مشاهدة النسخة كاملة : لمحبين الكره .. مساعده ضروريه لوسمحتو!
شمعة أمل
11-02-07 ||, 06:09 PM
السلام عليكم ورحمة الله وبركاته
عندي اساينمنت .. وكله عن الكره .. وطبعا انا الوحيده من بين كلحد الى ماخذ الكورس ماعرف شي عن الكره
ف أحتاج مساعدتكم:fa46:
أبا حد يتخبل على الكره .. ويعرف كل شيييي يخصص الكره.. أبا هالشخص يساعدني:redface:
انا بحاول احط أسأله .. ولو انته تعرف كل الاجابات ... ارجوووووووك جاوب على الأسئله .. *للعلم اذا ماسويت هالأساينمنت صح عادي أرسب >_< ف عشان جي صدق صدق صدق صدق صدق محتاااجه مساااعدتكم*
أنا أحاول أعرف .. شو هي العوامل الى تأثر على نجاح الرياضه
ف أول شي أبا العوامل الشخصيه
من بينهم
1- اسم النادي؟
2- شو المهارات والقدرات الى تكون عند اللاعب؟
3- كيف شخصية اللاعب؟
4- شو هي دوافع الانجاز؟
5- هالنادي.. وين مركزه بين باقي النوادي الإماراتيـه؟
العوامل الجماعيه
6- مدى تماسك النادي؟؟ او الفرق؟ هل يلعبون ك فريـق ..ام ك مجموعه؟
7- مركز وسترركتشر القياده في الفريق؟ .. (الستركتشر يعني مثلا الكابتن أول بعدين منو تحته ومنو تحته ..الخ)
8- المعايير السلوكيه للفريق؟
9-هل اللعيبه يحبون بعضهم البعض؟ أم لا؟
عوامل ستركتشرييه
10- منو هو مالك او رئيس النادي؟
11- مالية النادي؟
العوامل العمليه
12- هل شي خطط لتطوير النادي؟ اذا نعم .. ماهي؟
13- يوم يبون يغيروون شي.. مثلا يبون يغيرون الكابتن .. هل سيده يطردونه ويستبدلونه ولا كيف؟
14- ماهي ثقافة النادي؟ يعنيي .. كيف يسون الأشيا في هالنادي .. هل شي روتيين؟؟ نفس دوام من يومي من الساعه 8 ل 5
15- يوم بيوظفوون لعيـبه .. ولا مدرب .. هل فقط من الامارات .. ولا بعد من برع؟
16- كيف يخلون النادي motivated؟ هل هناك دوافع وجوائز؟؟ *نفس في خليجي 18 يوم عطوهم جوايز يوم فازو*
عوامل اداريه
17- شو هي اساليب القياده من قائد الفريق؟
18- منو المدرب؟
19-منو الرئيس؟
20- منو يتخذ القرارات في النادي
21- هل هناك سياسه داخليه وصراعات؟؟؟
والسموووحه
الدلووووعة
11-02-07 ||, 06:57 PM
ان شاءالله اهل الخبره بيفيدونج ومابيقصرون ان شاءالله
بوزايد
11-02-07 ||, 10:41 PM
1-الوصل
2- السرعه-التحكم بالكره-سرعه التصرف- اللياقه-
3-اجتماعي
4-دوافع الانجاز اممم مزودين بالدعم المادي والمعنوي - الجمهور الكبير- من زمان ما حصلوا بطوله
5-الاول للحين في الدوري
شمعة أمل
11-02-07 ||, 10:46 PM
بوزايد
احتاج الاجوبه على كل الأسئله p=
فركوشه
11-02-07 ||, 10:53 PM
سوي برقيه سريييعه للكابتن كلكلووش..
بوزايد
11-02-07 ||, 11:00 PM
تقدري تستخدي هذا للسؤال خمسه
منقول من منتدى وصلاوي
http://oasis.bindubai.com/bin/uploaded/5297_01171220329.gif
بوزايد
11-02-07 ||, 11:08 PM
6- اكيد الفريق يعلب كمجموعه وحده والدليل على هالشي النتايج من السنوات الي طافت وها السنه ماخذ الدوري 6 مرات ----كيق كفريق او مجموعه احسه نفس الشي
7-مدير الفريق :اسماعيل راشد
المدرب زي ماريو
الاعبين
http://img263.imageshack.us/img263/2656/alwasl2jr8.jpg
8- المعايير السلوكيه ما فهمتها يعني كيف سلوكهم بالملعب
تقدري تقولين انذارين لكل مباراه وطرد كل خمس مباريات --
9-اكيد يحبون بعض وفي منهم اخوان بنفس النادي وفي منهم عيال فريج واحد :h_6abakhah:
بوزايد
11-02-07 ||, 11:11 PM
10-رئيس الـــنادي
سمو الشيخ أحمد بن راشد آل مكتوم
هو رئيس نادي الوصل الرياضي الثقافي
11- يعني تبي رقم مثلا
والله ما ادري بس اكيد ماليتيه وايد اوكي لانه اللعيبه كلهم عندهم عقود احتراف ومفرغين
بوزايد
11-02-07 ||, 11:20 PM
12-في خطط لتطوير النادي
جلب فرق من الخارج للعب مباريات تجريبيه مع الوصل
السفر في الصيف للخارج لتأدية بعض المباريات(معسكر خارجي)
في مشروع لتوسيع النادي
التعاقد مع شركه عالميه لرعاية النادي
(كله جذب تراه عادي بس اسايمنت)
13-لا مب سيده يطردونه يعطونه الجانس مثلا يخفق الفريق يجتمعون وياه شو اسباب الخساره وجي
ولو تكرر هالشي وايد طبعا قبل يحصلون البديل بعدين يجتمعوا فيه بعد ويخبرونه
14- طبعا بما انه عندهم تفريغ ما يكون عندهم شغله ثانيه غير الكره بس طبعا ينوعون مثلا يوم السبت صباحي
الاحد مسائي
مثلا يوم مباراه مع بعض يوم تمارين وكل 3 ايام راحه يوم
( وزيدي من عندج هههه)
15- من الامارات ومسموح لهم 2 اجانب بس --وفي حالة اييبون لاعب من دول الخليج يعامل كانه مواطن يعني مب يحتسب اجنبي
16- طبعا لهم معاش شهري واذا فازوا لهم بعد مبلغ معين واذا اتعادلوا مبلغ معين واذا خسروا كف يعطونهم
بوزايد
11-02-07 ||, 11:24 PM
17-اسماعيل راشد
18-زي ماريو
19-سمو الشيخ أحمد بن راشد آل مكتوم
20- القرارات اكثر شي يتخذها مدير الفريق الي هو اسماعيل وبعدين يعرضها ع رئيس النادي
اما قرارات اختيار اللاعبين المدرب يتخذها
21- طبعا لكل نادي سياسته الخاصه وقوانين وكل شخص يؤدي دوره
وبس والسموحه
كـلـكـلـووش
12-02-07 ||, 01:20 PM
1- اسم النادي؟
نادي الشعب الثقافي الرياضي.
2- شو المهارات والقدرات الى تكون عند اللاعب؟
المهارات تختلف على حسب اللاعب و على حسب المركز .. و بنفس الوقت يمكن اثنين يلعبون كظهيرين لكن تختلف مهاراتهم .. يعني يا ريت لو تحددين المركز عسب اعرف اجاوب على السؤال ..
3- كيف شخصية اللاعب؟
ما فهمت السؤال عدل .. بس شخصية اللاعب لام تكون قويه و ما تتأثر بالجو المصاحب للمباراة من جمهور و إعلام و كيمرات ..
4- شو هي دوافع الانجاز؟
اي انجاز ؟
5- هالنادي.. وين مركزه بين باقي النوادي الإماراتيـه؟
حاليا هو في الصداره ..
العوامل الجماعيه
6- مدى تماسك النادي؟؟ او الفرق؟ هل يلعبون ك فريـق ..ام ك مجموعه؟
الفريق و المجموعه له نفس المعنى .. و طبعا لازم الفريق يلعب كـ مجموعه .. لإن اليد الوحده ما تصفق .. و لو مب الدفاع جان ما وصلت الكرة للوسط و لو مب الوسط جان ما وصلت الكرة للمهاجم و لو مب المهاجم جان ما ييه الهدف .. كل شخص يساعد الثاني للوصول للهدف ..
7- مركز وسترركتشر القياده في الفريق؟ .. (الستركتشر يعني مثلا الكابتن أول بعدين منو تحته ومنو تحته ..الخ)
يعني تبين اسم اللاعب ؟ عبدالرحمن إبراهيم .. و اللي ينوب عنه جمال عبدالله
8- المعايير السلوكيه للفريق؟
الحمدلله لحد الآن سلوك الفريق منذ بداية الدوري جيده .. ما شفنا منهم سلوك مخل للآداب او عدم احترام و اي شي من هذا القبيل .
9-هل اللعيبه يحبون بعضهم البعض؟ أم لا؟
والله شوفي .. نحن نشوف الباين .. و الباين ان اللعيبه متماسكين و متفاهمين مع بعض .. اكيد في مشاكل و هذي تحصل حتى بين الاخوان في البيت .. لكن هذا ما يخلينا نقول ان الفريق مش متماسك ..
عوامل ستركتشرييه
10- منو هو مالك او رئيس النادي؟
الشيخ عبدالله بن سالم القاسمي
11- مالية النادي؟
لين السنه اللي فاتت كانت تعبانه و تعدلت نوعا ما هالسنه و لله الحمد
العوامل العمليه
12- هل شي خطط لتطوير النادي؟ اذا نعم .. ماهي؟
هيه نعم .. ان شاء الله بيكون في مقر جديد للنادي .. و احتمال ايضا ان يكون في مدينة الشارقه الرياضيه اللي بتشوف النور عما قريب .. و هناك مشاريع تدرس حاليا لجلب المال للنادي و عدم الاعتماد 100 % على صرف الحكومه.
13- يوم يبون يغيروون شي.. مثلا يبون يغيرون الكابتن .. هل سيده يطردونه ويستبدلونه ولا كيف؟
كيف هاي بعد . :Oo: الكابتن و لا غيره ما يتبدل إلا من مدرب الفريق .. الاداريين ما يخصهم !
14- ماهي ثقافة النادي؟ يعنيي .. كيف يسون الأشيا في هالنادي .. هل شي روتيين؟؟ نفس دوام من يومي من الساعه 8 ل 5
حاليا في تفرغ بدى يصير .. و صار عندهم فترتين تدريب صبح و مسا ... و بالنسبه للإداريين .. تقريبا ماا عندهم ساعات محدده .. متى ما يكون عندهم شغل يكونون متواجدين و يأدون شغلهم ..
15- يوم بيوظفوون لعيـبه .. ولا مدرب .. هل فقط من الامارات .. ولا بعد من برع؟
كيف يعني ؟ في وظيفه حكوميه مثلا ؟ الحين عندنا تفريغ فـ ما في وظايف للعيبه .. في عقود و معاشات ( يعني اللاعب صارت وظيفته كرة القدم ) و بعدين المدرب اصلا هي وظيفه .. فـ كيف يتوظف في مكان ثاني !
16- كيف يخلون النادي motivated؟ هل هناك دوافع وجوائز؟؟ *نفس في خليجي 18 يوم عطوهم جوايز يوم فازو*
همممم .. طبعا الدوافع اتي بعد الانجازات .. و الحمدلله اللعيبه السنه محصلين على دوافع ماديه و معنويه من قبل الجمهور ..
عوامل اداريه
17- شو هي اساليب القياده من قائد الفريق؟
نحن ولله الحمد عندنا في النادي قائد ذو خبره .. محنك يعرف يتصرف و شخصيته قويه ( هذا اهم عامل في الكابتن )
18- منو المدرب؟
يوسف الزواوي ( تونسي )
19-منو الرئيس؟
الشيخ عبدالله بن سالم القاسمي
20- منو يتخذ القرارات في النادي
قرارات فنيه المدرب .. قرارات اداريه تتوزع على حسب القرار و على حسب الاداري
21- هل هناك سياسه داخليه وصراعات؟؟؟
اكيد و هالشي مثل ما ذكرت موجود في كل مكان .
اتمنى اني جاوبتج .. و على فكرة اغلب الاسئله مش واضحه لول .. و الله يوفقج و ان شاء الله تنجحين في الاسايمنت ..
شمعة أمل
12-02-07 ||, 03:08 PM
بوزاااايد وكلكلوووش
شكرااااااا شكرااااااااا شكرااااااااااااااااااا ماقصرتوووووووووووووووووو:t humbup1:
حصلت كل المعلومات الى احتاااجهاااا:k_smile2: شكرااااااااااااااااا
شمعة أمل
12-02-07 ||, 03:10 PM
وسوري لعوزتكم ويا الأسئله .. لانه الأساينمنت مب بس عن الكره .. يعني الموضوع عن الكره لكن استخدم اجابتكم حق شي ثاني .. ماعرف كيف اشرح
ف عشان جي الأسئله ملخبطه ومنقعه من الخاطر .. لاني حاولت اكتب اي شي من ال guidelines الى عطووناا
كـلـكـلـووش
12-02-07 ||, 03:13 PM
مب مشكلة اهم شي تنجحين في الاسايمنت .. و خبرينا عن الدرجه ..
موفـــجه اختي ^_^
شمعة أمل
12-02-07 ||, 10:07 PM
ان شاء الله =)
الحاضر الغايب
13-02-07 ||, 12:00 AM
بالتوفيق كلكلوش وبوزايد ... وما قصرتي شمعه امل :fa46: