كيف تستغلون وقتــكم !!

[المقاتل]

بسم الله الرحمن الرحيم

السلام عليكم ورحمة الله وبركاته .. شحالكم يالربع وعساكم بخير خواتي ؟ ؟

شدني سؤال وحبيت أسألكم إيـّــاه ، وسؤالي كيف كل واحد منكم ممكــن يستغــل يومــه أو وقته ؟ خلنـــا إنقول في إجازتكــم مثلا . . لأني في إجازه :tounge: مدتها 3 شهور تقريبـــا . . والمصيبه إني هب عارف فشو أشغل وقتي . . !! محتار :fa32: هل أشترك في النوادي الرياضيه ؟ أو في نشاطات أخرى ممكن تقترحونها علي .

فقـــلت بسألكم عسب نستفيد من أجوبتكـــم ، لأن مثل ما تعرفون لما كل واحد بيكتب لنا كيف هوه مستغل وقته ويومه بغدي الموضوع ممتـــع و مفيد في نفس الوقت .

إن شاء الله أسئلتي ليست بالثقيلـــه عليكم وأتمنــى إني ألاقي تفاعل من جداكم .

هذا وتقبلوا مني كل الاحترام والتقدير .

[دموع قلم]

وعليـكم السـلام ورحمـة الله وبركاته ..


أروع شي اخوي مقـاتـل .. ان لك رغبـة فعـلا في استغـلال وقـتك وإجازتـك .. لأن للأسـف في الغـالب تمـر الإجازة
كـلمحة بصـر .. بـدون ما نستفيـد منهـا بشـيء .. ولا نستغـلهـا في شـي ينفعنـا ويفيـدنـا بالحاضـر والمستقبـل ..!
.
.


امممممم يمكـن أفيـدك بقـليل القليــل ..
أولا .. أنت ممكـن تشـوف شو هـوايـاتك وتستغـلهـا وتطـورهـا .. تبـدع فيهـا .. ولكـل منا هـوايـة ..

ثانيا .. ممكن تخـصص وقـت في الإجازة لحفـظ شي من القـرآن .. امممم مثـلا سورة البقـرة ..
أو أي سورة تفهـم بمعانـيها وودك تحفظهـا .. والقـرآن بيكـون أنسنـا بالقبـر إن شـاء الله .. ^_^

ثالثا .. اممممم ممكن تخـصص وقـت كـل يوم تقريبـا .. للـريـاضة .. سوا بالصـالة ولا بأي مكـان ..
البحـر .. الحديقـة .. بأي مكـان .. مشي كل يوم لوقـت محـدد .. لأن فعـلا الريـاضة مفيــدة جـدا جــدا
للبـدن والروح .. ولهـا تأثيـر كبيــر في الراحـة النفسيـة .. مثـل مايقولون .. اسأل مجـرب ولا تسأل طبيـب ..
.
.


والحين هالنقـاط الثـلاث بس اببـالي .. وووإن شـاء الله إذا خطـر ببـالي شي ما بقصــر ..
وربـي يـوفق الكـل ليستـغل أوقـاته وإجازتـه في المفيـد .. لان سبحـان الله العمر يمضـي
بدون مانحـس .. ولا نسـوي شي يفيـدنا وينفعـنا .. وووبالتـوفيق لليميـع ..!

^_^

[بنوتة جميرا]

وعليكم السلام ورحمه الله وبركاته

انا عن نفسي قبل الوقت يمر عندي وماسوي شي
ولا استفيد منه
الا بالرقاد والنت
بس هالسنه طبعا في اشيا تغيرت
بما اني طالبه جامعيه
لازم اتكون عندي اهتمامات ثانيه اطور من نفسي وشخصيتي

هالمره اقترحت علي خالتي اني اشتغل صيفي
اولا عسب استفيد من وقتي
ثانيا عسب اتكون عندي خبره
وثالثا ان شاء الله يوم بخلص دراستي وافكر اني اشتغل
الاولويه اتكون لاصحاب الخبرات
عسب جي هالسنه قلت باخذ برايها
واحس انه صدق بقضي وقتي بشي ينفعني واستفيد بنفس الوقت

وشي ثاني ممكن ان نستفيد منه
في ام سقيم مسوين مركز الاميره هيا اللي هو دار اسما قبل بس في مكانهم اليديد
يختص بتحفيظ القران ويقيمون فيها دورات اتفيد وايد
حظرت عندهم دوره للدكتوره وداد العيسى
الدوره واااايد كانت مفيده واسلوب الدكتوره يشجعج انج اتكملين وماتملين من رمستها ابد
طبعا هالمركز فقط للنساء

سوري وايد رمست..خخخخ..
شكرا اخوي ع الموضوع
يعطيك العافيه...

[المقاتل]

أهلا و سهــلا

فـ دموع القلم ،،

بصراحه أختي كلامج صحيح 100 % والنقاط إلي ذكرتيها بالفعل مطلوبه في هالأوقات ( الإجازه ) ولا أنســى إني فكرت في مركز تحفيظ القرآن . . :fa32: بس بصراحه ما عندي إي فكره عن المراكز أو بمعنــى آخر ما أعرف ولا مركز :k_nono: وإذا حد عنده فكره عن مركز تحفيظ موجود في دبي أو الشارقه لا يبخل علي لأني حاب أسير بس مش عارف كيف ؟

أما بالنسبه للنوادي فـ إن شاء لله :fa32: شكلي بشترك في نادي سباحه :glare: بس بعـــد مش عارف نادي زين عسب جيه كتبت موضوع في واحة الرياضه أستفسر عن نادي سباحه زين :fa43: بس محد يعرف الظاهر .

وعن الهوايه أكيد إن شاء الله بستغلها .

طبعا أختي دموع القلم شكرا على مشاركتج المفيده و التشجيع و بالفعل الوقت يمضي ويطوف كـ لمحة البصر هذا ونتمنــى لج كل التوفيق يا رب .


فـ بنوتة جميرا ،،

أنا أختي اقترحت علي إني اشتغل صيفي :k_nono: بس شوي متردد من مسألة ( إني أقوم من الساعه 8 لما الساعه 12 ) :m_ma9dom: لأن هالوقت ما بيفرق عن دوام الجامعه بس إن شاء الله بفكر . . وإني آخذ خبره من المحكمه وإيضا هالشي بيفيدني فـ تخصصي . . :glare: خصوصا إن الوالد قايلي ما بعطيك مصروف سير دبر حالك ودورلك شغل . . !!
أما بالنسبه لتحفيظ القرآن يا ريت لو تعطيني مركز مخصص لتحفيظ الشباب وبكون شاكر لج لأني بالفعل حاب ألتحق في مركز مثل هاي المراكز .

وأشكرج على هاي النقاط والاقتراحات إلي خلتنا انفكر في اشياء مش منتبهين لها . . بس :oh: سؤال معاش إلي يشتغلون صيفي بس 2000 درهم :eek: ما في أكثر ؟ ؟ > > ( بطره ههههه ) .


ومشكورين مشكورين على مروركم .

[بنوتة جميرا]

المقاتل
شكلك بطران..خخخخخ
انا عن نفسي يوم بشتغل صيفي
افكر في الخبره اللي بحصلها وشو بستفيد
والراتب يكون اخر شي
مب اول اهتماماتي
لان الوالد<<فدييييييييته والله
مب مقصر وياي واللي احتاجه احصله
يمكن يكون هالشي عند الشباب مختلف
البنات مدلعينهن ع الاخر بس الشباب حليلهم

وعن مركز تحفيظ القران للشباب
بسألك وبشوف
اللي اعرفه نادي بالرميثه في عندهم تحفيظ قران للصغار اظن
ماعرف اذا شي للكبار بعد

[المقاتل]

أختي بنوتة جميرا ،،


:fa32: توني تذكرت شي إن إلي يشتغلون صيفي يعطونهم وظيفة مراسل :mf_leia: ودي الاوراق وييب الاوراق وغلف ولا تغلف :fa44: وين الخبره في هاي الشغله ؟

[بنوتة جميرا]

اخوي يوم قريت تعقيبكم اتصلت في خالتي
عسب اسألها
قالت لي اللي بعدهم في المدارس يمكن يشتغلون ويعطونهم هالشغله
بس طالب او طالبه جامعيه لا
يعطونهم شغلات ثانيه اتفيدهم
مب ود وييب<<خخخخخ

[عديم الشوق]

مرحبا عزيزي المقاتل ^__^

والله أنا وايد اضيع اوقاتي

بس بقولك شو اسوي :

(1) انش من الرقاد ايلس اشوي افطر عقب ايلس ع النت

(2) العب بالأدوبي

(3) ع العصريه اظهر حواطه ع الممزر او السينما او لعب كوره (ساعات جري ع الممزر ^_^)

(4) ارد البيت اريح اشوي عقب اندورلنه مركز انحاوط فيه خخخخخخ

(5) ساعات انسير البر بالدراجات (رابترات (فرحان عندي دراجه) خخخخخ

اكثر شي جي ياريال -_-

بس

ونصيحتي لك :

اتسجل في معهد تتعلم اتبرمج الكمبيوتر و اتفككه

او اتسجل في اي سي دي ال (icdl)

مال الكمبيوتر ف استفيد من وقتك

و سجل في نوادي كرة القدم إذا بغيت ( نادي الوصل و الأهلي النصر ......الخ)

او رتبوا جي رحله مع ربعك خيمو امكان غاوي

او دراجات بانشي و رابتاتر وهاي السوالف

و جي عزيزي ^__^

و اسمحلي إذا طولت عليك

و اتنمنى لك التوفيق في كل حياتك ^_^

اخوك المتواضع عديم الشوق

خخخخخ خخخخخ خخخخخ

[الا انا]

امممممممممممم,,


والله شي واااااااااااااااايد اشياااء تسويها ,,,



خصوصا انتو الشباب مفتوح لكم المجال اكثر عنا ,,,,


يعني كل شي ,,,, كل شي موجود .... وتقدر تسويه ... بس يبالك تحط جدول وتمشي عليه بدقه ,,,


وبس ,,,

[ايه احبك]

الصراحة علامكم انتو يالشباب وسيع اكثر عنا المفروض ما تحتار
اتروم اتسفر او تستكشف بلددان ورياضة بكل انوعها وغيرها وغيرها
نحن البنات محده الأشياء علينا
بس انا قد الي اقدر استفيد
هوايتي كالتالي
سباحة
رسم
كرة سلة وريش
شطرنج
ورماية الأسهم
ولازم العب في الجم كل الألعاب الرياضية
ها طبعا في الأيام الي اكون فيها مدوامه
في الأجازات
مرات اسافر
اف نت
اشتغل
اف نت
ادرس كورس شي في اي معهد
وانا الحين لو تسألوني عن اي معهد في دبي بقولكم من سواقة ل انجليزي لكومبيتر
بس ما أخذت شهادة ولا واحد فيهم
وطبعا اتفرغ لتصوير مب شرط بروو بس اهم شي ايكون ذكرى
وبس

ودامت دياركم عامره بالأفراح والمسرات

[الـيـاه]

ما جد خططت شو بسوي في وقت فراغي قبلها بوقت :k_icon9: !

لأي شي كان .. بطلع ( يالله طلعنا الحينه ) .. أبا ألعب ( يالله نلعب كلنا ) .. بنسافر ( يالله سافرنا الاسبوع الياي )

أعيش الحزة بحزتها لول .. استغل كل الاوقات ويوم أبا اسوي شي اسويه في نفس اللحظه بدون تخطيط
فـ ما أقدر افيدك ههههه


حبو الحياااااااااه :11: :11:

[هزاايم]

.............

[مزن هتان]

عليكم السلام و رحمة الله و بركاته

بخصوص وقت فراغي

مع امي، خواتي والا اخواني
اقرا قصص و بالنادر جدا روايات
اشبك (نت)
ادور لي مكان اروحه

مركز الفاروق لـ تحفيظ القرآن بـ ندالحمر للكبار و الصغار
عندك نادي بالرميثه عدهم سباحه

مزن

[شمعة أمل]

كيف استغل وقتي..
-أسير الجم 4 - 6 مرات في الأسبوع
-أطلع ويا ربيعاتي
- اجوف أفلام
- ألعب الننتندو وييييي
- اعزم ربيعاتي على بيتنا
- نسير بوظبي
- اتسبح في الحووض
- ألعوز كلحد في البيت واذكرهم 24\7 اني انا انسانه وايد مهمه وكلحد يحبني ويوم بكبر بكون مليونييره ف اذا وحده من خواتي تزعلني مابعطيها بيزات :hysterical:
- أطبخ أطبخ أطبخ
- النت
- كن باخذ كورس فوتوغرافي بس كنسلت

[شرجاوي]

خذلك رابتر و اتمشى ع خط الجامعه ل 3 اشهر و انت و الخير رباعه

و لا خذلك نيسان 89 و بتطيح فالصناعيه 3 سنوات مب اشهر خخخخخخخ

[تحفه]

انش من رقادي اصك المنبه وارجع ارقد
اقرر اني انش من الشبريه اشل ماسك عيوني اطالع الساعه كم وانش ونظف رموشي > حمام>اتمسح واصلي ( الحين متفلسفه اوني بقرا اربع صفحات ع كل صلاه ) ها ويهي استغفر الله
اخلص صلاه احط تونر و مسترايزر ونزل تحت واتريق
افج التلفزيون اجلب بين قنوات الاغاني واطالع اخر سوالف المغنيات
اطالع افلام
اطلع من البيت اسوي اي شي ان شاء الله بس احط رصيد فالتاون سنتر بس اطلع ( اسير الجم..صالون من يوم ويوم ثاني .. كل يوم اطلع لي شي اسويه لول ) ارجع اتسبح واصلي الظهر
قمت ازرع ^,^ ( فجو عيونكم اكثر .. ينبت الزرع في عز الحر ) لوول
اتغدى واقعد وي ماما وبابا خمس دقايق واذا فاضيه العب فيديو قيمز ولا اتضارب وي اخوي ولا ادش النت واصلي العصر
اقرا مجلات .. يوم يخلصون اقرا مجلات جديمه خخخخخخخ
اذا حد بيظهرني ..اظهر
اصلي المغرب
اقرا كتب
ايلس ع النت ..
wish my parents a good night
take care of my beauty .. e7m e7m
احط كنتدشنر ع رموشي وافكر كمن كريم كريمات الليل
اطالع موبايلي اشوف الساعه كم و اذا i am text-ing some1 i wish them good night و احط ماسك عيوني وارقد ^,^

[تحفه]

^الحين اقرا كتاب كاتبنه خالد حسني .. اسمه The Kite Runner

[شرجاوي]

كيف تفكرين كم كريم ؟؟

[تحفه]

عندي سبع ايادي XP هههههه

[شرجاوي]

تفكرين بالكريمات ب اياديج ؟؟؟

[تحفه]

شرجاوي! :smile2:

[شرجاوي]

تحفه ؟؟ .. قولي كيف تفكرين كم كريم ؟؟ ما فهمت هالجمله

[تحفه]

يا إلاهيييي

[بنت الدلع]

شرجاوي
هههههــ
قصدها تفرك >> اوني عاد بشرح


مممم شو جدولي
انش الصبح
اصلي
اسير عند ماما ازن على راسها
بسافر مابسافر
قصو تذكره لاتقصون
اتريق
سوالف ويا البشاكير
الاعب الصغاريه اذا في حد واعي
نت
تلفزيون
ارتب غرفتي
صلاه + غدى مال دلع .... الخ
العصر اسير اخلص مشاويري
جان حد بيظهر تراني بطاليه يشلني وياه
احوط واصيع وارد البيت
فيني حيله بيلس عالنت وبشوف لي فلم ولا انيمي ولا وات ايفر
ايلس ويا اخواني
سوالف وضحك والعوز عيالهم عن خاطري
احياانا يكون فخاطري اقرا
افتح المكتبه اطالع الكتب راسي يدور ارجع الحجره
اقرا قرآن وارقد

وان شاء الله اذا ماسافرت بسجل في جم اقضي وقت
وايام الويك اند او حتى ايام الاسبوع امر على ربيعاتي و having fun together

عفان الله ولا شي مفيد اسويه !

[بنت الدلع]

+ اخربط عالفوتوشوب واحاول ابتكر اشيا ماجد سويتها قبل

وحاليا

اتعلم اسباني & ياباني

بويناس نوتجيس p=

[بنوتة وردية]

انا الصراحة ما خططت كيف استغل وقتي في الاجازة

يعني يوم أكون ملانه يا أيلس ع النت أو أظهر او اشوف تلفزيون

وجي ... يعني ما أسوي شي مفيد

[شرجاوي]

ادري انزين . ما ادري ليش مصره على كلمة افكر

[بنت الدلع]

^ يمكن ما انتبهت

[شرجاوي]

اكيد لانها كانت اتفكر كم كريم

[بنت الدلع]

هههههههههه

وينج ياتووحفه

[الدلووووعة]

والله انا كل ما اقول بسوي شي يتغير وماسويه

بس لين الحينه ماسويت شي هههههه

يعني سهر بالليل لين الصبح
ورقاد الصبح لين الظهر

بس الحينه من كم يوم ماقمت اسهر

لأنه ان سهرت ولا ماسهرت امل

المهم طبعا صلاه وقرايه قرأن كل حد يسويه

اونه الوالده تباني اتعلم اطبخ خخخخخخ

انا اسوي شوي وهي تكمل الباجي وعالغدى اقولهم تراني انا طبخت اذا عيبهم الاكل

الظهر كل واحد يلعب له شي

عاد انا ماعندي غير النت ولا العب كراش خخخخخخ

والعصر نسير نحاوط اذا ابويه موجود

واذا ماشي ظهره ايلس فالبيت العب ويا اخوانيه الصغار شوي

وشوي عالنت وهاي حالتي لين العشا واخوانيه الاولاد
يوم يون عاد اسير اسولف وياهم وجي

وطبعا كل سوالفهم سياير وحاله مرات اتفلسف وياهم خخخخخ
ومرات ماعور راسي انش عنهم اسير عند الوالده احن عليها ابا اسير احاوط هب مولات وجي لا عند قرايبنا وجي

وبس عالساعة 12 ابركن عالنت مع اللي وياي عالمسن لين الفير خخخخخخخ اصلي واحط راسي وارقد

بس هاي الايام مستويه ديايه من 2 انا ارقد ^^

يعني يومي مافيه شي مفيد كله نت وسوالف وبس

[خيال الروح]

كيف استغل وقتي في الصيف ؟؟

لين الحين ما استغليته وقتي عدل ..
ومسويه كسوله وما اسوي شي بالمره ..
رقاااااااد لين الظهر وسهر فليل ..

برنامجي اليومي وان شاء الله بحاول اغيره لاني بسافر
انش الظهر .. ومرات العصر
ايلس وي الوالده اطالع التلفزيون لين المغرب ..
وبدين افتح النت شوي

وعقب صلاته العشا
اروح بيت يدوتي ..
وما ارد الا الساعه 11

ومن الساعه 12 اطالع مسلسلات يابانيه
لين ما اصلي الفجر وارقد ..

الدلووووعه طلعتي شراتي .. :fa46:

[ايه احبك]

خيال الروح شو طالعين الحين من مسلسلات

[الدلووووعة]

خخخخخخخخخ

خيال الروح شفتي عاد

[خيال الروح]

وايد مسلسلااات ..

Hana Yori Dango
(الجزء الاول و الثاني )
Nobuta wo Produce
Dragon Zakura
Attention Please
Kurosagi
One litre of Tears
Taiyou No Uta
Tatta Hitotsu no Koi
14Sai No Haha
Boku dake no Madonna
Gokusen -- >> [ الجزء الاول والثاني ]
My boss My Hero
Proposal Daisakusen

هالمسلسلات الى شفتهن ..


وباقي مسلسلات لين الحين ما خلصتهن ( ما كتب اساميهن)
ومن غير اشوف انيمي ..

:14:

:

[وحي القلم]

أنا كنت أبى أشتغل فالصيف

لكني غيرت رايي لانه

ما حصلت مكان مناسب + تعايزت الصراحه :fa46:

.
.

و ناويه أبتدي أحفظ سورة البقرة ان شا الله بدال اليلسه بدون شغل :glare:

اممممم و شو بعد.. أبغي أتعلم فرنسي :4: بس أشك أنه هالشي بيستوي

.
.

خيال الروح

هالايام أتابع meteor garden II

شرات اللى شفتيه بس التايواني


Hana Yori Dango

.
.

و أبى أشوف My boss My Hero عقب ما أخلص meteor garden

بس شو رايج فيه.. حلو ولا يملل ؟ :tongue:

..

[ايه احبك]

Dragon Zakura
Attention Please
Kurosagi

Taiyou No Uta
Tatta Hitotsu no Koi
14Sai No Haha
Boku dake no Madonna
My boss My Hero
Proposal Daisakusen:

انززين خيالوه اي واحد فيهم نهايته تعيسه عشان ما أطالعه لني بصراحه انا من عشاق النهايات السعيدة عشان جي حولت على الكوري لازم النهايه اتكون سعيده :11: عندهم

[خيال الروح]

وحي القلم
و أبى أشوف My boss My Hero عقب ما أخلص meteor garden
بس شو رايج فيه.. حلو ولا يملل ؟


وايد حلو .. وكوميــدي ..

ايه احبك

كلهم نهايتهم سعيده ..
بس في مسلسل اسمه One litre of Tears
هو قصه حقيقه عن بنت .. حزين بس حلو
ونهايه حزينه بعد

:14:

:

[ايه احبك]

metrp garden nafs 8a9at hana yori
bass bal tiwan
anyway ana a9ln shyafa 1 liter o 9ad at9ee7en 1 liter
ba5al9 soulmate o enshallah ba6al3 the list that u gave me merci sis000 ^_^

[دموع قلم]

صبـــاااحكم بسمــة ..


وحــي القلــم ..
بعـدج مـا خلصتـي مسـلسل meteor garden لين الحين ..؟!
ولا شـي جـزء ثـاني لهالمسـلسل وأنـا مـادري ..؟!!


الحـين يـالسة اتـابع مسـلسل one litre of tears .. ومن صـدق حـزين ويصيـح ..!


خيــال الـروح ..
اممممم عطينـي اسم مسـلسل من اللي شفتيـهم يكـون درامـا .. واقعـي اجتمـاعـي ..
يعنـي لا كوميـدي ولا رعـب ولا خيـالي .. يكـون نفـس المسلسليـن اللي ذكرت أسـاميهم فـوق ..

امممم عنــدج ..؟!



والسمـوحـة ..

^_^

[وحي القلم]

أنا شفت one litre of tears الصيف اللى طاف

صح انه حزين لكنه وايد حلو

.
.

دموع قلم

خلصت الجزء الأول من meteor garden و الحينه أشوف الثاني

باجي لي 10 حلقات منه :icecream:

.
.

خيال الروح


وايد حلو .. وكوميــدي ..

مشكوره :12:

إن شا الله بشوفه

[ايه احبك]

شفتوو بطل متروو مب الي يحب البطله لا الثاني الحلوو ها امثل في مسلسل اسمه سيلنس شووو ايصيح شرات ون لتر اف تيرز بس ون لتر انا كملته لكن سيلنس وصلت لين الحلقة التاسعة وما قدرت اكمله شوفووه اذا كنتو من اصحاب القلوب القويه

[وحي القلم]

ايه أحبك

سايلنس.. أنا حاطتنه في الــ favorites عشان أشوفه

بس ليش وقفتي؟

شرات ون ليتر أوف تيرز ولا قصته حزينه أكثر ؟ :fa56:

[دموع قلم]

اووووه .. تونـي أدري أن لمسلسل meteor garden جزء ثـاني ..!


انـزين أقـول ..
أنـا وصلـت الحلقـة الخامسـة لمسلسـل one litre of tears بس ترجمتـه باليـابـاني مو بالإنجليـزي
شـرات الحلقـات القبليـة .. امممم ليـش؟!.. عنـدكم موقـع ثـاني مترجمينـه بالإنجليـزي ولا ..؟!

أتـابع من مـوقع crunchyrool.com ..


^_^

[ايه احبك]

وييي وحي قلم قلبي ما تحمل اقولج شويه او بستخف اذذا شفته زايده عادي ما ارقد شهر بسبة الصياح
اااااااااايدددددددددد حزين اقولج انا وصلت لين الحلقه 9 من اصل 20 وقلت الله واحد ما كمله ما يسوى علي -----
دموع قلم دوري هني dailymotion.com
او veoh
حوطي انتي من مبين هالمواقع ما وراج شي XD

[مزايا]

One litre of Tears


خلصت دموعي إلا على هالمسلسل:fa46:

[وحي القلم]

وييي وحي قلم قلبي ما تحمل اقولج شويه او بستخف اذذا شفته زايده عادي ما ارقد شهر بسبة الصياح
اااااااااايدددددددددد حزين اقولج انا وصلت لين الحلقه 9 من اصل 20 وقلت الله واحد ما كمله ما يسوى علي ----- XD

ههههههههههههههههههههه

ذكرتيني بـ the painted veil

.
.

[خيال الروح]

دموع قلم ..

المسلسلات الى كتبت اساميهم كلهن حلوات ..
:14:

:

[أنامل قلب]

الحين شو محور الطرح ..
مب جنه (( كيف تستغلون وقتكم !! ))
ومب جنه الموضوع قلب لآخر أخبار المسلسلات .. :fa46:

اممم ..
تستغلون الوقت شي وكيف تقضون وقتكم شي ثاني .. !
تستغلون = شي مفيد
تقضون = ما يعتمد .. المهم ان نمشي الوقت :Oo:

انننننزين .. مب جني ماخذه فيس :tounge:

:

اممم لا صدق توني قبل شوي مكلمه ربيعتي عن سالفة كيفية استغلال الوقت بشي مفيد ..
وكيف أحسس نفسي بإني استفدت وانجزت بالاجازة .. ولو كان الانجاز بسيط ..

اممم .. مثل ماقلتو موضوع الحفظ جدا يبارك لكم بالوقت ..
هذا غير احساس الراحه والسكون اللي تستشعرونه ..
عني أنا ماحب أروح مراكز تحفيظ ولو كان بشكل ما أحسن للانضباط وأفيد .. بس مادري ليش أحب اعتمد على نفسي فيه ..
طبعا يحبذ قراءة تفسير ما تبغي حفظه .. وأحس إن الواحد يبدأ بالسور الطويلة يعني من البقرة وآل عمران أحسن ..
لكون السور القصيره ممكن يحفظهم بفترات قصيرة كل فتره والثانيه ..

من الأشيا اللي احب اسويها إهي روحة المكتبه وشراء ما أراه ملائما لميولي ..
مثلا روايات (( اللي تنمي قدرات الفرد بالكتابة ووعيه يزيد )) .. سواء كانت الروايات أدبية ولا غيرها ..
لاضطلاعه على أفكار وشخوص الغير .. + الأساليب المختلفه بالكتابه ..
وفي كتب جدا حلوه ومفيده ولمن تبدأ بقراءتها ماتحس بنفسك وممكن توصل بالساعات وانت تقرا ابهم ..

وبعدين نقطة الهوايات .. جدا مفيده خاصه اذا كان الواحد يملك أكثر عن هواية .. ويحب التنويع ..
مثلا ما أحب أتم على شي لازم اغير وانوع وآخذ من كل ما يعيبني ..
مرات أرسم مرات أصور ولو تصويري خرط .. اممم .. ومرات أصمم + رياضة + الخ من أمور .. ^_^ ..

وووو شو بعد يا أنامل قلب .. اممم ..
إي بالعاده فترة الدراسة و لا الدوام تنسي الواحد ان يقعد مع حاله يتأمل سواء بالللي حوله .. او بنفسه ..
والاجازة .. فرصه طيبة ان الواحد يدير باله على هالنقطه بشكل اكبر ..

وبعدين حلو ان يخصص مواضيع يتكلم عنها (( بالكتابة )) ..
سواء خواطر ولا مواضيع اجتماعية ولا غيرها ..

تعلم لغة يديده .. عني أنا مش فالحه بالانجليزي ذاك الزود أو بالأحرى ما ينقصني هو استخدام اللغه (( أي المحادثه )) ..
ممكن تحاول تكسب كلمات يديده .. + قراءة كتب باللغة اللي تباها تفيدك في جعل اللغة سلسة عليك ..
وممكن طبعا يكون بغير اللغة الانجليزية .. الفرنسية ولا الاسبانية مثلا .. !

صلة الرحم + اصدقاءك ..

في أشيا بسيطة الواحد مايدير باله عليها ..
مثل اصلاح نفسه ودراسة مابه من مساويء .. ومايحب أن يملك من سمات بشخصه ..
ممكن تاخذها فرصة لتصفية نفسك مما تكره والعكس .. لتكسبها ماتحب من الصفات ..

وووو وايد أشيا ممكن نسويها لو الواحد فعلا حاب يستفيد ويستغل وقته ..
وهذا اللي عندي حاليا ..

ربي ييسر لكم كل امركم ..
ويبارك لكم بوقتكم ..

فنحن محاسبين على كل ثانية .. فيما قضيناها .. !

احترامي ..
وجدا جدا جدا أعتذر عالاطالة .. ^_^ ..

.................
ملاحظة .. أهم شي انك تجدد النية بكل فعل ناوي تسويه .. فتخلي نيتك خالصه لوجه ربك جل شانه ..

[ايه احبك]

لووول انا مل قلب ما حسينا بعمرنا تمينا انسولف وانسولف واخذتنا السوالف لوول
---
وحي قلم ها شو أصله the painted veil

[وحي القلم]

آسفين يا أنامل قلب :fa46:

بس برد على ايه أحبك .. خلاص آخر مره :4:

.
.

الله ايسلمج the painted veil فلم أجنبي

هالفلم الوحيد اللى يوم شفته قررت اني ما أكمله :glare:

و تميت مكتأبه بسبته كمن يوم :fa46:

يعني شرات اللى استوالج من سايلنس :fa56:

.
.

و السموحه من صاحب الموضوع :9:

[ايه احبك]

ايوااا تحريته من امسلسلات قوم ربعنا

انا بعد اسفه يال مقاتل ^^;

[أنامل قلب]

^

لا عادي خذو راحتكم .. مب آنا اللي طارحه الموضوع .. >> مافيني أنزف :fa46:

[المقاتل]

:glare: هااااااااااااااااااه عيل جذه الموضوع . . !!
:14: عاااااااادي والله مافيها شي بلا اسف ولا شي الموضوع موضوعكم والبيت بيتكم والذبيحه جاهزه من عند خالد حريه :m_mar7ba: . . !! :2: :2: :2: :2: :2: :2: :2: :2:

آآآآني تايم .. !!

كل الود ،، :1: