لمن تبوح بأسرارك ؟

[المزوحي]

الأسرار جزء لا يتجزء من حياتنا لكل منا أسراره الخاصة يحب الاحتفاظ بها ولكن لا بد أن نبوح لإنسان قريب جدا منا ونأمنه على اسرارنا


في ناس تحب تفضفض بشكل كبير وتقول كل شي وكل سر لشخص واحد فقط، سواء قريب وإلا غريب

أما أنا ما أحب أبوح بأسراري لأي شخص كان .... ومع هذا بقول إنه الأسرار درجات ...

في منه اللي ممكن تقوله لشخص وفي منه اللي ماتتكلم به بالمره حتى ماتفكر فيه ... يعني انته تنساه

وتخفيه ...

مرات إييني شعور إنه ماقدر اتحمل باللي فيّه وأريد أبوح بالسر ... مره فعلا أحس إني بنفجر واترددت

إني اتكلم .. وتم السر مدة طويلة وعقب بحت بسري ... لصديق، ارتحت وبمجرد ما فضفضت وارتحت

ندمت ... يقول الشاعر


اذا ضاق صدرك عن سرك *** فصدر الذي تستودع السر أضيقُ

عندما يسكن جوفك احد الاشياء الخاصة جدا بك فلمن تفضفض ؟؟

لوالدتك أم لصديقك العزيز باعتباره مستودع اسرارك ورفيق حياتك

ام تبوح بها عبر كلمات من خلال الشبكة العنكبوتية، فتكون رسالة غير معروفة المصدر ؟

[بنوتة جميرا]

المزوحي
من ردودك في الدردشه
احس انه فيك شي
في شي مضايقنك وايد
ماقول غير الله يهون عليك يارب

أما انا فأسراري كلها عند ربيعتي وروحي
اعتبرها كل شي بحياتي
مع ان الفتره اللي عرفتها فيها بسيطه
لكن صداقتنا واخوتنا كإنا من سنين انعرف بعض

يوم اكون ضايقه ما الاقي جدامي غيرها
لاني احس انها الوحيده اللي تفهمني
ونصايحها تعيبني وايد
لو عندي مشكله هي اللي الجأ لها والاقي الحل عندها
وهي بعد نفس الشي

الله يخليها لي يارب
لاني بدونها احس عمري ضايعه
ماروم اثق في حد وابوح باسراري غير لها
ان شاء الله انتم طول العمر جي

واحسن حل اشوفه انك اتفضفض لاقرب ربيع عندك
واذا تبغي نصيحه من حد
روح عند واحد عنده خبره بالحياه
وكلامه يعيبك من ناحيه العقل مش القلب
الله يكون بعونك ياخوي

[المزوحي]

مشكورة بنوتة ... والله كـــريم

الله يديم المحبة وتكون قد الثقة ...


لكن يوم انصدم ... أقول هل فعلا ما اعرف اختار اصدقاء ؟؟

وإلا الفئة الكبيرة من اللي مب قد الثقة منتشرين ؟

بــخبرج مثلا بحكم إنه انتم في الدوام 7 ساعات مع ربعنا ... هم ناس طيبين .. لكن

ماقدر أبوح لهم باللي في خاطري، بالرغم إني اعودت عليهم وأعاملهم كأنهم هلي

[بنوتة جميرا]

اخوي شو اللي يمنع لو انت مرتاح لشخص وياك في الدوام انك اتفضفضله ؟؟
انا ربيعتي هاي عرفتها بس في الجامعه
والحمدلله هنتيناتنا وثقنا في بعض

بس لو انت فضفضت لحد وما كان قد الثقه؟؟
هني انا أكيد بنهي علاقتي وياها
بحاول ما اشوفها ما اتلاقى وياها
حتى لو اغير رقمي
بحاول اكون بروحي في مكان هادي
افكر باللي صار كله
وما يمنع اني اعطيها فرصه وحده بس اتدافع عن عمرها
ولو كلامها قنعني يمكن اسامحها بس اكيد الثقه بتكون مهزوزه
ولو ماقتنعت اسوي اللي قلته في البدايه

[المزوحي]

يمكن قلت لثلاثة منهم شغلات مش كبيره، يعني كلام ما أحب حد غيرهم يعرفه .. وأتمنى إني

احكم لساني، ما اتكلم بأي شي .. وفي نفس الوقــت أبــغي صــديق أبوح له .. وعــقب أقول لااا

عــن تــندم .. مــادري اشــبلايه جـــيه ؟؟ ولمن أبوح بأسراري ؟؟

مب ضــروري صــح ؟

[الدلووووعة]

عني انا

يوم اكون متظايقة يبين عليه

اني صدق متظايقة

يعني من خلال اسلوبي

واي اي شي ثاني

لاكن يوم يسألوني ليش متظايجة وجي

ماخبرهم اقول متظايجة وبس ليش ماخبرهم

وانا من النوع اللي صعب اخبر حد عن اسراري

او سبب ظيجي يعني اكتم فنفسي

بس مرااااات خلاااااااااااص شوي وبنفجر من كثر
ماكتم بس بعد مااخبر

يمكن اللي ويايه فالمسن يوم يشوفون يكاتبه

لاحد يرمسني لني مالي باارض ارمس حد

يعرفون اني صدق متايجة

وانا يالسه عالمسن وهم يحرقونه لاكن مارد عليهم

لنه ادري اذا رديت بقولهم اللي فخاطري بس انا

مابا اقولهم اخليه احسن من اني اخبرهم

ولو حتى اعز اربيعاتي بس ماخبرها

ماحب مادري ليش

وانا ادري ها الشي هب اوكيه يأثر على نفسيتي بس خلاص تعودت

بس يعني ان بقول بقول لأختيه ها بعد معاناه طبعا ^_^

اتردد مليون مره لين ماخبرها^_^

[بنوتة جميرا]

لو تحس انك مضايق ومحتاي ترمس واظهر اللي بخاطرك
انا اشوفه ضروري
مب شرط يكون من زمان اتعرفه
المهم انسان ترتاح له
واسراره يمكن عندك

[المزوحي]

الدلووعة ترى جيه السالفة نكتم ونتعب ونقول مابنبوح ... أنا ما أقصد الفضفضة العادية

أتكلم عن سر يؤرقك .. لكن فعلا مثل ماقالوا ؟؟؟؟

إذا انا ما اتحملت اكتم سري فالغير كذلك مايتحمل !

[المزوحي]

بنوتة هيه محتاي اظهر اللي في خاطري .. يمكن اللي عرفتهم الحين ارتحت لهم أكثر عن ناس

أعرفهم من قبل ما اعرفهم، لكن هم مايتكلمون عن أسرارهم بعد .

يمكن تقولين مب شرط نتبادل الأسرار .. يعني لو طرف واحد يتكلم

ممكن أنا بس أبوك والطرف الثاني يسمعني وممكن الغير يبوح لي من دون أنا ما ارمس

[الـيـاه]

حق ربيعتي شمعة أمل :inlove: ( خاصه يوم أكون متضيجه من شي وألا حد قاهرني ومنرفزني ) لانها تفهمني بسرعـه وعلى طول تعرف إذا فيني شي


حق ربيعتي ميـثا :inlove: ( هاي ربيعتي من يوم كنت ياهل وتستويلي من بعيد .. فـ كل الأشيا الحلوه
والمب حلوه تعرفها ) تعرف تاريخي كله لول

بس بشكل عام اذا في شي ربعي الـ كلوز ويايه كلهم يعرفون لان ماعندي أسراااار أسراااار .. واللي قلت أساميهم فوق أرمسهم يوم أتضايج وهم نفس الشي *love*

:fa41: :fa41: :fa41:

وفي أشيا ماقولها لحـد أبــد
مب سالفه أني ما أثق في ربيعاتي - لكن لازم تكون في أشيا محد يعرفها غيري أنا وبس -
وجي ..


.
.
.

[المزوحي]

الياه جميل اللي تقولينه، تبوحين لأصدقائج باللي يجول في خاطرج ..

بس اتحملي الحين عن حد منهم يقووول : شو هالشي اللي متحتفظة فيه لعمرج ومحد يعرفه !!

بس فعلا في أشياء محد يعرفها مووول

[بوزايد]

لام زايد وبســـــــــــــ

[الـيـاه]

المزوحي

هههه هم بيقولون بيقولون بس تقول هايج لغنيه وش علي أنا من الناس وش على الناس مني لول XP

[قرموشة]

كنت أبـوح بهـا لانـسـانـه كانت أقـرب مـن نفسي لي ..
بس تعلمـت انـي اخـلي اسـراري لنفــسي ..

[ألم ترى]

بسم الله الرحمن الرحيم ..

هلا خوي ..

عن نفسي فماعندي اسرار اخفيها عن ربعي واخص ربعي اللي وياي دوم مب يوم ! ..

بس ياخوي انا من عرفتك وانت دوم مهموم وشال الدنيا ع ضهرك ..

هونها وتهون وربي يفرج همك وكربك ويرفع من شأنك ..

[حبوبه دبي]

اربيـــعتـــي

:fa35:

[فركوشه]

ابوح باسراري لنفسي

لاني لو خبرت حد ما بيكون اسمه سر..

[مجموعة إنسان]

حمدووووووووووووووو
ربيعي

واحمدوووووووووووو
ربيعي

[تحفه]

أنا قلـبـي كــــتـاب مفــتوح p;

[أنامل قلب]

باختصار ..
>>>>>>>>>>> لرسومي " الرسم " + كتاباتي ..

ولمن أظيج مول ..
حدي أقول لربيعتي .. " تعبانه أو مضايقه .. وممكن اتكلم عن الهواجس لا غير " .. >> وهذا يعتبر بالنسبة لي إني فضفضت وفجيت وارتحت ..

وطبعا يكفينا راحه ان أمورنا كلها بحفظ رب العالمين .. برحمته ..

وبس .. ^_^ ..

:
:

ربي يفرج عنكم كل مايهمكم .. ويرزقكم راحة البال .. والسكينة بقربه .. يارب ..

....................:: احترامي وتقديري لطارح الموضوع وكل من مر ..
إختكم أنامل قلب ..

[ملاك الروووح]

::

السلام عليكم ورحمة الله وبركاته ..


اممم

بالنسبه لي ..

قبل كنت أبوح لأختي اللي اكبر عني .. بأربع سنين .. أسراري كلها ..

وأرمسها يوم أكون متضايجه ولا فيني شي .. لأنها اتعرف اشلون تخفف عني ..

حتى لو واجهتني مشكله .. ولو كانت بسيطه ... آخذ رايها وشورها ..!

بس للأسف عرست الحين .. وانشغلت عني بعيالها :fa36:

ف حولت حق اختي اللي أكبر عني بسنتين :k_harhar1:

وحسيتها جريبه مني .. وكانت تسمعني .. وتتحملنــــي .. وتشور علي ..

بس اكتشفت انها عادي تقول أسراري حق أي حد .. :m_afaker:

يعني أخبرها سالفه .. واتروح بدون قصد اتقولها حق اختي ولا حق ربيعتها ..

لكني أعتبر هالشي خاص فيني .. ومابي حد يعرفه ..!

ف شو سويت ؟

حولت حق اختي اللي أصغر عني :k_harhar1: لووووول

يمكن فرق السن البسيط بينا .. كان من أهم الأسباب اللي خلتني أفضفض لها ..

لأنها تحسسني انها مهتمه .. ومهما تحرطمت ولا غثيتها .. فديتها ما تقول شي ! :inlove:

صح انها أصغر عني .. لكن عقلها أكبر عن سنها .. وأحب أخذ نصايحها ..

وأشاركها أسراري .. وهمومـــي .. و وناستي .. وضيجي ..! :fa47:

الله لا يحرمنــــــــــــي منهم !

::

حتى انا أحس بك متضايج ومهموم يا خوي ..

عسى ماشر ؟! :surrender:

:

الله يسعد قلبك ..

ويعل الضيجه والحزن والكدر ما يدلون طريجك !

[المزوحي]

زين .. ماشاء الله بو زايد


قرموشه .. أكيد خذتي موقف !

ألم ترى ... لا تحاتي ... بس أنا صعب أثق بسرعة وفي نفس الوقت ما أبوح بأسراري ..

حبوبة دبي ... يعني بس وحده ؟

فركوشه وشو هي الطريقة عااااد ؟

هواجيس حمد وأحمد يعرفون بعض ؟؟


تحفه ... يعني كل شي ينقاال منج ؟

انامل قلب .. الفضفضة تريح الانسان ... مب شرط يتبعها بسر !

ملاك الروووح ... زين اخترتي حد تثقين به ... بس عني أنا مب متعمد ابين لكم إنه فيّه شي ..لا .. لكن انته يوم في خاطرك شي وماتحصل حد على هواك هذا بعد هم ...

[بنت الدلع]

الله يبعد الضيج منك يارب

عني ..

انا من النوع الكتومه
وماحب افضفض لحد
بس يوم اكون مضاايجه حدي احس لازم ارمس
واعبر عن شعوري
واظهر الضيج الي فيني
لان اذا تميت مضايجه وكتمت وكتمت وكتمت بكون وايد عدوانيه
وبتنرفز وممكن ارد بأي كلمه تزعل اي حد

عشان جيه يوم ماروم اكتم غيضي
اقرب وحده لي العجيبه فديتها
احب نصايحها لي
وتشاركني همي
واحسها وايد مهتمه

وبعد ربيعتي فطامي :inlove:
وايد اشيا مشتركه من بينا وايد وايد بعد
يعني هيه تفهمني بسرعه وتشور علي باللي تشوفه
احيانا ما اكون بحاجه لنصايح بس مجرد اني افضفض واظهر الي في خاطري

وبعد عندي ناس وايد قريبين مني
وفي اشيا يوم اقولها ما احس اني افضح اسراري
لان اغلب الاشيا تكون عاديه ومن مواقف الحياه
واذا في شي وايد كبير افضل اني احتفظه لنفسي

[المزوحي]

بنت الدلع زين تسوين عيل .. الواحد مايندم على السكوت كثر مايندم على الكلام ...

واهم شي تفضفضين .. ومب كل شي ينقاااال ..

[مجموعة إنسان]

لا ما يعرفون بعض ..

واحد ربيعي من 7 سنين اللي هو حمد
والثاني ربيعي في الجامعه وفي الغرفة ..

[المزوحي]

هواجيس ...

أنا عرفت 2 من الدوام ... وهم مع بعض من قبل مايشتغلون نفس المكان ... وربيعم الثالث

يشتغل مكان غير ... واحد منهم عنده كلام يخبر طرف واحد بس .. وبالصدفة الثالث يكتشف

إنه انقال كلام بدون علمه ... مع إنهم ربع بنفس الدرجه ...

[حمد بن مالك]

اذا ضاق صدرك عن سرك *** فصدر الذي تستودع السر أضيقُ

عندما يسكن جوفك احد الاشياء الخاصة جدا بك فلمن تفضفض ؟؟

لوالدتك أم لصديقك العزيز باعتباره مستودع اسرارك ورفيق حياتك

ام تبوح بها عبر كلمات من خلال الشبكة العنكبوتية، فتكون رسالة غير معروفة المصدر ؟


لمن يكون اهلا للثقه

[هزاايم]

.............

[مــهــابه]

الســلام عــليكم والرحــمه
.
.

أســراري هـي ملـكي أنـا وبس !!
ودايـمـاً أقـول ( الشكـوى لــغير اللـه مذلــه )

مسـتحيل سـري أبــوح بـه لحـد مهمـا كــان هالشي بسيط ، احتـفظ بـه لـعمري وبس !!

ويمكن هـالشي يـضـايج بـالأشخاص اللي قــرااب مـنـي ، واللي يـضيجـون يوم أضيج ، وحـاولـت اني أرمس أو أقـول ، لكـن سبحـان الله ، احس اني موول مـا اقدر أقـول ، يـعني شي خـارج عن إرادتـي

هذا بالنسبـه للأشيــا الخاصــه اللي بيني وبين نفسي ، ويـاكثـرهـا هالأشيــا


لكـن إذا أشيـا عـاديـه ومـا تـعني لي وااايـد ، فـ أكــيد خــواتي فــالبيــت ، اقـول لـهن ، وع كثر ماخبـرهن يقـولـن اني كتـوومه ودايمـاً يـوم أسـهر مع اختيه اللي هي قريبـه مني ورغـم انه الفـارق اللي بيني وبينها 5 سنين ، لكـنهـا تتـفهم وايــد ، ودايمـاً تحـاوول تـسحبني فـالرمسـه بس ماتـقدر:fa44:

لكـن هي الوحيـده اللي تـعـرف أشيــا كثيره ماحد يــعرفها من ربيـعاتي أو خواتي الباجيـات أو حـد ثــاني






وبس

[مزايا]

اسراري لـ بنت خالتي الكلوز ويايه
بس في اشيــاء احب احتفظ فيها لـ نفسي مش لانها اشيا جايده بس جي

[مزايا]

ع فكره كثير من البنات يخبرووني اســرارهم مع إنه معرفتي وياهم ماتكمل إسبوع بس
عقولتهم يرتااحوون لي
بس انا عادي عندي اختبر البنت كمن سنه وعقب افكر اذا اخبرها اسراري

[المزوحي]

هزاايم نطري إذا عندج أسرار لمن تبوحينها ؟؟

مهابه .. أكون كتوم أفضل، مع إني أحس بعمري بنفجر بس أظن افضل من البوم والندم

مزايا .. مب مقياس لو حد ارتاح لج بسرعه، إنه تبوحين بأسرارج بعد ..

[مزايا]

مزايا .. مب مقياس لو حد ارتاح لج بسرعه، إنه تبوحين بأسرارج بعد ..
:boxed:
انا قلت جيه


بس انا عادي عندي اختبر البنت كمن سنه وعقب افكر اذا اخبرها اسراري

[هزاايم]

..................

[إسهر معي ليله]

أنا ما عندي أسرار،، :a116:

سبحان الله.. عمري ما قلت لـ حد شي خاص :boxed:

[الجديدة]

الأسرار صعب تحتفظ بها
لانها تظل مثل الحمل الثقيل على نفسك
و لازم تلاقي حد تكلمه و تخبره يمكن يساعدك او يوجه لك نصيحة

بس في هذه الايام قليل تلاقي ناس تحتفظ بسرك
لانه بسرعة ينتشر في كل مكان مثل النار

عن نفسي انا احتفظ بأسراري بروحي
اكتمها في نفسي و ما اخلي احد يعرفها
بسبب المشاكل و قلة وثوقي بالناس هالفترة

مرات لما اتعب من حمل السر
أقعد اكتبه في ورقة و احتفظ بها في مكان خاص
و أقعد أقراها أكثر من مرة
يمكن أنا الاقي لي حل أو شيء يريحني من هذا السر

بس تظل القلوب هي الوحيدة الحاملة الاسرار
و ما حد يقدر يفتح القلوب كلها

شكرا لك المزوحي على هذا الموضوع

[دموع قلم]

لأوراقـي ..
ونفســي ..

^_^

[ذكيه_بس_غبيه]

امممممممممممممم انا عن نفسي ما عندي اسرار اللي في قلبي عاللساني ... اممممم بس اذا في شي ابخاطري اخبر ربعتي انا وياها من تقريبا 6 سنين ما تقصر فديتها ربي يخلينا حق بعض

مشكور اخوي على موضوعك ربي يهون عليك

[بوميثه]

لأم الاعيال .. يوم بعرفها منو.ـ, ^_ لووولز

[شوق البدو]

ممممم في منه ما اقدر اخبر احد .. فالاحسن احتفظ فيه لنفسي
وفي منه ما اقدر لازم اقول لامايه .. ليت عندي اخت اكبر مني
اقوولها كل اللي عندي مثل ما تسوي اختي .. بس يالله امااايه تكفي وتوفي :) الله يخليها لي