مستقبـلهم في يديك!

[شمعة أمل]

السلام عليكم ورحمة الله وبركاته..

الكثـير منا *البنوتات* .. يوم كنا صغار نلعب ويا العرايس . ولا الباربييز ..

http://www.blogcadre.com/files/images/mytwinn.thumbnail.jpg

كنا نيمع بنات عمنا .. وصديقاتنا ... وكنا نحن الأمهات والdolls بيبيااتنا :fa41:

http://www.toydirectory.com/monthly/jun2006/images/for-1975--Doctor-Kit-Girls.jpg


أحيد .. كل سنه كنت أرد من لندن ويا عرايس يديده .. وثياب .. وقاري *عربانه* يديده .. اسميني تخبلت يوم اشترولي قاري التوائم :k_harhar1:

http://photo.phoenixfeather.net/album_info/little_girls/dollies.jpg




طبعا هذا في الماضي:fa41: .. وانا مارمس عن الحاضر .. لكن أرمس عن المستقبــل ..



لو انتي كنتي أم .. كيف بتربين عيـالج؟؟

شي بنات *شراتي p=* عندهم خطط كيف يبون يربون عيالهم .. وشي بنات .. ماعندهم .. في نظرهم لو يخلون الياهل على كيفه هذا احسن شي..


انتي ..
كيف ناويه تربين عيالج؟؟ هل عندج خطط؟؟



*ترا عادي الشباب يجاوبون على السؤال لول:k_harhar1: *

[الدلووووعة]

تسلمين اختيه شمعة امل عالموضوع

عني انا ابد مافكرت بها الشي
مادري ليش يعني صح اني اسمع اختيه واخويه يقولون
كيف بيربون اعيالهم بس انا مايا فبالي افكر فها الشي
يمكن لنه بعدنا عن التفكير في هاي الاشياء ( انا اقول عن نفسي مادري عن غيري )

[المزوحي]

أنا أحب أربي عيالي بالاعتماد على النفس ... وإنهم يعرفون جيمة الشي بشكل عام ...

واشجعه على سبيل المثال بالهدية البسيطه .. إذا ذاكروا ... نهاية السبوع في طلعه وإذا

حد شاغب ... في عقاب إنه مايظهر ... يعني مب بالضرب ( مع إني عصبي ) لكن ما أحب

استخدم هالاسلوووب ....

أربيهم على الصدق .. ماعرف عندي عقده من الكذب ...

وااايد رمست شمعة أمل

السموحه

[سفير الخيال]

ما شاء الله عليج يا شمعه مستعيلة على العيال من الحين :doh:


بما إن الموضوع شدني وبنفس الوقت مسموح للشباب إنهم يشاركون فأنا بعرض رايي :shutup:


تربية الأطفال مهمة صعبه جدا وليست سهله كما يتوقعها البعض، وهي عبارة عن عمل مشترك بين الأب والأم، فلا نستطيع أن نقلل من شأن دور الأب أو أن نهمله، فإن كان دور الأم هو الحنان والحرص على نمو الطفل بشكل صحيح فإن دور الأب يكمن في أن يكون القالب الذي يحمي هذا الطفل من الوصول إلى خارج حدود الأمان والتعلم، وكذلك له دور كبير في دعم الأم ومساعدتها في التربية الصحيحه.

هناك أمور قد لا تستطيع الأم ممارستها في تربية الأطفال والأب وحده هو القادر على السيطره عليها، وأهم من ذلك هو أن طبيعة الحياة الزوجية قد تؤثر سلبا على تنشئة الطفل بشكل سليم، فالمشاحنات الزوجية إن خرجت عن سيطرة الأب قد يشعر الطفل بالذبول والبؤس وقد يؤثر ذلك على المستوى الفكري له مما يؤدي إلى عقده نفسية تؤثر عليه بعد البلوغ.


أدري إن خبصتها وطلعت عن الموضوع الأساسي :doh:

بالنسبة إلى السؤال: كيف ناويه تربين عيالج؟؟ هل عندج خطط؟؟

دوري كأب
1- في فترة الحضانه الطفل في حاجة ماسة للأم، والأم في حاجة ماسة للزوج، ولذلك أفضل ان أكون قريبا من زوجتي "أم العيال" لأنها إن كانت سعيده أصبح الطفل سعيدا وإن كانت حزينة خيّــم الحزن على الطفل، فمشاعر الأم تنتقل بشكل مؤثر إلى الطفل الرضيع من خلال الحليب الذي تدره.
2- في فترة ما بعد الحضانه، الطفل في مرحلة الإكتشاف والتأقلم، يحاول ان يكتشف كل زاوية في البيت وكل دميةٍ تسقط بين يديه تصبح في ذمة الله :glare:
فدور الأب هنا يصبح مهما جدا، وهو الدور التعليمي، ويجب عليه أن يكون قريبا جدا منه، أما الأم فيتقلص دورها ليصبح دورا يعنى بصحة الطفل وطريقة نموه.
3- في السنوات الأولى من التعليم "فترة الروضه والإبتدائية"، وهنا يصبح دور الأب والأم دورا مشتركا ويتركز على التعليم المباشر وغير المباشر، وهذه الفتره هي أهم فترة يستطيع من خلالها الطفل أن يكتشف المهارات التي يملكها.




موضوع رائع يا شمعه, واعذرينا على الإطاله

شكرا

[همس الدماني]

انا بصراحه ما طرى في بالي هالموضوع

انشالله في المستقبل بفكر

ههههههههههههه


مغسي على الموووضوع...

[طير الحب]

والله موضوع بالبال دوووم...

كنت أشوف التربية شيء صعب جدا...وكيف بعلم ولدي وكيف بنمي فيه هالشيء...ما ادري جربت تربية الولد وحسيت أني ممكن اقدر أسيطر عليه بس تربية البنت للحين ما أعرف كيف التعامل معاها...خاطري بنتي تأخذ شخصيتي في شغلات وايد اكره طبع في البنات والي ما احب انه بنتي يكون فيها الغرور يعني للأسف شفت بنوتات وايد صغار في السن ما يتعدون الأربع ومن هم صغار يشوفون فلانه شو لابسه ويعلقون على لبسها وهذا ما احبه يكون في بنتي ما احبها تنزل من قدر أو قيمة أي انسان مهما كان أحبها تكون راضيه وقنوعه بالي عندها واحبها تكون طيبة مع الجميع وما تشوف نفسها اعلى عن الناس وهالشيء جدا أفكر فيه...حتى من فترة كنت أتسأل ان الطفل يكتسب عاداته بالتربية مش ممكن يورث الطبايع أدري تفكير مجنون بس كنت افكر فيه...


بالنسبة للألعاب ما ادري أنا في خاطري تكون عندي بنت عشان ألعب معاها لين اليوم أقف مثل طفله امام نوعية من الألعاب للبنات وأحب اني ألعب فيها...بس ما احس أني بنمي فيها حب العرايس ما ادري ليش انا مب وايد احب العرايس بس اذا هي حبت ما بحرمها أباها تجرب كافة انواع الالعاب الخاصة بالبنات وتختار الي يناسبها.


يعني مثلا عبادي من كثر ما يكون معاي أغلب الوقت يعرف وين يحط ملابسه وملابس الغسيل ويوم اكون احط الغدا يساعدني يشل الصحون طبعا انا حبيت اني انمي فيه انه يكون خدوم بس ما احب انه تكون اهتماماته نفس اهتماماتي...فأغلب هوايته ينميه مع أبوه يعني عنده هوس بالسيارات ويوم بيشوف السيارات بيخبر أبوه أول لأنه يعرف انه ابوه يحب هالشيء وألاحظ انه يحب يقلد أبوه وايد حتى بالأكل فقمت البسه مثل ابوه عشان يعرف انه المفروض يقلد ابوه مش امه.

وأحس الطفل محتاج الحزم من أبوه...يعني عبود ساعات ما يسوي لي سالفه يوم انازعه يضحك بس يوم ابوه يطلب من شيء هو معاندني فيها يسويها..فتواجد الأب ضروري جدا في مسألة التربية


ولي عودة...موضوع حلو وقيم...تسلمين شمعة أمل

[شمعة أمل]

الدلوووووعه
يوم تبدين تفكرين خبرينا:k_smile2:


المزوحي
طريقتك تقريبا مثل ما أبويه ربانا:fa46: ينفع!


سفير الخيال
لاااااااا مب مستعيييله بس كنت اتنقاش ويا اختي عن هالشي يوم كنا ايطاليا .. ومادري ليش هي وابويه تحروني مينونه يوم قلتلهم عن مخططاتي لعيالي:tounge:
عيبني رد .. خصوصا الجزء الأول منه!! صح لسانك


همس الدماني
دورياان = عفوا


طييير الحب
شو اخبار عبادي؟:fa41:
" ومن هم صغار يشوفون فلانه شو لابسه " انا معاج في هالشي >_< يوم نحن كنا صغار هالأشيا مول ماتهمنا .. كنا نلبس اي شي .. عكس يهال هالزمن .. تخيلي .. بنت ولد عموه عمرها يمكن 9 .. ماتطيع تلبس اي شي لو مب ماركه .. ومن هالسن تعرف اسامي الماركات العالميه .. يوم حد يعطيها الثياب تشوف اسم البراند .. لو مب عايبنها اسم البراند .. تفره في الزباله:surrender:
وحده في هالسن المفروض ماتهتم في هالاشيا .. المفروض تعيش حياتها وتلعب

[شمعة أمل]

رايي:

- عيالي لازم يعرفون يرمسون 3 لغات من يوم هم صغار .. البنات عربي وانجليزي وفرنسي .. والأولاد عربي وانجليزي وهندي
- لازم يسوي اكتفتييس .. الأولاد كره وركوب الخيل والدرجات وجي .. والبنات البيانو ويلعبون ويالعرايس وتلوين وجي
- كل صيف .. بطرش الأولاد سمر سكوول .. والبنات مدرسة اتكيت في سويسرا:fa46:
- عيالي مابيعرفون شي اسمه ماكدونلدز .. بيتزا هت .. برغر كينغ
- بعاقب عيالي اذا يسون شي غلط * بس مستحيل اظربهم* بشل اي شي يحبونه عنهم ليوم وبيكون عندنا naughty step :k_harhar1:
- كلمات نفس شكرا وعفوا ولوسمحتي دوم بتكون على لسان عيالي
- عيالي مابيزقرون ابوهم بابا .. لازم أبويه *انا من يوم كنت بيبي وازقر ابويه ابويه .. احس غلط يوم اسمع ربيعاتي هالكبر ويقولون بابا*
- عيالي بيكونون مؤدبييييين ومابيجذبووون ومايسبون .. يعني مثلي:tounge:
- كل يوم .. بيكون عندنا على قل ساعه ونص اسمه family time في هالوقت لازم الأبو يكون موجود مهما كان
- كل جمعه = family day يوم كله اكتفتييس في البيت والأبوو بيكون موجود غصب
- وطبعا كل عيالي بيكون شطار .. الى مايحل واجبه ومايجتهد في المدرسه ياويله:a058:

[بنوتة جميرا]

شكرا اختي ع الموضوع الحلو
وانا عن نفسي ماجد فكرت بهالشي مول
دوم اقول يوم بيوم اليهال بعرف كيف بتصرف وكيف بربيهم
بس الحين مافي شي يطري ع بالي
اخليها للمستقبل القريب جدا انشالله

[شمعة أمل]

بنوتة جميرا
شكرا على الرد 3>

[تحفه]

انمسسسسسسسسسسسسسسسح الرررررررررررررد
---

لي عوده .. وموضوع حلو يا شمعة امل

[خيال الروح]

مرحبــا ..

ما شاء الله شمعه أمل مفكره في كـل شي ..
عمري ما فكرت شقى بربي عيالي ..
لاني ما اعرف شو الى بصير في المستقبل ..

وتربيتهم بتكون شرات ما ربوني اهلي ..

وكل شي في وقته حــلو ..

وتسلمين على الموضوع ..

[شمعة أمل]

تحفه
تيت


خيال الروح
يور ولكم .. وشكرا على الرد