همي .. وبس

[المزوحي]

بسم الله الرحمن الرحيم

لاتخلو حياة الواحد منا من مشاكل .. بأنواعها .. واللي أقوله يبعد عنا الهموم يااارب ...

لمن أشكي ... الشكوى لله ... ومنو من البشر أفضفض له ؟؟!!

اللهم أجرنا بهمومنا ياارب ...

بدون ذكر تفاصيل .. لكن يوم اخوك يقول باخذ وافده وتقنعه واللي يشوفه هو صح ..

مهما كلمه أي شخص ... هل الحياة جنسية فقط والتفكير وقتي فقط .. ؟؟

أحيانا نحس بإنه غير قادرين العيش بدون فلان ... لكن ليش بنت البلاد مافيها خير ..

شو هالمنطق .. هل هااي أول فتاة أقابلها في حياتي يعني تكون زوجتي ...

أحيانا البنت هي اللي ترفض نفسها على الشاااب وتخليه مايفكر إلا بها، حتى ينطق لأهله

أحـــبها ومابغي غيرها ... لكن عقب سنوات تظهر الاعطال على اللي اختارها ...

اختي كبرت في السن تعدت سن الثلاثين .. هل هي سيئة .. هل يوجد بها عيب .. ولكن

هذا نصيبها .. هل تصرخ تقول زوجوني ... لكن عندنا عيب الوحده تتكلم .. أكيد تبغي تكون أم ..

بس الشاب يقوول أنا غير ... إذا انا شخصيا مابغي أتعب ليش أفكر بغيري .. هل أبالغ

وإلا هل بكون اناني لو اتجاهلت الغير وانحصر على نفسي وبس .. الحياة مشاركة ...

وأنا محد يحب يشاركني همي .. ومنو بالذمه يحب يسمع دام كل فرد يعيش همه ... !

الدوام هم .... نجاملهم عسب نرتاح .. ونقدر نداوم ،، ولا أقصد النفاق ... نرجع البيت ...

تشوف وتشوووف ......................

صديق يخذلني ... منو اللي بقى لي في الحياة ... هل اتطرق لطريج ثاني ؟؟



لي عودة

[الدلووووعة]

نرقب التكمله

[المزوحي]

مرحبا الدلوووعة من خلال فضفضتي .. قطعوا عليّه .... وماقدرت لا أمسح ولا أكمل ..

والحين أنا هنيه من يــديــد ...

أحس الهم من كل صوب ...

وفي شغلتين من خلال البوح باللي في خاطرك .. الشغله الأولى عدم الثقة ، كون اللي توبح له مب كتوم

( ومادري عاد إن كان هذا راجع لإختياري ) ...

الشغله الثانية الكثير ما عاد يتحمل يسمع ( بالرغم إني مب كثير الشكوى أو لحوح ) ..

وعلى فكره وااايد كلام في خاطري .. لكن كونهم قطعوا عليّه ماعرف شو أقووول ........

[الـيـاه]

وأدري أن في بالك أكثر من جي بوايد .. وودط تكتب أكثر وأكثر .. تحاول تيمع جمل لمليون موضوع و مشكله !

لكن كلمه وحده :
كل غيمه بعدها بتشرق شموس .. محال طول الوقت يبقى جوّنا غايم

أصبر
وعند الله الفرج
بعدها الدنيا بخير يـ المزوحي ..

[المزوحي]

اش كثر ريحتني " وعند الله الفرج
بعدها الدنيا بخير يـ المزوحي .. "

الياه ... همم ماعرف شو اقوول

[الدلووووعة]

ياخويه ماعليه
مع الايام كل شي بيتغير
وانت اصبر ترا الصبر مفتاح الفرج

وعن سالفت الثقة ياخويه مادري انا يمكن شراتك انه ما اوثق فحد بسرعة
لاكن عندي من اقوله اللي فخاطريه هب لازم اربيعاتي عندي اخوانيه وهيل هم
اللي بيسمعوني وبيكتمون اسراري فمايحتاي اقول للغير

[المزوحي]

الدلووووعة إن شاء الله

بس نحن نطمع نقول للي نحبه، ومب شرط هذا الصح .!

[عذبه]

انت بعدك ما مليت من المشاكل


نحن دخلنا 2007 وانت اتدور في نفس الحلقة


خيـــــــــــــــــــــــ ـــــــــــــــــــــــــ ـــــــــــــــــــــــــ ـبة أكثر عن 5 سنين وانت بس
ترمس وتتحرطم واتشكى!:fa55:

[نجمة دبي]

انت بعدك ما مليت من المشاكل


نحن دخلنا 2007 وانت اتدور في نفس الحلقة


خيـــــــــــــــــــــــ ـــــــــــــــــــــــــ ـــــــــــــــــــــــــ ـبة أكثر عن 5 سنين وانت بس
ترمس وتتحرطم واتشكى!:fa55:


اختي.......
مافي انسان ما يواجه مشاكل ..
واذا انتي ماعندج مشاكل .. فـ قولي الحمدلله ..

هاي واحة الفضفضه .. والاخ ما يفضفض هني الا لانه مرتاح من هالشي ..
الواحات والاعضاء ما يقصرون .. كل واحد سند للثاني ..

ارد واقول .. قولي الحمدلله على كل حال .. او لاشي.

[نجمة دبي]

المزوحي ...

الصبر مفتاح الفرج ..
ابغيك تتذكر قصة نبينا ( ايوب ) وتتذكر هو اشكثر صبر وتحمل ..
هاي الدنيا .. كل ما فتحنا باب من اجل الحلول والسعاده ..
انصدمنا بمشاكل وهموم واحزان مالها نهايه ..
لكن انا اقول لك .. لكل شي نهايه ..
وان شاء الله لهمومك واحزانك نهايه .. وان شاء الله تكون قريبه

قولوا آمين

[المزوحي]

نجمة دبي مشكوره على الرد ... أنا ماعندي حد اشتكي له من البشر يا عذبه ...

خمس سنوات .. وانتي تعرفين شو الانسان شال بخاطره ؟؟؟؟

الكلام سهل ....

[عذبه]

بدال ما ترمس وتتشكى .. تحرك .. سو شي في حياتك

غيرها دامها هب عايبتنك ..

ودامكم دخلتوا في الدين

فما أقول غير .. إن الله لا يغير ما بقوم حتى يغيروا ما بأنفسهم

والمثل يقول اسعى يا عبد وأنا اسعى معاك

so please

do something about it

[المزوحي]

إن شاء الله

[نجمة دبي]

قبل كل شي احب اكتب كم نقطه بخصوص ( النصيحه):-

* الذكاء في انتقاء واستخدام الكلمات المناسبة.
* إظهار الحب وإبداء الود بإخلاص قبل الشروع في توجيه النصيحة.
* عدم إشعار المنصوح بالتكبر والتعالي عليه، ولا تجعله يشعر في كلامك بنغمة التفوق والاستعلاء، أو اللوم أو السخرية، أو الاتهام.
* أشعر المنصوح بتقديرك لظروفه وأنك تلتمس له الأعذار.



المزوحي..

احيانا الواحد يعجز انه يحل مشاكله ويبعد الهم عن قلبه .. لان المحيط اللي هو عايش فيه ما يساعد ..
ويؤدي هذا الي فقدان الامل في كل شي ..
لكن هذا يعتمد على قوة ارادتك .. ونفسيتك .. وصمودك .. ومحاولتك في انك تحل الامور
المحاولات ما تخلص ..
حتى لو كنت تحاول من 5 سنين او اكثر ..
انا اقول لك .. حاول بعد اكثر واكثر
واهم من كل هذا ..
ارادتك تكون قويه .. وعزيمتك اقوى

(( لا تنسى ذكر الله ))

[المزوحي]

مشكورة على النصيحة
لا إله إلا الله
وإن شاء الله بكلامج أكون أحسن وانتوا كذلك

[همس الوفا]

اخوي المزوحي

توكل على الله

احمد ربك على كل شي

واذكره في كل لحظه وفي كل وقت
وان شاء الله بيفرج لك همك

وكل حد عنده همه يوم تسمع هموم غيرك تهون عليك همك وحزنك
وماشاء الله خواني واخواتي ردواا رد وعطوك نصائح
والكل ان شاء الله بيدعي لك الله يفرج همك ويسهل امرك

آمين

[المزوحي]

ماتقصرين همس الوفا

الله يعطيج العافيه

[الملهم]

" الا بذكر الله تطمئن القلوب "

شفت في حلقة من حلقات عمرو خالد ..
عن الفتاح .. صفة من صفات المولى عز وجل ..

كل واحد فينا يمر باختبار .. واللي يختبر وايد يعني رب العالمين يحبه وايد ..
الحين انته اتمر في عدة اختبارات .. سؤال : شو سويت حيال هايلا الاختبارات ؟؟

تجربة في حياتي ..
بالنسبة لي ..
اول شيء دعيت ربي والحيت في الدعاء ..
ما اذكر المدة بس تقريبا كثرت في الدعاء مدة شهرين ..

ثاني شيء ثقت في رب العالمين .. قال تعالى : (( ادعوني استجب لكم )) ..
هل سنكذب القران .. حاشا وكل .. اعط لنفسك ثقة كبيرة بانك ان دعيت ربك لن يخذلك .. اذا اتصل بك شخص وانته لا تريده .. بالطبع لن ترد عليه .. ولكن بعد محاولة اتصال 10 مرات بالتاكيد سترد عليه .. فـ عندما تطرق على باب الدعاء هل ستظن ان ربك يردك خائبا ؟؟؟؟ .. ولا تنسى ان هناك اوقات لاستجابة الدعاء فانتهزها..

ثالث شيء .. قللت من المعاصي ..
فالمعاصي تبعدنا عن رب العالمين .. وتحجر قلوبنا ..

هذه نصايحي لك .. واود معرفة المزيد عنك ..
فارجو ان نكون اصدقاء واستطيع التحدث معك اخي العزيز .. ^__^

[الملهم]

نسيت اقول ان ربما تأخير الدعاء قد يكون في صالحك ..
فانا دائما اتسال .. ان رب العالمين يقول : (( ادعوني استجب لكم )) ..
لقد دعيت ربي .. اين الاستجابة ؟؟
ولكن الان فكرت وقلت لو ربي استجاب لدعوتي من قبل لكنت في وضع غير .. وضع سيء ..
انني احمد ربي انه اختار لي الوقت المناسب لقبول الدعوة .. فهو ادرى بمصلحتي من نفسي ..

المشكلة في الانسان انه عجول ويريد الفرج باسرع وقت ممكن ..
حاول ان تصمد .. صمدت 5 سنوات .. غيرك صمدوا 10 سنوات ..
نبي الله يوسف .. سجن ظلما 10 سنوات ثم يفرج لان الملك حلم حلما ويريد تفسيره ..
فلو ان نبي الله يوسف طلع من السجن قبل الـ 10 سنوات .. هل سيفسر حلم الملك ؟؟ ..
لذلك رب العالمين ادرى بمصلحتنا اكثر من اي شخص اخر .. فالاهم ان ثتق بالمولى عز وجل قلبيا ..

^__^

[المزوحي]

الملهم شكرا عزيزي على الرد واسعدني ردك .... وهذا مش إني اضخم الأمور وأمثل إني عايش

بــهم ... ولكن الهم خلاني اكتب وافضفض عندكم ... وانا ادعي ربي بالفرج ....

الحمدلله ...

ماتقصر يالطيب ...

[أنامل قلب]

أخوي المزوحي ..

أول شي ابتسم ^_^ ..

خلاص .. : )

ترى حلو لمن يلاقي الواحد مكان يفضفض فيه ..
لا ويلاقي اقبال واهتمام طيب .. ما شاء الله عليهم وعليك ..

................. وهذي نعمة ..

انت تقدر تفضفض .. تفش خلقك >>> مثل مايقولون قوم الشام ..
ولو كانت فضفضتك بسيطة .. والباقي أمر ..
لكن غيرك لازال ساكت ... ولازال كاتم .. والأمر مو بيده ..

وماشوفك مبالغ بالشكوى الصراحة .. يعني انت ماطرحت غير أغشية لما يهم قلبك ..

فهذي نقطة زينة فيك ..
وترى مثل ماقالو .. ربنا مايبتلي عبد إلا واحبه ..

زائد ماقاله أحد الشعراء .. >>
>> ضاقت ولما استحكمت حلقاتها فرجت وكنت أظنها لا تفرج
يعني كل مابيزيد الهم بقلبك .. كلما إنك بتكون قربت من الفرج باذن الرحمن ..

ومابزيد على كلام الاعضاء ..

لكن حبيت أقول إن لولا الهم والحزن والضيجة .. لما كنا بنحس بمعنى الوناسة والراحة والطمأنينة ..

و نصيحة ..
إن رغبت برفيق تطرح عليه همومك .. فيشاركك بها .. بل ويسبقك إليها .. ولم يأتك هذا الشخص ..
فاذهب أنت إليه .. واجعله كذلك .. بشخصك وفعلك ..
وكونه بنفسك ..

وكاهو أخوك الملهم يبي يصادقك .. ويتعرف ..

والاعضاء ماقصرو بالردود والكلام الطيب .. ما شاء الله عليهم ..


.
.

جعل ربي من رحمته وحبه لزام دائم لك أخي ..

.....

ولك مني جل الاحترام ..
اختك انامل قلب ..

والسموحة ..