مشاهدة النسخة كاملة : هل تستحق الدنيا .. أم لا .؟
سلفر
24-02-07 ||, 03:27 PM
السلام عليكم ورحمة الله وبركاته
دار فبالي سؤال وقلت بسألكم إياه
الحياة طبعا فيها مشاكل وهموم ، أو يمكن تكون ضغوطات ، ويمكن ها الضغوطات تسببلك ضيق
السؤال هو : هل الدنيا تستحق أنك تشل همومها أو هموم غيرك ؟
إذا كان الجواب نعم شو بتقول ؟
و إذا كان الجواب لا شو بتقول ؟
وحي القلم
24-02-07 ||, 04:06 PM
هل الدنيا تستحق أنك تشل هموم غيرك ؟
نعم
.
.
اللى يشل هموم غيره عشان يساعدهم على انهم يتخلصون من هالهموم
يكسب احترام الناس .. هذا من غير انه بيرتاح
لانه قدر يعطي .. و يساعد غيره.. يعني بيحس انه "يستاهل يعيش"
و بيحصل حد يوقف وياه إذا واجهته أي مشكله
.
.
بس اللى يعيش فعالم منعزل عن الباقين
و يتم بعيد عنهم و ما يساعدهم
فشي أكيد انهم ما بيهتمون لوجوده أصلا
و لا حتى بيحسون به يوم يحتاج لهم
.
.
يعني تقدر تقول انه الدنيا أخذ و عطا
.
.
المزوحي
24-02-07 ||, 04:09 PM
كلنا عايش همه .. ولأنه أنا عندي هم .. يوم اشتكب لك .. يمكن تتذمر مني، كونك تعيش هم ...
بالتالي أنا أزيدك .. في اللي يحب يسمع مشاكل وهموم غيره .. والبعض يتنرفز من أول مره ..
وكله راجع للشخص نفسه ..
سؤالك : هل الدنيا تستحق أنك تشل هموم غيرك ؟
سؤالك مب واااضح ...
ليش الدنيا هي اللي تستحق ...
بس بوضح لك شي ..
مرات .. على سبيل المثال أمر بموقف .. اتكدر فيه وايد .. واواسيني وتقووول مافيه شي يستاهل
وخل كل شي وراك ... بعد فتره .. نفس الموقف .. مريت به انته ... ومع هذا اتكدرت انته ..
بالرغم إنك تنصحني بإني ما اهتم ، واليوم دورك ... فأنا لازم أخفف عنك بعد ..
سلفر ... هموم غيري بشلها في حدود الصراحه .. وفي هموم غصب عني اشلها وحاولت اطنشها
سلفر
24-02-07 ||, 04:17 PM
وحي القلم / مشكور على مرورك الجميل
المزوحي / ليش الدنيا هي اللي تستحق ؟ لأن الدنيا هي اللي تجبر الشخص على حملها ولو كان الحمل ثقيل ، هذا اللي قصدته .
السموحة المزوحي عدلت السؤال كان فيه غلط
شمعة أمل
24-02-07 ||, 10:00 PM
نعـم
كلنا موجوديـن في هالدنيـا لسبب.. دام انه نحن حييّن ..ف هناك سبب لوجودنا ..
بنكون أنانيــين لو ماشلينا هموم غيـرنا .. والحـياه مابيكون لهـا طعم..
طير الحب
25-02-07 ||, 01:39 PM
الحياه لا تستحق بالتأكيد...بس أوقات نكون مجبرين نشل هموم غيرنا...فقط لأهميتهم بقلوبنا...ولأننا نود ان نراهم سعداء
همس الدماني
26-02-07 ||, 03:36 PM
نعم تستاهل
لأن اللي بشيل همومه بعد بيشيل همومي
طيف السحاب
26-02-07 ||, 05:07 PM
السؤال هو : هل الدنيا تستحق أنك تشل همومها أو هموم غيرك ؟
امم تقدر تقول انه الدنيا ماتستاهل انه نشيل همها .. بس الانسان بطبعه ضعيف او احيانا اتيه لحظات ضعف ويضعف غصبن عنه .. وهالشي مب بأيدنا .. بس الانسان المؤمن بيشوف انه كل شي مايستاهل انه نتضايج عشانه والدنيا ماتستاهل انه نشيل همها
هموم الغير.. شي طبيعي انك لوحبيت انسان او عزيته وشفته متضايق من شي او زعلان اكيد بتشيل همه وبتيلس تتتضايق وياه والمشاعر فطره فيناا مانقدر نغيرها.. .:k_smile2: يعني مثلا لورسب اخوك ..اكيد بتتضايق عشانه فمثل هالموقف الغير يستحقون انه نشيل همهم .. بس الانسان الذكي هو الي مايخلي شي يضايقه ويشوف الامور ببساطة خاصه امور الدنياا ... والله يبعد الهموم عن الكل ان شاء الله .. وتسلم عالموضوع اخوي