****فديت المواطنين****

[لبن مثلج]

السلام عليكم ..

ياناس ابا اسالكم ،، وين ممكن احصل المواطنين هالايام ؟؟؟ :1:


احس اني ادورهم يوم اطلع برع البيت ... في المراكز ... في الشوارع .... في كل مكان

صدق احس انهم انقرضوا .. مليت من منظر الاجانب والهنود ... يوم اشوف مواطن او مواطنه ،، احس :11: بالانتماء وجني في الغربه (في السفر) يوم الواحد يدور على عيال بلاده ،، ومن يشوفهم اترد فيه الروح ويستانس....

اصدقون ... اذا المواطن (او المواطنه) لف عليه في الشارع :m_mar7ba: ،، لكن الوافد :fa32: ،،،

فديتهم والله ... بس شوفتهم تكفيني ...

ليش وصلنا لهالمرحلة :fa45:

[مايهزك ريح]

وعليكم السلام والرحمة .. حيالله لبن مثلج .. :a033:
ليكي وحشة يا أختي ( اقري بالمصري ) :12:
حياج مول الإمارات في الويك اند .. كله ربعنا ما شاء الله .. معظم اللي يمشون كنادير بيض .. :m_mar7ba:

شي طبيعي انج اتحسين انه الموطنين منقرضين لأنه نسبة الوافدين ما شاء الله .. نحنا يحليلنا 10 %

فهدي اعصابج .. :icecream:

[مــهــابه]

عـادي !!
تـعودنـا
صــار الأمر طبيـعي

[عديم الشوق]

خخخخخخخخخخخخخ

كل مكان فيه مواطنين ^_^

و اكثر شي في الظيافه

[الجنيه]

وعليكم السلام ورحمة الله وبركاته....

فديتج لا تستوحشين حياج أب تاون مردف عقب المغرب وبتغشى عينج من البياض والسواد خخ *_*

صدقتي فديتج بدينا نتروع عن ينقرض العنصر المواطن في السنوات القادمه...

[زمان أول]

المواطن انقرض باجر بنستوي شرات الدينصورات اخاف الا يحطونا فالمتحف

أسباب كثيره .... على الدوله ان تضع الحل ...

من اهم الاسباب العيشه غاليه والواحد قام يحدد النسل ...

وتسلمين لبن مثلج من عرفناج وانتي مثلجه

ومشكوره ع الموضوع

[إسهر معي ليله]

عقب كم سنه بيدورون بقعه فاظيه.. بيحوطنها بشبج.. و بيسوون محميه يحطونا فيها :k_harhar1:

يوم ايي سايح احنبي يقول ابا اشوف المواطنين بييبونه المحميه يصورنا :1:

::
::

يقول الشاعر ..

تعدادنا وياهم أربع ملايين.. وأهل البلد للحين ما صاروا مليون
ويلاه من باجر إذا وضعنا الحين.. واحنا أقل من الربع حالنا شجون

[مزن هتان]

والله وهاي حلفه
يوم اني انتظر الاشاره اكسر رقبتي
مابي اكثر من سياره وحده فيها مواطن مستحيييل القى

EML
اتخيل بس محميه و سايح :tounge:

[الا انا]

هيه والله ...


بينقرضون....::


"؟؟؟؟؟؟؟؟؟؟؟؟؟؟؟؟؟


يسلمو الشيخه عالطرح

[بنوتة جميرا]

صدقتي والله
المواطنين انقرضوا

اسهر معي ليله
حلك عجييييييييييب..خخخخخ..
محميه وسياح..خخخخخ..

يسلمووو الغلا ع الموضوع

[بن دبي الدولي]

لبن مثلج شكرا على الموضوع

وطبعا هذا شي يرجع للدولة ما نقدر نغير خططهم المستقبلية .... بس مأقول غير الله يعين

بس عندي لج فكرة بخصوص أذا حد لف عليج .... خصوصا قوم بو هناد ... أكيد تعرفين الكنكري ( الحصى الصغار ) ما في شك.

خذي خريطه ( كيس ) من الدكان وأمزريها كنكري ... ودوري جدامة وعلى مهلج حبة حبة .. وأذا مافي فايده خذي غفه ومره وحده .... النتيجة مضمونة 100% أسبوع فب الكراج (يبدل الجامة)

والله الموفق.

[تنينه]

هههههه صدقـج ؛؛ في دبي الشوارع أغلبها أجانب وهنود وغيره من الجنسيات ؛؛ يوم اسير الجامعه هذا حال شوارع دبـي بـس من احدر عـيمان أجوف المواطنين لول :k_winner_third_h4h_ منطقه عن منطقه تفرق ودبي كـونـها مدينة سياحيه وعالميه شرات ما يقولون شي طبيعي بنجوف هالأعداد الهائله من الجنسيات ؛؛ بعكس يوم انسير راس الخيمه ولا العين وبقية المناطق؛؛ يعني الحمد الله شي مواطنيين بعدهم موجودين ويكافحون للتواجد أكثر واثبات وجودهم وهم في بلادهم :1:


تفائلوا بـس :11:

[تحفه]

محد متهني في بلادنا غير هالانجليز ......

من فتره صار موقف .......... كنا نازلين البحر ونتصور .... جان يصورنا واحد انجليزي
يوم سرنا نرمسه نقوله امسح الصور ومايصير قالنا انا سايح توني ياي و خبروني ان اهل البلاد بناتهم يلبسون اسود فيوم شفتكم استانست لاني اول مره اشوف اهل البلاد ( صرنا معالم لول )

ولا يوم يبي يجحلها .......... قال عبينا السودا وي المنظر طالع حلو جدام البحر ;O

[تنينه]

^ ههههههههههههههههههههههههه ههههههههههه اويييييه لوووول

[خيال الروح]

عقب كم سنه بيدورون بقعه فاظيه.. بيحوطنها بشبج.. و بيسوون محميه يحطونا فيها

يوم ايي سايح احنبي يقول ابا اشوف المواطنين بييبونه المحميه يصورنا


صدقك اسهر معي ليله
دووم اقول حق اخوي ..
اخر شي المواطنين بينقرضوون
وبيحطونا في المتحف .. عشان السيااح يوم ايون البلاد
يعرفون انه كان فيه مواطنين في البـلاد http://oasis.bindubai.com/bin/uploaded/1957_01176586519.jpg

:

[بحر الموده]

وعليكم السلام ورحمة الله وبركاته

لبن مثلج شكراً على الموضوع الجميل

والصراحه انا انقهر يوم اكون مرات ناشب فى زحمة شارع الامارات اتلفت يمين يسار كله مهنده مازرين الابلالالالالالاد الله يالدنيا عقب ماكانت الابلاد خاليه ... كل شىء تغير والله يوم تروح صناعية الشارجه حرام انه نمل من كثرهم ههههههههههه شوه نقول لاحول ولا قوه

[لبن مثلج]

سلامي عليكم ...

ماشاءالله ،، والله استانست ،، كفايه هالردود الحلوه ... حسيت اني في فريجنا الجديم ،، بوجودكم :1:

اسهر معي ليلة ،، ردك عجييييييييييييب :m_ma9dom:

احس المواطن استوى عمله نادرة وغاليه،، مثل ماقالت الاخت السياح يدورون معلم من معالم البلاد ،، والله الواحد ممكن يستفيد من وراهم ويسوي بزنس ... كل صوره بعشر .. شورايكم (ضرائب) :icecream:

زمان الهندي او الوافد كان يخاف يصور ،، والحينه يحط الزوم في ويهج :d014: عادي ..

ماكنت اعرف ان ابتاون فيها مواطنين (لاني ماروح) او الامارات مول ،، عيل انا البارحة سايره برجمان ،، والله اني ادور كندوره بيضة او عباه سودة ،، ماااااااااااااااااااااااا ااااااااشي :h_waa: مليت من الفلبينيين واللبنانيين والاجانب والهنود والاشكال الغريبه اللي ماعارف من اي كوكب ينتمون ؟؟؟؟؟ ابا حس اني في UAE...

يعني المسؤؤلين عايبنهم هالحال ... احس المواطن مظلوم ،، منقرض ،،

تدرون احس انه اخر شي بنستوي مثل جزر فيجي ،، (حسب معلوماتي :a032: ) ان الهنود سكنوا الجزيره وعقبها قاموا يطالبون بها من كثرهم .... يعني ممكن في يوم من الايام الوافدين يطالبون بالبلاد ويشوتونا برع :a018:

بس والله فديت المواطنين ... طيبين .. هاديين .. مسالمين ... وفي النهاية مساكين ..


الصراحة المفروض يرشحون حد من الواحات حق المجلس الوطني عشان ينقل همومنا ،، والاشورايكم :k_winner_third_h4h_

[الهيثــم]

عيبتـني التعليــقات لوول

[أنامل قلب]

^

ماقدر ماعلق على خيتو تحفه لول ..
صدق اتخيل يحط صورتج بشي من مواقعهم .. >>
>> موضوع مميز >>>من معالم دولة الامارات >>>>>>>>>>>>>>>>>>>>> (( تحفه )) وخخخ

ذكرتيني بسنغافورة .. كل ما مشينا خطوتين وقفونا خلق الله (( ممكن صوره :Oo: ))
عبالهم اربع توم مع الوالدين الكرام .. لول ..
وهم يعتبرشي طبيعي هناك .. لأن مظهرنا وملامحها وطباعنا تختلف عنهم كزوار لهم ..
لكن انها تصير عدنا اهني .. يعني وحده ببلادها تصير شي شاذ ومعلم كاد أن ينقرض هههه

الله يكون بالعون حبابه .. :a018:

ومن صدقه أخونا خطاب .. التعليقات صدق صدق .. شي :a033:
مره خلونا بمتحف .. ومره طيحونا بمحميه .. >> تخيلو المنظر انتو بس :fa56:
واذا هذا حالنا اليوم .. باجر كيف بنكون .. !!

:

امممم ..
والله مادري بشو أعقب.. بس أشوف ان الانقراض كلمه مب مبالغ فيها فعلا ..
لكن هم نحن ( اللي نعتبر اهل البلاد ) نشكل عامل من عوامل هالمشكله ..
وعامل قوي بعد .. والكلام بهالخصوص كثر ونمل منا من زود ماعدنا فيه ..
لكن .. هل من مجيب .. !!

ربنا يكون بالعون ..
ويجازي عنا طارحه الموضوع خير الجزاء ..

:

لج منا كل ود واحترام عزيزتي ..
..............:: والسموحه منج عالاطاله .. ^_^ ..

[عيون الليل]

وحليـــلهم هل البلاد الصبــح ايكدوون . . أنقهر يوم اسير سنتر الصبــح واشوووف هالاجانب والوافدين ايحوطون وهل البلاد كادين كد على الخطوط وف الدوامات مساكيـن . . ولا اتحصلون الاجنبي راكب احسن السيارات . . تضربني غصـــــه . . .

عندي ربيعاتي كويتيات . . يقولن لي ودنا بس يوم ني عندكم دبي انشــوووف هل دبي ف المولات . . اونه انتوا ويــن ؟ ؟

شو انقــول بس . . خليها على الله . . .
أنتي بــس لو حسيـتي بالغربه دشــي الواحات . . ابناء وبنات الوطن من كـل صوب ^_^

[تحفه]

أنامل قلب : لو اقولج شو بالضبط صار بتنفجرين.... ضغطج بيرتفع

[بنوتة وردية]

هيه صدقج الحين يوم نظهر نادرا ما نشوف مواطنين

كل نشوف هنود وأجانب مليت من ويوهم

عاد الهنود ما نروم عليهم كل مكان انحصلهم اشكثرهم

[أنامل قلب]

خيتو تحفه ..
صدق الله يكون بالعون .. !!

[العجيبة]

الصراحة المفروض يرشحون حد من الواحات حق المجلس الوطني عشان ينقل همومنا ،، والاشورايكم :k_winner_third_h4h_


ما عنــدي مـانــع آخذ هالمهـمــة .. بس احجزولي كرسي ذهبي في المجلس > متطوعة تتشرط لوول

[لبن مثلج]

صدقه اللي قال ،،، سيري مول الامارات وبتحصلينهم مواطنين .. والله حسيت بوناسه ،، بس بعد اعدادهم قليله ...

العجيبه:: انتي من الحينه تبين كرسي مذهب :10: بتنسينا عقب

[طفلة من هذا الزمان]

تعـــالي جامعتنا .. سيري قريـة المعرفة بتشوفين شبابنــا هناك .. تدرين ليش؟
لأنا صرنا في سباق مع الزمن و مع التغيير الحاصل كل يوم في دولتنــا ،، و شبابنا معروفين انهم بالقمـة دووم .. ما عاد في وقت لأي صغائر من الأمــور .. صاروا يدورون الفرص اللي تخليهم بالمقدمــة .. من دراسـة و فرص عمــل و تجــارة ..

وحليلهم والله المواطنين ،،
استوينا ندفــع ثمن وطنيتنــا .. و صارت حقوقنــا اذا ما تمسكنـا فيها و طالبنا فيهــا وحشرنا البقعـة عمرنا ما ناخذهــا كأنا نقدم خدمات مجانيـة من وقتنا و صحتنــا و جهدنــا .. صــار المواطن معرووف بأنه مشتكي داااائم في اذاعات البث المباشر وغيره و صارت مشاكلـه و مواضيعه غبيـة و مالها علاقـة في الواقــع .. بس الأجنبي له الهـلا و المرحبــا الحينه .. له العقــود المغرية و الحوافز والامتيازات و الله يخليك تعال اشتغل عندنا ،،

لبن مثلج .. ليش انزين هالمواجع ،،

تحياتي لج ،،

[لبن مثلج]

استوينا ندفــع ثمن وطنيتنــا


جميييييييييييييله هالجمله ،، استوقفتني ؟؟؟

فعلا اختي طفله ،، المواطن يدفع ضريبة الجواز اللي يمتلكه واللي مكتوب عليه UAE وفعلا قمنا نتمسك بحقوقنا الضايعه :1:

تدرين اليوم والله كنت اكلم الاخت ميساء راشد غدير عن هالسالفه من حرتي ... قلتلها من كم يوم رديت البلاد وجاستني غصة في المطار ،، حسيت اني يايه ترانزيت ،، مافي شي يدل على اني في بلادي ،، ابا اشوف مواطنين ... ماااااشي ،، الغصة العودة انه ماشي بورد مكتوب عليه مواطني دوله الامارات ،، بس مواطني دول الخليج ،، ماعدنا مانع بس يكتبون مواطني دولة الامارات ودول الخليج ،، نبا انحس انه المكان مكانا وان المواطنين لهم اولويه وخصوصيه ،، مافي شي يميزنا عن غيرنا كمواطنين ... وقفي في الصف لي ايي دورج :k_puppyeyes:

ويوم تظهرين من المطار .. اتصدين على يمينج اتحسين انج في اسيا :mf_turban: ويوم اتصدين على يسارج اتحسين انج في افريقيا :icon_rr:

غربه مابعدها غربه .. والله شعور صعب ... وكل مانزلوا قرار كتبوا (للمواطنين والمقيمين) ؟؟؟

وين ممكن اتحصلين هالدلال والدلع للوافدين في العالم ؟؟ :fa32:

ايدت كلامي المسكينه وماقصرت وقالت انها بتكتب في هالموضوع اللي يعاني منه كل مواطن،، وعلى الله يرد المواطن شرات قبل له هيبه واحترام وخصوصيه اتميزه عن الباقين :m_mar7ba:

[بنت الدلع]

نفس الشعور يا لبن مثلج
فخاطري اشوف وحده لابسه عباه طايفه عالشارع
ولا اشوف كندوره بيضاء
كلهم هنوود وزلمااات
صرنا شرات الغرب في بلادنا
حسبي الله عليهم
نهبو حقوقنا


تحفه..
هههههه ضحكتيني والله
شي اسود اونه

[عمة العيم]

نفس الاحساس والله

(^_^)
...

[الدلووووعة]

تعالي بوظبي
بتحصلين المواطنين ^______^


احس دبي هي اكثر مكان مافيه وايد مواطنين

يعني اقصد الاجانب طاغين عالمواطنين ^^

[مزايا]

إختي لبن مثلج لو بغيتي تشوفين مواطنين
أظهري برع دبي مري على كل الامارات ماعدا دبي وبتحسين إنه الامارات مترووسه مواطنين :m_9afgah:

[دمعة شوق]

تـعـالي عنـدنـا في العـين
بتـعـافيـهـنـهم؛ نحـن هنـيه يـوم نشـوف أجـانـب عندنا نستغـرب
ونقـطـعـهـم من اللمطـالع لول
؛؛
إما يوم اطـيح دبـي حشـى والله جنه عييييييد يوم اشوف رقعه بيضـا
قسم بالله مره كنا رايحين عند الشيبه ومادري وين وشفت مواطن يمشي
جاان استانس واشق الحلج وقلت واخيرا ً حي شوفة الختم
:icecream:
مايـنقـمنـيـه الشيبه وشويه بينزلـني بس لقيت هزبه محترمه
:a068:
؛
لا المواطنين منقرضـين في دبـي
اللهم شرات ماقال اسهر معي ليله في الويك اند في مول الامارات
؛



الله يعـيـن

[ألـم]

أصلا ً أنقرضوا المواطــنــين و نحن البـاقـيـا ..
رأس الخيمه الوحيده اللي أتلاقـي فيها حيـاة المواطـنيــن ..
لأنه أصلا ما فيها شيء عسب جي نسـبة الوافدين فيـها شوي ..
لــول ..

[اخت اختي]

هاهاهاهاهاهاهاهاهاهاها.... صدقت يا اخويه ما يهزك ريح... مول الإمارات 100% توطين الزوار..
هاهاهاها...

اخويه اسهر معي ليله... صدقت.. أتخيل محمية ونحن فيها.. هاهاهاها.. والله نكته!!