يا هو .. يا إنتـوا !!

[المنصوري]

السلام عليكم ورحمة الله وبركاته ,,

يا هو ( يعني شخص ما هب موقع ياهو :boxed: ) يا إنتـــوا .,.

بغيت من أصحــاب المعالي الكلام والقلوب الطيبــــة الفزعــة والمســـاعدة :7:

أبى حد يعطيني افكار اروم اسوي ابها بحوث عن القصة العربية القصيرة (( مجرد أفكار والباقي عليــــه ))

والسموحه

يا هو ( يالدكتور ) يا انتوا ( اكيد انتوا :k_harhar1: )

المنصوري انا

[أوتار القلب]

اممممم ماشي أفكار الحين *مسطلة*
بفكر وبرد عليك ^

[المنصوري]

ومرحبــــــاااا الســـــاااع بأوتــــــااار القلــــــب ؛؛

ارقـــب عودتج على أحــــر من الجمـــــــر ’’

كل التقدير مقدمـــاً

..

[تنينه]

وعليكم السلام والرحـمه ؛؛


همممم تـبى اتسو بـحث عن القصه العربيه القصيره :m_afaker: ؛؛ بـتقـدر اتـحصل وايد معلومات أحـس في المـواقـع بس لازم أكـيد تدعم بـحثك بمصادر ومـراجـع من الكـتب :k_smartass: همم الصـراحـه ما أعرف كتااب مـعين يتكلم بوجه الخصوص عن القصه العربيه القصيـره بـس بـعد أحـس لو اتـدور بتـحصل فـ عن الهيازه :k_harhar1: ؛؛ تـقدر اتـسير المكتبـه وتسـأل وأكـيد بيفيدونـك أو اتـسو سيررج في الداتا بيس مال المكتـبه عن القصه العربيه القصيره وبتـظهر لك الكتـب اللي تتكلم بهالخصوص :thumbup1: ؛؛


موفج يا منصورينا :h_qor9anah:

[أوتار القلب]

اوه توني اتذكرت الموضوع =S

انزين تقدر تتكلم عن تعريف القصة القصيرة وبداياتها وكيفية تطورها
والعوامل التي ساعدت على ظهور ها النوع من الفن

وشوف ها اللنك يمكن يفيدك
http://www.syrianstory.com/comment3.htm

أتمنى اني فدتك وآسفين عالتأخير =)

[المنصوري]

بسم الله كلتني التنينه :mad:

..

أول حايه برد على (( أوتــار القـــلـــب ))
المشكلة يا خوج هالفكرة تطرقنــا لهــا في الكلاااس ,, وكان يدرسنــا دكتور( محسن جاسم الموسوي ) وعطانا مقدمة عن القصة العربية القصيرة قد نشرها في كذا مجلة ( عبارة عن 30 صفحة ) ويالسين نقراها وفيها كل اللي تطرقتي له :9: ,,

عالعموم شكراً جزيلاً اختاااه ونردها لج في اقرب فرصــة ,, لا عدمنااااج

..

برد عليج يالتنينه :k_harhar1:

[المنصوري]

تنيــنـــه ؛؛

يطولي بعمرج انا ما فيه مكان ما رحت له وكنت ادور مجلة نادرة الوجود وانا الوحيد اللي لقاها في الكلااااااس واعجب بي الاستاااذ ( يا سلام عالاعجـــاب المتبـــادل :b050: ) ,,

وهب عيااازه .. بس مجال القصة القصيرة جداً واسع وابى اسوي شي يونيك ( فريد بالعربي ) يجذب الانتبـــاااااه ,,

فهمتي :mad:

وشكراً يطولي بعمرج على المرور :8:

وربي يصونج

[حلم الطفوله]

السلام عليكم

المنصوري ..أحس بحثك بيكون بيرفكت :thumbup1:

ولو سمحت أبغي نسخه من البحث بصورته النهائيه بعد ما يخلص:boxed:

شو قلت يا مستر ستايل:m_atmasha:

[المنصوري]

الاخت الفاضلة حلم الطفولة

بعون الله بعد ما اخلص هالكورس راح احط موضوع فيه كل شي كتبته وسويته اذا راد الله

همسة .. جداً جداً جداً احترمج

شكراً اختااه

..

[تنينه]

بسم الله كلتني التنينه

اوييه مـا قلت شـي انـا ولا آكـل لول :9:


يطولي بعمرج انا ما فيه مكان ما رحت له وكنت ادور مجلة نادرة الوجود وانا الوحيد اللي لقاها في الكلااااااس واعجب بي الاستاااذ ( يا سلام عالاعجـــاب المتبـــادل ) ,,

وهب عيااازه .. بس مجال القصة القصيرة جداً واسع وابى اسوي شي يونيك ( فريد بالعربي ) يجذب الانتبـــاااااه ,,


هممم يـعنـي تقصد انـك حـصلت اشيا وكـتب وجـي بس تـبى شي فريد ؛؛ هممم هيي هيي فهمت عليك شيبتنـا :bye2:

وإن شااء الله إذا حـصلت شي ما ببـخل علـيك :bye2:

انـت تبى اتسو بـحث عن القصه القصيره همم إذا بتـخصص في القصه القصيره في الإمارات بـقدر أفـيدك لأنني من قرائها ومتابعيها مـن دهـر :fa41: ؛؛

وموفـج ياخويه الكبير :bye2:

[المنصوري]

يمه تنينه اتصيـــح .. يا خوج انسووولف :fa56:

اممم والقصة العربية القصيرة في الامارات فكرة وايد من ربعي يبون يكتبون عنهـــــــا .. والصراحة والواقع ومن خلال قرايتي اشوف القصة العربية الاماراتية ضعيفــة مقارنه مع باقي القصص العربية في أجزاء اخرى من الوطن العربي شرات مصر والعرااااااق ,,

عالعموم انا اكيد ما زلت اطمح لأفكارج :9:

شكراً جزيلاً يا تنينة التفاعل الحار ( صح التنين يظهر نااار وانتي تفاعلج نااار :fa56: )

والسموحه

,,

[حلم الطفوله]

السلام عليكم

تنونتي ... هذا هو المنصوري ... يجمع بين الجديه والسوالف ! :thumbup1:

بس قلبه طيب

المنصوري ....ترى زعل التنانوه نار مب إلا حار:surrender:

[طفلة من هذا الزمان]

كنت أتمنى أساعدك .. لكن معرفتي بهالمجــال بسيطــة ..
و مثل ما قالت حلووم .. عقب ما تخلصه حطلنا ايــاه نستفيد ويــاك من الموضوع ،،

بعض الأفكــار الممكنـه ::
- شو رايك تسوي بحث تتناول فيه أديب معين و تفصل أثر كتاباته على الأدب العربي ..
- أو تكتب عن الفترات اللي مر فيها الأدب القصصي من هبوط و ارتفــاع

اذا طرا في بالي شي بتكون لي رجعـه ..
السموحــة ع القصــور

[أوتار القلب]

خاطري اعرررف بس شو ها الشي اليونيك في القصة القصيرة !
فيني فضول .. يوم الاثنين ان شاء الله بسأل الدكتور :k_smartass:

انزين عيل يوم بتخلص البحث اطرحلنا موضوع في الواحات.. نبى نستفيد
نتريا افكارك اليونيك على أحررر من الجمر =)