بين النيسان والجمس ( دينالي ) [الأرشيف]

المحاق المشتعل

18-05-07 ||, 06:37 PM

حالياً خذت نيسان 2007 رقم واحد

وسعره مقارب للدينالي تقريبا نفس السعر بعد ماعرف حق شو

بس ماعرف افكر ابيعها وآخذ دينالي

بس كل واحد من إلي سألتهم يقولي شي غير

مرة يتكلمون ان الجمس ما يعسش

عقب انه الاسعار تنزل في الجمس اكثر عن النيسان مستقبلاً اذا بغيت ابيع

بس انا اسأل هل الدينالي موتر يعيش ولا له فترة سنة سنتين عقب يولي

اذا يعمر زين اما اذا يتقرقع عقب مشكله

والنيسان مايتقرقع مثل الموديلات الجديمه ولا اليديد اوكيه

وييت باسأل هل الدينالي ينفع للبر ولا لا لأني اشوف البمبر من جدام نازل شويه

وهل قطع الغيار مالته متوفره في الوكاله ولا بعض القطع تضطر انك تتأخر عليها

هاي الاسئله ابغي اجابتها عشان آخذ قرار ان شالله :smile:

هل ابيعه النيسان ولا لا

احسبه الجمس فخم.. فيه 5 تلفزيونات وكيمرا حق الريوس

واشيا وايد روعه

اما النيسان رقم واحد تلفزيون واحد مافيه :oh:

صح سواقته ولا احلى

بس بعد الجمس اقوى وأوفر حق البترول

بس معلومات عن مستقبل الجمس هل هو مال كرف نفس النيسان

ولا له فترة ويدمر

خطاب

مزن هتان

شاكر لكم اضافاتكم الطيبه :smile:

محاق

مزن هتان

19-05-07 ||, 02:54 AM

هل ابيعه النيسان ولا لا

أنا اقول لااااااااا تبيعه صدقني راح تندم <<< اسأل مجرب :glare:
بس اذا قررت اتبيعه (اتمنى) تخبرني

بحر الموده

19-05-07 ||, 03:01 AM

وعليكم السلام ورحمة الله وبركاته

المحاااااااق مبروك مقدماً على السياره والله يجعلهاااااا فال خير لك

اتكلم عن الدينالى سياره كبيره وعائليه وقوييييه ومواصفات خاصه بس الله يعينك على الامريكى خرابات وايييد ليتاته حوم تقول كشافات مال البحر ومن جدام نازل وايد

النيسان صراحه رزه قوه شكل حليووو فى البر حمار مايقول لا مايردك مواصفات اقل من الدينالى

وفى الاخير السيارتين زينات بس اشوف انك ماتبيع النيسان لانه صدق موتر مال كد ويعيش زمان ولك

الخيار والسموحه

بحر الموده

19-05-07 ||, 03:11 AM

اخوى المحاق اسمحلى اهديك هالمقطع وممكن تخبرناا هل هالنظام موجود فى الدينالى ^_~

http://www.arb.com.au/arb-air-locker-video.php

المحاق المشتعل

19-05-07 ||, 03:47 AM

مزن هتان

جزيل الشكر عالنصيحه وان شالله اسوي بنصيحتك :smile:

بحر الموده

الصراحه يوم قريت ردك كيفت :icecream:

المشكله مدمنين النياسين مايعرفون شي إلا نيسان :m_mar7ba:

وحتى ربيعي امسمي عمره نيسان لعوزنا ابنياسينه

وهو حمسني عشان آخذ هالموتر

بس الفيديو إلي رويتني إياه خطير

بس شو الفايده ما اعتقد هالنظام بيركبولك إياه في الوكاله

لازم تطلبه من برع في ظني

بحر الموده

اشكر لك ردك الطيب من الاعماق

والله يبارج فيك ياخي وعقبالك النيسان اليديد بالشكل النيو ان شالله :smile:

تسلملي حبوب عالنصيحه :love2:

محاق

بحر الموده

19-05-07 ||, 11:34 AM

العفو ولا شكر على واجب حبوب
وهذا واجبنا الغالى وماسمعت الشاعر شوه قال: خذلك فتك وخل المصخره لا وارد امريكا ولا ابريطانيا
المحاق ممكن تخبرنا بكم خذته وهل التامين مجانى ولالالا ... هالنظام موجود فى استراليا فى الفتكات مالهم شفت كيف يلعب مكانه وينطلق على طول لا ايوده حصا ولا طين ...

ماخذنه من العربيه ولا المسعود وهل فيه دفلوك مالك جير عادى ولا تماتيك وشكراً لك

وترى موديلات 2007 اقل صرفيه من الموديلات السابقه وشكله اذا نزل النيسان اليديد وطلع مب شىء بيكون الشكل الجديم ماسك سعره ومابيطيح بسرعه وبيكون عليه اقبال وايد ماعليك

شكلى كتبت لك قصه خخخخخخخخخخخخخخخخخخ السموحه اخوى المحاق واى سؤال حاظرين نحن

صريح

19-05-07 ||, 12:04 PM

المحاق

الدينالي مثل ما قاال بحر الموده عائليه بحته
راحه و فخامه و مواصفاته واايد حلوه و حتى فالسواقه راحه
بس موول ما بنفع فالبر .. صح مكينته قويه بس الموتر ثجيل
يعني اذا غط الموتر و لحّم من تحت بتتوهق لول
و شي ثاني الموتر امريكي و سعر بيطيح من اول ما تشتريه
و عن الخرابات تراه شي معروف خرابات الامريكي كثيره

النيسان صح انه فخامته تقدر تقول عنها فوق الـ Average بشّوي،
بس سواقته حلوه وصدق راحه من كل النواحي و فالبر ما يباله كلام
بس يفضل القير العادي طبعا .. و اهم شي في النيسان انه خراباته قليله واايد
و قطع الغيار يديد او مستعمل متواجه بكثر و كل مكان
( صناعيه الشارجه - صناعيه العين - العوير - مصفح في بوظبي )
يعني ما يحتاج تاخذ شي يديد من الوكاله
و عن اعطال النيسان راها بسيطه و اي قراج ممكن يصلح لك الموتر
( فيول بمب او الوتر بمب مخترب - الراديت يليك ولا منطر - شي من البيبات منطر ) بس هالاشياء لول
مثل ما يقولك اسأل المجرب ولا تسأل طبييب..
النيسان لو شو تسوي فيه يعيش و يوم بيوصل ال 60 الف بيبدا يتقرقع
بس هذا شي طبيعي فالنيسان و عن البترول ترا السعاده تنشرا بثماني خخخ

و اذا انته راعي بر فانصحك بهدرز و فلتر
و ركبله جنبينات غاز صدقني بيستوي ارنب مب نيسان فالبر لول
لو تحوم اي مكان موول ما بتحس انك فالهوا خخخ

بس اذا فكرت تبيع النيسان و تاخذ الدينالي
ليش ما تاخذ الـ Escalade اليديد
هالفتره كل اللي فالشارجه ياخذونه
حتى الشيبه يفكر ياخذله واحد
الـ Cadillac مواترهم صح و توب من كل النواحي
و عمري ما سمعت عن اعطال لانه الشيبه يموت ع شي اسمه STS
من 98 و هو كله يسوق هالموتر .. كل ما ينزل شكل يديد
يبيع اللي عنده و ياخذ الشكل اليديد

و هذا الاسكليد اليدييد
http://www.carbuyersnotebook.com/archives/Escalade_2007.jpg

و فالنهايه اي موتر بتاخذه يعيش على حسب اهتمامك فيه
اذا تغيرله ايل اول باول و تهتمت بالتجيكات البسيطه بيعيش
و اذا لابسنه بيخترب بسرعه

بحر الموده

اخويه من فتره ماخذ نيسان 2007

سوبر سفاري بس رقم 2 .. ما فيه فتحه ولا دفلوك و بدون يلد
خذه اب 153 الف .. ويا التأمين طلع اظني 159 الف
هذا سعر التماتيك و العادي نقص 5000
من الرستماني

و السموحه ع التفلسيف الزايد
:12:

الهيثــم

19-05-07 ||, 02:32 PM

مع احترامي لـ آراء الشباب

بس انا بقولكم الي اشوفه واعرفه

عندنا 2 جمس موديل 2000
و 1 موديل 2001
وواحد موديل 2005

كلهم مواااتر كراف ولعاان
كل موتر يقول انا ملعون اكثر عنك

دووم ضرب خطوط السعودية والكويييت والبحرين
بس ما شاء الله الموااتر لين الحين تكد وعلى أحسن حال وما فيهم خرابات

وعن القوة في البر .. ترا الموتر وححش وما يغرز
بس إذا غرز تراه ثجيل ( الوزن )

بس ما اتحس بوزنه .. لان قووته عجييبة
بعكس الاستيشن 6 سلندر .. اتحس انه الموتر ثجيل

ذنـيـنـي

19-05-07 ||, 03:45 PM

شكلك راعي نياسين من يومك
و راعي النيسان مستحيل يقتنع بسيارة غير النيسان
مع انه شي سيارات افضل منها (( الدينالي ))
لول راسه يابس

دام انك خذت النيسان ما انصحك تبيعه لأنك بتخسر فيه وايد و النيسان سيارة اعتماديه جدا بس يعيبها استهلاك البترول.

الجمس ما عليه كمال، بالنسبة لي شخصيا، اعتبرها السيارة المثالية و اتمنى اني اخذ منها و خاصة انها ما تقول لا يوم تزودها، اي شي تعقه في جبدها تستقبله و باضافات بسيطه تحصل قوة كبيرة

و فوق هذا مريح جدا و ثابت على الخط و ينفع للمسافات الطويلة و قوته جبارة من الوكالة مباشرةً و فيه عزم هائل. و ما يقولك لا في القلص و شو و شو و شو بعد

شوف بنفسك الشباب هالايام و بتشوف كيف اغلبهم حولوا من النياسين الى الجمسات و خاصة البيك اب.
و هذا ان دل تراه يدل على انها سيارة افضل و اريح و اقوى.
و عن الخربات، ترا السيارة اذا بتحافظ على صيانتها اول باول تراها بتعيش وياك
واذا بتهملها تراها بتلعن خيرك، و هالكلام ينطبق على النيسان و الكروزر و الجمس و اي سيارة.

المحاق المشتعل

19-05-07 ||, 04:45 PM

بحر الموده

خطاب

صريح

ذنيني
من الاعماق اشكر اضافاتكم

والله على كل كلمه قريتها

السيارتين فيها اشيا حلوة

صح مواصفات الجمس احلى

لكن قيمه النيسان اتم فيه لو بعد مرور فترة على عكس الجمس

وانا مب راعي بر وايد لكن مرات يوم اصنف احب يكون عندي

موتر كفو حق البر

بالنسبة لأسئلتك يا اخويه بحر الموده

النيسان رقم واحد قير تماتيك تيبترونيك ويا ديفلوك وماخذنه من العربيه وسعره 176 ألف تقريبا مادري 177

بس لو كنت ادري انه مواصفاته احلى في المسعود قبل لا آخذه جان خذته مناك

انا سمعت انه في المسعود اييك الموتر ابشاشه وديفيدي وشغل عدل

وفرق بسيط اغلى عن مال العربيه

وعن الدينالي ذبحوني ابهالموتر وهو صدق فنان وداش خاطري

بس قبل اشويه كنت اكلم ربيعي مدحلي اياه بس قالي

مكينة هاي السيارة 6.1 يعني مب مضمونه نفس باقي المكاينه

يمكن اطيح في جبدك مستقبلاً

من جي اترددت

انزين وييت باسأل شي ثاني

اذا اتقرقع النيسان

ما يعدلون قرقعته الوكاله ولا خلاص ها مصيره يعني :k_wheelchair:

أخويه الصريح

انا ما فكرت في الكدلك لأنه سمعت انه تجييكاته اغلى عن

السيارات الفخمه وفي نفس الوقت قيمته مووول اطيح سواءاً حافظت عليه ولا لا

واحد كان عنده كدلك ومحافظ عليه وعايبنه موتره وما يفكر يبيعه

يوم سا يبيعه ماذكر موديل كم

يابله 11 ألف اتخيل

وموتره صدق يديد وغاوي لكن ها مصير الكدلك من جي مافكرت فيه

بس هو من فخامه وراحه فندق ماعليه كلام :smile:

اخواني

اشكركم عالتفاعل وايد استفدت من ردودكم والله

صريح

19-05-07 ||, 04:45 PM

نصـوور

مب سالفة انه راعي النيسان مستحيل يقتنع بشي غير النيسان

شوف بنفسك الشباب هالايام و بتشوف كيف اغلبهم حولوا من النياسين الى الجمسات و خاصة البيك اب.
و هذا ان دل تراه يدل على انها سيارة افضل و اريح و اقوى.

اختلف وياك فالنقطين
الشباب يدورون مواتر قويه فوق الـ 400 حصان
و ارخص شي انه الواحد ياخذله جمس عليه سوبر وارد
اييك سعره امبين ال 90 - 150 الف و يكون مزود فل
و اذا ما كان مزود يركبون له سوبر .. و تركيب السوبر ما يباله وايد شغل

بعكس النيسان اذا بتزود بتركب له تيربو و يباله شغل التيربو و برمجه و حاله
و تزويده يطلع عليك نفس سعر الموتر يعني اقل شي بدفع 50 الف اذا بتزوده عدل مب توب
اذا سعره اللي هو 130 الف اقل شي ( السلق ) عادي يوصل فوق ال 200 الف ويا التزويد

و اذا تبي شي ع قول واحد من الشباب "رخيص و قوي" عليك اب تيربوات بانكوك
بس اذا احترق موترك انا مايخصني لول

السالفه سالفة السعر مب بس الفخامه و الراحه

ما اختلف وياك انه البيك اب المخصر طر و حلوو و قوي
بس فالسواقه ما يعيبني مادري ليش

و عشان ما تزعل واحد من الشباب عنده مشروع
و بيركب مكنيه الدينالي ع نيسانه
يوم حطو المكينه مكان ميكنه النيسان البونيت ما يتسكر المكينه نصه
تواجيج برع خخخ الله يغربلها عوده

بس الجمس حق خطوط السعوديه هو المطلوب
حووت مب موتر خخخ
:icecream:

خــّطاب

الاستيشن ال 6 .. احمسه في البر
و الـ لكزس الفور ويل ..مسمينها العيوز ما تقهر ع البر لول

صريح

19-05-07 ||, 05:05 PM

المحاق

المواصفات الاضافيه تقدر تطلبها
الشاشه و النافيجيشن ابـ 20 الف تقريبا

النيسان الفل اوبش يوم سألت عنه من فتره كان ابـ 195 الف

و صح سعر المسعود دوم يكون اقل عن العربيه
بس اذا انته من دبي ولا الشارجه لازم تودي الموتر الوكاله في بوظبي حق التجيكات و التصليحات
يعني الكمن الف اللي بتدفعهن زياده
عن ضرب الخط لين بوظبي كل مره

و السموحه
:smile:

ذنـيـنـي

20-05-07 ||, 02:50 PM

[

انزين خلونا نسوي مقارنه بين الجمس و النيسان من كل النواحي
و عسب ما تزعلون ما بنقارن بالدينالي، بنخلي المقارنه مع الجمس العادي بو 5.3

الأفضل >> الأسوء

القوة

جمس >> نيسان

العزم

جمس >> نيسان

الثبات على الطريق

ما يبالها كلام النيسان اعتبرها أسوء سيارة فورويل من ناحية الثبات، الهواء يلعب فيها لعب
جمس >> نيسان

الراحة في المسافات الطويلة

اتحدى شخص يقولي انه النيسان اريح من الجمس

جمس >> نيسان

خدمة الوكالة

خدمة النيسان اصبحت من اسوء ما يمكن و من خلال تجربه, عندنا فيتك و مورانو و الوكالة تعاملهم زفت.
بعكس الجمس ( بعد عندنا جمس ) الي تعامل وكالتهم من ارقى ما يمكن و فوق هذا تقدر تزود سيارتك عندهم و تركب سوبر جارج و ما بيطيح الضمان

جمس >> نيسان

عزل الصوت داخل السيارة

الجمس افضل من النيسان بترول بواااايد

جمس >> نيسان

======

و لكل من تحدث عن مشاكل الامريكي و انه يخترب
من بعد عام 2005 تم حل مشكلة الكهرباء في الجمس بشكل جذري و محد يقدر يعيب الخرابات في الجمس الحين

النيسان يتقرقع من اتطلعه من الوكاله و الجير يناقع " جير 3 "

و شو و شو و شو بعد

بس باقي انك تغير نظرة الناس للـ جمس

هيه صح

ربيعي كان راعي نياسين
على ايام النيسان كان يصب بـ 120 درهم و تمشيه 300 كيلو بالكثيييييييييييييير
و يوم خذ الجمس قام يصب فيه بـ 150و تمشيه فوق الـ 700 كيلو

المحاق المشتعل

21-05-07 ||, 12:21 AM

امس سرت وكالة الجمس

وسويت تست درايف حق الدينالي

سياره ولا اروع في السواقه

ومن داخل النيسان صفر عالشمال بالنسبه لها الصراحه

بس السياره عودة وايد

وماعتقد ان الدينالي ثاني شي تنفع للبر بصراحه

البمبر من جدام صدق نازل وايد

صح سياره قويه

لكن البمبر بيروح على اي صعده صغيره

ويوم سقت السياره

قالي مال الوكاله جرب دوس ريس اشويه

ضغطت عالريس لصقت في السيت

ماشالله عزم عجيب في السياره

قيمة السياره اب عرض خاص 178 ألف

وقيمتها ويا الشاشه الاماميه والنفيقيشن 195 ألف

وعيبها الثاني انها يمكن تشرب بترول اكثر عن النيسان والسبب

ان اليوكن فيها نظام تحويل السلندرات من 8 إلى 4 في المدينه

هاي السياره مافيها هالنظام

ومابتروم تاخذها للبر لكن حق الشارع ماعليها كلام

وسألت ناس من برع

قالو هاي السياره بعدها يديده

صح ضمانها من بمبر لين بمبر لمدة 3 سنوات أو 60000 كم

لكن واحد من الناس قالي هاي السياره يديه في السوق

وأول مكينه من هالطراز وهاي القوة

وما يعرفون هل هاي المكينه بتستحمل هاي القوة الهائله في السياره ولا لا

ولا هل اتعمر فترة طويله ولا لا

انا عقب ما قريت ردك أخويه ذنيني جاسني احباط الصراحه :h_waa:

ماعرف شو اسوي :k_wheelchair:

مزن هتان

21-05-07 ||, 01:31 PM

مو على الـ نيسان يا ناصر :fa32:

ذنـيـنـي

21-05-07 ||, 03:24 PM

المحاق

جرب اليوكن العادي او التاهو بعد مكينتهم قوية

و على فكرة، ميكنة اليوكن مش جديدة، كانت تستعمل في الكاديلاك اسكاليد و اثبتت جدارتها و تفوقها

===========

مزن هتان

اوكي لول

شرجاوي

21-05-07 ||, 03:58 PM

الجمس يكد كد و غلطان اللي يقول عكس هالكلام

الهيثــم

22-05-07 ||, 01:36 AM

جمس وبس ...

ولد الشحوح

26-05-07 ||, 04:14 PM

خذ لك جيب اس أر تي

ذنـيـنـي

27-05-07 ||, 12:20 AM

^
غالي و مش عملي
و ما ينفع يدخل البر و صيانته مكلفه
و قطع غياره مش متوفرة و لازم تنتظرها

و السياره اصلا مش للأستخدام اليومي و فوق هذا بالوعة بترول

الجيب SRT-8 اوكي اذا عندك موتر ثاني، لكن كـ سيارة اساسية ما تنفع

شرجاوي

27-05-07 ||, 11:29 AM

نصور .. الجيب اس ار تي بالوعه ؟؟؟ حرام عليك و مليون حرام .. والله صرفيتها وايد حلوه بالنسبه للسيارات اللي في فئتها .. كفايه انها تشرشح الكايين توربو

تنينه

29-05-07 ||, 10:34 PM

اوييه ويني انـا على هالموضوع < ما ادري شو بتقول الحين مشكله البنات يوم يتفلسفون :mf_leia:

استاذنـا المحاق المشتعـل ؛؛ انـت استاذ الفـن ودومـه ذوقـك راقي وحلـو واختيارك للـ نيسان ما بيكون شي غريب عـليك :k_winner_third_h4h_ لانـه هو الرقي كله والنمبر ون في عالم السيارات :mf_leia: ؛؛

كل المميزات فيـها من وكالتها اليابانيـه إلـى راحتها وسرعتها وقوتـها وحششش :mf_leia: وشكلها وكل شي وكل المميزات اللي قالها صريحكوو :icecream: ؛؛ وانتم السابقون ونحن الاحقون إن شااء الله في النيسان :a033: :a033: :11: :11:

فـ ما عليك من خطابكوو ونصوور :fa44: كلامهم ما يمشي الجمس :tounge: ؛؛

النيسان ينفع في كل الأحوال والأمـكان والأوقات ؛؛ في كل مكان و وقـت ما بيخذلك , البر ولا الشارع ولا الريس :tongue: ؛؛ اتـم للنيسان هيييبه غييييير عن بقية سياييير العالم :mf_leia:

واذا بـتدور الكمال بتتعب ماشي سياره كامـله لازم يكون في شي ؛؛ والنيسان ما بتحصل شراتـه فـ لا تحتاااااااار فيها او تفكير تبيييعها :d014: :d014: :d014: :fa32: :fa32:

الهيثــم

29-05-07 ||, 11:45 PM

جمس وبس

قرموشة

30-05-07 ||, 12:18 AM

^
نيسان وبــس XP

الـيـاه

30-05-07 ||, 12:30 AM

هممم أفضل الجمس .. ماداني النياسين وايد خاصه الـ vtc - غجريه هالسياره لول -

قرموشة

30-05-07 ||, 12:36 AM

^ عيـل الجمس وحشششش لوول

الـيـاه

30-05-07 ||, 12:40 AM

صح وحش بقوته ..

الهيثــم

30-05-07 ||, 01:51 AM

والنعم فـ الي رايهم من رايي ""

النيسان شو .. خردة تمشي في الشارع !!

قرموشة

30-05-07 ||, 01:59 AM

^
خرده خرده على أمـرك ولا تزعـل
XD

تنينه

30-05-07 ||, 07:58 AM

خخخخخخ اونـه خرده :a068: ؛؛ إذا النيسان خرده عيل بقية السيايير شـو وخخ :mf_leia:

أصلاً لا الجمس ولا الرنـج ولاالبورش ولا ربعهم الأمريكيين والألمان يوصلوون لـمستوى النيسان :12: ؛؛

أنـا ما أدري انتوا كيف اتـحطون على زعيم السياايير؛؛ تستهبلون ولا تستهبلون :fa44:

النـيسان وبس:k_blush-anim-cl:

أطول عمراً وأكثر صبراً وأرقى موتراً < لول كلماتي :14:

وما عليك منهم يالمحاق :police:

شرجاوي

30-05-07 ||, 09:32 AM

تنينه

30-05-07 ||, 10:42 AM

عيوب النيسان كالتالي ..

يقرقع وايد .. يصرف بترول .. اعطاله كثيره ... صيانته مكلفه ... يدخل هوا وايد .. سواقته موووووول مب مريحه .. هالكلام عن تجربه 93 و 99 و 2000 و 2002 ( فتك و كبسوله ) و 2005 و 2006 ... اكثر اللي عندهم نياسين باعوا مواترهم و خذوا برادو كوبي ولا استيشن vxr

و في النهايه الناس اذواق

شرجاويه مب سالفة أذاوق ؛ هاي وقائع وحقائق عـن النيسان :mf_leia: ؛؛

يقرقع وايد > كيف يعني يقرقع وايـد :g_aloof: ويصرف بترول انزين مب وايد شرات الاستيشن يصرف :ghostface:

ومنوو قال صيانته مكلفه :fa44: الصيانه ع الوكاله لول وشرات ما قال صريح تقدر اتحصل قطع غياره في كل مكان متوفر :k_winner_third_h4h_ وكيف يدخل هواا :k_nono: وسواقته مريييحه :d014: ؛؛ ومنوو بيبيع الوحش وياخذ برادوو ومااستيشن :fa44: ما فيهم نظر وذوق اووه يعني طلعت السالفه سالفة ذووق صدق لوووووووول :ghostface:

شرجاوي

30-05-07 ||, 03:15 PM

الاستيشن تصرف اكثر عن النيسان ؟؟؟ اقولج نشي و بسج احلام

الصيانه عالوكاله صح ( مب في كل شي ) .. بس الضمان 60 الف كيلو بس .. عقب ال60 الف بتبدأ الجيوب تلعب .. ياختي انا ما بييب كلام من عندي .. و سواقة البرادو و الاستيشن اريح .. مب انا اللي اقول هالكلام .. وايد غيري .. البرادو اقوى من النيسان .. اعطال اقل من النيسان .. السواقه اريح من النيسان .. النيسان اللي كان عندي .. فولته ف محطة ادنوك على درب المدينة الجامعيه .. و ريس كامل لين كلباء .. وصلت و الليت ولع .. وبالاستيشن .. عالنص .. البرادو .. فوق النص ..

يقرقع .. طلعي النيسان من الوكاله .. و دخليه البر .. و اطلعي اسمعي الاصوات اللي بتطلع ..

تنينه

30-05-07 ||, 04:08 PM

ويـتم النيسسسان غـييـير عن بجية مواتر العالـم :mf_leia:

قرموشة

30-05-07 ||, 04:18 PM

^
وعـاشت تنـــييينــه ""

ذنـيـنـي

31-05-07 ||, 12:36 AM

ههههههههه

اشوف ناس يتفلسفون و يرمسون عن النياسين لول
شو أي شي ولا اي شي !!

فيني ضحكه بس ما ابغي اضحك

شرجاوي الغالي انا ما سقت او جربت الـ SRT8 بصراحه
لكن ربيعي عنده srt8كرايزلر و يقول انه بالوعة

و في كل الحالات، الجيب ما نقدر نقارنه بالجمس من ناحية الاستخدام اليومي و العملانيه
الجمس احسبه يكرف و يتحمل اكثر من الجيب

الهيثــم

31-05-07 ||, 12:51 AM

مزن هتان

31-05-07 ||, 08:40 AM

على ان النيسان يعيبني بس كنت اكرهه بترولها صج كسر ظهور
400 درهم حق البترول لـ خمس ايام غير عن الكامري 75 حق
اسبوع :glare:
عن القرقعه احس انه على حسب الاستخدام انا تمت عندي 8 شهور
والصراحه ما عليها اي كلام، وسالفة الهوا احم احم نسكت احسن
لنا، اول ايام على بالي انه جامه نازله و الا الفتحه مبطله :tounge:

عن السواقه ارتاح بالنيسان اكثر من الاستيشن يمكن الكل يشوفها
انها خفيفه بس انا كانت تعيبني لأنها خفيفه الاستيشن ثجيييييييييله
والله اني ما اقدر عـ سكّانها :oh:

خطاب مو شكلك قطعت النيسان؟!! :a018:

شرجاوي

31-05-07 ||, 08:46 AM

مزن .. شكلج سايقه استيشن g ... الاستيشن اثبت عن النيسان بوااااااااايد و اخف فالسواقه ...

ذنيني .. اذا بتزر الsrt طول الوقت اكيد هي بتزرك بعد هههههههههههه ..

خطاب .. وايد هيلو

مزن هتان

31-05-07 ||, 09:02 AM

شرجاوي ما عرف شـ تقصد ابـ g
سايقه استيشن2003و 2004 و2006

كـلـكـلـووش

31-05-07 ||, 11:33 AM

اكيد و بدون تردد .. الدينالي .. غير في كل شي .. حتى في مشيته في الشارع ..

الهيثــم

31-05-07 ||, 01:20 PM

عاش بو شهاب

تنينه

31-05-07 ||, 02:06 PM

بتـغدى وبـرد :mf_leia:

تنينه

31-05-07 ||, 02:34 PM

تنيـنة ما تعرفين يدخل هوا شو يعني
ولا كيف يقرقع واتقولين النيسـان احسن عن الاستيشـن

عيـل واحد من الاثنين
يا انج مب راكبـة النيسان أو انج مب راكبه الاستيشـن

أصلـن إلي يركب في النيسان والاستيشن
وبمجرد انه يسكر الباب يعرف الفرق
رداءة في التصنيـع في النيسـان
وما بمدح الاستيشـن لأنه ما يحتاي ""

خـطابكوو أنـا تراني ما أعرف وايد في سوالف المواتـر بس قلت رايي الشخصي في النيسان أللي انـا اجوفه احس عن بقية المواتر والاستيشـن ؛؛ انـا راكبـه نيسان وراكبـه الأستيشـن وجايـفه الأثنين كيف وعيبني النيسان اكثر من كل النواحـي ؛؛ سكرت الباب وما جفت لا رداءه ولا شـي :a054: ؛؛ ولو النيسان في كل هالعيوب اللي انتوا اتقولون عـنها جـان ما جفنا تقريباً معظم البيوت لازم يكون فيـها نيسان والاقبال الكبييير عليـها ؛؛

نصوووور

ههههههههه

اشوف ناس يتفلسفون و يرمسون عن النياسين لول
شو أي شي ولا اي شي !!

فيني ضحكه بس ما ابغي اضحك

شـو خلصت الكلمات ولا ماشي أسلوب !!

اضحك اضحك عادي :mf_leia:

قرموشة

31-05-07 ||, 02:41 PM

تنوووووووووووون ما يسـوى عليــنـا دشينـا واحـه السياارات وشاركـنـا :wacko:

تنينه

31-05-07 ||, 02:48 PM

^ هييي والله صدقـج قرموشتي :k_wheelchair:

الهيثــم

31-05-07 ||, 02:52 PM

كسروا خـاطري

تنينه

31-05-07 ||, 03:00 PM

:d010:

ذنـيـنـي

31-05-07 ||, 03:26 PM

نصوووور

شـو خلصت الكلمات ولا ماشي أسلوب !!

اضحك اضحك عادي :mf_leia:

ما خلصت الكلمات لأنها لو خلصت جان ما رديت
و عن الأسلوب ترا هذا اسلوبي في الرمسه من يوم استويت

:a018:

تنينه

31-05-07 ||, 03:55 PM

ماشاء الله اسلوب وايد حلو وكونك مراقب الواحات والسيارات بالأخص فشي طيب أنك تتكلم مع الأعضاء بهالأسلوب ؟

ذنـيـنـي

31-05-07 ||, 04:16 PM

كـلـكـلـووش

31-05-07 ||, 04:30 PM

http://www.carbuyersnotebook.com/archives/Yukon_Denali_2007.jpg

http://www.carpages.co.uk/guide/@images/nissan/nissan-patrol.jpg

بذمتكم مب جنه الموتر الاول واحد معظل و الثاني واحد سلك ..

يا عمي ما في وجه مقارنه .. :tounge:

تنينه

31-05-07 ||, 04:50 PM

ما ابغي ادخل عمري في جدال عقيم
هذا هو اسلوبي و عايبني

رجاءً الي يبغي يسولف يسير واحة الاصدقاء و يسولف في موضوع الدردشه
و الي يبغي يرمس عن السيارات باسلوب منطقي مع الادله و البراهين حياه الله في واحة السيارات

محد من الاعضاء يوم رمس حط ادلة و براهين و الكل تلكم عن تجربة يعني ماشي إحصائيات صدقيه مجرد مقارنه وكل واحد ونظرته و انا رمست عن تجربتي و قلت راي الشخصي؛؛ ما أحيد حد سولف ولا نـكت اهـنـه ؛؛

و المحاق هو المعني بهالموضوع والردود !

المحاق المشتعل

31-05-07 ||, 04:57 PM

خربتو مخي الصراحه ههههههه

:fa43:

الهيثــم

31-05-07 ||, 05:25 PM

دينااالي يا المحاق .. ولا تحتاار ...

تراني مستعيل لوول

صريح

31-05-07 ||, 06:10 PM

القوه :

الدينالي < البرادو < النيسان < الاستيشن

الفخامه:

الدينالي < الاستيشن < النيسان < البرادو

صرفية البترول

اكثر الدينالي < النيسان < الاستيشن < البرادو الاقل

الاكثر شعبيه:

النيسان < الاستيشن < البرادو < الدينالي

ولا تزعلون خخخ
:12:

قرموشة

31-05-07 ||, 06:59 PM

صرفية البترول

اكثر الدينالي < النيسان < الاستيشن < البرادو الاقل

الاكثر شعبيه:

النيسان < الاستيشن < البرادو < الدينالي

^ وهـاي المواصـفات اللي نباهــا لول :k_harhar1:
وووعاش ولـد دااري D=

خلني أشـرد وايـد أحـسن :fa46:

شرجاوي

31-05-07 ||, 10:24 PM

النيسان تصرف اقل عن الدينالي ... ههههههههههههههههههههههههه هههههههههههههههه ,,, حلوه حلوه

تانكيين النيسان كم يمشون ؟؟

بغض النظر عن قوة المكاين الامريكيه .. المعروف عن المكاين الامريكيه انها ما تصرف شرا اليابانيه و الالمانيه

المحاق .. عليك بالجمس .. اسمع كلام ناس تفهم بالسيارات ... النيسان اعطال على كيفك

نصور .. تعجبني

الـيـاه

31-05-07 ||, 10:58 PM

صراحه انا اشوف القوه أحسن من صرف البترول ..
اخذلي سياره قويه وتصرف بترول .. ولا اني اخذ خرده تتقرقع عسب ماتصرف بترول قد الاولى
يححححترق البترول :k_harhar1:

وفوق هذا سياره غجريه وماتي عند فخاقة الدينالي هذا اذا نبا نقارن بين هالثنتين بس

يعني اللي مب قادر على صرفها مع انه ما يجتل لا ياخذها
بس لا يقارنها ويا سياره كجره نفس vtc :boxed:

بيس :a018:

ذنـيـنـي

01-06-07 ||, 06:15 AM

محد من الاعضاء يوم رمس حط ادلة و براهين و الكل تلكم عن تجربة يعني ماشي إحصائيات صدقيه مجرد مقارنه وكل واحد ونظرته و انا رمست عن تجربتي و قلت راي الشخصي؛؛ ما أحيد حد سولف ولا نـكت اهـنـه ؛؛

و المحاق هو المعني بهالموضوع والردود !

محد ألف كلام من عنده و قال شي هو ما يعرفه او يجهله
و الاعضاء الي رمسوا، رمسوا و هم يعرفون شو الي يقولونه

بعكس الردود الي اعترضت عليها و الي اتدل على عدم الوعي بالموضوع
و الدليل هو عدم معرفه بعض المصطلحات الاساسية و المناقشة التعصبيه و الي مافيها تقبل للرأي الآخر

هذا أولاً

ثانيا ً

المحاق و موضوعه و الردود على عيني و راسي
و انتوا لكم حق في الرد على الموضوع الي تبغونه و حقكم هذا على عيني و راسي
لكن، انكم تجلبون الموضوع الى جات و تحطون ردود مش منطقية
و كل الهدف منها اظهار "اني انا احب هالسيارة و لا ترمسون عنها"

فـ هذا الشي انا ما أقبل فيه أبدا.

و اذا في اي اعتراض على كلامي راسليني على الخاص و برد عليج
ما نبغي موضوع اخونا المحاق ياخذ مجرى آخر

و السموحة منك اخوي المحاق

تنينه

01-06-07 ||, 02:05 PM

محد ألف كلام من عنده و قال شي هو ما يعرفه او يجهله
و الاعضاء الي رمسوا، رمسوا و هم يعرفون شو الي يقولونه

بعكس الردود الي اعترضت عليها و الي اتدل على عدم الوعي بالموضوع
و الدليل هو عدم معرفه بعض المصطلحات الاساسية و المناقشة التعصبيه و الي مافيها تقبل للرأي الآخر

هذا أولاً

ثانيا ً

المحاق و موضوعه و الردود على عيني و راسي
و انتوا لكم حق في الرد على الموضوع الي تبغونه و حقكم هذا على عيني و راسي
لكن، انكم تجلبون الموضوع الى جات و تحطون ردود مش منطقية
و كل الهدف منها اظهار "اني انا احب هالسيارة و لا ترمسون عنها"

فـ هذا الشي انا ما أقبل فيه أبدا.

و اذا في اي اعتراض على كلامي راسليني على الخاص و برد عليج
ما نبغي موضوع اخونا المحاق ياخذ مجرى آخر

و السموحة منك اخوي المحاق

لا رسايل خـاصـه ولا ردود لي بعد ردي هـذا ؛؛ أنـا ما دشيت الموضوع عـسب اتـضارب ولا أستخف بردود عـضو عن الآخـر ولا أفـرض أسلوبـي على عضوو عن غيره ؛؛

انت اتجوف انـه ردودي مب منطقيه واتجوفني يالسـه اقول رمسـه وانـا مب عارفـه شو يالسـه اقول بدليل قـولك
و الاعضاء الي رمسوا، رمسوا و هم يعرفون شو الي يقولونه

بعكس الردود الي اعترضت عليها و الي اتدل على عدم الوعي بالموضوع
و الدليل هو عدم معرفه بعض المصطلحات الاساسية و المناقشة التعصبيه و الي مافيها تقبل للرأي الآخر

واذا انت اتجوف ردودي اللي عبرت فيها عن رايي جات وسوالف ومش منطقيه شرات ما قلت
لكن، انكم تجلبون الموضوع الى جات و تحطون ردود مش منطقية

خلااص عيل امـسح كل ردودي اللي رمست فيها عن النيسان لأن ردودي مب منطقيه وتعصبيه على قـولـتك ؛؛

وكلمة أخيـره شي جمـيل انـك مهتم في واحة السيارات ومراقب ردود أعضائها المش منطقيه في نظرك ولـكن الأجمل بيكون لو انراقب ردود انـفسنا وانحاول انـحسن من أسلوبـنا مب انـنفر الأعضاء من واحة السيارات وانقلل من ردودهم اللي هم وغير من الأعضاء يعتبرونـها ردود عـاديـه اتعبر عـن رايـهم وانت اتجوفها سوالف وجات ؛؛انـا قلت رايي واللي أعـرفه عن النيسان ودافعت عنه باللي اعرفـه شرات البقيه يمكن ما عرفت مصطلحات معينـه بس هذا ما يعني اني يالسه اسولف ولا انـكت ؛؛

ردود مب منطقيه ؛؛ جات ؛؛ سوالف ؛؛ نـكت؛؛ تـعصب؛ أي شي ولا أي شي << كل هذا في ردودي !

والسمووحه منك ياخويه المحاق ؛؛

شرجاوي

01-06-07 ||, 02:12 PM

هدوا اعصابكم

الهيثــم

01-06-07 ||, 02:27 PM

افا والله ...

ذنيــني ، تنيــنه

اذكـروا الله ، وصلـوا عـ النبي
السـالفة ما ترزى انكم تخسرون اخوتكـم على مـوتر

ذنـيـنـي

01-06-07 ||, 02:33 PM

وكلمة أخيـره شي جمـيل انـك مهتم في واحة السيارات ومراقب ردود أعضائها المش منطقيه في نظرك ولـكن الأجمل بيكون لو انراقب ردود انـفسنا وانحاول انـحسن من أسلوبـنا مب انـنفر الأعضاء من واحة السيارات وانقلل من ردودهم اللي هم وغير من الأعضاء يعتبرونـها ردود عـاديـه اتعبر عـن رايـهم وانت اتجوفها سوالف وجات ؛؛انـا قلت رايي واللي أعـرفه عن النيسان ودافعت عنه باللي اعرفـه شرات البقيه يمكن ما عرفت مصطلحات معينـه بس هذا ما يعني اني يالسه اسولف ولا انـكت ؛؛

محد قال انج تنكتين

و انا متأكد مليون في الاميه من انج تعرفين بانه ردي الاول كان عبارة عن دعابة لا أكثر ولا اقل
لكن انتي الي ضخمتي الموضوع و خليتيه ياخذ مجرى غير مجراه الاساسي.

عالعموم الكلام الي عندي قلته في الرد الي فوق و ما ابغي ارد اقوله مره ثانيه.

و السموحه منك اخويه المحاق للمره الثانية

شرجاوي
انا مهدي اعصابي :a018:

صريح

01-06-07 ||, 02:59 PM

هدووا اعصابكم يا جماعة الخيـر
:12:

شرجاوي

انا قلت هالكلام عن تجربه

عدنا يووكن الـ XL و نيسان 2007

ع الخط اليوكن ما يصرف وايد بعكس النيسان ( التانكي كامل يمشيك من الشارجه لين بوظبي بس )

بس فالبلاد يعني مشاويير فالشارجه بس اليوكن يصرف اكثر

اذا مكينه الـ XL 5.3 .. و الدينالي 6.2 ..

منو تشوف بيصرف اكثر النيسان ولا الدينالي ؟

و اذا تبا الصراحه ماشي وايد فرق امبين الـ XL و النيسان

كنت اصب فالنيسان 40 ولا 50 كل يوم ... و الـ XL اصب له 50 ولا 60 فاليوم

و اسمحلنا محـاق اذا خربنا موضوعك
بالهذرباان

شرجاوي

01-06-07 ||, 03:43 PM

صريح .. الصراحه مستغرب .. فالدوام جربت الدينالي الصراحه زريت الموتر زر على درب دبي العابر .. سرت لين درب دبي العين و رديت دبي و بعد مسرع .. صبيت 20 ربيه و البترول مثل ما كان ... الغالي يمكن موتركم فيه خلل .. مستحيل الجمس تصرف مثل ما تقول .. الا اذا ريلك تاكلك هههههه

شرجاوي

01-06-07 ||, 03:52 PM

نصور عيل لو عصبت شو بيستوي ؟؟

المحاق فر الخيزرانه مافي داعي للعنف .. بنطلع بالطيب

المحاق المشتعل

01-06-07 ||, 07:20 PM

حسبي الله على ابليسكم :d014:

انا اشويه طلعت خبصتوها كفخ

هدو اللعب يا جماعه ناصر والنعم فيه وتنينه قلبها طيب هاي البنت

ما اصدق انكم اضاربتو على شي ما يرزى

افا عليكم بس

ومسموحين انا ما يهمني الموضوع وطز في النيسان وطز في الدينالي

أنا إلي يهمني انه ما نختلف على كم قطعة حديد في الدنيا وانسوي مشاكل :ohboy:

عمي ناصر

الموضوع موضوعك ومافي داعي تعتذر من المحاق عمي

ولكل الاعضاء اقولهم نفس الشي

تنينه

لا تشيلين شي في خاطرج طويلة العمر واي غلطة نتجت من موضوعي

امسحيها فيني وانا بتقبل اللوم برحابة صدر

إلي يهمني انج ما تشيلين شي في خاطرج واطلب المعذرة عني وعن الجميع

واعتذر بالنيابه عن اخويه ناصر .. تراه والله ريال زين والنعم فيه وما يقصد اي شي

وانتي انسانه طيبه والكل يشهد بطيب اخلاقج الكريمه فما يستحق انج اتزعلين

عمرج على موضوع تافه حطه واحد تافه مثلي

ان شالله ترضين عنا وتسامحيني على اي شي صار

....

أخويه ناصر

انا اعتذرلك يا اخويه وايد على كل إلي صار

واتمنى من القلب تنحل هاي الامور لأنه النيسان والدينالي وهالخمام كله

ما يسوى معدن ناصر وتنينه فإنشالله اتعدلون إلي من بينكم في اقرب وقت

ها رجائي واطلب السماح منكم

شرجاوي خيزرانتي ما بفرها هههه

كيف اتقول ان الدينالي ما تصرف

اتعرف ان الدينالي تصرف اكثر عن النيسان

لأن اليوكن يحول أربع سلندرات في السوق وعلى الخط يحول 8

اما الدينالي هي على طول 8 سلندرات

وعلى كلام مال الوكاله انها وايد تصرف

لحظه لحظه خلني احني الخيزرانه :d014: هههههه

عزيز وغالي حبوب

ونورت موضوعنا ومرحبا فيك دوم بن عمي

:m_mar7ba:

شرجاوي

01-06-07 ||, 11:37 PM

الغالي .. بتلعن الموتر لعان اكيد بيصرف .. الاستخدام اول شي بعدين شوف الصرفيه .. النيسان و هو واقف ولا ماشي كله واحد .. يصرف صرفيه تعور الراس هههههههههه

المحاق المشتعل

02-06-07 ||, 02:45 AM

من هاي الناحيه شرجاوي عندك حق

النيسان يوم هو واقف بالوعه :tongue:

لكن الدينالي اذا كان يمشي مثل ما سألت يصرف أكثر عن النيسان للعلم

وانا سويت استفتاء ويا إلي عايشين ويا الجمس

الصراحه 90% منهم قالولي لا تاخذ جمس مع انهم يسوقون جمسات

وقالو تم عالنيسان لأنه فيه قيمته وسامانه رخيصه مب مثل الجمس

وقالولي ان الجمس يتفجج بعد فترة وامس اتصلت في 3 اشخاص

2 منهم كان لهم تعامل لمدة طويلة مع الجمس

قالولي صح الجمس فنان بس ننصحك اتم على نيسانك لأنه افضل من الجمس

وواحد منهم قالي انه هو عنده هامر إج 3 ومكينتها مكينة جمس

وهاي السيارة يسوونها في وكالة الجمس أما الهامر العوده يسوونها في وكالة الهامر

قال دخلتها مرة البر يقول هي احينه اتقرقع عندي

وانا اول ما خذت نيساني لعنت خيره في البر وخليت اخويه يستلمه بعد

الحمدلله لحد الآن مفيه ولا شي

هالريال نفسه قالي الجمس بيسوي اصوات عقب فترة بسيطه وبيتفجج

مب مثل النيسان وقالي بعد انه شي طبيعي لازم انبهك فيه

انه عقب فترة بسيطة المكينه بطلع صوت غير يوم اتدوس ريس مثل

صوت شي يسحب عالشارع ولا ماعرف شو قصد وقالي ها يستوي في كل الجمسات

قالي اما النيسان انا ما كنت اقتنع في هالموتر ابداً تعامله كان كله ويا الجمس

لكن ساق النيسان وتم يدخله البر وايد وماشتكى منه ابد غير انه المكيف في الصيف ما يبرد

عدل نفس باقي السيايير .. ها عيبه إلي ذكره

والشخص الثاني اهله كلهم ويا الجمسات عاش حياه طويييله ويا الجمسات

اشوفه ودر كل هاي السيايير وخذ نيسان في النهاييه وباعه وخذ نيسان غيره يديد

وأخوه نفس الشي

يوم سألته أمس قالي الجمس يتفجج ويلعوزك عقب بأصواته

وقالي عقب ما يخلص ضمان الجمس تنصدم بأسعار قطع الغيار الغاليه

أما النيسان قالي اياها ( مانصحك اتبيعه هالموتر حمار شغل مب مثل الجمس ويعيش اكثر من الجمس )

انا من سمعت انه هالريال مدحلي النيسان وقالي غلطان اذا خذت الجمس

وانا اعرف انه هالريال رابي بين مكاين الجمس :tongue: هونت ابيع النيسان الصراحه

انا مب معنى كلامي اني اقلل من شأن الجمس ابداً :ghostface:

الجمس غاوي وفنان وقوي وفندق من داخل :m_ma9dom:

لكن يبقى النيسان هو الفايز في الترشيح عن اغلب هواة السيارات

وقالي الريال في النهايه (لا تحتكم عند محبي النياسين والجمسات ترى إلي يحب الجمس بيتبعه

وإلي يحب النيسان بيتبعه وها بيمدح إلي يحبه وها بيمدح إلي يحبه )

وعشان جي صار إلي صار واتكافختو اعوذ بالله من الشيطان إلي خلاكم تختلفون من بينكم

كل امنياتي انه ما تزعلون مني لأني طرحت هالموضوع

واتمنى من الكل يكون راضي عني في النهايه :a054:

السموحه منكم

محاق