[ مـواقــف مـن ~ منـه ومنــاك ! ]

[قرموشة]

الســـلام عليـــكم والرحمـــه



موضوع البرمـائي خـلاني اتحمـس وأطلع شوي من اللي في خـاطري
شكـرآ يالمنـصوري :h_mar7aba:




مـوقـف مـوقفيـــن ثلاث أو أكـثـر
( انزين قولي باركـنات وفكـينـا )
لا مـب جـي .. أقـصد انـه تمر علينـا مـواقــف وايـد تخــليــنــا نضحك ونشـق الحـلـج :woot:
او نصـيح والدموع أربع أربع وأحيانـا تكون أسخـف من السخـافه بس يكـون لهـا ذكـرى في حـياتنـــا



مـواقـف مـريت بهـا في حـياتــي
وكـانت لهـا بصمــه .. اخـليــكم مـعــاهـــا





في الشــارع ع درب الجـامـعه .. تمشـي ع 80 وكـله من الرادار اللي حـاطـينـه
الشارع فاضـي ومـانروم نسـرع ( ع فكره ما يحـطونـه الا على آخر الشهـر أو بدايتـه ) .. فجأه تمـر حـذالك رنــج حمـره , وتقـول يالله مـحـلاهــا :inlove:
بعـد شوي مـن تتجـاوزك وتخـطف .. تلاقـي راعـيهـا المزيون الكشيـخ يرمـي الـ كلينكـس مـن الدريشـه
وتنصـدم ! عادي استووا المواطنين بعـد يسوون جي مـب بس الهنـود .. ! :shocked:




تذهـب لكـليـه التقنـيه .. أقـصد فرع البـنــات
تزور ربعـك وتسأل عنـهم وتنصـدم بالمظــاهـر اللي تـشوفهــا .. انطـر حلجـي مـن كـثر ما قمت أقـول
OMG هـاي وين تبــا ! :shocked:
عـبي بأشكـال وأنـواع .. ما برمـس عن الخـفااش ولا بات مان ولا الفراشـه أو اليعـسوبـه ان صـح القـول
برمـس عن عـبايـه
( بو الشبـــــاب )
مـفــصلتنهـا مخـصوص عند دار العـز أو الكـشخـه للخـياطـه >> للعلم بس ما دل غير هاييـل
وطبعـــا الشعـر حـدث ولا حرج مـبتـر وبالموس بعـد وفي روايـه أخرى بالمكينــه وعـلى رقـم 3 .. تمــر حـذالك وتجيسـك هاييـج الرعـشه ! :k_puppyeyes:
تقـول واحـد من الشباب مـر من عندك مـب بنــت
ولـن أرمـس عن تقنـيه الأولاد
( فيهـا العكـس وعاد انتوا تخيلوا ) :h_negab:





سايـريين المـووول ويا حـينـا
نـزلنــا من المـوتر بعـد ما كنـا يالسـن فوق بعـض .. ماشي مكـان سايرين ويا عـيال الخالـه ومتلصقين في السيــاره
نـدور منظـره نرتب فيهـا عمـارنـاا ويا مـقربهـا منظـره السيـاره اللي حـذالنــا .. توايـج شـوي وتعـدل الوقايـه
وتكتـشف انــه السـيــاره مسكـونـه ( آآقـصد فيهـا حــد حرمــه و ريــال ) حتــى يتكـسر ويحـترق ويهــك مـن القفطــه
وياازود القفطـه لو عدت الحركــه وطـلع في المـوتر بس ريــال ويضحـك عليــك
مـوقف ما أنسـاه فعـلا ! :fa43:






تطـلع مـن البيـــت تقضـي شغـله وترد ..
ولكـن انت واللي ويــاك تيكـم أفكـار جهنمـيـه في طـريج العوده ..
وكـان مـن الافكـــار
( شرايـكم نـصوّر السيــايير اللي تمشـي في الشــارع أونـه رادار )
طـبعـــا البقيــه هـزوا رؤووسهـم دليلا عـلى الموافقــه مـش الرفض :fa42: + شـق الحـلج شبـر
ويالله شغـلوا الفــلاش وصـوروا أي سـيـاره يايـه صـوبنــا
والمضحـك في الســالفــه انـه وحـده مـن السياايير الماشـيـه خففت السرعـه بعـد ما لبـق الفلاش عليهــا ( تروع الفقيـر)






صيــف وحـر ورطـوبـه
كـابلات الكهربـا ما تتحمـل .. البـارحـه ربـع الشارجـه مـافيهـا كهربــا :glare:
وكـان مـن المنــاطـق منطقتنـا الجمـيلــه اللي تعـج بالحـفـر والكثبـان الاسمنتيــه نتيجـه مـشـروع المجـاري الجديد
ومـاكـان منــا الا بعـد ان سكـرت الكهربــا الا اللجـوء الى السطـح والاستمتـاع بمنظـر الشارع المنـير من بعـيد
شعـور جمـيـل يخـليك تتذكـر أيـام زمــان كـيف كـانوا الناس يعيشـون بلا نـور
بس التجربـه لازم تكـون أيام البرد مـب الحـين في عـز الحـر ..
فطسنـــا ونحن نتريا ردت الكهربـــا .. حتى الشمـوع ذوت وبمعنى آخر انتحـرت :fa46:






مـشغول بالدراســه امتحـانــات .. كوازاات أساايمنــتـــات
بروجـكــت منــه وبروجكـت منــاك .... :fa44:
الوالده تعرف انـه نحن مـشغوليـن وتسيـر ويا ااختهـا ( اللي هي بطبيعـه الحـال خـالتـي ) أوني بس أوضـح ..
وتشتري شـوي بديهــات وتناانييـر وبناطليـن حـقنــا حـق الاجـازة أو الطلعـه أو الصيـف أو العزايـم اللي بتينــا قريــب
وانت تشـوف الساايـز وتحـط في بــالك خـلاص على قيـاسك وماالـه داعـي تقيسه مـن أول ويديد
أقـولكـم مـشغولـه تقولون قيسي هـ الشي الفلانـي !! :glare:
المهم ينـفر في الكبت ليــن اليـوم المـوعود * بالاصـح يوم عزيمـه تخرج وحده مـن الاهـل
ويوم تطـلعه مـن الكبت تأتيك الصفعـه اللاسعه لتكتشف انـه ضيـج أو قصــير .. ويجـيسـك احـباط مـن جمـيع الانـواع وتقول مابا أسير ما عندي شي ألبسـه
ولكـن حـقيقـه الاحباط هذا ياي مـن زياده الوزن مب من شي ثانـي :fa46:






مـواقـف كـثير تمـر علينــا وتكون لهـا أثر في حـياتنـــا ..
خبرونـي عن مـواقفــكم .. سواء السخيفـه منهــا .. أو اللي تضحـك أو الي تصيح
يعنـي عطـونــا من كـل بستان زهـرة وخلونـا نستانـس بقـرايتهــا
أحـس انـي رمـــست واايـد وااايـد .. فاعذروا هرطقاتي الكيبورديه الخارجـه من لاب توبي المجنون :fa41:



وأخيرا
حـقوقـي مـحـفوظــه لي
قرمـوشـة واحـات بن دبي
16-6-2007
ترا في قرامـيش ثانيين متوزعين في كل مكـان لول
:k_harhar1:

[بنت الدلع]

مواقف جميله
ولا انكر باني استمتعت بقرائتها

ومن هنا ابتدي بسرد بعض مواقفي

في الليل
البنت تبا تسير بيتهم
اختها قالت يالله انا بوصلج
رديت عليها لا ماعليج خليني بوصلها
الا هو في الفريج
قامت البنت
الا اشوف الابو شال السويج وساير بيشغل السياره
وانا بابا خلني انا بوصلها:fa38:
خل عنج يالله ركبي ورا
انزين بابا في الرده انا بسوق
انتي ركبي الحين ويصير خير
على امل اني بسوق
في الرده
الاخت تقول انا اركب ورا؟
الابو لا ليش خلج يالسه
تراها بتسوق
نص الليالي وين تسوق خله تحصل الليسن بعدين

>> وانا راكبه السياره بسرعه بسرعه ولابسه نعال اخويا الاسود ويايه ليش ؟ << :confused:


===

الكل معزم يسير السينما ويشوف شريك
منها يتونس ويونس اليهال ومنها تغيير جو في الويك اند
هاه فلانه بتين ويانا
طبعا فلانه ميهوده وصار لها يومين طايحه في الفراش اليوم بس بطلت عيونها
لا شكرا بروحي تعبانه ماروم عالطلعه
الجماعه سارو
بعد نص ساعه الأخو اتصلي السينما واسئليهم متى يعرضون اوشنز ثيرتين
طوط طوط رمست وخلصت
العرض الساعه 9 ونص ، خلاص سيري اتلبسي واتصلي في فلانه وفلانه عسب يجهزون
الساعه 10 نحن هناك :look:
السيتات الي ورا كلها ماخذينها
بس الي جدام فاضيات
والفلم بادي من نص ساعه !
وقفنا وسولفنا وردينا
على اساس بنسير سينما ثانيه عالساعه 12
الكل تكيسل ويته النوده ونحن ميلّسات بعبينا :a042:


===


طالعين من العرس
وسايرين صوب سيايير اخوانا
مافييييي حد ابدا غيرهم وكمن واحد من الاهل هاكي الصوب
واحد من الاخو واقف يرمّس ولد الخال
الاخو عرفنا although كنا متغشيات
مجرد دعابه لا اكثر
قام ورقم اختي
وطبعا ماي كزن :k_shock_1: انـ ـ ـنـ ــ ـته !!! .. وتلعثم المسكين ماعرف شو يقول :laugh:

نقطه

وللحديث بقيه

[قرموشة]

آآه كــم تحطمــت لـرؤيتـي تـلك المـشاهـــدات :wacko:
وهـذا العـدد مـن الردود .. ( تسمـونـه عـدد !) لول



بنــت الدلـــع
شكـرآ لــج مــن صـمـيم القلـــب :fa41: عـلى مآزرتـي هـذه
مـواقـــف جمـيـــلـه وبسيـطـه ولكـن لهــا ذكـرى مرسومـه في أعـماق الذاكـره
سلمتــي عزيزتـي



منــاجـــاه لأصحـاب الاقـلام الذهبيـه والفضيـه ولا مانع من وجـود البرونزيه
عبـروني شـوي ههه

:fa46:

[العجيبة]

مرحبا

:fa56: :fa56: :fa56:

إحــراااااااااج وغـبـاء ..

يقولكم مرة من المرات العجيبــة من كثر الايميلات اللي في ماسنجـرها
ولأن الكبــر شين ، دشـت وحدة ايميلهـا عبارة عن اسم بنـت ..

هالاسـم هو نفسه اسم ربيعتي ، وتميـت أسولف ويا البنيـة على أساس انها ربيعتي اللي أعرفها واللي وياي في الصف أصلا ..
ودق سواااالف وما ادري شوو ..
حتى كنـت أتكلم وياهـا وأتمصخـر على سالفة الـ ( لاه ) مالتهم في الشارجة ، وهي أصلا وايد ترددها ..
وبعد من بين السوالف إني قلتلها : أطرشلـج صورتج وانتي تاكلين الايس كريم ( عندي صورتها صدق )
جان تقول : لا لا ما أبــاها وتضحـك ..
استغربت شوويه لانها دووم تطالبني بصورهـا وأنا أقولها أوكي أوكي بييبهن !
المهم ما وقفـت عند هالاستغراب وايــد .. كملت سوااااااالف سواااااااااالف
وعاد عجوووب يوم تبدا سواااااالف دورولهــا حاجة تسكتها خخخخ

فجأة سألتها : وين انتي .. أكيييييد في الشارجة لاه > أسأل وبروحي أجاوب خخ <
جـان تقول بكل براءة : لا أصلا أنا من دبـــا

ويهي استوى اخضر أحمر أزرق ! أي دبــا !!!
رحـت أنبش الايميل ، فاكتشـفت إن ربيعتي أصلا إيميلها مب على اسمهـا وماله خص في اسمها أصلا

هيهيهيهيهي

وبعدين اعتذرت لهـا ..
بس فجأة نطت في بالي فكـرة ..
أصلا هذي شو يابها إيميلي ! أنا من وين أعرف ناس في دبا !!
طلعـت الأخـت يالسة على إيميل ما يخصهـا ، وتتحسبني من ربع راعيية الايميل :fa44:



هذا شي من أشياءات ..

شكرا قراميشوو عالموضوع الخفيـف :icecream:

[قرموشة]

صحـفيــه الواحــــاات [ العجييبــه ]
راجـعـه لــج ولــردج .. وبحـط كـذا مـوقــف
بسـير أتغــدى وأرد * غدا هـ الوقت متـى صارت:fa46:
.
.

[قرموشة]

العجـيبــــه
هههههههههههههه
عــاد تخـيلـــي لو كــنـتي مطـرشـه الصـوره لول
أسمـيهــا الا ســـالفــه حـلوة ..
تسلـمـين عزيزتـــي ..
:fa35:

ذكـرت سالفــه صـارت لــي بس عـلى التيلفـون
بس الحمدللــه انهـا كـانت مـكــالمــه قصـيره والا :whistling:



مـستــانـسه جـدا .. أبــا أسـير بيــت خـالتـي واللي مـن زمـان ما شفتهــا
أتصـل على رقمهــا مـن تيـلفون الوالــده ..واذا بشخـص يرد عـلي ..
لم ألق السلام ولا شي عـلى طـول قلــت مـن دون ما أسـمع صـوت الشخـص في الطــرف الآخـر
( ألـوووه خـالــووه جمـييييييييله ؟! )
واذا بـي أنصعـق لأجـد أن مـن يرد علــي ذكـر خـشن الصـوت لا يمـد لي بِصــلـه ويقــول
( صـح انـي حـلو بس اسمـي مـب جمـيـله ) :k_puppyeyes: :k_puppyeyes: :k_puppyeyes:
أصبت برعـشه غير طبيعــه وأذا بي اتمتم
آآ .. آآآ .. الرقم غلط بااااااااي
الحمدلله طـلع انسان طيب ومارد يتصـل
:fa46:



مـوقــف آخــر صار لــي سخيـف وايـد بس صدق ضحكت عـلى عمـري ضحـك :fa43:

اتصـــل على تيـلفون الوالــــد وأعــرف انــه في الجمـعيــه ويــا الوالده
واذا بحـد يرد عـلي .. لــم انتبه لـفرق الصــوت أبــد * مـن الحـشره اللي في الصــالــه
قلـــت لــه ( بـــابـــااا هـات لي شامبــو !! أبــا الشامبو الفلانــي مـب تيـب لي هـاذااك ماباا ما أحـب ريحتـه مــوول ) * انزين اتصـلي في امـج وخبريهـا لازم أبوج لول:k_harhar1:
فـ رد عـلي الشخـص وقال .. ان شاء الله بــابــا .. ما تبين شــي ثانـي ؟!
قلــت لاا بس شكـرآ !
فلمـا وصـلوا البيــت .. قلـت لـه أبويـه وينــه ؟!
قالـي شـوه !؟
قـلت الشامـبو الفلاني .. فـرد علي بانـي لــم اتـصـل فيـــه بالمـــره ولم أطـلب منــه شي وحـلف
:boxed:
ويهـي تكـسر واحترق وتصـلخ بعــد :fa44:
برايـه هـذاك وحليــله ياب لبنـته شامبو :icecream:

.
.

[قصايد غلا]

أغبى وأسخف موقف أتذكره أحينه


هو : مرة كنت ويا بنت عموتي العوده ، كانت تبا تفصل عبي :fa35:


المهم دخلنا المحل و فصلت ، يوم يينا بنظهر جان تقول لـ صاحبة المحل ، شو اسمج :a070: ؟


أنــــــا أعرف إن الحرمه أسمها "نجمة" :)


لكن بنت عموه ما تعرفه ، و في هاييج الحزة بنت عمّوه امظهره بوكها وقابظتنه في إيدها و مرسومة عليه نجمة لكن ماركته : لُـــوِِي :


عاد الحرمة "راعية المحل" تبا تتفنن و تسوّي جو :hysterical:


جان تقول اسمي على ماركة بوكج :fa46: ===> حليلها تقصد إن أسمها نجمة على النجمة المرسومة


لكن بنت عموه فهمت إن أسمها على الماركه :tounge: ، جان تقول لها بصوت هاااااادي اسمج لوي :$؟!


أنا عاااااااااده تمنيت الأرض تنشق وتبلعني ، لأني بصراحه ما أتحمل أشوف أو أسمع شي يضحك


وهلـــــــــــــكت من الضحك على بنت عموه وعيني كلها دمووووع من الضحك


جان يحترق ويه راعية المحل ومن القفطة قالت لاااااااااء نجمة :a068:

[فركوشه]

مره ونحن سايرين بوظبي

كنا فالسياره انا واخوي واختي..

وقفتنا الاشاره اللي صوب اسواق الاماراات

وواحد زلمة بطل باب السياره..وانا على طوول جوفوا الرياال بطل الباب

وكلنا بصووت وااحد.. ياااااااااااااااااااع.. الريال تفل فاالارض..

.

فاالكلييه.. كنت ارمس بناات الكلااس وانا كنت اميووده حبل السكريين مالت الداتا شو

واول ما فجيت ايدي.. نقعت الشاشه وطااحت.. ودخل السير..

جان يقوول.. فكلية الشباب ما استوا جي

.


يسلموو عالموضوووووع

^^

[ملاك الروووح]

::

وعليكم السلام ورحمة الله وبركــــاته

:

لووووووووووووووول

قرموشتي ..

أسميج سوالف ..!

:hysterical: :hysterical: :hysterical:

عيبتني حركة الرادار وايد .. يبالي أسويها تصدقين ! :14:


::


مواقفكم كلها تضحك .. لوووووول :hysterical:

ما أتخيل عمري انحط فيها !!

:

سايـريين المـووول ويا حـينـا
نـزلنــا من المـوتر بعـد ما كنـا يالسـن فوق بعـض .. ماشي مكـان سايرين ويا عـيال الخالـه ومتلصقين في السيــاره
نـدور منظـره نرتب فيهـا عمـارنـاا ويا مـقربهـا منظـره السيـاره اللي حـذالنــا .. توايـج شـوي وتعـدل الوقايـه
وتكتـشف انــه السـيــاره مسكـونـه ( آآقـصد فيهـا حــد حرمــه و ريــال ) حتــى يتكـسر ويحـترق ويهــك مـن القفطــه
وياازود القفطـه لو عدت الحركــه وطـلع في المـوتر بس ريــال ويضحـك عليــك
مـوقف ما أنسـاه فعـلا !


احم احم

نفس الموقف استوى لي .. بس كنت في المدرسه ..

أيام الثانويه العامه .. وكنا متأخرين في المنهج .. ف داومنا يوم الخميس الصبح ..

وأنا أتريه ابويه .. رحت اعدل شيلتي ف جامة أبلتنا .. أونه عاكس يعني :fa46: ..

وعقب ما عدلتها .. وأنا خاطفه مع ربيعتي .. ليش ما يهرن راعي الموووتر ..!:k_nono:

وطبعاً ما يحتاي أكمل وأقولج شعوري أو موقفي !! :fa46:


:

بقولكم موقف يا ف بالي الحين ..

وبكمل باجر ان شاء الله باجي المواقف .. وياكثرها طبعاً :14:


يقووولكم كنا رايحين الستي أنا واختي .. وشفنا المطرب يوسف العماني ..

خطف حذالنا ..

المهم ردينا البيت .. وقلت حق أخوووي .. قووول شفنا منو اليوم في الستي ؟!

قالي منو ؟

قلت له يوسف العماني ..

جان يقولي : زين والله .. وقولي نحن شفنا منو بعد اليوم ؟

قلت له : منووووووو .. ( وأنا مستانسه اوني أبي أعرف شاف منو :fa34: ) !

قالي : شفتج انتي واختج بروحكم تتمشون في الستي .. :bash:


صادوووووه !!:fa46:

::

بقولكم موقف ثاني استوى لي في العمـــره ..

لوووووووووول

اسمحوا لي والله بس كل ما أتذكر السالفه .. أموت من الضحك على عمري !! :hysterical:


المهم

كنا رايحين نصلي في المسيد النبوي .. في المدينه ..

ويوم رحنا هناك .. نسمعهم يقولون الروضه والروضه .. وبنروح نصلي في الروضه

ونحن ما ندري شو السالفه .. رايحين نشوف قبر الرسول صلى الله عليه وسلم ونسلم عليه ..

وطبعاً أول ما شلوا الحواجز .. الناس والحشووود قامت تربع .. ونحن معاهم

وماندري أصلا شو السالفه لووووول .. وفعصونا الحريم .. يدزوووون دز ..

واختي تزاعج وتقولي بمووووت .. بختنق .. وأنا مادري أضحك عليها .. ولا أصيح على حالنا :hysterical:

المهم .. الحشود وصلونا صوب قبر الرسول .. ورحنا نسلم عليه ..

وهناك شفنا اختي .. قالت لنا هاه صليتوا في الروضه ؟

نقولها أي روضه ؟ تقولنا عالفرش الأخضر ؟ نقولها أي فرش أخضر !! لوووول :hysterical:

المهم

اليوم الثاني عقب ما عرفنا شو السالفه .. رحنا عسب نصلي ..

وأنا يالسه أصلي .. في الركعه الثانيه خلاص يالسه أقرا التشهد ..

شوي الا اتيني ضربة بالقب على راسي .. :d014: .. وأسمع وحده تقول يالله يا حجه اخلصي

( هاي وحده من المسؤولين هناك :smile2: )

وأنا تحت تأثير الصدمه والضربه .. ما كملت الصلوات الابراهيميه ..

قطعت صلاتي .. سلمت على طول .. ونشيت .. لوووووول ..

انزين بكمل صلاتي يالهبله :a058:

::

جني وايد طولت عليكم هع هع

شكراً لكل من وصل لهنيه :a070: لووووول

[قرموشة]

قصــايــد غـلا
مـاقصـرتـي فدييتــج .. مـوقف حـلو وممتــع .. :fa35:


.
.


أيــام الثانويــه العــامـــه وبدايـه الاجــازه 2-5-2005
يـوم مـيلادي ويــوم حفله تخـرجــي ..
انتقــلت للمـيـلس وحـطيت كـل كتبي وأوراقـي هنــاك أونـي أغيـر جــو
كـانت امــي وايــد تحـاتينـي مـثـل باقـي الامـهــات بس أحـس انهـا كـانت بزيــاده * يمكن لاني البجر واول مـره تمر بها التجربـه ..
كـل يــوم كــنت أحصـل غــدا أوعـشا مـن بــرع .. * يعني اطلب وتمنــى اللي تبــاه وتحصله يدامــك
وغـيره مـن الاشيــاء المـاديـه اللي مـن أأشر عليهــا ألاقيهــا يداامــي :14:
النـــاس في هـ الفتــره تضعــف أقـل شي 5 كيــلو .. بس قرمـوشـه الرب حـافظنـهـا زادت 5 كـيلـو جـان ما يكونون أكـثر
والحمدلله .. الدلــع هـذا ياب نتيــجــه والا جـان دفنونـي مـن زمــان :h_qor9anah:
وليـن الحـين اعتبـر يــوم تخـرجـي واحـد مـن أحـلى أيــام حـيـــاتــي .. وحتـى أذكـر انـه مــن أعلـنوا النتــايـج .. تيـلفـون بيتنــا * ماكـان عندي مبايـل مـاسكـت أسـبوع مـن التبريكـات وغيره ..
فتره مـن أحـلى فترات حياتــي
:fa41:

.
.
.

[الثعلب الرمادي]

قبل سنوات و بين الفلل الجميلة كان الثعلب الرمادي يخبأ علبة سجائره المارلبورو الحمراء و معها الولاعة تحت مجموعة من الصخور بشكل لا يوحي أبدا بوجود أي شيء تحتها و في بعض الأحيان كان يدفنها تحت الرمال في مكان يتذكره جيدا و لم يكن يشعر بالراحة على الإطلاق خلال اليوم إلا عندما يقضي بعض الوقت في ذلك المكان الهادىء و الجميل و الذي لا يمر به أي أحد على الإطلاق و كان سيميه وكر الذئب و لكن خلال وجود الثعلب الرمادي حصلت حوادث كثيرة و لكنني سأسرد أهمها ...

حادثة سقوط قلب الثعلب الرمادي ...

كان الثعلب الرمادي بين الفلل الجميلة و كان الجو جميلا و كان في حالة إنتشاء خاصة و كان غائصا إلى العمق في افكاره الخاصة و هو يدخن طبعا إلى أن سمع صوت ارتطام حجر بجواره فادار رأسه إلي الجهة التي اتى منها الحجر فإذا به شاب و قد تلثم بغترته و طمست ملامح وجهه بشكل كامل و لم يتعرف عليه الثعلب الرمادي و لكن الخوف العميق كان قد قضى على كل افكار الثعلب الرمادي و في النهاية انتبه إلى أن موقعه السري قد تم كشفه و قد يفتضح أمره قريبا و يقع في مشاكل كبيرة لا نهاية لها و لكن الشاب و رفيقه كانوا قد اختفيا. و بدأ شعوري بالتوتر يتزايد و يتزايد إلى أن اتوا و رأيت وجوههم و تعرفت عليهم و كانوا اثنان من الرفاق و قال أحدهم مازحا موجها كلامه للثاني: لقد أخبرتك أن تصوبها إلي رأس الثعلب الرمادي مباشرة حتى يعتدل مزاجه بشكل كامل، كيف لك أن تخطأه؟ و بدأنا بالضحك و جلسنا هناك و و اعطيتهم بعض السجائر و دخنا و كان الجو رائعا في ذلك المكان الهادىء و كان لحديثنا وقع خاص لازلت اذكره إلى الآن و كان ذلك اليوم للأسف هو آخر يوم رأيتهم فيه حيث فصلتنا الحياة بعد ذلك، أعلم انهم ارادوا ممازحتي و لكن ذلك الموقف كان أثقل مزحة تعرضت لها في حياتي و أسوء موقف على الإطلاق ....

[هزاايم]

..............

[أنامل قلب]

موضوع حلو .. بمواقف أحلى .. بأعضاء أحلى وأحلى .. ^_^ ..

:

وجان تذكرت شي بحطه لول ..

[الدلووووعة]

كشششششششخة مواقفكم انا بقولكم موقف استوى من فتره ^_^


يقولكم انا وابويه اختيه سايرين هوم ار اس
ندور غرف نوم وجي المهم انا اصلا سرت وياهم وكنت مسطله وتوني راده من الجامعة بس كنت ابا اظهر فسرت وياهم المهم دخلنا وجي وشفنا اللي نباه

والحينه خلاص بنرد البيت ونحن نشمي بنسير صوب الباركنات خخخخخخخخخ ابويه واختيه سارو جدامي
وانا وراهم المهم وانا منزله راسي وامشي وهب منتبه للسياره اللي يايه وزين ماكفخني راعي السياره يوم يود البريك جان انتبه خخخخخخخخ
صدق كنت مسطله ولا بعد يوم رفعت راسي انتبهت انهم 2 فالسياره ويظحكون علي خخخخخخخ عاد انا من الفقطه ركض عند ابويه واختيه وابويه وجان اقولهم زين مامت خخخخخخخخخخخخ

بس صدق موقف يخوف وينقع من الظحك خخخخخخخ

وبتيكم المواقف اليايه خخخخخ

[قرموشة]

فركـــوشـــه

يااهــي مـوااقــف لول :vampire:
تسـلم يمنــاج حبوبــه ع الرد ونتريــا مـواقــفـج اليــايــه
:fa35:

[وحي القلم]

كنا رايحين نصلي في المسيد النبوي .. في المدينه ..

ويوم رحنا هناك .. نسمعهم يقولون الروضه والروضه .. وبنروح نصلي في الروضه

ونحن ما ندري شو السالفه .. رايحين نشوف قبر الرسول صلى الله عليه وسلم ونسلم عليه ..

وطبعاً أول ما شلوا الحواجز .. الناس والحشووود قامت تربع .. ونحن معاهم

وماندري أصلا شو السالفه لووووول .. وفعصونا الحريم .. يدزوووون دز ..

واختي تزاعج وتقولي بمووووت .. بختنق .. وأنا مادري أضحك عليها .. ولا أصيح على حالنا :hysterical:

المهم .. الحشود وصلونا صوب قبر الرسول .. ورحنا نسلم عليه ..


ملاك الروح

الحمدلله يوم وصلتوا .. سالفتج ذكرتني باللى استوالنا هناك

و الله ما قدرنا نوصل الروضه من الزحمه و الدز

أول ما وصلنا المدينه ما كنا ندري شو اللى يستوي يوم يفتحون باب الزياره

صلينا الفجر و يلسنا نتريا لين الساعه 7

فجأة.. ارتفع صوت الحريم و كلهم وقفوا و بدوا يركظون و انا زايغه أتحرا شي استوا :birgits_giggle:

و لا.. اميه تقول تعالوا عند العمود عن يدوسونكم

عقبها عرفت انهم كل مره يفتحون واحد من البيبان "أونه مفاجأه يعني :glare: "

و كان شي شرطي واقف عالكرسي عند الباب و يأشر للحريم

يعني أونهم ما يشوفون الباب مفتوح :glare: ..!

مادري شو فايدته بالضبط

ما يزيغ يدزون الكرسي اللى هو واقف عليه و هم يركظون :7:

.
.

و على طاري الشرطيه اللى ظربتج

ليش سمعتي كلامها ؟ قهرتني :a058:

مادري ليش شرطتهم وقحين جذيه !!

..

[مجموعة إنسان]

اليووووووم صار موقف لأبوووي ..
خخخخخخخخخخخخخخ

واقفين عند المحكمه وفي موتر يشبه موتري واقف حذالي .. ليش ما ابوي يدخل في الموتر وليش ماتطلع وحده في الموتر !!! خخخخخخخخخخخخخخ


يقولكم .. مره 3 عيال عم كانوا في المدينه المنوره .. هذيل ال3 اول مره يسافرون في حياتهم اكبر واحد عمره 14 واللي تحته 10 و9 .. تخيلوا ان شافوا شي غريب ادق فيه الفص الباب يسكر ويرتفع مستانسين الحبايب ليش ما يدقون كل الارقام ويصعد فيهم المصعد للطابق الأخير
وهم نازلين جااااااااااااان
يوووووووووووووقف فيهم المصعد
وصياااااح وزعيييييييييييق
آخر شي بعد مساعدة اهل الخير الحبايب انفتح الباب
طلع الكبيييير ويحصله نعال بويهه
والثاني يطلع ويركض يحصل ضربه ع ظهره
والثالث(اللي هو مش انا) طلعت وركضت جان اطييييييح على ويهييييييي

[بنت الدلع]

ههههههه مواقفكم :fa35:


عرس اختي ..
كان من احلى الاعراس الي بين اهلنا
وايد اشيا كانت مرتبه ومخطط لها
بس الناس ماتصلي عالنبي
الله يرد عين الكايد في نحره :glare:

يقولكم في العرس
نحن كنا بنطلع جدام العروس وشي فستان معين
يوم ييت ابدل >_<
الـ zip مال الفستان علق
ومارضى يتبطل وماكان شي وقت
الكل جهز ماعدا الشيخه بنت الدلع :mf_leia:
بعد محاولات بائت بالفشل ومن مساعدات جانبيه طرينا الفستان :k_nono:
مشينا وردينا وخلص العرض
يالله تعالي لبسي فستانج الاولي
مب حلوه اتم بهذا
والعرس توه باقي له وايد لين مايخلص "فلم مب عرس"
بقدرة قادر رديت لبسته وبدال الـ zip سكرو لي بدبابيس
موووول مابين
ولكن تعالو لي انا
على كل حركه اخاف يتبطل وينغزني "مأساه"

في نفس العرس ..

اخت المعرس انكسر كعبها، خالت المعرس فستانها انطر ماعرف كيف جنه بالكرسي !

لول وفي نهاااية العرس خلاص خلص والكل طلع وقوم اخواني يو
مشيت وجااااان تك
كعبي انكسر :a068:
اي ده
سبيت الريال سب "مال المحل"
قلبي عورني عليه
نصّاب واحد ياخذ همجة بيزات والكواليتي ماله :mf_leia: ماعليكم مب من الكواليتي تراه فنان ؛من المشيه اصلا :fa46:

هيه نسيت اقوووول الحففففففففففله لول

ماخلصنا بعده نفس العرس

يوم دش المعرس
ودشو الرياييل وياه
عالمسرح وفي روايات اخرى عالستيج
كل ما يقتربون ،المصوره تسير ورا عسب تاخذ الصوره كامله
وتسير ورا
ورا
ليييييييييييين

طراااااااااخ

:hysterical:

طاحت عالكيكه

خس الله بلييسج ماخليتينا نستمتع :icecream:
لاتخافون الكيكه ماستوا بها شي
وهي كانت تطيح
اخوي يا وسحبها

عشنا جو الصراحه في هالعرس

[دمعة شوق]

ههههههه اسميج منحوسه ذاك اليوم ههههه
الله يعين عين ماصلت ع النبـي ؛
مواقفكم اسميني نقعت من الضحك وانا اقراهـن
؛؛
لي عـودة إن شاءالله لإسـرد دفـتـر مواقـفـي
قريميش انتي فنتـك

[خيال الحب]

مواقف حلووه:k_harhar1:


يلا انا بعطيج موقف الحين الحين الحين استوى فرش يعني طااازه مب بايت:k_harhar1:


انزيييين ياحلوين...

هذا الله يسلمكم الساعه2 فصلت الكهربا عن نص البيت:shutup: ,, الطابق الي فوق مافيه كهربااا مووول

وانا الوحيد الي ارقد فووق>>>:glare: هو في حد بالبيت كلهم عرسو الا انا:3:


المهم..

نزلت تحت اشوف الكيبل .. اوكي مب فاصل..

اتصلت الطواري مال الكهرباااا>>>>>> مابا اسبهم لانه بعدني متغصص

السلام عليكم..

المصري: عليكم السلام ياباشا تفضل

يالطيب عندنا الكهرباا بالبيت نصها ما تشتغل..
المصري: اسم صاحب البيت والمكان لو تسمح

الاسم....... المكان.....

المصري: خلاص ربع ساعه والسياره تيجي عندك

اوكــي

وقعدت بالحوي .. اشووف القطو يلاحق الفار:vampire: .. >>>كله من الياسمين يمع لنا الفيران بالبيت:3:


وقعدت العب بالتيلفون..

مرة ربع ساعه.. وانا فطست من الحرررررررررررر .. خسسسسسسسسسسسسسسست:glare:

قلت ماعليه بترياه لين 2 ونص .. وصلت 2 ونص.. اتصلت وين السياره .. قالي الحين الحين ياينك بالطريج .. قلت له اوكي اتريااا

وقعدت الف بالبيت .. وصلت الساعه 3 والحراره عندي فللللللللل

واتصلت .. واهزبه هزااااااب .. قلت له انا باجر بروح الوزاره اشتكي عليك.. باجر بروح عند المدير... راس الخيمه بكبرها مافيها الا سياره وحده ..

المصري: ياباشاا هدي اعصابك..

قلت له انته خليت فيها اعصاب انا من ساعه اكلمك .. تستهبل انته.. قالي انزين ها رقم الهندي وكلمه

:glare: عشر دقايق افهمه انه بيتناااا يساار مب يمين:glare: >>>>>>>>>>>الضغط عندي فللللللل

وصل حضرت جنابه بعد نص ساعه.. يلا ماعليه

وقعد يلف ويسوي ويربط ويبطل ويقص الشير المتيمع ع الكيبل:glare: .. حشاااا مب كيبل كهرباا هذا>>>الحين اكتشفت ليش العنز كل يوم يدخلون داخل:k_harhar1:


عقب قالي لازم تشترون كيبل من فلوسكم وعقب تسويلي تيلفون عشان نركبه لكم .. هالكيبل جديم ..


وعقب قالي خلاص انا سويته الحين ..

وجان اتييي الكهرباااا

وجان اتسبح

واييي اكتب هالرد

والحين بغمض عيوني وبرقد:k_harhar1:

بس موضوعج كشخه والله:icon_rr:
وينج من زماان انتي يام الافكار:icon_rr:

[بوزايد]

في يوم من الايام بوزايد رايح حق شقة ولد خاله وشال اهله وياه

المهم دش اللفت

وعنده المفتاح طبعا


المهم يدق بوزايد الطابق 12

اللفت يصعد جان يوقف

بوزايد يتحراه وصل

المهم نزل وبعدين في حد كان واقف صوب اللفت بنيات ودشن

ويروح بوزايد لين نفس مكان الشقه ويدخل المفتاح

والبنيات يطالعنه ما دشن اللفت

الا يسمع حد بالشقه لحظه فلانه بفتح شو ردج

حد يتخيل كيف كان ويهي

:hysterical: :hysterical: :hysterical:

ما بكمل خلاص

[قرموشة]

مـــــلاك الــروح

هههههههههههههههههههههههه
والله ضحـكت علـى الموقف الثاني ليـن قــلت بسس:icecream:
وانتـي بعـد مخـج افتـر مـن الضربه ( كلاش كتـِه) لوووول
انزين صدق كمـلي صلاتـج ههههه مـب تنشيــن وانتي مب مخلــصـه :k_harhar1:

ســوالف مـلاكووه لول
وشكـرآ لــج ع الرد استانـست وانا ردج الطـويـــل الممزور رمـسـه
وأتريــاج تردين وتحـطيــن شي نــيوو :fa51:

.
.

الثعـــلب الرمــادي

شكـرآ على التوااجد أخويــه تسعدنـي مـشاركتــك فـي مـوضـوعـي !
تعــرف لو أراوي أبــوي الكـلام اللي كاتبنـه ومديــحك للعلبـه ( بيقلـــــع عــن * الاقلاع عن التدخين * ) :fa46: لووول
بس مـوقف حــلو وأكـيد لــه بصــمــه خــاصـه في حـياتــك دام انـه متعلــق بـشي لا تستطـيع الاستغنــاء عنـه ( المالبـورو ) :14:
وشكـرآ لك مـره ثانـيه ما قصــرت
:thumbup1:

[المنصوري]

موضوع غايـــه في الروعــــة ، وأخجلني تواجــد اسمــي في بدايــة هذا الموضوع
شكراً قرموشة واذا البرمائي خلاج تكتبين هالموضوع عيل ابشري بـ ( البــري ) قريب :icecream:

بشكل عام ، ذكرى أي موقف تعتمد على حادثة تصير قدامنـــا ، وتفتح الموال القديــــم

مواقفكم وبالأخص مواقف قريميشة تذكرني ببعض الأحداث الجميلـــة


استمروا في السرد ترانا متابعيــــن لكم :a033:

موفقيــــن

..

[الارستقراطيه]

قرمووووووووشة موضوووووووووعج فناااااان

هالسنة سرت الحج ويا اثنين من خواني وحرمة واحد منهم ،، طلعنا عن طريق البر لانه اخويه يبا يرجع عسب امتحانات التقنية والي ظحكني انه مودي اللاب توب وياه اونه بسوي البروجكت مالي !!

اخويه العود قال لازم نخلي واحد يكون الشور في ايده ،،قلت خل نسوي ترشيح (داخله انتخابات الاخت) بعد النتايج طلع اخويه الكبير هو امير الرحلة وانا الاميرة واخويه الي اصغر عني الخادم وحرمته الوصيفة مالتي كخخخخخخخخ

وانا وحرمة اخويه امودييييييييين مطبخ ويانا دلال الجاهي والقهوة والكستر بالحبة الحمرا وجدر محشي وخبز رقاق ومحلي وعلبة حلاوة مال فواله ومكسرات وحب وووو ،، حتى اخواني اطنزوا علي قالوا انتي بنزلج عند الغويفات تمي بيعي جاهي حق المسافرين لين ما نرجع لج :redface:

وكله صوب ويوم رمي الجمرات صوب ،، قلنا بنروح نرمي الجمرات ،، والله دخلنا في موجه بشريه لها اول مالها آخر ،، وانا علقت في الناس الي يمشون حتى حسيت انه ريولي مب على الارض متعلقة من راسي في جتوووووف الخلق وهم يسحبوني واخوي ايرني صوبه ،،لين مالله رحمني وطلعت،،
وكنت كل ما اشوف غرشه او قوطي فاضي جدامي ارفسه ،،وكنا نمشي قروب مع ربع اخويه واهله ،وانا امشي شفت غرشه فاضيه جان اشوتها ،،منو يقولكم الغرشه ما اتي تحت ريل ربيع اخويه وبغا يندبغ على ويهه :alien: انا على طول حطيت ايدي على حلجي وقلت ابيييييه ،، ورحت الصوب الثاني ولا جني مسويه شي ،،

ايام الحج رووووووووعه والله اتمنى ارجع مره ثانيه لاني احس ان حجتي الي رحتها يبالها بعد 5 حجات

شكرا على الموضوع الروعه ولنا عودة ان شاء الله:a070:

[ملاك الروووح]

::

هلا وغلا وحـــي القلم ..

هيه والله .. صدقج

وايد وقحين شرطتهم ..

بس ما ألومهم والله .. من هالأشكــال والمواقف اللي تصير لهم ويشوفونها هناك ..!:smile2:

يعني صج تشوفين هناك بدع .. وأشيا غريبه عجيبه

مادري الناس كيف تفكيرهم !! :glare:

:

بس أسمينا اندزينا واتفعصنا .. :fa46:

والله اني كنت أتشهد على روحي .. ما توقعت اني بطلع من هناك حيه !

قلت ف خاطري خلاص يا ملاكوه .. اليوم يومج !:Oo:

بس الحمدلله انه وصلنا بالسلامه !!

وأنا للحين متحسفه لأني ما كملت صلاتي .. :smile2:

مو من شي والله .. من الزيغه !

خفت اتيني ضربه ثانيه .. ويستوي لي ارتجاج بالمخ ولا شي ..

:14:


مشكوره حبيبتي عالكومنت :a070:

:

قرموشتــــي

شو ما افتر يا بنت الحلال ..

ماحسيت بعمري أقولج .. إلا وأنا مسلمه وشاله قشاري ..

من الزيغه والله ..

بس أسميني دعيت عليها .. ما خلتني أكمل صلاتي وأحصل الأجر :smile2:

::

بخبرج ان شاءالله عن سوالف ثانيه استوت لي ..

بس برب .. :14:

:

لوووووووووووووووووووووووو ووووووووول

أسميها سوالفكم خبال ..

:hysterical: :hysterical: :hysterical: :hysterical:

[هزاايم]

..................

[شمعة أمل]

تســلميـن قرمووشـه على الموضوع الجميـل:fa35:



مواقف لها بصمات في حياتي..

سنه من السنيـن كنا مسـافريــن .. وطالبين روم سرفس للـريوق.. من بين الأكل كان شي بيـض.. تعرفون هالبيض الى بعده مب مكسوور *لول ماعرف شو يسمونه* .. بس شكله بيضه .. لكن بيضه مطبوخه xD
المـهم!
أبـويه قرر يسويلنـا سحـر .. وجـان يقرر يكسر البيضه على راسي * وحليلنا ماكنا ندري انه البيضه اولريدي مطبوخه .. عبالنا بيضه عاديه*
المـهم
كســر البيضه على راسي:hysterical: .. وانا نسـيت سالفة البيضه لانه سمعت صوت الجرس .. ويالسه اتحرطم على خواتي عشان يتحركون ويفتحون البـاب .. بس كلهم يطالعوني بنظرات غريبه انه ليش نفتح الباب؟ .. وعاد انا مغيضه وفي خاطري بلاهم مستخفات .. يعني ليش بقوللهم يفتحون الباب!!! ترا حد دق الجرس duh:glare:
وجان اسـير وافتح البـاب .. ومحد عند الباب
وأرد عند ابويه وخواتي واتحرطم .. "يهال سخفيين يدقون الجرس ويشردون"
اختي: أي جرس؟
انا: شو اي جرس .. ليكون انتي صمخه وانا مادري:glare:
اختي: شمعه انتي بخير؟:k_puppyeyes:
انا: أبووويه جوفهااا .. والله اني مب متفيجه:glare: يعني شو بيستويبها لو تسيـر تفتح الباب يوم حد يدق الجرس؟
أبويه: محد دق الجرس:ohboy:
انا: بلاكم ماتسمعون .. يوم كسرت البيضه ع راسي حد دق الجرس:glare:

وفجأه اجوفهم كلهم يضحكون:hysterical:
وانا اتحرطم ..:fa46:

تعرفون شو اكتشفنــا؟؟؟؟؟؟
انه الكااارتووونززز صح يوم يرسمون شخص يدعم شي ويسمع صوت العصافيير .. تراا جي استوالي .. يووم كسروو البيضه على راسي مادري كيف بس سمعت صوت جرس:hysterical: حليله مخي خرف:fa46: :a068:





.
.
.


الموقف الياي علمني اني دوم دوم دوم لازم أجيّك رقم السـياره قبل لأدخل فيها:fa46:
هالموقف صار من كم من سنه..
في هالفتره ابويه اشترالنا لكزس سوده للمدرسه .. بس هالسنه كانت سيارتنا الوحيده الى لكزس سوده يديده .. الجديمه ليتاتها كانت غير .. ف عشان جي كنت اعرف انه هاي سيارتناا.. لانها كانت الوحيده
المهم
خلصنا مدرسه وانا يالسه اتريا الدريول واسولف ويا ربيعاتي .. وهاليوم كنت صدق تعبانه ويوعانه وراسي يعورني ومالي بارض لـشي..
ف شفت اللكزس اليديده وصـلت:fa34: وفي خاطري واخيرا بروح البيت .. واطنز على ربيعاتي لانهم بينطبخوون في الشمس:fa46:
وجان اعبر وامشي للسيـاره وميوده الباب اني خلاص بفتح البـاب .. لكن مادري جي حسيت بإحساس غريييييييب .. جان امشي شويه على ورا .. على اساس بجوف الشخص الى يسوق السياره ... وجااان أنصعق .. الدريول مب دريولنا البكستاني .. الدريول واحد مواطن :fa46: وجان امشي على ورا شويه واجوف رقم السياره .. وجااان انصعق زياده .. سيارة وحده من بنات الشيخ .. وجان اصد على ربيعاتي .. واجوفهم كلهم يضحكون عليه:bash:
وجان اتأدب وأرد لربيعاتي وحليلي متقفطه ..
وجان تي سيارة لكزس ثانيـه .. وقلت اكييييد هاااي سيارتنا .. وجان اعبر وخلاص يايه بدش السياره واسمع ربيعتي تقول ..شمعه لاااااااا .. وانا في خاطري بلاها البنت .. جان اقوللها شووو .. وجان تقولي مب سيارتكم!!! .. وجااان أرد على ورا شويه ونفس الحاله دريول مواطن والرقم رقم سيارة وحده من بنات الشيخ .. وجان أنقفط وأرد مكاني:hysterical:
وجااان تيي لكزس ثالثه ..عاد هالمره ماطعت اسير .. قلت اكييد مب سيارتناا .. جان ايلس في مكاني وربيعاتي يقولولي شمعه سيارتكم يت .. وأرد عليهم" مب عليييه هالرمسه .. أدريبكم تبون تقفطوني:glare: " ويلست في محلي .. واخر شي اجوف هاللكزس تيي صوبنا واختي تنزل الدريشه" وبعديين وياج .. متى ناويه ادشيين السياره" .. لول قفطه:hysterical:

يوم السيايير مب سييايرنا .. اسير عندهم .. ويوم السياره سيارتنا .. طااااااااااااااااااااااف:h ysterical:

حليلي ماكنت اعرف .. ماشاءالله هاليوم الخوات الثلاث كلهم اشترو نفس السياره ف تلخبطت .. ومن عقب هاليوم حفظت كل ارقام سيايرنا عشان ماتوهق مره ثانيه:icon_rr: فشيـله!

[بنت الدلع]

^ هههههههههههههه
مواااقفج واايد حلوه
احس بها واااايد طفووووليه

[hugs]

[شمعة أمل]

حليلي .. دوم أتقفط p;

[قرموشة]

هـــزاااايــــم
حـلوة مواقفـج اختــيه .. وتسلمين ع الرد الطيــب
مـاقصــرتي :fa35:

انـامـل قلــب
شكــرا حـبوبـــه .. مــاقصرتـي :fa35:

الدلــوعـه
لووول يوم انـج مسطـله جــان رقـدتي لول
تسلمين ع التواجـد ختيه وماقصـرتــي ..:fa35:

مجــموعـه انســـــــــان
ههههههههههههههههههههههههه ه
أسمينـي ضحـكت لول ... وحلييلـــك
شكـرا ع مشاركتك يا هـواجــيييييييس ما قـصرت اخويـه
:thumbup1:

[تحفه]

آخر مره سرت امرتس مول وي ربعي استوى موقف فضيع

يوم كنت في الحمام عزكم الله

بشكاره فلبينيه دخلت الولد جي يمكن عمره سنتين وياها ( داخل داخل الحمام ) وهي تسوي الي تباه =X
وينسمع تصرخ عليه تقوله لا تتحرك وايد تم عند الباب لين ما اخلص ...


صراحه شي وايد يعور القلب ان الولد يشوف هالمنظر وهو في هالسن!

وجي انا وربيعتي منصدمات ... في خاطري اقول وين اهله هايلا عاقين عيالهم في المول جي لو حد يختطفهم!

والله شي وايد مقزز .. الله يحرس هالولد والله ......

[أنامل قلب]

مواقف حلوه ما شاء الله .. وكيوتية ..
وبعضها فعلا يحمل لمسة طيبة من نقاط ومباديء قيمه .. ولو جاءت بطريقة غير مباشره ..
بإطار (( السوالف )) .. من منه ومناك .. ^_^ ..

ما بذكر احد بالاسم عساس لا أنسى حد وأبتلش .. احم .. !

بس بخصوص موقف خيتو تحفه .. صدق شي وايد مقزز .. ويدل على إهمال مبالغ به من الأهل ..
صراحة ماعندي تعليق على موقفها وبنفس الوقت أحسني ماقدر أسكت .. >_< ..
والله لا يبلانا بجي مواقف .. لأن صدق صدمه + وع .. !!

:

حبيت أذكر موقف علمني إن ماشل مبايل اختي معاي بالجنطه لو شو ماصار .. :Oo:
لان رناتها كلها تفشل .. سواء أغاني ولا أشيا تقطع الفيس بوسط الناس .. خاصه إن رناتها دومها عالعالي لول ..
عكسي احليلي .. ماحط غير الالحان الهاديه .. >_< ..

وبملخص الكلام .. كنا بمكتبة دبي .. عندي كم من شغله محتاجتنهم لشي من المشاريع والاخت الكريمه معاي ..
بما إنها مب شالة معاها جنطة حطت مبايلها عندي .. واحنا بنص المكتبه وعلى حظنا الطيب كانت فاضيه يومها ..
بس اللي يشتغلون ابها طبعا .. وعددهم ليس بالقليل للأسف .. :glare:
مره وحده رن مبايلها الكريم وبصوته العاليييييـــــــــــــــ ــ ! >>>>>>>>> :k_puppyeyes:
قولو شوكانت الرنه .. شي عجيب .. صوت بنت بنت عمي وإهي تبجي >_< ..
وبما إن المبايل بجنطتي فالكل التفت لي وقابضين عمارهم عن الضحك .. وكل الأنظار يت صوبي .. يعني جي عيني عينك .. :Oo:
وانا اجاهد أبي اظهر المبايل من الجنطه وأسكت الرنه ماكو فايده .. لأن الارتباك وصل حده .. :ohboy:
متى لقطته .. بعد ماصخ لول .. >> تو الناس .. :mf_leia:

وانا الفالحه استاهل .. اوني يوم كنت ارقد البنوته (( مب مكمله خمس شهور أظني )) مره وإهي تبجي قلت لاختي سجلي الصوت ..
ليمن رقدت بالسلامه وابتلشت آنا بالموقف .. :fa46:

اممم ..
انننننزين قبل لا أصخ .. كاهي الرنه المسجله وشوفو الفضيحه .. 7

http://www.mediafire.com/?84k3fmi1xxd

وبس وايد رمست ..
بخاطركن يا جماعة الخير .. !

[الـيـاه]

والله مابتصدقون
بس والله انها حقيقه هههه

اسخف موقف ستوالي .... وصدق صدق صدق خلاني اتفشل من عمري لول ( هو نسيان اسمي )

متخيلين ؟

اخر سنه فالمدرسه بس مب امتحان نهائي .. عقب ما عطتنا مس العربي الاوراق
أبا اكتب اسمي ع الورقه ونسيته !!!!!!!! افكر وافكر شو اسمي

يت المس الفلسطينيه المينونه وقالتلي : شو عم تستني اكتبي اسمك
قلت : هاه ؟ شو اسمي ؟
الكل تم يضحك يتحسبون اتمصخر .. قالت وهي تستهبل : شو بيعرفني اكتبي اسمك .. قلت : هيه اوكي


وللحين وانا مب عارفه شو اسمي ههههههههههه

يوم فقدت الأمل صديت على ورقة ربيعتي وجفتها تكتب اسمها .. قمت وكتبت نفس الاسم
مع انه مايخصه اسم عايلتها فالشرق لول .. وانا واثقه انه ها اسمي بعد XP

صدت علي وتمت ميته من الضحك وهي تجوف ورقتي ( بعدين مادري شو ستوا وتذكرت ) لوووول

مخ !

////////////

سالفه ثانيـه .. اني مره كنت ارمس ربيعتي فيس تو فيس مب فالموبايل ..
وكنت هاليوم مسطله صدق وفيني رقـاااااااااااااااد
فـ كانت تقولي راويني شي كان عندي ( ما اذكر شو )

فـ اتحرا انها يالسه تكلمني فالموبايل

قلتلها هيه اوكي يوم بجوفج براويج .. وانا واثقه بعد ..... البنت ستوت جي O_o

[إسهر معي ليله]

^
^

قمّــــــه في الذكاء

[الـيـاه]

^
اوهووووو انزين يالسه اعترف انا الحينه .... حليلي لول XP


اوووه تذكرت شي يضحك ( بفضح وحده ) ..

اليوم هالانسانه اللي اسمعها - شمعة أمل - تقولي انتي بعدج مافيج عقل لانه ماظهرلج ضرس العقل ..... وهي احين يالس يظهرلها
فـ قبل شويــه كانت ترمسني .. ويبنا طاري حرمه يالسه الدين ( لانه مات ريلها من كم شهر )

فـ اقولها ان عسب جي هالحرمه ماتروم تظهر لانه في شهر ثمانيه بتطلع من الدين

قالت بس هاي من زمان ريلها ميت .. انا احيد بس 40 يوم
قلت : ايه شو 40 ؟ 4 شهور و 10 ايام

لووول اونه اوه عيل شو مال 40 .. قلت : اظن مال يوم حد يربي هههههههههههههه ( عقل عقل )

[إسهر معي ليله]

تذكرت سالفه استوت لواحد من ربعنا في السينما

يالس يطالع الفلم وعـ يساره واحد مصري..
فـ نص الفلم ربيعنا سار الحمّام الله يعزكم.. رد عقب،، يلس مكانه
مد ايده بيشرب الكولا ماله.. الا والقلاص فاضي :a116:

طلع المصري شاربنه :birgits_giggle:

[الـيـاه]

^
هههههههههههههااااااي اي بطني

هيه صح سوري لاني بس اقول مواقف تضحك ( نص حياتي عايشتنها بالمصخره ) لوووول

[شمعة أمل]

^
اوهووووو انزين يالسه اعترف انا الحينه .... حليلي لول XP


اوووه تذكرت شي يضحك ( بفضح وحده ) ..

اليوم هالانسانه اللي اسمعها - شمعة أمل - تقولي انتي بعدج مافيج عقل لانه ماظهرلج ضرس العقل ..... وهي احين يالس يظهرلها
فـ قبل شويــه كانت ترمسني .. ويبنا طاري حرمه يالسه الدين ( لانه مات ريلها من كم شهر )

فـ اقولها ان عسب جي هالحرمه ماتروم تظهر لانه في شهر ثمانيه بتطلع من الدين

قالت بس هاي من زمان ريلها ميت .. انا احيد بس 40 يوم
قلت : ايه شو 40 ؟ 4 شهور و 10 ايام

لووول اونه اوه عيل شو مال 40 .. قلت : اظن مال يوم حد يربي هههههههههههههه ( عقل عقل )

وانا اقووووول ليييش ضرسيي كان يعورني زياده عالساعه ست وشيي لانه وحده مب عاقله كانت تحش فيه:glare: أفاااا:tounge:
صح انا أنقع .. وأخرف وكل شي تقريبا:icecream: بس على قل ماااأنسى إسمي:tounge:

[الدلووووعة]

خخخخخخخخخ

يقولكم هاك اليوم سايرين المارينا بالليل

طبعا نادر مانسيره بالليل بس هاي المره

حاله طارئه فسرناه بالليل المهم ^^

انا يالسه ارمس اختيه ومندمجة فالرمسه وياها

وزين يوم اني رفعت راسي خخخخخخخخ ولا كنت بدعم في

2 من الشباب انا الخبله شو اتحرى اخويه يمشي جدامي

فما اهتميت لاكن يوم رفعت راسي اشوفلكم 2

بس الحمدالله مادعمت فيهم خخخخخخ

ولا جان صدق بنقع من الظحك على عمريه
وبقولهم يالله برد البيت خخخخ

خخخخخخخخخخخخ

[تحفه]

هاهاهاها الياه و اسهر معي ليله مت على مواقفكم من الضحك

شكرن والله منزمان ما ضحكت جيه

[مزن هتان]

حبيت الموضوع
و عيبتني سوالفكم

بـحط جم موقف ابالي الحين

"مزن و عيادة الاسنان"

(1)
كنت بـ أول ثانوي و عندي مراجعه
دخلت الغرفه،ذاك اليوم كان عندي مراجعة خلع
يوم يت الدكتوره تعطيني الابره حطيت ايدي على
ثمي، و رديت بعدتّها مره ردت بالبره وكررت الحركه
عصبت عليه و طردتني من الغرفه.
صج فشله رحت ناديت أميه تكلمها و دخلت معاي

(2)
هالمره كانت عندي مراجعة للـ غسيل و كان طبيب مش طبيبه
كنت شوي مستحيه اول مره ادخل عنده، فـ سحبت اميه معاي
قعدت عـ الكرسي و قالي من تحسين بـ ألم رفعي ايدج قلت له اوكي
توه الريال يقول بسم الله و رفعت ايدي اصلا هو ما جاس سني و انا رفعت
ايديه. قعدوا اميه والدكتور يضحكوا عليه.

"تسمم+نزلت برد"
قبل امتحانات الثانويه بـ اسبوعين تسممت
و ياتني حمى، انا ماحب المستشفيات ماقدر عليه
الوالد، ختيه ام سيف سحبتني، هناك قالوا لازم يحطوا لي مغذي،
انا اخاف من الابره و جايه تقولي مغذي!! روحي زين
قلت حق اختي مابيّ قالت مش عـ كيفج، و الا يجيني كف سنع
صحت صياح و حطوا لي المغذي.. :a058:

"مزن ابـ نفق المطار"
كل يمعه نسير بيت -يمه-، نقعد لين 12 بالليل
ذاك اليوم و نحن رادين البيت كنت اطفر الوالده
اقولها خليني اجرب سيارتج، حطيت ريلي عـ الريس
و الا تناديني مزن صديت صوبها اقول نعم و طاااااخ :ohboy:
جاني كف، خواتي شو افرحوا حسبي الله عـ بليسهن.

بس رمست وايد

شكراً قرموشة
:12: