مشاهدة النسخة كاملة : الصيف قرب..السفر حان طاريه والا شو رايكم؟؟
بنوتة جميرا
15-03-07 ||, 07:47 PM
السلام عليكم ورحمه الله وبركاته
اشحاااااالكم؟؟
اليوم حبيت اطرح هالموضوع
واتمنى اتشاركوني وتعطوني رايكم
بما ان الصيف قرب
والوالد يبغي يحجز للسفر في الصيف
اليوم كنا يالسين يلسه عائليه
عسب انقرر وين بنسير ومنو اللي بيي معانا
ومنو اللي ما بيي معانا وبيسافر مع ربعه
حبيت اخذ رايكم في هالموضوع
لو كنت شاب
اتفضل السفر مع الاهل والا الربع؟؟
وليش؟؟
ولو كنتي بنت
اتفضلين اتمين في البلاد والا اتسافرين مع الاهل؟؟
وليش؟؟
بما ان السفر مع الربع ممنوع للبنات
اتمنى الموضوع يعيبكم
واشوف ردودكم الحلوة
اختكم.. بنوتة جميرا ..
تحفه
15-03-07 ||, 07:52 PM
مابي اسافر <,<
بنوتة جميرا
15-03-07 ||, 07:53 PM
تحفه
بلاج زعلانه الغلا
ليش ماتبين اتسافرين؟؟
بنوتة جميرا
15-03-07 ||, 08:45 PM
هي والله يالبدوي
اشتقت للسفر من الخاطر
السنه اللي طافت ماسافرنا
لان امي ربت
وكان عندنا نونو
فما رمنا انسير مكان
بس ان شاء الله هالسنه
بنسافر وبتكون السفره حلووة
اتمنى للكل اجازة حلوووه يقضيها في البلاد والا برا
شكرا ع مشاركتك اخوي
بوزايد
15-03-07 ||, 10:28 PM
ناس تطلع من الامارات
وناس تتمنى اليلسهـ فيها
عنيــ انا
هالصيف بيكونــ غير
بقول وداعا لندن اهلا الامارات
مستحيل اطلع من الاماراتــ ابا اشبع منهــا
بحر الموده
15-03-07 ||, 11:56 PM
وعليكم السلام ورحمة الله وبركاته
بنوتة جميرا
نحن بخير يعلج بخير
شكراً على الموضوع
عنى انا الصراحه مشتاق حق السفر وايد لكن ماعندى اجازه فى الصيف
بنخرف الرطب احسن لنا هع هع هع وماشىء ترى احسن من الامارات والكل يتمنى يزورها
اتمنى للى بيسافر ولى مابيسافر اجازه سعيده ان شاء الله ....وبخصوص السفر احلى واريح مع الاهل
والسموحه
الدلووووعة
16-03-07 ||, 12:07 AM
نحن الله يخلي دوام الوالد دوم اجازته تكون ايام مدارس
فماشي سفر ههههههههههه ويلس البلاد مافي احسن عنها ههه
تحفه
16-03-07 ||, 11:16 AM
ناس تطلع من الامارات
وناس تتمنى اليلسهـ فيها
عنيــ انا
هالصيف بيكونــ غير
بقول وداعا لندن اهلا الامارات
مستحيل اطلع من الاماراتــ ابا اشبع منهــا
:fa42:
بنوتة جميرا
16-03-07 ||, 12:02 PM
بو زايد
اكيييد اليلسه في البلاد غير واحلى
بس بعد الواحد يحب يغير جو
عسب يرد للدوامات فرش
ولو كنت مكانك
اكيييييييييييد بتم في الامارات
ولا بطلع منها
الله يوفقك يا بو زايد
وان شاء الله ترد لبلادك بخير وسلامه
شكرا ع المشاركه
بنوتة جميرا
16-03-07 ||, 12:05 PM
بحر الموده
صدقت والله
مافي احسن من الامارات
بس ان شاء الله تحصل اجازة في الصيف
عسب اتغير الجو
وحلو انك اتفضل السفر مع الاهل
اكيييد احلى
واتمنالك اجازة سعيده
شكرا ع المشاركه
بنوتة جميرا
16-03-07 ||, 12:06 PM
الدلوووعه
اتمنالج اجازة سعيده الغلا
وشكرا ع مشاركتج
قصايد غلا
16-03-07 ||, 12:53 PM
:fa55: ما أحب الـــســـفــــر ، الـــســـفــــر مـــمـــــل بالنسبة لـــي لأنه نحن 4 في البيت
وإذا بنسااافر لااااااازم بنمــل لــكن يوم نكون ويا خوالي وخالاتي وعيالهم ولا ويا قوم عمّوه يكون الــســـفـــر جذه :fa42:
بــس أنــا بشكل عام ما يهمني السفر لأني إذا سافرت أقضي وقتي كلّه في الرقاد ما أحب أظهر وااااااايد ، أحب يلسة البلاااااد
...
بنوتة جميرا
16-03-07 ||, 01:09 PM
قصايد غلا
اكيد سفر اليمعه احلى
مع كل الاهل
شكرا غاليتي ع المشاركه
الـيـاه
16-03-07 ||, 04:33 PM
وايــــد أحــب أسافـــــــــر :fa41:
بس شـرط مب صوب قوم شرق آسيـا وماعرف وين .. مع إني ولا مره سرت هاك الصوب لكن مابا أسير ..
:fa54:
ليـش أحب أسافـر ؟ لإنـا نستانس بكل معنى الكلمـة ( عنـّا وايد بنات فـ العايله ماشاء الله ) فـ إذا سافرنا نحنا وعمامي الأثنينه وبناتهم وأولادهم - تستوي السفره عـــــــــجـــــــيــــــ ـــــبــــــــــه :fa56: وكله ضحك
وثاني شي تغيير جــوّ :inlove: :fa41:
وثالث شي نسوي شوبينج :fa41:
ورابع شي نعرف وايد ناس من السعوديه - الكويت - البحرين مانشوفهم ألا فـ السفر :a074:
وخامس شي وايد نسوي مغامرات ومقالب تضحك :icecream:
واخــيرا ً نتعرف على هالبلاد إذا كنا أول مره نسيرها
وبس
.
.
.
شمعة أمل
16-03-07 ||, 04:59 PM
هوايتي السـفر .. أسافر عشان أرتاح .. سافرت يمكن خمس مرات أو أكثر السنه الى طافت:fa41:
كل سفره لها معنـى..
لو أسافر ويا أمي .. معناته انا مسافره عشان ارتاح وآخذ بريك من هالعالم:sleepy:
لو أسـافر ويا أهلي .. معناته نحن مسافرين عشان نتم ويا أبويـه ونستانس وياه :a050:
لو أسافر ويا أهلي & نشـل ربيعاتنا ويانا .. معناته نحن مسافرين عشان نرتبش:fa56:
وطبعا الاساسيات في كل رحله
- شوبينغ لأي شي يونيك مايكون موجوده في دبي:fa41:
- المغامره :b015:
- نتلاقى ويا ربيعاتنا .. وهالشي بس يستوي يوم نسير لندن:yes:
- نشتري شقق >_<:fa55:
أنا أحب أسافر وايد .. لكن ماحب أطول في السفـر .. يعني ماحب أصيّف في دوله نفس معظم العرب .. انا احب أسافر لـ اكثر شي اسبوعيـن .. واذا امريكا شهر..
ف عشان جي تحصلوني في الصيف أسافر 3 مرات:fa56:
بنوتة جميرا
16-03-07 ||, 05:17 PM
الياه
السفر شي حلوو ووناسه
وان شاء الله دوم تستانسين بالسفرات
واتمنالج اجازه سعيده هالصيف
بنوتة جميرا
16-03-07 ||, 05:19 PM
شمعه امل
حلوووة مغامراتكم
اتمنالج اجازة سعيده
شكرا ع مشاركتج الغلا
قلوب دبي
17-03-07 ||, 03:55 PM
السلام عليكم
السفر حلو ويا الاهل ولكن ايكون ثقيل
ومسؤوليات و ما تقدرون انه اتخلون اهلكم و تروحون عنهم
لازم حد من الرياييل وياهم يعني لانه نحن طبايعنا جي من يوم استوينا
اما ويا الربع فيكون السفر خفيف وحلو والتنقل مافي اسهل واريح منه
لا مسؤوليات و لا شيء انغير خطط الرحله في لحظات و نرسم خطط يديده و الترتيبات اسرع
وباختصار في كل حاله من الحالتين السفر ممتع
مع الاهل او الربع
ولكن تختلف المعايير
بنوتة جميرا
17-03-07 ||, 04:03 PM
قلوب دبي
صح
بالنسبه للشباب
كل سفره لها مزتها وحلاوتها
اتمنالك اجازة حلوووة وسعيده
شكرا اخوي ع مشاركتك
المفتاح
19-03-07 ||, 02:51 PM
بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته
اهلا اختى الكريمة بنوته جميرا
بالنسبة لى السفر من الامور الجميلة والمحببة لى كثيرا مع انى لا اسافر كثيرا
بيبب بعض الظروف التى تمر بي.
ولكن
سنه 2006 كانت من اكثر السنوات التى سافر بها
4 مرات الحج بالبر
1 مرة الحج بالطائرة
1مرة سوريا بالطائرة
طبعا انا مقسم نفسي للسفر مع العائلة والسفر مع الاصدقاء
طبعا الاهل واجب ان اسافر معهم لتغير الجو وهذا شي طبيعى.
فأنا كشاب افضل السفر مه الاثنين مع العائلة ومع الاصدقاء.
واتمنى لكِ يا اختى الكريمة اجازة سعيدة وممتعة انشاء الله تعالى
والله الموفق
اخوك المفتاح
بنوتة جميرا
19-03-07 ||, 03:19 PM
ما شاء الله عليك ياخوي
انا ولا مره سرت الحج
بس اكيد اتمنى
وان شاء الله في اقرب سنه
وانا كذلك اتمنالك اجازة سعيده
روضه
10-05-07 ||, 10:32 AM
انا أحب في الصيف,,كاتغييير....
اشويه نتبرد....
ابويه يحب من صغرنا يودينا...لندن.. والحين بلجيكا..
هل امي في المانيا...
ونحن في بلجيكا...
حلات هالسفره انك ادوركل اوروبا بالسياره ...بدون تذاكر وتأشيرات..(( اللي انشوفه عندنا في بلادنا العربيه ..خلووو العربيه...!!! الخليجيه العن والعن يبهدلونك في الحدود..المطارات...متى بنشوف اللي مستوي عند الغرب يستوي عندنا!!!؟؟؟؟...كل شي يسر...وماشي اسهل عنه..))
حلو السفر والله..ترتاح من تعب السنه ..وتتبرد بالجو الحلو..اللي يريح اعصاب الواحد..
والشوبنج...بلادنا بصراحه فيها كل المحلات العالميه..والراقيه اللي احلى من هناك...
الشي الوحيد اللي احبه هناك...وافتقده هنيه...
المشي..نمشي وااايد..ومانحس بالتعب..
كل يوم ما نرد الا للرقاد...
يستغرب منا ابويه ...دوم يضحك علينا...بناتي ارتاحوا ..هاي دوم كلمته!!
العائله الكريمه واقاربهم هناك..نجمع كلنا ونروح البارك...
وفي بارك بحري...لازم اتركبين سيكل عشان ادورين على الشاطئ !!!
عاد هذا احلى شي..اركب سيكل والله ...اعرف اسوق عدل..
والله نستانس هناك...
ايام حلوووه انقضيها..
بس فدييييت بلادنا ماشي احلى منها...
بنوتة جميرا
10-05-07 ||, 06:33 PM
روضه
صدقتي يوم انسافر عادي لو نمشي وايد ومانحس بتعب بسرعه
بس في بلادنا نمشي شوي خلاص هلكنا
يمكن الجو له تأثير
فدييييييييت بلادنا اكيد ما في احلى منها
شكرا غاليتي ع المشاركه
جنة عدن
10-05-07 ||, 06:48 PM
:k_blush-anim-cl: :k_blush-anim-cl: :k_blush-anim-cl:
طبعا لازم الواحد يروح عن نفسه شوي ويغير
وهذا منو شيء مشين
انا عن نفسي دوم مسافرة
وفي جميع مناطق العالم
بس
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
على النت
لا تستغربوا
انا وحدة تعرف بيتها والمدرسة
وهلا الجامعة
بس الحلو في زيارتي لها البلدان
على النت طبعا
شدتني الامارات كتير
وكاني عايشة فيهاوهذا الشيء يدل
على ناسها الحلوين الطيبين
ويارب
يتحقق حلمي واجيها
:k_blush-anim-cl: :k_blush-anim-cl: :k_blush-anim-cl:
زمان أول
10-05-07 ||, 06:48 PM
مرحبا خويتي بنوته جميرا
كل صيف احس بمزه لان السفر جرب واجوف كل الناس بسافرون بس هالصيف الله كريم شكلي ما بسافر مع اني باجز شهر 7 سافرنا قبل الناس شهر 1 وشهر 4 توني ياي من السفر واحس مليت من السفر
بنوتة جميرا
10-05-07 ||, 10:14 PM
جنه عدن
ان شاء الله يتحقق حلمج واتزورين الامارات
واقولج اياها من الحين
كشتاتج كلها علينا
ويامرحبابج غاليتي في بلادج الثانيه
شكرا ع مشاركتج
بنوتة جميرا
10-05-07 ||, 10:16 PM
البدوي
مرحبابك اخوي
حلو السفر تغيير جو
وان شاء الله شهر 8 بسافر
وان شاء الله نستانس كالعاده
شهر واحد يخفف ضغط السنه كلها