دموع الفـــــــــــــــــرح ..

[راع7ي]

<font color='#000080'><font color=&#39;#000080&#39;>السلام عليكم ورحمه الله وبركاته

وحالكم وعلومكم عساكم طيبين ..

عاده أنا يايب لكم قصـــــة وإن شاء الله تعيبكم ونتواصل مع بعض عن طريق
ردودكم .. شرات القصة الأولانيه .. و إن شاء الله ما بنبخل عليكم بأجزاء ..

و الحين راع انزل القصة وإذا عيبتكم بنكملها لكم .. أووجييييييييييج .. بدينا ..





الجزء الأول ..




راح عنه راح يالي يسمعه و يشكيله همومه و يحكي له شو يسوي في المدرسة وكل شي يصير له في حياته والحين ما عارف شو يسوي من بعد هذه العين يالي كان يقتدي فيها في كل شي روحه المسيد قراءة القرآن يقلده في كل شي و أحلامه يالي خططها وياه .. ورا البيت قاعد بروحه ريله في صدرة و الدموع على ويهه كان يصيح بصمت محد داري عنه وحالته ما عالم فيها غير رب العالمين.. أبو سيف توفى من يومين وسيف ما فطن أبوه توفى إلا من بعد ما سمع خاله يتكلم مع أمه و حس بعدم وجود أبوه من بينهم وصياح أمه وفقدان أبوه وكان يشوف حالة أمه يالي كانت منهارة و خواته الصغاريه يلعبون ما عارفين شو السالفة و أخوه الصغير يالي بعده ما كمل شهر .. إلى أخته يالي أكبر عنه بسنتين هي الوحيدة يالي تعرف من بين إخوانها .. سيف عمرة 10 سنين وهو الولد الوحيد في بيتهم وفاطمة أخته أكبر عنه بسنتين يعني عمرها 12 سنه وهي عاقلة وفاهمه جنه عمرها 17 سنه أما ريم و مريم توأم صغاريه عمرهم 5 سنين وسعود آخر العنقود عمرة يمكن ثلاث أسابيع .. أبو سيف ( راشد ) عمرة في الأربعين بس يالي يشوفه يعطيه في الثلاثين .. أما أم سيف ( عايشه ) فكانت صغيرة يوم أخذها أبو سيف كان عمرها 14 سنه و الحين عمرها 30 سنه في عز شبابها كانت تحب أبو سيف ما خذتنه عن حب وكان ولد عمها وعاشت معه حياه كل حرمة تتمنا تعيش هذه العيشة ..
أم سيف وهي أدور ولدها: سيف يا سيف يا ربيه وين سار هذه الولد بعد ..
فاطمة وهي شاله أخوها سعود: أمايه أنا بسير أدور عليه ورا البيت و إنتي قولي للخدامات يدورن عليه في الغرف و قولي لدريول يدور عليه برا البيت يمكن سار بيت عميه ..
أم عايشه يدت فاطمة : وين سار و لدج يا بنيتي دوري ما أعتقد ظهر برا البيت و انت بعدين لا تعبين عمرج بروحج تعبانه ..
أم سيف : لا يا أمايه هذه ولدي من يوم الصبح ما شفته أخاف صار له شي .. أنا بسير عند الخدامات يمكن شافوه .. وسارت أم سيف أدور على ولدها عند المطابخ على جانب البيت أما فاطمة سيده سارت ورا البيت ما تعرف ليش سارت هناك .. وبخطوات خفيفة تمشي وتتلفت يمين ويسار دخلت المطبخ شافت الخدامة تسوي الغدا ..
أم سيف: ميري ما شفتي سيف ..
ميري وهي تنتبه على أم سيف: لا ماماه ما في شوف سيف أسير بيت باباه أهمد دور .. " بيت عمه "
أم سيف: لا إله إلا الله محمد رسول الله وين سار الولد .. لا قعدي إنتي كملي الغدا ونادي نورمينا تساعدج في الغدا مُحي سار بيت باباه أحمد يشوفه هناك .. سارت ميري عسب تنادي نورمينا عسب تساعدها مثل ما قالت أم سيف أما أم سيف فكانت تحاتي وايد ولدها من يومين تلاحظه متغير .. فاطمة كانت تربع ورا البيت ويوم لفت عند الشير الصغير شافت سيف قاعد وأيده على ويهه ومريم تمسح على شعرة أما ريم قاعدة تلعب حذا لهم ..
فاطمة: سواف أمايه أدور عليك من مساعه و انت هنيه قاعد تلعب .. سيف نش ومنزل راسه ما يبي أخته تشوفه بهذه الحالة ..
سيف: أنا بسير الغرفة وربع عنها هي استغربت من تصرفه وشلت خواتها و ودتهم داخل الصالة عند يدتها وقالت لأمها انه سيف في غرفته ..
أم سيف وهي تنادي على ولدها: سيف يا سيف بطل الباب ..
سيف ساكت ولا قال ولا شي منسدح على شبريته ويصيح ..
أم سيف: سيف قوم تعال تغدا .. سيف أنا ما بروح إلا لين تبطل الباب .. سيف حس انه لازم يبطل الباب لأمه عسب بس تطمن عليه كفاية يالي فيها في ثالث يوم من وفاه أبوه يسوي فيها جيه فبطل الباب ..
أم سيف : علامك يا سيف ..
سيف منزل راسه: ما فيني شي يا أميه بس أبي أقعد بروحي ..
أم سيف وهي تيوده على خده وبحنان الأم على عيالها : زين حبيبي ما تبي غدا عشان خاطر أمك تعال تغدا ..
سيف و بجفاء: ما بي غــــــدا أبي أنام وبس .. ودخل داخل غرفته و صكر الباب و رد للصياح مرة ثانية
أم سيف هزت راسها حست إنها بتعاني مع ولدها لأن أكثر شي كان ويا أبوه و تتذكر يوم يلعب معاه كل وقته يقضيه وياه وعرفت إن سيف عرف بـ وفات أبوه و صار لازم توقف وياه لأنه تعود عليه وصعب يتعود على شي ثاني بغمضة عيـــــــن ومرة وحده ..
فاطمة: ها أمايه وينه سيف ما يبي غدا ..
أم سيف وهي تعبانه : لا ما يبي أكلي إنتي و خواتج أنا بسير عند سعود أخوج .. يدتج وينها عيل ..
فاطمة: في الغرفة تصلي .. " وبحزن " ليش أمايا أنا ما بكل إلا إذا إنتي كليتي ..
أم سيف: لا يا فاطمة جيف أكل و أخوج حاله غير اليوم ..
مريم وبلغتها المتكسرة: ماماه غدا متى بتا تلين ؟؟؟ ..
أم سيف وهي تبتسم غصب عنها : الحين حبيبتي قومي فاطمة أكلي خواتج ونادي يدتج بعد ..
فاطمة: لا أمايا نحن ما بناكل إلا إذا إنتي كلتي " ونزلت راسها " كفاية أبويه مب موجود ويانا ..
أم سيف حزت في خاطرها على بناتها كيف كانت أنانية جدام عيالها: لا أفا عليج الحين بنسير نتغدا يا الله شيلي هذه الريم يالي ما تخلص من اللعب .. ريم سمعت اسمها وقعدت تطالع أمها لأنها سمعت أسمها بس أمها ما قالت ولا شي و أذتها إلا تعرف أمها شو تبا و ليش طرت أسمها .. ويمر أسبوع على وفات أبو سيف .. يوم السبت الصبح الساعة 7 ونص كانت فاطمة تتريا خواتها عسب يسرون ويا الدر يول المدرسة وريم ومريم الروضه ..
فاطمة وهي تفكر: أمايه شو رايج ما أسير المدرسة و أقعد أساعدج في البيت ..
أم سيف وهي معصبه : لا تفكرين بهذه الشي يا فاطمة أنا ما بي بنتي تكون جاهلة شو ناقصنج يا فاطمة عسب ما تسيرين المدرسة وبعدين إنتي صغيرة على المسؤولية ..
فاطمة تفاجأت من ردت فعل أمها : لا أمايا بس حبيت أساعد ..
أم سيف بصرامة: أنا قلت لج يا فاطمة لا تفكرين بهذه الشي مرة ثانية ..
فاطمة: إن شاء الله أمايه و أنا آسفة على الكلام يالي قلته ..
أم سيف وهي تبتسم لبنتها : خلاص عيل يا الله قوموا تأخرتو على دواماتكم ..
فاطمة: و سيف ما بسير المدرسة اليوم ..
أم سيف: سيف أخوج سار ويـــــا ولد عمج ..
فاطمة : زين يا الله الوالدة مع السلامة " وتبوس راس أمها وتقلدها مريم وريم " و سارو على دواماتهم .. ويمر الشهور وتظهر أم سيف من دينها وتزيد عليها عباله البيت وعيالها يالي كل يوم يتشكون قبل أبو سيف كان شال عنها حمل كبير وايد كبير وأمها تساعدها إذا بغت شي بس بعد ما تبي تحمل على أمها بعد عندها مسؤوليـــــات إخوانها بعدهم صغاريه ..
أحمد: لا يا عايشه إنتي ما لازم تداومين في الشركة وأنا وين سرت يا أم سيف ..
أم سيف " عايشه " : لا أفا عليك يا أبو خالد أنا ما بي أعذبك بشي ..
أحمد: يا أم سيف إنتي مرت أخويه ومثل أختي قبل كل هذه بنت عمي ما بي أقصر معاج في شي وبعدي مدامني أقدر أعطي في شغل أخويه ليش لاء ..
أم سيف: بس يا بو خالد .. وشغلك ..
أحمد: لا أفا عليج أنا إذا ما درت بالي على عيال ولد أخويه أدير بالي على منوه .. خلاص يا عايشه أنا قررت إني أدير شركه أخويه وبربط شركتي بشركته أدري بيكون شي كبير عليه بس أنا ما بخليكم .. و بعدين عيال عمي ويايه ..
أم سيف: تسلم يا أبو خالد .. على هذه الخدمة ما قصرت ..
أحمد: ما بينا شكر يا بنت العم .. والحين باجر عزيمة أمج مسويتها بتسيرين ولا ما بتسيرين ..
أم سيف: لا بسير و بعدين خل العيال يغيرون جو ما بي أحكرهم ..
أحمد: زين تسوين يا عايشه .. يا الله عيل الحين بخليج وايد تأخرت على المحامي و أنا بيبلج الأوراق أدري ما بتعرفين بس أنا بحاول أفهمج في الشغل شوي شو .. أخليج احينه يا أم سيف .. وسار عنها أحمد يالي كان بيتهم حذا بيتهم الباب بالباب .. أم سيف ارتاحت من بعد الكلام يالي سمعته إذا ما ساعدها أحمد بساعدونها أخوان ريلها ولا أخوانها .. في العزيمة كان سيف ماله نفس اليهال يلعبون إلا هو قاعد على باب البيت ويطالع الدنيا كيف فاضيه من غير أبوه آخر مرة طاحت ريله على هذه المكان كان أبوه وياه و ميود أيده بس احينه منوه يالي بيود أيده ..
أم سيف: سيف حبيبي قو تغدا ..
سيف: مابا غدا ..
أم سيف: سيف بتحرقك الشمس قوم سير اقعد تحت الشيره ..
سيف: أمايه خليني بروحي .. وسار عنها تمت تطالعه و عقب سارت وقعدت داخل .. أما سيف فرد لهمه وحزنه يحس بعمرة مب طايق الدنيا من دون أبوه عايف الدنيا من بعد ما كانت له فيها هدف .. عقب الغدا كان سالم ولد عمته يرمس تلفون وعقب بنت خالته شيخه طلعت تتمشى في البيت ويوم شافها سالم صكر التلفون وسار عسب يرمسها .. وسيف قعد يطالعهم بس هم ما شافوه ..
سالم بابتسامه: السلام عليج يا خطيبتي ..
شيخه وهي تطالعه وبتكبر : وعليكم السلام نعم بغيت شي ..
سالم: زين بلاج أنا خطيبج ليه الحق أرمسج ..
شيخه وبتكبر: نعم يوم بتملج عليه ذيج الساع تعال رمسني ..
سالم: أفففففف يا ربي أنا شو يالي معذبني غير تغليج عليه ..
شيخه: جب ..
سالم: والله حلوه فديتج والله ..
شيخه وهي عايبنها سالم بس تتغلى مثل ما قال: و ليش واقف هنيه ليش ما تدخل عند الرياييل ..؟؟
سالم و بثقة و بهدوء : فديتج تغارين عليه " ويغمز حقها "
شيخه انقهرت: شووووه ما عندي سالفة شووه عن أذنك .. وسارت عنه بتكبرها .. هذه الكلام كله شهد عليه سيف صح أنه ما فهم منه وايد بس حس سالم يبا شي من شيخه و عقب سار عنهم .. و حاله سيف في الدراسة وايد متراجع بس ينجح أما فاطمة فكانت شاده حيلها وكانت تساعد أمها في كل شي في تربيه أخوانها في المذاكرة حقهم بس سيف ما يرضى أحد يذاكر حقه إنسان فاسد همه بس اللعب و ما في حد يدخل في شو يسوي و شو ما يسوي و أمه طقت جبدها منه وسارت أم سيف " عايشه " خبرت عمه أحمد ..
أحمد: سيف لي متى انت بتقعد جيه ليش مأذي أمك هاه ..
سيف: مب مأذنها ليش شكتلك؟؟ ..
أحمد: يا ليت والله تشكي ليه أمك أصلن تحبك و انت تجازيها جيه .. وبعدين الأستاذ يقول عنك انك مب مهتم في الدراسة ليش ما حيدك يا سيف أحيدك شاطر وتحب الدراسة..
سيف بخصوص المدرسة ما عرف شو يقول : عمي أنا ما سويت شي أنا كله في غرفتي و إذا غلطت أكيد بعترف بغلطي عن أذنك .. وسار عن عمه وخلاه قاعد بروحه يتساءل ليش صار ولد أخوه الحبوب جيه جاسي مره وحده .. و تمر السنين وصار سيف ريال و عمرة 18 سنه بس ما يعتمد عليه كله برا البيت ويرد البيت متأخر و ربعه من رفقاء السوء و أمه دوم تشتكي بس عمومته و خواله تعبو من كثر ما ينصحون فيه ..
نزلت من السيارة وتمشي بخفيف و كانت خايفة لا حد يشوفها وهي نازله من السيارة " طالعه مع واحد من هذولا الشباب " ..
...... يطالعه ساعته : اليوم يايه من وقت الغالية ..
خافت ما عرفت شو تسوي من وين ياي هذه الصوت ..
..... يضحك : أدورين عليه أنا هنيه فوق اليدار " جدار البيت "
خوله جان تطالع فوق وشافته قاعد رافع ريل ومنزل الثانية تفاجأت بوجوده فوق ليش هنيه .. أما سيف فكان يطالعها باحتقار شديد من فوق لتحت ..
سيف: لين احينه واقفة سيري بيتكم الله يستر عليج سيري ..
خوله: سواف انت هنيه ..
سيف وهو يأشر: لا هنـــــــــاك ..
خوله وهي تبتسم: والله حلوه .. " تبا تغطي على عمرها "
سيف: مع منوه يايه إنتي ..
خوله : هاه يايه ويا بنت خالتي توني يايه من العرس ..
سيف: يايه من العرس بروحج .. وين أمج و أبوج وينهم عنج يا الضايعه ..
خوله الجلمه دخلت لها في الصميم : احترم نفسك يا أخي .. ما شايف نفسك شوه ..
سيف وهو يحرك ريله وباستهزاء: أنا عـــــــــــــادي أنا ريال ما يعبني شي لكن البنت يعيبها وايد يا بنت أمج سمعتج هي يالي عندج سيري دخلي بيتكم لا تفتقدج أمج والريال إلي يايبنج أنا بتصرف معاه ..
خوله و بوقاحة: انت ما لك شغل بريال ..
سيف رافع حواجبه وبوقاحة : لاه زين والله زين تعرفين عاده إنتي ما ينفع معاج إلا أخوج ..
خوله وبخوف : سيف مالك شغل انت .. دخيلك لا تسوي شي ..
سيف وهو يبتسم بخبث : زين أنا ما بقول شي بس دخلي داخل عن حد يشوفج تراني أنا في مكاني ما أنشاف عادي أرد على روا وأدخل البيت ومحد يشوفنيه .. وسارت خوله بيتهم وهي خايفة منه كل مرة يشوفها بس يسوي لها حركه عسب بس تنتبه بأنه موجود .. خوله بنت يران قوم سيف وهو يحب يقعد فوق أيدار بيتهم لأنه موقعه استراتيجي يشوف كل شي في الفريج بس محد يشوفه لأنه شجره الليمون مغطيته ..
سيف وهو توه داخل البيت ..
أم سيف: وين كنت يا سيف ؟؟
سيف و بوقاحة و محطي أيده في جيبه : كنت عند الربع في شي ..
أم سيف: لين متى يا سيف دير بالك على دراستك انت هذه السنة آخر سنه حرام عليك يا سيف تعبتي وياك ..
سيف يطالعها بملل: بس خلصتي رمستج أنا تعبان و مالية خلق لج عن أذنج .. وسار عنه وخلا أمه واقفة بألمها ليش ولدها يسوي فيها جذه عيزت معاه لين متى ..
أم سيف: يا بو خالد أنا أبي أسوي صيانة للبيت البيت جديم و أنا مب عايبني ..
أحمد: إن شاء الله ما يصير خاطرج إلا طيب .. و الحين بتقرين هذه الأوراق و عطيني رايج فيها لأن عندنا مشروع لازم نبدأ فيه نص هذه الشهر ..
أم سيف: إن شاء الله بس لا يكون عن المشروع يالي قلته عنه البارح ..
أحمد: هيه نعم .. إلا شخبار سيف شو مسوي في الدراسة ..
أم سيف: يا أحمد الولد ما عاد يسمع ليه كله لابسني ويوم أبي أكلمه يقول تعبان ويتحجج ليه بحجج .. أبيك تروح المدرسة و تسأل عنه أنا شاكه الولد ما يسير المدرسة ..
أحمد: والله شقولج الولد ما ينفعه الكلام .. و بعدين هو ريال و يعرف الصح من الغلط
سيف وهو داخل البيت لاف الغترة على رقبته و رافع كندورته وبدون نفس: السلام عليكم ورحمه الله ..
أم سيف وأحمد : وعليكم السلام ..
سيف: أمايه لا تقعديني ما بي غدا ..
أحمد : سيف تعال سلم عليه مب أنا عمك ..
سيف ببرود: ليش شاك انك عمي يعني ..
أحمد عصب بس ما يبي يسوي له شي : لا أفا عليك بس الرياييل تسلم ..
سيف : البيت بيتك عمي خذ راحتك عن إذنكم .. وسار عنهم ..
أم سيف و ويهها داير وراها مستحية مسود ويهها من هذه الولد : أنا آسفة يا بو خالد والله ما عرف شو أسوي بهذه الولد انت شفت بعينك ..
أحمد: لا ما عليج محد ما يعرف أطباع سيف في العيله .. والحين بسير ..
أم سيف: وين ساير أقعد بتتغدا ويانا ..
أحمد: لا مشكورة ما تقصري خيرج عامر يا أم سيف و من الأسبوع الياي بنبدا في بالصيانة ..
أم سيف: تسلم .. خلاص أنا بكلم الوالدة عسب تزهب لنا البيت صحيح صغير بس يا الله ..
أحمد وهو يمشي ويا أم سيف لباب البيت : أفا عليج بيتنا عود وما فيه حد غير البنات وبعدين ليش تسيرين بعيد بتنا في مقابيل بيتكم يعني ماله لزمه تسيرين لمج وتشلين الأغراض وايد عليج يا أم سيف بيتنا مفتوح لج يا أم سيف ..
أم سيف: أخاف إنضايجك يا ولد عمي
أحمد: بتضايجونا كله كم من يوم و بتردون يا الله ما بي أسمع أعذار وبعدين منيرة اختج ما بتعارض ..
أم سيف : إلي تشوفه يا بو خالد ..
أحمد: يا الله احينه أنا بسير تبون شي ..
أم سيف: لا مشكور ما تقصر ..
أحمد: عيل فمان الله .. وروح عنها ركبت سيارته وظهر بها .. أما فوق أول ما ركب سيف شاف أخته فاطمة قاعدة تجلب المجلة وتلعب بشعرها ..
سيف بدون نفس: السلام عليكم إنتي هنيه ..
فاطمة : وعليكم السلام لا هناك خخخخخخخخخخخخ
سيف يضحك بدون نفس : بــــــــايخه .. و ليش ما سرتي الجامعة اليوم ..
فاطمة : يا حبيبي الجامعة مب مثل المدرسة يتمون لين الساعة 2 .. على حسب الدوامات ..
سيف وهو يمشي لغرفته : بس إنزين بس .. ودخل غرفته .. فاطمة قعدت تطالع غرفته بأسى متحسفه إنه أبوها كان يحب هذه الولد يوم كانو صغياريه و مفضلنه عليهم على شوه .. العصر سيف منسدح على شبريته اليوم الأربعاء يعني سهرة صباحيه وهو ما يبي يسير بس شو يسوي ما يبا الشباب يقولوا عنه مب ريال وهو قد هذه الكلمة .. وشوي يرن تلفونه ..
سيف أول ما شاف الرقم انسدت نفسه : ألووه هلا ..
محمد: ها سواف شحالك يا ريال ..
سيف: الحمد الله الزبده من هذه الرمسه إلي ما من وراها فايده ..
محمد وهو متعود على أسلوب سيف الوسخ : لا ولا شي بس يعني حبيت اطمن انك بتي اليوم ..
سيف: هيه بي في شي ثاني ما عندك شي ثاني OK باي .. و صكر عنه ربعه متعودين على أسلوبه في التلفون بس مع هذه التصرفات وايد يحبونه خصوصا محمد هذه رفيق دربه من يوم ما كانو صغاريه في نفس الصف لي ثالثة ثانوي ..

نهاية الجزء الأول ,,



إذا عيبتكم بنكمل لكم خلاف .. و إن شاء الله تعيبكم ..

و السمووووحه أخوووكم راعي ال7 ..

ســــوااااالــــــــــــم ..</font></font>

[مزن هتان]

<font color='#F52887'>

هلا أخوي راعـ7ـي

اتمنى اتكون حلوة مثل مصيرج ومصيري<IMG src="http://oasis.bindubai.com/emoticons/smile.gif" border=0>

بعدني ما قريتها

أختك: هــــتـــ مزن ـــان</P></font>

[راع7ي]

هلا والله بأختين مزن هتان ..

إن شاء الله تكون حلووووه .. وتعيبج ..

و إن قريتيها عطيني رايــــــــج فيها ..

و أتريا ردج إختيه ...
ومشكووووورة على الطـــــــــوووووفه الحوووووه ..
أخووووج راعــ7ــــي ..

سواااااالـــــــــم ..

[مزن هتان]

<font color='#F52887'>بداية موفقة

الله يهدي سيف

لا تتأخر علينا

أختك: مزن هتان</font>

[علايه]

<font color='#000000'>مرحبا أخوي راعــ7ي

&nbsp; &nbsp; &nbsp; &nbsp; &nbsp; &nbsp; البدايه حلوه يالغالي ونتريا التكمله
&nbsp; &nbsp; &nbsp; &nbsp; &nbsp; &nbsp;

وتسلم على القصه اليديده <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[راع7ي]

هلا والله بأختيه مزن هتــــــــــــــان مشكووورة على المروور ..

الحمد الله إن البدايه عيبتج ..

و إن شاء الله بنزل لكم الجزء عقب مب متأخر عليكم وايــــــد ..

والسموووووووحــــــــــة ..
[b]

مرحبتيـــــــن وغلا أختيه علايه ..

مشكووورة على تعقبيبج و مرووورج الطيب ..

و العفوووو و إن شاء الله مب متأخر عليــــــــكم ..




و سواااااااااااااااااااااال ـــــــــــــم ..

[راع7ي]

<font color='#000080'>الجزء الثــــــاني
نش سيف من فراشة وسار غسل فيسه وعقب ظهر من غرفته سار في الصالة ما شاف حد ويوم ظهر

في الحوي جان يشوف ريم ومريم يلعبون و وياهم سعود الخدامة قاعدة تأكله كورن فلكس &nbsp;..

سيف: ريموه أمايه وين ؟؟

ريم وهي خايف : أميه سارت ويا فاطمة أختي بيت يدوه ..

سيف يدري بخواته يخافون منه يبي يضحك عليهم &nbsp;: هيه و إنتي شو قاد تسوين ..

ريم: ما شي قاعدين نلعب ..

سيف: إنتي كبيرة شو بعد يلعبج ..

ريم: ما أنا مريم بعد تلعب ..

سيف يطالع مريم : مريموه عادي خلها تلعب لكن إنتي أكبر ..

ريم تمت ساكتة تخاف تقول شي و يفاتن عليها كذا مرة فاتن عليها
..
سيف: ليش ما ترمسين ..

سعود: سيف حرام خلها حرام ..

سيف يطالع أخوه و يبتسم : تعال انت حبيبي تعال "و يقعد حذاله" شو سويت في المدرسة اليوم ؟؟

سعود: هاه.. هذه الأجنبية وايد تهزبني ..

سيف: أي أجنبية يالي في المدرسة ليش فتنت عليك أكيد ما حال الواجب ..

سعود: حليت الواجب فاطمة حلته ليه بس هيه ما عرف جيف ..

سيف: زين عيل الحين كمل أكل ودير بالك على خواتك زين &nbsp;إذا تبون شي أنا في الصالة .. ويمسح على

راس ريم يالي كانت منزله راسها .. يوم سار سيف ريم قعدت تسوي حركات بحلجها ..

مريم: يوم بيج ذيج الساعة حطي للسانج في حلجج ..

ريم : جب إنتي أنا ما كلمتج .. &nbsp;

مريم وهي تضرب ريم : لا تقولين جب لا تقولين جب ..

ريم: أي &nbsp;ليش تضربين والله لا ضربج وتنش وتشد شعرها ..

سيف وهو يزعج من بعيد : بس إنتي ويـــــــــــــاها .. صخن ولا قالن شي قعدن يكملن لعبهن عسب لا

اييهن ويضربهن .. &nbsp;سعود حط أيده في حلجه وقعد يضحك بصوت خفيف حتى الخدامة ضحكت عليه ..

وعقب المغرب يات أم سيف من عند أمها وسيف قاعد في الصالة منسدح على الغنفه رافع ريل و الثانية

منزلنها تحت بكسل ويجلب القنوات مل من كثر ما يجلب القنوات وأمه لين ذيج الساعة ما يت وشوي

جان تدخل أم سيف و وياها مريم وريم وفاطمة وسعود شالين أجياس .. &nbsp;

سيف وهو يعدل يلسته : حمد الله على السلامة يا أم سيف توها الناس ..

أم سيف : السلام عليكم ..

سيف: وعليكم السلام و ليش ما خبرتوني إنكم بتسيرون بيت يدوه .. و لا خلاص

فاطمة: كنت نايم فما حبينا نأذيك ..

سيف: أنا ريال البيت احينه ولازم تستأذنون على الداخل وطالع تسمعون ..

أم سيف بحرقه في قلبها : يا ريت ريال البيت يعتمد عليه ..

سيف وببرود : المهم يعتمد عليه ما يعتمد عليه المهم إني ريال البيت تسمعون .. أنا طالع .. وسار عنهن.

ظهر سيف من البيت مر عليه محمد وسارو المزرعة يالي يلتقي فيها ويا ربعه و يقضي وقته معاهم أكثر
من عايلته ..

فيصل: سواف هلا والله أدق حقك يا أخي بس ما تشيله ..

سيف: عن هذه الجذب تراك وايد جذاب يا فيصل ..

فيصل: والله داق حقك ..

سيف وهو يعطي التلفون حق محمد: هاك حمود يود شوف المكالمات لم يرد عليها إذا شفت أسمه قولي..

محمد وهو يشوف : ما فيه فصول تراك جذاب ..

فيصل: يمكن كنت راقد هههههههههههه

سيف وهو ماله نفس: حلوه وايد بس لا تعيدها مره ثانيه ..

فيصل يبا يحره : وتم ما بعيدها ..

منصور: الحين أنتو يا يين تضاربون &nbsp;خلونا نشوف شغلنا يا أخي ..

سيف: ما عليه حقك عليه يا منصور فديت خشمك أنا ..

منصور وهو يمسح &nbsp;على خشمه: تسلملي حبيبي &nbsp;.. محمد نش ظهر برا ما يحب يقعد وياهم بس شو

يسوي هذولا ربعه وقعد يرمس في التلفون .. &nbsp;

فيصل: هذه حمود قبضه التلفون لين تالي الليل وهو يرمس ويا حبيبه القلب ..

سيف وهو مستغرب : ويا حبيبه القلب ومنوه هذه بعد ما حيده يثبت على وحده هو صحيح يغازل بس

عمرة ما حب وحده من خاطرة هذه وين والحب وين ...

فيصل: مادري أساله يا سيف مب هو ربيعك من يوم ما كنتو صغاريه ؟؟.. سيف لبس الموضوع ما همه

أخرته بي وبقوله عن هذه السالفة .. في البيت و على العشا سيف مثل كل عاده ما يتعشا إلى برا البيت

وأم سيف كل مرة تترياه .. فاطمة: أمايه ما بتين تتعشين سعود يبي يرقد ..

أم سيف حزت في خاطرها ولدها : خلاص قوموا نتعشا .. وشوي وداخل عليهم خالد و حمده أخته يايين

يتعشون عند مرت عمهم مثل كل مرة أيون يتغدون ولا يتعشون ..

أم سيف وهو ترحب فيها: هلا والله هلا شحالكم ..

خالد: الحمد الله بخير وعافيه شحالج خالوه ..

أم سيف: الحمد الله هاه حمده علومج حبيبتي ..

حمده: الحمد الله يا الله خالوه تراني يوعانه &nbsp;أقول حق خلود بسرعة نروح بيت عمي قبل لا يخلصون

عشاهم و نحن ما نلحق على شي ..

أم سيف وهي تضحك :لا أفا عليج يا بنيتي &nbsp;نحن ما ناكل إلا معاكم ..

خالد: تعالي إنتي منوه خلود هاه أنا أخوج الكبير عمري احينه 23 سنه تقولين عني خلود ..

فاطمة يوم سمعت صوت حمده يات تربع : ها يا عيال عميه بعدكم بتضاربون يا الله نحن يو عانين ونبا

ناكل شوفو سعود فديته جيف ينود .. &nbsp;

خالد: أفا عليج بس هذه بنت عمج ما تشو فينها ..

أم سيف: قومو كملو رمستكم داخل يا الله &nbsp;.. دخلو كلهم داخل غرفة الطعام إلا أم سيف تمت واقفة تطالع

في خالد يالي كانت تتمنى ولدها يطلع مثله بار بأبوة وأمه ويتحمل المسؤولية .. الساعة أربع الصبح &nbsp;

شرف سيف من برا البيت اليوم وايد تأخر أكثر عن العادة و أمه كل شوي تطالع غرفته جان وصل ولا

ما وصل و تحاتيه وايد ..

أم سيف وبصوت خفيف : وين كنت يا سيف ..

سيف وهو مت فاجأ و كان سكران و موصل حده &nbsp;: هاااااااااااااه بعد وين كنت عند ربعي ..

أم سيف وهي مصدمه : سيف هذه حزه الحين تي فيها .. قوم دش داخل الغرفة .. دخلت أم سيف وسيف

الغرفة ..
أم سيف: شو بقولو عنا الناس يا سيف .. تشرب بعد تشرب حسبي يا الله ونعمي الوكيل فيك يا سيف

" وتصيح " أنا شو سويت فيك عسب تجازيني جيه ليش يا سيف ..

سيف و هو &nbsp;يتمايل : بس أميه بس أنا الحين بنام باجر تعالي كلمي زين ..

أم سيف وهي تضربه على صدرة : الله ياخذك يا ليتني ما يبتك لو كنت أعرف أن حالك بصير جيه جان

ما يبتك .. أبوك ما كان جيه أبوك ريال والكل يتمدح فيه لين احينه وهو في ترابه الناس تذكر خيرة ..

سيف: أمايه عاد خليني برقد خلاف تعالي كلميني &nbsp;..

أم سيف وهي تسحبه لحمام : تعال يا الخايس والله لا خبر عليك عمك .. وتنزل راسه في الحنفية .. &nbsp; &nbsp;

سيف وهو حاس ببرود : أميه أنا ريال و مابي عمي يدخل في شو أسوي &nbsp;وما أسوي ..

أم سيف: الريال ما يشرب هذه يالي انت تشربه عنلاتك " وسحبته لشبريته وظهرت حقه ملابس "
أندوك ألبس وقط عنك هذه الملابس يالي لابسنها .. &nbsp;وظهرت عنه و خلته قاعد طبعا هو ما قدر يلبس ملابسه و على طول رقد من التعب .. أم سيف دخلت غرفتها قعدت تصيح هي بعدها صغيره على هذه الشي عمرها الحين 38 سنه وإلي يشوفها يعطيها 29 وما يقول أكبر عيالها &nbsp;بنت و عمرها 20 سنه .. أم سيف ما رقدت حتى الصبح ما رقدت نشت وقعدت تسوي حق عيالها ريوق و كان سعود قاعد حذالها يلعب وهي مستانسه عليه ما تباه يظهر على أخوه فاسد و ما يهمه إلى تسليته .. و تمر الأيام و يسون الصيانة في بيت أبو سيف الله يرحمه وسارت أم سيف سكنت عند أمها ما حبت تعبل على ولد عمها كفاية شايل عنها حمل كبير حمل الشركة ... وفي نص السنة وسيف كان راسب في ماده و أم سيف ضايع عندها الأمل في نجاحه في الثانوية العامة .. أما مريم وريم فكانن شاطرات وحده طالعة التاسعة &nbsp;" هذه ريم " أما مريم فكانت طالعه الخامسة &nbsp;وسعود طالع الثاني ..

سيف وهو يطالع شهادات خواته : ريموه ليش إنتي كسولة ليش مريموه أشطر عنج أنا بيب حق مريم هديه &nbsp;..
ريم: ليش أنا طالع التاسعة أحسن من لاشيء ..

سيف وهو يعصب عليها يبا يخرعها : و منوه قال أحسن و الواحد يطلع للأعلى"اسموعو منوه يرمس"
ريم وبخوف: عيل انت جم طالع ..

سيف: نحن ما عندنا جم طالع نحن عدنا نسبه وبعيد هذه مب محسوب ..

مريم: جيف يعني ..

سيف: يعني نجحت ولا رسبت عادي كله واحد ..

مريم : وبعدين عادي تنجح ..

سيف: لا حبيبتي آخر السنة محسوب هذه يخلين أخلص من المدرسة ..

ريم: زين جم نسبتك .؟؟؟

سيف وهو ما عارف جيف يجاوب: جيف أنا.. مب الحين يحطون النسبة آخر السنة يحطونها ..

سعود: سيف أنا طالع الثاني ..

سيف: الله وين شهادتك بشوفها ..

سعود ربع أيب شهادته ويا: أندوك شوف ..

سيف: الله سعودي شاطر بعطيك بوسه " ويبوس أخوه " وباجر بوديك عسب تشتري حقك هديه زين ..

سعود وهو مستانس: الله سواف بشتري ليه هديه ..

ريم: و أنا ما بتشتري ليه هديه ..

سيف: إنتي بذات .. لحظه بناخذ شور سعود و مريم .. يا الله حبايبي اجتماع " وهو يصفق "

سعود وبصوت خفيف و محطي أيده على جتف مريم: حرام خلها تي ويانا شوفها مسكينة ..

سيف يطالع أخته : إنتي مريوم شو تقولين ..

مريم: حرام خلها تي ويانا ..

سيف وهو يرفع راسه : زين جاء القرار التالي .. ريموه بنت راشد بتسير ويانا بس ما بنشتري لها هديه
عسب هي طالع التاسعة ..

ريم: براي المهم إني أسير وياكم " مسكينة ريم " &nbsp;

سيف: يا الله أنا الحين بسير عنكم و الأسبوع الياي قومو من وقت يالي بيتأخر ما بيسير ويانا .. وسار عنهم والكل مستانس أجازه وسيف بي مشيهم .. سار سيف &nbsp;المزرعة عند ربعه وفي نيته إنه ما يرد ويشرب تقطع قلبه يوم يشوف أمه بليل تترياه وهو يترنح لا يستحي ولا يخيل .. &nbsp;
سيف: حمود ما تبي تلعب ..

محمد: ما بي ألعب ..

سيف: زين لك والله إلي يلعب ويا منصور يرتفع عليه الضغط ..

محمد: أنا أقول جيه بعد ..

سيف: هاه حمود منوه تكلم عيل تراني أغار عليك ..

محمد يطالع سيف بنص عين : أونك تغار سير اقعد هناك بكلم الأهل ..

سيف: الأهل ولا ..

محمد: سير عني لاه وطلع برا عسب يرمس بتلفون .. سيف حس إن محمد يخبي &nbsp;عليه شي وهو كاتم أسراره ..
سيف وهو يدق لأمه : ألووه ..

....: ألووه ..

سيف استغرب من الصوت : منوه ويايه ..

....: انت منوه انت يالي داق ..

سيف وهو يفتن عليها : زين زين بلاج والله سوري غلطانين .. صكر عنها استغرب ليش كل ما دق حق أمه تطلع له هذه البنت ..

منال: عنلاته و الله لا خبر خليفة خله يتصرف وياه ..

فطيم: خله يولي عنج &nbsp;هذولا الشباب دوم جيه ..

منال: لا وبعد يفتن انت يالي داق مب أنا ..

فطيم وهي تضحك: حركات والله ..

منال: والله الحين بسير لخليفة بقوله يا أخي أذاني .. نشت منال وسارت صوب غرفت أخوها خليفة يالي كانت تحت الوحيد يالي يسكن في الطابق الأرضي وله جناح كامل كبير أكبر جناح في البيت وشكله وايد حلو مرتبنه وهو يعرف بهذه السوالف في الديكورات .. منال وهي أدق باب الجناح بس محد رد عليها وترد مره ثاني أدقه &nbsp;..

خليفة وهو يبطل الباب وفي أيده فوطه : هلا منال بلاج يا أختي.. يمسح على راسه بالفوطة ينشف شعرة

منال: انت كنت تسبح والله سوري يا أخوي ..

خليفة: ليش واقفة برا تعالي داخل .. &nbsp;

منال: تسلم خليفة .. وتدخل داخل ..

خليفة : هلا اليوم عدنا عيل .

منال: كل يوم عندك بس انت الله يهداك ما تنشاف ..

خليفة : الله بعد الظروف المهم بغيتي شي ..

منال: هيه في واحد يدق حقي مأذني من يوم ظهرت ليه التلفون ..

خليفة والدم عنده يفور: و منوه هذه بعد ..

منال: و الله مادري بس كله يدق حقي ..

خليفة: خلاص إنتي خلي التلفون عندي و أنا بتصرف أي رقم احينه يالي يدق لج .. راوته منال الرقم يالي يدق لها وقال لها خليفة إنه بيتصرف معاه بعدين وقعدت تسولف ويا خليفة أخوها لين الساعة 11 ونص وسارت عقب غرفتها ..

خليفة: ألووه السلام عليكم

سيف مستغرب من الصوت: و عليكم السلام و الرحمة .. &nbsp;

خليفة: من ويايه ..

سيف: ليش انت يالي متصل ..

خليفة: زين أنا ريال يعني عادي قول اسمك ..

سيف: خلاص دامك مصر أنا سيف بن راشد ..

خليفة: و النعم عاشت الاسامي .. &nbsp;

سيف: ينعم بحالك .. من ويايه يعني إذا حاب تقول ..

خليفة: خليفة بن سلطان ..

سيف: و النعم هلا بخليفة بغيت شي الشيخ ..

خليفة: هيه نعم لو سمحت يا سيف لا أدق على هذه الرقم ..

سيف بوقاحة : ليش إن شاء الله ..

خليفة وهو مستغرب : شو ليش هذه سؤال .. أفهمها يا أخي ..

سيف: زين لمنوه هذه الرقم ؟؟ ..

خليفة محرج: اسمع يا سيف أنا قلت لك لا أدق على هذه الرقم باي .. و صكر عنه بس سيف ما سوى سالفة كل شوي و داق على هذه الرقم مستغرب ليش رقم أمه تغير .. ويوم سأل أمه عطته نفس الرقم بس في رقم هو كاتبنه غلط فعدل الرقم وقعد يضحك على نفسه ..

سيف ببرود : زين بلاك معصب يا أخي أنا غلطت زين مغلط في رقم الوالدة والحين صلحناها الغلطة ونحن عاده نبا نعتذر إذا تتقبل اعتذارنا ..

خليفة وهو مب مصدق : مقبول منك الاعتذار و الحين ممكن لا تتصل على هذه الرقم ..

سيف وبمصداقية : والله مب داق على هذه الرقم .. بس ممكن أطلب منك طلب ..

خليفة نشف ريجه : زين اطلب بسرعة عنديه شغل ..

سيف بهداوه وبرود: الله لا شغلك .. ممكن تعطيني رقم تلفونك ..

خليفة مستغرب: ليش عاده تبا الرقم ..

سيف: لا تخاف ما بسوي فيه شي بس بتصل بك وبرمسك ..

خليفة : متأكد ..

سيف: ليش شاك يعني .. أوعدك وعد رياييل ..

خليفة مب مقتنع: زين أخذ الرقم بس أتمنى إني ما أشوف منك المشاكل ..

سيف: أفا عليك ما بتشوف مني إلا كل خير .. وتم نقول وتم ..

خليفة: خلاص خذ الرقم .. و عطاه الرقم و سيف حيل مستانس أول مرة يخطي خطوه مثل هذه و حس هذه أول مغامرة له ..

سيف من أخذ رقم خليفة كل شوي يدق حقه و يرمس وياه و يوم يرمس وياه يحس بشعور ثاني .. أما خليفة يحس أنه سيف شي وراه يحس إنه ناوي على شي بس هو ما يعرف ..
&nbsp;
سيف: أدري الحين تقول هذه &nbsp;ما وراه إلا المشاكل صح ..

خليفة وهو مستغرب: ليش يعني ..

سيف: لا بس انت ما تعرفني زين وجيه و ترمسني ما قلت في خاطرك جيه ..

خليفة: بلا قلتها ..

سيف: أنا يا خليفة بس أبي أتعرف عليك و من صوتك ريال تعرف الصح ..

خليفة: الحمد الله ..

سيف: خليفة ما يصير نرمس بالتلفون طول حياتنا ..

خليفة: المطلوب &nbsp;من هذه الرمسه ..

سيف: يعني أبي أشوفك ..

خليفة وهو يضحك: حليلي جني أنا البنت و انت الريال ..

سيف وهو يضحك: لا قلت بدال ما نرمس في التلفون كل شوي داق حقك أكيد مأذنك فقلت خلني أشوفك و أرمسك فيس تو فيس مثل ما يقولون شو رايك ..

خليفة: الصراحة أنا ما عندي مانع وين أشوفك ..

سيف: بليل الساعة 10 أوكيه ..

خليفة: ليش مب العصر ولا الصبح ..

سيف: لا العصر بودي أخواني يتمشون ويلعبون و بشتري حقهم هدايا ..

خليفة &nbsp;مستغرب: لاه زين عيل عادي خلني أشوفك العصر و منها بتعرف على إخوانك هم صغاريه صح

سيف: هيه يمكن الوالدة تسير ويايه ما أقدر .. زين ما تحب بليل خلها الصبح ..

خليفة: خلاص الصبح أحلا ..

سيف: شكلك مب واثق مني يا خليفة ..

خليفة: لا مو شرط ثقة مب ثقة بس أنا إنسان ما أحب أتأخر بليل ..

سيف: خلاص إلي يعجبك قولي متى تبيني أشوفك ..

خليفة: باجر الساعة 10 ونص أوكيه جيه ..

سيف وهو مستانس: خلاص أنا موافق .. عيل نلتقي باجر أخليك عيل احينه .. و يصكر عن خليفة يالي كان مستغرب من تصرفه سيف وحماسه للموضوع .. أما سيف كان شي حلو بنسبالة و حتى رد البيت بسرعة عسب لا يتأخر باجر عن &nbsp;الريال..

سيف داخل ويغني " تدل حبيبي و تامر أمر أروح الصحاري وروح القمر .. "

أم سيف وهي مستغربه من ولدها هذه صوته ويغني بعد وتطالع ساعتها : عيل اليوم بسرعة ياي ..
سيف أول ما شاف أمه سكت و انسدت نفسه : يعني أروح أطلع ماي يعني ..

أم سيف وبسعادة : لا بس مو من عوايدك ..

سيف: لا تخافين بس اليوم .. وسار عنها تمت أم سيف تبتسم و تدعي ربها أنه يتم جيه دوم ..

سيف وهو راد لأمه : أقول أمايا باجر كشخي ريموه مريوم وسعودي عسب بوديهم كشته باجر ..

أم سيف: إن شاء الله بغيت شي ثاني ..

سيف: قعديني &nbsp;9 ونص ..

أم سيف وبحماس: ليش ..

سيف: ولا شي بس إنتي قعديني .. و سار غرفته و أم سيف مستانسه إنه ولدها تغير مرة وحد .. &nbsp;
نهاية الجزء الثاني



و السمووووووحــــــــه ..

ســـــــــوالم ..</font>

[مي دبي]

<font color='#000000'>مرحباااااا

شحالك اخوي راعي 7 .. يا اخي انته من وين تيييب هالقصص عجيييبة ...
القصة عجيييبة وماعليها كلام .....

نتريا الجزء الثالث .. لا تبطي عليناااااا ...

<IMG src="http://oasis.bindubai.com/emoticons/cool.gif" border=0><IMG src="http://oasis.bindubai.com/emoticons/cool.gif" border=0>

مي دبي</font>

[راع7ي]

هلا والله بأختيه مي دبي علوووومج أختيه عساج طيبه

أخوج راعي7 الحمد الله بخير وعافيه .. &nbsp;دام شاف ردج و مشكورة عليه ..
من وين أيب قصصي أألفهـــــــا بعد من وين أييبها من مخزوني الفكري من عقلي ..

و إن شاء الله مب متأخر عليـــــــكم .. و أهم شي إن القصه عيبتج ..

و ســــــوالـــــــــــــم ..

[مزن هتان]

هلاااااااااااااا

مشكور عالجزء

ننتظر الجزء اللي عقبه

[علايه]

<font color='#000000'>مرحبا أخوي ...
&nbsp; &nbsp; &nbsp; &nbsp;الصراحه تحمست للقصة أريد
&nbsp; &nbsp; &nbsp; &nbsp;اعرف شو سالفت سيف ...&#33;&#33;؟

لا تتحير علينا راعـ7ي <img src="http://oasis.bindubai.com/emoticons/smile.gif" border="0" valign="absmiddle" alt=':)'>

الله يحفظك ..</font>

[راع7ي]

أهلين أختيه مزن

مشكووورة على المرووووور ..


مرحبتين أختيه علايه مشكووورة على المرووور ..

إن شاء الله جريــــــب بتعرفيـــــــن سالف سيــــــف ..

ومب متأخر عليــــــكم ..

[مي دبي]

نترياااااك أخوي راع7ي ولا تبطي علينااااا ...




مي دبي

[راع7ي]

<font color='#000080'>هلا فيـــــــج إختيه مي دبي وهذه هو الجــــــزء ..





الجــــــــــزء الثـــــــــــالث ..



أم سيف سارت غرفه بنتها فـــــــــاطمة وهي مستانسه تحس إن الدنيا حلوه ..

فاطمة: هلا أمايه بلاج عيل مستانسه ..

أم سيف وهي تقعد على شبريه بنتها فاطمة : ا بتصدقين يا فاطمة ...

أم سيف: ما بصدق شو يا أمايه ..

أم سيف: سيف خوج في البيت ..

فاطمة: وعلى بالي شي بعد خمس دقايق بيظهر و بتشوفين ..

أم سيف: لا يا فاطمة قالي أقعده من الرقاد الساعة 9 الصبح هذه يعني احينه بسير و بيرقد ..

فاطمة وهي مب مصدقة : سواف إنتي متأكدة &#33;&#33;&#33;&#33;&#33;&#33;

أم سيف: شفتي حتى إنتي مب مصدقة .. وشوي جان يسمعون صوت باب ينفتح برا الصالة ..

فاطمة رافعه حاجب: ما قلت لج بي ظهر احينه .. برا في الصالة سعود كان يحاتي الطلعة باجر ما رقد و ما رقد خواته وياه ..

ريم: تعدوني " دلع سعود " وين بتسير هذه أصلن سواف ما بي ودينا كل كلام بس ..
مريم: لا هو قال لنا باجر بودينا أكيد ..

ريم مب مصدقه : كل يوم يقول هذه الرمسه ..

سعود: أنا بسير له تونيه سمعت صوته .. وسار سعود يدق على باب سيف يالي كان يرمس ويا محمد ربيعه وشوي جان يسمع بابه يندق ..

سيف: حمود بدق حقك عقب خمس دقايق أوجيييج ..

محمد: خلاص عيل فمان الله .. و صكر عن ربيعة وسار يفتح الباب ..

سيف وهو يفتح الباب: سعودي بلاك ..

سعود ببراءة : انت باجر بتودينا نشتري هديه ..

سيف وهو يقعد على رجبته عسب يساوي طول سعود: هيه باجر العصر بوديك والله &nbsp;بوديك ..

سعود: ريم تقول انك ما بتودينا ..

سيف: وينها ريموه .. &nbsp;

سعود وهو يأشر: هناك في غرفتها ..

سيف: طوف جدامي .. &nbsp;وجان يسر غرفه خواته ..

سيف: ريموه إنتي باجر عقابًا لج ما بتسيرين ويانا لو تتجلبين جدامي تسمعين ..

ريم: براي مب سايره أصلن باجر انت ما بتوديهم ..

سيف: زين من شوف منوه يالي مب سايره يا الصياحه .. ويطلع عنها عسب يقهرها وهي طبعا من بعد هذه الكلام يالي قاله تأكدت أنه بوديهم وتمت تحاتي ما رقدت الليل حتى ..

أم سيف: شفتي رد يرقد هذه سعود يالي موعيه ..

فاطمة: شو عندهم ..

أم سيف: ما دري والله

فاطمة : إنتي ما تخافين سعود يطلع على سواف ؟؟

أم سيف وهي تحاتي : والله خوفاتي يا فاطمة .. بس هذه أخوهم وين بسيرون عنه ..

فاطمة: خلاص عيل الحين يا أم فاطمة بترقدين عندي في غرفتي ..

أم سيف: لا حبيبتي أنا أم سيف و إنتي صحيح بنتي بس الأم ولا الأبو يتسمون على ولدهم ..

فاطمة: الحين شو قلتي بترقدين عنديه ..

أم سيف: لا بسير غرفتيه ما أقدر استغنى عنها .. تصبحين على خير

فاطمة: و إنتي من أهل الخير .. على كيفج .. و باست أمها وعقب سارت غرفتها عسب ترقد بس هيه من حطت راسها على المخدة ما ياها رقاد تذكرت الأيام يالي قضتها ويا أبو سيف و استغربت من نفسها شو ذكرها فيه من بعد هذه السنين الطويلة .. يمكن ضحكه سيف يالي شافتها على ويهه ذكرتها بريلها يالي كان طبق الأصل من سيف ومريم .. &nbsp;تذكرت يوم كان يكلمها بعيد عن أهلها وهي خايفة لا حد يشوفهم وتذكرت يوم خطوبتها منه جيف كانت بتموت إلا تشوفه بس أبوها مصر ما يشوفها حتى في ملجتها ما رضا أبوها تشوفه إلا ليله العرس و في لليله العرس كانت عرس زمان و هي كانت صغيرة حتى دراسة ما كملتها كانت ثالث عدادي &nbsp;.. ابتسمت أم سيف وهي تذكر يوم يابت فاطمة كيف كان أبو سيف مستانس لأنه صار أبو ولكن غير يوم يابت سيف حست انه فرح أكثر من ما فرح يوم يابت فاطمة &nbsp;لأنه ولد و بشيل اسمه يوم بيكبر .. تذكرت سيف يوم كان صغير كيف كان ويا أبوه دوم حتى يوم يبا يسير الشغل كان يبا يخلي مدرسته بس عسب يسير ويا أبوه ..

أبو سيف: بس حبيبي لا تصيح الأسبوع الياي بوديك البر .. و بعلمك الصقاره

أم سيف: أي بر و صقاره يا راشد الولد صغير وبعده على هذه السوالف ..

سيف وهو يمسح دموعه: لا أميه بسير البر أنا مب صغير أنا ريال صح أبويه ..

أبو سيف: هيه نعم ولدي ريال وبشيل البيت من بعد عين &nbsp;..

أم سيف ما عيبتها رمسه أبو سيف: الله لا يخلينا منك يا بو سيف &nbsp;يومنا قبل يومك ..

أبو سيف: الموت حق يا أم سيف ..

سيف: أمايا يا الله بسير المدرسة نادي فطوم .. &nbsp;
&nbsp;
أبو سيف: وابوي عليك أنا تقول لأمك تنادي أختك سير انت ونادها اربع .. ربع سيف ينادي أخته من بعد ما استحى من الرمسه يالي قطها &nbsp;..

أم سيف: فديته والله .. الله يخليكم ..

أبو سيف: الله يخليكم ليه يا أم سيف من بعد عينكم أنا مالية دنيا ..

أم سيف: لا تقول هذه الرمسه يا أبو سيف غير الموضوع ..

سيف وهو يسحب فاطمة يالي كانت دبه و كانت تاكل : أمايا شو في بنتج قاعدة تزط ..

أبو سيف: أنا هذه الولد ما دري من وين ايب هذه الرمسه عيب يا بوك .. و ودعتهم أم سيف بضحكه وبسمة وسيف يودع أمه بأيده ويا أخته فاطمة وأبو سيف مستانس عليهم .. نشت أم سيف من ذكرياتها على أذان الفجر يالي استغربت هيه من نفسها مر الوقت بسرعة وهي تتذكر هذه الأيام الحلوة يالي مالها رجعة من بعد عين الغالي سارت " عزكم الله " الحمام و تمسحت وعقب صلت وقعدت بنتها فاطمة وريم ومريم عسب يصلون الفجر ودقت على سيف الباب بس ما عطاها جواب .. وعقب سارت غرفتها وقرت شويه من آيات القرآن الكريم وعقب حطت راسها على المخدة رقدت بسكون أول ليله ترقد فيها بسكون &nbsp;وبراحه بال .. الصبح الساعة 10 وربع سيف يزاعج على أمه ..

سيف معصب قاعد من رقاد لابس وزار و فانيله &nbsp;: أنا ما قلت لج توعيني الساعة تسع ونص ..

أم سيف وهي معصبه : بلاك انت جذيه تكلم أمك ..

سيف: عيل جيف تبيني أرمس و أنا متأخر على الموعد ..

أم سيف: أنا قعدتك بس انت ما عطيتني جواب و بعدين إلي يبي الصلاة ما تفوته تسمع ..

سيف وهو يربع أيده : جيف يعني ؟؟؟

أم سيف: جان ضبطت موبايلك على الساعة تسع .. ولا شو فايدته بس ترمس فيه " تنغزه "

سيف وهو يركب فوق حس إنه ما من وراها فايده هذه المناحة : &nbsp;سيري عني إنتي الثانية بعد ..

أم سيف تنفست بعمق و غمضت عينها و كانت تبي تصيح بس فاطمة ما خلتها كانت توها يايه من المطبخ هي و ميري .. سيف تسبح وتلبس بسرعة بسرعة وعقب ظهر ويا محمد ربيعه و سارو المول عسب يا لاقون خليفة ..

محمد: سواف جيف احينه بتعرف الريال هاه ..

سيف: والله ما عرف بس انت تعال خلنا نمشي .. و سارو و قعدو في واحد من الكوفهات يشربون كابتشينو ..

محمد: سواف أنا بسير أتمشى وبيك ..

سيف: وين وين بتخليني بروحي لا ما تسير تقعد ..

محمد يضحك: لا تخاف الريال ما بياكلك .. ولا مواعد وحده من البنيات ..

سيف ويأشر على ويهه: هذه شكل بنيات بالله عليك أقعد بس اقعد ..

محمد: لا حبيبي خلني أسير أشوف شغلي شويه أترزق .. وسار عن سيف يالي كان يطالع يمين ويسار وشوي جان يتصل به خليفة ..

سيف: ها وينك يا أخي

خليفة: هذه انت يالي جداميه ..

سيف: جدامك .. وينك انت &nbsp;

خليفة: صد ورا و بتشوفنيه مقابيلك .. سيف يوم أطالع ورا شاف ريال لابس نظاره سوده ومرجع ظهره على ورا وشكله ريال كبير ما مال خرابيط و يرمس بالتلفون و يأشر حق سيف ..

سيف وهو يبتسم: هذه انت يعني ..

خليفة: ليش يعني مب مصدق تعال و شوف .. نش سيف وسار لخليفة وخليفة أول ما شاف سيف عجبه شكله صغير ومرتب وريحه عطرة شاله البقعة جنه مواعد بنت مب ريال نش خليفة يوايه سيف ..

خليفة: مرحبا الساع أقرب ..

سيف: ملاين ولا يسدن .. تسلم يا خليفة .. ويقعد ..

خليفة: ها شوف و شفتنيه شتبي بعد .. &nbsp;

سيف: خليفة انت ما تبينا نكون ربع يعني ربع عادي والله ما بسويلك شي بس أنا من رمستك حسيت براحه اتجاهك والله ما في غير هذه لا يسير فكرك لبعيد .. و انت من هيأتك ريال كبير تفهم في الدنيا ..

خليفة وهو هادي : سيف جم عمرك انت ؟؟

سيف: أنا عمري 18 سنة ..

خليفة: أنا عمري 36 سنه يعني في فرق كبير بيني وبينك من ناحية التفكير وكل شي .. &nbsp;

سيف ما استغرب: خليفة أنا ما يهمني فرق السن في ناس كبيرة في السن بس عقولهم صغير وفي ناس بعدهم عمرهم ما عدا الخمس تعش وعقلهم يوزن بلد على قولتهم ..

خليفة: و انت من أي نوع يا سيف ..

سيف وهو يبتسم: أنا أعوذ بالله من كلمه أنا من النوع الثاني ولا تقول إني خقاق ولا شي بس أنا أشوف عمري جيه &nbsp;..

خليفة وهو مقتنع من الرمسه : من رمستك الصراحة اقدر أخذ وعطي معاك بالرمسه ..

سيف: يعني أقدر أقول انك راضي عليه ..

خليفة ويطلع أسنانه وتبين حلاته : خلاص مثل ما تبي الصراحة دشيت خاطري يا سيف و جرأتك و أسلوبك في الكلام وكل شي فيك &nbsp;عيبني ..

سيف وهو يمسك فروخته: تسلم يا خليفة لا تمدحني زود أخق بعدين .. و قعدو الشبيبة يرمسون و يسولفون عن سوالف الدنيا وخليفة مستانس على سيف و من رمسته وياه حس انه ريال عاقل و مثل ما قال إنه ريال عقله يوزن بلد .. وعلى الغدا مثل العادة سيف مايا و الكل كان عند أم سيف عسب يتغدون..

خالد: خالوه نحن ما نبي بسنا والله زدت عشرة كيلو ..

حمده: اسمع .. &nbsp;يا ويهك أونه زاد عشره كيلو ..

أم سيف وهي تصب الجاي لهم: &nbsp;لا تضاربون انت كله وياها تضاربون ..

خالد يطالع الصالة: خالوه والله بيتكم من عقب الصيانة صاير شي الصراحة كل شي فيه شي ..

أم سيف: هيه هذه اختيار فاطمة في الديكور ..

خالد وهو يبتسم: عاشت بنت العم والله اختيار ولا أحلا ..

فاطمة: تسلم يا خالد ما تقصر ..

حمده: أتصدق عمرها تراها .. ها يجذب عليج تراه ..

خالد: زين يا حمدوه بتشوفين يا الدبه .. &nbsp;

سعيد ولد عمهم عبدالله: انتو إيه ما فضحتونا هاه &nbsp;قوم خلنا نسير عند الرياييل ..

عبيد: والله فشيله .. الكل ضحك و عقب سارت أم سيف عند بنات عمها يالي هم أم عبدالله و أختها أم خالد و أم عبيد .. كل أربعه أيون عندهم و يرمسون و يسولفون و كل يمعه يسيرون بيتهم العود تجتع كل العيله هناك .. بس سيف ما يحظر هذه الاجتماعات كله مطيح عند المصبنة بس اليوم كان معزوم عند خليفة وعقب رد الساعة 3 شاف أهله بعدهم في البيت و حس انه ما بيسلم من رمستهم خواله وعمامة ..
سعود كان يلعب ويا عيال عمه برا في الحوي كان الجو حلو مغيم وهو عيبته السالفة يبا يغلس عليهم شوي وسار عندهم تحت الشجرة ..

سيف وبصوت عالي: يا السبلان شو قاعدين تسون ..

سلطان: خيبه خرعتنا بلاك انت ..

سيف: والله كيفي بتنا ..

حميد: سيف انت وين رحت يسالون عنك ..

سيف: برايهم خل يسالون عنيه أحسن ..

سلطان: وين كنت ..

سيف: مالك شغل انت .. سعود أول ما شاف سيف يا وربع و لزق فيه &nbsp;..

سيف: بلاك انت والله بوديك ..

سعود: الحين العصر لاه ..

سيف: هيه تلبس و تزهب وقول حق ريم ومريم بعد ..

سعود: انت قلت ريم ما بتسير ويانا ..

سيف: هيه والله لا تقول حقها يوم بتقول وين بتسيرون قول لها إنه سيف ما بوديها زين حبيبي .. سعود وهز راسه ..

سلطان: وين بتسيرون ..

سيف: كشته بتسير ويانا حميد

سلطان: أنا أنا بسير ..

سيف: لا ممنوع اصطحاب الكبار .. &nbsp;

سلطان : لا أنا صغير ..

سيف: انت اقعد ويا ريم تلعبون ويا بعض ..

سلطان وشي و بصيح : لا أنا ما أحب البنات بسير وياكم ..

سيف: بفكر عقب برد عليك زين بباي ..
سلطان تم معصب إلا يسير وياهم &nbsp;هو أكبر عن سعود بسنه ليش ما يوديه .. أما حميد وسعود مستانسين بسيرون كشته ويا سيف ويلعبون على الريحات .. &nbsp;

سيف كان ما يبي احد يشوفه داخل من الباب يالي ورا لأنه تحت الدري بمكانه يركب و محد يشوفه صلات بيتهم بعيده عن الدري و من جذي محد يشوفه .. &nbsp;المهم سار سيف فتح الباب ومشى شوي شوي بس بطريقه محد يكشفه انه يبي يتهرب منهم .. شافته بنت عمته عنود وهو يدخل بس حست انه يتهرب فحبت إنها تسكت أحسن من لا تيب حقه المشاكل .. دخل سعود هو وعيال عمومته ..

سعود: أمايه أمايه أمايه شو سلطان يبا يضربني ..

أم سعيد وتفتن عليه : وينه سلطان تعال بشوف ..

سلطان: جذاب والله جذاب أنا مابا أضربه ..

سعود وهو واقف حذال أمه: أمايا يبا يضربني

أم سيف: ليش يبا يضربك ..

سعود: سواف قال انه بوديني اشتري هديه وقال له سيف ما بوديك و الحين يبا يضربني ..

أم سيف وهي مستغربه : و وينه سيف الحين .. متى قالك هذه الكلام ..

سعود: سواف في غرفته راقد ..

أم سيف وهي مستغربه: راقد ..

أم خالد: قومي قعديه يا أم سيف ..

أم سيف وهي خايفه: بسير أشوف ولديه هو طلع من الصبح وما شفته يوم وصل .. وسارت طلعت فوق ودقت عليه باب غرفته بس ما شي جواب قعدت في الصالة وعقب 10 دقايق ردت أدق عليه الباب وعقب بطل لها الباب ..

سيف بنفس خايسه: نعم بغيتي شي ..

أم سيف: سيف متى ييت

سيف: تونيه ياي ما كملت ساعة أمايه أنا ما ليه خلق للمفاتن أنا أبا أرقد ممكن يعني ..

أم سيف: والله ما تستحي يا سيف سودت ويهي جدام أهلك هذولا عمامك و خوالك تحت تبا ني أجابل الرياييل يا ولد راشد..

سيف وبدا يعصب:أمايه أنا تعبان وأبا أرقد ليش من البارح ما قلتي لي إنهم بيون ها الحين يايه تذكريني.
&nbsp;
أم سيف و بصرامة: سيف ألبس كندورتك و انزل تحت سلم عليهم وجابلهم بسرعة ولا لا تشوف مني شي ما يسرك .. فضحتي من بين أهلك فضحتني ..

وسارت عنه وكانت الدموع في عينها ونبرة صوتها تبين إنها فيها الصيحة بس سيف ما لاحظ سارت أم سيف غرفتها قعدت تصيح وكان صياحها غير هذه المرة حست بروحها تظهر من جسمها من كثر الصياح .. أما سيف فكان معصب ما يدري ليش يوم تكلمه أمه يعصب يحس إنها هي سبب موت أبوه يالي كان يحبه وحياته والعيون يالي يشوف فيها و الضوء يالي ينور له طريقة .. قاعد على شبريته الخضرا ومعصب ما يبا يسير بس غصبن عنه نش ولبس كندورته وتعصم وتعطر ونزل تحت .. منزل راسه وسلم على حريم عماته و خالاته مب متعود يوقف في وسط حريم وبنات .. الحريم مستغربات منه شكله مب الكلام يالي يسمعون عنه هادي و حليو طالع على أبوه ومحترم منزل راسه .. و البنيات كل وحد تطالع الثانية و مستغربات منه &nbsp;فاطمة استانست وايد على الأقل بيجابل الرياييل .. &nbsp;أما سيف على طول طلع للميلس وفيه الكل مستغرب سيف بن راشد بن سلطان ياي يسلم عليهم زين يوم نزل لمستواهم و سلم عليهم ..

سيف: السلام عليكم ورحمه الله وبركاته ..

الكل : وعليكم السلام ورحمه الله وبركاته ..
سيف وايه كل يالي في الميلس وقعد حذال خالد ولد عمه لأنه وياه من يوم ما كانو صغار لين ما خلص خالد ثانوية عامة وعقب سيف رابع شلته الخايسه يالي في المدرسة ..

خالد: شحالك سيف ..

سيف بدون نفس معصب : بخير حمد الله ..

خالد: خيبة بلاك ما سوينا بك شي ..
&nbsp;
سف: خالد أسكت عني لا أدفنك احينه ..
&nbsp;
خالد: ول ول ول ول زين خلنا ساكتين.. بس الله يخليك خلك عادي شوف عمامي و خوالي يا ولد خالوه يطالعونك ما أبيهم يخذون عنك فكرة زود ما هم ما خذين .. &nbsp;

" خالد ولد عم سيف وولد خالته في نفس الوقت " .. سيف هز راسه و عقب خمس دقايق إستفيج حق خالد وقعد يكلمه .. و العصر ظهر سيف ويا خواته وسعود أخوه يمشيهم في البلاد وأول كان ما يبا يودي ريم شافها مسكينة قاعدة بروحها من بعد ما روحو عيال عمه وخاله عنها بإصرار من مريم وسعود خذوها وكل ساعة يذكرها إنه لو لا سعود مريم لا ما ركبت وياهم وهي ما تقدر تتكلم عن ينزلها في نص الطريق " يسويها "

نهاية الجزء الثالث


سوااااااالــــــــــــــم</font>

[مي دبي]

<font color='#3BB9FF'>رووووووووعة تسلم اخوي راعي 7 عالجزء

الله يهدي سيفوووو ليش يعامل امه جذيه .. <IMG src="http://oasis.bindubai.com/emoticons/mad.gif" border=0><IMG src="http://oasis.bindubai.com/emoticons/mad.gif" border=0>

بصراااحة قصة ما عليهاا كلام ....<IMG src="http://oasis.bindubai.com/emoticons/shutup.gif" border=0>

ونتريا الجزء الرابع ......<IMG src="http://oasis.bindubai.com/emoticons/laugh.gif" border=0><IMG src="http://oasis.bindubai.com/emoticons/laugh.gif" border=0>

مي دبي




مي دبي</font>

[روح الحب]

السلام عليكم ...
وشحالك يا الراعي&nbsp;...&nbsp;وربك إلا بخير &nbsp;
أفا تنزل شي يديد ومحد يقولنا
كله من الإمتحانات إلي ما تخلي الواحد يتفجج
بس ماعليه إن شاء الله بنتابعها وبنرد عليك وبنحشرك بعد مثل قبل&nbsp;&gt;&gt; أسولف
والسموحة
أختك
روح الحب

[راع7ي]

هــــــــلا والله أختيه مي ..

الحمد الله الحمد الله إنها عيبتج .. ويسلم بحـــــــالج الغالية
سواف الله يهدي والله أسميــــــه ولد مأذي أمه واااايـــــــــد بعد .. هههههه
مشكوووورة على الرد الحلووووو .. مرووورج أسعدني ..



مرحبـــــــــا الســــــــاع والله بأختيه روح الحب ..

أخوج الحمد الله بخير وعافيه دامج راده على القصة ..
شفتي عاده لو إنج تحدرين على الواحات جان بتعرفين &nbsp;إنيه منزل قصة..
بس هذه الامتحانات ماتخلي حد أعرف أنا .. و أفا عليج سوي إلي تبينه
وتعقيبكم وحشرتكم تسعدني وتفرحني .. ومشكووورة على الرد الطيب ..

و السمووووووحه منكم ..

[بن دبي]

يعني صراحة اخي راعي السبع قصة حلوة كتير

بس ليش هيك انتو بتحبو تعذبونا ......... يا اخي حطو القصة كاملة
و الله العظيم عذاب بتخلونا نتعلق بالقصة و بتتركونا و الله حرااااااااااااااااااااااا اااااااااااااااااام

بس الصراحة قصة حلوة و بدي اعرف شو تتمتها و الا بزعل.... و اصلا انا خلص قررت هاجر من يأسي من عدم تتمة القصص

خلص لا تحاولو معي بدي هاااااااااااااااااااااااا اااااجر على هنولولو
و سامحنا اخ راعي السبع

[علايه]

<font color='#000000'>مرحب أخويه.........
&nbsp; &nbsp; &nbsp; &nbsp; &nbsp; &nbsp; مشكور ع الجزء اليديد واتمنى
&nbsp; &nbsp; &nbsp; &nbsp; &nbsp; &nbsp;الجزء الياي يكون أطول <img src="http://oasis.bindubai.com/emoticons/smile.gif" border="0" valign="absmiddle" alt=':)'>
&nbsp; &nbsp; &nbsp; &nbsp; &nbsp; &nbsp;مافيه صبر أريد اعرف سواف
&nbsp; &nbsp; &nbsp; &nbsp; &nbsp; &nbsp; شو سالفته &#33;&#33;؟

وتسلم يالغالي.....</font>

[راع7ي]

هلا والله بأختيه المغتربه .. مشكووورة على مرووورج الطيب

لا أفا عليج لا تزعلين ولا شي ونحن ما نعذب الغاليه بس نبا نشوف ردووودكم عسب نتحفز ونزل لكم الجزء .. إن شاء الله بنزل لج القصة أول بأول وتابعيها صدقيني ما بتحسين بالملل .. ولا تزعلين إن شاء الله بنزلها لج ولا تهاجرين بعد قعدي في بيتكم ..

مسموووحه أختيه



مرحبـــــــا باجي أختيه علايه ..

العفو أختيه العفو .. بديـــــنا الجزء قصير والجزء و طويل الله كريم ..
إن شاء الله بتعرفين شو سالفة سيف لا تستعيلين وتاكلين قرصج ني ..
و مشكووورة على التعقيب أختيه علايه ,,

و السموووووحه ..

[راع7ي]

<font color='#000080'>الجزء الرابــــــع



خليفة: زين والله شخبار الأهل ..
سيف: تمام الحمد الله ماشي الحال ومن صوبك ..
خليفة: من صوبي الحمد الله ها انت وين ..
سيف: في مزرعة واحد من الربعة ..
خليفة مستغرب: شو سوي يا سيف الحين بليل ..
سيف: عادي يا أخي لمه ربع و لعب وياهم ..
خليفة: صراحة وفي هذه الوقت ما أنصح انك تظهر من البيت &nbsp;..
سيف: شسوي ملان اطلع ويا ربعي تسليه ..
خليفة: ظهرت ويا إخوانك اليوم ..
سيف: هيه ويا ريت ما ظويت وياهم طلعت روحي &nbsp;..
خليفة وهو يبتسم: ليش ؟؟
سيف: سعود أخويه يبا هذا ما يبا ذاك و لعوزني يبا يسير المول أونه ..
خليفة: فديته .. سو كل يالي يباه هذه أخوك الصغير ..
سيف: و الله مرتاح انت مب أنا الله يعيني على هذولا الأخوان ..
خليفة وإحساسه غير: لا تقول جيه يا سيف احمد ربك على هذه النعمة .. لو أنا والله بستانس على يهال في بيتنا .. عيال أخويه ولا عيال الرضيعة ما أيون إلا في الشهر مرة والبيت مول مب حلو ..
سيف: الحمد الله على كل شي .. أقول بخليك عيل الحين بدق حقك خلاف ..
خليفة: أوكيه خلاص عيل تصبح على خير .. و صكر عنه وعقب قعد سيف ويا ربعة و فيصل ربيعة ما خلاه إلا يشرب من يالي عندهم وسيف أول ما رضا &nbsp;و عقب فكر إنه الشباب يا خذون عنه فكرة ويقول عنه إنه هب ريال " هذه هي مشكلتنا يا الشباب " .. محمد مب عايبنه هذه يالي يشربونه &nbsp;يطلع يقعد يرمس بالتلفون برا .. و تمر الأيام وتخلص الأجازة و يرد الروتين يالي تعودو عليه عيال راشد بن سلطان .. &nbsp;سعود ملعوز في أمه يبا يلعب ولا يبا يشوف تلفزيون أما ريم ومريم يضاربون وفاطمة ضايعه من بينهم كل ما قالت بذاكر لهذه تقول الثانية ذاكري حقي وهي طبعا بتموت منهن وريم تبا تغلب مريم في الدرجات لأنها تبا سيف يشتري حقها هديه في آخر السنة " تحلم حليلها " &nbsp;أما سيف فرد يقعد فوق أيدار بيتهم يترصد ويشوف الناس و سوالف وايد تصير في فريجهم وخصوصا بنت يرانهم خوله ..
أم سيف تطالع ولدها وهو قاعد على أيدا: سيف تعال تعشا وبسك من المطالع الناس عيب عليك ..
سيف سمع أمه بس سوالها طاف ..
أم سيف و يهب عليها هوا خفيف وبارد : سيف عيب عليك شو بقولو عنا الناس ..
سيف و باستفزاز: ليش تخافين على نفسج ..
أم سيف: هيه نعم أخاف على نفسي على هذه البيت يالي خلاه أبوك بين أيدينا يوم راعي البيت ما مستهم منوه بيستهم يوم ما شي رياييل في هذه البيت يديرونه خلنا نحن الحريم نديره وسارت عنها لأن سعود قاعد يصيح مضارب ويا ريم .. سيف هذه الكلام ياته سهام في صدرة عيزت أمه من تجرح فيه عسب ضميره يصحا بس الظاهر انعدم الضمير في قلب سيف .. &nbsp;و تمر الأيام وتسوء حاله الدراسية لسيف يالي كان مب مهتم .. على الكورنيش محمد كان يصيح وسيف مب عارف سبب صياح محمد و ليش هذه حالته ..
سيف: محمد ليش بلاك خبرني ..
محمد: ما أقدر يا سيف ما قدر يا ريتني أقدر أخبرك
سيف: أفهم إنها مشكلة عائلية ..
محمد: تقدر تقول جيه .. &nbsp;
سيف: على راحتك يا حمود .. عيل أنا بسير السيارة بيب تلفوني بيك .. سار سيف لسيارته و فيه سيارة شباب واقفة حذال سيارة محمد ..
خليفة: هلا والله مرحبا كبار بسيف ..
سيف وهو عارف هذه الصوت ويوم أطالعه : هلا والله بخليفة مرحبابك ..
خليفة: تسلم ها شو تسوي هنيه .. &nbsp;
سيف: ولا شي بس ياي ويا ربيعي ..
خليفة: خلاص عيل بني وياكم عادي ..
سيف: أفا عليك تفضل .. نزل خليفة ويا ربيعة هزاع و سارو عند محمد يالي يوم شاف سيف وياه عرب مسح دموعه على طول ..
هزاع: السلام عليكم ورحمه الله وبركاته ..
محمد: وعليكم السلام " و خاشمه " ..
سيف: حمود أعرفك خليفة وربيعه هزاع ..
محمد: هلا والله .. و قعدو سوالف ..
خليفة: ها سواف ما تم شي على الامتحانات شو مسوي ..
سيف يطالع محمد: والله ما بجذب عليك يا خليفة أنا في الدراسة فاشل ..
هزاع: أفــــــــأ ليش ما هجيتها منك ..
سيف: أنا مب فالح في الدراسة يمكن فالح بأشياء ثاني كل إنسان يقدر يعطي بشي بس ما يقدر يعطي بأشياء ثانية ولا انت شو رايك يا خليفة ..
خليفة مقتنع وهو يهز راسه : هيه بس هذه مب نهاية الدنيا يا سيف انت تقول أنا ما أحب هذه المادة طيب ليش ما تحفز عمرك تفاءلوا بالخير تجدوه يا سيف .. أنا كنت ما أحب الدراسة اسأل هزاع جيف نجحت بدراسة و المثابرة &nbsp;حطوا الهدف جدامكم صحيح صعب وصوله بس والله بتستانس يوم بتوصله.. &nbsp;وحلو يوم تكون عندك شهادة ..
محمد: أنا وياك يا خليفة بس في ناس ظروفها ما تسمح إلها ..
خليفة : محمد الظروف غير انت ريال وتقدر تمشي هذه الظروف .. و بعدين أحيانًا هذه الظروف يالي تخلي الإنسان يقهرها ويكون إنسان ناجح في المجتع شوف انت التجار أصحاب الشركات الجبيرة في الدولة تتحراهم أوصلوا لهذه المرتبة بالسهولة والله كدو و جتهدو لين رفعو أسم شركتهم لفوق وانتو شباب صغار تقدرون تعطون أكثر من طاقتكم بس شوي الدلع عندكم ..
سيف وهو يفكر: أي دلع انت تتحرا حياتنا جيه ما أنواجه العقبات فيها والله يا خليفة أدري مشاكلنا بنسبالك شي صغير بس بنسبالنا والله شي جبير و فوق طاقتنا .. بيت بكبره أتحمله أنا ريال عمر 18سنه والله من يوم ما كنت صغير وأنا أفكر بهذه الشي .. ومحمد شراتي بس محمد حالته أخس عن حالتي والله يعينا ..
هزاع متفاجأ : ما شاء الله عليكم وش من الحياة تعيشون ..
سيف: والله عند شباب خيس شرب بليل الله يعزكم ..
خليفة وهو يقاطعه بالرمسه ومحرج : تشرب يا سيــــــــف ..
سيف: أنا أأمن فيك يا خليفة ومن جذيه خبرتك لا تتحراني إني أقولك هذه الكلام بس عسب تشفق عليه لا أنا مابي شفقه من حد بس أنا أحس براحه يوم أكلمك وما أستبعد هزاع تراه ربيعك و شراتك .. والله ندري إنهم خيس بس الواحد ينجبر لهذه الشي ..
خليفة مضايج: هيه بس ما إنك تشرب يا سيف لهذه الدرجة شو بيقولون عنك أهلك عمامك وين و خوالك وينهم عنك ما تخاف منهم ..
سيف منزل راسه: الكل لاهي في شغله .. محد عنده الوقت عسب يشوف نحن شو نبا ولا ما نبا ..
خليفة: و أم سيف تدري بهذه الشي ..
سيف منزل راسه شو بقول إنه أسلوبه خايس ويا أمه .. خليفة لحظ سكوت سيف و حاس إنه فيه شي..
هزاع : زين خلونا من هذه السالفة و بعدين بنلحق عليها &nbsp;.. شو رايكم إني أذاكر حقكم ..
محمد وسيف متفاجئين: شووووووووه .. " ويطالعون بعض "
هزاع: لحظه أنا ما قلت شي غلط أنا قلت بذاكر حقكم يعني بساعدكم في الدراسة ..
محمد: أي نوه بس ..
هزاع :لا بس ولا شي الامتحانات بعد شهرين شهر بداومون فيه والشهر الثاني بذاكرون فيه صح ..
سيف: هيه نعم ..
هزاع: زين الشهر يالي بتسيرون فيه المدرسة استغلوه بأي طريقة لأن الشهر يالي بعده بذاكر حقكم و لا بتكون عندكم فرصه حتى تتنفسون فيها ..
محمد يطالع سيف : زين والله و بعدين ..
هزاع: شو بعدين خلصت السالفة بس المهم الشهر يالي نحن نمشي فيه فرغو كل طاقتكم فيه لأن الشهر الياي صج بمسككم &nbsp;لا تتحروني أسولف هذه خليفة جدامكم مجرب بعد .. &nbsp;
خليفة بصرامة و مضايج من الكلام يالي قاله سيف عن الشرب: هزاع لا تتحراني بسكت تراني وياك بعد .. عن هذه الصياعة إلي مالها أول ولا تالي .. وضحكو سيف ومحمد خليفة كان يفكر ليش سيف يسوي كل هذه أصلن هو معصب على سيف بس ما حب إنه يبين حقه إلا يوم بيرمسه بروحه ما يبا ينزل من مستواه جدامهم .. &nbsp;و عقب يوم روح كل واحد بيته أتصل خليفة لسيف يبا يعرف كل السالفة منه ..
خليفة: انت شو تقول أنا ساكت عنك من البداية ..
سيف : والله يا خليفة مب قصدي بس الظروف ..
خليفة: أي ظروف .. تعرف عاده يا سيف من بعد هذه الرمسه يالي قلتها أنا أحتقرك ..
سيف حس بهذه الكلمة : ليش يا خليفة و الله انت ما تعرف أنا جيف عايش ..
خليفة: عذر أقبح من ذنب .. سيف لا تسوي عمرك مسكين حالك انت ريال وتحكم عقلك ما تعرف ممكن هذه المشروب يمكن يضرك لي كبرت ..
سيف ساكت ما قال شي ..
خليفة: سيف وينك ليش سكت ..
سيف: انت ما تفهمني يا خليفة .. و أنا أقول محد بفهمن غيرك ..
خليفة: أنا فاهمك بس ما انك تلجأ لشرب و انت بهذه السن الصغير ..
سيف وهو معصب: لو سمحت خليفة أنا مب صغير وعارف شو أسوي ..
خليفة: زين يوم انك عارف شو تسوي ليش عيل تشرب..
سيف: خليفة أنا ..
خليفة وهو موصل حده : دام هذه سوالفك يا سيف مابي بينك وبيني علاقة حتى لو صداقة فمان الله .. و صكر عن سيف يالي ما عارف شو يسوي ويندب على حظه الردي .. و يمر أسبوعين وسيف على حالته يتصل في خليفة بس خليفة ما يرد عليه يبا يأدبه بس بطريقته الخاصة .. الساعة 2 وربع سيف قاعد على أيدار بيتهم وخوله بنت يرانهم من الساعة 8 المغرب ظهرت ولا يت الساعة 3 نص شرفت الأخت و الأهل لا داريين فيها ولا شي .. نزلت مثل العادة تمشي شوي و تتلفت شوي ..
سيف: لا تخافين محد بشوفج غيري و أهلج راقدين ما داريين ببنتهم .. &nbsp;
خوله خافت يوم سمعت الصوت بس يوم دققت بصوت عرفت انه سيف..
خوله وهي خايفه: انت شتبا مني ..
سيف: أنا ما بي منج شي ليش يعني إنتي بتعطيني شي &nbsp;يا فيسج ..
خوله: احترم نفسك ..
سيف وهو ينزل من وكره وسار لها و يودها من جتفها: إنتي عاده وايد مصختيها كل يوم والثاني ظاهرت لج و يا واحد من هذولا الخيس الرغود .. سيري بيتكم لا الحين أدفنج هنيه ..
خوله وهي خايفة: سواف والله تسكت بيسمعونك و الله تسكت ..
سيف و بحقراه واستفزاز : ليش خايفة إنتي .. يوم ظهرتي من بيتكم ما خفتي يوم حد يشوفج تخافين ..
خوله كانت عيونها بتظهر من مكانها لأن صوت سيف وايد عالي .. &nbsp;
سيف: مالت عليج .. تعرفين عاده إنتي لو أختي تعرفين شو بسويبج والله حرام لا أدش السجن بسبتج .. ولا شو ذنبهم أمج و أبوج تسوين فيهم جيه .. مو أمج و أبوج ربج فوق يشوف كل يالي تسوينه ما تستحين على ويهج &nbsp;" الأخ ناسي نفسه ".. وشوي جان يظهر أخو خوله ذياب كان يبا يدخل السيارة للكراج بس حس في صوت حذال بيتهم ويوم أطالع صوب بيت قوم سيف .. جان يشوفه &nbsp;و وياه بنت ذياب يمشي شوي شوي البنت يالي ويا سيف يعرفها نفس الطول .. وصل ذياب صوب سيف .. سيف مب منتبه ويوم اشر صوب بيت يرانهم جان يشوف ذياب واقف ورا أخته وعيونه على البنت ..
سيف وهو متفاجأ: ذياب .. &nbsp;خوله من سمعت اسم ذياب فتحت عينها و لتفتت لورا جان تشوف أخوها واقف وشكله مب مصدق كانت عينه حمرا من الغيض ..
خوله وبخوف: ذياب أنا ..
ذياب وهو معصب: سيري البيت بسرعة ..
خوله و بحقارة : صدقني مب أنا سيف سبب كل شي .. سيف من سمع فتح عينه على الآخر ..
سيف: جذابة وحده ..
ذياب وهو معصب خلاص موصل حده : قلت لج سيري البيت بسرعة .. ربعت خوله لبيتهم و الدموع في عينها كانت خايفة .. و ما تدري من وين ظهرت هذه الرمسه عن سيف بس كان خوف منها ..
ذياب الدموع في عينه من الغيض: أنا ما استبعد منك هذه الشي يا الحقير ..
سيف: والله يا ذياب أختك جذابة و حياة أبويه الله يرحمه يا ذياب .. &nbsp; &nbsp; &nbsp;
ذياب وهو يمسك سيف من كندورة : شو بينك وبينها عسب تتبلا عليك يا سيف .. و ينفخه بوكس على خشمه .. &nbsp; &nbsp;
سيف وهو طايح على الأرض ويمسح الدم يالي طلع من خشمه: معلوم ما بتعرف عن أختك .. تعرف عاده " ويود عمرة سيف عن لا يفلت ما يبا بنت الناس أطيح في مشكلة بس هو ما سكت عن ذياب نش وقعد يضارب هو وياه &nbsp;و ترافسو الشبيبة ".. وعقب ولد عم سيف خالد شافهم لأنه كان ساير يصلي الصبح و وياه أبوه أحمد &nbsp;سارو عندهم &nbsp;.. أما &nbsp;ذياب ما سكت إلا يشتكي عليه في مركز الشرطة وسار كلهم الشرطة عسب يعرفون السبب.
سيف وهو متبهدل الدم على كندورته ونفس الشي ذياب ..
الملازم يابر: ها ممكن أعرف شو السبب ..
سيف و ذياب ساكتين ولا قالو شي .. &nbsp;
الملازم يابر : زين يعني الحين ما بترمسون هاه خلاص بتنحجز انت وياه لمده يومين .. &nbsp;
أبو خالد: بس يا حظره الملازم &nbsp;الولد عنده امتحانات .. &nbsp; &nbsp; &nbsp;
الملازم يابر: نحن ما عرفنا سبب هذه الضرابه يا بو خالد .. ولا واحد منهم يبي يعترف .. مع إنك ياي تشتكي يا ذياب .. ذياب سكت أبو خالد سكت هو الثاني ما قال شي بس هو بيتصرف ولازم يتصرف ويعرف سبب هذه المشكلة وإذا خلا الولد أمه بتسال عنه و كفاية يالي فيها من مشاكل ..
خالد: شسالفه يا سيف الريال ما بتعدا عليك جيه .. &nbsp;
سيف وهو معصب: خلود الله يخليك أنا مب فايج حقك .. ترها واصله ليه لين هنيه " يأشر على طرف خشمه" ..
خالد : سيف شسالفه قول أحسن لك ..
سيف: سير أسأل ولد فريجكم .. خالد هز راسه بأسى يعرف ولد عمه ما بقوله له شي حتى لو شوه .. الساعة 11 الضحى دخل أبو خالد وخالد وسيف و كان أبو خالد معصب و مفول من تصرف سيف و ما رضا يقول شو سبب الضرابه ..
أحمد: دش الله ياخذك من ولد .. سيف دخل ولا قال ولا شي ..
أم سيف وهي يايه صوبهم: شسالفه يا بو خالد ..
أحمد: ولدج فشلنا قمنا ندخل مراكز الشرطة بسبته ..
أم سيف وهي مب مصدقة : مركز الشرطة ليش يا بو خالد ..
أحمد وهو يفتن عليها: اسألي ولدج .. الله ياخذك ويا خذ مشاكلك وياك .. وسار عنهم بيته ..
أم سيف وهي تلتفت لخالد: شسالفه يا خالد ..
خالد: والله ما عرف أول ما ظهرت من البيت ساير لصلاة شفت سيف مدافن ويا ذياب ولد اليران ..
أم سيف وهي تسير حق سيف: ليش يا سيف شو السبب ..
سيف يطالع أمه بحنان : ما سويت شي يا أميه
أم سيف مثل الأطرش في الزفة: عيل ليش الريال ضاربنك ..
سيف: أوووووه يا أميه خلينيه بروحيه ..
أم سيف : جيف أخليك بروحك و انت يايني بهذه المنظر الدم كله على ويهك و ملابسك &nbsp;..
سيف: أنا بسير فوق .. وسار عنها أم سيف حاسة في سالفة بينه وبين ذياب ولا ما بيضربه منيه و درب.
خالد: هدي شوي يا خالوه ..
أم سيف وهي منفعلة : أي أهدي يا خالد أشوف ولدي تنهدم حياته جدامي وأنا ساكتة .. ليش يا سيف سويت فيني جيه ليش .. &nbsp;
خالد: أكيد في سالفة يا خالوه ..
أم سيف و الدمعة في عينها: الله يهديك بس يا سيف الله يهديك .. خالد حضن خالته لأنه حس إنها تبا تصيح و فيها دموع كثيرة و كله بسبه سيف .. في غرفة سيف كان سيف معصب و الدموع في عينه لأن الناس فهمته غلط وإنه الحق وياه .. وعقب دخل الحمام يسبح .. &nbsp;العصر سارت أم سيف لبيت يرانهم لأنهم عرفو بالسالفة و هي تبا تعرف شو السالفة .. سارت و سألت أخت خوله لأنه أمها مب موجودة في البيت وسألتها عن كل السالفة وعرفت إنه السالفة ويا ولدها لأنه خوله خبرت أختها بكل السالفة و استحت أخت خوله إنها اجذب على أم سيف .. وردت أم سيف و كانت البسمة هي يالي أخذتها من بيت يرانهم وعرفت إن ولدها معاه حق وإنه ما غلط في حق حد مثل ما كانت تتوقع ..
أم سيف وهي أدق على سيف الباب: سيف يا سيف بطل الباب أنا أمك ..
سيف قعد من رقاده و فتح حقها الباب و شافت أم سيف عيون ولدها حمر وعرفت إنه كان يصيح ..
أم سيف: ما تبا أكل حبيبي ..
سيف ببرود: لا مابا أبا أرقد ..
أم سيف: لي متى سير ذاكر الامتحانات ما باجي عليها شي ..
سيف: أووووهوووه أميه دخيلج تراني مصدع مب فايج ..
أم سيف تبتسم لولدها : خلاص عيل سير أغسل ويهك أنا احينه بيك .. ما عطته فرصة حتى يتكلم سار تسبح ويوم ظهر شاف أمه قاعد ترتب فراشة ..
أم سيف وهي تعطيه ملابسة لأنه كانت عليه بس الفوطة : أندوك ..
سيف ياخذ من أمه الملابس من دون نفس: مشكورة &nbsp;
أم سيف من بعد ما لبس سيف ملابسة يابت علبه الإسعافات الأولية وقعدت تضمد له جروحه ..
سيف بألم: أي شوي شوي يعور .. &nbsp;
أم سيف تبتسم: خلاص شوي شوي .. و جان تلزج له جروحه وتسحي له شعرة لأنه يوم شافته يسحيه شافت فيه جرح في راسه .. ظهرت أم سيف من غرفة ولدها وسيف يطالع الباب يالي ظهرت منه و حاس بذنب دوم جيه يحس بالذنب بس ما من وراه فايده .. &nbsp;
خليفة: و ليش ما خبرتني يا سيف عن السالفة ..
سيف وهو ماله نفس لخليفة: دخيلك يا خليفة أنا مب فايج ..
خليفة: شو صار يا سيف خبرني ..
سيف منسدح على الشبريه و ميود على راسه: ما صار شي يا خليفة ما صار شي &nbsp; ..
خليفة: شو ما صار شي محمد قال انك مضارب ويا واحد أنا لازم أعرف السالفة ..
سيف: خلاص دامك مصر يا خليفة .. و خبرة بكل السالفة من يوم ما قعد على اليدار لين ما يا ويا عمه::
خليفة: ليش سويت كل هذه يا سيف .. انت عاقل و بعدين خل البنت تسوي ما تسوي انت مالك شغل فيها هذه المرة سويتها ويبت لعمرك المشاكل .. وعمك زعلان منك ..
سيف: براية أنا ما يهمني عمي ..
خليفة: كله مني أنا المفروض ما خليك بهذه الظروف .. أوني أبا أعاقبك و شوف عقابي لك ..
سيف: لا تلوم عمرك يا خليفة كل مني أنا .. أنا راعي مشاكل ليش ما أموت أحسن ..
خليفة وهو معصب: سيف لا يتمنى أحدكم الموت .. و انت ريال مب ناقصك شي عسب تتمنى الموت ..
سيف: خليفة أنا مب فايج برقد احينه عقب بدق حقك ..
خليفة: يصير خير عيل فمان الله .. و صكر عنه ..


نهاية الجزء الرابع



وكل عــــــــام وإنتوووو بخيــــــــــــر

سواااالــــــــــم ..</font>

[احساس قلب]

<font color='#000000'>تسلم اخويه <SPAN id=normalname><FONT color=#000033>راع7ي عالبارت الجنااااان ..

نتريااااك لا تبطي علينا <IMG src="http://oasis.bindubai.com/emoticons/cool.gif" border=0>

اختك
احساس قلب</FONT></SPAN></font>

[راع7ي]

مشكووورة أختيه احساس قلب على هذه المرووور الطيب
و إن شاء الله مب باطي عليكم ..

أخوج راعي7

[مي دبي]

وانته بخير اخوي راعي7 .. وعسااك من عوادة العيد ..


تسلم عالجزء الحلو ... ونتريا اللي بعده بفارغ الصبر ...


مي دبي

[راع7ي]

هلا والله بأختيه مي دبي

ينعاد علينا وعليج بالخير

الله يسلم بحالج و مشكوووورة ..

و السموووحه

[روح الحب]

مشكور أخويه على الجزء وتسلم يمناك على الجزء الحلو

أختك
روح الحب ...

[احساس قلب]

<font color='#000000'>مرحبا اخويه <SPAN id=normalname>راع7ي <A title="" href="http://oasis.bindubai.com/cgi-bin/oasis.cgi?act=Search;CODE=01;keywords=راع7ي;ty pe=name;forums=all;search_in=all;prune="></A>..
</SPAN>
كل عام وانته بخير وصحه ..

متى ناوي تكمل القصه <IMG src="http://oasis.bindubai.com/emoticons/tounge.gif" border=0>

احساس قلب
</font>

[راع7ي]

يسلم بحالج ومغليج أختيه روح الحب ..

ولا عدمتج ولا من ردوووودج الطيبه



مرحبتين كبــــــــار والله هلا بأختيه احساس ..

و إنتي بخير وصحة وسلامه ..

تراني أحينة قاعد أضبطه بلاج مستعيله..

سوااااااااالـــــــــــــ ــم ..

[راع7ي]

<font color='#000080'>الجـــــــــــــزء الخــــــــــــــــــامس

برا في حوي البيت كانت فاطمة قاعدة ويا سعود أخوها هي فوق على الكراسي وهو يلعب تحت .. خالد

كان ياي يطمن على ولد عمه وشاف فاطمة قاعدة..

خالد: السلام عليكم ورحمه الله وبركاته ..

فاطمة: هلا خالد وعليكم السلام شحالك عساك بخير ..

خالد: أنا لا الحمد الله يعجبج ويسرج حالي .. عيل سواف وينه ..

فاطمة و بحزن: بعده في غرفته اليوم ما ظهر مثل العادة ..

خالد: ما عرفتو شو السالفة ..

فاطمة: بلا بس دخيلك خالد أنا أأمن فيك لا تخبر حد ..

خالد : أ فا عليج يا بنت عمي أنا عمري ما خنت ثقتج فيني وهذه وسام على صدري ..

فاطمة: تسلم يا خالد .. و تقوله كل السالفة و إنه سببها خوله ..

خالد: و الله إنها حقيرة ..

فاطمة: خالد خوله كانت ما بتخبر بس غصب عنها ..

خالد: فديت ولد عمي والله ريال و الكل فهمه غلط ..

فاطمة: شفت عاده أنظلم &nbsp;.. &nbsp;

خالد: عيل أنا بسير حقه ..

فاطمة: خالد لا تعب عمرك تراه ما ببطل حقك الباب ما يبا يشوف حد ..

خالد: الله يعينك على بلواك " ويطالع صوب غرفته " سعودوه شو سوي ..

سعود: ما شي ألعب تبا تلعب ويايه ..

خالد: لا فديتك هذه السوالف ودرناها .. عيل الحين بخليج يا فاطمة سلمي على خالوه &nbsp;..

فاطمة: يوصل إن شاء الله ..
طلع خالد من بيت عمه وهو حازه في خاطره على ولد عمه .. و تمر الأيام ويمر الشهر يالي عطاه هزاع حق محمد وسيف يسوون فيه كل يالي يبونه .. &nbsp;وبدا الجد في ميلس قوم هزاع تبدا المذاكرة من الساعة 3 الظهر لين الساعة 9 بليل &nbsp;سبع ساعات في اليوم وهذه من غير ما يذاكرون بروحهم في البيت و المعاهد يالي يسيرونها &nbsp;..

محمد مب عارف الجواب : والله ما عرف الجواب ..

هزاع: زين انت ذاكر لين ما سير أييب الفواله و أي .. " الصوب الثـــــــــاني "

سيف: أييييييييي خليفة والله صح شوف انت .. " خليفة ضاربنه على راسه "

خليفة: وين صح شوف أنا طالب منك هذه الناتج .. هذه المسألة يالي مساعه
&nbsp;
سيف و بعبط: هييييييييييييه قول انت نحن انتقلنا لدرس ثاني &nbsp;..

خليفة: انتقلنا هاه حل بشوف حل اليوم أستاذ المعهد شو عطاكم ..

سيف: اليوم مب رياضيات اليوم إنجليزي ..

هزاع وهو يضحك: شوي شوي عليه يا خليفة ما ترزا عليك ..

خليفة: تراه يرفه بالضغط عنلاته .. و تمر أيام الدراسة سيف مول من غرفته ما يظهر و محمد بالحسرة يدق حقه و أمه مستانسه إن ولدها قاعد يذاكر صحيح مب مبين إنه يذاكر بس هيه حاسة بولدها ..

فاطمة: عيل سواف وينه ..

سعود: في غرفته ..

أم سيف: الله يحفظك يا سيف ..

مريم: حليلك يا سيف وراه امتحانات .. &nbsp;

فاطمة: الصراحة ما أتوقع منه شي سواف .. لا نسبه ولا شغل ..

أم سيف وهو محرجه من كلام بنتها فاطمة: شو قصدج يا فاطمة إن شاء الله بيب نسبه أعلى عن نسبتج وبكسر راسج .. &nbsp;

فاطمة: زين بنشوف نحن ما ورانا شي .. و الله ليه الفخر يكون هذه الفاسد أعلى عن نسبتي ..

مريم معصبه : سواف بيب نسبه أعلى عن نسبتج و بتشوفين بعد ..

فاطمة: روحي دخيلج إنتي الثاني روحي ..

أم سيف معصبه بس ما حبت تبين لبنتها: سعود حبيبي قوم تسبح تعال أمك بتسبحك يا الله &nbsp;..

سعود: أمايه باجر مب اليوم ..

أم سيف وهي تمسح على راسه: يا الله قوم يا يبتلك كافي قوم يا الله ..

سعود فاتح عينه: حلفي أميه ..

أم سيف: هيه يا الله..

سعود: أول حلفي ما بقوم إلا لين تحلفي ..

أم سيف وهي تضحك: و الله يا الله قوم تسبح أحسن عن خواتك إلي ريحتهن خايسه &nbsp;.. &nbsp;

سعود وهو يضحك: هههههههههههه وييييييو ماماه سبتهم .. و سارت أم سيف تسبح و لدها سعود ..

وتمر الأيام وتبدا امتحانات الثانوية العامة أم سيف ومثل كل أم تدعي حق ولدها بتوفيق و النجاح و يرفع راسها و يخذلهم كلهم لأنهم ظنوا فيه السوء .. سيف يسير بيت هزاع بعد صلاه العصر وأم سيف تحاتيه وايد لأنه ما يذاكر في البيت .. و في يوم خبرته وتشاتم هو وياها عسب هذه السالفة بس هو ما قال حقها لأنه ما يبي يخرب سمعته بأنه ولد ما من وراه فايده " عايبته هذه الشخصية " و تخلص الامتحانات و يخلص هم المذاكرة و يبدا هم المحاتاه حق النتيجة سيف وايد خايف إنه ما يب نسبه لو إنه ايب 60 يحمد ربه ويشكره على هذه النسبة &nbsp;..

خليفة: موووووول ما شي تفاؤل ..

سيف: عيل شو تتحرا المهم أخلص من الثانوية و أنجح و لا أعيد سنه ولا دور ثاني أنا ما صدقت أذاكر.

خليفة: لا انت و محمد إن شاء الله بتيبون نسبه مشرفة .. و أم سيف بتفرح عشانك .. &nbsp; &nbsp;

سيف: يا ليت والله ..

خليفة: زين عقب الثانوية ما فكرت وين بتشتغل .. &nbsp;

سيف: خليفة والله ما ليه خلق أقفل الموضوع ..

خليفة ما سوى سالفة : سيف انت ريال البيت و مثل ما قلت لي إنه أبوك الله يرحمه عنده شركه و عمك يديرها .. ليش ..

سيف: خليفة دخيلك قلتلك اقفل الموضوع ..

خليفة: سيف جيه ولا جيه لازم تفكر في حلالكم أنا ما أوزك على عمك بس لين متى بتم الريال يكرف عشانكم ..
&nbsp;
سيف: و الله هو بروحه عرض خدماته على الوالدة و من يوم نحن يهال و هو يدير الشركة يعني عادي متعود ..

خليفة: سيف حان الوقت عسب أدير حلالك انت كبير و الحين ريال البيت .. أنا ما أقولك صير المدير لا اشتغل عند عمك و أبدا من الصفر و مشوار الألف ميل يبدا بخطوه مثل ما يقولون .. و تتعلم الشغل وشوي شوي ...

سيف: أنا عمي ما أبلعه ..

خليفة متفاجأ: عيب تقول عن عمك جيه ..

سيف يبا يغير الموضوع : خليفة انت شو تشتغل ..

خليفة: أنا مهندس بترول .. ليش ؟؟؟؟؟؟

سيف: بس سؤال أنا عمري ما سألتك شي شخصي ..

خليفة: إلي تباه أسأله يا سيف والله ما أردك ..

سيف: زين ليش ما عرست لين الحين ؟؟؟ ..

خليفة يضحك: ظروفي ما تسمح ..

سيف مستغرب: ظروف شو من الظروف يا خليفة انت ريال كبير و فاهم .. &nbsp;

خليفة: لا تعال بعد اضربني أسميك يا سيف سوالف ..

سيف: ليش تتهرب يا خليفة هذه الرمسه مب عليه أنا ..

خليفة: ما شاء الله عليك يا سيف انت ريال فاهم وتلقطها وهي طايره ..

سيف: خليفة مب مسألة ألقطها وهي طايره انت ما تشوف عمرك أنا بعرس و انت بعدك ما فكرت بالزواج ..

خليفة سكت شوي وعقب: ما بتصكر الموضوع &nbsp;..

سيف: برايك أنا مرتاح في بيتنا &nbsp;...

خليفة: حد قالك انك مب مرتاح والله .. الحين وين بتسير عيل ؟؟..

سيف: ما &nbsp;ليه خلق أسير مكان برقد حتى حمود ما بيظهر مكان ..

خليفة : زين لك سير اقرأ لك جم من آية و عقب ارقد ..

سيف: تعال أنا ما عندي قرآن في غرفتي عند أميه واحد في غرف خوانيه بعد إلا أنا ..

خليفة وهو مب عايبنه : ليش يا سيف انت ما تقرا قرآن ..

سيف تم ساكت هذه ما عنده قرآن محرج عيل إذا عرف إنه ما يصلي شو بيسوي : لا ما أقرا قرآن ..

خليفة وهو مفول : ليش يا سيف عمرك ختمته انت ..

سيف: لا ولا أديسه بعد ..

خليفة وهو معصب على هذه الكلام : وبعد تقولها أشكره يا سيف عيب عليك يا سيف عمرك ما ختمته شو من الحياة تعيشها يا سيف .. لا قرايه قرآن عيل انت ما تصلي يا سيف ..

سيف تم ساكت ما عرف شو يرد على خليفة كلامه صح وسؤاله ما عرف يجاوب له ..

خليفة: سيف انت شووو من البشر ..

سيف: لا أنا أصلي بس قرآن ما أقرا ..

خليفة: لييييييش؟؟؟؟

سيف: خليفة انت تعرف بعد القرآن في " مد و أخفــــاء " و من هذه أحسبه صعب و أنا ما أحب أألف في كتاب الله ..

خليفة: ليش ما علموكم في المدرسة الإقلاب والإدغام .. زين خلنا من هذه انت ما تعرف لغة عربية ما أعتقد انه القرآن بالغة الهندية ..

سيف مضايج : أهووووووه يا خليفة بتفتحلنا محضر ..

خليفة خلا معصب : عيب عليك انت لو واحد غيرك جان ما فتح ثمة و تنطق بكلمه .. الظاهر انت ما ينأخذ منك لا حق ولا باطـــــل تصبح على خير .. &nbsp;

سيف: خليفة والله ما عصبت خليفة تعرف إني مالي غيرك ..

خليفة باستفزاز : دام هذه كلامك ليش تباني أرمسك .. انت تعرف ربك يا سيف ؟؟ .. انت مسلم بس في الجواااااااز أشك فيك الصرااااحه &nbsp;..

سيف معصب: خليـــفة لو سمحت لا تغلط ..

خليفة: الله يعين أهلك عليك الصراحة .. أشفق عليهم وعليك دام هذه سوالفك لا تعرف ربك ولا تعرف شو مكتوب في القرآن من جيه بطيح في الغلط يا سيف .. لو إنك تقرا شوي القرآن جان بعدت عن هذولا يالي ترابعهم وعن يالي تشربونه ..

سيف دمعت عينه و لأول مره في حياته من القهر يالي داخله من بعد ما سمع هذه الكلام ما عرف شو يرد على خليفة يالي قاعد يتكلم ..

سيف و العبرة خانقته : خليفة انت بدال ما تساعدين تأنبني .. أنا و عيت على هذه الدنيا و كان معايه أبويه و فجأة ما لقيت له وجود تأثرت شو تبا من واحد أبوه يرحل عنه بغمضة عين بدون ما يعرف شو تبا منه إنه يكون فاهم وعارف شو فيها هذه الدنيــــا ..

خليفة وبصمود: هيه بس هذه الشي يا سيف ما يخليك تهجر ربك انت ريال يا سيف وريال البيت بعد شو تبا أمك يالي تشيل كل شي فوق راسها هذه حرمه مع احترامي الشديد لك تبا حد يعاونها ويساعدها مو يزيدها انت عارف شو في قلب أمك لا طبعا وين بتعرف و انت ربعك هذولا الكجره يالي مسمنهم أصدقاء ..

سيف بحزن شديد: هذولا وقفو معايه لين احينه ..

خليفة: زين يا سيف الحين الكلام ما ينفع بتلفون إن شاء الله باجر أشو فك ..
سيف مارد على خليفة مغمض عينه و الدمع تنزل على خده بحرارة .. صكر خليفة عن سيف و هو محترق من بروده أعصاب سيف وكيف انه هادي من هذه السالفة بس عقب قعد يفكر بآخر المكالمة كيف انه كان حزين و صوته هدا ما مثل أول المكالمة كان يسولف .. خليفة: أنا كيف قلت له هذه الكلام صح أنا المفروض أوقف معاه مو أهزبه وهد عليه جيف و هو معتبر ني مثل أخوه العود .. و شوي طرش له مسج عسب بس يرضيه مو يتسامح منه لأنه سيف يبا من يوجهه و أمه حرمه ما تقدر عليه .. و تمر الأيام و أي يوم يالي في الثانوية أطيح قلوبهم في بطونهم سيف مول ما رقد و أم سيف ليل ونهار تدعي حق ولدها عسب بس يرفع راسها من بعد ما نزله ..

سيف: و الله حمود بطني يعورني يايني مغص ..

محمد وهو يضحك: لا تقول &nbsp;.. &nbsp; ههههههههههههههاي " رجولية هذه الضحكة " &nbsp;

سيف : والله ما عندك سالفة يا حمود بس 60 مابا شي غيرها أحمد ربي علها ..

محمد: ليش أملك ضعيف لهذه الدرجة .. قول إن شاء الله و يميع بنيب نسبه تشرف وبسير اشتغل في أدنوك .. يــــــــا رب ..

سيف: والله أنا مب طماع هذه النسبة تليق عليه ..

محمد: زين ما عليه أقول أنا اليوم أبا أسير أتمشى ممكن نظهر اليوم ..

سيف: طاع انت هذه أنا أقوله النسبة وهو بيظهر ..

محمد: سواف لا تسوي عمرك بنية إلا هيه نسبه و جان على الستين بتيبها .. وشوي سمع السماعة متصكره متعود على هذه الحركة من سيف إذا ما عيبته الرمسه يصكر .. خالد توه داخل بيت عمه ويتكلم بالتلفون ..

خالد: زين بلاج زعلانه والله كنت واااايد مشغوووول .. ههههههههاي شوه زين فالج طيب حبي بيب لج إلي تبينه مني أفا أنا جم عويش عندي ..

فاطمة كانت تطالع في خالد يوم انه داخل البيت و تضحك يوم سمعته يقول &nbsp;" حبي " حست بعمرها غير عصبت ما عرفت ليش .. خالد وهو يرمس جان يطالع صوب فاطمة يالي كانت قاعد في حوي بيتهم العود يالي نصه مربعات فيه زراعه فيها حشيش و بحركة حلوه و صوب باب البيت كان سعود يشل ألعابه بصعوبة مطلعنهن من الصالة .. فاطمة قاعدة عند الكراسي و الجو كان حلو الشمس توها بتغيب فاطمة حطت عينها في كتابها عن يلاحظها خالد ..

خالد وهو يلتفت صوب فاطمة : عويش الغالية بصكر عنج الحين أوكيه بباي بعدييييييين بدق حقج "
وهو مصكر على أسنانه عن تسمعه فاطمة " .. و صكر عنها و سيده يا صوبها ..

خالد وهو مبتسم: السلام عليكم ورحمه الله وبركاته ..

فاطمة وعينها في المجلة : وعليكم السلام &nbsp;..

خالد: شو تقرين يا فاطمة ..

فاطمة و بجفاء : يعني ما تشوف مجله ..

خالد تفاجأ من ردها له و بهذه الأسلوب: بلاج يا فاطمة .. وشوي جان تسمع صوت سعود ..

سعود: فطوم تعالي شيلي الألعاب ما أقدر .. نشت فاطمة .. لكن خالد يود أيد فاطمة وسار ياب سعود و ألعابه ..
&nbsp; &nbsp;
سعود: منيه خلهم ..

خالد: يعني انت ما تقدر تلعب إلا بألعاب ثجيله .. &nbsp; &nbsp;

سعيد: نوه ما قدر ..

خالد: طاع النوه انت ما لتك .. ويصد صوب فاطمة .. شفيج يا فطيم ..

فاطمة: سلامتك ما فيني شي .. وردت تقرا في المجلة ..

خالد وهو قاعد مجابيلها: عيل ليش ما عاطتني فيس ..

فاطمة وهي تبتسم بصعوبة: لا شو تباني أسويلك يعني ..

خالد: زين بلاج تكلميني بهذه الأسلوب .. أكلمج بأدب أنا ..

فاطمة: زين وبعدين شتبا .. &nbsp;

خالد سكت شوي: لا مابا شي وين خالوه ..

فاطمة رافعه حاجب : محد سارت بيت يدتي ..

خالد يطالع صوب غرفه سيف وعينه مصغره من الشمس: زين سيف و ينه ..

فاطمة: في غرفته .....

خالد: عن اذنج يا بنت عمي ..
وسار عنها .. وقف عند باب البيت ودق حق سيف و عسب ينزله .. نزل سيف ودخل ولد عمه الميلس و قعدو يسولفون وعقب ظهر خالد من بيت عمه بس يوم ألتفت ما شاف فاطمة قاعدة في مكانها ولا سعود يالي كان يلعب حذاها .. فاطمة معصبه مفوله من خالد ..

مريم: فطوم أميه قالت بتي احينه

فاطمة : بس إنزين عرفنا .. &nbsp;

مريم: زين إنتي قلتي ليه اتصل بها ..

فاطمة معصبه : مريامي بس عاد صدعتي ليه راسي

ريم: زين ليش تهدي عليها هذه يزاتها بعد ..

فاطمة: جب إنتي الثانية ما كلمتج .. مريم تمت ساكتة ما تبا تدخل وهي من النوع الهادي ..

فاطمة مضايجة : أفففففففففففف وينها أمايه ..

مريم: الحين بتي اتصل بها ..
فاطمة ما قالت ولا شي لبستها وسوت لها طاف .. سعود يلعب بعيد شوي وشي جان يكسر المزهرية يالي كانت على صوب .. مريم نشت وسارت له ..

يات فاطمة معصبه من زود ما هي معصبه : انت أية ليش تكسرها..

سعود وهو يضحك: بروحها طاحت أنا مالية شغل ..

فاطمة جان تضربه على راسه بقو .. سعود تم من صدم من أخته أول مرة تسويها له ..

مريم: حرام عليج ليش ضربتيه ما سوالج شي ليش .. سعود قعد يصيح بصوت عالي ..

فاطمة وهي تهد عليها : جب إنتي طلع لج لسان بعد .. أنا اختج العودة ..

مريم: زين بس ليش تضربينه مب لج هذه المزهرية يوم بتي أميه هي لها حق ترمس ..
سيف قاعد في مقره السري يتريا أمه اليوم وايد تأخرت .. وشوي جان يسمع صوت فاطمة وهي تهد على أخوانها وسعود يصيح &nbsp;.. وعلى طول نزل وسار الصالة .. &nbsp;شاف فاطمة ميوده مريم من جتفها حس الدم كله تيمع في ويهه كله ولا مريم أخته دلوعته و حبيبته ..

سيف وهو معصب: أية إنتي بلاج عليهم ..

فاطمة لفت صوب سيف وباحتقار : نعم بغيت شي ..

سيف: ميود سعود أخوه .. بلاك حبيبي ليش تصيح .. تعالي مريامي هنيه ..

فاطمة: بعد طلع الأخ الحنون ..

سيف: إنتي ما تستحين على ويهج تحطين عقلج بعقل ياهل ..

فاطمة: ليش انت تعرف عنهم شي يعني ..

سيف معصب: فطوم ..

فاطمة باستفزاز : نعم خير خرعتني ..

سيف من العصبية ما قدر يتمالك نفسه سار لأخته فاطمة و يودها من شعرها يالي كانت لافتنه : يوم برمسون الرياييل لا تقعدين تردين عليهم تسمعين &nbsp; ..

فاطمة تزاعج &nbsp;: هد شعري يا الخايس ..

سيف : أنا براويج هذه الخــــايس شو يسوي ..
سعود ساكت ما عارف شو يسوي مريم قعدت تصيح أما ريم فتمت تطالع و عايبنها الوضع لأنها كانت منقهرة من فاطمة أختها .. وشوي جان تدخل عليم أم سيف وكانت يايه بسرعة لأنها سمعت صوت سيف و صوته كان عالي ..

أم سيف وهي تشوف سيف ميود فاطمة : سيف أمايه بلاك على أختك هدها ..

سيف: خوزي خليني بربيها ..

فاطمة وهي تصيح و تزاعج: أنا مربايه أحسن منك .. شوف نفسك يا الجلب .. &nbsp;

سيف يشد على شعرها : منوه طالعيني عيدي يالي قلتيه ..

أم سيف تود أيد سيف : سيف دخيلك هد أختك شو سوت ؟؟؟&#33;&#33;&#33;

سيف و الشرار في عينه &nbsp;: لا بنتج ما سوت شي .. بس أنا بربيها ..

أم سيف وهي معصبه: سيف هد أختك قلتلك مب انت يالي بتربيها أنا مربيتها أحسن تربيه .. و أحسن عنك .. هدها ..

سيف وهو يهدها و يدزها على أمه : هاج بنتج بس من اليوم و رايح كلمتي هي يالي راح تمشي في البيت .. ســــامعه

أم سيف : ليش توك فطنت عمرك انك ريالي البيت ... &nbsp;و من زمان وينك عيل عنا ها ..

فاطمة كانت تصيح و تزاعج &nbsp;: كان في &nbsp;الصياعه ما لته

أم سيف: جب إنتي سيري غرفتج بشوف ..

سيف: لا كبريها خلي راسها يكبر هي الثانية ..

أم سيف: جب أنا أقوووولك .. و الله ثنيناتكم ما تستحون على ويهكم أنا أمكم واقفة جدامكم لا حيا ولا مستحى .. حشموني على الأقل ..

سيف بنفس خايسه : خلصيني وين كنتي من وين يايه ..

أم سيف: منوه أنااااااا؟؟؟؟؟&#33;&#33;&#33;&#33;&#33;&#33;&#33;

سيف: لا أنا شو رايج ..
و ما يحس بعمره إلا كف على ويهه و جدام منوه جدام كل أخوانه يالي يخافو منه ومن بعد هذه الكف ما أعتقد حد بيحترمه ..
سيف محطي أيده على خده &nbsp;ويتنفس بسرعة متفاجأ من طراق أمه له ليش .. و عيونه شوي بتدمع بس هو ما يبا يظهرهن و عينه توسعت و بانت لونها ..
أم سيف: بعد طول لسانك يا سيف هـــــــاه .. أشوفك تسألني وين سايره و وين يايه هذه إلي قاصر ..
سيف بعده ساكت ما قال شي بس عينه في عين أمه و الشرار يظهر منها ..

أم سيف: انت قليل أدب و أنا ساكتة عنك وايد يا سيف أنا قلت اليوم بيعتدل .. باجر بيصير زين .. و بيغدي ريال يعتمد عليه مثل باجي النـــاس و بشيل أسم أبوه الظاهر انت بتم عوي يا سيف بظل الناس تعايرني فيك لين ما أموت .. سعود يوم سمع طاري الموت زاد صياحه و سار عند أمه وقعد يصيح ..

أم سيف من فجرة : لين متى هاه أنا صبرت وايد عليك .. جان هذه سوالفك يا سواف أطلع برا البيت " تأشر على الباب " ولا عاد أشوف رقعه ويهك في البيت لين ما تصير ريال و قد المسؤولية ..

سيف معصب و يهد على أمه و خده أحمر: يعني الحين أنا إلي طلعت الغلطان .. إنتي قاعدة تحوطين و تهومين من الظهر و الحين يايه و تقولين أنا الغلطان ..

أم سيف: جب يا قليل الأدب ..

سيف يجرب من أمه : لا تقولين قليل أدب &nbsp; ..

أم سيف خايفه منه " و باستفزاز " : و الله ما تستحي يا سيف ..

سار سيف و دفر أمه على فاطمة أخته يالي كانت ميوده شعرها و تسمع الكلام و الدموع تصب من عيونها " كله بسببي " سيف هنيه يوم إنه دفر أمه حس بثقل في صدره و راسه عوره من يالي سواه .. أم سيف طاحت على فاطمة أول شي ما استوعبت عقب يوم شافت عمرها في الأرض و وياها فاطمة حست إنه ولدها مد أيده عليها .. سيف سالت دموعه على خده و ربع برا ما عارف وين يسير .. الوحيدة يالي شافت دموع سيف ريم كانت أدقق في ملامحه و هو معصب كرهته بس يوم نزلن دموعه حست إن أخوها مظلوم ..

نهــــــــــــــــاة الجـــــزء الخــــــــــــــــامس

تـــــــــرقبووووو البـــــــــــــــاجي</font>

[مزن هتان]

مشكووووووووووووووور عالأجزاء الحلوة

ننتظر الباجي

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;مزن هتان

[احساس قلب]

<font color='#000000'>تسلم اخويه ع البارت ..
حرام أحسهم كلهم ظالمين سيف <IMG src="http://oasis.bindubai.com/emoticons/sad.gif" border=0>
نتريااا الباقي <IMG src="http://oasis.bindubai.com/emoticons/laugh.gif" border=0>

احساس قلب</font>

[راع7ي]

العفووو أختيه مزن هتان

ومشكووورة على المرووور

[راع7ي]

مرااااحب أختيه احساس قلب ..
شفتي عاده جيف إنه مظلوم بس مثل ما يقولون خيرا تفعل شرا تلقى ..
و مشكووورة على المروووور ..

و السموووووووحه ..

[علايه]

<font color='#000000'>مراحب أخويه....

&nbsp; &nbsp; &nbsp; &nbsp; &nbsp;تسلم عالبارت واااااااايد حلو
&nbsp; &nbsp; &nbsp; &nbsp; فقير سواف <img src="http://oasis.bindubai.com/emoticons/sad.gif" border="0" valign="absmiddle" alt=':('></font>

[مي دبي]

جزء رووووعة ....

تسلم اخوي راعي7 ...

ونتريا السادس باحر من الجمر ..


مي&nbsp; دبي

[راع7ي]

هلا أختيه علايه ..
الله يسلم بحـــــــــــــــــالج ..
مسكين بعد مب فقير الله يكون في عونه ..

وتريو الجزء السادس



إنتي الأروع أختيه مي دبي

ويسلم بحالج .. و الجزء السادس جريب إن شاء الله

مب متأخر عليكم .. مسأله وقت وقت و أنسا .. أوووه نسيت ضعت في الغنية ..

و السموووووحه ..

[روح الحب]

السلام عليكم وشحالك يا راعـ7&nbsp;ـــي
وربك إلا بخير
أقول الشيخ ترانا نتريا
والسموحة
أختك
روح الحب ...

[راع7ي]

<font color='#000080'>هلا وغلا روح الحب ..

السموحه على التأخير ..



الجزء الســـــــادس




خالد: خير بغيتي شي ..

حمده: خلود قوم نسير بيت عمي ..

خالد وهو ماله نفس من بعد ما تكلم ويا فاطمة : سيري زين مب ساير ..

حمده: عيل أسير بروحي ..

خالد: أخذي حمدانيه وياج ..

حمده: قوم خلود والله إنك أرف ..

خالد معصب يطالع التلفزيون : حمدوه و الله لا ألعنج قومي من ويهي ..

حمده: زين الله يا خذ عدوك ..

" ظهرت حمده من جناح خالد يالي كان أروع مكان في البيت وكانت متملله و تبا تسير بيت عمها بس تبا حد وياها وعقب سارت تحت شافت أختها توها يايه ويا ريلها وقعدت وياهم .. أما خالد فمستغرب من تصرف فاطمة وياه من بعد ما كانت تستقبله بابتسامه يفكر فيها من يوم ما صار الموقف وياها " الساعة 12 بليل أم سيف ما ياها رقاد تحاتي ولدها يالي ظهر مارد من بعد يالي صار في البيت هزبته من الزين و حاسة بالذنب اتجاهه .. و تمر الساعات و على الساعة 2:30 دقيقه ..

خليفة يطالع موبايله بعده ما رقد كان يقرا في واحد من الأوراق: ألووه

سيف: أنا على باب بيتكم &nbsp;..

خليفة: ليش شسالفه ..

سيف يتكلم ببطأ : بخبرك بس تعال عند الباب .. &nbsp;

خليفة زاغ وسار عند باب بيتهم وشاف محمد وسيف واقفين ..
خليفة : السلام عليكم .. بلاكم

محمد: وعليكم السلام .. شوف حال سيف .. &nbsp;

خليفة يطالع سيف يالي كان محطي راسه على بونيت السيارة : شفيه سواف

محمد: اليوم شرب يا خليفة و أنا الصراحة ما قدرت أيوده لأنه كان وايد عصبي .. أحس إنه فيه شي يا خليفة ..

خليفة سار عند سيف و يوده : خلاص يا حمود تعال الحين ..

محمد: لا أسمحلي يا خليفة أنا وايد تأخرت و الوالدة كل شوي أدق حقي ..

خليفة: زين تعال بدق حقها بقول لها إنك بتتأخر ..

محمد: مشكووور يا خليفة بس أخواني بيسون ليه سالفة أنا خلني بعيد عن المشاكل ..

خليفة: على راحتك حمود عيل تصبح على خير ... سار محمد عنهم و كان خليفة معصب وايد من سيف وسيف لاف ويهه بعيد عن خليفة يالي كان يغلي من داخله ..

خليفة : دش يعلك شووووه ..
سيف منزل راسه ولا عارف يمشي حتى يمشي يمين ويسار و العيون أدمع و الذنب ما كل قلبه &nbsp;و خليفة ميوده.. دش خليفة لجناحه و على طول دخل سيف الحمام أما سيف كان رافض إنه يسبح &nbsp;خليفة غصبه على دخول الحمام .. و عقب 20 دقيقة طلع سيف كان لابس كندوره خليفة .. و ماله نفس في شي ومصدع على الآخر .. قعد في الغرفة عقب سار له خليفة ودخل عليه لأنه ابطى عليه ..

خليفة: سيف تعال برا ..
سيف من شاف الباب يتبطل نزل راسه ماله ويهه يطالع خليفة .. المهم سار &nbsp;سيف ورا خليفة لصالة جناحه ..

خليفة وهو يقعد و معصب: ما تقعد .... أقعد بشوف .. &nbsp;سيف قعد بكل هدوء و عيونه مصغره و الدموع ما تفارق عينه ..

خليفة: هاك يود القهوة .. سيف شل القهوة ويوم شرباها حسبها مره ..

خليفة : بلاك بعد ..

سيف يطالع خليفة وهو جزان : القهوة مره ..

خليفة يطالعه بعين: أحلف انت بس .. اشرب و ما تخلي في الكوب ولا قطره تسمع " نش " يوم بتخلص القهوة خبرني لأني ما بخليك اليوم ..

وعقب 10 دقايق من لأفكار يالي تحوم في راس سيف .. خلص سيف من شرب قهوته ..

خليفة هو ياي: ها خلصت ..

سيف: هيه ..

خليفة: سيف و بكل هدوء و بدون ما تخبي عليه شي خبرني ليش سويت كل هذه ؟؟؟&#33;&#33;&#33; ..

سيف : أول شي بسالك سؤال ..

خليفة: &nbsp;قول ..

سيف: إذا خبرتك انت بتفهمني ؟؟؟؟ ما بي منك أي شي أبا منك تفهمني بس .. أبا حد في هذه العالم يفهمني يا خليفة أتمنى أتكون هذه الشخص يالي يفهمني ..

خليفة حس انه السالفة عوده وحب يطمن سيف: قول أنا بسمعك لين الآخر وإن شاء الله ما بتلقي مني إلا كل يالي يرضيك ..

بعد فترة صمت تكلم سيف عن يالي يضايجه وعن سبب هذه يالي سواه و ليش .. خليفة طبعا كان يبا يقوم له و يكوفنه بس هو قاله كلمه و ما يقدر يرد فيها ..

سيف: هذه كل الســــالفة .. " يطالع خليفة " بس والله يا خليفة إنه الذنب يا كلني ما أقدر أفكر إلا بهذه السالفة ..

خليفة: ليش الذنب راكبك انت غلطت يا سيف &nbsp;انت المفروض ما تمد أيدك على أختك

سيف و الدموع في عينه: نرفزتني يا خليفة نرفزتني .. انت ما سمعت كلامها .. و الله يسم البدن ما بتستحمله ..

خليفة : زين أختك ما غلطت بكلامها ..

سيف و بدا يصيح : أنا ما تهمني وما يهمني كلامها أنا تهمني أميه يالي مديت أيدي عليها يا ليتني مت قبل لا أمد أيدي عليها .. " وحط أيده على ويهه "

خليفة حزت في خاطره وسار عند سيف و يمسح على راسه : بس يا سيف .. نش سيف وسار صوب الغنفه الثانية ..

خليفة وعلى ويهه ابتسامه : سيف انت ولد طيب و تحب الخير .. ليش ما تسير لأمك و تعتذر لها " أطالعه سيف باستغراب والدموع في ويهه "

خليفة: ليش تطالعني جيه أمك عندها قلب الأم و قلب الأم عمره ما يشيل على ولدها ضناها حتى لو سوى شي جبير يا &nbsp;سيف
.. سيف الكلام يالي قاله خليفة أثر فيه لأن أمه من هذه النوع .. وزاد في الصياح و عقب طاح في حضن خليفة و خليفة ما قال له شي خلاه يصيح على راحته ..
أم سيف بعدها ما رقدت تتريا ولدها لين احينه ما وصل الساعة صارت 4 وهو بعده ما وصل و تحاتيه وتفكر فيه من يوم ما ظهر من البيت و قعدت تمسح على راس ولدها سعود يالي كان راقد حذاها .. و تتذكر سيف يوم كان صغير هيئة سعود نفس سيف يوم كان صغير .. دمعت عينها على ولدها هذه حالها تنزل دمعه تمسح الثانية و عيونها تورمت من الصياح .. الصبح الســـــاعة تسع سعود كان يشوف التلفزيون و طول عليه.

فاطمة كانت نازلة من فوق و شعرها على جتفها و كانت لابسه بجامه النوم &nbsp;وتمشي ببطئ ..
&nbsp;
فاطمة تكلم سعود: سعود وين أميه ..

سعود ألتفت لها فتح عينه على الآخر : في المطبخ .. فاطمة ظهرت برا البيت و سارت عند مطابخ بيتهم يالي كانت ورا البيت .. دشت فاطمة المطبخ شافت أمها تسوي الريوق ..

فاطمة و بكل تعاسة : أمايا

لفت أم سيف بعد ما سمعت صوت بنتها يوم شافتها كان شكلها يخرع شعرها على جتفها و عيونها منفخات حمر حتى أم سيف دمعت من شافت حال بنتها جيه ..

أم سيف وهي متروعه وتي صوب فاطمة : بلاج فطوم جيه ليش شكلج غادي جيه .. &nbsp;

فاطمة ما قدرت تستحمل عمرها و حضنت أمها و قعدت تصيح لها في حضنها أم سيف استغربت و قعدت تمسح على شعرها ..

خليفة: سيف يا سيف بسك رقاد يا ريال قوم صارت الساعة تسع ..

سيف راقد و مرتاح في رقدته خليفة حزت في خاطره لأنه كان رايح في سابع نومه و كافيه عليه البارح صاح لين ما تنفخت عليه عينه .. سار خليفة و تلبس و قال لأمه إنه ريال عنده في الغرفة و إنها لا تخلي الخدامة تدخل الغرفة حتى خواته و إخوانه ..

خالد ما رقد الليل كان يفكر في بنت عمه كان سهران لين احينه ما رقد وياه أخوه حمدان يالي مسهرنه وياه غصب &nbsp;و عقب نش من مكانه من بعد قرار صعب يبا يحطي النقاط على الحروف ..
فاطمة طلعت من المطبخ من بعد ما تراضت هي و أمها وكانت مرتاحة جزئيًـــــا .. &nbsp;و هي يايه تدخل الصالة دش خالد من بعد ما دق الباب و فتحت له الخدامة .. و سأل عن أهل البيت و عن سيف قالت له الخدامة إنه مب موجود وعقب يوم ألتفت على باب الصالة شاف فاطمة و هي لابسه بيجامتها وشعرها منفوش ومغطي ظهرها &nbsp;تمشي وجهتها لصالة .. خالد قال للخدامة تسير .. أما هو سار صوب فاطمة ..

خالد منزل راسه احتراما لها : السلام عليج يا بنت عمي ..

فاطمة تفاجأت بصوت ويوم التفتت له شافته خالد بس هو ما يطالعها منزل راسه تحت أما هي فردت لها حاله الغضب وما اهتمت من شكلها وربعت أيدها &nbsp;: و عليكم السلام ورحمه الله وبركاته ..

خالد: شحالج ربج بخير ..

فاطمة: الحمد الله بخير وعافيه ..

خالد متردد : فـــــاطمة أنا ........

فاطمة ساكتة تبا تسمع شو يبا يقول ..

خالد: فاطمة ترا أنا ما راقد الليل و مواصل تدرين ليش ؟؟؟

فاطمة: ما عرف ..

خالد استغرب من رده فعلها رفع راسها يطالعها : إنتي ليـــ ..... تم متسمر مكانه " ليش جيه شكلها و عيونها ليش متنفخات لا يكون أنا السبب "
فاطمة يوم أطالعها خالد حست غير و بسرعة دخلت داخل و قعدت تصيح مرة ثانية .. سعود يسمع صوتها يوم تصيح سار لها شافها قاعدة تحت على الرخام و تصيح"

سعود بحزن يمسح على شعرها وبصوته الطفو لي و ببرائه : فطوم بس لا تصيحي سيوف بضربه يوم بي لا تخافي أنا أحبج..

فاطمة رفعت راسها و على ويهها ابتسامه و الدموع في عينها وسط هذه الدموع إيها سعود و يقول لها هذه الكلام ..

فاطمة: لا حبيبي ما سواف السبب بس أنا بروحي أصيح ..سير شوف تلفزيون احينه .. &nbsp;

سعود قعد يبتسم لها و يضحكها من سوالفه و مغامراته و خرابيطه ..
برا من عقب ما دخلت داخل كان متفاجأ من شكلها وايد ليش جيه شكلها .. كل هذه بسببيه بس أنا ما سويت شي عسب تعاملني جيه .. نزل خالد راسه و حس بثجل في قلبه &nbsp;على يالي شافه حبيبه قلبه و إلي حبها من يوم ما كانو صغاريه تصيح وده يسألها بس يخاف تسوي له طـاف و أكبر طاف في حياته ..

الساعة 2 و نص الظهر دخل خليفة جناحه من بعد ما تغدا ويا منال أخته و أمه لأن أبوه ساير دبي عسب يتابع شغله و خوانه في دواماتهم &nbsp;.. دخل شاف صالة الجناح &nbsp;مثل ما هي دخل غرفته شاف سيف بعده راقد .. سار الغرفة الثانية دخل الحمام و تلبس وصلى و عقب سار يوعي سيف شغل عليه الليتات لأن الغرفة مظلمة و بـــــاردة حتى سيف كان متلحف كامل ..

خليفة يوعيه بهدوء : سواف .. سيف .. سواف قوم الحين العصر .. سيف ما شي جواب ..

خليفة: سيف ..

سيف متغصص و عاقد حواجبه " من تحت البطانية ": همممممممممم ..

خليفة: يا الله قوم يا أخي الساعة 3 قوم ..

سيف بكسل حتى ما ينفهم لكلامه : خلني أرقد يا خليفة .. " و أنجلب يرقد على الجهة الثانية "

خليفة: شوووه قوم يا الله قوم .. &nbsp;سار عنه برا الصالة لأنه ما يحب يدخل غرفته ويرقد فيها إلا وهي نظيفة .. وعقب فتره شاف سيف ما قعد من رقاده .. رد غرفته وشافه بعده رقاد ..

خليفة : زين سيف بتشوف ..
سار عند المسجل وشغله وطول عليه كامل بس بعد سيف ما قعد من رقاده سار وياب له ماي بارد من الثلاجة يالي في جناحه وبطله وشرب منه شوي و الباجي جبه على سيف يالي نش من رقاده يتنفس بسرعة جنه حد يروغه و يربع وراه .. &nbsp;

سيف وهو يلتقط أنفاسه و معصب : والله ما تستحي يا خلوف ..

خليفة مبتسم و معصب في نفس الوقت : خلوف في عينك أنا عمك خليفة ..

سيف تم ساكت نش من مكانه و راش البطانية على خليفة ودخل الحمام .. وهو معصب طبعا ..

أم سيف مضايجه ولدها من ظهر البارح العشا ألين احينه ما رد " لا يكون صار فيه شي " قعدت توسوس راحت عند تلفونها أدق حقه بعد ما شي جواب .. وشوي جان أدق فاطمة الباب على أمها ..

فاطمة: السلام عليكم ها بعدج ما رقدتي ..

أم سيف: لا بعد ما رقدت أتصل في أخوج و ما يشيله ..

فاطمة: يمكن راقد عند ربعه ..

أم سيف بقلق : والله مادري يا فاطمة .. الولد ظهر من البارحة و أنا أخاف صار له شي ..

فاطمة: لا أميه إنتي شو قاعدة تقولي و بعدين لو صار له شي أكيد بنعرف إنتي لا تخافين ..

أم سيف ما تبا تخوف بنتها: خواتج وينهم عيل ..

فاطمة : تحت يلعبون عيال عميه أحمد عندهم مهاري و سلطان ..

أم سيف: لا تخليهم يظهرون يلعبون برع ..

فاطمة: لا هم ورا عند الحديقة .. &nbsp;طاع الجوي والله جنان أميه قومي خل نقعد برع لين يأذن العصر .. دام ما يا ينج رقاد ..

أم سيف: لا سيري إنتي أنا بقعد هنيه و يمكن أرقد ..

فاطمة: أميه إنتي إذا قعدتي بروحج بتوسوسين ..

أم سيف حيل مضايجه : فاطمة خليني بروح الله يخليج ..

فاطمة: على أمرج أميه ..
حبت راسها وظهرت سارت غرفتها عسب تطالع التلفزيون .. أما أم سيف فردت بأفكارها لولدها يالي ما تعرف عنه شي من يوم ظهر من البيت فكرت تخبر عمه أحمد بس تخاف يصير شي ..

سيف توه ظاهر من الحمام قعد شوي في الغرفة لأنه راسه شوي يعوره وعقب سار عند التسريحة عسب يسحي شعره و تعطر من عطور خليفة يالي كان أكثر من عطر على تسريحته و ما يستخدمهم توصل الغرشه لنص وعقب يشتري غيرها .. و عقب ظهر .. خليفة قاعد على الغنفه و موطي راسه و راقد سيف قرب منه و قعد يطالعه بهدوء حس إنه خليفة إنسان خالي من المشاكل مرتاح في حياته و يحكم أفكاره و تمنى سيف إنه يكون مكانه .. وشي يات في باله فكره .. سار سيف ياب شويه ماي من الثلاجة و جبه على أيده و قعد يجبه على خليفة نقطه نقطة خليفة يعس ويهه بأيده و سيف ميت من الضحك عليه و يرد يعيد الحركة هنيه خليفة فتح عينه يوم أطالع ما شاف حد رد يرقد رد سيف على نفس الحركة بس هذه المرة خليفة مسك أيده سيف أنجب كل الماي على كندوره خليفة &nbsp;..

خليفة وهو يقوم من مكانه : عنلاتك وين تبا ..

سيف ميت من الضحك و رافع حاجب واحد و يضحك بصوت عالي حتى أم خليفة سمعت ضحكته ..

خليفة: تضحك يا سواف تضحك .. ويربع وراه .. سيف يربع و خليفة وراه سيف كان يضحك حتى من كثر الضحك عينه دمعت و خاصرته عورته ..

سيف ميت من الضحك : خليفة دخيلك بطني يعورني بس ..

خليفة معصب: وقف زين وقف .. سيف وقف يا خذ نفس أما خليفة سار له و ضربه بس سيف كان ميت من الضحك على الحركة إلي سواها لخليفة ..

خليفة وهو يسحب سيف للغنفه : يا مبرد أعصابك أنا قاعد من رقادي بسير أدور ليه شي أكله مب أسوي هذه السوالف ..

سيف: و الله أنا مب مثلك ..

خليفة: يا الله ما تبا غدا &nbsp;..

سيف: لا ما ريد ..

خليفة: لا تبا لحظه .. سار خليفة و قال لأمه لأنه شافها قاعدة في الصالة و قال لها يبا غدا حق سيف و ما قصرت أم خليفة يابت له غدا ..

أم خليفة وهي أدق على خليفة باب جناحه .: خليفة الغالي تعال شل الغدا ..

خليفة سار و فتح الباب وشل عن أمه الغدا : تعالي الوالدة سلمي على الريال ..
سارت أم خليفة تسلم على سيف ويوم شافته استغربت هذه ولد صغير ليش هو عند خليفة بس ما سوت سالفة ابتسمت وسلمت عليه وسيف بعد سلم عليها وهو مستحي ..

أم خليفة: ها يا سيف هذه هو الغدا تغدا لا تستحي و إن كنت تبا شي ترا لا تستحي أنا حاضره &nbsp;..

سيف وهو يحك راسه ومنزله : مشكورة خالوه ما تقصرين و أفا عليج هذه البيت بيتي ..

أم خليفة : هيه جيه أبــــاك .. خليفة عط الولد غداه ..

خليفة يطالع أمه بعبط: أمايه أكيد بعطية عليل ليش يايب الغدا عسب أنا أكله ..

أم خليفة : أدريبك زين .. سيف مبتسم و يطالع خليفة جيف يتعامل ويا أمه وأمه جيف مستانسه و تسولف ويا ولدها و حس شوي بالغيرة لأنه هو ما يتعامل ويا أمه جيه .. كله ضرابه و مفاتن &nbsp;.. &nbsp;على هذه الحال يفكر لين ظهرت أم خليفة.. &nbsp;خليفة لاحظ شرود سيف

خليفة و على ويهه ابتسامه : علامك يا سيف ..

سيف: تبا الصدق و الصراحة غرت شوي منك ..

خليفة وعايبنه صراحة سيف: ليش ؟؟؟

سيف: تعاملك ويا أمك و تعاملها وياك ..

خليفة : شوف الحين هذه السالفة ما بنفتحها الحين يود غداك و سير كل أنا بغفل ليه ساعة وعقب قعدني من الرقاد ..

سيف: إن شاء الله ..

سار سيف ياكل أما خليفة فسار يرقد له ساعة مثل ما قال ..

خالد يفكر في فاطمة ليش هذه التعامل و ليش اليوم الصبح كان شكلها غير و جنه أول ومره يشوفها و يعرفها &nbsp;.. كانت دوم ترحب فيه شو ياها .. تذكر البارح يوم دخل كان يكلم وحده من البنات يالي يكلمهن .. عدل يلسته " لا يكون سمعتني و أنا أكلمها .. لا شو ها السالفة هي أصلن ما تعرف إني أحبها .. عيل ليش هذه التعامل .. أأأأأأأه فطـــــــــوم معذبتني .. ( وهو يتخيلها ) فديت ضحكتج يوم تضحكين والله بموت إلا أعرف شو السبب .. رد ونسدح مره ثانيه .. بسير بيتهم الحين .. هيه والله بسير و بشوف شو السالفة " نش من مكانه و سار عند حمدان أخوه يالي كان يلعب بليستيشن 2 مع عبيد ولد عمته و أحمد ولد عمته و كانو الشبيبة شالين البقعة مرتبشين بس خالد قطع عليهم الربشه "..
&nbsp;
خالد : السلام عليهم عيل اليوم عدنا ..

عبيد يالي كان بعمر خالد و ملتهي بالعب : و عليكم السلام و الرحمة وينك يا ريال من الصبح ننشد عنك

خالد: سالت عنك العافية .. "وعلى طول " حمدان أباك في سالفة ..

عبيد : ليش تبغاه ...

خالد: أباه يسير ويايه بيت المرحوم عميه راشد ..

أحمد: زين والله نحن بعد بنسير نسلم عليهم و بنشوف سواف النتايج يقولون باجر..

خالد وهو مب عايبنه : يا الله عيل قومو هبابنا بأذن العصر .. &nbsp;

حمدان: زين بلاك مستعيل توها الناس بنسير نصل وعقب بنسير نسلم عليهم يمكن احنيه راقدين ..

خالد: بتقمون ولا جيف ..

عبيد يخلي الجير : لا أفا عليك الحين بنسير لحظه شويه انت .. سار عبيد يعدل عصامته عند الدريشه و عقب سار الشبيبة بيت عمهم راشد ..

سيف خلص غداة وعقب سار الحمام وغسل أيده و تم متملل يطالع يمين ويسار ما عارف شو يسوي وعقب سمع حشره سار عند الستارة وفتحها شاف منال قاعدة ويا أختها العودة عوشه و عيالها يلعبون في الحديقة و كانت الحديقة يالي هم قاعدين فيها صغيره و هم قاعدين تحت الشجرة العودة كانن يسولفن ويضحكن و الجو برا مغيم و لفتت انتباهه منال كانت رقيقه يوم هيه تتكلم و اللون العشب الأخضر عاكس على ويهها كان شكلها حلو .. وعقب شوي حس سيف إنه حرام عليه يطالع أخت خليفة لأنه يابه و أحترمه وقعده في بيتهم ليش هو ما يحترم هذه الثقة .. سار سيف عند التلفزيون وشغله وقعد يطالع و هو متملل و عقب دق حق محمد عسب يكلمه .. الشباب ظهرو من بيت عمهم أحمد و سارو بيت عمهم المرحوم راشد دقوا الباب و فتح لهم الباب سعود ..

خالد: وين خالوه سعود ..
سعود: أميه داخل تعال تعال ..
سارو صوب المنامة يالي كانت في نص البيت شكلها روعه في نص كانت طاوله و شكلها وايد حلو داخل هذه الطاولة ورد مجفف و ماي يصب فيها على شكل دائري ..

عبيد يطالع الطاولة: عجيب والله ماي فيها ..

خالد وهو يضحك : فضيحة خلها لا تكسرها ..

عبيد وهو محرج : زين بلاك يقول احينه مال أبوه ..

خالد: عبيد .. كان يبا يفتن عليه بس شاف حرمه عمه وخالته في نفس الوقت واصله عندهم كانت البسمة على محياها ..

أم سي: هلا والله بالشباب قربو قربو .. نشو وايهوها ..

خالد: شحالج خالوه ..

عبيد: شخبارج يا أم سيف ..

أم سيف: الحمد الله حبيبي انتو شخباركم شخبار دراساتكم و شغلكم ..

عبيد: أنا ما عليج منيه تمام الحمد الله امشي في دراستيه ..

أم سيف و هي تذكر سيف : الحمد الله ..

عبيد شاف أم سيف متكدرة وحب يسوي لها جو : أقول خالوه محلوه شو ها الزين ..

أم سيف وهي تضحك : الله يقطع سوالف يا عبيد ما تيوز ...

عبيد: لا والله ما أسولف جد وايد محلوه و إلي يقول أختهم مب أمهم ..

أم سيف: عيونك الأحلى غناتي ..

خالد حس بالغيرة : و أنا يعني ما ليه غناتي ومن هذه الكلام الحلو زعلت تراني ..

أم سيف : أفا يا خالد هذه و أنا أمك .. &nbsp;

خالد: لا مب أميه عيل أميه تمدحين عبود الكجره ..

عبيد: أنا احينه كجره يا الهيس ..

أم سيف: لا انت ولا هو أحسن ناس فيكم حمدان و أحمد .. &nbsp;أحمد تم منزل راسه مستحي ..

حمدان: تسلمين خالوه ..
وشوي إلا يسمعون حشره يوم أطالعو مكان إلي يصدر منه هذه الصوت شافو مريم تربع و ريم واقفة عند باب الصالة و تفرها بدبدوب هذه الدبدوب وصل لين ريل أمها أما مريم يوم شافت ريم تفرها نزلت تقعد تحت عسب ما يوصل لها ..

أم سيف معصبه بس ما بينت : ريم شوها .. ريم تمت واقفة مكانها ويوم أطالعت الكنادير البيض يالي حذال أمها نزلت راسها وقعدت تضحك .. أما مريم فستحت و تمت منزله راسها ..

أم سيف: مريم بلاج إنتي و اختج ..

مريم و يهها مستوي أحمر : أميه يدوه تباج على التلفون ..
ضحكو الشبيبة بس عسب مريم شلت التلفون ريم قعدت تسبها و إلا تعرف منوه يالي كان متصل .. " سوالف خوات وايد بعد مب شويه " سارت أم سيف عن العرب و قالت لهم إنهم ما يستحون و إنه البيت بيتهم ..

خالد يطالع مريم بحنان : مريم شحالج ..

مريم شلت الدبدوب: الحمد الله بخير وسارت عنهم .. حمدان قعد عندهم 10 دقايق وعقب سار المكان يالي سارته مريم ..

ريم وهي واقفة : السلام عليكم ..

الشباب: و عليكم السلام ..

خالد: ها أم السانين ..

ريم و البان في حلجها : أنا أم السانين يا أقولك مب قايله أحسن ..

عبيد وهو يضحك : زين عطينا لبان ..

ريم : تبا والله بيبلك بس الحين ما أقدر تعال المرة اليايه .. &nbsp; &nbsp;

عبيد وهو يحطي أيده في جيبه : تعالي إندوج درهم على هذه النكتة البايخه ..

ريم: أنا بايخه .. انت شو اسمك؟؟؟؟؟؟ ..

عبيد: وابوي عليج أنا و لد عمج ما تعرفيني &#33;&#33;&#33;&#33;&#33;&#33;&#33; ..

ريم بكبرياء: شدراني فيك .. عبيد استغرب من هذه الأسلوب ترمس وجنها بنت عمرها 17 سنه مب توها 13 سنه و بتكمل 14 السنة اليايه ..

عبيد يطالع خالد: الحين هذه عمرها 13 سنه ..

ريم : ليش يعني مب مالية عينك ..

خالد بحزم: ريم عيب ..

ريم : زين .. وسارت عنهم الصالة ..

نهايه الجزء الســـــــادس ..</font>

[راع7ي]

<font color='#000080'>الجزء الســـــــــــــابع


خوله ما راضيه تاكل مهمله في نفسها عقب يالي سوته مع سيف ذاك اليوم صحيح إنها خبرت اختها بكل السالفة بس بعد شك أخوها ذياب فيها يخليها ما ترقد الليل و كل ما تشوفه ما تقدر حتى تطالع في ويهه .. حتى في يوم من الأيام كان عندهم عرس وكان عرس بنت خالوتها بس ذياب ما رضا يخليها تروح و قعد هو في البيت و كل شوي يطل عليها يشوفها موجودة..

خوله: وضحوه بموت من هذه المعاملة ..

وضحى ربيعه خوله : محد خبرج تسوين هذه السوالف ..

خوله: كله من سواف هو يالي ياب ليه المشاكل ..

وضحى: مب من ولد يرانكم كله منج إنتي .. عيل حد يطلع من العصر يوصل نص الليل وين تبين إنتي.

خوله: بس محمد ما رضا شسوي يعني .. بموت لا أكل مثل الناس أذوقه نوريني ..

وضحى : ملش دعوه بيها ..

خوله مت غصصه: فايجه إنتي بعد .. &nbsp;

وضحى: خوالي المغرب بدق حقج و يمكن إي حقج زين حبوبه أخليج الحين الوالدة تناديني ..

خوله وهي مستانسه : والله و ضحوه بتين تعالي محد يسولف عندي تعالي ..

وضحى وكاسرة خاطرها ربيعتها : إن شاء الله بشاور الريل وعقب بقولج .. عيل الحين فمان الله ..

و صكرت عن ربيعتها وردت تنسدح على شبريتها تتذكر أول يوم شافها سيف كانت وايد زايغه منه ما توقعته جيه يتعامل كان تعامله يوم كان صغير غير والحين تغير تماما وطبيعة حال سيف إنه جاف وايد ويا البنات و ما يحب يكلمهن &nbsp;وهو أول ما عرف إنها تطلع ويا واحد قام كل يوم يسترصدها جنه يتلذذ بهذه الشي .. و خوله طبعا حازه في خاطرها عليه ما عارفه شو هذه الشعور يالي يخالجها تحس إنها تكره سيف و تحس في نفس الوقت إنها مستلطفته تفتقده من بعد السالفة يالي صارت و دخل مركز الشرطة بسبتها و هو ما قال ولا كلمه عسب يورطها وهي ما كلفت بعمرها حتى تقول الحقيقة لـذياب
أخوها .. خليفة وسيف توهم يايين من الصلاة و دخلو الجناح ..

خليفة: ها ما تبا تظهر ..

سيف: أكيد يعني تباني أقعد هنيه .. الحين بقول حق حمود يمر عليه &nbsp;..

خليفة: سيف بتقعد هنيه ؟؟؟؟؟ ..

سيف: لا ثجلت عليك ما با أقعد عندك زود ..

خليفة: سيف إذا بغيت أي شي لا تتردد و إن بغيت تبات عندي تراني مب رافض و إذا كنت تحس إنك مثجل عليه ترا والله إني مستانس وياك ..

سيف: تسلم والله من طيب أصلك يا خليفة ..

خليفة: ها باجر النتايج شو شعورك ..

سيف وهو متوتر : متوتر شوي بس يا لله أحس إني متشجع مب وايد ..

خليفة: و إذا ما يبت نسبه ..

سيف : خليفة لا تكسر مياديفي دخيلك بروحي متوتر ..

خليفة: خلاص مب مكسرنهن أقول لا أدق حق حمود أنا وياك اليوم ما بنفارج بعض أخاف تسير عند حمود و تسيرون عند ربعكم المصبنة هذولا و تشرب لك بيرة عدله ..
&nbsp;
سيف حس بثجل في قلبه : و الله البارح مب ناسنه خير شر ..

خليفة: سيف ماتبا تراضي أمك؟؟ .. &nbsp;

سيف: استحي ..

خليفة: تستحي .. و من شووو من أمك &nbsp;ما عندك سالفة تراك و بعدين تعال انت ما تعرف قلب الأم جيف حنون ..

سيف: بلا أعرف بس هذه أول مرة أعاملها جيه و أمد أيدي عليها .. و أخاف من ردت فعلها ..

خليفة: زين خلاص الحين قوم ألبس لك شي عسب نروح نتمشى و لا أقولك دق حق حمود أي ويانا بعد أحسن ما نخليه بروحه ..

سيف: إن شاء الله ..
سار سيف أدق حق محمد ربيعه و يخبره أما خليفة ساير يظهر حق سيف ملابس ..

في البيت المرحوم راشد بن سلطان و عقب صلاة العصر رجعو الشبيبة يتقهويون عند مرت عمهم وحلفت عليهم إنهم يتقهويون .. دخل خالد أول واحد وكان حاس بإحساس فضيع و يوم جرب من المنامة شاف غزاله يالي ما يرقده الليل و كانت يايبه الفواله ..

خالد لاحظ جمال فاطمة هذه المرة و بتوتر : السلام عليكم ..

فاطمة وقلبها يدق بعنف ولتفتت وراها : و عليكم السلام .. &nbsp;

خالد: شحالج بنت عمي ..

فاطمة : الحمد الله بخير وعافيه ..

عبيد وأحمد يالي كانو ورا خالد : شحالج فطيم ..

فاطمة : الحمد الله بخير شخبارك عبيد " وجان تطالع أحمد " أخبارك أحمد ..

أحمد : الحمد الله بصحة وعافيه ..

فاطمة: قربو ..

عبيد: قريب أقعد خلود .. خالد كان يطالع فاطمة حتى فاطمة لاحظت هذه الشي و ستحت بس ما بينت لعبيد و أحمد :: ..

خالد: فاطمة وين عيل سواف ؟؟..

فاطمة: هاه هيه عند ربعه ..

عبيد: حليلك يا سيف باجر النتايج .. تعرفين عاده محد في العايله عنده ثانوية عامه إلا هو و عنود أختيه.

فاطمة: لا بعد سلامي بنت عموه شيخه ..

عبيد: ما شاء الله كلهن البنات ثانوية عامه و أكيد هو الولد الوحيد من بينهن ..

فاطمة تضحك : هيه تعرف أنا الحين لحظت ..

عبيد: الله يعينهم باجر .. البنات ما ينخاف عليهن لكن الأولاد مول ..

فاطمة: لا إن شاء الله سيف بيبها هذه السنة ..

عبيد: إن شاء الله ليش لاء ..

خالد كان يطالعها وهي تسولف ويا عبيد وكان بيموت من الغيض مسويتله طاف و أكبر طاف في حياتها .. مول ما تطالعه منتبه برمستها ويا عبيد .. أما فاطمة كانت قاصده هذه الحركة بس ما تعرف ليش يعني هذه الحركة وباين على خالد الغيض .. يات أم سيف و قعدت مع الشباب وسارت فاطمة داخل الصالة تكلم ربيعتها على التلفون ..

بليل الساعة 10 وربع سيف عند خليفة في البيت من بعد ما راحو و تمشو في العاصمة الحبيبة سيف شايل بنت أخت خليفة و كان عمرها بعده شهرين وهو مستحي .. خليفة خلاها عنده وهو متوهق فيها الحين ويطالعها وهي تطالعه بعيونها الوساع كانت فيها شبهه من منال بس سيف خوز هذه التفكير من باله ..
سيف : فديتج و فيدت خشمج حبوبه إنتي
" ويمسح على خشمها يالي كان طويل " وشوي جان تزعج زعجه صغيرة وكانت الابتسامة على ويهها ..سيف خاف بس يوم شافها تضحك استانس عليها وايد مسح على شعرها يالي كان أسود داكن و ضمها في حضنه وقعد يشم ريحتها الحلوة تذكر على طول أخو سعود يالي اشتاق حقه موت .. &nbsp;صحيح هو يوم واحد بس حس إنه شهر ما شاف أهله مشتاق حقهم وايد و مشتاق حق أمه وايد صحيح دوم هو وياها يتفاتنون بس هذه بعد أمه ..خليفة طلع برا غرفته و كانت على ويهه الابتسامة ويوم أطالع سيف شافه يلاعب شمه بنت أخته و جنه تخبل ..

خليفة: بسم الله عليك شو ياك ..

سيف: ما ياني شي بس هذه تخبل بالواحد فديتها ..

خليفة أونه: هاتها نحن نغار على بناتنا ..

سيف: على هذه الجمال من حقك الصراحة تغار " و يبوسها "

خليفة: قم بس قم خلني بوديها بخبرك بشي بس يوم بي زين .. سار خليفة يودي بنت أخته لأمها ..

في بيت أم سيف كانت فاطمة تنادي سعود يالي كان يلعب في الفريج خالد كان في سيارته ويوم شافها سار بسيارته لعند باب بيت عمه ونزل منها ..

خالد: هلا فطيم ..

فاطمة وهي تنتبه عليه و بدون نفس : هلا

خالد وهو محرج : ليش تردين من دون نفس ..

فاطمة: كيفي ..

خالد عصب: فاطمة إنتي شفيج عليه هاه ..

فاطمة تنادي سعود: سعود حبيبي تعال داخل بسرعة ..

خالد معصب: فاطمة أنا أكلمج ما تسمعين ..

فاطمة بتكبر : لاء ما أسمع زين .. وسارت عنه داخل .. و حست حد أيودها من أيدها ..

فاطمة وهي تزعج ليه : أنت أية بلاك خوز أيدك عورتني .. &nbsp;

خالد معصب و موصل حده : و إذا ما خوزتها شو بتسوين هاه ..

فاطمة وتبعد أيدها : صج إنك ما تستحي يا خالد ..

كانت تبا تكمل كلامها بس تفاجأت وايد من يالي صاير جدامها معقولة هذه كله يطلع من خالد يالي تحبه و تغليه و يخاف عليها حتى من نفسه ..
خالد مب مصدق من يالي سواه " معقولة أنا مديت أيدي عليها و تجرأت ليش يا خالد ليش يت تبا تجحلها عميتها " أطالعها خالد كانت من فجعه منه و أيدها على خدها .. خالد ما عرف شو يسوي ظهر بسرعة من بيت عمه .. فاطمة ربعت لداخل الصالة أمها كانت قاعدة ويا مريم يطالعون تلفزيون دخلت عليهم فاطمة وهي تصيح وربعت لغرفتها خافت أم سيف على بنتها و تبعتها ..


سيف: ها يا خليفة شو تبا تقول ..

خليفة: بقولك بس لا تزعل و تهزبني ..

سيف يضحك: ليش يعني يا خليفة إذا انت مب مقتنع من يالي سويته ليش عيل سويته ما حيدك وبعدين انت ريال و تحكم عقل و ما أعتقد إن يالي سويته غلط &nbsp;.. و ليش اهزبك انت بحسبه أخويه تكلم ..

خليفة: انت كاشفني على طول ..

سيف وبهدوء: شو يا خليفة ..

خليفة: بشارة يا سيف ..

سيف: قول شو هيه ..

خليفة: أنا الصراحة ما قدرت أصبر لين باجر خذيت رقم الجلوس مالك و مال محمد اليوم شايفه في سيارته فقلت خلني اليوم أسويها .. وكلمت واحد من العرب عسب يخبرني بسالفة ..

سيف مستغرب : سالفة .. خليفة لا تلف ودور دش في الموضوع دايركت ..

خليفة: سيف حبيبي طلعت نتايجكم وتراها عندي ..

سيف يالي كان مرجع ظهره على الكنبة اعتدل في يلسته : شوووووووو " فاج عينه طبعا "

خليفة: بلاك هذه أنا قلت النتايج عندي عيل يوم بتعرف جم نسبتك شو بتقول ..

سيف وهو خايف : خليفة بشر .. &nbsp;

خليفة بهدوء : أبشرك حمود ناجح و نسبته 79.6 % ..

سيف وهو فرحان: الله فديـــــــتك يا ربي الحمد الله و الله كنت أحاتي حمود .. زين و أنا شو يبت .. 60 الحمد الله ..

خليفة: أهووووه انت طموحك مرة صفر ..

سيف: الحمد الله على كل حال " و يهزهز ريوله " زين قول أنا جم نسبتيه يا الله عاد خليفة ..

خليفة و ويهه ما يطمن : انت عندك دور ثاني يا سيف في الرياضيات ..

سيف متفاجأ : شووووووه أنا في الرياضيات ليش ؟؟؟؟ ..

خليفة: شسوي يا سيف هذه يالي قالوه حقي .. &nbsp;

سيف: وما قالولك جم نسبتيه ..

خليفة: بلا قالولي ..

سيف و محبط : جم ..

خليفة: 58.2% و العكس صحيح ..

سيف طلعت منه ضحكه متحسر على عمرة : 58 وثنين من عشرة الله محلاتها من نسبه
" ونزل راسه جانت الدموع في عينه .. يفكر جيف كان طموح أيام المذاكرة والحين تطلع نسبته هذه الكلام يالي قالوه الناس عنه طلع صحيح يعني ؟؟؟؟؟؟ &nbsp;"

خليفة : سيف بلاك ..

سيف منزل راسه : ..............

خليفة: سيف بلاك الله يهداك أقولك نسبت 58 و العكس صحيح صحييييييييييييح ..

سيف رفع راسه و الدموع في عينه خلاص بطيحن : جيف يعني .. جيه ولا جيه هذه النسبة

خليفة: مبروك حبيبي 85.2% نسبتك و تستاهلها انت يعني تعبك ما راح بلاش ورفعت راس أمك و راس أبوك الله يرحمه وهو في التراب .. و ما خذلت أمك في هذه الشي ..

سيف ما استوعب الرمسه بس يوم سمعه خليفة يرمس عن أمه حس انه ياب نسبه حلوه ..

خليفة : أفرح يا أخيه وهي الدموع دموع الفرح ..

سيف وهو طاير من الفرح : خليـفة قول هذه الصج .. &nbsp;

خليفة: ليش مب مصدقني بس حبيت أقولها لك بطريقه ثانيه ..

سيف وعينه تدمع ويحضن خليفة: مشكور الغالي مشكور ..
وقعد في حضنه يصيح يمكن عشر دقايق و خليفة عذره سيف يحتاج &nbsp;يفرحه من بعد يالي سواه في أمه وكفاية الذنب الكبير يالي يحسه ..

سيف: خليفة أبا أروح البيت بسرعة ..

خليفة فرحان: ليش ..

سيف: أبا أشوف أميه الحين و مب مأجل بسرعة ودني .. &nbsp;
خليفة ما رفض له هذه الطلب لبس سفرته وعقاله و سار هو وياه لبيتهم ..

خالد يتمشى و معصب من نفسه ليش سوى هذه الشي لفاطمة .. " ليش سويت جيه يا خالد هذه فاطمة الغالية يالي الكل يحطونها في عيونهم تسير انت تمد أيدك عليها ليش جنه زجاج و انكسر و منو يالي كسرة انت يا خالد انت &nbsp;.. أنا ما كان قصدي بس إنتي يالي عصبتيبي و طلعتيني عن طوري الله يهداج بس " يسوق السيارة وهو ما حاس نزل غترته عن راسه و حطي أيده في شعرة &nbsp;يفكر .. أما في البيت كانت فاطمة تصيح بصمت في غرفتها و أمها أدق عليها الباب بس ماشي جواب منها وعقب تكلمت وقالت إنها ما تبا تشوف أي حد أو إنها تكلم حد .. أم سيف احترمت قرار بنتها وخلتها لين تهدي عقب بتكلمها .. سارت تحت و قعدت في صالة بيتها الوسيعه و الضخمة كانت مريم قاعدة شوي بعيد عنها و تطالع تلفزيون .. أما هي فكانت حاسة بالفراغ من بعد ما ظهر سيف من البيت من البارح ظهر ولا رجع &nbsp;" البيت فاضي من دونك يا سيف رد لي يا حبيبي رد لأمك يالي تحتاجك أنا من دونك جسد بلا روح رد لأمك يالي تحبك " وشوي جان ينفتح الباب و بهدوء.

مريم: تعال انت ليش طالع براه هاه ..

سعود: ماماه وين ..

مريم تأشر على أمها : هناك قاعدة ..

سار سعود عند أمه : ماماه أنا ما سويت شي ..

أم سيف و عارفه إنه مسوي شي : شو سويت يا سعود ..

سعود: الكوره بروحه كسرت ليت الحديقة ..

أم سيف وهي مضايجه تفكر بولدها وفي بنتها يالي دخلت و صكرت على عمرها الباب و ما تعرف شو بلاها والحين سعود ياي يغلس عليها : &nbsp;حسبي يا الله ونعم الوكيل في عدوك يا سعود أنا أمس مركبتنه ليش سويت جيه هاه ..

سعود: ماماه ما سويت ما أناه ..

أم سيف : عيل منوه بروحه انكسر .. وشوي جان يدخل و يوايج من الباب كانت البسمة على ويهه و باين عليه فرحان .. أم سيف تعاتب ولدها الصغير أما ريال البيت فكان يطالعاها ..

سيف برقه : أمايا ..

أم سيف: يعني الحين انت .. وجان تسكت " كانت تعاتب سعود بس سمعت حس جنها من زمان ما سمعته هذه حس غالي عليها وتبا توصل لقلبه من زمان و تحاول بس محاولاتها باءت بالفشل "
أم سيف تطالع ولدها يالي ظهر من البارح معصب واليوم مبتسم لها و لأول مرة في حياتها ..

سيف: أمايا أم سيف .. وسار عندها

أم سيف نزلت راسها .. سيف هنيه خاف من هذه الحظه خليفة قايل له كلام غير والحين يشوف شي &nbsp;غير عن هذه الكلام &nbsp; ..

أم سيف تحس إنها في حلم من كثر ما تفكر حست إنها تتخيل هذه الشي بس طلع عكس ذالك كان صج و كانت تبا تتأكد من هذه الشي أم سيف رفعت راسها ابتسمت لأنه هذه الشي صحيح مب من تخيلاتها : هلا حبيبي هلا بنور العين .. " و الابتسامة على ويهها " هنيه سيف ربع لحظن أمه كان مشتاق لها حيـــــــل فوق ما تتصورون كان يصيح بصوت عالي جنه ياهل " بس صوته يالي مخرب عليه كان وايد خشن "
أم سيف تمسح على شعر ولدها بحنان وهي تضمه لصدرها بقوه كانت هذه أول مره سيف يحضن أمه و يحس بالأمان ما كان متوقع إنها بترضى عليه هو متوقع عكس ذالك .. سعود يطالع الموقف يالي جدامه أول مرة يشوف أخوه يصيح بهذه الطريقة .. أما سيف أعطى عمره كامل الحرية إنه يصيح في حضن أمه يالي كان دافي و يترياه طول هذه السنين من بعد وفات أبوه .. يصيح دموعه تنذرف بحريه على شيله أمه مال بيت .. أم سيف تصيح بس ما حبت تبين حق ولدها هذه الشي و لدها من ظهر من البارح غير واليوم رد لها غير تغير 180 درجه عن قبل ..

أم سيف ترفع راس ولدها: بس حبيبي بس ..

سيف وهو يصيح : لا يا أميه خليني أصيح أنا مديت أيدي عليج و أنا ياينج ندمان حيل .. ما عيدها مرة ثانيه والله ما عيدها سامحيني يا الغالية سامحيني &nbsp;

أم سيف أثر فيها ولدها: مسامحتك يا الغالي دنيا و آخرة ..
سعود بدا يتأثر من هذه الموقف يالي حاصل جدامه خاف يتحرا شي صاير لأخوه " ما يدري إنه ندمان على إليه سواه و قلبه يا كله على موقف &nbsp;البارح و السنوات يالي طافت يوم إنه كان يعلي صوته عليها و يحتقرها بدون قصد "

سعود وهو يصيح : ماماه ..

أم سيف تطالع ولدها سعود و الدموع في عينها : بلاك حبيبي ..

سعود : ماماه سيف يصيييييييييح .. " بصوته الصغير "

سيف أطالع أخوه و البسمة على شفايفه و دموع في عينه : تعال حبيبي " ويشل أخوه ويقعده صوبه " فديتك متوله عليك زود متوله عليكم وااااايـــــــد يا أميه .. وينهن عيل خواتي " وهو يمشي دموعه "

أم سيف عينها حمرا : فوق " تطالع صوب مريم " هذه مريم ..
سيف يطالع مريم أخته يالي كانت متفاجأه من يالي صار جدامها سيف أخوها يعتذر و من منوه من أمها يالي هي تحسبت إنه مول ما بيعتذر لها طول ما هو عايش .. &nbsp;

سيف مبتسم : مريامي ما بتين تسلمين على أخوج الغالي ..
مريم ياته بهدوئها إلي متعودين عليه وباسته على راسه تقدير لأخوها على إلي سواه و إنه تشجع و اعتذر على كل يالي صار بينه وبين أمه .. أما سيف استغرب من تصرف مريم حس بفخر إنه خواته لو شوه ما سوا بيضلون يحترمونه لأنه هو أكبر منهم .. و من هذه التصرف من مريم سيف حس إنه خواته متربين أحسن تربيه ..

سيف: مشكورة حبيبتي " ويبوسها على خدها " استحت مريم .. عمره ما سواها دوم يوقف وياها بس عمره ما باسها على خدها &nbsp;..

سيف: أميه سامحيني ..

أم سيف: سيف أنا مسامحتك حتى لو ما طلبت السماح ..

سيف: زين ممكن أقولج شي ..

أم سيف: قول إلي تباه ..

سيف منزل راسه : سويتها و 85.2% نسبتيه ..
أم سيف و هي مرتاحة &nbsp;و الفرحة ما شايلتنها: أنا كنت حاسة انك ما بتخذلني يا سيف وهذه أحلا هديه و أحلا خبر سمعته اليوم من شخص غالي على قلبي غالي على أخوانة .. " ودمعت عينها هذه المرة وبين على صوتها "

سيف فرحان: بس أميه كفانا صياح .. " يبا يغير الجو " &nbsp;يعني أنا صج غالي عندج ..

أم سيف: هيه " وبعتب " لو شو ما سويت بتظل الغالي فديتك

سيف: أمايه آآآآآآآآآآآآآآآآسف .. ريم توها يايه من فوق وتغني ما تعرف عن شي &nbsp;..

ريم : " &nbsp;روح وروووووووووح أبعد بدنيااااااااااك يا متعبييييييييين قلبي بصدييييييييييك &nbsp;" &nbsp;تقلد أصالة .. و بصوت عالي جنه محد في البيت غيرها .. و جان توصل الصالة تكمل الأغنية يوم شافت سيف تمت ساكتة ..

سيف يطالعها يبا يغلس عليها : كملي بعد وايد حلو صوتج ..

ريم صاخه في داخلها " هذه شيايبه بعد الله يعينها عيل عليه " تبتسم : السلام عليكم .. راحت باست راس أمها .. &nbsp;

سيف: و أنا ما ليه بوسه على الراس " و يجدم لها راسه " باسته مريم و هي مالها نفس ..

سيف: قعدي بجوف " يطالع أمه " يعلها شو متوله عليها وايد أنا ..

ريم استانست يوم انه أخوها قال هذه الرمسه : تولهت عليك العافية أخويه ..

سيف مستغرب: كبرت ريامي علينا هاه أنا ظهرت يوم بس لو أدري جان ظهرت من زمان ..

أم سيف تضربه على جتفه : الله لا قال ..

سيف يطالع أمه و بدلع : تحبيني ماماه ..

أم سيف: أحبك و أحب خوانك كلكم أحبكم ..

سعود يضحك و محطي أيده على حلجه : هئئهئههئهئهئهئ سواف يقول ماماه هئئهئهئهئهئهئ

سيف يتذكر: هيه صحيح أمايه بطلي الميلس عندي ريال نسيته برا واقف .. &nbsp;

أم سيف: عيل شقا يالس سير قرب بريال سير حبيبي ..

سار سيف يقرب بخليفة يالي كان يترياه برا البيت في سيارته .. أما أم سيف سارت بطلت لهم باب الميلس و سارت تسويلهم فواله ..

سيف: أسمحليه الغالي نسيتك والله &nbsp;..

خليفة: لا عادي مرخوص .. " يطالع سعود بحنان يالي كان ياي وايا سيف " .. هذه سعود أخوك ؟..

سيف يطالع سعود ويرد يطالع خليفة : هيه هذه هو سعود أخويه ..

دخلو الشبيبة الميلس و قعدو سوالف خليفة أول مرة أي صوب بيت سيف و كان وايد عايبنه تصميم البيت من برا و الحديقة يالي لفتت نظره أكثر .. و تأكد من الناس يالي عندها فلوس بالها مب مرتاح كليا و الفولس مش هيه كل الدنيا .

نهــــــــاية الجزء الســـــــابع


و سواااااااالــــــــــــــ ــــــم ..</font>

[احساس قلب]

<font color='#000000'>ثانكسوووووو <SPAN id=normalname>راع7ي ع البارت ..
احم ترى انا اول وحده أرد ..
البارت عجيييب عجييييب .. اخيرا سواف رد البيت..
&nbsp;خالد حليله غامضني.. <IMG src="http://oasis.bindubai.com/emoticons/sad.gif" border=0>

ع العموم تسلم مرة ثانيه ع البارت
ونتريا الجزء اللي عقبه <IMG src="http://oasis.bindubai.com/emoticons/wink.gif" border=0>

اختك
احساس قلب</SPAN></font>

[راع7ي]

ولكموووووه أختيه احساس ..
هههههههههه إن شاء الله دوووم مستمتعين بردودج ..
احم احم شكرا هذه كله من ذووووقج لو لا تشجيعكم جان ما ظهر الجزئيين جيه
تمر الأحــداث بنشوووف خالد وسيف شو بصير لهم و الله يعينهم ..
عقب اسبوع بنحط لكم جزء هذه جزئين وايد و إلا إنتي ما تشوفين إنه وايد << سوالف ما عليكم
تسلمين أختيه على المرووور
وسوالــــــــم .. راعـ7ــي

[روح الحب]

مرحبا الساع
مشكور أخويه على الجزئين وعساك على القوة
أنا أريد اعرف شو بيصير لسواف شو بيخليني أتريا أسبوع
بس ما عليك بنترياك أسبوعين لو تبا بس عاد لاتنسانا ههههه
والسموحة
أختك
روح الحب .....</P>

[راع7ي]

ملايييييين و لايسدن الغلا

العفو و الله يقويج .. و يعطيج العافية ..

ههههههههههه أفا عليج أنا قاعد اسوولف وياكمو

سواف إن شاء الله بتعرفين شو بيصير حقه لا تستعيلين ..
لا إن شاء الله مب ناسيكم و تريون الجزء الياي بأقرب فرصه ..

و سواااااااالــــــــــــــ ــم ..

أخوكم &nbsp;راعـ7ـي

[علايه]

<font color='#000000'>مشكور أخويه عالبارت &nbsp;
&nbsp; &nbsp; &nbsp; &nbsp; &nbsp; &nbsp; &nbsp; &nbsp; والله يعطيك العافيه

&nbsp; &nbsp; &nbsp; &nbsp; أختك علايه <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[المزيوونه]

&nbsp;للواحة الذاتيه