هوس التملك اللي فيني

[دانة حتا]

مرحبا
حبيت اعبر عن اللي فيني يمكن تروح الضيقه

انا انسانه فيني حب التملك يعني الشي اللي بخاطري اخذه لو طال الزمان او قصر
في النهايه احصل اللي اباه ..مش اني دلوعه او شي يعني بس طبع
حتى لو شخص عيبني وحبيت اصادقه اسير واصادق غصب طيب المهم احصل اللي اباه

المشكله هنيه ...الاشياء الماديه عادي بس الناس
اوقات احب شخص وخلاص اتعرف عليه وكل شي اوكيه بس يوم ايي اليوم ويتركني فيه
باي طريقه احيانا يكون الغلط مني واحيان اكثر بدون سبب واحيانا حتى الموت او الظروف
الاجباريه هي اللي تبعدهم ... هالشي وايد يحزني ويتم الحزن فيني وما يطلع بوقته
يطلع لي عقب فتره طويله يوم اشوف هالانسان واذكر الايام الاوليه

انا مب هذا اللي يقهرني المشكله انه بعدني اجتماعيه واحب الشي نفسه اني اصادق واتعرف على الناس بس اتمنى انه ما يصير شي يرجع يزعلني

والله ابا اصيـــــــــــــح واعرف اني ما برتاح لين ما اصيح ..بصيح عقب ما اخلص دوام
الله يصبرني بس ...:fa43: :d010: :d010:
بس حبيت اخبركم

[الاسطوري]

السلام عليكم ..

"دانة حتا"

اممم بصراحه ماعندي كلمات تواسيج بس كل اللي أقدر أقوله حاولي تكونين أقوى من
هالمواقف وتصمدين مده أطول ولاتخلين الإنكسار يبين عليج
عشان ماتبين نقطة الضعف هاي جدام
غيرج وإذا قدرتي
تتغلبين عليها وتغيرين من نفسج للمرات اليايه بتكون نقطة إيجابية تنحسب لصالحج
وإذا لأ ؛ ماقول غير الله يعينج ويبعد عنج الناس اللي يبتعدون
ويتعبونج بعدما تتعودين عليهم
والسموحه
:image005:

الاســـطـــوري
أخوكم

[مــهــابه]

:m_mar7ba: دانــتنـا

أول شـي هـدي أعـصـابج ، وريـحي عـمرج

كل أنـسان فـهـالحيـاه ومهمـا كان مثـالي ، لابد أنـه يطـمع بشي ، ومـب بس يـطمع بـالمال ، لا بـل يطمع بـالأشخـاص ، وبالـذات الأشخاص اللـي هو يـحبهم ويكـون هـذا [حــب التمـلك]

اخـتيه هـذا الشي طبيـعي والله ، كلـنا نتمنـى ونسعـى لـ هالشي واللي هو انا نمتلك اللي نحـبهم

وفي بـعض الأوقـات يمكـن ماتقدريـن ، لأن الطرف الثـاني مثـلاً مايحـب هالشي ، أو انه الطرف الثـاني مش مقـتنع من هالـشي

بـس صدقـيني لمـا يتـقربون منـج ويعـرفون ( طيبـه وعفويـه دانـه حتـا ) غصبـن عنهم راح يحبـونج !!

وعـلى طاري أنـهم يـتركونج ويخلـونج ، تـراها هـذي سـنه الحياه والله

( عـاشر من تـعـاشر فـلابد من الفـراااق )

ويـاما فـارقـنا نـاس بسبب أو آخـر ، وكان فراقـهم صــعب جـداً ولــكن عـليج بـالصبر ، الصـبر زين
ونـحن صـبرنا ، وفي الأخير لازم تـكونين [ قــنوعه]

وتـرضين بالأمــر الواقــع !!


والله يبـعد عـنج الهـم والضيج والحـزن يـا أحلـى دانـه:image005: