. . البطالــــة . . [الأرشيف] - -:: واحات بن دبي ::-

مشاهدة النسخة كاملة : . . البطالــــة . .

المقاتل

06-07-07 ||, 11:59 PM

. . الســــلام عليكم ورحمـــــة الله وبركاته . .

أهــــلا وسهـــلا بـ أعزائنــا أعضـــاء واحات بن دبي ، :2: نورتوا الموضوع بوجودكم والموضوع حاب يستقبل آرائكم بـخصوص موضوع Very important يخـص الـ لوكليه The native people of U.A.E .

:police: حقيقـــة ولله الحمــد اشتغلت صيفي :fa46: عسب انقضي وقت في شي مفيد ويزيد من خبرتنا الوظيفيه . . وشي أكيــــد إني بلاقي أفكـــار مفيده تساعدني في بناء مستقبلي المهني ، من ضمن الأشياء إلي قمنا بها لما ألحينه وهوه إنّــا نرتب الـ C.V إلي يخص أبنائنا المواطنين والمواطنات . . وشي أكيد إني بنصعق من ضخامة عدد المقدميــن للعمـــل وحصــــول الكثير من عيالنــا على شهادات الماستر والبكالوريوس والدبلوم العالي و الدبلوم وشهادات الثانويه العامه وحتى الإبتدائيــه ولم يتم توظيفهم حتى الآن ؟؟

في الواقع لدى قرائتي لأحــدى المواقع المحليه تفاجأت بنسب العاملين لـ مواطني دولة الامارات ، حيث تشير نسبة العاملين المواطنين في الحكومة الاتحادية 54 % ونسبة العاملين المواطنين في الدوائر الحكومية المحلية لم تتجاوز 15 % وفي القطاع الخاص لم تتجاوز الـ 1 % ؟ ؟ ( النسبه مقتبسه من مقال : البطالة - للكاتب : نجيب عبدالله الشامسي ) .

من العجيب جدا أن البطاله في إزياد مستمر والأعجب من ذلك إن البطاله لم تقتصر على خريجي الثانويه العامه إذ حملة شهادات البكالوريوس والماجستير باتوا يعانون من مشكلة البطالة !!

قام أحد الكتاب الإماراتيين (( د. محمد إبراهيم النقبي )) من مركز الإمارات للدراسات والإعلام بذكر مسببات البطالة في دولة الإمارات :- (مقتبس بأسلوب موجز ) .

1- الإهمال في تطوير أو تعديل وتوسيع الهياكل التنظيمية لتلك المؤسسات لكي تواكب المتغيرات الاجتماعية والاقتصادية التي طرأت على مجتمع الإمارات.
2- الأنانية المطلقة التي يتمتع بها مسؤولون في الوزارات الاتحادية والمؤسسات الحكومية والمدنية.
3- ترسخ عقدة المدير الأجنبي في عقول كثير من المسؤولين المواطنين في الدولة.

سؤال - ترا هل يكفي إصدار قانون يفرض على المؤسسات الخاصة والعامة التوطين بنسبة معينة سنويا لتخفيض نسبة البطاله ؟

. . وللحديث بقيــة . .

خيال الحب

07-07-07 ||, 02:34 AM

مرحبا اخوي المقاتــل..

وين ما تبغي يكون في بطالة؟؟

البلاد ماسكينها هالاجانب.. مع انه عندنا ناس شهاداتهم وخبرتهم اكثر من هالاجنبي..

ياخي قهر.. اييبون اجنبي من خارج الدوله.. ويعطونه بيت وسيارة ومعاش دبل معاش المواطن؟؟

ليش المواطن الي عنده نفس خبرة هالاجنبي ما ينعطى هالمميزات في بلاده؟؟

شو الفرق يعني؟؟

وحده من اهلي دكتورة في جامعة الامارات.. تقولنا انه الجامعه تسحب عنهم الامتيازات وتعطيها للدكاتره الاجانب؟؟

انزييييييييين لييييييييييييييييييش

ليششششششششش دولتناااااااااااااااااااا ا جيييييييييييييييي تسويييييييييي

والله يانااااااااااااس نحن عندنااا قدراااااااااات احسن من هالاجانـــــــب..

وولد البلاد ما بيسرق بلاده..

وللحديث بقــية..

:m_bye:

ايه احبك

07-07-07 ||, 02:54 AM

انا اقـــول
ثم
اقول
:vertag:
وبكل صراحة نسبت البطالة في الدوله نتيجت تحكم بعض الأدارين للمناصب
خاصة انهم يرفضون بعض من الموظفين ذو الشهادة العاليه عشان ما يخذون المناصب العوده في الشركات
غير عن جيه بعض من الشركات توكل مهمة التعينات لبعض الناس الغير مهتمه في شغلها اصلن واساسا ما توظف الا عشان اتعبي فراغ وبس وما تعرف اذا كان هالشخص مناسب في هالمكان او لاء بس السالفه سالفة توطين يعني والله بدخل مواطنين من دون ما اعرف وين هم فالحين في شوه
بتالي الموظف ما يبدع في شغاله فيا ينطرد او ينسحب من وظفيته

وسلامت راسك :fa46:

بنوتة جميرا

07-07-07 ||, 02:46 PM

حتى انا اشتغلت صيفي
وانصدمت من عدد المواطنين اللي مقدمين ع وظايف
وللحين ما اشتغلوا وسيفياتهم مفروره في السدات

بقولكم شي
الواسطه تمشي في دولتنا
الواسطه فوق القانون
واللي يقول ماشي واسطه في بلادنا يسمحلي تراه جذاب ويغالط عمره
لو واحد عنده ثنوي وواسطته قويه والله بيشتغل قبل اللي عنده بكالوريوس والا ماجستير
الواسطه اتسوي كل شي في بلادنا

اللي عنده واسطه يحط في بطنه بطيخه صيفي ع قوله اخوانا المصريين
عقب ما يخلص دراسته ع طول بيتوظف
اما اللي ما عنده واسطه يحط نسبه 98% انه يتم عاطل عن العمل

ما تلاحظون في بعض المؤسسات اتشوف اسامي موظفيتها متشابهه
الابو يشتغل ولده يخلص دراسته يسويله واسطه ويشغله معاه
وباجر بعد بييب ولد عمه وهله وطوايفه كلهم

الله المستعان

شكرا اخوي ع الموضوع
والصراحه طلعنا اللي في خاطرنا كله
ولو في شي زياده لي عوده

شمعة أمل

07-07-07 ||, 10:58 PM

فـي شي ربيعتي قالته اليوم ... "أبويـه وأبوج بدو ويا بعض وكانو نفـس الشي ... لكـن جوفي الفــــــــرق بينهم الحيـنه؟؟ أبوج بدى من الصفـر وبنى نفسـه ومشى على الدري ووصل للـ100.. وأبويه بدى من الصفـر وبغى يدش لفت يوديه للطابق 100 .. ماتعـب لكـن توقع انه بيكون مديـر؟ .. والحيـن شو؟ ميـّلس في البيت بدون شغل!*

مهمـا كان الانسـان يكون طمّاع ويبا أكثـر وأكثـر وأكثر .. يبا يحصل على الbenefits .. وأي مكتب يعطي أكثـر ...

طبعا في فئه والحمدالله راضيه بكل شي .. حتى في منهم المعاش مب شي أساسي .. الى يهمهم أنهم يستمتعون ويتعلمون من شغلهم ..

لكن

شي فئه كله تبا تبا تبا تبا .. ومستحيل يتمون أوفررتايم .. وكله يتحرطمون عن الشغل .. ومايقدروون الأشيا الى عندهم:ghostface:

وبعد

شي فئه والحمدالله عايشين حياه حلوه .. بس بعد لازم يقارنون نفسهم ويا الأجانب لسبب ما؟؟ ويتحرطمون .. ولييييييييش تعطون الأجنبي هذا وهذا وأنـا لا؟ .. ايييه تراني مواطن:a058:

والشي الغريب

انه ينسون انه هالأجنبي عنده خبره .. هالأجنبي ياي يبني بلاد هال *مواطن* .. هالأجنبي بروفشنال..

نسـبة البطاله جي لانه كلحد يبا يشتغل في مكتب ويا مكيف واسبرسسو مشيين:tounge:
انا مابقارن الامارات بالدول الأجنبيه .. لكن مثلا .. خلونا نقارن عمارنا بـ عمان ..
عندهم مواطنين يسوقون تكاسي
عندهم مواطنين يشتغلون في مطاعم
عندهم مواطنين يبيعون حلوى
تدري ليش؟ لانه حكومتهم ماتدلعهم وتعطيهم بيوت حكوميه جميله نفس هني:icecream:
مثلا
اذا واحد مواطن لازم يبني بيته بنفسـه .. طبعا بيشتغل .. واي شغله بعد

انا ألوم المواطنين الكسوولين أو الغير راضيين عن الوظايف الشاغره.. والحكومـه كونها دلعتنا وايد < هذا رايي وحرييه شخصيه وملــــــــــــيت من كثر ما أشوف مواطنين مايقدرون الأشيـاء الى حكومتنا الحبيبه تقدملهم =)
وشكرا

شمعة أمل

07-07-07 ||, 11:11 PM

لو واحد عنده ثنوي وواسطته قويه والله بيشتغل قبل اللي عنده بكالوريوس والا ماجستير
الواسطه اتسوي كل شي في بلادنا

اللي عنده واسطه يحط في بطنه بطيخه صيفي ع قوله اخوانا المصريين
عقب ما يخلص دراسته ع طول بيتوظف
اما اللي ما عنده واسطه يحط نسبه 98% انه يتم عاطل عن العمل

ما تلاحظون في بعض المؤسسات اتشوف اسامي موظفيتها متشابهه
الابو يشتغل ولده يخلص دراسته يسويله واسطه ويشغله معاه وباجر بعد بييب ولد عمه وهله وطوايفه كلهم

تبين تعرفين شو الواسطه او الإسم الصح اييبلج؟؟ =)
احترام في الاماكن الى الناس عادةً مايحصلونه
اشياء ببلاش اذا مب خصم نفس الموبايلات والسياير وطلعات لمطاعم
شغل؟ هيه لـيش لا
تدخلين الجامعه الى تبينها؟ هيه

الواسطه ماااااااااااااااااااااااا اااااااااااااتقصر!
لكن في شي انتي ماتعرفـينها =)

الواسطه بتعطيج الشغـل ... لكن هذه مب معناته انه مابيطردونج! .. لازم تثبتين نفسج وتستحقين هالوظيفه ولا بتحصلين طرده محترمه .. حالج حال غيرج =) ..

الى عنده ثانويه عامه مستحيـل معاشه يكون *شي* .. الا لو يشتغل في مكتب أبوه الخاص .. لكن في مكاتب شركات عامه او الحكومـه .. مستحيـل .. لانه المعاشات على حسب الخبره =) حتى لو شي واسطه!

وللعلم
الأبو مستحيل يشّغل ولده إلا إذا الشركه شركته الخاصه.. دامج اشتغلتي صيفي كان المفروض تقرين قوانين الشركه .. ممنوع يظفون ناس من نفس العايله اذا بيشتغلون دايركتلي ويا بعض وهالشخص بيحصل على ترقيـات بسبب إسمه ومب شغله =)
الشركات العائليه هي الوحيده الى عادي توظف ناس من اهلهم سواء عيالهم ولا عيال عمهم .. لانه هاي شركتهم الخاااااصه ... لكن شركات عامه وخاصه ممنوع .. وضد القانون!

والواسطه مب فوق القانون .. القانون فوق الواسطه!

المقاتل

07-07-07 ||, 11:46 PM

اخويه خيـــــال الحب :a033: نورت الموضوع بوجودك ويا هلا وسهلا بكـ انورت واسفرت ( ترحيب سبع نجوم ) .

ونعود للموضوع ، طبعـــا في قضية ليش ان الاجنبي أو بالأخص الوافد يحصل امتيازات ؟؟ لأن طال عمرك في نظرهم الدكاتره الاجانب والوافدين منزلين من السما ( استغفر الله ) والله شو أقول يعني لوولز < قهر > !!

عيال بلادنا عندهم مخوخ وينتجون أكثر ما ينتج الموظف الأجنبي مثل ما اسفرت اخويه بس من يسمع !!

أشكرك على التواجد أخوي خيال بن الحب :1: و على روحك الوطنيه وبصراحه رايك في عين الصواب( يحيا الوطن :a033: ) .

===

:11: ايه احبك هلا هلا والله شو هالتعقيب بصراحه كلامج 100 % . . احيد سمعت قصة مواطنه قدمت في شركة من الشركات المحليه الجديده وإلي تأتي بعد مرتبة الاتصالات :icecream: وعندها ماستر من الخارج . . ردوا عليها بأنهم بيمتحنونها السيبا ( امتحان اللغه الانجليزيه ) وانهم ممكن يوظفونها موظفه لخدمة الزبائن :fa46: يعني بصراحه !! :a058: صدق قصه اتحر الواحد لو انا فمكانها بسير:d014: اضرب المدير :k_puppyeyes: ماستر وبشغلونها موظفه ؟ ؟ وغير الخبره كح كح .

حدث ولا حرج . . الله يعيننا في المستقبل . . اشكرج على التعقيب وإلي بالفعل صحيح و قضيه منتشره وبكثره .

Thank U 4 U comment :1: وعلى روحج الوطنيه .

وحي القلم

08-07-07 ||, 12:50 AM

مب مشكله ذا كانوا بيستفيدون من خبرات الاجانب

يعني مثلا .. يعلمون المواطنين الأشيا اللى يشوفون انها ناقصتنهم و مب موجوده الا عند الاجانب :glare:

بس اللى يستوي عندنا غير ... كله بالعكس

.
.

نقدر نقول مشكلتنا أنــّـا نقدس الاجنبي مهما كان و هالشي مب موجود الا في بلادنا

نسينا انه الاجنبي ياي لمصلحته هو قبل ما يكون ياي يخدم بلادنا

و انه ياي فتره و عقبها بيرد بلاده

و انه المواطن هو الأحق بخير البلاد

.
.

ننسى انه المفروض ما ينراغ المواطن عشان ينحط مكانه الاجنبي

لانه دام انه استخدمنا هالاسلوب فـ معناته انه البلاد بتكون بلادهم هم مب نحنى

و بنلته بالمواطنين أكثر و أكثر بدال ما نحل المشكله اللى أشوفها تزيد باسلوبهم التعيس هذا بدال ما تقل :a058:

وحي القلم

08-07-07 ||, 12:25 PM

انا مابقارن الامارات بالدول الأجنبيه .. لكن مثلا .. خلونا نقارن عمارنا بـ عمان ..
عندهم مواطنين يسوقون تكاسي
عندهم مواطنين يشتغلون في مطاعم
عندهم مواطنين يبيعون حلوى

سامحيني يا شمعة أمل

عندي مداخله لو سمحتي :12:

صح اللى قلتيه انه عمان فيها مواطنين يسوقون تكاسي و يشتغلون في مطاعم .. الخ

لكنه ما عندهم مدراء أجانب

المناصب كلها لاهل البلاد .. الوظايف لهم هم من أكبرهم لين أصغرهم

هم ما ساقوا تكاسي ولا اشتغلوا فالدكاكين إلا لانه المناصب الباجيه خذوها عمانيين غيرهم

و ماظني تفرق.. دام انه اللى خذ المنصب واحد منهم و فيهم

بس هذا مب عذر للى يستوي عندنا

يفنشون المواطنين من مناصبهم و يحطون بدالهم أجانب

و يقولون للمواطنين سيروا سوقوا تكاسي ...!!!!!!

راعي البلاد أولى بهالمنصب عن الاجنبي اللى ياي من بلاده و ما يعرف شي عنا ...!!

نحنى لو نسير بلدانهم بنحصل شرات اللى هم يحصلونه عندنا ..؟؟

بنوتة جميرا

08-07-07 ||, 04:42 PM

المقاتل

08-07-07 ||, 08:01 PM

مرحبــــــا :a033: عدنــــا والعود احمـــد ،،

:fa34: اختي بنوتة جميـــرا أهلا وسهلا مرحبا مرحبا الله حيّه . . طبعا مثل ما قريت أنتي طرحتي أو ذكرتي نقطــه مهمه وهيه الواسطـــه .

وبعد الكلام إلي ذكرتيه يا في بالي سؤال . . الواسطه هنـا ؟ ؟ هل تســاعد أبنائنا المواطنين عسب إنهم يشتغلون في ظل هذه الظروف إلي صايره والصراع على الوظيفه بين المواطن والأجنبي !!

في الواقع أنا أظن إن الواسطه سلاح ذو حدين . . فـ البعض يستغله لـ صالح أسرته فقط دون الآخرين والبعض الآخر يستغله لكـل شخص يراه مناسب للوظيفه . . والأرجح والأنسب الخيار الثاني لأن بإعتقادي إنه يساهم في زيادة نسبة التوطين !!

يعني مثلا اذا كنتي في منصب إنج تقدرين اتوظفين ناس . . ما بتوظفين ناس إتعرفينهم ؟؟
:pickaxe_rune: في الواقع لازم يشوفون حــل لهذه القضيه المتفشيه بين المؤسسات بأنهم يضعون حد معين أو عدد من الأسره إلي يقدرون يشتغلون في نفس المؤسسه وإنهم يعطون فرصه لآخرين .

:fa32: وطبعا تعقيبج أو بالأخص النقطه إلي ذكرتيها " الواسطه " قضيه لازم نتناقش فيها في موضوع آخر ، شاكر لج تعقيبج وماقشتج وأظن لنا عوده معاج في التعقيب الثاني :11: ثانكس على التواجد اختي .

المقاتل

08-07-07 ||, 08:48 PM

هزاايم

09-07-07 ||, 03:44 AM

....................

شمعة أمل

13-07-07 ||, 02:11 AM

سامحيني يا شمعة أمل

عندي مداخله لو سمحتي :12:

صح اللى قلتيه انه عمان فيها مواطنين يسوقون تكاسي و يشتغلون في مطاعم .. الخ

لكنه ما عندهم مدراء أجانب

المناصب كلها لاهل البلاد .. الوظايف لهم هم من أكبرهم لين أصغرهم

هم ما ساقوا تكاسي ولا اشتغلوا فالدكاكين إلا لانه المناصب الباجيه خذوها عمانيين غيرهم

و ماظني تفرق.. دام انه اللى خذ المنصب واحد منهم و فيهم

بس هذا مب عذر للى يستوي عندنا

يفنشون المواطنين من مناصبهم و يحطون بدالهم أجانب

و يقولون للمواطنين سيروا سوقوا تكاسي ...!!!!!!

راعي البلاد أولى بهالمنصب عن الاجنبي اللى ياي من بلاده و ما يعرف شي عنا ...!!

نحنى لو نسير بلدانهم بنحصل شرات اللى هم يحصلونه عندنا ..؟؟

وحي القلم
تراج تنسـين انه شي نسـبه كبيـره من المواطنين الى مدراء من الأسـاس .. وطبعا شي نسبه كبيره من الأجانب الى مدراء بعد .. بس مهما كان .. لاتنسين انه شي نسبه *كبيره* من المواطنين الى مدراء

وفي شي ثاني

ترا مب كـل مواطن ينفع يكون مديـر .. أو حتى ينفع يكون رجل أعمـال =)

وفي النهايه
قدروو شغل هال *أجنبي* .. تراه ينفع البلاد .. مب نفسه

شمعة أمل

13-07-07 ||, 02:19 AM

شمعه امل
انتي اتغالطين عمرج
او انج مب عايشه في هالدنيا
لو مب شايفه بعيني جان مارمست اوكي
وخلي في بالج المكان اللي اشتغل فيه مب خاص لعايله
بس واااايد اتحصلين من نفس العايله مشتغلين فيها وبالواسطات

انا قاعده في المكان واتينا اوراق واسمع باذني
اللي عنده واسطه هاتوه
اللي من صوب فلان الفلاني هاتوه
والباقي حتى ما يطالعون صوبهم
حتى لو كانوا افضل ما يبونهم
الا لو اتأزمت عندهم الحاله وبغوا موظفين
بس الاولويه للي عندهم واسطات

الواسطه في بلادنا فوق القانون
هذا اللي انا وووااااايد غيري يشوفونه

السموحه

لـ يكون انا عايشه في المريخ وأنا مادري؟:vampire:
انا أرمس نيابة عن أكبـر وأقوى الشركات الى موجوده في دبي! وبعد بيبلج أدله وأوراق وكل شي وبطرشه بيتكم جان تبين.. ماعندي مانع .. ومافي حد في هالمنتدى كله يعرف شي عن الواسطات كثـري .. ف يوم أقولج القانون فوق الواسطه .. يعني القانون فوق الواسطه!:14:

الـيـاه

13-07-07 ||, 03:03 AM

منو قال ان القوانين والعطايا في باقي الدول نفسنا ؟ ماتعرفون شي .. نحن عايشن في نعمه وخير ..
وهناك ينلعن والدي والديهم ويتمننون عليهم ع الريال ..

وهني عيال لبلاد كل شي اييهم بارد مبرد ..

وانا الصراحه اشوف عيال لبلاد هم البطرانين .. ومب كل شغله تيوزلهم !
انتو احمدو ربكم ما عشتو ايام يدودنا جان ما بقى فيكم حيل .. هاذيج هي ايام الشغل الصح مب احين ..
لا وجان زين مدخول الناس كان عالي .. حليلهم يرضون باللي أقل من القليل ..

صح احين الدنيا اتغيرت
لكنها ابطرت وتبطرنا وياها ..

والا لو نقارن نفسنا في اي دوله ما بتي شي عنا .. وعندهم وايد اشيا تستوي من تحت لتحت
ويدفعووووون لابسط الاشيا حتى تعويض ماتعوضهم ..
لو بس يتسفروون كل هالهنود والوافدين والاجانب من لبلاد ( بيعرفون الناس شو يعني شغل ) ؟

مشكله كل واحد منا يتحرا عمره انه لازم اول ما يتوظف يكون مديــــــــــر ؟!!!!

حتى لو اي واحد توسط لحد من معارفه والا ربعه انه يشتغل في نفس المكان اللي هو فيه .. مب معناته انه بيسووله راس .. لو ماشتغل
بيتفنش ووايد جفت ناس جي .. لانه لا هي وزارة ولا دائرة أبو اللي توسطله
بيشتغل بيمشي حاله .. مابيشتغل في غيره ..

اذا في ناس كانو اصحاب مناصب كبيره تفنشو لانهم مب قدها ..

مجموعة إنسان

13-07-07 ||, 10:38 AM

عيال البلاد بطرانين ؟؟

بقولكم شي صارلي البارحه في الدوام ..
يوم سرت بداوم سألوني تبي اداوم في مكتب وللا تنزل تحت مع الكولية (الكولية يعني اللي يمشون بإيدهم إسبانة ويركب برغي في عز الحر)
قلتلهم ابي اسير تحت .. المهم سرت
وكان عندنا شوت داون لتوربين الساعه 2 الظهر .. (على فكرة انا ما اداوم .. بس عندي ووركبليسمنت) تعرفون السبر فايزر شو سوى ؟..
كلم الريال اللي انا معاه عسب اتعلم وقاله شوووف
خذى محمد معاك وسوو شوتداون .. الريال قاله: كيف اخذ محمد . هذا مايعرف الشغل .. هذا بس ياي شهر واحد وبيرووح كيف بخلي يشتغل معاي في شغله مايعرفها ..
تعرفون شو رد السبر فايزر ..؟؟!!
قااال : اونه ماعليه خذى معاك واكرفه شوي .. ترا بعد سنتين بيتخرج وبياخذ مكاني وبيكون مسؤوول عليكم !!!

تخيلوا
..

اوكي

..

بقولكم سالفة 2 يداومون معاي ..
هذيل الله يسلمكم .. واحد عمره 45 واحد عمره 39 وعندهم اخو عمره 50 سنه ,,
تعرفون
ولا واحد منهم متزوج ..
ليش؟؟!!
ماعندهم فلوس ..
كم معاشاتهم؟؟ 10500

يعني
شووو
يعني ماشي صندوق الزواج ؟؟

بس قالها أبوبكر سالم ..( أنا سبب نفسي بنفسي ... جبت صبعي صوب عيني) ..

لان هم يتحملون شوي من الغلط بعد .. لو مكملين دراستهم (للعلم واحد منهم الأول على الدولة سنة 1984 )

بقولج عن 2 معاي في الدوام ..

وحي القلم

13-07-07 ||, 01:22 PM

وحي القلم
تراج تنسـين انه شي نسـبه كبيـره من المواطنين الى مدراء من الأسـاس .. وطبعا شي نسبه كبيره من الأجانب الى مدراء بعد .. بس مهما كان .. لاتنسين انه شي نسبه *كبيره* من المواطنين الى مدراء

أكيد انه شي مواطنين مدراء

بس بعد هذا مب عذر عشان يحطون الاجانب

ما جد سمعنا بهالشي في بلادينهم

يعني اذا بغينا نسير نشتغل عندهم بيحطونا مدراء بعد ؟!!!

.
.

وفي شي ثاني
ترا مب كـل مواطن ينفع يكون مديـر .. أو حتى ينفع يكون رجل أعمـال =)

ليش ؟!!

تراني قلت إذا كانو يشوفون عند الاجانب شي مستحيل يكون فالمواطنين :glare:

خلهم يسوولهم دورات و يعلمونهم هالاشيا اللى مب موجوده الا عند الاجنبي

بهالطريقه بيطورون قدرات المواطنين

و بنبني بلادنا بروحنا

.
.

وفي النهايه
قدروو شغل هال *أجنبي* .. تراه ينفع البلاد .. مب نفسه

لا .. فلوس بلادنا هي اللى يايبتنهم

يعني إذا قلنا لهم اشتغلوا برواتب ضعيفه بيتمون عندنا ؟؟؟؟؟؟؟

.
.

و السموحه يا شمعة أمل

هاذي مداخلتي .. و ان شا الله ما اكون ظايقتج بشي

((و الاختلاف في الرأي لا يفسد للود قضية :12: ))

شمعة أمل

13-07-07 ||, 03:18 PM

(1)
أكيد انه شي مواطنين مدراء

بس بعد هذا مب عذر عشان يحطون الاجانب

ما جد سمعنا بهالشي في بلادينهم

يعني اذا بغينا نسير نشتغل عندهم بيحطونا مدراء بعد ؟!!!

.
.

(2)

ليش ؟!!

تراني قلت إذا كانو يشوفون عند الاجانب شي مستحيل يكون فالمواطنين :glare:

خلهم يسوولهم دورات و يعلمونهم هالاشيا اللى مب موجوده الا عند الاجنبي

بهالطريقه بيطورون قدرات المواطنين

و بنبني بلادنا بروحنا

.
.

(3)
لا .. فلوس بلادنا هي اللى يايبتنهم

يعني إذا قلنا لهم اشتغلوا برواتب ضعيفه بيتمون عندنا ؟؟؟؟؟؟؟

.
.

و السموحه يا شمعة أمل

هاذي مداخلتي .. و ان شا الله ما اكون ظايقتج بشي

((و الاختلاف في الرأي لا يفسد للود قضية :12: ))

(1)
منو قال؟؟
صدقوني يووظفووونهم .. تبين أدله؟:vampire: .. الفايد راعي الهارودز .. مصري يملك هارودز في لندن .. مب بريطانيين .. في أمريكا .. ايرانييين وهنووود كلهم أغنيا وعندهم ملاييين لانه عندهم مناصب عاليه :fa47: ..

ترا دبي مب غيـر .. الى يستاهل الوظيفه بيحصلها ..

تدرين شو الفرق بين العرب والأجانب؟ .. العرب يشوفون عمارهم أعلى عن أي جنسـيه ثانيه

(2)
وحي القلم
ترا قلتلج .. مب كل شخص يقدر يكون مديـــــــــــر .. مايستوي ..
نفس ما مب كل شخص يقدر يكون مدرس .. أو طبيب .. أو محامي.. أو مزارع!
انتو تفكرون انه أي شخص يقدر يكون مدير؟؟ صدقوني غلطانييين .. انتو ماتعرفوون هالشغله شو تبااا وكمن وقتت تاخذ .. كفايه انكم أولريدي تتحرطمون على دوام 8-5 .. عيل المدير شو؟؟ 8- 12 دوامه! 16 ساعه يوميا:vampire: والويك اند مب ويك اند .. الويك اند شغل شغل شغل!

(3)
انتو ماتحتكون ويا أجانب عشان تعرفون نياتهم .. انا 24-7 ويا أجانب ..ف هني انا بقولج انتي غلطانه =)
انا شايفه اجانب يعشقون بلادنا *اكثـر منا* .. ومايتمنون الا الخيـر لنا .. لكن انتو في صوب تسبونهم وحليلهم..
عشانهم بلادنا حلوه .. عشانهم عندنا بيوت حلوه .. عندنا سكيي دبي *ثلج في وسط صحراا!* .. عندنا وايد اشيا وهذا بفضلهم =)
بدال ماتحطون عليهم .. شكرروهم!
بلادنا بدونهم ولاشي
نحن بس 10% اذا مب أقل ..
بدونهم مابيكون عندنا شغل
بلادنا بتكون فقيره نفس أفريقيـا!
مابنتهنا بالمطاعم والحلويات الحلوه .. ماتبون هالأجانب؟ قولو مع السلامه لـ مكدونالدز وجيليز وكرسبي كريم وهاقن داز وكل شي ..

او صح ترا لاتنسون بدونهم مابيكون عندنا لا سييايير ولا موبايلات ولا شووتايم:fa46:

ومن ناحية الرواتب
بالله عليج .. بتشتغلين براتب الهندي؟ 800-2500 في الشهـر؟؟ ترا معظمهم جي راتبهم .. واذا ناس يشتغلون في مكاتب بعد رواتبهم أقل عنا .. الفرق بينا وبينهم انهم مايصرفون كل بيزاتهم ..

شمعة أمل

13-07-07 ||, 03:39 PM

أهلا وسهلا بـ شمعة أمل طبعا مثل ما انشوف :fa46: إن شمعة أمل مع الموظف الأجبني صاحب الخبره إذ انه يستاهل المنصب إلي ممكن المواطن يكون مكانه .

طبعا أختي شمعة أمل الأختلاف في الرأي لا يفسد من الود قضيــة . . يقولج المثل يا أختي " لـحقوق يبالها حلوج " . . وشي طبيعي هذا التذمر لما المواطن المسكين يشوف شهادته إلي عند نفس الشهاده إلي يمتلكها صاحبنا الأجنبي ولكـن الترقيه والعلاوات و الأوفرات تكون لصاحبنا الأجنبي إكسترا بس بعكس اخونا المواطن تكون الأوفرات أقــل . . وسبق ذكرت قصة المواطنه إلي عندها ماستر وقدمت في المؤسسه بس المدير المصري إلي يشتغل فيها ناوي يشغلها موظفه للـ Customers . . !!

هذي نقطه والنقطــه الأخرى . . وإلي ذكرتيها !!

انا مابقارن الامارات بالدول الأجنبيه .. لكن مثلا .. خلونا نقارن عمارنا بـ عمان ..
عندهم مواطنين يسوقون تكاسي
عندهم مواطنين يشتغلون في مطاعم
عندهم مواطنين يبيعون حلوى
تدري ليش؟ لانه حكومتهم ماتدلعهم وتعطيهم بيوت حكوميه جميله نفس هني

=== (( ومن قالج إنهم ما يحصلون منح ؟؟ وهل حكومتهم ما توفر لهم بيوت ؟؟ )) ===

أنا أعرف عمانيين عندهم خير فاحش ولله الحمد والحكومه هب مقصره عليهم . . طبعا لكل دوله وناسها . . ودولتنا هب مقصره ع شعبها . . بس هنه يالسين نتكلم عن قضية التوطين بالأخص لأن نحن ما ننظر للواقع فقط ننظر للمستقبل الواعد لأن النسب إلي قريتها للي ملاقين وظايف نسب قليله ونسب البطاله بين كل سنه وأخرى في تزايد مستمر !!

بس يا أختي أنا حاب بالفعل أتناقش وياج كون أن لج راي يختلف عن رايي !! لو أن الأجنبي هذا عنده خبره " وبروفاشينال . . او بمصطلحنا " فيه خير " ليش ما قبلته دولته ؟؟؟

:11: وطبعا شاكر لج على مشاركتج وتعقيبج و أظن لنا عوده معاج مع تعقيبج الثاني !! :1: ( ( يحيا الوطن ) ) .

سوري نسيت أرد عليك

انا ماقلت انه المواطن مايستاهل منصب الإداره .. اذا هو فعلا قد هالمسؤوليه .. ليش لاء؟ .. لكن مب كل مواطن يقدر يكون مدير .. وايدين ماعندهم الخبره .. والأهم ماعندهم القدره ..

وعن البنت الى عندها ماستر .. هي الغبيه بصراحه! .. منو الصاحي الى بيقبل بوظيـفه أقل من شهادته؟ جنه يقولون لواحد عنده بكلوريوس يشتغل ك زبال! ..عليها هي ترمس الشركه وتحصل على المعاش الى هي تستحقه كون شهادتهاا ماستر .. واذا مابيعطونها .. تسير عند شركه ثانيه! .. بس طبعا ك معظم الناس بتقبل بالوظيفه وبتم تتحرطم وبتقول شوفوني مظلوومه وانا المواطنه جي يسوون فييه:k_no: < لو هي تبا .. بتدافع عن عمرها .. بس هي ماتباا .. وعاد هاي مشكلتها!

مثل ما انت قلت يالمقاتل .. دولتنا مــــــــــــــب مقـــــــــصره أبداااااااااااااااا!
كفايه انه عندنا شي أسمه توطيييييييييييييييييييين ... ما جد سمعت انه شي دوله ثانيه عندها شي اسمه توطين؟؟؟ انا أقرا أربع جرايد في اليوم وماحيد اني سمعت توطين في دوله غير دولة الإمارات العربيه المتحده:1:
بس تدري شو القهـــــــــــــــر؟
ولا خلني أقــــول *صدمه*
وعشان تصدقوني وماتكون هاي مخرفه *وللعلم اني انا مستحيل اقول شي الا لو انا مب متأكده منه 100%*
شخص يملك مطاعم ومخبز .. وطبعا يووم يابو قانون التوطين .. احتاج لمواطنين .. مع إنه مب كل وظيفه في المطعم او مخبز .. لا شيييي مكتب وبعد المكتب خلوه بس للحريم
تخيـل انته بس ماحصلو حد؟ ولا حتى شخص واحد يشتغل عندهم .. مع انه عندهم مكتب .. وفي المكتب عباره عن فاينانس وجي .. بس ماحصلو حد .. وبعد المعاش وايد عالي .. بس بعد ماحصلو حد ..
لكن تدري شو حصلو؟؟ وهالشي تقريبا وايدين يسونه خصوصا المطاعم؟
المواطنين يسيرون ويعطونهم جوازهم مقابل معاش .. ومعااااش واااااااايد عاااااااالي .. وتخيـل .. يوم يودونهم العياده عشان المدكل .. شركات اطرش ريايل هناك عشان يصرقون هالمواطنين .. يسيرون عند المواطن او مواطنه ويسألونهم الشركه الحاليه كم تعطيهم .. ويزيدون عليه ألف ولا ألفين وياخذونهم!
باختصار .. يحصلون معاش عشان ييلسون في البيت .. كل هذا عشان قانون التوطين .. أو صح ولـ بنوتة جميرا .. ترا هالشخص عنده واسطه و VIP بس بعد القانون فوق الواسطه .. كل شركه لازم يكون عندها مواطنين .. اظني لكل 10 اجنبي مواطن..

"بس يا أختي أنا حاب بالفعل أتناقش وياج كون أن لج راي يختلف عن رايي !! لو أن الأجنبي هذا عنده خبره " وبروفاشينال . . او بمصطلحنا " فيه خير " ليش ما قبلته دولته ؟؟؟ "

ومنو قال انه دولته ماقبلته؟؟ ترا كان يشتغل قبل لأيي عندنا .. ودولتنا ماتييب حد من برع وتخليه مدير لو هو فرشش طالع من الجامعه .. لا .. يبوون ناس عندهم خبره!
تعرف هالنـاس كيف يحصلونهم؟؟ في شي اسمه head hunt يدوروونهم ويدوورونهم ويعطونهم package أحسن عن الى دولتهم تعطيهم .. تدري ليش؟ عشان يون بلادنا ونحن نستفيد منهم .. مب هم يستفيدون منا:icecream:

الـيـاه

13-07-07 ||, 04:22 PM

صلن عمرهم المواطنين ماقالو الحمدالله ! كله نبا نبا نبا .. مايبين شي في عينهم وكل شي بيطلعون فيه عله ..

نحن نحمد ربنا انه عايشين هالعيشه
وبرايه خل الناس يشتغلون ويتعبون .. ترا هذا اسمه ( شغل ) والا يتحرون كل واحد لازم يكون عنده مكتب خاص ..
وهالمنح اللي يعطونها المواطنين

تتحرون باقي الدول نفسنا .. كل هالاشيا عندهم ببلاش ؟

لكن هني كل شي .. أنا مواطن سوولي جي .. أنا مواطن بركب فوق راس الاجني والوافد والهندي ..
أنا مواطن لازم يكون عندي رنج وبنتلي وسي ال .. أنا مواطن لازم اسافر كل سنه اوروبا ..

لو الحياه جي جان ماسوينا خير
كل واحد بيستوي مدير وبيركب ع راس الثاني ..

والله لو يحطوني حاكمه يوم واحد ( بسفر كل الهنود والاجاااااااانب والوافدين ) وبجوف هني يرومون يسوون كل اللي ستوا فدبي تحت ايد الاجانب ..
اذا ماتدرون ان الافكار والتخطيط من عندهم .. واحنا مجرد دفع فلوووس ( وحمدالله ستوينا من الدول الـ متطوره ) ..

الا احينه من كم سنه قامو يطلعون المواطنين ..
أبهاتنا درسو واشتغلو واتغربو برع وصلو لهالمكانه بيدهم وبتعبهم .. مب بشغل تحت مكيف

نور الإيمان

13-07-07 ||, 08:31 PM

بسم الله الرحمن الرحيم

السلام عليكم و رحمة الله و بركاته اما بعد ..

تطرق الموضوع لعدة امور .. و التوطين او المواطن هو المحور في كل ذلك ..

ربما هناك من لم يتذوق طعم المرارة ! مرارة الفقر و الحاجة إلى القوت اليومي .. لهذا ارى ردود متضاربة تصور الإنسان - لا نقول مواطن - بل الإنسان الإماراتي بالكسول الخمول المدلل .. الذي لا يرضى بأقل الأمور ..

سبحانك ربي جلا و علا ..

تعجبت من هذا الشيء !

اولا :

الأجنبي : من الإمتيازات التي يحصل عليها كي يأتي إلى هنا - لنركز على كلمة لكي يأتي - اولا طبعا الراتب المغري الذي يذهب ريعه إلى دولته طبعا و شراء عمارات و تطوير السوق و الإقتصاد لديهم! ثانيا تأمين صحي ثالثا دفع ايجار الفيلا التي يختارها او الشقة التي يود الإقامة فيها .. رابعا تذاكر سفر سنوية ! خامسا دفع تكاليف المدارس الخاصة الذي يدخل ابناءه إليها!

نعم نحن بطرانين ان كان هذا هو الحال!! ان رضينا بالقليل و لم نشتكي ! هذا هو الحال مع الأجنبي الذي يعقد صفقة هنا لمدة اعوام قليلة و من ثم يرحل إلى بلده!

هذا هو الأجنبي الذي يجب ان نشكره لأنه اخذ البساط من تحت ارجلنا و بتنا نحاول ان نعيش بقدر المستطاع و نرضى بالقليل كالتي عندها شهادة الماستر و تريد العمل في شركة خاصة و رضيت بذلك!!

الطبقة المتوسطة هي التي لها الأحقية في الحديث حول هذا الموضوع .. لكن الذي ييعش في رخاء فتعمى بصيرته و المؤلم انه يصوب الإتهام نحو ابناء جنسه من دون مراعاة للحال!!!

الأجنبي الذي يقول نحن نحب هذه الأرض!! بالله عليكم كيف له ان لا يقول ذلك؟؟ حبا في المال الذي يكسبه .. ف والله لن يرضى بالقليل ..

الهندي الذي يقبض 2500 درهم شهريا او اقل من ذلك .. يعيش عيشة هنية .. فهو يحول المبالغ هذه شهريا إلى بلده .. و يبني له البنايات و يؤسس له تجارة!!

تقولون انه لديكم ادلة 100% و انكم لا تتكلمون إلا و لديكم حجة دامغة .. و لدينا نحن حجج اقوى من ذلك كوننا عشنا و نعيش هذه الأجواء!!

البعض يمن علينا بسبب البيوت الحكومية! و كأنهم بذلك يقولون قولوا الحمدلله و اصمتوا!!

نعم نقول الحمدلله و لكننا نناقش قضية عاشها الشعب الإماراتي كله إلا من عاش في رخاء فلن يشعر بمرارة الآخرين !!!

المواطن لن يقبل ان يكون سائق تاكسي!! لماذا؟؟
هل لأنه يخجل من هذا العمل؟؟

لا .. بل انه الراتب لن يكون قويا !! نعم .. الحياة مترفة و غالية جدا ..

وزيرة الشؤون الإجتماعية وضعت قانونا اراه غير مجدي و غير صحيح .. الذي يكون راتبه 10آلاف درهم فلن يحصل اية منحة من صندوق الزواج!!!!!!!!!!!!!!!!!!!!!!!!!!!!!

كيف للمواطن ان يعمل سائق تاكسي و يمكنه ان يسد رمقه!! بل ان الأحلام تتلاشى في ثواني !!! المواطن غير متكبر .. و المواطن غير سلبي .. المواطن قلبه على هذه الأرض .. و لكن حسافة لمن يقول انه المواطن لا يفقه من الحياة شيئا ولا يقدرها!!

نعم نحن احسن من باقي الدول و الله الشاهد .. لكن لا نطلب سوى التقدير و العيش الطيب .. فلم نطلب المستحيل .. نود ان يقدرنا المجتمع .. اننا نحن اساس الوطن .. و سلاحها ..

مثلا . مدارس الغد الآن.. تكون المعلمة اجنبية - كندية - راتبها 18 ألف درهم شهريا .. معه الإمتيازات الأخرى من دفع ايجار و مدارس خاصة و تذاكر و غيرها غيرها الكثير ...
و المواطنة كم تقبض؟؟؟ 10آلاف درهم فقط ولا امتيازات اخرى و رغما عنها ان تسكت ولا تطالب بأي شيء !!

انتي مواطنة اذا انتي غنية .. فقومي بدفع صندوق الزمالة و الإفطار اليومي و البوفيه و كفالة طالبة و و و و و

و لا يجب ان نتفوه بكلمة لأنني مواطنة و المواطن بطران!! هكذا ما صوره الأجانب و صوره بعض منا عنا للأسف الشديد ..

أعزائي ..
نحن مررنا و نمر بهذه المواقف .. فلا يجب التكذيب و اعطاء صفات مخملية للأجانب و نقدسهم و تصوير المواطن بالإنسان اللاشيء!!

بنوتة جميرا

13-07-07 ||, 10:26 PM

شمعه امل
بعدج اتغالطين عمرج
يا ماما اللي ماعنده واسطه مايروم يعيش هني
مب بالمعنى بس الواسطه اتسوي وايد اشيا
من المواقف التي اتمر عليه واللي اسمع به واللي انشوفه
عندي وعند ملايين غيري
الواسطه فووووق القانون

شكلنا وايد طلعنا من صلب الموضوع
بس شي حبيت اقوله

وشي ثاني
الواسطه مب بس في الوظايف
حتى في الجامعات
وايد بنات ما يستاهلن يكونن في الجامعه بس يكملن
احيد يوم سرت ويا ربيعتي الاداره عسب رسبت في كورس وبيطردونها
اللي سرنالها في الجامعه بروحها قالت
عندج واسطه بتردين الجامعه
واذا لا مافي حل ثاني
وبعد عندج الواسطه ما تمشي؟؟!!

السموحه

مجموعة إنسان

13-07-07 ||, 10:39 PM

تعرفون في شركتنا اللي هيه شركة حكومية ..
شافوا مدير السيفتي الأجنبي مخالف وفنشوه .. تتوقعون شو سوو ؟؟
هو لازم ان مواطن اللي بيمسك عقبه ..
بس للأسف ..
يابوا واحد من الخارج عسب يمسك مكانه !!

جااان زين هالكلام اللي تقولنه فوق يوصل لحد @@

شمعة أمل

13-07-07 ||, 11:11 PM

الياه
أشكـــــرج .. وأخيرااا حصلت حد يقدر الوافديين وشغلهم

بنوتة جميرا
اظني انتي الى تغالطين عمرج مب انا .. لازم أعيد وأقول انه مافي حد في هالمنتدى يعرف شي عن الواسطه كثري؟؟ ومن متى وانا قلت انه الواسطه ماتيييب شي عشان تيلسين وتقوليلي ترا يقبلون الناس في الجامعه بواسطه؟ قريتي ردي القبلاني؟ تراني كتبت هالشـي
لكن الشي الى ماسمحلج تقولينه لانج تغلطين على بلادنا يوم تقولين هالشي ..انه الواسطه فوق القانون .. مع انه هالشي 100% غلط =)
الحمدالله
القانون فوق الواسطه!

مجموعة انسان
ليش يعني المواطن لازم ياخذ مكانه؟؟؟ الى يستاهل الوظيفه بيحصـله والى مايستاهله مابيحصله

مجموعة إنسان

13-07-07 ||, 11:16 PM

لان المواطن كان النائب ماله .. يعني من بيمسك بعد المدير ؟؟؟؟؟!!!!!
اوكي
مادام المواطن موجود ليش يابوا واحد من الخارج ..؟؟؟؟
اوكي المواطن مب كفو ... عيل ليش معينينه نائب مدير ؟؟؟

شمعة أمل

13-07-07 ||, 11:31 PM

لانه يستاهل هالشغله
انته ماتعرف شو مخططات الشركه .. ماتدري .. يمكن هم يبون يرقونه لكن لـ دبارتمنت ثاني .. يمكن مايبون يرقونه .. يمكن مايبون يعطونه هالشغله لانه ماعنده الخبره .. ماتعرف .. لو هو صدق ينفع ياخذ مكان هالمدير جان عينووه ومايبو غيـره .. لأنه أرخــــــــــــــــــص .. ماكانو بيبون حد من برع الا لـسبب

نور الإيمان

13-07-07 ||, 11:55 PM

وحي القلم

13-07-07 ||, 11:59 PM

(1)
منو قال؟؟
صدقوني يووظفووونهم .. تبين أدله؟:vampire: .. الفايد راعي الهارودز .. مصري يملك هارودز في لندن .. مب بريطانيين .. في أمريكا .. ايرانييين وهنووود كلهم أغنيا وعندهم ملاييين لانه عندهم مناصب عاليه :fa47: ..

ترا دبي مب غيـر .. الى يستاهل الوظيفه بيحصلها ..

تدرين شو الفرق بين العرب والأجانب؟ .. العرب يشوفون عمارهم أعلى عن أي جنسـيه ثانيه

اللى أعرفه أنه الهارودز يعتبر مشروع خاص بصاحبه المصري

مب تابع للحكومه البريطانيه

يمكن انتي ما فهمتي قصدي من الكلام اللى كتبته

كنت أقصد المدراء و أصحاب المناصب في المؤسسات الحكوميه

مب المشاريع الخاصه

و محد قال انه نحنى أحسن عن حد

بس هاذي بلادنا و من حقنا نقول اللى نباه إذا استوا شي ممكن انه يضرنا و يضرها

الاجنبي بيرد بلاده في أي وقت.. نحنى اللى ما لنا غير هالبلاد

.
.

(2)
وحي القلم
ترا قلتلج .. مب كل شخص يقدر يكون مديـــــــــــر .. مايستوي ..
نفس ما مب كل شخص يقدر يكون مدرس .. أو طبيب .. أو محامي.. أو مزارع!
انتو تفكرون انه أي شخص يقدر يكون مدير؟؟ صدقوني غلطانييين .. انتو ماتعرفوون هالشغله شو تبااا وكمن وقتت تاخذ .. كفايه انكم أولريدي تتحرطمون على دوام 8-5 .. عيل المدير شو؟؟ 8- 12 دوامه! 16 ساعه يوميا:vampire: والويك اند مب ويك اند .. الويك اند شغل شغل شغل!

و الله اللى أشوفه انه المواطنين يقدرون يثبتون وجودهم و قدراتهم يوم ينعطون الفرصه

و وايدين عندنا أثبتوا هالشي

و ها يدل انه المواطنين يقدرون يبدعون في كل المجالات

بس إذا الامتيازات انعطت للأجنبي شو اللى بيشجع المواطن انه يشتغل و يتعب

يوم انه يشوفهم يجدمون الغرب و يروغون راعي البلاد

هذا مب عيب .. هذا حق

من حقهم انهم يحصلون شي يشجعهم عشان يعطون أزيد

.
.

(3)
انتو ماتحتكون ويا أجانب عشان تعرفون نياتهم .. انا 24-7 ويا أجانب ..ف هني انا بقولج انتي غلطانه =)
انا شايفه اجانب يعشقون بلادنا *اكثـر منا* .. ومايتمنون الا الخيـر لنا .. لكن انتو في صوب تسبونهم وحليلهم..

عشانهم بلادنا حلوه .. عشانهم عندنا بيوت حلوه .. عندنا سكيي دبي *ثلج في وسط صحراا!* .. عندنا وايد اشيا وهذا بفضلهم =)
بدال ماتحطون عليهم .. شكرروهم!
بلادنا بدونهم ولاشي
نحن بس 10% اذا مب أقل ..
بدونهم مابيكون عندنا شغل
بلادنا بتكون فقيره نفس أفريقيـا!
مابنتهنا بالمطاعم والحلويات الحلوه .. ماتبون هالأجانب؟ قولو مع السلامه لـ مكدونالدز وجيليز وكرسبي كريم وهاقن داز وكل شي ..

او صح ترا لاتنسون بدونهم مابيكون عندنا لا سييايير ولا موبايلات ولا شووتايم:fa46:

انا ما قلت انه لازم نعيش في كوكب منعزل عن الباقين

مب مشكله في "تبادل الخبرات" و هالشي كان واضح في ردي

إذا كانو يشوفون عند الاجانب شي مستحيل يكون فالمواطنين

خلهم يسوولهم دورات و يعلمونهم هالاشيا اللى مب موجوده الا عند الاجنبي

بهالطريقه بيطورون قدرات المواطنين

و بنبني بلادنا بروحنا

ما فيها شي إذا بنستفيد من خبراتهم

بس هذا مب معناته نسلمهم بلادنا عشان يسوون اللى يبونه و يمشون اللى يبونه علينا

مهما كان... هم تفكيرهم و عاداتهم غير عنا

ليش ما تكون للمواطن شخصيته المستقلة

مب نسخة طبق الأصل عنهم

جنا ما نروم نعيش بدونهم و لا حتى فينا عقول

بس ناخذ اللى هم يسوونه و ما نبى غيره .........!

و أعيد اللى قلته قبل .. أنا أقصد المسؤولين الاجانب فالمؤسسات الحكوميه

مب الموظفين العاديين اللى ياخذون معاشاتهم على شغلهم و امحصلين خدمات من أحسن ما يكون

و ما ظني انه البلاد امقصره عليهم ابـ شي

.
.

ولا عن

من ناحية الرواتب
بالله عليج .. بتشتغلين براتب الهندي؟ 800-2500 في الشهـر؟؟ ترا معظمهم جي راتبهم .. واذا ناس يشتغلون في مكاتب بعد رواتبهم أقل عنا .. الفرق بينا وبينهم انهم مايصرفون كل بيزاتهم ..

أظني يكفي رد نور الايمان

شمعة أمل

14-07-07 ||, 12:22 AM

نور الإيمان
تظنين لانه نحن عايشين في نعمه معناته انه نحن جاهلين ومانعرف شي؟ معناته انه ماعندنا أهل على قد حالهم؟ أو ربع فقراء؟؟ من ردج يبين انج تظنين انه الغني في صوب والفقيـر في صوب .. المواطن في صوب والأجنبي في صوب
خبروني انتو كيف تظنون هالمواطن الغني حصل بيزاته؟ من السما؟؟ لا طبعا .. اشتغل واجتهد وحصل البيزات الى يستحقه ..
حتى الناس الى يون من عوايل أغنيـاء .. بيزاتهم مب بيزات أهلهم .. كل واحد بنى نفسه!

" لكن الذي ييعش في رخاء فتعمى بصيرته و المؤلم انه يصوب الإتهام نحو ابناء جنسه من دون مراعاة للحال!!!"
تدرين انه هالجمـله صدق صدق صدق تجرح .. لو وحده من ربيعاتي قرت هالجمله بعد بتنجرح .. لأنكم انتو ماتعرفون شي .. ولاتعرفون الى يستوي
هالغني الى على قولتج انعمى من خيره .. هو الى يدافع عنكم .. هو الى دخل التوطين في البلاد .. هو الى قال عطوو المواطن أكثـر .. هو الى يشّغل المواطنين في شركاته .. هو الى يعطي بيزات وواسطات لمواطنين .. هو الى ييبلكم محلات ومطاعم من برع .. هو الى يسولكم كل شي ... وحتى يوم مايحصل كلمة شكرا منكم مايقول شي .. بس يبون كلمة *شكرا* ومايحصلونه .. لكن تقولون عن هالناس انهم عميان؟ مايشوفون؟ غافلييين؟؟
وبعد يوم *يتهم جنسـه* مثل ماقلتي .. وبعد تتحرطمون ..
هالغني هالمواطن يدافع عنكم طول الوقت ويهتم فيكم وانتو المواطنين 24-7 في باله .. ومايحصل شكرا منكم .. كلمة شكرا مايحصل .. بس يحصل أبا وأبا وأبا .. عطني وعطني وعطني .. بس بدون شكرا .. ياخذ ومايعطي .. وهالمواطن الغني الطيب يلبي طلباااتكم كلهااا اذا مب أكثـر .. وحطي في بالج .. بدون كلمة شكرا .. لكن يوم يعطيكم كل شي .. بعد تيلسون تتحرطمون .. تسبون هالشخص .. تسبون الحكومه .. تسبون هالاجنبي الى ساعد هالغني على انه يلبي طلباتكم .. عقب كل ها .. بعد حرام على هالغني المواطن يتهم هالفئه من المواطنين الى ماقدروو ولا شي سواه؟؟؟

انا عايشه هالحياه واعرف كل شي .. واعيد وأقول اني ماقول شي الا وانا متأكده منه! .. انا اسمع الشي من الطرفين .. من الفقراء من الاغنيا .. مب من طرف واحد

اذا انتو تظنون هالغني مايسوي شي وعمي وبطران .. اتحداكم تشلون مسؤولياااته لأسبوع .. بنجوف اذا عقب هالاسبوع بعدكم عايشيين:3:

من ناحية صندوق الزواج .. اذا الواحد فقيـر .. ومعاشه فوق ال10 .. ف خلاص ماشي صندوق الزواج .. انزين ليش يسيـر ويتزوج بمهـر غالي .. وعرس عود .. ويسوي حفله كبيره للملجه؟؟ .. مب لازم .. كل حد لازم يتزوج على حسب البدجت مالهم .. والحييين بتقولوون شمعة أمل صدق خرفت .. لكن للأسف انا صاحيـه .. عندي ربع تزوجو بدون مهـر .. ولا مهر 20 ألف .. وفساتينهم رخيصه وعرس بسيط ورخيص .. كل هذا عشان يعيشون حياه بعد الزواج خالي من الديون!

"لكن لا نطلب سوى التقدير و العيش الطيب"
التقديــر؟ ليكون الدوله ماتقدركم؟؟ ترا الى أعرفه الدوله تقدر المواطنين وبزيااااده بعد!
تبون العيـشه الطيبه؟؟
عيل لاتسرفووون أكثـر من معاشكم ..
اشترو ثياب رخيصه
سياير رخيصه .. او بالاحرى بس سياره وحده وورخيصه .. ماله داعي تشترون أكثـر
والبشكاره؟ عيشوو بدون بشكاره .. مابيستويبكم شي لو كويتو ثيابكم وطبختو عشاكم
دريول؟ عيشوو بدون دريول.. تعلمو السواقه .. في الأخيـر أرخص
في وااااااااااااايد اشياا تقدروووون تسووونهاااااااااااااااااا ... بس ماتبووون ..
الى صدق محتاج بيسوي أي شي عشان يعيش عيشه طيبه ..
ربيعتي .. امها اطلقت .. ماعندهم بيزات .. تعرفين شو سوت؟ .. الأم اشتغلت ..تشتغل شفتين .. وبعد في الويك أندز مرات .. اشترت سياره رخيصه .. حولت عيالها الشارجه لآنه أرخص .. طلعت عيالها من المدارس الخاصه وحطتهم في مدارس حكوميه .. يوم ياكلون .. تعالي شوفي شو يعتبروون وجبه .. صحن عيش وجبه .. خبزتين وجبه .. اذا بتعشييهم برع .. شورما .. وبعد هالأم تقول الحمدالله انا عايشه في نعمه ومستحيييييييل تطلب من اي حد بيزات او مساعده .. وبعد تقول الحمدالله .. ولا مره اشتكت
وانتو معظمكم عايشين حياه أحسن .. لكن تشتكون؟؟

وللعلم
انا مب ضد المواطن .. وانا مب ضد الأجنبي
انا مع الاجنبي .. ومع المواطن المجتهد .. لكن ضد المواطن الى مايقدر النعمه الى هو فيها .. حتى لو شي بسيط!

مجموعة إنسان

14-07-07 ||, 12:31 AM

شمعة أمل

14-07-07 ||, 12:33 AM

وحي القلم
الهااردز كانت تبع الحكومه لكن هو اشتراها منهم ..
وشو الى بيضركم بالضبط من وجود هالأجنبي؟ لو هالأجنبي صدق يضركم .. ف في رايي يفيدكم مليون مره اكثر من انه يضركم.. ولا انتي شو رايج؟

تبادل الخبرات .. ترا بعد في شي انا قلته انتي مافهمتيه .. مب كلحد يقدر يكون مثل هالأجنبي .. مادري كيف اشرحلج .. يعني مب كل مواطن عنده مخ مدير .. او مخ مدرس .. او مخ ميكانيكي .. *ما أقصد غبي أو أقصد خبره أقصد مخه وشخصيته وذكائه وتفكيره والfar sightness *
وطبعا ال far sight/ vision أهم شي في المدير .. بس هذا واااااااااااااااااااايد صعب تحصلونه في اي شخص .. سواء مواطن او اجنبي! من ردود الاعضاء هني اقدر اقولج منو هني ينفع يكون مدير ومنو لاء .. كلها عباره عن شخصية الشخص وتفكيره وشغله
ولاتخلبطين open minded بـ far sighted .. شي فرق كبير..

انتو تحسون انه كل شخص يقدر يكون مدير .. بس هذا غلط .. وهاللي أحاول أفهمكم إياااااااااااااااااه

وتبين الصراحه
نحن مانروم نعيـش بدون هالأجانب ..مانروم!

شمعة أمل

14-07-07 ||, 12:40 AM

عيل ليش حاطينه نائب مدير ؟؟!!!
لو ماينفع جان ودوه دبارتمنت ثاني من البداية !!
عيل لين الحين حاطينه نائب مدير ...
اللي إيده في النار مو مثل اللي ايده في الماي !!

لان لو تشوفون الظلم اللي يتعرضون له العمال الصغار (قصدي المواطنين لان انا اشتغل معاهم )
تعرفين شو يقولولي ؟؟
قالوا اذا مسكت مسؤول ارجوك فكر بالناس اللي يشتغلون تحت الشمس الساعه 2 الظهر ..(ادري هذي شغلتهم بس شو بتسوون لو حد اتفلسف عليكم وقال لازم انشغل التورباين سرنا شغلناه تحت الشمس ودرجة حرارة الماي 100 درجة .. ماكملنا نص ساعه اللا قالوا سوو شوتداون لان في ليك .. مع ان قالوهم الريال لا تشغلونه لان في ليك .. بس شو بتقولين !!

(الله لا يراويكم السرقه اللي صايره .. كل شي دبلين سعره )

ماعرف ليش مشغلينه نائب مدير ومب مدير؟ ومب من حقي أيـلس واتحرطم واقول ترا هالشخص هو الى يستاهل يكون المدير .. قلتلك من قبل .. الشركه الى انت تشتغل فيه عندها مخططات .. وعندها criteria يمكن هال*نائب مدير* ماعنده الكرايتيريا الى منصب المدير يحتاجه .. يمكن عشان جي مارقوووه .. المهم انه الشركه وكيفهااا واذا هالنائب مدير يبا يكون مدير لازم يجتهد وان شاء الله بيترقى

وعن ثاني شي .. شو بقول .. بقوللهم بطريقه طيبه وبدون attitude ترا قلنالكم انه فيه لييك .. وبس انتهى الموضوع

نور الإيمان

14-07-07 ||, 02:33 PM

سلام عليكم :)

شمعة امل راح تكون لي رجعة ان شاء الله قريبا .. :a070:

و ما له داعي تمنين علينا :fa35: كلنا عباد الله ..

نور الإيمان

14-07-07 ||, 03:48 PM

تظنين لانه نحن عايشين في نعمه معناته انه نحن جاهلين ومانعرف شي؟ معناته انه ماعندنا أهل على قد حالهم؟ أو ربع فقراء؟؟ من ردج يبين انج تظنين انه الغني في صوب والفقيـر في صوب .. المواطن في صوب والأجنبي في صوب

ربع فقراء! لا صعب انج تحسين بالفقير او المحتاج! إلا ان عشتي انتي الظروف القاسية عقبها بتحسين بكل كلمة انقالت اهني و في ردودج عن انه المواطن بطران و متبطر على النعمة اللي هو فيها!

نعم الغني ف صوب و الفقير او الطبقة الوسطى ف صوب .. لأنه هذا هو الواضح من ردج و بشكل صارخ جدا و من دون ما اجاملج هاي حقيقة ..

اي نعم المواطن ف صوب و الأجنبي ف صوب .. و متمسكة بكلامي من دون تراجع ..

خبروني انتو كيف تظنون هالمواطن الغني حصل بيزاته؟ من السما؟؟ لا طبعا .. اشتغل واجتهد وحصل البيزات الى يستحقه ..

الغنى او الفقر هاي ارزاق الله يعطيها للناس و ما لنا حكم فيها .. و موضوعنا مب عن كيف الغني صار غني!! بس كيف انه ناس ما نزلوا لمستويات ثانية في المجتمع و قدروا حالتها .. عالأقل مب لازم تجريح و تهميش دورنا نحن اهل البلاد و نقول عنهم بطرانين ولا متكبرين!!

حتى الناس الى يون من عوايل أغنيـاء .. بيزاتهم مب بيزات أهلهم .. كل واحد بنى نفسه!

في دعم مادي .. سواء من الأهل او من جهات اخرى .. و مرة ثانية اقول هذا مب موضوعنا..

" لكن الذي ييعش في رخاء فتعمى بصيرته و المؤلم انه يصوب الإتهام نحو ابناء جنسه من دون مراعاة للحال!!!"

نعم .. و عند كلمتي .. :3:

تدرين انه هالجمـله صدق صدق صدق تجرح .. لو وحده من ربيعاتي قرت هالجمله بعد بتنجرح .. لأنكم انتو ماتعرفون شي .. ولاتعرفون الى يستوي

و تعرفين انه ردودج كلها تجرحنا!
بالمرة ما راعيتي مشاعرنا ولو لبرهة !! كلمة طيبة ماشي .. و انتي من اهل هالبلاد و جي ضد المواطن و تتهمينه انه بطران و متكبر و كسول و كله فكره يكون مدير!! ابا افهم من وين يبتي هالأفكار!! هذي افكار الأجانب عنا و انتي تقولين معاهم 24 ساعة .. مستحيل مواطن و يشم هوا داره يقول هالكلام !! بس للأسف انتي وحدة منا و فينا و هذا كلامج عنا عاد ما نلوم الغريب ان احتقرنا!!!

و اتمنى ما تعيدين و تزيدين و تقولين نحن ما نعرف شي!! او انه هالكلام اللي نقوله افتراء!! لأني اعيد و ازيد و اقولج .. نحن عايشين هالوضع و هذا دليل كافي على ما اظن و ردا على كل كلامج اللي يقول انه عندج دليل 100%

هالغني الى على قولتج انعمى من خيره .. هو الى يدافع عنكم .. هو الى دخل التوطين في البلاد .. هو الى قال عطوو المواطن أكثـر .. هو الى يشّغل المواطنين في شركاته .. هو الى يعطي بيزات وواسطات لمواطنين .. هو الى ييبلكم محلات ومطاعم من برع .. هو الى يسولكم كل شي ... وحتى يوم مايحصل كلمة شكرا منكم مايقول شي .. بس يبون كلمة *شكرا* ومايحصلونه .. لكن تقولون عن هالناس انهم عميان؟ مايشوفون؟ غافلييين؟؟

يزاهم الله كل خير في الدنيا و الآخرة .. و مب كل اغنياء عميان ! البعض اللي يقول عنا نحن كسالى و بطرانين هذولي العميان .. و هذا كان مقصدي .. و الغني ان سوا شي الله يجزيه خير .. و اتمنى انج ما تحاولين تلمحين و تقولين : و ان اكرمت اللئيمة تمردا!!

نحن ما تمردنا على حد .. بالعكس لو لاحظتي الردود كلها مع المواطن قلبا و قالبا و نحن للوطن فداء بدمنا و روحنا .. و ما نرضى حد غريب ياخذ خيرها و يطور فيه بلده على حساب وطننا .. هاي هي الوطنية اللي موجودة فينا و من دون نزاع .. الوطن لنا نحن اهل البلاد ..:1:

وبعد يوم *يتهم جنسـه* مثل ماقلتي .. وبعد تتحرطمون ..

لو سمحتي اختي ..
في فرق بين التحرطيم و بين التحليل !!
احنا ما تحرطمنا .. الموضوع انطرح اهني و كل واحد قال وجهة نظره سلبي كان او ايجابي ..
نحن نتناقش و نحاول نعيش هموم المواطن و اللي اتهمنا بالخمول و الكسل هذا هو الأعمى فقط لأنه ماله حق يعطي هالأحكام دام انه ما سوى عالأقل استفتاء!! و يشوف النسبة اللي عايشة حالة كسيفة و شو مشاكلها ولا ان يرمي بالسهام ظلما و بهتانا ..

هالغني هالمواطن يدافع عنكم طول الوقت ويهتم فيكم وانتو المواطنين 24-7 في باله .. ومايحصل شكرا منكم .. كلمة شكرا مايحصل .. بس يحصل أبا وأبا وأبا .. عطني وعطني وعطني .. بس بدون شكرا .. ياخذ ومايعطي .. وهالمواطن الغني الطيب يلبي طلباااتكم كلهااا اذا مب أكثـر .. وحطي في بالج .. بدون كلمة شكرا .. لكن يوم يعطيكم كل شي .. بعد تيلسون تتحرطمون .. تسبون هالشخص .. تسبون الحكومه .. تسبون هالاجنبي الى ساعد هالغني على انه يلبي طلباتكم .. عقب كل ها .. بعد حرام على هالغني المواطن يتهم هالفئه من المواطنين الى ماقدروو ولا شي سواه؟؟؟

الشكر لله .. و قلنا جزاهم الله خير كل من ياخذ بهموم المواطن ولا ان ينقص من شأنهم!!!
و لو سمحتي اختي ..

نحن ما قلنا عطونا عطونا !!! الله يسامحج .. انتي لو لاحظتي كيف نبرة الكتابة عندج قاسية!! خليتينا في مستوى جدا سيء!!

و بعد اقول ما له داعي تمحورين الكلام المكتوب انه سب!! لا ان شتمنا حد .. لا الحكومة ولا الغني .. ووضحت لج انه الأعمى اللي يعطي احكام من دون تفكير فاحص ..

انا عايشه هالحياه واعرف كل شي .. واعيد وأقول اني ماقول شي الا وانا متأكده منه! .. انا اسمع الشي من الطرفين .. من الفقراء من الاغنيا .. مب من طرف واحد

لا اسمحي لي انتي ما تعرفين شي ولا انج موجودة معانا على هالأرض!!! و الدليل كلامج المب منطقي من وجهة نظري .. و المستفز و بشكل كبير و فيه هضم لحقنا .. و من دون وجه حق منج!!
و اعيد و اقول اني ما يبت كلام من عندي .. و الدليل هالكم الهائل من الردود اهني اللي طرحت هالمشاكل و في اختلاف عليه ..

قلتيها انتي تسمعين مب معناته انج عشتي الحال .. اللي يده في النار غير عن اللي يده في الماي اختي ..

اذا انتو تظنون هالغني مايسوي شي وعمي وبطران .. اتحداكم تشلون مسؤولياااته لأسبوع .. بنجوف اذا عقب هالاسبوع بعدكم عايشيين:3:

كلام مب منطقي!! قصدج هو اللي يتعب و نحن قاعدين ف البراد!!! سبحان الله ..
كل حد يتعب في هالدنيا سواءا الفقير ولا الغني .. و ما له داعي لهالتحدي على قولتج..

من ناحية صندوق الزواج .. اذا الواحد فقيـر .. ومعاشه فوق ال10 .. ف خلاص ماشي صندوق الزواج .. انزين ليش يسيـر ويتزوج بمهـر غالي .. وعرس عود .. ويسوي حفله كبيره للملجه؟؟ .. مب لازم .. كل حد لازم يتزوج على حسب البدجت مالهم .. والحييين بتقولوون شمعة أمل صدق خرفت .. لكن للأسف انا صاحيـه .. عندي ربع تزوجو بدون مهـر .. ولا مهر 20 ألف .. وفساتينهم رخيصه وعرس بسيط ورخيص .. كل هذا عشان يعيشون حياه بعد الزواج خالي من الديون!

يا سلام!!
المهر 20ألف درهم .. هذا بالنسبة لج رخيص بس لغيرج ما يقدر ييب هالمبلغ!
منو قال عرس عود!!! العرس العادي و من دون خرابيط اقل شي 100ألف درهم ! هذا مبلغ بسيط عندج
حفلة كبيرة للملجة كم يكلف!! اذاما وصل اقل شي 50 ألف درهم .. هذا مبلغ بسيط عندج!
على حسب البدجت اللي تقولين عنه .. ليش الدنيا رخيصة الحين!! كم سعر الذهب؟؟ كم سعر الفساتين! كم سعر العبايات والشيل !! كم سعر العطورات؟؟ المكياج؟؟
اوكيه .. كم سعر الفساتين؟؟ اذا ايجار الفستان اقل شي الحين10آلاف درهم لليلة وحدة!! هذا مبلغ تافه عندج!!

يوم اقول انج مب عايشة في هالعالم!! و مب لازم نلوم المواطن اللي يبا يستر على عمره و ما لقى سند .. ما نلوم المواطن المسكين اللي على قد حاله و ما يقدر يوفر عيشة طيبة لحرمته ولا عياله!
كل هذا و تقولين هو الغلطان و المشكلة بعدج تلومينه حتى في العرس و الزواج .. سبحان الله !! صدق الناس اجناس

"لكن لا نطلب سوى التقدير و العيش الطيب"
التقديــر؟ ليكون الدوله ماتقدركم؟؟ ترا الى أعرفه الدوله تقدر المواطنين وبزيااااده بعد!
تبون العيـشه الطيبه؟؟

عالأقل فلتقل خيرا او لتصمت!!! هذا هو التقدير اللي نباه!! اما تكذيب كل اللي نقوله و تتهموننا بأشياء ثانية .. لا يابوج .. الأفضل تقولين كلمة طيبة ولا ما له داعي للدخول في النقاش اصلا!!
الدولة تقدر .. كل ما في الأمارات رائع و اكثر من رائع .. و احنا بس حسينا بأمور ممكن يكون لها تأثير في المستقبل .. بس تعرفين شو؟؟ اتمنى انج تعيشين هالوضع يمكن بتفهمين قصدي عدل :a070:

عيل لاتسرفووون أكثـر من معاشكم ..

يا سلام؟؟
وين نصرف بالله عليج؟؟
اوكيه سمعي عيل
اللي راتبه 10 آلاف درهم
نقول اقساط السيارة 4 آلاف درهم
الكهربا و الماي نقول 2000 درهم
بيزات التلفون
طلبات البيت
الحرمة
العيال
تصليح سيارة او اعطال مفاجئة في البيت
ايجار البيت
لبس العيد
وين هالمبلغ بيكفي؟؟؟!!!

اشترو ثياب رخيصه
سياير رخيصه .. او بالاحرى بس سياره وحده وورخيصه .. ماله داعي تشترون أكثـر
والبشكاره؟ عيشوو بدون بشكاره .. مابيستويبكم شي لو كويتو ثيابكم وطبختو عشاكم
دريول؟ عيشوو بدون دريول.. تعلمو السواقه .. في الأخيـر أرخص

:Oo: و منو قال كل حد عنده هالمتطلبات اللي انتي عايشة فيها!!
اغلب المجتمع الإماراتي يعيش بليا بشكارة بليا سواق بليا سيارات بس سيارة وحدة ..
الصراحة كلامج بعييييد كل البعد عن الحياة الواقعية .. الله يعين بس ..

في وااااااااااااايد اشياا تقدروووون تسووونهاااااااااااااااااا ... بس ماتبووون ..

و انتي سألتي منو علشان تطلعين لنا بهالكلام!!!

الى صدق محتاج بيسوي أي شي عشان يعيش عيشه طيبه ..

اللي صدق عاش هالحالة بيقدر ولا بيقعد يقول مثل اللي انتي تقولينه!! لكن شو انسوي .. الكلام ضايع وياج !

ربيعتي .. امها اطلقت .. ماعندهم بيزات .. تعرفين شو سوت؟ .. الأم اشتغلت ..تشتغل شفتين .. وبعد في الويك أندز مرات .. اشترت سياره رخيصه .. حولت عيالها الشارجه لآنه أرخص .. طلعت عيالها من المدارس الخاصه وحطتهم في مدارس حكوميه .. يوم ياكلون .. تعالي شوفي شو يعتبروون وجبه .. صحن عيش وجبه .. خبزتين وجبه .. اذا بتعشييهم برع .. شورما .. وبعد هالأم تقول الحمدالله انا عايشه في نعمه ومستحيييييييل تطلب من اي حد بيزات او مساعده .. وبعد تقول الحمدالله .. ولا مره اشتكت

انتي تسمعين قصص ... مب لازم اعقب على هذا المثال .. و احنا ما اشتكينا و لو سمحتي وقفي هالإستفزاز او انج تنزلين من مستوى المواطن .. و نحن نقول الحمدلله و لا و مليون الحمدلله على نعمة الإسلام و العقل ! و الشكوى مب لج اختي الشكوى لله .. و اقولج نحن ما نشتكي نحن نتناقش فقط .

وانتو معظمكم عايشين حياه أحسن .. لكن تشتكون؟؟

هالكلام من عندج و ما له مصداقية ابد ..

وللعلم
انا مب ضد المواطن .. وانا مب ضد الأجنبي
انا مع الاجنبي .. ومع المواطن المجتهد .. لكن ضد المواطن الى مايقدر النعمه الى هو فيها .. حتى لو شي بسيط !

واضح!!! جدا

بنوتة جميرا

14-07-07 ||, 05:51 PM

شمعه امل
مابا اضحك ع الرمسه اللي تقولينها
شرات ما هاي بلادج تراها بلادي
بس في امور ما تعيبنا فيها وبنرمس
واللي مب عايبنه يشرب من البحر

وليش يعني ما في حد يعرف للواسطه كثرج ؟؟!!
ليش الحبيبه شو شغلتها؟؟!!
وانا رمستي كلها بأدله
ما يبت شي من عندي وحطيته

السموحه

مجموعة إنسان

14-07-07 ||, 08:29 PM

قلتها قبل
اللي إيده في النار مو مثل اللي إيده في الماي ..

نور الإيمان

14-07-07 ||, 09:13 PM

قلتها قبل
اللي إيده في النار مو مثل اللي إيده في الماي ..

صدقت هواجيس صدقت :3:

المقاتل

15-07-07 ||, 01:59 AM

. . عدنـــــا والعــــود أحمــــد . .

طبعـــا مثل ما شفنـــا الموضوع تفرع جدا لعـــدة قضايا بعضها يرتبط بالمحور الرئيسي والبعض الآخر خرج عن نطاق الموضوع . طبعا ماشاء الله الردود كثيره . . والبعض أبدا رايه بدراسه والبعض أبدا رأيه الشخصي .

بغض النظر عن بعض الردود الخارجه عن محور " البطـــاله " مثل " الواسطه و خير لبلاد والبطره والكسل " هذا كله في صوب .. وإلي مقدم على الوظيفه ومحصل شهاده عاليه مثل الباجيلور أو الماستر أو الانجاز أو الثانويه سواء المواطن أو الأجبني فصوب لا يرتبط عن ما ذكرتهم .

حبيت أسأل أسئله : هل إنتاج المواطـــن مثل إنتاج الأجنبـــي ؟؟
هل هــدف المواطن في العمل مثل هــدف الأجنبي في العمل ؟؟

أنا دائما ودوما سأجعــل المواطن في المرتبه الأولــى لأن الأحقيه هنا في دولة الإمارات يجب أن تكون من نصيب المواطنين وليس من صالح الأجنبي .

" لي عوده إن شاء الله "

شمعة أمل

15-07-07 ||, 02:15 AM

شمعة أمل

15-07-07 ||, 02:17 AM

المقاتل
ماشفت ردك ..

خذت السؤالين الى سألتهم في البزنس .. ومايستوي أي حد يجاوب عليه ويكون اجابته صحيحه .. لأنه كل شخص غير ومايستوي تقولون انه انتاج هالجنسيه احسن من هذا .. لانه العمل يرد للشخص وجهده مب جنسيته =)

المقاتل

15-07-07 ||, 02:29 AM

اختي شمعة أمل مع أحترامي لوجهـة نظرج بشأن الموضوع ما يسوى " الإختلاف في الرأي لا يفسد من الود قضيه " . . لكــن هذا لا يعنــي إن لم يتم موافقة البعض على رأيج إن الموضوع ما يسوى . . بالعكس يسوى حتى نناقش القضيه مع ناس سلبيين ( مع الأجنبي ) مثل ما وضحتي في ردودج في رأيي ومثل ما وضحوا الأخوان . . مع أحترامي لج الموضوع لم ينتهي عنــد هذا الحـــد . . كما إن آرائج من غير إي دراسه ولا يكفي الإشاره إنج قمتي بقراءة أربع جرائد لا نعلم أسمائها أو أسامي الكتّاب هل هم أجانب أم إماراتيين فقد تكون الأفكار ضد التوطيــن . . !! ومن ثم إن الجهـــــد الإماراتي ليس له مثيــــل فالجهـــود الإماراتيه أثمرت بأنها قامت تصل لـ مواصيل لم تصـــل لها الدول الغنيه والمتقــدمه !!!!!!! فــمن هو صاحب فكرة جزيرة النخلـــه ؟؟ ومن هو صاحب فكرة جزر العالم ؟؟ وغيره والكثير . . !!

كل الود .. (( ولي عوده لإكمال النقاش )) .

ذنـيـنـي

15-07-07 ||, 03:25 AM

وأرد وأعيد انا مب ضد المواطن انا ضد المواطن الكسول الى مايقدر ولا شي

هذا الي فهمته من كلامج يا شمعه امل و تستاهلين صفقه :fa47:

يا جماعه لا تاخذون كل كلمه و تحللونها حرفيا
شوفوا المعنى العام للكلام الي تبغي توصله لكم

بصراحه كلامها صحيح و ايضا كلامكم صحيح و انا عايشت عدة اماكن و فعلا يوجد بعض الاماكن الي تظلم المواطن بسبب التحيز و التكتل الي يسوونه الاجانب ضد الموظف المواطن لأنه يخلون في بالهم انه هالشخص بياخذ مكانهم فـ تحصلونهم يسوون اي شي عسب يبعدونه و هالشي منتشر بشكل كبيييييير في مجال البنوك بالذات :3:

و في نفس الوقت لكل مجتهد نصيب مثل ما تقول شمعة امل الي بيبدع في شغله و بيحاول يطور نفسه بيوصل :a034:
و الي بيتم "يلعلع" و ما بيطور نفسه و بينتظر انه الدولة اتطوره بيتم مكانه :k_wheelchair:
المواطن لازم يشتغل و يتعلم من الاجنبي و ياخذ من خبرته و يثبت انه افظل من الاجنبي عسب ياخذ مكانه

بعطيكم مثال على ولد عمي

كان جندي في القوات البحريه و راتبه 6500 درهم لأنه ما عنده ثانوية
و يوم تزوج حس بانه الراتب هذا ما يكفيه و ما بيعيشه العيشه الي هو يطمح لها
قام و درس و ياب الثانوية البريطانيه عن طريق الجيش و عقب استقال و اشتغل في الاتصالات براتب 7000 درهم و درس في التقنية بدون مبالغه من يوم دخل الين ما تخرج وللللللااااااا درجه وحده من درجاته نزلت عن الـ A+ تعرفون ليش !! لأنه عنده طموح و يبغي يطور من نفسه و ما قال ليش الدوله ما تعطيني راتب 20 الف و ليش ما عطتني بيت,, ترك كل هالامور على صوب و ركز على شي واحد و الي هو تطوير نفسه بنفسه

طافت الايام و ما شاء الله عليه تخرج بالمتياز مع مرتبة الشرف و بأعلى GPA على مستوى التقنيات :fa47:

ترقى في الاتصالات و استوى مدير القسم الي كان يشتغل فيه لأنه كان موظف مثالي و ما يغيب ابداااااااااا عن شغله حتى و هو مرييييييض و 3 مرات خذ شهاده الموظف المثالي على مستوى الاتصالات :fa47:

عقب شهرين من تسلمه لادارة القسم ياه عرض من بريد الامارات و خلوه يمسك قسم المبيعات الآجلة Cridit sales maneger و عقب شهرين بالضبببببببط رقوه و صار الـ Sales Director في البريد بسبب شغله و تفانيه في العمل و اصراره على تطوير نفسه و تطوير بيئة العمل الي يشتغل فيها و الحين يضربون فيه المثل في الانضباط و الطموح "على مستوى العايلة"

كل انسان ممكن يكون مثل هالشخص
اشتغل و اصبر و طور من مهاراتك بتحصل الي تباه و اكثر
اشتغل و تم يالس و حاط ايدك على خدك في انتظار زيادات الدولة و تنتظر المنصب الي بينزل عليك من السماء ، قر مكانك و تم في وظيفتك 20 سنه بدون ترقيات

المقاتل

15-07-07 ||, 08:26 AM

نصوركـــا :12: .. منور يا ريال .. شحالك .. (( خشمك )) .. ماشاء الله عليك روحك المعنويه عاليه !!

:love2: بعد ما اقرا كلامـــك ياخي وأشوف كلامي ويــــن وكلامك وين !! (( أخجلتني يا ريال :fa46: )) لوولز . وولد عمك يمكن من الفئـه النادره إلي عندها شرات هالطمـــوح :a034: وإلا ؟؟ إلي عنده مثل هاي السوالف ينورنا عشان نحتذي حذوهم .

:14: وبعـــدين لازلت وأقول إن ولــد عمــك ربط ظهره وما أعتمـد ع شهادته إلي عنده وبس بالعكس صارت عنده خبره في مجال العمل و شهاده علميه . . لكــن ع مدار كم سنــه :fa46: ؟؟ وأظن أتكسرت مياديفه عسب يوصل للمستوى إلي ربي أراد له إنه يوصل !! ويمكـــن بعـــد كل شي مشى بالطريقه الصحيحه والمُرضيه !! :1: بس هالحاله يمكن 00.1 % .

هوه صحيح لـكل مجتهـــد نصيب !! لكـن هل فعلا ما نراه في الجرايـد (( الكاريكاتير بخصوص الشهاده بأنها مجرد لوحه معلقه بالجدار ومن غير الحصول على وظيفه ؟؟ )) بلا سبب ؟؟ . . و إلي نسمعه يوميـا في جهاز المذياع !! وأيضا المقالات التي تتحــدث عن قضية التوطيــن . . كل هذا ما جعلني أعبر وأستفسر وأبحث عن هذا الموضوع . . حتى وإن كان لن يصــل إلى نتيجــه . . ولكــن وهل يضر التعبير مافي النفوس ؟؟ :vampire: . . كما أن سبب كتابتي بالدرجه الأولى هي نسب حصول المواطنين على الوظائف .

ترا . . هل يمكن في يوم من الأيام منح كل المواطنين أصحاب الشهادات الحصول على الوظيفه !! :love2: (( من يشارك ويقول رايه ؟؟ ))

يحيى الوطن !! :1:

ذنـيـنـي

15-07-07 ||, 11:16 AM

حسووونكا

صدقني لو نحن نسوي شرات ما سوى ولد عمي بنوصل للي وصله و زياده
بس نحن نحب نلعب، نشرد من الكلاسات، و اذا داومنا نتأخر على الدوام و ما نصدق يخلص الوقت عسب نطلع. بالمختصر نحن شعب وايد مغرور و وايد اتكاليين و مب قادرين نستوعب بأنه ايام الدلع خلاص راحت و انه الحين لازم نشتغل و نتعب عسب نوصل للي نباه :vampire:

و ثانيا شو قصدك بـ لازلت وأقول إن ولــد عمــك ربط ظهره وما أعتمـد ع شهادته إلي عنده وبس بالعكس صارت عنده خبره في مجال العمل و شهاده علميه . . لكــن ع مدار كم سنــه :fa46: ؟؟وأظن أتكسرت مياديفه عسب يوصل للمستوى إلي ربي أراد له إنه يوصل !!

اولا
ما يخصها السنين،، الخبرة موجوده لكن الاهم هو تطوير الذات!!
ممكن انته تتعلم الشي "مع الايام و مع الممارسه اليوميه" و ممكن "تسعى لتكتسب هالخبرة و هالمهارات عسب اتطور نفسك بنفسك"
على سبيل المثال
ممكن تتعلم استخدام المايكروسوفت وورد في الدوام و كل يوم يعلمك حد حركه فيه و ممكن انك تروح تاخذ دوره مدتها اقل من شهر و تتعلم كلللللللل شي في الوورد،،، في هالحاله انته بتكون سعيت لتطوير ذاتك و قررت انك تعلم نفسك شي تستفيد منه بدون ما تتريا انه حد يعلمك اياه

ترا شمعة امل قالت، في ناس يصعدون الدري خطوة بخطوة عسب يوصلون للقمة و في ناس يتريون اللفت يوصلهم و ما يهمهم شكثر بيتريون الين ما يوصل اللفت او شكثر بياخذ، المهم انهم ما يتعبون اعمارهم !!
لا تيلس في المكتب و تشرب جاي و تنتظر ترقيتك، بروحك اسعى وراها و اتعب عسب تحصل الشي الي تباه :1:
يعني لا تتوقع انك تتخرج بشهادة القانون من جامعه الشارجة و تحصل كرسي القاضي يترياك او يحطونك مدير المحاكم :fa46: اول شي بيحطونك كاتب عدل و عقب وكيل نيابه و عقب ما ادري شو و عقب قاضي و عقب مسؤول عن القضاة و انته صاعد
لازم تصعد الدري خطوة بخطوة و اكتسب المهارات الي تأهلك للوصول لهدفك بنفسك بدون ما تنتظرهم يعلمونك اياها

و ثانيا
انه يوصل لرتبه Director و هو في هالعمر يعتبر انجاز لأنه يعتبر اصغر دايركتر في بريد الامارات،، يعني الي سواه مب شوي و يعتمد بنسبة 90% على الي سواه في آخر اربع سنوات من عمره

و مثل ما قلت حالة ولد عمي نادره تعرف ليش،، لأنه بكل صراحه 99% من ربعنا في الجامعه و في الدوام مستهترين و عندهم نوع من الـ لا مبالاة، غيابات و اهمال و دومهم مب فايجين و و و و و

و هالشي الي بينكره تراه قاص على عمره

المقاتل

15-07-07 ||, 01:39 PM

:vampire: ونعود من جديد مع نصوركــــا . . !!

من ناحية الإستهتار . . كلامك صحيح 100 % :a070: والله يسمع منك يا ريال إن شاء الله استوي وكيل نيابه هع هع هع !! بس هذا من الناحيه للــي يدرسون في الجامعه . . !!

بس يا أخوي إلي عنــــده شهاده تعبـــان عليهـــــا :14: شو ذنبه ما يحصل وظيفـــه ؟ ؟ أحيد مره أتصلت في أحد إلي مقدميـــن شهاداتهم لـ المكان إلي نحن فيه وعندهم شهادة ماستر من بريطانيا . . كنت أبا أسأله . . وقتله إنته ولد فلان . . قال نعم قتله انا من هالمكان وجذه و حابين إنعرف شو الشهاده إلي عندك عسب اندخل اسمك للـسته !! تعرف شو رد علي . . قالي من سنه " سنه " وصوته مسكين يبين بأنه معاني :fa46: ومعدله عالي وهذا شخص مش مستهتر !! وللعلم إذا تم مده طويله بدون ما يحصل وظيفه هالشي بأثر على الـ C.V مالــه .

بإختصار هب كل الشباب مستهترين وطبعا لكل فئه الزين والشيـن . . وطبعــــا هذا أكيد بتكون عنده خبره . . بس 100 % يالس مكانه أجنبي . . في هالحاله إنته شو رايك هالـ هذا الأجنبي يستحق وظيفته ولا هذا لمواطن ؟؟ .. ما عليه بتقولي هذا عنده خبره . . بقولك لمواطن بيكتسب خبره بعد مثل ما الأجنبي أكتسب خبره . . !! يعني أنا مش كلامي عن المستهترين ولو إنه هذا سبب من أسباب البطاله في الدولــة لكــن بعد إلي مقدمين للوظايف نسبهم كبيره شو السبب (( هب توظيف الأجانب سبب من الأسباب إلي تــساهم في زيادة البطاله )) !!

طيب النقطه إلي عندي بعــد لا تتوقع من شخص عنده دكتوراه يشتغل في شغلة البكالوريوس ولا تتوقع من شخص عنده ماستر يشتغل شغلة واحد عنده إنجاز ؟؟ حتى ولو إنه بيصعد خطوه بخطوه بس بعد هالشي بيأثر على الـ C.V ماله !!

فـ أحين شورايكم في وجهة نظري ؟؟ هل هيه صحيحه أم خاطئه ؟؟

المقاتل

15-07-07 ||, 01:42 PM

يعني حتى أحينه يالس أفكر ليش ما يستفيدون من المواطنين إلي متخرجين وما عندهم وظايف في إنهم يستغلونهم في الكثير المجالات إلي ممكن إتساهم في تطوير الامارات !!

نور الإيمان

15-07-07 ||, 02:01 PM

مافييه أخرب مودي والسبب موضوع مايسوى:14:
انتو تظنون انه المواطن مظلوم وانا أظن العكس:vampire:
وأرد وأعيد انا مب ضد المواطن انا ضد المواطن الكسول الى مايقدر ولا شي

وأنا ماسمع قصص من ناس وايلس واكتبهم .. هم ناس أعرفهم واجوف هالشي جدام عيني:icecream:

أو صح

تراني ماشوف 100 ألف ك مبلغ بسيط:hysterical:

تصبحون على خير:icon_rr:

يكفي رد المقاتل و ما له داعي للفلسفة .. بس صدق اتمنى ان تعيشين عيشة ثانية عقبها يمكن بتحسين شوي ...

السموحة اخوي المقاتل .. كان نقاشي ردا على اسألتها و احيانا استفزازها الغير منطقي ..

اما من ناحية تحليل لكل كلمة هذا خارج عن معترك كلامي!!! كل ما في الموضوع انني لا اظهر المواطن و بشكل سيء و بأنه كسول!!

نعم هناك اناس كسولين و لا يفكرون بشيء و لكن هذا الموضوع اصبح نادرا جدا الآن بسبب صعوبة العيش لا اقل او اكثر ...

كان تعقيبا ردا عليها فقط ..

شكرا

المقاتل

15-07-07 ||, 02:19 PM

أختي نور الإيمان . . أهلا وسهلا بج . . :m_mar7ba: :m_mar7ba: :m_mar7ba: .. الله حيّــه !!

:vampire: أعـــود وأقول الإختلاف في الرأي لا يفسد من الود قضيـــه . . وكما إن نقاشج هنا جميل ويعبر عن الجدّيـــه . . وبالطبع " أنا نفسي لا أقبل :h_6abakhah: أن أقول عن المواطن بأنه كسول أو بطران لأن اولا وأخيرا هالشي يعبر عن نفسي كمواطن وأنا مش كسول ولا بطران ولا أخوي نصور ولا أعتقد بقية الأعضاء أولاد الإمارات بأنهم كسولين . . فـ يكفي مقولة الشيخ محمد بن راشد آل مكتوم الله يطول في عمره : أنا وشعبي لا نقبل إلا المركز الأول . . وشو يعني هذا (( شعبي ؟؟ )) يعني إماراتي . . !! وكمـا أن النقاش مفتــــوح للجميع للتعبير عن آرائهم والموضوع لم ينتهي عند حد لإن القضيه جاريه ولم تنتهي بعـــد . . إنما أردت التوجيه للمسار السليم لأن مضمون الموضوع يتحدث عن البطاله :icecream: .

شكرا على مرورج أختج . . دمتي بخير .

ذنـيـنـي

15-07-07 ||, 03:39 PM

حسونكا

المفروض انه الواحد ما ياخذ ماستر عقب البكلريوس على طول !!
المفروض انه ياخذ خبرة عملية في مجال شغله لمدة سنتين "و هالشي متعارف عليه عالميا" و عقب ممكن انه يقدم على رساله الماجستير لأنه رسالة الماجستير اصلا متصلة بمجال العمل !!

لا تتوقع انك تيمع هالشهادات و "تفاجئ" المؤسسه الي ناوي تقدم عندهم بانك ما تبغي وظيفة شخص عنده بكلريوس و تبغي تكون مدير على طول و انته ما عندك خبرة عملية :3: لأنه لو كان عنده خبرة عملية من قبل و كان يشتغل جان ما فنش من شغله عسب يدور وظيفة :fa46:

طيب النقطه إلي عندي بعــد لا تتوقع من شخص عنده دكتوراه يشتغل في شغلة البكالوريوس ولا تتوقع من شخص عنده ماستر يشتغل شغلة واحد عنده إنجاز ؟؟ حتى ولو إنه بيصعد خطوه بخطوه بس بعد هالشي بيأثر على الـ C.V ماله !!

و على فكره، شهاده الماجستير مالها رتبه معينه في السلم الوظيفي لأنه شهادة الماجستير هي مجرد شهاده لأثبات الذات مب اكثر ولا اقل،، يعني مالها علاقة بالتوظيف و الرتبه الوظيفية
الشهادات المعتمده للتوظيف هي الثانوية و الدبلوم و الدبلوم العالي و الباكلريوس و اي شي ايي فوق البكلريوس يعتبر جهد شخصي "اضافه طيبه للسيرة الذاتية" و لكنهم يمكن ما يعترفون فيها لأنهم مش محتاجينها اصلا لأنها مثل ما قلتلك مجرد اثبات للذات.

و ثاني شي،، انته فكر فيها منطقيا
مب معقوله انهم يسيرون يفنشون الاجنبي عسب يحطون الريال مكانه لأنه هالريال بكل بساطه ما عنده خبره!! الشهاده الي عنده ما تأهله انه يكون مدير و "غالبا اصحاب هالشهادات يتوقعون انه المؤسسات بتدفعلهم مبالغ خيالية لأنه عندهم ماجستير !!

مجموعة إنسان

15-07-07 ||, 06:40 PM

تعرفون شو قانون شركتنا !!
وهذا اللي انا شفته بعد ما اتلاقيييت بأكثر من شخص ..

إذا اشتغلت .. بتغلط .. ما تترقى ( لانه انسان يغلط )
إذا ما اشتغلت .. ما بتغلط .. تترقى !!
(لانه ماغلط)

مجموعة إنسان

15-07-07 ||, 06:43 PM

شمعة أمل ..

بالعكس .. في أشياء صح 100%
في مواطنين كسولين .. وما يستحقون الترقية ..

بس بعد في عكس ..

..

في أشياااء قريتها في ردودج وشفتها في الدوااام .. بس ما بقوول ان في اشياء قلتيها صح(لان في اشياء غلط)
لان الواسطه تلعب دوور
(اوكي تخيلوا معااي ان 4 عيال عم كلهم ماسكين شفت واحد ( هل كيييف؟؟.!!)

أنامل قلب

16-07-07 ||, 12:28 AM

عني أنا ماعرف وايد بخصوص النقاط اللي تفرعو لها الاعضاء بالردود ..
لكن الأكيد ان الكل مثل ما أصاب بشغله أخطأ بشغله ثانيه ..
وكل الآراء مثل ما انها ما تخلوا من الصحه هم إهي بالمقابل ماتخلو من الخطأ .. !!

كل من يطرح رايه اللي نتج عن أحداث وقصص سواء عاشها ولا شافها ..
ومنحصره على رقعه محدده من الناس (( ولو تنوعت )) وحسب .. !!

هذا يفهم الكلمه من منظور معين والثاني يشوف فهمه ماهو إلا سوء فهم ..
وبالأخير ترى الاختلاف بالراي لا يفسد للود قضيه .. ^_^ ..

وعن البطاله فمثل ماانها نقمه صابت بقعه واسعه من أهل البلاد ..
فهي كذلك ناتجه عن بقعه واسعه منهم .. اكانت الأذية منهم أم لهم ام كلاهما معا .. !!

:

أحببت أن أسجل اعجابي بالطرح وأهميته وحسب ..
ولو ان في نقاط كثيره تطرق إليها الأعضاء كنت حابه اني أناقش فيها ..
بس لقيت ان النقاط وايد وما بيمديني الصراحه .. :fa46:

السموحه منكم ..
ويزاكم الرحمن عنا كل خير ..

احترامي .. !!