دكتور جيكــل طـلع

[بريد ألكتروني]

اليــوم شــوي مخــي ضــرب من زود التفكيــر فالدراسة وهمها :crazy: .. كــنت افكـر فالجامعة التعبانة اللي انا فيها .. حــطو لنا امتحان Marketing ف يوم الجمعة اللي كـان اول ايام اجازة الإيستر :a046: .. وسكــتنا وبلعــنا قهــرنا .. الشي اللي يقــهر اكثــر انه شي امتحان Statistics بعد الاجازة على طـول وامتحان Accounting عقبــه بيــومين .. يعني الزبدة انه الجامعة تقولنا يا طــلابنا وحبايبنا الاعزاء لا تقصــون على عماركم واونه اجازة ايستر وبترتاحون :k_harhar1: ( ما يسوى علينا كلها عبعضها اسبوع اجازة ) ترا الاجازة يتكم الا من حسن حظكم عشان تذاكرون حق الامتحانات .
وتم تفكيــري في الامتحانات ونتايجها يروح ويروح ويسافر ويرجع ويسرح ويسري .. ليــن ما حسيـــت انه الحـالة النفسية داون :fa55: .. وفجــــــــــــــأه وبقــدرة قــادر طــلع الدكتور جيــكل اللي كــان عايش فيه وانا مادري :k_devil2: .. طلــع بشخصيته الشريرة النذلــة وحسيــت به يقــول هـــــــــلا والله هـــــــلا بالامتحانات :a049: يعلها ايامنا كلها امتحانات .. وانا مثــلت اني مستانس عالامتحانات ورفعت معنويتي .. كيــف مادري :crazy:
الظــاهر بدت تطلع لي بوادر انفصام شخصية :a116:

ساعات الواحد من زود الهــم اللي فيه يحــاول يمثــل انه مستــانس وفرحــان عشان يرفع معنويته شــوي ..

[المحاق المشتعل]

ماشالله عليك يا اخويه والله يعينك من الضغط الدراسي هذا

ذكرتني في إحدى الجامعات التعبانه إلي درست فيها وما كملت

وانا من النوع إلي ما اعرف اغش ولا احب اغش مثل الشباب

الدكتور يعطينا الكتاب هالي اتقول قاموس المورد كتاب قد راسي

ويقول الكتاب هذا كله مطلوب عليكم آخر السنه

والمشكله انه اييب الاسئله وكأنا نحن حافظين الكتاب

اجابات الاسئلة منخشة من بين سطر وبين 400 صفحه أو اكثر

الله يهديهم بعض الدكاتره والله يهدي الجامعات وانظمتها

موفق يا اخويه وان شالله اتكون من المتوفقين بإذن الله تعالى

:thumbup1:

[تنينه]

وفجــــــــــــــأه وبقــدرة قــادر طــلع الدكتور جيــكل اللي كــان عايش فيه وانا مادري .. طلــع بشخصيته الشريرة النذلــة وحسيــت به يقــول هـــــــــلا والله هـــــــلا بالامتحانات يعلها ايامنا كلها امتحانات ..

عييل عسااه دوم يـظـهر فييك هالدكتوور وبالذات في فترة الامتحانات عـسب اتـحب الامتحانات واتذاكـرها وتتقبلها شرات الأسااتذه لول :woot: ؛؛


ساعات الواحد من زود الهــم اللي فيه يحــاول يمثــل انه مستــانس وفرحــان عشان يرفع معنويته شــوي

صـدقـك ووالله ؛؛ ساعات يوم اكوون خلاص طفراانـه من الدراسـه والمـذاكـره واتـم اتحرطم مع ربيعتي اتقولي تنوون لا اتقوليين انج كارهه الماده او لا اتحطين هالشي في بالـج بالعـكس حاول انج تتقبلينها واتذاكرييينها :fa39: وساعات يوم الواحـد يكوون مهمووم يحاول يمثل السعاده او انـه كوول ولا جـنه شي مستوي بس مب دووم ينجح هالشي للأسـف :m_afaker: ؛؛

احيي فيك هالرووح المثابره والمكافـحه ياخويه وشد حييلك وموفق ان شااء الله في دراستـك وان شااء الله عقب اتحط لنا فضفضه دكتوور جيكل فاادني :k_smartass: :thumbup1:

بس شو يعني الإيستر :look: :b015:

[دموع قلم]

ربـي يعينــك أخـوي بـريـد الكتـرونـي ..
يــالله مـا عليـه شـد حيـلك.. شـدة وتـزول إن شـاء الله وتييـب نتـايج حلـوة ^_^

..
..



اممممم كـلام بــخاطـري بــس ..
مـادري ليـش قلبـي يعـورنـي يـوم أعـرف حـد يـدرس بـرع البـلاد .. ؟!!
واايــد وااااايـــــد أخــاف من الغربـة ومن الفتـن اللي هنــاك .. يعنـي
كيـف يعيـش بيـن الانفتـاح والبـلاوي بـدون ما يتـأثر بهـم.. :fa52: !!

عسـى الرحمـن يحفـظ الجميـع من كل مكـروه إن شاء الله ..

[مزايا]

بس بسألك ياخوي
من وين استوحيت اسم جيــكل ؟!


أحلى شي إنك حطيت ف راسك فكره تقبل الامتحانات لانه هالشي بيساعدك وايد
انا قبل ع ايام الجامعه كنت دايما اسمع الشكاوي من اللي وياي
يتأففون ومتنزفزين وحالتهم حاله
وانا اقولهم عادي شو يعني امتحانات كلها بتمر ونحن مابنحس بها وبنقول عقب يالله بسرعه خلصت الامتحانات
كنت استغرب من اللي يقولون (ليش يعطوونا إمتحانات ) فعلا استغرب واجاوبهم كيف بنعرف إذا إنتو فاهمين إذا ماختبرناكم وكل اللي كان يسمع كلامي كان وده يفلعني بشي P=
يعني كنت ماخذه الامتحااان شي عاااااااااادي ولا مستهمه منه
ف خلك ريلاكس :)