موضوع مهم..سفر البنت لــ....؟؟؟

[بنوتة جميرا]

السلام عليكم ورحمه الله وبركاته
اشحااااالكم؟؟
اليوم حابه اتناقش وياكم في موضوع
وحابه كل شخص يقولنا رايه

في هالوقت
طلبه الثانويه العامه في حيره من امرهم
وين يكملون دراستهم الجامعيه
في الجامعات والكليات الموجوده في البلاد
والا السفر للخارج
طبعا السفر لاكمال الدراسه يكون سهل للشباب
بس صعب شوي للبنات

اليوم حبيت اعرف رايكم في
سفر البنت لاكمال دراستها في الخارج؟؟؟
منو مع ومنو ضد؟؟وليش؟؟؟
وليش الواحد يلجأ للسفر في الخارج؟؟
هل لان التخصصات اللي يبغونها ما تتوفر في جامعاتنا والا لاسباب ثانيه؟؟

ابغي اشوف تفاعل الشباب والبنات في هالموضوع
ولي عوده عسب اقول رايي

اختكم.. بنوتة جميرا ..

[شمعة أمل]

أنا مع سفـر البنت لإكمـال دراستها:12: والبـارحه طلبت أذن من أبويه اني أسافر وادرس كورس برع هالصيف:thumbup1:

أول شي وأهم شي..
الى يدرسون برع .. لهم مستقبـل! .. وشهادتهم أقوى من الشهادات الى موجوده هني
وغيـــــــر
يعني مثلا
يوم انا اتلاقى ويا ربيعاتي في جامعة زايد .. من قبل كلنا نفس الشي .. اما الحين فرق كبير بيني وبينهم! .. تعلمت وايد وايد من الجامعه المختلطه! من ناحية الجنسيـات والجنس.. تختلطون مع ناس مختلفيييين عنكم تماااماااااااااا!!!
ف يوم تسـافرون .. تتعلموون بعد اكثر .. ويكنون open-minded اكثـر ..

ثاني شي
عندهم تخصصات برع موووول ماتيييي على باااااااااااااااااااالكم
يوم كنت اتصفح البوكلت عن الكورسات الموجوده في الجامعه جي استوى شكلي>>:Oo:
مارمت أصدق!
يعني عندهم اشيا عجيبه وغريبه ورووووعه!
عكس هني .. طب ولا بزنس ولا ميدي ولا ايدووكيشن:glare:

والسبب الثالث
لانه البنت اهلها يبونها تسـافر برع .. وايدين من ربيعاتي من يوم هم صغار واهلهم يقولوهم انه بيدرسون برع .. ف يوم كبرو خلاص هالشي في مخهم انهم بيدرسون برع وعادي =)

[الدلووووعة]

انا ضد ها الشي
يمكن لنه نحن عاداتنا ماتسمع لنا البنت تسير تدرس برع بروحها
وهب بس عادتنا دينا حتى جي يقول لازم يكون شي محرم

المهم انا ضد ها الشي يعني البنت ماتروم عالغربه شرات الولد
والبنت بسرعة تتأثر عكس الولد طبعا هب الكل بس بشكل عام

احيد يوم قلتلهم انا بسير ادرس برع قالو هيه ان شاءالله خير خخخخخخ

[بوزايد]

البنتــ مكانها البيت ومهما يابت شهايد بتم بالبيت

يعنيــ وايد عليها الشهاده الجامعيه من الامارات

وبســ

:k_harhar1: :k_harhar1: :k_harhar1:

[شمعة أمل]

^
NOT

شي حريم والحمدالله دكاااتره ووزراااء ومديراات!

[بوزايد]

in other hand,there are billions in homes

:fa34: :fa34: :fa34:

[أيامي حزينه]

البنتــ مكانها البيت ومهما يابت شهايد بتم بالبيت







اسمحلي بو زايد بس نحن في أي عصر عشان اتقول هالكلام
و شو قصدك مهما يابت شهايد بتم في البيت؟؟
يعني قصدك انه ما شي شغل و تم في البيت
:a058: :a058:
شو هالتخلف


أنا صح اني معارضه سفر البنت الى الخارج بروحها للدراسه بس اذا
كان حد و ياها حد من أهل مثل أخوها فما في أي مشكله

[بوزايد]

اسمحلي بو زايد بس نحن في أي عصر عشان اتقول هالكلام
و شو قصدك مهما يابت شهايد بتم في البيت؟؟
يعني قصدك انه ما شي شغل و تم في البيت
:a058: :a058:
شو هالتخلف


أنا صح اني معارضه سفر البنت الى الخارج بروحها للدراسه بس اذا
كان حد و ياها حد من أهل مثل أخوها فما في أي مشكله


انتيــ من وين طلعتيـــ :fa32:

اول شي الحمدلله ع سلامتجــ

ثانيــ شي مجرد رايــ

قالت متخلف كفايهـ انج مثقفهــ

:a068:

[راعي الزعـامه]

اكيد لو بتسافر تدرس روحها هذا شي مانقبل به
اما لو وياها محرم فلا مانع ،،

[جنون امرأة]

السفر بشكل عام .. بأي شكل من الأشكال حرام .. ((بدون محرم)) ..

فإذا البنت تبغي تدرس تخصص مش موجود ف البلاد و أهلها مـقتــنعـيـن بها الشي ..

ف المفروض يطرشون وياها ((ريال)) ..

بس بعد هالفكرة .. أنا شخصيا مب مقنعة فيها ..

و أول سبب :

لأن الدراسة مختلطه فالخارج ..

و الناس اللي هناك .. أول شي ديانتهم غير و عاداتهم غير و كل شي فيهم غير ..

فما أعتقد إن البنت تقدر تتأقلم .. لأن ثقافتنا تختلف عن ثقافتهم ..



ملاحضة : ما أشوف إن بو زايد متخلف .. !!! ...

[سبانش مان]

البنت لو ادور وتلف الددنيا اخر شي بتيلس ببيت ريلها هب غصب عنها لا لا بطيب خاطرها وبطلب منها..
لان هاي سنة الحياة العمل للرجل الي يصرف على البيت والحرمه الي تهتم بشوون البيت

[مايهزك ريح]

واحد داخل عرض .. :vertag:
انزين واذا ما عرست تموت في البيت مثلا .. انا عندي خوات .. منهن ما عرسن .. :a058:
يعني تبونا انيلسهم في البيت شو يسوون .. :fa44:
على قولة يدوه بيظربهم الوسواس خخخخخخخخ :d014:

طبعا انا مع البنت انها تدرس برا.. اذا كانت ملتزمه .. وخايفه الله فما عليها شر .. والله يوفق الجميع :thumbup1:

[مــهــابه]

عــليج السـلام والرحمـة أخـتيه

أنـا فـي أعـتقادي ، مـافي شي يمـنع البـنت تكمل دراسـتها فـالخارج !!
لـو التخصص اللي هي تبغيـه مب موجود فـالبــلاد !!

وبـعديـن

عـلى حسب بيئـة البـنت ، والمجتمع اللي يـالسه فيه ، مثـلاً اهـلها يـرضون ولا ؟!


لو بجـاوب عني انـا شخصيـاً

فـما افكـر أدرس فـالخارج أبـد لأســباب:

- ماقدر ابـتعد عـن أهــلي

- التـخصص اللي انا ابـاه وحبيـته موجود فـالدولـه


لـكن ما اعـارض أن البـنت تدرس بـرع ، لأن هالشي من حقـها ، شرات الاولاد مايدرسون بـرع بـعد البنت تقدر تـدرس

ومـاشـاء الله فـالعـايلـه اغلبــهم يدرسن فـ كندا واسـتراليـا وألمانيـا ، واغـلب تخصصـاتهم طب وصـيدلـه ومع هـذا تـحسيــهم متمسكين فـالعادات والتقـاليد ، وأهـلهم يثـقون فـيهم !!

[بريد ألكتروني]

انا حـاليا فالخـارج اكمـل دراستيه .. وطـبعــا كذا مره لفتني موضوع دراسة خواتنا في الخارج بحكم اني اصادف بعضهن ..

بدون مبررات وبدون اسباب خــلاصة تفكيــري في الموضوع انه مهمــا كــان السبب اللي خـلا البنت تلجأ للدراسة ف الخـارج فهو مش مقنــع وما يسوى عليها .

قبــل ما نفكــر فيها على اساس انها بنــت .. خلنا نفكـر ف الغربة بشكـل عــام .

السكــن .. الجامعة .. المواصلات .. الاصدقاء .. ال home sick ( الله يفكنا منه ) .

ظروف الحياة ف الخارج صعبة عالرجل نفسه .. فمابالك اذا كــانت المبتعثة بــنت ..

خواتي اتمنى من اي وحده نـاوية تكمـل دراسة خارج الدولة تفكــر ف هالشي الف مره ومره وتحسبه من كل النواحي .. وما بقولكم هذا حـرام وغلط وعيب ( لانه في ناس صارت هوايتها انها تقـول عن المتكلم ف الحرام والحلال والعيب .. انه متخلف ورجعي ) ..
في ناس بتقـول في بنــات خلصن دراسـة خارج الدولة بامتياز وبكل راحة .. اوكي اسألوهن عن التجربة ... واللي بتكون صريحة ما بتخالفني الرأي :)

في النهاية اشوف بنات بلادنا اغلا علينا من بهدلة الغربة .

[أيامي حزينه]

(بوزايد )
أنا مب فاضية دايما عشان أحرس الواحات ليل نهار و قت ما أكون فاضيه أدش
و ثاني شي أنا ما قلت متخلف عسب انك معارض سفر البنت انا قلت انه تخلف على فكرتك الي هيه انه البنت مهما يابت من شهايد بتم فالبيت ( و معنى هالكلام انه البنت عقب ما تخلص دراستها تيلس في البيت و ما تشتغل ) و هنا هذا التخلف و التفكير رجعي . :fa32:


(جنون امرأة)
هذا رايج و انتي حره فيه (اذا كنتي تعتقدين انه البنت مكانها في البيت عقب ما تخلص دراستها و ما تشتغل) انه هذا شي مب تخلف و مب تفكير رجعي فهذا الشي راجع لج.:k_icon9:

[بنوتة جميرا]

لي عوده للرد عليكم
توني راده من الجامعه وهلكانه
اسمحولي
بس ان شاء الله ما بطول

[ايه احبك]

ما يهزك ريح perfecto0o0 :fa34:


مثل ما قال ما يهزك ريح اذا كانت ملتزمة او عرفها ربها ليش لاء
انا احس اقصد متيقنة :k_special2: انه في تخصصات مب موجودة في البلاد ولو في جالية بتسير او تدرس في الخارح سواء كانوا أولاد أو بنات أحس انهم بيفيدون الدولة بهالتخصصات الي ممكن اتفيد الدولة
وبجي نقدر انرد ولو جميل صغير لبلادنا
وبعدين البنت رايحة تتدرس وترد مب رايحة حق لعب او مصخرة

انا عن نفسي كنت نااوية اسافر... مع العلم بعتراض امي وابوي الا اذا كان طب
>طبعا اروم اقنعهم لو ابي بس <
في ظروف فكرت فيها فعرفت انه السفر له سلبيات اكثر من ايجابيات
مثلا : انا مسافره روحي ومحد اعرفه وياي بتعرف على وحده او حتى ممكن اتكون my room mate ممكن اتكون بنيه مب زينه
وحطيت في بالي هاي غربه يعني كل شي ممنوع عندنا مسموح عندهم
عشان جي قلت اجنب نفسي هالبهدله

so

انا انصح الي بسافر
سافري ويا حد تعرفينه وافضل لو كان ويا محرم عشان تتوفقين في دراستج
واصلا اتسيرين وانتي مأمنة على حد مسؤوليتج وها بيرضي ربج في الأول ولا اخير :k_smile2:

[المقاتل]

سؤالي وهوه : شو السبب إن البنت تدرس فالخارج ؟؟

- أول شي ، نحن لازم نتقيد بديننا الحنيف ، لازم نتقيد بكلام الله عزوجل وبسنة نبينا محمد صلى الله عليه وسلم .

- ثاني شي : نحن غير مطالبين بالدراسة من الخارج والحديث (( اطلبوا العلم ولو في الصين )) هو حديث مكذوب .. وإنما قال : (( إطلبوا العلم من المهد إلى اللحد )) .

- ثالثا : إذا كانت سفرة المرأه للعمره أو للحج امرا غير مشروع إلا بإستثناء أو عن طريق السفر مع رجال ثقات في حال عدم وجود محرم وهو لطاعة الله والمعروف أن الحج ركن من أركان الإيمان وهو امر واجب ؟؟ فشو السبب إن البنت تسافر روحها للخارج للدراسه ؟؟ الدراسه ولله الحمد موجوده عندنا في بلادنا ومتوفره !! أما عن موضوع سفرة البنت بروحها بدون ولي ولا رقيب ولا حسيب أمر مرفوض .
- رابعا : نحن سافرنا برع وشفنا نمايم من البنات .. وشي مخجل .. بناتنا لمواطنات إلي برع مشوهين سمعة الاماراتيات وما اقول كلهم .. معظمهن .. !!

يالحبااااايب .. أنا أتعجب يوم تتكلمون بالمنطق أو اتقولون ان البنت الي ما تشتغل أو الي إتم في البيت متخلفه ؟؟ ان اعتبر ان المتخلفه هيه إلي تخالف شرع الله .

وهذا والله أعلم .. وهيه وجهة نظري وحبيت أطرحها وجزاكم الله خير وأسأل الله أن يهدينا وإياكم .. شكرا .

[بنوتة جميرا]

شمعه امل
ان شاء الله تسافرين وتدرسين الكورس في الصيف وتستفيدين منه

شكرا ع مشاركتج غاليتي

[بنوتة جميرا]

الدلوعه
انا معاج في ان البنت صعب انها تتأقلم مع الوضع اللي بتكون فيه في السفر

شكرا الغلا ع المشاركه

[بنوتة جميرا]

بوزايد
رايك ونحترمه
والصراحه انا معاك
بس بقول رايي بعدين مره وحده

شكرا ع مشاركتك

[بنوتة جميرا]

شمعه امل + بوزايد
البنت لو تمت في البيت هذا ما يعني انها جاهله ومتخلفه
بس مجرد تعقيب

شكرا مرة ثانيه

[بنوتة جميرا]

أيامي حزينه
تفكير بوزايد انا ماعتبره تخلف
لانه مب هالشي اللي تربينا عليه
ان البنت اتودر هلها وتتغرب عنهم
صعبه شوي
بس في الاخير لج رايج الغلا

شكرا ع المشاركه

[بنوتة جميرا]

راعي الزعامه
شكرا ع مشاركتك

[قصايد غلا]

كـــل واحد يرقـــد على الينب اللي يريـــحــه ، وكلّن لــه رايــه

ما أعتقد الحايـــه لهالدرجــه تــحــد البنت إنها تسير تدرس برع البلاد



للــــــــعــــــــــلـــ ـــــــــم : عمر الثقافــــه ما كانت بالشهادات

ياما ناس درسوا وعندهم شهادات لا لها أول ولا تالي لكن الثقافه ما يعرفونها

ممكن يكون الإنسان مثقف بدون شهاده :k_smile2:

:k_special2: ما أعتقد إنّــه من التخلّف إن الحرمه تيلس في بيتها وتجابل ريلها وعيالهـا

إذا كان هالشي من التخلّف ، عيل الثقافــه هي إنها تعق عيالها على تجلا البشاكيـــر ؟!:k_special2:

[صريح]

مداخله بسيطه على رد شمعه امـل
و عقب بقول رايي
:m_atmasha:


أول شي وأهم شي..
الى يدرسون برع .. لهم مستقبـل! .. وشهادتهم أقوى من الشهادات الى موجوده هني
وغيـــــــر
يعني مثلا
يوم انا اتلاقى ويا ربيعاتي في جامعة زايد .. من قبل كلنا نفس الشي .. اما الحين فرق كبير بيني وبينهم! .. تعلمت وايد وايد من الجامعه المختلطه! من ناحية الجنسيـات والجنس.. تختلطون مع ناس مختلفيييين عنكم تماااماااااااااا!!!
ف يوم تسـافرون .. تتعلموون بعد اكثر .. ويكنون open-minded اكثـر ..


بالعكس مب شرط الشهاده اللي من برع تكون احسن عن الشهاده اللي من لبلاد
اغلب اللي ماسكين مناصب عليا فلبلاد متخرجين من التقنيه و جامعه الامارات
بس ما خذين الـ Masters و الـ PHD من برع لانها مش متوفره عدنا فلبلاد
يعني التأسيس من الجامعات المحليه .

و شي ثاني ، يوم اي طالب يبا يكمل دراسته برع يقدر ينقل الـ credits من التقنيه
لاغلب الجامعات المعروفه عالميا فهالشي يدل انه الدراسه بنفس المستوى.

و ثالث شي عن الاختلاط ويا الطلاب و الجنسيات الثانيه فالجامعات المخطلته
مب بالشي المهم واايد فهاي المرحله بالتحديد لانه المخ بعده ما يكون ناضج اميه بالميه
و التفكير دوم يكون سطحي و مش كامل .. الاختلاط اللي منه فايده يكون في مرحله بعد الدراسه
يعني فالشغل


-----------------------


ثاني شي
عندهم تخصصات برع موووول ماتيييي على باااااااااااااااااااالكم
يوم كنت اتصفح البوكلت عن الكورسات الموجوده في الجامعه جي استوى شكلي>>
مارمت أصدق!
يعني عندهم اشيا عجيبه وغريبه ورووووعه!


اول شي ما فيه جامعه فالعالم بتفتح فرع في لبلاد بتي بتحط لج
كل الكورسات اللي عندها فيها ، اول شي يسون دراسه شو الكورسات اللي تفيد الدوله
و بيكون عليها اقبال من الطلاب بشكل عاام و احتياج السوق و قطاع العمل بشكل خاص.
فشي اكيد ما بتلقين الكورسات العجيب الغريبه اهنه.


-----------------------


عكس هني .. طب ولا بزنس ولا ميدي ولا ايدووكيشن

هاي التخصصات اللي الدوله محتاجتنها عسب جيه تلقينها في كل الجامعات
ما بيبون تخصص يدييد و يخسرون عليه ملايين عسب كمن شخص يحبون هالتخصص
عسب جييه يفتحون معاهد خاصة ادرس تخصصات غريبه الواحد ممكن يسير يدرس عندهم

امثله بسيطه:

برع يدرسون الباليه و الرقص

لو فتحو هالتخصص اهنه منو بيدرسه بنات لبلاد ؟
و لو فرضا درسوا "شي من هالفري يسونها عادي"
وين بيشتغلون فالدسكو مثلا


برع شي كورسات الـ wine tasting

هالتخصص لو كان في جامعاتنا منوو بيدرسه ؟


غيير الكورساات الكثيره اللي موجوده برع اللي تكونelective و مش مهمه


-----------------------


والسبب الثالث
لانه البنت اهلها يبونها تسـافر برع .. وايدين من ربيعاتي من يوم هم صغار واهلهم يقولوهم انه بيدرسون برع ..
ف يوم كبرو خلاص هالشي في مخهم انهم بيدرسون برع وعادي =)


اسمحيلي ما فيه بنت عرب و اشراف اهلها بيحجزون تذكره حق بنتهم و بيقولون "الله وياج سيري ادرسي برع" ..
الاهل ما يصبروون عن عيالهم يوم كيف لو سارت عنهم شهور
كيف تقولين " لانه البنت اهلها يبونها تسـافر برع" !

بالعكس انا ويا البنت انه تكمل دراستها و تشتغل ما فيها شي ابدا
و عن الدراسه برع لبلاد اذا كان وياها محرم عادي تسير تدرس برع و محد بيقول لا
بس بدون محرم مستحيل

و انا شاء الله فهمتي كلامي =)


شي ثاني مبروك ع اليخت و الله يعطيكم خيره ويكفيكم شره
زين ما بتشلون يخت بو سعود عنا الحين هههه
:k_harhar1:

-----------------------


بمختصر المفيد

اذا البنت بغت تدرس برع و التخصص مش موجود فلبلاد
و عدنها حد يسير وياها تسافر و تدرس برع برايه

اذا ما عندها حد يسير وياها ، تدرس فلبلاد
:smile:

[بنوتة جميرا]

لي عوده للبقيه
بظهر اليوم ومابرد الا بالسبت
وناااااااسه

[شمعة أمل]

شمعه امل + بوزايد
البنت لو تمت في البيت هذا ما يعني انها جاهله ومتخلفه
بس مجرد تعقيب

شكرا مرة ثانيه

ومن متى وانا قلت انه البنت الى تييلس في البيت جاهله ومتخلفه؟؟!!:Oo:
انا ماستخدمت كلمة *تخلف* من الأساس في ردودي!

[شمعة أمل]

صريح
خيبه قطعتني:glare: :fa44:

انت قلتها بنفسك! الى ماسكين منصاب عاليه في البلاد الماسترز ولا الphd من برع < الشهاده من برع جي ولا جييييي
وحتى *معظم* المديرييين التووب الى بس عندهم باتشلرزز بعد شهادتهم من برع!

وشي فرق كبير بين الشهادات الى من هني والى من برع .. تدري ليش؟؟ لانه الجامعات الى برع وايد جديـمه فوق ال 100 سنه ..

ولو سرت لمكان ويبتلهم واحد متخرج من هارفرد وواحد من تقنية الشباب .. صدقني بيختارون المتخرج من هارفرد!


وعن الأختلاط.. صدقني مهم أكثر انه يختلطون في الجامعه اكثر من الشغل! هالشي انا يالسه أجربه وأرمس عن نفسي والى أمر فيه! .. كل يوم أتعلم شي يديد منهم .. وأتثقف عن الدوله الثانيـه .. واماكن مول ماسمعت عنها نفس ال congo :Oo: .. وتتعلمون اشيا نفس كيف تعاملون ويا ناس من كذا جنسيـه .. لازم تعاملون الهنود غير عن الاستراليين والاستراليين غير عن السعودين والسعوديين غير عن المالييزيين .. والخ! والطريقه الى ترمسون هالناس لازم تكون غير والدستانس يوم ترمسونهم غير ووايد اشيا تعلمتها!! *شي توني تعلمت انه الايرانيين عندهم سنه يديده غير عن كلحد ويحتفلون ل 13 يووم ولازم يحطون اشيا بحرف ال *س* عالطاوله نفس سمج واخر يوم الى هو يوم ال13 ييمعون حشيش شي جي ويربطونه ويا مادري شو بعدين يسيرون الحديقه ويفرون هالشي في بحيره!*


وعن الكورسـات
منووو قااال انه الكورسات الثانيه مابتفيد البلاد؟؟ شي وايد كورسات مب موجوده عندنا والدوله تحتاجهم .. ليش يعني تظن الدوله تييب خبراء من برع؟؟:tounge: لانه هالخبراااء مب موجودين هني واصلن مايدرسون هالتخصص هني
ترا شي وايد اكسامبلززز احسن عن الباليه .. نفـس sports nutrition, criminology,effective dyslexia support
وعن الواين تستيينغ .. هههههههههههه بتصدق لو قلتلك انه هالكورس موجود في الإمارات وشي مواطنين يدرسونه بعد =) *والله العظيم موجود وبعد يرمسوون عن شو احسن انواع الخمور وليش هالخمور زينه والخ من اشياء!*


وعن البنت انه اهلها من يوم صغيره يقولولها بتدرسن برع .. أروم أعددلك * بس طبعا مابعددلكxp* فوق العشـر بنات الى أعرفهم معرفه شخصيـه .. وفوق ال 30 الى اعرفهم ك أسم!!!
حتى هالبنات مول مايي عباااااالهم يدرسووون في البلااد .. لانه خلاص اهلهم قالوولهم بتدرسون برع
واهلهم اصلن مايبونهم يدرسون في البلاد


الله يبارك فييك
عاديي خذووه مانباه xp يختنا اكبر واحلى:k_harhar1: حليله بوسعود زعل يوم درى =(

بس بغي اخبركم كلكم شي*لاحظت انه وايدين يحبون يقطعوني تقطييع يوم أرمس ويتحرووني ارمس على كيفي:glare: *

تراني انا مـــارمس عن شــي الا لو متأكده منه وشايفتنه بعيني!! اذا كان FACTS طبعا.. لكن لو راي .. ف طبعا الراي رايي!

[شمعة أمل]

in other hand,there are billions in homes

:fa34: :fa34: :fa34:

Our population has not reached one billion YET so how can there be billions???

Moreover, If women did not work, who would teach the children in the UAE? especially the girls?? No one! because your against women working which means your also against women being educated because without any women working, NONE of the women can be educated as there is no one to teach them =)

[أمواج]

.
.
.
يالسه فالصف الاخير
أشــوف الاحداث عراحتي
:a049:
.
.

[تحفه]

عادي كلّـه واحــد الحين

هاللي يتعلثون باسباب طبيعة البنت خل يكبرون عقلهم


ايام اول كلشي كان صعب
لكن الحين سهلت كل الامور

الشي الوحيد الي تحتاج له البنت ( او الولد ) هوا الرفقه الآمنه + تكون شخصيتهم مهيئه.


عن نفسي ماحب اسافر ونافي هالسن .. لأني ماحب اغسل ثيابي بروحي و اطبخ وانظف الحمامات واغير الشراشف etc

(قلت ما احب مب يعني ما اقدر اسوي D: )


ســــــلام.

[الـيـاه]

أكــــيد أنا ويا أن البنت ممكن تسافر وتدرس برع ..

ليش الشباب شو الزياده اللي فيهم عسب هم بس اللي يسيرون ويفكرون في مستقبلهم الدراسي والمهني ! :fa44:
لأنـه أكيد الدراسـه برع لها مستقبل أكــبر

كان عنـّا بنت عموه اللي أكبر عني بسنـه تدرس في جامعة باريس السوربون .. بس حمدالله فتحوها العام في بوظبي فـ ردت هني :a074: ..

وكان عــادي لانـه طبعا ً - أمها وياها - وها أهم شي عندي ( ليش بنتج ؟ XP )
أقصد يعني حق البنات بشكل عام .. أنه أوكي يسيرون يدرسون برع بس مب رواحهم

لاااااااازم يكون حد من الأهل وياهم ..
لكني مب ويا أنها تسير روحها :d014: بيرها من شعرها وبفرها اليوم الثاني على ولد عمها ( ول ) خخخخ اتمصخر

.
.
.

[مجموعة إنسان]

مع حد عادي ..
بروحها لا ...

[بريد ألكتروني]

ما زلت استــغرب .. الاخوات الفاضلات اللي وافقــن على سفــر البنت بروحها للخــارج ما زالن يغفــلن راي الدين في الموضوع :)
هل هو عناد يعني :P

مممم اذا تشوفون انه الريال شوفيه زياده عن البنت وليش يروم يسافـر وهي لا .. اوكي بعـد نقــدر نقــول الريــال شوفيه زياده يروم يتزوج اربع وهي لا .. لا فعلا لازم البنيه يكون لها نفس اللي يحق للريال ..(( يالله شو هالتخلف وين حقوق المرأة والمساواه .. ترا مافي فرق بين الريال والبنيه كلهم يتساوون هههه ))..

اذا تشوفون انه الدنيا تطورت وعدم الموافقه على سفـر البنت بروحها تخــلف فبننسى اشياء وايده بداعي التطور .. بس عشااان يقولون نحن مش متخلفين ..

[الـيـاه]

^

أنت قريت كل الرد والا لووول

[بريد ألكتروني]

اختي العزيزة الكـلام موجه للكـل بشكـل عـام .. :)

[الـيـاه]

لا بس لأنك اقتبست من كلامي عسب جي رديت عليك ..

[ولد الشحوح]

شرع الله واضح ومالي رايي غير اني احترم الشريعة واطبقها
بس حبيت اعقب على الجدال البسيط اللي صار حلو ان الحرمة تدرس وتشتغل بس اذا كان هذا على حساب ريلها وعيالها فأقول طز في الشهادة والشغل واقول انها انسانة متخلفة لو كانت تحمل شهادة دكتوراة بس انا احب الحرمة تيلس فالبيت في اعظم من تربية عيالج تربية صالحة كشغل ؟!؟

[عيون الليل]

ما فيـــه ع الصدعــــه . . . والتعليـــق . . والهذربـــان . . ياينـي صداع لـوول
عشــان جي انا اوافـق البعـــض و أخالـف البعـض الآخــــر . . .

تسـلميـن ع الموضوع . . عرفنـــا آراء الاعضاء والعضوات

[مــهــابه]

تـدرون شـو المشكلــه

احيـان تـقولـون شــرع الله وشــرع الله

الواقــع انكم تــذكرون( الله) فـالأشيــاء اللي تبونهـا ، وتنســون فالأشيــاء اللي ماتــبونها

ولـو كل ولـد وبنت طبق شــرع الله فــكل شي

كــانـت الدنيــا بخير !!..

[الارستقراطيه]

عن أبي هريرةَ رضيَ الله عنه قال: قال النبيّ صلى الله عليه وسلم: «لا يَحِلّ لامرأةٍ تُؤمنُ بالله واليومِ الاَخِرِ أن تُسافِرَ مَسِيرةَ يومٍ وليلةٍ ليس معَها حُرمةٌ». رواه البخاري

والله سبحانه وتعالى قال ( يا أيها الذين آمنوا أطيعوا الله و رسوله ولا تولوا و أنتم تسمعون )

و اختلاف الراي لا يفسد للود قضية

[تحفه]

يا ابني البنت تسافر تكون منقطعه عن اهلها؟ ولا محد معاها؟!

الحين شي سفارات وشي اقسام تعليميه تشرف على هالسوالف

وزياده عن ها .. الواحد ما بيعق ظناه وبينساه ......... طبعا بين كل فتره والثانيه بيزورونها

الخراب في كل مكان .. والحين حتا ونحن في بيتوتنا ولا مب في بيوتنا النتيجه وحده

ماتبون تتقبلون فكرنا لا تتقبلون ( وحيات الدفاشه )

[هزاايم]

كل ماادخل الموضوع اقول بخااطري اكتب الرد ولا لاء

بس بعد إللي شفته قلت خلاص بكتب

السؤااال جدييييييييييييييم يعني متكرر

يعني بالمختصر المفيد
إذ البنت معاها محرم يجوز لها السفر,,وإذ لا فكان بها ان اتكمل دراستها هنا
لكن عندي سؤال هذوول إللي يقولون سفر بدون محرم ومايجوز واذ بمحرم يجوز
القضيه ماتنتهي اهناا
القضيه تبدى بالجاامعه إللي بتروح لها تراها خلط
فهل تحتاج المحرم مناك:tounge:

مدري براايكم
انا كنت افكر ادرس برع لأن بكون ويا اخوي نفس الكورسات لكن ياحسره الولد ماتخرج :k_harhar1:
جامعاتنا ترحب بنا:1:

[بريد ألكتروني]

يوم كتبت ردي كتبته على اساس اللي شفته .. كنت في امريكا لمدة اربع شهور وحاليا في استراليا من سنة ونص . اسألو اي طــالب يدرس خارج الدولة هل ترضى وحده من خواتك تدرس بـرع بروحها .. بيقول لا وألف لا .. معنه في بعضهم كانو ما يمانعون هالشي قبل السفر للخارج والمفروض انه تفكيره استوى متفتح شوي عقب ما سافر . وانا مالومهم .. بصراحه من اللي شفناه بعينا .. من بعض اللي ما عرفن يصونن امانة اهلهن .. ومن بعـض اللي تبهدلت عيشتهن وهن بـرع .

واللي لاحظته انه اكثــر البنات الموجودات Free ومن عواايل Free في الاساس وتفكيرهم Open وايد .. فمالومهم يعني .. لكــن اذا بنتكلم عن دينا وعاداتنا وعيال بلادنا المتمسكين بها ماعتقد في بنيه بترضى عى عمرها ولا اعتقد في ريال بيرضى على هله هالشي .

ويا بابــــا للي يقـول انه طبيعة البنت مش عائق امام سفـرها اقوله انته غلــط وروح جــــرب . وخبرنا عن التجربة .
طبـعا هالطبيعة اللي انا اتكلـم عنها مش عيــب .. بالعكــس هذي احـلى شي وضعه الله في أرق مخلوق على وجه الارض :)

اختي هزايم .. هذا شـرع الله وشرع الله واحد .. اذا نسيناه ساعات فهي زلـة وانشالله ما بنكررها .. لكــن انه البنيه وولي أمرها يعرفوون انه سفرتها بروحها حــــــــــرام ويتجاهلون هالشي .. فالله المستعان .

بالنسبة لي هذا اخر رد عالموضوع وقلت اللي عندي .. اللي تــبا تسافـر تسـافر :k_harhar1:

رأيي صواب يحتمل الخطأ ورأيك خطأ يحتمل الصواب

[هزاايم]

^^تريد الصرااحه
انا مااقدر على فرااق أهلي ولا بلادي
وياما عشنا بالغربه وحنا وسط احبابنا

انا اقول كلن له دينه وعقله
يتشووار ويحسبها,,ترى محدن بيتحاااسب بعمل غييره

أخوي بريد إلكتروني
مثل ماقال المثل اسأل مجرب ولا تسأل طبيب

وارد واقول كلن بيتحااسب على عمله

والسؤاال على مااظن كان اهنا بالوااحات انطرى من فتره"يمكن ايام زمناات"

[تحفه]

انا ماعرفك شخصيا واحترم رمستك ورايك

بس انا مايعجبني يوم في ناس ( ماقصد حد ) يقعدون يقولون الدين والدين والدين ومن هناك هم ما يطبقون الدين كامل في عيشتهم



الحين بتحصل ثلاث ترباع الناس تقول لا للسفر البنت ومن هناك تسمع اغاني واتطالع اشياء وخلايع و يغشون و يحشون و يجذبون















وبس ..

تصبحون على خير

[قلم رصاص]

قد يتصور لدى بعض الأخوات أن المشهد في الخارج هو نفس المشهد الذي يعرض في أفلام السينما ولكن هيهات هيهات ، الغربه كربه " للبنات " وأمل للشباب فالغربه تعنى المستقبل ، ونستثني هنا من ترغب في دراسة الطب فقط.

قد يسأل البعض لماذا هذا القلم يصف الغربه بالكربه ؟؟
الجواب بسيط ،
لقد تربت الأنثى في المجتمع الإسلامي العربي على أنها جوهره يجب أن لا تخدش، فالغربه تجعل من هذه الجوهره عرضه لنهش من كل متسكع،

ت ح ي ا ت ي : قلم رصاص

[بنوتة جميرا]

شكرا لكم كلكم ع المشاركه والتفاعل الحلو
وسوري اذا اتاخرت عليكم
بس لاني بزي هاليومين
وهالاسبوع كله كوزات
فاسمحولي
واذا حصلت فرصه برد عليكم كل واحد بروحه

[ولد الشحوح]

إختي تحفة انا وياج ان الناس تطبق الشريعة فأشياء وتنساها أو بالأصح تتجاهلها فأشياء بس كلن وله زلاته بس في أمور كبيرة مثلا انا بقولج اني اسمع اغاني واسير السينما واجوف افلا م ها معناته اني ما اصلي وما انصح الناس انهم يصلون خلينا من الصلاة لانها عمود الإسلام قولي مثلا ما دام مثلا انا ادخن "مثلا" أقدر أقول انا عاصي ربي عاصي ربي خلني اشرب خمر ؟!؟ المقصد إن في أمور كبيرة
مجرد رأي وانا احترم كافة وجهات النظر

[بنوتة جميرا]

رجعت عسب اقول رايي
انا ضد سفر البنت لاكمال دراستها في الخارج
لو شو ما كانت الاسباب
حتى لو التخصص اللي تبغيه مش متوفر في البلاد
في اشيا بديله
وفي تخصصات كثيره
وبعدين البنت من طبيعتها انها ما تتحمل الغربه وفراق الاهل
صعبه ع البنات احسها
واللي يسافرون هذيل ما شاء الله عليهم
عندهم قوه تحمل وصبر
هذا رايي
وانا احترم اراء اخواني وخواتي كلهم

[جنون امرأة]

(بوزايد )
أنا مب فاضية دايما عشان أحرس الواحات ليل نهار و قت ما أكون فاضيه أدش
و ثاني شي أنا ما قلت متخلف عسب انك معارض سفر البنت انا قلت انه تخلف على فكرتك الي هيه انه البنت مهما يابت من شهايد بتم فالبيت ( و معنى هالكلام انه البنت عقب ما تخلص دراستها تيلس في البيت و ما تشتغل ) و هنا هذا التخلف و التفكير رجعي . :fa32:


(جنون امرأة)
هذا رايج و انتي حره فيه (اذا كنتي تعتقدين انه البنت مكانها في البيت عقب ما تخلص دراستها و ما تشتغل) انه هذا شي مب تخلف و مب تفكير رجعي فهذا الشي راجع لج.:k_icon9:

.. اختي ((أيــــــــامي الحزينه))

اذا انتي بتحكمين على أي راي يخالف قواعدج و مبادئج أنه متخلف و رجعي .. عيل واايد ناس متخلفين و رجعيين في عينج !...

أولا .. اذا قريتي ردي عدل ما اعتقد انج راح تردين عليه بها الكلام ..

عفوا .. كلامج ما ضايج بي .. بس حبيت أوضح لج رايي .. لاني من كلامج أعتقد انج فهمتيه غلط ..

أنا ما قلت أن البنت تتخرج و تيلس فالبيت .. لأن الموضوع يتكلم عن سفر البنت .. مب شو تسوي عقب ما تتخرج ..

و بعدين أنا من وجهة نظري إن بو زايد انسان مش متخلف .. هذا رايي ..

لاني ما حددت شو الكلام اللي هو قاله أو ركزت على شي معين ..


و كان هذا ردي .. ياليت تقرينه مره ثانيه .. عسب تفهمينه اكثر ..



السفر بشكل عام .. بأي شكل من الأشكال حرام .. ((بدون محرم)) ..

فإذا البنت تبغي تدرس تخصص مش موجود ف البلاد و أهلها مـقتــنعـيـن بها الشي ..

ف المفروض يطرشون وياها ((ريال)) ..

بس بعد هالفكرة .. أنا شخصيا مب مقنعة فيها ..

و أول سبب :

لأن الدراسة مختلطه فالخارج ..

و الناس اللي هناك .. أول شي ديانتهم غير و عاداتهم غير و كل شي فيهم غير ..

فما أعتقد إن البنت تقدر تتأقلم .. لأن ثقافتنا تختلف عن ثقافتهم ..



ملاحضة : ما أشوف إن بو زايد متخلف .. !!! ...

[جنون امرأة]

بس عسب ما أكون متخلفه ..

ممكن حد من الاعضاء يقنعني بها الفكرة ..

لأني أشوف بعض الاعضاء مع فكرة ((سفر البنت للدراسه)) لا و متمسكين في رايهم ..


فيا ليت حد منهم .. يقنعني ..


لاني مابي أتم رجعية في عصر التطور و العولمه !!!!!..........

[بريد ألكتروني]

بس عسب ما أكون متخلفه ..

ممكن حد من الاعضاء يقنعني بها الفكرة ..

لأني أشوف بعض الاعضاء مع فكرة ((سفر البنت للدراسه)) لا و متمسكين في رايهم ..


فيا ليت حد منهم .. يقنعني ..


لاني مابي أتم رجعية في عصر التطور و العولمه !!!!!..........


عزيزتي جنـون امـرأة .. مهما كـان رأيك فلا أحد يستطيع ان ينعتك بالرجعية او المتخلفة .. سواء كنتي ضد او مع ..

بالنســبة لرأيج فهو وسطي جدا وليس متشددا ولا متساهل . ( يعني ماسكة العصا من النص )

الله يوفقج

[بنوتة جميرا]

جنون امرأه
انا معاج الغلا في اللي قلتيه
البنت صعب انها تسافر لاكمال دراستها
مب عسب شي بس لانها بنت وماتتحمل الغربه شرات الشاب
شكرا غاليتي ع المشاركه

[بنوتة جميرا]

وشي ثاني
الي تفكر ان البنت مكانها البيت
فأنا معاها
يعني لو شو ما سويتي
ولو شو ما درستي
اخرتج بتعرسين واذا ريلج ماطاع انج تشتغلين
اكيد بتفضلين راحه بيتج وريلج وسعادته ع الشغل او الدراسه
واذا كان الزوج متفهم وحاب انه حرمته اتكون مخلصه دراستها
او انها تشتغل واتشاركه بالحياه بعد هذا شي طيب وحلوو
الله يوفق الجميع يارب