لييييين متى؟؟؟؟ [الأرشيف] - -:: واحات بن دبي ::-

بنوتة جميرا

14-02-07 ||, 05:54 PM

السلام عليكم ورحمه الله وبركاته
هذي اول مشاركه لي في الواحه المفتوحه
وحابه اني اتكلم عن مشكله
انا بتكلم عن امارتي دبي لاني ماعرف اذا هالشي يصير في باقي الامارات بعد

الله يسلمكم اول شي بقولكم اللي شفته البارحه
كنا سايرين العياده امودين اخوي الصغير وفي الرده مرينا الصيدليه اللي عند سيفستوي اللي ع شارع الشيخ زايد ناخذله الدوا
يوم بركنا السياره الا ع الجهه الثانيه من الشارع اجانب(ريال وحرمه)وقاعدين يتبادلون القبل
انصدمت من اللي شفته
جي نحن وين عايشين هذيل جي يسوون؟؟؟وليش مافي حد يوقف هالاشكال عند حدها؟؟؟
هذي مب اول مره اشوف هالمناظر
الكل يقدر يشوف هالشي في اغلب المولات عندنا
اللي يتحاظنون واللي يتبادلون القبل بعد ما بتقول قبله عالطاير لا..افهموها عاد..
شو ها لا حيا لا مستحى
اشكره عيني عينك يسوون هالتصرفات
ودي اعرف وين التحريات عنهم؟؟؟ليش مايراقبون هالتصرفات في المولات والاماكن العامه والبحر؟؟
الحين الواحد مايقدر يطب البحر من المنكر اللي يصير هناك
صار البحر حق الاجانب بس
وين الشرطه و وين التحريات و وين المسؤولين؟؟؟
ليش ما يتحركون ويسوون شي؟؟؟ليش ساكتين عنهم وعن التصرفات اللي يسوونها؟؟؟
والا اللي يسوونه الاجانب عادي يسموونه تقدم وحضاره
اتمنى ان تكون في قرارات صارمه عسب هالاشكال توقف عند حدها
الله المستعان

ابغي رايكم في الموضوع اللي طرحته وتفاعلكم بليييز
وهل انتو معاي في اللي قلته او ضدي؟؟؟
وهل هالشي يصير بعد في باقي الامارات والا في دبي بس؟؟؟
اتمنى من اللي في باقي الامارات يخبرونا باللي يصير عندهم؟؟؟

اختكم.. بنوتة جميرا ..

إسهر معي ليله

14-02-07 ||, 05:58 PM

باختصار،،

تحرياتنا بس ضد شبابنا،، أما الاجنبي يسرح ويمرح

مافي شوّاب شرات قبل اذا شافوا منكر رمسوا
احنا اذا شفنا نسكت،، وبالتالي ماخذين راحتهم

مشكورة عالموضوع وإذا عندي زياده برجع :a116:

بنوتة جميرا

14-02-07 ||, 06:03 PM

صدقني والله
التحريات ضد الشباب المواطنين بس
اللي يقول حاطينهم في المولات بس عسب التحرشات من قبل المواطنين
اما التصرفات اللي تصدر من هاللوث وسوري ع هالكلمه عادي ولا يقولولهم شي
ترا هالتقدم
الله المستعان ويستر من اللي ياي

تسلمين اختي اسهر معي ليله ع المشاركه

شمعة أمل

14-02-07 ||, 06:58 PM

وييه ذكرتيني بموقف استوالي في رمضان 06 وكانت وياي وحده ..

كنا طالعين من محل الايس كريم الى هو ماربل سلاب في بن بطوطه وجدام ويههنا 2 يتباوسوون..

عاد انا حرجت .. سرت عند السكيوورتيي .. واحتشرت وسوالي طاااااف محترم O_o اونه مايخصني .. ويا ويهه!

وين يبون! .. ولا بعد في رمضان >_<

وايد بلاوي تستوي .. بس مايسون شي!

الـيـاه

14-02-07 ||, 07:14 PM

سلااام

تعرفين ذكرتيني في موضوع خذناه فالمدرسه وكان عن الـ Pet peeves

:k_icon9: ومن هالأشيا
كان أنه إذا جفتوا kiss in public شو ردكم ؟

وتخيلي كلهم كتبو It doesn't bother me ومنهم مواطنات بعد يعني هالشي ستوا عادي عندهم
عسب جي محد يحتشر لانه كل حد راضي أو مايخصه ويتم ساكت :fa44:

.
.
.

بنوتة جميرا

14-02-07 ||, 07:37 PM

شمعه امل
ترا هاي هي الحضاره والتقدم عندهم
عسب جي ساكتين عنهم
نحن نبغي حد يتحرك
وما نبا هالشي يستمر
خافوا الله يالمسؤولين

الله المستعان

تسلمين الغلا ع المرور

أمواج

14-02-07 ||, 07:40 PM

.
.
يقـــــــــولج

طــــّول عمــــــر وإشبــــع طمـــاشــة

.
.

بنوتة جميرا

14-02-07 ||, 07:42 PM

الياه
هاي بلادنا
ولازم انحافظ عليها
وهالاشكال يوم اتيي بلادنا
لازم يكون في قوانين اتوقفهم عند حدهم
عاداتنا لازم ما يتخطونا
واللي ما يعيبهم باللي ما يحفظه
بس وين اللي بيصدرون هالقوانين؟؟؟

مشكورة ع المشاركه اختي الياه

بنوتة جميرا

14-02-07 ||, 07:44 PM

غواني
هالشي ما يمنع ان المسؤولين يتحركون
ويسوون شي
شغلتهم انهم يحافظون ع بلادنا من كل شي
وهذا اهم شي لازم يحاربونه لانه يخالف عاداتنا

مشكورة الغلا ع المشاركه

مــهــابه

14-02-07 ||, 07:44 PM

اتـعيشين وتشوفين غـيره

مـره وحده شـفـتهم فـ ستي دبي والله !!

بنوتة جميرا

14-02-07 ||, 07:46 PM

مهابه
الله يستر من اللي ياي
بس ليييييييييييييين متى؟؟؟

ثانكس الغلا ع المشاركه

الـيـاه

14-02-07 ||, 07:49 PM

باك

رديت مره ثانيه لاني تذكرت شي بعد !

انه مب بس هالشي ينرفز .. تعرفين مرات يكون في بوسترات على المحلات ودعايا حق المحل
والصوره صدق تكون وصصصصخخخخه :fa44: بس مادري ليش عادي عنـّـا ؟

وبعد دعايات التلفزيون حق عطر وألا مال حلاقه
كله وصصصصصخ

بنوتة جميرا

14-02-07 ||, 08:06 PM

لو بنتكلم يالياه ما بنخلص من الاشيا الوصخه اللي مسؤولينا غافلين عنها
وينهم ما يشوفون اللي يصير
جي هم وين عايشين؟؟؟مب معانا
ما يشوفون اللي نحن انشوفه؟؟؟

ولو بنتكلم عن لبسهم بعد
في وااااايد اجانب لبسهم كانهم مب لابسين
الله يستر

الهيثــم

14-02-07 ||, 08:36 PM

شفــت من هـ الشي وانا طـالع من السينما فـ مول الإمارات

وتوني ياي بنزل عالدري ... أشووف واحد ووحده يدامي من المراهقين الأجاانب ..
وشوي إلا اشووفه لف علييها وباسهـا ..

عشــنا وشفنــا ...

أيامي حزينه

14-02-07 ||, 09:10 PM

انا و ياكم انه هالشي غلط و لازم حد يوقفهم عند حدهم و على فكره مب بس الاجانب الي يسوين هالشي حتى ( ) بس نحن مثل ما قلتوا انشوف و نسكت
و بعد مب شرط لازم شي يستوي جدامنا على شان نتكلم عن هذا الموضوع مثلا وايد قنوات في التلفزيون اطلع هالأشياء بس محد منا حاول يغير هالشي بأنا نحذف القناة مع انه هذا الشي نقدر انسويه بدون مسؤولين او تحريات

طير الحب

14-02-07 ||, 09:37 PM

السلام عليكم ورحمه الله وبركاته...

تعرفين اختي أبسط شيء تسونه انكم تبلغون عليهم...أنا جد قريت تحقيق بهالخصوص..يعني نحن المفروض ما نسكت اذا شفنا هالمناظر...بس لو بلغنا عليهم وهم انكروا...شو بيكون الموقف...؟

همس الدماني

14-02-07 ||, 10:37 PM

بصراحه انا هالمواقف في دبي تعودت عليها

يعني ما شالله ما يقصروووون عيني عينك

والبحر الله لا يوريكم اياه مصخره من الخاطر

بس وين الله عنهم

أنشودة المطر

15-02-07 ||, 12:14 AM

و عليكم السلام و رحمة الله و بركاته

بنوتة جميرا موظوعج ذكرني بكلام واحد أوروبي

سنة 2002 كنت ماخذة كورس انجليزي و مرة الأستاذ كان يتكلم عن التقاليد فقالنا أنه هو يشتغل في الإمارات من 9 سنين
و أول ما يا هو والمجموعة اللي وياه عطوهم في مطار دبي أوراق فيها تعليمات عن تقاليد أهل البلاد و شو الأشيا اللي أهل البلاد ما يرظوبها و خاصة في الأماكن العامة
بس يقول أنه من فترة تعرف على أجانب بعد يايين البلاد يشتغلون و بحكم أنهم يداد في البلاد كلمهم في هذا الموضوع فقالوله أنه محد عطاهم شي و لا حد نبههم أو قالهم أي شي عن أهل البلاد و التقاليد فيها

هذا الكلام صار سنة 2002 يعني مب شي يديد و أكيد المسؤولين على علم بالموضوع :a116:

و المشكلة أنه حد منهم إإذا حد كلمهم و فهمهم يشتكون و يسوونها مشكلة توصل للقضاء و السجن و الضحية طبعا راعي البلاد! :mad:

.....................

بالنسبة للي قالته الياه
عن الصور اللي تتعلق في المحلات
أعتقد أنه في خدمة بس مادري تابعة لوين بالضبط
تتصليبهم و تبلغين عن أي شي غير أخلاقي تشوفينه
من كمن شهر وحده قالتلي أنها شافت صورة معروضة في واحد من محلات مول الإمارات و اتصلت خمس دقايق الوقت اللي كانت توصف فيه مكان المحل وصلوا و انشلت الصورة هاذيج الساعة

إن شا الله إذا قدرت بسأل عن هالخدمة و أظن أنها معروفة

زمان أول

15-02-07 ||, 12:49 AM

التحريات والشرطه على المواطنين بس الاجانب من بعيد لبعيد ولاتقولولهم شي

بنوتة جميرا

15-02-07 ||, 06:50 AM

خطاب
هالاشكال وايد بتشوفها في مول الامارات
الصراحه هالمول كاسر النسبه في التصرفات هذي
بس بعد مانشوف التحريات
وييييييييينهم؟؟؟؟

بنوتة جميرا

15-02-07 ||, 06:55 AM

ايامي حزينه
الاجانب اللوث هم اكثر ناس تصدر عنهم هذي التصرفات
وبعدين اذا انتي تشوفين وتسكتين وغيرج يسكت
وين التحريات اللي هذي شغلتهم؟؟؟
ومنو قالج انه مافي حد يغير القنوات او يحذفها؟؟
كثير من الاهالي على علم ودرايه بالاشيا اللي تصير في مثل هذي القنوات
وانا عن نفسي في البيت من اول مادخل الدش بيتنا القنوات اللي تعرض اشيا غير اخلاقيه وتتعارض مع عقيدتنا ع طول انحذفت

ثانكس ع المشاركه الغلا

بنوتة جميرا

15-02-07 ||, 07:03 AM

طير الحب
لو بلغتي بيسووله طاااااااف
الله المستعان

بنوتة جميرا

15-02-07 ||, 07:07 AM

همس الدماني
دبي صح انها امارتي وغاليه علي
بس للأسف صارت مكان للـ cheap people 2 live
الله المستعان
وثانكس الغلا ع المشاركه

بنت الدلع

15-02-07 ||, 05:01 PM

الاجانب صارو هم المواطنين !

يسوون الي يبونه ومحد يروم يقولهم شي
حتى لو " صبعو لج " اسكتي عنهم وطوفي
لانج اذا رمستي بيلبسون رمستج الباب

بنوتة جميرا

15-02-07 ||, 05:53 PM

انشوده المطر
المصيبه ان المسؤولين على علم ودرايه
بس مادري منو اللي رابط لسانهم انهم يصدرون شي يوقف هالاشكال عند حدها
الله المستعان
وثانكس فديتج ع المشاركه

بنوتة جميرا

15-02-07 ||, 06:18 PM

صدقت والله ياخوي البدوي
اتمنى من المسؤولين انهم يتحركون ويسوون شي ضد اللعب اللي يصير في بلادنا
لين متى يعني بيكونون ضد المواطن بس ومع الوافد حتى لو كان على خطأ؟؟؟
الله المستعان
ومشكور اخوي ع المشاركه

بنوتة جميرا

15-02-07 ||, 06:44 PM

هيه والله يا بنت الدلع
الواحد منا في بلاده يحس انه غريب والوافد هو صاحب الارض
انجلبت الموازين
تسلمين الغلا ع المشاركه

ولد الشحوح

20-02-07 ||, 11:56 PM

الكلام ما بيفيدنا لازم المواطن يتحرك يطالب بحقوقه ع الأقل مب بس مجرد رمسة وسكت ؟!؟

المزوحي

21-02-07 ||, 12:01 AM

هالشي نشوووفه كل مكان ... ومرات احس بالعمد يوم يشوفون العرب .. يتمادون ..

مافي قانون يردعهم أصلا، ويقولون حريه شخصيه .. ماضروك بشي ..

ويوم تكلمنا .. قالت انته اش لك ؟

سبانش مان

21-02-07 ||, 12:01 PM

من الناحيه الشرعيه ونظرتنا نحن كمسلمين فهذا الشي غلط لانه يثير الشهوات والغرائز ونهى عنه الاسلام.. وبنفس الوقت هاي حريه شخصيه لان بالنسبالهم هذا شي عادي وبالنسبالنا لا.. مثل مانكون نحن في بلاد الغرب واهل الغرب يتنرفزون من يشوفون حرمه ولا بسه شيله فوق راسها.. لكن هل يسون شي طبعا لا لانهم يعرفون ان هذا الشي حريه شخصيه..
بالمحتصر.. كل واحد عليه باهله وناسه واذا شاف هالمناظر يغض بصره ولا كانه شي صار وبالتالي كلن يعيش حياته..
ومثل اليوم يقـــــــــــــول : الحياة حلوة.. طنش تعش تنتعش..

بنوتة جميرا

21-02-07 ||, 05:56 PM

ولد الشحوح
انا معاك بس وين اللي يتحركون؟؟
كلهم مع الاجانب للاسف
شكرا اخوي ع المشاركه

بنوتة جميرا

21-02-07 ||, 05:59 PM

المزوحي
اكيد هاللي نشوفه في كل مكان للاسف
واي حريه هاي
وبعدين لو هم ما ضرونا بشي
ترا غيرهم شرات اللي كانوا في المسيره
ماضروا حد بس زخوهم وسجنوهم على ما اظن
ترا هذيل ماضروا حد بعد
والا الكلام يمشي على ناس وناس
للأسف مسؤولينا......كملوها انتو

شكرا اخوي ع المشاركه

بنوتة جميرا

21-02-07 ||, 06:04 PM

سبانش مان
اي حريه شخصيه تتكلم عنها
دام انهم في بلادنا غصبن عنهم يحترمون اهلها
وعاداتنا وتقاليدنا
مب يتصرفون جي

اتخيل انك شال هلك ومعاك صغاريه
وصار موقف جي
عادي عندك اليهال يشوفون هالمناظر؟؟!!
واذا سألوك هذيل شو يسوون؟؟
بشو بترد عليهم؟؟؟

دام انهم في بلادنا ما يحقلهم يسوون جي
عندهم بيوت وفي فنادق وشقق يسيرون يسوون اللي يبونه
بس مب جدامنا

شكرا اخوي ع المشاركه