قلة أدب أم علم؟ جراءة أو واقع؟

[اخت اختي]

السلام عليكم ورحمة الله وبركاته،

http://www.alyaum.com/images/12/12285/460975_1.jpg

أبا رايكم.. في الدكتورة فوزية الدريع..
شو رايكم فيها؟
بعض من الناس يقولون عنها جريئة.. والبعض يقول عنها قليلة أدب.. والبعض يقول هذا علم ولا حياء في الدين.. والبعض يقول نحن محتاجين لهذا البرنامج لفهم الأمور لأن نحن نعيش في عالم يملؤه الحياء.. فلا نستطيع فتح هذه المواضيع حتى مع الأم بحكم إنه "عيب"..

إنتوا شو رايكم فيها؟ وهل نحن بحاجة لهذه البرامج؟

[العجيبة]

أنا وحدة من اللي يتابعـون برنامج الدكتورة فوزية الدريع ,,

والبرنامج فظيييييع وما عليه كلام ، وتعجبني شخصية وفطنة وعلم الدكتورة فوزية !

ومن كلامهـا ومن الناس اللي تستضيفهم في بعض الأحيان تعلمـت وعرفت أشياااء ما كنت أعرفها ولا يـت فـ بالي يوم مــا ..!

وبس

[مزايا]

وعليــكم الســلام والرحــمه
صح إني مش مواضبـه على متابعه برنامجها ( سيرة الحب ) بس احــاول أستفيد قد ماقدر منها فالحلقــه الوحده
وماعتبر جرأتها قلة أدب أو وقــاحه ، بالعكــس صــراحتها حببت النـاس فيها ، لانهم يعرفوون إنها مابتقص عليهم ولا بتجــاملهم فـ شي ،

[مــهــابه]

بالـعكس !!
انـا من أشد المعجبين بشخصية فوزيه الدريع ، ومن المتابعين لـ برنامجهـا ، وبصراحة نسـتفيد من تجارب وأمـور الغير ، وماعتقد انه تـقول شي يخدش الحيـاء ، أو محـرم فـ الديـن

البارحـة بـعدني كنـت اتـابع بـرنامجهـا

[نور الإيمان]

هو لا حياء في تعلم الدين!

ما ااتابع برنامجها ..

و السموحة

[الـيـاه]

سلاام

برنامج فاشل !

صراحه شي يشفل ان في برامج جي ( صح لا حياء في الدين ) بس مب جي علنا ً جدام الله وخلقه
لانه مثل هالمواضيع وايد عيب انه الواحد يطرحها بهالطريقه وبهالاسلوب وبهالمشاركات :fa44:
وخاصه اني اكتشفت في يهال ومراهقين يسمعون هالسوالف ! وبالعكس بجي هو ما يساعد كثر ماهو يفتح عيونهم على اشيا مب زينه وعلى سوالف أكبر من عمارهم ..

عييييييييييييييب
:k_special2:

وايد فيه جرأه زايده وألفاظ عيب الواحد يسمعها الصراحـــــــــه !!!!!!!!


ايلس اسمع المتصلين وخاصه البنات كل وحده تقول شو ستوالها ويا ريلها ( وشي وايد خاص ) وكيف تعامل ريلها :k_icon9:
والا انها تحب مادري منو .. والا وحده حامل قبل ماتتزوج .. استحي ع ويهج شو هاااااا ؟
وجدام هالاعمار المتفاوته من المشاهدين


اذا الواحد يبا يعرف عن هالشي .. ترا الدين يعلمنا وهو مرشدنا وفي كتب جي .. والا احين من هاي الواحد بيستوعب سوالف الزواج :boxed: - وتيلس تألف اشيا من مخها فالدين -


.
.
.

[الهيثــم]

بما اني ما شفت برنامجـها ما اقدر اقول راايي فيـه ...
بس من الي قريـته فـ رد اليـاه ،
اعتقـد إنه في وحده رمستني عنه مرة ...
وبصــراحـة كرهت البرنـامج ..

[الدلووووعة]

انا ماحب ها البرنامج

وماحب اتابعه

احس برنامج سخييييف

اونه شو واحد مارام يتزووج فلانه لأنه اهله مارضو

يسير يحطهم فالامر الواقع وين تبا ^_^

تشجعهم عالخراب خخخخخ

بشكل عام برنامج فاشل

[خطايــا]

موضوع حلوو للمناقشهـ والطرح ..
انا شفت كذا حلقه من ها البرنامج .. ومثل ما قلتوا لا حياء في الدين .. وهذا علم يعني هي مب يايهـ وترمس بروحها هي دارسه ها الشي يعني تخصصها ..

[ظبية]

عنــي أنا أأيد البرنامج لو كان مب علنــي .. يعني لو كان مسجل بأشرطه يكون أحسن لان أكثر مشاهدي هالبرنامج هم الفئة المراهقه وهذا بدال ما يثقفهم يخربهم ويفتح عقلولهم على اشياء اكبر عن سنهم ..

[رويان]

..مرحبا..

لو أوبرا.. أو تيرا اطرحوا نفس المواضيع كانت بتكون النظرة للمواضيع هذي غير.. :14:

وين الخلل أو المشكلة أنها تطرح هالمواضيع.. ؟
و شو المشكلة لو تابعها المراهق ؟؟!
بالعكس.. شي حلو انه ياخذها من دكتورة مثقفة.. قادرة انها توصل المعلومة بطريقة علمية صحيحة و محترمة..

و بخصوص القضايا اللي تطرحها.. ما تجيب شي من خيالها.. و الحالات من الواقع
ممكن كمشاهد يشوف ان المشكلة سخيفة بس لما يوصل الانسان لمرحلة يشتكي فيها أو يطلب الحل في مثل هالامور شو ما كانت حساسيتها..
معناتها محتاج لحل.. و مساعدة
يمكن المشاهد تجرأ و طرح مشكلته للدكتورة..
و غيره كان وده يطرح بس يمتنع.. في نفس الوقت ينتظر الإجابة أو الحل
هالناس جزء منا و ما يصير نغفلهم لمجرد أنهم أخطأوا في حال احتاجوا من يدلهم للطريج الصح
بالعكس..
محتاجين لمثل هالبرامج اللي يديرها دكاترة..
عندنا في الامارات دكاترة روعة كنت اتمنى ان تكون لهم مساهمات جريئة يستفيد منها المشاهد..
مثل خليفة السويدي او احمد النجار.. أو حتى سعاد المرزوقي و ما يكتفون بالعيادات

حسافة عنوان الموضوع " قلة أدب " الكلمة هذي كبيرة وما تتناسب مع الطرح..
شو ما كان و حتى لو كانت في وجهة نظر البعض خطأ.. ما نسطر هالكلام !


مجرد رأي..
:3:

[عهد الوداع]

الدكتوره فوزيه فنانه ولها اسلوب حلوووووو في تعاملها والقائها ,,,

ما شاء الله عليها مثقفه وفاهمه وتحل الامور بكل عقليه ,,,

بالعكس ما فيها نوع من قلة الادب ومن هاي السوالف ....

تعطيج جواب مقنع وصحيح حتى ما تقدرين تجادلينها ,,,

وانا بعد استفدت منها اشياء وايده ...

وشكرا على الطرح ..

[أنامل قلب]

وعليكم السلام ورحمة الله وبركاته ..

اممم ..
إي أدري عن البرنامج .. بس .. امم ..

احليلها عيوني .. لول ..
انننزين .. :fa46:
الصراحه .. ماجد تابعته .. !
أذكر إني من مده شفته بس مو بانتظام ولا حتى حلقات كامله ..
بس جي بالغلط وانا أقلب بالقنوات >_< ..

بما إني مب من متابعي البرنامج .. فمالي راي أظن .. :glare:

بس مادري أنا أحيده شي (( من اللي اسمعه يعني )) وكلامكم مبين لي شي ثاني ..
يعني لو كان الخلل في كونه جريء لدرجة انه مختص بفئة ما تقل عن عمر معين ..
فأشوف انه اهني إيي دور الأهل مو البرنامج .. في حال انه يفيد عدد كبير من الناس .. !!
يعني ياما هناك برامج وافلام 24 ساعه بقنوات لا تحد ولا تحصى ..
مثل ما إن المفروض نمنع هالقنوات عنهم بالأخص وعنا كذلك ..
يكون الحل اهني مماثل ..
بمنعهم من متابعة البرنامج مثل ما يلزم منا منعهم من متابعه وايد أشيا محد حطهم ابـ باله :k_no:

عالعموم .. مثل ماقتلكم ماقدر أبدي رايي لأني ماتابعه .. >> عيل جيه رازه فيسج يابنت :Oo:
والله أعلم وأحكم .. !!

بس يمكن أفكر اتابعه وأشوف شو سالفته .. !!!!!!

:

يزاكم الرحمن كل خير ..
ولطارحة الموضوع الشكر الجزيل .. ^_^ ..

احترامي ..
وربي لكم حافظ .. !!

[الهيثــم]

بس أحلــى شي يوم ولد الديــرة يقلــدها ...

يااااااااااه .. شو ضحححححححك ! ..

[تحفه]

ماشفت بروقرامها لأن توقيته جدا سيء XP

[الـيـاه]

احين هاي المواضيع عادي يشوفها صغــير .. تبوني اقول واحد من مواضيعها يعني عسب تتفشلون صدق ؟

حتى لو اقوله هني عادي يوقفون اشتراكي - لانه قلييييييييييل أدبببببببببببب O_o

[مجموعة إنسان]

الخوف بيسون طبيب المواعدة بعد !!
اوكي تقدر تفتح عيادة او مكتب .. مب على التلفزيون ,,

صدق المثل اللي قال(اللي يخاف ما يختشيش!!)

[العجيبة]

الحين اذا هي تتكلم بكلام علمي واضــح وبدون لف ودوران وتحـاول توصل المعلومة للناس بمختلف أعمارهم وبمراعاة الجميع .. آخـر شي يطلع اللي تسويه قلة أدب ؟!


عيل مب قلــة أدب اللي نشوفهـا في المسلسلات الاجنبية والافلام من ايحاءات جنسية وأحيانـا كثيييرة ألفــاظ نستحي نتلـفظ بهـا .. وهم يظهـرونهـا جنه كلام عـادي جدا ، وما فيها شي الواحد يتكلم عنه عند ربعه ؟!

وأبــدا مب قلة أدب اللبس و الايحــاءات الجنسيــة الغيـر شكـل اللي تظهـر في ويـوه ولبس القائمين على بعض القنــوات العربية ؟!

مب قــلة أدب يوم الصغــار ( اللي في الأساس البرنـامج هذا مب لهم ) إنهم يتعـرفون على هالأشياء بطريقة سلبية ثانيــة وهي الشارع - النـت - أصدقاء السوء ؟!!!!


هذا كله مب قلة أدب ؟

عالعمــوم .. الفشل كلمة كبيرة ما نقدر نحكم بهـا على برنــامج يالس يلاقـي إقبال كبير من متابعين من كافة أنحاء الوطن العربي !

لو الفشــل كان حليف البرنـامج هذا ، ما كنــا بنشوفه مستمــر لين يومنـا هذا !


وعـادي ياليــاه .. قولي شو المواضيـع ؟!

[المقاتل]

http://images.abunawaf.com/2007/04/hani/hani4.jpg


بعـــد قرائتي لهذا الموضوع . . قمــت بالبحث عن الدكتوره فوزيه الدريع . . من خلال هذا الللينك !!

http://www.alarabiya.net/articles/2007/03/29/33000.html

صعقت من حديثها المخدش للحياء .. والأعجب عند رؤيتي لأحد حلقاتها عند أتصال فتاه لـ فوزيه الدريع معبره عن إعجابها لـ فتاه تصل لدرجة " الجنس " . . !!

http://www.youtube.com/watch?v=U_dYUxDMBOY&mode=related&search=

إن سبب كتابتي لهذا الرد هو استنكاري الشديد لهذه الإنســـانه . . ومن ثم هذه الإنسانه تعلمت تخصص الثقافه الجنسيه من المملكه المتــحده ؟؟ فـهل توقعاتكم أن يكون أساسها ديني ؟؟ فحجابها لا يكفي " وما خفي أعظم " والله أعلم .

إنحطاط . . إفساد للعقول . . ثقافه غربيه . . ضعف للوازع الديني . . هجوم فكري لإسلام !!

[مزايا]

صعقت من حديثها المخدش للحياء .. والأعجب عند رؤيتي لأحد حلقاتها عند أتصال فتاه لـ فوزيه الدريع معبره عن إعجابها لـ فتاه تصل لدرجة " الجنس " . . !!
http://www.youtube.com/watch?v=U_dYUxDMBOY&mode=related&search= (http://www.youtube.com/watch?v=U_dYUxDMBOY&mode=related&search)
!

أي جنــس !! ؟!
شكلك ماشفت الفيديو كامل ياخوو
لو تلاحظ بتسمع إنه البنت تقول ( أنا اعشقج مثل أمي ) ، ماظن قالت كـ حبيبه
ولاتفســر ياخوي الاشيــاء على كيفك

[الـيـاه]

انا وايد منصدمه !!!!
العجيبه : خيبه شو عادي اقول ... عييييييييييب .. انتي شكلج ماعرفتي شي وماعرفتي شو كان موضوع
حلقتها يوم من الايام .. اللي صدق يدل على قلة ادبها وقلة ادب المتصلين ...

هالاشيا لها مكان خاص
وصح انا ماقول ان بعضضضضضها مب علمي ..

لكن عيب يطلع بهالصوره وبهالجرأة .. انا استحي ع ويهي الصراحـــــــه لو قلت شو من سوالف تقولها !

قلة حيااا

[مزايا]

معظــم النــاس مستنكرين كلام هالانســانه لانها أول خليجيه تبحث فالســلوك الجنسي أو فالثقافه الجنسيه على قولت المقــاتل
وماشوف فيها شي ، مثل مامحتاين ناس متخصصين فـ الطب و الهندسه والاشيــاء الثانيه
محتاجين ناس تساعدنا فهالتخصص


انا سبق وقلت إني مش مواضبه على برنامجها لكن الحلقات اللي لحقت عليهن ماشفت اي شي يسمى بـ قلة حيــا ..

وللعــلم بس اذا كانوا بيعرضوون شي فهالبرنامج يكتبوون إنه اللي بينعرض مايناسب اللي عمرهم أقل من الـ 18 ..

[قرموشة]

أعـرف بنـات يشـوفـون هـ البرنــامـج .. ! وخـبرونـي عنــه كـذا مـره .. بس لين الحين ما شفتـه
هـو صـح الواحــد يتـعـلم منـه أشيــا مثل ما قالوا .. بس أحـس عييب حتى لو انه لا حياء في الدين !!

ومـرات في أمور تكون بين ا الريـال وحرمته والمفروض انه الطرف الثالث مايتـدخل فيهـا لو شو ماكـان متفتح وذو عقليـه واعـيه وشهادات وغيره
ما أقدر أقـول اذا هـو برنـامـج سيء أو مـفيـد .. فـ في جمـيع الحـالات يرضـي أطراف معينـه ويهـين الغير

سلام !

[ذنـيـنـي]

تفكيرها علماني
و بعييد كل البعد عن الاخلاق الاسلامية

عيل في انسانه عاقلة تشجع علاقات ما قبل الزواج بين الجنسين و انه البنت لازم تشبع عاطفتها
شووو هالرمسه
و غير هذا اغلب المتصلين يتكلمون عن علاقات محرمه
يعني بالمختصر يرمسون عن الزنا
اصلا انا من قبل تنزل البرنامج و انا مب مقتنع فيها و بكلامها
من خلال قراءتي لصفحاتها في مجلة كل الاسرة

لاحظت انها تشجع حب ما قبل الزواج
يعني دينا الحنيف و اعرافنا و تقاليدنا جميعهم يحرون هالنوع من العلاقات
و اتي هي بكل بساطه و تقول هالرمسه للناس

احس انه البرنامج واايد جرييئ و يوصل الى حدود قلة الادب

[الـيـاه]

صدق ..

لانه في سوالف ع الاقل لو تخليها تحت الهوى .. بس مب جي ماشي حدود للكلام والاتصالات نصها
عن علاقات محرمه وكل طرف منهم يدخل في تفاصيل عيب تنقال جي ع الهوى ..

عيل في واحد مينون عنده شهاده على قولتها ودكتوره وحاله
تقول لوحده تتشكى ان ريلها يرمس بنت من وراها : اونه ماعليه اصبري بيرد عليج .. بس اهمها لاااااا يتزوج عليج ؟

مينونه .. يعني هني مايسمونها خيانه .. لكن الزواج خيانه ( الدين محلل اربع يا عبقريه ) ...

وهاي مب داعية اسلاميه ولا وحده من العلماء عسب الواحد يعرف منها الحلال والحرام في وايد علاقات .. لانها اصلن تشجع ان البنت تحب ..

[أنامل قلب]

:Oo: .. !

[الـيـاه]

ع فكره بس حبيت اوضح شي
انا ما قلت فاشل لان لازم محد يستفيد من هالاشيا ( بالعكس هالاشيا علميه ومذكوره فدينا )

لــــــكـــــــن

انا ضد ان هالاشيا تعرض بهالجرأة على الهوى وضد ان تكون مقدمته تتكلم بهالطريقه
ونص افكارها غلط وممكن تكون علميه ع قولتكم - لكن بعيده جدا ً عن الدين -

نحن مانعرف عن عمر وتفكير المجتمع اللي بيعرف هالثقافه ومانعرف كيف بيستفيدون منها
واصلن بيستفيدون ؟ والا بيتثقفون بطريقه سلبيه جدا ً


لان مثل هالكلمات وهالمواضيع ( اللي اغلبكم مايعرفها وجاف كمن حلقه بس ومايدري شو المواضيع اللي خلت حتى اهل لكويت يحتجون عنها لو ماتعرفوووون ) :a046:

انا مادري كيف الاهالي عادي عندهم عيالهم يسمعون هالالفاظ جي وبهالطريقه
ويا التفاصيل اللي لازم الحرمه تسويها

.
.
.

[ألم ترى]

بسم الله الرحمن الرحيم ..

مره من المرات مريت ع قناة الرأي وشفت لها برنامج ! ..

اول ما حطيت القناة اتصلت وحده وقالت ان لها علاقه جنسيه مع احد الشباب ..

فقالت فوزية هاي العلاقة يسمونها ف الإسلام ( الزنا ) ! ..

انا من بعدها قلت هالأنسانه دينه ومحترمه وتحاول تحد من هالظاهره اللي منتشره ف كل مكان ..

الصراحه انا منصدم من الكلام اللي سمعته ومن الله اطلب بأن يهدينا ويهديها لـ طريق الصواب ..

ع فكره اللي يحب لها الخير يرسل لها نصح ع بريدها الخاص بدال هالتجريح اللي مايقدم او يأخر بشيء ..

او دعوه بظهر الغيب الله يعلم كم لها من الأجور العظيمه لـ السائل و المقصود ..

دمتم بحفظ الرحمن ..

[دفا الشارجة]

ماتابعها.. بس كلامها يوم يطلعونه فالدعايه..واقعي

بس يوم شفت برنامجها.. كله خربطاان

[مــهــابه]

تـدرون شـو المشكلـه !!
أنـتوا تـاخذون البـرنامج مـن ناحيـة معـينه فقط وتحكمـون
فـي أي شي لـو بغـيتوا تحـكمون ، خـذوا السلبي مـنه والأيجـابي . .

واصـلاً كل شي في الحياه سلبي وإيجــابي

بـرنامج جـريئ مـاقلـنا
بـرنامج يـتحدث عن أمور غـير مألـوفـه ، وتدخل من بـاب العـيب فـ مجتمعـنا بـعد ماقلـنا شي
ولـكن !! . .
فـي حقـائق المفروض انها تنقـال وتنعـرض ، وتدخل من بـاب الثقـافـة اللي ماعـتقد انها بـتوصل لـ درجة قـلة الأدب أو قلـة الحيــاء

أولاً :
فـوزية الدريـع تـقول بأن الفقرة مخصصـه لـمن هم فوق سن الـ 18
يـعني اللي أصغـر المفروض مايـطالـعون !!..

فـلـ نفرض من بـاب الفضـول؟!

يـعني مايشـوفون اللي أفضع من هالأشيـا فـ الأنـترنت؟ فـ الأفــلام ؟ فـ القنوات الاجنبيـه ؟!

وثـاني شي:
تـقولـون أنها تـشجع علـى العـلاقـات المحـرمة ، والـعلاقــات ماقبل الزواج ماعـرف شقـايل؟ واللي هـي يحـرمها الإســلام؟!

فـي ذمتيه يـعني الطرفين مايعرفون هالشي حـرام؟! من قـبل لايدقون لها؟!

يـعني أنـتوا ماسمعـتوا كذا مره تـهزب البنات ، لـو وصلنا لـ حدود الغـلط ، والأشيـا المبالـغ فيـها؟!
واللـه أطيح فـيهن ، وتهـزئـهن ،
وكـذلك الشبـــاب؟!

يـعني مب فـوزية الدريـع علـى آخـر زمانها هي اللي بتشجع الأوادم ع الدمار ، أو ع الخــراب
لأنها مـنوه تـكون يـعني؟

ولكـن !!

تـقدم نصيحة لا أكثر ولا أقـل

وتـحاول تـثقف النـاس عـلى بعض الأشيـا اللي ضـروري يـعرفـونها . .

بـس نحـن الأوادم عندنـا يحبـون الأشيـا اللي من تـحت لـ تحــت !! . . .

وانا شخصيـاً ومن خـلال متابعتي لبـرنامجهـا الواقعيـه ، لـو انها غـلطت ، أو قـالـت شي ، راح ننتقد ونـقول

بس مثل ماذكرت دايمـاً ، الناس تنظر للطرف السلبي وتتناسى الإيــجابي

[الـيـاه]

مهابه
في اشيا ايجابيه وسلبيه ..
بس هني ايجابيه و قلة حيا ..

[العجيبة]

انا وايد منصدمه !!!!
العجيبه : خيبه شو عادي اقول ... عييييييييييب .. انتي شكلج ماعرفتي شي وماعرفتي شو كان موضوع
حلقتها يوم من الايام .. اللي صدق يدل على قلة ادبها وقلة ادب المتصلين ...

هالاشيا لها مكان خاص
وصح انا ماقول ان بعضضضضضها مب علمي ..

لكن عيب يطلع بهالصوره وبهالجرأة .. انا استحي ع ويهي الصراحـــــــه لو قلت شو من سوالف تقولها !

قلة حيااا

ليش مب عادي ؟
تراج تقولين هالمواضيع موجوده في الكتب .. يعني كل اللي كتبـوا في هالمواضيع هم فيهم قلة أدب ؟!
أو مواضيعهم ما تراعي الأدب العـام ؟


أنا مب فاهمة انتي شو اللي تشوفينه قلة أدب .. المواضيع أو أسلوب الدكتورة !

وفي الحالتيــن أنا ما أشوف أي قلة أدب ..

فـ إذا المواضيع فيها قلة أدب .. فـ بروحج قلتي هالمواضيع موجودة في الكتب .. شو المانع انها تكون في التلفزيون مثل كل العلوم المختلفة اللي تنطرح عالملأ في التلفزيون ؟!!! :3:


وإذا أسلوب الدكتورة في الكلام .. فـ أبدا ما أشووف إنه فيه قلة أدب .. بالعكس هي تنتقي ألفـاظ تتناسـب والذوق العام وتراعـي الجميع في كلامهـا ..

--------

أوكـي ما قلنـا شيء المتصلين يالسين يعرضون علاقات ما قبل الزواج .. إنزيــن هاي تجـارب مر فيها الانسان وهم يالسين يقولون شو صار من ورا هالعلاقة ( نتيجة هالعلاقة سببت لهم مشكلة ) وهم متصلين لأنهم يبون حـل للي صاار .. مب متصلين عشان يقولون نحن سوينـا وبس ، أو يشهرون بعمـارهم ..

أعتقــد المشاهـد المفروض يوم يسمع مشكلة من هالنوع طبيعـي عقله يتبــرمج إنه يبتعــد عن علاقات مثل هذي لإنه ممكن يصير له مثل اللي صار للمتصل ! غير إنه بيستفيد من الحل اللي تعطيه الدكتورة ..


---------



تفكيرها علماني
و بعييد كل البعد عن الاخلاق الاسلامية



ليش علمــاني ؟ وهي في المواضيع اللي تطرحها - مب في ردودهـا ع المتصلين - تبـدأ غالباً بأحـاديث أو آيات من القرآن .. وتقول بالحرف الواحد إن الاسلام حرم هالشيء لحكمة ، وعقب تتكلم عن بعض نواحي هالحكمة اللي تتبع تخصصهــااا ..

وليش بعيد عن الاخلاق السامية :k_icon9:!!



اذا عندكم أمثله شفتـوا فيها تشجيعهـا للعلاقات اللي قبل الزواج .. فـ نورونـا ..
يمكـن نحن نسمــع ومب منتبهـين للي تقولونه .. ترا اللي تقولونه كلام بدا يحسسني إني ( ****** ) لاني وحدة أتابع البرنـامــج بـاهتمام :mf_leia:

[الـيـاه]

انكتبت بس بطريقه علميه ..
لكن هاي ماتستحي ع ويها اسلوبها مب حلووو وتقول أي شي ..

انتي تقولين جي لانج ماتعرفين كل شي عنها .. وماعرفتي شو من قضايا رفعوها عنها
وشو من مواضيع كانت تتكلم فيها حلقه كامله .. وماتعرفين ان سوت ضجه ودخلت سالفتها مجلس الامه ؟ تعرفين ها من قبل ؟

[مــهــابه]

تـدرون أنـتوا انـظروا للموضوع بـ ناحيـة عـاميه

يـعني مش مجتـمعنا نحـن بس

لا

مجتمعــاات كـل الـعـالم

وبتـشوفون الموضوع عــادي

[العجيبة]

شو علاقتنـا بالقضايا اللي انرفعـت ضدهـا او سببهـا أو أي كــان ؟!

سبب مثل هذا بيخليني ما أتابع برنـامجـها !! ليش ؟

نحن يالسين نتكلم عن البرنـامـج مب عن المذيعة اللي فيه ..
ودام الموضوع عن البرنـامج ما نقدر نتكلم عن المذيعة الا بأسلوبهـا والمادة اللي تقدمها وبس ! والباقي مب مهم !


عيل الناس يتابعـون أوبرا بعـد .. هاي من عمرهـا 15 سنة مغتصبنها ولد عمها أظني ! والحين يمكن انتي بروحج اتابعينهـا أو ع الاقل تمرين على برنامجها أحيـانـا ..


في شو يهمنـا ماضي الشخص أو حيـاته في اللي يقدمه لنـا ؟!


وممكن توضحيلي كيف أسلوبهـا مب حلووو ؟!!

[الـيـاه]

لانه انرفعت بسبة الموضوع اللي انطرح في حلقة كامله .. كيف شو يخصنا بعد !

[مزايا]

يمكن البعض محتج على برنامجها لانها أول خليجيه تتخصص فهالمجال
ولانها خليجيه ، قالوا عن اللي تقوله قلة أدب




هه لو أجنبيه جان دورواا برنامجها وين ماكان
وقالوا عادي كــول!!

[الـيـاه]

منو قال عشان اول خليجيه .. بس العيب انها رمست بهالطريقه !

[مزايا]

الله يهديكم بس
إخذوا الزين من برنامجها وخلوا الشيــن

[اخت اختي]

مشكورين كلكم عالمرور والمشاركة..
أنا الصراحة لاحظت إن الشباب ولا واحد أيد البرنامج أما الفتيات ف منهم من أيد و منهم من عارض..
لكن الصراحة رايي هو إن إذا كانوا عيالي صغار ما بخليهم لكن إذا عيالي وصلوا سن ال 16.. ليش لا.. و أنا بكون يالسة معاهم.. لأن هذا علم..
إنا في أواخر سن المراهقة.. وأحس إني أشوف هذا البرنامج وأتعلم.. لأن محد ممكن يكلمني ويفهمني عن هالأشياء.. وأمي من النوع إللي تستحي، مستحيل اتفهمني هالأشياء.. فأنا أشوف هالبرنامج وأتعلم.. وأحمد ربي يوم أسمع المشاكل إللي تستوي.. أنا أؤيد هذا البرنامج لما فيه من منافع أكثر من مساوء..
إذا كان البرنامج أجنبي.. وكلمات أجنبية جان كل واحد تابع البرنامج.. وعلى فكرة.. أوبرا وايد ترمس عن مشاكل جنسية أو علاقات محرمة لكن الكل يتابعها.. فإنتوا اتعارضون هذا البرنامج لأن خليجي وعربي.. ومب متعودين على إنكم اتشوفون برامج عربية من هذا النوع..

مشكورين كلكم عالمشاركة

[المقاتل]

وشو الهـــدف إنكم تتثقفون هالثقافه الحين ؟؟

:glare: يعني أزواج المستقبل بثقفونكم هالثقافه شو هالمنكر بعد !!

وهل الشرع أمر بهالشي ؟؟ أفيدوني !!

[مزايا]

يالمقــاتل هات لنا دليل من القرآن ولا من السنه يحرم إنه نثقف

[الثعلب الرمادي]

الصراحة ...

أول مرة أشوف فيها برنامجها كانت خلال آخر إجازة لي يوم كنت في الإمارات ... يعني مادري شو اقولكم البرنامج مسلي الصراحة مب سالفة ثقافة و لا كلام فاضي و الواحد يسمع أشياء الصراحة ما يتخيلها و يقعد يضحك:vampire:

بعدين شو بتستفيد بنت ناس محترمة من سوالف الاغتصاب و هتك العرض و الضرب؟:icon_rr:

الصراحة و لا شي:k_no:

المهم استمتعوا بالمشاهدة و لو كان ينباع دي في دي للحلقات الخطيرة اللي فيها قصص خطيرة كنت اشتريته والله و قعدت اشوفه و اتسلى:icon_rr:

و الله قنوات المانيا ما فيها مثل هالاشيا القذرة و المسلية:vampire:

و مثل هالمشاكل الحرمة تحلها بنفسها و في أماكن لهذي الأشيا مب قنوات التلفزيونء لكن الحريم عندنا خايفين و يتصلون يمكن كلمة او كلمتين من المقدمة تحل المشكلة:vampire:

و مرة وحدة كانت تصيح و تشتكي من زوجها تخيلوا شو نصحتها فوزية؟؟؟؟:icon_rr:

استخدمي شوية كريمات لا والله:vampire:

المهم أوقات ممتعة مع البرنامج و سجلوا لي كم حلقة معاكم حرام:fa46:

[رويان]

:m_ma9dom:

اللي ما يتابع البرنامج وما يعرف شخصيتها و ردودها الحاسمة في موضوع العلاقات الزوجية لا يسطر رد.. اتوقع بيتحاسب عليه..

اللي قالوا انها تشجع العلاقات بين الطرفين قبل الزواج
من وين يبتوا هالكلام.. ؟؟
و هي من اكثر الناس اللي لهم حكم صارم في مثل هالعلاقات.. !!!
لما تتصل وحدة وتقولها انها على علاقة وترد عليها تقولها.. خل يخطبج اذا رفض اتركيه
ما يحبج
الرد هذا دايما نسمعه..
و دايما ترد على البنات يلعبون.. يتسلون.. علاقات وهمية !!
كيف و من وين جبتوا كلام انها تشجع.. !!
.
.
و بعدين من على اي اساس ينقال انها علمانية وما خفي اعظم.. الكلام هذا فيه اجحاف
الحلول اللي تقدمها في صالح أي اثنين مقدمين على حياة زوجية و في صالح المشاهد انه يعرف..
أحيانا امور بسيطة بين اثنين تنهي علاقة كان ممكن جدا انها تكون مثمرة..
بس لانهم مب قادرين يديرونها بشكل صح تنتهي..
.
.
و اللي يقول خل الكتب كافية هذا خيار المشاهد.. و ليش ينحصر فقط في الكتب.. ؟
الكتب و المواد المسموعة أو المقرؤوة ما ترد على اي سؤال ممكن يخطر في بالك
أحيانا سؤال حساس.. تخاف تسأله ممكن يسبب بين الطرفين مشكلة أو حساسية لاعتقاد انه خطأ او ممكن يضر..
بالعكس محتاجين لمواد حية.. المتغيرات كثيرة
و محتاجين اللي يتصدى لها و يثقف الناس فيها..
.
.
و الأمثلة اللي تنضرب اتحدى كل من يسطرها لو يجيب فيديو الحلقة للتأكدون انها قاعدة تعطي حلول لمشاكل واقعية.. حل علمي من باب انها دكتورة متخصصة
حتى الأمور النفسية تتعامل معاها بعقلانية و بطريقة تحل الموضوع قياسا للمنطق..


:3: