كيف أعرف كم فاتورتي؟

[عيون الليل]

السلام عليـــكم . . .

إشحاااالكم ؟

هممم شو كنت بقوول . . هيه . . كيف أعرف كم فاتورتي وأنا خارج البلاد؟ ؟

اترياكم اتخبروني. . ضروري. . عشـــان احط النقاط ع الحروف. . لانه حالياً الحروف بدون نقاط لوول " ادريبكم ما فهمتوا شي"
اقصد لاني ماخذه راحتي ف الرمسه . . ف لازم احط النقاط. . ممكن اتساعدوني ^_^

[مجموعة إنسان]

ماعرف ..
لأن الوالد بعد مسافر بس نحن من هني كل شهر ندفعله 1000 عن فاتورته

جربي * 143 #

نجمة 143 مربع ..

ماعرف يمكن يصير

[بوزايد]

انا برع الامارات واستخدم الحركه الي قالها هواجيس وتصير

بس الخدمه ما ادري في كل الدول ولا

والله يردج بالسلامه

[بوزايد]

اوه صح نسيت

اذا كنتي بلندن انصحج ما ترمسي ببطاقه الامارات

لاني انا رمست فيها مره وحده ويتني الفاتوره 9 الاف

وانا ماخذ راحتي

لانه يحسبلج ضعف 6 مرات

[مجموعة إنسان]

ترا هذا اللي صاير مع ابوي
ما كان يعرف ان بياخذون ضعف

بس البطايق اللي ياخذونها هناك ما اطول غير 15 دقيقه ..
يقول ان حصل بطايق غير

[بوزايد]

هو وين عندنا

اذا عندنا مشكله

تعرف شو النظام

تحط رصيد مثلا عشره عشرين ثلاثين باوند بالتيلفون اول شي


وما تتصل دايركت لو اتصلت دايركت 10 باوند ما بتم الا عشر دقايق يمكن او اقل


لازم تشتري بطايق ثانيه يسمونها انترناشونال كارد وفي مليون نوع ...اذا هو هنيه بخبرك شو يستخدم من الانواع

ويتصل منهم

وطبعا ينقص من رصيد البطاقه الاصليه ومن دقايق البطاقه مال انترناشيونال

هو مثلا بيقولك البطاقه مثلا فيها 150 دقيقه بس هي ما فيها

يعني لو اتكلمت فيها مره وحده وما سكرت ابدا يمكن تكون 100 دقيقه او اقل ولو تميت تصك وتتصل يمكن تعطيك 60 دقيقه


ادري ما فهمت شي بس اتمنى انك فهمت

[عيون الليل]

مجموعة إنسان . . و بو زايد :Oo: سويت الحركه الي خبرتوني عنها وما يستوي

بو زايد بشرك الله بالخيـــــــــــــــــر :k_shock_1:

ترا هذا الي مستوي . . بطاقة لندن تسحب سحااااب احط 50 باوند . . ايخلصن بسرررعه :k_icon28:

وبطاقة البلاد . . الكل يقولي لا ترمسين منها . .
كل مره احاسب وما ارمس وايد تيني الفاتوره فوق الـ 2000 . . . لكن هالمره خايرتنها بصراحه . . واحس انه بتيني ضربه عدله ع راسي :a058:
خلاص بسوي كنترول . . :yes:

بس ما خبرتوني . . ماشي اي طريقه ثانيه. . لانه الي ذكرتوها جربتها وما استوت! ! :Oo:

[بوزايد]

جربي

نجمه 111 نجمه 143 مربع

ارسال

بييج اتصال

ردي عليه

وبيقولج جم الي عليج لو صار



انزين انا بقولج شو تسوين لو بطولين في لندن

تروحي اي محل هندي بيبيع بطايق فودافون وجي

اخذيلج بطاقة شبكه ثري pay as you go

ولا فودافون pay as you go

بخمس باوند اقل بعد

وحطي فيهم رصيد لو فودافون حطي مثلا عشرين باوند

ولو ثري حطي 25 باوند وبيعطيج خمسمية دقيقه ( بس مب حق الامارات حق لندن )


المهم بعدين

اخذي بطاقه انترناشيونال كارد اي بطاقه حق الامارات سالي المحل الهندي بتحصليه عندهم وايد

بيخبورج شو الزين حق الامارات

المهم تاخذي البطاقه

تمسحي الرقم الي ع البطاقه

تتصلي من الفودافون او الثري بتشوفي رقم 02بدايته مكتوب عداله لندن
اتصلي عليه بيقوللج دخلي بين كود

دخلي رقم البطاقه بيقولج جم الرصيد واتصلي المكان الي تبيه

اتصلي عاد 0097150 والرقم

وانجوي ات

فهمتي

[مجموعة إنسان]

بخبر الأهل قبل عن يسيروون

يوم الأحد الوالد بيرجع ومره ثانية بيرد لندن

[شوق القلوب]

السلام عليكم..


اذا كان حسابج على بنك دبي الاسلامي ، و عندج خدمة الاسلامي المباشر ، ادخلي على الاكاونت مالج و اختاري من خدماتهم دفع فواتير الاتصالات ، و حطي الرقم بيطلعلج كم عليــج.. و على طول اتقصين من حسابج على فاتورة التلفون..


او

في خدمة ثانيه من الاتصالات.. احيد قبل كنت امجربتنها ، انج تدخلين موقعهم و تفتحيلج اكاونت عندهم برقم موبايلج.. وعقب تقدرين اتجيكين ارقامج و كم عليها..

[بوزايد]

وعليكم السلام

حتى بنك ابوظبي التجاري توني جيكت

[بوزايد]

حتى مصرف الامارات الاسلامي

[عيون الليل]

بو زايد . .

اخويه هالحركه الي خبرتني عنها . . مب حرام؟ لانه فيها تلاعب ولا شو في نظرك؟ لانه سألت الاهل عنها قالوا لي حرام اونه . . عاد مادري :/

أختيه شوق القـلوب . .

همممم المشكله اكاونتي ف بنك غير شكل. . عشان اقدر استخدم هالخدمه لازم اراجع الفرع :/
لكن طريقتج الثانيه بجربها الحيـــن . . وإن شالله خيـــر

مشكوريـــــــــــــــــــ ـــــن وما اتقصـــرون . . ^__________^

[بوزايد]

عيون الليل

لا مب حرام ولا شي

اصلا جي كل الناس يرمسون

وانتي تشتري بفلوسج بطايق المكالمات الدوليه والرصيد مال تيلفونج

ومحد اصلا يرمس دايركت


ومن اي ناحيه فيها تلاعب؟

[عيون الليل]

أنك تستخدم خط الفودافون بطريقة غير مباشره . . هذا كلام الشخص الي قالي ممكن اتكون حرام . .

شو رايك انته؟

[بوزايد]

اختي انتي تتصلي اول شي بالشركه

ووبعدين تحولج ع الامارات

وتراج انتي تدفعين للفودافون جنج تتصلي في بيت في لندن (اقصج الشركه بالبيت) وتدفعين للشركه قيمة المكالمه الدوليه

ويكون ارخص



ولو حرام محد استخدمها من العرب

[عيون الليل]

خلاص عيل إن شالله باجر بجربها وبخبرك . . في عندك محل معين؟ يعني هاييلا الي ف اجوررود؟

[بوزايد]

لا كل المحلات يبيعون البطايق هذي

حتى بتحصلين في محلات النت بهذا الشارع

بس اهم شي ساليهم شو البطايق الاوكي حق الامارات

او شوفي بروحج كم دقايق تعطي

بتشوفي الاعلان مال البطاقه برع المحل ومكتوب الدول والدقايق

[الماتادور]

#142*