نمستي بومباي

[المزوحي]

نمستي :vampire:

على كثر مايذمون بمبي ... وايدين بعد يحبونها ويحسون إنه شي ناقص لو ماساروا لها في

الصيف، شرات اللي ضاري على لندن ... وحد يسير بانكوك ..

تقريبا سرت لها 4 مرات ...

لكن هالمره أحب لو حد منكم عنده خلفية وين نسير ... يعني حد يقول منطقة بونا حلوه وحد يقول

سيروا باندرا ... لانه نحن ماشي غير هالشارع " كولابا " وبس ...

زين اطلعوا خاري ...

عندهم مراكز تسوق وجد سرنا بيج بازار وكروس روود .. ومن غير العطارين والتجار المعروفين

هريش" رميش" وشارع محمد علي ... وشاطئ تشوباتي ... ولاتوصونا على الركشة :fa56:

http://www.arab7.com/up/file/1176056666372.jpg

انا في انتظار ردودكم

[بهجة الروح]

الســـلام عليــكم ورحمــة الله وبركـــاته،،

امممم ابصراحـــه ما عنـــدي أي خلفيـــة عن الهنــد ، لاني ولا جد زرتها،،

بس اذا بتسألني عن تايلانـــد بكبرها بعلمــــك،،

اللي راحـــوا الهنـــد من الأعضــاء ما بيقصرون ،،

[المزوحي]

بهجة الروح .. بانكوك سرت لها 3 مرات ومع هذا بسألج لو سرت

الحين بنشوووف بمبي ... ماتقصرين ..

[تحفه]

يا ربــــــــــــــــيه

هاذي بلادي الثانيه

[الجنيه]

على فكره ترا بومبي سابقا الحين مومبي عادي يغرمونك عشانك شوهت اسمها خخخخ

وكروس روود :fa55:

الله يسلمك انتوا سيروا هناك و روحوا لوحده من شركات السياحه افضل لانه مومبي فيها وايد مناطق قريبه منها مثل اوتي وميسور وبونا ومرج بعد هاي عاد تخصص الشواب الاولين ,,,

هي وان بغيت دليل سياحي بعد موجود بيبلك رقمه ان شاءالله ويعرف عربي وايد اوكي ان شاء الله يفيدكم *_*

[الـيـاه]

أنا خــــــــــاطري أســــــيررررررررررررر عسب تــاج محـل .. توه سويت ريسيرج عسب اييب الصوره
انبهررررت :fa52: من الـ فيووو ..

أبا أسيره أبا اجوف كيف شكله من داخل - أبا اشتريه لوووووول :fa56: -

http://www.mikelevin.com/TajMahalHorizontal.jpg

وبعد ابا أسير لاني أحب ( الاغراض وهالسوالف الهندية ) ويقولون في منطقه اسمها ( جوّا ) انها وايــــــددد حلوه .. شرات قوم المالديف جي ..


وبس خلاص
:inlove:

.
.
.

[الجنيه]

الياه *_*

اتعرفين شو سالفه تاج محل ؟؟؟

ما اعرف اسم المهراجا بس انه ع زمانه طلب من واحد يصمم له تاج محل وعقب ما خلص التصميم والتنفيذ بتر ايديه الثنتين عشان ما يسوي غير تاج محل او مبنى مشابه له *_* صدق انه من الحب ما وهق

جــــــــــوا وايد حلوه والطبيعه الي فيها خلابه ونظيفه بعد *_* عندي صور لها بس مال زمان سكتو خخ وفيها فظايح ما تنحط هنه

[الـيـاه]

^

هيه انا احيد انه مسونه حق حرمته .. بس مااااااكنننننننننت ادري انه بتر ايد المصمم ( هندي نذل )

[الـيـاه]

ههههههههههههههههه لحظه تخيلت عمري اجوف راعي تاج محل وازقره ايه رفيق لووووووول

[ألم ترى]

بسم الله الرحمن الرحيم ..

هلا خوي المزوحي ..

احيد مره سفير الخيال منزل موضوع ف واحة الصور عن كيرلا والصور روعه ..

واللي سمعته عن تاج محل صار قبر اللحين لئنهم مدفونين فيه ! ..

إن شاء الله الأعاضء يفيدونك ياخوي ..

بحفظ الله ..

[حلم الطفوله]

السلام عليكم

صراحه يالمزوحي أشوف الهند كانت قبل أحلى بوااااايد ....

وخصوصا مومبي ( مثل ما قالت الجنيه) ...كل ما ياها تستوي خرابه مع إنها لازم تكون واجهه مشرفه للهند:boxed:

المهم ... مومبي ما فيها غير دخاتر ( على قولة شوابنا) وأجمل وهريس ورميش وشارع كولابا بس

وأحلى شيء فيها الركشه :a049:

المناطق إلي قالتها لك الجنيه و اااايد حلوه لانه كلها طبيعه فأنصحك تزورها

ملاحظه خارج ا لموضوع ( ما تحسون إنه الهند ومصر وبانكوك يتشابهون بكل شيء إلا اللغه ):a116:

وتروح وترجع بالسلامه

الياه ... أحس لو زرتي الهند وشفتي مطارها الرهيب بتشردين بيومج:k_devil2:

[تحفه]

تاج محل له فندق و المعبد < الي هو القبر وبس للزوار .. بس الفندق عادي

[بنوتة جميرا]

انا ماسرت مومبي
سرت بانجلور وميسور واوتي وكديكنال>>الاسم الاخير شاكه فيه
بس هالاماكن صدق رووعه
ومن الخاطر استانسنا يوم روحنا هناك
بس في اوتي واخر منطقه مافيها فنادق راقيه وزينه
اذكر انا حجزنا في هوليداي ان يوم كنا في اوتي
بس طبعا مب شرات الهوليداي ان عندنا ..خخخخ..
بس اماكن حلوووة واااايد

[المزوحي]

تحفه احس بومبي موووووووول مب استايلج ...

[المزوحي]

الجنيه .. لا .. لا أوتي ولاغيره ... مب صوب بنغلور وميسور .. انا أقصد بومبي نفسها

يعني نطلع غير عن شارع كولاباااا ...

[المزوحي]

الياه .. هي جوا ... على البحر ... وكنت بسير لها من 3 سنوات وما استوى ..

لكن لو تعرفين وين نسير في بومبي غير الاماكن اللي ذكرتها انا !

[المزوحي]

ألم ترى ... كيرلا يمدحونها بعد .. بس أنا أقصد بومبي ....

بومبي نفسها .... مب ولاية ثانية

[المزوحي]

حلم الطفوله .. لو بغيت اطلع برع كولابا وشو من مراكز التسوق عندهم غير كروس روود

وبيج بازار ...

[المزوحي]

بنوتة جميرا

لا انا اطمح لبومبي :)

[تحفه]

تحفه احس بومبي موووووووول مب استايلج ...


شو اتعرف عن استايلي عيل p;

[تحفه]

الهند ......... ذكريات

[بحر الموده]

السلام عليكم
بومبى ايام وايام قزرنا فيهااااا بس تقاعدينا عنها احين ...كله اقصى الشرق
الصوره ذكرتنى بمارينا درايف الكورنيش مالهم لى متكسر مايندرى عدلوه ولا ماعدلوه احين
المزوحى رحت حديقة جوتى لى فى بومبى ^_^

بخصوص المناظر الحلوه الهند بكبرها حلوه صراحه عندك ميسور .. بونه ..مونار . منطقه فى كيرلا روعه وايد وفيها شلالالالالالالات كبيره
نيكدي .
كاليكوت .
كوماركوم .
الهاوس بوت و اليبي .
كوتشن .
ميسور .
بنقلور .
غوا
كندالا
بس ها حدنا نحن لى سرنا له ان شاء الله الاعضاء مابيقصرون وياك وبيعطونك معلومات اكثر واكثر للى يعرفون عن الهند ... والسموحه

[المزوحي]

بحر الموده .. مابغي معلومات عن الهند كثر ما ابغي معلومات عن بومبي نفسها

على العموم تسلم على المشاركة، وأحب أعرف عن بومبي أكثر

[مزايا]

انا سرت الهند مره وحده
وسرت بالتحديد بومبي
وشارع كولابا لو خايس بس غييييييييييير
مادري كنت كل شوي انزل له وكل مره اكتشف فيه شغلاات حلوه
لو محلات مب لين هنااك بس شغلاتهم غريبه وايد
تعرف يالمزووحي نحن نتعامل ويا وحده هنديه هنااك
من بغينا شي نطرش لنا دريول و هو يودينا أمــاكن الاســواق والمناظر وجيه
عندك الشيراتووون و فندق تاج محل اللي على البحر فيه اســواق تحت وكله ماركاات
يعني شغل راقي
ولو تبغي تودي الاهل مكاان عشان يستانسوون يعني لبس وجيه قول حق اي حد يوديك شيتل
ترا شيتل اللي عندهم غيييييييييييير عن اللي عدنا أكثر من محل
يعني شي حق الدراعات وشي حق البديات والبناطلين وش حق العطوور وشي حق الجلااليب يعني تدوخ فيه
و بعد سرنا مركز مانعرف شو اسمه نحن طلعنا ويا ريول حتى مانعرف وين مودنا كله يقول انا بوديكم مركز حلو وخذنا حول الساعه إلا فالدرب بس والله كان اكشن لنه كنا كلنا بنات و مخترشين و ماندري وين سايرين بس والله تستاهل هالطلعه الاكشن
برووح وبرجع ورااي طلعه وراجعه لك عشان اخبرك بعد اذا تذكرت

[المزوحي]

مزياي شيتل وبيتل وهريش ورميش نعرفه ... والمول سرنا بيج بازار وكروس وورد

والشيرتون الجديم شفنا دكاكينهم ...

لكن نبغي شي غير ... ومشكورة

[مزايا]

مزياي شيتل وبيتل وهريش ورميش نعرفه ... والمول سرنا بيج بازار وكروس وورد

والشيرتون الجديم شفنا دكاكينهم ...

لكن نبغي شي غير ... ومشكورة
حشى إنتو شاخلين الهند شخال

[الجنيه]

هلا والله


المزوحي لا اتعور راسك بطرش لك رقم مخمه مومبي الحين ع الخاص ومن توصلون هناك ما بيقصر وياكم ريال طيب وان شاءلله تستانسون

شخصيا ما عندي معلومات وايد عن مومبي اكثر شي ادل في حيدرآباد هه *_*

[الجنيه]

هههههههههههههههههههه المزوحي تجاوز حصته من الرسائل الخاصة المخزونة ولا يستطيع قبول رسائل أخرى إلى أن يحرر بعض المساحة :k_harhar1: :k_harhar1: :k_harhar1: