غـصّـات مـواطـن ! [الأرشيف] - -:: واحات بن دبي ::-

إسهر معي ليله

05-04-07 ||, 11:15 AM

السلام عليكم

غصّات جمع غصّه.. مادري اذا صح او غلط :fa52:

ندخل في مواضيعنا :yes:

::
::

أوّل غصّه

تعداد الدولة 4 ملايين.. واحنا نسبتنا أقل من الربع
80% وافدين .. وما فيه أي خطط حكومية لتعديـل
التركيبة السكانية !

الدولة تستعد لإستقبال المزيد والمزيد من الأجانـب
لأنه بدونهم ما بيصير اقتصادنا قوي ومحد بيستثمر
في هالمشاريع

أنا ما انكر انه هذا كله عشان اسم واقتصاد دولة
الإمارات.. بس احنا كـ مواطنين ضعنا بينهــم.. و
مجرد كلام في خاطري أحب أقوله //

" بسنا مشاريع.. بسنا زحمه.. بسنا ضياع من بيـن
هالأجانب.. الجرايم تزيد.. المواطن فقد هيبتــــــــه..
الحياه صارت ممله.. وين أيّام قبل؟.. ما نبا نرجــــع
وايد.. نبا نفس الحياه اللي كانت في التسعينـــــــــات
كانت بعدها حلو.. واستمرت عقب التسعينات بشوي
لكنها توقفت في 2003.. الله يرحمك يا زايــــــــــــد
من عقبك وايد أشيا تغيّرت وصرنا غريبين حتــــــى
في بلادنا "

::
::

ثاني غصّه

الأسعار،، يوم عن يوم تزيد والتضخم واضح
والزيادات مالها مبرر او داعي.. والحراميـه
كثروا في هالبلاد.. وللأسف لا تدخل حكومي
ولا شفنا وزارة الإقتصاد تحركت !

قانون حماية المستهلك وينه؟؟ الوزارة تدخلت
مره في أسعار الألبان ومره في أسعار تذاكــر
السينما ! .. والباقي؟؟

التجار من يسمعون انه فيه زيادة في الرواتـب
يرفعون أسعارهم قبل الرواتب.. ليش هالطمع؟
وليش احنا اللي متضررين دوم؟ وما لنا ظهر؟

و كـ انه الدوله راضيه بـ هالتضخم وتنتظر وصولـه
لـ حد معيّن و يكون مرتفع بزياده.. وعقبها الله يعلم
شو بيكون حالنا ؟!

::
::

ثالث غصّه

ذاك اليوم شغلت الإف ام اسمع البث المباشــــر
اتصلت حرمه مواطنه.. تقول انه ما عندهـــــــــا
بيت وكم ركضت وسوّت ومحد يسويلها سالفـه !
تقول ما تعرف حد وما عندها واسطه وعليهـــــا
ديون وكل اللي تتمناه "بيت شعبي".. حتـــــــــى
الديون بتكملهم روحها.. بس تبا حد يستر عليها
ويتكرّم بـ بيت !

الكلام هذا كل يوم نسمعه.. ويمكن تعودنا عليه
في حياتنا .. مع انه غريب علــــى أرض زايد!!

بس فيه كلمة قالتها الحرمه خلتني اكتب عنها
تقول " خيرنا واصل بلاد برّع وانا مواطنه ما
احصل بيت؟؟ "

صدقها.. حملة الترليون وغيرها بعد.. تحصّـــــل
الكل يشارك فيها والكل يتبرع والحمد لله النـاس
فيها خير.. بس ليش ما نسوي حمله للمواطنين؟
هذا يدفع خمس وهذا يدفع عشر .. لين نوصـــل
الترليون ونعمّر بلادنا مثل ما نعمّر لبنان !

رغم انه حكومتنا ما تحتاج لـ حملات عشان
توفّر بيوت للمواطنين.. بس مجرد اقتـراح !

::
::

ما بطوّل عليكم.. مجرد ثلاث "غصّات" من واقع مجتمعنا.. وفيه غيرهم أكيد
بس حبيت نتناقش فـ هذيل.. ولكم الحريه في النقاش :yes:

انتظر آرائكم و ردودكم

عمة العيم

05-04-07 ||, 11:25 AM

وت تو دو؟؟؟

موضوع جميل لكن مابغي اعلق لان اعصابي بتنهار

(^_^)
...

مايهزك ريح

05-04-07 ||, 11:36 AM

اتصدق .. كنت اتناقش ويا اختي .. :boxed:
وكانت اتقولي الله لا يقول تستوي حرب على بلادنا .. لأنه ما بنموت من الصواريخ .. بيجتلونا اللي موجودين .. لأنهم واااااايد يكرهونا .. :a046:
مادري ليش .. يتني غصه.. وتذكرت اللي استوى في حرب الكويت .. صح كنت انا في الإعداديه ..:a116:
بس لازلت اتذكر النهب والجتل اللي استوى في الكويت ابتدا من داخل قبل لا يبدا من الجيش العراقي .. :surrender:
ما اقول إلا الله يرحمنا برحمته .. :fa54:

مــهــابه

05-04-07 ||, 12:12 PM

قـريـت ع السـريع لضيج الوقــت

لـي عوده ان شاء الله

الاسطوري

05-04-07 ||, 02:57 PM

السلام عليكم ..

"إسهر معي ليله"

غصاتـك بصراحه ضربـت على العوق صدقـك والله دايما أقول بسنا مشاريـع مانبى أكثر عن جيـه دام
هالشي بيكون على حسابنا نحن المواطنين يعني صار الواحد ماوده يطلع
من البيت من الزحمه اللي يشوفها وبدينا نحس
إن كل شي للأجانب احنا
مالنا شي وغير هالمشاريع اللي ماخذه دبي كلها والمواطن مب قادر يحصل له قطعة أرض والشركات
(بدون ذكر أسامي) إذا تبغي نص الإمارة بيعطونها ومحد متضـرر غيرنا
وساكتين محد يقدر يقول شي دام الكبار راضين
والمشكله مابتبين الحين
بس لو لاسمح الله صارت حرب سواء في الأيام اليايه أو على المدى البعيد مابتشوف حد من هالأجانب
هني كلهم بيشلون أعمارهم وبيروحون وعقب هالمشاريع بيبلونها وبيشربون
مايها والأسعار بتطيح في الأرض صح بنتضرر
من كل الجوانب بس
المواطن الأصيـل المحب لوطنـه بيثبـت على أرضـه ومابيتركها لآخر نفـس عكس الباجيـن وبخصوص
الأسعار حـدث ولا حرج خلاص أحس صعـب إنهم يتداركـون هالموضوع
بشكل سليم يعني همهم زيادة الربح ودام مثل
مايقولون المسؤول هو
نفسه التاجر فـ مابيطلع قرار يضر مصالحه الخاصه والأسعار بتزيد أكثر وأكثر وهذا كله بسبب إرتفاع
سعر البترول والله يستر إذا بيرتفع مره ثانيه بسبب هالشركات الخسرانه
أما عن الغصه الثالثه ترا في وايد وخاصه في
الإمارات الشمالية
شي ناس يتمون بالأيام بلا كهربا وبلا ماي وأسر ماعندها سكن مب قادره تعيش مثل الناس حتى لبس
يديد للعيد ماعندهم والناس هني كل همهم ايمعون في هالفلوس ويكنزونها
في البنـوك في الدولـة وخارجها ويرفضون
يتصدقون أو يزكون
على الفلوس لأن المبالغ بتكون خياليه بالنسبه للمليارات اللي في الحساب وماباليد حيله وفي ناس
دايما يقولون إن النظام عندنا الغني يزيد غنى والفقير يزيد فقر ،، المهم
موضوعك حلو وقلت مايصير أمر بدون مارد
عليه والسموحه
:smile2:

الاســـطـــوري
أخوكم

بنوتة جميرا

05-04-07 ||, 04:02 PM

موضوع جدا حلو
والصراحه صدق تعبنا من اللي قاعد يصير في بلادنا
تعبنا من زياده المشاريع اللي تسبب كل يوم زحمه اكثر
لين متى ونحن حالنا بيكون جي؟!
قبل المشوار اللي كنا ناخذه في ربع ساعه الحين عسب نوصله نحتاج لساعات

وبخصوص زياده الاسعار
وايد عليهم يوم نزلوا سعر تذاكر السينما من 35 لـ 30 درهم
شو هالتفكير اللي يفكرون به
المواطن متضرر بدرجه كبيره
وصدق والله الحين اللي راتبه اقل عن 5 الاف مايروم يعيش في دبي
من غلاء الاسعار فيها
الصراحه الاسعار طلعت بشكل فظيع

اما اخر نقطه
سمعت الحرمه هاي
وصدقها والله
خيرنا واصل برا البلاد ونحن المواطنين متلعوزين ومتبهدلين في بلادنا
يذلون الواحد عسب يعطونه قرض الاسكان عسب يبني ويذلونه عسب بيت شعبي
ليش ما يسهلون امور المواطنين؟؟
ليش المواطن حقوقه ضايعه في بلاده على ارضه؟؟

الله المستعان

تشكر اخوي ع الموضوع مره ثانيه

وحي القلم

05-04-07 ||, 09:38 PM

صار الواحد ماوده يطلع من البيت من الزحمه اللي يشوفها

مب بس الزحمه

حتى يوم تطلع .. تحس بعمرك غريب بينهم

المواطن استوا شكله شاذ بين الوافدين من كثرهم

و حتى المشاريع اليديده لو نفكر فيها من ناحية أنه منوه بيسكن فهالمباني

بلاد كاملة تنبنى :fa52:

.
.

ولا عن المواطنه اللى ما عندها بيت :sad:

المشكله يوم انه البيزات تنصرف على أشيا ما لها معنى

مب مشكله إذا بيساعدون الناس.. المهم انهم ما يصرفون الملايين على أشيا سخيفه

و المفروض انهم ما ينسون المحتاجين فالبلاد بعد :7:

.
.

ولا عن الاسعار.. حدث و لا حرج :fa52:

تحفه

05-04-07 ||, 09:53 PM

الاخس من جيه

على كل الخير الي الوافدين عايشين فيه .... يحسدونا <.<

هزاايم

05-04-07 ||, 11:55 PM

^^^هب بس يحسدووناا ويحقدووون
ويقووولون المواطن له امتيااازااااااات اكثر
وان الوافد يفيد والمواطن خامد بالبيت

المزوحي

06-04-07 ||, 12:24 AM

الأجر اللي يمعته كله تلاشى من كثر ما اتنرفز على الوافدين ..

من تصرفاتهم وين ما أسير

الـيـاه

06-04-07 ||, 12:27 AM

ماحب أعمم - كل شي فالحياه ينقسم لقسمين - شين و زين

بس تدري ؟

ذكرنتني بـ سالفة كنت أفكر فيها من فـتره يوم قلت :

" بسنا مشاريع.. بسنا زحمه.. بسنا ضياع من بيـن
هالأجانب.. الجرايم تزيد.. المواطن فقد هيبتــــــــه..
الحياه صارت ممله.. وين أيّام قبل؟.. ما نبا نرجــــع
وايد.. نبا نفس الحياه اللي كانت في التسعينـــــــــات
كانت بعدها حلو.. واستمرت عقب التسعينات بشوي
لكنها توقفت في 2003.. الله يرحمك يا زايــــــــــــد
من عقبك وايد أشيا تغيّرت وصرنا غريبين حتــــــى
في بلادنا "

والله من فـتره كنت أقول ( بس خلاااااااااص :a046: ) حرام والله اللي يسوونه في الأرض وفي الطبيعة
كسرنا اليبال وحفرنا البحر وجلبنا الأراضي فوق تحت .. بس لاعت جبدي وأنا أجوف دعايا لمشاريع في كل مكان .. ماشي بقعة خاليه ( الله يديم علينا نعمته ) بس مب جييييييي :fa52: !

دوم أقول أحس يوم من الأيام الله بيخسفبنا - ما أتكهن طبعا ً - لكن دوم أقول جي حرام الأرض بتنطر
ماتتحمل كل هالتحفير

وايد متغصصه من هالشي والله ..

لكن شو بقول شو بكلم XP

ومثل ما قلت .. شو الفايدة من زيادة الرواتب دام الأسعار ترتفع في نفس وقت الزيادة ( شو اليديد يعني ؟ ) :fa44:

وبعد ما قلنا لا تتبرعون لا تساعدون *بالعكس* ها شي وايد جميل أن دولتنا من البلدان السباقة فـ أنها تساعد المحتاجين والمتضررين :fa54:
لــكـــــــن جوفو أحوال هل لبلاد قبل - الأولوية لهم - نسوي خير في اللي برع ويطعنونا من الظهر
ويكبر راسهم ولا عمرهم يذكرون خير وفضل دولتنا عليهم ( ما أعمم طبعا ً ! )

بس يا EML المثل يقول ( الخـير في البقر لول XD )

:a018: وأناااااااااااااا بااااااااااتببعععععععععع قللللللللللللبي طاطا طن ( ما قلت شي )

ألم ترى

06-04-07 ||, 01:56 PM

النــــــــاس صارت وحـــــــــوش !
ايه وربي كلن يركض ورا مصلحته ورحنا نحن نتذلل تحت مسامير انعلتهم !
:sad:
ياخوي غصاتك اصبحت مسلسل كل يوم نسمع عنها ف البث المباشر
الأبيوت الشعبيه كأنها محجوزه لـ الضباط وكبار الناس !
:sad:
ياخي لا تفجر المواجع ف والله نحن لنا طاقه والله يستر من اللي ياي
بارك الله فيك ع طرحك اللي صار كـ الترشيح ف اجساد مواطنين دولة زايد

إسهر معي ليله

06-04-07 ||, 04:07 PM

عمة العيم

أشكر تواجدج.. ومتى ما كانت اعصابج بارده ردي هني وعلقي.. نترياج ^_^

::
::

ما يهزك ريح

صدقك والله... كارهينا بدون سبب رغم انهم عايشين بينا
والحكومة موفره لهم كل شي وعاطتنهم الحريّه الكاملــه
وأكبر مثال الجرايد الأجنبيه اللي كل يوم تطلّع موضـــوع
يبيّن انه المواطن غلط و الأجنبي مظلوم !!

والقهر انه في بلادهم هالمواطن ما بيلقى اللي هم لقوه
وانه لو بلادهم فيها خير ما بييون هني ويشتغلون !!

بس اذا انت اكرمت اللئيم،، تمردا .. ومشكور عالإضافه

::
::

مهابه

انتظرج ،،، :yes:

::
::

الإسطوري

ما ازيد على كلامك غير نص هالخبر اللي طلع في الجرايد على أيام رمضان

"قدر صندوق الزكاة متوسط حجم الزكاة الواجبة على 59 ألف مليونير في الإمارات سنوياً بـ 5.5 مليار درهم"

بس منو يزكّي ؟؟.. الواحد فيهم يشوف زكاته بالملايين
يبخل.. رغم انه لو دفع مليون الله بيرزقه مليونين غيرهم !

شاكر لك الإضافه الحلوه

::
::

بنوتة جميرا

وايد ناس استغربوا لما نزلوا أسعار السينمـــا !
أول شي لأنه الوزارة تحركت،، وثاني شي لأنها
اهتمت لـ شي ما له أهميه كثر أهمية السلـــــع
الأساسيه..! شي غريب

ومشكور عالرد

::
::

وحي القلم

الواحد قلبه يعوره لما يكون غريب
لدرجه انه الأجانب ما يصدقــــــون
يشوفون واحد لابس كندوره الا يو
عنده يبون يتصورون معاه!

وكأنه اهل هالبلاد نادرين وصعب
الواحد يلاقيهم !

مشكورة عالرد

::
::

تحفه + هزايم + المزوحي

صدقكم والله،، والمشكله محصلين أشياء ما يحصلونهـــا
في بلادهم !!.. في بلاده ما يسوق سيكل وما عنده ليسـن!
ايي هني يشتغل كم شهر ويطلع له ايدد سياره!

خاطري احرقهم واحد ورى الثاني

::
::

الياه

على طاري البنا والمشاريع.. فيه كســـر
اكتشوفه في حتا.. وعادي هالكسر يوصل
دبي.. يعني يمر ع كل المناطق فـ دربه !

الكسر ان شالله له حل.. لكن اذا ما لقوا
له.. فـ الله يستر !

::
::

ألم ترى

مشكور عالإضافه،، وما ازيد ع كلامك أي شي

وحي القلم

06-04-07 ||, 09:59 PM

بالنسبه للوافدين.. المصيبه انه شي منهم ما يحترمون عاداتنا و تقالدينا :fa55:

خصوصا اللى ما يكونون من جنسيات عربيه .. وايد يمصخونها فاللبس :bash:

يعني دامنكم مب فبلادكم المفروض تحترمون عادات اهل البلاد اللى انتو فيها :a046:

.
.

أحيد مره استوا موقف جدامي فالسوق

ريال و حرمه يمشون "وافدين"

المهم مرت وحده بشيله و عباه.. فــ أشر عليها و قال للحرمه شوفي

جان تقول.. هيه أشوف شكلها وايد بردانه و تموا يضحكون

صدق انقهررت :k_icon28:

.
.

شرجاوي

06-04-07 ||, 10:45 PM

ياخي قبل شوي راجع من بوظبي ... المواطنين عمله نادره هناك خخخخخخخ ... ياخي صدق صدق حسيت اني غريب فهالمكان

.. و عن الزيادات فالاسعار .... لبنى القاسمي لازم تخلي كرسيها ل واحد يحس بالمواطنين و ما ( يخاف ) من التجار و طمعهم اللي ماله داعي

و عن البيوت الشعبيه ... الحمدلله الشيخ سلطان مو مقصر ويا المواطنين .. اللي يوصل للشيخ سلطان امره منتهي .. و نفس الشي في باقي الامارات ... بس اللي تحت شيوخنا هم العوق .. البيوت لربعهم و اهاليهم ... فالشارجه الحمدلله شلوا اللي من هالنوع و ان شاء الله البقيه ف باقي الامارات ينشلون يحطوني بدالهم خخخخخخخخ .. اقصد يحطون ناس قد المسؤوليه

هزاايم

06-04-07 ||, 11:09 PM

:pullhair: غصه كبيييييييييييييييييييييره تصيبني وبالأحرى تخنقني

يوم اسمع الفلاني من بلاد الفلاني"اخونا بعرووبتنا وباسلامنا"يحصل عالجنسيه ماصار لهم غير 3 سنوات...
والغير إللي من اياام الإتحااد وقبل,,بعدهم تحت فئه البدون؟!حق ليش؟!

يقولكم إللي تجنس قدم منفعه للبلاد,,والبدون:7:
ليييش هم عطووهم مجاال ,,,
صدق صدق غصه
:a046: وخقاقييييييييييييييين

العجيبة

07-04-07 ||, 12:23 PM

تبــون تعرفــون أمـاكن تكـدس المواطنين :

1. الديـوان .. سرت مــرة وتبـت

2. البـلــديــة

3. الجـوازات > من كثـر العماله اللي انييـبهم ( وهذ عيب من المواطنين نفسهم )
يعني كل واحد عنده خدامة أو يمكن أكثر ، وطباخ اومزارع ودريول ، واذا عنده مزرعة بعد بياديــر ..
ممكن نكون سبب مهم في زيادة أعداد الأجانب على أعداد المواطنين ..

4. سوق الاسهم > من زوووود الملاييين ..

وللأسف الغصة الأكبر إن المجلس الوطني اللي استـوي لين الحين ما شفنا شي معتبر منهم
يالسين يفكـرون في مظهر المجلس وزيادة رواتبهم .. الله يهنيهم .. بأصواتنـا وصلوا هناك .. وبأصواتنـا نغـــررررررد بأنهم ما سووا شي ..

مــهــابه

07-04-07 ||, 08:08 PM

الغــصـة الأولــى:

- نـحن يـوم نرمس ونـقول أنـه نحـن أغـراب فـي بـلادنـا ، فـهذا كـلام مش مبـالـغ فيـه
وهـذا الكـلام نقصـد كل حـرف فـيـه
ولو بـديـنا بـإماراتــ الدولـه ككـل

بـوظبي ، دبي ، الشـارجـه

والله والله أنـي اسـتانس لـو كنـا واقفين مثـلاً عـند أشـارة وحصلـت صوبنا سيـارة فيها مواطن، ولا عـايلـه ، غير الاجانب والهـنود طبـعـاً

وخـصوصـاً يوم الجمعـة ، والله لواني مب إماراتـيه ، ولو يبتوا واحد مايعرف هالـبلاد جان قـال وبلا شك: هـو فـالهـند

نـحن بـودنـا بـلادنـا تتطور ، ولكـن !!

مب عـلى حسـاب وطنيــتنـا

يعـني فـهـالبلاد ، الـهندي والمواطـن واحد ، واحيـان

يكـون الهـندي احسن بـمليون مره من المواطـن

وبرامج البث المبـاشر واللي يـتحطى فـالجرايد أكــبر دليل

الغـصة الثـانيـة:

- أنـا كنـت أقـول المكـان اللي تنـحط فيه الحـرمـة يـخترب لووول:fa56:

غـلاء الأســعـار هـذا طامه

والطامه الأكبـر ( أســتغلالـنا)

والله انـه الوافدين والهـنود يسـتغلون بـطريقـة ونحن يـاحافظ لك الله

ومـره كانوا حاطين فـالبث المباشر

واحد اتـصل بهم وقـال لـهم انـا سافرت تـايلند ويقول كنت ضاري اشتري عازه من عـندهم وبسعر معين

وآخر مره راح فيها ، زيدوا عـليه السـعر ، جان يـتخبرهم ليش؟

قـالوا لـهم في الإمارات رافـعين الرواتب بنسبـة25%

يـعني خبرنـا واصلـنهم هـناك

وزارة الاقـتصاد لاتـقول خير ولاتـقول شــر

الغصه الثـالثـه:

من زمااان وانـا أقول

خيرنـا لـغيرنا هب لـنا

وهـالمواطنـه اللي تطريـها فـيه منهـا مئــااات والله

المشكلـه واللي احسه الحين الكـل يـعمل لإماارته هب جنه احنـا فدولـة وحده

مثـلاً فالشارجه ولله الحـمد ماظن في حد مايحصل

حـتى الريال اللي يملج يحصل بيـت شعـبي ، فمابالك باللي شرات هذي ، يـعني الشيخ سلطان هب مقصر

بس

تعـال لإماراة الفجيرة مثـلا، او حتـى راس الخيمـه

والله فـرق بين الثـرى والثـريــا

يـاتـرى ليش؟!

معـقولة الدولـة ماتقدر تـوفر لـهم؟!

يقـدرون

ولكـن !!

وين اللي يوصل للحاكم ، ووين اللي يطلـع ويشوف حال المواطن

أسهر معـي ليلـه:
هـذي غصـااات
وماخفي كـان أعـظم

الله يـعينا

وشكراً ع الطــرح

زمان أول

07-04-07 ||, 09:46 PM

السلام عليكم

مرحبا اخوي اسهر معي ليله

بسنا مشاريع صدق بسنا مشاريع اوكي تعرفون ان الي يشترون وشغالين هنود وايرانيه والله ما تتخيلون اقامه 99 سنه يعني هذا حاله من حالك يا مواطن.. بعده هذا اشوي اتريو خمس سنين جدام اتريو يا مواطنين ..

الزياده الزياده مب باقي الا انزيد يا مواطينين تعدادنا ولا شي ولا والقهر نحن اشوي وماشي شغل كم من باب طرق للشغل لا مجيب اغيثونا ياعالم ؟؟ بلادنا العالم اييونه من برع عشان يشتغلون ونحن ما نحصل شغل؟؟؟!!!

اخوي انته سمعت تبا بيت شعبي انا سمعت وحده تقول ابا حجره بس مب بيت حجره الحين هيه فايجار والمستجر يقولها طلعي حرام مشاريعنا بالمليارات ونحن ماعندنا مسكن يأوينا.. امس واحد يقول اليوم اعلنو عن مشروع قيمته ما اعرف كم يقول بسنا ما نبا .. الحياه غاليه ورواتبنا ما تسد بس خلهم يعطونا يتكرمون علينا

الله يرحمك يا ابونا زايد الله يرحمك اول ما سمعت خبر وفاته سويت حادث يومها ما انسى ذاك اليوم ... الله يرحمه ...

كم غصه فقلوبنا .... انا غريب فبلادي

بهجة الروح

08-04-07 ||, 11:05 PM

... من دخلت الواحـــات وأنــا أشـوف العنـــوان وأحس باكتئاب وحزن ،

عشان جيه كنت أتهرب من أنـي أطالعه، لانـــي عارفه عن شوه بتتكلم ، :fa52:

..غصات مواطن ، غصات المواطنين، البلاد صارت مب بلادنا الوافدين صار لهم الأولويه في كل شي،

أمس كنت أقلب الجريده ، وشفت جهة حكوميه ( الله يستر عليها) تكرم موظفينها ومنوه طبعاً

هالموظفين كلهم أجانب واللي يكرمهم مواطن :boxed: ضربتني غصه ،

خلاص البلاد ما فيها خير إلا للأجانب، لوحد منهم قال ناقصني شي قامت البلاد له وتبرعوله ،

ولو المواطن اشتكى قالوا هذا يدلع ، :fa39:

ملاك الروووح

09-04-07 ||, 01:07 AM

::

وعليكــــم السلام ورحمة الله وبركاته ..

:

أول شي اسمح لي أشكرك أخويه .. لتسليطك الضوء على هالمواضيع الحساسه ..

وثاني شي .. أبي أوجه تحيه لكل من أبدى وجهة نظره .. وطرح رايه في الموضوع ..:a070:

::

بالنسبــــه لأول غصه ..

اتفاجأت بنسبة المواطنين في الدوله .. واللي ما يتعدى الــ 25% من إجمالي السكان ..!!

ماشاءالله الهنـــود والوافدين تارسين البلاد ..

صج صرنا جنه غرب في بلادنـــا !!

الأجنبي والوافد .. صاروا يستلمون جناسي الدوله .. بكل سهوله ..

ويقولون لنا خلل في التركيبه السكانيه ..!

واللي عايش على أرض هالوطن من كمن سنه .. وأحق منهم في الحصول عالجنسيه ..

يتريه ويخيس سنين وسنين .. لين يحصلها ..!!

:

حلو انه نشوف الدوله ف تطور .. ونمو وازدهار ..

لكن مش على حسابنا ..!

عندنا كفاءات .. عندنا شباب متخرجين .. وقادرين انهم يتحملون مسؤوليات ..

قادرين انهم يستلمون مشاريع كبيره .. وينجحون فيها ..!

ليش نستقدم العماله الوافده ..

ليش ما نعطي الشباب فرصه .. في انهم يثبتون وجودهم .. وانهم يتميزون ..

ويردون الجميل للوطن ..!!

:

بالنسبه للزحمــــه

والله اني عفت طلعة البيت ..

صدقهم .. المشوار اللي كنا نقضيه ف ربع ساعه ..

صار ياخذ منا ساعات وساعات ..

الناس قامت تطلع قبل وقت الدوام بكمن ساعه عسب ما يعلقون في الزحمه ..!:6:

دبي قامت توسع ف الشوارع .. وتبني جسور ..

ويزاهم الله خير ..!

لكن المشكله انه في المقابل .. قاعدين نشوف زياده في المركبات ..!:m_afaker:

وخططهم ف سبيل تقليل الازدحام .. بتكون على حسابنا بعد ..

سعر التعرفه في بعض الشوارع .. واللي تبلغ 4 دراهم ..

صح انها راح اتخفف من الازدحام لكن في المقابل .. صرنا ندفع ضرايب ..!:fa39:

ولازم نحط ميزانيه من الحين .. حق مشاويرنا .. وطلعاتنا ويياتنا ..

وانخصص جزء من الراتب حق هالشي !! :fa54:

بنتريه مشروع المترو .. واللي ان شاءالله راح يشكل حل طيب .. لمشكلة المرور والازدحام !:boxed

::

الغصه الثانيــــه !

من يسمعون عن زياده في الراتب .. التجار يضربون أسعارهم ..!

والمتضرر الوحيد هو المواطن ..

لانه الأجنبي والوافد في بلادنا بيقدر يتحمل هالتكاليف .. وهالزيادات!:fa52:

عنبوه ما تسوى علينا هالكمن بيزه .. خلونا نتهنى فيهم انزين :k_devil2:

ماشي خطط ولا اهتمام من وزارة الاقتصاد ..

وايد عليهم هال 5 دراهم اللي نزلوها من سعر التذاكر !:fa52:

وايد وفروا علينا بصراحه ..!:h_qor9anah:

::

ثالث غصّه !

ياكثرهــــم ياخوي .. أمثال هالحرمه ..

عد وغلــــط !!

:fa52:

خيرهم سابق و واصل آخر الدنيا ..

وشي محتايين وايد في البلاد .. ساكنين في بيوت ايجار ..

وماعندهم لقمه تسد يوعهــــم ..

يادوب تكفيهم مصاريفهم على غلاء المعيشه ..

لكن محد يقدر يلومهم .. العتب على هالبطانه الفاسده .. اللي حولهم ..

والله شيوخنا ما بيقصرون .. لو حد وصل لهم هالمواضيع ..

الحمدلله الخير وايد .. والله يزيد النعمه ..

لكن شو الفايده ..

نبني بيوت ومدن برع .. وبيوت اتطيح ع روس المواطنين هنيه ..!

نتبرع بملاييـــن حق غيرنا .. والمواطنين غرقانين في ديونهم ..!

نعطي الأجانب بيوت .. وبدلات توصل حق كمن ألف .. والمواطن يكرف ويتعب ..

ومايلاقي حتى كلمة شكر !!

::

خلها على الله ياخوي ..

ولا تقلب المواجــــع !!

ياكثرها الغصات .. وياكثر همومنـــا ومشاكلنا ..

واللي مش لاقيه لها اهتمام .. ولا حلول ..!

:

الله المستعان بس ..

:

السموحه عالاطاله ..

وتحياتي لك ياخوي .. :a070:

إسهر معي ليله

09-04-07 ||, 09:17 AM

وحي القلم

أوافقج الراي،، العرب مرات يمصخونها أكثر من الأجانــــب
في رمضان فيه من الأجانب يحترمون مشاعرنا ويتحشمون
عشان ما يفطرونا.. بس فيه عرب يسوون العكس !!

حتى ناس منا وفينا.. في رمضان المنكر واليور يزيد
في السناتر.. وكلهن مواطنات :fa52:

وخلهم يتطنزون ويضحكون،، اونهم يعني قوم Open Mind
المخ المفتوح.. خله ينفعهم يوم يحابلون ربهم

::
::

شرجاوي

لبنى القاسمي،، كذا مره يتصلون البث المباشر وينتقدونها !
سمعنا وايد أيام التعيين وقلنا الحمد لله حالنا بيكون احســن
بس مادري.. ماشوف شي تغيّر

البيوت والأراضي،، لما تشغل واحد عشان اسمه ولا واسطته
ولا انه متثقف ولا متعلم.. يتصرف في مال الحكومه على كيفه
ويظلم وايد ناس محتاجين

::
::

هزاايم

سمعت رمسه.. مادري اذا صدق ولا جذب
انه فيه ناس من دولة عربيه،، يوم عطوهم
جوازات قاموا يتمشون في الفريج وجوازاتهم
في جيوبهم.. وبدوا يسوون مشاكل .. اونه يعني
مواطنيـــــــن !

::
::

العجيبة

المجلس الوطني،، احسّه مجرد اسم وشكل للنــــاس
نقولهم انه احنا عندنا مجلس وطني.. مجرد احساس
فيني،، انه ما بنشوف منهم شي !

بس كلنا أمل انهم يسوون شي في يوم من الأيام :yes:

::
::

مهابه

مشكوره عالرد.. والكل في هالبلاد مستغلنا
حتى الحلاليق.. المواطن يحلقه بـ 10 والهندي بـ 5 !

والناس عبالهم المواطنين طايحين على كنز :doh:

::
::

البدوي

الله يرحمك يا زايد.. حتى اجازة 29 رمضان شلوها عنّا !
حتى في هاليوم ما تبون المواطن يستانس شوي؟

يا خوفي ايي اليوم اللي نكون بدون صندوق زواج وبدون
مشروع الإسكان .. الله يستر :k_special2:

::
::

بهجة الروح

ترى فيه من المسؤولين المواطنين يشوفون الأجنبي
شي ومسوينه ملاك وكأنه هوه الفاهم والناس كلهــم
أغبيا !

سبحان الله.. مع انه هالأجانب يوم تتعاملون معاهم
تلقونهم أكثر ناس يتصرفون بغباء وعبط !

يخبرنا واحد يداوم في مكان حكومــي،،
ويايبين خبير اجنبي.. وطبعاً كل اللـــــي
يسويه ويشتريه.. يكون على حسابهـــم
فـ يقول انه مره يايب فاتوره بـ درهمين
سعر بطاريه اشتراها ويباهم يردونهــم
له !!.. ما يدفعون شي من جيوبهــــم ..
ياكلون بيزات الحكومه ويردون بلادهم
واحنا فرحانين فيهم.. ويوم نشوفهـــــم
نضحك ونبتسم وياهم.. اما المواطــــن
نورم في ويهه !!

::
::

ملاك الروووح

مشكورة عالرد الحلو..

بالنسبة للتسعيره واللي هيه 4 دراهم،، اتمنــى
انهم يعيدون النظر فيها ويتم استثناء المواطنين
منها !.. انا مواطن وادفع ضريبه؟

يا خوفي هالضرايب تزيد.. ويستوي الهدف منها
الربح بس

خصوصاُ آخر مره قريت انهم ناوين يرفعون قيمة تجديد
الرخصه ! .. اونه يعني الناس عقب ما بيسوقون ! :doh:

رغم انه اساس المشكله يوم يعطون الليسن
حق اي واحد.. وصار الليسن مصخره عندنا
وخصوصاً من سمحوا للرياييل قير اتماتيك

الهندي في بلاده ما يسوق سيكل.. ايي هني
يطلع ليسن وياخذ له احسن سياره !!

::
::

مشكورين ع تواصلكم :yes:

مزايا

11-04-07 ||, 10:34 AM

أوّل غصّه

تعداد الدولة 4 ملايين.. واحنا نسبتنا أقل من الربع
80% وافدين .. وما فيه أي خطط حكومية لتعديـل
التركيبة السكانية !

لا في حل عشــان نعدل التركيبــه الســكانيه
إنه المواطــن ياخذ له اربع حريــم وكل وحده تشد حيلها وتورينا شطارتها (مونيليكس) وتترس البيت عيـال
وبـ جيه بـ ننافس حتى مصر بعدد السـكان

ثاني غصّه
التجار من يسمعون انه فيه زيادة في الرواتـب
يرفعون أسعارهم قبل الرواتب.. ليش هالطمع؟
وليش احنا اللي متضررين دوم؟ وما لنا ظهر؟

كل واحد يدوّر مصــلحته
انا مش وياهم فهالشي بس لو كنت إنته تاجر كبير :k_smartass: مابتسوي شراتهم ؟!
لاتقول لا ..

إسهر معي ليله

11-04-07 ||, 03:18 PM

مشكورة عـ الرد مزايا << مادري ليش يذكرني في مزايا سنتر

لا في حل عشــان نعدل التركيبــه الســكانيه
إنه المواطــن ياخذ له اربع حريــم وكل وحده تشد حيلها وتورينا شطارتها (مونيليكس) وتترس البيت عيـال
وبـ جيه بـ ننافس حتى مصر بعدد السـكان

هذا حل،، بس//

انتي او اي وحده ثانيه بترضون تكونون مونيليكس؟؟ :whistling:

اول شي فيه وايد بنات طالعات من بيوتهم ما يعرفون يسوون شي
او انها تشتغل وما تفكر في الحمال و الخ،، من سوالف المرأة المعاصره :fa55:

ثاني شي فيه وايداااات بعد ما يرضون انه الريال ياخذ وحده ثانيه،، فـ ما بالج بـ 4

ثالث شي في زمن البلوتوث و الواير لس .. والموجات المغناطيسيه وهالخرابيط..
ما ملاحظين انه الخصوبه عند الرياييل قلّت !؟

رابع شي منو هـ اللي يقدر يدفع حق 4 حريم،، اذا الوحده فيهم ديون عرسها اتم
وياه لين ما اييبون عاشر ولد !

كل واحد يدوّر مصــلحته
انا مش وياهم فهالشي بس لو كنت إنته تاجر كبير :k_smartass: مابتسوي شراتهم ؟!
لاتقول لا ..

أنا احين اتكلم على لسان واحد مستهلك لـ بضاعة هالتجار

لكن اذا في المستقبل استويت تاجر.. اعتقد بكون عشت واقع
وحياة هالمستهلكين وحاس فيهم،، فـ ان شالله بـ راعي هالشي
واذا انا مشيت في تجارتي على حلال وحرام،، ومراعاة شروط
الدين ان شالله ما بظلم حد :yes:

بس اللي عندنا احين مستغلين وايد اشياء ويزيدون بدون مبررات
وكله طمع في الربح الزايد.. وهذا طبع الإنسان

و بس :14: ،، ما قلت لا

مزايا

11-04-07 ||, 04:30 PM

مشكورة عـ الرد مزايا << مادري ليش يذكرني في مزايا سنتر
وانا بعد
:thumbup1:

اول شي فيه وايد بنات طالعات من بيوتهم ما يعرفون يسوون شي
او انها تشتغل وما تفكر في الحمال و الخ،، من سوالف المرأة المعاصره :fa55:
ثاني شي فيه وايداااات بعد ما يرضون انه الريال ياخذ وحده ثانيه،، فـ ما بالج بـ 4
ثالث شي في زمن البلوتوث و الواير لس .. والموجات المغناطيسيه وهالخرابيط..
ما ملاحظين انه الخصوبه عند الرياييل قلّت !؟
رابع شي منو هـ اللي يقدر يدفع حق 4 حريم،، اذا الوحده فيهم ديون عرسها اتم
وياه لين ما اييبون عاشر ولد

:boxed:
إذا كل واحد يفكر مثل ماتفكر
عز الله مازادت التركيبه السكانيه ولا حتى نسمه واحده
خلاص دام جيه
لاتغصصون بعماركم وايد عشان سالفة الســكان
خلوا كل شي على ماهو عليه

لكن اذا في المستقبل استويت تاجر.. اعتقد بكون عشت واقع
وحياة هالمستهلكين وحاس فيهم،، فـ ان شالله بـ راعي هالشي

بس إنته اذا بتكون غير عن الباجين فبتــكون إنته الخســران الوحيد
يعني غيرك يضرب بالاسعــار ويستربح وإنت مرخص بالاسعار وخســران
ترا النــاس الحين مادور إلا الغــالي عبــالها هو الزين
:fa55:

إسهر معي ليله

11-04-07 ||, 04:58 PM

:boxed:
إذا كل واحد يفكر مثل ماتفكر
عز الله مازادت التركيبه السكانيه ولا حتى نسمه واحده
خلاص دام جيه
لاتغصصون بعماركم وايد عشان سالفة الســكان
خلوا كل شي على ماهو عليه

لا حشى ،، لا تفهميني غلط :a116:

انا معاج واوافقج الراي،، بس عطيتج أشياء توقف ضد هالحل

ومثل ما نفكّر كيف نزيد نسبتنا.. لازم نفكّر كيف نقلل من هالوافدين
اذا كانوا عرب راضين.. لكن الأهم هالأجانب اللي موصخين الدنيا :k_icon28:

بس إنته اذا بتكون غير عن الباجين فبتــكون إنته الخســران الوحيد
يعني غيرك يضرب بالاسعــار ويستربح وإنت مرخص بالاسعار وخســران
ترا النــاس الحين مادور إلا الغــالي عبــالها هو الزين
:fa55:

هاللي يدورون الغالي مافيهم مخ،، صح انه دايماً
هوه الأحسن.. بس فيه سوالف غاليه ما تتشاهــد
شرات ماركات الثياب.. بس اسم.. و الشكل ما يدل
على أي ذووووق :fa52:

وبعدين التجاره شطاره،، وانا يوم بسوي بزنس
بسويه عقب دراسه،، واكون متأكد انه 100%
بينجح،،، عاد ان شالله ايي اليوم اللي نسوي فيه
بزنس :whistling: .. دعواتك يا حجه

مزايا

11-04-07 ||, 05:09 PM

ومثل ما نفكّر كيف نزيد نسبتنا.. لازم نفكّر كيف نقلل من هالوافدين

نسبــة الوافدين اللي عدنا مستحيل تقل
الايد الوحده ماتصفق
:m_9afgah:
الكل يشتكي من الوافدين إنه نسبتهم وايده فالبلااد
بس لو تشــوف هم اللي قايمين بها
يعني مستحيل تلقى مواااطن مكان وافد ومايتحرطم
دوم ترا يقوول انا اشتغل هالشــغله ؟! عيل شو فايدة الوافدين
:boxed:

اذا كانوا العرب راضين.. لكن الأهم هالأجانب اللي موصخين الدنيا :k_icon28:

كيف موصخين الدنيا أبغي اعرف

:boxed:

مزايا

11-04-07 ||, 05:11 PM

الهندي في بلاده ما يسوق سيكل.. ايي هني
يطلع ليسن وياخذ له احسن سياره !!

بتعبــه وشقــاه

مب عشان سواد عيونه عاطينه هالامتيازات

إسهر معي ليله

11-04-07 ||, 06:33 PM

نسبــة الوافدين اللي عدنا مستحيل تقل
الايد الوحده ماتصفق
:m_9afgah:
الكل يشتكي من الوافدين إنه نسبتهم وايده فالبلااد
بس لو تشــوف هم اللي قايمين بها
يعني مستحيل تلقى مواااطن مكان وافد ومايتحرطم
دوم ترا يقوول انا اشتغل هالشــغله ؟! عيل شو فايدة الوافدين
:boxed:

في هاي صدقتي،، الوافدين قايمين بوايد أشيا،، بس ليش عددهم يزيد؟؟

اول شي المشاريع اللي تستوي تجذب الناس اييون يعيشون ويشتغلون عندنا

وثاني شي هالمشاريع تطلب شركات أكثر وأكثر وبالتالي تزيد العماله عندنا

فـ عشان جيه كنت أقول بسنا مشاريع.. نكتفي باللي عندنا :k_special2:

كيف موصخين الدنيا أبغي اعرف
:boxed:

أول شي أنا قلت ( اذا كانوا عرب راضين ) ،، يحني احنا راضين اذا كانوا عرب
أبلة عطيات مستويه :k_harhar1:

بقولج كيف موصخين الدنيا ،،

جرايم قمنا نشوفها وغريبه وايد علينا،، والسبب هالأجانب

على أيام قبل كان الأجنبي يوم ايي يخبرونه شو في هالبــلاد
وشو لازم يسوي وكيف يحترم عادات أهل هالبلد،، اما احين
مافيه هالشي وصارت الدنيا فوضى.. مفاصيـخ وسكــارى في
الشوارع،، واحضان وبوس جدام الكل وما محشمين حد

واستغرب منهم !.. ما تعرفون شو الحرام،، فـ ليش مستعيلين
وتسوون جدام الناس :boxed: .. روحوا بيوتكم وسووا اللي تبونه

شوفي الوصخ والبلاوي اللي تستوي في سكن العزابيّه،،

الدنيا وايد تغيّرت،، مب شرات قبل والله
والله يستر من اللي ياي عقب . . . :fa55:

إسهر معي ليله

11-04-07 ||, 06:38 PM

بتعبــه وشقــاه

مب عشان سواد عيونه عاطينه هالامتيازات

على عيني وراسي،، بس أنا قلت هالكلام رد على انهم يحسدونا

يعني في بلادهم ما يحصلون اللي محصلينه هني وبعد حاسدينا
وحاقدين عالمواطنين... فهمتي :whistling:

ملاك الروووح

11-04-07 ||, 06:53 PM

::

[ اسهر معـــي ليله .. ]

عشره على عشره يا عمــــي

:thumbup1:

والله مافي شي ابلاش الحين .. والمواطن ما بيستثنونه للأسف من أي شي ..

حاله حال غيره .. ويمكن أردى !!:fa52:

:

اسمحوا لي أتدخل في الحوار اللي يدور بينك وبين مزايا :k_devil2:

اذا ع سالفة الهنود .. ترى مش الكل .. يحصل اللي حصله بتعبه وشقاه يا مزايا ..

وأكبر دليل الهنديه اللي توظفت ف ديوا .. وسوت الضجه الكبيره ..

اترقت ف سنه وحده 6 مرات ..!!!

وراتبها من عقب ما كان 6 آلا درهم تقريباً صك ال ثلاثين يمكن !!

وهالشي كان سبب في استقالة وايد موظفين من ديوا ..

لأنهم كانوا أجدر بالترقيات .. والامتيازات اللي حصلتها هي ..

وشهادتهم تعادل شهادتها .. هذا اذا استثنينا عامل الخبره بعد من الموضوع ..!

:fa55:

لكن وين اللي يقدر .. !!

::

وبالنسبه للاجانب أنا مع اسهر معي ليله في اللي قاله ..!

أحس البلاد الحين مش أمان شرات قبل ..

والواحد صار يخاف على عمره وعلى عياله من اللي قاعد يستوي ..!

وأنا اللي يقهرني .. الامتيازات والبدلات اللي يحصلها الأجنبي في بلادنا ..

أحسن سكن .. وأحسن سياره .. وأحسن مستشفيات يتعالج فيها .. وأحسن مدارس وأحسن جامعات

يدرسون فيها عياله .. والمواطن وين راح ؟!

ليش ما يقدمون هالأشيا كلها للمواطنين ؟!

مع العلم انه شهادتهم شرات شهادة الأجنبي .. لكن اللي يفرق هو الجنسيه اللي شايلنها !!

يعني يبون الناس يهاجرون أمريكا ولا كندا ( شرات ما قاعد يصير الحين ) عشان ياخذون الجنسيه

ويضمنون حقوقهم !! ويتنكرون للدوله اللي عاشوا وتربوا فيها ..!!

::

واذا ع سالفة الزواج ..

وين بتحصلين وحده ترضى بانه ريلها ياخذ عليها 3 !!

ييبي لي 10 من هالحريم .. وأنا بحل لج الخلل في التركيبه السكانيه !!

:

وبعدين شرات ما قال اسهر .. مع غلاء المعيشه هذي .. وغلاء المهور ..

الواحد وين بيلحق .. يفتح بدل البيت 4 .. ويصرف عليهم .. ويتكفل بمصاريفهم ..

الواحد يالله يالله قادر انه يعرس .. ويفتح له بيت ..!

وفوق هذا راص على عمره رص ..

وانتي تبينه ياخذ أربع !!

جان زين لو السالفه كانت جيه هينه ..

كنا بنحل على الأقل أزمة العنوسه عندنا ..!

::

ما نقول غير الله المستعان ..

والله يستر من الأيام اليايه ..!

:fa39:

مزايا

11-04-07 ||, 08:44 PM

في هاي صدقتي،، الوافدين قايمين بوايد أشيا،، بس ليش عددهم يزيد؟؟
العلاقه طرديه بين العمال والمشاريع يعني دام في مشاريع يديده بتقوم لازم عماله وافده بتزيد

النفس البشريه طماعه وتبغي الزياده ف مستحيل يرضون بهالقدر من المشاريع مع إنه وصلوا للي يبونه من ناحيه السمعه والشهره بس مين يسمع :k_harhar1:

مفاصيـخ وسكــارى في
الشوارع،، واحضان وبوس جدام الكل وما محشمين حد

مابغي اطلع من موضوع وادخل ف موضوع ثاني
بس عيال البلاد مب مقصرين بعد بس هم من تحت لين تحت
طبعا مب الكل :shutup: عن ماتسرطوني بعد وتقولون لاتعممين
انا مادافع عنهم بعد

وأكبر دليل الهنديه اللي توظفت ف ديوا .. وسوت الضجه الكبيره ..

انا ماسمعت عنها :a116: للأسف

وين بتحصلين وحده ترضى بانه ريلها ياخذ عليها 3 !!
ب صراحه انا ارضى بشرط عديلاتي يكونن ربيعاتي
:love: عشان نقضي على الريل :love:
لووووول

ملاك الروح
انا وياج ف اللي قلتيه
بس دام إنه مافي حل لهالـ غصّه الافضل ننساها ولانعتبرها غصه

إسهر معي ليله

11-04-07 ||, 09:21 PM

العلاقه طرديه بين العمال والمشاريع يعني دام في مشاريع يديده بتقوم لازم عماله وافده بتزيد
النفس البشريه طماعه وتبغي الزياده ف مستحيل يرضون بهالقدر من المشاريع مع إنه وصلوا للي يبونه من ناحيه السمعه والشهره بس مين يسمع :k_harhar1:

ايواااا.. هاللي ابا اوصل له :icecream:

مابغي اطلع من موضوع وادخل ف موضوع ثاني
بس عيال البلاد مب مقصرين بعد بس هم من تحت لين تحت
طبعا مب الكل :shutup: عن ماتسرطوني بعد وتقولون لاتعممين
انا مادافع عنهم بعد

عيال البلاد لو سووا شي وانزخوا راحوا فيها
بس هذيل محد يقولهم شي.. والقانون لـ صالحهم الا اذا وايد مصخوها طبعاً
بس في اماكن مثل هالمشاريع اليديده وخصوصاً تكون خاصه وتابعه لـ شركه
معينه.. اللي ساكنين هناك ياخذون راحتهم عالآخر !

أعطيج مثال بسيط.. يوم من الأيام سيري جميرا بيتش ولا مدينة جميرا
وشوفي اللي عالبحر اللي تابع لهم،، ولا جنّه في دبي.. جنج في فرنسا
تحصلينهم " ربي كما خلقتني " :boxed:

وخذي راحتج.. محد يسرطج هني،، طعمج مر :whistling:
وكل واحد فينا يعبر عن رايه واللي في خاطره :yes:

انا وياج ف اللي قلتيه
بس دام إنه مافي حل لهالـ غصّه الافضل ننساها ولانعتبرها غصه

لااااااااااااااازم تطلعين شي،،، لا ما بننساها،، ترى كل ما طنشنا
اكثر كل ما مصخت أكثر

على أيام قبل الشوّاب اذا شافوا واحد و وحده فالشارع يتماصخون
يهزبونهم ولا يرمسونهم.. اما احنا نشوف ونسكت.. فـ خذوا راحتهم بزياده :fa55:

مزايا

11-04-07 ||, 09:40 PM

أعطيج مثال بسيط.. يوم من الأيام سيري جميرا بيتش ولا مدينة جميرا
وشوفي اللي عالبحر اللي تابع لهم،، ولا جنّه في دبي.. جنج في فرنسا
تحصلينهم " ربي كما خلقتني " :boxed:
شايفـه وعايفه ولايعه جبدي بعد
بس لو وحده سارت فرنسا بيقولون لها هناك ليش لابسه شيله ومغطيه شعرج
وليش محتشمه بلبسج ؟ لا طبعا
مثل مايعاملونا ف بلادهم يبونا نعاملهم بنفس الطريقه ف بلادنا
مش معناته إنه عايبني اللي يستوي بس هذا حقهم
:shutup: احس شي اسكت شكلي بديت اخورها صح :shutup:

الارستقراطيه

11-04-07 ||, 10:03 PM

اسهر معي ليله،،

جرب وروح بلدية بوظبي ،، بتحس انك داخل بلدية الخرطوم في السودان او مقديشو في الصومال ، من كثر ما هالجنسيتين محتلين البلدية،،
اتذكر اني داومت في البلدية شهرين تقريبا (في الصيف ) ، واحد قال لي انه الشاب في السوادن قبل لا يتخرج من الجامعة تكون وظيفته محجوزة في بلدية بوظبي :fa52:
ويقول لك اذا عرف السبب بطل العجب
((بدون ما ادخل في التفاصيل واهل بوظبي اكيد عارفين ليش:fa55: ))
ونحن المواطينن يوم نسير نقدم يقولون عندنا اكتفاء !!
ووزارة التربية وحده من ربيعاتي سايرة تقدم عندهم تخيل شو قالوا لها
(( اونه نحن الحين ما نستقبل طلبات المواطنين ، الحين نسوي مقابلات حق الوافدين )):fa55:

وعن غلاء الاسعار ،، يقول لك البترول ناوين يسوون الجلن ب11 درهم ،،
(( اخر شي ببيع سيارتي وبشتري مخمة وبطير عليها))
بصراحة بتنفعني بخم فيها البيت وبطير عليها :h_qor9anah:
المشكلة انه التجار كلهم من هوامير الدولة ، يعني ارتفع عليهم السعر ان شاء الله خمسين مره ما بيأثر لان عندهم خير ، ونسوا انه عدنا ذوي الدخل المتوسط ، الي لين نص الشهر ياخذون على الحساب من الدكان ، والله العظيم في ناس ما يسيرون الجمعيات التعاونية ويتعاملون مع الدكاكين لانه في الجمعية بيضطرون يدفعون كاش اما راعي الدكان ممكن يتريا لين اول الشهر !!

احس لو بتم اتكلم لين باجر بعد ما بخلص ،، وفي اشياء ابغي اكتبها بس متلخبطه شويه :fa39:
متابعين للموضوع ويزاك الله خير ،،

إسهر معي ليله

11-04-07 ||, 11:48 PM

مزايا

شايفـه وعايفه ولايعه جبدي بعد
بس لو وحده سارت فرنسا بيقولون لها هناك ليش لابسه شيله ومغطيه شعرج
وليش محتشمه بلبسج ؟ لا طبعا
مثل مايعاملونا ف بلادهم يبونا نعاملهم بنفس الطريقه ف بلادنا
مش معناته إنه عايبني اللي يستوي بس هذا حقهم
:shutup: احس شي اسكت شكلي بديت اخورها صح :shutup:

افففف شو ما قمتي تخورين :k_harhar1:

أول شي انا كـ مسلم لي الحق افرض عاداتي عالكل حتى لــو
في دولة كافره.. فـ ما بالج بدولتي المسلمه؟ انا ما يهمني هم
كيف يعاملوني.. المهم انا كيف اخليهم يحترموني

وإذا في فرنسا ما يقولون شي،، عيل شو عن بعـــــض
المدارس والجامعات واماكن العمل اللي منعوا الحرمه
فيها تلبس حجاب !؟

اذا حكومة فرنسا عطت الحريّه للكل.. تراها عطت الحريّه
للشركات والمؤسسات،، الأحزاب والجماعات والديانات،،
وبالتالي يحق لأي واحد من هذيل يمنع المتحجبات فــــــي
اماكن تابعه له.. لأنه له الحريه في هالشي،، صح ولا لاء؟

انتي تقولين يبون معامله شرات اللي يلقونها في بلادهم،، انزين...
فيه جنسيات ما يعيبهم اذا دفعوا للعلاج ويحتجون على بعض الرسوم
رغم انه لو مواطن اماراتي في بلادهم،، كان بيحلم انه يحصل شي
بلاش.. بيدفعونه اكثر من اللي هم يدفعونه هني !

أخيراً.. التفصخ عالبحر والحركات الماصخه مب مثال للمعامله بالمثل !
هاي عادات دوله،، وحشمة شعب.. المفروض أي زائر يتقيّد بها ويحترم
شعب الدولة نفسها

:1:

::
::

الارستقراطيه

أشكرج عـ الرد،، وبوظبي معروفه انها اكثر اماره فيها
هالسوالف.. وصدقتي،، فيه ناس من اول يوم في الشهر
تخلص فلوسهم،، عالمصاريف، الأقساط والأيجار وغيره..

واحين اللي ما عنده مصدر دخل ثاني مستحيل يعيش على راتبه

مزايا

12-04-07 ||, 12:05 AM

إسهر معي ليله
احس انا وإنته ندور ف حلقه مفرغه
معناته لو تكلمنا من اليوم لين الاسبوع الياي مابنخلص ولا بنلقى حل
فالافضل إني :shutup:

إسهر معي ليله

12-04-07 ||, 12:49 AM

مزايا سنتر

أنا أقول جيه بعد،، :whistling:

لاا بالعكس،، النقاش حلو.. امتعتيني :a070:

ملاك الروووح

12-04-07 ||, 01:23 AM

انا ماسمعت عنها :a116: للأسف

غريبه ..!

شهرتها وصلت لين الهند وانتي ما سمعتي عنها لوووول !!

لا صج والله .. وايد تكلموا عنها وسووا زوبعه ..

وتكلموا عن الموضوع في الجريده .. وطرشوا ايميلات ..

و وايدين قدموا استقالتهم ف ديوا بسبتها ..!

لانهم حسوا انهم انظلموا .. :shutup:

ب صراحه انا ارضى بشرط عديلاتي يكونن ربيعاتي
:love: عشان نقضي على الريل :love:
لووووول

لووووووووول

صدقيني اللي ايده في الماي مب شرات اللي ايده في النار ..

يمكن انتي تقولين الحين انه عادي عندج .. بس باجر لو صارت السالفه جد ..

بتحسينها صعبه وثجيله عالنفس .. انه حد يشاركج ريلج .. ومب وحده بس .. لا 3 !

لووووووول بس عيبتني نقضي عالريل .. ناويه له نيه من الحين هاه :h_qor9anah:

ملاك الروح
انا وياج ف اللي قلتيه
بس دام إنه مافي حل لهالـ غصّه الافضل ننساها ولانعتبرها غصه

خلينـــــا عالأقل نفضفض .. وانطلع اللي ف خاطرنا ..

مع انه محد بيسمعنا .. بس نفج حرتنا شوي ..! :fa52:

:

تحياتي لج حبيبتي ..

وتقدرين تسوين تظليل حق الكلام كله مره وحده وتلونينه الغاليه .. :thumbup1: