هل من الممكن ان تحب شخص لم تراه في حياتك؟؟؟ [الأرشيف]

دكتور الحب

14-05-07 ||, 08:20 PM

بسم الله الرحمن الرحيم
.
.
السلام عليكم ورحمة الله وبركاته
.
.

حبيت اسمع رايكم وانتنااقش في ها الموضووع

سؤال محير و شئ شايع في هذه الايام

هل من الممكن ان تحب شخص لم تراه في حياتك؟؟؟

هل ممكن ان تحب شخص معك في المنتدى اوالمسنجر او تتحدث معه عبرالهاتف فقط ؟!!
طبعاً الكلام شامل معنى الحب في الله ..........

سؤال ودي أعرف جوابه من شباب وبنات المنتدى.....

هل محادثات المسنجر او التلفون تكفي كي نحب الشخص !!

او تؤيد ان النت عباره عن مقالب وصدمات في الاشخاص فهو عالم خفي ؟؟

أرجو المشاركه وطرح آرائكم ..

والسموحة

:12:

بوزايد

14-05-07 ||, 08:27 PM

as far as i can see, its possible

قرموشة

14-05-07 ||, 08:44 PM

^
I agree

دكتور الحب

14-05-07 ||, 08:49 PM

بو زايد.....قرموشة....

مشكورين على الرد....

خلنا نفترض أنا هاذا ممكن...ما بتتغير مشاعرك تجاه هاذا الشخص عقب ما تقابلة وجهاً لوجه؟؟

بوزايد

14-05-07 ||, 08:52 PM

i dont think so

دموع قلم

14-05-07 ||, 09:02 PM

وعليـكم السـلام ورحمـة الله وبركـاته

ممكـن طبعـا.. وليـش لا ..؟!
من خـلال كـلامه.. عبـاراتـه.. حركـاته.. ومن كـل همسـة ونبـرة..
ممكن أفككهـا وأحللهـا واستنتـج منهـا إن كان قلبـه صادق ولالا..

لكـن..
هـالشي نـادر مـا يستـوي.. أو بالأصح صعـبـة شـوي.. لأن الكثيـر
منـا يقـدر يتقمـص شخصيـة ثـانيـة.. يلبـس ثـوب غيـره.. ويحـاول
يظهـر أحسن ما عنـده.. وهالشي أبـدا مو صعــب ولو كـانت لـمدة
طـويلة.. لكـــن.. ما أقول مستحيـل.. يعني ممكن يستـوي هالحب..
بـس من الصعـب نعـرف منـو الصـادق من الكـاذب ..!
.
.

تسـلم أخـوي دكتـور الحـب عالموضـوع..
وربـي يعطـيك العـافيـة.. ^_^

الدلووووعة

14-05-07 ||, 09:03 PM

هيه حب كربيعه هيه ^^

دكتور الحب

14-05-07 ||, 09:09 PM

دموع قلم مشكور على مرورك الجميل وردك الأجمل....

أنا معاك في أن هاذا الشي وااايد صعب...و ممكن تستوي واحد في المليون.....

ومثل ما قلت....هاذا الشخص يمكن يتقمص شخصية غيرة....يعني أنت شو دراك أذا كان ألي تكلمة بنت أو ولد أو ياهل أوعيوز؟؟!!!

الدووولوعة.....

حب كربيعة عادية مب مشكلة...لكن هل ممكن تخلينها ربيعة مقربة منج وتعطينها أسرارج و بتثقين فيها ثقة عمياء؟

هل ممكن يصل حبج ألها لهاذي الدرجة؟؟؟؟ شو دراج ما تطلع هاذي الوحدة واحد؟!!!...تستوي وااايد....و أغلب الشباب يدخلون علمسن و علجات بأسامي بنات علشان يتمصخرون ويسولهم سالفة....

الدلووووعة

14-05-07 ||, 09:52 PM

لا بس كربيعه لاكن ماخبرها بسراري

بهجة دبي

14-05-07 ||, 09:53 PM

السلام عليكم و رحمة الله ..

بصراحـة انا اشوف ان من الممكن ان تحب شخص لم تراه في حياتك ..

بس اهم شـي يكون التفاهم و الصراحة اساس علاقتهم ..

و طبعا في اطار الأدب و الأخلاق و الاحترام المتبادل من االطرفيـن ..

دكتور الحب

14-05-07 ||, 10:06 PM

الدلوووعة.....

مشكورة على الرد...

بهجة دبي....
احترم وجهة نظرج....
بس ما أعتقد أن الصراحة والتفاهم ممكن تكون عبر كتابات المسنجر....أو حتى محادثات التليفون...

ايه احبك

14-05-07 ||, 11:38 PM

انا عن نفسي احس ما قدر احب اي شخص من النت او تيلفون
لنه وبكل بساطة ما عرف اي نوع من الأشخاص انا يلسه اتعامل
انا طبيعيتي ما امن على احد اعرفه وجه لوجه فمبال شخص عبر النت والتيلفون
تحديد الشخصيات اذا ما كان الف بيكون مليون غلط لو كان بس عن طريق الهاتف لنه الشخص ممكن يجذب او يمثل ...
وعاش الانجلش الي في الموضوع P:
life is hard
thanks doctor

دكتور الحب

14-05-07 ||, 11:47 PM

ايه احبك...
شكراً لتواجتدج معنا.....

أنا أأيدج في في هاذي النقطة ( تحديد الشخصيات اذا ما كان الف بيكون مليون غلط لو كان بس عن طريق الهاتف لنه الشخص ممكن يجذب او يمثل ... )

والسمووحة

دموع قلم

15-05-07 ||, 12:25 AM

صحيـح من الصعـب جـدا جـدا نعـرف حقيقـة الشخـص اللي نكلمـه إن كـان ولد ولا بنـت ..

حتـى مرة صـارت سالفـة لوحدة أعرفهـا.. وحليلهـا ما كانت تعـرف شي عالنـت.. وللأسـف
بـدايتهـا كانت عالجات.. واونـها تعرفت على ابنية.. وانتقلـت عالمسن.. وعقبهـا بـالتلفــون
لمـدة شهـرين تقريبا.. وفي الأخيـر اعتـرفت البنـت انهـا ولد.. وجلب صـوتهـا صـوت ريـال..
وللأســــــف الشـدييييــــد انهـا تعلقـت فيـه وتمـت تكلمـه.. والله اعلم الحين وين وصلت.. !

اممممم يمكـن تستغربـون كيـف الشاب غيـر صـوتــه.. بس الله اعلم كيــف.. والمشكلـة
البنـت مو من النوع اللي تظهر وتشوف المجتمع والعالم كيـف.. فـ سهل ينقص عليها..!
.
.

اممممم ع فكـرة أخـوي دكتـور الحـب ..
تـراني ابنيـة مـو ولــد ..!

والسمـوحـة ^_^ ..

أيامي حزينه

15-05-07 ||, 02:17 PM

انا بالصراحه من راي انه الحب عن طريق المسن مستحيل صح في ناس واااايد نجحت علاقاتهم بس بعد في المقابل واااايد ناس انصدموا من هذي العلاقات ....
و أعتقد الحب الصادق لازم يكلل بالزواااج و اذا أنا ما عرف هالانسان ؟؟ و كيف أنا بقدر أقوله عن أهلي و اسمي و عنواني و بيتي يمكن هذا يضرني أكثر من انه ينفعني أو يسببلي مشاكل و يا أهلي ؟؟؟و أنا عن نفسي مستحيل أثق بأي أحد من النت مهما كان .....
و السموحه

محد يستاهل

15-05-07 ||, 02:32 PM

من الممكن أن نصل للشخص عبر الانترنت إلى الحب إذا كان كل من الطرفين صادق
وقصدي يكون من الجنس الناعم لأن الصراحــة ما من أمــان من الجنس الخشن

الواحد مـا يعرف يمكن هالإنسـان أحسن من اللي تعاشره دووم .

بنت الدلع

15-05-07 ||, 02:40 PM

ممكن ليش لا

من خلال افكاره
وجهات نظره
اسلوبه
طريقته في التعبير
صح ان ممكن ننخدع باشخاص
ولكن هالشي يتوقف على الشخص نفسه
هل هو يعرف يكون صداقات عبر النت ؟

ومن خلال تجربه
اتعرفت على وحده من الواحات
وسوالف في المسن والمسجات
والله راد نجتمع ونكون في نفس الكلاس
وبعد ماشفتها علاقتنا استوت قويه
والله يجمع صداقتنا بالخير ان شاء الله
ومستحيل اني انصدم فيها في يوم من الايام
وماعندي اي مانع اخبرها اسراري مع ان ماعندي اسرار
لانها انسانه محل ثقه واقولها بكل فخر

والله يبعد الحساد عن الصداقات الحلوه

الا انا

15-05-07 ||, 02:55 PM

هيه ممكن ليش لأ ...؟؟؟

وااايد صارت وتصير ...

بس مب عند الكل ,,,,

الحين ماشي حب صادق من خاطر كله نفاق وجذب وووووووووو..... مصلحه ...""""

الله يعين بس ...

وعد

15-05-07 ||, 03:00 PM

ايه ولا
لانه يتخيل للانسان انه يحب لكنه في واقع الامر لا
بمعني انته مثلا تحب انسان من خلال كلامه فقط واللسان يا خوي ما فيه عظم
يقولون لا تصدق كل ما تسمع ولا نصف ما تري :glare:

الحب من وجهة نظري مواقف وافعال وهالشئ ماراح تعرفه من مسنجر او راي بمنتدي
ولا تنسي يا اخوي مثل ما القلب يعشق العين تكره بعد يعني ممكن شكل الشخص الي كنت تكلمه بالمسن او خلال التلفون ما ترتاح له وبالتالي لا شعوريا تبدا تنفر منه

طبعا الكلام الي فوق اقصده فيه العلاقه بين الجنس الخشن والجنس اللطيف :11:

بس ممكن يوجد هناك فعلا حب في الله وصداقة حلوة وجميله اذا كانت بين عيال نفس الجنس

دمت بخير عزيزي وسامحنا علي الاطالة

بنوتة جميرا

15-05-07 ||, 04:06 PM

ليش لا
ممكن انا انحب شخص ماشفناه عبر النت كان او الفون
ووحده من ربيعاتي العزيزات ع قلبي وايد اتعرفت عليها من المسن
والحين علاقتنا وايد قويه
حتى إني اعرف خواتها ومسجات وكولات بينا
والحمدلله

بس في نفس الوقت ممكن ننخدع في الشخص
فلازم انكون حذرين شوي

بدويه متحضره

15-05-07 ||, 06:03 PM

وعليكم السلام ورحمة الله وبركاته

أنا بصراحه من وجهت نظري أنه حب النت مستحيل يكون حب صادق
حتى الي يرمسون في التيلفون بعد مستحيل يكون حبهم صادق
لأنه أي واحد أو حده بيكلم شخص في النت بيراويه أحسن صفاته والصفات السيئه تكون مخفيه

مع اني أعرف ناس تزوجو عن طرق النت وناس تزوجو عن طرق التيلفون
بس مب مرتاحين

بس أنا ما أئمن بها لسوالف
أصلا ما اتجرأ أني أكلم شخص ما اعرفه
لأنه أخلاقي ما تسمح لي

بصراحه هالأجيال محتاجه حملات تثقيفيه حول هالموضوع
بسبب إنتشار الوسائل الي تساعد على هالعلاقات

تسلم أخوي عالموضوع

دكتور الحب

15-05-07 ||, 06:38 PM

دموع قلم....

مشكورة على الرد...وحليلها ربيعتج...الله يعنها....

وسوري على اللخبطة.....

أيامي حزينة....
كلامج صح....و مثل ما قلت هاذا الشي يمكن يستوي واحد في المليون......
والثقة بتكون وااايد ظئيلة...هاذا أذا ما كانت معدومة....

دكتور الحب

15-05-07 ||, 06:54 PM

محد يستاهل.....
صح كلامج...العلاقة بين جنسن مختلفين خارج إطار الزواج ما أأمن فيها...خصوصا لو كانت عن طريق النت أو التيليفون...تكون لعبان وكلام فاظي.....

بنت الدلع....
مشكورة على طرح وجهة نظرتج...
بس مثل ما قلتي العلاقة أتطورت بعد ما شفتو بعض...بس مب قبل ما تقابلينها......

الدافية....
الدينا بعدها بخير..والحب بعدة موجود...بس نادر.....

وعد...
أأيدج في كل ألي قلتيه 100%.....
و شكراً على التعقيب.....

بنوتة جميرا....
مشكورة على الرد....بس مثل ما قلتي الحذر واجب..ومرة تصيب وعشر تخيب.....

بدويه متحضره ....
مشكورة على الرد....
صح كلامج..البنت المحترمة ما بتسمحلها تربيتها تكلم واحد على التليفون أو المسن.....
و ما أعتقد أن في واحد بيتزوج وحدة أتعرف عليها عن طريق التليفون...لأن مثل ما رمسته بتكون مرمسة 10 غيرة......فكيف بيثق فيها....

بس بغيت أقول شي..ليش معظم ألي ردو على الموضوع بنات..... وين الشباب...ليش ما يشاركون؟

:smile:

والسمووحة

تحفه

15-05-07 ||, 08:17 PM

من رايي ان اذا كلشي كان رسمي و واضح و جدام الاهل احسن وابرك ابوايد من المخشوش و الي بالغصب والي فيها كسرة رمسة الاهل و ثقتهم

وبعدين مافي حد يستاهل اتضحون علشانه بالثقه الي عاطينا اهلنا :mf_leia:

احس شباب ماينعطون ويه .... يصدقون عمارهم :ghostface:

الملهم

15-05-07 ||, 10:53 PM

اذا قصدك على حب اخوي وفي الله ..
ممكن ليش لا ؟؟ .. مثلا العضو بحر المودة ..
لين الحين ما شفته .. بس ارمسه على التلفون والمسن ..
واكيد احبه في الله .. ما شاء الله عليه صديق طيب ..

اما اذا قصدك على الحب اللي هو الحب بين الشاب والفتاة ..
فما اظن ها الشيء بيصير .. يمكن اعجاب بس حب لا ..
واذا صار حب اعتبره حب يهال .. ^__^

تسلملي على مواضيعك الغاوية .. ^__^

دكتور الحب

15-05-07 ||, 11:49 PM

تحفة....
مشكورة على الرد...صح كلامج ثقة الأهل فوق كلشي....

الملهم....
حلو أنك تكون علاقات صداقة وجي....لكن مثل ما قلت يمكن يوم تشوف الشخص وتعرفة أكثر....تتغير مشاعرك تجاهه...

مشكور أخوي على الإطراء....

الملهم

16-05-07 ||, 08:12 AM

دكتور الحب ..

اكيد انه بتتغير مشاعري تجاهه ..
لان مهما تميت وياه في المسن والتلفون ..
لازم في اللقاء يكون شخصية ثانيه ..

تسلم مرة ثانيه على موضوعك .. ^__^

الا انا

16-05-07 ||, 01:46 PM

زين انته بروحك قلتها نااااااااااااااااادر ...

ووووووايد ووووايد نادر ,,,,,,,

موفق خيوو

دكتور الحب

16-05-07 ||, 01:56 PM

الملهم.... مشكور على الرد مرة ثانية...و صح كلامك..بعد ما تشوف الشخص يمكن تكون شخصيتة شخصية ثااانية....

الفارس2000....
شكل الفكرة داشة راسك وايد.... :love2:

الدافية...
ثانكس على التعقيب....

عبرات حالمة

16-05-07 ||, 07:26 PM

اممم انا اعتقد انه من سابع المستحيلات لعدة اسباب
واولهم انه الحب ما تروم تسميه حب الا اذا بدا بنية الزواج وما كان بالدس والخش
(التليفون والمسن كلها حركات ناس مب متربيين وما يخافون ربهم)
وبعدين اصلا من البديهي انه 99% بيكونون fake ومن الصعب ان الواحد يوثق فيهم الا ان كانو من نفس الجنس....
وسوري عالفلسفه الزايدة

الغجرية

16-05-07 ||, 08:38 PM

ليــــش لا بالعكس....أحس اني احب انســانه عن طريق المسن او التلفون وغيره من هاي الســوالف أحسن عن احبها من شكلـــها....على الأقل بعرف هيه منوو ؟؟شو تفكيــرها ؟؟شو طبعها؟؟يعني بعرف أكثر عنها....:12:
أما اني اجوفها ما بعرف غير اذا كانت حلوة او لأ....طويلة ولا قصيرة...يعني مافي فايدة....:glare:

وهـــا كلامــي اقــصد فيه الحب العـــادي مب حب الخربــطان مال هاي الأيـــام...

وهـــا رايي...ويسلمو على الســؤال الحـــلو..

دكتور الحب

17-05-07 ||, 11:50 AM

عبرات حالمة.....الغجرية ....

مشكورين واااااايد على المشاركة....

ولد الشحوح

17-05-07 ||, 04:34 PM

الأذن تعشق قبل العين أحيانا
انا صراحة اخاف من علاقات النت لانك ممكن الشخص يتخفى تحت قناع أو إنه يمكن يظهر أحسن ما فيه بدون لا يكون قاصد انه يخدعني ... مثل الريال بفترة الملجة هخهخه

جنة عدن

24-05-07 ||, 09:55 PM

pour qoi pas!
ليش لا؟
الحب مو بعيب في حدود الاحترام والقلب المحب اكيد له احساس ومن الاحساس هذا
اكيد رح يوديه لقلوب طيبة انا عن نفسي مني
je suis pas cantrE
القلب الطيب عمرو مي خيب

عيون الليل

25-05-07 ||, 01:50 AM

ممكن . . بــــس

لو قلنـــا الحب الي يكون بين واحد ووحده فهذا من الاساس مب داخل مخي . . وضده . . حتى لو سمعنا عن علاقات ناجحه بس انا ضده . . لانه من الاساس غلط . .

أما لو قلنا الحب في الله بيـــن بنتيـن أو شابين . . يعني الصداقه المخلصـــه والي وايد كلــوز . . ف هاي ممكن تستوي . . حالياً عندي صديقه وايد كلــوووووز . . واتعرفت عليها عن طريق المسنجر . . واتعرفت على وايد بنات عن طريق المسنجر . . طبعاً ما اعطيهم الثقه الا بعد فتره . . عقب ما اعرفهم زين زيـــن . . وماشالله يا كثـــر الصداقات الي صارت عبر النت . . وكلهم والنعم فيـهم بنات ناس وعرب وبعدني اتواصل وياهم وياما التقيت وياهم . . وحضرنا مناسبات بعضنا واتعرفت عليهم وعلى اهلهم عن قرب . .

ومره ثانيه اقول . . هذا كله بعد فتره اقدر اقول عنها طويله . . يعني بعد ما عرفتهم زيــن زيـــــــن . .

ومب اي حد نقدر نعطيه الثقه . . فأحذروا , , ترا هالايـــام حتى الصداقه ما تنحصـــل . . زمن طغت فيه المصالح . .

شكراً على الموضوع الحلو اخويه دكتور الحــب

ألم ترى

25-05-07 ||, 08:42 PM

بسم الله الرحمن الرحيم ..

بالنبسه لي ف احب كل شخص يحب الخير لـ غيره قبل نفسه ! ..

وكلامي اشمله سواء عبر الشبكة العنكبويتة او غيرها ..

وفي جعبتي اسماء ف الواحات ألتمست منهم كل خير والله اسآل بأن يجعلنا من أهل الخير ..

فاللهم ظلنا تحت ظل عرشك يوم لا ظل إلا ظلك ..

بورك فيك ع الطرح ..

العجيبة

01-06-07 ||, 08:22 PM

ليـــــش لأ ؟! :k_icon9:

عنـي أنا ، كنت في منتـدى قبل 4 أو خمس سنوات تقريبــا
طلعـت من المنتـدى لكن لين الحين محتفظة بصداقـة وحـدة تعرفت عليها من هذاك المنتدى !!
أكثــر من أخـت ، وتلاقينــا كم مـرة والحمدلله ما تغيرت نظرتنا لبعض بعد ما شفنا بعض..
أعتقـد من التفاهة إنـك تغيّــر رايـك في شخص بعـد ما شفت شكله .. لأن الشكل مب كل شي في الانسان ..

وعنــدي صداقات ثانيـة لبنـات النـت .. ما شفتهم صحيح
لكــن بينــا علاقــة قـوية ما تحـدها نظرات العيــون .. صداقتنـا كلامية لول
وعلى فكـرة أنا أفضل صداقات النت وايد > أقل تكلفة لول خخخ ، لا بس لأني آخذ راحتي في السوالف يوم أسولف بالكتـابة .. حتى التلفون ما استخدم صوتي فيه .. أعتمد وأفضل المسجـات ..

فـي شي بقوله بعـد ..
النـت مب مجـرد وايــرات توصل بين الكمبيوترات .. فكرة النـت تعــدت هالشي من زمااااان
النت صار مجتمع كبييييييييــــــــر .. سوالف منتديات وشات وجرايد وأخبار وتلفزيون وأسواق وسينمااا وغيرررررره .. يعني طبيعي يكون لك أصدقاء فيه ، واللي ما يعرفون حد في النت ما يعجبهم هالاختراع ويعتبرونه مضيعة للوقـت ..!

وختامـااا
شكـرا عالموضوع :yes:

مزايا

21-06-07 ||, 09:31 PM

بإختصــار شديد لا

حلم الطفوله

21-06-07 ||, 09:42 PM

السلام عليكم

الانسان كتلة مشاعر وأحاسيس .... يحب ويكره ويخاف ويطنش :fa35:

لكن : بضوابط وحدود ! :mf_leia:

الثعلب الرمادي

21-06-07 ||, 10:19 PM

شكرا لاحلى رفع لاحلى موضوع أختي حلم الطفولة:pickaxe_rune:

و ممكن جدا ان الواحد يحب و يعشق و يغرم ببنت سواء عن طريق المنتدى او المسنجر او اي طريقة كانت بدون ما يشوفها فيها:fa35: :fa35: :fa35: :laugh:

However:icon_rr:

هالشي ما جربته مع بنت و ما حبيت لي واحد و هذا اللي ناقص:fa46: لكن تعرفت على شباب عن طريق النت يوم كنت في الإمارات و طلعت معاهم و تعرفت عليهم اكثر و كانوا ناس محترمين و عيال ناس و اهتماماتنا كانت وحدة تقريبا و ما خذت عنهم فكرة سيئة لا قبل و لا بعد:k_nono:

بس ها يبالنا نجرب مع بنت يوم واحد:laugh: :laugh: :laugh: امزح:fa46:

كل الود

خطايــا

22-06-07 ||, 12:07 AM

.
.

بالنسبهـ لي كونت صداقات اقدر اقول انها كبيره من خلال النت ... في منهن شفتهمـ و في منهن بعدنا ما تلاقينا .. وعلاقتي فيهن همم اقدر اقول انها اقوى من علاقتي ويا البنات اللي تعرفت عليهن ويه بويه ..

.
.