عـرس هب حلـو ، ولـكن تـسوي ع قـد مايقدر ريـلها ، يـعني ماتجلـفه فوق طـاقـته

وبـعد آهـالي اليـوم مخـتلفـين ، مايوقفـون البنت عند حـدهـا ، ويقـولون لها يـا بـنت هذا عـيب ، وهـب من طبايـعنـا ، والأنسـان ييسـر ع الأنسـان
لا !
بـالعـكس ، يشجـعوها ع الغـلط ، ولـو تـلاحظـون مايفـكرون إلا بـكلام النـاس وبس

وف الاخير الريــال هـو اللي يـتوهق فـ هالـديون والمصـاريف

قـالها الرسـول: ( أقـلهن مهـراً ، أكثـرهن بـركه ) بس منوه يســمع؟





والنعم والله في بناتي .. سنعات ما شاء الله عليكن .. جيه اباكن دووم مب تغيرن رايكن يوم ايي المعرس .. بالملااااس على راسكم :d014:
ويا اميه لو نحن ماشين صح على طريج الله سبحانه ورسوله جان ما طلعت لنا هالمشاااكل ..
لكن الله المستعان ..

[الشوق]

المشكله الغلا صار وارتفع بدرجه كبيره حتى في امور الزواج
يعني خلونا نحسبها ..
قبل العرس يكون في البيت او في الفريج ..
دق طبول ..والحرمه يالسه في بيتها واتي المحنايه واتحنيها ويدخلون حريم الفريج ويشوفونها ويفرحون لها ويرقصولها ..
وتطلع من بيتها لين بيت ريلها .. .على كم كندوره وذهب ومهر ارخيص ما يسوي كم ربيه

احينه ...هالربيه مااتسوي شي ... الدنيا غلت ... صح اتحصل ناس وايد مبالغين في اعراسهم ..
وعاد انت تعال واسمع الناس يوم تتكلم عن العرس الفلاني وعن اللي صار واستوى لكن كلام انقال في لحيظات فقط .. واليوم الثاني يطير في الهواء ..
.
.
.
بس انا مستغربه ان في رياييل يوم يتزوجون يعرفون مصاريف الزواج .. والديون .. ويدفعون وهم راضين .. وفي النهايه يقولون اتدينا . انزين ليش ما اتيمع انت يا شاب حق هاليوم ...
علشان ما اتحط نفسك جدام مصاريف الزواج ومصاريفه ..
على الاقل ادخر ع اللي بتحتاجه في المستقبل ..
.
.
.
يدوووه بس ما خبرتينا العروس شو كانت لابسه...
.
.
.
فديتج يدوووه يعطيج العافيه وما قصرتي وما عليج زود يالغاليه

[ذنـيـنـي]

بس انا مستغربه ان في رياييل يوم يتزوجون يعرفون مصاريف الزواج .. والديون .. ويدفعون وهم راضين .. وفي النهايه يقولون اتدينا . انزين ليش ما اتيمع انت يا شاب حق هاليوم ...
علشان ما اتحط نفسك جدام مصاريف الزواج ومصاريفه ..
على الاقل ادخر ع اللي بتحتاجه في المستقبل ..



وياج حق اختيه الشوق في هالنقطة

عندي ربع ما شاء الله عليهم معاشاتهم توصل الى 15 الف درهم

تخيلي انهم ما عندهم في حساباتهم ولا حتى درهم واحد،، يصرفون الـ 15 الف كامله :k_shock_1:
مع انه ما عندهم لا عيال ولا حريم ولا مسؤولية.

و يوم تقولين لهم يمعوا حق العرس يقولون بعدنا ما نبغي نعرس الحين،،
ما يخلون في بالهم انهم لازم يكونون اعمارهم و يبنون انفسهم للمستقبل و ذلك بالتوفير و الاستثمار

ما نقول لا تصرفون على اعماركم ولا اتدلعون اعماركم
لكن كل شي له حدود و الواحد لازم يقبض عمره شوي عسب يرتاح عقب :icecream:

[جواهر]

اذا في عرس كلف اكثر من 200000 مع المهر

هذا انا اعتبرة اسراف و تبذير ماله داعي !!

200 الف مبلغ جدا معقوول و ممكن يكون زياده لبعض الناس

انا مادري ليش العالم تعقد الأمور

مادري ليش هالمظاهر الخداعة

ليش هالعقليات المنغلقه

ليش هالتخلف و الرجعية !!

انتن بعد عندكن اخوان

فكروا فيهم

**

مشكورين عالابداع

:a070:

[الجنيه]

مباركين عرس الاثنين ليلة ربيع عين قمره *_*

وجي ما تعزمون ؟؟؟؟؟ عنبوه شو هالمذهب خلاص ما بعزمكم ع عرسي :fa44:

بالفعل مصاريف العرس صارت شي خيالي بس بعده في ناس ما يبالغون نحن ولله الحمد سوينا عرس اخوي شي بسيط وحلو وراقي بنفس الوقت وبأقل التكاليف يعني في اشيا ممكن الاستغناء عنها استغنينا عنها كل هذا بس عشان يسوي العرس من فلوسه الي يمعهن وساعدناه وما احتاج يتسلف *_*

بس مش كل حد يرضى بهالشي والعتب ع الاهل والبنت احيانا يكسرون ظهر الريال لين يعاف العرس وطاريه عسب جذه الشباب يتشاردون من سالفة العرس الله يهديهم ويصلح بالهم

[بوسلطان]

صــــــــــــــــدقتـــــ ــوا والله..

قــــــــبل يوميـــــــــــن كان زواج عمــــــــي.. وما شاء الله عليه أشتـــغل قبــــــــل الزواج في البحر في شركة البترول وســـــافر والولد إنـكـــرف صح..
وكله هذا عشان يــــــــــقدر على مصـاريف الزواج ..


ومــــع هذا كله.. اضــــطر عمــــي للسلــــــف.. الصراحــــــه انا كنت دايمـــــــا معاه ..يعـــــني كل يوم تطلع مصــــــاريف يديده..
تســــــــلف 50 ألف من البنك والحين صرف نصها .. وباقي شهر العســـل يعني الولد فلـــــــس ..


وكلــــــــــــــــ المصـــــيبـة كانت من الحريـــــــم الصراحــة.. ما يشـــترون إلا من الغـــــالي وكل يوم يكتـــشفن شي يديد عشان يخـــــســـرون العريس..
أحــ ــس كل هدفـــهم بس صرف الفلوس والفخــفخــة والكشــــخة.. وكله عشـــان الناس.. شو اقول بس..!!

والله يعـــــــــينه الصراحة..

الصراحـــــــة بعد هذا.. صـــــارت فكـــــــــرة مســـتبــــــعده إلى مـدى بعيـــــد..

لو أقدر.. من بكــــــرة ه:m_m7tar:


المهم مشكورة أخــتي على الموضوع..

أخوج بوسـلطان