الفرق بين العمل التطوعي والتدريب

[كيوت فديتني]

السلام عليكم ورحمة الله وبركاته

افكاري مشتتة .... لدرجة اني ما اعرف هالموضوع احطه في اي واحة بالضبط
واذا هالواحة ماكانت الواحة المناسبة ... فاعذروني :fa45:
عندي سؤال واتمنى احصل الجواب الشافي
ما الفرق بين العمل التطوعي .. والتدريب ؟؟؟؟؟؟
الي فهمته انه في فرق كبير ... بس شو هو الله اعلى واعلم
واقصد بالتدريب ... مش التدريب الصيفي ولا التدريب الي يكون من قبل الجامعة او الكلية

سلااااااااام :10:

[الاسطوري]

وعليكم السلام ..

اممم حسب معلوماتي إن العمل التطوعي هو اللي يقوم به الشخص من نفسه عشان يساهم في إنجاز
عمل معين لـ جهه معينه بدون مقابل ومرات يكون في تكريم وعائد مقابل هالعمل
أما التدريب فـ ينقسم لـ قسمين الأول يكون في
بداية إستلام الوظيفة
وهالشي تقريبا يمشي في أغلب الدوائر والمؤسسات بإنهم يدربون الشخص لـ فترة معينه ومن بعدها
يتم تثبيته ويباشر العمل بنفسه أما النوع الثاني فـ يكون تدريب بدون وظيفه
وبدون راتب يعني مثلا أنا أروح لـ إتصالات
وأطلب منهم إنهم
يدربوني بدون مايوظفوني وبدون أي مقابل وأدخل عندهم في برنامج تدريبي مثلا لـ 3 شهور (على
حسب المكان) وأتعلم على شغله معينه في قسم معين طبعا هم بيكرفون
الشخص في التدريب عشان يستفيدون منه
وأطلع بعد الثلاث
شهور بـ شهادة تدريب في المجال الفلاني وتفيدني عقب إذا إشتغلت في نفس المجال ويمكن اتم
عندي ديكور لا أكثر لأن وايد أمكان مايهتمون في الشهادة كثر الخبرة ،
أتمنى أكون فدتج ولو بمعلومه بسيطه
والسموحه منج

الاســـطـــوري
أخوكم