دفتر خواطريــ ـ !

[أنامل قلب]

السلام عليكم ورحمة الله وبركاته ..
كيف الحال .. وشو الأخبار .. ؟؟
>>> عساكم دوم بخير وعافية يارب .. ^_^ ..

اممم ..
كنت قاعده متملله أفكر باللي علي وأرتب أموري " ذهنيا " ..
رحت جابلت شي من الكتب شوي .. وقعدت أتصفح خرابيطي بالكمبيوتر شويات .. !

دق براسي بعدها أسير أجابل دفتر خواطري .. وأقلب بصفحاته .. صفحه صفحه ..
اهمه اثنين .. وانا قبضت الدفتر الاول .. اللي يعتبر اول دفتر خواطر لي ..
واللي مر عليه يمكن سنه وانا أستخدمه وللحين ماخلص لول .. >> مب جني وايد أرمس ..

المهم قعدت بعدها أذكر ردة فعل وحده من صديقاتي لمن درت عن سالفه هالدفتر ..
ابتسمت " بالاصح ضحكت بعجب " >> ولا أقصد بالضحكه الخفيفة هنا الاستهزاء طبعا " أصلا ماتروم " لول .. : )

لكن حالها حا لغيرها كثر ..

ليش يستغربون لمن أقولهم ان لي دفتر خواطر رسما لا كتابة .. !
أنثر به ماعتلا خاطري من خطوط متمايلة .. متلاحمة وخطاب نفسي ..

:

حبيت أطرح شوي " مع وضع خطين تحت شوي " .. من خواطري هنا ..
لأبين كيف ان الرسم لا يقل شأنا عن الكتابه ..
وإن كنت أملك دفيتر لخواطري " نثرا " .. فإني أملك قبله دفترا لخواطري " رسما " ..

وجـــــــــــــــــــــــ ــــــــــدا " مطوها لآخر الشارع " .. الشغله تريح الواحد ..
أن ترسم دون أن تكتثر بحركة اناملك .. أكانت متقنه .. صحيحه .. أم ضائعه ..

أمور جد بسيطه .. وجد طيبة ..
وإن كانت للغير غير مفهومه .. ومبهمه .. !

:

مثلا شوفو هذي ..

http://www.lo7a.com/up/uploads/0c08516e82.jpg (http://www.lo7a.com)


بسيطة جدا ومجرد اطار .. وممكن تضيفـ / ـين عليها كلمه وتكتمل الخاطره .. !

:

وممكن تأجلـ / ـين الكلمه لوقت ثاني .. على مزاج هاجسكـ / ـج .. ^_^ ..


http://www.lo7a.com/up/uploads/f153fa0eec.jpg (http://www.lo7a.com)

:

وحلو لمن تحتفظ / ـين بالدفتر قريب منكـ /ـج دوم بأي مكان سرتـ / ـي له ..
مثلا اهني اذكر كنت بالطيارة لول .. مجابلة الدفتر نفسه .. لأن الخاطر ما يحده وقت ولا مكان ..
والرسم اهني ماهو عمل تطمحين لاكمال جميع عناصره ..
فهو عبارة عن خاطره وحسب .. لا تكترث لشكلها ولا طريقة أداءها .. كثر ما إن يهمكـ / ـج افضاء ما بجعبتك ..


http://www.lo7a.com/up/uploads/d54acbc03e.jpg (http://www.lo7a.com)



http://www.lo7a.com/up/uploads/e93fbc275a.jpg (http://www.lo7a.com)

وصفحات عديده أخرى .. تعد بسيطة المظهر .. عميقة المعنى ..
لصاحبها على الأقل .. !


http://www.lo7a.com/up/uploads/b786f9e907.jpg (http://www.lo7a.com)

[/URL]

http://www.lo7a.com/up/uploads/9239fab97d.jpg (http://www.alsowr.com)



http://www.lo7a.com/up/uploads/aae962a4f6.jpg (http://www.alsowr.com)



http://www.lo7a.com/up/uploads/cc0b749475.jpg (http://www.alsowr.com)



http://www.lo7a.com/up/uploads/11a44cb535.jpg (http://www.alsowr.com)



[url=http://www.lo7a.com]http://www.lo7a.com/up/uploads/aec85520cf.jpg (http://www.alsowr.com)

:

وايد تكلمت ووايد هذربت ..
مع اني بالنهاية مابي أقول غير >>
>> أن تمتلك دفتر خواطر تملؤها فيضا من طيب رسمك .. ونبضك .. من الأمور الجد مريحه ..
خاصة أنها تخصك وحدك .. وتصفك وحدك ..

مع ابقاءك على ماتنثره حروف خاطرك .. لخاطرك .. !

:

ولن أنسى ان اذكر نقطة جدا مهمه .. وهي ان هذه الخربشات البسيطه " الخواطر " تفيدك بوقت لاحق ..
عندما تأتي لاعداد لوحة تبغي تميزها .. سيكون دفترك هنا جعبة وفية لك تعينك على طرح أفكار لم ولن تنسج الا من خاطرك ذاته .. بيوم ما ..
لتعد لوحة جديدة من نسج هواجسك .. بانسياب سلس .. !

:

أتمىنى أن تكون كلمتي وصلت .. ولو لشخص واحد ..

.............

وأعتذر على نوعية طرحي .. واسلوبي المشتت والغير مرتب ..
ولكني كنت على عجل ..
إلا أني أردت ان أفضي بخاطري هنا .. وحسب .. !

:

جل امتناني واحترامي لكم جميعا ..
إختكم أنامل قلب .. ^_^ ..

[بوزايد]

والله روعهــــ

نتريا يديدج

[الدلووووعة]

كشخة دفترج

وحلو دفتر خواطرج ^_^

[العجيبة]

يا سلااااام عليــــج .. وايد حلو ان يكون عنـدج دفتـر خواطــر .. خخخ انا ما عندي :[

ودفتــرج عيبنــي .. مرتــب وكله رسم رسم رسم كتابة

الله يوفقـج دوم ..

[المحاق المشتعل]

انامل الابداع

دفترج في غاية الجمال

بسألج سؤال

هل اتحبين الرسم بالحنا ؟

الرسمه الاولى جداً تشبه نقش الحنا

جميله... بديعه رسماتج

ذكرتيني بأيام الغوص المحاقيه

كنت يوم اعابل الليخ ( وين ابا انا ) :k_icon9:

قبل كنت اكتب خواطر وفي الصفحه المقابله كنت ارسم

رسمه عن الخاطره

ودفاتر خواطري كثيره ( خواطر الرسم )

مفروره مفلعه مني مناك ظايعه مسروقه

اساطير زباله من كل الاصناف

ذكرتني رسماتج الجميله في دفتر صغير كنت املكه

والرسمات إلي فيه كلها ورود أكثر شي

وفي نفس الوقت ( نينجا ) مراهقه شيطانيه :b050:

ذكرتيني بذكريات عذبه لا اكاد انساها بعد مضي تلك السنون

وانتي بعد ما شفت رسماتج هاي

ايقنت انج مبدعه بحق

وفنانه الخواطر ( نفس الطريق إلي سلكته لأني ما احب اتقيد بشي معين )

...

انامل الفن

لا تحرمينا اي مخطوطه او ورقه لو امشخبطه عليها انه انشوفها

لأني احب خواطرج الجميله وأحب اقراها بطريقتي

دمتي متألقه برقي تلك المشاعر

محاق

[عديم الشوق]

ما شاء الله عليييج يا أنامل

والله انه إبداع :fa42:

أشياء عجيبه و غريبه :crosseyed:

يوم دخلت حسيت إني بشوف شي غاوي

و بالفعل شفت اشياء غااااويه :k_smile2:

أختي انامل :

لا تحرمينه من ابداعاتج

و نبغي انشوف يديدج

:8:

و تقبلي كل تحياتي

-عـــديم الشـــــــوق-

:m_bye:

[بنوتة جميرا]

عيبني دفتر خواطرج واااايد
ماشاء الله عليج
احسج مبدعه
بالتوفيق يالغلا

[أنامل قلب]

أخوي الكريم بوزايد ..
ردك الروعه .. ^_^ ..
وتشكر عحضورك اللي له طابع خاص يحمله شخصك الكريم ..
يزاك الرحمن كل خير أخوي .. وسعدت لطيب ردك ..

:

عزيزتي الدلوعه ..
مشكورة خيتو عمرورج الطيب ..^_^ ..
وترى الدفتر مابان لج كشخه الا لأنج كشخه يام الكشخه .. !
والاحلى طيب تعقيبج اللي أسعدني صدقا .. فابقي دائمابالجوار ..

:

عزيزتي العجيبة ..
يا سلامـــــــــــــــــــــ ـــــــــــــــــ عالطلة الغير شكل لول ..
وردج اللي عيبني خيتو ..
يشرفني كون الدفتر ظهر لكم حلو ومرتب " احم " >> سكتو عني خخخ
بس ليش ماعندج دفتر خواطر .. غريبة ..
يعني هالنوع من المذكرات " دفتر الخواطر " يعتبر الصنف الوحيد اللي تاخذين فيه راحتج ..
لا يهمج ترتيب ولا غيره .. أي خربشة تعبر عن هاجسج والسلام ..
بس لا تخربشين وايد لول .. >> أسولف ..
وأكرر جل شكري لمروج العبق اللي كان ولازال يسعدني .. ^_^ ..

:

جل احترامي وامتناني ..

[صاحب مبدأ]

.
.

وعليكم السلام ورحمة الله وبركاته


مع اني بالنهاية مابي أقول غير >>
>> أن تمتلك دفتر خواطر تملؤها فيضا من طيب رسمك .. ونبضك .. من الأمور الجد مريحه ..
خاصة أنها تخصك وحدك .. وتصفك وحدك ..

هي فعلاً مريحة للنفس وخاصة إنــ كانتــ بهذا الصدق يا أختي الكريمة
أعجبني جداً "دفتر" خواطركِـ
الرسوماتــ التي تحتويهـ مُتقنة
والخط أكثر من رائع "ما شاء الله"
إلى الأمام دائماً ..!

[عبرات حالمة]

ماشاء الله عليج
دموع دومها ترمس عنج وعن رسوماتج الفنانه بس الصراحة كلامها يعتبر اندرستيتمنت
ذكرتيني بايام اول (ايام الطفوله) كنت اسوي نفس الشي قبل لا اترك الرسم (من كثر القفطه) بس للحين ارد واجوف الرسمات ولو كانت عبيطه ومضحكه بس تذكرني بالمناسبات والذكريات اللي بديت انساها!!
نتريا يديدج اختي وشكرا عالرسوم الحلـــــــــوة

[الا انا]

أنامل ..

روعه ....

ماشاالله عليج ...

بالتوفيج الغلا

[أنامل قلب]

أستاذي المتألق بجميل طيبه دائما .. المحاق المشتعل ..
سعدت لتذكيري لك بأيام مضت .. أيامك المحاقية .. ^_^ .. جعل الرحمن كل أيامكم مأنوسة بجميل قربه .. برحمته ..
وبالنسبة للرسم بالحنا .. فمثل ماقلت سابقا .. مايعيبني شي إلا وأرز فيسي فيه .. والحمدلله الحنا يعتبر من ضمنهم اللي لازلت توني ببداياتي معه ..
لان الرسم بالحنا بحد ذاته فن .. ويباله تمكن باستخدام الاداء .. لاتقان الرسم بها ..
وكان عندي دفتر الدرب فيه " بوضع أفكار للنقش من هذا النوع " لكن فريته قبل مانفضح .. والدفتر اليديد ياي بالطريج : )
وزين يوم انك قلت بإن خواطرك ضاعو .. ولا جان اشترطت طرحك لهم .. !
وفعلا بفقدها خساره لنا .. فقد حرمنا طيب نثر خاطرك .. و خسارة لك لذة تصفحها .. بكل نفاصيلها الخفية .. بيوم ما .. !
وبالنسبة لهذي (( لا تحرمينا اي مخطوطه او ورقه لو امشخبطه عليها انه انشوفها )) >> كاني مب مقصرة ..
وجان تبون بحط لكم الفضايح اللي بكتبي لول .. ^_^ ..
السموحة عالاطالة أخوي .. وجل الشكر على مرورك الطيب .. كعادتك تكرمنا بجميل لفظك ..

:

أخوي الكريم عديم الشوق .. الممتاز بطيب نشاطه وردوده الصافية ما شاء الله عليك ..
الابداع ماشفته بطرحي إلا لأنه منك وفيك ..
أما عن الاشيا الغريبة والعجيبة >> أضم صوتي لصوتك .. ^_^ ..
والله لا يبليكم بيديدي خخخ .. خاصة بهالفتره لوحة كلها خرط وتعقيد .. !
لكن عقبال مانساهم بالمسابقه وتعتبر يديد كل منا : )
لك جزيل شكري وامتناني لهذا المرور الطيب ..

:

عزيزتي واختي بنوتة جميرا .. المتميزة بطيب مواضيعها .. واهتمامها ..
سعدت بوجود اسمكِ هنا .. بساحتي المتواضعه ..
وردج اللي عيبني وااايد .. >> إحم ماقلد أحد .. ^_^ ..
ما شاء الله عليج .. وريي لا يحرمني من طيب مرورج دوم ..
وبحفظ الرحمن دوم : )

:

لكم جل احترامي وامتناني ..

[الشوق]

انامل قلب .. يا ويلي ع الدفتر
عليكم سوالف ها ...
ماشاء الله عليج دفترج رائع
واحلى ما فيه تداخل كلمات بسيطه من بينهم ..
.
.
يعني فن صراحه ..
.
.
.
عجبني الترتيب ..
صارلي فترة امودره الخواطر ومااكتب شي ..
المووود امبند والا جان سويتلي دفتر شراتج .ههيههي
.
.
.
المحاق اخي الكريم
اذا ليناحينه محتفظ اب هالدفتر انته بعد ...
خلنا انشوووف شي من دفترك ..
الفكره جدا رائعه ..
.
.

[المحاق المشتعل]

اختي الشوق

اشكر اهتمامج الطيب

هي الدفاتر مب عندي

لكن اذا حصلت شي منها ما بحرمكم شخابيطي :shutup:

بالغ الشكر

محاق

[مــهــابه]

يــاســلام
دفــتر خواطـرج وايــد مــرتــب
مب دفــتري لووول شخابيط ولعــوزه ، وأكـتب فيها من سنــة 2002 لـ يومج هــذا
حلــو يوم يكـون عـندج دفــتر خوااطـر

وأنـا شخــصيــاً مـا أشــعر بالكلمات اللي اكتبها ، ولا اتعـمق فمعـانيها وايـد ، كثــر ما احسبها يوم اقـراهــم وانا ضــايجــه


موفقــه دايـماَ

وتـسلم هالأنـــامل :)

[أنامل قلب]

أخوي الكريم صاحب مبدأ ..
يتشرف موضوعي لوقع أحرفك به صدقا ..
المميز بطيب نثره لخواطر تخللت أصداء ترددت فانعكست بطرحك الزكي بخفايا أحرفه .. موت وميلاد .. !
بما إن التعقيب بساحتك ممنوع مؤقتا " ومع اني عقبت فيه خطأ "..
سأستغل هذه المساحة الصغيرونه لإبداء اعجابي بما تشرب ساحتك من طيب الوصف والاحساس ..
وأي كلمه قد تجدي هنا للتعبير عن إعجابي بعذب ماقرئته ولازلت أقرأه .. !!
ما شاء الله عليك أخوي .. وبرحمته يحفظك من كل سوء ..

وبالنسبة لطرحي المتواضع هنا .. فقد سررت لجميل لفظك فيه .. ولما وصل إليكم من صدق نثري به .. رسما .. !
والكتابة البسيطه به بهذا الخط البسيط لم يكن إلا بفضل أخت أشكرها جل الشكر ..
منها درست الخط كبداية .. من وقت مضى ونسيته تقريبا .. إلا أن طيب آثارها لازالت عالقة متشبثة ..
وما أملك من خلفية عن أنواع الخطوط التي تمازجت وتأليفاتي الخربشية بخطوطي ورسمي بانت لك رائعه .. لما بكم من طيب .. سكن .. فبات بنفوسكم عائما .. ^_^ ..
والمعذرة اخي على الاطالة .. كما أكرر جميل شكري واحترامي لشخصك الكريم .. أخي صاحب مبدأ ..

:

عزيزتي عبرات حالمه ..
كيفك خيتو .. وشلون العايلة الكريمه .. ^_^ ..
احليلها دموعتي .. وترى الوضع عندي من نفس الحال .. تسولفلي عنكم وحده وحده .. ما شاء الله عليها وعليكم ..
وحلو يوم إن طرحي صار يذكركم بأيام أول .. وترى القفطات اللي تصيبنا بذيج الايام تعد الاساس اللي يستند عليه كل منا ..
يعني جان زين لو الانسان يروم يمشي حاله بدون قفطات .. #_# ..
وترى أعرف إن لكم مواهب .. دام إختج تتفنن بلوحات تمزج بها طيب الالوان بتعبيرها الخاص والمميز ..
فاكيد هم إنتِ بيكون لج طابعج الخاص بالرسم شراتها .. وما يحتاي منج غير الاقدام للافصاح عما يجول بخاطرك بأي خربشه تريحك ..
كما تكرمينا بطيب نثرك بساحة الخواطر .. واللي لازلت للحين أحاول أتعلم منكم .. ^_^ ..
احليلي راس مالي بهاك القسم خاطره لول ..
وفيه جمله بردج مابعقب عليها " بعدين بعدين .. ^_^ .. " ..
وجدا سعدت بمرورج الصافي بساحتي البسيطة .. وخربشاتي المعهوده ..
وطيب شكريموصول لج دايما ..

:

خيتو الدافية .. ياهلا ومرحبا .. ^_^ ..
حلو ردج .. يبالي اقتدي فيكم وألخص ردودي بكلمات محدده وموجزه .. >> حاولت بس ماقدرت : )
الروعه ردج عزيزتي .. وربي لا يحرمنا من مرورج الطيب دوم ..
جعل أيامج كلها راحة وسلامة .. برحمته ..
وجدا شاكره لج هذي الطله ..

:

لكم احترامي الخالص .. وطيب امتناني ..

[أنامل قلب]

إختي الشوق .. المتألقه ..
جدا سعدت لتشريفكِ بسيط طرحي .. بساحتي الصغيرونه .. !
هيه .. ماكنت أدري إن علي سوالف .. ^_^ ..
الرائع جميل ردج عزيزتي الشوق .. والفن مابدى إلا لطيب أصلج .. ما شاء الله عليج ..
وبالنسبة للمود .. !
#_# واللي يسلم روحج فجيه .. وخلنا نسقى من طيب لفظج .. وعذب خاطرج شوي + شويات .. ^_^ ..
أما عن اخونا واستاذنا المحاق المشتعل .. فأظني مابيبخل علينا بكل اللي عنده .. فهذي نصيحته لنا .. !
وربي يحفظكم جميعا .. ولازلت لردج شاكره و ممتنه ياشوق المنتدى ..
فقد سعدت به صدقا ..

:

امممم ..
ياســــــــــــــــــــــ ــــــلام .. مهابه شرفت وونست .. ياهلا ومرحبا بج .. ^_^ ..
سعيده بوجود اسمج من بين الردود خيتو ..
وعن طرحي لدفتر خواطري .. لا يغركم وايد ترتيبه .. شوفو الدفتر الثاني لول ..
مع اني كنت اهتم بترتيب ما كتب .. لكن الحين من زود ما الهواجس تضارب الواحد مايمديه ينسق ..
بس يفضفض .. يفضفض .. ويفضفض .. !
وحلو يوم إن لج دفتر خواطر جديم .. كشخه والله ..
كما إن شخصج مميز بكتاباته .. ما شاء الله عليج .. >> وعقبال ما أشوف رسمج .. ^_^ ..
وبالنسبة لهذي >> (( وأنـا شخــصيــاً مـا أشــعر بالكلمات اللي اكتبها ، ولا اتعـمق فمعـانيها وايـد ، كثــر ما احسبها يوم اقـراهــم وانا ضــايجــه ))
فهو احساس آخر طيب منج عزيزتي ..
وأكرر شكري وامتناني لمرورج الزاكي ..

:

احترامي وامتناني وودي لكم ..

[دموع قلم]

آآآآآآآآهـــــــــــ ـــ !
.
.


لـ بحـر قلبـكــ ..

مشـاعــر ..

لا سـاحل لهـ ..!
.
.


دمـتِ بسعـادة رضـى الرحمـن .. دومــا ..

غـاليتـي ..!

[أنامل قلب]

غاليتيـــ ] ـــ ـ دموعــ قلمــ ـ

صديقتيــ وإختيــ وعزيزتيــ و رفيقتيــ و حبيبتيــ فيــ اللهــ ـ

الوحيده التي سلمتها دفتر خواطري .. بما بها من خربشات ..

أبهجتِ القلب لما رأى من جميل اشرافك .. وعذب كلماتك ..
بعثت السرور لقلبي صدقا .. !!

وكل المنى أن تظلي كذلك قريبة ..

والله لا يحرمني منج ..

:

لوقعــ أقدامكــ هنا معنـ ] ـى لا يمتحـ ] ـى بقلبيــ ـ !!

والسموحهــ ـ

[ألم ترى]

لله درك ما اروعك
اسآل الله بأن يحفظكيـ من كل شر
عذرآ ع ردي المتواضع لـ طرحك ورسوماتك المتميزه
:smile:
دمتي بحفظ الرحمن

[أنامل قلب]

أخوي الكريم ألم ترى ..

لك جزيل الشكر والامتنان على هذا الرد الطيب .. من طيب شخصك ..
وطرحي ينحني تواضعا لجميل مرورك أخي ..
لا حرمك ربي من جميل قربه كما اعتدنا أن نلقى منك من جميل قولك وفعلك
بتزيين القلوب وتقريبها بفيض يسيل عذب قطره بمواضيعك الصافية لغيرك ..

ربي يحفظك أخوي .. ويزيدك كرما وإحسانا ..

...........:: احترامي وامتناني لك ..

^_^ ..