المساعد الشخصي الرقمي

مشاهدة النسخة كاملة : لو تقدم لج وافد/خليجي شو بيكون رايج؟؟


بنوتة جميرا
26-05-07 ||, 04:36 PM
السلام عليكم ورحمه الله وبركاته
:m_mar7ba:
اشحااالكم؟؟عساكم بخير
اليوم حابه اتناقش وياكم في موضوع
اللي هو واضح من العنوان


سؤال للبنيات
لو تقدم لج شاب وافد او خليجي هل بترضين فيه كزوج؟؟ :love2:
إذا هي ليش؟؟
وإذا لا بعد ليش؟؟


لو وافقتي:
شو هي الاثار الايجابيه والسلبيه لهذا الزواج؟؟
واثار هذا الزواج على الابناء؟؟


ولو الدوله عدلت القانون وجنست ابناء المواطنات.هل بتوافقين على اي شاب وافد او خليجي يتقدملج بدون تفكير؟؟


وللشباب
لو تفدم لاختك او بنتك شاب وافد او خليجي هل بتزوجه؟؟
إذا هي ليش؟؟
وإذا لا بعد ليش؟؟


هل بتاخذ بقول الرسول صلى الله عليه وسلم"إذا جاءكم من ترضون دينه وخلقه فزوجوه"؟؟
والا بتشوف للعادات والتقاليد ، اللغه ، واشيا كثيره غيرهم؟؟


واللي عنده قصص واقعيه وامثله على عائلات نجحت او تضررت بمثل هذي الزيجات يفيدنا بها



اتمنى اشوف مشاركاتكم وردودكم
ونتناقش بأسلوب راقي عسب الكل يستفيد


اختكم.. بنوتة جميرا ..
عديم الشوق
26-05-07 ||, 05:43 PM
خخخخخخخ

خلينه انفكر و بنرد عليج

اشكرج ع ها الموضوع العجييب ^__^
بنوتة جميرا
26-05-07 ||, 05:58 PM
عديم الشوق
فكر براحتك ورد علينا
وشاركنا رايك

العفو اخوي
اشكرك ع المرور
دموع قلم
26-05-07 ||, 06:32 PM
وعليـكم السـلام ورحمـة الله وبركـاته


بصـراحـة اختيـارك لهـذا الموضـوع جـدا مناسـب ..
لان هـذه القضيـة مهمـة في وقتنـا االحـالي ..
.
.


اممممم كل واحـد له رأيـه الخـاص .. وبـرأيـي ..
أوافـق على ذلك الشـاب الـوافـــد .. أو الخلـيجـي .. أو أيـا كــان جنسيـتـه.. ولكــن بـشـروط ..
ذو ديـــــــن .. أخـلاق عاليـة .. لـديــه شهـادة وعمـل .. حتـى بهــم أضمــن مسـتقبـل أبنـائـي ..
ومن الثـانويات .. أن يتصـف بالصفات التـي أتمناها في شـريك حيـاتي .. والمحبـــــــة :fa41:..!


الإيجـابيـات والسلبيـات ..
أرى أن الإيجـابيـة تكمـن في السعـادة التـي سـأجنيهـا من العيـش مع ذلك الإنسـان الـذي يتصـف
بكـل مـا أردتـه وأتمنـاه .. لأن ليـس دائمـا كـل غنـي .. أو حتـى كل مواطـن إمـاراتـي يستـطيع أن
يسعـدني .. معنـويـا ونفسيـا .. كسعـادتي مع ذلك الشـاب ..!

ولا أنكـر أن هنـاك سلبيـة .. لأن هنـاك الكثيـر من الامتيـازات التـي يحصـل عليهـا المواطنيــن ..
وينحرم منها الوافدين .. وبالطبع هـذا الأمر اعتيادي .. لأن هـذي دولتهم .. وأيضا مـن السلبية ..
أن الأبنـاء سـيتبعـون جنسيـة أبيـهم .. فـتضيـع فرص كثيـرة بحـياتهم .. ولكـن ذلك لا يمنعنـي أبدا
من الموافقـة .. فـ بالسعـادة .. والتـآلف بيـن الوالـدين والأبنـاء .. نجنـي حيـاة سعيـدة نـاجحــة ..!
.
.


اعـذرينـي عـزيـزتي بنـوتة جمـيرا على الإطالـة ..
فـ موضـوعك جـدا أعجبنـي وأحـببت أن أبـدي رأيي فيـه بكـل جوانـبه وزايـاه ..
وووأشكـرك كثيـرا على المشـاركـة المهمـة والرائعـة ..

^_^
تحفه
26-05-07 ||, 07:09 PM
ليش لأ اذا كان احسن من الموجود :a032:

بس مابي سعودي :ghostface: ..

يستحسن يكون كويتي .. يعيبني كلامهم :icecream:
خيال الروح
26-05-07 ||, 07:27 PM
حــلاته الثـوب رقعته منه وفيــه ,,

:
الـيـاه
26-05-07 ||, 10:37 PM
سلااااام !

واااي الموضوع كله اسئله خخ

المهم
بجاوب سكتوو


لو تقدم لج شاب وافد او خليجي هل بترضين فيه كزوج ؟؟
وافـد .. لا
خليجي .. ممكن بس شرط :k_harhar1: يكون قطري ومن سلالة آل ثاني

إذا هي ليش؟؟
شدراني انتو سألتوني

وإذا لا بعد ليش؟؟
ما قلت لا < :doh: غصب ابا اجاوب ع كل شي ههه
بس لا بخصوص الوافد
لانه بيريروني من شعري عقب بيوزوني اياه .. ومافيني أسمي عيالي سامي و نسرين :fa56:

لو وافقتي:
شو هي الاثار الايجابيه والسلبيه لهذا الزواج؟؟
خيبه آثااار سلبيه مره وحده :boxed:
الشي الوحيد أنه يعني ما بعيش في نفس لبلاد
ماشي آثار سلبيه تراه ريال مثل ما عيال بلادنا رياييل و10% نص نص هههه شو ليش اطالعوني اقول الصدق انا

واثار هذا الزواج على الاباء؟؟
أي آباء ؟ شـ السااالفه
اوه قصدج الأبناء .. ماشي آثار .. مسكين الخليجي تحسسوني انه حيوان مب آدمي


ولو الدوله عدلت القانون وجنست ابناء المواطنات.هل بتوافقين على اي شاب وافد او خليجي يتقدملج بدون تفكير؟؟
لا طبعا ً
لانه حتى لو كان ولد لبلاد ما بوافق عليه بدون تفكير
لازم نفصفصه
بس صدق يبالهم يعدلون هالقانون :d014: وألا التايلنديه اللي تاخذ ولد لبلاد عادي يعني
والبنت يوم تاخذ خليجي مب عادي


وبس خلاص
تشكراااااات

.
.
.
أنامل قلب
26-05-07 ||, 10:58 PM
تسجيل اعجاب بالموضوع ..
وكالعاده .. لي عوده .. ^_^ ..

:

وربي لكم حافظ .. !
هزاايم
26-05-07 ||, 11:09 PM
................
تحفه
27-05-07 ||, 12:35 AM
أووكيه اذا الياه حددت اسم عايله انا حب احدد بعد XD

ابي ولد الخرافي راعي ماك و هارديز وبيتزا ان وووووووو ..... إلخ


XPXPXPXPXPXPXPXP
بنوتة جميرا
27-05-07 ||, 08:11 AM
مشكورين ع المشاركه
ولي عوده للرد عليكم
بنوتة جميرا
27-05-07 ||, 03:53 PM
دموع قلم
انا شراتج شفت ان القضيه مهمه
عسب جي حبيت اطرحها
ونعرف اراء الجميع ونستفيد من بعض
اسعدتني جدا مشاركتج عزيزتي
بنوتة جميرا
27-05-07 ||, 03:54 PM
تحفه
عادي تاخذين كويتي بس لانه رمستهم تعيبج؟؟!!

اشوف ان الزوج بالنسبه لج بالاسم والعايله ومن اي سلاله؟؟!!
شي غريب بالنسبه لي الصراحه

شكرا عزيزتي ع المشاركه
بنوتة جميرا
27-05-07 ||, 03:56 PM
خيال الروح
حطي نفسج في هالموقف
اتقدم لج وافد او خليجي يتصف بكل الصفات الزينه
هل بترفضيته لانج حاطه في بالج حلاته الثوب رقعته منه وفيه؟؟!!

مشكوره الغلا ع المشاركه
بنوتة جميرا
27-05-07 ||, 04:14 PM
الياه
مشكوره ع مشاركتج الغلا

"ماشي آثار .. مسكين الخليجي تحسسوني انه حيوان مب آدمي"
ما في حد منا قال هالشي
مجرد سؤال ونبا انعرف كل الاراء لا غير
والنعم في الخليجيين الصراحه

وانا وياج في النقطه الاخيره
"التايلنديه اللي تاخذ ولد لبلاد عادي يعني
والبنت يوم تاخذ خليجي مب عادي"
يبالهم يعدلون القانون

شكرا مره ثانيه ع المشاركه
بنوتة جميرا
27-05-07 ||, 04:15 PM
أنامل قلب
حياج الغاليه باي وقت
وربي يحفظج
بنوتة جميرا
27-05-07 ||, 04:17 PM
هزايم
ماشوف ان الموضوع فيه شي
بالعكس حلوو ان كل منا يبدي رايه
ونستفيد من بعض
ونعرف اراء بعض

مشكوره ع المشاركه
الا انا
27-05-07 ||, 04:34 PM
مشكوره الغاليه عالطرح ..



امممممممممم,,,


خليجي ...."" هيه عادي

وافد ...."""" مستحييييييييييييييييييييي ييييييييييييل ((( اعنس احسن ))))))) ليش عاد ؟؟؟ اممم لأنه ... يعني غير ... يعني .... مادري كيف اعبر بس احس لا لا مستحيل ,,



مشكوووووووووووره خيتو مره ثانيه ,,, والسموحه لأني ماعرفت اعبر صح
بنوتة جميرا
27-05-07 ||, 04:40 PM
الدافيه
مرورج ومشاركتج اسعدتني وايد
وبالعكس فهمت عليج

العفو خيتو
تحفه
27-05-07 ||, 09:15 PM
تحفه
عادي تاخذين كويتي بس لانه رمستهم تعيبج؟؟!!

اشوف ان الزوج بالنسبه لج بالاسم والعايله ومن اي سلاله؟؟!!
شي غريب بالنسبه لي الصراحه

شكرا عزيزتي ع المشاركه

Daah! .... كنت اسووولف :glare:

المهم انا مايهمني من اي مكان ع الارض اهم شي يكون ريال زين :a058:
خيال الروح
27-05-07 ||, 09:26 PM
هل بترفضيته لانج حاطه في بالج حلاته الثوب رقعته منه وفيه؟؟

يس ,,,

:
بنوتة جميرا
27-05-07 ||, 09:48 PM
تحفه
اكيد اهم شي انه يكون ريال زين

تحفه + خيال الروح
شكرا ع مروركم مره ثانيه
ايه احبك
27-05-07 ||, 10:21 PM
مرات أقول يعتمد ومرات أقول لاء مستحيل
لنه لوفكرتي فيها غربة دار والأنسان ماله في هالدنيا غير هاله
وانا انسانه ماظن اني بعيش حياة زوجية مستقرة للأبد لازم بواجه صعوبات لني ما بكون فاهمة زوجي 1000% قبل لا أخذه ..فذيج الحزة منو بيسمعني او يواسيني حتى الصديقة الي برابعها برع ابلادي ما بتكون شرات أهلي

ما أحس اني بجزاف في هالموضوع حتى لو زين او نسبه ما فوقه فوق

قربي لأهلي هو الي بينفعني....
بنوتة جميرا
28-05-07 ||, 09:57 AM
ايه احبك
كلامج فيه من الصحه
بعد الاهل صعب واااايد
اشكرج ع مشاركتج غاليتي
ملانـة
28-05-07 ||, 03:16 PM
السلام عليكم و رحمة الله و بركاته

ممكن أشارك؟؟ ----> مال أول!!! :a032:

لو تقدم لج شاب وافد او خليجي هل بترضين فيه كزوج؟؟

أنا ريلي بحريني -الله يخليه لي و لبنتي ان شاالله- و الحمدالله وافقت عليه لأنه من نسايبنا و نعرفهم من زمان.. و اللي أكد لي صحة قراري صلاة الاستخارة ^_^ و ما شالله في عايلتنا عندنا نسايب في البحرين و السعودية و الكويت و قطر و سوريا بعد!!! انترناشيونال لول

بصفة عامة.. اللي اشوفه انه اغلب الخليجيين مترابطين عن طريج النسب.. يعني نادر ما تلقين عايلة في الامارات ما مناسبين حد في البحرين و الا قطر والا السعودية و الا باقي الخليج... و تقدرين اتقولين انه تشابه العادات و التقاليد هي اللي تسهل هالصلات و ما اشوف اي مشكلة انه المواطنة تتزوج خليجي.. و اهم شي انها تستخير اذا حست انها مرتاحة للريال و أهله...

بس..

الوافد.. او بالأصح.. العرب من دول غير الخليج اشوفها صعبة وايد... عاداتهم غير عن عاداتنا.. ثقافتهم و حتى لهجتهم غير عنا.. فمستحيل أوافق و لا حتى أهلي بيرضون ايوزون بناتهم لجنسية غير خليجية...

شو هي الاثار الايجابيه والسلبيه لهذا الزواج؟؟

الزواج من خليجي ما اشوفله اي آثار سلبية.. الا شي واحد.. انه الابناء بيتبعون جنسية الأب حتى لو كان عايش من طفولته في البلاد و درس و يشتغل في البلاد.. و بصراحة..الكل يقول انه الخليجيين امتيازاتهم اتي بعد المواطنين و قبل العرب و الأجانب.. بس كله كلام ع الورق.. و هالنقطة لو تحققت في كل دول الخليج صدقوني ما بيكون في فرق من بينا و بتصير دولنا مترابطة اكثر.. صح والا؟:a054:

سوري اذا تفلسفت وايد و يعطيج الف الف عافية الغالية

اختج

مــلانــة
:redface2:
بنوتة جميرا
28-05-07 ||, 07:11 PM
ملانه
معاج ان اغلب الخليجيين مترابطين مع بعض
مثال عن طريق النسب
ونحن في عايلتنا ما كان موجود هالشي
بس هالسنه خالتي خذت كويتي
وهو من صغره في الامارات ويشتغل هني
فهي عايشه ويانا في الامارات يعني ماشي غربه
فالحين اشوف انه شي عادي

مشكوره الغلا ع المشاركه
أنامل قلب
31-05-07 ||, 06:58 PM
اممم ..
بالاول السلام عليكم والرحمه .. ^_^ ..

ثانيا ..
جل المعذرة على تأخري بالرد .. لكن لضغط الامتحانات .. وتونا خلصنا اليوم لول وناسه >> انزين شو تبين بالضبط .. :a018:

احم .. المهم ..
ثالثا انيي عالموضوع ..

(( لو تقدم لج شاب وافد او خليجي هل بترضين فيه كزوج؟؟ ))
بالنسبة لي ولو ان الاغلبية يعارض هالراي ..
أشوف ان ماشي أي سبب يخليني ارفض الوافد او الخليجي .. أو أيا كانت جنسيته دامه انسان عارف ربه
ويتصف بالاخلاق الطيبه اللي تمنيتها بشريك الحياة ..
وبالكفه الثانية .. احس اهني بكون ظالمه لنفسي وبنفس الوقت للطرف الثاني قبل لو الرفض كان لمجرد كونه بجنسيه معينه .. !!
وبعدين كلمه وجهها الرسول عليه الصلاة والسلام لأبناء أمته .. (( إن جاءكم من ترضون دينه وخلقه فزوجوه ))
مابقول اني بواقف عليه سيده .. أكيد بفكر بالايجابيات والسلبيات كلها ..
وبالاول والاخير الموضوع يرجع لمدى راحتي للشخص بعد الاستخاره .. واقتناعي فيه كشخص ..
سواء كان مواطن ولا غير مواطن .. !!


(( إذا هي ليش؟؟ ))
امممم .. عشان ماطول .. سبق وذكرت الاسباب بالسؤال السابق ..
ولكوني مب من النوع اللي يهتم بالمظاهر بأي شكل من الاشكال ..


(( وإذا لا بعد ليش؟؟ ))
السبب الوحيد اللي ممكن يخليني أرفض اسباب خلقية ودينية لا غير ..
أو إني ماكنت مرتاحه لسبب لا يعلم به سوى الخالق .. >> يعني سواء مواطن ولا عكسه ..
ومحد بياخذ غير نصيبه .. والمكتوب .. !!


(( لو وافقتي:
شو هي الاثار الايجابيه والسلبيه لهذا الزواج؟؟
واثار هذا الزواج على الابناء؟؟ ))
اممم .. الآثار الايجابية هي انج أخذتي واحد ارتحتي له .. ورضيتي فيه لطيب دينه وخلقه ..
وبالتالي أي مشكله بتواجهج وياه بتكون خفيفة عليكم .. وراضيين ابها ..
دام النيه سليمه والتوكل عرب العالمين موجود .. والود والتفاهم والاحترام المتبادل موجودين ..
فماعتبر ان ممكن بيكون هناك أي مشاكل ممكن يخليهم يتلومون .. >>
>> (( احسن من انها تاخذ مواطن مب مقتنعه فيه كشخص وتتلوم عليه لكثرة المشاكل الناتجه عن افتقارهم للمحبه والتفاهم .. والاحترام .. !! ))
وعن الامور السلبية اللي ممكن تواجههم .. فهي اشيا مظهرية ..
مثل كلام الناس وانتقادهم ( اذا كان يحمل جنسية معينه ) .. اممم .. وممكن
أشيا ينحرم منها ابناءهم مستقبلا ..اللي برايي انهم ما بيعدونها مشاكل ولا حتى الابناء بيحسون بشي من النقص ..
لو انهم تربوا على طيب الخلق والتفاهم السامي ..


(( ولو الدوله عدلت القانون وجنست ابناء المواطنات.هل بتوافقين على اي شاب وافد او خليجي يتقدملج بدون تفكير؟؟ ))
جوابي عـ هالسؤال موجود بإجاباتي السابقه .. ^_^ ..

:

اممم وأخيرا عندي أمثلة .. عالوافد والخليجي ..
مثلا أعرف وحده بدوية ماخذه واحد سوري .. وعيالهم كبار وعايشين بطيب .. وناسة وسلام ..
ووحده من بناتها ربيعة اختي .. يعني حياتهم فل الفل ما شاء الله ..
وعن الخليجي .. وايد تصير عدنا ان اهلنا بالكويت بناسبون من الامارات والعكس ..
وينتقل احد الطرفين للسكن بدولة الطرف الآخر .. >> وهاي ممكن يعدها البعض من اسباب الرفض ..
وانا من بينهم فقط لو حسيت اني صدق مابقدراتحمل هالمسؤولية .. وبالتالي برفض حتى ماكون ظالمه للطرف الثاني مستقبلا ..

وبالنهاية موضوع صلاح العلاقه او تدهورها يرجع عشخصية كلا الطرفين .. !!

:

وجل الشكر لج عزيزتي بنوتة جميرا على اهتمامج وتميزج بطرح المواضيع ..
وكل الود والاحترام لج من صميم الخاطر ..

والسموحه عالاطالة .. ^_^ ..
مزايا
31-05-07 ||, 07:26 PM
محد بيعزني وبيرزني شرات ولد البلاد
بنوتة جميرا
31-05-07 ||, 07:28 PM
أنامل قلب
اول شي مبروووك
وعقبال النتايج ان شاء الله

كلامج جدا رااائع
ورايج احترمه
وفي نقاط متشابهه ومتشتركه بينا
مشكوره الغاليه ع المشاركه الطيبه
بنوتة جميرا
31-05-07 ||, 07:29 PM
مزايا
؟؟!!:k_icon9:
مب كلهم

والدليل قضايا الطلاق المكوده في المحاكم بين المواطنين
يعني مب كل زواج بين مواطنين يكون ناجح ولا كل زواج بين مواطنه ووافد او خليجي ناجح

لج رايج الغلا واكيد نحترمه

مشكوره ع المشاركه
مزايا
01-06-07 ||, 11:53 AM
مزايا
؟؟!!:k_icon9:
مب كلهم
والدليل قضايا الطلاق المكوده في المحاكم بين المواطنين

أدري مب كلهم بس الوحده قبل ماتكون مرت المواطن بتكون بنت بلااده
وقضــايا الطــلاق فكـل مكــان
بس طلاااقج من مواطن أهون من طلاقج من خليجي أو وافد ، طبعـا راي هذا
والوحده قبل ماتوافق على خليجي لازم يكوون عندها خبر باللي بيكون بعد الزواج
يعني لاتتحرا إنه حيــاتها بتكون نفس حياتها إذا خذت موااطن ،
أول شي بتتغرب عن اهلها و بلادها لانه الحرمه بطبيعة الحال تتبع ريلها إلا اذا قصت عليه واقنعته بأنها إتم فـ بلادها :icecream:
ولازم تحط فـ بالها إنه :ghostface: عيـــــــالها وافديييييييييييين فبلادها :ghostface: وهنيه القهر ،

ومره سمعت فإستديو 1 مال جابر عبيد وحده متصله وتشكي حالها وتقول إنه حقوقها بــح من عقب ماخذت الخليجي ، وبعد مابندت عنه
جان يقــول كل واحد يتحمل نتيجه فعــله ، قال إنه الاثار اللي تترتب على المتزوجين من خليجيين او وافدين واضحه فلاحد يتشكى وهو يعرف هالشي مسبقا ً
بنوتة جميرا
01-06-07 ||, 03:51 PM
مزايا
اشكرج مره ثانيه
ومثل ما قلت لج رايج ونحترمه

القهر انه المواطن يوم ياخذ وافده عيال الوافده مواطنين
وبنت البلاد؟؟!!!
هذا القهر بالنسبه لنا
الثعلب الرمادي
15-06-07 ||, 10:19 PM
الوافد ما يرحم و بيشغل البنت بشكارة عنده و غير هذا بيخلي عندها حالة حمل متكرر يعني كل سنة ياهل لين تتقطع صح و غيرها من المشاكل يعني نهاية البنت مأساوية و محد يقدر يدخل ساعتها و اللي يفكر بعقل ما بيفر بنته او اخته بيد الزلمة!!!

و حياكم
بنوتة جميرا
15-06-07 ||, 10:28 PM
الثعلب الرمادي
نحن نتكلم عن الخليجي والوافد بشكل عام

منو خبرك ان البنت تشتغل بشكاره عند ريلها لو كان وافد؟؟!!
كلام اول مره اسمع به
يمكن في منهم جي بس قليل جدا
وهذا يعتمد ع شخصيه البنت
لو ما كانت لها شخصيه وكلمه اتوديها وكلمه اتيبها هذا شي ثاني

ضحكتني حمل متكرر
خخخخخخ
عيل امهاتنا ويداتنا قبل
اقل شي ايبونه 15 ويمكن اكثر بعد
يعني ما يخصه بالوافد

شكرا اخوي ع المشاركه
الثعلب الرمادي
15-06-07 ||, 10:47 PM
لو في بنت عندها مثل شخصية هتلر و راسها يابس و عنيدة و تسوي اللي تريده و محد يوقف بويها الزلمة يقدر يخليها العكس بالضبط و من اول يوم و بعدين الزلمة يتعب فحياته و يريد يرتاح و عشان جي يشغلها بشكارة عنده و في نفس الوقت يريد عياله ينتشرون في الارض حتى تتحرر بلاده و الحمل المتكرر هو الحل هذي وجهة نظري طبعا و اللي يقول عني عنصري بقوله هيه نعم عنصري من هالناحية.
بنوتة جميرا
15-06-07 ||, 10:51 PM
الثعلب الرمادي
ليش ميود ع الوافد
لو كان خليجي
بيتغير رايك؟؟!!

وبعدين اصابع ايدك هب سوا

لك رايك ونحترمه حتى لو كنت عنصري
الثعلب الرمادي
15-06-07 ||, 11:01 PM
قلتي اييبون ١٥ و يمكن اكثر؟

نحن عايلتنا العكس يعني من واحد لين أربعة و في حالات قليلة تخطت هالرقم بس ما توصل لين ١٥!!!

و بعدين الحريم في الوقت الحالي غير عن الحريم في الماضي و الواحد قبل ما يعطي بنته للوافد لازم يحط فباله ان الوافد عنده خطة يشغل الحرمة دياية تبيض له كل سنة ياهل و اذا تفكرين ان هالشي عادي فهذا رايج اختي.

اما عن الخليجي فتحفظي محدود من هالناحية يعني لو ما يقرب لنا مثلا من اي ناحية فمستواه مثل مستوى الوافد بالضبط.

و شكرا عالموضوع الرائع أختي
بنوتة جميرا
16-06-07 ||, 11:39 AM
الثعلب الرمادي
شكلك اتعرف وافد خذ مواطنه وشغلها مكينه تحمل كل سنه
وعطاك فكره سيئه عن الكل

انا معاك لو وافد لو انا وافقت عليه هلي مستحيييييل يوافقون
يعني في الحلم
بس لو خليجي كلام ثاني

شكرا لك اخوي مره ثانيه
الثعلب الرمادي
16-06-07 ||, 03:11 PM
الثعلب الرمادي
شكلك اتعرف وافد خذ مواطنه وشغلها مكينه تحمل كل سنه
وعطاك فكره سيئه عن الكل


هنيه بس ضحكت يوم قريت هالكلام :laugh: ... مثل هالنوعية من الناس ما تشرف إني أعرفها و اعتقد ان كلامي مبني على أشياء منطقية قبل كل شي من خلال معرفتي للجنسيات الثانية و سلوكها من هالناحية ...

العفو أختي و بالعكس أنا سعدت جدا بمشاركتي بالموضوع
مزايا
16-06-07 ||, 04:46 PM
أحيد الوافدين يحاسبوون وايد من ناحيــة اليهــال
لانه بشكل العام الحاله الماديه للوافدين مب لين هنــاك
ف كثرة اليهـال يعني كثره المصــاريف يعني دخلهم مابيكفيهــم
الثعلب الرمادي
16-06-07 ||, 05:05 PM
في منهم ما يرتاحون الا يوم يكون عندهم فريقين كرة قدم او ثلاثة و اذكر مرة كنت فكورس و تمت المدرسة تسال كم عدد اخوان كل واحد من الطلاب المهم وصلت عند الزلمة و سالته كم عدد اخوانك فقال لها ١٢ مادري ١١ فردت عليه حشا هاي مب عايلة هاي فريق قدم متى بتلعبون في الدوري؟
مزايا
16-06-07 ||, 05:14 PM
^
^
^
غريبــه
يمكن الزلمه يفكر بإنه لو ياب عيال وااايد من موااطنــة بيمسكها من الايد اللي تعورها
وبـ جيه بيتم ضــامن إنه مابتطلب الطلاق فيوم من الايــام
الثعلب الرمادي
16-06-07 ||, 06:23 PM
يمكن و يمكن لا لكن مسألة فريق كرة قدم أو فريقين فهذا تقليد عريق عندهم من سنوات يعني اللي ما اييب من حرمة وحدة اقل شي فريق كامل مع الاحتياط فهذا ما يعتبرونه ريال ابدا يعني (مب قبضاي)

يمكن اكون خيالي شوي بس هذا واقع في مجتمعاتهم و حتى اللي يقيمون منهم في الامارات.
الـيـاه
16-06-07 ||, 08:07 PM
^
اعرف مليون عايلة وافده هني ودارسه ويا مليون وافد من صغري .. ما جد جفت حد منهم تنطبق عليه هالصفات !

انت تتكلم عن شريحه من الناس ومب الوافدين فقط
الناس = كل العرب وتشملنا نحن
وعنا وايد من هالفئه في لبلاد ( إماراتيين ) يعني السالفه مب سالفة أصل
الثعلب الرمادي
16-06-07 ||, 08:30 PM
زين الوافدين حصلوا لهم وحدة ادافع عنهم:laugh:

:cool:
الـيـاه
16-06-07 ||, 08:32 PM
^

هيه والله وايـد زين
الثعلب الرمادي
16-06-07 ||, 08:42 PM
عجيب ^_^
بنوتة جميرا
16-06-07 ||, 09:53 PM
الثعلب الرمادي
صدق طلعت وايد عنصري
يعني المواطنه لو خذت وافد اتقوم الدنيا ع راسها
بس المواطن يوم ياخذ وافده عادي
وع قلوب بعض الناس مثل العسل

مزايا + الياه
شكرا ع مشاركتكم مره ثانيه
الثعلب الرمادي
16-06-07 ||, 11:01 PM
مهما كان الريال حر باختياره سواء كانت اللي بياخذها اجنبية او مواطنة بس البنت لا و اعتقد البنت مب حره باختيارها تطلع و تاخذ لها زلمة منيه و الطريج بدون موافقة اهلها و ما اعتقد في عايلة محترمة ترضى بهذا الشي طبعا هذي نهاية القصة ^_^

الحين ليش الثعلب الرمادي ذكر الزلمات بالتحديد؟ هل لان الثعلب الرمادي متعصب ضد الزلمات؟

على العكس لكن نسبة كبيرة جدا جدا من المواطنات اللي يتزوجون وافدين تكون جنسيتهم اما اردني او سوري او فلسطيني و بقية النسبة مقسمة جنسيات أخري.

اللي بتاخذ لها زلمة شو بتكون بالضبط؟

عائلتها مفككة او وحدة منحرفة لان عائلتها مفككة هذا رقم واحد و في حالة ثانية تكون ام البنت وافدة او بقول احسن شي زلمة المهم يكون الاب متوفي و يكون الزلمة اللي بياخذ البنت مسيطر على العائلة بالكامل كيف؟ مادري و طبعا في مليون سيناريو و سيناريو.

إذا في شي اسمه الحلم الامريكي فهذا بسميه الحلم الاماراتي

فرقة ABBA غنت اغنيتها الشهيرة The Winner Takes It All و انا ما اقول غير الزلمة takes it all

مثل هالموضوع تمت مناقشته في عدة منتديات و اخذ الموضوع اكثر من اربع صفحات لكن هل حد من الاعضاء دافع عن الوافدين؟ لا طبعا
مزايا
16-06-07 ||, 11:27 PM
اللي بتاخذ لها زلمة شو بتكون بالضبط؟
عائلتها مفككة او وحدة منحرفة لان عائلتها مفككة هذا رقم واحد و في حالة ثانية تكون ام البنت وافدة او بقول احسن شي زلمة المهم يكون الاب متوفي و يكون الزلمة اللي بياخذ البنت مسيطر على العائلة بالكامل كيف؟ مادري و طبعا في مليون سيناريو و سيناريو.

مب شرط
:h_mar7aba:
بنوتة جميرا
17-06-07 ||, 07:54 AM
الثعلب الرمادي
كلامك ما ينطبق ع الكل
صح اني مب مع البنت اللي تاخذ وافد
اما خليجي عادي بالنسبه لي
بس مب بهالعنصريه اللي انت فيها
العجيبة
17-06-07 ||, 09:05 AM
الثعلب الرمادي ..


اللي بتاخذ لها زلمة شو بتكون بالضبط؟

عائلتها مفككة او وحدة منحرفة لان عائلتها مفككة هذا رقم واحد و في حالة ثانية تكون ام البنت وافدة او بقول احسن شي زلمة المهم يكون الاب متوفي و يكون الزلمة اللي بياخذ البنت مسيطر على العائلة بالكامل كيف؟ مادري و طبعا في مليون سيناريو و سيناريو.

مب يمكن تكون عانس ؟
مطلقة ؟
أرملة ؟

وتبغي الستر ؟ :k_icon9:


فيه فكرة لازم تفكر فيها بعـد ..
الوافــد عبارة عن شو ؟
مب إنسان حاله حـالـك ؟ مب مسلم وعنده شيم وأخلاق المسلمين ؟ عربي ؟! المواطــن شو فيه أكثر عن الناس الباقية عشان يرفع خشمه على ذا وذاك ؟ :k_icon9:
أنامل قلب
17-06-07 ||, 10:58 AM
أخوي الثعلب الرمادي ..

أفكارك جدا جدا جدا جدا غريبة .. !!
انا ليما الحين أحاول استوعب وجهة نظرك .. !!

:

والعجيبة ..
تسلمين .. معاج 100 %

@_@ ..
الثعلب الرمادي
17-06-07 ||, 12:46 PM
أختي العجيبة ...

لو افترضنا أختي ان اللي تقدم لج واحد مسلم من نيجيريا بتوافقين عليه؟؟ اكيد لا و مهما حاولت تشوفين الايجابيات فالسلبيات بتكون اكثر، و الجنسية مالها علاقة سواء كان زلمة او نيجيري و الناس كلهم فنظري متساويين لكن ظروف مجتمعنا مختلفة، و البنت اللي تفكر تتزوج و بس ما تفكر بحياة اطفالها في مجتمع غريب عن مجتمع والدهم الأصلي اللي هو الزلمة فهذي تفكيرها محدود و شو بتكون اضافت للمجتمع في هذي الحالة؟ كم لاعب اجنبي يتكلمون بلهجة والدهم و تتجددد اقامتهم كل سنة:laugh:

الزلمة اللي بياخذ مواطنة ما بياخذها للستر او عن حب لكن ظروفه الصعبة اجبرته انه يسوي هذا الشي و الكلام اللي بقوله الحين مب خيالي لكنه واقعي جدا في بعضهم ماعندهم حتى شهادة الابتدائية و ما عندهم شغل يشتغلونه في الدولة لكن بعد ما تزوجوا عاشوا في افخم الشقق و لبسوا احسن الملابس و ركبوا افخم السيارات و هذا الشي بمثابة حلم كبير و اللي ما يصدقني يسال راعي التاكسي:laugh:

يمكن اكون ضد فكرة زواج مواطنة من وافد لكن السبب الوحيد لرفضي هذا الشي هو معاناة الأطفال اللي بيون بعد مثل هذا الزواج لهجتهم و طريقة تفكيرهم الاصلية تكون مورثة من خلال والدهم، اذا كانت تفكير البنت محدود و تفكر بنفسها قبل كل شي و ادور راحتها من خلال الزواج و ما تفكر بالمستقبل ما بقول غير go for it :surrender:

و هذا رأيي في الموضوع بكل صراحة و اللي يريد يختلف معاي لمجرد الاختلاف فهذي مشكلته:laugh:
أنامل قلب
17-06-07 ||, 03:35 PM
^

آسفة بس ماروم أسكت وأنطم ..
لازم أرز فيسي فيما لا يعنيني لول ..

:

أخوي الكريم الثعلب الرمادي ..
بالنسبة لكلامك .. ففعلا فعلا فعلا لك راي غريب جدا ..
وتعقيبك كله على مجموعه من الناس اللي ممكن يكونون من اي قبيلة وأي جنسية .. !!

وعن تعليقك كله أخوي ..
البنت صح مب لازم ترضا باي وافد تقدملها .. مثل ما انها ما بترضا بأي مواطن ياينها .. !!
إهي أكيد بتفكر ( بشخص ) اللي تقدم لها .. وهل هي بتقدر ترتبط فيه فعلا .. >> هذا المفروض يصير .. !!
والشغله الثانيه الرسول صلى الله عليه وسلم قال (( ان جاءكم من ترضون دينه وخلقه فزوجوه )) ..
وما ذكر ان يكون من نفس جنسية ولا بلد الفتاة ..
صح بتقول ان اصلا العادات واسلوبهم بالحيا مختلفه وممكن ما يرومون يتوفقون مستقبلا ..
بس بالنهاية كلهم عرب مسلمين أكيد اللي يجمعهم يغلب على العكس .. وهم أرد وأقول إهي ما بتوافق على أي وافد ولا أي مواطن يتقدملها ..
وبالكفة الثانيه .. تراها أكيد بتستخير .. وبتشوف جان ارتاحت فهو خير لها وله مهما كانت الظواهر تدل على العكس ..
والتوفيق بيكون من رب العالمين .. لا خلقه اللي لا بيدهم المنفعه ولا المضره ..
كما إن شخصية الفتاة ونظرتها للحياة جدا تأثر .. !!

ومثل ما سبق وقلت .. اعرف ناس مسوينها وحياتهم فل الفل ..
(( الريال سوري والحرمه بدوية وبنتهم تدرس معانا .. او بالاحرى كانت بما إني خلصت شي يسمونه مدرسه
ولله الحمد بعد هالمرحلة الجهنمية اللي عدت علينا لول >> مب جنه الاخت ظهرت عن الموضوع :fa46: ))
اننننزين أخوي الكريم .. مابقول ان ماشي الصنف اللي تتكلم عنه .. لأنها أمور تنوجد بكل المجتمعات وكل الجنسيات ..
واللي يعتمد عليه معدن وشخص الريال وكذلك الفتاة .. لا القبيلة ولا الجنسية ولا غيره ..

وطبعا ردي ماحطيته لمجرد الاختلاف .. لأني مب غاوية مشاكل ومب ناقصه أجابل شي منها لول ..
بالعكس أخوي رايك مهمن كان غريب بالنسبة لي أحترمه ..
مثل مايحترمه الكل .. ويوافقك عليه زود .. والله اعلم .. ^_^ ..

:

وبخاطركن :mf_leia: ..
مزايا
17-06-07 ||, 03:54 PM
الثعلب الرمــادي
كلامك فيه كثــير من الصــحه

الزلمة اللي بياخذ مواطنة ما بياخذها للستر او عن حب لكن ظروفه الصعبة اجبرته انه يسوي هذا الشي و الكلام اللي بقوله الحين مب خيالي لكنه واقعي جدا في بعضهم ماعندهم حتى شهادة الابتدائية و ما عندهم شغل يشتغلونه في الدولة لكن بعد ما تزوجوا عاشوا في افخم الشقق و لبسوا احسن الملابس و ركبوا افخم السيارات
انا مرت علي حالة مثل الحـاله اللي تطريــها
وفعلا عاش هالزلمــه ف عيشه ماكان عايشنها فحياته قبل مايتزوج


ادور راحتها من خلال الزواج و ما تفكر بالمستقبل
اللي تفكر جيــه
عمرها مابتحصـل الراحه بعد الزواج
لانها مافكرت كيف بتعيــش ولا حاله عيالها ووضعهم كيــف بيكــون


أنــامل قلب

اعرف ناس مسوينها وحياتهم فل الفل
وفالمقابل في نــاس عايشيــن أتعس عيشـه


اتفكير الوحده المفرووض مايقتصر على ريـال زين ومسـلم وماعليه كلام
المفرووض تكون على درايه بالملحقــات اللي بتي عقب الزواج
هل هيه بتحصــل كافة حقووقها ،هل بتضــمن عيــالها إنهم بيعيشون فأحســن عيشــه ،
المفرووض تفكر في حالة طلاقهــا شو اللي ممكن تحصله من حقوق ومستحقـات
يمكن الزوجه تلااقي شي ، بس العيال ماعتقد
بنوتة جميرا
17-06-07 ||, 03:59 PM
العجيبه + أنامل قلب
فعلا مداخلاتكم في محلها
طبعا الكلام اللي قلتوه هو اللي اعتبره من المنطق
والشي الصح بالنسبه لي وللأغلب

واخونا الثعلب الرمادي
صح تفكيره وايد غريب
ومتعقد من السالفه مووول
اكيد صار لك موقف
المهم
فعلا استغربت لما اتقول ان الوافد اللي ياخذ مواطنه يمكن ماعنده الابتدائي
منو قالك هالشي؟؟!!
اغلب اللي نعرفهم ناس جامعيين فاهمين
ويمكن يكونون احسن من المواطنين في مجالات او نواحي

وفي شي لازم اتحطه في بالك
ان اغلب المواطنين هالايام يكتفون بالثنويه والشغل
انا ماقول هالشي عيب او يقلل من شخصيه الريال
بالعكس ماشوف ان فيها مشكله
بس في نفس الوقت
طموح الوافدين اشوفه اكبر بكثيييير
يفكرون في مستقبلهم ومستقبل عيالهم بشكل كبير

لك رايك ياخوي

مشكورين ع المداخلات
والاختلاف في الراي لا يفسد من الود قضيه
بنوتة جميرا
17-06-07 ||, 04:03 PM
مزايا
ومب شرط كل المواطنين عايشين احسن عيشه
والا حالات الطلاق ما مزرت المحاكم

كل شي يعتمد ع الطرفين
دام ان الحب والتفاهم موجود
كل شي بينحل وماظن بتصير كل هالمشاكل

ترا في مشاكل في كلا الحالتين
ماترومين اتقولين المشاكل مقتصره بس ع زواج المواطنه من وافد
المشاكل موجوده وين ينعدم التفاهم

شكرا ع مداخلتج
مزايا
17-06-07 ||, 04:13 PM
مزايا
ومب شرط كل المواطنين عايشين احسن عيشه
والا حالات الطلاق ما مزرت المحاكم

كل شي يعتمد ع الطرفين
دام ان الحب والتفاهم موجود
كل شي بينحل وماظن بتصير كل هالمشاكل

ترا في مشاكل في كلا الحالتين
ماترومين اتقولين المشاكل مقتصره بس ع زواج المواطنه من وافد
المشاكل موجوده وين ينعدم التفاهم

شكرا ع مداخلتج

سبق وقلت لج
الطلاق من مواطن اهــون بوايد من الواااافدد
أقل شي ممكن تحصله المطلقه الاماراتيه يوم تتطلق من الوافد المعــاير و الرمســـه
بتقوولين الواحد مابيعيش اذا يسمع كلام الناس
بس نحن مب عايشين برووحنا وفعزلة عن الناس عشان نتجاهل هالكلام
بنوتة جميرا
17-06-07 ||, 04:16 PM
وليش اتحصل المعاير؟؟!!
صدق تفكير غريب

عيل ولد العم يوم ياخذ بنت عمه ويطلقها هاي ما بتحصل معاير؟!!
ويوم بتطلق من الوافد الغريب بتحصل هالمعاير؟؟!!
الاولى يعايرون اللي خذت اللي من دمها وطلقها

فعلا تفكير غريب
مزايا
17-06-07 ||, 04:21 PM
مب تفكير غريب
نحن نتكلم عن الواقع
وااقع مجتمع دوله الاماراات
مب مجتمع أمريكـا


خلكم واقعين
لاتعيشوون فأحلاام
بنوتة جميرا
17-06-07 ||, 04:24 PM
شكلج ما فهمتي
اقري رمستي عدل

ويوم انج اتفكرين ان في حد بيحصل معاير
فاللي تاخذ واحد من دمها ويطلقها هي اللي بتحصل المعاير
هذا الواقع
الثعلب الرمادي
17-06-07 ||, 04:29 PM
مع احترامي لوجهة نظرج أختي أنامل قلب ،،،

لكن العرب و حتى على أيام الرسول ما كانوا يتزوجون العبيد و اللي اقصده هنيه ان الاب يزوج بنته لعبد هالشي مستحيل و لعلمج الخاص العبدة ما يتزوجونها و تحمل و تييب يهال و يحملون اسم سيدها و بدون مشاكل بس ما يتزوجها و هذا الشي طبعا كان على أيام الرسول و اعرف ان في شباب يمكن يختلفون معاي فهذا الكلام لعدم درايتهم بهذا الموضوع لكن اقول لكم انا كنت طالب في معهد ديني و درست هذا الموضوع في مادة الفقه الإسلامي و تناقشت مع مدرس في الفقه في هذا الموضوع و اللي عنده اللي يثبت العكس يدلو بدلوه:fa46:

و هذا تقليد عند القبائل العربية و حتى أيام الرسول انها ما تناسب الا اللي يشرفها انها تناسبه لكن من بيكون له الشرف انه يناسب واحد زلمة؟ و انتوا يلي ادافعون عن الوافدين و حقوقهم شفتوا عرس بحياتكم بين واحد زلمة و وحدة مواطنة أو واحد هندي و وحدة مواطنة؟ لاني بصراحة ما شفت و هالاشياء كلها اتم بالسر او زواج متعة و تسلية و محد يدري عنها لانه لو شفناها من كل النواحي ما تشرف ابدا.

و بعدين يوم البنت تقبل انها تتزوج الريال اكيد لازم تقبل اهله معاه بثقافتهم و تقاليدهم و اللي يعجبها و اللي ما يعجبها و اقامة لكل الشباب الحلوين مع full tank of gas:happybday:

و بعدين تبدأ الحياة و يكون كل شي فيها حلو و هذا يذكرني ب john lennon الله يرحمه يوم غنى اغنيته الاسطورية imagine و كان يقول فيها ان العالم واحد و كل الناس متساويين و ماشي حدود و لا دين و لا عادات و تقاليد و عدد كبير من الغرب يرفضون افكاره بس هالايام في المنتدى صرت اشوف العكس.

وجهة نظرج اختي أنامل قلب و اكيد احترمها و بالمقابل شكر خاص للاخت مزايا لمشاركتها الرائعة:fa46:

و دمتم بود:fa35:
مزايا
17-06-07 ||, 04:36 PM
وليش اتحصل المعاير؟؟!!
صدق تفكير غريب

عيل ولد العم يوم ياخذ بنت عمه ويطلقها هاي ما بتحصل معاير؟!!
ويوم بتطلق من الوافد الغريب بتحصل هالمعاير؟؟!!
الاولى يعايرون اللي خذت اللي من دمها وطلقها
فالحالتين بتحصــل معاير
---------------------------
أحس إني أرســم على المــاي
anyway thanx 4 sharing my ideas
بنوتة جميرا
17-06-07 ||, 04:41 PM
الثعلب الرمادي
منو ياب سالفه العبيد الحين
خلهم صوب

وبعدين اشحقه حاط في بالك فكره ان المواطن احسن من الوافد في كل شي
ترا مب كل مواطن يشرف ولا كل وافد

يعني لو انا اتقدملي مواطن بس فيه عيوب <<الحمدلله افتكيت من هالسالفه وانخطبت مواطن بدون عيوب(جني طلعت من الموضوع) المهم
ووافد بنفس الوقت اكيد بقبل بالوافد
وبشطب ع المواطن باكس
لو سمعني بيشطب عليه انا باكس..خخخخ

انزين
بعد اقول رايك ياخوي ونحترمه
شكلنا تعبناك ويانا..خخخخخخ
بنوتة جميرا
17-06-07 ||, 04:42 PM
مزايا
عيل لازم اتعممين المره اليايه

شكرااا
أنامل قلب
17-06-07 ||, 04:44 PM
اختي الغالية مزايا ..

انتِ قلتيها بلسانج اختي (( في ناس )) يعني الموضوع ما نقدر نعمم فيه .. ولا حتى نربطه بجنسية ولا غيره ..

ونعم كلامج صحيح .. لازم تفكر فيه وبالملحقات اللي بتي عقب الزواج ..
وتسأل عمرها (( هل بمقدورها كشخصية تملكها تحمل ذلك .. )) ..
سبق وقلت اختي ان الامر يعتمد بشكل كبير على معدن كلا الطرفين وطريقة تفكيرهم وما يملكون من شخص ..
وأيضا الطريقة اللي يشوفون من منظورها الحياة ..

وتراها مثل ماقلت مليون مره (( بتستخير )) ..
ورب العالمين أعلم وأحكم .. وبيده الغيب فلا يعلم به سواه ..
وان ارتاحت بعد الاستخاره فرب العالمين اراد لها ذلك .. ويكون الخير بذلك .. بفضله ..
وللعلم يعني .. ياما ناس مواطنين حالتهم أردى من الوافدين .. !!
محد يقدر يضمن رزقه ولا شو مكتوب له مستقبلا ..
واذا بنفكر بالأسوأ (( كالطلاق واللي حط القانون لها ولعيالها من حقوق ))
فمحد بيقدر يمشي حاله ولا يتوفق بحياته .. اذا نظرته كانت تقتصر عالأسوأ .. !!
وبشكل عام سواء خذت وافد ولا مواطن .. اكيد فيه نقاط سوء ممكن تقع ابها الفتاة ..
اعرف وحده من الاهل تطلقت (( بعد ما وافقت اهي واهلها على مواطن بيستر عليها وبيراعيها )) ..
شوللي صار .. كانت حالته الماديه طيبة جدا .. فوق الممتازة يعني .. (( بمعنى آخر أحسن عن حالة الفتاة اللي هم وضعها جدا طيب ))
شو لقت .. لا حياة طيبة ولا ناس تعرف تحترم ولا غيره .. حتى زوجها نفسه راعي البيزنيس مب ساد لها حقوقها ولا غيره ..
بعد قريب الـ 15 سنه وبعد ما يابت منه ثلاث اولاد شو سوا .. طلقها بكل سهوله ..
وكل صبرها عليه طول هالمده ماياب لها نتيجه .. ولمن سئلته ليش .. قالها مافيج شي قاصر وماعندي سبب ..
بس أنا انسان منفتح واحب اظهر وايي على كيفي (( فاهمين قصدي طبعا )) .. وماكنت من الاساس مستعد للزواج .. وانتِ بعدج صغيره والحياة جدامج ..
ويوم قالتله انها مستعده التم بذمته ولو بغى ياخذ عليها وحده ثانيه على انها بتم بعيده بغرفه ثانيه ..
ماوافق اونه بظلمج بهالطريقة .. عبالة توه بس ظالمنها ..
وبالنهاية وين طاحت احليلها بشقه جدا متواضعه وبسيطه بغرفتين إهي وعيالها .. اونه ظروفي الماديه ما تسمح ..
والسنه اللي عقبها تزوج وخذ لزوجته فيلا يديده .. @_@ .. هذا غير الحقوق الثانيه اللي ضاعت منها ..
لا وقولو النفقه جم .. 3000 وشي يسلمهم اياه بكل شهر .. بذمتكم هذي نفقه واهو تاجر عود وضعه فوق الممتاز ..
الوافد معاشه أكثر .. >_< ..
وعلى فكره إهي قبل وبعد الزواج كانت اتيها تيلفونات من حبيبات طليقها المصون والخ من حجي أحبذ إني ماقوله .. !!

ومن اهني اختي .. ترى لا يغرج المظهر .. اذا بتكون نظرتج البعيده للأسوأ .. فهم المواطن شاطر باظهار قرونه لول ..

وأرد وأقول .. الشغله تعتمد على شخصية الرجل .. والفتاة بشكلب أخص ..
لأنها مثل ماتدرون .. بيدها تصلح وبيدها تهدم ..
كما ان اذا نيتها طيبة من الزواج .. وتوكلت من البداية عرب العالمين .. وين المشكله .. !!

:

وهم بعد نقطة الود و(( المحبه )) بين الطرفين جدا مهمه .. ومدى (( التفاهم والاحترام المتبادل )) امبينهم ..

واسمحولي .. ماقدر أصخ .. :smile2:
بس صدق احليله الوافد .. ليش حاطين عليه جيه .. غامضني .. :ohboy:
انننزين تراني يوعانه ماتغديت والسبه هالنقاش خخخ ..
أنامل قلب
17-06-07 ||, 04:47 PM
أخوي الثعلب الرمادي ..
مثل ماقلت بردي السابق ..
بسير اتغدى لول .. ^_^ ..

:

ويمكن أرد أحشرك بتعقيبي .. وأحشر البقية كذلك ..
فالسموحه .. !!
بنوتة جميرا
17-06-07 ||, 04:50 PM
أنامل قلب
سعدت جدا بمشاركتج
ردودج تعجبني

روحي اتغدي
بالعافيه عليج
والسموحه منج
مزايا
17-06-07 ||, 04:50 PM
سوري بس أحس إنكم رابطين راســكم بليا ويع
بنوتة جميرا
17-06-07 ||, 04:54 PM
مزايا
حلووو النقاش
والا شو فايده المواضيع بلياها؟؟!!
الثعلب الرمادي
17-06-07 ||, 06:05 PM
يمكن أكون متعقد من السالفة بالكامل لدرجة المرض و هالشي من حقي لأني عشت الأجواء في الواقع:fa32:

الوالد من الإمارات و الوالدة من قطر و مثل ما تعرفون في اختلاف في اللهجة و طريقة اللبس لكن التقاليد احس انها وحدة لكن المشكلة بالفعل كانت في اللهجة و لين يومكم هذا مستحيل اتكلم شرات المواطنين العاديين و كان الحل السهل بالنسبة لي هو combination بين اللهجتين بدون ما اكون مائع و اكون رسمي و كلامي واضح على الاقل لاقصى درجة ممكنة.

عشت سنوات حياتي الاولى فقطر لان الوالدة رفضت تترك بلادها مهما كان و كانت سنوات قليلة كنت البس فيها اللبس القطري و لهجتي قطرية و كنت اسير البحر كل عصرية لين المغرب و كانت الحياة حلوة و لين الحين اذكرها لين وصلت الامارات و بدأت كل المصايب:icon_rr:

مع الوقت و الحياة كنت مجبر إني اغير اسلوبي في الكلام لكني رفضت هذي الفكرة لان عندي كبرياء و كان حلي الوحيد هو دمج اللهجتين في لهجة وحدة و لين الحين الكلمات المميزة في اللهجتين الاماراتيه و القطريه مستحيل استخدمها ابدا و لو استخدمتها فبحس كاني اقول كلمة اجنبية مالها معنى و هذا طبعا غير عن المشاكل اللي صادفتني فلبس الوزار:fa46:

و طبعا اللي ينطبق علي ما ينطبق على اخواني لان حياتهم كلها كانت في الامارات و ساعات يعلقون على طريقتي في الكلام لكن انا اخوهم الكبير و اذا احتاجوا انهم يكلموني فلازم يتكلمون بنفس اسلوبي بس اللي يضايقني يوم واحد منهم يندمج مع اللهجة الاماراتيه احس اني اكلم لي انسان غريب علي مب اخوي فارجع و اقوله لا تسويلي فيها مواطن ارجع و تكلم عادي:glare:

لكن بعد كل هالسنوات اللي عاشتها الوالدة في الامارات لهجتها ما تغيرت ابدا ... يوم كنا صغار كنا نتكلم انا و اخواني بطريقة وحدة تقريبا و مع الوقت بدا الاختلاف يظهر:ohboy:

و اللي اعرفه انه شي وافدين زلمات و حتى باكستانيين يتكلمون اللهجة احسن مني لكن الفرق اللي بيني و بينهم مب الجواز لا لكن الوطنية و الولاء للدولة قبل كل شي هذا هو الفرق بين المواطنين و الوافدين اللي لو كان عندهم ذرة ولاء ما تركوا بلدهم عشان شوية فلوس من الشغل فدولة خليجية.

و الحمد لله مب متعقد من المسألة بشكل كبير لاني مب انسان فاشل و عندي اهداف كبيرة في الحياة لكن لو تخيلت نفسي ولد لوافد من مواطنة في الامارات و حتى لو كنت اتكلم اللهجة اكيد بتعقد اكثر بس الشي اللي لاحظته من خلال مشاركتي في هذا الموضوع هو ...

الأخت بنوتة جميرا المسألة مفتوحة بالنسبة لها و ما تفرق اذا خذت وافد او مواطن و ماعندها اي تحفظات من هالناحية و قلبها بارد مثل العسل و الله يوفقها:fa35:

و الاخت انامل قلب ... احس انها بنت ردها بالكامل على حادثة مأساوية صارت لأحدى المواطنات بسبب زواجها من مواطن و تعتقد ان الوفد بيكون الحل و ما بيسوي اللي سواه المواطن or something like that.

في مثل يقول لو علمنا الغيب لاخترنا الواقع و من خلال تجربتي في الحياة اقدر اقول ان الامور حتى لو وصلت للطلاق يكفي ان الاولاد عندهم الجنسية و يتكلمون اللهجة حتى يقدرون في المستقبل يعيشون حياتهم بدون عقد و بدون مشاكل ...

و في ختام ردي اقدر اقول و بكل صراحة ان مثل هذا الموضوع انطرح في منتدى و تجاوزت عدد الصفحات الخمس صفحات و كانوا فيه وافدين يردون على المواطنين و يناقشونهم من هالناحية لكن مافي احد من المواطنين وقف مع الوافدين:icon_rr:

كلي فخر بالوالد و الوالدة حتى لو اختلفت اللهجات:fa46:

و دمتم بود:fa35:
أنامل قلب
17-06-07 ||, 06:36 PM
خيو الثعلب الرمادي ..
اممم .. بالنسبة لموضوع العبد والعبده فماظن ان الأمر اهني سيان .. والتشبيه عندك راح لبعيد لول ..
سرت للمعهد الديني اللي عدنا مره (( ثنوية البنين لول )) بخصوص شي من المحاضرات .. ودريت ان عندهم فعلا كتاب الفقه والخ ..
بس تعال أحاجيك .. هل موضوع العبيد هنا فعلا مشابه لموضوع زواج المواطنه من الوافد .. ؟؟
ماظن .. ومب لهالدرجة أخوي .. :fa46:

اممم .. انننزين أخوي هم أنا بعد مع احترامي لوجهة نظرك .. بس خلني أرد على شوي من عباراتك .. !!

(( و هذا تقليد عند القبائل العربية و حتى أيام الرسول انها ما تناسب الا اللي يشرفها انها تناسبه لكن من بيكون له الشرف انه يناسب واحد زلمة؟))
بخصوص عهد الرسول عليه الصلاة والسلام ..
فانت تطرقت لموضوع العبيد وأظن مثل غيري انه تشبيه غير موافق ولا يمت له بصلة .. فموضوع الوافد شي والعبيد (( اللي انقرض عهده )) شي ثاني .. !!
اما استفهامك عن كون القبائل العربية ماتناسب الا اللي يشرفها انها تناسبه .. (( ومن بيكون له الشرف انه يناسب واحد زلمه ؟ )) ؟؟؟؟؟؟؟؟؟
الصراحه الصراحه أخوي .. سؤالك صدق صدق :boxed:
وشو بعد من له الشرف يناسب زلمة .. جيه الزلمة شو اصله ..
مب عربي ومسلم .. وحاله من حالك .. ولا شو السالفه ..
بس لأنه ترك بلاده واستقر بهالبلاد واطلقو عليه لفظ الزلمة قلتو عنه ما يشرف .. أخوي ترى ما يجوز هلكلام وكثر من انبياء الله عليهم السلام من فلسطين ..
وحتى ولو .. بشو يفرق عنه الخليجي لمن يترك بلاده ويستقر عدنا غير انه بكل بساطه ما ينقال عنه زلمه ولكن خليجي .. >_< ..
نفس الشي .. اللهم لهجتهم اقرب لنا من الوافد .. وبالنهاية كلنا عرب وكلنا مسلمين ..
وبعدين أخوي نحن ما بنقول عن أحد يشرف والعكس إلا واحنا معتمدين على مابه من اخلاق ودين وصلاح ..
والزلمة اذا تحلى بطيب الخلق وعرف ربه يشرف أكثر عن غيره اللي ماتحلا باللي يملكه .. والعكس ..
صدق كلامك فاجأني والله .. وشو بعد من بيصير له الشرف يناسب زلمه .. والله الزلمة جان بيعيني عديني أبرك لي من المواطن اذا كان ضايع وناسي ربه ..
نحن لمن نوافق عاللي يتقدم لنا نوافق عليه على أساس دينه وخلقه .. وبعدين نراجع حساباتنا الشخصية واذا كنا بنقدر نرتبط مع هالاسان والا لا .. وانتهت القضية ..
في منا من البنات اللي تشوف نفسها ماتقدر .. وهم بعد نلاقي بنات بالعكس ..
تشوف انها تملك الشخصية الملائمه وتلاقي الموضوع بسيط جدا وتشوف الحيا من منظور ثاني ما يهمها الأمور الظاهرية بشكل كبير ..
وترى التوفيق من رب العالمين .. ومثل ماقلتلكم برد سابق لي اخوي .. اعرف بدوية ماخذه سوري ..
ومابعيد بالقصه بحيث انك تقدر تشوف ردودي حيال الموضوع .. !!

(( و انتوا يلي ادافعون عن الوافدين و حقوقهم شفتوا عرس بحياتكم بين واحد زلمة و وحدة مواطنة أو واحد هندي و وحدة مواطنة؟ لاني بصراحة ما شفت
و هالاشياء كلها اتم بالسر او زواج متعة و تسلية و محد يدري عنها لانه لو شفناها من كل النواحي ما تشرف ابدا. ))
زلمة ومواطنه إي نعم شفت .. مثل ماقتلك قبل .. وحياتهم من اجمل ما يمكن أن يكون ..
أما مواطنه وهندي ما شفت لكن سمعت مع ان الموضوع اهني يختلف والمسألة اصعب لكونه غير عربي .. مختلف جدا ولا وجه للمقارنه بين الوافد والهندي ..
مع احترامنا لهذي الجنسية كذلك ..

(( و بعدين يوم البنت تقبل انها تتزوج الريال اكيد لازم تقبل اهله معاه بثقافتهم و تقاليدهم و اللي يعجبها و اللي ما يعجبها و اقامة لكل الشباب الحلوين مع full tank of gas ))
أشفيهم اهله يعني .. وشو بعد اقامه لكل الشباب الحلوين .. لول ..
استغفر الله أحسك تبالغ بالموضوع أخوي .. وسبق ورديت على هالنقطه بردودي ..
وأكرر وأقول .. البنت مب خبله ترضا بأي واحد إييها .. إهي كيد عارفه بمن اختارت وليش اختارت ووافقت عليه ..
واذا كان للزواج من الوافد بلاوي ومشاكل .. فالزواج من المواطن أيضا له مشاكله الخاصه وبلاويه المختلفه ..
وترى حياة بدون مشاكل مالها طعم .. ونوووواي تحصلك بيت خالي من المشاكل اللي تظيف للحياة نكهتها.. لول :fa46: >> مب جني عايشة الجو خخخ

:

أخوي الثعلب الرمادي .. صدق أحترم رايك والله .. واحترم شخصك كذلك ..
ولكل منا رايه وطريقة تفكيره ..
كل منا له قناعاته واشيا يدركها وتجارب .. والأكيد لكل منا شخصيته اللي يقدر يتصرف من خلالها ويحكم ..

أما خيتو بنوتة جميرا .. فالله يسامحج عالموضوع اللي صدع الاخت مزايا .. ^_^ .. احليلها والله طفشناها ..

وهم انتِ يزاج كل خير على اهتمامج بالقضايا المختلفه ..

أظن ان قمنا نعيد ونزيد بنفس النقاط ..
وبالنهاية الاختلاف في الراي لا يفسد للود قضيه ..

:

والسموحه .. !!
بنوتة جميرا
17-06-07 ||, 06:38 PM
الثعلب الرمادي
شكرا لطرحك قصه واقعيه مريت بها وعشتها

شكرا ع ردودك وتواصلك مع الموضوع
بنوتة جميرا
17-06-07 ||, 06:50 PM
انامل قلب
مشكوووره ع ردج الغاليه
أنامل قلب
17-06-07 ||, 06:52 PM
اممم أخوي الثعلب الرمادي وللمره الأخيره ..
أحترم فيك هذي الروح بطرح قصتك .. وتفاعلك معانا بالموضوع ..

وهم اختك انامل قلب عندها خلل باللهجة حيث تخلط الاماراتي بالكويتي وعادي يعني ..
ماحسيت بالإشكال اللي تتكلم عنه لول ..

بس حبيت ردك الأخير أكثر عن غيره .. ^_^ ..
وعن مسألة كون ردودي كلها راجعه لقصه شفتها لتجربة زواج فشلت لمواطن ومواطنه ..
فهو بالتأكيد ليس كذلك لسبب بسيط جدا .. وهو أني أرى ايضا كيف ان العلاقات الأخرى نجحت ..
وان المسألة تعتمد على شخص الطرفين بالغالب ..
فلا الجنسية هنا تحكم .. ولا القبيلة هنا تؤثر ..

:

وأكرر اعجابي بتفاعلك ..
كما اعتذاري الجم ان كان بنقاشي ما يضتيق أخي ..

احترامي لكم .. والمعذرة .. !!
الثعلب الرمادي
17-06-07 ||, 10:38 PM
أختي أنامل قلب:laugh:

هذا الرد يمكن ما يخصه بالموضوع بالكامل لكن مع هذا أحب أكتبه كرد أخير، الزلمة معناها ريال بلهجتهم لكن مع هذا احب اتطرق لشي مهم لاحظته من خلال ردود الأعضاء، في اعتقادي أن الزلمة البنت تختلف عن الزلمة الولد و يمكن على الأغلب تعامل البنات المواطنات مع البنات الوافدات جيد جدا لكن ما اعتقد إن هذي هي الحالة بين الشباب و يمكن لهذا الشباب نظرة البنات للوافدين أفضل ، و اللي شفته من خلال حياتي في مدينتي إن ما في أي أحد من اللي اعرفهم يرابعون زلمات لان في نظرة عامة ان الزلمة نذل و خسيس و يطعنك فظهرك فكيف يكون زوج لبنتك أو اختك؟ و هذي طبعا مب نظرة المواطنين للزلمات و بس لكنها ايضا نظرة الزلمات لبعضهم البعض إذا كان كل واحد منهم من جنسية ثانية و مستحيل أي أحد من اللي اعرفهم يتخيل هذا الشي و إذا انسأل عن رأيه فيه فبيعتبر هذا الشي إهانة.

و الحمد لله الشرف عند القبائل العربية للحين موجود و لو قدرتي تلاحظين شي مهم أختي بنات الرسول عليه الصلاة و السلام لمن زوجهم بالضبط، أزواج بنات الرسول كانوا من العرب الأحرار و من علية القوم و ما ننسى علي بن أبي طالب رضي الله عنه كان أحد الخلفاء الراشدين.

طبعا اختلاف البيئات اللي عشنا فيها أختي أنامل قلب يولد اختلاف في وجهات النظر بشكل كبير و مع هذا كنت سعيد جدا بقراءة آخر ردين لج أختي فعلا عندج اسلوب راقي جدا في المناقشة و الحوار على عكسي ما ارتاح لين اطلع كل اللي فقلبي:ohboy:

شكرا لج مرة ثانية أختي أنامل قلب:fa35:
أنامل قلب
17-06-07 ||, 11:17 PM
العفو أخوي الثعلب الرمادي .. :fa46:
وبالعكس اقدم اعتذاري لكون ردودي طويلة وممكن يلاقيني البعض اتفلسف بزود لول ..
بس مثل ماقلت لكل منا وجهة نظر وراي مستقل .. :mf_leia:

وبالنهاية لارايي كامل ولا رايك .. فلكل منا زلاته وخلل معين بطريقة تفكيره .. مايدركه بالعاده .. :pickaxe_rune:

وأكرر كوني سررت بهالتفاعل الطيب معاكم ..
والسموحه .. ^_^ ..

:

ربي لكم حافظ .. :fa35:
كـلـكـلـووش
18-06-07 ||, 12:34 AM
يا ريت الكل يناقش المواضيع في الواحات شراتكم .. عفيه عليكم .. استمتعت واايد بقراية ردودكم .. يعطيكم العافيه

ســلام
بنوتة جميرا
18-06-07 ||, 06:50 PM
كلكلووش
كنا نتمنى اتشاركنا رايك
شكرااا
شمعة أمل
24-06-07 ||, 07:53 PM
زلمـه؟ .. مسـتحيـل!.. لأسبـاب عده..
أعرف وحده أبوها أردني .. مع انه صدق أبووو روعه ويحب حرمته وايد .. بس بعد مستحيل أقبل بوافد .. لانها حتى لو هو صدق يحب اهله وكل شي .. لكن الحيـاه الى يعيشونها مب شي .. أول شي أهل الحرمه مايقبلون هالريـال كــ زوج .. ومرات يقاطعون الزوجه.. ومشاكل عائليه أخرى..
غير انه عيالي بيكونون سوريين \ لبنايين \ أردنيين ... سوري يعني .. بس كيف بيكون مستقبلهم؟؟؟ .. جوازهم مب شي .. لو يشتغلون معاشهم مب شي .. وحياتهم؟؟
مابقبـل ب واحد لو أعرف انه مستقبلي .. والأهم مستقبل عيالي بتكون صعبـه وبايخه وخاليه من حب واحترام أهلي وصديقاتي:mf_leia:
أخسـر أهلي وصديقاتي عشان واحد؟؟ وواحد مستقبلي وياه مابيكون حلو؟؟ .. هاللي ناقص!:fa46:


خليـجي؟ .. يمكــن.. بس بشرط يكون قطري ولا سعودي من جده:k_harhar1: وبعد لازم أعيـش في دبي .. مب يودوني بلادهم:glare:
أبا واحد قطري لانه مادري جيي القطريين وايد راااااقيييييييييييييييييي يييين وجييي شخصيه :tounge:
والسعوديين من جده رمستهم تعيبنيي غير انهم وايد مطوريين .. بس المشكله صعب تحصلون واحد مايشرب:k_nono: ف اذا يطلع واحد نظيف وماعليه حركات ومايشرب .. ليش لا؟:fa35:
بنوتة جميرا
24-06-07 ||, 09:14 PM
شمعه امل
سعودي يطبق الشرع..خخخخخخخخخ..
ياخذ ع راسج 3 ويحطهم ع جبدج
ماتخيل
كل السعوديين اللي اعرفهم مستحيل اقل عن حرمتين
نادر ما واحد يكتفي بوحده

شكرا ع مشاركتج
شمعة أمل
24-06-07 ||, 09:16 PM
لاااا شييي الى بس عندهم 1
ترا مال جده غيييييييييييييييييييييييي يير xD
شوق القلوب
24-06-07 ||, 09:36 PM
شمعه..

عندي ربيعتي من جده...وهم واااااااااااايد كــــــــــووووول.. من اللي يعيبونج.. قوم جــــــــده غيــــــــــــــر.. واخلاق لا يعلى عليها..

وعندها اخو وحيـــد.. ها.. شو الراي :icecream:
بنوتة جميرا
24-06-07 ||, 09:59 PM
شمعه امل + شوق القلوب
يمكن بس نادر جداااا

شكرا ع مروركم
شمعة أمل
24-06-07 ||, 10:07 PM
شوق القلوب
ليش لا p;

للعلم انا ادرس ويا سعوديين وسعودييات من جده .. وصدق ناس روووعه .. وكشخه ويضحكون ووناسه وكل شي .. ويوم اخبرهم كيف انا منصدمه انهم كشخه وجي وهم يقولولي "نحن من جده .. نحن غيييييييييييير"

وصدق ناس عندهم ستاااايل ومحترمييين جدا جداااا! ومن ناحية الشباب صدق يحترمووون الحرييم بشكل .. وانا وحليلي عبالي هاييل يضربون حرييمهم بس العكس! صدق يحترمون الحريم! واحلى شي يوم احاول اشرحلهم شي في البزنس p= لازم اطبق الاشيا على ستاربكس ولا ارماني ولا مابيفهمون ههههههه!
العجيبة
25-06-07 ||, 06:08 AM
^^ هههه شوق القلوب .. أشوف الموضوع أخذ مجرى ثاني غير مجراه الاصلي ..


صراحــة ردود الثعـلب الرمـادي الأخيــرة منطقيــة جدا جدا .. وأنا أوافقه الراي فيها !
الـيـاه
25-06-07 ||, 06:08 AM
^
لو تنطبق السما ع الارض ماخذ سعودي لووووول .. استغفر الله يعني ههههه
بنوتة جميرا
25-06-07 ||, 05:23 PM
شمعه امل + العجيبه + الياه
شكراا ع مشاركتكم

شمعه امل
واكيد في سعوديين ع قولتج غييير واستايل
وفي النوع الثاني اللي هم الغالبيه

شكرااا لكم
نور الإيمان
25-06-07 ||, 06:18 PM
:14: ييت متأخرة وايد ...

سؤال للبنيات
لو تقدم لج شاب وافد او خليجي هل بترضين فيه كزوج؟؟

امممم ... هو الصراحة انا رايي مطابق تماما لراي الثعلب الرمادي!!!!!:k_puppyeyes: ..

هو صح ال Cliché المتداول انه ما يهمه جنسيته بس دينه و اخلاقه و هذا ما عليه خلاف .. و الكلام عين الصواب و عين الحق .. بس احس انه اهناك عوامل اخرى مهمة وايد و تعتبر من ركائز الحياة الزوجية .. انه اوكيه .. ان كان شي خيار اما وافد او مواطن .. في حالة كون الوافد يتمتع بكل الصفات الزينة من مركز اجتماعي إلى دراسي إلى اخلاقي ممتاز .. ووجود مواطن ذا اخلاق سيئة و سمعة باهتة .. في كل الأحوال الوافد بيتم رفضه و بقوة:osama: و المواطن كذلك ..!!

انا امشي على مبدأ - حلاة الثوب رقعته منه و فيه -
حلاته انه نتكلم بنفس اللهجة .. ما ألاقي صعوبة اني افهمه اللي اباه ..
حلاته انه يعرف بلادي و اهلي و ناسي ..
و حلاته انه عيالي - فديتهم :icecream: - ياخذون جنسية بلدهم - الإمارات طبعا - ولا ان يتلعوزون عقب لا سمح الله يعيشون حياة متعبة و شقاء .. !!

طبعا اختيار الزوج الصالح مع المقومات الطيبة اللي يعيشها امر نحن نحاسب عليه !! غير ان يختار انسان انسان آخر ارضاء لنفسه من دون ما يشوف شو هي النواتج السلبية اللي ممكن تأثر بمستقبل العيال !!


هالأمور لازم نحن نكون مدركين لها و مب لازم نمشي عالعميان!!! يعني اوكيه ما قلنا انه الوافد مب انسان او ماله قلب و نقوم نقسي عليه بالكلام .. بس هذا هو الواقع .. الحين ممكن نتكلم ك صور انه " لو .. بتوافقين ؟؟" وايد اشياء احنا ممكن نقول - ف خيالنا - انه هيه ليش لأ .. بس وقت الجد هالموضوع ياخذ مجرى ثاني !!

على كلن السموحة ع التأخير و استمتعت بالموضوع و شكرا لطارحة الموضوع المميزة بنوتة جميرا :mf_leia:
نور الإيمان
25-06-07 ||, 06:27 PM
sorry again:fa35:

بالنسبة عن قصص من الواقع ..

الله يسلمكم عندنا وحدة من زميلات العمل .. زوجها بدون و هي مواطنة .. هو حر و هي عبدة .. المهم .. الزوج عاطل عن العمل من ثمان السنين و هي اللي تصرف عالبيت .. رقم اثنين العيال اللي فيهم ابيضاني و اللي فيهم اسمراني .. و المعاير بالمدرسة بين الأصحاب حتى المعلمات انفسهم :smile2: .. و المعاير وصل لحد انهم يقولون لهم : انتي يا بنت الـ **** او يالبدون!!

اتمنى انكم ما تفهمون كلامي غلط .. المقصد من كلامي هذا مب اني انتقص من شأن الناس لا و الحمدلله .. بس انه واحد يوم بيختار شريك حياته لازم يحط ف باله او يكون عنده بعد نظر .. كيف بيتربون العيال و هل بيكونون في عيشه طيبه او لا .. عالأقل هالزميلة لو - لكن قدر الله و ما شاء فعل - خذت واحد من نفس عايلتهم و دمهم ما كانوا العيال بيحسون بالنقص - هذا مثلا .. و الحين يعني حياتهم صعبة ... من ناحية الشغل كيف العيال بيشتغلون .. يعني الله يعينهم بس ..

و قصة ثانية انه وحدة مواطنة خذها واحد عراقي - مسلمين و عرب و النعم فيهم - و العيال عاد اكبروا و بغوا يدخلون الجامعة .. و هم على بالهم انهم مواطنين من اهل البلاد .. عاد يوم بغت البنية تدخل اتوقع الكلية او شي جي المهم قالوا لها وين جوازج؟؟ قالت بالبيت .. ف يوم ردت و سألت امها.. جان اتقول انتي مب مواطنة انتي عراقية!! عاد انصدمت البنية و ليومكم هذا نفسيتها محطمة ...

هاي هي النقاط اللي لازم نحتاط و نفكر فيها مليون مرة قبل لا نعرض غيرنا للأذية .. لكن في كل الأحوال كلنا مسلمين و من تراب .. و الدنيا تغيرت و عسى ربي ييسر للجميع ..

و السموحة منكم جان زعلتوا من كلامي :fa46:
بس قصدي اني اعطيكم وقائع فقط
بنوتة جميرا
25-06-07 ||, 07:20 PM
نور الايمان
حياج غاليتي في اي وقت
وهذا مب بس رايج راي الكثير من المواطنات
نفس التفكير والمنطق
وابد مب غلط
حلوو اتكون عدنا اراء وافكار مختلفه
يعطيج العافيه الغلا
ومشكوره ع المشاركه
بنوتة جميرا
25-06-07 ||, 07:28 PM
نور الايمان
شكرااا لطرحج هالقصص الواقعيه

بس نحن طرحنا بعيد عن العبد وهالاشيا
هاي حاله خاصه جداا
والموضوع فيها غير وياخذ مجرى ثاني
من القبول او الرفض

مشكوره الغلا مره ثانيه