اعرف نفسك ] بحثي لمادة اللغة العربية لهذا الفصل .. !

[أنامل قلب]

اممممم :mf_leia:

السلام عليكم ورحمة الله وبركاته ..
بالبداية .. كيف حالكم اخواني وخواتي ..
شلونكم وشلون المسيين .. !

عساكم دوم بخير ونعمه وعافية وصحة وسلامه ..
وعساها الراحة والطمأنينه دومها "من" و "لـ" (( طيب قلوبكم )) .. ^_^ ..

كنت قاعده عالنت مستانسه ( ترى للعلم اليوم الخميس :fa46: ) ..
يعني وناسة هالنظام اليديد مخلينا نأجز السبت فيعني اليوم بقعد عراحتي ..
وبسو اللي بخاطري .. عاشو :a033: ..

وانا أتصفح شي من المواضيع القديمه .. سواء بهالمنتدى ولا غيره ..
لاحظت تاريخ شي من المواضيع .. وتاريخ اليوم .. >> فرق من الخاطر :k_wheelchair:
قعدت افكر ..
كيف الواحد لمن يحط طرح سواء زين ولا راء .. :k_nono: .. أقصد شين يعني موزين " يعني شين = سيء " .. ! >> :ohboy:
المهم ..
أهو ممكن ينسى الطرح .. وخلاص .. برايه مرت عليه صفحات عقبه .. وينسى موضوعه ..
ما يدري إني كنت قاعده اقراالموضوع الفلاني .. واستفدت منه بالشي الفلاني ..
واشتغلت عليه واستانست عليه وخبرت غيري عنه .. وهو يوصله الاجر من الصوب الثاني باذن الرحمن وأهو مب حاس .. :oh:
والعكس .. للكريه من المواضيع .. يظل يئثم .. ويشل إثم كل من قرا ووزع .. إلى أجل لا يعلم به غير الله .. (( اللهم عافينا ! ))

أدري .. كل هالحجي ماله خص بموضوعي .. :glare:
بس مادري وانا قاعده الطمش عالمواضيع .. تذكرت بحيث العربي اللي عندي .. مسويته لهذي السنه ..
اللي طاف بالفصل الاول كان عن الصداقه .. للأسف انمسحت النسخه اللي كانت عندي بالكمبيوتر (( تعبي ضاع :d010: ))
التقرير الثاني لهذا الفصل يخص درس اعرف نفسك للشيخ علي الطنطاوي ..
صحيح إن البحيث ظهر على قدي .. خاصه انه مدرسي يعني بوقت نكون مضغوطين فيه .. والخ

بس قعدت أفكر .. و لازلت أفكر .. :sleepy:
شي سويته وتعبت عليه .. صح إني خلصته بيوم ( يوم كامل عليه حشا ) ..
بس بالنهاية محد قراه غيري والأبلة .. ! >> ووحده من صديقاتي الصدوقات :k_winner_third_h4h_

مع انه يضم موضوع قيم .. ولو باسلوب ركيك .. سريع ..
لكن بالنهاية كان ولازال ممكن يستفيد منه شخص على الأقل .. فقط بكبسة زر مني هنا .. :whistling:
أكانت الافاده ستكون اليوم .. غدا .. آخر الدهر .. لا ادري ولا يهم .. !

فقد يحل أحدهم محلي يوما بغية التطمش ^_^ .. ويستفيد ..

فقلت يالله ماني خسرانه شي ..
سأضعه كما هو دون اي تغيير عليه .. مع العلم اني لما رجعت قريته .. حسيته يفضح وبه أخطاء كثيرة ..
بس عالأقل يحوي جمله مفيده .. :k_icon9: ..

وهذا هو هنا :vertag: .. >>
>> http://www.up.00op.com/download.php?id=6A58JF743Y
بعنوان (( لوحة من أوتار قلبيــ ـ ـ إلى القريب البعيد .. !! )) >> شليت صفحة الغلاف عنه عشان حجم الملف ..
ولو علي جان حطيته .. و الود ودي أصلا أحطه لكونه أحلى مافي البحيث لول .. >> أسولف :mf_leia:

طبعا عذروني عالاسلوب البسيط اللي فيه .. ولاضطراري للتقيد ببعض النقاط المطالبين فيه ..
وتجنبي التطرق او استخدام اسلوب معين ( كان ممكن يخليه افضل قليلا ) لكونه يظل بالاول والأخير % بحيث مدرسي % ..
وكلنا يسعى وراء الدرجات :glare: ..

::

كل المنى أن يفيد أحدكم يوما ..
وجل المعذرة على الاطالة .. وعلى قصوري معكم ..

دعواتكم لنا بالتوفيق ..
وكل الود والاحترام الخالص لكم .. ^_^ ..

.................................................. ...................:: ملاحظة :.
1) اذا الرابط ما يشتغل ولا به أي سوء خبروني وبنسخ البحث مباشرة لكم ..
هذا إذا أحد منكم تفيج يقراه :a018: ..
2) بالرد التالي سأطرح لكم فحوا درس الشيخ ـ رحمه الله ـ >> اللي بكتابنا ..
لأنكم بتستفيدون منه بشكل اكبر عن تقريري .. لما يتميز باسلوب طيب جاذب ..


وعقبال ما أصير شراته بالكتابة لول .. :blush:


.......:: السموحه مره ثانية ..
وسلمتم .. ^_^ ..

[أنامل قلب]

اعرف نفسك للشيخ علي الطنطاوي ..


إنكم تسمعون كل يوم احاديث في الجد والهزل ، وفي الخير وفي الشر ، أحاديث تدعوا إلى الوطنية ، وأحادث
تسمو بالخلق ، واحاديث فيها متعة وفيها تسلية ، ولكن حديثي الليلة أهم من هذه الأحاديث كلها ، لا لأني أنا كاتبه
ـ أعوذر بالله من رذيلة الغرور ـ بل لأنه أمس الموضوعات بكم ، وأقرب إليكم ، ولأنه دعوة لكم لتعرفوا أنفسكم
لا تضحكوا يا سادة ولا تظنوا إني أهزل ، ولا تقولوا : من منا لا يعرف نفسه ؟ فقديما قال سقراط : " أيها الإناسان
اعرف نفسك " .


ومن يوم سقراط إلى هذه الأيام ، لم يوجد في الناس ( إلا الأقل منهم ) من عرف نفسه ! .
ومتى تعرف نفسك يا أخي ، وأنت من حين تصبح إلى حين تنام مشغول عنها بحديث ، او عمل ، أو لهو ، أو كتاب ؟
ومتى تعرف نفسك يا أخي وأنت لا تحاول أن تخلوا بها ساعة واحدة كل يوم ، تفكر فيها ، لا يشغلك عنها تجارة
ولا علم ولا متاع ؟


ومتى .... أنت أبدا تفكر في الناس كلهم إلا نفسك ، وتحدثهم جميعا إلاها ؟
تقول وأنا ... فهل خطر على بالك مرة واحدة أن تسأل : " من انا " ؟ هل جسدي هو ( أنا ) ؟ هل أنا هي هذه الجوارح
والأعضاء ؟


إن الجسم قد ينقبض بعاهة أو مرض ، فتبتر رجل ، أو تقطع يد ، ولكن لا يصيبني بذلك نقصان ! من أنا ؟
ولقد كنت يوما طفلا ، ثم صرت شابا وصرت كهلا ، فهل خطر على بالك أن تسأل : هل هذا الشاب هو ذاك الطفل ؟
وكيف ؟ وما جسمي بجسمه ، ولا عقلي بعقله ، ولا يدي هذه يده الصغيرة فأين ذهبت تلك اليد ؟ ومن أين جاءت
هذه ؟


إذا كانا شخصين مختلفين ، فأيهما أنا ؟ أأنا ذلك الطفل الذي مات ولم يبق في من جسده ولا فكره بقية أم أنا
الكهل الذي يلقي هذا الحديث ؟ أم أنا الشيخ الذي سيأتي على أثره بجسمه الواني وذهنه الكليل ؟ ما أنا ؟
وتسمع في الصباح جرس الساعة يدعوك إلى القيام ، فإذا فكرت في النهوض ناداك منك مناد أن تريث قليلا ،
واستمتع بدفء الفراش ، ولذة المنام ، ويتجاذبك الداعيان : داعي القيام وداعي المنام ، فهل تساءلت ما هذا ؟
وما ذاك ؟ وما انت بينهما ، ومالذي يزين لك المعصية ؟ ومن يصور لك لذتها ، ويجرك إليها ؟ ومالذي ينفرك
منها ، ويبعدك عنها ؟ يقولون إنها النفس وإنه العقل .


فهل فكرت يوما مالنفس الأمارة بالسوء ؟ ومالعقل الرادع عنه ؟ وما انت ؟ ويعصف بنفسك الغضب حتى
ترى اللذة في الأذى ، والمتعة في الانتقام ، وتغدوا وكأن سبعا حل فيك ، فصارت إنسانيتك وحشية ـ ثم يسكت
عنك الغضب ، فتجد الألم فيما كنت تراه لذة ، والندم على ماكنت تتمناه .


وتقرأ كتابا في السيرة ، أو تتلو قصة ، أو تنشد قصيدة ، فتحس كأن سكن قلبك ملك ، فطرت بغير جناح إلى
عالم كله خير وجمال ، ثم تدع الكتاب ، فلا تجد في نفسك ولا في الوجود أثرا من ذلك العالم .
فهل تساءلت مره ما أنا ؟ ومن هؤلاء ؟ أأنا ذاك الإنسان الشهوان الذي يستبيح في لذته كل محرم ويأتي كل
قبيح ، أم ذلك الإنسان البطاش الذي يشرب دم أخيه الإنسان ، ويتغدى بعذابه ، ويسعد بشقاءه ، أم ذلك الإنسان
السامي الذي يحلق في سماء الطهر بلا جناح ؟ أسبع أنا أم شيطان أم ملك ؟
أتحسب أنك واحد وأنك معروف ، وأنت جماعة في واحد ، وأنت عالم مجهول ، كشفت مجاهل البلاد ، فهل حاولت
مرة أن تدخل إلى نفسك فتكشف مجاهلها ؟
نفسك عالم عجيب ، يتبدل كل لحظة ويتغير ، ولا يستقر على حال ، تحب المرء فتراه ملكا ، ثم تكرهه فتبصره
شيطانا ، وما ملكا كان قط ، ولا شيطانا ، وما تبدل ، ولكن تبدلت حالة نفسك .


تكون في مسرة فترى الدنيا ضاحكة ، حتى أنك لو كنت مصورا لملأت صورتها على لوحتك بزاهي الألوان ، ثم
تراه وانت في كدر ، باكية قد غرقت في سواد الحداد ، وما ضحكت الدنيا قط ولا بكت ، ولكن انت الضاحك الباكي .


فما هذا التحول فيك ؟ وأي أحكامك على الدنيا أصدق ؟
وإذا أصابك إمساك ونالك منه صداع ، ساءت عندك الحياة ، وامحى جمال الرياض ، وطمس بهاء الشمس ،
واسود بياض القمر ، وملأت الدنيا فلسفة شؤم إن كنت فيلسوفا ، وحشوت الأسماع شعر بؤس إن كنت شاعرا ،
فإذا زال ما بك بقدح من زيت الخروع ، ذهب التشاؤم في الفلسفة ، والبؤس في الشعر ، فما فلسفتك يا أيها
الإنسان وما شعرك إن كان مصدرها فقط قدح من زيت الخروع ؟
وتكون وانيا واهي الجسم ، لا تستطيع حراكا ، فإذا حاق بك الخطر ، أو هبط عليك فرح ، وثبت كأن قد نشطت
من عقال ، وعدوت عدو الغزال ، فأين كانت هذه القوة الكامنه فيك ؟ هل خطر على بالك أن تبحث عن هذه القوة
فتحسن استغلالها ؟ إن النفس يا أخي كالنهر الجاري ، لا تثبت قطرة منه في مكانها ، ولا تبقى لحظة على
حالها ، تذهب وتجيء غيرها ، تدفعها التي هي وراءها ، وتدفع هي التي أمامها .


في كل لحظة يموت واحد ويولد واحد ، وأنت الكل ، وأنت الذي مات وأنت الذي ولد ، فابتغ لنفسك الكمال أبدا ،
واصعد بها إلى الأعالي ، واستولدها دائما مولدا اصلح وأحسن ، ولا تقل لشيء ( لا أستطيعه ) فإنك لا تزال
كالغصن الطري : لأن النفس لا تيبس أبدا ، ولا تجمد على حال ، ولو تباينت الأحوال .


فيا أخي اعرف نفسك ، واخل بها ، وتساءل دائما مالنفس ؟ ومالعقل ؟ ومالحياة ؟ ومالعمر ؟ وإلى أين المسير ؟
ولا تنس أن من عرف نفسه عرف ربه ، وعرف الحياة ، وعرف اللذة الحق التي لا تعدلها لذة ، وأن اكبر عقاب
عاقب به الله من نسوا الله أنه أنساهم أنفسهم !


.................
أتمنى لكم الافادة كما أفدت من طرحه صدقا ..
والمعذرة .. !

[بنوتة جميرا]

هي اذكر هالدرس
وااايد استفدنا منه
وحفظت بحثج عسب اقراه
يزاج الله خير غاليتي

[جنة عدن]

:k_blush-anim-cl: :k_blush-anim-cl: :k_blush-anim-cl:
شكرا كتير على الاضافات الحلوة
:k_blush-anim-cl: :k_blush-anim-cl: :k_blush-anim-cl:

[طير الحب]

ينقل لواحات الجامعات والمدارس وان شاء الله يستفيد الجميع من هذا الطرح المميز

[وحي القلم]

حلو أسلوبج ما شا الله ^_^

مشكوره يا أنامل قلب

[مجموعة إنسان]

ما شااء الله علييييج اناااااااامل قلب

(عندي لج راااي .. ليش ما تغيرين اسمج للأنامل الحديدية )
ما شاء الله عليييييج وايد تكتبيييييين
عااااااد انا من كثر الحروف والأرقام اللي بمخي اشوووف موضوعج بروجكتي

المهم

تشكرااات يا حاجه
وموضووووع حلو
ذكرتيني بكتاااب العربي الكئيييييييييب والممل هذي الدرووس ما كنت اكتب عليها الملاحضااات بس القصااايد اللي كنت اكتب عليها
هالدرووس احسها مملة

[هزاايم]

.........

[أنامل قلب]

خيتو الغالية بنوتة جميرا ..
لج طيب شكري عالمرور العبق ..
وعساها الفايده توصلج دوم باذن الرحمن .. ^_^ ..

::

عزيزتي جنة عدن ..
تسلمين عالمرور الطيب ..
والويوه الحلوه .. ^_^ ..

::

اختي طير الحب ..
شكرا عالنقل .. وانا حطيته اهني عساس الطرح كموضوع يخص المفتوحه اكثر ..
لكن كإطار مدرسي فأكيد اهني مكانه .. ^_^ ..
وجل الشكر يا غالية ..

::

عزيزتي وحي القلم ..
الحلو مرورج اللي أسعدني صدقا ..
والشكر لج لهذي الطلة الطيبة .. ^_^ ..

::

أخوي الكريم اللي ضحكني هواجيس مشتاق .. ^_^ ..
إي نعم أكتب وايد بشكل عام .. أحب افصل ويمكن آخذ راحتي بالحجي بزود لول .. !
أما لو قصدك عن البحيث ( بضم الباء وفتح الحاء يعني تصغير بحث ) ..
فهو مب بكيفي .. الابلة محدده ان يحبذ مايكون اقل عن 3 صفحات وماله داعي يكون اكثر عن 4 ..
وانا خليته 3 ونص وربع لول .. !

وشو بعد انامل الحديديه .. خخخ
فال الله ولا فالك :tounge: ..

وترى الشيخ علي الطنطاوي معروف باسلوبه وانتقاءه المميز .. :mf_leia: ..

وجل الشكر لمرورك الطيب أخي ..

::

السموحة .. !

[أنامل قلب]

واحنا ناطرين هذي ( العوده ) يالشيخه .. :glare:

وانا بسير أصلي لول .. ^_^ ..

:

ربي يحفظكم .. !

[هزاايم]

................

[أنامل قلب]

عزيزتي هزايم ..

والله ردج انتِ اللي اعجبني ..
وأقول .. اشرايج أعطيج رقم أبلة العربي وقوليلها هالرمسة لول ..
إلا اخليها تعرفني الدرجة اللي نزلتها .. >> غصب ابي آخذ درجة كامله ههه ..
خل أحمد ربي مانزلت أكثر .. @_@ ..

وبالعكس ..
ما شاء الله عليج انتِ .. ماتوقعتج بتقرينه ..
لأنه عقولة أخونا هواجيشس مشتاق .. طويل شوي .. >> شوي مب وايد .. ^_^

ومن عنوني مابحط هالفيس مره ثانية ..
كم من هزايم عدنا .. افا عليج انتِ تامرين أمر ماماتي ..
وصدق السموحه منج لو ضايقج الفيس .. !

:

لج " ورده " من الخاطر ..
والسموحه عالقصور .. ^_^ ..

[هزاايم]

...........

[عديم الشوق]

احين اتحطين البحث يوم الأمتحانات !!!!

ليش ما حطيتي من قبل عسب اسويله برنت خخخخخخخخخ

تسلمين اختي ع البحث

[أنامل قلب]

هلا والله بخيتو هزايم ..
حلو دامج تحبين القراية .. صفة طيبة فيج .. ما شاء الله عليج ..
ولحظة لحظة .. شو بعد 105 .. :oh:

مادري والله عن الدرجات لول .. بس جنج مضيعه .. :ohboy:
وجان زين آخذ الدرجة الكامله ..
عاد صدق صدق الابداع اللي يظهر بوقت الامتحان شي .. !!

وربي يحفظج من كل عين عنوني .. ^_^ ..

:::

خيو عديم الشوق ..
وشو بعد انزله قبل .. ماعدنا غش اهني ..
الحقوق عدنا محفوظة لول ..:mf_leia: >> أسولف ..

وطبعا مابنزله قبل .. ياحلاتي والابلة اتييني تقولي ترى تقريرج جكوه بالنت ومنتشر بالمدارس ..
وانتي لج على هاي الحركة صفر .. خخخ

اممم ..
واصلا منزلتنه مو لأنه بحث بيستفيدون منه الطلبة بنسخه ..
حاطته كموضوع أشوفه طيب المحور والهدف .. لا أكثر ولا أقل .. :a018:

عيل ليش حاطة هالمقدمة الطويلة العريضة قبل الرابط .. :icecream: ..

وربي يوفجك بامتحاناتك ..
واذا كنت ثنوية عامه و علمي ..
عاد صدق من الخاطر الله يعينك .. ورانا فينزيا بالأحد .. :fa43:

:::

سلمتم .. ^_^ ..

[عديم الشوق]

ههههههههههههه

انا امتحنت فيزياء

والله إني كرهت عيشتي في الأمتحان حسيت إني 20 مابييب

مع إن ادبي

-_- تسلمين اختي ^_^

الله يوفقج في جميع امتحاناتج

و إن شاء الله 90 %

اتكون النسبة النهائيه

[أنامل قلب]

^

إي وانا بعد ممتحنه >> ( العلمي والادبي بنفس اليوم )

وصدق صدق صدق ماجد خبصت بامتحان كثر ماخبصت فيه ..
ادعولي أنجح مب ناقصه الثنوية العامه تستوي لي أول تجربه رسوب .. :fa43:

وانا مب بس كرهت عيشتي .. بغيت الارض تبلعني ولا أكمل .. :ohboy:

من صدقك العشرين درجة مب ظامنينها .. >> أو بالاحرىمب ظامنتنها ماروم أرمس عن غيري لول ..

وأي 90 بعد سواد الويه اللي صار بالفيزياء ..
انا من صدقي خايفه ارسب فيه :h_waa:

هذا واحنا من 200 بعد .. يعني البلوة عدنا بلوتين .. :oh:

:

لا تنسى تدعيلنا أخوي ( إن ييسرون علينا التصحيح بالفيزياء وينجحونا ) >>
>> وربي لك حافظ ..

:

سعدت بمرورك أخوي ولو ان الاجواء عدنا تسد النفس .. ^_^ ..
والسموحه عالقصور .. !!

[عديم الشوق]

هههههههههههههه ما عليج إن شاء الله بينجحونه

من كل انحاء العالم يشتكوون !! =\

لتخافيين

إن شاء الله كلنا ننجح ^__^

و نيب نسب عاليه

(إللي فات مات)

ف فكري في الياي و لتفكرين في اللي مضى

^__^

[أنامل قلب]

^

أول شي سوري اتأخرت بالرد عليك أخوي ..

ثاني شي ..
اللــــــــــــــــــــــ ــــه يسمع منك ..
وبالمصري (( من بؤك لباب السما )) .. ^_^ ..

زايغه لأن ماعندي تجربة بمجال الدوائر الحمر ..
بعد فضيحة من الخاطر ..

اتخيل ..
(( الطابلة أنامل قلب .. يايبة دور ثاني :oh: ))

:

امممم .. ويزاك الرحمن كل خير أخوي ..
لا صدق إن شاء الله خير ..
وعقولتك .. اللي فات مات .. وباذن الرحمن نركز باللي ياي أكثر وأكثر ..

وبفضله نتوفق ..

:

جل الشكر لك أخوي ..
والسموحه منك عالقصور .. !!

[عديم الشوق]

إن شاء الله كلنا ناجحين

No way للدواوير الحمر

(مشكله النتات يخافون واايد خخخ)

لازم ماتاخفين و اتواجهين مصيرج ^^"

خخخخخخخخخخخخخ

اتعرفين ليش اقولج لتخافين ؟؟

عسب محد بيرسب إن شاء الله

لأنهم امغيرين المنهج الدراسي امخبصين

ف بيساعدون كل الطلاب و الطالبات

واللي رسب بيكون مظلوم =(

و السموحه اختي ^__^

و كفيتي و وفيتي =)

[أنامل قلب]

يزاك الرحمن كل خير أخوي عديمو على رفع المعنويات ..
ومثل ماقلت ان شاء الله محد يرسب .. خاصه بالفيزياء @_@ ..

:

وجدا شاكره لك طيبك أخوي .. ^_^ ..