أفلام للأطفال

[طير الحب]

السلام عليكم ورحمه الله وبركاته..

بغيت تذكروني بأفلام الأطفال من والت ديزني وغيره...لأنه عبادي مطفرني شريت له بارني وتوم وجيري من زمان وتيليتابيز..

أمس لاحظت اهتمامه بأفلام الكبار وعشان ما رضى ينام حطينا له فيلم GIANT IRON هو فيلم للأطفال بس نحنا منزلينه من قبل لا ينولد نحب هالفيلم المهم ماش ءا الله عليه اندمج فقلت انزل له أفلام أطفال الحين يالسه أنزل CARS وأي حد يذكر أفلام للأطفال يكتبها عشان أنزلها له ويفضل ما يكون فيها عنف ...ولو تكون عن الحيوانات بعد شيء زين.


زتسلمون

[الـيـاه]

الله يخليه لج
بس كم عمره هو ؟

[الدلووووعة]

طير الحب
فجمعية بوظبي فيها سيديات رسوم حلوه ومال يهال
وبعد افلام اشتريهم والله كشخة

انا كنت اشتري حق الثنائي المرح اللي عدنا ^_^

[شمعة أمل]

اشترييييييييله
سواالف مال تيليي تبيييز .. وبااارنييي

وأفلام كرتونيـه . نفس ماداقاسكار .. ايس اييج .. ذا لايون كيينغ .. سنوو واايت .. علاءالديين ..

[طير الحب]

الياه:سنه وثمان شهور


الدلووووعه...دومنا نسير جمعية بوظبي...بس المعروض هناك ما يناسبه وايد وثانيا مرة شريت شريط باربعين وخربوه ناس الله يسامحهم جان اتغصص وارد اشتري له الد في دي النسخ قوم بو عشر...والأهم من كل هذا ما أبا يتتعود على أنواع بعض الرسوم في هالايام...الي تعلم الأطفال العنف.

شمعه...بارني وتيتابيز عنده اياهم من يوم عمره 8 شهور يمكن لاحظت اهتمامه بهم...وبارني أبوه مسمنه الساحر من كثر ما عبود يتخبل عليه ويحبه تخيلي اول ما ندش الشقه عقب الويك اند يوم اندش قال: بارني تولهه عليه ما شافه في الويك اند بس يوم وديته تويز ارص وبغيت اخذ له بارني ما طاع بس شكله يحب في ال التي في...

اليوم نزلت له لايون كنج....بس اكتبوا اسم الرسوم بالأنجليزي عشان البرنامج الي عندي...

[أمطار]

FINDING NIMO
ICE AGE
BROTHER BEAR
LILO AND STITCH

[طير الحب]

مشكورة...أمطار وايد...بعد عطوني عناوين زيادة

[الـيـاه]

اوه فديته :inlove:
الله يحفظه ياربــي ..

أعرف وايد كارتووزنز وايد حلوييين بس ماعرف حق هالعمر .. لكن بقولج أياهم

Madagascar أحس حلو حقه عشان حيوانات
Over the Hedge
Open Season يضحك
وقوم آيس ايج - و Shrek بارت 1 و 2
Happy Feet كيوووت مال بطاريق ويضححححك
Everyone's Hero


وفي مب كارتوونز بس أفلام حلوه حق اليهال نفس babys day out ( كنت أحبه :fa51: )
و stuart little مال الفار

وعلى فكره
:fa54: تدرين توم آند جيري مب أوكي حق عمر ولدج .. لأنه كل الحلقات عن ضرايب بالحديد وغيره وألا يعق عمره من فوق مادري وين ويستخدمون الأشياء مال بيت بشكل مب زين .. هو حلو حق اللي أكبر عن ولدج
بس هو صغير بعده مايعرف إذا ها صح وألا غلط :fa52:

دوريله فالأسواق رسوم أنا وأخي إذا شي .. حلوو حقه
وإذا حصلتي أشياء جدييييمه بالعربي اللي نحن كنا نشوفها أيام قبل نزليله .. بس مب العربي اليديده


.
.
.

[طير الحب]

الياه اليوم شريت له مدغشقر ونيمو و جيكن ليتل...بس نسيت شركة المرعبين وايد احبه


بسير في محل يبيه الرسوم القديمه بشتري له افتح يا سمسم وشغلات مال اول شرات ميكي ماوس

[الـيـاه]

ليش ماتحطين دزني جانل ؟ وألا كارتون نيت وورك ؟

لانه غير الرسوم في برامج حلوه

[كـلـكـلـووش]

شركة المرعبين ما عليه كــلام .. اسمييييه يفطس من الضحك خخخخ

[الدلووووعة]

طير الحب شي فلم مال السياير حلو بس مادري شو اسمه

[الـيـاه]

Grave of the fireflies روعـه .. أنا وايد أحب اجووفه بس يوم بيكبر شويه
Oliver and company
وقوم ويني ذا بوه + تيمون و بومبا