اليوم العالمي لمتلازمة داون في مدرستنا

[دمعة شوق]

السـلام عليـكم
بـندخـل في صـلب الموضوع مبـاشـرة
:b050:

تـعـريـف متـلازمة داون ؛ وسبب تسـمـيـتـها بهـذا الاسـم ؟!

ومتلازمة داون هي عبارة عن خطأ صبغي "كروموسومي" يحدث خللا في المخ والجهاز العصبي ينتج عنه عوق ذهني واضطراب في مهارات الجسم الإدراكية والحركية، كما يظهر هذا الشذوذ ملامح وجهية وجسمية مميزة وعيوبا خلقية في أعضاء ووظائف الجسم، ولا يحدث هذا الشذوذ الصبغي نتيجة خلل في جهاز من أجهزة الجسم أو نتيجة للاصابة بمرض معين وكما انه ليس بالضرورة ان يكون حالة وراثية، بل هي قدرة الله سبحانه وتعالى يحدث خلال انقسام الخلية عند بداية تكوين الجنين .
ويـكـونـون كلـهـم شبـه بـعـض
http://www.werathah.com/down/images/down.jpg
|||||||||||||||||||||||||||||||||||||||||||||||||| ||||||||

اليـوم العـالـمـي لـمـتـلازمـة داون بيـكون 8 او 9 \ 3
بنحتفـل فيـه إن شاءالله بمدرستـنـا
وبـكـون انا المـسـؤولـة عـن هالمـشـاركـة
يـعنـي أنا اللي انـظـم وأطلـب الـمدعـويـن والأطـفـال وكـل شـي
طبعا ً بيكون مساعدات بس غير يوم تكون انته المسؤول التنظيم عليك والافكار عليك
والترتيب والتنسيق عليـك
:h_terms:
||

انـزيـن الحيـنـه نـي رتبـت كمن فـكـرة فـ بـالي بـس طبـعـا ً مايسـدن
بيـت حد يسـاعدنـي ويعطنيـه أفـكـار من عنـده ممكـن تسـاعـدنـا
؛
أول الافـكـار : بنسـويـلهـم كذا قـسـم قسـم للعب قسم لقراية القصـص قسم للالعـاب
وقسم للرسـم
وكـل قـسـم بيـكون حـد مسـؤول عنـه من حيث الترتيب والتنسيق وجـذب الطـلاب لقسـمه
:fa42:
||
الفـكـرة الـثـانـيـة : شـهـايد تقـدير وتكـريم للي حضـروا الاحتـفال اللي هم الإدارة والمعلمات .
||
الـفـكـرة الثـالثـة : نحـوطهـم في أرجـاء الـمـدرسـة
:a049:
||

اممم بصـراحـه كـاانن نص القـروب متردد ويقولن شغلانـه بس والله حلـو
تيبهم وتلعبهـم وتخليهم يستانسون
:a050:
؛

الحينـه اللي عنـده أي اضافـة لأفـكـارنـا أتمنى انه مايقصـر وله الأجـر
وعسى تضـبـظ ويـانـا هالمحـاولــة
:surrender:
والـسمـوحـه من الجميـع

[دمعة شوق]

ماعـرفت فـ أي بقعـه أحـطـه
قلت هنيه عسب الكل يشـوفـه
؛
واذا ريتوه هب مناسب هنيه طيروه لبقعته
:k_harhar1:

[بنت الدلع]

مرحبا غناتي

شعور حلو يوم اتكونين الـ leader

ذكرتيني بمتلازمة داون الي في كتاب الاحياء

هالفئه من الاطفال وايد ايونج حبوبين
وحلو التعامل وياهم

ويوم تسوين لهم شي يعيبهم
تشوفين ردة فعلهم على طول
وشكثر يكونون فرحانين يوم الواحد ييلس وياهم ويعطيهم من وقته

الله يوفقج في هالعمل ان شاء الله
وفي ميزان حسناتج يارب

==

وبالنسبه للأفكار

:m_afaker:

حاليا ماعندي افكار اقدر اخبرج عنها
ادري ما افدتج بشي

[بنت الدلع]

^ ممكن في النهايه تعطونهم هدايا صغيره للأطفال الي بتيبونهم

[مخاوية الامل]

السلام عليكمــ ورحمة الله وبركـــااته..،

دمعة شوووق .. ! علووومج يالقاطعــة .. ؟ :h_negab:

فديتج وايد واايد واايد حلوة فكرتكوو ..،
وامممــ .،
شووو أقوولج .. !
ليش ماتعطونهم جي نص ساعــة .. ،قولولهم كل وااحد يقوول اللي فخاطره ..،
واالي ترومون تلبوونه لبـــووه ..
ووشو بعد .. ،
والله مايحضرنيه غير هذا الحين ..
لو طرا شي ع باليه غيــره بيي أخبررج ..،
وحدري المسن لا تقطعيناا لو سمحتي ..

ويزااج الله خيييــر ..

[شمعة أمل]

العام .. كنا قروبين .. قروب نسوي شي للشواب .. وقورب للداون سندرووم..
انا كنت في قروب الشواب بس اتذكر كمن شي سووه ويا الداون لاني ساعدتهم شوي في الترتيبات..

قبل كل شي.. خصصو يوم انتو تسيرولهم ك رحله .. تشوفونهم كيف .. تفهمون كيف تتعاملون وياهم .. عشان يوم الاكتفتي محد ينصدم وتكونون عادي..وبعد خذو اساميهم .. عشان يوم يون عندم تحطولهم ستكر عليه اسمهم .. اليهال يحبون هالشي وايد

ثاني شي.. خصصو theme ... ربيعاتي اختارو *هنود الحمر* .. كلهم لبسو ثيااب جنه مال بوكهانتس والى حاطه ريش ع راسها والى مادري شو ..

ثالث شي.. سوولهم اكتفتييس .. وايد بعد .. نفس treasure hunt & pin the tail on the donkey ..

في النهايه سوولهم باربيكيوو .. نفس همبرقراات وهوت دوغ وجيي ..

[الاسطوري]

السلام عليكم ..

مجهود طيب منكم والله يجعله في
ميزان حسناتكم
:yes:

حاولوا تسوولهم فعاليات تجذبهم ويكون الكل يلعب ويتحرك ويفكر ويحاول وطبعا لازم تكونون
وياهم وتحسسونهم إنكم وياهم يعني مب تخلونهم بروحهم فـ أهم شي
الإحتكاك يكون من قريب واللي يسولف سولفوا
وياه وبعد أحس الأكل مهم
إن توفرولهم وجبات وإذا ذويهم وياهم يعني لاتنسونهم بعد والتكريم في النهاية بهداية وألعاب
وغيره وايد مهم ولاتفرقون بين حد وحد يعني لازم تعطون الكل عشان
مايكون في ردة فعل عكسيه إن حد حصل
وحد لأ وخلوا حد يصور
طول وقت الفعاليـات وكل شي كـ ذكرى لكـم وللمدرسـة وإذا ما لقيتوا حد طرشوا لي بطاقـة
دعوة ومابردكم تراني فاضي وبنت ناس وعرب مابتقصر بتأجر
علي كم عدسة وبسعر رمزي عشان
أعمال الخير
:icecream:

وإذا خطر في بالي شي
بوافيكم به
:yes:

الاســـطـــوري
أخوكم

[كـلـكـلـووش]

اهم شي انكم ما تحسسون هالفئه انهم ناقصين .. حسسوهم انهم كأي انسان يقدر يلعب و يشارك و يسوي ..

و سلوهم على قد ما يقدرون .. و خلي البنات يحتكون فيهم ترى هالشي وااايد يستانسون عليه .. يحبون يسولفون و يرمسون مع الناس ..

بارك الله فــيج .. و شي طيب منج ..