ليش نسمع الاغاني مع انها محرمه؟؟..ابا رايكم..

[بنوتة جميرا]

السلام عليكم ورحمه الله وبركاته
اشحاااااالكم؟؟؟
اليوم يا ع بالي هالسؤال
وحبيت اعرف راي الاعضاء فيه

ليش نحن نسمع الاغاني مع انها محرمه؟؟؟
هالسؤال يدور في بالي بس ماعرفت له جواب
مع انا نعرف ان سماعها حرام وعقابها شديد
بس بعد مستمرين في سماعها

انا عن نفسي يتني فتره ودرت سماع الاغاني
يمكن اكثر عن سنتين
بس بعد هالفتره ماعرف شو استوى بي
حنيت ورديت اسمع الاغاني

حبيت اسأل الاعضاء
هل انتو من محبين سماع الاغاني؟؟؟
اذا هي
شو اللي يخليكم تسمعونها؟؟
وبشو تحسون يوم تسمعونها؟؟
ومتى؟؟
يعني يوم المود يكون بافضل حال والا حزين؟؟
واذا لا
شو الاشيا اللي تخليكم تبتعدون عن سماعها؟؟

واللي عنده تجربه خاصه وحاب يطرحها اكون شاكره له

اختكم.. بنوتة جميرا ..

[الملهم]

لين الحين في اختلاف في العلماء بشأن الاغاني ..
في علماء يحللون او يكرهون الاغاني و عندهم ادلة مقنعه ..
وفي علماء يحرمون الاغاني وعندهم ادله مقنعه ..

الموهيم ..
لو بتحسبين الاشياء المحرمة اللي نحنا انسويها كل يوم
ما بنخلص .. يارب نسألك الغفران ..

الغيبة .. النميمة .. التأخر في الصلاة .. السب ..

الله يهدينا ..

شكرا على الموضوع ..

[تحفه]

لأن مجتمعنا يعير اهتمام اكبر للعادات والتقاليد وللعيب و ... أكثر من حرام او حلال

وطبعا هو نحن بنتعاقب عليه وو ............

الموهيم الي حابه اوصل له

إن المجتمع يتقبل اشياء و يرفض اشيا ثانيه ( حتا لو هالاشياء كانت كلها محرمه او محلله )

الحين مثلا ....

لو اثنينه امعرسين ملجو .. ممنوع يطلعون مع بعض رواحهم .. اذا حبو يطلعون ياخذون حد وياهم ( جنه مسؤول عنهم او بالاصح يراقبهم ويخرب عليهم وخخخخ ) معنه خلاص اذا ملجو يعني صارو في الاسلام نفس اي متزوجين

بس مثل ما قلت يعني .. في اشيا المجتمع يتقبلها والاسلام يرفضها و في اشيا المجتمع يرفضها و الاسلام يكون محللنه


ســــــــــــالفه فاضيه صح؟


يوم بشتغل بشتري لي سياره بوباب XP لاني اعرف الاسلام ماحرم وسائل النقل بوباب XP XP

[تحفه]

إسمعو التنقيعه الكبيره انتوا ........ لو اثنينه معرسين ملجو
بووووووووووووووم < مب طاخ بعد


يله peace بسير ارقد اظاهر اني خرفت

[مــهــابه]

فـي البدايـه أخـتيه أحب أقـولج أنه فـي أشيـاء كثـيره نـحن نسـويها ونـعرف انهـا محرمـه أو مشــوك مـب بس الأغــاني ، فـيمكن تـكون هـي غـفلـه ، او لا مـبالاه ، او طيش شبــاب مثـلاً









[/CENTER]حبيت اسأل الاعضاء
هل انتو من محبين سماع الاغاني؟؟؟

- أحيــان ويـوم أكـون ملانــه احط ع الأف أم وأيلس أسمـع ، أغـاني أو مقـاطع ، ونـادراً مـا اسمع وانا يـالسه ع النـت أو اني اشـتري كاسيـت أو شي من هالقــبيل اذا هي
شو اللي يخليكم تسمعونها؟؟

- فــراغ ومـلل ، امم أحيـان يـوم أسمع أغـاني ، أرسم فـبالي أشيـا وجيـه اممم ماعـرف شقــايل بـس انهـا تكـون تـرفـيه وتقضيــه وقــت
وبشو تحسون يوم تسمعونها؟؟


- انـا شخصيـاً مـاسمع إلا الأغنيه اللي تـعـيبني ، واللـي تـكون مواقـف واشيـا مريـت فيهـا انـا شخصيـاً أو احس بــهاومتى؟؟
يعني يوم المود يكون بافضل حال والا حزين؟؟
واذا لا

- يـوم أكـون مســتانسـه ، أو عــاديه، احـب أسمـع ، امـا لـوكنـت ضـايجه وسمعـت أغـاني اضيج اكثر فـما اسمــع
شو الاشيا اللي تخليكم تبتعدون عن سماعها؟؟


- انـا عـندي شي أني لـوتعـودت وقـطعت الأغـاني يوميـن او 3 خــلاص أقـطعها وماسمــعهـا وايـد
فـنفس الوقــت احس اني اسمعـها بس لتـمضية وقـت ، فـ الأشيـا اللي تـخليني ابـعد عـنها

أولـها اصـراري اني مـاسمع هـذا يمكن يـخليني ما اسمع :)واللي عنده تجربه خاصه وحاب يطرحها اكون شاكره له





[/CENTER]

[بوزايد]

لا تعليقــــــــــــــــــــــــــــــ

[ألم ترى]

بسم الله الرحمن الرحيم ..

لئن كل شيء حرام تكون فيه لذه ! ..

الله المستعان ..

[شوق القلوب]

الســــلام عليـــــكم...


لـــو الــواحـــد صـــدق اتخيـــــــل انه بكل اغنيه يسمعهـــا كـــأنه يصـــب في اذنيــــه حـــديد مصــــهور ..


يمكــن ساعتها يفــكر مره ثانيه .. هل بـيقــدر يستحمل يوم القيامه حرارة هالحديد و لا لا ..؟؟

وعقــب.. يقرر.. يسمع ولا لا !!

..

..


" تخيـــل ثاني..
..

في الجنه .. الانســان يحصل اللي يتمناه.. شووو ماكــان..

فـــلو كــانت الاغاني ممتعه له في الدنيــا... فأكيــــــــــد بيقدر يسمع أحلى الاغاني في الجنه "

بس لو يقدر يمتنع عنها الحين..

..
..
..

صح في امور وايد غلط انسويها كل يوم في حياتنا.. بس هذا مب معناته انه انكمل و انعيش الحياه مثل ما فيه.. عيل ويـــن جهــاد النفـــس؟؟؟ لازم نبدا انغيـــر و انحــاول.. مره و مرتيــن و ثـــلاث..

و كــم يســـوى.. انه العبد لو رجع لله سبحانه و تاااااااب عن اللي كان يســويه.. ربي يبــدل كــــــــــــــل سيئاته حسنـــــات..


يعني انت اليوم .. ولو في اللحظه قررت انك خلاص ما تســـمع الاغاني.. و تبت و ندمــت... ربي بيخلي سيئاتك اللي خذيتها من الاغاني كلللللللللللها حسنـــات..

..


في شي أحـــلى من جيـــه ؟؟

شو تتـــريوون عشـــان تتخــذون هالقرار... و في هاللحظه..؟؟؟

و أي انســـان قرا كلامي هذا.. او اي حد نصحه و ما ترك الاغاني.. ربي باجر يوم القيامه بيقوله يا فلان.. ترى كانت جدامك الفرصه.. بس شيطانك كان يتحكم فيك.. وما استغليت فرصتك..

و اللي ان شاء الله .. بيعزم و بيتخذ موقف حازم في هالامور... بيكون من اللي يحبهم ربي و يــبالهم الهدايه ..

قال تعالى : " إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء وَهُوَ أَعْلَمُ بِالْمُهْتَدِينَ (56) " سورة القصص

[بنوتة جميرا]

برد ع اللي بقدر عليه الحين
لان كلاسي بيبدى عقب شوي
والبقيه بعد ما اخلص الكلاس

[بنوتة جميرا]

الملهم
كلامك صح
لو بنحسب الاشيا الغلط اللي نسويها ما بنخلص
بس انا البارحه يا ع بالي هالسؤال
لين متى بنتم نسمع هالاغاني ؟؟!!

شكرا ع المشاركه

[بنوتة جميرا]

تحفه
سماع الاغاني ما يخصه بالمجتمع
المجتمع يقولنا سمعوا الاغاني ؟؟!!
في هالشي كل شخص ونفسه
هو اللي يسويه بارادته

شكرا ع المشاركه

[بنوتة جميرا]

مهابه
يمكن الغفله هي اللي اتخلينا انسوي الاشيا المحرمه
ومنها سماع الاغاني
وشكرا غاليتي ع مشاركتج

[بنوتة جميرا]

بو زايد
في انتظار رايك
ما نرضى بـ لا تعليق
اكيد عندك راي
وحابين انك اتشاركنا رايك

شكرا بو زايد

[بنوتة جميرا]

الم ترى
فعلا الاشيا المحرمه عندنا تكون لذتها غير
طبعا هالشي يصير لان الشيطان يزين لنا الحرام
الله المستعان

شكرا ع المشاركه

[بنوتة جميرا]

لي عوده يا شوق القلوب

[الملهم]

نسيت اجاوب على سؤالج ..

بالنسبة لي ..
مرات ابا اعيش في جو هادي فاسمع اغاني هادية وكلمات اتعيشني في عالم وردي وفي بستان وزهور وورود حولي ..
مرات ابا اعيش في جو ربشة فاسمع اغاني ربشه وكلمات اتنشطني واتنشط ذاكرتي ..

بس في الاخير .. الاغاني هي سبب الحزن والضيق ..
والقرآن سبب الراحة النفسية والاقبال على المولى براحة وسعادة ..

العقل يفهم ويدرك .. ولكن النفس تابى وتقبل على الشر ..
فكل ممنوع مرغوب ..

اشكرج مره اخرى على الموضوع .. ^__^

[تحفه]

تحفه
سماع الاغاني ما يخصه بالمجتمع
المجتمع يقولنا سمعوا الاغاني ؟؟!!
في هالشي كل شخص ونفسه
هو اللي يسويه بارادته

شكرا ع المشاركه
هلا مرتين
:b015:

أوكي .. انزين بنقول مثل ما انتي قلتي ما يخصه

بس مثلا .......

ليش نحنا نتقبل البنت الي اتطلع جزء من شعرها ( قصتها ) و ما نتقبل الي عاقين الشيله ؟؟


ترا كله حرام .. ولا في نص حرام وفي حرام كامل؟ :fa56:


من رايي هذا كله ماخذينه من البيئه ...

المجتمع يشّكل افكارنا وطريقة تفكيرنا ..

-------------


على فكره هذا مب رايي .. هاي تجربه سووها في دبارتمنت علم النفس في البحرين / قطر / السعوديه

[فركوشه]

امم انا يتي فتره ودرت الاغاني بس عقب رديت اسمع..

تدرين كل ممنوع مرغووب..

[فركوشه]

ادري عذر اقبح من ذنب

[الملهم]

نسيت اقول بعد ان الاغاني تبعدنا عن طاعة الله وتحجر قلوبنا ..
صح ان الاغاني اتخلي واحد قلبه رقيق ورهيف الاحساس ورومانسي ..

بس تجاه رب العالمين يكون بعيد ونادر ما يدمع عيونه ..

[بنوتة جميرا]

شوق القلوب
شكرا ع الكلام اللي قلتيه
والنصايح الحلوه
وفعلا لو الواحد فكر جي بيبتعد عن الحرام

شكرا ع المشاركه

[بنوتة جميرا]

الملهم
شكرا مره ثانيه ع المشاركه
وكلامك جدا حلو

[بنوتة جميرا]

تحفه
يمكن المجتمع له تأثير ع اشيا محرمه ثانيه
وانتي يبتي مثال
بس سماع الاغاني من وجهة نظري ما يخصه بالمجتمع
يخصه بالفرد روحه

شكرا مره ثانيه ع المشاركه

[بنوتة جميرا]

فركوشه
صح ان كل ممنوع مرغوب
بس هذا مب عذر

شكرا غاليتي ع المشاركه

[دموع قلم]

اسمحـولي..
بـس حبيـت أعقـب على رد أختنـا ..



عـزيـزتــي تحفـــة ..

اممممم منـو قـال ان نحـن نتقبـل البنـت اللي تطلـع قصـتهــا .. ؟!!

أبـدا ما اتقبــل.. بالعكــس.. استغـرب يـوم أشـوف بنـت مطلعـة قصتهـا وهي ظاهـرة مـن المـدرسة
وجـدام أخوهــا ولا أبـوهـا.. من صدق خاطري أقولـه أنت شـو ما تستحـي ع عمـرك.. ماتغـار على
اختــك.. ما عنـدك شخصيــة.. وأدري أن هالبنات عنــدهن أخـلاق والنعم فيهن.. بس يعني سالفــــة
القصـة هذي ماظن ضروريـة.. من صدق .. بحشمتهن أحلـى وأروع .. ؟!!!


لكـن للأسـف.. الحين صـاروا هالشـي عـادي عنـدهم..
بالرغم من أن اثمـه أظنـي أكبر من اثم سماع الأغـانــي .. !!



ووووو السموحـة منـج تحفتنــا .. :smile:

[الدلووووعة]

تسلمين اختيه عالموضوع
بس ياختيه على قولتهم كل ممنوع مرغوب
وعني انا ماحب اسمع وايد اغاني
ناااااادر ما أني اسمع

مابقول ما اسمع لا اسمع بس نادر وعاد يوم اسمع اكون صدق داقني الهوى ^_^

[بنوتة جميرا]

دموع قلم
شكرا عزيزتي ع المداخله

[بنوتة جميرا]

الدلووعه
ان شاء الله
باصرارنا وارادتنا ما بنسمع الاغاني مول

شكرا غاليتي ع المشاركه

[عمة العيم]

الحمد لله انا اصدع يوم ااسمع اغاني

سوووبحان الله في الاعراااااس كله اغاني

ولو حطينا اناشيد بيقولون عزا

مع ان الكلمات غير حزينه

هالشي استوا في عرس اختي

ههههه

الله يهدي الجميع

تسلمين عالموضوع بنوتتنا

(^_^)
...

[بنوتة جميرا]

حتى انا في عرس وحده من خالاتي حطينا اناشيد
وكان رووووعه
والناس كلها استانست

شكرا غاليتي ع المشاركه

[الـيـاه]

بالنسبـة لي أنا شخصيا ً ! هي سالفة ( تعـوّد ) مش أكــثر ..
ولأني أنوجدت في مكان محد يسمع فيه أناشيد .. صراحه أقولها يعني وما استحي ..

وبعدين
تعلمت أعزف بيانو من المدرسة .. ونص بنات أهلي يعزفون على آلة معينة .. يعني ستويت وايد أسمع موسيقى + ستويت أسمع من كل النواحي أغاني بحكم الشعراء اللي فالعايله So !
أكيد ما بطلع غـــير

لكـــن
ها ما يمنع أني أحب أسمع أناشيد وحافظه وايد أناشيد =)

[راعي الزعـامه]

انا اسمع الاغاني بس في السيارة وتحديدا يوم ارد من الدوام

حاولوا شوي شوي تقطعون الاغاني واتغلبوا على بيئتكم اللي عايشين فيها
وانا بحاول وياكم ،، :)
والله يهدينا ان شاء الله

[أنامل قلب]

بالبداية ..
اختي بنوتة جميرا ..
لج الشكر على طرحج واهتمامج ..
وباذن الرحمن لج أجر كل من فكر يترك هالوباء " بعيني وباء " ..
أو حتى حاول أو علم من حوله بسؤالج ..

أما عني ..
فأشوف الصراحة إن الظيجة اللي تسببها الاغاني الدوم برايي أكثر عن النص ساعه اللي بستانس فيهم ..
بس مشكلتي إني لمن أقعد بمكان مشغلين فيه أغاني وغيره ما أنش ..
خاصة كون الاهل الكرام كلهم يسمعون @_@ .. >>
>> واهني أحب أنبه إن مب شرط دام الواحد عايش بوسط ناس طايحين بذنب معين أسير ألاحقهم لأني وسطهم ..
مب عذر طبعا ..
فلكل منا راي وفكر خاص بشخصه .. ومحد بيشل اثم غيره .. ولا بينفعونا اهالينا بيوم بنتحاسب فيه ..

" وإذا قيل لهم اتبعوا ما أنزل الله قالوا بل نتبع ما ألفينا عليه آباءنا
أَوَلَو كان آباءهم لا يعقلون شيئا ولا يهتدون " .. البقرة ..

وبالكفة الثانية ..
يمكن أكون البذرة اللي بتنمي هالشغله الطيبة بأهلي ..
فليش أغفل عن هالشي ..

كما إن" من ترك شيئا لله عوضه الله به خيرا "
والنية شي أساسي اهني ..

وكلنا يدري إن محد ضامن عمره ولا خاتمته ..
مافيني أموت وانا أردد اغنية فلان ولا علان .. #_# ..

مابقول ان الشغله سهله .. خاصة لمن يكون الشخص يميل للعواطف وسوالف ويعني الخ ..
ويمكن لازلت أزل احيانا كثيرة واحط لي هالالحان والموسيقى الهادية ..
كلاسيك مثل مايقولون ..
وان شاء الله أتم مودرتهم ..

.
.

لكن حبيت بعد قبل لا أوقف هذربتي أذكر نقطة جدا مهمة ..
ان الراحة اللي تنزل على بني آدم لما يودر هالأغاني شي ماينوصف ..
جد .. وربي شاهد ..

راحة ماقدرأوصفها ..
كأن روحك تتجدد .. سبحان الله ..
يعني مثل ما يقولون .. هم وانزاح ..

والايمان عند بني آدم يزيد .. وهي الشغله اللي تنقصنا عشان نودر هالعفن ..
وقلة استشعار الذنب من الاشيا اللي تعيبنا ..
ومحاسبة النفس بعد .. متجاهلين >> حاسب نفسك قبل أن تحاسب ..

.
.

وعسانا كلنا نتجرد من هالوباء اللي قام أثرفساده يزيد بطريقة فظيعه ..
وهذا شي واضح للكل ..
ومن علامات الساعه ..
وماظني أحد منا يحب يكون من اهل هالفساد .. لان آثاره مب الا اثم الاستماع للأغاني وبس ..
ترى إثم يجذب إثم .. خاصة الاغاني ..

وعسى ربي يجردني منه ..

.
.

اختي بنوتة جميرا .. أتأسف عالاطالة ..
لكن موضوع الاغاني فعلا صار شي مب طبيعي ..

ولكل من يحاول الفج عنه ابلاغ من حوله ..
عشان يساعدونه على هالفعل .. ويكون له الأثر عليهم أيضا ..
كما إن نقدر نفتح موضوع عن كل من نوى فعلا ترك هالعفن ..
وكل ما زل أحدنا يحط رد بذلك .. ويقعدون باقي الاعضاء يزيدون من همته ..
وهذا لمن يبغي ذلك فعلا ..

.....

وتقبلي منيجل ودي واحترامي ..
اختج أنامل قلب .. >>> وسرني صدقا طرحج حبوبه .. ^_^ ..

والسموحة مرة ثانية ..

[بنوتة جميرا]

لي عوده للرد عليكم
لان عندي كلاس الحين..خخخ..

[بوسلطان]

لــي عـــودة.. **__**

[المحاق المشتعل]

السلام عليكم ورحمة الله وبركاته

في بداية إضافتي أشكر طارحة الموضوع واثني على هذا الطرح الجميل
فعلاً نحن محتاجين نتبين من هاي الإضافات وين نحن ووين وصلنا
وشو إلي نقبل عليه.
أِشكرج من الأعماق أختي الكريمة بنوتة جميره
وقبل ما ابتدي احب اقولكم انه ردي يمكن يكون طويل إلي يحب يقراه
يقراها وإلي ما يروم لا يجهد نفسه بس أطلب منكم الأعتذار المسبق على الاطاله
...
انا من نشأت ونشأت عندي هواية الرسم
والرسم يباله نفس هاديه في غالب الأحيان ويساعد مضاعفة القدرة في
الرسم الشعور الداخلي من موقف محزن أو مفرح أو غيرهم
والموسيقى الهاديه كانت لي في بداية حياتي كنقطة قوة في الرسم
يوم اسمعها أتعمق اكثر في اللوحة .. ونفس الشي الاغاني
وكنت حتى اكتب كلماتها في لوحاتي القديمة
كنت دايماً أختار إلي اسمعه بعناية شديدة ولازم يكون على سيدي
عشان يكون واضح ولازم يكون الصوت عالي
فكنت اسمع وايد وابالغ وخصه يوم كنت ارسم
تميت على هاي الحالة مده طويله من الزمن
لين ما سمعت يوم من الايام قراءة الشيخ أحمد العجمي
وايد كنت اتأثر بقراءته وكنت استغرب انه كيف القرآن الكريم ينقرأ
بهذا الاسلوب البديع من ذاك الشيخ الجليل
ولكن ما ان توقفت عن استماعه إلا ان اجد
نفسي قد رجعت لتلك الموسيقى :shutup:
عقب فترة كنت اسوي اشرطة منوعات حق ربعي عشان اسمعها
وياهم في سياييرهم ويت مرة سويت 14 شريط وقلت بوزعهم
لأن الشريط نال اعجاب اكثر إلي سمعوه ... :shutup:
فقالي شخص ما اتذكره منو بس ما انسى جميله ابدا
مع انه كان يسمع اغاني
قالي انته بتسوي هاي الاشرطه كلها وبتوزعها كم
اثم بتحصل يوم هم يسمعون كل هاي الالحان والكلمات الغزليه
وغير وغير؟
وايد أثر فيني هالكلام انه ما خلاني اعرف الراحه من يومها
وعقب فترة سمعت من صديق يقول حق صديق آخر عازف على آلة العود
أتخيل إنك على كل لمسة وتر تكتب لك فيها إثم ... كم ستجني من الآثام ؟
هالموقفين اثرو فيني جداً.. وعقب مع الاستماع .. كنت افكر
انا يوم اسمع .. حالي من حال إلي يعزف .. آثامي ما تتوقف..
يعني إذا يلست على رسمة كمن ساعه خلنا انقول 3 ساعات
وخلال هاي الساعات المسجل كان شغال ... ونحن ما نعرف كيف طريقة
تسجيل الملائكة للآثام .. يمكن على الكلمة الغزلية أو المب زينه إثم
واللحن إثم وكل جزء بسيط من اللحن إثم
عيل كم جنيت في هاي الساعات المتواصله ؟؟؟
أوكيه
كيف بيكون رصيد إنسان ليل ونهار وهو في سيارته وهو يسمع هاي
الاغاني . كنت وايد افكر في هاي الامور بيني وبين نفسي ومع هذا ما
كنت احط حد حق عمري.. بس سبحان الله مع كثرة الاستماع يغلبني الضيج
إلي ماعرف شو سببه .. احس إني امل واحاول إني اعالج هالإحساس
بتغيير الشريط أو الأغنية أو أغير المطرب لمطرب آخر.. لكن تكون النتيجه
في النهاية نفس الشي.. شو هو السبب يا ترى ؟
انا ماعرف شو السبب بالضبط لكن هو شي غريب انه انسان يبتدي يسمع
وبعدين يضيج من كثرة الاستماع .. والاغرب منه انك ما تقدر تمتنع عن الاستماع بعدين
...

مع الايام فكرت شو بيصير لو ودرت الأغاني ؟
هل بتنتهي الدنيا ؟ هل بعيش في ضيق ابدي ؟
هل بكره حياتي ؟؟ فعلاً هالشي وايد كان شاغل بالي
حاولت اودر فترة بفكرة الاشرطة البديلة منها الشلات أو الأناشيد
لكن رجعت مره ثانيه حق الاغاني
وانا نوعيتي وايد متأثرة عند الاستماع
كنت يوم اسمع اسرح وعادي اسوي حادث
فيوم من الايام اشتريت سياره يديده .. وأول ما سجلتها في المرور
حطيت فيها شريط وثاني يوم سقتها سويت حادث واتكنسلت السياره
مادري شو إلي خلاني اقول انه هالشريط هو السبب
كانت الحوادث إلي كنت اسويها غير معدودة وغالباً ما تكون يوم اسمع هاي الاغاني
ولكن بعد تلك الحادثة قررت اني اودر الاغاني وكان في البداية قرار صعب
...

مع الأيام كان اثر الادمان يسري في دمي
وإيدي تاكلني ابا اشغل المسجل اسمع
قلت في خاطري .. ليش ما اسمع قرآن من عدة مشايخ وادلع عمري
بعدد المجلدات مثل ما ادلع عمري سابقاً بعدد أشرطة الأغاني ؟
قمت أسوي هاي الطريقة وكان لها تأثير جميل بشكل ملحوظ في نفسي
ومع الايام وكثر الاستماع للسور الكريمة والمشايخ ذوي الأصوات الجميلة
اصبحت بعض السور الكريمة سهلة الحفظ
وكل كلمة تتلى لها وقعٌ كبير ٌ في قلبي وعقلي
مع انه كان في بقايا للإدمان الموسيقي
.. واتذكر عمري قبل واشوف عمري اليوم
في السابق إذا سمعت في الإذاعة قراءة القرآن ( أستغفر الله ) النفس الأمارة
بالسوء تأمرني بتغيير القناة بسرعه
لكن اليوم مجرد إني اشغل القرآن سبحان الله أحس باندماج فضيع
ما اعرف كيف افسره .. والشي الاغرب إنه كل ما أسمع نفس السورة
اتمر عليه آيات أوقف عندها واقول كيف هاي الآية انا ما وقفت في تفسيرها قبل
وهذا بسبب قوة الآية وقوة تفسيرها
على سبيل المثال ( الم * ذلك الكتاب لا ريب فيه )
لمذا ذكرت الآية بلفظ ( ذلك ) ولم تذكر بلفظ ( هذا )
والتفسير كما سمعته من الشيخ القارئ / سعد الغامدي
أتت في هذا الصياغ وذلك لعلو شأن هذا القرآن لذا أتت بصيغت ( ذلك )
فسبحان الله من كلمة واحده تحصل عند التفسير على معنا قوي يجعلك تتفكر كثيراً
في عظمة قدرة الخالق عز وجل .
المهم بعد فترة وعقب ما تركت الاغاني والموسيقى بتوفيق من الله تعالى
يت فترة الصعوبة وإلي يعاني منها غالبية الناس ( رفقاء السوء )
أو أحياناً كلام الناس الفاضي
فكنت امودر الاغاني ولكن كنت اسير السينما بغرض مشاهدة الافلام
أو كنت اسوي نشاطات أخرى مثل لعب الألعاب الالكترونية ولكن ليس بنية الاستماع للموسيقى
كانو اصدقائي يبغون يشغلون الأغاني في سيارتي وانا كنت ما اخليهم
طبعاً عن طريق الراديو
فكانو يقولون ... انته قاص على عمرك .. اسمع يا ريال الاغاني شو ها احينه ولا شي
يوم اتجاهلهم يحترقون .. ويلجؤون لأسلوب آخر
انهم يشغلون غصباً عني .. ابنده عنهم
في النهاية يكون كلامهم المحبط مثل غالبية إلي يسمعون
أغاني ويبغون يجرفون إلي ما يسمعونها عشان يكونون متساويين
أو احيانناً تنتج عن غيرة انه فلان ترك الاغاني ليش نحن لا .. لازم انقص عليه وانخليه يرجع
فيكون ردهم :

أحينه ليش قاص على عمرك ؟ تراك اتشوف افلام .. وتلعب ألعاب ..
وكل هذا فيه موسيقى .. عيل خلاص اسمع الاغاني تراك ماستفدت شي
.....

مجرد انه الانسان المتحمس لترك الاغاني يسمع هالكلام يجيسه احباط ويرد يرجع
للأستماع عادي كما السابق.. لكن لا

أنا في هاي النقطه لي راي

أنا اشوف هاي الخطوة أفضل من انه الانسان يستسلم لهالكلام
لأنه الرسول الكريم ( عليه الصلاة والسلام ) يقول بمعنى الحديث
من ترك شيءً في سبيل الله ابدله الله خيراً منه .

فاتخيلوا انكم تخطون خطوة مثل هاي ولو كنتوا اتسوون باقي نشاطاتكم
بتكون افضل من الاستسلام وعمل جميع الاشياء معاً .

لأن الشيطان إيي للشخص ويقوله نفس ما يقولون له شياطين الانس
ليش تسمع موسيقى اللعبة أو الفلم الفلاني ومن الصوب الثاني ما تسمع موسيقى
يلا خل عنك انته قاص على عمرك سير اسمع واستمتع

وهاي الحاله شبية بالمدخن
إذا كان يدوخ شيشة و سجاره في نفس الوقت
وحاول انه يترك التدخين في يوم ... يمكن الادمان إلي فيه
ما يسمحله يترك الاثنين معاًُ
لكن يترك صنف واحد إذا صعب عليه الامر في البدايه
وبعدين يبتدي يترك الثاني وهكذا

...
واليوم وسبحان الله
والله يوم اسمع الاغاني بالغصب مع شخ ولو كان اللحن جميل
والله أحس ابضيق كبيييييييييييييير لا يوصف في قلبي
واحياناً اتم طول اليوم مضايق والسبه هالشي
ويوم اسمع القرآن وايد اطمن ... والحوادث إلي كنت اسويها تكاد تكون
معدومه اليوم ولله الحمد .. واستانست وايد من شيء
أحد طلاب العلم قالي أنه استماع القرآن قد يكون اجره مساوي ٍ لقراءة القرآن
وهو أعظم الذكر ... يعني إذا كنت تسمع القرآن دايماً في سيارتك
وعلى كل حرف حسنة والحسنة بعشر أمثالها
يعني ( الم ) ( ا ) حسنة ( ل ) حسنة ( م ) حسنة وهي 3 حسنات في عشر امثالها
يعني 3 ضرب 10 = 30 حسنة على كلمة ( الم ) فقط
فشو رايك في كم ساعه من الاستماع ؟ كم حسنة بتكون في رصيدك ؟
وشو رايك في التأمل والتفكر؟ يمكن يكون له اجر ثاني
وغير انك استثمرت هالوقت في الانتقال من مكان لين مكان بذكر الله سبحانه
( والذاكرين الله كثيراً والذاكرات أعد الله لهم مغفرة ً وأجراً عظيما )
كل هذا وغير انك مع الايام اتشوف عمرك حفظت الكثير من الآيات والسور
وبتتحسن تلاوتك عند القراءة وبتزيد حلاوة تلك القراءة .

فإذا بغيت تسمع القرآن لازم تختار الصوت إلي يعجب ذوقك
مثلاًَ أنا أحب اسمع قراءة الشيخ مشاري بن راشد العفاسي
والشيخ أحمد العجمي والشيخ ابوبكر الشاطري والشيخ توفيق الصايغ
وكل سورة يمكن يكون فيها اختلاف في نمط القراءة لكل مجلد لشيخ ٍ واحد
فإذا لم يعجبني اسلوب شيخ معين لقراءة أحدى السور
أبحث عن قراءة أخرى لنفس السورة ولكن لشيخ آخر
وبهذه الطريق اقرأ معه واستمتع لأسلوب الشيخ الآخر وهكذا .

آسف عالإطالة
والله جداً عجبني الموضوع وحبيت احط شيء صارلي في حياتي يمكن يكون ذا فائده
ومن خلال تجربتي ما في شي صعب إذا كانت العزيمه موجوده
بس عزمو على ترك الاغاني واتجاهلوا اي عائق كان وشوفوا النتيجه كيف بتكون

شكر خاص لطارحة الموضوع
مع باقة ورد جميلة

كل تحياتي القلبية لكم

محاق

[المحاق المشتعل]

لي إضافة نسيت احطها وهي مهمة جداً
من الأغاني إلي نسمعها في زمانا هذا أغاني أستغفر الله ماعرف كيف
فيها شرك بالله بشكل ملحوظ وبعضها الكثير فيها كفر والعياذ بالله
مثل ما تقول احد الكلمات لكثير من الاغاني ( وحياة عيونك ) ( وحياة ... ) ( وحياة ... ) إلخ
حرف الواو في هذا الموضع يدعى ب ( واو القسم ) وواو القسم في الشرع لا يأتي
بعده إلا أسم من أسماء الله سبحانه وتعالى إلا ما أقسم الله تعالى عليه في القرآن الكريم
كقوله جل في علاه ( والنجم إذا هوى ) ( والفجر ) ( والعاديات ) وغيرها من الأيات الكريمة
التي يقسم الله فيها بمخلوقاته وهو خالق ُ كل شيء ٍ ومليكه يقسم بما يشاء سبحانه
.. اما نحن كبشر فلا يحق لنا هذا كما هو الحال في اغلب الأغاني التي تصدر في
هذه الفترة.. وترى في بعض الأغاني مقولات قد تكون كفرية
منها من يخاطب عشيقته ويقول انه سيسجد لها أو ما شابه
أوصل الحال للسجود لإمرأة ٍ فانية .. والحي القيوم أحق ُ ان يسجد له
قال تعالى في كتابه الكريم :
( وأمر أهلك بالصلاة واصطبر عليها لا نسألك رزقا نحن نرزقك والعاقبة )

[عمة العيم]

سبحان الله

صحيح كلامك يا محاقنا

و يزاك الله الف خير على هذا الرد

(^_^)
...

[المحاق المشتعل]

العفو عمتنا

:8:

[أنامل قلب]

ما شاء الله ..
كاهو أخونا المحاق المشتعل طرح لنا تجربة شخصية يمكن احنا غلبنا التردد فمنعنا من نثرها ..

وأنا أقول له أحسنت بردك ..
وأجبت عن أمور كثيرة باسلوب متسلسل لتجربة شخصية .. >> حفظك المولى أخي ..

كما انه تطرق لنقاط جد مهمة أتمنى من الكل يقراها ويقارن ..

والشكر الجزيل له ولكل من ساهم بالموضوع ..

لا حرمكم ربي المثوبة ..
وجعل أيامكم كلها راحة وطمأنينة .. بجميل حبه لعباده يارب ..

......

احترامي لكم ..
والسموحة ..

[بنوتة جميرا]

الياه
الصراحه اعارض كلامج
حتى لو انتي من عايله تسمع بس الاغاني
ليش ما تكونين انتي غير
يطلع الخير منج انتي بانج تسمعين اناشيد
كم وحده من العايله بتقلدج او بقول بتسوي شراتج
وجي كل وحده بتغيرين تفكيرها لج الاجر انتي بعد

شكرا ع مشاركتج غاليتي

[بنوتة جميرا]

راعي الزعامه
الله يهدي الجميع يارب

شكرا ع المشاركه

[بنوتة جميرا]

أنامل قلب
العفو غاليتي
وكلامج وايد وايد وايد حلو وعيبني
الصراحه ماحسيت بطوله
لان الاسلوب فيه حلو بعد

شكرا عزيزتي ع المشاركه الطيبه

[بنوتة جميرا]

المحاق المشتعل
عفوا اخوي
واشكرك كل الشكر ع طرحك تجربتك
وان شاء الله تكون لنا عبره وعظه
اشكرك جزيل الشكر والله
واستانست وايد وانا اقرا ردك
وماحسيت بطوله ابدا
يزاك الله خير اخوي
وما قصرت

[بنوتة جميرا]

انامل قلب
اشكرج مره ثانيه الغاليه
واشكرج على الدعاء
لا حرمكم ربي المثوبة ..
وجعل أيامكم كلها راحة وطمأنينة .. بجميل حبه لعباده يارب ..

كم حلو الواحد لما يدعي لاخوانه

[بنوتة جميرا]

اشكر كل اللي شارك ورد ع الموضوع
ويزاكم الله كل الخير
وجعل ايامكم كلها راحه وسعاده
والله يبعد عنكم الضيق والكدر
ويحلي ايامكم
آمييييييييييييييييييييييييييييييييييييين

[الـيـاه]

بنوتة جميرا
صح هو عادي أبدأ بهالشي .. بس يوم بقتنع أقصد أبا اسويه وأنا مقتنعه وماخذه هالقرار بنفسي ..

اوكي ليش أنتي ماتسوين جي وتودرين الأغاني ؟؟؟؟؟؟؟

[بنوتة جميرا]

انا الحمدلله
من حطيت هالموضوع
وانا ماخذه خطوه جيده
اني اودر هالشي
والله يساعدني ان شاء الله

[قرموشة]

كنت يايـه بكتب نـفس كـلام اليــاه
وكنت بقـول انه اهـداءاتـج زايـده هـ الايــام .. فـ ليش تحطـين شي وانتـي أول من يخـالفـه !

بس شفت ردج توه .. والحمدلله .. والله يســاعدج على اللي بدييتـي فيـه وان شاء الله تكملينــه

[بنوتة جميرا]

قرموشه
صح كنت احط اهداءات
بس كانت قبل موضوعي هذا
والله يهدي الجميع يارب