مشاهدة النسخة كاملة : كلنا عندنا ويه .. بس ادخلوا اقروا الموضوع .!
المزوحي
02-07-07 ||, 11:04 PM
ياما نسمع ...
ما ينعطى ويه .. ماتنعطى ويه
يعني انته ما تعق الميانه او ماترخي الحبل او تكون لين .. على أساس الطرف الثاني ما يركب معالي
راسك ... أكيد في يوم نطقتوا هالكلمتين !
ولأي أسباب كانت ...
شاب محبوب من بين ناسه وربعه ... يوم فكر يتزوج .. نصحوه ... لا تعطيها ويه .. ترى الحرمه
ماتنعطى ويه ... فهو يبتدي يتعنتر عليها ويشد ويكون غليظ .. بس عسب ما يعطيها ويه ...
وهي يوم يت بتتزوج وعقب ما ملج عليها .. قالوا لها ربعها .. لا تعطينه ويه ..
عيل كل واحد يقر بيت هله .. يوم إلا كل واحد ما ينعطى ويه ..
يمكن نحن ما ندرك قدر الكلام اللي نقوله أو مانفهم المعنى الصحيح له ..
شو رايكم بالكلام هذا ؟؟
حد مر بمواقف من هالنوع ...
إنكم عطيتوا شخص " ويـــه " وحسيتوا بـــ هالشي ؟
قــبقــوبـه
02-07-07 ||, 11:18 PM
امممممممم صــدق في أشخــاص ما ينعــطون ويــه .. !!!
يعنــي مثــلاً شخــص دوم كنــت تسأل عنــه وتحــاتيـه وفالنهــايه تســمع إنه رامــس من وراك وقـايل رمســة عنــك !!
في فتــرة من فــترات حيــاتي كنت مرابعــة بنيــه وكنت ويــاهاا واااييــد كــلووز ومن كثــر ما كنــت أثــق فيــها خبــرتها شي واايــد شخــصي .. عقــب كمــن يـوم أحصــل وحــده متصــلتبـي اتقــولي اذا هالشــي الي سمعــناه من فلانــه صح ولا لاء !!
ومن هــاك الـيوم وهيــه فالشــرق وانــا فالغــرب .. عطيــتها ويه زيــاده عن اللــزوم ووثقــت فيــها وفالنهــايه طعنتنــي فظهــري !!
العجيبة
02-07-07 ||, 11:23 PM
رايي إن تمـادي البعض أو إلحاحهم المتواصل على أشياء تافهة ، أو جرأتهم اللي تؤدي إلى الوقاحة أحيـانا ، هاي أسباب تخلينـا نقول " ما ينعطــى ويه " !
لكن إننا ننصح الناس بنصيحة " لا تعطيه ويه " فأظن إنه مالنـا حق في هالشيء ، لأن كل إنسـان حر بمـن يكلم وبمـن ( يعطيهم ويــه ) !
شكرا أخوي عالموضوع .. غريب شوي !
الوحيدة
02-07-07 ||, 11:24 PM
خخخخ مضوعك غريب !
هيه أنا مريت , وحدة من اربيعاتي عطيتها ويه زيادة عن اللزوم لين ما نفخت ريشها عليه وقامت تلبسني وسوت حركة من وراي كنا أنا وهي متفقين نسويها مع بعض بس سارت وسوتها بروحها .. عموماً أنا ما قصرت فيها عطيتها من هاك الزين ولبستها !
عقب ردت بروحها تتصل لي وتعتذر !
المهم , السالفة مب سالفة لا تعطي حد ويه عطه ويه لكن بحدود يعني عطه نص ويه !
وعلى حسب طينة هـ الإنسان يستاهل ولا ما يستاهل !
وبس !
تسلم عـ الطرح !
تحفه
02-07-07 ||, 11:28 PM
loooool
صدق انزين انا مب من النوع الي ينعطى ويه XP
الثعلب الرمادي
02-07-07 ||, 11:30 PM
الصراحة ...
فعلا في ناس ما تنعطى ويه اكثر من اللازم ... لان فيهم قلة أدب غير طبيعية أو أحقاد و غيرة زايدة عن الحد ينتظرون بس الواحد يفتح لهم المجال حتى يبدون شغلهم التعبان و الواحد لازم يكون منتبه من الناس اللي يتعامل وياهم و ما يفتح المجال الا للناس الثقة ... في ناس إذا انعطت ويه صدق تركب على راس الواحد تخسس فيه و تلعب فيه لعبة ما انلعبت ...
ناس تعبانة صح بس الواحد قبل ما يحاسب الناس لازم يحاسب نفسه لأنه فتح المجال أو تكلم أكثر من اللازم ...
وحي القلم
03-07-07 ||, 12:23 AM
رايي إن تمـادي البعض أو إلحاحهم المتواصل على أشياء تافهة ، أو جرأتهم اللي تؤدي إلى الوقاحة أحيـانا ، هاي أسباب تخلينـا نقول " ما ينعطــى ويه " !
لكن إننا ننصح الناس بنصيحة " لا تعطيه ويه " فأظن إنه مالنـا حق في هالشيء ، لأن كل إنسـان حر بمـن يكلم وبمـن ( يعطيهم ويــه ) !
نفس الراي :12:
و هي مب مسألة (( كل انسان حر بنفسه )) بس
لانه كل واحد طبعه غير عن الثاني
يعني مثلا.. يمكن أنا أشوف انه هالشخص ما ينعطى ويه
بس غيري يمكن يكون راظي عن تصرفاته و مب مقتنع بانه هذا (( ما ينعطى ويه ))
..
بنت الدلع
03-07-07 ||, 01:08 AM
عط ويه للي يستاهل
عطيتها ويه وعزيتها واعتبرتها من اعز ربيعاتي
بس شافت عمرها وتتحرى الكل يباها
بس الحمدالله اني عرفتها الحين ومب بعدين
وانا مب من النوع الي يتساهل هههـ تشوف عمرها اونه !
من خلال تجارب شخصيه
ممكن الواحد يقولك هاي النصيحه
ولكن مب شرط تسمعها
انته تحكم عالشخص بطبيعته
وتشوفه يستاهل ولا
وخاصه في الزواااج
استغرب من الي جيه يقولون
الزواج فيه تساهل فيه تنازلات
واحد يرخي والثاني يشد
مب ثنيناتهم يشدون
في النهايه الحبل بينقص !
الجنيه
03-07-07 ||, 10:49 AM
المزوحي .. احيانا تظطرنا تصرفات المتطفلين لترديد مثل هاي العباره " صدق ما تنعطى ويه " بعض الاحيان سكوتنا عن مثل هالتصرفات وعدم التدخل بـ ايقاف الملقوف عند حده يتمادى بشكل بشع وقبيح يجبرك اتقول صدق ما تنعطى ويه ...
بالنسبه لسالفه الي يتزوج و يقولون له لا تعطيها ويه بتركب ع راسك وبتبطر هذي اقبح نصيحه وما اعتقد الناصح يكن اي نوع من المشاعر الحقيقيه للمنصوح *_* دام انه قرر يتزوج يعني انه انسان فاهم وعاقل يدرك الصح من الخطأ مش محتاج منكم غير الله يوفقكم ويسعدكم محلاتها ع القلب
هزاايم
03-07-07 ||, 12:17 PM
...............
عمة العيم
03-07-07 ||, 02:14 PM
عطوا الناس ويه بس باعتدال
مب وايد
ولا شويه
يعني عطي انطباع حلو للناس
بالمعامله الحسنه
و حسن الخلق
و كل هذا من صفات المسلم
فـ سوي اللي عليك...و الباقي على الله!!
هذا رايي
(^_^)
...
المزوحي
03-07-07 ||, 03:20 PM
اشكر كل واحد فيكم رد على الموضوع ...
إذا أنا بطبعي اسمع الكل واحترم راي الغير وما أرد حد
إييني واحد .. وأسوي له مثل البقيه ... بس أشووفها " مصخها " قام يستقلني
وقام يتطلب ويتأمر وغيره .. عقب عرفت إنه ما ينعطى ويه ...
الجنيه
04-07-07 ||, 10:41 AM
المزوحي .. الطيبه مطلوبه وحلوه بس يوم اتزيد عن حدها تنجلب على صاحبها بالعكس *_*
الي اقصده انك خلك طبيعي ويا هالاشكال وحاول قدر المستطاع انك اتوقفه عند حده بشكل لبق وخفيف واذا ما استحى ع ويهه الصراحه عطه كاش فـ الويه ...
اخت اختي
22-07-07 ||, 02:08 PM
اخويه.. أنا سمعت يقولون جي.. لا تعطين ريلج ويه أو يقولون لآ تعطي زوجتك ويه.. بس أنا دايما أرد عليهم وأقولهم ليش؟؟؟
لأن هم بيتزوجون،، لازم كل واحد يتفيج حق الثاني وخلي شريكه هو أولوية حياته..
بس أذكر مرة.. ترا أن إنسانة ما تسكت للحق.. يعني يوم كنت في المدرسة البنات ييوني عشان آخذ حقهم.. المهم، شي بنت استغلتني وخلتني أسير عند المديرة وأرمسها وأدافع عنها بس للأسف هي كانت غلطانة وجذابة.. قصت علية وصدقتها.. فالصراحة ما تنعطى ويه.. لأن دوم كنت أدافع عنها وأسمعها.. والمديرة وايد تحترم رايي فاستغلتني وأنا طلعت غبية!
المرة الثانية.. ألحينة في الجامعة.. وحدة يتني قالتلي.. اخت اختي، أنا عندي مشكلة وحدة إدارية قاهرتني وقلة أدبها علية ورباعتي قالولي إنتي بتاخذين حقي منها.. قلتلها أكييد.. وسرت وياها الإدارة وأرمس وأظارب.. لكن اتخيلوا هي كانت ساكتة وعادية.. وفي مسألة جذبت عليه.. وبين عند الحرمة.. ونحن في المكتب، أنا دار راسي.. كانت إنسانة برع المكتب.. وداخل المكتب إنسانة ثانية.. وجان أسكت وقلت في خاطري ولا بتدخل في مشاكل حد مرة ثانية...
مشكور عالموضوع