ممكن حد من الاخوان يفيدنا بخصوص ال Jaguar XK

[بريد ألكتروني]

اتمنى اللي عنده علم يخبرنا عن السياره ..

[مايهزك ريح]

مرحبا اخوي بريد اليكتروني .. :k_smartass:
اللي اعرفه .. انه سعرها الفول اوبشن 395 ألف .. :k_harhar1:
300 حصان .. 4.2 ليتر .. 32 فالف .. تنزل بـ 6 جير اتوماتيك ..
وايد فيها مواصفات من ناحية luxury :love:
navigation tuch screen .. :fa42:


هالمعلومات اللي تحظرني احين .. واذا تبا شي معين .. اكتبه وبندورلك ..

http://us.autos1.yimg.com/img.autos.yahoo.com/aic/jaguar_xkseries_xkcoupe_2007_440x220.jpg?XKSERI17

[شرجاوي]

جاغوار ... صديقة الاعطال العزيزه

[مايهزك ريح]

والله يا شرجاوي اذا بتفكر بهالطريقة .. ترى ما بتاخذ موتر .. وما شي موتر إلا و تطلع فيه عله ..

[المزوحي]

مايهزك ريح

مثلا الكثير يذم الرنج بانواعه ( بغض النظر عن رنج سبورت ) الخربه

تخيل كانت عندك رنج .. وتسوقها من البيت للدوام والعكس .. وتسوي لها صيانة دورية ..

مب شرط تخترب عندك ... وتخترب عند اللي يعاملها معاملة الكورولا ...

[بريد ألكتروني]

مايهزك ريح عزيزي معلوماتك تقريبا كفت ووفت .. اشكرك

اخويه المزوحي انا معاك .. وانا استعملت الرنج فتره وبصرااحه سياره بمعنى الكلمه لا اعطال ولا غيره .. بس عليك تجيكها فالوكاله وخلاص ..

شرجاوي شكرا لمرورك عزيزي

[مايهزك ريح]

العفو اخويه بريد الكتروني ..

اخويه المزوحي .. كلامك صح .. حمدلله موتري كل 10 ألاف كيلو دازنه الوكاله ..
سواء شي خربان فيه ولا ما شي ..على الأقل اطمن ..ما فيه على الكوارث ..

[سفير الخيال]

السلام عليكم

عزيزي الجاكور ما عليه كلالالام ما شاء الله وأحسن شي فيه خدمة الوكااله :thumbup1:


بالبركه مقدما

[شرجاوي]

ما يهزك ريح .. صح مافي سياره ما تخترب .. بس في فرق بين انك تكون زائر دائم لورشة الوكاله و بين انك تسير الوكاله كل 5000 كيلو للتجييك ..

الجاغوار خربه .. تاخذها ب 150 الف و تبيعها عقب سنتين ب 60 ولا 65 الف .. وين راحت ال 85 الف ؟؟ راحت على اسم الجاغوار ... اكثر سيارات جاغوار فيها اعطال فالجير .. اذا طاح الضمان عنك تراك بتطلع مخباتك ... للعلم ... مروحة الجاغوار xj موديل 2006 ب 9100 درهم بس ... و دبة الجزوز الاخيره ب 8300 و شي ...

و تحياتو

[مايهزك ريح]

sorry for writing in english ..cause my notebook does not support :9: arabic..
dear sharjawee..
you are right in this point .. :fa42:
I remember
my sister bought the S320 with 300 thousand and she sold it with 80 thousand .. :7:
but she payed the diffrence for driving a luxury car..
although it was V6 .. :fa55:

[شرجاوي]

و اعطال المرسدس لا تعد ولا تحصى خخخخخخخخخخ ... خذولكم نيسان 89 و انتوا و الخير رباعه هههههههه

[بريد ألكتروني]

شرجاوي اللي بياخذ سياره جيمتها فوق ال 300 الف لازم يكون حاط فباله اعطالها ..

وبالنسبه لموضوع انه اغلب السيارات سعرها يطيح فهذا مش خلل من الوكيل او الوكالة الام او من السياره , الخلل من سوق السيارات المستعمله عندنا .. السوق مغـرق بالسيارات والاختيارات كثيره وصعب اي سياره تمسك سعرها ..
قارن سوقنا بكذا موقع بيع سيارات انجليزي او استرالي .. بتلقى نفس السيارات وجيمة اليديده منها اغلى من عندنا .. وسعر المستعمله المعروضه ما ينزل اكثر من 20%

واذا تبا سوق مشابه لسوقنا واسعاره طايحه بسبب كثرة السيارات طـالع سوق السيارات الامريكية وبجوف اسعار ارخص من عندنا