علم الفراسة

[وحي القلم]

السلام عليكم و رحمة الله و بركاته

أول بادي.. سامحوني إذا ما كان هذا المكان المناسب لموضوعي

لاني ما عرفت وين أنزله بالضبط :a018:

.
.

صادفني موقف من مده خذ (( حيز )) من تفكيري و ذكرني بموقف استوالي قبل مده

.
.

الموقف الأول :

وحده .. كان لقائي وياها لمدة يوم واحد بس

عقب ما طاف الوقت و قبل ما تروح قالت :

لحظه.. أبغي أقول لكم شي

سكتت شوي و عقب كملت

بقول لكم اللى لاحظته فشخصياتكم

فلانه.. انتي شخصيتج عاديه لكنج غامظه

و كملت تحليلها لشخصية البنيه

.
.

و الموقف الثاني.. اني كنت سايره معرض و وقفت أشوف الكتب و البنت اللى تبيع

عرفت الشهر اللى انودلت فيه

و هي ما تعرفني و لا أعرفها :ohboy:

.
.

اللى لفتني انه شقايل قدروا يعرفون شخصيتي و شخصية البنيه اللى كانت ويايه و هم اول مره يشوفونا

و انا اللى وياها من مادري كمن سنه ما جد حاولت أحلل شخصيتها :tongue:

و أصلا لو حتى حللت .. فـ متأكده انه توقعاتي بتكون غلط

لانها مب مبنيه على أساس " صحيح "

يعني ماعرف هم كيف يقدرون يعرفون أطباع الشخص من النظر و التعامل وياه

و لو حتى كان تعاملهم سطحي

.
.

فــ بديت أدور عالانترنت عن الشخصيات و كيف نقدر نحللها

بس كل الأشيا اللى ظهرن لي كانن >> :glare:

.
.

يعني مثلا :

اختبار جاهز.. أجاوب على الأسئلة و أعرف شخصيتي

ولا مواضيع من هالنوع :

كيف تحلل شخصية الفرد من خلال فاكهته المفضله

ولا من خلال تاريخ ميلاده .. اسمه .. الألوان المفضله لديه

و الصراحه ما اقتنعت بشي من اللى قريته :glare:

.
.

فـ قلت بنزل هالموضوع

عشان تساعدوني اني أعرف السر :tounge:

.
.


و بعد .. يا ليت اللى يعرف يقول لي اللى عنده عن هالموضوع

ولا يعطيني أسامي كتب ممكن انها تفيدني

و عندي سؤال أخير بعد لو سمحتوا :fa46:

اللى تكلمت عنه يسمونه علم الفراسه ولا شي فرق بينهم ..؟


.
.

و السموحه
وحي القلم

[دموع قلم]

وعليـكم السـلام ورحمـة الله وبركــاته ..


مسـاج الله بالخيـر
عـزيـزتـي وحـي القلـم ..

اممممم الصـراحة مـاعندي فكـرة.. يمكـن يعـرفون شي يخـص علم النفـس .. ولا اممم مـايخصه ..!
وصدق شـي غـريب يـوم الشخـص يعرف شخصيـة غيـره من أول لقـاء .. سبحـان الله ..!

وعن علـم الفـراسة اظنـي انقـرض .. قصـدي يعني مـاشي ..
بـس مـادري إذا بهـالأيـام حـد يـدرك بهـالعلـم ولالا ..


وترا شي حلـو جـدا انـج تـدورين وتحـاولين تعـرفين عن هالموضـوع وجوانبـه ..
عسـى الأعضـاء ما يقصـرون ويسـاعـدونج ويعلمـونج بـعلمـهم ..
.
.


السمـوحـة يالغاليـة ..

^_^

[وحي القلم]

مشكوره يا دموع

و انا أدور قريت انه يسمونه علم الفراسه

عشان جيه قلت بتأكد.. عن يكون معناه غير عن اللى فهمته

[حلم الطفوله]

السلام عليكم

صديقتي وحي القلم

مواقف عجيبه ! بس أكيد تستوي بالحياه

يعني إذا دققتي بتصرفات الأشخاص إلي تشوفينهم لأول مره بتقدرين تكونين انطباع عنهم !

يمكن يكون صح ويمكن يكون غلط !:10:

يمكن يكون فيني هالطبع أحيانا ! وتكون انطباعاتي عن هالأشخاص أكيده

أحسها مثل الحاسه السادسه بالانسان ! يعني فراسه

ومراااات الأشخاص يعتمدون على التخمين ! رب رمية من غير رامي:glare:

بس ما قلتيلي ! هل فعلا تحليلها لشخصية ربيعتج كان 100%

[وحي القلم]

هي ما طولت وايد فالشرح .. بس اللى قالته صح

.
.

معنى كلامج يا حلم انه البنيه اللى فالموقف الثاني

كانت تشوف كيف كان اسلوبي عشان أعرف مضمون الكتب أو أي نوع من الكتب اللى شدنــي ؟

هذا معناته انه في شي يميز مواليد كل شهر ؟

.
.

لكن إذا السالفه تعتمد على اني أدقق فتصرفاتهم

عزات ما عرفت شي :fa46:

..

[حلم الطفوله]

عدنا لأغلى وحي:12:

لأ لأ ....أقصد إنه هالبنيه اعتمدت على التخمين .... وطلع تخمينها صح وياج!:10:

يستوي مرات ! بس أحيانا بعض مواقف التخمين لما تكون صحيحه ...نلقب راعيتها بالساحره:tounge:

بيالنا نقرأ كتب عن علم الفراسه ! خاطري أفهم ناس مب قادره أفهمهم للحين:a058:

[وحي القلم]

أقصد إنه هالبنيه اعتمدت على التخمين .... وطلع تخمينها صح وياج!:10:

مادري و الله

.
.


بس أحيانا بعض مواقف التخمين لما تكون صحيحه ...نلقب راعيتها بالساحره:tounge:

بسم الله .. ساحره مره وحده ههههههههههه

شو هالساحره المثقفه اللى تبيع كتب !!

.
.


بيالنا نقرأ كتب عن علم الفراسه ! خاطري أفهم ناس مب قادره أفهمهم للحين

هاذي هي المشكله يا حلم

شو الكتب اللى ممكن انها تفيدنا بدون فاكهه و ألوان :glare:

.
.

بديت أيأس يا حلم .. شكلي ما بحصل اللى أباه :doh:

[المزوحي]

يمكن تكلمت عن هالموضوع .. بس من سنين ...

حصلت في هاللنك .. تعريف

http://www.ansab-online.com/phpBB2/showthread.php?p=22751&mode=threaded&highlight=%C7%E1%DA%DE%C7%CF

[وحي القلم]

مشكور اخويه المزوحي =)

[أنامل قلب]

اممم .. موضوع جاذب .. :mf_leia:

:

أذكر ان خذنا قبل .. بأيام المدرسه .. قبل يعني لمن كنت بالمدرسه .. :glare: !
خذنا ان علم الفراسه تميز ابها بعض الصحابه .. بالأخص واللي خذناه تحديدا .. أمثال أبو بكر وعمر بن الخطاب رضي الله عنهم ..
ومر علي مره ان مب أي أحد نوصفه بإنه متميز بالفراسه .. يعني للفراسه أسباب مرتبطه بالدين أظني ..
كالايمان القوي والابتعاد عن المعاصي والصدق والاخلاص وصلاح العبد وقلبه والخ ..
ومن جي احتمال وجود المتميز بهذي السمه بزمنا الحالي نادر جدا ..
ممكن يكون الشخص ملم ببعض النقاط النفسية .. كالنظرات .. الحركات .. وما يخص علم الفلك وصفات مواليد كل شهر ..
أو إنه يكون صاحب عقلية واعيه وتركيز دقيق ومحب لتحليل الشخصيات والخ ..
لكنه أكيد ما بيصيب بكل مره .. وما بيكون شرات المعنى المندرج تحت مفهوم الفراسه ..

ووووو كنت حابه أعرض قصة لعمر بن الخطاب يخص موضوع علم الفراسه .. بس للأسف ما اذكر القصه عدل ..
يعني أشيا تكون عميقه جدا .. وتثير العجب فعلا ..
وماترتبط بتحليل الشخصيات وحسب .. بالعكس يكون متعمق بدرجة أكبر ..
وممكن يوصل للتنبؤ لأمور قد تحدث مستقبلا .. (( مب علم بالغيب طبعا ولكنه ـ ظن ـ غالبا ما يصيب .. ان لم يكن دائما .. !! ))
ولا يعلم الغيب سواه .. جل شأنه ..

عزيزتي وحي القلم ..
ان شاء الله إذا لقينا لج كتب بخصوص هالموضوع ترى ما بنقصر .. :love2:

:

وجل الشكر لهذا الطرح القيم خيتو..
يزاج الرحمن عنا كل خير على تطرقج لمثل هالموضوع اللي كان ولازال يمر علينا لبث العجب والحيره بنفوسنا ..

:

كل الود عنوني ..
والسموحه .. !!

[الشيـــن]

تعرفيـن مره
كنـا يالسيـن صوب المطاعم فـ مول
يت وحده ويلست ويا اختي ليما يخلص الأوردر مالها لان مول مول ماكان في طاوله فاظيه
جي يلست تسولف عقب قالتلهـا
انتي عندج بنتين وولدين .. و يلست تحلل شخصيات عيالهـا .. وكله صححح !!
وماحيد بعد شو قالتلهـا .. !
يعني لو حللت شخصية اختي بنقول تخمين او لانها سولفت وياها شوي قدرت تطلع كم من شي
لكن مابالـج طرتلها كم عندها و كيف شخصياتهم وهي ماجافتهم ولا شـي!

يمكن مرات اقدر احلل شخصيات الي جدامي وفـ معظم الأحيان تصيب لكن اني اعرف اشياءات نفس
جي ولا مره استوت لي بس والله خاطري اتعلم .. وناصه (=

[وحي القلم]

أنامل قلب

يعني انتي تشوفين انه اللى يكون عارف فهالمجال المفروض

أنه يتميز بالايمان القوي والبعد عن المعاصي والصدق والاخلاص والصلاح

أو أنه تكون عنده معلومات في علم النفس :yes:

.
.

مشكوره يا أنامل قلب على هاذي الإضافه

يسعدني مرورج

[وحي القلم]

الشين

أكيد انه شي حلو انج تعرفين عن الشخصيات

بس سالفة الحرمه غريبه !! :woot:

.
.

و انا أدور لقيت موضوع عن الشخصيات من ناحية " النظام التمثيلي "

و اللى تعتمد على تحديد طبيعة الانسان من أسلوبه فالتعامل

و شو الحواس اللى يستعملهن أكثر شي

.
.

و شي 3 أنواع للأنظمة التمثيلية :

1- الإنسان البصري

2- الإنسان السمعي

3 - الإنسان الحسي

و عشان نعرف شخصية اللى نتعامل وياه المفروض نحدد هو ينتمي لأي نوع بالضبط

.
.

و طريقة التحديد سهله :

يوم نسأله أي سؤال لازم نلاحظ نظرته أول ما يسمع السؤال

يعني فالفترة اللى يفكر فيها بشو يرد علينا

إذا كان يطالع فوق فمعناته أنه هذا انسان بصري

و إذا كانت نظرته على ينب فمعناته أنه سمعي

ولا إذا اطالع تحت فمعناته أنه حسي

" و الحسي هو اللى يعتمد على باقي الحواس أكثر عن السمع و البصر"

.
.

و طبعا هم ما فرقوا بين هالثلاث أنواع إلا لانه شي فرق كبير بينهم

و حصلت عن شخصياتهم و أنسب الأساليب في التعامل ويا كل نوع

إذا تبون بكمل الشرح عنهم :fa46:

بس إن شا الله ما أكون عفست الدنيا

..

[خنفروش]

ها .. الوحي .. لين وين وصلتي .. ؟؟؟ شو آخر المستجدات ..


تبادرت لذهني .. بعض التساؤلات ..


هل هناك فرق بين الفراسة كـ صفة أو كـ حاسة سادسة .. وبين الفراسة كـ علم ؟؟


هل الفراسة .. موهبة .. أو مكتسبة ؟؟



عافك الخاطر .. لمـّـاح .. الإسطوري .. أنشودة المطر .. العجيبة .. وحي القلم .. أنامل قلب .. حلم الطفولة ..

هالسؤال موجه لكم .. كل واحد منكم لازم يجاوب .. بالي يخطر على باله .. من المعلومات القديمة .. انفضوا الغبار عنها

[أنشودة المطر]

بما أني لازم أجاوب

فـ ... بجاوب :k_harhar1:

أنا شخصيا اللي أعرفه أنه الفراسة "علم"

بس بمرور الوقت يمكن بسبب عدم الفهم الصحيح

أطلقوها الناس على الحاسة السادسة و تحليل الشخصيات

سمعت مرة قصة واحد أظن كان عايش في في عهد الصحابة

المهم أنه كان يعرف في الفراسة فدخل مرة على واحد من الصحابة و كان راقد "هو و ولده"

و ريولهم ظاهرة من تحت اللحاف فقال:

"هذه أرجلٌ بعضها من بعض"

مع أنه ما كان عارفنهم و ما شاف غير ريولهم!


و بعد سمعت قصة ثانية بس ما أذكرها عدل :m_afaker:

إذا حصلت المصدر بذكرها


و بالنسبة إذا كانت موهبة أو مكتسبة فأظن أنها موهبة و ممكن تكون مكتسبة بعد الله أعلم


بس خنفروش انت ما قلتلنا اللي تعرفه :14:

[العجيبة]

العجيبــة تجهـل تمـامـاً بهالموضــوع وما عنـدها إطلاع مباشـر له ..

وعشان جي أنا أتابع هالموضوع وأشوف مستجداته ! فلا توهقوني بأسئلة صعبة ما أعرف فيها شي !

خنفــروش نورنـا باللي عنــدك !

[بنت الدلع]

اظنـي انقـرض .. قصـدي يعني مـاشي ..
بـس مـادري إذا بهـالأيـام حـد يـدرك بهـالعلـم ولالا ..



السلام عليكم

اختي علم الفراسه موجود
ونحن مانقدر نقول عن هالاشيا انها انقرضت !

شرات الحاسه السادسه
الكثير منا يتمتع بهالحاسه
يمكن مب انتو
بس في ناس تملك هالموهبه

وابلتي "مدرسة الرياضيات" تعرف عن هالعلم
عندها كتاب وتقراه
وعندها اطلاع على بعض من هالبحر الواسع

واذكر انها قالت لنا بعض من شخصياتنا
وها كله كان بداعي الفضول
نبا نعرف شو بتقول عنا
واغلب الاشيا كانت صح

والشي الي تعتمد عليه اكثر شي
انها تطالع الجبين

شرات المثل الي يقول " نسيته " بس بما بمعناه
" الي عالجبين تقراه العين "

وبرايي اشوفه علم جميل جدا
وله افرع عديده
ونقدر نتواصل بالشخصيات مجرد من اول نظره لهم

[وحي القلم]

خنفروش

انا ما عندي خلفيه واسعه عن هالموضوع بس بكتب اللى أتوقعه :fa46:

.
.

هل هناك فرق بين الفراسة كـ صفة أو كـ حاسة سادسة .. وبين الفراسة كـ علم ؟؟

أتصور انه شي فرق.. لانه العلم ما يفسر كل شي

و اللى يعتمدون على الحاسه السادسه

يمكن يتوقعون أشيا غيرهم ما يقدرون يوصلون لها و لا حتى يفسرونها بالعلم

.
.

هل الفراسة .. موهبة .. أو مكتسبة ؟؟

أوقات تكون موهبه و أوقات مكتسبه

..

هذا اللى عندي :k_special2:

و السموحه

[أنامل قلب]

السلام عليكم ياقوم .. عدنا لسببين ..
الأول خيتو وحي القلم .. حبيت أقولج كملي ترانا متابعين .. والموضوع جدا طيب .. ^_^ ..

والسبب الثاني ان أحد الاخوان الكرام الله يسلمه حب يورطني .. كما ورط البقية .. !!

أول شي ترى لحد ياخذ على كلامي لأني لست بالخبيره ولا ني دارسه هالأمور ..
وماعندي غير عينات بسيطة من العلم اللي لقطته من فلان وعلان بالعصور السحيقه لول ..

بالنسبة للسؤال الأول .. > >
7
هل هناك فرق بين الفراسة كـ صفة أو كـ حاسة سادسة .. وبين الفراسة كـ علم ؟؟

اممم بالنسبة لي .. امبلا شي فرق ..
يعني الاول علم والثاني حدس خخخ ..
لا صدق أشوف إن علم الفراسه متعمق أكثر وياخذ بنواحي علمية بشكل أكبر ..
أما الحاسه السادسه وما يسمى بالقدره على الحدس فهو أمر ماظن إن له تفسير علمي ..
وأمر موجود بباطن الانسان لا تفسير عملي ولا علمي له .. كما يمكن يكون ناتج عن ملاحظات المعني لبعض الأمور
بطريقة غير مباشرة أهو نفسه مب حاس ابها .. !!


وبالنسبة للسؤال الثاني . >>
7
هل الفراسة .. موهبة .. أو مكتسبة ؟؟

اممم .. بعد ما نبشت براسي .. ونفضت كح الغبار .. !!
وعلى أساس اللي درسته وسمعته قبل .. فالفراسة ممكن تكون مكتسبه ..
وممكن تكون موهبه أو بعبارة ثانيه فطره وهبها الرحمن لأحد عباده ..
لان مثل ماذكرت قبل إني سبق وقريت لكون الفراسة تستوجب ان المرء يتحلى بما سبق وذكرته
من التزام بالدين واخلاص وصدق وقلب صافي واعمال صالحه والابتعاد عن المعاصي والخ (( ردو شوفو ردي السابق )) ..
أمثال ماتصف به أبوبكر الصديق وعمر بن الخطاب رضي الله عنهم ..
فما عندهم لم يدرسوه دراسه .. إلا أنهم اتصفو به بدرجة كبيره ..
وهذا يدل على ضرورة تحلي المرء ببعض الأمور السابق ذكرها .. وكون رب العالمين وهبهم اياه .. جل شانه .. !!

كما إن حاليا أظن عدنا كتب بخصوص علم الفراسة واللي يرتبط بعلم النفس وملاحظة بعض الأمور ..
من نظرات وتصرفات والخ .. وهنا يكون العلم مكتسب والله أعلم .. !!


:

مادري أحسني وايد خبصت ..
وعلمي بهاي الأمور قليل جدا ..
لكن حبيت أرد على أخونا خنفروش اللي لازلنا نحب نشوف رايه بالموضوع ونستفيد منه .. !!

:

أكرر شكري لكل من أكرمنا برده ..

:

احترامي لكم ..
والمعذرة على الاطالة .. ومابي من عجل بالرد .. !!

[الاسطوري]

السلام عليكم ..

"وحي القلم"

أنا متابع للموضوع من بدايـة الطرح بس طبعا ماحبيـت أرد لأن ماعندي معلومات دقيقـه عنه بس دام
توهقت قلت برد بشكل مبسط عن رايي واللي أنا أشوفه هو إن الفراسه موهبه
موجوده في الانسان مثلها مثل باقي المواهب
يكتشفها الانسان في
نفسه وأما إنه ينميهـا ويطورها أو يخليها مثل ماهي وطبعـا هي خلط مابين الإدراك الحسـي والمعنوي
والعقلي وتقوم على مبدأ أخذ المعطيات من الحواس الخمس ثم الاستدلال
والاستنتاج ولكن التعرف على المنبهات وفك
شفراتها بدقه يكون
على حسب قوة الفراسـه اللي هي بالاساس مرتبطـه بقوة الايمـان بعلاقه طرديه يعني كلما زادت قـوة
الايمان زادت قوة الفراسه والعكس صحيح أما بخصوص الاسئله فـ السؤال
الاول إجابته إن العلم كـ دراسه هو علم كل حد
يقدر يدرسه مثله مثل باقي
العلوم وحتى لوكان صعب بس كصفه أو حدس مب كل حد يقدر يتحلى فيه حتى لو كان خبير لأن هالشي
بالاساس مرتبط بالروحانيات قبل العقل وغيره والسؤال الثاني أظن جاوبت
عليه في سياق الحديث وهو إن الفراسه ماتكون
مكتسبه بس ممكن تكون
ضعيفه والشخص يقويهـا مع ممارساته وقرايته ومحاولاتـه وشرط أساسي الايمـان وطبعا أحس قوة
ملاحظة الشخص تدخل بعد ضمن قوة الفراسه عنده يعني في ناس في الجانب
هذا ماتتخيلون كيف عندهم بديهيه بشكل رهيب
ودقة في الملاحظة
:yes:

انزين الاسطوري عنده موضوع ثاني مادري من وين يايبنه وأحسه أقوى من الفراسه وهو الشخص
اللي تكون عنده طاقه ويقدر يحرك الاشياء بقوة النظر يعني بعيونه يشوف
الشي ويحركه من مكانه ؟ ترا هااا صدق
مب تتحرونه فلم هندي
:whistling:

الاســـطـــوري
أخوكم

[خيال الحب]

انا بعد متابع:fa34: ..


تفضلوو جاي +مكسرات ..:k_harhar1:


بخبركم شي سويته امس باخواني:k_harhar1: خليتهم يتخبلون..

امس كناا رايحين البحر.. فقبل ما نطلع كناا ننتظر اخوي الكبير برع.. فهو تأخر.. واخواني بالسياره محتشرين .. فانا اقولهم ماعليه الحين بيي.. الحين توه طلع من الغرفه.. والحين ينزل من الدري.. وعقب قلت لهم الحين يالس يدور نعال جديمه.. والحين يمشي.. ويمشي.. وصل عند الياسمينه.. والحين بيفتح الباب:k_harhar1: وجان يفتح الباب:k_harhar1: .. كلهم فجوو عيونهم .. قالولي انته ساحر


عقب ما ركب اخوي قالوله ليش تاخرت قال لهم كنت ادور نعال جديمه حق البحر:k_harhar1:

:fa56: تخبلووو الاخوان عقب:fa56:
>>>تراا هااا كله ضرب عندي بالجانس:a068:

الاسطوري ..

انا سمعت بعد عن هالناس

ياليت نقرى موضوع عنهم..

يلا واحد منكم يشد الهمه..

بس اول خلوناا على علم الفراسه ..

[خيال الحب]

حصلت هذا بالنت


كيف تتعلم الفراسة ... وتحلل الشخصيات









برع العرب منذ القدم في مهن كثيرة وأمور عديدة وعلوم ومعارف كانوا السابقين أليها عن غيرهم من الأمم
ولعل من أهمها هو علم الفراسة ، يقال في أيام العرب تفرست في وجه الرجل فعرفت من أين هو ومن أين قدم ، وهكذا اعتبر من ضمن العلوم الشائعة آنذاك
وقد عرف علم الفراسة تعريفاً بسيطاً يعتبره ألهام فالفراسة تعتبر فكره تقفز فجأه للوعي
ممن شهد لهم بالذكاء والمعرفة الطويلة بل واشتهرت أسر عربية ببراعتها في الفراسة وتقصي الأثر .

كيف تقرأ وجوه الآخرين

تختلف الوجوه باختلاف البيئة والمنطقة فسكان المدن يختلفون عن سكان الصحراء ، والوجه الشرقي يختلف عن الوجه الأوربي والآسيوي ، ومن هنا كان الارتباط الحديث بين الفراسة علم النفس ولم يعد علماً يختص به العرب واليونانيون بل أصبح مستقلاً بذاته فجاءت جهود العلماء العرب والأجانب في رسم استنتاجات واجتهادات عن أشكال الوجوه وانعكاسها على أصحابها فكانت على النحو التالي:

الوجه المربع أو الحديدي

(عرض الفك يوازي عرض الوجنتين)

يتمتع صاحب هذا الوجه بشخصية قوية وهو قيادي في عمله ، لديه الإصرار في الوصول إلي غاياته وهو محب للنظام سريع الأنفعال يجمع بين الشدة واللين بنفس الوقت ، محبوباً ويملك عدة صداقات ، أنسان حديدي وصلب في قراراته ، يقنع الآخرين بوجة نظره لأنه يملك القوة والحجة والإقناع .


الوجه الرفيع

أصحاب هذا الوجه يتميزون بنحف الوجه ، والخدان غائران والعينان حادتان صاحبه ذو حس مرهف ، مثالي يسعى لتميز والاستقلالية ويشعر بالإحباط إذا عاكسته الأمور مع ذلك يهمه أن يكون لامعاً ،
بعض العلماء أطلقوا عليه لقب ( الوجه الملكي) ، وأصحاب هذا الوجه غالباً من الملوك والمسؤولين ، وجه قيادي مع إصرار وصرامة ورغبة في تمام لكل شيء .. ومع ذلك لا يستسلم للفشل الذي يكون من ثقته الزائدة بنفسه .


الوجه البيضاوي

( عريض الوسط والخدين وضيق الذقن بالنسبة للجبة)

يتميز هذا الوجه بالجمال ويعكس السحر والفتنه
صاحبه جاد وصلب ويواجه الفشل ،شديد الجاذبة وحساس وشاعري ومتسامح ، ويميل للرومانسية ، أصدقائه معدودون ، وللأسف بسبب طيبه وثقته الزائدة بالآخرين علاقاته مصيرها للفشل، لا يتمتع بشعبية كبيرة ويفضل العزلة بعالمه الخاص ، والعلماء يسمون أصحاب هذا الوجه بأنهم ( صانعوا أنفسهم ).

الوجه المثلث أو الجبلي

يعتبر صاحبه ذو تميز بطلة وجهه ودقة ملامحه ، وصاحب هذا الوجه عقلاني ذو ذهن حاد ومتفائل وناقد جيد ، يحاسب نفسه على الأخطاء بكثرة ‘ وهو ذو حماسة للعمل .

الوجه المستدير أو القمري

كثيراً مانسمع عن تشبيهات لطيفة لأصحاب الوجوه المكتنزة كقولنا " وجهك كالقمر" لاستدارته وجماله
، والحقيقة أن معظم أصحاب هذا الوجه يميلون للسمنة ، يعانون من مشاكل كثيرة ولديهم القدرة على التأقلم السريع مع ظروف الحياة ومواقفها الجديدة والمستجدة .
صاحب هذا الوجه ينجح في الأعمال التي تحتاج إلى أقناع كالتجارة ، إلا انه يشعر بالملل بسرعة وعقلانية واضحة في الأمور ، أحياناً يندم على أخطائه ويسترضي أصحابها وهذه الأخطاء السبب الرئيسي لها في أغلب الأحيان عصبيته الشديدة .




وخيال بن الحب ويهه من هالنوع>>>الوجه الرفيع

فديتني اناا:k_harhar1:

[الاسطوري]

"خيال الحب"

الصدف هاي تصير دايما وبعطيك مثال حلو صار قبل كم شهر كنا رادين من مسقط وتعرف الدرب ملغم
بالرادارات يعني تقريبا كل كيلوين او ثلاث حتى ان السفايف خلصت من الدرب
المهم طبعا مخلي ولد خالتي جدام عشان يجك الرادارات
قبل ماأوصل لها لأن عنده
سنسرات داخليه ومتعـود على هالشي من زمان ومره من المرات سألتـه كم باقي عن الرادار اليـاي
فـ قالي عشر ليتـات ويلسنا نحسـب بالعد التنازلـي 10 9 8 7 لين وصلنا 1
وعلى طول طلع عقبـه الرادار وعلى الخطـوط
المسافه بين الليت والليت
الثاني وايد مب مثل الشوارع الداخليه يعني هو مستحيل يكون شاف شي وكان فالليل فـ سوالنا جو
بالحركه هاي لأن نصهم كانوا شويه وبيرقدون بس طبعا مب دايما بتضبط
وياك هالحركه ! بخصوص الموضوع الثاني
خبرنا شو سمعت عنه ؟
:k_icon9:

[وحي القلم]

الاسطوري

يحركون الاشيا بعيونهم !

مادري.. أول مره فحياتي أسمع عن هالشي :smile2:

يعني هاذيلا موجودين في زمانــّـا ولا ..؟ :fa46:

.
.

خيال الحب

هو أكيد أوقات يستوي جذيه

يعني تألف و عقبها يستوي اللى قلته :laugh:

بس بعد ما تضبط دوم

خصوصا إذا كنت متأكد أنه تأليفك صح :birgits_giggle:

و مشكور عالمعلومات اخويه

..

:k_icon9:

وينوه خنفروش ؟!! :fa56:

[المنصوري]

نورتوا علينـــــا وكله بفضل اختنـــا المتميــزة (( وحــي القــلــم ))

مشكورة على هذا الموضوع الثري ,,

والأسطوري ياب طاري اللي يحركون الأشياء بعيونـــهـــم .. اصدق اللي قالـــه
سبحان الله ,, فيه ناس الله عاطنهم طاقـــة كامنــة في جسمهــم .. يسخنونها في عمل اشياء نحن ما انروم انسويهــــا .. ويمكن قد سمعتوا عن اللي يعالج باللمـــس .. يحط ايديه على الجسم ويحدد مكان الخلل في الجسم .. يمكن يستغرب البعض .. بس هذا الشخص اتكون عنده طاقة كبيرة في جسمه يمررها على جسمك ويوم يحس بانه شي خلل في طاقة مكان معين من جسمك يعرف بان خلايا هالمكان تعبانه ومن خلالها يحدد لك مكان الألم من دون ما اتخبره (( موجود في الشارقة كان تبووونه :icecream: ))

والله على كل شي قدير

شكراً متميزتنا مرة اخرى

والسموحه

..

[بنت الدلع]

^ شفت هالشي في التلفزيون
بس كانت حرمه

شرات الشحنات تكون في جسمها تبعثها لانسان ثاني
بس اكثر عنا
ومثل ماقلت طاقه كامنه
يمررونها على الجسم وسبحان الله يشفى

[وحي القلم]

المنصوري

سبحان الله

سمعت عنهم قبل

بس ما جد شفتهم شقايل يعالجون :fa46:

مشكور عالإضافه

.
.

بنت الدلع

مشكوره :fa35:

[وحي القلم]

ما عندكم شي يديد؟؟ :d014:

.
.

اليوم سمعت وحده ترمس عن هالموضوع

و تقول انه عندها كتاب و هي حافظه الاشيا اللى فيه !

كنت أبى أسألها عنه بس سكت :glare:

.
.

رديت أقرا الموضوع من أول شي لكني يوم وصلت عند ردي هذا حسيت انه ما يخصه فالسالفه

مادري ليش حطيته :fa46:


و انا أدور لقيت موضوع عن الشخصيات من ناحية " النظام التمثيلي "

و اللى تعتمد على تحديد طبيعة الانسان من أسلوبه فالتعامل

و شو الحواس اللى يستعملهن أكثر شي

.
.

و شي 3 أنواع للأنظمة التمثيلية :

1- الإنسان البصري

2- الإنسان السمعي

3 - الإنسان الحسي

و عشان نعرف شخصية اللى نتعامل وياه المفروض نحدد هو ينتمي لأي نوع بالضبط

.
.

و طريقة التحديد سهله :

يوم نسأله أي سؤال لازم نلاحظ نظرته أول ما يسمع السؤال

يعني فالفترة اللى يفكر فيها بشو يرد علينا

إذا كان يطالع فوق فمعناته أنه هذا انسان بصري

و إذا كانت نظرته على ينب فمعناته أنه سمعي

ولا إذا اطالع تحت فمعناته أنه حسي

" و الحسي هو اللى يعتمد على باقي الحواس أكثر عن السمع و البصر"

.
.

و طبعا هم ما فرقوا بين هالثلاث أنواع إلا لانه شي فرق كبير بينهم

و حصلت عن شخصياتهم و أنسب الأساليب في التعامل ويا كل نوع

إذا تبون بكمل الشرح عنهم

بس إن شا الله ما أكون عفست الدنيا

[أنامل قلب]

^^

اختي وحي القلم .. بالاول حمدلله عالسلامه ما شفتج بالواحات اظني من يومين لول ..

بس حبيت أضيف ان مكتبة دبي للتوزيع فرع الكتب طبعا ..
بآخر مره رحتله أحيدني شفت كم من كتاب عن الفراسة ومشتقاته .. !
كنت باخذلي كتاب ولا اثنين عن الموضوع خاصة اني تذكرت طرحج ولأنه يثير الفضول فعلا ..
بس لكوني ما أملك غير ايدين ! + لضيق الوقت ..
مامداني أتفرج عليهم وأنقي الي يدخل مزاجي عراحتي .. :fa46: !

في حال يعني الموضوع جاذب فكرج ..
ممكن تلاقينه هناك ..
او حتى ممكن ان شاء الله في حال رحت له بهالويك اند أشوف الموجود بشكل أكبر وأفيدج تالي والله أعلم .. :fa51:

ملاحظه : ردج المقتبس مفيد و ما به شي ^_^ ..


ودي ..
والمعذره .. !

...

[وحي القلم]

أنامل قلب

الله يسلمج :tongue:

بحاول أسير ان شا الله

مشكـــوره :yes:

[خيال الحب]

مــافي اي شي يديد نستفيد منه..


انزين بخبركم سالفه @___@

على ايام الامتحانات ربيعنا قالناا لاتتغدون انا بييب لكم غدى.. انزين اوكي.. قعدنا نتريااه وعقب الشباب قالوو اف وينه تاخر .. قلت لهم الحين بيفتح الباب اصبرو شوي>>>وجااااااااااااااااان يدخل

وعقب فليل طلبنا من الكافتيريا.. فقلت حق ربيعي قم افتح الباب مال الكافتيريا وصل يقولي ماسمع حد ياي قلت له قوم .. سار فتح الباب ماشاف حد قلت له الحين بيصعد على الدري>>>وجااااان يصعد الهندي خخخ

تم يقولي كيف عرفت ومستغرب.. قالي انته سااااااحررر .. ضحكت عليه وكملت الدراسه

واليوم الثاني الصبح ونحن راجعين من الامتحان يقولي صدق صدق كيف عرفت .. اسميني نقعت عليه من الضحك

وجييييييي

يلا يا وحي شدي حيلج واشتري الكتاب .. شكلي بخطف صوب المركز الثقافي اليوم

[وحي القلم]

خيال الحب

قال لك انته ساحر :birgits_giggle:

.
.

أنا بعدني ما سرت المكتبه :fa52:

يوم بتبتدي الاجازه ان شا الله بسير :laugh: