مشاهدة النسخة كاملة : موضوع مهم وحساس جدا..أرجوا المشاركه..
بنوتة جميرا
19-02-07 ||, 08:19 PM
السلام عليكم ورحمه الله وبركاته
اشحالكم؟؟؟
انشالله مرتاحين
اليوم حبيت اطرح عليكم موضوع جدا حساس
بالنسبه لي وكل البنات طبعا ويمكن الشباب
وهالشي بيمر ع كل البنات وودي اعرف راي كل وحده وشو بتسوي؟؟؟
الموضوع هو
هل لو انخطبتي بترمسين خطيبج ع التليفون والا لاء؟؟؟؟
ويوم بتكلمينه هل بيكون هالشي بينكم يعني من دون ما اهلج يدرون والا بتكلمينه مع علمهم؟؟؟؟
وهل تظنين ان اهلج بيوافقون انج تكلمينه؟؟؟؟
واذا كلمتيه شو من المواضيع بتتكلمون فيها؟؟؟؟
وهل بتكونين جريئه معاه؟؟؟؟
وللشباب:
انت شو بيكون موقفك؟؟؟هل بترمس خطيبتك؟؟؟
وشو من المواضيع بتتكلمون فيها؟؟؟
ولو كلمتها في فتره الخطوبه بعد الزواج هل بيي يوم واتقولها مثل ما رمستيني يمكن اترمسين غيري؟؟؟
وانتي شو بيكون موقفج لو في يوم قالج هالرمسه؟؟؟؟
اتمنى الصراحه والتفاعل من الجميع
اختكم.. بنوتة جميرا ..
نور الإيمان
19-02-07 ||, 08:34 PM
دام انه الأهل ما يبون او ما يرضون بهالشي ف ليش من اساسه اكلمه!!
و ان هو - الريال - يبا يكلم خطيبته ليش يمشي بالعكس و يدش من الدريشة!!
يعني ليش ما يستأذن من أولياء امورها - اخوانها او ابوها - عن الموضوع و يكون في الsafe side بدل هاللف و الدوران ...
اما من ناحية المواضيع .. ترى هذا ما يباله تساؤلات او تفكير او ما ادري شو .. كل المواضيع ممكن تتكلمون عنها ... عن كاس الخليج :m_atmasha: عن اي شي ...
بس شو المقصد انه بكون جريئة :boxed:
المهم هذا رايي .. و good luck
بنوتة جميرا
19-02-07 ||, 08:38 PM
نور الايمان
هالموضوع قمت الاحظه وايد في مجتمعنا
عسب جي حبيت اطرحه اليوم واعرف رايكم فيه
وانشالله لي عوده عسب اكتب رايي انا في هالموضوع
شكرا ع المشاركه اختي
بنوتة وردية
19-02-07 ||, 08:40 PM
مكشورة اختي ع الموضوع
عن نفسي ما فكرت في هاي السالفة
بس نحن عايلتنا عادي البنت تكلم خطيبها
وانا ما اعرف اصلا هم عن شو بالضبط لازم يتكلمون
عشان اقول لج عن شو بتكلم
الصراااحة ما عندي خلفية عن هالموضوع
وانا لين الحين صغير ما افكر ب هالسوالف
واكيد لازم تكون البنت جريئة في انها تقول الحق
وما تخش شي عشان ما يستوي مشاكل بعد الزواج
واتمنى من الأعضاء يتفاعلون مع موضوع
لان بصراااحة موضوع مميز
والسمووووحة منج
بنوتة جميرا
19-02-07 ||, 08:43 PM
بنوته ورديه
مشكوره الغلا ع المشاركه
وهذي وجهه نظر ان في بعض العوايل عادي البنت اترمس خطيبها
ترا مش كل العوايل ترضى بهالشي
اتمنى من الجميع المشاركه عسب انشوف اراء الكل
شمعة أمل
19-02-07 ||, 08:46 PM
أرمس خطيبي عالتليفون؟ مسـتحيـل لول:fa54:
بصراحه
خاطري .. يوم انخطب .. أيلس ويا خطيبي كم من مره *مب على التليفون بس انه ايي بيتنا وجي* .. عشـان أعرفه .. واذاماعيبني أقدر أكنسل السالفه ..
بس ماظني هالشي بيكون عادي بعد.. لكن اتمنى انه يكون عادي
المشكله الكبيره والى تخوفني
لو مثلا
ملجنـا .. وماعيبني الريال؟ شو أسوي؟ .. مصيييييييييييييبه:shutup:
بنوتة وردية
19-02-07 ||, 08:54 PM
صبر صبر
شكلي فهمت الموضوع غلط
شو تقصدين بان خطيبها
يعني ريلها بس ما سووا عرس (يعني بس ملج عليها)
ولا خطيبها يعني قالوا ان هذا حق هاي بدون ما يملجون
بنوتة جميرا
19-02-07 ||, 08:57 PM
شمعه امل
انا معاج صعبه انج اترمسينه عالفون
بس دام انه خطبج من حقج انج تقعدين معاه
طبعا في وجود المحارم يعني مايكون في خلوه
عسب ترمسون عن بعض
كل واحد يعرف الثاني اكثر
وهالشي من حق كل بنت وشاب
ودام انج بتقعدين وياه في فتره الخطوبه بتعرفينه عدل تقريبا
فأكيد ما بتندمين بعد الملجه
لان هذا اختيارج وانتي اللي قررتي مصيرج
بعد اكيد ما كلمتيه وارتحتي له
اتمنى التوفيق لكل البنات
الـيـاه
19-02-07 ||, 08:58 PM
لااااا ..
إذا كان من الأهل ممكن أجوفه كمن مره .. بس لو ما كان من الأهل مستحيل جد غريب يدخل كمن مره بيتنا قبل الملجه ! لانه لو ما استوى نصيب قبل الملجه يكون غلط انه ياي وداش بيتنا وايد
بس اصلن أنا متأكده إني ما باخذ حد من برع العايله so الحمدالله بقدر اجوفه كمن مره لكن مب ارمسه فالتلفون .. ألا عقب الملجه ..
همس الدماني
19-02-07 ||, 08:59 PM
والله نحن في عايلتنا عادي البنت ترمس خطيبها
بس انا عن نفسي ما اعتقد
يمكن عقب الملجه هيه
ولو رمسته اكيد بتكون السوالف صطحيه
لأني بكون مستحيه منه وهب متعوده عليه
واصلا حق شوه اتفلسف في هالسوالف وانا بعدني صغيره
هههههههههههههههههههه
اختي شمعة امل ترى يوم بتنخطبين المفرووض انه يشوفج وتشوفينه شوفه شرعيه
وطبعا اكيد بترمسين معاه
وتسلمين على الموضوع...
بنوتة جميرا
19-02-07 ||, 08:59 PM
بنوتة ورديه
خطيبها يعني قالوا فلان حق فلانه
بس بدون ملجه
الفتره اللي قبل الملجه يعني
الملهم
19-02-07 ||, 09:04 PM
احم احم ..
مب جني انا اللي كتبت ها الموضوع .. ^__^
الموهيم ..
بالنسبة لي ورأيي الشخصي ..
افضل اني اكلم خطيبتي واتعرف عليها ..
طبعا الافضل بدراية الاهل .. عشان اعرفها زين ..
واذا اتوافقنا خير وبركة .. واذا ما صار توافق نفسخ الخطوبة ..
فايش الافضل ؟؟
ان تكون البنت فسخت خطوبتها .. ولا طلقت ؟؟
فكلمة الفسخ اهون بكثير من كلمة الطلاق ..
هذا رأيي الشخصي .. ^__^
بنوتة جميرا
19-02-07 ||, 09:05 PM
الياه
طبعا هذا رايي
انا ضد الزواج من الاهل
يعني مستحيل اخذ واحد من اهلي..طبعا هذا خارج موضوعنا..
وبعدين انا ماشوف ان فيها شي لو واحد غريب خطبج انه ايي ويشوفج
وين المشكله فيها؟؟؟
وحتى لو ماصار نصيب انتي ماسويتي شي غلط
والريال دخل من الباب
يعني عادي
انا عن نفسي ماشوف ان فيها شي
ثانكس الغلا ع المشاركه
بنوتة جميرا
19-02-07 ||, 09:06 PM
همس الدماني
الله يوفقج ياربي
وثانكس ع المشاركه
الملهم
19-02-07 ||, 09:07 PM
نسيت اقول ان شرعا ممكن الخطيب يشوف شعر الخطيبة لمرة واحدة فقط ..
بنوتة جميرا
19-02-07 ||, 09:09 PM
الملهم
ماكنت موجوده في المنتدى يوم انت كتبت الموضوع
المهم من حقك طبعا اترمس خطيبتك
بانك اتسير بيتها وتقعد معاها بوجود حد من اهلها
يعني ماتقعدون بروحكم..لازم عزول..خخخخخخ..
بس عالفون وايد صعبه
وفي اهالي مايرضون بهالشي طبعا
ثانكس اخوي ع المشاركه
بنوتة جميرا
19-02-07 ||, 09:11 PM
الملهم
كلامك صح
الخطيب ممكن يشوف شعر خطيبته اول مره بس
ومب كامل
يعني بس اتظهر قصتها من جدام شوي
وبعدين اهله بيخبرونه اذا شعرها ناعم والا لاء
لانهم بيشوفونها وما بيخشون هالشي عن ولدهم طبعا
وثانكس مره ثانيه
المزوحي
19-02-07 ||, 09:39 PM
كله يرجع على طبيعة العايله ..
يعني لو خطبت .. وأهل الخطيبة يرضوون إني أكلمها .. بتكلم ... وفي مواضيع عادية
ولو أهلها مايرضون ( المفروض هي ماتكلم خطيبها ) ... عسب ماتعطيه المجال ..
ولو إنه مب حرام ... لأنه لو قالت له أكلمك من دون شور هلي ... مهما كان ما بعيبه هالشي
حتى لو ما خبرها ... لكن مافي مجال يقولها مثل ماكلمتيني بتكلمين غيري .. لأنه اولريدي مخطوبين
ومافيها شي لو تكلمت عسب اعرفها بشكل عام ... وفي ناس تفسخ الخطوبة ... لعدم ارتياحهم لبعض
والبعض مايسوي خطوبة من الأساس .. على طول الملجة وفي هالفترة يتكلمون ..
بنوتة وردية
19-02-07 ||, 09:53 PM
اهاااااااا السالفة جي
أكيد في عايلتنا ما يخلون البنت ترمس خطيبها
واصلا لو يبون يتعرفون ع بعض
الأهل ما يقصرون يسألون عن الريال كل شي
والسموووحة منج لاني فهمت الموضوع غلط
شمعة أمل
19-02-07 ||, 10:11 PM
بنوتة جميرا & همس الدماني
همممم.. مادري .. لانه حاليا من بين كل الى شفتهم انخطبو من العايـله .. ولا وحده رمست خطيبها الا من بعد الملجه ..
ف عشان جيي
هو صعب عندنا ..بس اتمننننننننننننننى هالشيييييي ..
همس الدماني
19-02-07 ||, 10:36 PM
السموحه بنوتة جميرا
بس عادي لو ظهرت كل شعرها و
طبعا ها بحسب الرغبه
اصلا شو الفرق لو ظهرت قصته او كل شعرها
ترى القصه بعد شعر ولا شو؟!؟
بنوتة جميرا
19-02-07 ||, 10:38 PM
المزوحي
كلامك صح على حسب العايله
بس اغلب العوايل في مجتمعنا لازالوا محافظين
ويرفضون هالشي رفضا باتا
بس عندك الشي الثاني اللي ممكن تستعيض عنه بدل ما تكلمها بالفوون
انك اتروح عندها واتقابلها وتقعد معاها
هالشي افضل من وجهه نظري
والنقطه الثانيه انهم مخطوبين واكيد ما بيقولها انج كلمتي غيري
هذا بعد على حسب الشاب
لو كان شكاك اكيد بيقول
شكرا اخوي ع المشاركه
المزوحي
19-02-07 ||, 10:45 PM
بنوتة جميرا
بس أحيانا الشاب يبين لخطيبته ( إنه مافيها شي لو تكلمنا - ونحن مخطوبين ) وتسوي اللي هو يباه
( إنهم يتكلمون ويتعمقون في مواضيع ) وعقب ما يشبع ... بيقول إنه هي سهله ...
وممكن ماتعيبه ( طبعا مب الكل .. البعض ) .. بغض النظر عن إنه يكون شكاك ..
تحفه
19-02-07 ||, 10:55 PM
لا مابرمسه ,, هم يختارون الي يعيبهم ونا اعرف انهم ما بيوافقون على اي حد إلا وهم شاخلين ماضيه والـ CV ماله لووول
المزوحي
19-02-07 ||, 10:58 PM
احسن لج ( بوظبي ) لوووووووووول
تحفه
19-02-07 ||, 11:13 PM
شو يضّحك الحين؟ :smile2:
المزوحي
19-02-07 ||, 11:17 PM
بسم الله .. حد قال شي .. يا أميييييه .. أقصد
أحسن لج اللي تقولينه .....
ومهما سألو عنه ... يمكن معاملته لج تكون غير ...
sorry ..
الـيـاه
19-02-07 ||, 11:37 PM
بنوتة جميرا
منو قال أنه أنا بتزوج واحد وما أخليه يجوفني لول .. فهمتي غلط ! مستحيل اصلن
لازم بجوفه
بس اقصد مابيقدر ايي بيتنا اكثر من مره .. يعني هي مره وحده عسب يشوفني
لكن يوم حد من الأهل بقدر ايلس وياه كمن مره وأعرف كيف هو أكثر قبل الملجه ..
وعادي انا ما اقول انه مايستوي ياخذون برع العايله
لكن انا ارمس عن عايلتنا
هم عادي عندهم ياخذون من برع العايله .. بس أنا أحس جي
بنوتة جميرا
20-02-07 ||, 06:31 AM
لي عوده عسب ارد ع باقي الاعضاء
وثانكس ع التفاعل
عبرات حالمة
20-02-07 ||, 08:43 AM
سلام
انا بالنسبة لي طبعا باختار اني اشوفة 1- للنظرة الشرعيه
و موضوع التلفون يمكن اذا كانت فترة الخطوبة طويله و ماعندي حد يوصل الكلام من بينا (قيس وليلى خخخخخ) لكن الصراحة افضل المسن (الله يخليلنا اياه) و بنتكلم في مواضيع سطحيه و طفولية وكلها مصخره -in agood way
ويمكن بعض المخططات المستقبليه عسب اعرف نوعه و افكاره
خخخخخخ جنه احين هني وياي خخخخخخخ الله لا اييب هاليوم!!!
تحفه
20-02-07 ||, 01:45 PM
بسم الله .. حد قال شي .. يا أميييييه .. أقصد
أحسن لج اللي تقولينه .....
ومهما سألو عنه ... يمكن معاملته لج تكون غير ...
sorry ..
ليش تقول بسم الله؟
ليش حطيت نقطتين نقطتين نقطتين .. ليش ليش ليش ليش ليش :fa56:
المزوحي
20-02-07 ||, 03:25 PM
:look: :k_shock_1:
لا ماشي :fa43:
العجيبة
20-02-07 ||, 03:35 PM
هلااا
هل لو انخطبتي بترمسين خطيبج ع التليفون والا لاء؟؟؟؟
ويوم بتكلمينه هل بيكون هالشي بينكم يعني من دون ما اهلج يدرون والا بتكلمينه مع علمهم؟؟؟؟
وهل تظنين ان اهلج بيوافقون انج تكلمينه؟؟؟؟
واذا كلمتيه شو من المواضيع بتتكلمون فيها؟؟؟؟
وهل بتكونين جريئه معاه؟؟؟؟
بخصوص اذا انخطـبت ..
أرووح أكلمه وأدق سوالف وياه .. قـويـّـة :surrender:
بيقول بلاها هاي مب شايفة خيــر !!
برايي ..
إنـه المفـروض ما يتكلمون مع بعض دام ما في بينهم أي رابط شرعي ..
بس الظاهـر المفروض شيء والواقع شي مختلف تماماً ..
دانة حتا
20-02-07 ||, 03:58 PM
اممممم انا اللي اعرفه انه من عقب الملجه اتصير حرمته شراعا
يعني حتى لو يملج وياخذها عادي والعرس الا حفله ما يخصها
يعني من عقب الملجه كلميه من اليوم لين باجر محد يقدر يمنعج
بس اذا الاهل معقدين شي ثاني والله يعينج
ووو اذا تقصدين خطبه بس كلام ما اعتقد يصير لانه عادي عقب فتر
ه يلغي الخطوبه وشو بتسوي البنت عقب مب زين
ووو هذا رااايي
بنت الدلع
20-02-07 ||, 04:07 PM
ليش مكبرين الموضوع
انا من رايي ان مول مافيها شي لو ثنين مخطوبين ويرمسون بعض
يعني هذي الفتره الي يتعرفون على بعض
وكل واحد يعرف افكار الثاني وطبيعته
واذا لاسمح الله وماتفاهمو كل واحد بيسير بطريج
ولا انه يملج عليها ومن بعد الملجه يشوفون انهم مب اوكي ويا بعض ويطلقون !
والسوالف في التيلفون لازم تكون بعلم من الاهل
خاطبنها وتسير ترمسه من ورا اهلها !! ،، ترى مول مب حلوه في حقها
اصلا الولد بياخذ عنها فكره
اما اذا هو طلب هالشي من اهلها بيكون شي وايد عادي
وبيرمسون بعض وهم واثقين انهم مب مسوين اي شي غلط
الملهم
20-02-07 ||, 07:22 PM
يا ناس الحين صاروا الشباب يرمسون البنات والبنات يرمسن الشباب ..
عيل ما بغيتوا الشاب يرمس خطيبته .. اونه عيب .. ما ييتوا الا على ها الشيء ..
التوافق في الخطوبة امر مهم ..
تحديد المصير من الخطوبة امر مهم ..
وسوري على الرد مرة ثانيه .. ^__^
بنوتة جميرا
20-02-07 ||, 09:12 PM
بنوتة ورديه
مسموحه الغلا
بس بعد الاهل يقولولج عنه ما يكفي
لازم انتي تقعدين معاه وتتكلمون
عسب اتشوفين اذا انتو متوافقين والا لاء
مشكوره الغلا ع المشاركه
بنوتة جميرا
20-02-07 ||, 09:21 PM
شمعه امل
من حقج اتشوفينه في فتره الخطبه
مب تاخذين واحد على عماج ماتعرفين عنه شي
ثانكس الغلا ع المشاركه
بنوتة جميرا
20-02-07 ||, 09:23 PM
همس الدماني
انا اللي اعرفه البنت اتظهر خصلات من شعرها (القصه)بس
ماتخيل الوحده فاجه شعرها وقاعده جي جدام خطيبها
احس بها مب حلوة مووووول
مشكوره فديتج ع المشاركه
بنوتة جميرا
20-02-07 ||, 09:26 PM
المزوحي
عسب جي البنت لازم ما تتمادى وتسمح لنفسها انها تكلمه
واذا صار واستوى طبعا لازم يكون بعلم اهلها مب من وراهم
جي بتكون في السيف سايد
شكرا مره ثانيه ع المشاركه
بنوتة جميرا
20-02-07 ||, 09:28 PM
بوظبي
زين اتسوين يوم ماترمسينه
بس بعد لازم انتي يكون لج راي
مب الاهل يسوون كل شي وانتي عليج بس اتعرسين
لازم اتشوفينه وتقعدين معاه
سؤال الاهل بروحه ما يكفي
مشكوره الغلا ع المشاركه
رويان
20-02-07 ||, 09:29 PM
هل لو انخطبتي بترمسين خطيبج ع التليفون والا لاء؟؟؟؟
ويوم بتكلمينه هل بيكون هالشي بينكم يعني من دون ما اهلج يدرون والا بتكلمينه مع علمهم؟؟؟؟
وهل تظنين ان اهلج بيوافقون انج تكلمينه؟؟؟؟
واذا كلمتيه شو من المواضيع بتتكلمون فيها؟؟؟؟
وهل بتكونين جريئه معاه؟؟؟؟
ذكرتيني في بداياتي كانت هالسؤال مسبب لي أرق !
من واقع تجربة..
كلميه.. ؟!!
طبعا بعلم أهلج و أهله
.
.
افهمي عقليته..
وحاولي تفهمين طبيعة الانسان اللي بترتبطين فيه..
و شوفي نفسج هل يناسبج هالشخص ؟
و هل تقدرين تكونين شريكة له.. ؟
.
.
لا توقفين عند موضوع أكلمه أو لا..
المهم انج تحطين في بالج انها خطوة راح توضح لج الصورة أكثر
وتساعدج أنج تتخذين فيها قرار مصيري
راح تتحملين كل نتايجه..
دايما البدايات تكون صعبة..
بس مهمة لانها أساس..
بالتوفيق حبوبة..
بنوتة جميرا
20-02-07 ||, 09:31 PM
الياه
اكيد بتشوفينه وبتقعدين معاه
حتى لو كان غريب مب شرط يشوفج مرة وحده
يقدر ايي مع اهله يوم بيزورون البنت وهو يقدر يشوفها
يعني عادي اكثر من مرة مافيها شي
مشكورة الغلا مرة ثانيه ع المشاركه
بنوتة جميرا
20-02-07 ||, 09:37 PM
عبرات حالمه
اكره شي عندي ان تكون فتره الخطوبه طويله
البنت ماتعرف نفسها مرتبطه والا لاء
واتم تتريا الباشا لين ما يتكرم ويملج عليها
بس تعالي لو كان خطيبج مب متطوريعني ماعنده سوالف اللعب والمسن شو بتسوين؟؟؟خخخخ
وليش اتقولين الله لا اييب هاليوم؟؟
انشالله تتوفقين في حياتج والله يرزقج الزوج الصالح
مشكوره فديتج ع المشاركه
بنوتة جميرا
20-02-07 ||, 09:39 PM
العجيبه
الله يتمم لج على خير الغلا
ولا تنسين تعزمينا ع عرسج..خخخخخخخخ..
الله يوفقج يارب
مشكوره الغلا ع المشاركه
بنوتة جميرا
20-02-07 ||, 09:42 PM
دانه حتا
هي بعد الملجه اتكون حرمته
وقبل خطيبته
لكن عادي لو البنت كلمت خطيبها في فتره الخطبه
بس طبعا بوجود المحارم يعني مثلا امها او اختها
عسب يتفاهمون
مشكوره فديتج ع المشاركه
تحفه
20-02-07 ||, 09:43 PM
بوظبي
زين اتسوين يوم ماترمسينه
بس بعد لازم انتي يكون لج راي
مب الاهل يسوون كل شي وانتي عليج بس اتعرسين
لازم اتشوفينه وتقعدين معاه
سؤال الاهل بروحه ما يكفي
مشكوره الغلا ع المشاركه
حبيبتي اذا علي عني عادي اخلي الابيض اسود والملح يستوي سكّر هاها
بنوتة جميرا
20-02-07 ||, 09:49 PM
بنت الدلع
ترا مب كل الاهالي يوافقون او يرضون ان بنتهم اترمس خطيبها
اترمسه اوكي بس جدام عيونهم مب بالفونات ومن وراهم
واكيد لو الشاب طلب من خطيبته انه اتكلمه من ورا اهلها
ولو هي وافقت اكيد بينه وبين نفسه بيقول كيف هي سهله
ويمكن اطيح من عينه بعد
ثانكس بنت جامعتي ع المشاركه
بنوتة جميرا
20-02-07 ||, 09:51 PM
الملهم
نحن ما يخصنا في هالفئه من الناس
والغلط يتم غلط
ثانكس اخوي ع المشاركه
بنوتة جميرا
20-02-07 ||, 09:53 PM
رويان
اتكلمينه صح بس مب في الفونات
يعني كل اللي تبين اتعرفينه اعرفيه يوم بيي وبيقعد معاج
وفي هالقعده بتكلمينه وبتشوفين اذا هو يتوافق معاج والا لاء
شكرا الغلا ع المشاركه
بنوتة جميرا
20-02-07 ||, 09:56 PM
بوظبي
دامج جي عادي
بس نادر في هالزمن وحده مثلج
انا عن نفسي واغلب البنات جي
مستحلين ناخذ واحد الاهل بس هم اللي موافقين عليه
ترا انا اللي باخذه و بعيش معاه مب اهلي
يعني لازم يكون لي راي
ولو ما اتوافقت معاه محد بينفعني يوم بتكثر وبتكبر المشاكل بينا او رديت لهم مطلقه
الملهم
20-02-07 ||, 10:56 PM
في وحدة عضوة على ما اظن اسمها وعد ..
قالت عن تجربة هي مرت بها .. قالت انها انخطبت وتمت ترمس وياخطيبها ..
بس يوم شافت ماشي توافق طلبت فسخ الخطوبة ..
بنوتة جميرا
21-02-07 ||, 05:54 PM
ثانكس الملهم
ويعطيك العافيه انك عطيتنا هالتجربه
ثانكس مره ثانيه
بنت الدلع
21-02-07 ||, 07:31 PM
^ ماخبرتينا عن رايج في الموضوع ؟
الـيـاه
21-02-07 ||, 07:53 PM
بنوتة جميرا
بس نحن عنـّا إذا ما كان من الأهل .. مايقدر أيي بيتنا أكثر من مره وييلس ويايه قبل الملجه
يقدر مره وحده وبس .. اللي هي أول مره يشوفني ..
بس مابقدر ايلس وياه كمن مره قبل الملجه .. اهىء اهىء >.<
ها إذا كان مب من الأهل
بس إذا من الأهل عااااادييي عندهم
بنت الدلع
21-02-07 ||, 08:02 PM
^ تقريبا مثلنا
الريال ايي ويشوف البنت
بس ان ايي دايما وييلس وياها >_< وين يبا
خلا ييلس وياها بعد الملجه
بس > احيانا < احس ان عادي هالشي
ويخلي العلاقه تكون واضحه
بنوتة جميرا
22-02-07 ||, 09:57 AM
بنت الدلع
لي عوده عسب اقول رايي
عبرات حالمة
22-02-07 ||, 07:18 PM
سوري بنت الجميرا مارديت قبل
اصلا انا ماراح اوافق على واحد مو متطور خخخخخخخ مصدقه عمري وايد
و المسن احسن لي لان بالتلفون احس انه احراج - يمكن بعد الملجه
و بكل صراحه انا اقول و اتمنى ان الله ما اييب هاليوم لانني تعرضت لتجارب تكفيني
ومابي اعيدها!! بس طبعا الحياة ما توقف واذا ياني حد واقتنعت فيه 100% اكيد بوافق
بس ان شاالله مايكون جريب لاني ابى اعيش حياتي ^ـــــــــــــ^
اخت اختي
23-02-07 ||, 10:24 AM
أنا الصراحة.. هلي عادي عندهم أرمس خطيبي عالتيلفون.. وأنا أبا الصراحة لأن أبا أتعرّف على شخصيته وكيف يفكر.. ترى كلام الناس عنه يمكن يطلع غير.. وأنا إذا كلمته بقوله من البداية لازم نثق في بعض وانكون صريحين في كل شيء.. لأن إذا جذبنا على بعض نحن بنطيح في مشاكل بعد الزواج.. يعني مثلاً أنا بقوله إني شوي عصبية بس بحاول أخف هاي العصبية.. وبقوله إن أهم شيء عندي يعني إذا صار بينا اختلاف لازم كل واحد منا ييلس ويسمع الثاني لأن يمكن يكون سوء تفاهم..
مشكورة على هذا الموضوع
بنوتة جميرا
23-02-07 ||, 12:36 PM
عبرات حالمه
الله يرزقج بواحد متطور
خخخخخ
مشكوره الغلا ع المشاركه مرة ثانيه
بنوتة جميرا
23-02-07 ||, 12:39 PM
اخت اختي
بالتلفون وايد غلط
بس دام ان هلج راضين عادي
الله يوفقج يارب
ويوفق كل البنات
مشكوره الغاليه ع المشاركه
بنوتة جميرا
23-02-07 ||, 12:49 PM
رجعت عسب اقولكم رايي
تو الناس..خخخخ..
بس والله كنت مب صاحيه شوي البارحه
المهم انا رايي كان واضح من ردودي ع الاعضاء
بس بكتبه كله هني
لازم في فتره الخطوبه الخطيب يشوف خطيبته
ويقعد معاها ويتكلمون
طبعا في امور حياتهم المستقبليه
واكيد يوم بيي يشوفها لازم حد من اهلها يكون قاعد معاهم
ما يقعدون بروحهم اكيد (يا امها او اختها المهم حد يكون معاهم)
وطبعا في هالقعدات كل واحد بيعرف الثاني اكثر
واهل البنت بعد يوم بيسألون عن الريال اكيد البنت بتكون عندها خلفيه عن الريال
وبعد اهل الريال يوم بيون عند البنت والزيارات اكيد بتكون عنده خلفيه عن البنت
بس بالفون احس انها وايد صعبه وانا هلي مستحيل يوافقون
بس لو وافقوا بكلمه واحسن شي بيكون انه مع علمهم بالموضوع
ولو ما وافقوا عادي برضا بالامر الواقع..خخخخخ..
ولو كان متطور عقوله عبرات حالمه اكيد بيكون المسن بينا
هذا كل اللي طلع مني الحين واذا في شي زياده برجع وبكتبه