تخصص ميديا

[الملهم]

السلام عليكم ورحمة الله وبركاته

اشحالكم ؟؟ ..

بغيت اقولكم اذا حد في الكلية تخصص ميديا ..
بغيت اعرف شو المجالات اللي في الميديا ؟؟

افكر ادش صحافة .. فـ هل في الكلية ها المجال ؟؟

ولكم كل الشكر على المساعدة .. ^__^

[طفلة من هذا الزمان]

مرحبــابك اخويه ،،

إذا قصدت تقنيــة الطلاب "دبي أكيد .. بوظبي أعتقد .. الشارجة ماعندي هالمعلومة لكن ممكن اسأل لك الفجيرة ماعتقد .. رأس الخيمة أكيد موب موجود " ..

خلني أقولك عن دبي .. عندهم بس مب صحافــة .. ياخذون كورسات مثل
visual communication
mass media
advertising and promotions

لمعلومات أكثر شو رايك تراسل الأخ سامر المرزوقي عن طريق موقعه http://www.aflami.com/
خريج من كلية دبي و دارس التخصص اللي تسأل عنه ..

أما اذا بغيت تدرس صحافة فالتخصص موجود في جامعة الإمارات - كلية الإعلام و جامعة الشارجة أظن ..

أتمنى أكون فدتك بشي ،،

[الملهم]

شكرا على المعلومات ..
وها الشخص اكيد اعرفه دوم اشوفه في الكلية ..

جزاكِ الله كل خير .. ^__^

[الاسطوري]

السلام عليكم ..


"الملهم والصحافة"


أخوي أنا مابى أحبطك بس شوف بقولك عن رايي أنا ضد هالتخصص اللي ماله مستقبل في نظري وفي
الجامعة كان إقبال الشباب عليه في دفعتنا وكم دفعة قبلنا 0 % ومافيه إلا
شوية من البنات أظن ينعدون على الأصابع وقبل
ماتدخل أدرس الموضوع
عدل وشوف هل قدراتك تأهلك وهل أنت حاب هالتخصص ووين فرص العمل وشو مهنة الصحفي
بالضبط وشو هي الإمتيازات ويعني من هالأمور وعقب قرر ، وفي النهاية
عشان أشجعك أتمنى أشوفك في يوم صحفي
كبير ومشهور عالميا
:14:


الاســـطـــوري
أخوكم

[الملهم]

مرحبااااااا ..

الصراحة اول ما قتلي ان الصحافة مالها مستقبل شليت فكرة الصحافة من راسي ..
بس عقب شفت وايدين من اهلي يقولون وين الصحافة ماشي مستقبل ؟!!!
عندي حد من الاهل في الصحافة وقال له مستقبل كبير وامتيازات .. وحماس في الشغل
اتعرف اخبار الناس .. اتحلل .. اتسوي تقارير عن حوادث او ظاهرة اجتماعيه .. واتسوي مقابلات واتناقش .. وعقب اتروم تترقى لين ما تستوي مدير تحرير .. ^__^

فعشان جي اول ما قالولي ها الكلام رجعت الفكرة في راسي والحين يالس اسال .. ^__^

الف شكر على التشجيع الجميل ..
وانته عقبال ما انشوفك مصور اد الدنيا .. ^__^