سؤال مهم للبنات+الشباب؟؟..رايكم يهمني

[بنوتة جميرا]

السلام عليكم ورحمه الله وبركاته
اشحااااالكم؟؟
غبت عنكم 3 ايام تقريبا واليوم راده بموضوع يديد


هالشي اشوفه انتشر وااااايد في الاونه الاخيره
الشباب+التدخين
في ايامنا هذي عادي لو انشوف ياهل عمره 13 او 14 وفي ايده صلب سيجاره
وعادي يوم انشوف شبابنا مطيحين 24 ساعه في المقاهي ويشيشون
طبعا ولا وحده فينا نحن البنات تتمنى ان الله يرزقها بزوج يدخن او يشيش
سؤالي للبنات؟؟
اذا تقدم لج شاب ويدخن بتقبلين فيه والا بترفضينه؟؟وليش؟؟
وودي لو كل شخص يدخل يكتب لنا رايه سواء من البنات وهو الاجابه على السؤال
او الشباب ليش يلجأون للتدخين؟؟
شو هي الاسباب؟؟
واذا تقدم لوحده ورفضته لسبب انه يدخن شو بيكون موقفه؟؟
وهل بيترك هالعاده السيئه والا بيستمر فيها؟؟


ودي من الجميع التفاعل


اختكم.. بنوتة جميرا ..

[الدلووووعة]

تسلمين اختيه عالموضوع

والله مادري الصراحة محد فالبيت يدوخ عدنا
وابويه مايحب يشم ريحة السيجاره

فمادري اذا سار وتقدم لبويه بيوافق عليه قبل ما انا اوفق عليه ^^

بس اختيه اذا ريال ماينعاب بس عيبه انه يدوخ سجاره عادي بوافق عليه

ومن بعدها بحاول بخلي اخوانيه ينصحونه وجي قبل ما اتزوج واذا خذته
واخوانيه ماقدرو انا بحاااااااول اني اخليه يودر السجاره ويتركها خير شي ومايحب ريحتها بعد ^_^

بس ان شاءالله ماي واحد يدوخ سجاره ^^

[تحفه]

مضر للصحه :fa44:

[خيال الروح]

الســلام عليــكم

اذا تقدم لج شاب ويدخن بتقبلين فيه والا بترفضينه؟؟وليش؟؟

امم اذا هو ريال وما ينعاب .. بس عيبه انه يدوخ
وابوي وافق عليـه ..
بوافق عليــه .. ومع الايـام بخليه يودر هالعـاده :thumbup1:

وتسلمين الشين على الموضوع ..

:

[الـيـاه]

سلاام

اذا تقدم لج شاب ويدخن بتقبلين فيه والا بترفضينه ؟؟ وليش ؟؟

:alien: لا ما بــوافق وبشدة بعـد < إذا كان للحين يدوخ ..

أول شي مضرّ للصحه :fa52: وبما إني بعيش وياه يعني بيضرني أنا بعد .. وثاني شي ( ريحته ) يععععع
اللي يدوخون حتى لو تسبحو وألا شو سوو ريحة الجقاره أتم في جسمهم وتعفن وتستوي ريحه خـايــــــــــســــــــــ ـــــه بالقـــــووووووو

وألا يوم يتكلم تكون ريحة خايسه
واي مكان يكون فيه وألا يزخه بتم ريحته فيه وععععععع :fa44: خل ينفد


وبث خلاث :k_busted_cop:

[بنوتة جميرا]

الدلوعه
تسلمي غاليتي ع المشاركه

[بنوتة جميرا]

تحفه
بس ماجاوبتي ع السؤال؟؟
شكرا ع مرورج

[بنوتة جميرا]

خيال الروح
انا مب الشين انا بنوتة جميرا
شكرا الغلا ع المرور

[بنوتة جميرا]

الياه
انا معاج
ولي عوده ان شاء الله عسب اقول رايي
شكرا غاليتي ع المشاركه

[طير الحب]

موضوع خاص بالمرأة والمجتمع بشكل عام لذلك ينقل لواحة المراة والمجتمع

[تحفه]

تحفه
بس ماجاوبتي ع السؤال؟؟
شكرا ع مرورج

مادري والله اذا كان كلشي فيه حلو وعايبني ليش لأ :vampire:
اذا كان هذا اخس شي فيه فـ اشوفه شي وايد تمام وبالعكس اقدر استحمله لول

[بنوتة جميرا]

طير الحب
انتي الادرى شو الواحه المناسبه للموضوع
بس انا حطيته في الواحه المفتوحه
لانه مش بس سؤال للبنات ايضا الشباب
اللي هو (او الشباب ليش يلجأون للتدخين؟؟
شو هي الاسباب؟؟
واذا تقدم لوحده ورفضته لسبب انه يدخن شو بيكون موقفه؟؟
وهل بيترك هالعاده السيئه والا بيستمر فيها؟؟)
واحس به سؤال عام ما يخص المرأة بروحها
شكرا

[بنوتة جميرا]

تحفه
الشكل مب كل شي
شكرا غاليتي ع المشاركه واجابتج ع السؤال

[بنوتة جميرا]

الحين بقول رايي
انا ارفض الزواج بواحد يدخن او يشيش
حتى لو كان زين وكل شي فيه اوكي وما ينعاب
بس التدخين عيبه الوحيد برفضه
ولو ودر هالسم اقبل اني اخذه
لانه في عايلتنا كثير من البنات خذوا شباب يدخنون
واونهم بيصلحونهم بعد الزواج
بس اللي اشوفه مافي فايده
يعني وحده حاولت مع ريلها بشتى الطرق انه يودر التدخين ماشي فايده
دخلت اخوانها بعد ما شي فايده
قالت له عشان خاطر الصغاريه
لو اتحبهم ما بتضرهم
لان اللي يشم الدخان اللي يصدر من السيجاره او المدواخ يكون مضرر اكثر من الشخص اللي يدوخ مباشره بس بعد ماشي فايده ولا ياب راسه
والحرمه اخر شي استسلمت
ومعظم عيالها مصابين بالربو وامراض الحساسيه هاي
عسب جي انا اعارض اني اخذ واحد يدخن

[تحفه]

تحفه
الشكل مب كل شي
شكرا غاليتي ع المشاركه واجابتج ع السؤال

كنت اقصد حلو شكلا و مضمونا:vampire:

[هزاايم]

^^هييهيهي

التدخين مضر للصحه<<مثل ما التحفه قالت,,ومثل مانقرى تحت البوسترات والدعايات قرار من وزارة الصحه وربعها=q
"ولاتلقوا بايديكم إلى التهلكه"

بنوته جميرا اسميج انتي=q

[مــهــابه]

لـوكـان يـدخن
مـاراح أوافق عـليه ، ولـوكان كـل شي زيـن فيه

وأظن قـرار الرفض مابيكون مني أنـا بس ولكـن !!

من السلطـات العــليــا:fa56:

واللي تحط قوانين جـداً صـارمه لـقبوول المعرس أهمـها الدين والاخـلاق

[بنوتة جميرا]

هزايم
بس ما جاوبتي ع السؤال
بتقبلين فيه والا بترفضينه؟؟وليش؟؟

[بنوتة جميرا]

مهابه
شكرا ع مشاركتج غاليتي

[الجنيه]

أكــره المدخنين أتلوع جبدي منهم اجز منهم اعععععع احسبهم وصخين لو مهما سووا ...

عن اهلي ما اعتقد يمانعون اني اخذ واحد مدخن لانه نسايبي الاثنين مدخنين بس عني انا مستحيل وان كان ولا بد اونه خوفا من شبح العنوسه يعني بدخن وياه بما اني في كل الحالات متضرره خلني ادخن عشان استمتع مثله *_* ( ادري الحين بتحطون علي بس هذا رايي بصراحه )