الزواج من اجنبيات [الأرشيف] - -:: واحات بن دبي ::-

بنوتة جميرا

01-03-07 ||, 05:55 PM

السلام عليكم ورحمه الله وبركاته
اشحالكم؟؟؟
اليوم حبيت اطرح موضوع
وماعرف اذا حد طرح هالموضوع قبل
واكيد هو واضح من العنوان
..~الزواج من اجنبيات~..

ليش اليوم انشوف معظم شبابنا يتزوجون من اجنبيات؟؟
كيف الشباب يرضون ياخذون وحده لا هي من عاداتنا ولا تقاليدنا؟؟
هذي كيف بتربي عيالهم في المستقبل؟؟
وهل بيربون تربيه صحيحه؟؟
هذي من ناحيه
ومن ناحيه ثانيه
اللي انقهر منه
يوم اسمع واحد يبغي ياخذ اجنبيه
يوم ينسأل ليش؟؟
يقول الاجنبيه ما تطلب وايد
اما المواطنه مهرها يكسر الظهر
يعني الشاب عادي عنده يدين عسب يسافر او ياخذله احلى سياره
ولو دفع 20000 مهرها هذا بيكون وايد بالنسبه له
بس لو صرف بالآاااف حق اجنبيه عادي تراها اجنبيه

ويقولون ان الاجنبيه ما تطلب
هذا في البدايه اتبين انها بريئه وما تطلب ولا تصرف
بس عقب بطلع عينك يالمواطن
كل يوم تبا اتسافر عند هلها
وطبعا يوم اتسافر ما بتسافر جي خاليه اليدين
لازم تاخذ هدايا لهلها وطبعا تصرف بالالاف
هاي كلها مب مصاريف؟؟؟؟؟

وما شاء الله عليهم شبابنا اليوم طايحين في هالشي
واخر خبر سمعته
اكيد اتعرفون الممثله السوريه نورمان اسعد
طبعا نورمان معرسه كم من مره ومطلقه
والخبر يقول
ان رجل اعمال اماراتي من عايله مرموقه في دبي
تزوجها وبمهر قدره مليووون دولار
تصدقون والا لاء؟؟؟
يعني بدل ما ياخذ مواطنه بنت بلاده ويخفف من العنوسه
سار خذ وحده وافده مطلقه لا وبعد شوفوا كم مهرها

الحين حابه اعرف رايكم انتو في الموضوع
للشباب:
هل انت من المؤيدين للزواج من اجنبيات؟؟
اذا هي شو الاسباب؟؟
واذا لا بعد احب اعرف رايكم
وللبنوتات:
ابا تفاعلكم ورايكم في الموضوع لو سمحتن

عندي وايد افكار بس ماعرف اذا كتبتها بطريقه عدله
توني باديه اكتب فالسموحه منكم يعني

اختكم.. بنوتة جميرا ..

تحفه

01-03-07 ||, 06:35 PM

ثلاث ترباع الي عرسو وخذو ناس مب منهم "مستواهم / مواخيذهمwhatever المهم اقصد هالمعنى" عاشو في مشاكل مالها اول ولا تالي ..

إذا الواحد يتضارب وي اخوه الي تربا وياه من دمه ولحمه .. فكيف عيل بيعيش وي حد غريب عنه .. ولا بعد مب منهم!!!

صح يقولون " حلاة الثوب رقعته تكون منه وفيه " < ادري أوردر الكلمات غلط

الموهيم

وصح يوم قالو بقرة الفريج حبيت تيس الغريب

بس هذا كله يفقد معناه جدام الاسس الي بناها الاسلام ..

بس منو الحين يطبق الاسلام بحذافيره علشان نقول والله اي ولد سمعتو عنه كل خير اقبلو فيه !!

العرس مسؤوليه كبيره ..

انا اشوف انتم عزابيه احسن :a032:

تحفه

01-03-07 ||, 06:38 PM

وبيني وبينج شخصية الرياييل عندنا بايخه نكد في رقاد وشغل .. خذي لج واحد لبناني XP

اتمصخر

تمي عزباء

بنوتة جميرا

01-03-07 ||, 06:38 PM

تحفه
انا معاج ان معظم اللي ماخذين اجنبيات عايشين في مشاكل
نبغي حد خاض تجربه مثل هاي
ايي ويقولنا تجربته عسب اتكون عبره لباقي الشباب

شكرا الغلا ع المرور

في انتظار ردودكم

بنوتة جميرا

01-03-07 ||, 06:42 PM

تحفه
مب كل الرياييل جي شخصيتهم
بس من اللي اشوفه
رياييل خواتي وجي كلهم كسل ورقاد وارف
الصراحه لو ريلي جي بموت قهر

شكرا الغلا مره ثانيه

تحفه

01-03-07 ||, 06:54 PM

حبيبتي هالقضيه ناقشها بوراشد مره .. واعترف ان الرياييل تعاملهم بايخ وي حريمهم

مثلا : ربيعة ماما مصريه .. فكانت تتشكى ان ريلها وايد ماخذ من طبايع الامراتيين .. تقول يوم الحرمه تحمل في مصر يعاملونها جنها برنسز .. هني يوم تحمل احس عادي .. عشان جي عندنا ان الحرمه يوم تحمل تروح بيت اهلها وايد وخاصه بعد ما تربي .. لأن الريل ما يسوي شي ..

الرياييل في مجتمعنا مدلعين اكثر من الحريم .. عشان جيه يوم صار للحريم اكسس للتعليم والشغل .. تشوفونهم يشتغلون عدل ويكرفون اكثر من الرياييل

انا مب انحيازيه ولا شي .. بس انا عايشت تجارب عمل وايده ..
تدرين معظم الي يدير مهرجان دبي حريم !
معظم الي في شركة اعمار .. حريم ..

معظم الي في بروجكت النخله حريم

واكثر الي ينظمون الشغل .. حريم

مادري وين الرياييل راحو

بنوتة جميرا

01-03-07 ||, 07:12 PM

صدقتي والله
نحن في مجتمعنا
يبون الحرمه اتيب لهم عياااال وبس
يعني يبونها شغاله طول السنه
اتقول مكينه تحميل وتفريغ..خلنا صريحين شوي..

وعن تجربه صارت لوحده من هلي
صار الطلاق بينهم
لان الحرمه كانت احسن عن الريال في المستوى التعليمي
فما كان يحب هالشي
يمكن غيره ماعرف شو اسمي هالشي
حاول كذا مره يقعدها في البيت عسب ما تكمل دراستها
وحاول بعد يمنعها من شغلها بس هي رفضت وصار الطلاق
والشي الوحيد اللي اغلب الرياييل مستحيل يعترفون فيه ان الحرمه احسن من الريال في كثير من الامور

شكرا غاليتي ع الاضافه

شمعة أمل

01-03-07 ||, 08:14 PM

i have nothing against it :k_smile2:

انتو موووووووول ماحطيتووو في بااالكم انه يمكن الـريال يحب الحرمه؟ عشان جي خذها؟؟

يعني سيده you labelled الريايل الى ماخذين اجانب انهم يووون من باكرووند خاايس ومايبون يدفعون المهـر؟؟ تخللللللف بصراحه:sleepy:

للعلم..

معظم الى ماخذين اجانب .. ماخذينهم لانهم يحبونهم .. مب عشان المهر .. المهر مجرد سبب يعطون أهلهم عشان يسكتونهم!

ومن متى والاماراتيات احسن حريم في العالم؟؟ كلنا فينا الزين والشيـن .. سواء امارتيه ولا سعوديه ولا انجليزيه ولا باكستانيه ..

الأخلاق أهم:thumbup1:

الرسول صلى الله عليه وسلم خذ وحده مصريه .. وكانت فنانه ..:thumbup1:
الشيخ محمد بن راشد الله يحفظه خذ الأميـره هيا .. وهي صدق انسانه رووووووووووعه:fa41:
وعندي مليون ألف مثل لو تبون ..

أهم شي سعادة الزوج:fa42:

وعن التربيه .. على الأبو يتأكد انه عياله يتربون بطريقه *اسلامـيه* .. ف هني بتحصلون مداخلة الأهل من صوب الزوج للمساعده..

في الأخيـر .. محد له خص في منو الولد يقرر ياخذ .. شو جنسيتها شو اسمها منو أبوها.. محد له خص .. هو وكيفه .. لانها بتكون حرمته هو.. مب حرمة حد ثاني

تحفه

01-03-07 ||, 08:20 PM

تحفه

01-03-07 ||, 08:22 PM

بس تدرين الواقع غير وايد وايد !!

شمعة أمل

01-03-07 ||, 08:26 PM

لا مب غير بوظبي

انتي ماتعرفين ناس ماخذين اجانب عشان جي تقولين الى تقولينه

كل اللوكلز جي يقولون .. لانه بساطه .. يغارون على شباب بلادهم + شي منهم يخافون من العنوسه لانه مستحيل هلهم يوافقون ياخذون اجنبي..

لكن انتووو موووووووول ماتعرفووون شي في هالسااالفه صدقوني!

شمعة أمل

01-03-07 ||, 08:27 PM

ونفس الكلام يسير للمواطنه الى تاخذ اجنبي..

انتو مول ماتفكروون كيف كان *صعب* على هالأجنبي عشان ياخذ هالمواطنـه؟؟ .. كييف حارب عشان ياخذها .. يعني صدق لازم يكون شخص ميييييت في حب هالمواطنه عشان يتجرأ يطلب ايدها من هلهااا ..

بنوتة جميرا

01-03-07 ||, 08:36 PM

شمعه امل
شو هالتفكير
انا ضدج بكل شي قلتيه
وانا الامثله الي عندي
خير دليل ان الشباب ياخذونهم عسب المصاريف والمهر
مب للحب
عيل اللي ياخذله هنديه والا روسيه شو من جمال فيهم هييل
كل وحده اقبح عن الثانيه ويزيغون عفانا الله

وبعدين دام ان المجال مفتوح للمواطن عسب ياخذ وافده
لا والقهر عيال الوافده يكونون مواطنين
بس المواطنه ممنوع طبعا انها تاخذ وافد
وطبعا لو خذته عيال بنت البلاد يكونون وافدين
شو هالقوانين
هذا التخلف ع فكره

ثانكس على ابداء رايج يالغلا
وشكرا ع المشاركه

شمعة أمل

01-03-07 ||, 09:31 PM

انتي مول ماتعرفين شي
قسم بالله ادرس ويا روسيات جميلااااااااااات من غير حرمة صديق ابويه الروسي وحرمته روسيه والله العظيم ترومين تقولين انها احلى واجمل وارقى حرمه شفتها في حياتي!

تفكريج نفس تفكير معظم المواطنين ومالوومج على هالشـي! .. لكن انتي اختلطي ويا مواطنين ماخذين اجنبيات أو بنات امهم اجنبيه بعدين بتعرفين الصدق! كلهم يحبون حريمهم بشكل فضيع!

مايفرق ان الريال خذ اجنبيه ولا مواطنه .. كلهم واحد! لكن الmentality هني في الخليج غير شكل ..

لو كان المواطن مستانس ويا حرمته المواطنه جان ماعرس عليها وخذ اجنبيه من الأساس! مب كل مواطن تناسبه مواطنه

بنوتة جميرا

01-03-07 ||, 09:39 PM

بعدي ضدج في كل شي
وعلى فكره اعرف كل شي مب ماعرف شي
والله عندي ربيعه امها وافده
وشفتها قبل يومين مضايقه وسالتها ليش؟
اتقولي من المشاكل بين امي وابوي
حياتهم كلها مشاكل
والحين يسعون للطلاق
ومنو المتضرر هني
العيال محد يفكر فيهم
لو هالابو فكر في المستقبل يوم بيكون عنده عيال كيف بيعيشهم جان ما تزوج وافده
وبعدين من حق العيال ان الابو يختار الزوجه الصالحه اللي تعيبه على تربيتهم
والوافدات وين بيكونن صالحات وهن عايشات غير عنا في فسق وماخذين الدنيا لعب

شكرا ع المشاركه مره ثانيه

عمة العيم

01-03-07 ||, 10:16 PM

انا مابتكلم

اتريا ريال واحد يجاوب

الاسطوري
المقاتل
سبانش مان
بوسلطان

هالاعضاء شاهدوا الموضوع لكن ماشفت ردهم

(^_^)
السموحه
...

شمعة أمل

01-03-07 ||, 10:40 PM

انتي قلتي رايج على مثال واحد فقط!
والطلاق والمشاكل العائليه تستوي في العوايل الاماراتيه .. ووايد بعد!
ولو تشوفييين
كلللللله نفسسسسسسسسس الشييييييييييييييييي
سواااء خذ موااطنه ولا اجنبييه
مايفرق!
الزين والشين في كل مكان

بوزايد

01-03-07 ||, 10:49 PM

تحفه

مش بقرة الفريج

عنز الفريج الله يسامحج

بقره تاخذ تيس

المهم مش موضوعنا

شمعه قالت الحب وبنت جميرا قالت المهر

انا ويا شمعة امل الحب هو شي مهم يكون بين الزوجين واذا كان الشخصين متحابين اكيد بتكون احلى حياه بينهم وما بتكون مشاكل

وبعد ويا بنت جميرا في ناس ما عندهم فلوس يقدرون يدينون عشان وحده مواطنه لانه المواطنه وايد تبا فمثلا ياخذ له وحده عمانيه ( والنعم فيهم بس في ناس الله يكون في عونهم بس يبون الستر ويعيشون ) الاجنبيه هذي ما تبا بيت بروحها عادي بتسكن مع اهله ما تبا مصاريف شرات المواطنه ما تبا سياره ما تبا حفله ودنيا هو عشاء وخلاص ومثل ما نعرف الحين صندوق الزواج الي معاشه اكثر من 10 الاف ما يعطونه ( جني طلعت برع الموضوع ) وانا بتوقعي اصلا اقل عن 15 الف شهريا ما تكفي شخص متزوج بيكون عنده التزامات وايد نحن جي ولا مسوين شي كيف يوم بنتزوج بس يالله الله كريم

وبعد في نقظه لازم نحافظ ع تقالينا

بس عني انا بخذ بنت البلاد مستحيل اخذ اجنبيه

عذبة الروح

01-03-07 ||, 10:51 PM

الموضوع كله عيزنا ونحن نرمس فيه <--- لـ الأسف
اختي اسمحيلي انا ما بحط رايي
لأنه مثل راي الاخت شمعة أمل 100% :a014:

لكن .... أضيف عليه تعقيب بـ خصوص هـ الجمله

والوافدات وين بيكونن صالحات وهن عايشات غير عنا في فسق وماخذين الدنيا لعب

راجعي اللي كتبتيه فـ الاقتباس عدل
وشوفي هل هو صح أو خطأ !!
لأنه صدمني :fa55:
لي متابعه :h_qor9anah:

خيال الحب

02-03-07 ||, 12:29 AM

السلام عليـــــكم

انا كلامي مع كلام الاخت شمعة امـــل..(انتي :fa42: )

اناا واحد من اهلي امه فرنسيه.. وما شفت بينها وبين ابوه اي مشاكل.. ولا في مره سمعناا انه ماخذتنه عسب فلوسه او شي

وواحد من ربعي امه بريطانيه..

وربيع عمــي ماخذ وحده بريطانيه.. مع انه انسان واصل في دبـــي..مدير.....:a018: .. ودوم يساااااافر واجتماعات.. بس الام صالبه عيالها في البيت .. والبنات متحجبات ولا مره سمعناا عنهم رمسه مني مناك,,

فاحس مافيها شي..

انتي تقصدين الشياب الي يتزوجون من هنديااات.. طبعا الشياب لهم عذرهم.. يبون حد يهتم فيهم .. وتراه يوم بيموت شو يباها الفلوس نفااد تاخذها الهنديه تتهنابها..

شو نباها بنت البلاد:glare: >>اشوف وايد بنااات الحين مسويات عمرهم شريفات مكه ومن هنااااك هم خرطي:glare: عافان الله عافان الله.. وهالشي منتشر بالمنتدياااات .. الله يهديهن:glare:

المقاتل

02-03-07 ||, 03:07 AM

:: .. بسم الله الرحمن الرحيم .. :: [CENTER]

أولا أعذروني على هذه المداخله أخواني وأخواتي .. لكــن في البدايه احب ابدي رايي واقول بأني ضد فكرة الزواج بالأجنبيات .

جماعة الخير .. أنتوا كيف تبون تربون جيل مسلم عربي اذا كل مواطن بياخذ اجنبيه ؟؟

لأسف لمواطن إلي خذ الاجنبيه ما يفكر إلا في مصلحته وينسى مصلحة عياله .. باجر بيكبرون وبشوفون ابوهم عربي واهل ابوهم عرب بس امهم اجنبيه واهل امهم اجانب والمصيبه الاكبر اذا كانت الام متنصره ؟؟ شو بكون شعور الأبناء في هاي الحاله ؟؟

بعدين تعالوا يا جماعة .. نحن عندنا ظاهرة العنوسه مرتفعه بشكل رهيب وبإعتقادي إن زواج المواطن بالأجنبيه يساهم في زيادة هذه النسبه بـ اضعاف أضعاف الحالات الأخرى !!

ونقطــه ثالثه .. أن الاجنبيه لها عادات وتقاليد تتعارض مع عاداتنا وتقاليد .. وثقافتها وثقافتنا مختلفين وهالشي يؤثر في الاولاد وله أثار خطيره على اللغه .. وعلى الاسلام ..

وشخصيا قرأت في كذا ويب سايت واستنتجت الآتي :

1- أن الأم هي التي تغرس القيم والأخلاق والعقيده في الطفل أكثر من الأب .
2- أن كل من الزوجين سوف يجد صعوبه عن الانفصال عن مجتمعه وبيئته التي عاش فيها .

وبعدين تعالوا يا جماعة الانسان لازم ما يفكر في اتجاه واحد .. الفروض يفكر كيف عايلته بينظروله اذا خذ اجنبيه وخلنا انقول كيف نظرة الناس لهم في هاي الحاله ؟؟ :wow: بكون موجز من أهم الأنباء !!

بعدين بصراحه ودي أسأل ؟؟ :fa56: أصبروا على المواطن شويه وفلس شوفوا شو بكون موقف الاجنبيه ؟؟ ( إلا من رحم ربي ) . وبعدين خلونا واقعيين اكثر بعد .. هل الاجنبيه بتوافق بإستمرار الزواج في شي يضر مستقبلها المهني ؟؟

بعدين تعالوا يا جماعه كم واحد استمر زواجه بالأجنبيه ؟؟ ( إلا من رحم ربي )

بعدين انتوا تبون جمال الاجانب .. طيب ما عليه يمكن هالشي مش متوفر في بنات لبلاد .. بس انتوا وازنوا وشوفوا شو ايجابيات لمواطنه وايجابيات الاجنبيه ؟؟ ( بتشوفون فــــــــــــــــــــــــ رق )

أنا أقول اربط ظهري واواجه مصير غلاء المهور وفي لفلوس ولا في عوار الراس هذا كلـــــه

:a049: بنات لبلاد مافي احلى منهن !!

واسمحولي على هاي المداخله الطويله !!

بوزايد

02-03-07 ||, 04:09 AM

بس نقطه وحده لي تعليق

كلامك مليون بالميه صح

2- أن كل من الزوجين سوف يجد صعوبه عن الانفصال عن مجتمعه وبيئته التي عاش فيها

مثلا هالنقطه انا اعرف واحد من عندنا ماخذ وحده مش من اهله ومش من امارته والله ايي ايخبرني انه يعاني منها لانه تفكيره هو غير وهيه غير فما بالكم من دوله لدوله

بنات لبلاد مافي احلى منهن

عشان جيه مستحيل افكر بغير بنت البلاااااااد هههههههه

أميرة الود

02-03-07 ||, 09:41 AM

السلام عليكم
يعيبني الموضوع و حبيت أشارك معاكم
أولاً : أنا متعارضة مع أختي شمعة أمل في الكلام المكتوب تحت كيف يعني الرسول ـصلى الله عليه و سلم ـ خذ وحدة مصري و كانت فنانة ؟!؟!؟! نورينا و فهمينا ووضحيلن عن هذي النقطة

الرسول صلى الله عليه وسلم خذ وحده مصريه .. وكانت فنانه ..:thumbup1:

ثانياً هذي مشاركتي :
أنا أعارض هذا الشي المنتشر ألحين في بلادنا بين الشباب أصلاً يوم تسألهم ليش أتسوون جذه يقولون ماعندنا فلوس حق المهر والعرس .. هذا أصلاً مب سبب عشان يطرونه .. عيل عندهم حق لعبانهم و خرابيطهم أصلاً يقول المثل اللي مرادة من الصلا ةما تفوته .. و إذا بعض الشباب صدق يبون يستقرون ويتزوجون وييبون فلوس حق مهر البنت و العرس .. و بعدين مب لازم أيسوي عرس ول أعراس ألف ليلة و ليلة يسوس عرس على قده

المزوحي

02-03-07 ||, 10:23 AM

انا ماعندي غير تفاعل حامض ... مش حلو :)

زين ... أول شي الشاب يقول تراها هااي ماتطلب واااايد .. وهي توافقه الراي وتقول تؤبرني مابغي

شي منك إن كانت شاميه أو إن كانت فلبينيه / روسيه ومن دول الاسكندنافيه تتكلم بلغتها ..

وفعلا ماشي مهر لكن شي قص ظهر ... المواطنة بيعطيها مهر .. لكن بنت البلاد غير

في شباب ... ماخذين اجنبيات وعقب 15 سنة اتزوجوا وخذوا مواطنه .. أونه غيييييييير ...

في من الشباب مايفكرون يرتبطون بالوافده .. بس طلعات ... وصداقه .. لكن يسوون لهم عمل

يخلون الشاب يقول مابغي حرمه إلا هاااي .. والشاب عندنا كله يحط في باله إنه الوافده تعرف تقوله

كلام حلو وعسل وطيب أما المواطنه جاهله ... يفتكر الوافده هي اللي بتعيشه في راحه وسعاده

وبتتغاضى عن امور لكن عقب بتيييب كل هلها البلاااااااااد ..

عن نفسي ما أحب الزواج من وافده حتى لو مافيها شي .. حلاة الثوب رقعته منه وفيه ...

وقهوتنا في مجبتنا ....

عمة العيم

02-03-07 ||, 11:00 AM

رايي اللي كنت بقوله

المقاتل قاله

لكن نحن مانلوم شبابنا

البنات الاجنبيات (ما اقصد اني اعمم لكن البعض) هن اللي يخلون هالشي يستوي

طبعاً بالنهايه المواطن هو اللي يتأزم و يختنق و يتضرر

القهر

يوم الريال ياخذ على حرمته ام عياله وحده اجنبيه

او يقولون لك مسكينه البنيه توها دخلت الاسلام بزوجها بحصل فيها اجر

تحصل فيها اجر و ام عيالك قلبها يتقطع كل يوم؟؟؟؟؟

هذا مب حق!

والله عادي يسوونها هذيله يبينون لك انها اسلمت و اتم وياك مسلمه لكن هي اصلا من داخلها مب مقتنعه بس اسلام في الشكل.......
او ياخذها و اييب منها عيال و اخر شي تشرد.......هالسالفه استوت .....ماخذ اجنبيه توها اسلمت على ام عياله ياب منها عيال و عقب فتره ماحصل الحرمه وين؟ الاخت شارده.......طبعاً لان مب عايبتنها عاداتنا و تقاليدها او هي مب مقتنعه في الاسلام اصلاً!!!!!!! ولين اليوم مايعرفون وينها.......و اخر شي العيال متضررين شو ذنب هالصغاريه؟؟؟ هاك يود هذا اجرك يا بو الشباب!!!

و مابطول معاكم

عنبو بناتنا يوم يعرسون يغيرون البيت من بيت اهلها لبيت زوجها بس و يحسون بالكآبه و الخوف
و يبالهن سنه لي ما يتعودون فما بالك الاجنبيات!!!!!!!!!

و بعد مره مابطول ....

السموحه
(^_^)
...

عبرات حالمة

02-03-07 ||, 01:25 PM

داخله عرض
انا بصراحه ويا شمعة امل و بنفس الوقت ويا بنوته
صدج احسن ان الواحد ياخذ وحده من اهله وعاداته بس مو شرط
البنات الخليجيات (واعترف مع اني وحدة منهم) معروفين انهم رافعات خشومهن ماعرف على شو
تقول انا بنت عرب ، وين اهلج العرب يوم انتي طالعه برى وحاطه فل ميك اب تقولون جنها ببغاء ملون
وين اهلج العرب يوم تتمخطرين في المول ووراج مسيرة ولا طوفة الحج (استغفر الله)
وين هاييل يوم انج برى ويا الحبيب!!
انا مااعمم على كل البنات بس في نسبه كبيرة منهم واعتقد هالسبب اللي يخلي نسبة العنوسه مرتفعه
لان الشباب يعرفون شو اللي يستوي عسب جي يسيرون يدورون على وحدة من برى
انا خالي ماخذ وحدة فليبينيه وخير ياطير؟؟ والله وبشهادة الجميع انها من احسن الحريم اللي اعرفهن
وهي مو ماخذته عسب فلوسه لانه على قد حاله ، هو شافها ولحقها لين بلادها عسب يخطبها ( وحليلهم مسوين قصه)
وبعدين شو فيهم الاجانب مو ناس؟ مالهم احاسيس؟ اشمعنى احنا دينا صح وهم لا؟ مو الرسول كلف بنشر الرسالة لجميع البشر؟ والله مااحيد مكتوب (سير بشر اهل الخليج والباجي يولون!) استغفر الله
انا اكثر شي يقهرني يوم احنا العرب نرفع خشومنا على ناس اخلاقهم و اطباعهم احسن عنا بالف مرة
وعطاري المشاكل فهالشي بين الريال ومرته ومايخصه لو واحد منهم اجنبي
ولالي قال عن كلام الناس فالناس عمرها سكتت واذا الواحد كل ما بغى يسوي شي فكر بكلام الناس فما اعتقد انه بيسوي شي ابد!!

بنت الدلع

02-03-07 ||, 01:27 PM

مافيها شي لو الريال خذ اجنبيه

بصراحه معظم الاجنبيات open minded
وفوق هذا هم صبورات عالريل
وواااايد متفاهمين
عكس الي عندنا هني (( مب الكل طبعا ))

وعن سالفة الفلوس
بنات البلاد وااااااااااايد غاليات ويطلبوون وايد اشيا عالفاظي
من وين الريال بييب عسب يعرس
بس هالشي مب سبب رئيسي انه ياخذ من برع
اذا قلنا انهم ارخص (( فهذا الشي وايد يقلل من جيمتهم ومب حلوه جيه نقول))

الاجنبيه تعرف كيف تتعامل ويا ريلها
وتحسسه بمعى كلمة imotion
مب الي عندنا عفان الله (( عديمين احساس ومايعرفون كيف يتعاملون ويا الريل ويدلعونه )) بعد مايزهق يسير وياخذ وحده ثانيه
على كل كلمه زعلت وسارت بيت اهلها (( شو هاااا ؟ ))

وعن التربيه
لو هو ماخذ وحده مسلمه (( وفي وااايد مسلمات لاتقولون مافي )) عيالهم بيتربون احسن تربيه
واذا مب مسلمه الريل هو الي بيربي العيال والحرمه مابتسوي شي يغضبه
لان هيه متزوجتنه وتعرف انه مسلم وتعرف كيف مستقبلها ومستقبل عيالها بيكون
يعني متفهمه الوضع

تحفه

02-03-07 ||, 01:43 PM

تحفه

مش بقرة الفريج

عنز الفريج الله يسامحج

بقره تاخذ تيس

المهم مش موضوعنا

LOOOOOOOOOOOOOOOOOOOOOOOOOOL .. OMG i am pathetic
madri leish daymn at5yl ena el teis 2hu ryl lebgra

تحفه

02-03-07 ||, 01:44 PM

خلاص انا بقضي على العنوسه في الامارات .. باخذ لبناني هاهاها

تحفه

02-03-07 ||, 01:58 PM

بنوتة جميرا

02-03-07 ||, 02:00 PM

ماكنت اتوقع ان الردود جي وايد
خخخخخخخخخخ
قريتهم كلهم
ولي عوده ان شاء الله للرد عليكم
بعد ما اتغدى طبعا..خخخخخخ..

بنوتة جميرا

02-03-07 ||, 02:48 PM

قبل لا ارد عليكم
الشي اللي مستغربتنه
ان الشباب ضد فكره الزواج من اجنبيات
واغلب البنات مع الفكره
مع ان هالشي يأثر ع البنات المواطنات
يعني يزيد العنوووسه
بس كل شخص ورايه

بنوتة جميرا

02-03-07 ||, 02:54 PM

شمعه امل
لا فديتج عندي وايد امثله
بس ذكرت هالمثال
ولو تبين بصفلج اياهم
وبعدين المشاكل صح في كل مكان
بس يوم بتصير المشاكل من مواطنه ما بتفضح ولد بلادها في كل مكان
واذا قدرت اتحل المشاكل بتحلها فيما بينهم
بس الوافده بتحاول تفضحه باي طريقه
يعني مشاكل بنت البلاد اهون بوايد من الوافده

شكرا شمعه امل ع المشاركه

بنوتة جميرا

02-03-07 ||, 03:02 PM

بو زايد
شفت حتى انت رجعت للفلوس
يعني المواطن ما ياخذ وافده الا لان مصاريفها اقل
صدقني هذا في البدايه عقب بتطلب وبطلع عينه والله

وانا عن نفسي استانس لما اغلب شبابنا شالين هالفكره من راسهم
ومايرضون الا بالمواطنه
واحب اقول شي على ردك الثاني
في وحده من البنات اعرفها هي من دبي حبت واحد من العين
يوم سار الريال عند هله يقولهم ابا اعرس
يوم هله عرفوا ان البنت من دبي
قالوله لا مال دبي عاداتهم وتقاليهم غير عنا
جان افطس من الضحك
ليش بنات دبي عايشات في نيويورك وبنات العين بعدهن متخلفات..ماظن..

شكرا اخوي ع مشاركتك

بنوتة جميرا

02-03-07 ||, 03:09 PM

عذبه الروح
راجعته ولا عندي تعديل عليه
لان هاللي اشوفه
دام انهم قالوا ان بنات دبي عاداتهم وتقاليدهم غير
اكيد الوافده بتكون غير
واكيد حياة الوافدات غير عنا في لعب ومصخره

شكرا عذبه الروح ع المشاركه

بنوتة جميرا

02-03-07 ||, 03:11 PM

خيال الحب
انا ضدك شرات ما انا ضد الاخت شمعه امل
وانا ماقصد الشياب بس
انا اتكلم عن شبابنا

شكرا ع مشاركتك

بنوتة جميرا

02-03-07 ||, 03:19 PM

سهيت عن اخر سطر كتبته اخوي خيال الحب
اللي هو:
شو نباها بنت البلاد >>اشوف وايد بنااات الحين مسويات عمرهم شريفات مكه ومن هنااااك هم خرطي عافان الله عافان الله.. وهالشي منتشر بالمنتدياااات .. الله يهديهن

اخوي بنت البلاد هي اللي بتصونك وبتحافظ عليك وعلى عيالك
وبعدين لو انت تقول ان في مواطنات تصرفاتهن مب عدله وبالاخص اللبس
ترا الوافده اخص من المواطنه بوايد
يعني المواطن يوم يشوف الوافده
اغلبيتهن مايكون عليهن لبس محتشم و طبعاالشعر برا بس ياخذونهن

بنوتة جميرا

02-03-07 ||, 03:26 PM

المقاتل
انا معاك في كل شي قلته
المواطن يوم ياخذ وافده يفكر في نفسه وبس ما يفكر في مصير عياله في المستقبل
يعني خلونا نفكر شوي
يوم الواحد ياخذ اجنبيه(اللي اشكالهن تختلف تماما عن اشكالنا)
يعني بقول مثال الفلبينيه
هالجنسيات معروفه يسحبن كل شي صوبهن
يعني العيال كلهم كوبي بيست امهم
هالولد اللي بيطلع شرات امه الفلبينيه هل بيكون مستانس في حياته
والله النقص بيتم يلاحقه طول عمره
مستحيل يعيش حياته شرات ربعه هذا اذا كان عنده ربع
واكيد في نفسه يقول ليش ابوي جي سوا فينا
هذا شي واحد من اللي انشوفه في حياتنا

شكرا اخوي ع المشاركه

بنوتة جميرا

02-03-07 ||, 03:31 PM

أميره الورد
زوجه الرسول-صلى الله عليه وسلم- ماريه القبطيه كانت مصريه

صدقتي..اللي يبا الصلاه ماتفوته..
وانا اعرف وايد شباب يوم بيعرسون
الحرمه طلباتها معقوله بس هي اللي يبغي يسوي عرس ماصار مثله ولا استوى
يعني في شباب هم اللي يبون العباله

شكرا الغلا ع المشاركه

بنوتة جميرا

02-03-07 ||, 03:36 PM

المزوحي
كلامك وردك حلووو
اشكرك عليه
الوافده في البدايه عسب تسحب المواطن صوبها
طبعا هذا من الواقع
تلبس لبس البنت تستحي اتشوفها كيف الريال
وتقوله كلام اففففففف من لسانهن الوافدات
واغلبهن عليهن سوالف السوا ما سوا
عسب يعرفون كيف يربطون المواطن وما يشوف غيرها

والشي اللي عيبني يوم اقرا ردود الشباب انهم ضد الفكره
والمواطنه بالنسبه لهم كل شي

شكرا اخوي ع مشاركتك

بنوتة جميرا

02-03-07 ||, 03:43 PM

عمه العيم
بس الحمدلله في ايامنا هاي
وايد اسمع واشوف
الشباب المواطنين اللي ماخذين وافدات ياخذون عليهم مواطنه بنت البلاد
هالشي يخلي الكل مستانس
يعني المواطن مهما سار ولف ودار
يحن لبنت بلاده ويقول ليش خربت على عمري في البدايه وخذت وافده
والمواطنه الاقي عندها كل شي وهي اللي بتحافظ علي

في قصه اذكرها ماماتي خبرتني اياها
في مواطن ماخذله وافده..اظن بريطانيه..
وياب منها عيال واتوفى الريال الله يرحمه
بعد ما الريال اتوفى قولوا الحرمه شو سوت؟؟؟
ودرت عيالها كلهم وشردت وخذت وياها اصغر واحد بس
الحين شو مصير هالياهل ماظن انه ياهل الحين اكيد كبر
مايعرف عن اخوانه اللي هني
كيف عايش؟؟مسلم والا نصراني؟؟
هذي وحده من اثار الزواج من اجنبيات

شكرا ع مشاركتج

بنوتة جميرا

02-03-07 ||, 03:56 PM

عبرات حالمه
مب كل المواطنات والخليجيات شرات ماقلتي
ترا الوافده مب احسن؟؟
الوافده اخص بواااايد

وبعدين ليش المواطن ياخذ وافده؟؟؟
خل الوافدات في بلادهن وياخذن اللي شراتهم
والمواطن ياخذ بنت بلاده

شكرا ع مشاركتج

عبرات حالمة

02-03-07 ||, 04:01 PM

امممم
انا قلت انه مو كل المواطنات جي
وممكن افهم ليش الوافده اخس بوايد
يعني ليش تعممين عليهم هالصفة وانتي ما ترضين عالمواطنه هالشي
واللي ماتبى واحد من بلادها؟
الزواج ماله خص بالجنسيه والشكل

بنوتة جميرا

02-03-07 ||, 04:07 PM

بنت الدلع
اكيد الوافدات كلهن open minded
بس بعد المواطنات الحين كلهن متعلمات ومتثقفات وopen minded
ومستحيل الوافده اتكون صبوره ع ريلها اكثر من المواطنه
المواطنه في كل شي اتحط للريل مليون عذر ومتفهمه وايد
وبعدين نحن ما قلنا شي غلط
الوافده اونها ما تطلب ورخيصه
ترا هن جي نحن ما قللنا من قيمه حد

وانتي يا بنت الدلع يوم اتقولين
مب الي عندنا عفان الله (( عديمين احساس ومايعرفون كيف يتعاملون ويا الريل ويدلعونه )) بعد مايزهق يسير وياخذ وحده ثانيه
على كل كلمه زعلت وسارت بيت اهلها (( شو هاااا ؟ ))
تراج وحده من المواطنات
يعني انتي جي؟؟!!

شكرا الغلا ع المشاركه

بنوتة جميرا

02-03-07 ||, 04:12 PM

عبرات حالمه
صح في مواطنات تصرفاتهن مانرضى فيها طبعا
بس الوافده اخص
اخص في شو؟؟
اخص في كل شي
يعني لبسها اخص عن لبس المواطنه
يعني المواطنه لو شو ما لبست وسوت يبقى تحت العباه
بس الوافده نص جسمها برا والشعر برا
فاكيد اخص

شكرا مره ثانيه

بنوتة جميرا

02-03-07 ||, 04:15 PM

تحفه
المشكله لو المواطنه خذت وافد
عيالها بتطلع عينهم لين يحصلون الجواز الاماراتي
هذا اذا حصلوا عليه
بس عيال الوافده بكل بساطه وسهوله عندهم الجواز

عسب جي المواطنه عندها وايد فرص انها تاخذ وافد بس ما ترضى الا بالمواطن
لانها تفكر بحياتها وبمستقبل عيالها
بس المواطن ما يفكر بمستقبل عياله

شكرا مرة ثانيه

همس الدماني

02-03-07 ||, 05:29 PM

السلام عليكم

اختي بنوتة جميرا

ترى كل يرى الناس بعين طبعه

وكل واحد يبغي الأحسن حق عمره

وانا مو ويااج ولا ويا الأخت شمعت امل
اولا صدق البعض يوم قال انا بنات البلاد استوو فاسخين الحيا((وانا ما اعمم))
بس هاج المثال اليازيه محمد واللي في المولات هاذيل شو يطلعوون وانتي شفتي بعينج في المسيره
يوم خذينا الكااس بصرااحه كانت اكبر صدمه لي يووم اشووف بنات البلاد في الشوارع واللي ترقص
واللي فل ميكب واللي مطله عبااته عسب يشووفون شو لابسه عشان يرقموونها وين الدين وين العادات والتقاليد والله ثم والله لو كنت ولد وعرضوا علي هاذيل البنات لو كانوا اخر بنات في الكون كله ما اخذهم ومصيرهم يعنسون واذا شفتي هذا بس في الشكل الخارجي يعني لو شفتي البنات اللي في الجات واللي يرمسوون شباب بالأيميل اغلبيتهم بنات قبايل يعني شو يوم بترمسين واحد في الأيميل ولا الجات او التلفوون مو حراام لا هي كل تفكيرها انها بهاي الطريقه بتتسلا وهو ما بيعرف منو هي ولا بيشوف صورتها بس الغلط غلط مهما كانت المبررات هذا اذا كان في مبررات اصلا
ويوم الواحد بياخذ وحده اجنبيه هو عارف ان هاذي عاداتها وتقاليدها مب سارت وخانت ثقت اهلها وسوت اللي سوته وما حشمت سمعت بلادها
السموحه انا خرجت شوي عن ايطار الموضوع
المهم الموطنه الحين بزمانا تتطلب اشياء مالها داعي ومهر يكسر الظهر هي ما فكرت في الأنسان اللي بياخذها من وين بيب كل هاذا ما فكرت وللعلم ترى الأغلبيه من اللي سوو جي فنهايه ما عااشوا حياه سعيد بلعكس حياه مليئه بديوون والريال همه كيف بيسدد كل هذا ولو خذاله وحده اجنيه ما بيصر فيه كل هذا

وعلى قولت اختي في الزين وفي الشين وانا اشهد ان في بناات ما يبغن إلا الستر بس للأسف تشوهت سمعتهن بسبب الغير يعني نحن يوم نشوف وحده هنديه ((اللهم لا شماته)) صايعه ضايعه مو نعمم على كل الهنود وناخذ عن الكل فكره هب زينه بس نحن شفنا وحده بس انزين شفنا الباقياات لا

واذا واحد ما خذ ووحده اجنبيه عن حب انا اوقف ويااه لأن الأنسان يوووم ايحب مستعد يبيع الدنيا علشان محبوبه واذا كان الحب موجود وبتكون السعاده موجوده اصلا ما في سعاده بدوون حب وتفااهم
بس المشكله العيال دوووم ايكونون الضحيه يعني انا كمن مره اسمع في المدرسه الشباب يتمصخروون على واحد ويزقرززنه ولد المصريه او الهنديه او ولد الأجنبيه يعني حرااام العياال يتعقدوون في شي مالهم ذب فيه

يعني لازم كل واحد منا يفكر لبعيد قبل ما يفكر بالقريب انت اليوم فرحااان بس ما تعرف هل بتم على هذا الحاال وشو بيكوون مصيرر عياالك

وانا انصحكم نصيحه في وجه الله لا تحكم على الناس من الظااهر
وسوء الظن عقاابه شديد يعني لا تعممين على كل الأجاانب انتي ما تعرفينهم كلهم فليش تغلطين عليهم كلهم

ويم ان الرسوول نشر الأسلام نشره على الكل وما فرق بين حد يعني ان اعرف واحد ماخذ وحده اجنبيه

بس والله انا اشووف انها احسن عني اسلمت وتصلي فرضها بكل اوقاتها وتربي عيااله احسن تربيه
يعني شوفي هاي الغريبه شقايل سوت يوم اسلمت ونحن الله كاتب ان نطلع مسلمين بس تعالي شوفي حياتنا (( بدوون تعميم)) الفرووض تفوتنا ومايهمنا شي غير اللعب يعني مسلمين بس بالأسم
نفس ما قال اخوي خياال الحب

وتسلمين على المووضووع المجذب

والغلا لا تزعلين من بس حد هالموضووع فيله تجاادل بالأرااء

اختجـ

هموووووووووس...

بنوتة جميرا

02-03-07 ||, 05:42 PM

همس الدماني
اول شي بالعكس انا مازعل من حد
انا حطيت هالموضوع وعارفه انه بيكون فيه وجهات نظر
واحترم كل وجهات النظر

الاسبوع اللي طاف كنت سايره محطه البترول
ونزلت السوبرماركت اللي فيه عسب اخذ اورنامين..شرابي المفضل..خخخخ
وانا نازله نزلت وحده من رنج لابسه عباه وشيله ع الجتف
شكلها مواطنه
بس يوم سمعتها اترمس الكاشيير رمستها مغربيه
يعني مب كل وحده لابسه عباه ولبسها مب محتشم بتقول هاي مواطنه
ترا الكل الحين قاموا يلبسون عبي وشيل

شكرا الغلا ع مشاركتج

همس الدماني

02-03-07 ||, 06:05 PM

اعرف الغلا ان مو كل وحده لابسه عبااه وشيله هب لازم تكوون موااطنه

بس صدقيني الأغليبه يمكن هذا يكوون في نظري انا

تسلمين..

بنوتة جميرا

02-03-07 ||, 06:15 PM

همس الدماني

شكرا غاليتي ع المشاركه مره ثانيه

تحفه

02-03-07 ||, 06:16 PM

الـيـاه

02-03-07 ||, 06:17 PM

سلام

وايد أعرف بنات أمهم أجنبية والعكس :k_icon9: .. يعني مواطنات ماخذين مش أجانب بس من دول عربية نفس سورييا - لبنان - المغرب وهالمواطنات لهم دور فالدوله بعد تدرون ..

المهم

أنا صراحه ما عندي راي محدد لهالموضوع ! لانه كله يعتمد على الظروف

يعني ؟ لا زواج المواطن بأجنبية هو سبب المشاكل والطلاق وغيره
ولا إنه هالأجنبيـة داشه على طمع - لان ساعات تكون هي أغنى عنه إذا ماعندكم علم - :fa38:

لكن كل شيييييي يرجع لظروف هالأسرة
- سلوكهم
- طبيعة تربيتهم
- ثقافتهم + دينهم

يعني أنا أكيد مب من اللي أشجع المواطن يتجه لبرع البلاد وياخذ من هناك :fa54:
لكن مول ما أقول أنه زواجه من برع هو سبب التفكك الأسري .. لانه في ناس وايد أعرفهم ومن هالرياييل في منهم من هلي بعد .. ومستانسين وعايشين بشكل طبيعي جدا ً وحلو

بس ترد بنت لبلاد عضيد لولد البلاد
:fa51:

والسموحه

.
.
.

بنوتة جميرا

02-03-07 ||, 06:20 PM

تحفه
للأسف هاللي صاير في هالايام
ويمكن الوافد احسن
بس يخسوون
لو شو ما سووا ما يوصلون ظفر المواطن

بنوتة جميرا

02-03-07 ||, 06:34 PM

الياه
شكرا الغلا ع المشاركه

بنت الدلع

02-03-07 ||, 06:36 PM

بنت الدلع
تراج وحده من المواطنات
يعني انتي جي؟؟!!

لا طبعا
انا في رمستي ما جمعت كل المواطنات
لاني بظلم المواطنات لو قصدت الكل

بنوتة جميرا

02-03-07 ||, 06:38 PM

بنت الدلع
اكيد مب جي
لاني اعرفج عدل

شكرا مره ثانيه الغلا

نور الإيمان

02-03-07 ||, 07:13 PM

سلام عليكم

شحالكم؟؟

مو كأنه الموضوع يخصني :a116:

أمي و بكل فخر اجنبية :thumbup1: .. و انا بنتها مواطنة من تراب هالدولة .. عشت فيها حياتي كلها و الحمدلله ..

أبوي عربي اصيل الله يحفظه .. و امي و ان كانت ياية من بلاد الصين - قريبة من هالدولة - لكنها تعرف كتاب الله .. و مداومة على صلاتها... و جدتي الله يرحمها و اللي هي ام امي .. حافظة القرآن و الحمدلله .. ناس مسلمين ..

صح كانوا و مازالوا ينادونا بعيال الهندية .. رغم اني دايما اصحح المعلومة عندهم و اقول لهم نحن عيال البورمية لو سمحتوا مب الهندية :a010: ...

و امي وافدة تعتبر .. و الكلام اللي انقال اهني .. فيه شوية شتايم على ناس مثل امي و غيرها من الأمهات ..

و ما يخصه الدم في الموضوع ولا اصل الإنسان او فصله .. يخصه تقوى الله و بس .. سواءا كانت هاي الإنسانة سودا او بيضا او حمرا ...

زوج ربيعتي كندي ... و ربيعتي مواطنة من هالدولة الطيبة .. و من عايلة معروفة .. و الحمدلله .. الله يهنيها .. دام انها كانت سبب في دخول هالإنسان للإسلام ..

و شباب الديرة .. ما عليهم كلام .. و مب كلهم فاسقين ولا كلهم ملائكة .. و كل البشر يغلطون سواءا ولد اللبنانية او الهندية او ولد البدوية .. و هاي حرية شخصية سواءا كان يبا اجنبية ولا بنت البلاد ..

و كلامي ما يزيد على كلام همس الدماني كفت ووفت .. و اتمنى الحرص كل الحرص على انتقاء الكلمات ولا نظلم الناس .. و لا ان نكون من القوم الجاهلين و العياذ بالله ..

:k_smartass: شكرا

بنوتة جميرا

02-03-07 ||, 07:19 PM

نور الايمان
نحن نرمس من واقع حياتنا وتجاربنا
وبعدين لو قلنا شي فهذا راينا
ولازم نحترم كل الاراء
لو كانت تعيبنا والا ما تعيبنا

شكرا ع المشاركه

المقاتل

02-03-07 ||, 09:01 PM

في الواقع عندي نقطــــات حبيت أتكلم عنها .. وأقتبست من ويب سايت إسلام أون لاين الآتي :..

القيود التي يجب على المسلم التقيد بها عند الزواج من الأجنبيه وأقصد ( الكتابيه ) ..

القيد الأول ..

أن المسلم يتأكد بأن الأجنبيه كتابيه ( فعلا ) بمعنى أنها تؤمن بدين سماوي الأصل كاليهودية والنصرانية، فهي مؤمنة - في الجملة - بالله ورسالاته والدار الآخرة . وليست ملحدة أو مرتدة عن دينها، ولا مؤمنة بدين ليس له نسب معروف إلى السماء.

القيد الثاني ..
أن تكون عفيفة محصنة فإن الله لم يبح كل كتابية .

وقد جاء عن الإمام الحسن البصري أن رجلاً سأله: أيتزوج الرجل المرأة من أهل الكتاب ؟ فقال: ما له ولأهل الكتاب ؛ وقد أكثر الله المسلمات ؟ ! فإن كان ولابد فاعلاً . فليعمد إليها حصانًا (أي محصنة) غير مسافحة . قال الرجل: وما المسافحة ! ؟ قال: هي التي إذا لمح الرجل إليها بعينه اتبعته.

ولا ريب أن هذا الصنف من النساء في المجتمعات الغربية في عصرنا يعتبر شيئًا نادرًا بل شاذًا، كما تدل عليه كتابات الغربيين وتقاريرهم وإحصاءاتهم أنفسهم، وما نسميه نحن البكارة والعفة والإحصان والشرف ونحو ذلك، ليس له أية قيمة اجتماعية عندهم، والفتاة التي لا صديق لها تُعيَّر من أترابها، بل من أهلها وأقرب الناس إليها.

وشي قد يغفل عنه البعض ..

القيد الثالث ..

ألا تكون من قوم يعادون المسلمين ويحاربونهم ..

وقد جاء هذا عن ابن عباس فقال: من نساء أهل الكتاب من يحل لنا، ومنهم من لا يحل لنا . ثم قرأ: (قاتلوا الذين لا يؤمنون بالله ولا باليوم الآخر، ولا يحرمون ما حرم الله ورسوله، ولا يدينون دين الحق من الذين أوتوا الكتاب حتى يعطوا الجزية . . . .) فمن أعطى الجزية حل لنا نساؤه، ومن لم يعط الجزية لم يحل لنا نساؤه.

القيد الرابع:
ألا يكون من وراء الزواج من الكتابية فتنة ولا ضرر محقق أو مرجح، فإن استعمال المباحات كلها مقيد بعدم الضرر، فإذا تبين أن في إطلاق استعمالها ضررًا عامًا، منعت منعًا عامًا، أو ضررًا خاصًا منعت منعًا خاصًا، وكلما عظم الضرر تأكد المنع والتحريم، وقد قال صلى الله عليه وسلم: " لا ضرر ولا ضرار ".
وهذا الحديث يمثل قاعدة شرعية قطعية من قواعد الشرع، لأنه - وإن كان بلفظه حديث آحاد - مأخوذ من حيث المعنى من نصوص وأحكام جزئية جمة من القرآن والسنة، تفيد اليقين والقطع.
ومن هنا كانت سلطة ولي الأمر الشرعي في تقييد بعض المباحات إذا خشي من إطلاق استخدامها أو تناولها ضررًا معينًا.

والضرر المخوف بزواج غير المسلمة يتحقق في صور كثيرة منها:
1 - أن ينتشر الزواج من غير المسلمات، بحيث يؤثر على الفتيات المسلمات الصالحات للزواج، وذلك أن عدد النساء غالبًا ما يكون مثل عدد الرجال أو أكثر، وعدد الصالحات للزواج منهن أكبر قطعًا من عدد القادرين على أعباء الزواج من الرجال.
فإذا أصبح التزوج بغير المسلمات ظاهرة اجتماعية مألوفة، فإن مثل عددهن من بنات المسلمين سيحرمن من الزواج، ولا سيما أن تعدد الزوجات في عصرنا أصبح أمرًا نادرًا، بل شاذًا، ومن المقرر المعلوم بالضرورة أن المسلمة لا يحل لها أن تتزوج إلا مسلمًا، فلا حل لهذه المعادلة إلا سد باب الزواج من غير المسلمات إذا خيف على المسلمات.

وإذا كان المسلمون في بلد ما، يمثلون أقلية محدودة، مثل بعض الجاليات في أوروبا وأمريكا، وبعض الأقليات في آسيا وأفريقية، فمنطق الشريعة وروحها يقتضي تحريم زواج الرجال المسلمين من غير المسلمات، وإلا كانت النتيجة ألا يجد بنات المسلمين - أو عدد كبير منهن - رجلاً مسلما يتقدم للزواج منهن، وحينئذ تتعرض المرأة المسلمة لأحد أمور ثلاث:
( أ ) إما الزواج من غير مسلم، وهذا باطل في الإسلام.
( ب ) وإما الانحراف، والسير في طريق الرذيلة . وهذا من كبائر الإثم.
(جـ) وإما عيشة الحرمان الدائم من حياة الزوجية والأمومة.
وكل هذا مما لا يرضاه الإسلام . وهو نتيجة حتمية لزواج الرجال المسلمين من غير المسلمات، مع منع المسلمة من التزوج بغير المسلم.
هذا الضرر الذي نبهنا عليه هو الذي خافه أمير المؤمنين عمر بن الخطاب - فيما رواه الإمام محمد بن الحسن - في كتابه " الآثار، حين بلغه أن الصحابي الجليل حذيفة بن اليمان تزوج - وهو بالمدائن - امرأة يهودية، فكتب إليه عمر مرة أخرى: أعزم عليك ألا تضع كتابي هذا حتى تخلي سبيلها، فإني أخاف أن يقتدي بك المسلمون، فيختاروا نساء أهل الذمة لجمالهن، وكفى بذلك فتنة لنساء المسلمين ". (انظر كتابنا: شريعة الإسلام: خلودها وصلاحها للتطبيق في كل زمان ومكان، ص39، ط. أولى).

وللـمقال بقيه هنا ..
http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528600714

.. لي عوده ..

نور الإيمان

02-03-07 ||, 09:30 PM

هلا اختي بنوتة جميرا ..

الراي عالعين و ع الراس .. بس حرية الآراء ما تتعدى الأذية للناس!! و لدرجة التعميم و الشتايم المكتوبة في هالموضوع!!

انتي تقولين عشتي الواقع .. إي انا عشتها كوني من هالقوم!! قوم الأمهات الأجنبيات ..

كان المفروض يكون هناك شوية مراعاة لشعور الآخرين مب جي .. ما خليتوا شي .. و انتي ادرى بكلامج و شو اللي كتبتيه ..

و مثل ما قلتي نحترم الآراء .. بس مب المجحفة بحقنا .. او انها تتعرض للمسبة و الإهانات ..:fa55:

و هذا رايي

عبرات حالمة

03-03-07 ||, 12:22 AM

اختي بنوته
اولا مو كل الاجنبيات فاصخات و مو كلهم اسلموا بس عسب ازواجهم واللي تاب
ماحد له خص يذله على ماضيه
والكل ماشاالله كفو فهالموضوع
وانا مع نور في نقطتها ان الموضوع كان فيه كلمات مجحفه بحق الاجانب واللي اهلهم اجانب
وسوري للتاخير واعرف انه كل واحد وله رايه

ولد الشحوح

03-03-07 ||, 02:50 AM

والله الواحد من اللي يجوفه من بنات بلاده في المولات وفي المسيرة وانا متأكد انهم مواطنات مب مغربيات ولا عر اقيات يخاف على نفسه في وايد مواطنات عاقين عيالهم حق المربية تتمشى ويالزوج والعيال وراها ويا المربية منو اللي يلعبهم المربية منو اللي يأكلهم ويرقدهم المربية تبين الواحد ما يخاف هاي باجر بتكون عرضي وشرفي وثاني شي انتي انتقدتي لبس الأجنبيات طبعا في منهم محتشمات اما عن البقية فما أظني هم حرفوا شي من دينهم وتقاليدهم بعكس المواطنات اللي اونه لابسة عباية وشيلة استغفر الله لعبوا فالحجاب لعب الحجاب مب عباية مخصرة ملونه بألف لون وشيلة عالكتف انا ما اعمم في مواطنات أدب وذوق والتزام وكذلك الأجنبيات ... بالأخير في كل مكان الشين والزين بس حبيت أذكرج بشي خاصة بعد ما قلتي ان الأجنبية ما تسوى ظفر المواطنة اذا الأجنبية كانت أتقى من المواطنة انا اقولج ان المواطنة ما تسوى وصخ نعال الأجنبية ( إن أكرمكم عند الله أتقاكم ) بسكم يا عرب تفاخر عالفاضي وانتوا أذل ناس في العالم بسكم تكابر وإنتوا أذل ناس سوري هالواقع
وبقولج قصة يارتنا هندية وزوجها توفى وربت عيالها احسن تربية وماشاء الله عليهم ناس محترمين فرجاء لا تعممين عالكل في الشين وفي الزين وعسالفة المهور ثرا الشاب اذا تسلف حق سفرة ولا موتر أكثر شي 300 ألف أما العرس كم بيكلفه كم بيدفع والمشكلة لأشياء تافهة مالها داعي كماليات عشان رمسة الناس مجتمع متخلف ...؟!؟

بنوتة جميرا

03-03-07 ||, 01:45 PM

المقاتل
شكرا مرة ثانيه ع المشاركه
وع الرابط

بنوتة جميرا

03-03-07 ||, 01:52 PM

نور الايمان+عبرات حالمه
هي نعم الموضوع اتناول كل الجوانب
يعني كل شي
وانا كنت واااايد صريحه وواقعيه
واللي ما يعيبه لا يدخل ويشارك فيها
يتعب نفسه ويتعبنا

في قرار سمعته ومادري اذا صح
ان اللي يشتغل في القوات المسلحه
وبغى ياخذ وافده يفنشونه
لو هالقرار صح زين سووا والله
وعقبال باقي الدوائر تمنع الزواج من وافدات

شكرا لكم مره ثانيه

بنوتة جميرا

03-03-07 ||, 02:08 PM

ولد الشحوح
رايك واحترمه
بس يوم رجل الاعمال الاماراتي اللي خذ نورمان اسعد
ودفع لها مهر مليون دولار
ما استخسر هالمبلغ فيها
بس والله لو كانت مواطنه بنت بلاده جان ما دفع لها هالمبلغ
واغلب الشباب جي
الوافده حلال عليها بس المواطنه يستخسرون 20000 مهرها

شكرا ع المشاركه

فركوشه

03-03-07 ||, 02:18 PM

واحد من الاهل ماخذ بريطانيه.. وما شا الله سمن على عسل وعندهم بنوووته حللللللييوه ما شا الله عليها..

بالمختصر المفييد مب كل زوااج من اجنبيه فااااااااااااشل..

بنوتة جميرا

03-03-07 ||, 02:42 PM

فركوشه
شكرا ع المشاركه

عذبة الروح

04-03-07 ||, 12:19 PM

دام جي السالفه
لـ الأسف ... عنوان الموضوع كل الاعضاء طبقوه ..
إلا اللي كتبته لانه تفاعلها ........... <--- مب حلو :fa55:

....

اسمحيلي اختي عندي 4 نقاط
من بعد اللي قريته بـ اذكرهن من بعد اذنج

1- ما نقدر نحرِّم شي الدين حلله .. أو حتى نرفضه مجرد رفض الفكره لانه يعتبر من الجاهلية.
2- المجتمع الإماراتي هو من أكثر المجتعمات العربيه في نسبة الطلاق بين (المواطن + المواطنة )
وهذي النسبة ذكرت في إحصائية قالتها ( نشوى الرويني ) في برنامجها فـ قناة دبي.
3- مجتمع الإمارات هو المجتمع الوحيد في العالم
يطلق مفهوم ( الأجنبيه ) على نساء العرب،
وباقي المجتمعات سواء الخليجية أو العربية تطلق هذا المفهوم على نساء الغرب فقط.
4- الشباب دام بلغوا سن الرشد .. لهم الحرية فـ اختيار شريكة حياتهم
لا أنا ولا انتِ نقدر نمنعهم من رغبتهم سواء في زواجهم من بنت البلد أو عربية أو غربية
دام الشرع محلل هـ الزواج.

لي متابعة ... او مشاركة

بنوتة جميرا

04-03-07 ||, 04:18 PM

نور الإيمان

04-03-07 ||, 07:22 PM

نور الايمان+عبرات حالمه
هي نعم الموضوع اتناول كل الجوانب
يعني كل شي
وانا كنت واااايد صريحه وواقعيه
واللي ما يعيبه لا يدخل ويشارك فيها
يتعب نفسه ويتعبنا

كلج ذوق .. :thumbup1:

بنوتة جميرا

04-03-07 ||, 07:48 PM

نور الايمان
اللي بيزعل كيفه
انا مب فاتحه موضوع للزعل
موضوع للمناقشه
وفيه اراء كثييييره
بتتقبلونها حياكم ما بتتقبلونها براحتكم

شكرا

نور الإيمان

04-03-07 ||, 07:55 PM

نور الايمان
اللي بيزعل كيفه
انا مب فاتحه موضوع للزعل
موضوع للمناقشه
وفيه اراء كثييييره
بتتقبلونها حياكم ما بتتقبلونها براحتكم

شكرا

تسلمين اختي ...

بنوتة جميرا

04-03-07 ||, 08:04 PM

الله يسلمج

طير الحب

05-03-07 ||, 01:37 AM

ببساطة ليش ما تكون كل زوجة ...كل شيء بالنسبة لزوجها اجنبية وعربية...الأمر كله بيد الزوجة تقدر تكسب زوجها وما تحرم نفسها من الدلع...العطاء بلا حدود غلط الحياة اخذ وعطاء....لأنها لو عطت بلا حدود بتمر عليها لحظة بتقول هو شو سوا لي...فلازم تكون الكفة متكافئة في العطاء والحب والإحترام بين الزوجين.

على فكرة حياة الإجانب في الكثير من الأشياء الإيجابية الي المفروض نتعلمها...وأنا من صغري من المتابعين لحياة الإجانب الي كان لها مردود ايجابي على حياتي بشكل كبير طبعا كلامي هذا بعيد عن دينهم واخلاقياتهم السلبية.

بنوتة جميرا

05-03-07 ||, 01:44 PM

طير الحب
شكرا ع مشاركتج الغلا

سليم الحص

06-03-07 ||, 11:40 AM

حبيت ابدي رأيي في هذا الموضوع

اولاً استغرب لمن يأتي شخص ويقول الرسول فعل والرسول سوى احب اذكر اننا لسنا الرسول فالرسول خير البشر ولا نستطيع ان نقارن انفسنا فيه

ثالث شي المجتمع لازم يتغير والجهل لازم يتبدل عشان الشاب يتزوج من مواطنة يدفع ما واره وما دونه ليش طيب انا اعتقد ان النساء لهم دور كبير في ذلك في كثير من النساء جاهلات مع احترامي لهم فهم ينظرون دائما للغير هاذي الفلانه سوت وهاذي العلانه عطوها وهاذي دفعوا لها وهكذا وبعدين يحتجون ليس المواطن ما يتزوج منهم

(العادات البدوية المتخلفة لازم نبدلها فالزمن تغير والعلم تطور واحنا مكانك سر)

تقبلوا تحياتي

بنوتة جميرا

06-03-07 ||, 11:56 AM

سليم الحص

شكرا ع المشاركه

هيمان بوظبي

06-03-07 ||, 02:15 PM

الريال ريال ويقدر ياخذ اللي يباها
وهو حر منو الحرمه اللي يبى يكمل وياها باقي حياته
لو كانت مواطنه او عربيه او اجنبيه
المهم الحب وراحة البال

بنوتة جميرا

06-03-07 ||, 03:56 PM

هيمان بوظبي
اول شاب تقريبا يرد ع الموضوع وهو مأيد للفكره
كل اللي ردوا علي مايرضون الا ببنت البلاد
هذا رايك واحترمه
انت حر

شكرا ع المشاركه

ولد الشحوح

07-03-07 ||, 08:22 PM

أو كما قال صلى الله عليه وسلم( أقلهن مهرا أكثرهن بركة )

بنوتة جميرا

07-03-07 ||, 08:47 PM

ولد الشحوح
وضح كلامك اكثر؟؟
شو تقصد به

وبعد قال الرسول -صلى الله عليه وسلم-:
تنكح المراه لاربع لدينها ومالها وجمالها ونسبها<ماعرف اذا الترتيب صح بس بهالمعنى
وحط تحت دينها مليون خط

شكرا ع مشاركتك

تحفه

07-03-07 ||, 09:44 PM

حبيت ابدي رأيي في هذا الموضوع

اولاً استغرب لمن يأتي شخص ويقول الرسول فعل والرسول سوى احب اذكر اننا لسنا الرسول فالرسول خير البشر ولا نستطيع ان نقارن انفسنا فيه

[FONT=Comic Sans MS][SIZE=6][COLOR=blue]
ثالث شي المجتمع لازم يتغير والجهل لازم يتبدل عشان الشاب يتزوج من مواطنة يدفع ما واره وما دونه ليش طيب انا اعتقد ان النساء لهم دور كبير في ذلك في كثير من النساء جاهلات مع احترامي لهم فهم ينظرون دائما للغير هاذي الفلانه سوت وهاذي العلانه عطوها وهاذي دفعوا لها وهكذا وبعدين يحتجون ليس المواطن ما يتزوج منهم

(العادات البدوية المتخلفة لازم نبدلها فالزمن تغير والعلم تطور واحنا مكانك سر)

تقبلوا تحياتي

تتكلم عن الرسول و العادات والتقاليد وتضرب بتصرف ..... انه تزوج وخذ أجنبيه على قولتك مثال سلبي؟

الرسول صلى الله عليه وسلم تزوج من مختلف الديانات والأقوام .....

اذا هالبنت أصلح من غيرها ليش لأ؟!

خبروني ليش لأ؟

تحفه

07-03-07 ||, 09:47 PM

^آسفه إذا متكلمه بـ"خشونه"

خذاني الحماس ........ احب شيخنا (L)

ولد الشحوح

08-03-07 ||, 12:54 PM

قال رسول الله صلى الله عليه وسلم :[أقلهن مهراً أكثرهن بركه ] يعني هايلا البنات اللي يطلبون شي وشويات تقل بركتهن بايدهن انا ما يبت الكلام من عندي ..؟!؟

بنوتة جميرا

09-03-07 ||, 03:32 PM

تحفه
نحن ما نقدر انقارن شبابنا بالرسول-صلى الله عليه وسلم-
او حتى حاكم دوله مثل الشيخ محمد بن راشد
لانه هم غير
حياتهم غير
مسؤولياتهم غير
فالشباب لا يقولون مثلا شيخنا سوا وبنسوي مثله
لا ما يصير

شكرا لج وللأخ سليم الحص

بنوتة جميرا

09-03-07 ||, 03:35 PM

ولد الشحوح
كلامك صح
بس ترا مب كل البنات جي
مب كل وحده تطلب وايد
ويكون مهرها غالي
المهر 20000 واللي تطلب زياده
هاي تكون من مستوى معين وما تبغي تعيش اقل من مستواها
تطلب وايد وتكسر ظهر اللي يباها
واخر شي هي اللي بتعيش في نكد وتعاسه من الديون اللي هي سببها

شكرا ع مشاركتك مرة ثانيه

ولد الشحوح

10-03-07 ||, 12:17 AM

اللي يكسر ظهر الريال مب بس المهر والله نبا حفلة الملجة تكون جي وجي وجي لان بنت يارتنا سوت جي وجي ونبا نكون أحسن عنها وفكل زيارة خمس جنط هدايا يعني تنصرف البيزات اللي المفروض يستانسون فيها الزوج والزوجة على اشياء تافه جدا ؟!؟

بنوتة جميرا

10-03-07 ||, 08:10 PM

ولد الشحوح
تدري في واحد يا يخطب خالتي
بس خالتي رفضت لان الريال طلع بخيل وااايد
المهم يوم عرف الريال ان خالتي رفضت
قال لها زين مني بسوي ليله حنا واخر ليله شو تبين زياده
ضحكت عليه من الخاطر يوم جي قال
اقولهم جي هو شو بيسوي زود
غصبن عنه يسوي هالليلتين
كل الناس جي تسوي
بس اللي يسون بدل الليلتين 4 ليالي مادري 5 هذيل صدق يصرفون من الخاطر
والله يعين اللي بياخذهم
بس الليلتين ضروريات بس بدون مصاريف زايده

شكرا مره ثانيه

أتمنى

11-03-07 ||, 12:15 AM

أخي الكريم .. سليم الحص

عندما يتعدى شخص على الآخرين
بفعله و تصرفاته
من الممكن ان نعيب عليه ذلك

لكن لا أدري كيف كان التعدي
بزواج سليم صحيح
لتأتي و تقول للأسف اتخذتموه قدوه !

نحترم رأيك بكل تأكيد
و لكن نتمنى منك عدم التعرض
للحكومة أو الأشخاص عند التعبير عن اعتقاداتك

فكلمة للأسف
لن يتقبلها محبي الشخص او غيره

لذلك نتمى منك الالتزام و عدم التعدي
على الشخصيات السياسية أو غيرها
فكل انسان له حرية التصرف خصوصاً ان لم
يتعدى بتصرفه على أحد :smile:

سيتم تعديل ردك .. و أتمنى أن لا يتكرر منك ذلك
اجمل التحايا

عذبة الروح

12-03-07 ||, 02:47 PM

عذبه الروح
وشو اللي ما عيبج في رمستي؟؟!
انا ارد ع كل شخص رد ع موضوعي بالطريقه اللي اباها
واشكرهم ع رايهم واذكر انا بعد رايي
شرات ما انا احترم رايهم يحترمون رايي
انا ضد هالفكره
والا مع انا احترم رايه
واللي ضد انا معاه

الشي اللي مستغربه منه ان البنات مع الفكره
والشباب هم اللي ضدها
مع ان المضررين من هالموضوع كله هم البنات

شكرا ع مشاركتج

اختي
منو قالج اني مع الفكره ؟!!

لا حبوبه
انا مب وياها ... ومب ضدها
يعني متحيزه ...
فيها الزين وفيها الشي .. لكن ما اقدر ارفضها

...

لاني لو كنت وياها .. اكون ضد الزواج من بنات لـ بلاد // وهـ الشي مستحيل
ولو ضدها .. يعني نكرت ورفضت شي الشرع محلله

...

الموضوع تحكمه ظروف وحالات مختلفه
يعني انا وافقت الموضوع على أساس مبدأ
ولكن لو دخلنا فـ تفاصيل أكثر
مثل اللي ذكرتيها انت والباقيين
ارفض مثلا انه ياخذ الاجنبيه الغربيه سواء روسيه او انجليزيه او .... الخ
لانه ما تعرف تربي عيالنا عـ الدين

لكن العربيه الملتزمه ... ممكن يكفي انها مسلمه ولها من عاداتنا وتقاليدنا لو بـ الشي القليل

بغض النظر عن بنت لـ بلاد :a058:
اللي كل همها السفر والسوق والصيحات
ولو كان عندها عيال ...
ما تجيسهن وما تعرف عنهن شي
وعاقتنهن عـ البشاكير من يوم ولدها عمره اسبوع ان ما كان أقل :fa46:

هـ الشي ما يشرف .. ولا اتيين تقولين العكس
لانه هـ الشي منتشر بين الحريم 90 - 95 % إن ما كان 100% :pullhair:

بنوتة جميرا

12-03-07 ||, 06:21 PM

بنت الدلع

12-03-07 ||, 08:39 PM

الاختلاف في الراي لايفسد للود قضيه ^_^

حلو يوم الواحد يتناقش ويعرف شو سبب تفكير الطرف الثاني

بنوتة جميرا

12-03-07 ||, 08:59 PM

بنت الدلع
شكرا ع مرورج

عذبة الروح

13-03-07 ||, 11:01 AM

عذبه الروح
لا تقولين 100% من الحريم عاقين عيالهم ع الخدم
ماقولج ماشي شي بس بعد في اللي كل اهتمامها عيالها
فما نقدر انقول 100%
انا اعرف كثير بنات عرسوا في سن صغيره
بس ضحوا بمستقبلهم وحياتهم الجامعيه
بس عسب يربون عيالهم ومايكونون عند الخدم
نحن ظهرنا عن الموضوع
بس كلامج في هالنقطه ماعيبني
لج رايج

شكرا ع مرورج مره ثانيه

قلتِ رايج انه كلامي ما عيبج :8:

وانا ما قلت 100 % <--- راجعي كلامي عدل :h_qor9anah:

بس صدق خاطري اعرف كم النسبه اللي تحطينها غير 90-95%
مقارنة بين ام مواطنه وام مب مواطنه
ممكن اعرف ؟؟؟؟؟!!!

بنوتة جميرا

15-03-07 ||, 11:09 AM

عذبه الروح
وضحي سؤالج اكثر وبجاوبج
؟؟؟

الـيـاه

15-03-07 ||, 03:40 PM

بنت جمـيرا
أنتي ليـــــش مب قادره تقتنعين أنه لكل شخص وجهة نظر خاصـة فيه .. وكل شخص مسوي إحصائيه
تقديريـه ع اللي جافـه من مواقف .. وألا تجربـه عاشها !

غلط ..
وغلط كـبـــير بعد .. أني أعارض شخص في شي هو يجوفه بهالطريقـة
يمكن هو حاس بالموقف أكـثر منج أنتي لانـه عايشنـه ..

أنتي قلتي رايج
والناس قالو رايهــم والموضوع أساسـه يتكلم عن آراء الناس في هالقضية وأنتي بأيدج كاتبه هالشي

عــــــــــــــــااادي مافيها شي .. بس الغلط أني أعمم راي الشخصي على المجتمع كله وأقذف ناس
وعيال هالناس من دون ما أحس ( والإنتهاء بكلمة أنا ضدج في كل كلمة قلتيها )

مثل ما قلت في ردي الأول * أكــيد أنا مب من اللي يشجعون الشباب يتزوجون من برع*
لاكني مش ضد اللي تزوج أجنبية .. واااااايـــد أجانب مسلمين ومحترمين ويعرفون كيف يربون عيالهم

التعصب في الرأي
( أبــــــــــــــدا ً ما يساعد في حل القضايا أو السهولة في النقاش ) بس يكـبرها
والواحد يوم يكون rude محد بيتجاوب وياه ..

المشكله أنج تعممين في أفكارج
والشي الوحـيد اللي أتمناه أنكم تراعون الناس اللي نصهم أجنبي - لأنهم اول شي منا وفينا -
وثانــي شي متربين عدل وبفكرتي هاي بعد ما أعمم .. في كل شي ( الزين + الشين )

والسموحــــــه

بنوتة جميرا

15-03-07 ||, 04:30 PM

الياه
اتقبل رايج فيني وفي رمستي
رايج واحترمه
وانا رايي قلته
وماعندي استعداد اغيره

شكرا مره ثانيه

الـيـاه

15-03-07 ||, 07:12 PM

^

شكرا ً ونحن بعد نحترم رايج و ( أبـد ) ما قلنا أنج لازم تغيرين رايج ..
لكن في نفس الوقت مب من حقنا نسكت الناس أو نفرض عليهم راينا صح =)

ومشكوووره حبوبــه ..

بنوتة جميرا

15-03-07 ||, 07:18 PM

مشكوره الياه

روضه

01-04-07 ||, 02:48 PM

اخواتي ...
انا ضد زواج المواطن من اجنبيه..( غير عربيه)...
نفس المشاكل في الجهتين ...بس ارحم اتكون عربيه ولا تكون اجنبيه ...
كيف يتقبلها مجتمع الامارات...من تصرفات غريبه ودخيله علينا....
التفكير في التربيه ....خاصة البنات....
كيف انربيها على الدين واحترام العادات السائده في مجتمعنا ...والسنع والمذهب...
نحن في عائلتنا استوت هذه الزيجات...بس من بعيد...
والحل الطلاق...
1-البنات مب متعودات على الشيله مب الحجاب....لو قالولهن اتحجبن ...اعتقد بيشردن..
2-الطلعات في اي وقت ماحد يسيطر عليهن...
3-القدوه الام,الله يستر عليها ....!!!
4- السهر من الاولاد بحجة الصداقه...
يعني امورهن ماتناسبنا ابداً....ولايقدرن يخالطن حريم الدار او من عائلات اخرى...
الزواج من اجنبيه ...اعتقد انه نقص في شخصية الزوج !!!
شو فيها بنت البلد او العربيه؟؟؟
الواحد يفتخر انه مناسب بنت فلان ومن العائله الفلانيه...
الاولاد شو ذنبهم يعانون باجر من اهل امه ...ونحن عندنا هالشي مهم ...الواحد يفتخر بخواله..
...... في تكمله باجر بكملها....الموضوع طويل ما له نهايه..........

بنوتة جميرا

01-04-07 ||, 04:06 PM

روضه
هاللي حبيت اسمعه من بنات بلادي
شكرا غاليتي ع المشاركه
وان شاء الله بتابع الموضوع وبقرا تكمله ردج

روضه

02-04-07 ||, 02:34 PM

من فتره واحد مع وحده في السوق حافظ عليها ...عبايه وشيله ومنك شقرا وشي غريب مب طبيعي...
وهو ماشي عدالها ..شكله مستحي او مستنكر وجوده معاها...هي كاشفه ويها...والمشيه غريبه...والبس اللي تشتريه أغرب وصراخ بالتلفون ..كل شي غريب..وهو كل شويه يحاول يبعد عنها..
الحين انت مفتضح من نفسك ...باجر اعيالك بيسوون جيه...
ليش بنات الدار شوفيهن؟؟؟
عسب المهور؟؟ ...والله في ناس ع قد حالهم ...ويطلبون الشي المستطاع...واللي يبيض ويهم جدام المعازيم.... ولايريدون غير الستر ع بناتهم ....
والحمدلله ...بناتنا يشرفن اللي ياخذهن...وينحطن تاج ع الراس ....
..........ولنا تكمله.......

بنوتة جميرا

02-04-07 ||, 06:05 PM

روضه
كلامج اكثر من الحلو
وانا معاج
كذا مره اصادف مواطنين لو كانوا ماخذين وافدات
وخاصه من شرق اسيا
يمشي ومستحي مادري مفتشل ويمشي بعيد شوي عنها
اوكي يوم انت جي شو اللي حادنك بالزواج منهن ؟؟
وبتابع الموضوع وردودج غاليتي

شكرا مره ثانيه ع المشاركه

بن شداد

03-04-07 ||, 12:51 AM

السلام عليك ورحمتة الله وبركاته
اختي الكريمه / بنوتة جميرا المحترمه
- شكرالله لك على هذا الموضوع ، الزواج من الاجنبيات ظاهرة معروفة في مجتمعنا الاماراتي المحافظ آثاره بائنه .
تتكون المجتمعات من اسر والاسر من افراد منهم الاب والام والاخ والاخت ، الابناء يكونون في الغالب صورة مصغره عن الاباء والامهات ، البس مثل ابي وهي تلبس مثل امها ، لساننا لسان آبائنا وديننا دين آبائننا ، شرفنا وعزتنا وكرامتنا اعظم ما عندنا ، لدينا قيم وعادات وتقاليد ومفاهيم نود ان نورثها لللاجيال الآتيه .
اذا اتينا بمقدار معين من السكر وخلطناه بمقدار معين من الماء تكون درجة حلاوة الماء حسب رغبتنا ، كذلك تقل الحلاوة بمقدار السكر .

زواج المواطن من الاجنبية يضعف مجتمعنا المحافظ بشكل عام كما يضعف زيادة الماء على حلاوة الشراب .
هذا وجهة نظري فقط ( بن شداد ) وانا ما امثل احد.

بنوتة جميرا

03-04-07 ||, 09:44 AM

بن شداد
انا معاك في اللي قلته
وشاكره لك مشاركتك اخوي

روضه

03-04-07 ||, 01:47 PM

اخوي بن شداد ....كلامك جميل فعلا...
ماأدري هل هي غيره على بناتنا واخواتنا؟؟؟؟
او غيره على شبابنا ما نريدهم يروحون حق حد غريب؟؟؟؟
اعتقد الكل يحب ويفضل ان المواطنه للأماراتي وبس..
والإماراتي للمواطنه نحن من بلد واحد ومجتمع واحد نفس العادات والتقاليد..والسنع والمذهب...
تحكمنا ظروف واحده...ومشاكلنا مشتركه تلقاها في كل عائله...مب دخيله علينا...
بحكم عملي بالتربيه ...
اشوف واسمع ...بلاوي دخيله علينا بسبب هالشي....
المواطنه اتحن على الزوج اكثر من غيرها....لأنها منه وفيه...ويردها العادات والتقاليد اللي تربت عليها في بلادها...
عندنا مشاكل مع الطلاب في مدارسهم ...يالله..هاتوا الام ...نسألها عن دورها ...او الاب ...طبعاَ الاب في الشغل ...وصلت الام ..والله يجازيها كل خير..على اهتمامها...
الحين كيف نتفاهم معاها؟؟؟
الام اجنبيه!!!!............سكتنا مانقدر اناقش اي شي...
اختلاف في اللغه
العادات
التقاليد
البيئه
التعليم
الدين اولاَواخيرا!
نرجع للأساس ...الأب.....راعي المسؤليه اولاَ واخيراً
والله وااايد من هذه المشاكل ....دووووم ...
الله يهديهم ...

بنوتة جميرا

03-04-07 ||, 08:06 PM

روضه
انا معاج
كثير من المشاكل اتصير مع الابناء في المدارس
ويوم يستدعون الام مايعرفون يتفاهمون معاها
خالتي تشتغل في نفس مجالج
ودوم اتيب لنا هالسوالف
والله ماقمت اعرف نضحك والا شو نسوي بالضبط

شكرا لج غاليتي

بن شداد

03-04-07 ||, 11:42 PM

السلام عليكم ورحمة الله وبركاته
اختي الكريمة / بنوتة جميرا شكرا على ثنائك .
اختي الفاضلة / روضة اشكرك على مديحك واقول غيرة........ حرقة ........على بناتنا وشبابنا .
كوني انا فرد من هذا المجتمع لدي اخوات وخالات وعمات وبناتي وبنات الاخ وبنات الاخت وبنات الخالات وبنات العمات(قريبات في سن الزواج) ....................... لي المصلحة كل المصلحة في الحديث عن هذا الموضوع ..........................نعم لدينا شريحه كبيرة من الشباب المقبلين على الزواج ولدينا بناتنا ........... بجمعهم نقل عدد العوانس والارامل والمطلقات .................. عفو انا لست ضد الزواج من الاجنبيات ............... ولكن لدي مسوؤلية ملقاة على عاتقي وعلى عاتق كل من لديه قريبه في سن الزواج ......................... كيف هذه المسكينه تتزوج قبل ان يفوتها سن الزواج ............ عذرا الزواج قسمة ونصيب .................. والغيب لا يعلمه الا الله سبحانه وتعالى ............. والسموحه على هذه المداخلة ................