شو أحسـن كيمره موجوده في الـسوق حاليـاً؟

[شمعة أمل]

الـسلام عليكم ورحمة الله وبركاته


الويك اند الى طاف كيمرتي الكبيره اوفشلييي اختربت:fa56: .. يعني استاهل كيمره عوده حلوه كبيره يديده كـهديه:love:


حـالياً .. اختي عندها النيكون d400 ..ويقولوون انها :thumbup1: .. بس طبعا .. انا سبيشل:a050: ولازم كيمرتي تكون احسن عن كيمرتها:k_harhar1:

يعنيي

بالمختصر

يوم ييبولي كيمرتي اليديده .. اباها تقوليي شمعوووه كيمرتج فنانه احسن عن كيمرتي:bye2:

السـعر مب مهم .. لانه هدية يوم ميلادي من باباتي:fa41: *بس مب سعر ماصخ يعني نفس خمسين ألف ولا شي جي!!*

ف

لو سمحتو .. خبروني شو احسن كيمره موجوده في السوق حاليا .. واحسن عن كيمرة اختي بمليون مره:k_harhar1: .. وماتكون صغيروونه .. تكون من هالكيمرات السود الكباار:b050:


وبس

[بنت ناس و عرب]

Canon 5d

اختج عندها نيكون ٢٠٠ d

[ذنـيـنـي]

دام انه اختج عندها نيكون, خذي نيكون شرات الي عندها
بس خذي عدسات احسن من الي عندها مع اكسسريز و جي

في نفس الوقت ممكن انكم تتبادلون العدسات مع بعض و جي,
يعني في النهاية بتستفيدين من اختج, خليها تاخذ العدسات و انتي استخدميها عنها D=

[المزوحي]

لو افهم في سوالف الكاميرات جان نصحتج

بس اظن في شي اسمه اس ال ار من سوني ...

مادري عاد من هالنوعية تبين .... وإلا غلطان في النمره .......!

[شمعة أمل]

ذنيني عندها عدسات وجي .. بس مابا مثلها .. لازم احسن p=


المزوحي علمي علمك لول .. استويت ماعرف شي في التصوير والكيمرات p=

[ذنـيـنـي]

عيل خذي Canon 5D

بس خلي في بالج انها مب خفيفة
فيها وزن, لكنها صدق quality product

بتكلفج مع العدسة "الممتازة" الي معاها 16 الف تقريبا

[ذنـيـنـي]

او اذا تبغين خيار الرخص بشوي

خذي Canon 30D بس بدي, بدون عدسه

مع عدسة Canon 24-105 F4 IS

و فلاش 580

و بيكون عندج كاميرا محتررررررممممممممممممة

[شمعة أمل]

الحين شو احسن احسن احسن احسن شي في السوق؟

[ذنـيـنـي]

Canon mark II Ds

16.7 ميجا بكسل

السعر تقريبا 25 الف درهم


عدسه 100 ماكرو

السعر 2000 درهم


عدسة وايد آنقل canon 17-40 L الـ L معناها Luxery

السعر 2500


عدسة للاستخدام الدائم

Canon 24-105 L IS

السعر 3700 درهم


عدسة زووم

Canon 70-200 f2.8L IS
اسرع عدسه زووم موجوده, و هي نفسها الي يستخدمونها لتصوير السباقات

سعرها 7000 درهم


و خذي فلاش كانون 580 سعره 2000 درهم على ما اذكر


يعني التوتال 42 -45 الف درهم

اقل من 50 الف درهم,, مع افضل عدسات موجوده في العااااااااااااااالم
و الي هي كانون L :fa42:

اذا وايد غالي قوليلنا كم الـلـِميت مالج و بننصحج على حسب اللِـميت

[الاسطوري]

السلام عليكم ..



الكيمرة بروحها ماتطلّع صور حلوه مهما كان نوعها ومهما كان سعرها فـ أنصحج
بـ كيمره وسط تلبي الطلب وتتعلمين عليها وتتقنين إستخدامها
وتكون متداوله في السوق وتكون
على قد حاجتج يعني مايحتاي تاخذين كيمره غاليه ماتفيدج بشي وفي النهاية
تملين منها وتحطينها في بوكس زجاج كـ ديكور للبيت ،،
فكري بتأني ولا تتسرعين !
:k_icon9:



الاســـطـــوري
أخوكم

[ذنـيـنـي]

السلام عليكم ..





الكيمرة بروحها ماتطلّع صور حلوه مهما كان نوعها ومهما كان سعرها فـ أنصحج

بـ كيمره وسط تلبي الطلب وتتعلمين عليها وتتقنين إستخدامها
وتكون متداوله في السوق وتكون
على قد حاجتج يعني مايحتاي تاخذين كيمره غاليه ماتفيدج بشي وفي النهاية
تملين منها وتحطينها في بوكس زجاج كـ ديكور للبيت ،،
فكري بتأني ولا تتسرعين !
:k_icon9:



الاســـطـــوري
أخوكم




كلام الاسطوري صحيح،،

خذي كاميرا تناسب احتياجاتج،،
لأنه المسألة مش مسألة تحدي، منو كيمرته احسن :k_smartass:

اذا تبغين نصيحتي، خذي Canon 30D مع العدسة الي قلتلج عنها في الردود السابقة


الأسباب الي خلتني انصحج بهذه الكاميرا هي انها اولا مب ثجيلة،، الـ مارك II واااايد ثجيلة و صدقيني عقب فتره بتطلعلج عظلات بسببها

ثانيا الكنترول فيها سهل، بعكس الـ الكاميرات الي وااايد غالية الي تكون مصممه للمصورين الـ واااااااايد بروفشنال، للجرايد و لتصوير الاعلانات و البوسترات

ثالثا الكاميرا هذه واااااااااااااايد سريعة تاخذ 5 frams/second و البدي مالها metal يعني وااايد قوية و heavy duty :fa42:

رابعا، ما في سبب في العالم يخليج تاخذين اقوى كيمرة في السوق الا اذا كان عندج شركه اعلانات و تصورين بوسترات ((للبنايات)) :a116:


و لا تنسين، المصور هو الي يصنع الصورة، مش الكاميرا
الكاميرا مجرد وسيلة لنقل الصورة الي المصور متخيلنها :a014:

[قلوب دبي]

عليكم السلام ورحمه الله ...

من خلال هالموقع تقدرين تتعرفين على احدث اصدارات الكانون و مواصفات الكاميرات اللي عندهم
وما شاء الشباب ما قصروا في ردودهم ..

http://www.usa.canon.com/consumer/controller?act=ProductCatIndexAct&fcategoryid=113

[مايهزك ريح]

مرحبا شمعة امل .. happy birthday مقدما .. :thumbup1:
هذا السايت فيه review عن معظم الكاميرات اليديده .. تنقي اللي يعيبج .. :k_harhar1:

http://www.dpreview.com/reviews/stats.asp


...GoOd LuCk ... ^_^!!

[شمعة أمل]

ذنيني
خمس واربعين ألف! وايد غالي:crosseyed:
مابا فوق ال خمس وعشرين الف:fa42:
شكل ال دي30 اوكي ..
شو الفرق بين الدي 5 و30 بالضبط؟


الأسطوري
صح اني مب بروفشنال .. لكن ما أمل من كيمراتي:fa42:
ومابخذ وحده واااااااايد غاليه


قلوب دبي & مايهزك ريح
بجييك المواقع وبجوف لو أحصل شي:k_smartass:

[بنت ناس و عرب]

تقدرين تعرفين الفرق فهالوصله

http://www.dpreview.com/reviews/canoneos5d/

طبعا فيه اختلاف في السينسور الفايف 5d is full frame

12.8 pixel

iso start from 50 الكيمرات الباقيه يبدا من ١٠٠

كملاحظه عامه انه 5d for professionals

و ال ٣٠ دي \ ٢٠ دي \ ٤٠٠ دي \ ٣٥٠ دي

للهواه

[تحفه]

بالنسبالي .. انج تبنين عدسات ها من اهم عوامل الكيمرات القويه .. عليج بالعدسات مثل ما قالو .. وعن الكيمرات انا الحين شغّاله على النيكون D70 s .. وحتا لو جدمت .. صعب اتعود على كيمره غيرها خلاص حفظتها وتلبيلي احتياجاتي حمدلله لين الحين ماخيبت ضني لول ..
بس اصلا لو حبيتي كيمرتج صدقيني ما بتهون عليج .. فبتحافظين عليها وبتطورينها باللنسات وهالزوايد

[بنت ناس و عرب]

فيه كيمره نزلت يديده اليوم تم الاعلان عنها من كانون

http://www.dpreview.com/news/0702/07022208canoneos1dmarkiii.asp

[مايهزك ريح]

بنت ناس وعرب .. شكلها ثجيله .. :boxed:


http://www.dpreview.com/news/0702/Canon/eos1dmkiii-news.jpg

[ذنـيـنـي]

OMG

continuous shooting 10 frames per seconed !!!

سوتها كانون و انتجت اسرع كاميرا في العالم



بس هذه مخصصة للرياضة و بقوة
يعني مول مب مال استخدام عادي,,

[لمّــاح]

مرحبا ...

انا شخصياً بصدد شراء Nikon D80 .. مواصفاتها حلوه، البدي احسبه احسن عن الكانون و احس الكيمره عمليه ..

الكانون بعد كيمره ممتازة لكني شخصياً افضل النيكون ..

فكري :thumbup1:

[الـيـاه]

إذا عندها نايكون خذي نايكون .. واهتمي بالعدسات أكثر .. خذي وحده تحبينها مش وحده عسب تقولج اختج هاي احسن ..

[شمعة أمل]

بعد تفكـير ..

يا باخذ الcannon EOS 400D أو الcannon EOS 5D ..

ممكن حد يخبرني شو سعرهم هني في الامارات تقريبـا .. ووزنهم .. اذا وايد ثجال ولا لا ..
واي كيمره تنصحوني اخذها؟ من هال2

[شمعة أمل]

ذنيني
الd5 تي وياها عدسـه ولا لا؟

[ذنـيـنـي]

شوفي,,

انا بقولج عن كل كاميرا من كانون و شو مستواها بالضبط

الcannon EOS 400D مصممة للمبتدئين في التصوير
فيها خيارات اوتوماتيكية لتسهيل التصوير


ال cannon EOS 30D مصممة للهواة الجادين
فيها خيارات احترافية اكثر من 400D

الـ Canon EOS 5D مصممة للمحترفين و تعتبر من فئة الـ full frame يعني قياس السنسر مالها كبر قياس الفلم

الي اكبر من 5D تعتبر واااااااااايد بروفشنال و مصممه للتصوير الصحفي و الاعلانات

بالنسبة لي,,
لو انا كنت باخذ كاميرا الحييين

ما بفكر بأي كاميرا غير الي قال عنها لمّاح و الي هي D80 من نايكون

و عندي عدة اسباب, اولا تصميمها قريب للبروفشنال مع انها كاميرا للهواة الجادين
يعني استخدامها بيكون سهل, اسهل من الكاميرا الي عند اختج
و في نفس الوقت خياراتها البروفشنال وايد قوية

بديها معدني, مثل الـ 30D من كانون, لكن الرزليوشن مالها اعلى
الـCanon 30D تعتبر 8 ميجا بكسل لكن النايكون D80 10.2 mp

كاميرا خااااالية من العيوب الى هذه اللحظة و جد جد جد التصوير فيها متعة



صح اني من محبين الكانون
لكن الـ D80 انصح فيها و بقوووة

و الاحلى من هذا انه سعرها وايد حلو,

5 الاف و شوي للكاميرا و العدسة مالتها

فليل ان شاء الله بتوصلني مجلة practical photography الانجليزية و فيها مثل سمري عن النايكون

بصوره لج و بحطه في الموضوع

[شمعة أمل]

تدري
حتى أبويه اليوم قالي اخذ النايكون d80 .. يمكن اخذها >_< مابا شي وايد وايد بروفشنال .. بتعقد!

هممم يعني يعطون عدسه وياها .. اولريدي عندنا عدسة ماكرو ..

شو بعد تنصحلي اخذ؟؟ *تراني مافهم في هالسوالف وايد p=*

[ذنـيـنـي]

الـ D80 مب وايد بروفشنال

هي بروفشنال و في نفس الوقت تناسب المبتدئين
مثل ما قلتلج للهواة المتقدمين

نصحتج فيها لسبب مهم و الي هو انه انتوا الردي عنكم عدسات نايكون,, يعني تقدرين تستخدمين الاكسسريز الي عند اختج,, خاصة عدسة الماكرووووو , احلى عدسة في العااالم

[شمعة أمل]

اهاااااااا جي السالفه
اوكي ^_^

[قرموشة]

حممممستوووني أباا كـاااانووووووووووون
عندنا كـاانوون مع الاستاند مالها بس عاد مال أول كاميرا بو فلم لوول
يباالي شي بروفيشينال

[مايهزك ريح]

Hi ... the nikon D80 is out of stock
every where ..
I have checked in grand stores and jumbo ..
it is with 5250 Dhs
coming with 18-135 lense..
but if you want to purchase from a web site it might come with 70-200 lense which is perfect
Good luck dear

[لمّــاح]

مايهزك ريح .. انا عندي محل يوردلي الي اباه بأرخص من أسعار السوق و بضمان الوكيل حتى ..

اذا بغيت خبرني و بقولك وين مكانه المحل هذا ..

ذنيني .... انته تعجبني :k_harhar1:

[شمعة أمل]

شو السالفه >_<
كل ما ابويه يخبرني شي .. عقبه بدقايق ادش النت واحصل حد يقولي نفس الشي:crazy: ثانكيوو مايهزك ريح



انزين

انا بدوره .. وماتوقع بحصله.. بس يعني لازم أدوره .. so.. لماح شو اسم المحل؟؟؟:7:

[لمّــاح]

هلا ..

اسم المحل:

MK trading
و هذا رقمهم .. 2225745

مكانهم قريب من البلدية ، عند الخور .. و هم نفسهم وكلاء عدسات Sigma و يوردون للسوق بعد ..

و شي محل ثاني في الستي نسيت اسمه بتحصلينه تحت مجابل مال التكاسي ، اذا ماعنده يمكن تحصلين عند المحل الثاني عدال الدري، محل صغير عداله هالمحل الي يصلح المفاتيح و النعله و الصوب الثاني مال المرور و الصراف ..

[بنت ناس و عرب]

Mk اسم المحل

و اسم الريال عبدالغفور

[بنت ناس و عرب]

http://planets.uaeplanet.net/upload/1172384255.jpg

:fa56:

[مايهزك ريح]

مشكوووووور .. لماح ..
بس لو تحط سعرها عند هالريال عشان نعرف كم الفرق .. لأني كل ما اسير مكان ألقاها بـ5250 ..
اذا يتكون ارخص عنده زين ..

[شمعة أمل]

شكرا على المعلومات
بس اتز اوكيي ..
حصلوها في المحلات الكبرى واشتروهااااا =)

[الـيـاه]

اووه
ههههههههه انا شاريه من عنده كاميرتي .. اللي عند الباب الوراني للـ توين تاورز بالضبط لوول