~-~-~(( الحب فالمنتديات))~-~-~

[الدلووووعة]

السلام عليكم ورحمة الله وبركاته

اليــوم عنــدي موضووع أنا و "ربيعة أختيـه الغالية" الدلوووعه

في موضوع حبينا نتكلم عنه ونجوووف شوو رايكم فيــه .. <<الحــب فالمنتــديات>> يمكن عنواان الموضوع ياخذ بال أي حد يقراه لشي معين، ويختلف التفكير من شخص لشخص ..
وألحــين بخليــكم مع هالحــوار اللي ما انكـتـب الا مـن تـجــارب وقـصــص واقـعـيـة سـمـعـنــا فـيـهـا وأثــرث فينــا وحبيــنا انــا ننقلــها لكــمـ بـهـذي الصورة ...


( أبطااال القصة : فطوم وميثوه ربع قو ويا بعض ،، وطبعا فطوم تعرف انه ميثوه تحب ولد عمها من زماااااااان بس هاي الايام ميثوه ماقمت ترمس عن ولد عمها ودوم ترمس عن واحد وياها فالمنتدى طبعا فطوم شكت في ميثوه ..جان تسألها ...؟؟)

فطوم : ميثوه انتي ماتلاحظين وايد ترمسين عن ها العضو اللي وياج فالمنتدى وماترمسين عن ولد عمج.:k_icon9: :ohboy:

ميثوه ( تغيرت ملامح ويها يوم سألتها فطوم):fa46: جان تقول: هاااااا لالا عادي ما أرمس وايد عنه ليش يعني ؟

فطوم : ميثوه شوفي هب عليه انا هاي الحركات اعترفي احسن لج لني اعرفج من اسلوبج :k_mad_argue:

ميثوه : تبين الصدق :blush: احم احم انا اصلا ماكنت احب ولد عميه بس يمكن مجرد اعجاب اكثر من انه حب

فطوم (وهيه مستغربة :crazy: ، أول مرة تسمع ميثة تغير رايها فولد عمها) : انزين وبعدين الشيخة ميثة كملي

ميثوه : فطوم تراني ارمسج جد:argue: انا ماحب ولد عمي الحينه احسه عادي حاله حال اخويه بس قبل يمكن
شخصيته تعيبني لاكن الحينه لا عادي ، بس له معزة خاصة فقلبي لأنه ولد عمي

فطوم : والحينه لاتقولين انا احب راعي المنتدى اللي دوم ترمسين عنه:bash: ؟

ميثوه (مبتسمه ومستانسة من السؤال):a036: : هيه فطوم احسه انسان غييييييييييير غييييييييييير عن الكل

فطوم : كيف يعني غير؟ شو الشي اللي يميزه عن غيره ؟ غردي على مسامعي

ميثوه: اسلوبه، طريقة، رمسته، مواضيعه، كل شي، كل شي احسه غييييييير عن باجي الاعضاء والله

فطوم : حبيبتي ميثوه يعني انتي الحينه متأكده انه هو يحبج؟:love2:

ميثوه : هيه .. وانا تأكدت من ها الشي

فطوم : بعد متأكده .. كيف ان شاءالله ؟ لاتقولين لي مسوتله اد عندج عالمسن !!:k_icon9:

ميثوه : هيه سويتله ..عسب جي فالبدايه كنت معجبه فيه ..لكن الحينه من بعد مارمسته عالمسن وجي حبيته صدق:love2:

فطوم : واااااااااااي.. بضربج:bash: يا ميثوووه.. انتي خبله ولا شو سالفتج؟! كيف تحبين واحد وياج فالمنتدى؟؟ ولا عالمسن ؟! انتي خبله !!؟؟

ميثوه : وليش ماحبه شو الغلط في ها الشي ؟:3:

فطوم : ميثوه شوفي الحينه انتي شو دراج اذا هو صدق يحبج وألا لاء؟؟ يعني خلينا نفرض انه اعترف انه يحبج بس .. هب كلهم يصدقون في اللي يقولونه بس مجرد رمسه لاغير

ميثوه : لا ها العضو مايجذب انا متأكده من ها الشي ولا ماكنت بحبه:d014:

فطوم (وفخاطرها تضرب هالهبلة اللي يدامها:bash: ) : خلي عنج هاي الرمسه متأكده ومادري شو وبعدين تعالي انتي كيف مسوتله اد عندج ؟

ميثوه : عادي شو يعني مسوتله اد حبيبي ولازم بسويله اد:k_harhar1:

فطوم: أييييييه هبلوووو .. لاتقهريني زود اونه حبيبي .. انزين خلينا من ها الحينه اذا صدق يحبج اخر شي بتتزوجون ؟

ميثوه : هيه ليش لا

فطوم : عما ظن انتي تعرفين اهلج اكثر عني .. انتي اهلج مايرضون تاخذون واحد غريب .. صح ؟

ميثوه : انا بحاول وياهم مايخصني بس خليه يقول انه بيتقدم لي وانا بتكتك حق كل شي

فطوم : ماشاءالله الشيخة وايد متعذبه وبتسوي المستحيل بعد

ميثوه: انتي ليش جي ماتشجعين ها الحب شو فيه ها النوع من الحب ؟

فطوم : انا ماشجع ها النوع لنه اصلا احسه هب ها الحب الصح ،، يعني ها بس مجرد كلام لاغير ،، أو اعجاب

ميثوه : لا هب الكل جي انتي شو فيج شو ها التفكير اللي عليج :fa36: ؟!!!

فطوم: ميثوه انتي ليش ماتبين تقتنعين انه ها مايسمونه حب!!؟ .. خلج من ها الانسان .. صدقيني بعدين بتقولين صدقها فطوم

ميثوه: لا مابقول وانا عايبني ها الانسان هو يحبني وانا احبه ليش اخليه .. نوووووووو هب مخلتنه

فطوم : شوفي انا بحط ها المووضوع فالمنتدى وبنشوف شو راي الاعضاء في ها الحب اوكيه ،،وبعدين بنشوف امنو الصح انا ولا انتي؟؟

ميثوه : اوكيه ماعليه وبتشوفين انه انا اللي اقوله صح ..

فطوم : اوكيه ..


طبعــا شفتــواا الحــوار اللي دار بين ميثوه وفطوم وهـــو عن الحب ،، بس أي حب :
"حب وحده حق واحد من االمنتدى" أو العكس " حب واحد لوحدة فالمنتدى"
هل انتو مع ها الشي ولالاء ؟؟
وهل انهم اذا حبو بعض صدق يرومون يتزوجون بعدين من دون معارضة اهاليهم؟
وألا لاااااء ؟؟

ويــاريــت مـن كــل من يقرا هالموضوع يشاركنا براايه .. حتى لو كانت كلمة وحدة ،، راح نستانس .. عسب نفتح باب النقاش للجميع ..


كـــل الـــود :
الدلوووعه و أمـــريــن

[المرعب]

السلام عليكم ورحمة الله وبركاتة
امممممممممم كيف احب في المنتدىوانا ماعرف اي شي عنها
في المنتدي اشوف كل انسان على خلق وكل الطيبه موجوده فيه
مثل الواحد الي لبس قناع ومتخفي فيه او مثل وحده لبسه برقع وماتعرف شو ورها
الي انا اشوفه الحب من المنتديات او المسن او اتعرف عليها عن طريق اتيلفون غير ناجح
وسموحه منكم

[راعي الزعـامه]

الحب عالنت عموما مايعتبر حب ابدا ،،
يمكن اعجاب باسلوب الشخص والا مواضيعه والا اي شي ثاني ،، و يمكن يتطور لمراحل ثانية ماندري لو هي شينه والا زينه

و يفضل ان اتكون العلاقه سطحية بس عالمنتدى ما توصل لمكان أبعد دام ان الاثنين مايعرفون بعض الا في المنتدى ،، والشخص مهما كان اسلوبه في المنتدى أكيد بيكون شخص غير في الواقع ويحاول يكون مثالي في المنتدى ويغير من شخصيته ولو شوي ،،

فأنا رايي ان علاقات المنتديات نبقى لحدود المنتدى وماتوصل مكان ابعد ،، او حتى علاقات النت بشكل عام ،، لان انتو ماتعرفون منو يرمسكم خلف هاي الشاشه وشو طبعه وتفكيره وبشو يطمع ،،

تسلمون الدلوعه وامرين على المووضوع الشيق ،،

[بنت الدلع]

why not

اذا هم يعرفون بعض
وكل واحد منهم يميل للثاني
ليش مايخلون هالشي رسمي
وتكون علاقتهم جاده
اذا فيه حب بيكون فيه تضحيه
بيكونون اسره حلوه ومحبه
بس مب اي حب
مب حب مصخره ولا لعب يهال

الله يوفقهم

تسلمون عالطرح يالثنائي الدلع ^_^

[بوسلطان]

مــــع المـرعــب..
بــدون اي اضافــات..

[تحفه]

^مستحيل حد يتزوج وحده عن هالسوالف .. ... .واذا حصل وكانو مستانسين ها فالنادر و اذا حصل صدق بيتعبون

الزواج مسؤوليه كبيره مب لعبة يهال وتاج الحب وهالخربطان !! لـــــول

مادري كيف اشوف البنات يقولون يبون يعرسون .. العرس تعب مب شي هيّن

نحن في بيوتنا و بس عاونا في عزيمه وحده لساعه وساعتين وقلنا تعبنا وصدعنا وبرقد لين اليوم الثاني !! لول

عيل فما بالج انج تتحملين مسؤولية بيت و ارواح !

البنات عندنا يقولون يبون يعرسون علشان يفتكون من قيود استرتهم ( لا تطلعين روحج - لا تروحين سنما - لا ترمسين في التيلفون - لا تصبغين شعرج - لا تسوين مادري شو )

فيحليلها البنت تصير تبي تعرس عسب هالاشيا

ماتدري انه "الضريبه" ماتستاهل كل شي هي بغته


اللــــــه الهــــــادي.

[مزايا]

مافي شي اسمه حب منتديات

[بنوتة جميرا]

انا عن نفسي
مب مع اني احب واحد وياي في المنتدى
لاني اول شي ماعرفه عدل
ويمكن في اشيا يخشها عني
وانا من طبيعتي مستحيل اصدق واحد بسهوله
او اعطيه كل المعلومات الصحيحه عني
مجرد راي...

[قرموشة]

فيحليلها البنت تصير تبي تعرس عسب هالاشيا
ماتدري انه "الضريبه" ماتستاهل كل شي هي بغته
اللــــــه الهــــــادي.

احلفـي انتـي بــس !! :boxed:
البنت يمكـن في بدايـه الامـر بتفكـر بـ هـ الاشيــاء لكـن يوم تنحـط جـدام الامـر الواقـع تعرف انـه كـل هـذا في صـوب .. ومـسؤوليــات الزواج فـ صـوب ثانــي !
وكـيف تسمـين الزواج ضريبـه يا تحـفـه * الله يهـديـج هـاي سنـه الحـيـااه *
الزواج عـبـاره عـن خـليط مـن كـل شي فرح وسعاده وتضحـيـه وحـب واهتمـام ورعـايه من الطرفين واحترام وفوق هـا كـله انجـاب الاطفال ..
يعنـي باختـصـار لولاه جـان انتـي مـب مـوجـوده :k_puppyeyes:
ممم أفهـم من كـلامـج انـج ما تبين تعرسين ؟! لوول :fa46:

أدري ما يخـصـه طـلعت برع المـوضـوع بس لفتني رد تحـفــه
وعـن الحـب في المنتــديات .. شي جـايز ويصيـر ..
واذا كـانوا الاثنين يحـبون بعـض صدق .. وتكـون هـ المـشاعر نابعه من القـلب :fa41:
ووجـود قناعـه بهـ الشي ليش مايحـاولـون انه هـ الحـب ينتهـي بالزواج
.
.
.

[مزن هتان]

ليش هو في حب عـ الواقع عشان يصير بالمنتديات؟..
و ان صار تراه غلط * غلط

[أنامل قلب]

لول ..
امبيه شو السالفه .. O_o
احم أقول .. بحاول الخص ردي ..
.
.
الحب والارتباط البادي من المنتديات يقبل الاثنين ..
يعني ممكن يكون جايز وطيب .. وممكن يكون شين ومايحل .. >>> مثلا ..
مابني على باطل فهو باطل .. يعني ..
إذا الواحده او الوحده انعجبت بشخص سين من الناس .. ومثل ماكلنا يدري ان العجاب احدى درجات الحب ويبدأ منه .. إذا ماحدوه بظوابط ..
يصير الموضوع غير جايز وشين إذا الأمر انتقل لأمور محرمه شرعا مثل الكلام المتبادل امبينهم سواء بالماسن ولا التيلفون او حتى الرسائل الخاصه باستمرار اللي كلها أمور حرمها رب العباد ولو شافوها أشيا عادية ..
لكنها تظل أمور محرمه أي شي يبنى عليها باطل وان انتهت العلاقه بالزواج .. فلا بركه فيه .. >> مثل موقف البنت اللي بالقصه لول ..

لكن ..
إذا تم الاعجاب من قبل الطرفين او طرف الرجل .. وعرض عليها من البداية الزواج على سنه الله ورسوله بدون خروج عن المحدود وشرع ربنا .. بكل أدب واحترام بدون لف ودوران وسيده لباب البيت فهو جائز ..
لأنه معجب ابها وما أخطأ بفعله .. كما إني سمعت وشفت مثل هالحالات وربنا بارك بزواجهم وما شاء الله عليهم كيوت ^_^ ..

وبالنسبة للي يقول ان الاعجاب والحب بالنت شي غير محبب لأن الأمور اللي تظهر فيه تكون خلف قناع يلبسه كلا الطرفين فهو يخص عدد معين مانقدر نشمل فيه ..
وبالنهايه أي زواج بيتم يعتبر فيه كلا الطرفين غريب عن الآخر ولا يعلم عنه الكثير ولن يعلم إلا بعد الارتباط والسكنا معا بعش واحد .. لول سكتوعني وايد اتفلسف ..
كما إن يقترض إن مايقدم الرجل أو الفتاة لهذي الخطوه "إذا كان صادق وماخرج عن حدود شرع الله" إنه يستخير رب العباد .. فإن ارتاح لها وارتاحت له تم الزواج باذن الرحمن .. وكانت البركة ملازمه لهم بفضله ..

.
.

ووووو تم بحمد الله .. ^_^ ..
عساني ما اكون أخطيت بردي " مع العلم إني لا أفتي .. مافيني بعد يقولون عني مفتية !؟_!؟ " ..
وجعل أيامكم كلها طيبه وسلامه .. برحمة ربي يارب ..
والسموحة منكم .. فهذا مالدي إلى الآن .. وكتبته على عجل ..

احترامي ..
إختكم أنامل قلب ............................:: وجل الشكر والود لطارحة الموضوع .. ^_^ ..

[الجنيه]

السلام عليكم ورحمة الله وبركاته ...

أنا ضد هالمبدأ لكن ما نقدر انعمم هالشي رغم انه الطريقه خاطئه لكن قد تصيب احيانا ..

بشكل عام الشبكه العنكبوتيه ما تسمت بهالاسم الا لانها متشابكه ومعقده مثل شبكة العنكبوت يعني انا ما اعرف حقيقة الانسان الي خلف الشاشه وحامل النك الفلاني .. كيف أنا أقدر أثق بانسان ما اعرف صدقه من جذبه ؟؟ شو الي يضمني أنه مثل ما يكلمني ما يكلم غيري ؟؟ مثل ما يوعدني ما يوعد غيري ؟؟؟!!! أستغرب جدا من الي تتمادى بعلاقاتها الملتويه .. هو صح مثلها مثل التعرف عن طريق التلفون والا اي وسيله ثانيه لكن كل هالطرق تعتبر غير لائقه وغير سويه لتحديد اذا كانت هالنوع من العلاقات ممكن انها تنتهي نهايات سعيده او مصيرها التعدد والفشل كالعاده *_*

[عبرات حالمة]

عاشت مزن هتان
اصلا السو كولد حب شي مب موجود من الاساس
يمكن شي اعجاب او مودة و (محبة: احترام و تفهم تعاطف واهتمام)
بس حب هاا شي مطلعينه ناس اونهم بيعطون معنى اعمق لحياتهم بافكار توو ايديلستك وتوو دريميي
بس اللي الكل لازم يعرفه ان هالشي خيال ولازم يتم خيال يعني حتى لو حلمت او كتبت اوقريت عنه ما اؤمن فيه كواقع محتمل ممكن يستوي
مو كل دقيقة والثانية اتيي وحده ولا واحد متغربلين اونهم طايحين في الحب
شو هو العالم مهزلة!!؟

والسموحة اذا اهنت حد

[فركوشه]

ما ينفع..

[سفير الخيال]

صعب جـــدا
لأنه من النادر تواجد شخصين بهويات مجهوله صادقه مع بعضها البعض

وإن تواجدوا مع تواجد قوة الإراده على الزواج من كلا الطرفين,, فالصداره تبقى دائما لأهل أصحاب القرار وإلا خسر أحد الطرفين شيئا..

ومن يدري!! فالله بيده كل شيء وهو على كل شي ٍ قدير.

شكرا

[روضه]

مع المرعب بصراحه....
هذا فقط منتدى وليس خاطبه...او مكان للزواج والعلاقات العاطفيه....
منتدى فقط... صداقه بريئه...اخويه..

[الملهم]

لو شيء حب في الواقع بشك ..
فكيف في المنتديات ؟؟ ..

ها الشيء ما يدش عقلي ..
اعجاب هيه .. بالنسبة لي اعجب بردود بعض العضوات ..
وتبهرني .. فاحب وجودهم حتى اتعلم منهم .. لكن الحب اللي يوصل للزواج لا مستحيل ..

الف شكر على الموضوع .. ^__^

[روضه]

اخوي الملهم ..في الواقع في حب ...
بس مستحيل يدوم ...كيف بالمنتديات؟؟؟اعتقد مستحيل ...
حركات يهال او تسالي..
احساس مؤقت..
اما المنتديات مثل ماقلت يمكن اعجاب بالردود..اوحتى صداقه...
احيانا اشك في هالشي بين البنات ...
اما الشباب يمكن..بينهم وبين بعض...
يمكن... والله اعلم...
يستوي هالشي ..في المنتديات ونحن ماندري؟؟؟

[أنامل قلب]

السلام عليكم ..
ممكن أرد مره ثانية .. >>> بلاها تخرط دوم .. : (

المهم ..
السالفه اهني مب مسألة اعجاب ولا حب .. اللي أكيد يعتبرون موجودين بالحياة كواقع .. !
واللي المفروض مانشوفه خارج عن الحدود بالمنتديات .. وأحسه مش موجود بالغالب .. والله أعلم .. !
لكن ان صادف ووصل أحدهم لنقطة الزواج عن طريق مالم يحرمه رب العباد .. ولو كان غريبا ..
كمنتدى فهو شي محد قال انه سهل ويصير بزود ..

نــــــــــــــادر صحيح ..
بس كونه أمر محتمل الحدوث .. أكيد ... برايي ..
مع العلم إنه حتى لو حدث بيكون بصعــــــــــــــــــــــ ـــــــــــــــــوبة .. خاصه للبنت ..

يعني انج تعاملين ناس على انهم اخوانج وخواتج وتشوفين أحد من اعتبرتيه أخو لج يعرض عليج الزواج شي مايدش العقل وما يستوعبه المرء ..

لكنه مع كل ذلك ممكن يصير بحالات وإن كانت نادره ..
ودام الرجل ماخرج عن حدود شرع الرحمن فلا بأس بفعله .. وأسلم له من إن يتبع درب الخطأ ..


وبس .. ^_^ ..
والسموحة منكم عالهذره الزايده ..

[روضه]

ماشالله عندي اخوان وخوات وااايد بالمنتدى ..

مع اني يديده ...(( لين الحين يديده؟؟؟))

وصدق فرحااااانه بهم ..

الله يحفظهم....

[جنة عدن]

:k_blush-anim-cl: انا فكري ان الحب ملوش حدود ولا مكان معين لانو القلب بس يحب ما يفكر ان بشوف الحب حب القلوب والحب عبرالنت ماهو بشيء عيب احنا عرب ولنا نخوة المهم عربي واسلامي و انا عندي القلب اذا اختار الحبيب احساسو رح يوديه للمكان الصح :k_blush-anim-cl:

[الدلووووعة]

السلام عليكم ورحمة الله وبركاتة
امممممممممم كيف احب في المنتدىوانا ماعرف اي شي عنها
في المنتدي اشوف كل انسان على خلق وكل الطيبه موجوده فيه
مثل الواحد الي لبس قناع ومتخفي فيه او مثل وحده لبسه برقع وماتعرف شو ورها
الي انا اشوفه الحب من المنتديات او المسن او اتعرف عليها عن طريق اتيلفون غير ناجح
وسموحه منكم


وعليكم السلام ورحمة الله وبركاته

انا وياك اخويه في اللي تقوله
انه الكل هني او هب الكل الاغلب يكون مثالي
وانه دوم هو الصح ومايسوي غلط ابد
وانا وياك انه اغلبيه ها النوع من الحب هب ناجح
بس ماننكر انه مافي ها النوع من الحب

تسلم على مرورك وتواجدك اخويه

[الدلووووعة]

الحب عالنت عموما مايعتبر حب ابدا ،،
يمكن اعجاب باسلوب الشخص والا مواضيعه والا اي شي ثاني ،، و يمكن يتطور لمراحل ثانية ماندري لو هي شينه والا زينه

و يفضل ان اتكون العلاقه سطحية بس عالمنتدى ما توصل لمكان أبعد دام ان الاثنين مايعرفون بعض الا في المنتدى ،، والشخص مهما كان اسلوبه في المنتدى أكيد بيكون شخص غير في الواقع ويحاول يكون مثالي في المنتدى ويغير من شخصيته ولو شوي ،،

فأنا رايي ان علاقات المنتديات نبقى لحدود المنتدى وماتوصل مكان ابعد ،، او حتى علاقات النت بشكل عام ،، لان انتو ماتعرفون منو يرمسكم خلف هاي الشاشه وشو طبعه وتفكيره وبشو يطمع ،،

تسلمون الدلوعه وامرين على المووضوع الشيق ،،


انا وياك انه مايعتبر حب بالنسبه لك ولي
ولبعض الاشخاص بس البعض الاخر يعتبره حب
حاله حال الحب الحقيقي

وصح انه العضو يكون مثالي فالمنتديات
بس على قولتهم الحب مايعرف ها الشي ( طبعا انا مأيد ها الشي ابد )

واكيد لازم مايتعدى حدود المنتدى
لنه يعني ان تعدى حدود المنتدى مالهم إلا المسن
ومن بعد المسن بتطور العلاقة لخ لخ لخ


بس الله يهدي هاي الفئه

ووتسلم اخويه عالمرور والتواجد

[الدلووووعة]

why not

اذا هم يعرفون بعض
وكل واحد منهم يميل للثاني
ليش مايخلون هالشي رسمي
وتكون علاقتهم جاده
اذا فيه حب بيكون فيه تضحيه
بيكونون اسره حلوه ومحبه
بس مب اي حب
مب حب مصخره ولا لعب يهال

الله يوفقهم

تسلمون عالطرح يالثنائي الدلع ^_^


تسلمين اختيه عالموضوع

حلوه وجهت نظرج
بس في عائق ثاني هم الاهل
يعني اغلب الاهالي يوم ولدهم بياخذ بنت
مايعرفها يعرف اخوها وجي يرفضون فمابالج من النت وجي عند بعض الاهالي نو وي وبعضهم عادي

وفي ناس تزوجو من النت
وعايشين حياتهم انا اقصد المنتدى

بما انه الاغلب يكون بصوره الشخص المثالي

[الدلووووعة]

مــــع المـرعــب..
بــدون اي اضافــات..

تسلم اخويه عالمرور والتواجد

[تحفه]

احلفـي انتـي بــس !! :boxed:
البنت يمكـن في بدايـه الامـر بتفكـر بـ هـ الاشيــاء لكـن يوم تنحـط جـدام الامـر الواقـع تعرف انـه كـل هـذا في صـوب .. ومـسؤوليــات الزواج فـ صـوب ثانــي !
وكـيف تسمـين الزواج ضريبـه يا تحـفـه * الله يهـديـج هـاي سنـه الحـيـااه *
الزواج عـبـاره عـن خـليط مـن كـل شي فرح وسعاده وتضحـيـه وحـب واهتمـام ورعـايه من الطرفين واحترام وفوق هـا كـله انجـاب الاطفال ..
يعنـي باختـصـار لولاه جـان انتـي مـب مـوجـوده :k_puppyeyes:
ممم أفهـم من كـلامـج انـج ما تبين تعرسين ؟! لوول :fa46:

أدري ما يخـصـه طـلعت برع المـوضـوع بس لفتني رد تحـفــه
وعـن الحـب في المنتــديات .. شي جـايز ويصيـر ..
واذا كـانوا الاثنين يحـبون بعـض صدق .. وتكـون هـ المـشاعر نابعه من القـلب :fa41:
ووجـود قناعـه بهـ الشي ليش مايحـاولـون انه هـ الحـب ينتهـي بالزواج
.
.
.



انزين فعلا انا كريمه وايد بنات يبون يعرسون فليش ماكون كريمه واتيح لهم الفرص :k_harhar1:

لول

لا بس صدق

منو متفيج يقعد يتحمل مسؤولية ريل من اول ما يفتح عيونه الصبح الييييييييين ما يطبق يفونه الفليل

صراحه ماقدر اتخيل حياتي امسخره في خدمة انسان من الصبح لين الليل :wacko:

مخلية الحلم الوردي حق المتفيجات لول

[تحفه]

يمكن انتوا ماتفكرون بهالشي

بس الله بيحاسب كل انسان على وقته وكيف اقضاه وكيف تحمل مسؤولية الاشياء

انا يالله يالله اروم اتحمل مسؤولية حياتي .. كيف اتحمل مسؤولية ارواح لول


بتصير فاجعـــــــه

[الدلووووعة]

^مستحيل حد يتزوج وحده عن هالسوالف .. ... .واذا حصل وكانو مستانسين ها فالنادر و اذا حصل صدق بيتعبون

الزواج مسؤوليه كبيره مب لعبة يهال وتاج الحب وهالخربطان !! لـــــول

مادري كيف اشوف البنات يقولون يبون يعرسون .. العرس تعب مب شي هيّن

نحن في بيوتنا و بس عاونا في عزيمه وحده لساعه وساعتين وقلنا تعبنا وصدعنا وبرقد لين اليوم الثاني !! لول

عيل فما بالج انج تتحملين مسؤولية بيت و ارواح !

البنات عندنا يقولون يبون يعرسون علشان يفتكون من قيود استرتهم ( لا تطلعين روحج - لا تروحين سنما - لا ترمسين في التيلفون - لا تصبغين شعرج - لا تسوين مادري شو )

فيحليلها البنت تصير تبي تعرس عسب هالاشيا

ماتدري انه "الضريبه" ماتستاهل كل شي هي بغته


اللــــــه الهــــــادي.


تسلمين اختيه عالمرور

والله ياختيه صح كلامج
بس هب كل البنات يتزوجون عسب ها الشي إلا نادر

[الدلووووعة]

مافي شي اسمه حب منتديات

تسلمين اختيه عالمرور

وانا اقولج انه شي

[قرموشة]

انزين فعلا انا كريمه وايد بنات يبون يعرسون فليش ماكون كريمه واتيح لهم الفرص :k_harhar1: لا بس صدق منو متفيج يقعد يتحمل مسؤولية ريل من اول ما يفتح عيونه الصبح الييييييييين ما يطبق يفونه الفليل صراحه ماقدر اتخيل حياتي امسخره في خدمة انسان من الصبح لين الليل :wacko: مخلية الحلم الوردي حق المتفيجات لول

ههههههههههههههه ويارااسـج :boxed:
الحـيييين كـل هـ النـااس عـرسـوا وتحمـلوا مـســؤووليــااات عـيالــهم وريااييللـهم
وانتي تقوليين مـنو متفيـج .. ! تفكييرررج ماعرف كـيف :k_puppyeyes: !
بس يوونييك يعني :fa46:

وأدري انـه الله بيحـاسـب كـل حـد على وقتـه وعلى كـل اللي يسـوييه .. بس تفكيرج انتـي بهـ الطـريـقه
وكونـج مـا تبيين تتحمـلين مـسـؤوليـه شـرع الله ترا هـذا انتـي بعـد مـحـاسبـه عليــه :whistling:

جاااو
:14:

[روضه]

الله يهدي الطرفين....
مثل ماقالت أنامل قلب...(( وجوه مقنعة ))...... وصح لسانج ختيه...كلامج صدق ...

[الدلووووعة]

انا عن نفسي
مب مع اني احب واحد وياي في المنتدى
لاني اول شي ماعرفه عدل
ويمكن في اشيا يخشها عني
وانا من طبيعتي مستحيل اصدق واحد بسهوله
او اعطيه كل المعلومات الصحيحه عني
مجرد راي...

تسلمين اختيه عالمرور والتواجد

وانا وياج في اللي قلتيه بس طبعا هب الكل
بيكون شرات تفكيرج

[العجيبة]

مرحبــــااا

حلوووة طريقة سرد الموضوع .. عيبتني ميثه الصريحه خخخ هاي بايعتنها بالقوو :fa56:



ميثوه : عادي شو يعني مسوتله اد حبيبي ولازم بسويله اد


:fa44:

بالنسبــة لرايي في الموضوع، كنـت ادور راي محدد ، فشفت ان ارائي في راسي بروحها تتضارب فما لقيت راي ممكن أعرضه اهني :look: فاعذروني يعني ..

بس بمــا انه دووم في الواحات يتكلمـون عن الحب .. الحـب والحـب .. وما أدراك ما الحب ..
وبينمــا كنـت أقرا عن علي الطنطـاوي - الله يرحمه - .. شد انتباهي رايه في حقيقة الحـب .. وحبيت أعرضه في هالمكان .. للي حاب يشوفه يعني :mf_leia: ( كلامه بالاحمر وتعليقاتي اللي دازه ويهها بالاسود)

يستطيع أن يمحو من النفس صورة المجد والجاه ، والفضيلة والرذيلة ، والطموح والحسد ، ولكن لايمحوه شىء 0
محــاية ما يمحيها شي :fa51:

الحب أحجية الوجود،
بس للأسف الكل يحـاول يحلهـا ومب قادر..

ليس في الناس من لم يعرف الحب،
حتى انا أعــرف الحـب :k_harhar1:

وليس فيهم من عرف ماهو الحب
أووووه يعني شو الحب ؟ :wacko:

الحب مشكلة العقل التى لاتحل ولكنه حقيقة القلب الكبرى0 الحب اضعف مخلوق واقواه، يختبىء في النظره الخاطفه من العين الفاتنه وفى الرجفه الخفيفه من الاغنيه الشجيه، والبسمه المومضه من الثغر ثم يظهر للوجود عظيما جباراً،فيبنى الحياه ويهدمها ويقيم العروش ويثلها،ويفعل في الناس والدنيا الافعايل
بلللللللل حتى هتلــر ما سوى مثله ! :fa56: :fa56: بدا يكبر في عيني هالشي اللي يسمونه الحب :fa35:

من حرم الكلام في الحب ؟!!
والله ليش تحرمون الحب والكلام فيه ؟ :fa44:
ما في الحب شيء !!
:whistling:
ولا على المحبين من سبيل !! إنما السبيل على من ينسى في الحب دينه ، أو يضيع خلقه ، أو يهدم رجولته ، أو يشتري بلذة لحظة في الدنيا عذاب ألف سنة في جهنم ..
شو هالـحــب .. أشك انه اسمه الحــب :fa55:

ما أشقى المحبين!
ليش ؟ :k_icon9:

يمشون كما يمشي الناس ويأكلون كما يأكلون, ولكنهم يعيشون في دنيا لا يعرفها الناس ولا يصلون إليها, تضيق الدنيا بالمحب إذا جفاه محبوبه, حتى ليكاد يختنق فيها على سعتها, ويجد في العش الضيق الذي يلجأ إليه مع محبوبه دنيا واسعة, ويتألم المحب في اللذائذ إذا لم يذقها معه من يحب ..
والطبيعة الجميلة سواد في عين المحب قاتم إذا لم تنرها مقلتا المحبوب .. هذا هو الحب ..
هذا هو الحــب الذي تعمى معه العيـــون :love:

ثوب براق تحمله المرأة وتمشي حتى تلقى رجلاً فتخلعه عليه فتراه به أجمل الناس ، وتحسب أنه هو الذي كانت تبصر صورته من فرج الأحلام وتراها من ثنايا الأماني ....
حب الحـريم غيييــر :inlove:

مصباح في يد الرجل ، يوجهه إلى أول امرأة يلقاها فيراها مشرقة الوجه بين نساء لا تشرق بالنور وجوههن ، فيحسبها خلقت من النور وخلقن من طين فلا يطلب غيرها ولا يهيم بسواها ، لا يدري أنه هو الذي أضاء محياها بمصباح حبه ..
ويا سلام على حب الرجــل :fa41:

خدعة ضخمة من خدع الحياة ، خفيت عن المحبين كلهم من عهد آدم إلى هذا اليوم .. هذه هي حقيقة الحب .. فلا تسمع ما يهذي به المحبون!..
آخــر الفلم .. حقيقة الحـب = خـدعـة :look:

خــدعـة محـد راضي يقتنـع بهـا :3:


وبس ..

سمحولي لاني طولت .. أحبكم أنا > أووه لا ما أحبكم .. هذا منتدى :k_icon9: :icecream:

مشكووورة عزيزتي الدلوووعة عالموضوع الجميل

[شوق القلوب]

يمشون كما يمشي الناس ويأكلون كما يأكلون, ولكنهم يعيشون في دنيا لا يعرفها الناس ولا يصلون إليها, تضيق الدنيا بالمحب إذا جفاه محبوبه, حتى ليكاد يختنق فيها على سعتها, ويجد في العش الضيق الذي يلجأ إليه مع محبوبه دنيا واسعة, ويتألم المحب في اللذائذ إذا لم يذقها معه من يحب ..
والطبيعة الجميلة سواد في عين المحب قاتم إذا لم تنرها مقلتا المحبوب .. هذا هو الحب ..



وانا اشهــد على كــلامه ..!

نقلـــــــــج جداً رائع يا العجيـــبه... أحلى شي قريته اليوم في الواحات.. !!

بس من وين يايبتنه..؟؟

[حلم الطفوله]

السلام عليكم

الله يرحمك يا علي الطنطاوي .... كتبت عن حقيقة الحب ...فأوجزت وحيرت الجميع بخدعة الحب !

العجيبه ...أنا أحبج على هالنقل الحلو والتعليقات العجيبه :fa42:

أحبك بالله يا عجيبتي:8:

[أنامل قلب]

جدا تعيبني كتاباته .. الله يرحمه ..
حتى بحث العربي لهالسنه عن موضوعه " اعرف نفسك " لول .. >> شو يخصه .. !

:

وصدق صدق صدق له اسلوب بالوصف لا يجاريه به أحد من الخلائق ..
بالنسبة لي ولما قرأت له على الأقل ..

أحسه يتسم بالصفاء .. والطيبة بما يكتب .. >> حتى شكله يدش القلب احم .. !
يعني تظهر عليه آثار الصلاح والله أعلم ..

يرسم لنا مشاعره وما يريد ايصاله رسما .. لتبصره القلوب ..
فتدركها الهواجس ..
لتخشع ..

:

أكرر اعجابي لما نقلتِ اختي العجيبة ..
وصدق ظهرتي عجيبة .. يالعجيبة .. : )

:

مميز كان دائما .. ولازال نبضه قائما ..

..............:: والمعذرة على تكرار حضوري .. وعلى الاطالة .. !


::

اختي روضة ..
تسلمين عزيزتي ..
واللي طرحته مجرد وجهة مقتنعه ابها .. واتمنى تكون وصلتكم سليمه ..
وربي يحفظج دوم .. برحمته .. ^_^ ..

[روضه]

العجيبه ختيه كلامج وااايد حلو...ونحن نحبج بعد...
والله ماعندهم سالفه حد يحب بالمنتديات!!!
فاضييين...
الفراغ...
الملل....
خرابيط مراهقين...ومخ مفقود..
النت عند ناس مصيبه...وعجايب ...
الواحد يتعلم من الاخطاء مب يغرق فيها...!!!حب وعشق..يضحكووون..
مثل الافلام اللأجنبيه....حتى الافلام الاجنبيه...بالنهايه يكتشفون انها مزحه او غش..

[الزرعوني]

:fa55:

غلط × غلط


هذا رايي

و الاسباب كثيره

[أمرين]

عــاد أمــريــن اليــوم متفيــجة ..

يالســة أفـــكر وأقــول .. أحيــد أنا والدلــوعه كاتبين موضــوع بــس شصــار فيــه .. لوووول

[أمرين]

اممم .. قريت ردودكم وجفت آراءكم الصريحة والمريحة نوعا مـــا ..

لـكــن وخــلونــا نــوقــف علــى كلمــة لـكــن ..

احـــمـ احــمـ :k_icon9:

أنــا مــب مــع اللــي قــالـوا انـه مستحـــيـــــل وانه من ســابــع المستحيـــلاااات ..
ولــكــن مــع اللي قــالــوا انه ممـكن أو جائـز " طبــعا محــد قــالــ " :fa47:


اسمحــولي اعبـــر لكـم عن رايي الشخصــي بالموضــوع .. :k_smartass:

وأقــول لــكم وجهــات نظــري الــ ثلاثـة : :a108:

.
.

أول شي : مافي شي اسمــه مستحيــل اذا كانت الظرووف ممكنـه لأن الحيــاة تــحدي .. :thumbup1:

ثاني شي : نحــن فــزمــن يفــرض عليــنا انســايــره .. أكثــر ماهـــو يســايــــرنا .. :fa38:

ثالث شي : ســــلامتـــكمــ :bye2: "بس أنا دوم متعوده أقول 3 أشياء" :3:


.
.




وشكــــرا

[بنوتة وردية]

أنا من راي الحب ف المنتديات حب فاشل

لأن اي واحد من الشباب ما يرضى يتزوج بنت كانت ترمسه ع المسن

وهو اشدراه إذا هي عقب ما بترمس غيره

وأصلا الواحد ما يروم يكتشف طبايع الثاني عن طريق المسن

لأن الواحد يسهل يخدع الثاني باسلوبه الحلو والراقي

وانا موول ما آمن ب هالحب ..