الفائزين بالمراكز الأولى بمسابقة واحات بن دبي للرسم

[المحاق المشتعل]

السلام عليكم ورحمة الله وبركاته

أولاً بأسمكم جميعاً واسمي واسم فنانتنا القديرة عمة العيم

أشكر الادارة الحكيمة ادارة بن دبي بما فيهم من اداريين الذين وقفوا جنباً إلى جنب

معنا حتى نصل لكم لخاتمة جميلة من أبداع لم نشهد له مثيل في تاريخ

واحات بن دبي.

تبارك الله

مجرد انك تطلع على مجموعه كبيرة من هالابداع

تحس بإحساس جميل من الابداع وحب التحدي

وحب الفن بكل انواعه

.
.
.
.

كلمة لفنانينا
=======

اجمل كلمة شكر اقدمها لكم

على ما قدمتموه لنا من فنٍ يأسر القلوب

استمروا على هذه الطريق

اشعلوا انظارنا بوهج هذا الفن البهيج

بكل صدق بكل حق

زرعتم الابتسامة في وجهي

ومن جوف فؤادي سأظل اردد بكل اعتزاز

إني فخورٌ جداً بكم فناني واحاتنا المعطاء

ربي لا يحرمنا روعة ما رأيناه في هذه المسابقه

.....

والآن فلنتوجه إلى المرحلة الأخيرة وهي المرحلة الحاسمة

لنعرف من هو متصدر مسابقتنا مسابقة واحات بن دبي للرسم

..

وقبل لا نذكر اسماء الفائزين

أحب انبه على كمن نقطه

أولاً مسابقتنا بيكون فيها الفائز بالجائزه شخص واحد فقط

وهو إلي بيكون الحائز على المركز الأول

بس في نفس الوقت قلنا عشان انزيد الروح المعنويه للفنانين

بنحط نتايج واسماء المراكز الثلاث الأولى للمسابقه كنوع من

التحفيز للفائزين مب مادياً ولكن تحفيز معنوي

الشي الثاني

إلي مافاز هذا مب معناته انه خسر

بالعكس مشاركته أكبر فوز لنا وله من الفايده

من الجو إلي حصلناه بهاي المشاركه الجميله

واتخيلو مسابقه شو كبرها فيها لوحتين

كيف بتكون المسابقه ؟ أكيد بتكون مب شي

لكن بفضل مشاركاتكم حصل تفاعل رائع في واحة الفن التشكيلي .

إلي ما فاز لا يحط في خاطره هذا اهم شي

لأنه إلي مافاز لازم يعرف ان المحاق وعمة العيم ان شالله

بيسوون مسابقات ثانيه بإذن الله في المستقبل القريب

فإلي ما فاز يحاول يستغل الصيف إذا حب انه يطور من مهاراته

عشان ينافس إلي فازو في هاي المسابقه بإذن الله تعالى

شكر خاص لجهود أختي الفنانه عمة العيم على جهودها الرائعه

التي بذلتها في انجاح المسابقه

وشكر خاص للأخت الشوق على جهودها الكبيرة خلف الكواليس

وفي النهاية اشكر كل المشاركين في المسابقة

واتمنى اذا صارت مسابقات اخرى في المرات القادمه ما تحرمونا

مشاركاتكم الطيبه

.....

الفايز بالمركز الأول ان شالله بنوصله الجايزه لين عنده عن طريق البريد ان شالله

والفايز له الحق انه يكشف عن الهديه اذا حب للأعضاء

تقبلوا تحية خالصة طيبة من المحاق

والسلام عليكم ورحمة الله وبركاته

.......


المركز الأول

قطرة ندى

http://oasis.bindubai.com/bin/uploaded/3053_21181159030.jpg

المركز الثاني

أمطار

http://oasis.bindubai.com/bin/uploaded/3053_21181159594.jpg

المركز الثالث

همس الشفايف

http://oasis.bindubai.com/bin/uploaded/3053_11181159030.jpg


:11: :11: :11: :11: :11: :11: :11:
:11: :11: :11: :11: :11: :11: :11:
:11: :11: :11: :11: :11: :11: :11:
ألف مبروك

[الدلووووعة]

مبرووووووووووووووك الفووووز

وتستااااااهلين اختيه

وهاردلك للي مافازووووو

[وحي القلم]

مبروك للفايزين ^^

[قرموشة]

مـــاشـــاء الله عليــــهــم !
كـل رسمــه أحـلى مـن الثــانــيه ..

[ قطـره ندى]
[ أمطـــار ]
[ همـس الشفايــف ]
مبروووك تستـاهلــون كـل خـير
:fa35:

[ المحـاق | عموووه ]
جـهـد مستــمـر وعطـــاء لا حدود لــه
تسـلم الافكـــار ويسـلم لنـا هـذا الابداع
دمتــم خير أعـضاء واداريين في واحـات بن دبي
:fa42:

.
.

[نجمة دبي]

الف الف مبرووووووووووووك
وانا ابارك لكل المتسابقين لاني اعتبرهم كلهم فايزين ^_^

شكرا لكم ( عمة العيم & المحاق المشتعل )

:)

[بوزايد]

الف مبرووووووووووك

يستاهلوووووووووون

[أنامل قلب]

اوه اوه اوه اوه ..

ويني خيتو الدافيه .. لحقي علينا مافزنا خخخ ..

خلاص اسمحولي بعتزل الفن .. لا لا مابيفيد معاي أي حجي ..
اسمحولي نوواااي تراضوني ..
خلاص أول وآخر مره أرسم بحياتي .. قضيتو عسجلي التاريخي الأبيض ..
وسمعتي الفنيه تشوهت لووووول

والله بموت ضحك ههه
احليلي والله عقدي .. :blush:

بس مثل ماقلت بأحد ردودي السابقه اني حاطه ابـ بالي رقم ( واللي كان 3 ) .. وكنت محتاره بصاحبتها ..
إما قطرة ندى اللي شفنالها العديد من اللوح ما شاء الله ..
او الدافية اللي ماشفنالها غير رسوم كاريكاتيرية .. فماكان عندي خلفية عن اداءها لمثل هذا النوع من الرسوم .. من جي ماكنت واثقه ..


:

امممم ..أخي الكريم واستاذنا الفاضل المحاق المشتعل ..
جدا شاكره لك تحفيزك لنا وكونك شجعتنا للاقدام بهذي الخطوه والرسم مهما كان الأداء بسيطا ..
وسعدت صدقا لكوني ماتخلفت عن هذي التجربة وشاركت ابها ..

فقد استمتعنا .. تقطع ويهنا .. ضحكنا .. تقطع ويهنا .. غيرنا جو .. تقطع ويهنا ..
تطلعنا لمواهب الغير .. تقطع ويهنا .. والأهم إن استفدنا والحمدلله .. وأكيد لقطنا ويهنا .. احم .. :whistling:

بس أقول اخوي وين نحشت .. :d014:
مب قلت إنك بتنتقد كل لوحه على حده (( وانا ماصدقت ورفعت يدي كقبول من الخاطر !! )) >> عيل انا ليش مشتركه بالله عليكم :icecream:
لأن الفايده بتكون اكبر بهذا الشكل إن لم يكن لديك أي إشكال أخوي ..
يعني لمن تفضى طبعا (( بما إنك بالفتره الاخيره كنت مشغول )) ..
اممم .. ويعني جي السالفه .. ^_^ .. >> بعض الناس بيدعون عليه اليوم :k_special2:

:

ومبروك من الأعماق للفائزات الثلاث ..
استحققن ذلك .. وتميزن بتفاصيل طيبة ما شاء الله .. :fa42:

وهذي لكم من الأعماق :a070:

:

وجل الشكر لعموتنا بعد اللي كانت تشتغل بالدسه .. من تحت لتحت .. ^_^ ..

احترامي وتقديري لكم جميعا ..
وجل المعذرة على الاطالة .. :fa46:

[شوق القلوب]

السلام عليكم..

ما يفوز بالفن.. الا الفنان.. ^_^

تســاهل قطرة ندى ..

[حركات]

مبروك للفايزين

ويستاهلون

[العجيبة]

ما يفوز بالفن.. الا الفنان.. ^_^



هههههههه مب نحن .. الفنــان لوول :icecream:


تستاهــل قطــرة نـدى .. رسمة حلوة ومتقنة ما شاء الله !
ومبرووووك عليــج الأشياءات اليديدة .. شو رايج ففتي ففتي ؟ :inlove:

والأخوات أمطــار و همس الشفايـــف .. كلكم تستاهلـون

انزين جان عطيتـوني المركز الأول من ورا :11: :11:

أنــامــل قلب .. انـتــي بالــذاااات .. هـاردلــك عــودة لج .. الصراحة إنتي مثال كبير لبث الحماس في مسابقات مثل هذي :11: استمــري وصدقيني انتي فنــانه ..

وأكيــد هـاردلــك للحلوين الباقيين اللي شاركوا وما فـازوا .. ومنهم أنـا :love:

عمــة العيــم & المحاق المشتعــل ..
أساتذتنــا .. من كـل أعمـاق قلبـي .. شكـرا على جهودكم اللي خلتنـا نرسم قبل الامتحانـات :fa44:
ما قصرتوا ,,

الشــوق ..
دومـج راعيـة واجـب :k_smartass:


العجيبــة
يالله بسج كلاام :woot:

[أمطار]

. . .صبـــاحكم ودّ. . .
:fa41:

ومشكــــووورين محاق & عموه على مجهودكم الرااائع. . .!
بالفعل مسابقة زرعت فينا روح التنافس الجميل ،،
والرسومات المشاركة كل وحده تقول "أنا حلوه غصبن عنكم" :inlove: !
الله يعلم كم استانست وافتخرت بمشاركتي في هالمسابقة اللي تضمّنت "11 عضو"
من "أجمل" و "أحلى" و "ألطف" الأعضااء . . .!
:k_blush-anim-cl:

ختيه قطرة ندى ..
كنت حاسة أن الرسمة الثالثة كانت رسمتج وكنت أعرف أنها الرسمة الفايزة ..
لأنها وبصراحة أكثر الرسومات إتقانا ً . . .!
:fa42:

وإيضا ً ما ننسى همّوسه ..
بالفعل تستاهل تفوز بمركز ،، ربي يوفقج عزيزتي ..
ونباا حمااس أكبر في المسابقات الياية. . .!

مبـــــــــــرووك قطرة ندى ، مبروووووووك همس الشفايف ..
ومبروووووووووك لكل الأعضاء المشاركين في المسابقة !
والله رسوماتكم "كيوووووتيه"!
:fa35:

وأرجع وأشكر محاق وعموه و الشوووق على مجهودهم لإنجاح هالمسابقة..
ما قصـّرتوا ، ومبرووك عليكم هالمسابقة الناجحة . . .!


كل الـــــودّ. . .
أمطار

[بنت الدلع]

تستااااهلووون

الصراحه رسوماتهم واايد حلوه

ومبروك عليكم ^_^

[خنفروش]

مبروك ألف مليون بليار مبروووووك للأخت قطرة ندى ... و عقبال المزيد و المزيد



و مبروك كذلك لـ أمطار و همس الشفايف ... على هذا المستوى الراقي فالرسم بالرصاص


شكر من الأعماق .. لـ الشوق على الرعايه الكريمه


و شكر منقطع النظير .. لـ عموتنا و محاقنا

على المجهود و التنظيم و حمل هم تنشيط هذا القسم

ربي يوفقكم دايم دوم وكل يوم

[خيال الحب]

ياحيهم والله ^____^

[حلم الطفوله]

مبرووووووووووك وتستاهلون يا أهل الفن :)

وطبعا ما أنسى أشكر كل إلي شاركوا بلوحاتهم ....يعطيكم العافيه

[عمة العيم]

تستاهلون الفوز والله

الصراحه احترنا منو نختار للمركز الاول لأن ماشاء الله كل رسمه فيها شي جميل و حلو و متقن

وانا ابداً ما توقعت بعض المشاركين يكونون على هذا المستوى الجميل في الاتقان و التظليل

وهالشي يخلينا نتشجع و نتحمس نسوي مسابقات وايده

و ان شاء الله في المرات اليايه بنراعي الوقت لأن هالمسابقه كانت قبل فترة الامتحانات و خسرنا مشاركات كثيره لانهم ماراموا يرسمون ....

محاقنــــــــا...لك جزيل الشكر على المجهود و الاهتمام...الصراحه انا كنت ايرك وانت تيرني....هههههه لي ما انتهت المسابقه و اخترنا المراكز الاولى...

الحمد لله على كل حال....و الحمد لله ان المسابقه تمت على خير...

و الف مبروك للفنانه (قطرة ندى)
و الف مبروك للفنانه (أمطار)
و الف مبروك للفنانه (همس الشفايف)

و الــــف مبروك للمشاركين كلهم لان مجرد انهم اشتركوا ويانا هم فاز

و اتمنى من الفايزات و المشاركين جميعاً انهم يستمرون في هذا الفن الراقي و كل شخص يتبع اسلوبه في الرسم عشان دائماً تكونون متميزين و فنانين...

مثل ما قلت لكم في الرسم

انسوا شي اسمه خــــــــــــــــوف

لو ماخفتوا هذا معناته بديتوا تـــبـدعــــــــــون


(^_^)
...

[الشوق]

ياويلي انا
هيههي اختارواالرقم اللي رشحتـــــــــــه
سبحان الله كان عندي احساس ان هذي الرسمه لقطرة ندى
بس اللي فاجأتني اب صراحه (( امطــــــــار )) هيههي مااتوقعتج هالكثر فنانه ..
وانتي تدرين يالسه اقووول ياربي ليش كوبها يلمع عن باقي الاكواب .. هيههي
ممكن اتخبريني عن الســـــــــر
..
همس الشفايف .. مبروك يالغاليه .. اول مره اشووف مشاركه فنيه لج واتمنى انها ما اتكون الاخيره ..
ابصراحه ابدعتوا .. وابدع الكثيرين في هذي المسابقه
جد فرحت على هالتنافس الحلو .. على هالابداع الجميل . على هاللوحات الحلوه اللي شهدناها في هالمسابقه ..
جد فرحت على الروح الطيبه .. والتفاعل الجميل اللي لمسته من المشاركين ..
احلى مسابقه .. واحلى تفاعل .. واحلى مجموعه شاركتها .. كجميع المسابقات هذي
.
.
.

:a068: لالا لا اتخافون .. هذي دموع الفرح ..
فرحتي بيكم اب صراحه تستاهلون والف الف مبروك:11:
.
.
.
اوووه نسيت ... محاقنا .. نبي انتقادك على كل اللوحات رجاء مثل ما وعدتنا ...
نحن ما نوقف عن نقطة الخساره لان بنجاح اخوانا .. هذا يعتبر اكبر فوز لنا لانهم صدق يستاهلون ..
.
.
.
ونسيت ابلغ الاخوات الثلاث من بعد اذن اخوي الكريم محاق المشتعل
يرسلون بريدهم الالكتروني عبر رسايل الشوق الخاصه
وتسلمون
الشوق
12-06-2007

[المحاق المشتعل]

تست تست

:icon_rr:

احب ابلغكم ان الهديه طارت من عندي ومتوجهه لعمة العيم

وان شالله من عمة العيم باتطير لقطرة ندى بإذن الله تعالى

:yes:



الشوق

جزيل الشكر على ردج الطيب

انا عن نفسي بانتقد بس انا اشوف اني انتقد إلي يباني انتقد لوحته في الرسايل الخاصه

أفضل عشان ما نحرج إلي ما يحبون النقد فإلي يبا نقد حاضرين للطيبين لكن راسلوني في

الخاص:k_unlock:

[الـيـاه]

سلاااااااام !!

:11:

قـــطرة نــدى
أمـطـــار
همس الشفايف


مبروووووووووووك ع الـفــوز
كلكم تستاهلووووون والله .. وماشاء الله رسماتكم كلها حلوه
ليش غايبين عن هالواحه دامكم مبدعين
:d014: :d014:


عـمـة العـيـم
المـحـاق المشتعل


ماقصررررررتو والله
وكل الشكر لكم ع المجهود اللي بذلتوه
يعطيكم ألف عافيه :inlove:


.
.
.

[عديم الشوق]

مبروووووووووووووووووكيييي ييييييين

تستاهلوووووووون والله

^_____^

ما شاء الله عليكم

[همس الشفايف]

عمة العيم
محاقنا
يعطيكم العافيه على هالمسابقه
المسابقه عطتني دافع كبير للرسم
و ان شاء الله ما بتكون اخر رسماتي

قطرة ندى
ألف ألف مبروووووووووووووك
تستاهلين كل خير
و رسمتج تستاهل المركز الاول لانج فعلا ابدعتي

أمطار و باقي المشاركات فالمسابقه
الكل ابدع و كفايه جو التنافس و الحماس اللي شفناه فالمسابقه
انا كنت متحمسه واااايد بس حماسي كان "خلف الكواليس" :birgits_giggle:
ان شاء الله نجتمع شرات هالجمعه فمسابقات ثانيه

عموووه و محاقنا نتريا المسابقه اليايه :fa52:

[زهرة الوادي]

السلام عليكم ورحمة الله وبركاته

بداية أشكر القائمين على هذه المسابقة الرائعه حقاً

وأبارك للموهوبين المتألقين الفائزين والمشاركين في المسابقه

وأهنئي غاليتي قطرة ندى على ابداعها

حفظكِ الله ورعاكِ

وان شاءالله اجوف معرض لرسوماتج عن قريب :fa35:

لكِ مني أرق واندى تحيّه

محبتكِ

زهرة الوادي

[طير الغرام]

http://oasis.bindubai.com/bin/uploaded/1184_01181768909.gif

ألـف مبــروووك للفايزين

:

كان ودي أجحل اعيوني بإبــدااعهــم
بس للأسف الصور ما ظهرتليه !

http://oasis.bindubai.com/bin/uploaded/1184_11181768909.gif

[المحاق المشتعل]

طير الغرام

تقدرين اتشوفين الرسمات احينه =)

[طير الحب]

تستاهلون والف مبروووك