السلام عليكم

[الثعلب الرمادي]

ممكن ترحيب؟:a042:

[بنوتة جميرا]

امممممم<<اوني بفكر
خخخخخخ
ممكن ليش لا
مرحبابك اخوي
بس ليش يعني؟؟؟

[الدلووووعة]

مرحبا بك اخويه

وان شاءالله تكون اخر الغيابات

[نجمة دبي]

اهلين اخويه
حياك مره ثانيه في الواحات
وان شاء الله تكون اخر الغيبات

مب تختفي من الواحات!! يا ويلك ^_^

[الـيـاه]

ولكم باااااااك خويــه
نورت من يديد .. المكان مكانك ^_^

[حبوبه دبي]

ولــكم بــااااك ^_^

[عيون الليل]

ولكم بـــاك رقيبنا ^_^

أكيد الدراسه شاغلتنك. . عشان جي نحن عاذرينك . .

[بوزايد]

ويلكم بااااااااااااااااااك عزيزي

فرحت من خاطري يوم شفت نكك

ان شاء الله تكون آخر الغيبات

[مايهزك ريح]

ألا يا مرحبا مليار واكثر .. :inlove:
حياالله الثعلب الرمادي .. واخيرا رديت لنا ..
حياك بين اخوانك ..

[بحر الموده]

مرحبابك مره ثانيه وان شاء الله آخر الغيبات

[الثعلب الرمادي]

أخواني و أخواتي ،،،

الشهور اللي مرت كان فيها فعلا اكشن عنيف جدا جدا جدا لكنها مرت على خير الحمد لله:laugh: و انا فرحان ان محد نساني من شباب المنتدى:inlove: و هذي هديتكم كرتون كله غراااش:h_hadeyah: احم احم لا يروح بالكم بعيد غراش عصير طبعا:laugh:

Sehen wir uns in der N?he!!!!:inlove:

[مزن هتان]

مرحبا بعودتك
و آخر الغيبات ان شاء الله

[الثعلب الرمادي]

هلا و غلا فيج أختي مزن هتان و مثل ما قلتي انشالله تكون آخر الغيبات

[مجموعة إنسان]

الثعلب الرماااااااادي ..
انت وييييييييييينك
افتقدنااااا اغانييييييييييك



مجموعة انسان .. لاحقا
هواجيس مشتاق سابقا

[قرموشة]

الثعـلب الرمـادي .. يا هـلا والله ..
ولكـم باك ..

[الثعلب الرمادي]

مجموعة إنسان ،،،

هلا و غلا فيك اخوي هواجيس مشتاق، بس شو سبب تغيير الاسم اكيد سمعت اغنية مجموعة انسان و عجبتك و التغيير حلو ترا و انا بعد افكر اغير اسمي هالمرة، اما بخصوص الاغاني فان شاء الله بحاول ارجع اضيف الاغاني لواحة الاهداءات مثل اول اعتقد هالمرة عندي مجموعة ثانية و اختيارات افضل و اتمنى تكون اغنية اليوم نالت اعجابك، موفق اخوي و شكرا لمشاركتك مرة ثانية.

قرموشة ،،،

هلا غلا بأختي قرموشة و شكرا لترحيبج فيني مع كل الود ..

[المقاتل]

:thumbup1: يا هلا بالثعــــلب الرمادي . .!!

نورت الواحه بقدومك . . :woot: مرحبا بعودتك من يديد وممنــوع التغيب عن الواحات !!

.. المقاتل ..

[ألم ترى]

بسم الله الرحمن الرحيم ..

يا الله :a046: ! ..

انت وينك يا ريال ؟ ..

الحمدلله ع السلامه واخر الغيبات إن شاء الله :inlove: ..

دمت بحفظ الرحمن ..

[حلم الطفوله]

الحمد لله على السلامه

نورت الواحات بوجودك ....ربي يجعلها آخر الغيبات

[العجيبة]

حياااك الله يالثعلب الرمــادي ..

خبرنـا عن الأكشن اللي صااار ويـاك ..

[عيماني وكلي فخر]

مرحباا بك مرة ثانية أخوي الثعلب الرمادي
ونتريا يديدك آآقصد جديمك من الكرتون
تحيتي لك وإن شاء الله تكون آخر الغيبات
خويك
عيماني
:)

[خيال الحب]

ياهلا ويا مرحبااا

حياك يالطيب

نورت وشرفت

[الثعلب الرمادي]

أخواني و أخواتي ... المقاتل، الم ترى، حلم الطفولة، العجيبة، عيماني و كلي فخر، و خيال الحب و انشالله ما اكون نسيت اي احد ثاني ...:laugh:

سعيد جدا بوجودكم و شاكر لكم ترحيبكم أخواني و أخواتي اللي اخجل تواضعي:inlove:

و للأخت العجيبة،

الاكشن اللي صار:laugh: هذي قصة طويلة و يمكن ما أتكلم عنها إلا بعد سبع سنين على الأقل و كنت بسببها بنسحب من المنتدى ...

سعيد جدا بتواجدكم أخواني و أخواتي:inlove:

[بنت الدلع]

الثلعب الرمادي

وعليكم السلام والرحمه

يا مرحبا بك من يديد ويانا
سعيدين لعودتك
ومشتاقين لمواضيعك الجذابه

[الثعلب الرمادي]

أختي بنت الدلع،

بكلامج الرائع أخجلتي تواضعي:blush: و دايما اتمنى اقدم الحلو و الجديد للمنتدى من خلال مشاركاتي في واحة الاهداءات

و دمتي بود:laugh:

[الشوق]

هيهه وحد يزعل من بيته يالثعلب الرمادي
صدقني الشخص اللي يتعود على وجود ناس طيبين في الواحات
صعبه عليه يهدهم .. اب هالسهوووله
ومهما صادفته من مطبات هوائيه وارضيه هيههي
في النهايه يرجعلهم .. لان في الطيبين اللي ينتظرون منك كل ما هو حلو ومثير
وردودك من ضمن اللي فيها اثاره
والله يسهل عليك
وان شاء الله مااتكون اخر الغيبات

[تحفه]

ولكم اخوي

[المفتاح]

بسم الله الرحمن الرحيم
اللهم صل على محمد واله وسلم
السلام عليكم ورحمة الله وبركاته

اهلا وسهلا يا اخى الكريمة مرة ثانية والحمدالله على السلامة
تذكرت موضوعك السابق (( الى لقاء قريب)) والحمدالله جاءت
نقطة الصفر للانطلاق معنا مرة ثانيا وانشاءالله توفقت فى هذه
الغيبة الطويلة.

واعتقد انك كنت فى المانيا من اجل الدراسة مجرد تخمين
بسبب علم المانيا.

المهم الف الحمدالله على السلامة وحياك الله مرة ثانية
واي شي اخوك المفتاح فى الخدمة انشاء الله تعالى


والله الموفق
المفتاح

[الثعلب الرمادي]

ماشي زقاير في الإمارات و التفكير بعملية تهريب كبيرة:fa46:

توني اتذكر بس الكلام اللي كتبته قبل في المنتدي و خيال الحب يقولي ليش ما تاخذ لك مدواخ:laugh: و الأيام الأخيرة من الإجازة ضاعت و أنا أفكر كيف أطلع من الإمارات بأكبر كمية من الزقاير (التنن) و أتابع أخبار مهربين السجائر و الأحكام اللي صدرت ضدهم:ohboy:

و مع هذا قررت أخاطر بقلب شجاع و بحسابات دقيقة و حالفني الحظ في تهريب 6 cartons و اذكر اني في الطيارة كنت متوتر بشكل كبير و خايف بس قلت عادي خلي قلبك كبير يا الثعلب الرمادي و لا تخاف و تذكر قول الشاعر و يمن يتهيب صعود الجبال يعش أبد الدهر بين الحفر:icon_rr:

و ما بنسى اللحظة اللي طلعت فيها من مطار فرانكفورت الدولي بسلام و طمأنينة و كان الجو في غاية البرودة لكن السعادة اللي غمرت قلبي فهذاك الوقت صعب اوصفها ...

و طبعا للي ما يعرف بقوانين الجمارك فاللي مسموح فيه هو كرتون واحد فقط لا غير و يمر بدون دفع الضريبة و أي كرتون إضافي عليه ضريبة كبيرة و لو وصل عدد الكراتين لخمس هذي تكون قضية تهريب و فيها محاكم و الحمد لله هذي القصة مرت على خير :laugh:

أخواني و أخواتي اللي اهتموا بالرد على الموضوع و الترحيب فيني بعد فترة طويلة من الغياب اشكركم من كل قلبي و كلي سعادة بالعودة للمنتدى مرة ثانية و اترككم مع اهداء بسيط مني لكم مشهد كوميدي اتمنى ان يحوز على رضاكم ،،،،

<object width="425" height="350"><param name="movie" value="http://www.youtube.com/v/_PIMfqt1wZo"></param><param name="wmode" value="transparent"></param><embed src="http://www.youtube.com/v/_PIMfqt1wZo" type="application/x-shockwave-flash" wmode="transparent" width="425" height="350"></embed></object>

http://www.youtube.com/watch?v=_PIMfqt1wZo

:a068: :a068: :a068:

أخوكم الثعلب الرمادي

[دموع قلم]

وعليـكم السـلام ورحمـة الله وبركــاته


الحمـدلله عالسـلامة أخوي الثعلـب الرمـادي ..
منـور الواحـات وعسـاها تكـون آخر الغيبـات ..


شـاركنـا بـيديـدك..

^_^

[أنامل قلب]

عوده حميده ان شاء الله أخوي الثعلب الرمادي ..
وانا أشوف ان الترحيب لازم إيي منك مب منا (( بالاحرى الاعضاء الجدد مثلي لول )) ..

وواضح من ردود الاعضاء ان لك بصمة ماغابت بغيابك ..
مجرد بريك خذته ورجعت بحمدالله .. ^_^ ..

ومرحبا بك خيو مره ثانيه وثالثه ورابعه جان بغيت ..
وعلها آخر الغيبات ..

:

بانتظار كل يديد لك أخوي ..

[الثعلب الرمادي]

الله يسلمج أختي دموع القلم و أنا سعيد بعودتي للمنتدى بعد فترة غياب طويلة و اتمنى ما اغيب مرة ثانية:fa46:

الله يخليج أختي أنامل قلب:fa46: و بالعكس للأعضاء الجدد الفعالين في المنتدى بصمة خاصة تتجاوز الاعضاء اللي اقدم منهم بسبب مواضيعهم و مشاركاتهم المتميزة في مختلف اقسام المنتدى و انتي وحدة منهم:laugh:

شكرا لكم:fa35: