المساعد الشخصي الرقمي

مشاهدة النسخة كاملة : ابغي موبايل ...


المزوحي
09-02-07 ||, 03:54 PM
من زمان عندي سامسونج والكل يقووول شو هااا ثلاجه

المهم

سوني اريسكون احسب ه اووكي لكن ما اتعودت على المنيو .. يعني نوكيا اسهل .. لكن واايد يخترب ويعلق ..

آخره مره اترددت شو اشتري نوكيا N73 أو سوني اريسكون K800i


وعقب خذت نوكيا 6233

لانه فصيلة الــ N يشكل من غير قياااس

لكن 6233 يديد واخترب

الحين ابغي موبايل اووكي ... شو رايكم سامسونج اليديد ماعرف رقم الموديل

لو تكرمتوا ...
الشيـــن
09-02-07 ||, 04:11 PM
أول ماقريت العنوان حطيت فـ بالي أدخله وانصحك بـالسامسونج
وشفتك يايب طاريه فـ الموضوع ..

استخدمـت السامسونج الأولي *الضعييييف* .. واايد مريح وعملي وخفييف ..
والحين اليـديد جفته عند اخويه يمدحه ، ويقول انه نفـس الضعيف
وأحلى شي فيه ان البوكت مالـه فيه بـطاريه ثانيه .. يعني الموبايل يشتغل على بطاريتين .. !
المزوحي
09-02-07 ||, 04:23 PM
الشين

هو نفسه في فيرجن عربي ؟؟؟ لأنه استخدم رسايل نصية بالعربي
الـيـاه
09-02-07 ||, 07:50 PM
عادي يوم بتحب شي بتتعود عليه ..
فـ انصحك بالسوني اركسون لكن اتريا شوي تلفونات 2007 لين ماتنزل اذا مب وايد مستعيل
وقررت تاخذ سوني اركسون ..

وبخصوص النوكيا ما انصحك لانه صدق واااايد يعلللللللق ويشفـّـر
يمكن احسن واحد جفته هو الكروم !

ويمدحون المترولا شكليا ً
لكن مادري عاد كيف استعماله ..
بوزايد
09-02-07 ||, 07:56 PM
NOKIA

وبســــ

نعتز بماضينا
المزوحي
09-02-07 ||, 11:58 PM
الياه اخويه جرب موترولا مب شي مثل ما قال ... مادري

بشووف سوني اريكسون او إذا حد بيخبرني عن سامسونج


بو زايد ترااث نوكيا يعلق
الدلووووعة
10-02-07 ||, 12:11 AM
لالا الياه انا جربت الموترلا
مول هب شي ارف الصراحة
الملهم
10-02-07 ||, 01:03 AM
اذا كنت من محبي التصوير فانصحك بسوني اركسون k800i
واذا كنت من محبي الصوتيات فانصحك بسوني اركسون w850i

ها اللي اعرفه .. ^__^
ولد الشحوح
10-02-07 ||, 01:28 AM
W900 اذا حصلت منه افضل تيلفون نزل للآن
الشيـــن
10-02-07 ||, 01:29 AM
المزوحي
هي الرسايل بالعـربي .. وكله بالعربي بعـد ^^
المزوحي
10-02-07 ||, 10:33 PM
الملهم مب ضروري التصوير لكن المهم الرسايل .... ومايشكل عليّه
المزوحي
10-02-07 ||, 10:33 PM
ولد الشحوح شو W900 ؟؟

الشين زين بالعربي ..
شوق القلوب
10-02-07 ||, 10:51 PM
مشكله السوني اركسون الوحيــــــــــــــــــده... انه ياخذ بس 80 مسج ... :( ولا ما عليه كلام ابداً ..!
المزوحي
11-02-07 ||, 03:34 PM
عيل انا ماداني هالسالفة ....
ولد الشحوح
11-02-07 ||, 11:27 PM
المزوحي سوني اريكسون w900
تبا تيلفون يشيل المسجات عندك الكومنيكيتر الأي لين الحين فيه 3000 مسج وبعده يشيل انا اشتريته عشان المسجات
المزوحي
14-02-07 ||, 11:53 PM
ولد الشحوح نوكيا قام يعلق عندي ... يسكر روحه

وعندي الحين 6233 من 3 شهور ويشكل ... وعند اكسيوم يعابلون فيه
المزوحي
14-02-07 ||, 11:56 PM
حد جرب سامسونج 320i

http://uk.samsungmobile.com/mobile_phone/sgh-i320/uis/index.html
المزوحي
16-02-07 ||, 11:42 PM
مادخل بالي السامسونج وشفت اليوم سوني اريكسون .. K610i

http://www.sonyericsson.com/spg.jsp?cc=ae&lc=ar&ver=4000&template=pip1&zone=pp&pid=10389

إذا حد عنده فكره يخبرنا .. وو سعره تقريبا 800 درهم او اكثر شويه
ولد الشحوح
17-02-07 ||, 02:56 AM
مالك غير w900 سوني اريكسون
المزوحي
17-02-07 ||, 11:30 AM
ولــد الـــشحوح .. انته تقصد هالموديل ...

http://phone.mobile9.com/img/sony-ericsson-w900i-8.jpg


بشوفه هو وموديل ثاني وبقرر ... :k_blush-anim-cl: مشكور ... :m_bye:
راعي الزعـامه
17-02-07 ||, 02:11 PM
http://www.sonyericsson.com/spg.jsp?cc=ae&lc=ar&ver=4000&template=pip1&zone=pp&pid=10389

انا افكر اخذ ها الكميونيكيتور اللي عندي من سنتين خلاص انتهى
و بعد لانه متوفر باللون الاحمر وانا ابا لون غريب مليت من الالوان التقليدية
المزوحي
17-02-07 ||, 02:20 PM
عاشق القلم .. انا من النوع مايحب يبدل الموبايلات ... ونوكيا 6230 كمل سنتين وخذت

6233 من نفس الفصيلة لكن 4 شهور واخترب الحين .. من جيه قلت باخذ سوني اريكسون .. وافكر

للحين .. شفت الحمر أمس ... شويه يشبه K800i في المواصفات لكن الذاكرة اصغر ومافيه انفررد ..
راعي الزعـامه
17-02-07 ||, 02:39 PM
انا مثلك ماحب اغير تلفوني الا يوم يشفر التلفون
والحين انا مجبور اغيره
بس بخلي الكميونيكيتور وياي اذا احتجته فكتابه المسجات او دخول المسن
بس صدق السوني اريسكون يشل 80 مسج بس ؟؟!!
المزوحي
17-02-07 ||, 02:45 PM
هذا اللي محيرني ... أبغي تيلفوون أوكي غير نوكيا ويشل ملايين المسجات

شو نسوووي ...
شمعة أمل
17-02-07 ||, 07:58 PM
نوكيـا + موترولا مب شـي

النوكيـا كله يعلق ولا يخترب
والموترولا الأصوات عليه مب شي .. من غير انه مول مايشل مسجات


السوني أركسن = :fa41:


والسامسنغ .. يقولون انه :fa42: .. بس على حسب طبيعتك .. مثلا أبويه يحب التليفونات الصغيره والخفيفه الى يقدر يخشهم في مخباه .. ف السامسنغ نفع وياه .. والحين بس ياخذ سامسنغ .. وحرمة عمي نفس الشي..


والأيمييت اوكيي لكن وايد كبار جنك تشل طابوقه .. وشكلهم شوي خسف :shutup:


ولكــــــــــــــــــــــ ــــــــــــن


أحسـن تليفون نزل الحين هو ال BLACKBURRY .. لكن مب موجود في الامارات الا لو تشتغل في شركة طياران الامارات يعطونكم التليفون هديه:k_harhar1:



ولو تتريا لـــشهر 7 .. بينزل الiphone من ماك .. وبيكون احسن تليفون موجود على الكره الأرضـيه ..
ذنـيـنـي
17-02-07 ||, 10:57 PM
شي تيلفون وااايد حلو و عملي من نوكيا و مافيه مشاكل بشهاده كل الي اعرفهم يستخدمونه

E50 من نوكيا, سعره حلو و سريع و ما يعلق
لكن عيبه انه كيمرته وايد عاديه 1.3 ميجا بكسل

انا عندي 6233 في البداية وااااايد استانست منه, بس عقب قام يشكـّل و يقطع المكالمة و انا ارمس بالتيلفون مع انه الارسال فلل
و نفس الشي يستوي ويا الوالده,
كارهة التيلفون حليلها و من تشوف رقعة ويهي تقولي التيلفون كجرة لول
الدلووووعة
17-02-07 ||, 11:03 PM
ذنيني وياك حق في E50
تحسه خفيف وعملي وااايد اقبال عليه
وخاصة اللي من دون كمره

وانا جربت اللي بكمره بعد يعني كمرته مقبوله نوعا ما

بس صدق صدق وايد اوكيه ها المبايل
المزوحي
17-02-07 ||, 11:36 PM
شمعة أمل أول تيلفون اشتريته في حياتي سامسونج ... عكس اللي خذوه أول تيلفووون الكاتل ...

زين بالنسبة للأريكسون بشو تنصحيني ... ؟؟

قوم آي ميت مابغيهم


......

ذنيني نوكيا 6233 صح كل ما تكلم فيه شويه وينقطع الخط .. والسماعه فيها صووت .. أقصد المايك

صوته عاااالي ... أما E50 يابوه لي من برع قبل ماينزل عندنا ماحبيته وبعته ...
راعي الزعـامه
17-02-07 ||, 11:40 PM
خذت الحمر اليوم
يقولي الريال يخزن فوق 250 مسج كيف اتقولون 80 ؟؟
و يعطونك ميموري 60 ميجا ووزنه خفيف
وغير لونه حلو وكيمرتين ،، ب 800 درهم
المزوحي
17-02-07 ||, 11:51 PM
مرحبا عاشق القلم ... عيل لو جيه باجر بسير آخذه .. لكن يوم قالك الريال يخزن فوق 250 مسج

شو الفرق بينه وبين اريكسون K800i ؟؟

أنا كنت بشتري .. لكن آخر لحظه ترددت .....

اتريا أيام بتخبرني عنه ...


مـــــــــبروك .... على الموبايل ^-^
راعي الزعـامه
18-02-07 ||, 12:02 AM
ربيعي اشترا اريكسون k800
وباجر بشوفه وبشوف الفروق
وبخبرك عن الموبايل اكثر بعد ماستعمله فتره

والله يبارك فيك :)
المزوحي
18-02-07 ||, 12:06 AM
K800i ربعي في الدوام ( 4) عندهم نفس الموديل واللون :a046:

أنا اللي عرفته للحين إنه هالحمر مافيه اشعة حمراء والذاكرة أقل وأظن الميجا بالنسبة للكاميرا


http://www.sonyericsson.com/spg.jsp?cc=global&lc=en&ver=4001&template=pp1_1_1&zone=pp&lm=pp1&pid=10389


:m_bye:
شمعة أمل
18-02-07 ||, 03:50 PM
المزوحي
اذا سوني انا بس مجربه ال k800i وفنان .. انا وخواتي كلنا عندنا هالتليفون بس ألوان غير
ويمدحوون السوني العووود .. بس ماعرف شو الكود ماله .. لكنه عود ودب .. يمدحونه وايد
المزوحي
18-02-07 ||, 04:12 PM
شمعة امل يمكن تقصدين نفس الكميونيكتر في نوكيا ...

يمكن يكون هذا ...

http://www.sonyericsson.com/spg.jsp?cc=global&lc=en&ver=4001&template=pp1_1_1&zone=pp&lm=pp1&pid=10183
شمعة أمل
18-02-07 ||, 07:36 PM
هيه هذااااااااا
المزوحي
22-02-07 ||, 11:40 PM
اليوم اشتريت سوني اريسكون K550i وسعره 975 درهم

تقريبا نفس K800i لكن بكاميرا وحده ومافيه نظام الجيل الثالث والكاميرا 2.0 ميجا
ولد الشحوح
23-02-07 ||, 12:23 AM
مبرووووووووووك
تجوف خيره وما تجوف شره ان شاء الله
المزوحي
23-02-07 ||, 02:20 PM
الله يخليك ولد الشحوح ... عاد ضرينا على نوكيا .. يبالي ايام عسب اتعود على السوني ..