جــواز ســفــر الامــارات المتـــصــــالــحــــة

[ذنـيـنـي]

السلام عليكم

شحالكم و شخباركم و شو علومكم و شو مسوين


اليوم يايبلكم صور لجواز امارة عجمان القديم


و هذا جواز يدي الله يرحمه اليوم الوالدة طلعته من الخزينه و راوتنا اياه
بس حرام الصورة حد شلها من مكانها :k_no:


http://oasis.bindubai.com/bin/uploaded/313_01178880561.jpg (http://oasis.bindubai.com/bin)

اصدار الجواز في عام 1957

http://oasis.bindubai.com/bin/uploaded/313_11178880561.jpg (http://oasis.bindubai.com/bin)

سنة الولادة
1907
وفي وقت صدور هالجواز ابويه ما كان مولود،
لاحظوا عند الاطفال بس حاطين اسم عمي احمد بن ناصر


http://oasis.bindubai.com/bin/uploaded/313_21178880561.jpg (http://oasis.bindubai.com/bin)

http://oasis.bindubai.com/bin/uploaded/313_01178880699.jpg (http://oasis.bindubai.com/bin)


صور اضافية

هذه شهادة ابويه يوم كان في صف ثالث
كان يدرس في قطر عند ريـّـل عمتيه
الي رباه من عقب ما توفى حياة يدي الله يرحمه

http://oasis.bindubai.com/bin/uploaded/313_11178880699.jpg (http://oasis.bindubai.com/bin)

http://oasis.bindubai.com/bin/uploaded/313_21178880699.jpg (http://oasis.bindubai.com/bin)

شوفوا الكيكه الحمراء لول
اسمينا طحنا بابويه طيحه اليوم :a033:



http://oasis.bindubai.com/bin/uploaded/313_01178880822.jpg (http://oasis.bindubai.com/bin)

و هيك من هيك و هون من هون
و سلامتكم


اذا المشرفين يشوفون مكانه غلط
الرجاء منهم نقله للقسم المناسب

[مجموعة إنسان]

الجواز نفس جواز يدي بعد ...

تسلم نصوووور على الصور

[بنوتة جميرا]

حلو الواحد يتم محتفظ بهالاشيا
اتذكره بناس غالين عليه وايد
ثانكس اخوي ع الصور

[الدلووووعة]

كششششخة يبالي عيل اسير افتح شنط اوراق ابويه ^^

واشوف خخخخخخخخخ عيل ابوك يايب كيكه فالاجتماعيات ^^

[الـيـاه]

سلااااام ..


:icecream: وييييه غبااار غباااااار ..
حلو والله إنا انتم محتفظين في هالسوالف وما نضيعها ..


عاش ابوك
شاااطر ماشاء الله هههههه :fa56:


ثانكس ناصر ع الموضوع

.
.
.

[ا ل غ ل ا]

:eek:

الله يرحمه برحمته ..

،،،،،،،،،،،،،،،،،،،،،،،،

ناصر !!!
بلاك فضّحت عمي ههههههههههه :d014:

عاد لي ضحكني ،،، بدال ال100 ،، الدرجة الكاملة عندهم 50 ،، ودرجة الرسوب متفاوته ،، شي تحت ال25 وشي تحت ال9 !!!! أونه على حسب صعوبة المادة ههههه ..


تسلم ،، نرقب جديدك :1:

[قلوب دبي]

عجيبه الصور الصراحه

وذكريات غاويه ..

الله يرحم شوابنا ويغفر لهم ..

تسلم عالموضوع الغاوي والممتع ..

[هزاايم]

..........

[بنت الدلع]

حتى لون الشعر كاتبين !!

اهم شي في الموضوع كله الكيكه الحمرا P:

[مــهــابه]

حـلوه يـوم انكم تـحتفظـون بالأشيـا الجديمه

أسـتانسـت ع الموضوع وااايـد

شكـراً ذنيـني

[مزايا]

شو يعني الامارات المتصالحه ؟؟

[قرموشة]

شي جمـيـل انكـم محتفظيـن بهـ الاشيـاء الجديمـه !

حبيت المـوضـوع وايـد
=)

[دمعة شوق]

يـاحــافـظ على الشـيبــه
الله يحفـظـه
؛
اشـياء حلوه محتفظـين فيهــا
:)
:mf_leia:

[أنامل قلب]

ما شاء الله ..

وناسة لمن يلاقي الواحد أغراض يديمه ..
وتأمل هالأشيا تبث احساس فغلا عجيب .. وجدا جميل ..

:

أنست لما لقيت هنا ..
وسلمت أخوي عالطرح الخفيف .. والطيب ..

احترامي ..

[عنود الريف]

شي مميز انكم بعدكم ميودين جواز يدكم الله يرحمه ..
انا ابويه ما يود الجواز جان صورته وحطيت لكم ايااااه

تسلم ذنيني

[بن دبي الدولي]

ما شاء الله بصراحة الجواز بحالة الوكالة ..... مخذوه حق المتحف؟

وبصارحة الوالد ماشاء الله عليه كان شاطر في المدرسة مبين من الدرجات

شكرا على الموضوع

[خطايــا]

.

.

نحن بعد موجوود عدنا جواز يدي الله يرحمه نفس ها الجواز بالضبط بس الصوره موجووده .. الله يرحمه ما لحقت عليه ... اول ما شفت الجواز سالت ابويه قلت له ليش مكتووب انه دخل قطر بس مب مكتووب انه طلع عنها قال .. لانه توفى هناك كان ساير يتعالج الله يرحمه :k_sadwalk:

الله يرحم الجمييع ...

.
.

[ايه احبك]

الله وايد احب ريحة الماضي احتفظوا فيه ترى ها كنز بيطلبونبه المتاحف بعدين ...

[الشوق]

الله يرحمه يارب
تدري يا اخوي ناصر
ذكرتني اب شهادتي المدرسيه كنت اكره مادة الرياضيات خير شر
لدرجة اني كنت انجح اب درجتين او ثلاث .. يعني ع الحافه
فمره وانا يالسه ادور ع شهادتي الجامعيه (( جان انصعــــــــق )) اني يوم كنت في المراحل الابتدائيه
شاطره خخخخ .. يعني مب كسوووله ومب فاهمه شي
وجان استانس ..
وجان على شهادة يدك الصراحه نحن وايد احسن عيل درجة الرسوب والنجاح لين 25 كم بذاكر علشان هذي الدرجه (( نشاط واحد اسويه )) وبحصلها اب كل سهوله .
ههيهي تسلم يااخوي
اختك/ الشوق

[منصوري الدوله]

وايد حلو الموضوع ؛؛ وايد

[الا انا]

الله كشخه ..

توني اجوف هالموضوع ..


وناااسه لوول

احلى شي الكيكه خخخخ ^_^


...

[تحفه]

الله يرحم ايااااام .. احلى دفتر كتبت فيه الوردي الي عليه صور بابا زايد 3>

[رمــش الغـــلا]

حلو الموضوع توني أشوفه ^__^

احلى شي الكيكة الحمرآ لوووول ..~

واهم شي اتمون محتفظين بهالاشيا ^__^

[فرفوش]

ألي ما يعرف ماضيه ما يعرف حاضره - شكراً على الموضوع ^_^

[المفتاح]

بسم الله الرحمن الرحيم
اللهم صل على محمد وال محمد
السلام عليكم ورحمة الله وبركاته

اهلا بك يا اخى الكريم
ذكرني الجواز بجواز جدي رحمة الله عليه حيث كان معه نفس الجواز
ولكن ل امارة دبي ونفس الشكل تقريبا.

الله يرحم جدك وجميع اموات المومنين والمومنات امين يارب العالمين

شكرا على الموضوع

والله الموفق
المفتاح

---
اَللّـهُمَّ ارْزُقْني حَجَّ بَيْتِكَ الْحَرامِ فِي عامي هذا وَفي كُلِّ عام ما اَبْقَيْتَني في يُسْر مِنْكَ وَعافِيَة، وَسَعَةِ رِزْق، وَلا تُخْلِني مِنْ تِلْكَ الْمواقِفِ الْكَريمَةِ، وَالْمَشاهِدِ الشَّريفَةِ، وَزِيارَةِ قَبْرِ نَبِيِّكَ صَلَواتُكَ عَلَيْهِ وَآلِهِ، وَفي جَميعِ حَوائِجِ الدُّنْيا وَالاْخِرَةِ فَكُنْ لي، اَللّـهُمَّ اِنّي اَساَلُكَ فيـما تَقْضي وَتُقَدِّرُ مِنَ الاَمْرِ الَْمحْتُومِ في لَيْلَةِ الْقَدْرِ، مِنَ الْقَضاءِ الَّذي لا يُرَدُّ وَلا يُبَدَّلُ، اَنْ تَكْتُبَني مِنْ حُجّاجِ بَيْتِكَ الْحَرامِ، الْمَبْرُورِ حَجُّهُمْ، الْمَشْكُورِ سَعْيُهُمْ، الْمَغْفُورِ ذُنُوبُهُمْ، الْمُكَفَّرِ عَنْهُمْ سَيِّئاتُهُمْ، واجْعَلْ فيـما تَقْضي وَتُقَدِّرُ، اَنْ تُطيلَ عُمْري، وَتُوَسِّعَ عَلَيَّ رِزْقي، وَتُؤدِّى عَنّي اَمانَتي وَدَيْني آمينَ رَبَّ الْعالَمين.
---