دورولي هالسياره ربي يسعدكم !

[ألم ترى]

السلام عليكم
شباب والله دار راسي وانا ادور سياره دفشه بنظر البعض
السياره اللي ابيها هي الشفر بوكريل اللي فيه اربع تواير ف الخلف !
اليوم من الظهر وانا اترتر ف العوير وماشيء اثر لها او ان ع عيني غشاوه
:crazy:
ربي يسعدكم دورولي حد عنده نفس هالموتر وناوي يبيعه
يمكن ما عرفت افهمكم صح والعتب عليه والله تعبان حيل
بحفظ الله

[شوق القلوب]

السلام عليكم..


دوروووولها له يا جمــاعه..:fa51:

ما صدقنا يدخل هالانســـان.. :a074:

..

و حيالله معاذ .. ^_^

[ألم ترى]

حبيت انوه بأن اللي يدخل ومايرد يبتعاقب !
كيفي عاد خقاق ويباله ضرب هههه
:fa46:
يلا ساعدوني عن اطير الغوازي
منوره يا ملح الواحات
:2:

[طير الحب]

هههههههههه...شوف معارض الشارجه عل وعسى تلقاها

[ذنـيـنـي]

شوف اليوسف موتورز

احيد عنده كمية للبيع بسعر رخيص يداد و مع الظمان

ربيعي ماخذ عنهم دبل تاير و دبل كبينه بـ اقل من 80 الف و المكينه 6.0 بعد

[ذنـيـنـي]

هيه صح

احيد واحد من ربعي يبغي يبيع جمس مب شفر، لكنه كبينه و نص و مب دبل تاير
لكنه مزود على الخفيف، عليه اقزوز كامل و انتيك و برمجة كمبيوتر بالاضافة الي بريكات رياضية

[شرجاوي]

سلفرادو 3500

ان شاء الله اذا قدرت خلال هاليومين بمر المعارض و بشوفلك ( اذا ما نسيت خخخخخ )

[إسهر معي ليله]

بتحصله عند اليوسف.. واذا تبا مستعمل تراه مكوّد في المعارض

فيه مجله تحصلها في شيش البترول اسمها Auto Trader وبتحصل السياره للبيع في وايد معارض

[الدلووووعة]

مادري اذا هي شرات السياره اللي فبالي
بس اذا شراتها الصرااحة عجيبه وانا يوم اشوفها اقول طالعو الوحش خخخخ
( تراك قلت اللي يدخل ومايرد بيتعاقب جان ارد ^_^ خوافة خخ)

[ألم ترى]

بسم الله الرحمن الرحيم
هلا اخواني
اشكر كل من حاول يساعدني
:fa41:

ذنيني
حاول تتواصل ويا الريال بو دبل تاير إذا يقدر يفيدني
يعني من وين شرى الموتر وهل هناك مواتر غيرهم او خلاص
:bye2:
وبخصوص ربيعك راعي الجمس
زين بتسوي إذا بتحطي سعره ولونه واشياء عنه يعني

شرجاوي
إذا الله كاتب ليه رزق ف هالموتر فبتكون انته سبب بعون الله
لاتبطي بارك الله فيك
:b050:

اسهر معي ليله
هي صح انا مايت ع بالي هالمجله !
بس اي معاض تقصد فيها هالموتر مكود ؟
:wow:

ف انتظاركم إن شاء الله

[حصان طروادة]

ألم ترى

أول شي الموضوع مكرر وموجود باسم بن الخطاب

http://oasis.bindubai.com/bin/showthread.php?t=34780

ثاني شي

اليوسف موتورز باعوا جميع الكميات الموجودة عندهم

وانا بدور لك إن شاء الله وإذا حصلت بخبرك

[إسهر معي ليله]

وايد معارض.. امسات اطالع المجله اشوف سيايير للبيع

والسياره موجوده في كذا معرض.. شوف المجلات مب خسران شي

وبعض المعارض اييبونها هيه والجمس ويا رنجات اكبر،، وسوبر جارج

ولو تحصل اللي باعهم اليوسف زين.. لأنهم رخاص.. بس اعتقد انهم مب فل اوبشن

[إسهر معي ليله]

لم ترى،، هذا اللي انته تدور عليه

http://www.chevrolet.com/i/pic/silveradoclassic/2007/photogallery/ext_gallery04.jpg

بس لاحظت قبل فترة انه فيه ناس عندهم كبينه وحده بس دبل تاير،، شكله غريب و حلو :thumbup1: واللي شفتهم جماسي

::
::

شو رايك في الشكل اليديد؟؟،، اعتقد ما بينزلونه !

http://www.chevrolet.com/i/pic/silverado/2007/photogallery/ext_gallery30.jpg

http://www.chevrolet.com/i/pic/silverado/2007/photogallery/ext_gallery31.jpg

[ابن الخطاب]

بسم الله الرحمن الرحيم

ألم ترى : صدقنك يبالك هزاب من الخاطر ... والله لو كنت قدامي جان صلخت اظهرك بالمطرق اللي عندي ...

عيل حاشرني حشره من أمس نزل موضوع ونزل موضوع ... ويوم إني نزلت اتي من وراي وتنزل موضوع ثاني ...؟

ما عليه ... إن ما حطيت صورتك في الواحات ما أكون ابن الخطاب

[ألم ترى]

بسم الله الرحمن الرحيم

حصان طروادة
ما ادري وربي انه موضوع مكرر !
ف انتظار مساعدتك يا خي الكريم
:a014:

اسهر معي ليله
اف اف ع الصور الغاويه !
اسهر لا اتخبل فيني ع هالخبال اللي عندي
انزين حبوب انا اشتريت المجله اللي تخبرني عنها بس ما حصلت اللي ابيه !
وإذا انته شايف الموتر مكان عطني اسم او رقم المعرض بارك الله فيك
:9:
ف انتظارك شيخي

ابن الخطاب
يود هالبوسه اموووح وحقك عليه
يلا حلل راتبك ويا الجماعه
:a116:

بحفظ الرحمن

[ألم ترى]

بسم الله الرحمن الرحيم ..

اسهر معي ليله ..

اتصدق رديت جيكت ع المجله جان احصل جمس بوكريل دبل تاير بس مبيوع بـ 170 تقريبآ ! ..

وشيء الحجم الصغير عاد ما اتصلت اسآل عليه ..

الله يجعلكم سبب ..

[صريح]

معــاذ
:fa56:

سألت صاحبنا عن موتره و قال لي مب للبيع
و موتره ديزل مب بترول .. و جااري البحث
و ان شاء الله نحصل لك واحد يعجبك
:m_atmasha:

[ذنـيـنـي]

الغالي معاذ
بتحصل الجماسي مكودات للبيع من عقب شهر اربعه

لأنه الشكل اليديد في شهر 4 بينزل و الناس متخبلين عليه

[العيناويه]

ابن الخطاااب
انا لوووووووووو بدالك بخليه يدور روووووووحه ههههههههههههههه نذله فديتني ,,,

الم ترى
تراااااااااااااااااااك لفيتليه راسي ,,,
في كل مكااااااااااان موضوع عن السيارة الي تباها ,,, لو لقيتها ما بخبرك بس غيااااااااض ,,,
الله يوفقك وتحصل الي تباه خخخخ

[إسهر معي ليله]

غريبه !

انا دورت في العدد الأخير وما لقيت غير شفر واحد بس الكريل العادي
و جمس كابينه وحده !

يمكن خلصن من السوق :k_harhar1: مر الوكاله واسأل يمكن
تقدر تطلب،، لأنه اليوسف عنده غير اللي باعوهم قبل..

اللي باعوهم بيض و مب فل ابشن.. يمكن يقدر اييبلك واحد فيه مواصفات ولونه حلو :thumbup1:

لأنه لو تدخل على موقع الشفرليه تحصل سلفرادو 2007 الشكل اليديد
وسلفرادوا كلاسيك 2007 اللي هوه الشكل الجديم.. يعني بعدهم ينزلونه

و شوف الجمس بعد.. حلو تراه

[المزوحي]

بتمل من الموتر بسرعه ... ماتفكر تغير

[ألم ترى]

بسم الله الرحمن الرحيم ..

هلا اخوي اسهر معي ليله ..

عاد استوى المنكر اللحين :shutup: ! ..

الجمس غاوي لكن الشفر مخصر وشكله احلى بستثناء المقدمه ..

يلا ما علينا وتشكر حبوب :fa41: ..

هلا اخوي المزوحي ..

هلا ما بمل منه لئنه نحن من سكان رأس الخيمة هههه :fa56: ..

الشوارع ارف ومايباله غير وحش شرات هالوحش ! ..

يمكن اخذ موستنغ 2006 إذا ماحصلت اللي ابيه :a116: ..

بحفظ الرحمن ..

[ذنـيـنـي]

بتمل من الموتر بسرعه ... ماتفكر تغير


بالعكس اذا تعودت عليها ما بتفكر تغيرها

لأنه السيارة بتنفعك في تحميل الاغراض و تنفع كـ سيارة استخدام
و في نفس الوقت كشخه و "كوول"
اذا زودتها شوي بتطييييييييير

يعني ما في مجال انك تمل منها، بس اهم شي انته و قناعاتك :thumbup1:

[ألم ترى]

الغالي معاذ
بتحصل الجماسي مكودات للبيع من عقب شهر اربعه

لأنه الشكل اليديد في شهر 4 بينزل و الناس متخبلين عليه


هلا بو نصره
شهر اربع امممم شكلي بنتحر ههههه
:fa56:
ياخوك إذا ماحصلت بجلب ع الموستنغ
تشكر ع التواجد والمساعده شيخي

[ذنـيـنـي]

لاااااااااااااااااا

كله ولا الموستينغ
انزين مب لازم بو دبل تاير

خذلك بو كبينه و نص العادي
عملي اكثر و بينفعك حق البر و جي

[ألم ترى]

ليـــش عاد :crazy:
ما تفرق وياي الكبينه واهم شيء عندي دبل تاير
انزييين دورلي واحد رخيص هههه

[ألم ترى]

معــاذ
:fa56:

سألت صاحبنا عن موتره و قال لي مب للبيع
و موتره ديزل مب بترول .. و جااري البحث
و ان شاء الله نحصل لك واحد يعجبك
:m_atmasha:



هلا صروحكا
انزين شيخي ما رديت لنا خبر بارك الله فيك !
ع الأقل طرش لي مسج قولي ارقد بدال ما اترياك هههه
:fa56:
ع العموم اللحين الديزل تمام ولا شو سالفته ؟
اللي اعرفه بأن الفيول بم غالي بـ 12 ألف وهاي علته صح ؟
ف الأنتظار

[ألم ترى]

ابن الخطاااب
انا لوووووووووو بدالك بخليه يدور روووووووحه ههههههههههههههه نذله فديتني ,,,

الم ترى
تراااااااااااااااااااك لفيتليه راسي ,,,
في كل مكااااااااااان موضوع عن السيارة الي تباها ,,, لو لقيتها ما بخبرك بس غيااااااااض ,,,
الله يوفقك وتحصل الي تباه خخخخ


هلا بـ طويلة العمر
انزين عاد هالمواضيع المنتشهر تدل ع الضروره ولين اللحين ما نها فايده !
افا اختي ليش عاد ما بتخبريني ؟
:mad:
خلاص ما بنكلف عليكم خبروا ابن الخطاب بدالي هههه
شكرآ ع التواجد

[صريح]

معــاذ

الريال موول ما يدش المسن و تلفونه في امريكا دووم مغلق
عيزت و انا اتصل به كله مغلق

سألت كم واحد من اللي عندهم الجمس عن مكينه الديزل محد عنه فكره
و كلهم ماخذين مواترهم فوق الـ 120 الف ... اللي تييك جاهزه و معدله ويا السوبر من امريكا
و محد يبا يبيع موتره ... لا تحتشر عليه الحيين انا ما يخصني :fa56:

[صريح]

ربيعي عنده شراات هذا بالضبط بس الفرق اللون و الرنقاات (http://www.stevenhawkins.com/gmc1.JPG)

و جااري البحث و بخبرك اذا لقيت شي

[المزوحي]

خلاص عيل توكل وإن شاء الله تحصل السيارة الزينه

[ألم ترى]

الحمدلله حصلنا اللي نبيه
والشكر موصول لكل من ساعدني سواء ف الواحات او خارجها!
:fa56:
شفروليه ابيض كبينتين ونص ومخصر ودبل تاير بـ 85 ألف
طبعآ عليه تواير عراض قيمتهم بـ 3500 تقريبآ ورنجات كروم بـ 4000 تقريبآ
يعني الموتر معدل ع الخفيف !
واللي عليه اني اركب اقزوزات حق الصوت وشوي حلويات لـ اعضاء الواحات واهلها الطيبين
:fa41:
باجر بعون الله بشتريه والله يتمم البيعه ع خير قولوا امين

[سفير الخيال]

باجر بعون الله بشتريه والله يتمم البيعه ع خير قولوا امين

ومتى سفير بيركب معاك وهو لابس نظارتة الشمسيه :cool:

بالبركه علييك عزيزي والله يعطيك خيرها ويكفيك شرها :smile:

والله استانست لك

[ألم ترى]

كيف تبي تركب وانته بعدك ما امنت !
وانا مستانس لمعرفت واحد شرواك
:fa41:
كل الود

[الدلووووعة]

مبروك اخويه الم ترا ^_^

يله يوم بتخلص من المرور ومادري شو ها اللي تسونها يوم تشترون سياره يديده

المهم ودنا حوطنا فيها وردنا الوحات مره ثانيه ^_^

اللي يبا اي من الحينه يحجر مكان ^_^

[إسهر معي ليله]

بالبركه اخوي.. اهم شي الصور نبا نشووفها

[صريح]

بالبركه يا معـاذ
شووف اول ما تيبه اتصل بي

15 دقيقه بالكثير و انا بكون جدام المنــار اتريااك
:fa56:

[مجموعة إنسان]

مبرووووووووووك

من الغلطان اللي بيلف علييييك الحين

[ألم ترى]

مبروك اخويه الم ترا ^_^

يله يوم بتخلص من المرور ومادري شو ها اللي تسونها يوم تشترون سياره يديده

المهم ودنا حوطنا فيها وردنا الوحات مره ثانيه ^_^

اللي يبا اي من الحينه يحجر مكان ^_^


الله يبارك بحياتج ياختي
إن شاء الله يوم الأحد يسجل الموتر بأسمي وبعطي الريال باجي الفلوس
لا لا بنات ممنوع !
:fa56:
شكرآ ع التواصل

[ألم ترى]

بالبركه اخوي.. اهم شي الصور نبا نشووفها


هلا بالغلا
تامر امر انت
:thumbup1:
وإن شاء الله بصوره وبطرش الصور لـ سفير او ابن الخطاب وهم اللي بيحطونهم
ادري إني بوهقهم وياي بس يتحملوني شوي ولا اكنسل مواترهم ههههه
:a116:
شاكر لك تواصل ياخوي

[ألم ترى]

بالبركه يا معـاذ
شووف اول ما تيبه اتصل بي

15 دقيقه بالكثير و انا بكون جدام المنــار اتريااك
:fa56:


افا توني اشوف ردك !
:crazy:
يلا ما علينا واليايات اكثر إن شاء الله
بس تعال اشوفك وايد ماخذ ع المنار هاليومين
:k_harhar1:
شكرآ ع تواصلك حبوب

[ألم ترى]

مبرووووووووووك

من الغلطان اللي بيلف علييييك الحين


الله يبارك بحياتي شيخي
ههه اتصدق عاد سواقته اتخوف ولكن فيه هيبه وثبات ملعون ماشاء الله
:fa42:
انزين خذ اليديد عاد !
كنت موصل واحد من الربع وجان اسمع صوت ونانات صوب الخران
وجان اضغط الموتر ضغاط لين ما وصلت لـ مطار رآس الخيمة صوب شارع طويين
ولا احصل شرطة رآس الخيمة كلهم هناك !
موتر محترق والموتر الثاني طايح ف قص صوب الشارع
نزلت وجان اشوف اسيويين متوفين واحد برع الموتر والثاني محصور ف الموتر
عاد الأسعافات ما تقدر تنزل تحت لئن الرمه جامده شوي وجان انزل الشفروليه
واحمل المتوفين ف الكريل طبعآ محطينهم ف اكياس اخلاء موتى
ونقلتهم لـ الشارع وبعدين حملناهم ف الأسعاف
الحمدلله الموتر طلع ف الصوره وبيض الويه
والشاهد الله واحد من قسم الأسفاف والأنقاذ قالي :
يا معاذ والله انك عن عشر رياييل سواء مداوم او مجاز !
لله الحمد والشكر الموتر منه فايده لئن الوالده طايحه فيه طيح وشوي وبطلعني برع البيت ههههه
:fa56:
طولت لاااااه ؟
بحفظ الرحمن

[ابن الخطاب]

بسم الله الرحمن الرحيم

أنا قلت يمكن من حوباتي ما بتحصل الموتر بعد الخيانة اللي سويتها فيني .

لكني من الحين أخبرك صدقني إذا ما عزمتني بمناسبة الموتر اليديد بدعي عليك :a014:

ولا مب جذه بعد ، الجماعة اللي ويانا هنه لازم تعزمهم ، وكل واحد منا لازم يصحل عمولة أتعابه .

ها شو قلت ؟

بنحصل العزيمة + العمولة ...؟ ولا أدعي ...؟

[ذنـيـنـي]

مبروك عليك الموتر يا معاذ

الله يعطيك خيره و يكفيك شره و عقبال السوبر جارج D=



في انتظار العزيمة D=

[ألم ترى]

بسم الله الرحمن الرحيم ..

ابن الخطاب

استوى الضر عاد :a116: ! ..

انا انسان ع قد حالي وبعزمكم ع شرط ..

شرطي هو إن ميري تجهز الوليمه مع الوالده ! ..

ها شو رايك :fa56: ؟ ..

ذنيني

الله يبارك بحياتك يا بونصره ..

سبر جارج :a116: ! ..

انزين انا ما افهم بهاي السوالف وابيك تزع اللي ف بطنك عشان اعرف ..

السبر يضر الموتر يعني اوكيه ولا لأ :k_smartass: ؟ ..

وسالفة العزيمه بتكون عند بوعبدالله ..

بحفظ الرحمن ..

تم تعديل الرد ! ..

[ابن الخطاب]

بسم الله الرحمن الرحيم

معاذو

أذيتني ويا ميري ... جان أنت ميت عليها قول ... جد خطبتها أنت وقلت لك تراها ما تصلح لك عمرها فوق ال50 .

أما عن العزيمة ... يالله حياكم الله عندنا في البيت رتب ويا شباب الواحات ... حددوا موعد وحياكم عندنا .

[شوق القلوب]

الســـــلام عليـــــكم...



وجـــــــــــــــــــــان استــــانس.. كنت فاتحه خير عليــــك .. ههههه ع كيفي :icecream:

..


بس كـــــــــــــــيف الجي..؟؟ :a046: ممنـــوع البنات ..؟؟ :glare:

ع الاقل.. عزومه ويا خالوه.. و خلنا انشوفها وهي واقفه في الحوي..
مب لازم تشحنا فيها.. :4:


..

ربي يعطيك خيرها و يكفيك شرها يا معاذ.. و بالبركه عليــــك..
و عقبــــال ام فســــتان أبيض.. :fa41:


:whistling:

[تنينه]

الـف مبرووك عليك الموتر يديد ياخويـه :h_qor9anah: والله يعطيك خيرها ويكـفيك شرهـا ؛؛

وشرات ما قالـت شووق الواحـات
ع الاقل.. عزومه ويا خالوه.. و خلنا انشوفها وهي واقفه في الحوي..
مب لازم تشحنا فيها..


في انتظار العـزيمـه :fa56:

[ألم ترى]

بسم الله الرحمن الرحيم

معاذو

أذيتني ويا ميري ... جان أنت ميت عليها قول ... جد خطبتها أنت وقلت لك تراها ما تصلح لك عمرها فوق ال50 .

أما عن العزيمة ... يالله حياكم الله عندنا في البيت رتب ويا شباب الواحات ... حددوا موعد وحياكم عندنا .


اول شيء طرشلي صورك وانا برتب كل شيء بخصوص العزيمة
طبعآ بتكون ف بيتكم ولازم يكون ذنيني موجود لئنا جالبين الموضوع سوالف
:a116:
بحفظ الله

[ألم ترى]

الســـــلام عليـــــكم...



وجـــــــــــــــــــــان استــــانس.. كنت فاتحه خير عليــــك .. ههههه ع كيفي :icecream:

..


بس كـــــــــــــــيف الجي..؟؟ :a046: ممنـــوع البنات ..؟؟ :glare:

ع الاقل.. عزومه ويا خالوه.. و خلنا انشوفها وهي واقفه في الحوي..
مب لازم تشحنا فيها.. :4:


..

ربي يعطيك خيرها و يكفيك شرها يا معاذ.. و بالبركه عليــــك..
و عقبــــال ام فســــتان أبيض.. :fa41:


:whistling:




وعليكم السلام والرحمه يالملــــح !
يمكن ليش لأ
:crazy:
الله يسعدج ف الدارين ياختي
بس شو سالفة الفستان الأبيض ؟
مووول ما احبه والله
ما قلت شيء تراااااني
:fa56:

[ألم ترى]

الـف مبرووك عليك الموتر يديد ياخويـه :h_qor9anah: والله يعطيك خيرها ويكـفيك شرهـا ؛؛

وشرات ما قالـت شووق الواحـات


في انتظار العـزيمـه :fa56:


الله يبارك ف حياتج ياختي
مافي اي مشكله دام العزيمه ع الدب بو عبووود
:k_harhar1:
شكرآ ع المرور

[ألم ترى]

ذنيني
تراني مخلص من الموضوع جان بتسكره
مب اتقولون اني اسوف وايد
:a116:

[خيال الحب]

مبروك عليك الموتر اخويه.. والله يعطيك خيره ويكفيك شره ^__^



استويت مصارع انته الحين بهالموتر خخخخخ

[ألم ترى]

بسم الله الرحمن الرحيم ..

هلا خيالكا :fa56: ..

الله يبارك بحياتك ياخوي ..

هو عن مصارع تراااااه مصارع ..

وانا ناوي احطي ف الجامه الخلفيه 3:16 يعني استون كولد اوستن :a116: ! ..

شكرآ ع مرور حبوب ..

[بوزايد]

مبروووووووووووووووووووووو وكـــــــــــــــــــــــ ــــــــــــــــــ


عقبال ما تودينا كلنا رحله البر

[ألم ترى]

بسم الله الرحمن الرحيم ..

الله يبارك بحياتك ياخوي ..

شاكر لك هالتواصل ..

[روضه]

اسمحولي تراني دخلت بالغلط....قلت بشوف شوسالفة الم ترى اش عنده...
والله للأسف مااقدر اساعدك بشي ...ولاأعرف عن السيارات..
الله يساعدك ....
والشباب مايقصرون

[ألم ترى]

بسم الله الرحمن الرحيم ..

هلا اختي روضه ..

هههه خلاص خلاص الموتر موجود ونحن المفروض مشطبين ع الموضوع من زمان :fa46: ! ..

شكرآ ع تواصلك ..

[روضه]

هلا ..........ماحد خبرني ....؟؟؟:Oo:
زين ....تباركت ابها .....:a034:
الف مبروك ....يالله عاد خذ جوله حول الواحات عشان انشوفها...وانت كاشخ فيها....:m_atmasha:
تستاهل ..........:fa34: :fa34: :fa34: