اول مره سقت فيها السياره .. موضوع للشباب و البنات

[الملياردير]

اكيد كل واحد فينا عنده مغامرات ايام المراهقه .. واتوقع ان كلنا تقريبا جربنا نسوق السياره تحت السن القانوني ..

اتمنى من كل واحد يكتب عن اول مرة ساق فيها السيارة ..

وكم كان عمرك ؟؟ وشـو كان شعورك ؟؟...

واذا صارت مواقف مضحكة اتمنى تكتبونها ..

و الموضوع مب مقتصر على الشباب .. لان انا متأكد ان في وايد شباب و بنات لهم تجربه في السواقه

والسمـوحـه .

ببدأ بنفسي


اول مره سقت فيها احيد كنت في قطر و في البر
و كان عمري تقريبا 8 سنوات طبعا كنت مستانس :fa34: لاني مسوي شي يديد

و وصلت 12 سنه و سقت داخل البيت :a033:

و الموقف المضحك الي صارلي كان عمري 16 و كنت تعبان فخذت السياره و سرت العياده و انا طالع ما انتبهت انه شي سياره و من الخربطه دعمهت درام زباله :fa46:

و بس و يالله اتريا مواقفكم:surrender:

[بنت الدلع]

مرحبا :fa35:

عن نفسي

سقت يوم كان عمري 17
يعني قبل سنه :fa46:

سقت في الفريج
وكنت طايره من الوناسه
وطبعا ماكنت اعرف عاللفات عدل
يوم لفيت بغيت اشل شلة شباب وياي :Oo:
لووول حليلهم كلهم نقزو
بس الحمدالله مرت التجربه على خير
ورديت البيت بالسلامه

[شمعة أمل]

بعدني underage >_< قهـــر

وطبعـا .. ممنوع أسوق الا في بيتنا اليديد الى مانبنا .. بس يدار..

بس يخلوني اسوق هناك لأنه ماقدر اسوق فوق ال 30 *بس مرات اسير لل40* .. ولأنه شي شارع داخل ..ف اقدر أتدرب على ال signals لول!
وطبعا أسوي mini safari ..


اظنيييييي أول مره في حياتي سقت .. كان عمري 15 ولا16 .. اظني .. ماتذكر والله؟؟
بس احيد انيي فجأه حطيت ريولي على البريك وأبويه دق راسه في الدريشه =s حليله..

ماعندي سوالف حلوه وايد يعني .. هي حلو بالنسبالي لانه استانس يوم اسوق . بس ماعندي مواقف ولا شي .. لانه ولامره سقت عالشارع شااارع
يمكن الشي الى صدق اكشششششششن سويته ... كنا موقفين البك أب داااخل الأرض وسقت لين البوابه وركبوو الترييلر والدرجات عليه وخلوني أسوق لين برع الباب ويا التريييلر ورااا.. هذااا صدق اكشششن اعتبره لول
اوه صح
ومره تانكييي بتروول ياي يحط بتروول في الوحووش *هالمكايين الى تسطح الأرض وتشل تراب ومادري شو* والذكييي سد الطرييج .. وأبويه سمحلي أطلع من الباب الثاني وأسوق برع لين الباب الأساسي:fa46: كان وناسه وأكشن بالنسبالي:a034:


وبس هالسوالف الى استوت:tounge:

[الدلووووعة]

تسلم عالموضوع
بنتابع الردود
لني ولا مره سقت سياره وايد عليه اشغل السياره عسب تحر^_^

[الملياردير]

مشكووووورين ع الردود و المواقف المضحكه و نطمع في المزيد من الضحك

لولاااااات

[خيال الحب]

:k_harhar1: انا اول مره سقت كنت صف اول:k_harhar1: خخخخ


احيد انا وعيال عمي راكبين ويا الدريول.. فالدريول نزل البيت وخلانا بالسياره.. واوني عااد انا البووس.. ورحت مكان الدريول.. عااد انا ما انطال الريس .. فواقف على السيت عسب اشوف:hysterical: .. نزلت الهند بريك .. وتمت تمشي السياره لانها كانت على منحدر .. ومستانسين نحن بالسياره .. يعني ما مشت وايد .. ولا اشووف الدريول يركض ويركب السياره ويسحب الهند بريك .. واحصل هااك الكف :glare: خخخخخخخخخخ.. بس صدقوني ما صحت:k_harhar1: اوني بطل:glare:


والله كنت شر يوم كنت صغير..

[الدلووووعة]

خيال يوم قريت سالفتك
تذكرت اخويه يوم كان صف اول يمكن
اخوانيه الكبار ماسوها وهو سواها
سار شل سويج السياره ومستغل انه ابويه ساير فالسياره الثانيه والكل رقود
ومشغل السياره وتعال مشها واكفخ الزباله خخخخخخ يعني اخر شي انكشف ^_^
وطبعا ابويه بس هزبه عالخفيف لنه المدلع ^_^ عنده

[العيناويه]

انااااااااااااا عمريه ما سقت اولا ,,,
ثانيا ما افكر اسوووووووق ابدا ,,,
ثالثا منقووووووود عندنا الحريم يسوقون يعني لو مجرد لفظت كلمة بسووووووق بتحصلون راسيه في صوب وكشتيه في صوب ,,, ومقبرة الفوعة تتريانيه خخخخخخخخخخ

[الملهم]

اول مرة سقت ويا المدرب ..
لا هيه صح مرة سقت بس كانت على ريس مكينه واحرك السكان ..

ما كنت مهتم في السواقة وايد .. ^__^

[إسهر معي ليله]

اول مره سقت فيها كان عمري 16 اظن،،

وكان جمس قير عادي.. كنت اسوقه من البيت لين المسيد
بس اذا ييت اوقفه في الكراج ريوس ما اقدر،، واول مره
حاولت اوقفه ريوس دعمت فيه عمود الكراج :fa46:

وهوه الموتر اللي تعلمت عليه،، هاي صورته

http://oasis.bindubai.com/bin/uploaded/3422_01170906983.jpg (http://oasis.bindubai.com/bin)

[الملياردير]

والله زين الكل ماشالله يسوق بس محد يذكر الاشياء المضحكه الي صارتله يخاف يقولون عنه جوله

هههه

[تحفه]

اول مره سقت فيها ماقدرت اصك فيها حلجي من الوناسه .. تقولون مسويه دعايه سنغل تو هههههههههههههه

[الوحيدة]

اول مرة سقت فيها كنت صف سادس أو اول إعدادي ..
منت قبل المطبة أدووس بترول وعقب المطبة أدوس ع البريك !

والله كانت أيام كل شوي ادوس ع البريك طبعاً الوالد كان وياي !

هي بعد ما كنت أدوس بترول أخلي السيارة على سرعتها الطبيعية إلا عند المطبة إتيني حالة وأدوس بترول ! << صدق عبـــط !

وبس ..

[الملياردير]

من حقج الصراحه انا احسن انه في بوظبي شي اكثر 59000 مطبه :k_harhar1:

ولا شو رايج انتي؟

[الـيـاه]

أول مره سقت كان عمري جي 13 في المزرعـه طبعا ً مب برع ..
لانه هالشي المسموح حق الصغار
لو كان شو عمرك عادي تسوق لكن فالمزرعـه ههههه لانه شي سياره كانت هناك موقفه محد يسوقها
مراااات يسوقها الحارس يوم بيسير الدكان ..

وكنت واااااايد مشتطه
وفرحانه
لانه كنا وايد وجي وناسه بس ما ستوا موقف يعني
وبس

[الوحيدة]

هيه والله صدقت يا الملياردير ..

خخخخخخخخخخ !

[عفاريتووو]

السلام عليكم


أول مرة سقت فيها كانت مع بداية هالسنة
1- 1- 2007 ,, في البر

و كنت واييييد واييييد مستانسة :a049:

[مجموعة إنسان]

اول مره سقت فيها كنت 3 اعدادي ..
سقت ستيشن لكزس (حركته بصراحه ووقفته عند الباب)
عقب سقت ستيشن وعفدت في الرصيف لين ما شبعت
وعقب كنت اسوق كامري لين مادعمت فيه وانا اسوي ويلاااااااااااات
ومره غرزت فيييييه في مكاااان الله يبعدكم عنه بعييييييييييييييييييييييي يد ..

وعقب الكورولا (الضحية ) دخلتها في دوار ودعمت فيها في شارع الأمارات باس كان عندي ليسن حزتها و شحفتها من كل مكان ..

واخيرا
حبيبتي هنادي ( هوندا اكورد)

[الاسطوري]

و الموقف المضحك الي صارلي كان عمري 16 و كنت تعبان فخذت السياره و سرت العياده و انا طالع ما انتبهت انه شي سياره و من الخربطه دعمت درام زباله :fa46:



ايوا يعني طلعت انته راعي سالفة درام الزباله وانت
بكرامه ، زين عيل ماعرفت سوالفنا
ولا جان انفضحنا
:k_harhar1:

[مزن هتان]

أول مره سقت فيها السياره كان عمري 18+ 4 شهور
كانت سيارة التدريب

اذكر و انا اتدرب وصلت لمطبه لزمت بريك والا أشوف
المدربه لاصقه الجامه :crosseyed: ويهي تكسر
و أول يوم من استلمت الـ ليسن ركبت الرصيف كانت عندي كامري
تميت واقفه ما عرف شـ سوي :surrender: عقب اختي قالت لي اتحركي
وبعدها بأسبوعين كنت طالعه من بيت يدتي مادري ما كنت منتبهه للشارع
طااااخ :boxed: ما اسمع صوت للي معاي :shutup: شـ السالفه مزن لاصقه ابـ التيما صفطت
يمين ظهرت حرمه شي اكيد انه مزن الغلطانه و انا ميته من الخرعه :crazy:
كان حزتها عندي النيسان بس زين ماصر شي لا لسيارتي ولا سيارتها
ولين اليوم الحمدلله ولا حادث