المساعد الشخصي الرقمي

مشاهدة النسخة كاملة : لووووومينا !


ولد الشحوح
20-02-07 ||, 01:29 PM
مرحبا الساع
شحااااااااااااااالكم
بس بغيت أسألكم شو رايكم في اللومينا اليديد حد جربه .... ؟!؟
انا ناوي بإذن الله اشتري موتر وميزانيتي 120 وتحت .... محتاج نصايحكم ؟!؟
ع فكرة انا حاط فبالي بعد الاكورد ستة سلندر
شاكر لكم المرور
مايهزك ريح
20-02-07 ||, 02:44 PM
مرحبا ولد الشحوح ..
انا كانت عندي موديل 2000 وبعتها .. وكانت اوكيه ..
والحين عندي موديل 2006 كوبيه اس اس .. ما شفت لين الحين اي مشكله .. بس بالنسبه لليديده احسبها بتكون نفس الشي ما اعتقد انه فيها تغييرات .. اللي زادوه انها 360 حصان والجديمه 350 ..
وحطوا فيها MP3 وليتات اعتقد زينون مب متأكد .. ويقولون مدخلين navigation بس مب القوي .. عادي ما فيه زود .. مجرد يمين يسار ..على حسب كلام الريال اللي في الوكاله .. وبس ..
ما فيها شي غير وعموما اللومينا سياره حلوة .. وعن استخدام شخصي ..
ما تصرف بترول .. صرفيتها في البلاد مثل صرفية موتر 4 سلندر ..
وانا جربت ليبرتي واليوسف .. كلهم اوكيه .. :a010:
توكل على الله ..
وسعرها ( اللومينا اس اس فول اوبشن 129 ألف )..
التأمين تقريبا 8000 درهم .. ( انا مأمن عند المتحدة للتأمين ..وعندك العين الأهليه بعد يأمنونها .. )

والسموحة .. :love:
العجيبة
20-02-07 ||, 03:40 PM
فظييعه والله

لو بتاخذ .. خذلك وحده حمرا وتعال حط لها رقم أحمـر - أبوظبي .. شي عجييييب ..

والله يوفقــك ..
شرجاوي
20-02-07 ||, 03:41 PM
اللومينا اليديده فيها شي غريب .. و هو ان الكابرس اليديده دايم اتطوفها .. عالماشي و الواقف و ريوس بعد ... و صرفية البترول احسن عن مليون سياره يابانيه ... انصحك بالكابرس اس اس و اللومينا حلوه بعد و مبروك مقدما ..

ما يهزك ريح .. اللومينا عندك جير عادي ولا توماتيك .. و شو المشي ويال4 ابواب
مايهزك ريح
20-02-07 ||, 08:36 PM
اللي عندي جير اتوماتيك .. بس تغسل ال4 ابواب خخخخخخخخخخخخخ
وعليها من الوكاله غزوز سيستم جنها مزوده ..يعني على كيفك ..
و وقفوها السنه عشان بينزلون الكومارو ..فما يبون منافس ..
ويمكن يردون ينزلون منها على 2010 .. يالله بحياه لين هذاك اليوم ..

بس تعال بقولك شي .. اللومينا اللي تنزل برا 6 جير اتوماتيك .. وعيال الذين ينزلونها عندنا 4 جير بس .. اسميهم قاهريني ..
شرجاوي
20-02-07 ||, 09:56 PM
6 غيار و تبترونك بعد و هنه قاصين علينا عيال الذين ... هالشي اللي خلاني اهون عنها ... الكمارو بينزلونها و سعرها بيكون 180 الف تقريبا ..
ذنـيـنـي
20-02-07 ||, 10:13 PM
خيييييبه 180 بيكون سعر الكامارو

احيد ابويه كان عنده وحده ماخذينها على 93 الف لول, يلد و T top
وين ايام قبل P=
ولد الشحوح
20-02-07 ||, 11:15 PM
اشكركم ع المرور والنصايح وإن شاء الله باخذ اللومينا ...
المزوحي
21-02-07 ||, 12:06 AM
مبروك ....
مايهزك ريح
21-02-07 ||, 09:02 AM
واااااااال 180 الف ..واايد .. وعلى كمارو.. الله يرحم .. ايام اول ..
اتصدق كنا شارين كابريس سنه 90 بـ 68 ألف فول اوبشن .. والحين سير شوف الكابريس ابكم .. وصل 140 الف ..
ولد الشحوح
21-02-07 ||, 11:19 PM
للأسف يا جماعة الخير ما باخذ اللومينا لان ميزانيتي ما بتكفي 130 والتأمين ها من غير فوايد البنك ... خاطري فيها بس لعله خير قدر الله وما شاء فعل
بشو تنصحوني ...
مايهزك ريح
22-02-07 ||, 11:09 AM
مرحبا ولد الشحوح .. اخوي عندك الجارجر .. دودج تبدأ من 80500 .. لين 130 ألف .. تنقى اللي تعيبك ..
وبعد شركة جيب منزلين جيب يديد وصغير وسعره في حدود 80 ألف ..

الكرايسلر 300 C غاليه الفول اوبشن سعرها 156 ألف ..

عندك الهوندا اكورد ربيعنا شارنها بـ65 ألف بس ما اعرف اي وحدة ..

الأوريون تويوتا .. حلوه بس ما عندي معلومات عن سعرها ..

اللكزس الصغيره ال IS الفول اوبشن ب 139 ألف .. يعني اذا تقلل الموصفات يمكن ايكون سعرها اوكيه ..

الميتسوبيشي جالانت .. شكلها حلو .. بس ما عندي معلومات عن سعرها .. اذا حصلت بحط لك ..
والسموحة منك حبوب .. بس ها اللي يحظرني احين
شرجاوي
22-02-07 ||, 04:12 PM
من هالمواتر ارشح اللكزس .. الصراحه فخمه و قويه و سعرها ( شوي ) غالي

و الجارجر لا تقرب منها ... مافيها شي يدل على الفخامه
ولد الشحوح
23-02-07 ||, 12:05 AM
اللكزس أغلى عن اللومينا ..... الميزانية للأسف ما تسمح
بغيت أسأل عن الزد والموستنج بكم اسعارهم وشو رايكم فيهم
مايهزك ريح
24-02-07 ||, 02:54 PM
Z350 upto 140 thousand
mustange 127 thousand as far as i know :P
مسافرللجفا
24-02-07 ||, 04:47 PM
خذلك لومينا 6 ، شكلها نفس ال SS مافي فرق وايد اللهم المكينه ..

لو تطلب رقم واحد فتحه و ويه DVD بيطلع عليك 98 تقريبا و عندك التأمين 5 و الفوايد ما يوصلن وايد ..


وخذلك اللون اليديد ،، البرتقالي :thumbup1: نايس
المزوحي
24-02-07 ||, 04:53 PM
ولد الشحوح تبغي سيارة رياضيه ؟؟

وإلا فوريلل كتكوووت ...

مثل باجيرو اليديد .. باب واحد شي وتسعين ألف ... رقم (2)

إذا صالوووووون .. زين كم الميزانية ؟
ولد الشحوح
24-02-07 ||, 11:23 PM
يفرحني تواجدكم والعالم الله اني اتفائل فيكم
المهم انا حليت إشكالية الميزانية يعني اكثر شي 140 ( الله يخلي الوالدة هخهخهخه)
اللومينا في سويداء القلب بس الربع كلهم ذموها قالوا انها حلوة ووقوية بس امريكية ... واللكزس is
ضيق وما تسوى عليه 145 .... انا ابا موتر صالون سبورتي فاهمين علي ...؟!؟
ولد الشحوح
24-02-07 ||, 11:30 PM
شو رايكم فالانفنتي فئة G اليديدة
المزوحي
24-02-07 ||, 11:46 PM
كنت بقولك انفنيتي ... يمكن النيسان زد أرخص عنها

http://www.autointell.com/asian_companies/nissan/nissan-350z/nissan-350z-front-side-silver-350-225.jpg

شوف جيمتها .. لأنه من فترة ما سألت عن الاسعار

وعندك انفيتي G سيدان و كوبيه

http://www.infiniti.com/g_coupe/models.html

وشوف سوبارو ... وأسأل عن مواصفاتها وقوتها وسعرها

http://www.automobilemag.com/am/2007/subaru/impreza/index.html
شرجاوي
25-02-07 ||, 08:53 AM
اخوي ولد الشحوح ... انت و حسب اهتمامك فالسياره .. اذا تهتم فيها وايد اكيد اعطالها بتكون قليله جداً ... اما اذا بتلعنها لعان و ما تهتم ف صيانتها تراها ما بتقصر فيك بعد .. اذا الــ ( ليمونه ) ف خاطرك خذها لانك اذا خذت موتر غير عن اللي ف خاطرك صدقني بتتضايق ...
ولد الشحوح
26-02-07 ||, 11:22 PM
شرجاوي انا خاطري فاللومي بس تعرف انا ادرس بعدني فـ هالشي مخوفني شوي
ولد الشحوح
26-02-07 ||, 11:24 PM
المزوحي انا بمر وكالة النيسان وبجوف
المزوحي
26-02-07 ||, 11:31 PM
إن شاء الله .... تتوفق بسيارة مقتنع منها وسعرها مناسب
ولد الشحوح
26-02-07 ||, 11:50 PM
مشكلتي اني مازلت ادرس يعني محتاج موتر عملي بس خاطري فاللومينا احبها هالسيارة حب ... فـ مب عارف شو أسوي ... لو واحد منكم مكاني شو بيسوي
شرجاوي
27-02-07 ||, 09:24 AM
الغالي ليش ما توفر بيزاتك و تاخذلم موديل 2005 .. بتحصلها ب 57 او 55 الف ... بتكون موفر اكثر عن النص ... و اذا عن القوه سر عند كراج سب زيرو و بيضبطون البرمجه و ان شاء الله بتلعب عاليديده
ولد الشحوح
28-02-07 ||, 11:47 PM
شرجاوي بحصلها وكالة ...
شو رايكم فالأكورد الستة سلندر ... ومتى بيتغير رايه
تصدقون قبل كنت أضحك ع ربعي يوم يتأخرون لين يختارون سيارة والحين حسيت فيهم هخهخه
ولد الشحوح
28-02-07 ||, 11:48 PM
هيه نسيت أقدر أحصل كابريس اس اس 2005 احلى عن اليديد بس اباه بحالة الوكالة
شرجاوي
01-03-07 ||, 11:06 PM
امسات شفت كابرس 2006 بيضه رقم واحد و طالبينها ب 80 الف و ماشيه 19 الف ... شفتها ف معارض الشارجه ما ادري اذا موجوده ولا لا
مسافرللجفا
02-03-07 ||, 04:03 PM
تبا راييي ..

اتريــه اكورد 2008 .. وما بتندم :thumbup1:

بينزلونه على ها الاسبوع اظن ... اعتقـد يوم الخميس :ohboy:
ولد الشحوح
03-03-07 ||, 01:50 AM
مسافر للجفا...
شي طيب بنتريا ... سوالف المواتر يبالها تأني وهدوء وطولة بال
ولد الشحوح
13-03-07 ||, 12:58 PM
اللومينا سمعت عنها وايد كلام
وانا الحين بين نارين الاكورد ستة ولا الكامري سبورت