هل أنا على خطأ ؟

[المزوحي]

هل أنا على خطأ ؟؟! هاااي هي طــبيعتي ...

يوم آخذ موقف من شخص أو أحط في خاطري .... اتجاهله بعض الشي ... يعني

أعطيكم مثال ويا حبي للأمثله :look:

صار موقف بيني وبين زميل عمل ... بدون ذكر الموقف ... اليوم يوم سرت الدوام

هو من دخل سلّم ... رديت السلام ... لكن ماشفته .. ولا صديت صوبه .. ويوم يسألني أرد عليه بدون

ما أشوفه ... مادري أنا جيه ... أبالغ ... وإلا حساس بزيادة انا جيه ... لي متى نسكت

ونحط في خاطرنا وهم ولا عليهم ؟!! يمكن هالتعامل يفيد ....

لاحظ إني أنا مب المزوحي وقال : بلااااااااك اليووم .. قلت له ماشي

ما أحب اتكلم جدام الغير .. ورد سألني .. وقلت له تراك ضايجيتني بموقف البارحة ولاتقول بإني حساس

قال : أنا آسف .............. وقلت له تراني مب ثجيل دم ... عسب يصدر منك اللي صدر ..

بس على العموم طلعت اللي في خاطري، لأنه فعلا تكدرت ..

هل غلط بإني أقوله على اللي صار وإلا أكتم ............

[حلم الطفوله]

السلام عليكم

المزوحي ...

موقف طبيعي وعادي ....يمكن صار للكل بلا استثناء

نحنا بشر نحس .... ونتضايج ... ونحط بخاطرنا من مواقف يمكن يشوفها البعض سخيفه

إنته صح ...والحلو إلي فيك إنك عقب هالموقف خبرته .... وين الغلط يعني؟

[مــهــابه]

أخـوي المـزوحي

في هـناك أشخـاص لـو أنـت مانبـهـتـهم وقـلت لـهم اللي سـويتوه ويـايه أمس غـلط ، أو قلـت لـهم أنـا خذت فـ خاطريـه من السـالفـه الفـلانيـه ماراح يـحسـون لــسبب أو لـغيره

مـثلا:

نـاس تـقـول لك شي ، أو تـرتكـب شي ، هي تتحراه وفـ نظرهـا عـادي مـايزعـل فـبتـالي اطنـش الموضوع فـالوقـت اللي تكـون انـته تـحسستـ من الموضوع

ونـاس تـغلط ولكـن تـعـتقد أنـه محـد راح يـحاسبـها ع غلطـها ، لأنـك دايمـاً ماتـغـفر لـهم ذنبـهم وتـنسى أسـاءتـهم لكـ


انـا أقـول لك :

لاتـخلي شي فـخاطرك ، لـو حد سبب لك ازعـاج من وقف ، او ضـيج خاطرك بشي ، روح وقـول له
انـت جيه وجيه وجيـه

عـسب تـوضح الرؤيـه


والله يبـعد عن الكل الهموم والضيــج

[بنت الدلع]

لا مب على خطأ
الي سويته هو الصح
احسن بدال ما اتم ساكت وكاتم فقلبك

على الاقل هو يعرف انك مظايج من هالشي
يمكن هو مب منتبه للي صار

[أمواج]

.
.
انا يمكن لو صار لي نفس هالموقف وهو فعلا صار ويااي من فتره
اكثر شي ممكن اسوي إني اطنــش او اتعامل ويا هالشخص ويا اسلوب ثاني
المفرووض اني اقول للشخص الثاني شو قال . بس افضل اني اتبع اسلووب مب شي وياه
* طبيعتي جيه * مب شرط تكون نفسي بس انا احب اعامل الناس اللي يغلطون ويااي بهالاسلوب
:a036:
.
.

[تحفه]

يمكن 50% تكون فيني هالصفه .. ماعندي صفه في شخصيتي 100% ........................ غير العناد هيهيهي :fa56:

وزين يوم صارحته .. :fa42:

[أوتار القلب]

انا اربيعاتي يكرهون فيني ها الصفة ههه
والله ماداني اقول حق حد *خاصة لو كان جريب مني سواء كان اعرفها من الكلية ولا بيننا عشرة عمر* انت سويت جي جي جي .. احس عمري *نكدية* اذا قلت اللي ف خاطري
واصلن انا طبيعتي يوم اضايج من حد ماداني اكلمه حتى لو كنت انا الغلطانة بس حزتها طبعا وعقب انسى
لكـــــــــــن اذا زودوها وخلاااص طفح الكيل عااادي انفجر واطلع كل اللي فخاطري حتى لو كان جدام الناس *علانية* ههه حلوة هاي

حتى مرات احس ان اللي اسويه غلط ف لو اضايجت منهم احاول قد ما اقدر اني اطنش واعاملهم معاملة عادية

ياخي *انا جي* خلاص اتقبلوا الواقع

[طيف السحاب]

بلعكس انا اجوف هالشي عادي وتراني مثلك اذا تضايقت من حد ماعرف اجامله ..
واذا انت تشوف هالطريقة تريحك ... امشي عليها .. ولوحسيت انك تتضايق يوم تصارحهم ..
لاتقولهم .. بس انا اشوف الافضل انك تصارحهم لانه بالمصارحه بتوصل للي تبيه ..:)

[المزوحي]

حلم الطفوله .. صح نحن نحس .. لكن يوم يفرون الرمسه بدون تثمين ... ونسكت خوفا على مشاعرهم

ونحن نتألم .. فكرت اول بادي أقوله وإلا أسكت .. بس سكتت .. ويوم داومت ... لاحظ من تصرفاتي

مش طبيعي ... من جيه أصر إني أقوول وبما إنه أصر .. قلت مجال إني اتكلم

[المزوحي]

مهابه .. صح .. هم شافوه عادي ... حتى قلت له لاتقول إني حساس ... بس بقولك حد نفسك في مكاني

وأنا أو غيري قال لك الرمسه .. قال فعلا .... أنا غلطان .. وبما إنج تقولين ما احط شي في خاطري

واتكلم .. الحمدلله ... إني اتكلمت حسيت براحه .. مب أمس متكدر ..

[المزوحي]

بنت الدلع ... هو يشوف الأمر عادي .. بس تميت أعيده له الموضوع .. وزين عرف إني متضايج ...

كم الواحد بيّطوف !

[المزوحي]

غواني .... أنا تقريبا جيه ... أحيانا يوم الواحد يضايجني ... أتم ساكت .. لكن ما اعتبره موجود ..

اكيد هالصفه بايخه فيني ... واحاول إني اتغير ... لأنه فعلا الطرف الثاني يلاحظ إني شخص غييييير ..

[المزوحي]

تحفه ... زين صارحته ... حس بشي وكان عايش بغموض، لين ماقلت له منك .. بس قلت خلاف بخبرك

وتم متوتر .... وعقب خبرته ....

[المزوحي]

اوتار القلب ... زين عيل أنا تصرفي صحيح !

[المزوحي]

طيف السحاب .. خوفا على مشاعر الغير اسكت .. وسكوتي يخرب ... ولو إنه السكوت أفضل من الكلام

لكن في هالحاله ... أحسن اتكلم ( لكن مب جدام الناااااس ) عشان ماينحرج ..

[الارستقراطيه]

مرات يمر عليه موقف واتصرف وبعد ما تمر ساعة افكر فيه واقول ياربي انا لو كنت قايله جذي احسن ، ولو رديت بهالطريقة بيكون اخير ،،
المشكله انه نحن نراعي خاطر الناس ونقول ما بنجرحهم و الي انته تسوي لهم خاطر وتلوم نفسك عشانهم هم اول من يحرجك جدام الناس ،، ولا يهتمووون
بالعكس استاذي انته تصرفك سليم لو كنت شايل بقلبك وساكت كان كل ما بيمر عليك موقف من هالشخص بتشل عليه بزياده في خاطرك

[المزوحي]

الارستقراطيه .... همم فكرت بكلامج " يوم تقولين

لو كنت شايل بقلبك وساكت كان كل ما بيمر عليك موقف من هالشخص بتشل عليه بزياده في خاطرك

أول شي قلت مابقوله لكن يوم قلت له حسيت بإنه هم وانزاح ... يمكن الحين بيحاسب في كلامه

لأنه يوم نحن نسكت على أساس مانجرحهم ( وهناك نحن متكدرين منهم ) يتحرونا مب مفتكرين

[الارستقراطيه]

تدري المزوحي ،،

مرات اتمنى الموقف يرجع مره ثانيه بس عشان اسطرهم طراق ،،

[المزوحي]

تخيلي ؟!!!!